Xoo̱joo̱n xi katsꞌénꞌindó Sandiyaá

1

Bi tsꞌén katsꞌéntinde Sandiyaá xtao̱ nao̱ngoo̱xii̱ii̱

An Sandiyaá, mosooo̱ Néná xí Nao̱ꞌmiii̱ koo̱jo Ndii̱an o̱ á Jesukristooo̱, tsꞌentindejnúꞌun jún xi tiejó xtao̱ tjii̱eeo̱ o̱ Israeo̱l xi kastsojoboajnú ngayeje són ngao̱sondieeo̱. Bi tsꞌén ínii̱jmi Sandiyaá kjoo̱aa o̱ o̱ mí ni xi bosikójoná tsii̱ꞌeo̱ nga ꞌniú sꞌii̱jinná Néná 2 Jún ṉtsꞌie, tsja ngatamajnú kjiꞌa nga kjín too̱koo̱ya ni kuo̱ii̱tjájinjnú nga chjátꞌayákónjnú, 3 ngao̱tꞌao̱ je yajnú nga kjiꞌa nga bitjajinjnú kjoo̱aco̱ hjatꞌayákoón, kó nda fotjójnú, kjoo̱aao̱ o̱ nga ꞌniú sꞌijinjnú Néná, kó kui niii̱ xi tsꞌen nga chíkjoo̱ajo̱ nú tajmí niní. 4 Kó boo̱ao̱ tsꞌén kjiꞌa nga ndyii̱niꞌánchíkjoo̱ajo̱ nú, ndyii̱boeꞌéndiéjnúuo̱ kui kjoo̱aco̱ hiyákjoo̱aao̱ o̱ nga sao̱ꞌín ndoo̱jo xaá nguo̱ii̱jin inii̱mao̱jnú, tsii̱ꞌeo̱ nga kao̱majnú jún xi chjiénga kao̱majnú, kó nga kao̱maxchá nda ndajnú nguo̱ii̱yaao̱ kjoo̱aso̱ ꞌijiii̱n Néná, kó nga ngojín ni xchao̱jajnú. 5 Kó tsi tjín jún xi chajaao̱ kjoo̱ak o̱ jínkón, ngatíꞌaá Néná, kó Néná tsjao̱á, ngao̱tꞌao̱ Néná tsjaá ngayeje xtaao̱ tsie ni xi machjieén kó jmíjín xi tsꞌenchꞌó nga tsjaá. 6 Tanga chjiénga ꞌniú sꞌii̱jiii̱n nga kuo̱ii̱ꞌaao̱, kó nga jó nga jánjín kuo̱ii̱ꞌíjñaá inii̱mao̱a,o̱ ngao̱tꞌao̱ kui xtao̱ xi boo̱ao̱ tsꞌeén, xikónií ngaꞌniuú ndáchíkoón xi jao̱ kꞌii̱e o̱ jao̱ ngaján nguo̱ii̱ndie fíjoo̱ tjoo̱oo̱. 7 Kui xtao̱ xi boo̱ao̱ tsꞌeén, ngatao̱ tsꞌénkjójín tsi Ndii̱an o̱ á ngo ni tsjao̱á. 8 Ngao̱tꞌao̱ kui ndao̱ xi bejín ni xi mejeén, jmí nii̱xtjin nda tsꞌén kjótsoꞌbá ndii̱ya xí tsoꞌbá.

©2015 Sociedad Bíblica de México y Wycliffe Bible Translators, Inc

XOo̱ JOo̱ Oo̱N SANDIYAÁ 1

2

Bi tsꞌén ínii̱jmi Sandiyaá kjoo̱aa o̱ o̱ xtao̱ xi nii̱mao̱ koo̱jo xi choo̱n 9 Kui ṉtsꞌié xi nii̱mao̱ tsꞌén tikoón, tsja ngatamaao̱ ngao̱tꞌao̱ nkꞌa tikón nguindyii̱koo̱n Néná, 10 kó kui xi choo̱oo̱n tsja ngatamaao̱ ngao̱tꞌao̱ nii̱mao̱ tsꞌén tikón nguindyii̱koo̱n Néná, ngao̱tꞌao̱ xtao̱ xi choo̱oo̱n xikónií tsi ngo naxó, tsiejín ꞌbondíyaá. 11 Ngao̱tꞌao̱ nga fotjo tsꞌueé ꞌniú sibé ma ndoboaá kó xí xkao̱a,o̱ kó ꞌbóka naxoó, kó chaja kjoo̱ato̱ sjakjiꞌiii̱. Boo̱ao̱ ti tsꞌén xchao̱ja xtao̱ xi choo̱oo̱n nguo̱ii̱jiii̱n ngayeje xá xi tsꞌén. Bi tsꞌén ínii̱jmi Sandiyaá kjoo̱aa o̱ o̱ kjoo̱aco̱ hjatꞌayákón xi bitjajin 12 Achichí ra tsjaao̱ ngo ndao̱ xi xchikjoaá kjoo̱aco̱ hjatꞌayákón xi tsꞌénfoaꞌajin, ngao̱tꞌao̱ nguije nda jatjo nga kachjatꞌayákón, sao̱koo̱ó kjoo̱am o̱ indyion ngatsjé nii̱xtjiii̱n, kui boá xi chjí xi katsáyatjón Néná nga tsjao̱á xtao̱ xi tsꞌéntjó Néná. 13 Kjiꞌa nga tjín xi chjátꞌayákón nga ni xi ndajín sao̱ꞌín, ngatao̱ tsꞌénkjójín nga Néná boá xi tsꞌénkjitꞌayákón. Ngao̱tꞌao̱ Néná jmíjín xi kjitꞌayákón tsii̱ꞌeo̱ nga ni xi ndajín sao̱ꞌín, ti nde jmíjín xi kao̱maao̱ skítꞌayákón Néná tsii̱ꞌeo̱ nga ni xi ndajín sao̱ꞌín kui. 14 Tasá ni xi ndajín xi chjii̱aao̱ o̱ inii̱mao̱ao̱ xtaao̱ xi kjitꞌayákón, kó kuí niii̱ xi tsꞌeén kjoo̱aꞌo̱ niú ngaskande nga tsꞌenkjátjosón kui ni xi ndajiín. 15 Kósꞌeo̱ nguije kiniꞌánkjatjosón kui ni xi ndajín xi mejeén inii̱mao̱ná, kii̱ao̱ boá nga tokjá jeé, kó nguije kiniꞌánkjatjosón nga kiniꞌánjeé, kii̱ao̱ boá nga tokjá kjoo̱ab o̱ oo̱yaao̱. 16 Jún ṉtsꞌie xi tjóna, ngatao̱ chꞌíṉchao̱jojínjnú yojojnú. 17 Ngayeje ni xi ꞌniú nda xi boeꞌéná, kuí niii̱ xi ꞌniú nda, kó ndiꞌakꞌajmi ján ndibánií nínga tikón Néná xí Nao̱ꞌmiii̱ kui xi katsꞌénda ngayeje ndiꞌí xi tjiín, kui xi bosíkjoyajín yojooo̱, ti nde tsꞌéntíyájín xikoó ngo tjii̱nkꞌii̱én. 18 Én xi jao̱koxii̱ii̱ boá xi katsꞌénkjién nga katsꞌéntsenná, ngao̱tꞌao̱ boo̱ao̱ tsꞌen kamámejeén kui, tsii̱ꞌeo̱ nga ñá xi kao̱ma chao̱n xi tjón foaꞌáꞌyá nguo̱ii̱jiii̱n ngayeje ni xi katsꞌénda.

©2015 Sociedad Bíblica de México y Wycliffe Bible Translators, Inc

3

XOo̱ JOo̱ Oo̱N SANDIYAÁ 1

Bi tsꞌén ínii̱jmi Sandiyaá nga chjiénga sii̱ꞌankjatjosón xikó tsó eén Néná 19 Ngatamajnú kui niii̱ jún ṉtsꞌie xi tjóna: Tii̱ndyiondajnú nga tsá koo̱siennijonjnú ngo ni, tanga ngatao̱ tsájín ndokjoo̱ajo̱ nú koo̱jo nga ta tsájín niꞌánxchánjnú. 20 Ngao̱tꞌao̱ kjoo̱ato̱ amaá bosikójojínná nga kixii̱ kuo̱ii̱ndyión nguindyii̱koo̱n Néná. 21 Kó kuíni nga chjao̱ꞌáxínjnúuo̱ yojojnú ngayeje ni xi ndándí koo̱jo ngayeje ni xi ndajín xi achichí tjín kuí ngao̱sondieeo̱, kó nii̱mao̱kjoo̱ao̱ ngatamajnú nga sii̱ꞌanjoo̱ꞌojnú kui én xí Néná je ítjii̱ejo̱ in nguo̱ii̱jin inii̱mao̱jnú, ngao̱tꞌao̱ kui eén tjínrií ngaꞌniú tsii̱ꞌeo̱ nga kꞌoo̱xiéꞌájnú. 22 Tanga nga jmí tsi ta koo̱ndaꞌyá tsi jnú eén Néná, chjiénga sii̱ꞌankjatjosónjnú nga sii̱ꞌánjnú xikó tsó, ngao̱tꞌao̱ tsi boo̱ajo̱ ín sii̱ꞌánjnú, ta ndyii̱chꞌíṉchao̱jó tsi jnú yojojnú. 23 Ngao̱tꞌao̱ tsi tjín xi ta ntꞌié tsi eén Néná kó tsꞌenkjátjosónjín nga tsꞌén ni xi tsó, xikónií ngo ndao̱ xi kotsijeeo̱n kjeo̱n ngo chii̱tsen xí tsitsienjenjin, 24 kó nguije kotsijeeo̱n yojooo̱, nga tsꞌénkꞌafóya nguiní, je kichíyáa kókjiꞌi kjeo̱n. 25 Tanga kui ndao̱ xi bosienníjón ndá ndaá kui kjoo̱ak o̱ iti xi kixii̱ kui xi tsjáná kjoo̱an o̱ deé, kó ꞌniú ꞌbíjñá, kó tsꞌenkjátjosón nga tsꞌén xikó tsó, kó chíyájíii̱n ni xi tsintꞌié, kuí ndao̱ xiꞌbii̱ xi achichí ra tsjaao̱ kjoo̱aao̱ o̱ ni xi tjítsꞌén. 26 Tsi tjín xi sꞌijiii̱n nga ꞌniú bendikón Néná, tanga tsi majiín ꞌbíꞌniuú najeo̱n nga chjii̱a,o̱ ti kuíni xi tsꞌén ꞌboṉchao̱jo inii̱mao̱a,o̱ kó kjoo̱aao̱ o̱ nga ꞌniú bendikón Néná tjítsoó yojooo̱ nde jmí ni chjíjiín kui niii̱. 27 Kjoo̱ay o̱ andikoón Néná xi tsjie koo̱jo xi jmíjiín ni xi ndándí nguindyii̱koo̱n Néná xí Nao̱ꞌmiii̱ kui boá xiꞌbii̱: Nga koo̱sikoo̱jó kjiꞌa nga kjoo̱aꞌo̱ atio kjoo̱an o̱ ii̱mao̱ xtao̱ xi xꞌii̱an o̱ koo̱jo ínchjín kꞌán xi je kꞌien xii̱ꞌiii̱n, koo̱jo nga kii̱ajo̱ ín nijan sii̱ꞌandándí yojoná kjoo̱aao̱ o̱ ni xi ndajín xi tjiín kui ngao̱sondieeo̱. Bi tsꞌén ínii̱jmi Sandiyaá nga kao̱majín skján sii̱ꞌanjoo̱ xtaao̱

2

Jún ṉtsꞌie, jún xi sꞌijinjnú Ndii̱an o̱ á Jesukristoo̱ xi tjiín kjoo̱ajo̱ eeo̱, ngatao̱ skjánjín niꞌánjoo̱jnú xtaao̱. 2 Ngao̱tꞌao̱ tsi nínga matikójnú kꞌoo̱sꞌien ngo ndao̱ xi tjiyaá ngo ©2015 Sociedad Bíblica de México y Wycliffe Bible Translators, Inc

XOo̱ JOo̱ Oo̱N SANDIYAÁ 2

4

stingaro too̱nsinié kó ngo ṉjño xi achichí tsjakjiꞌi yajá, kó tsi ti kꞌoo̱sꞌien ngo ndao̱ xi nii̱mao̱ xi yajá ngo ṉjño xchá, 3 kó tsi tsja kao̱majnú nga xchao̱jnú kui ndao̱ xi yajá ṉjño tsjakjiꞌiii̱ kó tsi bi kꞌuinjnúuo̱: “Kꞌii̱e o̱ tindyin ji kꞌii̱eeo̱ ,o̱ ngo nguo̱in i̱ die xi nda”, kó tsi bi kꞌuinjnúuo̱ ndao̱ xi nii̱mao̱a:o̱ “Ji ján ján tindyin kixii̱ ji”, koo̱jo tsi, “tindyin tꞌanangui ji,” 4 tsi boo̱ao̱ ndyii̱niꞌánjnú, ¿a mí tsi ti juún xi skján ndyii̱niꞌánjojnú xtaao̱? Kó ¿a mí tsi chꞌo tsꞌén ndyii̱niꞌánkjójnú nga ndyii̱tsitsijenjnúuo̱ ꞌyá xi chjí ngaseniii̱? 5

Jún ṉtsꞌie xi tjóna, ndaꞌyájnú kui niii̱: ¿A mí tsi Néná je jaꞌájin xtao̱ nii̱mao̱ao̱ kui ngao̱sondieeo̱, tsii̱ꞌeo̱ nga kao̱machoo̱nni kjoo̱aso̱ ꞌijiii̱n Néná, kó nga Néná je katsáyatjón nga kui koo̱tíxomaao̱ xtao̱ xi tsꞌéntjó Néná? 6 Kó jún ¿mí kjoo̱aao̱ o̱ nga ndyii̱niꞌánchꞌojnú koo̱jo nga ndajín ndyii̱niꞌánjojnú xtao̱ xi nii̱mao̱a?o̱ ¿A kuijín xtao̱ choo̱oo̱n xi ndajín ndyii̱tsꞌenjojnú koo̱jo xi ndyii̱kjiféjnú nga ndyii̱fíjoo̱jnú nguindyii̱koo̱n jáxaá nga ndyii̱botíjétaꞌínjnú? 7 ¿A kuijín xtao̱ choo̱oo̱n xi chꞌo ndyii̱tsoó Jesukristoo̱ xi tjiín kjoo̱ajo̱ eeo̱ kui xi kiniꞌánkaxoma jaꞌeén nga kandokjoo̱ato̱ jéjnú? 8 Tsi jao̱koxii̱ nga ndyii̱niꞌánkjatjosónjnú kjoo̱ak o̱ iti xi katsjájnú ndao̱ Rená, xikó tsꞌén kjitꞌa xoo̱joo̱n eén Néná: “Tiꞌintjé ji xtaao̱ xikó ma tsꞌen tjoó yojóo”, nda ndyii̱niꞌánjnú. 9 Tanga tsi skján ndyii̱niꞌánjojnú xtaao̱, ndyii̱niꞌánjéjnú, ngao̱tꞌao̱ ti kuíni kjoo̱ak o̱ itiii̱ xi bokó nga tjínjnú jé. 10 Ngao̱tꞌao̱ taꞌya xtao̱ní xi tsꞌenkjátjosón ngayeje kjoo̱ak o̱ itiii̱, tanga tsi tjítsꞌénkjatjosónjín ngo ndíé chií kui kjoo̱ak o̱ itiii̱, sao̱kójérií kjoo̱aao̱ o̱ ngayeje ni xi tjítꞌa kui kjoo̱ak o̱ itiii̱. 11 Ngao̱tꞌao̱ kui Néná xi bi katsoó: “Kao̱majín sii̱ꞌintꞌéeo̱ kjoo̱ao̱ chjóoo̱n koo̱jo tsi xii̱ꞌíii̱n”, ti bi ti katsó nga: “Kao̱majín sii̱ꞌinkꞌin ji xtao̱.” Kó kuíni nga tsi sii̱ꞌintꞌejíii̱n kjoo̱ao̱ xii̱ꞌiii̱n koo̱jo tsi chjoo̱ón, tanga tsi tjín xi sii̱ꞌinkꞌin ji, je ikiyiní ji kui kjoo̱ak o̱ itiii̱. 12 Ndokjoo̱ajo̱ nú koo̱jo tiꞌánjnú xikoó xtao̱ xi ꞌmíya tsi nda koo̱jo tsi ndajín katsꞌén nga ©2015 Sociedad Bíblica de México y Wycliffe Bible Translators, Inc

5

XOo̱ JOo̱ Oo̱N SANDIYAÁ 2

sii̱ꞌankjién ngo kjoo̱ak o̱ iti xi tsꞌéndé xtaao̱. 13 Ngao̱tꞌao̱ nii̱xtjin nga Néná koo̱tsoo̱ya tsi nda koo̱jo tsi ndajín katsꞌén xtaao̱ nii̱mao̱jín kao̱maao̱ xtao̱ xi nii̱mao̱jín kamaá kjeo̱ꞌe xtao̱. Tanga kui xtao̱ xi nii̱mao̱kamaá kjeo̱ꞌe xtao̱, sao̱kójiín kjoo̱ab o̱ otíjeé Néná kui nii̱xtjiii̱n. Bi tsꞌén ínii̱jmi Sandiyaá kjoo̱aa o̱ o̱ kjoo̱aso̱ ꞌijin xi jao̱koxii̱ii̱ Jún ṉtsꞌie, ¿mí chjínií tsi tjín xi tjiín kjoo̱aso̱ ꞌijin kao̱tsoo̱, kó tsi ni xi tjítsꞌén tsꞌénbokójín nga tjiín kjoo̱aso̱ ꞌijin? ¿A kao̱marií kui kjoo̱aso̱ ꞌijiii̱n kꞌoo̱xiéꞌá? 15 Sii̱ꞌankjíii̱n takón tsi ngo ṉtsꞌié koo̱jo tsi ngo ndichjá xi jmíjiín ṉjño xi chajá koo̱jo ni chinie, 16 kó tsi ngo jún xi bi kao̱tsoo̱oo̱: “Tanguín xió xiójnú, chao̱jájnú ṉjñojnú kó chii̱nii̱ejo̱ nú ngayeje ni xi mejénjnú”, tanga tsi koo̱eꞌo̱ ejínjnúuo̱ ni xi chjieén yojooo̱ kui xtaao̱, ¿mí chjínií kui niii̱? 17 Boo̱ao̱ ti máa kjoo̱aso̱ ꞌijinná, tsi jmíjiín ni nda xi niꞌaán, ni xi je kꞌien boá. 18 Tanga kao̱ma raao̱ tsi ngo xtao̱ xi bi kao̱tsoo̱: “Ji tjiín kjoo̱aso̱ ꞌijin, kó an tsꞌen an ni xi nda”. Takiní kjoo̱aso̱ ꞌijíii̱n nga jmíjiín ni xi niꞌán, kó an kokóo kjoo̱aso̱ ꞌijinna tangatꞌaao̱ ni xi tjítsꞌen an. 19 ¿A sꞌijiii̱n ji nga ta ngo tsi ma Néná? Nda kjiꞌi ni xi niꞌín ji. Tanga ngaskande koo̱jo ndítsjieeo̱ xindajín sꞌijiii̱n nga, kó fotsié ma nga tsakjón ma. 20 Tanga ngatao̱ chinijín ma ji, kó tiꞌinjoo̱ꞌo ji nga tsi kjoo̱aso̱ ꞌijíii̱n jmíjiín ni xi niꞌaán, ni xi je kꞌien boá. 21 Xtao̱ tjii̱e o̱ xcháná Abraao̱m, kixii̱ kamá nguindyii̱koo̱n Néná kjoo̱aao̱ o̱ ni xi katsꞌén kjiꞌa nga sao̱ꞌínkꞌasꞌieeo̱n ngo kjoo̱ato̱ jó Néná nga katsjá ndií xi ꞌmí Isaao̱ kii̱ao̱ ṉchao̱n ndikoón. 22 A ye ꞌneo̱ nga Abraao̱m, ndseo̱jeo̱n nijan akó kjoo̱aso̱ ꞌijin koo̱jo ni xi niꞌaán, kó tangatꞌaniii̱ ni xi katsꞌén nga kjoo̱aso̱ ꞌijiii̱n kamá ni xi chjiénga kao̱ma kui, kuí niii̱ xi kjoo̱aso̱ ꞌijin jao̱koxii̱ii̱. 23 Kó boo̱ao̱ tsꞌén jatjosón ni xi kjitꞌa xoo̱joo̱n eén Néná nínga bi tsoó: “Abraao̱m kisꞌijiii̱n Néná kó kui niii̱ xi katsꞌénchjínií Néná nga ndao̱ xi kixii̱ kamá.” Kó Abraao̱m amingooo̱ Néná kiꞌmií. 24 A yajnú ꞌneo̱ nga Néná tsꞌénkixii̱ xtaao̱ kjoo̱aao̱ o̱ ni xi tsꞌén, kó jmí tsi ta kjoo̱aao̱ o̱ kjoo̱aso̱ ꞌijiii̱n tsi. 25 Ti boo̱ao̱ ti tsꞌén nao̱ masien Raao̱b, kixii̱ kamá nguindyii̱koo̱n Néná kjoo̱aao̱ o̱ ni xi katsꞌén, ngao̱tꞌao̱ katsjaá nguo̱ii̱ndie ndiꞌaao̱ nínga índoꞌmá já xi kijíkatsijenꞌmaá nanguiii̱, 14

©2015 Sociedad Bíblica de México y Wycliffe Bible Translators, Inc

XOo̱ JOo̱ Oo̱N SANDIYAÁ 2

6

kó kui naao̱ asíkoo̱jo tsii̱ꞌeo̱ nga xín ndii̱ya kijí. 26 Ngao̱tꞌao̱ xikó tsꞌén yojoo tsi jmíjiín ao̱sién nii̱xtjin, yojo kꞌien boá, ti boo̱ao̱ ti tsꞌén kjoo̱aso̱ ꞌijiii̱n, ni xi je kꞌien boá tsi jmíjiín ni xi niꞌaán.

3

Bi tsꞌén ínii̱jmi Sandiyaá ni xi tsꞌen najeeo̱n

Jún ṉtsꞌie, ngatao̱ kjínjín mostroo̱ ngasꞌie nguo̱iji̱ injnú, ngao̱tꞌao̱ je yajnú nga jii̱n xi mostroo̱jneo̱, ꞌniú ngase nda skotsíjenjneo̱ Néná tsi nda koo̱jo tsi ndajín kiniꞌánjneo̱ ta boo̱ajo̱ iín xtao̱ xi ngaseeo̱. 2 Ngayeje ñá niꞌán ni xi boo̱ajo̱ ín kjiꞌi, tanga tsi ngo ndao̱ xi chiíjín kuo̱ici̱ hjii̱ao̱ ngo én xi ndajín kjiꞌi, kui boá xiꞌbao̱ xi je kamá xi chjiénga kao̱ma, kó kao̱maao̱ nga nda kuo̱iꞌi̱ íꞌniuú nga kjoo̱jo ngayeje yojooo̱. 3 Kjiꞌa nga ꞌbíjñáa ngo kii̱chao̱ tsꞌoa ndii̱jeo̱e,o̱ tsii̱ꞌeo̱ nga kuo̱in i̱ tꞌiéꞌénná boá, koo̱jo nga kao̱maná nda sii̱ꞌankjí nda tsi je kui chooo̱. 4 Ti tsitsíjenjnúuo̱ tjotso yiꞌiii̱ nga. Nda tsi ꞌniú yiꞌi, kó nda tsi tjoo̱ xi ꞌniuú tsanguiṉña, tanga ndao̱ xi tsꞌénxájooo̱ máa tsꞌénkjí nga tsꞌénkjién ngo chií ndí ni chichí xi tsꞌénxájoo̱ni. 5 Ti boo̱ao̱ ti tsꞌen najeeo̱n kui boá xi ngo ndí ni xi chichií yojoná, tanga kao̱marií sao̱ꞌín ni xi yiꞌi. Tsitsíjen chii̱boo̱ay o̱ ajnúuo̱ nga ngo ndí ndiꞌí xi chichí, kao̱marií kuo̱iꞌi̱ ítí ngo kꞌijñá xi tanisién tsie. 6

Kó najeeo̱n xikónií ngo ndiꞌí, tanisién ndajín, ngao̱tꞌao̱ kui boá xi tsꞌenkjátsón ngayeje yojoo. Ndoo̱boo̱ao̱ ṉkꞌii̱eeo̱ n o̱ ꞌbítí kui najeeo̱n, kó kui najeeo̱n ꞌbítí ngayeje kjoo̱am o̱ indyionná. 7 Xtaao̱ kao̱marií sao̱ꞌínńtꞌíé ngayeje too̱koo̱ya choo̱ tamá, nii̱sie, yeo̱, koo̱jo chooo̱ ndáchíkoón, kó je kamaá katsꞌénńtꞌíé, 8 tanga kjii̱e o̱ ngo xtao̱ xi je kamaá katsꞌénńtꞌíé najeo̱n, ngao̱tꞌao̱ najeeo̱n xikónií ngo ni xi ndajín xi jmíjín xi kao̱maao̱ sao̱ꞌínńtꞌíé koo̱jo xi tjikítsie maá xaán yeo̱ xi tsꞌenkꞌiénná. 9 Ti kuiii̱ najen xi niꞌánkjién nga ndokjoo̱ao̱ nga niꞌántsjáao̱ Néná xi Nao̱ꞌminá, ti kuíni xi niꞌánkjién nga chꞌo ꞌmíii̱ xtao̱ xi Néná katsꞌénda xikó kjiꞌi ao̱sieo̱én kui. 10 Ta ngo tsi ndsoo̱ꞌboaao̱ xi fotjooo̱ én xi niꞌántsjaniii̱ Néná kó ti kuíni xi fotjooo̱ ©2015 Sociedad Bíblica de México y Wycliffe Bible Translators, Inc

7

XOo̱ JOo̱ Oo̱N SANDIYAÁ 3

én xi chꞌotsoó xtaao̱. Jún ṉtsꞌie, chjiénjín nga boo̱ao̱ sii̱ꞌan ñá. 11 ¿A kao̱marií ngo ndańchꞌi nga ti kuiii̱ xtjoó ndójoa nda koo̱jo ndójoa xi sa? 12 Já ṉtsꞌie, ¿a kao̱marií yá igoo̱ koo̱ajo̱ ao̱ao̱ to aseitunao̱, kó a kao̱marií ńꞌniuú tostsii̱jeo̱é koo̱ajo̱ ao̱ao̱ to igoo̱? Ti boo̱ao̱ ti tsꞌen nga nde ngojín ndańchꞌi xi ti kuiii̱ kjoo̱jooo̱ ndójoa nda koo̱jo ndójoa xi ndia. Bi tsꞌén ínii̱jmi Sandiyaá kjoo̱aa o̱ o̱ kjoo̱ak o̱ jínkón xi tsjá Néná 13 ¿ꞌYání xi kjínkón koo̱jo xi ꞌniú makjiín nguo̱ii̱jin jún? Nga takó kui niii̱ nga nda ni xi sao̱ꞌín, kó nii̱mao̱kjoo̱ao̱ ngatama nga sao̱ꞌín ni xi tsjaá kui kjoo̱ak o̱ jínkón xi ndaao̱. 14 Tanga tsi kjoo̱aꞌo̱ ontakón tikónjiii̱n inii̱mao̱jnú, kó tsi tsja majnú nga ndyii̱bixkánjnú nga mejénjnú nga nkꞌa konguínjnúuo̱ xinguo̱ii̱jnú, ngatao̱ jejín ꞌnao̱xiéjnú yojojnú, ti nde ngatao̱ miyoniéjínjnú ni xi jao̱koxii̱ii̱. 15 Ngao̱tꞌao̱ kui xtao̱ xi boo̱ao̱ ndyii̱tsꞌeo̱én jmí tsi Néná xi tsꞌéntsjaá kui kjoo̱ak o̱ jínkoón, kjoo̱ak o̱ jínkoón ngao̱sondieeo̱ boá koo̱jo xi tsii̱ꞌeo̱ xtaao̱, koo̱jo xi tsii̱ꞌeo̱ xindajiín. 16 Ngao̱tꞌao̱ nínga tjín kjoo̱aꞌo̱ ontakón koo̱jo kjoo̱ab o̱ ixkaán, kii̱ao̱ boá nínga jmí tsi xió kjiꞌi koo̱jo nínga tjín ngayeje too̱koo̱ya ni xi ndajiín. 17 Tanga kui xtao̱ xi Néná tsjaá kjoo̱ak o̱ jínkoón, kui boá xi tsjietsꞌén síndo nguindyii̱koo̱n Néná, kó tjiín kjoo̱axo̱ ió, kó ndaxtao̱ ma, kó ntꞌiéꞌén, kó tsie kjoo̱an o̱ ii̱mao̱takón tjiín, kó nda ni xi tsꞌén, kó ta són tsꞌénjoo̱ ngayeje xtaao̱, kó jmíjiín kjoo̱ajo̱ ókjeo̱n. 18 Xtao̱ xi mongase kjoo̱ax o̱ ioó xtao̱ xi ngaseeo̱, Néná tsjao̱á nga xió koo̱jo nga kixii̱ kꞌuíndo. Bi tsꞌén ínii̱jmi Sandiyaá kjoo̱aa o̱ o̱ ni xi ndajín xi niꞌán

4

¿Ñá ndibánií kjoo̱axo̱ chao̱án koo̱jo kjoo̱ab o̱ ixkán xi sꞌie nguo̱iji̱ injnú? ¿A kii̱ajo̱ ín ndibánií ni xi ndajín xi mejeén inii̱mao̱jnú, kuí niii̱ xi kjánjoo̱jnú? 2 Jún mejénjnú ngo ni, kó sakójínjnú, niꞌánkꞌiénjnú xinguo̱iji̱ nú, kó ma ontakonjnú, kó nga sakójínjnú, bixkánjnú kó niꞌánjnú kjoo̱axo̱ chán. Tanga sao̱kójínjnú ni xi mejénjnú ngao̱tꞌao̱ jmí ©2015 Sociedad Bíblica de México y Wycliffe Bible Translators, Inc

XOo̱ JOo̱ Oo̱N SANDIYAÁ 4

8

tsi Néná xi ndyii̱chjiáꞌájnúuo̱. 3 Kó nga chjiáꞌájnú, sakójínjnú ngao̱tꞌao̱ ndajín kichjiáꞌájnú, ngao̱tꞌao̱ chjiáꞌájnú ngo ni, ta tsii̱ꞌeo̱ nga sii̱ꞌankjatjosón tsi jún ni xi chjíjiín xi tsja majnú. 4 ¡Jún xtao̱ xi jmí tsi kixii̱ timatjii̱nguijnú Néná! ¿A yajínjnú jún nga xtao̱ xi ndyii̱tsꞌentjó niii̱ kui ngao̱sondieeo̱, kondraao̱ Néná síndoni? Taꞌya xtao̱ní xi mejeén nga amingooo̱ kui ngao̱sondieeo̱ kao̱ma, kondraao̱ Néná tjítsꞌén yojooo̱. 5 Je yajnú nga jmí tsi ta kjoo̱an o̱ daní nga bi tsó xoo̱joo̱oo̱n: “Néná íjñajinná Ao̱ sién Nii̱xtjiii̱n, kó kui Ao̱ sién Nii̱xtjiii̱n tsꞌatio tsꞌéntjóná.” 6 Néná tsie ngase kjoo̱an o̱ da xi tsjáná, kuíni nga bi tsó xoo̱joo̱n eén Néná: “Néná kondrao̱ máao̱ xtao̱ xi je ꞌboxié yojooo̱, tanga tsjaá kjoo̱an o̱ da xtao̱ xi nii̱mao̱kjoo̱a.o̱ ” 7 Kuíni nga nii̱mao̱kjoo̱ao̱ tiꞌánjnú yojojnú nguindyii̱koo̱n Néná. Kondrao̱ tanguínjnúuo̱ xindajín, kó kui koo̱ngaboaꞌajnú. 8 Tiꞌantiñajnúuo̱ yojojnú Néná, kó kui sao̱ꞌíntiñajnú yojooo̱. Jún xtao̱ xi ndyii̱niꞌánjéjnú, tsjie tii̱ndyiónjnú. Kó jún xi jó ni tjíjiii̱n inii̱mao̱jnú, tiꞌantsjiejnú inii̱mao̱jnú. 9 Ngatama ndasenjnú, kó chaꞌájnú, kó on ngatamajnú. Kjoo̱am o̱ ojnójnú kjoo̱aco̱ haꞌá ngatama, kó kjoo̱ato̱ sjajnú kjoo̱an o̱ dasen ngatama. 10 Nii̱mao̱kjoo̱ao̱ tii̱ꞌánjnú yojojnú nguindyii̱koo̱n Ndii̱an o̱ á, kó kui boá xi skinínkꞌájnú. Bi tsꞌén ínii̱jmi Sandiyaá kjoo̱aa o̱ o̱ nga koo̱ndókjoo̱ato̱ aꞌinján ṉtsꞌié 11 Jún ṉtsꞌie, ngatao̱ jao̱ kꞌii̱e o̱ jao̱ ngajánjín ndokjoo̱ato̱ aꞌinjnú xinguo̱ii̱jnú. Xi chjii̱ato̱ aꞌin koo̱jo xi tsáyá tsi nda koo̱jo tsi ndajín tjítsꞌén ṉtsꞌii̱e,o̱ ti chꞌo tsꞌén tsꞌénchjii̱ao̱ kjoo̱aao̱ o̱ kjoo̱ak o̱ itiii̱ koo̱jo ti tsꞌénchjii̱ato̱ aꞌin tsi nda koo̱jo tsi ndajín tsó kjoo̱ak o̱ itiii̱ nga. Kó tsi ji boo̱ao̱ tꞌíse ji nga nda koo̱jo tsi ndajín kui kjoo̱ak o̱ itiii̱, tindaꞌyéꞌínjíii̱n, tasá ta boo̱ao̱ tsi tꞌíse tsi nda koo̱jo tsi ndajín tsó kjoo̱ak o̱ itiii̱. 12 Ta ©2015 Sociedad Bíblica de México y Wycliffe Bible Translators, Inc

9

XOo̱ JOo̱ Oo̱N SANDIYAÁ 4

ngo tsi ma xi katsjá kjoo̱ak o̱ itiii̱ koo̱jo xi tsáyá tsi nda koo̱jo tsi ndajín ndyii̱tsꞌen xtaao̱, kó kui boá xi máao̱ ꞌboxiéꞌá koo̱jo tsi sao̱ꞌínchaja xtaao̱, kó ji, ¿ꞌyá jií boo̱ao̱ nga ji kon xi tiꞌmíye tsi nda koo̱jo tsi ndajín ndyii̱tsꞌen kjeo̱ꞌe xtao̱? Bi tsꞌén ínii̱jmi Sandiyaá kjoo̱aa o̱ o̱ nga nguo̱ii̱ya tsja Néná kuo̱ii̱ndyión 13 Ndaꞌyájnú jún kui niii̱, jún xi bi ꞌmíjnú: “Ngotꞌeo̱ koo̱jo tsi ndyiojón konguín kui nao̱xii̱ńdá ján, kó kii̱ao̱ ngo nó kamána nga sii̱ꞌanxá nga sii̱ꞌán too̱n.” 14 ¡Kó nde yajínjnú ni xi kao̱ma ndyiojón! Ngao̱tꞌao̱ ¿Mí niii̱ boo̱ao̱ kjoo̱am o̱ indyionjnú? Xikónií ṉdii̱xao̱ao̱ nga ngotjón chií fotokjá, kósꞌeo̱ tjii̱en o̱ má chaja nguiní. 15 Tasá bi tꞌínjnú: “Tsi Ndii̱an o̱ á xí mejeén, kuo̱ii̱ndyión, kó kui ni xiꞌbii̱ koo̱jo tsi kui ni ján xi sii̱ꞌán.” 16 Tanga ngotꞌeo̱ ꞌneo̱, je ꞌnaxiéjnú yojojnú, kó ngayeje kjoo̱an o̱ kꞌatakón xikoó xiꞌbao̱, ndajín. 17 Xtao̱ xi máao̱ tsꞌén ni xi ndaao̱, kó tsi tsꞌénjín, ndyii̱tsꞌen jé.

5

Bi tsꞌén ínii̱jmi Sandiyaá ni xi kao̱maao̱ xtao̱ choo̱n xi ndajín tsꞌénjoo̱ mosooo̱

¡Ndaꞌyájnú kui niii̱, jún xi xtao̱ choo̱njnú! Chaꞌájnú kó ꞌniú chaꞌayájnú kjoo̱aao̱ o̱ ngayeje kjoo̱an o̱ ii̱mao̱ xi sꞌeo̱ 2 kuo̱iti̱ jájinjnú. Kjoo̱aco̱ hoo̱njnú je jando, kó ṉjñojnú je iskjinie xobií. 3 Too̱nsiniéjnú koo̱jo too̱ntiboajnú je katjoxtꞌán kó kui xtꞌaán kuí xí chistikoo̱ kao̱ma kondrao̱ tsao̱jún kó sao̱ꞌínkjié yojojnú xikoó ngo ndiꞌí xi tsꞌenkjié. ¿Mí kjoo̱aao̱ o̱ nga too̱n ndyii̱chjaꞌátjojnú nga je yajnú nga je kjifetꞌa nii̱xtjiii̱n? 4 Tsitsíjenjnúuo̱ nga kui já mosoo̱ xi katsꞌénxájin nguo̱iji̱ in jnoo̱jnú xi katseꞌéjínjnú chjií nga kichꞌíṉchajojnú, kui chjií je ndyii̱bonguítaꞌinjnú. Ni xi ndyii̱kjandayá kui já mosooo̱, je tsintiꞌeé kui Ndii̱an o̱ á xi 5 tjiín ngaꞌniuú. Kꞌii̱e o̱ tꞌananguiii̱ je kixindyionjnú nga katseꞌéjnúuo̱ yojojnú kjoo̱ato̱ sja xi nda koo̱jo je kiniꞌánkjatjosónjnúuo̱ ni xi kamámejeén inii̱mao̱jnú. Je ©2015 Sociedad Bíblica de México y Wycliffe Bible Translators, Inc

XOo̱ JOo̱ Oo̱N SANDIYAÁ 5

10

kamáyiꞌijnú xikó maá ngo choo̱yojo xi je jachó nii̱xtjiii̱n nga sii̱ꞌankꞌien. 6 Jún je akjanguitaꞌinjnú jé xtao̱ xi kixii̱ xi jmí jéjiín kó boo̱ao̱ tsꞌén kiniꞌánkjiesónjnú kui xtaao̱ xi nde kamájiín tsꞌaxiéꞌá yojooo̱ nga boo̱ao̱ kamátaꞌin. Bi tsꞌén ínii̱jmi Sandiyaá kjoo̱aa o̱ o̱ xikó tsꞌén xchiyákjoo̱ao̱ ngaskande nga kjoo̱eꞌo̱ e Ndii̱an o̱ á 7 Kó kuíni ṉtsꞌie, ngatꞌiéjnú kjoo̱aco̱ hiyákjoo̱ao̱ ngaskande nga kjoo̱eꞌo̱ e Ndii̱an o̱ á. Tsitsíjen chii̱boo̱ay o̱ ajnúuo̱ kótsꞌen ndao̱ xi tsꞌénxájin tꞌananguiii̱ nga koyakjoo̱ao̱ sakon sakooo̱n chao̱an o̱ ni xi ítjii̱e o̱ ngaskande nga boaꞌa stsé xi boaꞌa choo̱stseo̱é. 8 Jún ti boo̱ao̱ ti tsꞌén ngatꞌiéjnú kjoo̱aco̱ hiyákjoo̱ao̱ kó teꞌéngaꞌniújnúuo̱ inii̱mao̱jnú, ngao̱tꞌao̱ je kjimatiña nii̱xtjin nga kjoo̱eꞌo̱ e Ndii̱ao̱ná. 9 Jún ṉtsꞌie, ngatao̱ jmí kjoo̱ax o̱ ti mindyiajenjínjnúuo̱ xinguo̱ii̱jnú, tsii̱ꞌeo̱ nga sao̱tíjéjínjnú, ngao̱tꞌao̱ xi tsáyá tsi nda koo̱jo tsi ndajín ndyii̱tsꞌen xtaao̱ je tikónxtió ngao̱ntjoo̱aao̱ .o̱ 10 Jún ṉtsꞌie, chjábechii̱boo̱ajo̱ nú kui kjoo̱an o̱ ii̱mao̱ xi jaꞌatio koo̱jo kui kjoo̱aco̱ hiyákjoo̱ao̱ xi kisꞌieeo̱ kui já chjii̱nii̱eꞌo̱ eo̱én Néná xi tsíchjii̱an o̱ i jaꞌeén Ndii̱an o̱ á. 11 Tsitsíjenjnúuo̱ nga xtao̱ xi ndyii̱foaꞌatio kjoo̱an o̱ ii̱mao̱ao̱ xikónií tsi xtao̱ xi achichí ra tsjaao̱ ꞌmíjneo̱. Jún je kandaꞌyájnú kótsꞌen kichikjoaá ndao̱ xi ꞌmí Jooo̱b ngayeje kjoo̱an o̱ ii̱mao̱ xi jaꞌatio, kó je kamáyajnú kó katsꞌénjoo̱ Ndii̱an o̱ á nga fetꞌaao̱, ngao̱tꞌao̱ Ndii̱an o̱ á nii̱mao̱ máa ñá kó koyakjoo̱an o̱ á nga. Bi tsꞌén ínii̱jmi Sandiyaá kjoo̱aa o̱ o̱ xikó tsꞌén koo̱ndókjoo̱aa o̱ o̱ Ndii̱an o̱ á 12 Jún ṉtsꞌie, ꞌniú míꞌájnúꞌun kui niii̱: kjiꞌa nga tjín xí koo̱síyajnú ngo ni, ngatao̱ nguiboanénájín ꞌmíjnú nga sii̱ꞌankjiénjnú jaꞌeén ndiꞌakꞌajmiii̱ koo̱jo tsi tsii̱ꞌeo̱ tꞌananguiii̱, koo̱jo tsi tsii̱ꞌeo̱ kjeo̱ꞌe ni, tasá “joo̱oo̱n” tꞌínjnú tsi boo̱ao̱ kjiꞌi kui niii̱ kó “jmí” tꞌínjnú tsi boo̱ajo̱ ín kjiꞌi kui niii̱, tsii̱ꞌeo̱ nga koo̱tíjéjínjnú Néná. 13 ¿A tjín nguo̱ii̱jinjnú xtao̱ xi kjoo̱an o̱ ii̱mao̱ tsꞌénfoaꞌatio? Ngatíchjii̱aao̱ o̱ Néná. ¿A tjín xi tsja tjiín? Nga sieeo̱ só xi ndaao̱ ©2015 Sociedad Bíblica de México y Wycliffe Bible Translators, Inc

11

XOo̱ JOo̱ Oo̱N SANDIYAÁ 5

Néná. 14 ¿A tjín xi ooo̱n? Ngatíchjii̱aao̱ o̱ xtao̱ xi xchaá nao̱ngoo̱xii̱ii̱ tsii̱ꞌeo̱ nga kao̱mandaya nga kuo̱ii̱chjii̱ato̱ jé kó nga tsanguinjon istii̱ nga sao̱ꞌín kaxoma jaꞌeén Ndii̱an o̱ á. 15 Kjoo̱an o̱ dokjoo̱ato̱ jé xi tjiín kjoo̱aso̱ ꞌijiii̱n boá xi sao̱ꞌíndaya xi ooo̱n, kó Ndii̱an o̱ á sao̱ꞌínkjastjíeo̱n, kó tsi katsꞌénjé, sii̱ꞌanjetakoón jeé. 16 Kuíni nga jao̱ kꞌii̱e o̱ jao̱ ngaján tꞌíyajnúuo̱ xinguo̱ii̱jnú jé xi kiniꞌánjnú, kó jao̱ kꞌii̱e o̱ jao̱ ngaján ndókjoo̱ato̱ jéjnú xinguo̱ii̱jnú, tsii̱ꞌeo̱ nga kao̱mandayajnú. Kjiꞌa nga ngo xtao̱ xi kixii̱ kuo̱ii̱chjii̱aao̱ o̱ Néná tjínrií ngaꞌniú ni xi kuo̱ii̱chjii̱a.o̱ 17 Ndao̱ chjii̱nii̱eꞌo̱ eo̱én Néná xi ꞌmí Elíaao̱ ngo ndao̱ xi kamá xikoó ñá, kó kjiꞌa nga ꞌniú tsíchjii̱aao̱ o̱ Néná tsii̱ꞌeo̱ nga nguiti koo̱aꞌo̱ ájín stseé, nguiti tsaꞌajín stsé ngao̱són tꞌananguiii̱ ján nó masien. 18 Kó ti tsíchjii̱ao̱ nguinií Néná ingo ndii̱ya, kó tsaꞌa nguiní stseé, kósꞌeo̱ tꞌananguiii̱ kamáxchá nguinií ni chinie. 19 Jún ṉtsꞌie, tsi tjín nguo̱ii̱jinjnú xi je kisꞌijñatꞌaxiín jao̱koxii̱ii̱, kó tsi ngo xtao̱ sao̱ꞌínkjí nguiní ndii̱ya xí kixiii̱, 20 ngatamayajnú jún nga ta ꞌyání xi sao̱ꞌínkjíꞌoyá ngo xtao̱ jé kjoo̱aao̱ o̱ kui ndii̱ya xi ndajín kjiꞌi xi kistsoꞌbá, je tsꞌaxiéꞌá tsii̱ꞌeo̱ nga koo̱yajín ndao̱ xi katsꞌénjeé, kó kui boá xi katsꞌén nga kjín jeé kui ndao̱ao̱ je kiniꞌánjetakoón.

©2015 Sociedad Bíblica de México y Wycliffe Bible Translators, Inc