JONÁ

1

Joná Ãcõrẽnebemada mĩrũ wãna

1   Ẽberãda

b̶asia Joná abadada. Maʌ̃ Jonára Amitai warra basía. a Ewari ab̶a Ãcõrẽba Jonáa jarasia: 2 –Mʌ̃a quĩrĩã b̶ʌa bʌra Ninive puru dromanaa wãida. Mʌ̃a unu b̶ʌa maʌ̃ purud̶ebemarãba jũmawãyã cadjiruada o panʌda. Maʌ̃ bẽrã ãdjirãa jaradua mʌ̃a cawa oida.– 3 Baribʌrʌ Ãcõrẽba jara b̶ʌ ĩjã o amaaba Jonára Ãcõrẽnebemada mĩrũ wãsia. Wãne barco wib̶aribada puru Jope abadama jũẽsia. Mama barcoda unusia Tarsi druad̶aa wãi carea b̶ʌda. b Parata diaped̶a barcod̶e b̶adosia Ãcõrẽnebemada tʌmʌ mĩrũ wãi carea. 4 Baribʌrʌ mãcua tʌmʌ wãnaẽn ́ e Ãcõrẽba nãũrãda dji cãbãyã puábisia. Maʌ̃ba pusara quĩrũ nũmeped̶a baidora barcod̶e ed̶a wã nũmesia. Barcora tod̶ogozoaica nũmesia. 5 Maʌ̃ bẽrã barco edebʌdarãba ne wayaaba ãdjiza ãdji ãcõrẽa bed̶ea djuburia duanesid̶aa. Maʌ̃ awara barcora wẽsaara ũmemãrẽã ãdji netatara jũma daid̶u b̶atacuasid̶aa. Maʌ̃misa Jonára barcod̶e ed̶a wãped̶a bio cãĩ b̶asia. 6 Baribʌrʌ barcod̶ebema boroba Jonára cãĩ b̶ʌda unune wãsia. Maʌ̃ne jarasia: –Bʌra ¿cãrẽ cãrẽã jãwã cãĩ tab̶ʌ? ¡Pirab̶ariped̶a bʌdji Ãcõrẽa iwid̶idua! Idjia careba quĩrĩãibʌrʌ ãĩbẽrã dadjirãra ẽdrʌ b̶ʌisicada.– 7 Joná ʌ̃ta zed̶acarea barco edebʌdarãba ãdjiza jara duanesid̶aa: –Ne jemenenadrʌ cawad̶i carea caid̶eba jãwã naʌ̃ minijĩchiad̶e panʌda.– Ara maʌ̃da ne jemenesid̶aa cawad̶i carea. Maʌ̃ne cawasid̶aa Jonádrʌ bed̶ead̶e b̶ʌda. 8 Maʌ̃ carea ãdjia jarasid̶aa: –Daia jaradua bʌa cãrẽda osida jãwã dadjirãra naʌ̃ minijĩchiad̶e panesid̶ara. ¿Bʌa cãrẽda obari? ¿Sãmaʌba zebʌrʌ? ¿Bʌra sãmabema? ¿Sãʌ̃gʌ ẽberãrãnebema?– 9 Jonába panusia: –Mʌ̃ra hebreoda jãwã b̶ʌa. Mʌ̃a bajãnebema Ãcõrẽa bia bed̶eabaria. Idjia pusara, naʌ̃ ẽjũã sid̶a osia.–  

 

 

 

 

 

 

 

a 1:1. 2 Reye 14:25.

b 1:3. Hebreorãmaarã maʌ̃ Tarsira dji tʌmʌara b̶ʌ drua basía.

373 Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

JONÁ 1​, ​2  374 10 Maʌ̃

awara jarasia idjira Ãcõrẽnebemada mĩrũ wãbʌrʌda. Maʌ̃ cawasid̶ad̶e ãdjirãra bio ne wayasid̶aa. Maʌ̃ carea ãdjia iwid̶isid̶aa: –¿Bʌa cãrẽ cãrẽã jãwã osi?– 11 Maʌ̃ misa pusara aud̶uara quĩrũbʌrʌ bẽrã ãdjia iwid̶isid̶aa: –¿Jãʌ̃be bʌra sãwã od̶i pusa quĩrũbira tumabid̶i carea?– 12 Jonába panusia: –Mʌ̃ra daid̶u b̶atabued̶adua. Mãwãbʌrʌ pusara tumaya. Mʌ̃a cawa b̶ʌa mʌ̃drʌ bed̶ead̶e b̶ʌda naʌ̃ pusa jãcua quĩrũ nũmʌ carea.– 13 Baribʌrʌ barco edebʌdarãba aud̶uara wisid̶aa doyaa wãni carea. Mãwãmĩna poyad̶aẽ ́ basía, pusara wetara quĩrũna bẽrã. 14 Maʌ̃ carea Ãcõrẽa nãwã iwid̶isid̶aa: –Ãcõrẽ, naʌ̃ ẽberã beabʌda carea daira beubirãdua. Idjida bed̶ea neẽ ́ b̶ʌda bead̶ibʌrʌ, daira bed̶ead̶e b̶ʌrãdua. Wãrãda bʌabʌrʌ ara bʌdjia crĩcha b̶ʌ quĩrãca o b̶ʌa.– 15 Mãwã jarad̶aped̶a Jonára daid̶u b̶atabuesid̶aa. Ara maʌ̃da pusara tumasia. 16 Maʌ̃ unusid̶ad̶e barco edebʌdarãba Ãcõrẽ wayaad̶eba animarãda babue diasid̶aa. Maʌ̃ awara wãrãneba jarasid̶aa idjira ẽpẽnida. 17 Maʌ̃ ne Ãcõrẽba b̶eda waib̶ʌada diabuesia Joná mĩmãrẽã. Maʌ̃ b̶eda b̶ited̶a Jonára ewari ũbea b̶asia.  

 

 

 

 

 

 

2

1   Maʌ̃ne

Jonába Ãcõrẽa iwid̶id̶a

Jonába b̶eda b̶ited̶a ʌba Ãcõrẽa nãwã iwid̶isia: 2 Mʌ̃ biẽ ́ b̶esid̶e mʌ̃a bed̶ea djuburiasia, mʌ̃ Boro Ãcõrẽ, maʌ̃ne bʌa mʌ̃ bed̶eara panusia. Mʌ̃ beubod̶oba mʌ̃a bed̶ea djuburiasia, maʌ̃ne bʌa mʌ̃ bed̶eara ũrĩsia. 3 Bʌa mʌ̃ra pusa nãbuad̶e b̶atabuebisia. Maʌ̃ ne pusaba mʌ̃ra ab̶ed̶a jũma ãnã edasia. Bʌa pusa bogozoa b̶ʌ diabued̶ara mʌ̃ ʌ̃rʌ̃ wãsia. 4 Maʌ̃ bẽrã crĩchasia bʌa mʌ̃ra igaraped̶a bʌ quĩrãpitabemada ãyã ́ a. c b̶ʌsida. Mʌ̃a crĩchasia bʌ de droma biya quiruda waa unuẽd 5 Pusaba mʌ̃ra jũma ãnã erob̶asia. Ab̶ed̶a mʌ̃ra pusajãne b̶asia. Maʌ̃ ne pusajãnebema chiruara mʌ̃ borod̶e bʌracuasia. 6 Ab̶ed̶a mʌ̃ra ed̶u pusajãne ta wãsia. Mamaʌba mʌ̃ra waa ẽdrʌẽd ́ a crĩchasia. Baribʌrʌ mʌ̃ Boro Ãcõrẽ, bʌa maʌ̃ beuid̶ebemada mʌ̃ra ẽdrʌ edasia. 7 Beubod̶o basid̶e mʌ̃a bʌra quĩrãnebasia. Maʌ̃ ne bʌ de droma bia quirud̶eba bʌa ũrĩsia mʌ̃a bed̶ea djuburia b̶ʌda. 8 Jʌwaba od̶a ãcõrẽ ʌb̶ʌaẽ ́ b̶ea ẽpẽbadarãba bʌa careba b̶ʌra igarabadaa. 9 Baribʌrʌ mʌ̃a bio bia b̶ʌad̶a abʌrʌd̶e animarãda bʌ́a babue dia b̶aya.

c 2:4. Mʌ̃a crĩchasia bʌ de droma biya quiruda waa unuẽd́ a. Griego bed̶ead̶e mãwã b̶ʌ́ b̶ʌa. Hebreo bed̶ead̶e nãwã b̶ʌa: “Mãwãmĩna mʌ̃a crĩchasia bʌ de droma biya quiruda wayacusa unuida.” Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

 375

JONÁ 2​–​4

Maʌ̃ awara bʌ ume bed̶ea b̶ʌd̶ara mʌ̃a jũma daucha o b̶aya. Mʌ̃ Boro Ãcõrẽ, ab̶abe bʌabʌrʌ mʌ̃ra poya ẽdrʌ b̶ʌya. 10 Maʌ̃ ne Ãcõrẽba b̶edaa Jonára pusa icawa webisia.  

3

1   Ãcõrẽra

Ninive puruba ĩjãna

wayacusa Joná ume bed̶easia. Nãwã jarasia: puru dromanaa wãdua. Mʌ̃a bʌ́a jarabʌrʌda ãdjirãa

2 –Ninive

jaradua.– 3 Ara maʌ̃da Jonára Ninived̶aa wãsia Ãcõrẽba jarad̶a quĩrãca. Maʌ̃ Ninivera puru droma basía. Maʌ̃ bẽrã puru jũma pʌrrʌai carea ewari ũbea edebadjia. 4 Jonára purud̶e ed̶aa wãped̶a nabema ewarid̶e pʌrrʌa nĩbasia. d Nãwã jĩgua jara nĩbasia: –¡Cuarenta ewari babʌrʌd̶e Ãcõrẽba naʌ̃ Ninive purura jũma ãrĩya!– 5 Mãwã b̶ʌd̶e Ninived̶ebemarãba, drõãrãba, warrarã bid̶a Ãcõrẽ bed̶eara ĩjãsid̶aa. Maʌ̃ carea ne cod̶aca ewarida osid̶aa. Idjab̶a sopua careabema jʌ̃badara jʌ̃sid̶aa. 6 Ninived̶ebema boroba maʌ̃ra cawasia. Maʌ̃ carea idji bugue biya quirud̶ebemada pirab̶ariped̶a idji djio biya qued̶eara ẽrãped̶a sopua careabema jʌ̃barida jʌ̃sia. Maʌ̃be ne babued̶a pora ʌ̃rʌ̃ chũmesia idji cadjirua od̶a carea sopua b̶ʌda acʌbi carea. 7 Maʌ̃ne dji boroba, idjiare dji droma b̶earã bid̶a nãwã jarasid̶aa jũma idji purud̶ebemarãba ĩjã od̶amãrẽã: –Jũmarãba ne cod̶aca ewarida od̶adua. Idjab̶a ni cãrẽ sid̶a dorãnadua. Maʌ̃ awara bãrã pacada, bãrã oveja sid̶a ne cobirãnadua. Baido sid̶a dawarãnadua. 8 Maʌ̃ awara sopua careabema jʌ̃badada jʌ̃nadua. Idjab̶a sopua careabema wuada bãdji animarã ʌ̃rʌ̃ b̶ʌcuad̶adua. Maʌ̃be Ãcõrẽa wãrã arada sod̶eba quĩrã djuburia iwid̶id̶adua. Maʌ̃ awara bãrãba cadjirua obadara igarad̶adua. Idjab̶a bãrãba djãrã biẽ ́ obadara idu b̶ʌd̶adua. 9 Mãwã o panʌneba Ãcõrẽba dadjirãra cawa oẽś icada ãtebʌrʌ idji quĩrũbira tumabid̶isicada. Mãwãra dadjirãra quininaẽś icada.– 10 Ninived̶ebemarãba mãwã o panʌra Ãcõrẽba unusia. Idjab̶a sãwã ãdji cadjiruara idu b̶ʌsid̶ada unusia. Maʌ̃ carea idjia cawa oi jarad̶ara oẽ ́ basía.  

 

 

 

 

 

 

 

4

Ãcõrẽba Ninive quĩrã djuburiad̶a

mãwã quĩrã djuburiad̶ara Jonába ab̶ed̶a biẽ ́ unusia. Maʌ̃ bẽrã bio quĩrũsia. 2 Idjia Ãcõrẽa nãwã jarasia: –Mʌ̃ Boro Ãcõrẽ, wad̶ibid̶a mʌ̃ druad̶e b̶asid̶e ¿mʌ̃a jaraẽ ́ basica ara maʌ̃ quĩrãca mãwãida? Maʌ̃ carea mʌ̃ra Tarsi druad̶aa mĩrũ wã quĩrĩãsia. Mʌ̃a bio cawa b̶ʌa bʌ biad̶eba ẽberãrãra carebabarida. Bʌra quĩrã djuburiaid̶a 1   Ãcõrẽba

 

d 3:4. Nabema ewarid̶e pʌrrʌa nĩbasia. Maʌ̃ bed̶eaba idjab̶a jara b̶ʌa: “Ewari ab̶a pʌrrʌa nĩbasia.” Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

JONÁ 4  376

b̶ʌa. Isabe quĩrũcaa. Bʌ quĩrĩãra bio waib̶ʌa b̶ʌ bẽrã ẽberãrãba cadjiruada idu b̶ʌsid̶ara bʌa ãdjirãa cawa oi jarad̶ara quĩrãdoabaria. 3 Maʌ̃ carea mʌ̃ Boro Ãcõrẽ, mʌ̃a bʌ́a quĩrã djuburia iwid̶iya ab̶ed̶a mʌ̃ra beamãrẽã. Zocai b̶ei cãyãbara biara b̶ʌa mʌ̃ra beuida.– 4 Baribʌrʌ Ãcõrẽba jarasia: –¿Bʌmaarã bia b̶ʌca bʌ jãwã quĩrũ b̶ʌra?– 5 Maʌ̃be Jonára puru dajadaa wãped̶a ʌ̃ mãdau odjabariare de zaqueda osia. Maʌ̃ de zaque edre chũmeped̶a jʌ̃ã b̶esia Ninive purura sãwãi cawaya. 6 Mãwã b̶ʌd̶e Ãcõrẽba Joná caita jʌ̃cara quedua joub̶ʌa b̶ʌda tunubiped̶a waribisia. e Maʌ̃ jʌ̃carara Joná chũmʌ ʌ̃rʌ̃ bʌrá wãna bẽrã Jonára cũrãsad̶e necai b̶esia. Idjira capipia b̶esia maʌ̃ jʌ̃cara carea. 7 Baribʌrʌ nurẽma diaped̶a Ãcõrẽba caragada diabuesia maʌ̃ jʌ̃cara comãrẽã. Maʌ̃ba jʌ̃carara beusia. 8 Besea odjad̶acarea Ãcõrẽba ʌ̃mãdau odjabariareba nãũrã jʌ̃wʌ̃rʌ̃ãda puábisia. Maʌ̃ne beseaba Jonára bá nũmesia. Mãwã b̶ʌd̶e Jonára cacua norrab̶ari nũmesia. Maʌ̃ carea idjira wetara beu quĩrĩãsia. Nãwã jarasia: –Zocai b̶ei cãyãbara biara b̶ʌa mʌ̃ra beuida.– 9 Baribʌrʌ Ãcõrẽba idjía iwid̶isia: –¿Naʌ̃ jʌ̃cara beud̶a carea bia b̶ʌca bʌ jãwã quĩrũ b̶ʌra?– Jonába panusia: –Mãẽ. Wãrãda mʌ̃maarã bia b̶ʌa jãwã quĩrũ b̶aira. Mʌ̃ra quĩrũbid̶eba ab̶ed̶a beu quĩrĩã b̶ʌa.– 10 Maʌ̃ carea Ãcõrẽba idjía jarasia: –Jʌ̃cara bʌ caita tununara bʌa uẽ ́ basía idjab̶a waribiẽ ́ basía. Diamasi tunuped̶a nurẽma diamasi beusia. Baribʌrʌ maʌ̃ jʌ̃cara beud̶a carea bʌra sopua b̶ʌa. 11 Bʌda maʌ̃ jʌ̃cara carea sopua b̶ʌbʌrʌ, ¿Ninive puru droma cawa oida b̶ad̶a carea aud̶uara sopua b̶aped̶a mʌ̃a quĩrã djuburiaiẽ ́ b̶asica? Wãrãda jãʌ̃ purud̶e cadjirua o panʌ adua b̶eada 120 mil aud̶u panʌa. f Maʌ̃ awara animarã sid̶a baraa.–  

 

 

 

 

 

 

 

 

e 4:6. Wãrãda cawad̶aẽ ́ panʌa cãrẽ quedua basida, hebreo bed̶ea cawa b̶ea bid̶a cawad̶aẽ ́ panʌ bẽrã. f 4:11. Cadjirua o panʌ adua b̶ea. Maʌ̃ bed̶eara idjab̶a nãwã traducida b̶ʌa: “Warrarã adua qued̶ea.” Hebreo bed̶ead̶e nãwã b̶ʌ́ b̶ʌa: “Jʌwa arara idjab̶a jʌwa acʌra cawaẽ ́ b̶ea.” Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.