JOB

1

1   Ẽberã

Jo abadada Uz druad̶e b̶asia. Maʌ̃ Jora ne jũmane jipa b̶asia idjab̶a jarad̶i neẽ ́ b̶asia. Idjia Ãcõrẽra bio waya b̶asia idjab̶a cadjirua sid̶a quĩrĩãca basía. 2 Joba siete warrarãda erob̶asia. Wẽrãcaurãda ũbea erob̶asia. 3 Siete mil ovejada, mil ũbea cameyoda, mil pacada, burro sid̶a quiniento erob̶asia. a Idjab̶a nezocarãda zocãrã erob̶asia. Jũma Jordaʌ̃ do ʌ̃mãdau odjabariare b̶earã cãyãbara idjira ne baraara b̶asia. 4 Idji warrarãba ãdji deza b̶ʌ srid̶a ãbaa ne cod̶i ewarida obadjid̶aa. Mãwã obʌdad̶e ãdji ũbeabema djabawẽrãra trʌ̃badjid̶aa ãdjirã ume ãbaa ne cod̶amãrẽã. 5 Maʌ̃be ãdji b̶ʌsrid̶a ãbaa ne cod̶i ewari jõnacarea ãdji zeza Joba ãdjirãra trʌ̃badjia Ãcõrẽ quĩrãpita bia b̶ʌi carea. Nãwã obadjia: diaped̶ed̶a pirab̶ariped̶a idji warrarã carea animarãda ab̶a ab̶a Ãcõrẽa babue diabadjia. Idjia crĩcha b̶asia: “Ãĩbẽrã mʌ̃ warrarãba cadjiruada osid̶ada wa ãdji sod̶eba Ãcõrẽra biẽ ́ jarasid̶ada.” 6 Ewari ab̶a Ãcõrẽ nezocarã bajãnebemada idji quĩrãpita zesid̶aa. b Diauru sid̶a ãdjirã ume zesia. c 7 Maʌ̃ne Ãcõrẽba diaurua iwid̶isia: –¿Bʌra sãmaʌba ze b̶ʌ?– Diauruba panusia: –Bʌa od̶a ẽjũãne pʌrrʌa nĩbad̶ada ze b̶ʌa.– 8 Ãcõrẽba diaurua iwid̶isia: –Bʌa mʌ̃ nezoca Jora ¿sãwã unu b̶ʌ? Mʌ̃a od̶a ẽjũãne dewarada idji quĩrãca neẽá . Idjira ne jũmane jipa b̶ʌa idjab̶a biẽ ́ jarad̶i neẽ ́ b̶ʌa. Idjia mʌ̃ra bio waya b̶ʌa idjab̶a cadjiruara quĩrĩãcaa.– 9 Maʌ̃ ne diauruba jarasia: –Idjira ni cãrẽ sid̶a sãwãca bẽrã mãwã bʌra waya b̶ʌa. 10 Bʌa idjira, idji ẽberãrã, jũma idjia erob̶ʌ sid̶a bio waga erob̶ʌa aud̶u jũrã erob̶ʌ quĩrãca. Idjia o b̶ʌra bʌa jũma bia odjabi b̶ʌa. Mãwã idjia animarã b̶eara zocãrã erob̶ʌa. 11 Baribʌrʌ bʌa jũma idjia erob̶ʌda jãrĩbʌrʌ, idjia bʌda biẽ ́ jaraya ara bʌdji quĩrãpita.– 12 Maʌ̃ ne Ãcõrẽba diaurua jarasia:  

 

 

 

 

 

 

 

 

 

 

a 1:3. Mil paca. Hebreo bed̶ead̶e jara b̶ʌa quiniento pacada erob̶asida umé uméa ãbaa jʌ̃ panʌda. Maʌ̃ba jara b̶ʌa jũma ãbaa mil erob̶asida. b 1:6. Ãcõrẽ nezocarã bajãnebema. Hebreo bed̶ead̶e b̶ʌ́ b̶ʌa “Ãcõrẽ warrarã.” c 1:6. Diauru. Hebreo bed̶ead̶e b̶ʌ́ b̶ʌa “Satana.” Satana trʌ̃ba jara b̶ʌa: “Djãrã biẽ ́ jarabari.”

370 Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

 371

JOB 1​, ​2

–Mãẽteara mãwã odua. Jũma idjia erob̶ʌra bʌ jʌwaed̶a b̶ʌa. Baribʌrʌ idjira biẽ ́ ocara b̶ʌa.– Ãcõrẽba mãwã jarad̶acarea diaurura Ãcõrẽ quĩrãpitabemada ãyã wãsia. 13 Ewari ab̶a Jo warrarãba, wẽrãcaurã bid̶a ãdji djaba nabema ded̶e b̶ʌsrid̶a ãbaa ne cod̶i ewarida o panasid̶aa. 14 Maʌ̃ne ẽberãda Jo ded̶e jũẽped̶a nãwã jarasia: –Dairãra bʌ pacaba bʌ ẽjũãne traja panasid̶aa. Bʌ burrora dairã caita ́ e sabeorãda ne drʌad̶e zed̶aped̶a bʌ ne co duanasid̶aa. 15 Maʌ̃ne cawaẽn nezocarãda jũma quenanaped̶a bʌ animarã b̶eara jũma drʌa edesid̶aa. Ab̶abe mʌ̃drʌ ẽdrʌsia bʌ́a jarad̶e zei carea.– 16 Maʌ̃ba wad̶i jũma nẽbʌrʌẽn ́ e dewara nezocada jũẽsia. Maʌ̃ba jarasia: –Bajãneba baada dji cãbãyã b̶aesia. Maʌ̃ baaba bʌ ovejara, bʌ oveja wagabadarã sid̶a jũma quenasia. Ab̶abe mʌ̃drʌ ẽdrʌsia bʌ́a jarad̶e zei carea.– 17 Maʌ̃ba wad̶i jũma nẽbʌrʌẽn ́ e dewara nezocada jũẽsia. Maʌ̃ba jarasia: –Caldeorãda o ũbeaareba ne drʌad̶e zesid̶aa. Maʌ̃gʌrãba bʌ nezocarãda jũma quenanaped̶a bʌ cameyora jũma drʌa edesid̶aa. Ab̶abe mʌ̃drʌ ẽdrʌsia bʌ́a jarad̶e zei carea.– 18 Maʌ̃ba wad̶i jũma nẽbʌrʌẽn ́ e dewara nezocada jũẽsia. Maʌ̃ba jarasia: –Bʌ warrarãba, bʌ caurã bid̶a b̶ʌsrid̶a ãbaa ne cod̶i ewarida bʌ warra ́ e ẽjũã põãsa ewaraga nabema ded̶e o panasid̶aa. 19 Mãwã panʌne cawaẽn b̶ʌareba nãũrãda dji cãbãyã puásia. Maʌ̃ nãũrãba dera bʌ warrarã ʌ̃rʌ̃ cora edesia. Maʌ̃ba ãdjirãra jũma quenasia. Ab̶abe mʌ̃drʌ ẽdrʌsia bʌ́a jarad̶e zei carea.– 20 Jũma maʌ̃ ũrĩnacarea Jora piradrʌped̶a sopuaba idjia cacuad̶e jʌ̃ b̶ʌ ra cũẽtatasia idjab̶a borob̶ichia tʌsia. Maʌ̃be chĩrãborod̶e b̶arru cob̶eped̶a Ãcõrẽa bia bed̶easia. 21 Nãwã jarasia: –Mʌ̃ra ara jãwã tosid̶aa. Ara jãwã beuya. Ãcõrẽba mʌ̃́a ne diasia. Idjab̶a maʌ̃ diad̶ara idjia jãrĩsia. Baribʌrʌ Ãcõrẽa bia jaraya.– 22 Jũma mãwãnamĩna Joba cadjiruada oẽ ́ basía. Idjia jaraẽ ́ basía Ãcõrẽba biẽ ́ o b̶ʌda. 1  Mãwãnacarea ewari ab̶a Ãcõrẽ nezocarã bajãnebemada wayacusa idji quĩrãpita zesid̶aa. Diauru sid̶a ãdjirã ume zesia. 2 Maʌ̃ne Ãcõrẽba diaurua iwid̶isia: –¿Bʌra sãmaʌba ze b̶ʌ?– Diauruba panusia: –Bʌa od̶a ẽjũãne jũma pʌrrʌa nĩbad̶ada ze b̶ʌa.– 3 Maʌ̃ ne Ãcõrẽba diaurua iwid̶isia: –Bʌa mʌ̃ nezoca Jora ¿sãwã unu b̶ʌ? Mʌ̃a od̶a ẽjũãne dewarada idji quĩrãca neẽá . Idjira ne jũmane jipa b̶ʌa idjab̶a biẽ ́ jarad̶i neẽ ́ b̶ʌa. Mʌ̃ra bio waya b̶ʌa idjab̶a cadjiruara quĩrĩãcaa. Ni cãrẽ cadjiruada oẽ ́ b̶ʌmĩna bʌa mʌ̃á jũma idjia erob̶ad̶ara jãrĩbisia. Mãwãmĩna idjira wad̶ibid̶a jipa b̶abaria.–  

 

 

 

 

 

 

 

 

2

 

 

 

 

Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

JOB 2​, 42  372 4 Maʌ̃ ne

diauruba jarasia: –Idjira cacua bia b̶ʌd̶e jipa b̶aya. d Ẽberãba beu amaaba idjia erob̶ʌra jũma diaya. 5 Maʌ̃ bẽrã Jora puad̶eba cacua biẽ ́ b̶ʌdua. Maʌ̃nebʌrʌ idjia bʌda biẽ ́ jaraya ara bʌdji quĩrãpita.– 6 Ãcõrẽba diaurua jarasia: –Mãẽteara mãwã odua. Idjira bʌ jʌwaed̶a b̶ʌa. Baribʌrʌ idjira beacara b̶ʌa.– 7 Ãcõrẽba mãwã jarad̶acarea diaurura idji quĩrãpitabemada ãyã wãsia. Wãped̶a idjia Jora chãdaba bio pua b̶ʌsia. 8 Maʌ̃ne Jora ne babuebadamaa dji pora ʌ̃rʌ̃ chũmane wãsia. Mama zoco ãrĩnaba idji chãdara cʌrʌbadjia. 9 Mãwã b̶ʌd̶e dji quimaba jarasia: –¿Bʌra wad̶ibid̶a jipa b̶a quĩrĩã b̶ʌca? ¡Ãcõrẽda biẽ ́ jaraped̶a beudua!– 10 Joba panusia: –Wẽrã crĩcha neẽ ́ b̶ʌ quĩrãca bed̶earãdua. Ãcõrẽba ne biada diabʌrʌd̶e dadjia bia edabadaa. Ara maʌ̃ quĩrãca Ãcõrẽba idu bia mĩgabibʌrʌd̶e ¿maʌ̃ sid̶a bia edad̶iẽ ́ panʌca?– Jũma mãwãnamĩna Joba Ãcõrẽra biẽ ́ jaraẽ ́ basía. 11 Joba idji dji biarãda ũbea erob̶asia: Elipa, Temaʌ̃ druad̶ebemaa; Bildá, Súa druad̶ebemaa; idjab̶a Zopar, Naamat druad̶ebemaa. Ãdjia ũrĩsid̶aa Jora ne jũmane biẽ ́ b̶ʌda. Maʌ̃ bẽrã bed̶ea ausid̶aa Jomaa wãnaped̶a sobiabid̶i carea idjab̶a idji ume ãbaa panani carea. 12 Jũẽbʌdad̶e tʌmʌba Jora unusid̶aa. Baribʌrʌ chãdaba idji cacuada jũma bira b̶ʌ bẽrã idjida mãwã b̶ʌda cawad̶aẽ ́ basía. Maʌ̃ carea ãdjira jĩgua jĩã panesid̶aa. Maʌ̃ne ãdjia cacuad̶e jʌ̃ panʌra sopuaba cõãtasid̶aa idjab̶a ãdji boro ʌ̃rʌ̃ egoro porada cuasid̶aa. 13 Maʌ̃be Jo caita siete ewari egode chũpanesid̶aa ãsa, diamasi bid̶a. Baribʌrʌ ni ab̶aʌda idji ume bed̶ead̶aẽ ́ basía. Unusid̶aa idjira bio pua b̶ʌda.  

 

 

 

 

 

 

 

 

42

12   Jũma

Job 42:12-17

mãwãnacarea jĩrũare Ãcõrẽba Jóa idjia naãrã erob̶ad̶a cãyãbara aud̶uara diasia. Mãwã Joba catorce mil ovejada, sei mil cameyoda, mil umé pacada, mil burro sid̶a erob̶esia. e 13 Siete warrarãda idjab̶a wẽrãcaurãda ũbea unusia. f 14 Dji nabema caura trʌ̃ b̶ʌsia Jemima. Maʌ̃arebemada trʌ̃ b̶ʌsia Cesia. Jĩrũarebemada trʌ̃ b̶ʌsia Keren-hapuc. 15 Jũma naʌ̃ ẽjũãne wẽrãrã biya qued̶eada Jo caurã quĩrãca neẽ ́ basía. Joba erob̶ʌd̶ebemada idji warrarãa jed̶ecasid̶e idji caurãa bid̶a ab̶arica diasia. 16 Jũma mãwãnacarea Jora ciento cuarenta poa b̶asia. Maʌ̃ ne unusia idji warrarãda, idji wiuzaquerãda, idji wiuzaquerã warrarãda, ãdjirã warrarã sid̶a. 17 Mãwã bio waraga jaid̶ab̶arisia.  

 

 

 

 

d 2:4. Idjira cacua bia b̶ʌd̶e jipa b̶aya. Hebreo bed̶ead̶e b̶ʌ́ b̶ʌa: “Eda ebari.” e 42:12. Mil umé pacada. Hebreo bed̶ead̶e jara b̶ʌa idjia 1000 pacada erob̶asida, umé uméa ãbaa jʌ̃ panʌda. Maʌ̃ba jara b̶ʌa jũma ãbaa idjia 2000 erob̶asida. f 42:13. Siete warrarãda. Ʌ̃cʌrʌ cartad̶e b̶ʌ́ b̶ʌa “catorce warrarãda.” Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.