El Libro de Jonás en el triqui de Copala Nihánj me yanj notaꞌ cheꞌé ꞌoo̱ síí cuꞌnao̱j Jonás a

1

Ne cunoo̱ Jonás rihaan Yaꞌanj maꞌ

Caꞌnaꞌ snanaa̱ Yaꞌanj rihaan Jonás taꞌníí síí cuꞌnaa̱j Amitai cataj yoꞌ a: 2 —Naa̱xumaa̱an a̱ soa̱ꞌ, nea̱ caꞌaa̱nj soa̱ꞌ Nínive chumanꞌ nacoa̱o, nea̱ caꞌmi a̱i a̱ natáj soa̱ꞌ cheꞌé rasua̱ua̱n chiꞌi a̱i a̱ ꞌyaj nij síí maa̱n yoꞌ, cheꞌé se cavii se-cacua̱nꞌ nij soꞌ ndaa̱a rihanj á —taj Yaꞌanj rihaan Jonás a. 3 Tzaa̱j nea̱ Jonás roꞌ, naxumaa̱an a̱ soꞌ guun rá soꞌ cunaa̱nj soꞌ ndaa̱a chumanꞌ cuꞌnaa̱j Tarsis gua̱un gaa̱nꞌ soꞌ rihaan Yaꞌanj a. Nanij soꞌ ndaa̱a chumanꞌ naa̱j tuꞌva na yaꞌaa̱nj chumanꞌ cuꞌnaa̱j Jope, nea̱ nariꞌ soꞌ ꞌoa̱ rihoo xi a̱j chéé rihaan na caꞌaa̱nj ndaa̱a Tarsis a. Gaa̱a nea̱ curuꞌvee Jonás tuꞌvee rihoo, nea̱ catúj soꞌ caꞌaa̱nj soꞌ gaa̱ ꞌó nij soꞌ ndaa̱a Tarsis gua̱un gaa̱nꞌ soꞌ rihaan Yaꞌanj, rá soꞌ a. 4 Dan me se naxumaa̱an a̱ ꞌoa̱ nanaa̱ yuvaa̱aa̱ rihaan na yaꞌaa̱nj, quiꞌyaj Yaꞌanj, nea̱ nariꞌ nucuaj ndoꞌo na nea̱ daa̱j doj sea̱ quixraꞌ rihoo a. 5 Nea̱ cuchuꞌviꞌ ndoꞌo nij síí tuguáj rihoo nea̱ cachíín niꞌyaa̱j ndoꞌo ꞌoa̱ ꞌoa̱ nij soꞌ rihaan taꞌanj nij soꞌ a. Nea̱ quiriꞌíj nij soꞌ rasua̱ua̱n ataa̱ rihoo rque na yaꞌaa̱nj, cheꞌé rej nahua̱un yoa̱o doj rihoo a. Tzaa̱j nea̱ nanij Jonás nicaa̱ꞌ rque rihoo nea̱ caꞌanj quinaa̱j soꞌ nea̱ cotoj ndoꞌo soꞌ a. 6 Nea̱ quinichrunꞌ síí uun chij rihaan rihoo rej naa̱j Jonás nea̱ cataj soꞌ a: 1

Jonás en el triqui de Copala © 2014, Wycliffe Bible Translators, Inc.

Jonás 1

2

—Daa̱j me cheꞌé otoj soa̱ꞌ gaa̱. Naa̱xagaa̱aa̱ soa̱ꞌ cachi a̱nj ni a̱ꞌyáá soa̱ꞌ rihaan taꞌanj soa̱ꞌ cuaj yanj. Xraj nea̱ cunua̱u ꞌea̱e a̱ rá soꞌ ni a̱ꞌyaj soꞌ man níꞌ nea̱ sea̱ caꞌanj niꞌyaa̱ níꞌ maꞌ —taj síí uun chij rihaan rihoo yoꞌ rihaan Jonás a. 7 Gaa̱a nea̱ cataj nij soꞌ rihaan tuviꞌ ꞌoa̱ ꞌoa̱ nij soꞌ —Caꞌnaa̱ꞌ soj, ticoa̱ tixaj níꞌ gaa̱a nea̱ queneꞌea̱n níꞌ me síí cheꞌea̱ ꞌnaꞌ sayuun nihánj xráá níꞌ naa̱nj á —taj nij soꞌ rihaan tuviꞌ ꞌoa̱ ꞌoa̱ nij soꞌ a. Gaa̱a nea̱ tico tixaj nij soꞌ nea̱ queneꞌen nij soꞌ se vaa Jonás me síí tumé cacunꞌ naa̱nj adoa̱nj. 8 Gaa̱a nea̱ cataj nij soꞌ rihaan Jonás a: —Cataa̱j soa̱ꞌ yaa̱j daa̱j me cheꞌé caꞌnaꞌ rasua̱ua̱n chiꞌi a̱i a̱ nihánj xráá níꞌ á. Me suun ꞌyáá soa̱ꞌ gaa̱. Me rej ꞌnáꞌ soa̱ꞌ gaa̱. Me yoꞌóó cavii soa̱ꞌ gaa̱. Me síí mé soa̱ꞌ gaa̱ —cataj nij soꞌ rihaan Jonás a. 9 Gaa̱a nea̱ cataj Jonás —Síí hebreo mé ꞌua̱nj nea̱ aráj coa̱chróó ꞌua̱nj rihaan Yaꞌanj si a̱j ꞌni a̱j raꞌa man níꞌ síí nicua̱nꞌ xtaa̱ꞌ síí quiꞌyaj na yaꞌaa̱nj doa̱ꞌ, yoꞌóó doa̱ꞌ a —taj Jonás rihaan nij soꞌ a. 10 Gaa̱a nea̱ cuchuꞌviꞌ ndoꞌo nij snóꞌo nea̱ cataj nij soꞌ rihaan Jonás a: —Daa̱j me cheꞌé quiꞌyáá soa̱ꞌ daa̱nj gaa̱ —. ꞌOa̱ se aa̱j notaꞌ Jonás rihaan nij soꞌ se vaa unánj soꞌ rihaan Yaꞌanj a. 11 Doj aa̱ nariꞌ nucuaj na yaꞌaa̱nj, nea̱ cheꞌé dan xnáꞌanj nij soꞌ man Jonás a: —Me quiꞌyaa̱j núj gaa̱ soa̱ꞌ gaa̱a nea̱ cunua̱u dínj na yaꞌaa̱nj gaa̱ —taj nij soꞌ xnáꞌanj nij soꞌ man Jonás a. 12 —Taa̱ꞌaa soj mán ꞌua̱nj nea̱ caꞌnea̱j soj rá na nea̱ cunua̱u dínj na yaꞌaa̱nj, cheꞌé se neꞌén ꞌua̱nj se vaa ꞌua̱nj roꞌ me síí tumé cacunꞌ, nea̱ cheꞌé dan caꞌnaꞌ nanaa̱ yuvaa̱aa̱ nihánj xráá soj á —taj Jonás rihaan nij soꞌ a. 13 Gaa̱a nea̱ tucuachéé nij soꞌ rihoo rihaan na cheꞌé rej caa̱nicaa̱j uún nij soꞌ rihaan yoꞌóó, tzaa̱j nea̱ taj se qui a̱ꞌyáꞌ caꞌvea̱e, cheꞌé se Jonás en el triqui de Copala © 2014, Wycliffe Bible Translators, Inc.

Jonás 12

3

doj aa̱ nariꞌ nucuaj na yaꞌaa̱nj a. 14 Gaa̱a nea̱ cachíín niꞌyaa̱j nij soꞌ caguáj nij soꞌ rihaan Yaꞌanj quiꞌyaj chumii a̱ a: —Síí chij. Achíín niꞌyaa̱j núj nea̱ rqueea̱ núj rihaan soa̱ꞌ se vaa sea̱ caꞌanj niꞌyaa̱ núj cuanoa̱ sese cavi a̱ꞌ snóꞌo nihánj quiꞌyaa̱j na, nea̱ aa̱j sea̱ cutáꞌ soa̱ꞌ cacunꞌ xráá núj cheꞌé síí nihánj sese taj cacunꞌ tumé soꞌ, cheꞌé se quiꞌyáá soa̱ꞌ daa̱j me rá maa̱ꞌán soa̱ꞌ a —daa̱nj cataj nij soꞌ cachíín niꞌyaa̱j nij soꞌ rihaan Yaꞌanj quiꞌyaj chumii a̱ a. 15 Nea̱ taꞌaa nij soꞌ man Jonás nea̱ caꞌnéé nij soꞌ rá na, nea̱ cunuu dínj na yaꞌaa̱nj a. 16 Gaa̱a queneꞌen nij soꞌ daa̱j guun, nea̱ cuchuꞌviꞌ ndoꞌo nij soꞌ nea̱ caráj cochroa̱j uxrá nij soꞌ rihaan Yaꞌanj quiꞌyaj chumii a̱, nea̱ rqué nij soꞌ rasua̱ua̱n rihaan Yaꞌanj, gaa̱a nea̱ cataꞌ tuꞌva nij soꞌ rihaan Yaꞌanj uún a. 17 Tzaa̱j nea̱ aa̱j vaa ꞌoa̱ xcuaj xi a̱j ndoꞌo cuchumaa̱nj man Jonás, quiꞌyaj Yaꞌanj, nea̱ cuchumánj xoꞌ man soꞌ, nea̱ cunuû Jonás rque xcuaj yoꞌ vaꞌnua̱j güii nuvi a̱i nigaa̱nꞌ a. Nihánj me nanao̱ cachíín niꞌyao̱j Jonás rihaan Yaꞌanj a

2

Gaa̱a nea̱ cachíín niꞌyaa̱j Jonás rihaan Taꞌanj soꞌ Yaꞌanj si a̱j ꞌni a̱j raꞌa man níꞌ gaa̱a nuu soꞌ rque xcuaj 2 nea̱ cataj 1

soꞌ a: —Gaa̱a ránꞌ ꞌua̱nj sayuun nea̱ cachíín ni a̱ꞌyáá ꞌua̱nj caguáj ꞌua̱nj rihaan Yaꞌanj si a̱j ꞌni a̱j raꞌa man núj, nea̱ cuno soꞌ se vaa cachíín ni a̱ꞌyáá ꞌua̱nj a. Gaa̱a daa̱j doj cavi a̱ꞌ ꞌua̱nj nea̱ cachíín ni a̱ꞌyáá ꞌua̱nj raa̱cuíj soa̱ꞌ mán ꞌua̱nj nea̱ cunó soa̱ꞌ caꞌmij a. 3 ꞌOa̱ se caꞌnéé soa̱ꞌ mán ꞌua̱nj ndaa̱a cunua̱ua̱ rque na, ndaa̱a tanua̱ua̱ cunua̱ua̱ rque na yaꞌaa̱nj, nea̱ na unánj naráán nua̱ꞌ xráj, nea̱ uyanj natúj na yaꞌaa̱nj nua̱ꞌ anicaa̱j manj a. 4 Tzaa̱j nea̱ guun raj —Guun yaníj ꞌua̱nj rihaan soa̱ꞌ, tzaa̱j nea̱ neꞌén ꞌua̱nj se vaa queneꞌea̱n nacaa̱ uún ꞌua̱nj snuvií soa̱ꞌ nuvií nacoa̱o guea̱e a̱ a. 5 Tzaa̱j nea̱ aꞌnéé tanua̱ua̱ na cunua̱ꞌ manj, nea̱ caráán na yaꞌaa̱nj cunua̱ꞌ manj, nea̱ nacutáj coj yaꞌaâ maa̱n rá na yaꞌaa̱nj cúú yaa̱vé ꞌua̱nj a. 6 Nea̱ Jonás en el triqui de Copala © 2014, Wycliffe Bible Translators, Inc.

Jonás 3

4

quinij ꞌua̱nj ndaa̱a tacóó nij quij cunua̱ua̱ rque na yaꞌaa̱nj nea̱ cuchumánj yoꞌóó mán ꞌua̱nj nea̱ taj aa̱ rej cua̱rihaa̱nj ꞌua̱nj, tzaa̱j nea̱ soa̱ꞌ si a̱j ꞌni a̱j raꞌa man núj Taꞌanj ꞌua̱nj quirii mán ꞌua̱nj rque yuꞌuj a. 7 Gaa̱a daa̱j doj tzínꞌ sea̱ cavíꞌ ꞌua̱nj nea̱ nanuj rá ꞌua̱nj mán soa̱ꞌ si a̱j ꞌni a̱j raꞌa man núj, nea̱ nanaa̱ cachíín ni a̱ꞌyáá ꞌua̱nj cuchiꞌ rihaan soa̱ꞌ ndaa̱a snuvií soa̱ꞌ nuvií nacoa̱o guea̱e a̱ a. 8 Nij síí nocoa̱ꞌ yaꞌanj chraan vaa rmaꞌaa̱n roꞌ, ne riꞌ nij soꞌ se lua̱j ꞌyáá soa̱ꞌ cheꞌé nij soꞌ maꞌ. 9 Tzaa̱j nea̱ ꞌua̱nj roꞌ, cavi a̱i a̱ nanaa̱ saa̱ꞌ tuꞌvá ꞌua̱nj rquea̱j mán soa̱ꞌ a. Qui a̱ꞌyáá ꞌua̱nj ndaa̱a vaa cataꞌ tuꞌvá ꞌua̱nj a. Oa̱ rúnꞌ soa̱ꞌ si a̱j ꞌni a̱j raꞌa man núj roꞌ, quiꞌyaa̱j caꞌvea̱e cavi a̱i a̱ saa̱ꞌ yuvii a̱ a —daa̱nj cataj Jonás cachíín niꞌyaa̱j soꞌ rihaan Yaꞌanj a. 10 Gaa̱a nea̱ caꞌneꞌ Yaꞌanj suun rihaan xcuaj se vaa cuchraa̱nj xoꞌ cheꞌé rej cua̱rihaa̱nj Jonás rihaan yoꞌóó nea̱ daa̱nj quiꞌyaj xoꞌ a.

3

Notaꞌ Jonás nanao̱ rqué Yaꞌanj man Jonás cheꞌé nij síí mao̱n Nínive a

Nihánj síj vi a̱j caꞌneꞌ Yaꞌanj quiꞌyaj chumii a̱ suun rihaan Jonás a: 2 —Naa̱xumaa̱an a̱ soa̱ꞌ nea̱ caꞌaa̱nj soa̱ꞌ Nínive chumanꞌ nacoa̱o, nea̱ caꞌmi a̱i a̱ natáj soa̱ꞌ rque chumanꞌ yoꞌ nanaa̱ cataa̱j ꞌua̱nj rihaan soa̱ꞌ á —taj Yaꞌanj rihaan Jonás a. 3 Nea̱ naxumaa̱an a̱ Jonás nea̱ caꞌanj soꞌ ndaa̱a Nínive ndaa̱a vaa cataj Yaꞌanj a. Nea̱ Nínive me chumanꞌ nacoa̱o ndoꞌo, nea̱ ndaa̱a vaꞌnua̱j güii quisi a̱j cachea̱ꞌ cunua̱ꞌ rque chumanꞌ yoꞌ a. 4 Nea̱ guun cheꞌea̱ Jonás catúj soꞌ rque chumanꞌ, nea̱ cachéé soꞌ cunua̱ꞌ güii caꞌmii natáj soꞌ cataj soꞌ se vaa rque vi a̱j chihaa̱aa̱ güii tiri a̱ꞌ Yaꞌanj man Nínive a. 5 Nea̱ nij síí maa̱n Nínive cuchumán rá niꞌyaa̱j man Yaꞌanj, nea̱ tocoꞌ nij soꞌ xꞌnaa man maꞌaa̱n nij soꞌ cheꞌé rej caraa̱aa̱ guea̱e a̱ nij soꞌ rihaan Yaꞌanj, nea̱ nayón nij soꞌ yatzéj nij nihaa̱nj, ndaa̱a síí nocoa̱o doj gaa̱ ndaa̱a xnii doj, cheꞌé rej ti a̱haaa̱n nij soꞌ se vaa nuchranꞌ nimán nij soꞌ rihaan Yaꞌanj quiꞌyaj chumii a̱ a. 1

Jonás en el triqui de Copala © 2014, Wycliffe Bible Translators, Inc.

Jonás 34

5

Gaa̱a cuchiꞌ nanaa̱ caꞌmii natáj Jonás rihaan rey uun chij rihaan Nínive, nea̱ naxumaa̱an a̱ soꞌ nea̱ caꞌnéj soꞌ yatzéj saa̱ꞌ taa̱j xráá soꞌ, nea̱ nayón soꞌ yatzéj nij nihaa̱nj nea̱ caꞌanj caa̱yáán soꞌ rihaan yaj ruvaj a. 7 Veé dan caꞌneꞌ rey uun chij doa̱ꞌ, nij síí ataa̱ suun nua̱ua̱ rihaan rey doa̱ꞌ, suun se vaa caꞌmi a̱i a̱ natáj nii nua̱ꞌ Nínive nanaa̱ nihánj a: —Yuvii a̱ doa̱ꞌ, scúj doa̱ꞌ, matzinj doa̱ꞌ, aa̱ ꞌó xcuu roꞌ, sea̱ cano tuꞌva aa̱ doj se chá doa̱ꞌ, na doa̱ꞌ maꞌ. ꞌOa̱ se sea̱ chá nij soꞌ nea̱ sea̱ coꞌo nij soꞌ na aa̱ maꞌ. 8 Tanaa̱nj nayoa̱n cunudaa̱nj nij soj yatzéj nij nihaa̱nj, nea̱ nucuaa̱j caguaa̱j soj man Yaꞌanj nea̱ taa̱náj ꞌoa̱ ꞌoa̱ soj chrej chiꞌi a̱i a̱ doa̱ꞌ, tucuáán unuꞌ gaa̱ tuviꞌ doa̱ꞌ á. 9 Nea̱ ne neꞌen yáꞌ sese xraj caꞌnea̱ꞌ rá Yaꞌanj nea̱ taa̱náj soꞌ se uyanj rá nea̱ naꞌmaa̱an a̱ rá soꞌ nea̱ sea̱ caviꞌ níꞌ maꞌ —daa̱nj vaa nanaa̱ caꞌmii rey caꞌnéé soꞌ rihaan nij yuvii a̱ a. 10 Gaa̱a queneꞌen yaa̱ Yaꞌanj se vaa quiꞌyaj nij soꞌ gaa̱a tanáj nij soꞌ chrej chiꞌi a̱i a̱, cheꞌé dan caꞌneꞌ rá Yaꞌanj, nea̱ ne quiꞌyaa̱j Yaꞌanj sayuun man nij soꞌ ndaa̱a vaa cataj Yaꞌanj quiꞌyaa̱j soꞌ maꞌ. 6

4

Caꞌmaan rá Jonás a

Tzaa̱j nea̱ caꞌmaan ndoꞌo rá Jonás se vaa ne quiꞌyaa̱j Yaꞌanj sayuun man Nínive, nea̱ cuyanj uxrá rá soꞌ a. 2 Gaa̱a nea̱ cachíín niꞌyaa̱j soꞌ rihaan Yaꞌanj cataj soꞌ a: —Síí chij. Nihánj me gua̱un taj ꞌua̱nj gaa̱a cayáán ꞌua̱nj chiháán ꞌua̱nj adoa̱nj. Cheꞌé dan guun rá ꞌua̱nj yoa̱o cunaa̱nj ꞌua̱nj ndaa̱a Tarsis, cheꞌé se neꞌén ꞌua̱nj se vaa soa̱ꞌ roꞌ me Yaꞌanj ꞌyaj se ndoꞌo doa̱ꞌ, síí nuu ꞌea̱e a̱ rá doa̱ꞌ, síí naa̱j rá doa̱ꞌ, síí ꞌyaj ndoꞌo se lua̱j doa̱ꞌ, síí aꞌneꞌ rá nea̱ ne ꞌyaj sayuun doa̱ꞌ a. 3 Síí chij. Yaa̱j me se rqueé ꞌua̱nj mán soa̱ꞌ se vaa cavi a̱ꞌ ꞌua̱nj qui a̱ꞌyáá soa̱ꞌ rúguanj. Taj me cheꞌé gaa̱aa̱ iꞌnaa̱ꞌ ꞌua̱nj tanaa̱nj vaa cheꞌé aa̱ doj cavi a̱ꞌ ꞌua̱nj raj a —daa̱nj taj Jonás cachíín niꞌyaa̱j soꞌ rihaan Yaꞌanj a. 4 Gaa̱a nea̱ cataj Yaꞌanj xnáꞌanj Yaꞌanj man Jonás —Vaa cheꞌé aꞌmaan rá soa̱ꞌ cunudaa̱nj naꞌ —taj Yaꞌanj rihaan Jonás a. 1

Jonás en el triqui de Copala © 2014, Wycliffe Bible Translators, Inc.

Jonás 4

6

Gaa̱a nea̱ cavii Jonás rque chumanꞌ yoꞌ nea̱ caꞌanj caa̱yáán soꞌ nichrua̱nꞌ chumanꞌ rej síj güii a. Nea̱ quiꞌyaj soꞌ ꞌoa̱ veꞌ yacataj, nea̱ cayáán soꞌ rque cachua̱nꞌ, nea̱ naꞌvi a̱j soꞌ me daa̱j quiraa̱nꞌ chumanꞌ nacoa̱o yoꞌ a. 6 Nea̱ guun rá Yaꞌanj se vaa cunua̱u cui a̱j rá Jonás, nea̱ cheꞌé dan quiꞌyaj Yaꞌanj se vaa xraꞌ ꞌoa̱ coj nea̱ cachij ndoꞌo yoꞌ ndaa̱a se caráán yoꞌ cachua̱nꞌ cúú yavea̱ Jonás maa̱an a̱ güii yoꞌ a. Nea̱ guun nihaa̱ꞌ ndoꞌo rá Jonás cheꞌé coj yoꞌ a. 7 Gaa̱a rangaꞌ ꞌó güii nea̱ caꞌnaꞌ ꞌoa̱ xlúú, quiꞌyaj Yaꞌanj, nea̱ caꞌneꞌ xlúú coj yoꞌ nea̱ cuchrii coj yoꞌ a. 8 Gaa̱a guun xtaa̱ꞌ güii nea̱ caꞌnéé Yaꞌanj nanaa̱ yaꞌaa̱an ndoꞌo avii rej síj güii a. Nea̱ gaan ndoꞌo cúú yavea̱ Jonás, quiꞌyaj naán güii, nea̱ daa̱j doj sea̱ caviꞌ iꞌnaa̱ꞌ soꞌ a. Nea̱ guun ndoꞌo rá soꞌ se vaa cavi a̱ꞌ soꞌ nea̱ cataj soꞌ a: —Taj me cheꞌé gaa̱aa̱ iꞌnaa̱ꞌ ꞌua̱nj tanaa̱nj vaa cheꞌé aa̱ doj cavi a̱ꞌ ꞌua̱nj raj a —taj Jonás rihaan Yaꞌanj a. 9 Gaa̱a nea̱ cataj Yaꞌanj rihaan Jonás —Vaa cheꞌé aꞌmaan ndoꞌo rá soa̱ꞌ cheꞌé coj yoꞌ naꞌ —taj Yaꞌanj rihaan Jonás a. Nea̱ cataj Jonás a: —Yaa̱ yaa̱ vaa cheꞌé aꞌmaan ndoꞌo rá ꞌua̱nj ndaa̱a se cavi a̱ꞌ ꞌua̱nj raj á —taj Jonás rihaan Yaꞌanj a. 10 Gaa̱a nea̱ Yaꞌanj cataj rihaan Jonás —Cunuu ꞌea̱e a̱ rá soa̱ꞌ niꞌyaa̱j soa̱ꞌ coj yoꞌ, tzaa̱j nea̱ ne quiꞌyaa̱j suun soa̱ꞌ nea̱ né maa̱ꞌán soa̱ꞌ quiꞌyaa̱j cachij coj yoꞌ, nea̱ rque ꞌoa̱ yanꞌ cachij coj yoꞌ nea̱ rque ꞌó yanꞌ caviꞌ coj yoꞌ a. 11 Nea̱ Nínive roꞌ me chumanꞌ nacoa̱o rej maa̱n cientó táá icoa̱ míj táá doj nij síí ne acaj cuentá, nea̱ maa̱n ndoꞌo xcuu uún a. Nea̱ ne nó xcúún ꞌua̱nj cunua̱u ꞌea̱e a̱ rá ꞌua̱nj ni a̱ꞌyaj ꞌua̱nj man nij soꞌ, rá soa̱ꞌ naꞌ —taj Yaꞌanj rihaan Jonás a. 5

Jonás en el triqui de Copala © 2014, Wycliffe Bible Translators, Inc.