2 JUAN 2 JUAN

1862

2 John 1Jnmat chj 2 Juan 04/09/06 Ovidio, Ambrocio Domingo, Elena de Ekstrom Chuj San Mateo Ixtatán

A Schabßil Carta

SAN JUAN Schabßil Juan sbßi jun carta tic, aton schabßil carta stzßibßejnacbßat viåaj apóstol Juan dßa jayvaå ebß creyente sicßbßilel yuj Dios, palta ichato a dßa junoc ix creyente yedß yuneß dßa yol spat bßaj stzßibßejbßat viå. Syacßbßat stecßanil spensar ebß viå, yic xajanej sbßa ebß, syacßlan stecßanil ebß, yic max scha yabß juntzaå comon cßaybßubßal ebß, aton juntzaå tzecß yal juntzaåxo ebß comon cßaybßum. Sco xajanej co bßa

A ebß tzecß acßan es

1 A in icham vinac in tic, tzin tzßibßejbßat jun in carta tic dßayach, ach vanabß yedß dßa ebß uneß. A ex to sicßbßil exxo el yuj Dios vedßoc. Val yel tzex in xajanej. Maåoc inåej, palta tzex xajanej pax smasanil ebß ojtannac jun abßix te yel. 2 Tzex co xajanej, yujto a jun abßix te yel tic, ayxo och dßayoå dßa junelåej. 3 Tzin nibßej to a co Mam Dios yedß Yuninal aton Jesucristo tzßocß scßool dßayex, syacßanpax svachßcßolal dßayex taß, yujto ayoch co pensar dßa jun cßaybßubßal to yel, sco xajanan pax co bßa. 4 Ix te ja val in tzalajcßolal, ayic ix vabßani to ay ebß uneß van sbßeybßalan jun cßaybßubßal te yel, icha yaj yalancan co Mam Dios dßayoå. 5 A ticnaic tzin cßan dßayex taß to slaj co xajanej co bßa co masanil. A jun checnabßil svalbßat tic dßayex, maå bßabßelocto eyabßan tic. Yujto atax ix cacßanoch Dios dßa co cßool ix cabßani. 6 Tato van co bßeybßalan schecnabßil Dios, sco xajanej co bßa syal chiß. A jun checnabßil cabßnacxo atax cochnac yicoc Dios, a tzßalani to sco xajanejecåej co bßa.

7 A ticnaic, maå jantacoc ebß esalvum tzßecß dßa yolyibßaåqßuinal tic, tzecß yalan ebß icha tic: Ayic yulnaquecß Jesucristo, maå ul yacßnacoc ochlaj sbßa animail, xchi ebß. A ebß tzßalan icha chiß, yes ebß, ajcßool ebß dßa Cristo. 8 A exxo, tzeyil val e bßa dßa ebß yic maå nabßaåejoc e munlajel taß. Tato icha chiß tzeyutej e bßa, tzßacan ol e cha spac tas ol yacß Dios dßayex. 9 A mach tzßactancan cßaybßubßal yalnaccan Cristo, syacßanoch stzßacubß jun cßaybßubßal chiß, maå ayocochlaj Dios dßay syal chiß. Palta tato ayåejoch spensar dßa scßaybßubßal Cristo chiß, ayoch co Mam Dios dßay, ay paxoch Yuninal dßay. 10 Tato ay ebß scßoch dßayex, palta chßoc cßaybßubßal tzecß yal ebß, maå e chaoch ebß dßa yol e pat. Maå ex tzalaj yedß ebß ayic scßoch ebß chiß dßayex. 11 Tato vachß tzeyabßi ayic scßoch ebß chiß dßayex, locan ex yedß ebß dßa jun yic chuc chiß syal chiß. Tzßacßjibßat stzatzil scßool ebß 12 Tzijtumto tas in gana sval dßayex, palta malaj in gana tzin tzßibßejbßat dßa jun in carta tic, yujto tzin naß ta icha chiß ol bßat ex vilaß.

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala

1863

Ato taß ol in vachß alejcan juntzaåxo tic dßayex, yic vachß ol ja co tzalajcßolal taß.

2 JUAN

13 A ebß yuneß jun ix a nulej dßa tic, aton ix sicßbßilxoel yuj Dios, syacßbßat stzatzil e cßool ebß.

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala