3 JUAN 3 JUAN

1864

3 John 3Jnmat chj 3 Juan 04/09/06 Ovidio, Ambrocio Domingo, Elena de Ekstrom Chuj San Mateo Ixtatán

A Yoxil Carta

SAN JUAN Yoxil Juan sbßi jun carta tic, aton jun yoxil carta stzßibßejnacbßat viåaj apóstol Juan dßa jun viå cuchbßum dßa jun iglesia, aton viåaj Gayo. Ay ebß tzßalani to ichato a junoc anciano tzßibßannac jun carta tic, palta tecan a viåaj apóstol Juan. Tzßalji viåaj Gayo tic vachßil, yujto xajanej val ebß creyente viå. Syalpaxbßat viå to syaßilej sbßa viåaj Gayo chiß dßa schucal sbßeybßal viåaj Diótrefes. Slajvi chiß, sbßat stzatzil scßool viåaj Demetrio. Vachß lolonel tzßalji dßa viåaj Gayo 1 A in icham vinac in tic, tzin tzßibßejbßat jun in carta tic dßayach, ach vucßtac Gayo. A ach tic, tzach in xajanej val dßa smasanil in cßool. 2 Ach xajanabßil vuuj, tzin cßan dßa co Mam Dios to ichocabß svachßil aj dßa yic Dios chiß, ichocabß chiß svachßil pax yecß uuj, ayocabß pax a qßuinal. 3 Ayic ix ul yalan ebß cucßtac uuj, ix in te tzalaj val dßa tic yujto ix yal ebß to ay val och a pensar dßa jun cßaybßubßal te yel, tza cßanabßajejåej paxi. 4 Ayic svabßani to aåejaß scßanabßajan jun cßaybßubßal te yel ebß ochnac creyenteal vuuj, malaj junocxo bßaj scot in tzalajcßolal icha jun chiß. 5 Ach xajanabßil vuuj, te vachß tzutej a pensar svabßi. Tzach colvaj dßa ebß quetcreyenteal, vachßchom ay ebß maå ojtacoc. 6 Ay ebß ix alan dßa yichaå ebß creyente smolbßej sbßa dßa tic to tza xajanej a bßa yedß ebß taß. Tzach colvaj val dßa ebß bßaj sbßeyeqßui. Smoj ichaåej chiß tzutej a bßa dßa ebß, yujto icha chiß sgana Dios. 7 A ebß chiß, yujåej yacßan servil Jesucristo ebß tzßecß ebß. Malaj junoc tas scha ebß dßa ebß maå ojtannacoc Dios. 8 Yuj chiß, yovalil a oå tic tzoå

colvaj dßa ebß. Tato icha chiß, ichato van co munlaj pax yedß ebß ayic tzßecß ebß yalel jun cßaybßubßal te yel. A sbßeybßal viåaj Diótrefes 9 In tzßibßejnacbßat jun in carta dßayex a ex tze molbßej e bßa taß. Palta a viåaj Diótrefes, sgana viå aåej viå tzex acßan mandar taß. Yuj chiß syal viå to malaj yelcßoch tas scal dßayex. 10 Yuj chiß, tato ol in cßoch dßayex taß, ol valaß tas smul viå, yujto toåej syesej co muloc viå dßayex. Maåocåej juntzaå chiß scßulej viå. Max schapax juntzaå ebß quetcreyenteal viå scßoch dßayex taß. Vachßchom ayex e gana tze cha ebß, axo viå sqßue yoval. Tzex spechpaxel viå dßa scal ebß quetcreyenteal taß. 11 Ach xajanabßil vuuj, maå a bßeybßalej sbßeybßal ebß chuc scßulej. Aåej tas scßulej ebß vachß, a tza cßulej. Tato vachß scutej co bßa, yic oåxo ton Dios. Palta a ebß chuc syutej sbßa, maå yojtacoc Dios ebß. A svachß bßeybßal viåaj Demetrio 12 Axo viå cucßtac Demetrio, van yalan ebß smasanil yuj svachßil viå, chequel to scßanabßajej jun abßix te yel viå. Aåejtonaß oå tic, scal pax viå vachßil. Eyojtac, a tas scalaß, te yel.

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala

1865 Tzßacßjibßat stzatzil scßool ebß 13 Tzijtumto tas in gana svalbßat dßayach taß, palta maj in tzßibßejbßatlaj dßa jun in carta tic. 14 Yujto tzin naß talaj ol in bßat ach vilaß, yic ato taß ol

3 JUAN

in vachß alejcan juntzaåxo tic dßayach. 15 Ayocabß a juncßolal taß. A ebß a vachßcßool dßa tic, syacßbßat stzatzil a cßool ebß. Scacßbßat stzatzil scßool junjun ebß co vachßcßool taß.

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala