1353 SOFONÍAS

SOFONÍAS 1

Zephaniah Zepmat chj 11ß09ß06 Ekstrom, Pascual, Ambrocio, Tepox, Ovidio, Chuj S. Mateo

A Slolonel Dios Dßa Viåaj

SOFONÍAS

,1

Sofonías sbßi jun libro tic, yujto a slolonel Dios yalnac dßa viåaj Sofonías tzßibßabßilcan dßay. Ecßnac viå dßa stiempoal viåaj Nahum yedß viåaj Habacuc. A yuj tas syal jun libro tic, snachajel cuuj to ayocto yalannaccanel juntzaå lolonel tic viå ayic mantzac meltzajxi spensar ebß aj Judá dßa schecnabßil Jehová dßa stiempoal viåaj rey Josías. A jun libro tic, syalcot yuj smul ebß anima slaj ochi, yuj chiß syacßcot yaelal Dios yic satel ebß. Syalanpaxcot yuj yaelal ol javoc dßa yibßaå ebß aj Judá, yujto tzßoch ebß ejmelal dßa juntzaå comon dios. Ol satjocpaxel juntzaå choåabß dßa yol smacbßen ebß filisteo yuj Dios. Palta axo pax choåabß Jerusalén jun, yalnac Dios to ol bßochajxoc. A dßa jun tiempoal chiß, a ebß anima ol cajnaj ebß dßa emnaquilal yedß dßa stojolal. Yuj chiß a jun libro tic, slajvican yedß jun bßit yic tzalajcßolal. Scßual yoval scßol Jehová

1

1 Aton juntzaå lolonel tic ix yal

Jehová dßayin Sofonías in tic, yuninal in viåaj Cus, yixchiquin in viåaj Gedalías yuninal viåaj Amarías yuninal viåaj Ezequías. Ayic ayoch viåaj Josías yuninal viåaj Amón reyal dßa Judá, ataß ix lolon Jehová dßayin. 2 A Jehová ix alan dßayin icha tic: Ol in satel masanil tas ay dßa sat luum tic. 3 Ol in satel ebß anima, ol in satel nocß nocß, nocß much yedß pax nocß chay. Ol in satel ebß chuc yedß schucal. Ol in satel ebß anima dßa sat lum luum tic. 4 Ol vacßoch yaelal dßa yibßaå choåabß Judá yedß pax dßa yibßaå masanil ebß cajan dßa Jerusalén. Ol in satel juntzaå bßaj tzßoch ebß ejmelal dßa comon dios scuchan Baal dßa jun choåabß tic. Maåxa bßaj ol checlajcanoc yedß pax sbßi ebß sacerdote ol in sucsatoc.

5 Ol in satel ebß sqßue dßa yibßaå-

tac pat lesal dßa masanil tas chequel dßa satchaaå. Ol in satpaxel ebß tzßem cuman yic tzin yacßan bßinajoc, palta syacßpax bßinaj sdiosal ebß scuch Milcom. 6 Ol in satpaxel ebß syiqßuel sbßa dßayin, aton ebß max yal sbßa dßayin, ebß max yaqßuem sbßa yic scßanbßan sbßa dßayin. 7 Numan tzex aj dßa vichaå a in Jehová in tic, yujto a scßual yoval in cßool, lacßanxo ay. Toxo ix in siqßuel nocß nocß ol in milcham silabßoc. Toxo pax ix in sicßcanel mach avtabßil vael vuuj. 8 A dßa jun cßual chiß, ol vacß val och yaelal dßa yibßaå ebß yajal yedß dßa yibßaå ebß yuninal ebß viå rey yedß pax dßa yibßaå juntzaåxo ebß tzßacßanoch spichul ebß chßoc choåabßil. 9 Ol vacßoch yaelal dßa yibßaå ebß tzßochbßat tzßitnaj dßa yibßaå sbßachnubß spuertail templo, ebß syacß bßudßjoc stemplo scomon

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala

SOFONÍAS 1, 2

1354

diosal yedß bßeyumal syicß ebß dßa spatic yelcßumal yedß pax yuj yacßan musansatil ebß yetanimail. 10 A dßa jun cßual chiß, ol abßchaj yel yav anima dßa puerta bßaj tzßoch ebß choåum chay dßa schabßil macaå choåabß. Ol abßchaj scßaå yel cßacap dßa lum tzalquixtac. 11 Avajaåec, mach ex cajan ex dßa mercado, yujto masanil ebß choåvajum ol chamel ebß, masanil ebß tzßacßan tumin majanil, ol satel ebß. 12 A dßa jun cßual chiß, ol in say vil Jerusalén, icha tzßaj saychaj junoc tas satbßat yedß teß tzßictaj. Ol vacßoch yaelal dßa yibßaå ebß anima malaj tas snaß ticnaic, lajan ebß icha vino toåej taåanem yich, syal ebß icha tic: A Jehová, max yacßcotlaj vachßil dßa quibßaå, aåejtonaß maå ol yacßpaxcotlaj chucal, xchi ebß. 13 Yuj chiß a masanil jantac sbßeyumal ebß, ol icßchajecßoc yedß spat ebß ol juchajemoc. Ol sbßoqßue spat ebß, palta maåoc ebß ol cajnaj dßa yool. Ol yavej yuva ebß, palta maåoc ebß ol ucßan svinoal, xchi Jehová. 14 Lacßanxo ay jun scßual yoval scßol Jehová. Te nivan yelcßoch jun cßual chiß. Lacßanxo ay, yelcßolal sjavi. Abßec, a dßa jun cßual chiß, vachßchom ebß soldado te tecßan, ol ocß ebß yuj xivelal. 15 A jun cßual chiß, scßual yoval scßol Jehová, scßual yaelal yedß cuscßolal. A dßa jun cßual chiß, ol juvoquel choåabß, tzßinini ol ajcanoc, ol qßuicßbßoc qßuinal,

2 ,1

qßuicßalqßuinalxoåej ol ajoc, ol muslajpaxoc, vevenxoåej ol ajcanoc. 16 A dßa jun cßual chiß, scßual spuchaj qßuen trompeta yic oval yedß yel yav ebß soldado yacßan oval dßa choåabß ayoch smuroal yedß storreal te chaaå yajqßuei. 17 Syalan Jehová icha tic: Ol vacß val och ebß anima dßa ilcßolal, yuj chiß lajan ol aj sbßeyecß ebß icha sbßeyecß ebß max uji yilani, yujto sicßlabßil ix och schucal ebß dßa vichaå. A schiqßuil ebß, ol bßatcan quibßnaj icha lum pococ, axo snivanil ebß, toxoåej ol qßuecan bßulan icha stzaß nocß nocß, xchi Jehová chiß. 18 A dßa scßual yoval scßol Jehová, a qßuen oro yedß qßuen splata ebß anima, maåxo ol yal scoljiel ebß yuj qßueen. Yujto a yoval scßol chiß ol acßan satel jun nación tic. Maå junipoc ol satel masanil ebß cajan dßa jun nación tic. Icha tzßaj stzßabßat junoc tas yuj teß cßacß, icha chiß ol aj satel ebß. 1 Ex anima malaj jabßoc sqßuixvelal, molbßejec e bßa yic tze naan sicßlabßil, 2 yacbßan manto javi jun cßual naanxo yuj Jehová, jun cßual te ay smay. Ol ex saclembßat yuuj icha tzßaj yicßjibßat smatzßil ixim trigo yuj icß. 3 Mach ex emnaquil tzeyutej e cßanabßajan tojolal dßa jun nación tic, aqßuecoch e bßa dßa yol scßabß Jehová e masanil. Bßeybßalejec tojolal yedß emnaquilal, talaj olto ilchaj bßaj ol e col e bßa dßa jun cßual yic yoval scßol Jehová chiß.

2

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala

1355 A yaelal ol javoc dßa yibßaå juntzaå nación 4 Tzßinini ol ajcan choåabß Gaza.

Cuseltac ol ajcan choåabß Ascalón. Dßa cßualil ol pechchajel ebß cajan dßa Asdod, axo pax ebß cajan dßa Ecrón ol icßchajel ebß, icha stocßchajqßueta junoc te teß yedß schßaåal yibß. 5 Mach ex cotnac ex dßa Creta, ex cajan ex dßa stitac aß mar, toxo ix yal Jehová tas ol javoc dßa eyibßaå. Syalan icha tic: Ol in satel choåabß Canaán, aton schoåabß ebß filisteo. Maåxo junoc mach ol can cajan taß, xchi Jehová. 6 Masanil choåabß dßa stitac aß mar, axoåej nocß calnel ol va dßay. Axoåej taß ol sbßoqßue slech pat ebß taåvum calnel yedß smacteß nocß scalnel ebß chiß. 7 A ebß maå ol cham dßa Judá, ol yicß smacbßen ebß dßa jun lum luum chiß. Ataß ol laj bßat ebß staåvej nocß scalnel, axo dßa teß pat dßa Ascalón ol laj vay ebß dßacßvalil, yujto a Jehová Dios ol taåvan ebß, ol icßjocpaxqßue chaaå ebß yuuj. 8 A Jehová tzßalan icha tic: Ix vabß val sbßuchvaj ebß moabita yedß ebß amonita dßa ebß in choåabß, syalanpax ebß to ol yiqßuecß lum sluum ebß in choåabß tic ebß yalani. 9 Yuj chiß, a in Jehová in tic svalaß, a Moab yedß Amón chiß, lajan ol aj icha ajnac Sodoma yedß Gomorra, aton meltzajnacoch bßaj sqßuibßqßue teß qßuiix yedß pax bßaj sbßo atzßam atzßam. Tzßinini ol ajcan dßa junelåej.

SOFONÍAS 2

Axo ebß maå ol cham dßa in choåabß, a ebß ol icßanelta tastac ay dßa ebß, a ebß ol macbßenancan slum ebß chiß, xchi Jehová. 10 Aton spac chiß ol scha Moab yedß Amón, yujto ix bßuchvaj ebß dßayoå schoåabß oå Jehová Yajal dßa Smasanil. Ix yalanpax ebß to syiqßuecß lum co luum ebß. 11 Ol cot val yoval scßool Jehová dßa ebß. Ol satel juntzaå comon dios ay dßa smasanil yolyibßaåqßuinal tic. Axo ebß cajan dßa juntzaå lum luum ay dßa snaåal aß mar, ol och ebß ejmelal dßa Jehová bßaj cajan junjun. 12 Yedß ex pax tic, ex aj Etiopía, ol ex cham yuj yespada Jehová. 13 Ol yacßanpax yaelal Jehová dßa yibßaå ebß cajan dßa Asiria ay dßa norte yic satel ebß. Tzßinini ol ajcan choåabß Nínive yuuj, tzßinan luum ol ajcanoc. 14 Ol juchajem spat ebß. Axoåej nocß molbßetzal nocß yedß nocß cßultaquil nocß ol aj taß. Axoåej nocß cujubß yedß nocß sotzß ol ocß dßa schontac yoyal spat ebß chiß, ol laj oqßuelta nocß dßa ventena. Toxoåej ol och bßulan nocß joj dßa stiß spuertail spat ebß chiß. Axo teß cßuteß ayoch schemtealoc yool, ol laj el teß. 15 Icha chiß ol utaj jun choåabß te acßumtac syutej sbßa, malaj tas snaßa, syipcßolej sbßa schßocoj, syalan ebß cajan dßay icha tic: Malaj junocxo choåabß lajan yedß co choåabß tic, xchi ebß. Palta ol can tzßinan, axoåej nocß chium nocß ol cajnajcan taß. A ebß ol ecß dßa slacßanil chiß, ol schiåubßtaåej scßabß ebß, ol bßuchvaj ebß dßay.

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala

SOFONÍAS 3

1356

3 ,2

A schucal Jerusalén yedß scolnabßil

3

1 Obßiltac ebß aj Jerusalén, aton

jun choåabß bßaj cajan ebß anima te pit, ebß yelxo val te chuc yedß pax ebß ixtum anima. 2 Maj scha yabß ebß tas ix yal Jehová, te chuc pax ix yabß ebß ayic ix cachji ebß yuuj. Maj yacßoch Jehová sDiosal ebß yipoc scßool, maj scßanbßejpax jabßoc sbßa ebß dßay. 3 A ebß sreyal ebß, lajan ebß icha nocß choj tzßel yav yuj vejel. Axo ebß sjuezal ebß, lajan ebß icha nocß oques maåxo junoc sbßaquil schibßej syactejcani yic schi dßa junxo cßu. 4 A ebß syaloch sbßa schecabßoc Dios, syicßchaaå sbßa ebß, aåej dßa yol yic ebß scomon loloni. A ebß sacerdote, syixtejbßat scajnubß Dios ebß, max scßanabßajej pax scßaybßubßal Dios chiß ebß. 5 Palta, ayecß Jehová dßa co choåabß tic, aåej tas tojol scßulej, malaj juneloc scßulej junoc tas maå vachßoc. Junjun qßuiåibßalil schßoxanel stojolal. Axo pax ebß chuc, max qßuixvi jabßoc ebß. 6 A Jehová tzßalan icha tic: Toxo ix laj in satel juntzaå nación. Toxo ix laj vec laåchaj storreal smuroal schoåabß ebß. Tzßinini ix vutejcan yoltac calle, maåxalaj junoc mach tzßecß taß. A dßa juntzaå choåabß chiß, maåxa junoc anima cajan. 7 Ix vutej icha chiß, talaj a ebß aj Jerusalén tic, ol ja sxivcßolal ebß dßayin, yic a ol vacßan scachnabßil ebß, ol in scßanabßajej ebß. Tato icha chiß, maå ol in juem

scajnubß ebß, maå ol vacßpaxoch syaelal ebß, icha ix aj in naani. Palta axo ebß jun, yelcßolal ix tzalaj val ebß scßulan masanil macaå chucal dßa vichaå. 8 Yuj chiß taåvejec sjavi jun cßu ayic ol in chßoxanel smul masanil ebß scßulan chucal. A in Jehová in sval icha tic: Toxo ix in na to ol in molbßej masanil nación yedß masanil choåabß, yic ol vacßoch yoval in cßol dßa yibßaå ebß anima cajan dßay. Masanil yolyibßaåqßuinal ol satel yuj yoval in cßool. 9 Ayic ol cßoch jun cßual chiß, axoåej lolonel vachß ol vacß yal ebß anima smasanil, yic vachß a masanil ebß anima dßa junjun choåabß, ol yal vachß lolonel ebß dßayin. Junxoåej ol aj yalan sbßa ebß dßayin. 10 A ebß in choåabß sacleminac yajcanbßat ticnaic dßa scßaxepal a aß yic Etiopía, a dßa jun cßual chiß ol laj javoc ebß smasanil ul yaqßuem sbßa dßayin yedß yofrenda. 11 Ex in choåabß, a dßa jun cßual chiß, maåxo ol ex qßuixvoc yuj e chuc bßeybßal, aton bßaj ix e pitej e bßa dßayin. A dßa jun cßual chiß, ol viqßuel ebß stzalaj yedß yacßumtaquil dßa e cal. Maåxo acßumtacoc ol eyutej e bßa dßa jun tzalan bßaj tzßoch ejmelal dßayin. 12 Axoåej ebß anima emnaquilal syutej sbßa ol vacßcan cajan dßa in choåabß chiß, axoåej dßayin ol scol sbßa ebß. 13 A ebß aj Israel olto canoc, maåxo ol scßulej ebß tas maå tojoloc, maåxo ol yalpax lolonel

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala

1357

ebß maå yeloc. Maåxalaj pax bßaqßuiå ol yixtej ebß yetanimail ebß. Juncßolalxoåej ol aj ebß, maåxalaj mach bßaj ol xiv ebß, toxoåej ol va ebß, juncßolalxoåej ol aj ebß, xchi Jehová. Bßit yic tzalajcßolal yuj Jerusalén 14 Bßitanaåec ex aj Sion. Qßueocabß

chaaå e jaj e bßitan ex aj Israel. Tzalajaåec ex aj Jerusalén, tzalajaåec val. 15 A Jehová, toxo ix yicßcanel ebß tzßacßanoch yaelal dßa quibßaå, toxo ix spatiquejel ebß ayoch ajcßolal dßayoå. A Jehová co Reyal ayecß quedßoc. Maåxalaj bßaj ol oå xivoc. 16 A dßa jun cßual chiß, ol yal anima dßa ebß aj Jerusalén icha tic: Ex aj Sion, maåxo ex xivoc, maåxoocabß el yip e cßabß yuj xivelal. 17 A Jehová e Diosal ayecß eyedßoc. A spoder tzex colani, ste tzalaj

SOFONÍAS 3

eyedßoc. Yujto xajan ex yuuj, yuj chiß maåxalaj tas ol yalaß. A yuj stzalajcßolal chiß ol bßitanoc, 18 icha tzßaj yoch bßit dßa scßual qßuiå, xcham ebß. Syalan Jehová: Ol viqßuel juntzaå cuscßolal ayoch dßa eyibßaå, ol vicßanpaxel qßuixvelal tzex icßani. 19 A dßa jun cßual chiß, ol vacß yovalil dßa juntzaå ebß ix ex ixtani. Ol in colvaj dßa ebß yatac val ay yedß dßa ebß saclemnaccanbßati. Ol vicß val chaaå snivanil eyelcßoch dßa masanil yolyibßaåqßuinal yuj bßaj ix ex ixtaji. 20 A dßa jun cßual chiß, ol ex vicßcoti. Ol ex in molbßej, ol in qßuexan tas ayoch dßa eyibßaå. Ol ex vicßan val chaaå, nivan ol aj eyelcßoch dßa scal masanil choåabß dßa yolyibßaåqßuinal tic. Ol eyil val ex vicßanxi chaaå, xchi Jehová.

Biblia en Chuj de San Mateo Ixtatán, 1ra ed. © 2007, Sociedad Bíblica de Guatemala