Sustainable Copra Production Soil and Ecosystem Conservation

Kung ang daplin sa sapa walay tanom, dali kini mabanlas hinungdan nga ang sapa molapad unya ang imong uma mogamay ang area.

Tanumi ug lainlain nga tanum ang daplin sa sapa aron mapugngan ang pagkabanlas niini.

Ang pagkaingin mopatay sa tanan tanum ug kahayopan sa imong yuta. (Critical criteria 2.2 ug 9.5)

Himoang conservation area ang mga lugar nga dili na mapuslan ug tanumi ug mga kahoy nga lumad sa lugar.

Integrated Pest Management

Ayaw paggamit ug mga agrochemical nga ginadili sa Rainforest Alliance kay kini dilikado kaayo sa panglawas ug sa kinaiyahan. (Critical criteria 8.4)

Gamit ug mga biological control (sama sa parasitoid) alang sa pagkontrol sa mga peste.

Productivity

Ang dug-ol kaayo nga pagtanum moresulta sa gamay nga bunga ug gamay nga abot.

Itanom ang lubi sa 10x10m nga distansya. Ang kahayag sa adlaw ug ang sustansya sa yuta mabahin ug insakto sa mga lubi ug ang abot modaghan.

Ang pag-abono kinahanglan gibasi sa soil analysis… Butangi ug asin ang mga Ang sobrang pag-abono dako ug gasto, makapaacidic ug makadaut sa yuta. Kung lubi aron mobaga ang unod niini. Alang sa nagabunga nga lubi,butangi ug 1kg ang yuta nanginahanglan ug abono apan dili kini abonohan ang mga lubi dili himsog hangtud 2 kg nga asin kada tuig ang matag punoan. ug ang bunga gamay lang.

Kung lonlon lubi ang tanum sa uma, dali kita maapektohan sa pag-usabusab sa presyo sa kopras. Tanumi ug intercrop apan ayaw paggamit ug Genetically Modified Organism o GMO sama sa BT corn. (Critical criteria 8.6)

Pag-intercrop ug cacao, kape, o mga prutas sama sa papaya, pinya, o saging aron mahimong produktibo kaayo ang uma ug dili dali maapektohan sa pagusabusab sa presyo sa lubi.

Ang kakulang sa pagtagad sa mga peste hinungdan sa kalit nga pagdaghan ug lisod na pagkontrol niini.

Bantayan ang mga peste ug sakit nga mopakita sa kalubihan ug himoan dayon ug aksyon aron malikayan ang pagkaylap niini.

Copra Quality

Ang pagharvest ug linghod nga bunga hinungdan sa goma nga kopras, taas ug moisture content, ug gamay nga oil content. Ang linghod nga lubi mas gaan ang timbang ikumpara sa gulang nga lubi.

Ang pagpauga pinaagi sa tapahan o pagbulad sa adlaw moresulta sa ubos nga kalidad nga kopras.

Aron bug-at ug taas ang kalidad ang makuha nga kopras , kuhaon lamang ang sakto ka gulang nga bunga, 11 hangtud sa 12 ka bulan gikan sa pagpotot nga bunga.

Ang pagpauga pinaagi sa kukum dryer moresulta sa pinakamaayo nga kalidad sa kopras. Gamita ang bunot para sugnod sa kukum.

Waste Management

Ayaw sunoga o ilabay sa kasapaan ang mga basura. Ang pagsunog sa plastic magmugna ug makahilo nga aso nga delikado alang sa panglawas sa katawhan. (Critical criteria 4.7)

I-segregate ang mga basura. Himoa nga compost ang mga mabulok nga basura aron magamit nga abono sa mga tanom.