Novu orden ta komesâ ôra ki mudansa ê fêtu? Ôra ki tribunal fazê un desizon pa mudâ kuantia di penson di mininus, tribunal ta da orden sô dispôs ki mãe ô pai recebi avisu di keixa. Leis federal i di stadu ta proibi ki un orden pâ mudansa di penson ta ser postu pâ komesa antis ki orden sai. Enton ê muite importanti ki pais komesa prosessu di mudansa logu ki ês ten un troka di salariu ô kustôdia di mininu.

Ajuda pa klienti di DOR

Modifika bô Orden di Penson di Mininus

Pur favor txuman si bô ten kalker pergunta sobri nôs servisu pa penson di mininu ô si bô ten algun informason ki ta adjudanu impô bô orden di penson di mininus. Centru di Assistensia pa Klienti 1-800-332-2733

Divison ki tâ Impô Orden di Penson di Mininus di Dipartimentu di Vencimentu di Massachusetts(DOR) ta trabadja pa garanti ki familia ta recebê penson di mininus N ôra i pagamentu completu.

(N Merika i N Porto Rico telifonema ê di grassa)

Assuntus di siguransa DOR podê dâ kel ôtu parti tudu informason ki bô dâs. Si bô prienxi un petison pâ mudansa, kel petison ten bô enderesu i kel ôto parti ta bâ otxal. Si bô ka kre pâ kel ôtu parti ten bô enderesu ô si bô ten algun priokupason ku bô siguransa, dixan sabê di favor, ôra ki bô prienxi un keixa pâ Modifikason.

Bô ten ki dixa DOR sabê imidiatamenti si: 4 bô troka di telefoni ô endersu; 4 bô muda di trabadju; 4 bô trabadju troka di telefoni ô enderesu; 4 bô troka numeru di bô lisensa; 4 bô troka numeru di bô social security; ô 4 bô troka di nomi.

(1-800-255-5587 pa gentes ki ka ta ôbi dretu) (1-617-660-1234 pa telifonema di Chelsea, Charlestown, Everett, East Boston, ô Revere) sigunda atê sesta 8:30 di pulmanha atê 4:30 di tardi Nôs sistema di telifoni automaticu ki ta recibi xamada (VRS) sta a bô dispor 24 ôra pur dia, 7 dia pur sumana - ku informason sobri assistensia i informason mas resenti sobri bô kasu, ki ta inklui bô ultimu pagamentu i stadu di bô konta. Pa bô ka otxa linha interumpidu txuma dispôs di 5:00 di tardi. Pa mas informason sobri nôs servisu, pa bô ten asesu di bô kasu N internet, ô pa uza kalker ôtu servisu di nôs N internet, buska N nôs rede: www.mass.gov/dor

Pâ fazê reporti di mudansa di favor mandan un fax pa 617-887-7540, mandan pa komputador N [email protected] ô txuma pâ 1-800-332-2733. Si bô ta mora N Chelsea, Charlestown, Everett, East Boston ô Revere bô ten ki txuman pa 617-660-1234.

Pô bô fijdu Prumeru

Pai ô mãe ki ka ten kustudia di mininus ta paga penson di mininus N kuantia ki tribunal manda. Kuantia di penson di mininus ê conformi abilidadi di pai ô mãe paga. Lei tamben ta dixa troka orden si, ten mudansa N kustodia ô abilidadi di pai ô mãe paga.

Si bô ê un klienti di DOR i bô fidju mas nobu ten idadi menus di 17 1/2, nô podê ajudabu bai pa tribunal pa pedi un modifikason di bô orden di penson di mininus. Ês pamfletu ta respondêbu kalker pergunta sobri manera ki bô podê modifika bô orden di penson di mininus.

Stadu di Massachusetts Dipartamentu di Vensimentu Divison ki tâ Impô Orden di Penson di Mininu

8.5M 11/06 15018

Kusê ki ten di akontesi antis di ês aumenta ô reduzi kuantia di penson? Un modifikason di kuantia di penson di mininus ê si: 4 Salariu di kalker un, pai ô mãe, troka; 4 Kustodia di mininu troka; 4 Seguru di dotor di pais; ô 4 Ka ten un orden pa ajuda ku dotor. Pur exemplu, un modifikason di kuantia di penson di mininus podê serbi si un di sês pais perdê trabadju, ô comesa ta recebi penson di invalidez ô assistensia di governu. Sô tribunal ê ki podê muda kuantia di bô orden di penson di mininus i ês ta uza Tabela di Massachusetts pa Penson di Mininus pa desidi novu kuantia. Tabela ta konsidera txeu kosa komu salariu di pais i abilidadi di ten un trabadju ki ta paga mas, kantu fidju i ki idadi ês ten, i kustu di siguru di dotor pa mininus. Tribunal podê aumenta ô diminui bô orden ô ês podê disidi ka fazê nada. Si pai ô mãe, di livre vontadi, ten un trabadju ki ta paga poku ô sta disempregadu, ê mas provavel ki ês ka ta reduzi orden. Si pai ô mãe ten un trabadja ki ta paga menus ki ês podia ganha na ôtu trabadju, tribunal podê pensa ki bô fazel di livre vontadi.

Modi ki un podê sabê si un mudansa di salariu ê sufisiente pa mofika nha orden? Si bô ten xansi di usa interneti, bô podê uza nôs Folha di Kalkula Penson di Mininus, ki sta N nôs redi www.mass.gov/dor. Kel Folha di Kalkulason ta dabu un ideia di kuantia ki tribunal podê spia N Tabela pa decidi penson di mininus baseadu N bô presenti kondison finanseira.

Modi ki un ta pedi pa muda un orden?

Ki ta kontisê si nha orden ê di ôtu Stadu?

Si bô ê pai ô mãe ki ten ki paga penson, ô enkarregadu di mininu ki ta recebi penson, si bô krê ajuda pa bai tribunal i pedi un modifikason, bô mestê prienxi un Keixa pa Modifikason i mandal pa nôs ku siginti:

Informason nês pamfletu ê sô si tribunal di Massachusetts da bô orden i ainda ês ten autoridadi pa muda bô orden.Si ôtu Stadu dabu orden i tribunal di Massachusetts ka ten autoridadi pa modifika bô orden, nô podê ajudabu fazê un pedidu pa Stadu ki podê modifika kel orden.

4 Un Deklarason Finanseiru (bô podê otxal N nôs redi); 4 Kopia di impostu di salariu di stadu i federal mas recenti; 4 Si bô sta impregadu, talon di xeke di ultimus seis sumana; 4 Prova di pagamentu pa planu di seguru di dotor, si bô ten seguru pa bô fidju, i prova ki bô fidju sta inkluidu N bô seguru; i 4 Numeru di telefoni ki nô podê txumabu duranti dia. Bô podê imprimi papel ki bô mestê pa fazê un Keixa pa Midifkason di nôs redi www.mass. gov/dor.

Modi ki un podê ranja kês papel di Keixa pa Modifikason si un ka ten interneti? Si bô ka ten interneti, bô podê txuma i pedi pa nô mandabu un pa koreiu.

Ki ta kontisê dipôs ki un prienxi tudu papel? Ôra ki nô recebi bô keixa, nô ta da entrada N tribunal, nô ta da un kopia pa kel ôtu parti, i nô ta marka data pa un odiensia. Tribunal mestê un prova (dokumentu ô testamentu) di abilidadi di pagamentu. Nôs funsionariu ta sta presenti N odiensia i el ta presenta tudi informason ki nô ten di salariu e bens di pais. DOR ka ta representa pais. Nôs objetivu ê pa garanti ki orden di penson di mininus sta par-a-par ku abilidadi di paga i Tabela di Penson di Mininus.

Kantu tempu ta leba pa troka un orden? Ês prosessu podê leba sumanas desdi data ki nô recebi tudu papel atê bô odiensia, desdi ki tude informason txiga na ôra i nô sabê ondi pais sta. Si bô orden ê di ôtu Stadu talvez ta leba mas tempu, ta dependê di ses prosessu.