Page 1 DIOS TJEVELE JUPJ 'ÜSÜS LA QJUISIJI JESUCRISTO MPES

afectados por lo anterior;. • Los derechos morales del auto; ..... Tjowelepj jupj pajal püné. Locopyaya jun tjocjol yupj jis caja, pje'á la tocoy jis la 'ayas tsjicj mpes.

Descargar PDF

Imágenes PNG

8MB Größe 1 Downloads 1 vistas

comentario

Informe

DIOS TJEVELE JUPJ ÜSÜS LA QJUISIJI JESUCRISTO MPES El Nuevo Testamento en Tol

El Nuevo Testamento en el idioma Tol Primera edición, © 1993, Sociedad Bíblica Internacional Segunda edición © 2010, Wycliffe Bible Translators Las ilustraciones en las páginas 6, 26, 44, 92, 94, 113, 123, 129, 142, 156, 162, 172, 184, 209, 216, 236, 257, 265, 271, 277, 283, 291, 297, 321, 328, 377, 387, 414, 428, 439, 448, 640, 666 y 785. se usan por cortesía de © 1978 David C. Cook Publishing Co. Las ilustraciones por Horace Knowles ©The British & Foreign Bible Society, 1954, 1967, 1972, se encuentran en las páginas: 8, 73, 178, 183, 197, 602, 657, 720, 774, 779 y 783. La ilustración por Horace Knowles ©The British & Foreign Bible Society, 1954, 1967, 1972, las adiciones y modificaciones por Louise Bass ©The British & Foreign Bible Society, 1994, se encuentra en la página: 779. Las ilustraciones por Louise Bass ©The British & Foreign Bible Society, 1994, se encuentran en las páginas: 56, 71, 107, 150, 173, 200, 251, 314, 316, 333, 346, 383, 582, 678, 770, 779, 781 y 786. www.ScriptureEarth.com

Creative Commons

Atribución-No Comercial-No Derivadas 3.0 Unported

Eres libre de: copiar, distribuir y comunicar públicamente la obra Bajo las condiciones siguientes: • Atribución — Debes reconocer la autoría de la obra en los términos especificados por el propio autor o licenciante. • No comercial — No puedes utilizar esta obra para fines comerciales. • No Derivadas — No está permitido que alteres, transformes o generes una obra derivada a partir de esta obra. Entendiendo que: • Renuncia — Alguna de estas condiciones puede no aplicarse si se obtiene el permiso del titular de los derechos de autor. • Otros derechos — Los derechos siguientes no quedan afectados por la licencia de ninguna manera: • Los derechos derivados de usos legítimosu otras limitaciones reconocidas por ley no se ven afectados por lo anterior; • Los derechos morales del auto; • Derechos que pueden ostentar otras personas sobre la propia obra o su uso, como por ejemplo derechos de imagen o de privacidad. • Aviso — Al reutilizar o distribuir la obra, tiene que dejar bien claro los términos de la licencia de esta obra. http://creativecommons.org/licenses/by-nc-nd/3.0

ÍNDICE San Mateo..................................... Mt................................................1 San Marcos................................... Mc...........................................105 San Lucas...................................... Lc............................................166 San Juan....................................... Jn............................................ 274 Hechos.......................................... Hch..........................................351 Romanos....................................... Ro............................................443 1 Corintios.................................... 1 Co.........................................484 2 Corintios.................................... 2 Co.........................................525 Gálatas.......................................... Gl............................................551 Efesios........................................... Ef.............................................566 Filipenses...................................... Flp...........................................581 Colosenses.................................... Col...........................................591 1 Tesalonicenses........................... 1 Ts..........................................601 2 Tesalonicenses........................... 2 Ts..........................................609 1 Timoteo..................................... 1 Ti.......................................... 614 2 Timoteo..................................... 2 Ti..........................................626 Tito............................................... Tit............................................634 Filemón......................................... Flm..........................................640 Hebreos......................................... Heb..........................................643 Santiago........................................ Stg...........................................682 1 Pedro......................................... 1 P...........................................694 2 Pedro......................................... 2 P...........................................707 1 Juan........................................... 1 Jn......................................... 714 2 Juan........................................... 2 Jn.........................................723 3 Juan........................................... 3 Jn.........................................725 Judas............................................. Jud..........................................727 Apocalipsis.................................... Ap............................................732 Glosario........................................................................................783 Mapas...........................................................................................794

El Nuevo Testamento en Tol de Honduras, 2da ed. ©2010, Wycliffe Bible Translators

El Nuevo Testamento en Tol de Honduras, 2da ed. ©2010, Wycliffe Bible Translators

Mateo papel tepyaca Jesucristo poꞌó

1

1 Dios

jas tjejyama Jesucristo nosis ntꞌa jis capj la pꞌacj judiopan*. Papel niná nin vele püna tapatja jis lá, Jesucristo ne yupj sin popa pꞌiyá, püs naya tüpüꞌü jupj. David* popa watsja jupj. Abraham* popa watsja. 2 Abraham* Isaac popay waytsja. Isaac Jacob popay waytsja. Jacob Judá popay waytsja, Judá jüpülücpan jis popay watsja. 3 Judá Fares popay waytsja, Zara popay watsja jupj. Tamar yupj sejamay waytsja. Fares Esrom popay waytsja. Esrom Aram popay waytsja. 4 Aram Aminadab popay waytsja. Aminadab Naasón popay waytsja. Naasón Salmón popay waytsja. 5 Salmón Booz popay waytsja. Booz jamay Rahab lotsja. Booz Obed popay waytsja. Obed jamay Rut lotsja. Obed Isaí popay waytsja. 6 Isaí David* popay waytsja. David jépatsja jupj Israel moꞌó püná. David* Salomón* popay waytsja. Salomón jamay Urías jatsꞌom waytsja jupj. 7 Salomón Roboam popay waytsja. Roboam Abías popay waytsja. Abías Asa popay waytsja. 8 Asa Josafat popay waytsja.

1 El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 1

2

Josafat Joram popay waytsja. Joram Uzías popay waytsja. 9 Uzías Jotam popay waytsja. Jotam Acaz popay waytsja. Acaz Ezequías popay waytsja. 10 Ezequías Manasés popay waytsja. Manasés Amón popay waytsja. Amón Josías popay waytsja. 11 Josías Jeconías popay waytsja, Jeconías jüpülücpan jis papay watsja jupj. Josías tüpüꞌü na, Babilonia moꞌo tapatja tjiquil, la tapalan yupj israelpan* jis lal. Jis tsupapj, tjaman Babilonia ntꞌa. 12 Babilonia ntꞌa tsupapj tjil na, pꞌa wa sin popa jis tepyala. Jeconías Salatiel popay waytsja. Salatiel Zorobabel popay waytsja. 13 Zorobabel Abiud popay waytsja. Abiud Eliaquim popay waytsja. Eliaquim Azor popay waytsja. 14 Azor Sadoc popay waytsja. Sadoc Aquim popay waytsja. Aquim Eliud popay waytsja. 15 Eliud Eleazar popay waytsja. Eleazar Matán popay waytsja. Matán Jacob popay waytsja. 16 Jacob José popay waytsja. José niná María voyum waytsja. María Jesús jamaytsja. Jesús, Cristo ló wa jupj; Dios tjevele ca jas majamas jupj, gente jis capj la pꞌacj, mpes nin ló jupj. 17 Nin jis latsja püna tapatja, Jesucristo ne yupj sin popa pꞌiyá, püs naya tüpüꞌü jupj. Pjü way jis lá sin pac na Abraham* ló mpe David* ló ntꞌa, catorce way yupj. Nin pꞌiyá, pjü way jis lá sin pac na David ló mpe israelpan* Babilonia ntꞌa tsupapj tjil nas, catorce way yupj ꞌotsꞌipj. Nin pꞌiyá, pjü way jis lá sin pac na yupj tjil na mpe Jesucristo ló ntꞌa, catorce wa yupj.

18 Jesucristo

Jesucristo tjacꞌ. (Lucas 2.1-7)

niná Yomen Dios jas tjejyamá qjuis capj la pꞌacj. Papel niná nin vele ꞌoyn nyuca tjemyaꞌna Jesucristo nosis ntꞌa. Jamay María El Nuevo Testamento en Tol de Honduras, 2da ed. ©2010, Wycliffe Bible Translators

3

SAN MATEO 1, 2

lotsja. Tsjücjüim na tjevéletsja José lal ca jupj lal mwayim. Custjay ma tjowaya pꞌin, way tsjicj jáꞌasatsja jupj Dios Cjües mpes. Pꞌa nequem jin tulucj tepyala jupj. 19 José ma jus nléyatsja tsjan mpes María way tepyala. Malala la tjiji jupj, jólatsja José. Mpes quelel véletsja María lal ma mwayim jupj lal. Jupj lal pꞌin quelel véletsja. Ma quelel véletsja la pꞌa jis lal María malala la tjiji. José ꞌüsüstsja Dios lal, ne nin. 20 Nasa quelel véletsja na niná María lal, Dios ángel* pjaní lay tepyala José ntꞌa. José tjejyá na tjinyuca jupj. Ángel tjevele José lal: “José, David* püna tüpüꞌü popa pꞌiyá jipj. Po ma lecj meyan mwayim María lal. Dios Cjües mpes pꞌin way tsjicj tepyala jupj. Ma malala la tjiji. 21 Yom tsjicj ca maꞌnus jupj, María, ne jipj ca ló ntꞌan, Jesús ló nsem. Jesús mpes ca Dios perdonar lis mijis israelpan*, malala nyuca la tjajay, ne ma ca jis capj ntülüs yupj. Nin mpes ca nin ló nsem jupj”, nin tjevele ángel José lal. 22 Nin tepyala ca pjü tꞌücꞌ mpalas Dios tjevele püná. Pajal püna Dios profeta* pjaní tjevele ca nin mpalas. Tjevele: 23 “Tsjücjüim way tsjicj maꞌajam, ca yom tsjicj maꞌnus. ‘Emanuel’ ló ca nsem jupj.” Jupj ló cupj qjuis tin “Dios Cupj Qjuis Lal” velecj cupj. 24 José jola tepyala na, nin la tjiji Dios ángel* tjevele jinwá. Lal tjacꞌ María jupj wo ntꞌa ne jupj jatsꞌom tepyala jupj. 25 Custjay ma neꞌaj tjemyaꞌna jupj, María tsjicj tjemyaꞌna nas. José tsjicj ló tꞌya Jesús ló nsem, ángel tjijyüꞌta jin.

Niyom campa mpe tjiquil, topon Jesucristo pajal püné.

2

1 Jesús

tjemyaꞌna Belén ntꞌa, Judea mpe se jütütj ntꞌa. Herodes jépatsja neꞌaj Jesús tjemyaꞌna na. Jupj ntꞌa tjiquil niyom magopan* nepenowá, Jerusalén ntꞌa. Niyom nenem tjiquil tsiquin mpe, pajal campa mpe tjiquil yupj, la tapal tsjicj way. 2 Niyom tjowelepj jupj lal: —‌¿Caꞌaj püꞌü tsjiquis, ca jepa püné nsem judiopan* mpes? Ncupj nyucucj pjulacj pjaní jupj tjacꞌ mpes. Nin mpes jus nlayecj tjemyaꞌna quinam tsjiquis. Neꞌaj tjinyucucj pjulacj, cupj pyatjaquecj ntꞌa, tsiquin moꞌó. Nin mpes tjiquilaca. Cupj quelel palá nipiꞌtjiquecj jupj wolapꞌaꞌá, qjuiyola jupj püné —‌nin tjowelepj niná noyomes. 3 Herodes tjapjácatsja na niná, pajal jola tepyala jupj. Pajal yola tepyala wa pjü way Jerusalén moꞌo tapatjá. 4 Mpes Herodes pjü jis lal tjevele ꞌa jis mulus sacerdote* noypan, ꞌa jis mulus wa niyom Moisés* popel sin ꞌyüsa lajay, israelpan* sin popé. Herodes jis la tjiꞌyüya caꞌaj ca maꞌnus Jepa Püné Dios tjevele ca jas majamas jis capj la pꞌacj judiopan*. 5 Yupj tjowelepj jupj lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 2

4

Niyom tjiquil tsiquin mpe. (San Mateo 2.2)

—‌Belén moꞌo patja ntꞌa ca maꞌnus jupj, Judea mpe se jütütj ntꞌa. Nin tepyaca profeta*: 6 ‘Belén ntꞌa, Judá püna tüpüꞌü ntꞌa, pjaní way pꞌin patja neꞌaj. Mopꞌin Belén pajal tsjicj way tulucj Judea moꞌo se jütütj jis lal. Belén mpe jepa ca ncuwim. Ca jis majamas jupj israelpan*, El Nuevo Testamento en Tol de Honduras, 2da ed. ©2010, Wycliffe Bible Translators

5

SAN MATEO 2

yupj niná napj jyütütj.’ Nin tepyaca profeta, Dios Yom ca jas majamas mpes —‌tjowelepj yupj. 7 Nin tjowelepj Herodes lal, mpes seletsja Belén moꞌo tjemyaꞌna tsjiquis. Mpes Herodes tjevele ncul niyom tsiquin mpe tjiquil. Ma tjevele pꞌa lal nin la tjiji jupj. Herodes pajal jis la tjiꞌyüya ꞌona lay tepyala pjulacj, tsjicj mpes lay tepyala. 8 Yupj jupj wola tjowelepj na, jupj sin tjejyama yupj Belén moꞌó. Jis lal tjevele: —‌Lowa, pajal ca la müꞌüyá tsjicj niná mpes. Jus tjunucú na, nawala tjowelé. Napj mis wa ca jupj ntꞌa, ca palá mpiꞌtjis jupj wolapꞌaꞌá —‌tjevele Herodes. Jupj li tsuwíletsja. Quelel ꞌyǘꞌnatsja tsjicj way. 9 Noyomes tjil yupj Belén ntꞌa, Herodes tjevele mpes. Tjil na, pjulacj tjunuc niswá, ꞌin lacasana tjunuctsja pꞌin. Niswa lay tepyala tsjun popé. Nin pꞌiyatsja tsiquin moꞌo tjunuc jin pꞌiyá. Pjulacj mwalá tjemeytsja yupj jis lal, nasa neꞌas tjemey tsjicj tüpüꞌü ntꞌa. Neꞌaj tón̈catsja. 10 Niná noyomes pajal ꞌücj jisastsja pjulacj tjunuc mpes. 11 Neꞌas tjil tsjicj wo ntꞌa, jupj tüpüꞌü ntꞌa. Wama tjil, wosis moꞌó. Jus tjunuc tsjiquis jamay lal. Jamay María lotsja. Tjunuctsja na, tsjicj wolapꞌaꞌa palá nipiꞌtjin̈. Tjowelepj jupj pajal püné. Locopyaya jun tjocjol yupj jis caja, pjeꞌá la tocoy jis la ꞌayas tsjicj mpes. Oro* tjaꞌayapj. Tsꞌülücꞌ ꞌüsüs cjumsu la ꞌüm tjaꞌayapj wa. Mirra* perfume mpes tjaꞌayapj wa. 12 Tjunuc tsjicj way yupj, mopꞌin ma tjil Herodes ntꞌa niswá. Yupj tjijinan̈ na püste na, Dios yupj jis lal tjevele ma polel jiltsja Herodes ntꞌa. Nin mpes tjil pꞌa jümücj ntꞌa, püna tapatja poꞌó.

13 Niyom

José, María lal tsꞌüequenetsja Jesús lal.

tjil na, Dios ángel* pjaní lay tepyala José ntꞌa, jupj tjejyá na. Ángel tjevele jupj lal: “Jin niꞌisa ntsꞌequenem Egipto moꞌó tsjicj lal, jamay lal. Neꞌaj mpüꞌüm, napj tjevelé nas ca ncuwim. Herodes tsjicj ca la mpalas la ꞌünan”, tjevele jupj. 14 Mpes José jas nisa, nin jawas püste pꞌiyá tjemey Egipto ntꞌa. Tjemey tsjicj lal, tsjicj jamay lal wa. 15 Neꞌaj tüpǘꞌütsja Herodes tepeꞌe nas. Nin tepyala ca tꞌücꞌ mpalas qjuis Jepa Dios tjevelá püná. “Napj tjevelé natjam ca mim Egipto mpe”, tjevele Dios. Nin tjevele profeta* jupj mpes.

16 Locopyaya

Herodes tsjictjacj pülücj jis tjiꞌyüꞌna.

Herodes jus nleya niyom tsiquin mpe neꞌespan ma jiquiltsja. La tsawiltsja yupj. Pajal tsꞌi tjiꞌínatsja jupj. Mpes jis tjijyüꞌta pjü jis la ꞌünan niyom tsjictjacj Belén ntꞌa, Belén neꞌaj pꞌin ꞌotsꞌipj. Pjü niyom tsjictjacj año matꞌe jis tjüꞌünan. Más ꞌin tsjicj way pjü jis tjüꞌünan El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 2, 3

6

wa yupj. Herodes jola tepyala tsjiquis año matꞌe tyaꞌa quinam, noyomes tsiquin mpe neꞌespan tjowelepj mpes. Nin mpes nin la tjiji jupj. 17 Nin mpes nin tepyala Jeremías* tjevele püná. Ninana jupj tjevelá Dios mpes: 18 “Tjepjyacan̈ la puyupj Ramá ntꞌa. Neꞌaj pajal yümücj la tupuyupj. Raquel la tipiya watsja tsjictjacj mpes, locopyaya tapatjá. Jupj ma quelel joꞌ péꞌetsja, tsjictjacj tecyaꞌlin̈ mpes.” Nin tjevele Jeremías.

19 Herodes

José niswa tjacꞌ Israel ntꞌa Jesús lal.

tepeꞌe na, Dios ángel* niswa lay tepyala José lal, tjejyá na. José newa pǘꞌütsja Egipto moꞌó. Ángel tjevele jupj lal: 20 “Jutja niswá Israel ntꞌa. Nasa tecyaꞌlin̈ tsjicj quelel jaꞌünan witjacj.” 21 Mpes José jas nisa, tjemey niswá Israel moꞌó. Lal tjemey wa tsjiquis, tsjicj jamay lal wa. 22 Locopyaya José wola tjoweleptsja Herodes jatjam Arquelao jepa tjáꞌasa quinam Judea moꞌó, popay tepeꞌe mpes. José lecj jéyatsja jupj mpes, ne ma quelel jámatsja neꞌaj, jupj tjijyüꞌta ntꞌa. Locopyaya Dios José lal tjevele niswá, tjejyá na. Tjevele ca ma mim Judea ntꞌa. Mpes José más ꞌin campa tjemey Judea mpe. Galilea ntꞌa tjemey, nin pꞌiyá Israel mpetsja jupj, Galilea. 23 Galilea ntꞌa tjemey, pjaní way pꞌin patja ntꞌa, lo pütꞌüs neꞌaj. Nazaret lotsja neꞌaj tapatja ntꞌa. Mpes nin tepyala profetapan* tjowelepj püná. Tjowelepj: “Yom Dios jas tjejyamá Nazaret mpe ꞌesepj nsem jupj”.

3

1 Jesús

Juan el Bautista tjacꞌ. Dios mpes tjevele jupj. (Marcos 1.1-8; Lucas 3.1-9, 15-17; Juan 1.19-28)

newa tüpüꞌü Nazaret poꞌó, Juan el Bautista mwalá way véletsja na Dios mpes. Pülücj jis walapꞌaꞌa tjevele jupj. Judea ntꞌa wínetsja, wa cjuwá ntꞌa. 2 Jupj tjevéletsja: “ꞌAplijila tꞌas malala nyuca la tjüjí mpes. ꞌÜsüs la müjí quinam Dios jos jinwá. Quina ca nu müjüꞌtüs Dios”, tjevele jupj. 3 Pajal püna Isaías tjevele nin ca mveles jupj. Isaías profétatsja* jupj püná. Ninana Isaías tjevele Juan poꞌó: “Yom niná wa cjuwá ntꞌa ca mim. Pajal ca quelel mveles gente jilal. Mpes yümücj ca mveles: ‘Qjuis Jepa Dios ca ncuwim. Nujola tꞌas ca nin la müjí quinam jupj jos jin.

El Nuevo Testamento en Tol de Honduras, 2da ed. ©2010, Wycliffe Bible Translators

7

SAN MATEO 3

Malala nujola nun, jümücj la luꞌulú jinwá. Po ma malala nujola tꞌas quinam. ꞌÜsüs nujola tꞌas qjuis Jepa Dios jos jinwá’ nin ca mveles jupj.” Isaías tjevele jupj ca nin mveles, ne tꞌücꞌ way Juan nin tjevele. 4 Juan jas quip camello* tsꞌüilin waytsja jupj. Col tsyúꞌpatsja pjolocꞌ mpes. Tsꞌelel lyájatsja. Tsꞌas qjuisiyas moꞌo píjisa watsja. Lovin nin tüpüꞌü. 5 Gente pajal pülücj tjiquil jupj ntꞌa jis la pjac jupj tjevelá. Jerusalén mpe tjiquil wa, judiopan* pülücj patja mpe. Pjü Judea mpe tjiquil wa, neꞌaj judiopan pjaní pjaní patja ntꞌa. Tjiquil wa ꞌüsǘ püné la ntꞌa patja mpe, niná ꞌüsǘ Jordán ló. 6 Yupj tjiquil, tjowelepj jupj lal malala nyuca la tjajay. Niná tjowelepj na, Juan bautizar* lis tjiji ꞌüsǘ moꞌó, niná ꞌüsǘ Jordán ló. 7 Juan tjinyuca watsja fariseopan* pülücj jiquiltsja, pülücj saduceopan* tjiquil wa. Juan ma tepyónatsja yupj pajal ꞌaplijílatsja malala la tjajay mpes. Mpes jupj tjevele yupj jis lal: “Nun nin pꞌiyá latsj jinwá. Nun solejé Dios po ma jos gente malala lajay. Len̈ way ca jis capj ntülüs. Nin mpes tjuculá nun napj ntꞌa, napj ca bautizar* la numejay. Nujola nin lojí mpes, jupj ma ca nucopj ntülüs. Tꞌücꞌ tulucj. Dios selé nun newa ma quelel lojí jupj jos jinwá. 8 Tꞌücꞌ way ꞌaplijila catsja nun malala la tjüjí, ꞌüsüs la cüjí quinam Dios jos jin. Najas la müjí nun niná. 9 Po ma nujola tꞌas nun pajal ꞌüsüs, nun judiopan* mpes. Ma ca nujola nsem nun pajal ꞌüsüs way, nun Abraham* püna tüpüꞌü popa pꞌiyá mpes. Tꞌücꞌ tulucj. Dios ca ꞌücj la qjuijis niná pwen Abraham tsꞌuyupj ca mpalas. 10 Dios pajal len̈ way ca jis capj ntülüs malala lajay. Yupj ma ꞌüsüs way lajay, jupj ca jis capj ntülüs yupj pjü way. Yom jupj sine ma vyala jinwá ca la mijis Dios. Jupj sine ma vyala, jyoꞌo, ꞌawa moꞌo tsꞌiyá. Nin ca la mijis Dios malala lajay jis lal”, nin tjevele Juan fariseopan jis lal, saduceopan jis lal wa. 11 Juan tjevele wa: “Napj bautizar* la nusejay ꞌüsǘ lal pꞌin. Napj nin lejay mpes, ca pjü jus nlayecj ꞌaplijila nun malala nyuca la tjüjí mpes. Jus nlayecj nasa quelel lojí Dios jos jinwá. Pꞌa wa ca ncuwim más püné napj lal. Napj pajal tsjicj way jupj lal. Po ꞌüsüs napj lal napj tsjiꞌ lejay jupj mpes. Napj jupj caite jetꞌ la pꞌin, ꞌücj napj lal. Pajal ꞌüsüs ca la mijis jupj. Nun nepénowa quelel lojí Dios jos jinwá. Jupj ca nu maꞌayas Dios Cjües. Nun nepénowa newa ma quelel lojí Dios jos jinwá. Jupj ca nucopj ntülüs. 12 Len̈ way ca nin la mijis. Ca ꞌüsüs la mijis jupj ꞌamá ntꞌa, ma ca malala witjacj mpatjam neꞌaj. Ca neꞌaj moꞌonsos ꞌüsüs witjacj,

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 3, 4

8

ma ca malala jis mpalas. Pjü malala ca müꞌümüs. Jupj ꞌyüma na, len̈ pjacj se watꞌata jupj ꞌowus”, nin tjevele Juan el Bautista yupj jis lal.

13 Locopyaya

Juan bautizar la tjiji Jesús. (Marcos 1.9-11; Lucas 3.21-22)

Jesús tjacꞌ wa Juan ntꞌa. Jesús jostsja ca Juan bautizar* la mijis jupj. Jesús tjacꞌ Galilea mpe. Tjacꞌ ꞌüsǘ ntꞌa, niná ꞌüsǘ Jordán ló, Juan tüpüꞌü ntꞌa. 14 Juan ma quelel bautizar líjitsja jupj. Nin tjevele Jesús lal: —‌Más ꞌücj jipj bautizar* la nejay napj. Jipj más ꞌüsüs napj lal. 15 Jesús tjevele Juan lal: —‌Najas ne jipj ca nin la mijin quinam. Más ꞌücj pjü ꞌüsüs lijicj Dios jos jin. Mpes Juan tjevele ꞌücj ca bautizar* la mijis jupj. 16 Bautizar* la tjiji na, Jesús tjemey ꞌüsǘ mpe. Tjemey na ꞌüsǘ mpe, len̈ way tsjun poꞌo tsjicj way la tücüeme, jun cjol tepyala. Jupj tjinyuca Dios Cjües palavin tjacꞌ. Sipipj jinwá justa tjacꞌ jupj Jesús ntꞌa. Jesús copá ntꞌa tjacꞌ. Ma tjemey nepé. 17 Tsjun poꞌo nepé vele pjactsja: “Niná napj Natjam. Pajal quelel lejay jupj. Pajal ꞌüsüs najas jupj mpes.”

Diablo jostsja Jesús ca malala nyuca la mijis. Ma la tjiji jupj. (Marcos 1.12-13; Lucas 4.1-13)

4

1 Jesús bautizar* tepyala na, campa ꞌin tjemey, wa cjuwá ntꞌa, jusapj pꞌin. Dios Cjües jostsja mpes tjemey jupj. Neꞌaj jámatsja ntꞌa, diablo* quelel malala véletsja jupj lal, la nuc ncu malala la mijis jupj. 2 Jaw cuarenta, püste cuarenta Jesús laja sectsja tjuwine neꞌaj. Tecyawaja tsꞌacꞌ cuarenta na, vecj péꞌetsja jupj. 3 Diablo lovin jostsja Jesús malala la mijis. Diablo lovin malala vele gente jis lal, jos malala nyuca lajay. Jupj tjacꞌ Jesús ntꞌa, tjevele: —‌Jipj Dios Jatjam pꞌiyá, ꞌücj ca müjüꞌtün niná pe ca ve mpalas, ne nin ca nsem. 4 Jesús ma la tjiji diablo* tjevele jin. Jesús Dios Popel velá tjevele pꞌin. —‌Dios Popel vele: ‘Gente ma ca mpatjam ve mpes pꞌin. Pjü way Dios tjevelá mpes ca mpatjam yupj’ —‌tjevele. 5 Locopyaya diablo* malala la tjiji, tjemyana Jesús Jerusalén moꞌó, Dios wo* ton̈ca ntꞌa. Neꞌaj Dios wo casapa tjijyünsa jupj. Pajal campányatsja neꞌaj. 6 Diablo tjevele Jesús lal: —‌Jipj Dios Jatjam pꞌin, palá ntolo quepé. Dios Popel vele: ‘Dios ca jis müjüꞌtüs jupj angelpan*,

El Nuevo Testamento en Tol de Honduras, 2da ed. ©2010, Wycliffe Bible Translators

9

SAN MATEO 4

ca mya jamacj jipj. Jis mas mpes ca mya maꞌnucj, ne ca ma mpojom jipj, pe lal. Ma ca malala mya palas’ —‌nin tjevele diablú*. 7 Jesús ma la tjiji diablo* tjevele jin. Nin pꞌin tjevele jupj lal: —‌Dios Popel tjevele wa: ‘Jipj ma ca malala la mijin ma jola jinwá, la nuc ncu jipj Jepa Dios ca cyapj mpꞌaꞌsas’ —‌nin tjevele Jesús. 8 Diablo* niswa malala la tjiji Jesús lal. Lal tjemey jocꞌ campanya ntꞌa. Neꞌaj la tjiji Jesús ꞌücj tjinyuca pjü ntꞌa nosis moꞌó. La tjiji tjinyuca wa pjü ꞌüsüs way jatatj. 9 Diablo tjevele jupj lal: —‌Napj nawalapꞌaꞌa ca palá mpiꞌtjim, ca mvelen napj pajal püné. Niná la tjejay na, napj ca pjü niná mya ꞌa müjüꞌtün. 10 Jesús ma la tjiji jupj jostsja jinwá. Tjevele: —‌Satanás*, jutja jipj. Dios Popel vele: ‘Dios jepa más püné pjü jilal. Nujola tapalas jupj pꞌin püné. Ma nin nujola nsem la pꞌa pꞌin püné Dios jinwá. Dios jos jin la müjí la pꞌin.’ 11 Jesús nin tjevele na, diablo* tjemey. Tjemey na, angelpan* tjiquil, cus tjapꞌacj Jesús.

Jesús tjemey Galilea moꞌó. Jupj tjevele neꞌaj patja jis lal. (Marcos 1.14-15; Lucas 4.14-15)

12 Jesús

wola tjowelepj Juan ntjiꞌlin̈, cawilta moꞌo tjoꞌonsopj jupj, jepa tjevele mpes. Niná jus nleya na, Jesús tjemey Galilea moꞌó niswá, cámpatsja ꞌin. 13 Neꞌas tjemey na, ma tüpüꞌü Nazaret ntꞌa, püna tüpüꞌü ntꞌa. Tjemey nepé quinam, Capernaum ntꞌa tjemey, pülücj patja ntꞌa. Neꞌaj pꞌintsja ꞌüsǘ la ntꞌa, Zabulón lotsja neꞌaj pajal püna. Neftalí ló watsja neꞌaj pajal püna. 14 Jesús tjemey neꞌaj ca tꞌücꞌ cüpalas Isaías tjevele Dios mpes püná. Isaías profétatsja* jupj. Ninana jupj tjevelá: 15 “Pülücj patja neꞌaj Zabulón ntꞌa. Pülücj patja wa Neftalí ntꞌa. Jümücj ꞌüsǘ püné ntꞌa, yupj patja ntꞌa culupwen nipj jama jümücj niná. ꞌÜsǘ la ntꞌa patja, niná ꞌüsǘ Jordán ló. Neꞌaj Galilea ló, judiopan* tulucj patja ntꞌa. 16 Yupj ma sa nuctsja Dios. Quina pajal ꞌüsüs sin tjiꞌyüsa Dios mpes. Tecyaꞌlin̈ jinwatsja yupj yas nam, ma topon mpes.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 4

10

Malala lajaytsja. Quina ꞌücj sin ꞌyüsa Dios tjevele jin.” Nin tjevele Isaías ca nin mpalas neꞌaj. 17 Nin tepyala jupj tjevele jin. Jesús neꞌas tjemey na Capernaum ntꞌa, jupj véletsja Dios poꞌó pülücj jis walapꞌaꞌá, neꞌaj tapatja sin popé. Véletsja: “ꞌAplijila tꞌas malala nyuca la tjüjí. ꞌÜsüs la müjí quinam Dios jos jinwá. ꞌÜsüs way quinam Dios ca müjüꞌtüs. Jepa jupj. Len̈ way ca müjüꞌtüs nosis ntꞌa”, nin tjevele Jesús yupj jis lal.

Jesús niyom yulupjana jis lal tjevele ca ncul, cus ncon̈cocj. (Marcos 1.16-20; Lucas 5.1-11)

18 Jesús

tjuwínetsja ꞌüsǘ la ntꞌa. Niná ꞌüsǘ Galilea lotsja. Neꞌaj wínetsja na, niyom matꞌe yus tjinyuca. Pjaní wa Simón lotsja. Jupj ló watsja Pedro. Pꞌa wa Andrés lotsja. Jupj Simón tsüípetsja. Yupj jis ataraya la tsꞌi ꞌüsǘ moꞌó. Cjul pjeꞌá la coytsja. Lovin nin lajaytsja, tapatja yupj. 19 Jesús tjevele yupj jis lal: “Ncapj ncon̈có nun. Napj ca nusin ꞌyüsa la mejay ꞌücj la veles pꞌa jilal Dios mpes. Nin mpes ca nepénowa cus ncon̈cocj wa jupj”, nin tjevele Jesús. 20 Len̈ way tüpüntüpj yupj jis ataraya, tjil Jesús lal. 21 Tsjicj way tjil na, Jesús tjinyuca la pꞌa wa niyom matꞌe. Pjaní wa Jacobo lotsja. Maꞌajapj Juan lotsja. Juan Jacobo tsüípetsja. Zebedeo jatjampan waytsja yupj. Játjatsja yupj jis barco* moꞌó, yupj jis papay lal. Jis ataraya ꞌücj lajaytsja. Jesús jis la tjemyona ncul yupj, ca cus ncon̈cocj. 22 Len̈ way tjil Jesús lal. Barco tüpüntüpj tjil. Tjil jis papay mpe.

Jesús sin tjiꞌyüsa lis tjiji Galilea moꞌó. Jis tjiꞌyüꞌsa lis tjiji wa malala jisas. (Lucas 6.17-19)

23 Jesús

tjuwínetsja jun taꞌá Galilea moꞌó. Newa sin ꞌyüsa la síjitsja judiopan*. Wosis judiopan ꞌa jis tjimyula ntꞌa sin tjiꞌyüsa lis tjiji jupj lovin. Pülücj jis walapꞌaꞌa tjevele pajal ꞌüsüs tepyala Dios mpes. Tjevele quina ca müjüꞌtüs Dios yupj jis lal. Jupj jis tjiꞌyüꞌsa la tjiji wa pjü malala jisas neꞌaj. Jis tjiꞌyüꞌsa la tjiji wa pajal sin napnapj witjacj. 24 Nin mpes yupj tjowelepj Jesús pajal ꞌüsüstsja. Campa nepé tapatja tjepjyacan̈ watsja Jesús poꞌó. Pjü Siria moꞌo tapatja pjyacan̈ watsja jupj poꞌó. Mpes yupj jis tucuman wa malala jisas yupj sin popé Jesús ntꞌa. Nepénowa pasal nepé vyájatsja. Nepénowa lapanenpan jatjatsja

El Nuevo Testamento en Tol de Honduras, 2da ed. ©2010, Wycliffe Bible Translators

11

SAN MATEO 4, 5

yupj jisas moꞌó. Nepénowa yun jyuꞌya jin lajaytsja. Nepénowa ma polel ꞌyutanan̈tsja. Pjü way Jesús jis tjiꞌyüꞌsa lis tjiji. 25 Pajal pülücj tjiquil jupj ntꞌa. Cus tocon̈ wa jupj tjemey ntꞌa. Pülücj way tjiquil Galilea mpe, Decápolis mpe ꞌotsꞌipj, Jerusalén mpe ꞌotsꞌipj, Judea mpe ꞌotsꞌipj. Tjiquil wa ꞌüsǘ naꞌaj poꞌó patja mpe, ꞌüsǘ Jordán ló.

5

1 Jesús

Jesús tjevele pjacj más ꞌüsüs jos ca nsem. (Lucas 6.20-23)

pjeꞌá tón̈catsja. Jupj tjinyuca gente pajal pülücj tjiquil, ꞌa jis tjimyula jupj ntꞌa. Nin mpes tucucꞌ popa viyá tjemey, tsjicj way pꞌin. ꞌEtjele jupj, ca sin ꞌyüsa la mijis. Jupj ntꞌa tjiquil watsja jupj discipulopan*. Quelel pjyacan̈tsja jupj tjevele mpes. 2 Nasa tjiquil na, jupj sin tjiꞌyüsa lis tjiji. Nin tjevele: 3 “Nun po jisas ca Dios nucopj mpꞌaꞌsas, pajal ꞌücj nujisas nsem nun. Dios nun jis Jepa quinam, niná nujostsja mpes. 4 Nun pajal ꞌaplijila jotjaqué, pajal ꞌücj nujisas nsem wa nun. Dios ca ꞌücj nujos la mijis. 5 Nun nujola nun tsjictjacj way pꞌin, pajal ꞌücj nujisas nsem wa nun. Nosis nun nutsꞌaꞌá ca nsem, nin nujola mpes. 6 Nun pajal quelel ꞌüsüs lojí Dios jos jin, pajal ꞌücj nujisas nsem wa nun. Dios ca nucopj mpꞌaꞌsas ca ꞌüsüs la müjí, nujisas jinwá. 7 Nun quelel jis capj mpꞌaꞌsá la pꞌa wa, malala se palá na, pajal ꞌücj nujisas nsem wa nun. Jupj ca nucopj mpꞌaꞌsas wa nun. 8 Nun nepénowa pjaní pꞌin quelel lojí. Nun quelel lojí Dios jos jin. Nin mpes ca ꞌücj nujisas nsem nun. Nun ca jus nucú Dios. 9 Nun tsjiꞌ lojí, la pꞌa wa ca perdonar lis mijicj yupj yuwá, pajal ꞌücj nujisas nsem wa nun. Dios ca mveles nun jupj jatjampan, jucucuspan. 10 La pꞌa wa malala lajay nun jilal, nun ꞌüsüs lojí mpes Dios jos jin, pajal ꞌücj nujisas nsem wa nun. Dios nun jis Jepa quinam. 11 ”La pꞌa wa malala javelepj nun jis lal nun ncapj con̈có mpes, pajal ꞌücj nujisas nsem. La pꞌa wa malala lajay nun jis lal, nun ncapj con̈có

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 5

12

mpes, ꞌücj nujisas nsem wa. La pꞌa wa la tsuwil nun poꞌó ncapj con̈có mpes, ꞌücj nujisas nsem. 12 ꞌÜcj nujisas tꞌas nin tepyala mpes. Po ꞌüsüs ca nu maꞌayas Dios tsjun poꞌó, ꞌüsüs la tjüjí mpes. Tꞌücꞌ way niná. Nin pꞌiyá nu tepyala nun, profetapan* püna tapatja jis tepyala jin pꞌiyá. Dios ma jisas malala la tjajay wa yupj jis lal”, nin tjevele Jesús.

Nosis casá patja ca nucucj Dios tsꞌuyupan ꞌüsüs lajay. Nin mpes ca jus nlayecj Dios ꞌüsüs. (Marcos 9.50; Lucas 14.34-35)

13 Jesús

tjevele wa yupj jis lal: “Nun sal jinwá nosis casá, nun ncapj con̈có mpes. Sal mpes tsꞌucú pisis, ma malala mpalas, ma mojo jupj. Nin tulucj sal ma wüjü na. Sal ma wüjü na, ma polel wüjü lajay jupj. ꞌÜsüs tulucj jupj. Naꞌaj la tsꞌi pꞌin, ca casá majatsjacj gentas. Nin pꞌiyá nun jis lal, mpes sal ꞌüsüs jinwá tꞌas nun. 14 ”Nun ncapj con̈có, nun jaw jinwá nosis casaꞌá. Nun mpes la pꞌa wa ca sin müꞌüsüs Dios mpes. Pülücj patja tucucꞌ pacá ntꞌa, ma polel pjyaꞌlen̈. Yupj patja ntꞌa ꞌücj la nuc. Nin pꞌiyá, la pꞌa wa januc wa nun lojí jin. 15 ꞌIyó su müjǘ na, ma jun tꞌoꞌnó quiliyú lal. ꞌÜsüs way ntꞌa pꞌin ca mpüntǘ, ꞌiyó jaw ca pjü nucucj jis wa ntꞌa. Nin pꞌiyá jaw jinwá ca nsem nun, nosis casá patja jis lal. 16 Nun jaw jinwá ncapj con̈có mpes. Nun lojí Dios jos jinwá, nun jaw jinwá la pꞌa jis lal. Nin la müjí Dios jos. Nin mpes ca la pꞌa wa nucucj nun ꞌüsüs lojí. Ca ꞌüsüs mvelecj Dios poꞌó. Jupj nun jis Papay tsjun poꞌó”, nin tjevele jupj, Jesucristá.

Dios tsꞌuyupj ca ꞌüsüs la mijicj. Ma ca niswa malala la mijicj. (Mateo 19.9; Lucas 6.27-30, 32-36; 12.57-59; 16.18; Marcos 10.11-12)

17 Niná

Jesús tjevele wa yupj jis lal, neven poꞌo ꞌa jis tjimyula na: “Pajal püna Moisés* tjevele judiopan* jis lal Dios tjijyüꞌtá. Pꞌa wa profetapan* tjowelepj wa Dios jostsja mpes. Newa nin ca nsem yupj tjowelepj jinwá. Pꞌa casá velé tulucj. Nusin tjüꞌüsüs niná. Napj lejay pjü ca mpalas yupj tjowelepj jinwá. 18 Dios lovin ca müjüꞌtüs niná pꞌiyá, püna tjijyüꞌta jin pꞌiyá. Nin ca nsem tsjun poꞌo jala pꞌin, nosis jala pꞌin. Pjü ca mpalas jupj tjijyüꞌta jinwá. Niná tꞌücꞌ way. 19 Tꞌücꞌ tulucj ꞌücj ma lojí pjü way Dios tjijyüꞌtá. Nun pjaní way pꞌin ma lojí Dios tjijyüꞌtá, malala nin. Nun la pꞌa wa sin ꞌyüsa lojí wa ꞌücj ma lajay niná, malala pajal. Niná sin ꞌyüsa lajay tsjictjacj way pꞌin ca nsem yupj Dios jyüꞌta ntꞌa. Nun pjü way lojí Dios tjijyüꞌta jinwá, po ꞌüsüs way niná. Nun la pꞌa wa sin ꞌyüsa lojí ca pjü la mijicj Dios jyüꞌta

El Nuevo Testamento en Tol de Honduras, 2da ed. ©2010, Wycliffe Bible Translators

13

SAN MATEO 5

jin, ꞌüsüs way niná. Niná sin ꞌyüsa lajay, ca noypan nsem Dios jyüꞌta ntꞌa. 20 Moisés popel sin ꞌyüsa lajay ma pjü way lajay Dios jos jinwá. Fariseopan* ma pjü way lajay Dios jos jinwá. Ma yupj jinwá la müjí. ꞌÜsüs la müjí la pꞌin Dios jos jin. Nun yupj jinwá lojí, ma nun jis Jepa nsem Dios lovin. 21 ”Pajal püna Moisés* tjijyüꞌta: ‘Ca ma jis müꞌüꞌnacj la pꞌa’. Nun la pꞌa ꞌüꞌná, jepapan ca nucopj ntülücj, ca nu müꞌüꞌnacj ca nun. Püna tapatja salejeptsja niná Moisés tjijyüꞌtá. Nun solejé wa niná. 22 Mopꞌin napj najas más ꞌüsüs la müjí püna tapatja jis lal. Dios jos ꞌüsüs ca la müjí. Jos wa ꞌüsüs nujola nun. Mpes napj nin velé niná: nun tsꞌu ꞌinyá pꞌa jis lal, jepa ꞌücj ca nucopj ntülüs. Nun welé wa pꞌa lal: ‘Jey cꞌa jipj’, judiopan* jis jepapan ꞌücj nucopj ntülücj nin tjowelé mpes. Nun welé pꞌa lal: ‘Malala jipj pajal’, Dios ꞌücj ca nucopj ntülüs ꞌawa püné ntꞌa. 23 ”Nin mpes ma malala la müjí la pꞌa lal. Nun malala la tjüjí na pꞌa lal, la tjomoná jupj ca perdonar la numijis nun. Nun ma ꞌücj la tjüjí na pꞌin, ma polel tꞌemel la ꞌayas Dios mpes. Nasa quelel ꞌoyá Dios mpes ca nacj, Dios wo* moꞌó. Quelel ꞌoyá na, nujola pyala nun malala la tjüjí pꞌa lal. 24 Ma ca maꞌayá Dios mpes quinam. Niná nujola tepyala na, lowa jupj ntꞌa, püna malala la tjüjí ntꞌa. Tjowelé nujisas jupj ca perdonar la numijis. Tjowelé nujisas nun jupj jomicapan ca nsem quinam. Niná la tjüjí na ꞌücj lowú Dios wo ntꞌa, tꞌemel nu la ꞌayas”, nin tjevele Jesús. 25 Jesús sin tjiꞌyüsa lis tjiji wa más ꞌücj po ꞌin len̈ way ca nlaca ca la monacj ca pꞌa perdonar la qjuis mijis, ncupj malala la tjijicj. Ninana Jesús tjevelá: “Nun jis enemigo quelel tꞌya mveles nun mpes lay ntꞌa ca nacj. Nin quelel liji jupj, len̈ way lowa jupj ntꞌa. La moná ca perdonar la numijis. Nun malala la tjüjí jupj jutsꞌaꞌá, nun ca pꞌa wa seyasa maꞌayá jupj, malala la tjüjí mpes. Nun ma lojí niná, nun jis enemigo ca mim jepa jáꞌasa ntꞌa, ca mveles nun malala la tjüjí. Nin mpes ca jepa nucopj ntülüs. Jepa ca mveles jupj auxiliar lal cawilta moꞌo ca nu wama manus. 26 Jepa ma wa ca nusin majamas ma pjü way jaylacj la tjüjí jupj la tjemyona mpes. Pjü way jaylacj la müjí nun. Niná tꞌücꞌ way”, tjevele Jesús. Pjü way mpes sin tjiꞌyüsa lis tjiji ca Dios qjuis capj ntülüs, ma le monacj la pꞌa ca perdonar la qjuis mijicj cupj malala lis tjijicj na. 27 Jesús tjevele wa niná: “Tsjay püna tjüjütütsja niyom ma ca neꞌaj maꞌnucj sejatsꞌom tulucj. Tjüjütütj nequem ma ca mal jis voyum tulucj jis lal. Nun solejé niná. 28 Napj najas más ꞌüsüs lojí püna la tjajay jis

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 5

14

lal. Dios jos ꞌüsüs lojí. Jos wa ꞌüsüs way nujola nujos moꞌó. Yom quepj si nucú ne jos jupj, malala niná Dios lal. Jupj quelel malala líjitsja, malala wa, jupj niná tꞌücꞌ la tjiji jin pꞌiyá. 29 ”Po ma malala la müjí nun. Nun nucú mpes pꞌin quelel malala lojí, po ma tjunucú niná. Nujun tulucj jinwá nujola tꞌas nun, nujun tꞌü, naꞌaj la tsꞌi jinwá. Malala lajay ca mal ꞌawa püné ntꞌa, mpem neꞌaj. Más ꞌücj nujun tulucj, ne ma ca mpem nupꞌüy pjü ꞌawa püné ntꞌa. 30 Nun quelel malala lojí nun numos liꞌinyampe mpes, ma la müjí. Nujola tꞌas numos cjuwá jinwá, numos tꞌü, naꞌaj la tsꞌi jinwá. Malala lajay ca mal ꞌawa püné ntꞌa, mpem neꞌaj. Más ꞌücj numos cjuwá ne ma ca mpem nupꞌüy pjü ꞌawa püné ntꞌa. 31 ”Püna javeleptsja: ‘Yom quelel se jamá jatsꞌom, ca papel maꞌayas jupj. Papel ca mveles niná jupj jatsꞌom tulucj quinam.’ 32 Nin la tjajaytsja püná. Napj najas más ꞌüsüs lojí püna la tjajay lal. Ma najas nun sejatsꞌom so jamá. Jetsꞌom la pꞌa yom lal wine, nin mpes pꞌin ꞌücj se jam jupj. Yom se jamá jatsꞌom, jatsꞌom la pꞌa lal ca mwayis ca nacj. Jupj la pꞌa voyum ntaꞌas, mopꞌin nin, Dios ca ma voyum lal wine mveles jupj. Nin pꞌiyá yom lal. Pꞌa yom jatsꞌom lal woya, Dios ca ma jatsꞌom neꞌaj myaꞌna mveles jupj. Malala lajay pꞌin Dios lal. 33 ”Nun solejé wa püna tjüjütütj püna tapatja jis lal ma la ntsawilicj. ‘Tꞌücꞌ la müjí pjü way nun tjowelé Dios lal. Jupj nun jis Jepa Püné’, nin tjüjütütj yupj. 34 Napj najas más ꞌüsüs lojí püna la tjajay lal. Tꞌücꞌ tjowelé lovin. Po ma jurar* la müjí. Ma wa jurar la müjí tsjun poꞌó mpes. ꞌÜcj tulucj lu tsuwilí niná welé mpes. Dios pꞌin jyüꞌta tsjun poꞌó. 35 Ma wa jurar la müjí nosis mpes. ꞌÜcj tulucj lu tsuwilí niná welé mpes. Dios jyüꞌta wa nosis ntꞌa. Ma wa jurar la müjí Jerusalén mpes. Neꞌaj pülücj patja ntꞌa Dios Jepa Püné. 36 Ma wa jurar la müjí nun sey pjucj mpes. ꞌÜcj tulucj lu tsuwilí niná welé mpes. Nun ma ca polel la müjí nun jis tsꞌil pjaní pje, nun jis tsꞌil pjaní te. 37 Nin mpes ma ca jurar la müjí. Tꞌücꞌ tjowelé la pꞌin. Gente jurar lajay na, diablo* jos jin lajay. 38 ”Püna javelepj watsja niná: la pꞌa malala la tjiji nun lal, ꞌücj wa malala lojí jupj lal. ‘Malala liji jun la pꞌa lal, ꞌücj wa malala la mijis wa jupj jun. La pꞌa wis ꞌyula, ꞌücj wa lu ꞌul jupj wis’, nin javeleptsja yupj püná. Nun solejé niná. 39 Mopꞌin napj najas más ꞌüsüs lojí püna la tjajay lal. Jis maꞌayá la pꞌa ca malala la mijicj nun jis lal. La pꞌa wa nupjocj poꞌo tyüla liꞌinyampe poꞌó, nun ca maꞌayá nancupwepe tyüla wa. 40 Jipj enemigo quelel tꞌya vele jipj mpes ca nacj. Jos wa jepa ca la monas jin quip wampa, jipj la tjejay mpes. Tjeꞌyaya jipj enemigo

El Nuevo Testamento en Tol de Honduras, 2da ed. ©2010, Wycliffe Bible Translators

15

SAN MATEO 5, 6

jin quip wampa. Tjeꞌyaya wa jin quip pjeꞌapa. 41 Jepa jyüꞌta nlawú jupj lal legua pjaní, lowa jupj lal. Ca nlawú wa pꞌa legua poꞌó jupj lal. 42 La pꞌa wa nun lal la mon na, jis maꞌayá wa. La pꞌa wa jisas nun prestar lojí, ma ca mvelé ca ma maꞌayá. Ninana napj najas. 43 ”Püna javelepj watsja: ‘Jipj ca quelel lis mijin neꞌaj patjá. Ma ca jyas nsem jipj enemigopan.’ Nun solejé wa niná tjowelepj. 44 Mopꞌin napj najas más ꞌüsüs lojí püna la tjajay lal. Najas nun quelel lis müjí nun jis enemigopan. La pꞌa malala lajay na nun jis lal, Dios lal la tjomoná nun yupj mpes. La tjomoná jupj ca jis capj mpꞌaꞌsas. 45 Nun niná lojí na, Nupopay Dios jinwá lojí. Jupj jatjampan nun, jucucuspan nun. Jupj nun jis Papay tsjun poꞌó. Jupj pajal ꞌüsüs liji pjü jis lal. Jupj liji jyawca lotsꞌacꞌ. Jyawca wa malalapan mpes. Jyawca wa ꞌüsüspan mpes. Jüwǘ jive mpes se ꞌaya Dios ꞌüsüspan mpes, malalapan mpes wa se ꞌaya jüwüs. 46 La pꞌa quelel la nusejay nun, mpes nun quelel la sojí wa yupj. Yupj ma quelel la nusejay nun, nun ma wa quelel la sojí yupj. Dios ma ca mveles nun ꞌüsüs way lojí nun nin lojí mpes. Malala lajay ne nin pꞌiyá lajay. 47 Nun ꞌüsüs way welé nun sejamicapan jis lal ca nacj. Ma quelel ꞌüsüs welé pꞌa wa jis lal ca nacj. Nun nin pꞌiyá lojí, nun más ꞌüsüs tulucj pꞌa jis lal. Ne nin pꞌiyá lajay Dios ma japon. 48 Nin mpes najas pajal ꞌüsüs lojí nun, nun jis Papay Dios ꞌüsüs liji jinwá”, nin tjevele Jesús.

6

1 Jesús

Nun ꞌüsüs lojí na, Dios ca nucus. Nun ma ca jisas nsem la pꞌa ca nucucj.

tjevele wa yupj jis lal: “Nepénowa jisas la pꞌa wa yola yupj ꞌüsüs. Nin mpes ꞌüsüs lajay la pꞌa jis la nuc. ꞌIn tjajama ma la müjí niná. Niná lojí na, nun Nupopay tsjun poꞌo ma ca mveles nun ꞌüsüs la tjüjí. 2 Nin mpes najas ma mvelé nun pꞌa lal nun tꞌemel ꞌoyá tꞌemel cjuwá. Tꞌemel ꞌoyá na, lyájasa jinwá la müjí. Nepénowa jisas pjü way jus nlayecj yupj ꞌüsüs lajay, mpes pjü jis walapꞌaꞌá jaꞌayapj, judiopan* ꞌa si mulú ntꞌa, jümücj ntꞌa ꞌotsꞌipj. Jisas la pꞌa wa ca mvelecj yupj ꞌüsüs. Yupj ma tꞌücꞌ way quelel lajay tꞌemel cjuwá. Tꞌücꞌ way gente pꞌin javelepj yupj ꞌüsüs. Dios ma ca nin mveles. 3 Ma ca nin la müjí nun. Nun ꞌoyá na cjuwá jilal, lyájasa jinwá maꞌayá. Ma pjaní lal tjowelé nun ꞌoyá. 4 La pꞌa wa ma ca jus nlayecj nun tjaꞌayá. Nupopay Dios pꞌin ca nucus. Jupj pjü way nyuca nun ma welé. Jupj ca mveles nun pajal ꞌüsüs way la tjüjí. 5 ”Nepénowa javelepj Dios lal, newa nin ma lajay Dios jos jinwá. Jisas la pꞌa januc yupj Dios lal javelepj. Nin mpes jyünsünün̈ judiopan* ꞌa si mulú

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 6

16

ntꞌa, pülücj jil ntꞌa jyünsünün̈ wa, neꞌaj javelepj Dios lal. Niná nin lajay, ma tꞌücꞌ way ꞌüsüs. Napj tꞌücꞌ way velé. Gente pꞌin ca mvelecj yupj ꞌüsüs. Dios lovin ma ca mveles yupj ꞌüsüs. Nun Dios lal welé na, ma ca la müjí yupj lajay jinwá. 6 Nun Dios lal welé na, ma ca pꞌa lal mvelé jupj lal ca mvelé. Wama lowa nun jis wa moꞌó. Jun tꞌoꞌnó jun vilicj. Nun jis wa moꞌó ca mvelé Nupopay Dios lal, la pꞌa ma januc ntꞌa. Nupopay pjü nyuca nun pjü lojí la pꞌa wa ma januc ntꞌa. Jupj ca mveles nun pajal ꞌüsüs way la tjüjí nun. 7 ”Judiopan* tulucj ma sin ꞌyüsa Dios poꞌó. Yupj javelepj Dios lal, ma ꞌüsüs way yola jinwá javelepj. Nin mpes nin pꞌiyá pajal pülücj javelepj Dios lal. Yupj yola pajal la pülücj javelepj mpes, Dios ca mpjacam. Po ma tjowelé yupj jinwá, nun Dios lal welé na. 8 Po ma yupj jinwá la müjí nun. Nun la moná secj pꞌin, Nupopay Dios selé tsjan nujos. 9 Ninana jin pꞌiyá tjowelé nun: ‘Qjuis Papay, tsjun poꞌo pütꞌ. Po qjuisas pjü ca mvelecj jipj pajal ꞌüsüs. Jipj pꞌin ꞌüsüs pjü jis lal. 10 Qjuisas len̈ way Jepa nsem jipj pjü jis lal. Tsjun poꞌo patja lajay jipj jyas jinwá. Qjuisas wa ca nin nsem nosis casá. 11 Qjuisas wa qjuesé ꞌan qjuis la las yacjaj. 12 Malala nyuca la tjijicj, qjuisas perdonar la qjuesejay. Nin pꞌiyá perdonar lis tjijicj la pꞌa, malala la qjuis tjajay cupj. 13 Qjuis capj tjepꞌyaꞌsa wa ma ca quelel malala la mijicj. Qjuis capj tjepꞌyaꞌsa diablo* ma ca malala la qjuis mijis. Jipj pꞌin Jepa. Jipj pajal püné. ꞌÜsüs way pꞌin la veles jipj ꞌüsüs. Nin ca nsem lovin. Qjuisas ca nin nsem.’ ” Nin tjevele Jesús, cupj ca nin mvelecj Dios lal. 14 Jupj tjevele wa: “Nun ca perdonar la müjí la pꞌa, yupj malala la tjajay na nun jis lal. Nin mpes ꞌüsüs la veles niná Dios lal. Nun perdonar lojí yupj, Nupopay Dios ca perdonar la mijis wa nun malala la tjüjí. 15 Nun ma quelel perdonar lojí yupj, Nupopay Dios ma ca perdonar la nu mijis wa nun”, nin tjevele Jesús.

16 Jesús

Jesús niswa tjevele cupj ca ꞌüsüs la mijicj Dios mpes. Ma ca qjuisas la pꞌa ca nucucj.

tjevele wa niná: “Nepénowa ma jalá neneyawá, Dios lal quelel javelepj mpes. Newa ma lajay Dios jos jinwá. Yupj jisas la pꞌa ca jus nlayecj El Nuevo Testamento en Tol de Honduras, 2da ed. ©2010, Wycliffe Bible Translators

17

SAN MATEO 6

yupj ma jalá. Jisas wa la pꞌa yola yupj ꞌüsüs, ma jalá mpes. Nin mpes ma ꞌyasꞌün̈, ma wa sey jacjoy. Niná pꞌin lajay, ma ꞌüsüs way yupj. Napj tꞌücꞌ way velé. Gente pꞌin ca mvelecj yupj ꞌüsüs way. Dios lovin ma ca mveles yupj ꞌüsüs way. Po ma la müjí yupj lajay jinwá. Nun ma lojá na, po ma nuwola je nu tapalas nun. 17 Nun ma lojá na, ca nusey ncjoyé wa, ca nuwola mpaꞌí wa. 18 La pꞌa ma ca jus nlayecj nun ma lojá. Nupopay Dios pꞌin ca jus nlayes. Jupj pjü way nyuca la pꞌa ma januc. Jupj ca nucus nun nin la tjüjí lyájasa way jin, ca mveles nun pajal ꞌüsüs la tjüjí”, nin tjevele Jesús.

19 Jesús

Dios pꞌin nujos nsem. Ma nujos nsem tꞌemel. (Lucas 12.33-34)

tjevele wa niná yupj jis lal: “Ma nujisas nsem pülücj ntaꞌá nosis casá. Nun toꞌá nosis casá calatsa nlajas ca nacj. ꞌÜcj wa la majas. Pequepan ca jun ncjoltsecj, ca wama mal la pecj ca nacj. 20 Nin mpes más ꞌücj ꞌüsüs lojí nun jis tꞌemel lal, Dios jos jinwá. Niná lojí, ca pajal pülücj ntaꞌá Dios püꞌü ntꞌa. Neꞌaj ma jalá calatsas. Neꞌaj ma ca majas. Neꞌaj ma wama jil neꞌaj la pecj. 21 Más ꞌücj pülücj toꞌá Dios püꞌü ntꞌa. Nun pülücj toꞌá ntꞌa, neꞌaj pajal ꞌüsüs ca nsem nun jis lal. 22 ”Nun jis jun jaw jinwá nun jis pꞌüy mpes. Nun jis jun ꞌüsüs, jas tüpwes ꞌüsüs way nucú. Nin pꞌiyá nun nusin ꞌyüsa na Dios mpes. 23 Nun jis jun malala, jas tüpwes ma nucú. Pajal te ton̈ca pꞌin, ma nucú mpes. Nin pꞌiyá nun ma nusin ꞌyüsa na Dios mpes. 24 ”Nun ma polel lojí Dios jyüꞌta jinwá, nun pajal tꞌemel nujos. Nin pꞌiyá mozo ma polel tsjiꞌ liji niyom matꞌe mpes nin jawas pꞌin. Mozo ma ca quelel tꞌücꞌ la mijis jupj patrón pjaní tjijyüꞌta jinwá. Maꞌajapj tjijyüꞌta jin ca quelel la mijis ca nacj. Nenéyawa ca cus ncon̈cos mwalá way pꞌin. Ma ca jos maꞌajapj. Nin pꞌiyá nun ma polel pajal nin nujola tꞌemel mpes, Dios mpes tsjiꞌ lojí na. 25 ”Nin mpes nin velé, po ma pajal nin nujola tꞌas tsjan ca nlajá, tsjan ca müsiqué wa ꞌücj la pütꞌüs. Po ma pajal nin nujola tꞌas tsjan nusin nquiꞌpá nun jis pülül, nusin ꞌyawa. Dios la tjiji nu la pütꞌüs. Jupj ca nu maꞌayas wa nu la las. Dios la tjiji nun jis pꞌüy. Jupj nu maꞌayas wa ca pülül. 26 Tjunucú tsipyaya. Yupj ma jasin. Velan̈ ma jacutj. Ma jatꞌ jaꞌonsopj chiquero moꞌó. Dios se ꞌaya jis la las. Jupj Nupopay tsjun poꞌó. Nin mpes solejé Dios ca nu maꞌayas wa nujos jin. Nun más ꞌüsüs way tsipyaya jilal. 27 ¿Ncu nun más ꞌin püs ca mpatjaqué, nin nujola mpes pꞌin? Nin tulucj. 28 ”¿Tsjan mpes pajal nujola nupülül mpes? Tjunucú wa tsꞌutus witjacj. ꞌÜsüs way yustapj lejen̈, si tꞌünǘ wa. Yupj ma tsjiꞌ lajay. Ma wa sa lul. 29 Newa nin,

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 6, 7

18

Tjunuca tsipyaya, Dios se aya jis la las. (San Mateo 6.26-27)

tsjutsj tsꞌituju más ꞌüsüs yustapj Salomón* jas quip lal. Salomón jepa püné waytsja. Jas quip pülücj jaylactsja. ꞌÜsüs justa jas tücüiꞌpe. 30 Dios liji pajal ꞌüsüs yustapj tsjutsjum. Tsjutsj lejen̈ ca nacj yacjaj. Ya pwe ca nacj. Nun más ꞌüsüs tsjutsjum jis lal. Nin mpes ca jus nlayé Dios ca nu maꞌayas wa nusin quip. Nun ꞌotsꞌotsꞌ way pꞌin poné Dios lal. 31 Nin mpes nin velé, po ma nin nujola tꞌas. Ma ca mvelé: ¿Tsjan ca nlajacj? ¿Tsjan ca müsiquecj? ¿Tsjan mpes ca qjuisin nquiꞌpacj? 32 Dios ma jisas nin yola ꞌoyn nyuca cütaꞌacj pjü way yupj jisas. Po ma yupj jinwá nujos tꞌas. Nupopay Dios selé nujisas niná. 33 Ninana pꞌin nujos tꞌas: nujos tꞌas nun ca nin la müjí Dios jyüꞌtá. Nujos tꞌas ca pjü mponé jupj lal. Nujos tꞌas ca ꞌüsüs way la müjí jupj jos jin. Nin lojí, Dios ca nu maꞌayas wa pjü way nun nujos. 34 Nin mpes po ma nujola tꞌas tsjan ca mpalas yayá. Yaya tjejyawca na ꞌücj ca nin jele. Yacjaj malala pyala mpes pꞌin ca nin jele yacjaj. Ma nujola nsem pꞌa jawasa pyalá”, nin tjevele Jesús.

7

1 Jesús

Po ma tjowelé la pꞌa malala. (Lucas 6.37-38, 41-42)

tjevele wa: “Po ma tjowelé la pꞌa malala. Nun welé wa la pꞌa malala, Dios ca mveles wa malala nun. 2 Nin ca nsem, nun la pꞌa poꞌo welé jinwá, nin jinwá ca mveles Dios nun poꞌó. Nun nujola jin pꞌiyá, nin pꞌin ca mveles Dios nun jis lal ncu tꞌücꞌ la tjüjí niná. 3 ”¿Tsjan pjucj jele jetjam malala liji, ma nin jele más malala lejay jipj jupj lal? Nin pꞌiyá niná tsjan tsjicj way jetjam junma tjeyaca nyuc; yo püné jipj jinma tjeyaca ma nyuc. 4 Jetjam lal velen: ‘Natjam, ca maꞌayan tsjan tsjicj way jinma tjeyaca pjeꞌá li tsꞌi’. Jipj ma nyuc yo püné jipj jin moꞌó. Nin pꞌiyá lejay jipj. 5 Jipj pajal malala, niná nin lejay na. Jipj malala wa, la pꞌa malala jinwá. Mya ꞌüsüs ca jipj. Po

El Nuevo Testamento en Tol de Honduras, 2da ed. ©2010, Wycliffe Bible Translators

19

SAN MATEO 7

ma malala la mijin quinam, püna la tjejay jinwá. Niná la tjejay na, ca jus nlayen ꞌoyn nyuca ca cus mpꞌaꞌsan la pꞌa wa”, nin tjevele jupj. 6 Jesús tjevele nepénowa la pjütsꞌünpan Dios lal. Tjevele cupj ma ca mvelecj yupj jis lal Dios tjevelá. Ma wa ca nin mvelecj tsꞌa ꞌinpan jis lal. Yupj tsjiyó jinwá, tjevele. Malana jinwá yupj, tjevele jupj. Nun ꞌüsüs welé na, la mpjütsꞌünücj ca la pꞌin. Pajal tsꞌi miꞌinacj ca nun tjowelé mpes, tjevele Jesús.

Newa la moná Dios lal. (Lucas 11.9-13; 6.31)

7 Jesús

tjevele wa: “Newa la moná Dios lal nun, ne jupj ca nu maꞌayas nun la tjomoná. Ma len̈ way nusé ꞌaya, newa la moná, ne jupj ca nu maꞌayas nun la tjomoná. Nun nujos Dios ca nucopj mpꞌaꞌsas, newa la moná Dios lal. Newa lo moná na, jupj ca nin la mijis. 8 Nun lo moná Dios lal, nin ca ntꞌanqué. Nun lovin pꞌin lo moná, jupj ca nu maꞌayas. Nun newa lo moná Dios ca nucopj mpꞌaꞌsas, jupj ca nin la mijis nun mpes. 9 ”Nun ca jus nlayé niná. Nun popa pjaní jupj popa tsjicj ve le moná na, ma pe ca maꞌayas jupj. 10 Cjul le moná na, ma ca maꞌayas lotsjim. 11 Nunpan malalapan, mopꞌin solejé ꞌoyn nyuca ꞌüsüs jis maꞌayá nun sin popa tsjictjacj. Nun jis Papay tsjun poꞌó, ꞌüsüs way jupj, malala tulucj. Nin mpes ca jus nlayé jupj ca maꞌayas ꞌüsüs pꞌin, jupj lal la mon mpes. 12 ”Nujisas ca la pꞌa ꞌüsüs la mijicj nun mpes. Lovin niná pꞌiyá la müjí yupj mpes. Ninana Moisés* püna tepyaca. Niná profetapan* püna tapac wa ncupj ca nin la mijicj”, nin tjevele Jesús.

ꞌIn tjajama ca la müjí Dios jos jin. (Lucas 13.24)

13 Jesús

tjevele wa yupj jis lal: “Nin pꞌin la müjí napj velé jinwá. Niná napj velé jun vilicj laꞌí way jinwá, ꞌücj la winin la pütꞌüs Dios lal. Costa tulucj ꞌawa püné ntꞌa la winin. Jun vilicj la püné jinwá neꞌaj la winin. Jümücj pajal la püné jinwá. Pülücj jil neꞌaj, pajal malala se palá ntꞌa. 14 Nin tulucj Dios lal patja mpes. Jun vilicj tsjicj way jinwá neꞌaj la winin, Dios lal la pütꞌüs. Jümücj laꞌí way jinwá. Pjaní way pꞌin jus nlayecj ꞌoyn nyuca la mijicj, mpatjam Dios lal.”

15 Jesús

Ca ꞌücj wa jus nlayé pjacj liji Dios jos jinwá. (Lucas 6.43-44)

tjevele wa niná: “ꞌIn tjajama. Nepénowa la tsuwil. Yupj javelepj Dios mpes javelepj. Dios mpes javelepj tulucj nepenowá. ꞌÜsüs El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 7

20

jin javelepj yupj ca nacj, Dios poꞌo japon jinwá. Malala pꞌin yupj. Nun nutsꞌaꞌá jisas la pꞌin. Tsꞌisin̈ yupj pajal, coyote jinwá. 16 Nun ꞌücj wa jus nlayé ncu tꞌücꞌ way javelepj Dios mpes. Yupj lajay mpes ca jus nlayé. Nun nucú na wolas velan̈, nun jus nlayé ncu ꞌücj lo las jupj wolas. Nun solejé jül ma ꞌanpüpj vyala. Tunun mwicj ma higo* vyala jupj. 17 Jupj wolas ꞌücj lo las, lovin nin pꞌiyá ꞌüsüs jupj. Jupj wolas ma polel lo las, lovin nin pꞌiyá malala jupj. 18 Jupj wolas ꞌücj lo las, ma ca wolas malala mvalas. Jupj wolas malala, ma ca nepénowa ꞌücj lo las mvalas jupj. 19 Wolas ma polel lo las, ntꞌüjǘ, ca ꞌawa moꞌo la ntsꞌiyá. Nin lovin. 20 Nin pꞌiyá niná noyomes jis lal. Nun ꞌücj wa ca nucú, ca jus nlayé ncu tꞌücꞌ way javelepj Dios mpes. Yupj lajay mpes pꞌin ca jus nlayé. 21 ”Javelepj mpes pꞌin ma solejé ncu ꞌüsüs yupj. Nepénowa javelepj napj yupj jis Jepa Püné —‌tjevele jupj—‌. Newa nin, Dios yupj jis Jepa tulucj. Dios jos jin lajay, yupj pꞌin Dios si jütüta popa se palá. Dios napj Mpapay tsjun poꞌó. 22 Tsꞌacꞌ pꞌa wa napj ca mvelé pjacj ꞌüsüs, ca mvelé wa pjacj malala. Nin jawas ca pülücj way mvelecj napj lal: ‘Jipj pꞌiyá cupj qjuis Jepa. Cupj jipj mpes tsjiꞌ la tjijicj. Tjevelecj Dios mpes jipj jyas jinwá. Tjijyüꞌtücj tjil lapanenpan gente jisas mpe. Pajal ꞌüsüs la tjijicj wa, gente pꞌin ma polel lajay jinwá. Ninana la tjijicj la pꞌa ca nucucj, ca sin müꞌüsüs Dios pajal püné. Pjü way la tjijicj jipj mpes.’ Nin ca mvelecj nepenowá. Newa ma la tjajay Dios jos jinwá. 23 Mpes nin javelepj na, napj tülü way ca mvelé yupj jis lal: ‘Nun lovin ma ncapj tocon̈có. Lowa napj mpe. Nun pjü way malala nyuca lojí.’ Nin ca mvelé yupj jis lal. 24 ”Nepénowa tjepjyacan̈ napj tjevelé, ne nin lajay napj tjevelé jin. Yom ꞌüsüs jas tjijyünsa wosis jin pꞌiyá yupj. ꞌÜsüs pꞌin jólatsja jupj. Pajal campwila tsjomis tyoca mwalá way pꞌin, pwen jáꞌasa na tyoca nas. 25 Tꞌücꞌ wo jas tjijyünsa na, pajal püné tjive. ꞌÜsǘ püné tꞌyüna wa. Pajal yümücj way jas tjelyapjünǘ lüpjǘ ꞌotsꞌipj jupj wo ntꞌa. Newa ma tyüla wosis, tsjomis campwila ton̈ca mpes, pwen jáꞌasa nas. Nin pꞌiyá napj jyütütj jinwá lajay jis lal. Newa ca ꞌücj mpatjam yupj. 26 Nin tulucj la pꞌa jis lal. Yupj tjepjyacan̈ watsja napj tjevelé. Mopꞌin ma la tjajay napj tjevelé jin. Pꞌa yom wo jas tjijyünsa jinwá yupj. Ma jola jintsja, mpes jupj ma tyoca tsjomis. ꞌAmá casá jas tjijyünsa jupj la pꞌin. 27 Tꞌücꞌ wo jas tjijyünsa na, pajal yümücj tjive. ꞌÜsǘ tꞌyüna. Pajal lüpjǘ jas tjelyapjünǘ watsja neꞌaj, jupj wo ntꞌa. Mpes tyüla wa wosis. Pajal yümücj pjac tyüla. Nin pꞌiyá ca malala jis mpalas yupj”, nin tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

21

SAN MATEO 7, 8

28 Jesús

tecyawaja tjevele quinam jupj quelel véletsja. Jupj tjevele tjepjyacan̈ yólatsja jupj pajal ꞌüsüs sin tjiꞌyüsa lis tjiji. 29 Jesús Moisés* popel sin ꞌyüsa lajay jin tuluctsja. ꞌÜcj jis la jütütj jinwá tjevele jupj.

8

Jesús pülücj way pajal ꞌüsüs la tjiji, gente ma polel lajay jin. Tjiꞌyüꞌsa la tjiji jüpꞌüy tjamaja. (Marcos 1.40-45; Lucas 5.12-16) 1 Jesús

tecyawaja sin ꞌyüsa lis tjiji na, tucucꞌ mpe palavin tjacꞌ. Pajal pülücj jupj cjüil tjil. Quelel jiltsja Jesús lal. 2 Yom pjaní Jesús ntꞌa tjacꞌ. Tüicꞌ jin tjáꞌasa Jesús wolapꞌaꞌá. Malala jostsja pajal. Jupj jüpꞌüy pajal tjamájatsja lovin. Palá tinca jüpꞌüy popé. Jupj tjevele Jesús lal: —‌Nejepa, jipj polel ni ꞌüꞌsa lejay. Jipj jyas na ca nin nsem. 3 Mpes Jesús pjwel la tepyacta, po la tjeꞌyotꞌa yom malala jos. Tjevele: —‌Najas. ꞌI tjüꞌüꞌsüs quinam. Ninana tjevele na, len̈ way tjiꞌyüꞌsa niná yomen. Jüpꞌüy ꞌüsüs way tepyala jupj. 4 Yom tjiꞌyüꞌsa na, Jesús tjevele jupj lal: —‌Po ma tjevele la pꞌa lal quinam jipj ꞌi tjüꞌüꞌsa. Jutja sacerdote* ntꞌa. Ca jis nucus. Jupj ca la mpalas ncu malala lo nuc pꞌyüy poꞌó. Ca mveles ꞌüsüs quinam. Niná la tjejay na, Dios mpes maꞌayan, jipj ꞌi tjüꞌüꞌsa mpes. Pajal püna Moisés* tjijyüꞌta tsjan ca maꞌayacj, jis pꞌüy jis tjiꞌyüꞌsa na. Jupj tjijyüꞌta jin ca la mijin. Pjü la tjejay na, la pꞌa ca jus nlayecj jipj tꞌücꞌ way ꞌi tjüꞌüꞌsa quinam —‌nin tjevele Jesús.

Jesús cus tjepꞌyaꞌsa wa israelpan popa tulucj. (Lucas 7.1-10)

5 Capernaum

ntꞌa tjemey Jesús. Neꞌas tjemey na, jepa militar tjacꞌ jupj ntꞌa. Jepa militar israelpan* popa tuluctsja. Militar romano* waytsja. Jépatsja jupj niyom cien jis lal. Jupj tjacꞌ na, la tjemyona Jesús lal jupj ca müꞌüꞌsüs la mijis jupj jomozo. 6 Jupj tjevele: —‌Namozo pajal lapj jos. Püꞌü pꞌin, ma polel ꞌutaná. Pajal nepé vyaja jupj. 7 Jesús tjevele jupj lal: —‌Napj pꞌiyá ca mis, müꞌüꞌsüs la mejay jupj. 8 Jepa militar tjevele Jesús lal: —‌Pajal ꞌüsüs way jipj. Napj ꞌüsüs tulucj. Más ꞌücj ma nawá moꞌo cuy jipj. Más ꞌücj jipj ca müjüꞌtün ca müꞌüꞌsüs jupj la pꞌin. Napj selé jipj nin la tjejay na, ca müꞌüꞌsüs jupj. 9 Napj selé jipj ꞌücj jyütütj. Nin

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 8

22

pꞌiyá napj nejepa ni jütüta. Napj lejay jupj vele jin. Napj jyütütj wa niyom militar pajal pülücj. Pjaní lal velé jutja, mpes jama jupj. Pꞌa lal velé was, mpes jacꞌ. Namozo lal velé nin la mijis, mpes nin liji jupj —‌nin tjevele jepa militar. 10 Jesús nin tjapjaca na, jupj jólatsja pajal ꞌüsüs tjevele jepa militar. Mpes Jesús tjevele jupj cjüil tjil jis lal: —‌Pajal ꞌüsüs pyona jupj, jupj ne israelpan* popa tulucj. Newa ma tjinyuc Israel mpe ꞌesepj pajal tepyona jupj jinwá. 11 Pülücj israelpan tulucj ca mpatjam wa Dios jyüꞌta ntꞌa. Pjü jun taꞌá mpe ca ncul. Ca majatjum, ca nlajacj Abraham* lal, Isaac lal wa, Jacob lal wa. Tꞌücꞌ way nin ca nsem. 12 Dios jostsja pjü israelpan ca neꞌaj mpatjam jupj jyüꞌta ntꞌa, mopꞌin ma ca neꞌaj mpatjam nepenowá. Israelpan pülücj ca pjeꞌá lis ncoyes pajal püste ntꞌa. Neꞌaj ca pajal la mpuyucj. Jis wis ca jas nquiꞌlicj pajal nepé vyaja mpes —‌nin tjevele Jesús israelpan mpes. 13 Jupj tjevele wa jepa militar lal: —‌ꞌÜcj la winin quinam. Jipj tepyon jinwá ca nsem. Jesús nin tjevele na, tjiꞌyǘꞌsatsja jepa militar jomozo.

Jesús pajal pülücj jis tjiꞌyüꞌsa lis tjiji malala jisas. (Marcos 1.29-34; Lucas 4.38-41)

14 Pedro

wo ntꞌa tjemey Jesús. Jesús wama tjemey jupj wo moꞌó, jus tjinyuca Pedro pwisam. Pǘꞌütsja jupj, malala jostsja mpes. Si ꞌáwatsja jupj. 15 Jesús jupj mos po la tjeꞌyotꞌa. Po la tjeꞌyotꞌa na, tjiꞌyüꞌsa jupj. Len̈ way jas tjijyünsa. Tjeꞌyaya Jesús la las. ꞌÜsüs tjiꞌyüꞌsa quinam. 16 Tꞌyaja na, la pꞌa wa malala jisas tucuman Jesús ntꞌa. Lapanenpan pátjatsja yupj jisas moꞌó. Jupj pjeꞌá sin tjejyama lapanenpan. Tjil yupj jupj tjevele mpes pꞌin. Pjü malala jisas jis tjiꞌyüꞌsa lis tjiji. 17 Nin la tjiji mpes, tꞌücꞌ la tjiji Isaías tjevelá pajal püna. Isaías profétatsja* jupj. Dios mpes tjevele. Niná Isaías tjevelá Jesús mpes: “Jupj qjuis tjiꞌyüꞌsa la qjuis tjiji cupj, malala qjuisastsja mpes. Jupj pꞌiyá ꞌaplijílatsja cupj ꞌaplijílatsja mpes.”

18 Jesús

Jesús tjevele ꞌonin la qjuijim cus la con̈ jupj. (Lucas 9.57-62)

yus tjinyuca pajal pülücj ꞌa jis tjimyula jupj ntꞌa. Mpes jupj discipulopan* jis tjijyüꞌta ca mal ꞌüsǘ naꞌaj poꞌó. 19 Custjay ma tjil na, yom pꞌa wa tjacꞌ Jesús ntꞌa. Moisés* popel sin ꞌyüsa lajay pópatsja jupj. Jupj tjevele Jesús lal:

El Nuevo Testamento en Tol de Honduras, 2da ed. ©2010, Wycliffe Bible Translators

23

SAN MATEO 8

—‌Gente sin ꞌyüsa lejay jipj. Napj ca cyapj ncon̈ jun taꞌá jipj quelel jay ntꞌa. 20 Jesús tjevele costa way cus la con̈ jupj. Tjevele: —‌Gato selván yupj jis jomwen jul jinan̈, tsipyaya yupj jis tsintsil jatatj wa. Nin tulucj napj lal. Napj nawá cjuwá. Napj pꞌiyá niná Yomen Dios jas tjejyamá —‌nin tjevele Jesús. 21 Pꞌa wa yom Jesús discípulo* watsja. Jupj tjevele Jesús lal jupj quelel se cón̈catsja jupj pꞌa jyawca na. —‌Ntjeꞌaya la nuc mpaꞌis mpapay pꞌin. Tepeꞌe na, ca cyapj ncon̈ —‌tjevele jupj. 22 Jesús tjevele ma polel li nucú cus la con̈. Tjevele: —‌Ncapj tecyon̈ca quinam. La pꞌa wa ꞌücj ꞌamá jis la toc jis pülücj tepeꞌe na. Yupj pꞌiyá tecyaꞌlin̈ jinwá, yupj Dios lal ma japon mpes —‌tjevele Jesús.

Jesús tjijyüꞌta lüpjǘ, ꞌüsǘ püné ꞌotsꞌipj. (Marcos 4.35-41; Lucas 8.22-25)

23 Jesús

barco* moꞌo wama tjemey. Jupj discipulopan* wama tjil wa. ꞌÜsǘ naꞌaj poꞌo jil watsja yupj. Pajal la pünetsja ꞌüsǘ, pajal campwila watsja. 24 Len̈ way pajal jas tjelyapjünǘ lüpjüs ꞌüsǘ püné ntꞌa. ꞌÜsǘ pajal la tjepjetpjetsꞌé. ꞌÜsǘ barco wama tjemey, quelel pítꞌatsja barcas. Jesús nasa tjejyá. Newa tjejyatsja jupj. 25 Mpes jupj discipulopan jupj ntꞌa tjil, jas tiquilquil, ne jola tepyala. Tjowelepj: —‌Q juis capj tjepꞌyaꞌsa, qjuis Jepa. Qjuis qjues ntꞌancam. 26 Jesús tjevele yupj jis lal: —‌ꞌOtsꞌotsꞌ way pꞌin poné nun napj lal. ¿Tsjan mpes locj jeyá? —‌tjevele. Jas nisa jupj. Cus tjeveꞌle lüpjǘ, cus tjeveꞌle wa ꞌüsǘ. Mpes lüpjǘ ꞌütꞌün nasa tepyala. ꞌÜsǘ ꞌütꞌün nasa wa. 27 Niyom yólatsja jupj pajal ꞌüsüs la tjiji, pajal püné jupj. Yuwá tjowelepj: “¡Tꞌücꞌ way yom niná pasal püné way! ꞌÜcj si jütüta lüpjǘ, ꞌüsǘ ꞌotsꞌipj, ne nin lajay wa jupj jyüꞌta jin.”

28 Neꞌas

Jesús pjeꞌá sin tjejyama lapanenpan. (Marcos 5.1-20; Lucas 8.26-39)

tjemey ꞌüsǘ naꞌaj poꞌó. Jesús tjemey ntꞌa Gadara lotsja. Neꞌas tjemey na, niyom matꞌe tjiquil la nyüjüsün̈ jupj. Panteón mpe tjiquil yupj neꞌaj. Janucun waytsja yupj, nin pꞌin lapanenpan jisas moꞌo tapatja yupj. Pajal tsꞌa ꞌintsja yupj, mpes la pꞌa wa ma polel jiltsja neꞌaj, yupj tjelyawun̈ ntꞌa. 29 Yupj Jesús jus tjunuc na, pajal yümücj la tupuyupj:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 8, 9

24

—‌¿Tsjan mpes tjacuy quinam cupj ntꞌa? Jipj Dios Jatjam. ¿Ncu ca malala la qjuis mijin? Nin jawas jyawca tulucj nin la mijin mpes —‌nin tjowelepj yupj Jesús lal. 30 Neꞌaj way pꞌin ꞌin malana pajal pülücj tjelyawun̈, jalatsja neꞌaj. 31 Lapanenpan pajal la tjomon Jesús lal: —‌Jipj ca müjüꞌtün ca nlaca ncupj ca nacj. Qjuisas jyütütj ca nlaca malana jisas moꞌó. 32 Jesús tjevele lapanenpan jis lal: —‌Lowa nepé. Mpes pjeꞌá tjil niyom jisas mpe. Malana jisas moꞌo tjil. Jisas moꞌo tjil na, malana pjü tsꞌequenen̈ neven palavin, ꞌüsǘ püné moꞌo tjil yupj. Jis qjues tꞌanca, tecyaꞌlin̈ pjü. 33 Niyom malana jajamapj tjunuc nin tepyalá, tsꞌequenen̈ yupj pülücj patja ntꞌa. Pjü tjowelepj Jesús la tjijá. Niyom poꞌo tjowelepj wa, yupj ne lapanenpan jisas moꞌo tapatja püna pꞌin. 34 Mpes pjü way tjiquil la nyüjüsün̈ Jesús. Pues pjü way pülücj patja mpe tjiquil. Jus tjunuc na, pajal la tjomon Jesús lal jupj ca mim yupj mpe.

9

1 Jesús

Jesús tjiꞌyüꞌsa la tjiji ma polel ꞌutaná. (Marcos 2.1-12; Lucas 5.17-26)

niswa wama tjemey barco* moꞌó. ꞌÜsǘ naꞌaj poꞌo tjemey jupj, püna tüpüꞌü ntꞌa. 2 Neꞌas tjemey na, niyom nepenowá tjiquil jupj ntꞌa. Malala jos tucuman hamaca lal. Malala jos ma polel ꞌutanatsja. Yupj topon Jesús ꞌücj la qjuijis lo ꞌüꞌsüs jupj. Jesús jus nleya yupj topon, ne jupj tjevele malala jos lal: —‌Ma nin jele tꞌas. Jin tjiyocj wa ca nsem. Napj perdonar la ꞌejay malala la tjejay Dios lal. Ma nin nola quinam. 3 Neꞌaj játjatsja noyomes Moisés* popel sin ꞌyüsa lajay. Yupj ma jisastsja Jesús tjevelá. Yupj yólatsja Jesús tjevele pajal malala. Dios pꞌin ꞌücj nin vele, yólatsja. 4 Jesús seletsja nin yólatsja yupj. Jupj tjevele yupj jis lal: —‌¿Tsjan mpes pajal malala nyuca nujola nun? 5 Napj ꞌücj velé: ‘Napj perdonar la ꞌejay jipj malala la tjejay Dios lal’. Napj ꞌücj wa velé: ‘Jin tjijyünsa, mim’. ¿Cana más ꞌin costa la veles? 6 Nin pꞌiyá ca mvelé wa malala jos lal, mpes nun ca jus nlayé napj ꞌücj perdonar lejay nosis ntꞌa. Napj pꞌiyá niná Yomen Dios jas tjejyamá —‌nin tjevele Jesús. Jupj tjevele wa malala jos lal: —‌Jin tjijyünsa. Jipj hamaca ntꞌya, ntꞌan. Ca mim wya ntꞌa.

El Nuevo Testamento en Tol de Honduras, 2da ed. ©2010, Wycliffe Bible Translators

25

SAN MATEO 9

7 Len̈

way jas nisa malala jos. ꞌÜcj jostsja quinam. Tjemey wo ntꞌa. way tjunuc niná nin tepyalá. Tjunuc na pajal ꞌüsüs yola tepyala Jesús la tjiji mpes. Nin mpes ꞌüsüs tjowelepj Dios poꞌó. Dios tjeꞌyaya yom pjaní ꞌücj la tjiji niná, tjowelepj yupj. 8 Pülücj

9 Jesús

Jesús jostsja Mateo ca cus ncon̈cos jupj. (Marcos 2.13-17; Lucas 5.27-32)

tjemey nepé. Jupj jámatsja na, jupj tjinyuca yomen. Yom niná impuesto jaylacj tꞌeꞌéncatsja jepa mpes. Wa ntꞌa tꞌemel tꞌeꞌéncatsja ntꞌa jáꞌasatsja jupj. Niná yom Mateo lotsja jupj. Jesús tjevele jupj lal: “Ncapj tecyon̈ca jipj. Najas ncapj cyon̈ lovin.” Len̈ way jas tjijyünsa Mateo, cus tecyon̈ca jupj. 10 Locopyaya Jesús Mateo wo ntꞌa jáꞌasatsja. Neꞌaj lyájatsja tꞌawaná jupj discipulopan* jis lal. Neꞌaj tjiquil wa, tjalá watsja niyom pülücj. Nepénowa impuesto jataꞌepj tapatja Mateo jinwá. Yupj pequen̈tsja püna pꞌin. Pꞌa witjacj ma tꞌücꞌ la tjajay Moisés* popel tjijyüꞌta jinwá. 11 Fariseopan* tjunuc Jesús jáꞌasatsja yupj jis lal, lyaja watsja yupj jis lal. Mpes yupj jis la tjüꞌüy Jesús discipulopan jis lal: —‌¿Tsjan mpes lyaja nujepa impuesto jataꞌepj jis lal, malala lajay jis lal wa? 12 Jesús tjapjaca yupj jis la tjüꞌüy. Mpes jupj tjevele yupj jis lal jupj quelel se pꞌáꞌsatsja malala lajay. Tjevele: —‌ꞌÜcj jisas ma jisas la pꞌa si tsꞌucú. Malala jisas pꞌin jisas niná. Napj si tsꞌuc jinwá lejay malala lajay jis lal, ne yupj ca cüꞌüꞌsüs quinam. 13 Nun ma nusin ꞌyüsa tsjan jos Dios. Dios tjevele jupj Popel moꞌó: ‘Napj najas la pꞌa quelel la sojí nun. Najas jis capj mpꞌaꞌsá la pꞌa wa. Niná lojí más ꞌüsüs Dios mpes ꞌoyá lal.’ Lowa nun, nusin tjüꞌüsüs tsjan mpes nin tjevele Dios. Napj niná nin lejay Dios jos jinwá. Napj tjacuwis la veles malala lajay jis lal. Napj velé yupj jis lal Dios jos yupj ꞌaplijila nsem malala nyuca la tjajay mpes. Dios jos ꞌüsüs la mijicj quinam jupj jos jinwá. La pꞌa wa ꞌüsüs lajay Dios jos jin. Niná napj ma velé yupj jis lal —‌nin tjevele Jesús.

Jesús discipulopan pꞌa casá lajay püna tapatja jis lal. (Marcos 2.18-22; Lucas 5.33-39)

14 Locopyaya

Juan discipulopan* tjiquil Jesús ntꞌa. Juan bautizar* liji watsja püná. Jupj discipulopan tjowelepj Jesús lal: —‌Nenéyawa ma lyajacj cupj, quelel velecj pꞌin Dios lal. Nin pꞌiyá fariseopan* ma jalá wa neneyawá, quelel javelepj pꞌin Dios lal. ¿Tsjan mpes ma nin lajay jipj discipulopan*, Dios lal la veles? El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 9

26

15 Jesús

tjevele jupj discipulopan* ma nin lajaytsja custjay. Pꞌa jyawca na ca nin la mijicj. Ninana tjevelá: —‌Nin jawas yom judío* woya na, jupj jomicapan jiquil wa cus la con̈ jupj. Pajal ꞌücj jisas jatja; ma la puyupj yupj. Nin pꞌiyá napj discipulopan* jis lal. Napj yupj jis lal ꞌos. ꞌÜcj javelepj napj lal. Nin mpes ꞌücj jisas jatja yupj. ꞌÜcj yupj jalá. Pꞌa jyawca na, pꞌa casá ca nsem. La pꞌa ca ncul, ca ma tjililin̈. Len̈ ca nsem napj. Nin tepyala na, napj discipulopan ma ca nlajacj neneyawá, ca mvelecj pꞌin Dios lal —‌nin tjevele Jesús. 16 Jupj tjevele wa jupj lal japon ma polel nin pꞌiyá jis la jay püna tapatja la tjajay jinwá. —‌Nin pꞌiyá ma polel jul sa lul jis pülül pül pülül seyasa mpes —‌tjevele—‌. Nin lajay na, pülül seyasa laꞌí pyala. Mpes pülül pül way ca la ntsüꞌüm, ca püné way la jul nsem. 17 Nin pꞌiyá wa, judiopan* uva ꞌüsǘ seyasa jatatj na. Uva ꞌüsǘ seyasa ma ca moꞌo ntꞌucj pjolocꞌ pül way moꞌó. Nin lajay niná, pjolocꞌ pül ca mpjoltem ꞌüsǘ myolca mpes. Tjopjolta na, uva ꞌüsǘ ca jus ncocom. Malala ca mpalas wa pjolocꞌ. Nin mpes ma lajay niná. Uva ꞌüsǘ seyasa jatatj na, pjolocꞌ seyasa moꞌo ca ntꞌucj. Nin mpes ma ca malala mpalas uva ꞌüsǘ, ma wa ca malala mpalas pjolocꞌ —‌nin tjevele Jesús.

Jesús jas tjijyünsa tepeꞌá. Niswa tüpüꞌü la tjiji jupj. Nin wa tjiꞌyüꞌsa la tjiji wa quepj malala jos. (Marcos 5.21-43; Lucas 8.40-56)

18 Jesús

newa véletsja na yupj jis lal, yom pꞌa wa tjacꞌ yupj ntꞌa. Yom niná jepapan pópatsja judiopan* ꞌa si mulú ntꞌa. Tjacꞌ Jesús wolapꞌaꞌá, tüicꞌ jin tón̈catsja. Yom niná tjevele: —‌Ncucus yas way tepeꞌe. Was nawá ntꞌa. Najas po la moꞌotꞌen ncucus, ca jupj mpüꞌüm. 19 Mpes Jesús tjemey jupj lal. Jesús discipulopan* tjil wa Jesús lal. 20 Jiltsja na, quepj pjaní Jesús cjüil tjacꞌ. Quepj niná po la tjeꞌyotꞌa Jesús jas quip, tsjan po velan̈ mpes. Malala jostsja, ne nin la tjiji jupj. Año dóceya newa ꞌos tepyálatsja, ma tjiꞌyüꞌsa. 21 Jupj jólatsja: “Jesús jas quip po le ꞌotj pꞌin, ma ꞌüꞌsüs ca napj”. 22 Jupj po la tjeꞌyotꞌa na, Jesús la nujuya, jus tjinyuca quepan. Tjevele jupj lal: —‌Ma nin jele tꞌas, Ncucus. Jipj tepyon napj polel ꞌi ꞌüꞌsa lejay, nin mpes ꞌi tjüꞌüꞌsa jipj. Jesús nin tjevele na, tjiꞌyüꞌsa quepan. 23 Locopyaya Jesús judiopan* jis jepa wo ntꞌa tjemey, jupj jámatsja ntꞌa. Nasa pülücj ꞌa jis tjimyula jupj wo ntꞌa, jupj jucucus tepeꞌe mpes.

El Nuevo Testamento en Tol de Honduras, 2da ed. ©2010, Wycliffe Bible Translators

27

SAN MATEO 9

Nepénowa jis flauta* la tjupjus. Nepénowa pajal yümücj la tupuyupj. Jesús yus tjinyuca, 24 tjevele: —‌Lowa, nun pjü way. Tsjicj tepeꞌe tulucj. Tjejyá pꞌin. Jesús seletsja jupj ca ꞌyüꞌsa la mijis, mpes nin tjevele. Yupj ma topon. Tjuwiꞌin̈ pꞌin. 25 Jesús pjü pjeꞌá sin tjejyama. Tjil na, tsjicj tüpüꞌü ntꞌa tjemey, mos ntjüiꞌle jupj. Nin la tjiji na, jas tjijyünsa tepeꞌá. Nyucunutsja jupj quinam. 26 Neꞌaj way tapatjá pjü jis wala tjowelepj ninana tepyalá. Mpes pjü neꞌaj jus nlay Jesús la tjiji niná.

27 Jesús

Yun tulucj jis tjiꞌyüꞌsa lis tjiji Jesús.

judiopan* jis jepa wo mpe tjemey quinam. Tjemey na, niyom matꞌe cjüil tjil wa. Manas yun tuluctsja yupj. Yupj la tupuyupj: —‌Q juis capj tjepꞌyaꞌsa. Jipj niná Yomen Dios jas tjejyama qjuis capj la pꞌacj. Jipj David* popa pꞌiyá, locopyaya tüpütꞌ —‌nin tjowelepj yupj. 28 Jesús wama tjemey na, niyom yun tulucj wama tjil wa. Yupj tjiquil Jesús ntꞌa. Jupj jis la tjiꞌyüya: —‌¿Ncu poné nun napj polel nu ꞌyüꞌsa lejay nuyun? —‌Nin pyonecj —‌tjowelepj yupj. 29 Jesús jis yun po la tjeꞌyotꞌa. Tjevele: —‌Nun poné jinwá nsem. 30 Len̈ way ꞌücj januctsja yupj, jis tjiꞌyüꞌsa. Locopyaya Jesús tülü way jis tjijyüꞌta ma nin mvelecj ꞌoyn nyuca jis tjiꞌyüꞌsa yupj. 31 Mopꞌin ma la tjajay Jesús tjevele jinwá. Tjil na, pjü jis lal tjowelepj niná Jesús la tjiji yupj mpes. Mpes pjü neꞌaj way pꞌin tapatja, pjü tjepjyacan̈ niná tepyalá.

32 Noyomes

Jesús tjiꞌyüꞌsa la tjiji ma polel véletsja.

püna yun tuluctsja pjeꞌá tjil na, la pꞌa wa noyomes tjiquil wa Jesús ntꞌa. Yom ma polel vele lal tjiquiltsja yupj. Lapanen pǘꞌütsja jupj jos moꞌó. Nin mpes ma polel véletsja. 33 Jesús pjeꞌá jas tjejyama lapanen. Nin la tjiji na, ꞌücj véletsja yomen. La pꞌa wa tjepjyacan̈ niná tepyalá. Tjepjyacan̈ na, yupj yólatsja Jesús pajal ꞌüsüs la tjiji. Tjowelepj: “Lovin ma tjinyucuctsja niná Israel moꞌó”. 34 Newa fariseopan* ma ꞌüsüs tjowelepj Jesús poꞌó. Yupj javeleptsja: “Lapanenpan jis jepa se pꞌaꞌsa Jesús. Nin mpes ꞌücj pjeꞌá sin jyama lapanenpan.”

35 Jesús

Jesús pajal jólatsja gente malala jis tepyala mpes.

jun taꞌá tjuwine Galilea moꞌó. Pjaní pjaní tjemey pülücj patja ntꞌa, pjaní way pꞌin patja ntꞌa ꞌotsꞌipj. Jupj tjemey ntꞌa sin tjiꞌyüsa lis El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 9, 10

28

tjiji lovin judiopan* ꞌa jis tjimyula ntꞌa. Pjü jis wala tjevele pajal ꞌüsüs tepyala Dios mpes. Tjevele quina ca jis müjüꞌtüs Dios. La talata malala jos, jupj tjiꞌyüꞌsa la tjiji wa. Pajal sin napnapj jin jisastsja jis tjiꞌyüꞌsa lis tjiji wa pjü. 36 Jupj gente pülücj yus tjinyuca na, pajal jólatsja yupj mpes. Oveja* yusapj jinwá yupj, jólatsja Jesús. Len̈tsja pjacj jis cüjamas. Lapj nyuca yólatsja yupj lovin. Ma polel jis capj tjepꞌyaꞌsa yupj pꞌiyá. 37 Mpes Jesús tjevele jupj discipulopan* jis lal: “Pajal pülücj ma sa con̈ Dios custjay. ꞌÜcj wa Dios jatjampan jis la pal yupj. Pülücj velan̈ jinwá yupj napj lal. Mopꞌin namozopan pjaní way pꞌin, ca jis lal ncul pjü. 38 Mpes la tjomoná nun Dios lal mozopan pülücj ca sin majamas yupj ntꞌa. Jupj pꞌiyá jyüꞌta jupj mozopan. La tjomoná pülücj jilal ca mvelecj yupj napj mpes. Nin mpes ca pülücj mponecj napj lal, ca Dios jatjampan jis mpalas”, tjevele Jesús.

Jesús niyom dóceya sin tjejyama ca tsjiꞌ la mijicj jupj mpes. (Marcos 3.13-19; 6.7-13; Lucas 6.12-16; 9.1-6)

10

1 Jesús

discipulopan* dóceya jilal tjevele jis la cuwis. Jupj lis tjiji jupj apostolpan* yupj. Tjevele ca pꞌa ntꞌa mal, ca tsjiꞌ la mijicj jupj mpes. Jupj jis tjeꞌyaya ꞌücj pjeꞌá la ntsꞌiyacj lapanenpan. Jis tjeꞌyaya wa ꞌücj jis müꞌüꞌsüs la mijicj ca pjü malala jisas. Pjü sin napnapj witjacj, pjü ꞌücj ca jis müꞌüꞌsüs la mijicj wa. 2 Ninana apostolpan* jis lá: mwalá way Simón lotsja. Pedro ló watsja jupj. Jupj tsüipe Andrés apóstol watsja. Jacobo pjaní watsja. Jupj tsüipe Juan pjaní watsja. Yupj ne Zebedeo jatjampan. 3 Felipe apóstol watsja, Bartolomé pjaní watsja; Tomás pjaní watsja jupj. Mateo pjaní wa. Jupj impuesto jaylacj tꞌeꞌenca watsja püna. Jacobo apóstol watsja jupj, jupj ne Alfeo jatjam. Tadeo pjaní watsja jupj. 4 Simón pꞌa watsja. Simón le palánatsja jepa lal, jepa israelpan* popa tulucj, ne nin. Nin mpes “Israel Mpes Jola” lotsja wa jupj. Judas Iscariote apóstol watsja. Jupj Jesús enemigo tepyala. Jis capj tjepꞌyaꞌsa Jesús enemigopan jis la tjilil jupj. 5 Jesús sin tjejyama niyom nenem, tsjiꞌ lajay jupj mpes. Jupj jis lal tjevele wa ꞌoyn nyuca la mijicj tjil na. Ninana Jesús tjevele yupj jis lal: “Po ma nlawú judiopan* tulucj ntꞌa —‌tjevele jupj—‌. Ma wa nlawú Samaria* moꞌo patja ntꞌa. 6 Cupj nepé ntꞌa nlawú pꞌin, israelpan* ntꞌa pꞌin. Yupj ma sa con̈ Dios. Oveja* len̈ jis tjevyala jinwá yupj. 7 ”Nun lowú na, pjü jis lal tjowelé Dios ca Jepa maꞌajam yupj ntꞌa quinam. 8 Malala jisas jis müꞌüꞌsüs lis müjí wa. Tecyaꞌlin̈ sin müjünsǘ,

El Nuevo Testamento en Tol de Honduras, 2da ed. ©2010, Wycliffe Bible Translators

29

SAN MATEO 10

ne yupj ca mpatjam. Jis müꞌüꞌsüs lis müjí wa jis pꞌüy tjamaja. Pjeꞌá sin majamá wa lapanenpan. Ma la moná nun lojí mpes. Nun ma jaylacj la tjüjí napj la tjejay nun mpes. Así ꞌüsüs la müjí wa la pꞌa mpes. Jaylacj tulucj ꞌücj ca nsem.” 9 Jesús tjevele wa sin tjejyama jis lal: “Nun nasa lowú tsjiꞌ lojí napj mpes, ma ca ntꞌa nun pꞌa jawasa nujisas mpes. Ma tꞌemel tꞌo nun. 10 Po ma ve tꞌo, yacjaya nu lo las. Ma ca mátꞌeya nusin nquiꞌpá nlawú. Ma ca pꞌa wa ntꞌa pꞌa wa caite. Ma wa ca ntꞌa tjacjaj. Nun lowú ntꞌa, neꞌaj nun ca ꞌüsüs la müjí yupj mpes. Mpes más ꞌücj yupj nu maꞌayacj nujisas. 11 ”Nun pülücj patja ntꞌa ca nlawú neneyawá. Más ꞌin laꞌ way patja ntꞌa ca nlawú neneyawá. Nun lowú ntꞌa, yom ꞌüsüs way ca la mpalá nun neꞌaj. Jupj lal ca la moná ca jupj lal mpatjaqué. Neꞌaj potjaqué na pꞌin pülücj way patja ntꞌa, lovin ca neꞌaj mpatjaqué jupj wo ntꞌa. 12 Nun wama lowú na, niná yom wo moꞌó, tjowelé nujisas jupj wo ntꞌa patja ma yola nsem pjü mpes Dios ꞌüsüs la siji mpes. 13 Yupj ꞌüsüs jisas nsem nun napj mpes tsjiꞌ lojí ca nacj. Nin mpes nin ca nsem nun tjowelé jin pꞌiyá. Nepénowa nun lowú ntꞌa ma ca jisas nsem nun tsjiꞌ lojí napj mpes. Ma ca ꞌüsüs jis mpalas nun tjowelé mpes. Nun pꞌin ꞌüsüs mpatjaqué nun tjowelé jinwá. 14 Nepénowa ma ca jisas nsem nun tjuculá. Ma ca jisas nsem nun welé napj mpes. Nenéyawa nin ca nsem wa pjaní ntꞌa. Nenéyawa nin ca nsem pülücj patja ntꞌa. Mpes lowa yupj mpe. Nun lowú na nepé, nun jis tsjom sin tjowowojó, ca palá ntüncüs pjüpjüs. Nin mpes ca sin ꞌyüsa lis müjí Dios ma japon jinwá yupj quinam. 15 Dios ca pajal jis capj ntülüs, malala lajay jis capj tyüla na. Más ca jis capj ntülüs yupj, Sodoma ntꞌa tapatja jis lal. Más ca jis capj ntülüs yupj, Gomorra ntꞌa tapatja jis lal. Nin ca la mijis Dios neꞌaj patja jis lal, yupj ma quelel pjyacan̈tsja mpes. Niná tꞌücꞌ way”, tjevele Jesús. 16 Jesús tjevele wa niná jupj sin tjejyama jis lal: “Napj pꞌiyá nusin jyam malala witjacj ntꞌa. Napj selé nun ma polel nucopj pꞌoꞌsá nun pꞌiyá, yupj malala lajay na nun jis lal. Nun oveja* jinwá. Yupj püꞌá jinwá. Pajal tsꞌa ꞌin yupj. Mpes ꞌüsüs tjajamá nun pꞌiyá latsj jinwá, mopꞌin nin, ca ꞌüsüs la müjí lovin sipipj jinwá. 17 ꞌIn tjajama gente jis lal. Nepénowa ca nu ntjiꞌlin̈ nun. Ca nu manucj jepapan ntꞌa, nucopj la tül. Moꞌo ca nsüpücj nun judiopan* ꞌa si mulú ntꞌa. 18 Jepapan ntꞌa ca nu manucj nun ncapj con̈có mpes. Neꞌaj pꞌin se jütütj ntꞌa ca nu manucj. Jepa noypan ntꞌa ca nu manucj wa. Nin lajay na, nun ca ꞌücj mvelé yupj jis lal ꞌonin ne ꞌücj potjaqué Dios lal napj mpes. Nin

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 10

30

ca mvelé wa judiopan tulucj jis lal. 19 Tꞌücꞌ way ca nu ntjiꞌlin̈, ca nu manucj jepapan ntꞌa. Nin lajay na, po ma malala nyuca nujola tꞌas tsjan ca mvelé nun yupj jis lal. Dios Cjües ca nusin müꞌüsüs la mijis tsjan ca mvelé nin tepyala na. 20 Nun ma ca cüwelé nun nujola jin. Nun welé na, Dios Cjües jos jin ca mvelé. Mpes nun welé na, Dios Cjües pꞌiyá ca mveles yupj jis lal. 21 ”Neꞌaj patja nun jis enemigopan ca nsem neneyawá, nun ncapj con̈có mpes. Nepénowa malala ca mvelecj jis pülücpan sin poꞌó, mpes jepapan ca jis müꞌüꞌnacj yupj jis pülücpan. Nepénowa ca malala mvelecj wa sejatjampan sin poꞌó. Ca jisas wa nsem jis la ꞌünan yupj. Nepénowa ca tsꞌi miꞌinacj jis papay lal, sejamay lal wa. Ca malala mvelecj yupj sin poꞌó jepapan jis lal. Mpes ca jis müꞌüꞌnacj jis papay, sejamay wa. Nin ca la mijicj ncapj jacon̈ jis lal. 22 Pjü ma ca jisas nsem nun, nun napj natsꞌaꞌá mpes. Po ma nin nujola tꞌas. Nun poné napj mpes lovin, nun ca ꞌücj mpatjaqué Dios lal. 23 Malala la nusejay na jun pjaní ntꞌa, nun ca tsꞌüequenequé pꞌa ntꞌa. Nun ma ca jun taꞌá tjalawú custjay israelpan* patja ntꞌa, napj niswa tjacuwis na. Napj pꞌiyá niná Yomen Dios jas tjejyamá. Niná tꞌücꞌ way. 24 ”Malala la ntjajay wa napj, ca nin wa la mijicj nun jis lal. Nun nusin tjiꞌyüsa napj lal. Jupj jas tjiꞌyüsa püné tulucj sin ꞌyüsa la siji lal. Nun tsjiꞌ lojí napj mpes. Mozopan noypan tulucj yupj jis jepa lal. 25 Mpes ꞌücj nin la pal sin ꞌyüsa la siji lal, ꞌücj wa nin pꞌiyá jis la pal sin ꞌyüsa jis lal. ꞌÜcj malala pyala jis jepa, ꞌücj wa malala se palá jupj jomozopan. Malala tjowelepj napj nin poꞌó. Tjowelepj napj pꞌiyá Beelzebú, jupj ne lapanenpan jis jepa. Nun napj mpülücpan. Mpes ca jus nlayé yupj más malala ca mvelecj nun poꞌó napj lal tjowelepj lal. 26 ”Nin mpes nin velé: po ma locj tjeyá malala lajay jis lal. Tsjan cus tüpwijitj, tjapjalen, cus ncjoltses ca. Püna tjapjalen la pꞌa ca jus nucucj. 27 Napj velé nun jis lal la pꞌa wa ma pjyacan̈ ntꞌa. Ninana tjowelé pjü pjyacan̈ ntꞌa. Napj velé nun jis lal nusapj pꞌin. Ninana tjowelé pjü jis lal. 28 Ca nacj nepena ca quelel nu müꞌüꞌnacj nun, napj mpes welé mpes. Po ma locj tjeyá yupj jis lal. Lovin ma polel nu müꞌüꞌnacj nun jis qjues. Pjaní lal pꞌin locj tjeyá. Locj tjeyá Dios lal. Jupj ꞌücj jis capj tyüla malala lajay ꞌawa püné ntꞌa. Neꞌaj pjü malala se palá jis pꞌüy, jis qjues malala se palá wa. 29 ”Po ma locj tjeyá pꞌa mpes. Dios nusé jamá. Dios se jamá tsipyaya tsjictjacj. Tsipyaya ma ca palá nyacas, mpaꞌis, Dios ma jos na pꞌin. Tsipyaya pajal tsjictjacj. Tsipyaya matꞌe, centavo pjaní jaylacj. Dios

El Nuevo Testamento en Tol de Honduras, 2da ed. ©2010, Wycliffe Bible Translators

31

SAN MATEO 10

Nupopay. Más quelel la nusiji nun tsipyaya jis lal. 30 Dios selé nol jatja nutsꞌüil. Pajal ꞌüsüs nusé jamá nun. 31 Mpes po ma locj tjeyá. Nun más ꞌüsüs tsipyaya pülücj jis lal. 32 ”Nun welé la pꞌa jis lal nun ncapj con̈có, napj ca nin pꞌiyá mvelé wa Mpapay lal tsjun poꞌó. Ca mvelé wa napj nucopj cyon̈. 33 Nun welé la pꞌa jis lal nun ma ncapj con̈có, napj ca nin pꞌiyá mvelé wa Mpapay lal tsjun poꞌó. Ca mvelé wa napj ma nucopj cyon̈. Po ma locj tjeyá la pꞌa jis lal. 34 ”¿Ncu nujola napj lejay pjü way nin pꞌiyá yola nosis ntꞌa? Nin tulucj. Ma ca nin pꞌiyá yola napj mpes. Ca la mpaꞌnacj napj mpes. Nin ca mpalas napj tjacuwis mpes. 35 ‘Niyom nepenowá ca tsꞌi miꞌinacj jis papay lal, jis papay napj lal pyona mpes. Nequem nepenowá ca tsꞌi miꞌinacj sejamay lal, sejamay napj lal pyona mpes. Nequem nepenowá ca tsꞌi miꞌinacj jis pisam jis lal, jis pisam napj lal pyona mpes.’ Nin ca mpalas napj tjacuwis mpes. 36 ‘Jis wa ntꞌa patja jis enemigopan ca nsem.’ Nin ca nsem napj lal japon jis lal. 37 ”Najas yupj más quelel la najay pjü jis lal. Pajal quelel lajay jis papay, sejamay, ne napj ꞌotsꞌotsꞌ way pꞌin quelel la najay, ma polel ncapj jacon̈. Pajal quelel lajay sejatjampan, jis jucucuspan, napj ꞌotsꞌotsꞌ way pꞌin quelel la najay, ma polel ncapj jacon̈. 38 Ma jisas malala se palá, ma wa polel ncapj jacon̈ yupj. Najas yupj nin pꞌiyá lajay napj lejay jinwá. ꞌÜcj napj lal malala ne palá. ꞌÜcj napj lal ni püꞌí cruz* poꞌó. Yupj ma quelel lajay napj lejay jinwá, ma polel ncapj jacon̈. 39 Pajal nin yólatsja ꞌonin ne ꞌücj mpatjam nosis ntꞌa, ma ca mpatjam Dios lal. Yupj pjü jatja tjil Dios mpes, ꞌücj mpatjam Dios lal”, nin tjevele Jesús. 40 Niná Jesús tjevele wa sin tjejyama jis lal: “Nun ca nlawú quinam, ca mvelé napj mpes. Nun lowú ntꞌa, nepénowa ꞌücj jisas nsem nun tjuculá mpes. ꞌÜcj jisas na nun tjuculá, tꞌücꞌ way ꞌücj jisas wa napj mpes, napj pꞌiyá tjacuwis jinwá. ꞌÜcj jisas na napj mpes, tꞌücꞌ way ꞌücj jisas wa nin tjejyama mpes, jupj pꞌiyá tjacꞌ jinwá. 41 ꞌÜsüs lajay na nun jis lal, Dios ca ꞌüsüs la mijis yupj mpes, nin lajay mpes. Nepénowa ꞌücj jisas profetapan* jiquil. Quelel pjyacan̈ profetapan javelepj Dios mpes. Nin mpes Dios ca ꞌüsüs la mijis yupj mpes, profetapan mpes liji jin pꞌiyá. Nepénowa ꞌücj jisas yom ꞌüsüs jacꞌ. ꞌÜcj jisas jupj ꞌüsüs liji Dios jos jinwá. Nin mpes Dios ca ꞌüsüs la mijis yupj mpes, yom ꞌüsüs mpes liji jin pꞌiyá. 42 Nepénowa ꞌüsüs lajay napj lal pyona lal, jupj napj discípulo* mpes. Tsjicj jupj ca nacj, discípulo niná. ꞌÜsǘ tsjojose pꞌin jaꞌayapj lo müs ca nacj. Nin lajay pꞌin, Dios ca ꞌüsüs la mijis yupj jis lal nin la tjajay mpes. Tꞌücꞌ way niná”, nin tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 11

11

32

1 Jesús

tꞌücꞌ tjevele quinam discipulopan* dóceya jis lal. Jupj sin ꞌyüsa la síjitsja ꞌoyn nyuca la mijicj. Jupj tꞌücꞌ tjevele na, tjil yupj. Jupj wine watsja jun taꞌá Galilea moꞌó, pülücj ꞌa mulú patja ntꞌa. Jis walapꞌaꞌa tjevele Dios mpes, sin ꞌyüsa lis tjiji jupj. Jesús sin tjiꞌyüsa lis tjiji jupj ninana Dios tjevele ca jas majamas. (Lucas 7.18-35)

2 Juan

tjáꞌasa cawilta moꞌó quinam. Jupj ne bautizar* lis tjiji püná. Juan jas tjiꞌyǘsatsja Jesucristo pajal ꞌüsüs way líjitsja. Mpes Juan sin tjejyama jupj discipulopan* mátꞌeya Jesús ntꞌa, tjil la veles jupj lal. 3 Niná la tjüꞌüy yupj: —‌¿Ncu jipj ninana Dios tjevele ca jas majamas cupj ntꞌa? ¿Ncu pꞌa wa la nucum? 4 (Yupj nasa tjunuc Jesús pajal ꞌüsüs la tjiji. Nasa tjepjyacan̈ Jesús tjevelá.) Nin mpes Jesús tjevele yupj jis lal: —‌Lowa, tjowelé Juan lal nun tjapjaꞌaqué napj ntꞌa, tjowelé nun tjunucú wa. 5 Yun tulucj ꞌücj januc quinam. Ma polel jiltsja ꞌücj lyawun̈ quinam. Jis pꞌüy tjamaja jis tjiꞌyüꞌsa wa quinam. Jis pjat la topj ꞌücj pjyacan̈ quinam. Tecyaꞌlin̈ nepenowá sin tjüjünsüpj wa ꞌücj jis la pütꞌüs quinam. Napj velé tꞌemel cjuwá jis lal Dios ꞌüsüs la tjiji yupj mpes. Pjü nin lejay napj, Dios tjevele jin. 6 Tjowelé wa Juan lal: jupj newa pyona napj mpes, ꞌücj jos nsem jupj pajal —‌nin tjevele Jesús Juan sin tjejyama jis lal. 7 Tjil niyom nenem. Tjil na, Jesús tjevele Juan poꞌó neꞌaj tjatja jis lal. Tjevele pjacj ne jupj. Jesús jis la tjiꞌyüya: “¿Tsjan mpes tjalawú nun Juan ntꞌa, jis wa cjuwá ntꞌa tüpüꞌü na? ¿Tsjan mpes quelel su nucutsja jupj? ¿Ncu visyú si lapjüna jinwatsja jupj? ¿Ncu nenéyawa pꞌa casá jólatsja? Nin tulucj. 8 ¿Tsjan mpes tjalawú jupj ntꞌa? ¿Tsjan quelel su nucutsja? ¿Ncu ꞌüsüs sa capyatsja? Nin tulucj. Jepa noypan sin quip ꞌüsüs way yustapj. Jis wa ꞌüsüs yustapj ntꞌa patja yupj. Juan nin tuluctsja. 9 ¿Tsjan mpes tjalawú Juan ntꞌa? ¿Tsjan quelel nucutsja? ¿Ncu profeta* quelel nucutsja? Nin. Tꞌücꞌ way profeta jupj. Más püné jupj pꞌa profetapan jis lal. 10 Dios Popel tjevele Juan poꞌó pajal püna. Dios tjevele Juan jupj jomozo. Tjevele ca jas majamas jupj, ne ca ꞌücj la mijis napj ca ncuwis mpes. Tjevele Juan ca mveles napj mpes, mpes la pꞌa ca nus nucucj napj tjacuwis na. Nin tjevele Dios Juan mpes. 11 Juan más püné püna tapatja jis lal, quina patja jis lal wa. Nin pꞌin, Dios si jütüta sin popé más noypan yupj jupj lal. Nin pꞌiyá tsjictjacj Dios si jütüta sin popé: más noypan yupj jupj lal.

El Nuevo Testamento en Tol de Honduras, 2da ed. ©2010, Wycliffe Bible Translators

33

SAN MATEO 11

12 ”Juan

el Bautista tjacꞌ, tjevele Dios mpes. Pajal pülücj way quelel pjyacan̈tsja jupj tjevelá. Po jisastsja Dios yupj jis Jepa nsem. Pajal la tjomon yupj ca ꞌücj mpatjam jupj jyüꞌta ntꞌa. Newa nin quinam. Nepénowa po jisas Dios yupj jis Jepa ca nsem, mpes nin ca nsem yupj jis lal. 13 Pjü profetapan* tjowelepj Dios ca jis müjüꞌtüs pjü nosis casá patjá. Niná tapac Dios Popel moꞌó. Niná pꞌiyá tepyaca Moisés*. Jupj tepyaca Dios tjijyüꞌta püná. Juan locopyaya wa tjacꞌ. 14 Profetapan tjowelepj wa jupj ncuwim. Elías* ca ncuwim niswá, tjowelepj yupj. Elías profétatsja püna tüpüꞌá. Juan el Bautista niná profeta Elías jinwá. Nin pꞌiyá liji jupj, Elías la tjiji jinwá. Nun ma quelel poné niná ca nacj. 15 Najas pjü tjapjaꞌaqué, pjü nusin müꞌüsüs napj tjevelé”, nin tjevele Jesús. 16 Jupj tjevele wa: “¿ꞌOyn nyuca lajay quina patjá? Tsjictjacj jinwá yupj, pülücj ꞌa si mulú ntꞌa. Tsjictjacj nenem tsꞌa ꞌin la pꞌa tsjictjacj jis lal, la pꞌa ma quelel pjelan̈ yupj jis lal. Mpes yümücj javelepj la pꞌa jis lal: 17 ‘Nun ma quelel pjwelequé fiesta lijicj jinwá. Ma wa quelel pjwelequé tyoquecj jinwá. Cupj flauta* la tjipjyusacj. ¿Tsjan mpes ma tjüpjwelequé, fiesta ntꞌa lajay jinwá? Locopyaya pajal tülü way tjenejetsꞌequecj. Pajal ꞌaplijila jinwá la tjijicj. ¿Tsjan mpes ma la tupuyú, nun sejamica tepeꞌe jinwá?’ Nin javelepj tsjictjacj pjelan̈ na. 18 Nin pꞌiyá javelepj quina patjá Juan lal, napj lal ꞌotsꞌipj. Yupj ma jisastsja Juan el Bautista la tjijá. Jupj la pülücj ve ma tjelyaja. Lovin ma tjümüꞌü uva ꞌüsǘ. Mpes yupj tjowelepj lapanen pǘꞌütsja jupj jos moꞌó. 19 Locopyaya napj tjacuwis. Napj pꞌiyá niná Yomen Dios jas tjejyamá. Napj ma lejay Juan liji jin. Ve lya napj. Uva ꞌüsǘ müꞌüs napj. Newa nin, malala wa javelepj napj nin poꞌó. Yupj javelepj pajal lya lovin. Javelepj ꞌüsǘ pajal müꞌüs, ne maná. Javelepj impuesto jataꞌepj sejamica napj. Malala nyuca lajay sejamica napj, javelepj. Malala javelepj ncupj manas mpes. Yupj ma salejepj tsjan jisas yupj. Cupj cjay manas ꞌüsüs lijicj. ꞌÜsüs tepyala Juan la tjiji mpes. ꞌÜsüs wa tepyala napj la tjejay mpes. Nin mpes nun ca jus cülayé cupj qjuiyólatsja ꞌüsüs. Nin lovin ꞌüsüs lajay jis lal”, tjevele Jesús.

20 Jesús

Jesucristo jos pjü lajay Dios jos jin. (Lucas 10.13-15)

nin tjevele na, tjevele wa malala la tjajay israelpan* pülücj. Yupj patja ntꞌa pajal ꞌüsüs la tjiji jupj, yom pꞌin ma polel liji jinwá. Nin la tjiji sin la ꞌüsüs jis la jay Dios jas tjejyama jupj. Más pülücj ꞌüsüs la tjiji yupj ntꞌa la pꞌa ntꞌa jis lal. Newa ꞌaplijila tuluctsja yupj El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 11

34

malala la tjajay mpes. Ma quelel ꞌüsüs lajaytsja Dios jos jin. Ninana Jesús véletsja yupj jis lal: 21 “Malala ca nu mpalas nun, Corazín moꞌo potjaqué. Malala wa ca nu mpalas nun, Betsaida moꞌo potjaqué. Pajal nola nun mpes. Napj pajal ꞌüsüs la tjejay nun ntꞌa, yom pꞌin ma polel liji jinwá. Nun nujola Tiro moꞌo patja pajal malala yupj. Sidón moꞌo patja pajal malala yupj, nujola nun. Nun pꞌin malala. Napj pajal ꞌüsüs la cüjaytsja yupj ntꞌa, nun ntꞌa la tjejay jinwá, yupj nasa ca ꞌaplijila cüpalastsja malala la tjajay mpes. Nasa ca sin ꞌücüipaptsja pülül si tsutsca, nasa ꞌüpjǘ sin ꞌücjololtsja wa ꞌaplijila mpes. Yupj nasa quelel la cüjaytsja Dios. 22 Dios pajal ca nucopj ntülüs pꞌa jawas, malala lajay jis capj tyüla na. Nin liji na, más malala ca nu mpalas Tiro moꞌo patja jis lal. Más malala ca nu mpalas Sidón moꞌo patja jis lal. Tꞌücꞌ niná. 23 ”Nin pꞌiyá velé wa Capernaum ntꞌa patja jis lal. Nun ma ca nlawú Dios püꞌü ntꞌa. Tecyaꞌlin̈ patja ntꞌa ca nlawú. Nun tjunucú ꞌüsüs la tjejay napj nun ntꞌa, yom pꞌin ma polel liji jinwá. Newa ꞌaplijila tulucj nun, malala la tjüjí mpes. Nun nujola Sodoma moꞌo tapatjá pajal malala yupj. Nun pꞌin pajal malala. Napj püné la cüjaytsja yupj ntꞌa, nun ntꞌa la tjejay jinwá, nasa ꞌüsüs cüpalastsja yupj Dios lal. Ca Dios ma jis capj cütülüstsja yupj. Newa cüpatjam yupj. 24 Dios pajal ca nucopj ntülüs pꞌa jawas, malala lajay jis capj tyüla na. Nin liji na, más malala ca nsem nun jis lal Sodoma moꞌo tapatja jis lal. Tꞌücꞌ niná”, nin tjevele Jesús pülücj patja sin popé nepénowa mpes. 25 Niná tjevele na, tjevele wa Dios lal: “Mpapay, Jepa pajal püné jipj tsjun poꞌó, nosis casá nin wa. Nepénowa pajal pülücj salejepj jin yola. Pajal sin tjiꞌyüsa jin yola. Jipj ma jis tjeꞌyan yupj sin tjiꞌyüsa niná jipj lejay. La pꞌa wa tsjictjacj jinwá yupj. Yusapj ma sin ꞌyüsa. Niná sin ꞌyüsa tulucj. Jipj sin ꞌyüsa lis tjejay la pꞌin, mpes nin salejepj niná jipj lejay. Jipj pajal ꞌüsüs. 26 Jipj jyastsja mpes nin tepyala quinam. ꞌÜctsja jipj lal”, nin tjevele Jesús jupj Popay Dios lal. 27 Tjevele wa: “Mpapay pjü way ntjeꞌaya. Pjü ma salejepj pjacj napj. Ma salejepj napj ne Dios Jatjam. Mpapay pꞌin selé. Ma wa salejepj pjacj napj Mpapay. Napj pꞌin selé. Napj quelel sin ꞌyüsa lejay wa nepenowá. Yupj pꞌin salejepj pjacj ne napj Mpapay. 28 Nun nepenowá quelel lojí Dios jyüꞌta jinwá, newa ma polel nin lojí. Nun pajal nin nujola malala la tjüjí mpes. Najas mponé napj mpes nun. Ncapj ncon̈có. Napj ca nucopj mpꞌacj. Napj ca la mejay nun ꞌüsüs ca nsem Dios lal. Ma ca nin nujola nun malala la tjüjí mpes. 29 Ncapj ncon̈có. Cupj ꞌa mulú yugo qjuesé püꞌü jinwá ca nsem. Nusin müꞌüsüs napj nusin ꞌyüsa lejay. Napj ꞌüsüs way lejay pjü jis lal. Napj tsjicj way jin pꞌin. Nun ncapj con̈có,

El Nuevo Testamento en Tol de Honduras, 2da ed. ©2010, Wycliffe Bible Translators

35

SAN MATEO 11, 12

ꞌücj nujisas mpatjaqué. Nun ma ca nujola nsem püna la tjüjí mpes. 30 Napj lal tsjiꞌ lojí na, ꞌa mulú yugo qjuesé püꞌü jinwá. Tsjiꞌ lijicj ꞌa mulú. Costa tulucj tsjiꞌ lojí napj mpes. Costa tulucj nun lojí napj jyütütj jinwá”, nin tjevele Jesús.

12

Jesús polel jyüꞌta wa sábado jawas poꞌó. (Marcos 2.23-28; Lucas 6.1-5)

1 Locopyaya

Jesús trigo* sine lejen̈ culupwen nipj tjemey, jupj discipulopan* jis lal. Sábado* jawas waytsja, nin jawas judiopan* ma tsjiꞌ lajay. Jupj discipulopan vecj tecyaꞌlin̈tsja, mpes trigo nepenowá sey jatꞌanqueptsja. Tjalá yupj. (ꞌÜctsja niná nin la tjajay yupj neꞌaj. Jümücj ntꞌa jiltsja na, ꞌüctsja jis la las la pꞌa ꞌisin ntꞌa.) 2 Fariseopan* tjunuc watsja Jesús discipulopan trigo nepenowá jatꞌanqueptsja. Tjunuc na, malala yólatsja yupj, nin la tjajay mpes. Tjowelepj Jesús lal: —‌Jipj discipulopan* malala lajay. Dios Popel vele cupj ma polel tsjiꞌ lijicj sábado* na. Yupj ma polel trigo* jatꞌanquepj sábado na —‌tjowelepj yupj. 3 Jesús jis wala tjevele: —‌Dios Popel vele David* la tjijá pajal püna. ¿Ncu lovin ma moꞌo tjowelé niná? (David israelpan* jis jépatsja. ꞌÜsüstsja jupj Dios lal.) Tsꞌacꞌ pjaní jupj vecj péꞌetsja. Noyomes jupj cus tocon̈ wa, vecj tecyaꞌlin̈ wa yupj. 4 Mpes jupj wama tjemey Dios wo ntꞌa. Neꞌaj pan ntꞌya. Niná pan israelpan tjaꞌayapj Dios mpes. David tjelyaja pansas. Noyomes jupj cus tocon̈ tjalá wa yupj. Dios Popel tjevele sacerdotepan* pꞌin ꞌücj jalá pan niná. Pꞌa wa ma polel jalá niná pansas. David sacerdote tuluctsja, mopꞌin nin Dios ma tsꞌi tjiꞌina jupj tjelyaja mpes. 5 Moisés* popel vele wa sacerdotepan ꞌücj tsjiꞌ lajay Dios wo ntꞌa sábado* na. Malala tulucj tsjiꞌ lajay yupj sábado na, nin jawas judiopan* ma polel tsjiꞌ lajay. ¿Ncu lovin ma moꞌo tjowelé nun niná? Napj discipulopan* ma malala la tjajay. 6 Napj más ꞌüsüs Dios wo lal. Niná tꞌücꞌ way. 7 Nun ma nusin ꞌyüsa tsjan jos Dios. Dios Popel vele: ‘Napj najas la pꞌa quelel la sojí nun. Najas jis capj mpꞌaꞌsá. Niná lojí más ꞌücj nun no ꞌoyá lal.’ Nun ma nusin tjiꞌyüsa niná Dios tjevelá. Nusin cüꞌüsüstsja, ma ca cüweletsja napj discipulopan malala la tjajay. Yupj ma malala la tjajay. 8 La pꞌa wa velé wa. Napj pꞌiyá niná Yomen Dios jas tjejyamá. Napj ꞌücj wa jyütütj tsjan ꞌücj jis la jay sábado na, tsꞌacꞌ ma tsjiꞌ lijicj na —‌nin tjevele Jesús.

Jesús tjiꞌyüꞌsa la tjiji sábado na. (Marcos 3.1-6; Lucas 6.6-11)

9 Trigo*

sine lejen̈ mpe tjemey Jesús. Wama tjemey, judiopan* ꞌa si mulú ntꞌa. 10 Yom neꞌaj tjáꞌasa wa moꞌó, mos cꞌatsja jupj. Ma polel le páctatsja jupj. Niyom pꞌa wa neꞌaj jatja watsja.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 12

36

Yupj po jisastsja Jesús ca malala mveles, mpes ca ꞌücj jatꞌ mvelecj Jesús malala. Nin mpes la tjüꞌüy: —‌¿Ncu ꞌücj wa Dios lal ꞌutsꞌucucj maꞌayacj sábado* na? 11 Jesús tjevele yupj jis lal: —‌Nun popa pjaní oveja* tyaꞌa, ca cus mpꞌaꞌsas wa oveja niná sábado* na. Oveja jomwen jul campwila yaca na sábado na ¿ncu ma ca ntjiꞌlim, ca pjeꞌá la ntsꞌiyas jupj sábado na? Nin ca la mijis. 12 Yom más ꞌüsüs oveja lal. Nin mpes nin velé, ꞌücj wa Dios lal ꞌüsüs lijicj sábado na. 13 Jesús nin tjevele na, tjevele wa yom mos cꞌatsja lal: —‌Myas la tepyacta. Nin mpes yom mos la tepyacta quinam. Nasa tjiꞌyüꞌsa. ꞌÜcj quinam, mos maꞌajapj jinwá. 14 Fariseopan* ma polel malala jis la velestsja Jesús la tjijá. Tjil yupj. Yuwá tjowelepj ꞌoyn nyuca la ꞌünan Jesús.

15 Jesús

Jesucristo ꞌüsüs liji pajal, Dios tjevele jinwá.

seletsja yupj quelel jaꞌünantsja jupj, mpes jupj tjemey nepé. Pülücj way cus tocon̈ jupj tjemey ntꞌa. Nepénowa malala jisastsja yupj, ne jupj jis tjiꞌyüꞌsa lis tjiji pjü way. 16 Newa jis tjijyüꞌta ma jis la veles jupj ne Dios Jatjam. 17 Pajal püna Dios Popel tjevele ca nin la mijis jupj. Mpes nin la tjiji tꞌücꞌ la mijis Dios Popel tjevelá. Niná Dios Popel Isaías tepyacá. Profétatsja* jupj, Isaías. Jupj tepyaca Dios tjevelá. Ninana Dios tjevele Jesucristo mpes: 18 “Niná napj namozo. Napj la tꞌya jupj. Quelel lejay jupj. Pajal ꞌücj najas jupj lal. Napj Neqjues ca maꞌayá jupj, la pütꞌüs jupj jos moꞌó. Mpes jupj ca mveles napj mpes judiopan* tulucj jis lal. Ca nin mveles napj quelel perdonar lejay malala lajay. 19 ꞌÜsüs way jupj pajal. Jupj ma le velele. Ma yümücj vele. Ma nepé vele pjac jupj velá jümücj poꞌó. 20 Jupj ma jis capj velele la puyupj na. Jupj ma ca pjeꞌá la ntsꞌiyas ꞌotsꞌotsꞌ way pꞌin japon. Jis capj pꞌyaꞌsa jupj. Jupj ca tꞌücꞌ la mijis napj tjijyütütj. Nin mpes ca jis capj mpꞌaꞌsas malala lajay. Pjü ca la mijis jupj, mpes yupj ꞌüsüs way ca nsem napj lal. 21 Jupj mpes judiopan tulucj ca jus nlayecj ꞌüsüs

El Nuevo Testamento en Tol de Honduras, 2da ed. ©2010, Wycliffe Bible Translators

37

SAN MATEO 12

jis mpalas napj mpes.” Nin tjevele Dios Jesús mpes.

22 Pꞌa

Dios mpes pꞌin ꞌüsüs liji Jesús. (Marcos 3.20-30; Lucas 11.14-23; 12.10)

wa yom tucuman Jesús ntꞌa. Lapanen pǘꞌütsja jupj jos moꞌó. Lapanen malala la tjiji mpes jun tuluctsja yomen. Mpes wa ma polel véletsja jupj. Jesús tjiꞌyüꞌsa la tjiji jupj, mpes ꞌücj tjinyuca tepyala, ꞌücj wa vele tepyala jupj. 23 Pjü way yola jis tepyala Jesús pajal ꞌüsüs la tjiji. Tjowelepj: “¿Ncu Jesús niná Yomen Dios tjevele ca jas majamas cupj ntꞌa? Dios tjevele David* püna tüpüꞌü popa pjaní ncuwim, qjuis capj la pꞌacj.” 24 Fariseopan* jus nlay watsja Jesús pjeꞌá jas tjejyama lapanen. Newa ma quelel japontsja Jesús ꞌüsüs. Yupj tjowelepj: “Beelzebú se pꞌáꞌsatsja Jesús. Nin mpes ꞌücj pjeꞌá jas tjejyama lapanen. Beelzebú jepa püné lapanenpan jis lal.” 25 Jesús seletsja yupj nin yólatsja. Mpes jupj sin tjiꞌyüsa lis tjiji Dios mpes pꞌin ꞌüsüs la tjiji jupj. Jupj tjevele: “Yuwá nyucunun̈ jepa pjaní jyüꞌta ntꞌa, neꞌaj ca malala jis mpalas. Nin pꞌiyá wa pjaní ntꞌa patja jis lal. Yuwá nyucunun̈, jis enemigopan ꞌücj ca malala lis mijicj yupj. Nin pꞌiyá neꞌaj patja pülücj patja ntꞌa yuwá nyucunun̈, malala nin yupj jis lal. 26 Nin pꞌiyá Satanás* lal. Satanás ma polel pjeꞌá se jamá jupj pꞌiyá. Jupj nin wa la qjuijis, jupj nucunú ca nsem jupj mpes pꞌiyá. Ninana la qjuijis, jupj enemigopan ꞌücj ca malala la qjuijicj jupj. Nin mpes ca jus cülayé Satanás ma polel ncapj pꞌyaꞌsa. 27 Mopꞌin nin welé nun. Nun welé wa Beelzebú ncapj pꞌyaꞌsa. Nun welé nin mpes ꞌücj pjeꞌá li tsꞌi lapanenpan. Nin tulucj. Nun popa nepenowá pjeꞌá sin tjajam wa lapanenpan. ¿Pjacj jis capj pꞌyaꞌsa yupj? Yupj pꞌiyá ca mvelecj wa nun malala welé pajal. 28 Dios Cjües ncapj pꞌyaꞌsa. Nin mpes napj ꞌücj jyütütj pjeꞌá jil lapanenpan. Jupj ncapj pꞌyaꞌsa, nun ꞌücj ca nusin la ꞌüsüs Dios quelel Jepa jáꞌasa quinam nun ntꞌa. 29 ”Napj tsyupapj jupj, diablú*. Nin mpes ꞌücj lo ꞌüꞌsüs lejay jupj malala la tjijá. Diablú yom jas tjiyocj jinwá. Pꞌa wa ma polel wama la winin la pecj yom jas tjiyocj wo ntꞌa. Mwalá way ca ntsuꞌpá yom jas tjiyocj. Locopyaya, nin la tjiji na, ꞌücj lo tjilil yom jas tjiyocj jutsꞌaꞌá. 30 ”Nun ca nujola cüpalas diablú* ncapj pꞌyaꞌsa tulucj. Jupj ma jos napj lejay, mpes napj neꞌenemigo jupj. Jupj ma gente cyuna Dios ntꞌa, napj lejay jinwá. Jupj liji yupj ma jis la winin Dios ntꞌa. 31 ”Nin mpes nin velé Dios ma ca perdonar la numijis nun, nin tjowelé mpes. Pjü way malala lajay, pjü way ꞌücj perdonar liji Dios.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 12

38

Pjü malala javelepj Dios poꞌó, jupj ꞌücj perdonar liji wa. Pjaní pꞌin ma perdonar liji. Malala javelepj Dios Cjües poꞌó, Dios ma ca perdonar lis mijis. 32 Javelepj napj malala, Dios ꞌücj perdonar liji yupj. Napj pꞌiyá niná Yomen Dios jas tjejyamá. Malala javelepj Dios Cjües poꞌó, Dios ma ca perdonar lis mijis quinam, cupj pyatjaquecj na pꞌin. Ma wa ca perdonar lis mijis pꞌa jawasa, nosis seyasa liji na. 33 ”Nujola tapalas wolas vyala na, nin pꞌiyá vyala jupj lovin. Jupj wolas ꞌücj lo las, lovin ꞌücj lo las jupj. Jupj wolas ma polel lo las, lovin ma polel lo las jupj. Jupj wolas nucú na, nun solejé ncu ꞌücj lo las jupj wolas. Nin pꞌiyá napj lal. Napj ꞌüsüs lejay, mpes ca jus nlayé napj ꞌüsüs way. 34 Nun latsj sin popa jinwá. Malala nun. Nin mpes ma polel welé tsjan ꞌüsüs way. Nun nujola, niná pꞌin welé. Nin pꞌiyá pjü way jis lal. 35 Yom ꞌüsüs, ꞌüsüs wa jola jupj. Nin mpes vele wa ꞌüsüs way. Yom malala, malala jola jupj. Nin mpes jupj vele wa malala. 36 Nenéyawa ma jajamapj javelepj. Ma nin yola ncu tꞌücꞌ way javelepj. Pꞌa jyawca na Dios ca mveles ncu tꞌücꞌ way malala la tjajay. Nin jawas jupj ca jis la müꞌüyas tsjan mpes nin tjowelepj yupj niná. Ninana tꞌücꞌ way. Nin ca nsem nun jilal. 37 Nun ꞌüsüs way welé nosis casá, Dios ca mveles nun ꞌüsüs way. Nun malala welé nosis casá, Dios ca mveles nun malala”, nin tjevele Jesús.

Malala ma la pon Dios jas tjejyama Jesús. (Marcos 8.12; Lucas 11.29-32)

38 Locopyaya

niyom nepenowá tjowelepj Jesús lal, yupj fariseopan* nepenowá, niyom Moisés* popel sin ꞌyüsa lajaytsja nepenowá. Ninana tjowelepj: —‌Quelel nyucucj jipj pajal ꞌüsüs lejay, gente ma polel lajay jinwá. Qjuisin müꞌüsüs la mijin jipj Dios mpes velen. 39 Jesús yupj jis lal tjevele: —‌Nun quina potjaqué malala pajal. Nun welé Dios jatjampan nun, mopꞌin nun ma quelel lojí jupj. Ma quelel lojí jupj jos jin. Nun lo moná napj ꞌüsüs lejay, gente pꞌin ma polel lajay jinwá. Nin mpes ca nusin müꞌüsüs ncu Dios nin tjejyama napj, nin welé nun. Ma ca la mejay napj. Pjaní way pꞌin ca la mijis Dios, nun nucú mpes. Püna Jonás lal la tjiji jinwá, nin wa ca la mijis napj lal. Jonás profeta* waytsja jupj püná. 40 Cjul püné jas tjevé Jonás. Jyawca contꞌe, püste contꞌe wa cjul col moꞌo tjáꞌasa jupj. Nin wa ca nsem napj lal. Jyawca contꞌe, püste contꞌe wa napj ca moꞌos tecyaꞌlin̈ patja ntꞌa. Napj pꞌiyá niná Yomen Dios jas tjejyamá.

El Nuevo Testamento en Tol de Honduras, 2da ed. ©2010, Wycliffe Bible Translators

39

SAN MATEO 12

41 Pꞌa

wa ca mvelecj wa nun malala. Nínive moꞌo tapatja topon Jonás tjevelá. ꞌAplijila jis tepyala malala la tjajay mpes. Yupj nasa quelel ꞌüsüs lajaytsja jupj tjevele mpes. Nin tulucj nun jis lal. Nun lal ꞌos quinam. Más püné napj Jonás lal. Newa nun ma poné napj velé. Pꞌa jawas Dios ca mveles ncu tꞌücꞌ malala la tjajay pjü. Nin jawas tjejyawca na, Nínive moꞌo tapatja ca nlüjün̈ nun jis lal Dios wolapꞌaꞌá, ca mvelecj nun malala. Nun ma poné, ne nin. 42 Pꞌa wa ca mveles wa nun malala. Pajal püna quepj jepa jáꞌasatsja campa ntꞌa, Sur moꞌó. Jupj pꞌiyá ca nin mveles. Pajal campa mpe tjacꞌ jupj lo pjac Salomón* tjevelá. Salomón jepa pꞌa watsja Israel mpe pajal püna. Salomón pajal selé waytsja Dios tjevelá. Nin mpes quepj quelel pjócatsja jupj tjevelá. Nin tulucj nun jis lal. Nun lal ꞌos quinam. Más püné napj Salomón lal. Newa nun ma quelel pjoꞌoqué napj velé. Pꞌa jawas Dios ca mveles ncu tꞌücꞌ malala la tjajay pjü. Nin jawas tjejyawca na, quepj niná ca ntojom nun jis lal Dios wolapꞌaꞌá. Ca mveles nun malala. Nun ma quelel pjoꞌoqué, ne nin —‌nin tjevele Jesús. 43 Pꞌa wa tjevele Jesús yupj jis lal. Tjevele Dios len̈ yupj jisas moꞌó, ca malala jis mpalas. Tjevele: —‌Lapanen yom jos mpe jama na, ꞌüsǘ pja ntꞌa jama, wine. Le palá caꞌaj ꞌücj la pütꞌüs. Lovin ma si nucú. 44 Mpes jupj vele: ‘Püna tüpüꞌüs ntꞌa ca mis niswá. Yom ntꞌa ca mis.’ Yom ntꞌa tjacꞌ na, len̈ neꞌaj yom jos moꞌó. Dios ma püꞌü jupj jos moꞌó. Wosis ꞌüsüs la tjajapjun jinwá yomen jupj lal. Wosis pajal ꞌücj la tjajay jinwá jupj lapanen lal. 45 Mpes jama lapanen. Lapanenpan pꞌa wa jilal jacꞌ. Siéteya jilal jacꞌ pꞌa wa. Más malala yupj mwalá way lal. Pjü yupj yom jos moꞌo jil jis la pütꞌüs. Mpes locopyaya más malala tepyala yomen püna lal. Püna lapanen pjaní way pꞌin tüpüꞌü jupj jos moꞌó. Nin pꞌiyá ca nsem judiopan* quina patja jilal —‌tjevele Jesús—‌. Malala yupj.

46 Jesús

Jesús pajal quelel liji jupj discipulopan. (Marcos 3.31-35; Lucas 8.19-21)

newa véletsja yupj jis lal. Pülücj neꞌaj tjatja tjepjyacan̈. Newa véletsja na, jupj jamay tjacꞌ wa. Tjiquil wa Jesús jatjaypan. Pjeꞌá lejen̈tsja. Quelel javeleptsja jupj lal. 47 Pjaní way neꞌaj tjatja popé tjevele Jesús lal: —‌Jemay pjeꞌá ton̈ca. Neꞌaj lejen̈ wa jipj jetjaypan. Quelel javelepj jipj lal. 48 Jesús tjevele jupj lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 12, 13

40

—‌¿Tsjan nujola nun? ¿Pjacj ne napj namay? ¿Pjacj ne napj mpülücpan? 49 Jesús mos neꞌaj tecyacaná jupj discipulopan* ntꞌa. Tjevele: —‌Niná napj namay jin pꞌiyá napj lal. Niná napj mpülücpan jin pꞌiyá. 50 Dios napj Mpapay tsjun poꞌó. Dios jos jin lajay, napj natjaypan jinwá yupj, napj ntaꞌapan jinwá yupj, namay jinwá yupj napj lal —‌nin tjevele Jesús.

Pülücj pjyacan̈ Dios velá. Nepénowa nin lajay, nepénowa ma lajay jupj vele jin. (Marcos 4.1-20; Lucas 8.4-15)

13

1 Nin

jawas pꞌiyá Jesús tjemey wo nepé. ꞌÜsǘ la ntꞌa tjemey jupj. Pajal la pünetsja ꞌüsüs. Campwílatsja. ꞌEtjele jupj ꞌüsǘ la ntꞌa. 2 Pajal pülücj ꞌa jis tjimyula jupj ntꞌa. Jupj quelel sin ꞌyüsa la síjitsja. Mpes barco* wama tjemey, ꞌetjele jupj, más ꞌücj la veles yupj jis walapꞌaꞌá. Pajal pülücj ꞌüsǘ la ntꞌa tjelejen̈ jis la pjac. 3 Pülücj sin tjiꞌyüsa lis tjiji jupj. Lovin parábola* tjevele jupj, sin la ꞌüsüs jis la jay. Ninana Jesús tjevelá: “Yom setel sine wínetsja. Naꞌaj li tsꞌiyá sínetsja jupj. 4 Mpes sine na, setel nepenowá palá tinca jümücj casá. Tsipyaya tjiquil, tjalá setel niná. 5 Setel nepenowá pe casá palá tinca. ꞌOtsꞌotsꞌ way ꞌamá ꞌalatsja neꞌaj. Len̈ way tecyojo, ꞌamá tsjicj way pꞌin jáꞌasatsja mpes. 6 Nin mpes malala tepyala jupj. Tjejyawca na tsꞌiquenan̈. Tsꞌiquenan̈tsja jis tsꞌil ꞌamá casá way ton̈ca mpes. 7 Setel nepenowá jam ntꞌa palá tinca. Jam jis tꞌyüna watsja. Pajal qjuisiyama tepyala, mpes jupj sínetsja ma si tꞌünǘ. 8 Setel nepénowa ꞌamá ꞌüsüs casá palá tinca. ꞌÜsüs tjevelan̈ yupj. Setel pjaní popé cien tjevelan̈ nepenowá. La pꞌa wa sesenta tjevelan̈. Pꞌa wa tréinteya tjevelan̈”, nin tjevele Jesús. 9 Jesús nasa tꞌücꞌ tjevele quinam parabolas. Tꞌücꞌ tjevele na, tjevele wa: “Najas pjü tjapjaꞌaqué, pjü nusin tjüꞌüsüs napj tjevelé”. 10 Locopyaya Jesús discipulopan* tjiquil jupj ntꞌa, la tjüꞌüy jupj lal: —‌¿Tsjan mpes jipj sin ꞌyüsa lejay parábola* mpes pꞌin? 11 Jupj tjevele: —‌Dios ma se ꞌaya pjü sin ꞌyüsa ꞌoyn nyuca jyüꞌta jupj. Jupj nu ꞌyaya nun ca nusin müꞌüsüs niná. Ma se ꞌaya yupj ca sin müꞌüsüs. 12 Nun quelel nusin ꞌyüsa, mpes Dios ca nusin müꞌüsüs la mijis ne pꞌa wa ca nusin müꞌüsüs. Pülücj ca nusin müꞌüsüs nun. Nin pꞌiyá pjü jis lal. Dios jisas, mpes ca sin müꞌüsüs. Nepénowa ma quelel sin ꞌyüsa. Pjyacan̈ pꞌin. Mpes ma ca polel sin müꞌüsüs Dios mpes. Sey cꞌa ca la mijis jupj. 13 Nin mpes napj sin ꞌyüsa lejay parábola* mpes. Yupj januc,

El Nuevo Testamento en Tol de Honduras, 2da ed. ©2010, Wycliffe Bible Translators

41

SAN MATEO 13

Tom setel sine wínetsja. (San Mateo 13.3-12)

newa ma yola se palá tsjan mpes januc niná. Yupj pjyacan̈, newa ma salejepj tsjan mpes pjyacan̈ niná. Ma sin ꞌyüsa. 14 Tsjay püna Isaías tepyaca yupj ca nin la mijicj. Dios pꞌiyá nin tjevele yupj mpes. Isaías profétatsja* jupj. Jupj tepyaca jinwá jis tepyala quinam. Jupj tepyaca: ‘Lovin ca mpjaꞌaqué, newa ma ca nusin müꞌüsüs. Lovin ca nucú, newa ma ca jus nlayé tsjan nucú nun. 15 Gente niná ma quelel sin ꞌyüsa Dios jos jin, nin jis tepyala yupj. Jis pjat la topj jinwá yupj quinam. Yun jatsicyacj jinwá yupj. Ma quelel salejepj tsjan niná yupj januc. Ma quelel sin ꞌyüsa pjyacan̈. Nin mpes ma sin ꞌyüsa tsjan niná yupj januc. Mpes wa ma jus nlay tsjan niná yupj pjyacan̈. Nin mpes ma tꞌücꞌ way sin ꞌyüsa yupj. Yupj newa ma quelel sa con̈ Dios,

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 13

42

mpes napj ma polel lejay yupj ca ꞌüsüs jis mpalas Dios lal.’ Nin tepyaca Isaías yupj sin poꞌó. 16 ”Dios pajal ꞌüsüs la tjiji nun mpes. Nun ꞌücj nusin ꞌyüsa nun nucú. Nun ꞌücj nusin ꞌyüsa nun pjoꞌoqué. 17 Profetapan* pülücj quelel januctsja nun nucú. Newa ma tjunuc yupj niná. Quelel pjyacan̈tsja nun pjoꞌoqué jinwá. Newa ma tjepjyacan̈ niná yupj. Nin pꞌiyatsja niyom ꞌüsüs Dios lal püna tapatjá. Tꞌücꞌ way niná. 18 ”Tjapjaꞌaqué nun. Napj ca mvelé tsjan poꞌo tjevelé parábola* tjevelé na. Setel sine poꞌo tjevelé. 19 Pülücj way pjyacan̈ niná cupj velecj Dios jyüꞌta poꞌó. Nepénowa ma sin ꞌyüsa yupj pjyacan̈. Setel jümücj casá palá tinca jinwá yupj. Diablo* jacꞌ la taꞌes yupj tjepjyacan̈. Mpes lovin ma lajay Dios tjevele jin. 20 Gente nepénowa setel pe casá palá tinca jinwá. Yupj pjyacan̈ wa Dios tjevelá. Japon yupj. ꞌÜsüs jisas tjepjyacan̈ mpes. 21 Tsjutsj jis tsꞌil ꞌamá casá way ton̈ca jinwá yupj. Tsjicj way pꞌin japon. Locopyaya malala se palá ca nacj. La pꞌa wa malala la sejay yupj napj lal japon mpes ca nacj. Nin tepyala na, len̈ way pꞌa casá yola se palá yupj. Ma quelel sa con̈ Dios quinam. 22 Gente la pꞌa wa setel jam casá palá tinca jinwá. Pjyacan̈ wa Dios tjevelá. Japon wa yupj. Mopꞌin pajal nin yola nosis casá lajay mpes. Tꞌemel pülücj jisas wa. Yola tꞌemel pajal ꞌüsüs. Tꞌücꞌ tulucj. Nin mpes lovin ma lajay Dios tjevele jin. 23 Gente la pꞌa wa setel ꞌamá ꞌüsüs casá palá tinca jinwá. Yupj pjyacan̈ Dios tjevelá. Sin ꞌyüsa yupj. Yupj nin lajay Dios tjevele jin. Yupj ꞌüsüs pajal; setel sine, cyojo, velan̈ jinwá yupj. Nepénowa cien velan̈ jinwá. Nepénowa sesénteya velan̈ jinwá. Nepénowa tréinteya velan̈ jinwá —‌nin tjevele Jesús Dios Popel pjyacan̈ mpes.

Nepénowa ma tꞌücꞌ javelepj Dios poꞌó.

24 Pꞌa

parábola* tjevele Jesús, sin la ꞌüsüs jis la jay. Sin tjiꞌyüsa lis tjiji ꞌoyn nyuca liji Dios nosis casá. Jesús tjevele: “Tsꞌacꞌ pjaní yom setel ꞌüsüs sínetsja jupj moma ntꞌa. 25 Püste na pjü way tjijinan̈ yom wo ntꞌa. Tjijinan̈ na, jupj enemigo tjacꞌ. Tsjutsj malala sínetsja jupj, yom trigo* sine ntꞌa. Tsjutsj malala sine na, tjemey. 26 Locopyaya tecyojo wa trigas. Tsꞌituju jupj. Tecyojo wa tsjutsj malala. 27 Yom jomozopan tjiquil jupj ntꞌa. Tjowelepj: ‘Jipj setel ꞌüsüs sin jipj myama ntꞌa. ¿Tsjan mpes tecyojo tsjutsj malala?’ 28 ‘Napj enemigo nin la tjiji ca nacj’, tjevele yomen. Jupj jomozopan la tjüꞌüy: ‘¿Ncu jyas pyoqjuecj tsjutsj malala?’ 29 ‘Ma najas’, tjevele jupj. ‘Nun poqjué na tsjutsj malala, nun ca mpoqjué wa trigas ca nacj. 30 Más ꞌücj ꞌa mulú ca jis ntꞌünüs

El Nuevo Testamento en Tol de Honduras, 2da ed. ©2010, Wycliffe Bible Translators

43

SAN MATEO 13

quinam. Neꞌaj velan̈ jacutj na, napj ca mvelé namozopan jis lal: Mwalá way ca mpoqjué tsjutsj malala. Pjü ꞌa mulú ꞌa mulú ntsuꞌpá müꞌümǘ. Locopyaya ncaꞌá wa trigas. Chiquero moꞌo mpaꞌtá’, nin tjevele niná yomen.” Jesús tjevele ca nin nsem wa gente jis lal.

31 Jesús

Ma pjü way Dios jisas, Dios mpes ꞌa si mulú ntꞌa. (Marcos 4.30-34; Lucas 13.18-21)

parábola* pꞌa wa tjevele sin la ꞌüsüs jis la jay. Ninana tjevelá: “Napj ca mvelé tsjan ca mpalas Dios si jütüta jis lal. Mostaza* setel jinwá ca nsem. Yom setel niná sine ꞌamá moꞌó, jupj sine ntꞌa. 32 Mostaza setel tsjicj way pajal. Más tsjicj way jupj la pꞌa setel jis lal. Locopyaya tecyojo, tꞌyüna jupj. Más püné tepyala jupj la pꞌa tsjutsj jis lal. Campanya ton̈ca tepyala jupj, mpes tsipyaya jiquil, tsintsil lajay mostaza pjwel ntꞌa. (Nin pꞌiyá ca nsem Dios si jütüta jis lal)”, nin tjevele Jesús. 33 Jesús pꞌa wa parábola* tjevele wa, sin la ꞌüsüs jis la jay. Ninana tjevelá: “Napj ca mvelé tsjan ca mpalas Dios si jütüta jis lal. Levadura jinwá ca nsem. Quepj levadura tyáꞌatsja. Harina medida contꞌe lal la süpjütj la tjiji jupj, pan la tjiji. Levadura mpes pjü jis tꞌyüna harinas. Nin pꞌiyá ca nsem nosis Dios si jütüta jis lal”, tjevele Jesús. 34 Parábola* pꞌin tjevele jupj, pülücj ꞌa jis tjimyula jis lal. Pues pjü sin ꞌyüsa lis tjiji, parábola mpes sin ꞌyüsa lis tjiji jupj. 35 Pajal püna profeta* pjaní tjevele Jesús ca nin la mijis. Jupj tjevele: “Parábola mpes ca sin müꞌüsüs lis mejay napj. Püna ma sin tjiꞌyüsa, niná ca sin müꞌüsüs lis mejay quinam. Dios nosis la tjiji na mpe, ma sin tjiꞌyüsa niná.” Nin tepyaca jupj Jesús poꞌó.

Jesús tjevele tsjan poꞌo tjevele parábola pjaní tjevele na.

36 Gente pülücj way pjyacan̈tsja Jesús tjevelá. Jupj sin tjejyama tꞌücꞌ tjevele na.

Wa moꞌó tjemey. Jupj discipulopan* tjiquil jupj ntꞌa. Tjowelepj: —‌Ma qjuisin tjiꞌyüsa tsjan poꞌo tjevelen, parábola* tsjutsj malala mpes tjevelen na. ¿Tsjan qjuisin ꞌyüsa lejay jipj parábola niná lal? 37 Jesús tjevele yupj jis lal: —‌Parábola* tjevelé, napj mpes pꞌiyá tjevelé niná. Nosis casá patja mpes wa tjevelé. Napj setel sin jinwá lejay. Napj pꞌiyá niná Yomen Dios jas tjejyamá. 38 Nosis napj namama jinwá. Dios jatjampan setel ꞌüsüs

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 13

44

way jinwá. Diablo* jos jinwá lajay, tsjutsj malala jinwá yupj. 39 Diablo napj neꞌenemigo jupj. Jupj tsjutsj malala sine jinwá liji. Nasa quelel cyawaja na nosis, nasa vyala jinwá. Angelpan* vyala jacutj jinwá. 40 ”Parábola* tjevelé na, tjeveletsja yupj japocj tsjutsj malala. Jaꞌüm, tjevelé napj. Nin pꞌiyá ca nsem nosis casá, nosis quelel cyawaja na. 41 Napj pꞌiyá niná Yomen Dios jas tjejyamá. Napj ca sin majam napj angelpan*, ca tsjiꞌ la mijicj napj mpes. Yupj ca lis ncoyecj pjü malala lajay. Yupj malala lajay mpes, la pꞌa wa malala quelel lajay wa. Angelpan ca pjü lis ncoyecj yupj. Malala lajay ma ca mpatjam napj jyütütj ntꞌa. 42 Angelpan ca naꞌaj la ntsꞌiyacj yupj ꞌawa püné ntꞌa. Neꞌaj pajal yümücj ca la mpuyucj. Jis wis ca jas nquiꞌlicj, pajal nepé vyaja mpes. 43 ꞌÜsüs witjacj pꞌin ꞌüsüs ca mpatjam pajal. Sin majawaques yupj, lotsꞌacꞌ jyawca jinwá jis Papay Dios jyüꞌta ntꞌa. Najas pjü tjapjaꞌaqué, pjü nusin tjüꞌüsüs napj tjevelé —‌tjevele Jesús.

44 Jesús

Dios pajal quelel la qjuisiji.

pꞌa wa parábola* tjevele wa yupj jis lal, sin la ꞌüsüs jis la jay. Ninana parabolas: —‌Yom pjaní tꞌemel pülücj yus tjinyuca ꞌamá ꞌalá. Jus tjinyuca na, niswa tyoca tꞌemel. Tjemey. Pjü vender la tjiji jupj tyáꞌatsja. Jupj pajal ꞌücj jostsja nin la tjiji mpes. Tꞌemel mpes jaylacj la tjiji jupj moma, tꞌemel jáꞌasa ntꞌa. Nin pꞌiyá liji Dios jupj jatjampan jis lal —‌tjevele Jesús—‌. Pajal quelel la siji yupj. 45 Pꞌa wa parábola* nin pꞌiyá tjevele wa Jesús. Tjevele: —‌Yom pjaní tjemey, pe la tepyala, pe ꞌüsüs yustapj. Jupj pe ꞌüsüs yustapj vender liji, pǘꞌütsja jupj. 46 Pe pjaní pajal ꞌüsüs justa jus tjinyuca jupj. Pülücj jaylactsja pajal. Mpes yom wo ntꞌa tjemey. Jupj pjü way vender la tjiji jupj tyáꞌatsja. Tꞌemel mpes jaylacj la tjiji niná pwen. Nin wa liji Dios jupj jatjampan jis lal —‌tjevele Jesús—‌. Pajal quelel la siji yupj.

47 Jesús

Malala lajay ma ca mpatjam Dios lal.

pꞌa wa parábola* tjevele yupj jis lal, sin la ꞌüsüs jis la jay. Sin tjiꞌyüsa lis tjiji pülücj ꞌa si mulú Dios jatjampan jis lal. Ma pjü ca mpatjam jupj lal. Jesús tjevele: —‌Niyom jis ataraya püné naꞌaj la tsꞌi ꞌüsǘ püné casá, cjul jis la tjilil. Yupj lajay jinwá liji Dios nosis casá. Niyom pülücj pjeꞌá la coy cjulun. Cjul nepénowa ꞌüsüs, nepénowa malala. 48 Ataraya pitꞌa na, ꞌüsǘ la ntꞌa la locjocj. ꞌAtjalapj yupj. Cjul ꞌüsüs way japüntüpj quiliyú moꞌó. Malala witjacj naꞌaj la tsꞌi yupj. 49 Nin wa ca nsem nosis quelel cyawaja na —‌tjevele Jesús—‌. Malala lajay ꞌa mulú majatjum ꞌüsüs witjacj jis lal. Angelpan* ca ncul. Ca pjeꞌá la ncoyecj malala

El Nuevo Testamento en Tol de Honduras, 2da ed. ©2010, Wycliffe Bible Translators

45

SAN MATEO 13, 14

lajay ꞌüsüs witjacj mpe. 50 ꞌAwa püné moꞌo ca la ntsꞌiyacj malala witjacj. Neꞌaj ca pajal la mpuyucj. Jis wis ca jas nquiꞌlicj pajal nepé vyaja mpes —‌tjevele Jesús. 51 Jesús jis la tjiꞌyüya yupj jis lal: —‌¿Ncu nusin tjiꞌyüsa pjü? —‌Q juisin tjiꞌyüsa —‌tjowelepj yupj. 52 Mpes Jesús tjevele yupj jis lal: —‌Nun nepenowá solejé Dios tjijyüꞌtá pajal püna. Nun nusin tjiꞌyüsa wa napj nin poꞌó quinam. Nasa nusin tjiꞌyüsa ꞌonin nyuca liji Dios. Mpes ꞌücj sin ꞌyüsa lojí manas. Yom pülücj tyaꞌa jinwá nun. Yom tyaꞌa pül way, seyasa way tyaꞌa wa. Nin wa nun nepenowá. ꞌÜcj sin ꞌyüsa lojí püna tjowelepj. ꞌÜcj wa sin ꞌyüsa lojí niná napj velé —‌tjevele Jesús.

Ma quelel lajaytsja Jesús, jupj püna tüpüꞌü ntꞌa. (Marcos 6.1-6; Lucas 4.16-30)

53 Parábola*

niná pjü way tꞌücꞌ tjevele na, tjemey nepé Jesús. 54 Püna tüpüꞌü ntꞌa tjemey. Sin tjiꞌyüsa lis tjiji neꞌaj tapatjá judiopan* ꞌa si mulú ntꞌa. Yupj pajal yólatsja Jesús ꞌüsüs tjevele mpes. Yuwá jis la tjüꞌüy: —‌¿Tsjan mpes pajal selé yom niná? ¿ꞌOyn nyuca pajal ꞌüsüs liji, yom pꞌin ma polel liji jinwá? 55 Jupj popay silla líjitsja, cjan líjitsja la pꞌin. Jupj popay cupj popa pꞌiyá pꞌin. Jupj jamay María pꞌin. Jupj püné tulucj. Selecj wa jatjaypan jis lá. Pjaní wa Jacobo ló, pꞌa wa José ló, pꞌa wa Simón ló, pꞌa wa Judas ló. 56 Jesús toꞌopan quiꞌá patja wa cupj qjuis lal. ¿Tsjan mpes jupj pajal selé? —‌nin tjowelepj yupj. 57 Nin mpes ma jisastsja Jesús. Tsꞌa tjiꞌin jupj lal. Nin mpes Jesús tjevele yupj jis lal: —‌Nun ma nujisas napj velé, napj nun jis lal tüpüꞌüs mpes. Nin lovin profetapan* jis lal. Pꞌa ntꞌa patja jisas profeta vele Dios mpes. Jupj püꞌü ntꞌa pꞌin ma quelel japon jupj pajal ꞌüsüs. Nin pꞌiyá jupj wo ntꞌa —‌tjevele Jesús. 58 Yupj ma japontsja Dios jas tjejyama jupj. Mpes jupj ma pülücj ꞌüsüs la tjiji yupj ntꞌa. Pjaní way pꞌin ꞌüsüs la tjiji neꞌaj, yom pꞌin ma polel lijá.

14

Judiopan jis jepa tjiꞌyüꞌna Juan el Bautista. (Marcos 6.14-29; Lucas 9.7-9)

1 Jesús

neꞌaj jáꞌasatsja na püna tüpüꞌü ntꞌa, Herodes tjapjaca wa Jesús poꞌó. Herodes jépatsja Galilea moꞌó. 2 Herodes tjevele jupj mozopan jis lal: “Jesús ne Juan el Bautista pꞌiyá. Napj nola Juan jas

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 14

46

tjijyünsa, niswa la pütꞌüs. Nin ca nacj. Nin mpes ꞌücj ꞌüsüs liji Jesús, yom pꞌin ma polel liji jinwá”, tjevele jupj. 3 Püna Herodes tjijyüꞌta jis la tjilil Juan. Tjijyüꞌta la tsupapj, la ꞌonsos jupj cawilta moꞌó. Nin jostsja Herodías. Tsꞌi ꞌinyatsja pajal Juan lal. Nin mpes Herodes tjijyüꞌta niná. Herodías Herodes vosastsja jupj. Herodes jatjay Felipe jatsꞌom waytsja jupj, Herodías. 4 Herodes neꞌaj tjemyaꞌna jupj. Mpes Juan lovin véletsja jupj lal: “Malala Dios lal jipj vyasas myanun”. 5 Herodes quelel ꞌyǘꞌnatsja Juan el Bautista, newa ma la tjiji. Lecj jéyatsja jupj la pꞌa wa judiopan* jis lal. Judiopan topontsja Juan el Bautista profeta* jupj. Herodes lecj jéyatsja ca yupj tsꞌi miꞌinacj, jupj cüꞌüꞌnas na. 6 Locopyaya pꞌa año tepyala Herodes. Fiesta la tjiji jupj. Fiesta mpes Herodías jucucus bailar la tjiji yupj jis la nuc. Herodes ꞌücj jostsja tsjücjüim bailar la tjiji mpes. 7 Mpes Herodes tjevele jupj lal: —‌Jipj le mon, mya ꞌa ca. Dios pjoca napj velé. 8 Tsjücjüim tjevele: —‌Ncaꞌan ma ꞌen Juan el Bautista jay pjucj. Plato püné moꞌo ncaꞌan. Jamay tjevéletsja ꞌücj le moná niná, mpes nin tjevele tsjücjüim. 9 ꞌAplijila tepyala Herodes. Ma quelel líjitsja niná; tsjücjüim la tjemyona mpes la tjiji la pꞌin. Jupj nasa tjevele jupj ꞌücj la ꞌayas jupj la tjemyoná. Tjevele wa Dios tjapjaca jupj tjevelá. Pülücj tjepjyacan̈ niná. Yupj nasa tjiquil watsja, Herodes pülücj jis la las la tjiji mpes. Nin mpes Herodes tjijyüꞌta tsjücjüim jos jinwatsja ca nsem. 10 Tjijyüꞌta mwen taná la jocj Juan el Bautista cawilta moꞌó. 11 Tucutj jupj jay pjucj plato püné moꞌó. Tucutj, tjaꞌayapj tsjücjüim. Tsjücjüim ntꞌya, tjeꞌyaya jamay. 12 Locopyaya Juan discipulopan* tjiquil, jis la tꞌas Juan jüpꞌüy. ꞌAmá jul tüpüntüpj jupj. Nin la tjajay na, tjil, tjowelepj Jesús lal niná tepyalá.

13 Jesús

Jesús pülücj way jis tjeꞌyaya jis la las. (Marcos 6.30-44; Lucas 9.10-17; Juan 6.1-14)

tjapjaca na niná Juan poꞌó, jusapj tjemey jis wa cjuwá ntꞌa. Barco* mpes tjemey jupj ꞌüsǘ naꞌaj poꞌó. Pajal pülücj jus nlay jupj tjemey, mpes yupj patja mpe tjil Jesús quelel jámatsja ntꞌa. Jis tsjam mpes tjil yupj. 14 Jesús neꞌas tjemey na ꞌüsǘ la ntꞌa, tjinyuca pajal pülücj neꞌaj játjatsja jus la nuc. Jesús pajal jólatsja yupj mpes. Po quelel jis capj pꞌyáꞌsatsja jupj. Yupj nepenowá malala jisastsja. Jupj jis tjiꞌyüꞌsa lis tjiji. 15 Tꞌawaná Jesús discipulopan* tjiquil jupj ntꞌa. Tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

47

SAN MATEO 14

—‌Tꞌawaná quinam. Sin tjejyama yupj quinam, neꞌaj ca mal jis wa nepénowa lejen̈ ntꞌa. Ca ve jaylacj la mijicj yupj, nlajacj. 16 Jesús tjevele yupj jis lal: —‌ꞌÜcj wa jalá quiꞌá. Nun pꞌiyá jis maꞌayá nlajacj yupj. 17 —‌Pansas cínquiya pꞌin tyaꞌacj cupj. Cjul matꞌe pꞌin tyaꞌacj —‌tjowelepj yupj. 18 —‌Ncaꞌá ma ꞌe —‌tjevele Jesús. 19 Pjü jis tjijyüꞌta jis la ꞌosos tsjutsj lejen̈ ntꞌa. Nasa ꞌatjalapj na, Jesús pan cínquiya ntꞌya. Ntꞌya wa cjul matꞌeyá. Tjinyuca tsjun poꞌó, tjevele Dios lal tjüwüiꞌi ve tjeꞌyaya mpes. Tꞌücꞌ tjevele na, la tjelepta taná pansas. Jis tjeꞌyaya discipulopan*. Yupj pjü jis tjaꞌayapj wa tsjutsj casá tjatjá. 20 Yupj pjü way tꞌücꞌ tjalá. Pjü jis col pitꞌa tepyala. Ma polel pjü tjalá yupj. Pjü way ma pjü tjalá, discipulopan* quiliyú moꞌo tꞌolon. Quiliyú dóceya tipitꞌa pan tsjictjacj lal, cjul tsjictjacj lal. 21 Jesús pajal ꞌüsüs la tjiji, mpes niyom cinco mil tꞌücꞌ tjalá jupj jis tjeꞌyaya popé. Nequem tjalá wa, tsjictjacj tjalá wa.

22 Pjü

Jesús ꞌüsǘ casá tjuwine. (Marcos 6.45-52; Juan 6.16-21)

tꞌücꞌ tjalá na, Jesús jis tjijyüꞌta jupj discipulopan* jis la winin yupj jis barco* moꞌó. ꞌÜsǘ naꞌaj poꞌó sin tjejyama, jupj quelel jámatsja ntꞌa. Jesús jostsja yupj mwalá ca mal jupj lal, jupj la pꞌa wa sin tjejyama nas. Mpes tjil yupj. 23 Pjü sin tjejyama na, neven poꞌó tjemey jupj jusapj, Dios lal la veles. Püste tepyala na, jusapj jáꞌasatsja jupj. 24 Jupj discipulopan pajal campa játjatsja ꞌüsǘ casaꞌá. Barco moꞌo játjatsja yupj custjay. Malala jis tepyala, ne ma polel jiltsja yupj. ꞌÜsǘ pajal lo pjetsꞌepjetsꞌe. Pajal yümücj po yácatsja barco poꞌó. Lüpjǘ püné jis wala séjetsja, ne nin. 25 Pǘstetsja custjay. Nasa quelel jyawca na, Jesús tjacꞌ yupj ntꞌa. ꞌÜsǘ casá wínetsja jupj. 26 Discipulopan jus tjunuc na, lacj tjeyapj pajal. Tjunuc ꞌüsǘ casá tjuwine pꞌin. Ma salejeptsja Jesús jupj. —‌Tepeꞌe cjües wine —‌tjowelepj yupj. La tupuyupj yupj, lacj tjeyapj mpes. 27 Len̈ way Jesús tjevele yupj jis lal: —‌ꞌÜcj nujisas tꞌas. Napj ne pꞌin winis. Po ma locj tjeyá nun. 28 Pedro tjevele jupj lal: —‌Nejepa, ne jim pꞌiyá, tjevele napj ca mis ꞌüsǘ casá. 29 —‌Was jipj —‌tjevele Jesús. Mpes Pedro palá tjacꞌ barco* mpe. ꞌÜsüs casá wínetsja Jesús ntꞌa. 30 Jupj sin nin lecj tjeyá jupj, Pedrú. Tjinyuca pajal yümücj jas tjelyapjünǘ lüpjüs, mpes lecj tjeyá jupj. Nasa ꞌüsǘ pwila quelel jámatsja.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 14

48

Jesús üsǘ casá wínetsja. (San Mateo 14.31)

—‌Nejepa, ncapj tjepꞌyaꞌsa —‌tjevele jupj. 31 Len̈ way Jesús jupj mos ntjüiꞌle. Jas tjijyünsa. —‌Tsjicj way pꞌin pyon jipj napj lal —‌tjevele Jesús Pedro lal—‌. ¿Tsjan mpes ma pyon jipj napj ꞌücj nin lejay jipj mpes? —‌tjevele. 32 Manas wama tjil barco* moꞌó. Barco wama tjil na, lüpjǘ ꞌütꞌün nasa tepyala. 33 Barco moꞌo tjatjá yólatsja pajal püné Jesús, jupj ꞌüsüs la tjiji mpes. Palá nipiꞌtjin̈ Jesús wolapꞌaꞌá. Tjowelepj: —‌Tꞌücꞌ way jipj Dios Jatjam.

El Nuevo Testamento en Tol de Honduras, 2da ed. ©2010, Wycliffe Bible Translators

49

SAN MATEO 14, 15

34 ꞌÜsǘ

naꞌaj poꞌó neꞌas tjil. Genesaret lotsja neꞌaj, yupj tjil ntꞌa. neꞌaj tapatjá neꞌas tjunuc Jesús. Mpes pjü jis wala tjowelepj neꞌaj way pꞌin tapatjá. Tjowelepj Jesús tjacꞌ. Mpes yupj tucuman pjü malala jisas neꞌaj way pꞌin tapatja sin popé. 36 Topon Jesús ꞌücj si ꞌüꞌsa liji. Pajal la tjomon Jesús lal jupj ca jis maꞌayas malala jisas po la ꞌotj jupj jas quip la ntꞌa. Quelel po la ꞌotsja jupj jas quip la ntꞌa la pꞌin, jis la ꞌüꞌsüs. Pjü way jas quip po la tjoꞌotj, pjü way jis tjiꞌyüꞌsa yupj. 35 Niyom

Malala yola na, malala wa lajay, mpes malala nsem yupj Dios lal. (Marcos 7.1-23)

15

1 Pꞌa

jyawca na niyom nepénowa tjiquil Jesús ntꞌa. Jerusalén mpe tjiquil yupj. Yupj nepénowa fariseopan*, nepénowa Moisés* popel sin ꞌyüsa lajaytsja. Yupj la tjüꞌüy Jesús lal: 2 —‌¿Tsjan mpes jipj discipulopan* ma lajay judiopan* püna tapatja tjüjütütj? Jipj discipulopan quelel jalá na, yupj ma jis mas japatsj judiopan lajay jinwá. 3 Jesús ma jis wala tjevele yupj la tjüꞌüy mpes. Jupj niná jis lal tjevele: —‌Nun pꞌin ma lojí Dios jyüꞌta jinwá. Nun quelel nin pꞌiyá lojí püna tapatja la tjajay jinwá. 4 Dios tjevele: ‘ꞌÜsüs la müjí nun jis papay lal, nun sejamay lal wa. Nujola nsem noypan yupj nun jis lal.’ Dios tjevele wa: ‘Nun ma ca mvelé nujisas malala jis mpalas nupopay, nun sejamay. Nun popa nin vele, nun ca müꞌüꞌná jupj, malala tjevele mpes.’ 5 Nun ma nin pꞌiyá jüꞌtǘ, Dios tjevele jin pꞌiyá. Tꞌemel cjuwá nupopay, nun sejamay ca nacj. Nun cjuwá tulucj. Nun welé ꞌücj ma ꞌoyá yupj jisas. Nun welé nun popa pjaní ꞌücj vele yupj jis lal: ‘Ninana napj natsꞌaꞌá ma ca nu maꞌayá. Nasa tjeveletsja ninana ca maꞌayá Dios mpes.’ 6 Nun welé ꞌücj ma ꞌüsüs liji jupj popay mpes, niná tjevele na. Nun niná welé na, ma nin nujola Dios tjijyüꞌtá. Nun quelel lojí judiopan* püna tjüjütütj pꞌin. 7 Nun welé nun pꞌiyá ꞌüsüs lojí; mopꞌin nin, nun ꞌüsüs lojí tulucj. Isaías tꞌücꞌ way tjevele nun mpes pajal püna. Profétatsja* jupj, Isaías. Dios mpes tjevele jupj. Jupj tjevele Dios tjevelá nun poꞌó. 8 Ninana tjevelá: ‘Gente niná ꞌüsüs javelepj napj nin poꞌó, Newa ma quelel la najay yupj. 9 Yupj javelepj napj püné, newa ma lajay napj najas jinwá. Yupj sin ꞌyüsa lajay gente jajütütj pꞌin, napj velé jin sin ꞌyüsa lajay tulucj.’

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 15

50

Nin tjevele Dios nun poꞌó —‌tjevele Jesús. 10 Pꞌa wa pajal pülücj játjatsja Jesús neꞌaj pꞌin. Jupj tjevele ncul yupj. Tjiquil na, jupj tjevele yupj jis lal: —‌Tjapjaꞌaqué napj velé. Nusin tjüꞌüsüs niná. 11 Yom ma malala nsem Dios lal ve lama ꞌyonsa mpes. Lampe pyacj mpes pꞌin, yom niná malala nsem Dios lal —‌nin tjevele Jesús. 12 Locopyaya Jesús discipulopan* tjiquil jupj ntꞌa. Tjowelepj jupj lal: —‌Fariseopan* tsꞌa ꞌin jipj lal, niná tjevelen mpes. ¿Ncu selen? 13 Jesús tjevele: —‌Yupj ma javelepj Mpapay Dios velá. Niná yupj javelepj lol jinwá Mpapay lal. Jupj ca mpoqjues lol niná. Nin liji pjü malala javelepj jis lal. 14 Ma nin nujola tꞌas yupj javelepj mpes. Yupj ma polel sin ꞌyüsa lajay Dios mpes. Yun tulucj jinwá yupj. Yun tulucj ma polel jacacan pꞌa wa. Yom jun tulucj cyacaná yom pꞌa wa jun tulucj, manas tsꞌentuna moꞌo palá jis ntüncüs ca —‌nin tjevele Jesús. 15 Pedro tjevele jupj lal: —‌Jipj tjevelen: lampe pyacj, malala. ¿Tsjan qjuisin ꞌyüsa lejay jipj parábola* niná lal? 16 Jesús tjevele jupj lal: —‌¿Ncu ma wa nusin ꞌyüsa nun? 17 Ve jalá na, jis col moꞌo jama pꞌin. Locopyaya naꞌaj la tsꞌi jis pwi mpe. Nin mpes nin velé nun malala tulucj Dios lal nun lojá mpes. ¿Ncu ma nusin ꞌyüsa niná? 18 Malala nyuca javelepj, malala nyuca yola wa. Malala javelepj mpes, malala yupj Dios lal. 19 Yupj malala yola, mpes nin pꞌin yola yupj. Malala yola, mpes wa sa ꞌünan la pꞌa. Malala yola, mpes wa neꞌaj jamanun sejatsꞌom tulucj. Mpes wa nequem lyawun̈ jis vayum tulucj jis lal. Yupj malala yola, mpes nin. Nin mpes wa niyom neꞌaj jamanun tsjücjüimpan, tjewyayin̈ tulucj. Nin mpes wa pequen̈. Nin mpes wa la tsuwil. Nin mpes wa pajal malala javelepj la pꞌa poꞌó. Yupj malala yola, mpes nin lajay. 20 Niná lajay na, te jinwá yupj Dios lal. Malala tulucj Dios lal yupj ma lajay judiopan* lajay jinwá, jis mas japatsj na —‌nin tjevele Jesús.

Judío tulucj pajal tepyona Jesús ꞌüsüs. (Marcos 7.24-30)

21 Jesús

tjemey nepé. Campa way ꞌin tjemey judiopan* patja mpe. Jupj tjemey ntꞌa Tiro poꞌo patja neꞌaj pꞌintsja, Sidón poꞌo patja neꞌaj pꞌintsja wa. 22 Neꞌas tjemey na, quepj tjacꞌ la nüjüsü jupj. Judío tuluctsja jupj, quepan. Jupj Canaán mpe ꞌeseptsja. Judiopan tulucj patja mpe tjacꞌ, neꞌaj pꞌin patja mpe. Niná quepj li piyutsja, tjevele Jesús lal:

El Nuevo Testamento en Tol de Honduras, 2da ed. ©2010, Wycliffe Bible Translators

51

SAN MATEO 15

—‌Nejepa, jipj ne niná Yomen Dios tjevele ca jas majamas nosis ntꞌa. Jipj David* püna tüpüꞌü popa pꞌiyá. Malala ntepalá. Ncapj tjepꞌyaꞌsa. Lapanenpan patja napj ncucus jos moꞌó. Newa pajal malala lajay ncucus lal —‌nin tjevele quepan. 23 Jesús ma lal tjevele jupj lal. Nin mpes Jesús discipulopan* tjiquil jupj ntꞌa, la tjomon jupj lal: —‌Tjeꞌyaya jupj le moná. Jas tjejyama jupj. Newa la cjüipepé jacꞌ, newa li piyú. 24 Jesús tjevele yupj jis lal: —‌Mpapay Dios nin tjejyama judiopan* ntꞌa pꞌin. Yupj ne len̈ jis tjevyala, oveja* jinwá. 25 Jesús nin tjevele na, quepj ninana pꞌiyá tjacꞌ jupj ntꞌa. Palá nipiꞌtje Jesús wolapꞌaꞌá. Tjevele: —‌Nejepa, ncapj tjepꞌyaꞌsa. 26 Jesús tjevele quepj lal: —‌Judiopan* Dios tsꞌuyupj. Napj ꞌüsüs lejay yupj mpes. Yupj yutsꞌaꞌá ma polel la ꞌayas la pꞌa. Nin pꞌiyá tsjictjacj jis ve ma polel la ꞌayas yupj jis tsjiyó —‌nin tjevele Jesús. 27 Quepj tjevele jupj lal: —‌Tꞌücꞌ tjevelen. Nin velé pꞌin, ve tsjictjacj nepenowá palá tinca wo jutsꞌaꞌá lyaja mpe. Niná ꞌücj wa jalá tsjiyó witjacj —‌tjevele jupj. (Jupj quelel véletsja Jesús ꞌücj wa se pꞌaꞌsa jupj.) 28 Jesús jupj wola tjevele: —‌Jipj pajal pyon napj lal. Nin ca nsem jipj la tjemyon jinwá. Jesús nin tjevele na pꞌin, tjiꞌyüꞌsa quepj jucucus.

Jesús gente pülücj jis tjiꞌyüꞌsa la tjiji. Pajal pülücj jis tjeꞌyaya jis la las ꞌotsꞌipj. (Marcos 8.1-10)

29 Jesús

tjemey nepé. ꞌÜsǘ püné la nipj tjemey, ꞌüsǘ niná Galilea ló. Locopyaya tucucꞌ popa viyá tjemey, tsjicj way pꞌin. Neꞌaj ꞌetjele jupj. 30 Neꞌaj tjáꞌasa na, pajal pülücj tjiquil jupj ntꞌa. ꞌA jis tjimyula jupj ntꞌa. Lal tjiquil wa ma polel jil nepenowá. Nepénowa yun tulucj jis lal tjiquil wa. Nepénowa jis mas cjuwá jis lal tjiquil wa. Jis tsjam cjuwá nepenowá jis lal tjiquil wa. Nepénowa ma polel javelepj jis lal tjiquil wa. La pꞌa wa pajal pülücj malala jisas jis lal tjiquil wa yupj. Tüpüntüpj yupj ꞌamá ꞌalá Jesús wolapꞌaꞌá; jupj jis tjiꞌyüꞌsa la tjiji yupj. 31 Neꞌaj ꞌa jis tjimyula tjunuc nin tepyala. Tjunuc ma polel javelepj ꞌücj javelepj jis tepyala.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 15, 16

52

Tjunuc jis mas cjuwatsja, jis mas seyasa jis tepyala yupj. Tjunuc jis tsjam cjuwá, jis tsjam seyasa jis tepyala yupj. Ma polel jiltsja, ꞌücj jis la winin jis tepyala. Yun tulucj ꞌücj januc jis tepyala. Pjü jis tjiꞌyüꞌsa mpes gente neꞌaj tjatjá pajal nin yólatsja Jesús ꞌüsüs la tjiji mpes. Nin mpes ꞌüsüs pjac tjowelepj Dios poꞌó, jupj ne israelpan* jis Dios. 32 Locopyaya Jesús tjevele ncul jupj discipulopan*. Niná jupj tjevele yupj jis lal: —‌Nola napj yupj mpes. Tsꞌacꞌ contꞌe nasa quiꞌá jatja napj lal. Tecyawaja nasa yupj jis ve. Napj ma quelel sin jyam yupj, laja secj custjay. Jis capj ntꞌajas ca nacj jümücj ntꞌa. 33 Jupj discipulopan* tjowelepj: —‌Wa cjuwá quiꞌá. Cjuwá caꞌaj mpe jis la tꞌas pansas yupj tꞌücꞌ jis la las mpes. Pajal pülücj way yupj. 34 Jesús jis la tjiꞌyüya: —‌¿Nol toꞌá nun pansas? —‌Siete —‌tjowelepj yupj—‌. Cjul tsjictjacj pjaní way pꞌin tyaꞌacj wa. 35 Jesús jis tjijyüꞌta gente jis la ꞌosos ꞌamá ꞌalá. 36 Nin la tjajay na, jupj ntꞌya wa pansas sieteyá, cjul ntꞌya wa. Tjevele Dios lal tjüwüiꞌi jupj tjeꞌyaya jis la las. Tꞌücꞌ tjevele na, tjelepta pansas, la tücüeme wa cjulun. Niná jis tjeꞌyaya jupj discipulopan* jis la ꞌayas neꞌaj jatjá. Yupj pjü jis tjaꞌayapj pansas popé, cjulun popé wa. 37 Pjü yupj tjalá. Pjü jis col pitꞌa tepyala. Tꞌücꞌ tjalá na, newa játjatsja pan popé, cjul popé wa. Mpes discipulopan quiliyú moꞌo tꞌolon pan tsjictjacj, cjul tsjictjacj wa, ma pjü tjalá. Quiliyú noypan siéteya tipitꞌa la tjajay pan mpes, cjul mpes wa. 38 Nasa tjalá niyom pajal pülücj. Cuatro miltsja yupj. Nequem pülücj tjalá wa. Tsjictjacj pülücj tjalá wa discipulopan jis tjaꞌayapj popé. 39 Tꞌücꞌ tjalá na, Jesús sin tjejyama yupj. Tjil na, barco* wama tjemey. Magdalá poꞌo tjemey jupj, barco mpes.

Nepénowa la tjomon Jesús pajal ꞌüsüs ca la mijis yupj jis la nuc. (Marcos 8.11-13; Lucas 12.54-56)

16

1 Niyom

tjiquil Jesús ntꞌa, nepénowa fariseopan*, nepénowa saduceopan*. Ma topon Dios mpe tjacꞌ jupj, mpes la tjomon jupj ca ꞌüsüs la mijis, gente pꞌin ma polel lajay jinwá. Nin mpes ca sin müꞌüsüs ncu Dios jas tjejyama jupj, tjowelepj yupj. 2 Jesús tjevele yupj pꞌiyá ꞌücj ca jus cülayecj pjacj ne jupj. Ninana tjevelá: “Nun quelel solejé ncu cus cjol nsem yayá, nun ꞌücj lo palá nucú tsjun poꞌó. Nenéyawa je way tsjun poꞌó tꞌawaná. Mpes nun welé

El Nuevo Testamento en Tol de Honduras, 2da ed. ©2010, Wycliffe Bible Translators

53

SAN MATEO 16

cus cjol nsem yayá. 3 Nenéyawa je way tsjun poꞌó püstapj, te ton̈ca ꞌotsꞌipj. Mpes nun welé majawus ca yacjaj. Nun ꞌücj lo palá nucú tsjun poꞌó. Niná ꞌücj lojí la pꞌin. Nun welé nun quelel nusin ꞌyüsa Dios poꞌó. Tꞌücꞌ tulucj. Ma nusin ꞌyüsa tsjan mpes ꞌüsüs tepyala quinam nosis ntꞌa. 4 Nun quina potjaqué malala pajal. Nun welé Dios jatjampan nun, newa nun ma quelel lojí jupj. Nun ma quelel lojí Dios jos jin. Nun lo moná napj ꞌüsüs la mejay, gente pꞌin ma polel lajay jinwá. Nin mpes ca nusin müꞌüsüs Dios nin tjejyama, welé nun. Ma ca la mejay napj. Pjaní way pꞌin ca la mijis Dios nun ca nucú. Püna Jonás lal la tjiji jinwá, nin wa ca la mijis napj lal. (Jonás profeta* waytsja jupj püná)”, nin tjevele Jesús. Niná tjevele na, tjemey yupj mpe.

Jesús jos jupj discipulopan ꞌin jajamapj, la pꞌa ma yus ntsawilicj. (Marcos 8.14-21) 5 Jesús

ꞌüsǘ naꞌaj poꞌó tjemey jupj discipulopan* jis lal. Pansas cjuwá tjil yupj, discipulopan. Yoꞌ tepeꞌe jis la cutj. 6 Jesús tjevele yupj jis lal: —‌ꞌIn tjajama. Po ma jisas tꞌas fariseopan* jis levadura. Ma wa jisas tꞌas saduceopan* jis levadura. Yupj jis levadura malala pajal. 7 Jupj discipulopan* ma sin tjiꞌyüsa Jesús tjevelá. Yuwá pꞌin jis la tjüꞌüy tsjan mpes nin tjevele jupj. Tjowelepj: “Cupj ma tequeꞌacj pansas. Nin mpes nin tjevele ca nacj.” 8 Jesús seletsja nin tjowelepj yuwá. Mpes jupj tjevele yupj jis lal: —‌Nun tsjicj way pꞌin poné napj lal. ¿Tsjan mpes nin nujola cjuwá pansas? ¿Tsjan mpes nin welé? 9 ¿Ncu ma nusin ꞌyüsa napj ꞌücj wa nu ꞌya nun nujos? ¿Ncu ma nujola tepyala napj ꞌücj jis tjeꞌyá jis la las niyom cinco mil? Pansas cinco pꞌin tyaꞌactsja; napj la tjejay tꞌücꞌ tjalá yupj pjü. ¿Ncu ma nujola tepyala yupj ma polel pjü tjalá? Nun quiliyú moꞌo tꞌoꞌnó pan tsjictjacj yupj ma pjü tjalá. ¿Ncu nuyoꞌ tepeꞌe nol quiliyú tipitꞌa pan tsjictjacj mpes? 10 ¿Ncu ma nujola tepyala pꞌa jyawca na napj tjeꞌyá jis la las niyom cuatro mil? Pansas siete pꞌin tyaꞌactsja; napj la tjejay tꞌücꞌ tjalá yupj pjü. Niswa ma polel pjü tjalá yupj. Nun quiliyú moꞌo tꞌoꞌnó pan tsjictjacj yupj ma pjü tjalá. ¿Ncu nuyoꞌ tepeꞌe nol quiliyú tipitꞌa pan tsjictjacj mpes? 11 Napj ma nin veletsja pansas poꞌó. Ma nin nólatsja pansas mpes. ¿Tsjan mpes ma nusin ꞌyüsa niná? Napj nin tjevelé ꞌin tjajama. Po ma jisas tꞌas fariseopan* jis levadura. Ma wa jisas tꞌas saduceopan* jis levadura. Yupj jis levadura malala pajal —‌nin tjevele Jesús. 12 Jesús nin tjevele na, jupj discipulopan* jus nlaytsja jupj ma véletsja levadura poꞌó, yupj jis pansas lajay mpes. Jupj nin véletsja fariseopan*

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 16

54

sin ꞌyüsa lajaytsja mpes, saduceopan* sin ꞌyüsa lajaytsja mpes wa. Yupj sin ꞌyüsa lajay levadura jinwá. Yupj ꞌücj yus tsuwil la pꞌa wa. Pedro tjevele Jesucristo niná Yomen Dios jas tjejyamá. (Marcos 8.27-30; Lucas 9.18-21)

13 Jesús

neꞌas tjemey Cesarea Filipo poꞌo patja ntꞌa. Neꞌas tjemey na, jupj la tjiꞌyüya jupj discipulopan* jis lal: —‌¿Pjacj ne napj jin javelepj gentas? Napj pꞌiyá niná Yomen Dios jas tjejyamá. 14 Yupj tjowelepj: —‌Nepénowa javelepj jipj Juan el Bautista pꞌiyá. Nepénowa javelepj jipj Elías*, püna tüpüꞌü pꞌiyá. Pꞌa wa javelepj jipj Jeremías*, püna tüpüꞌü wa. Nepénowa javelepj jipj pꞌa profeta* püna tüpüꞌá. Püna ꞌi tipüꞌí, niswa pütꞌ, nin javelepj gentas. 15 Jesús nin pꞌiyá la tjiꞌyüya wa discipulopan* jis lal. —‌¿Ne nun? —‌la tjiꞌyüya jupj—‌. ¿Pjacj ne napj jin welé nun? 16 Simón Pedro jupj wola tjevele: —‌Cristo jipj. Jipj ne Jepa Püné Dios tjevele ca jas majamas qjuis capj la pꞌacj. Jipj mpes ca ꞌüsüs mpatjaquecj. Jipj ne Dios Jatjam, Dios ne püꞌü lovin —‌tjevele jupj. 17 Jesús tjevele jupj lal: —‌Dios pajal ꞌüsüs la tjiji jipj mpes. Yom pꞌin ma jin tjiꞌyüsa la tjiji niná. Napj Mpapay tsjun poꞌo püꞌü, jupj ne jin tjiꞌyüsa la tjiji niná. Jipj Simón, Jonás jatjam jipj. 18 Pꞌa wa lyá le tꞌa jipj mpes quinam. Pedro lyá nsem wa quinam. Pe jinwá jipj, mpes nin lyá jipj quinam. Napj ꞌos wa pe püné jinwá. Pülücj ca mponecj napj lal, ca mpatjam Dios lal. Napj nin lejay ca nin nsem. Diablo* jas tjiyocj tulucj ca nsem yupj jis lal. Newa ca mpatjam yupj napj lal. 19 Napj ca mya ꞌa jipj ca ꞌücj mvelen pꞌa jis lal napj mpes. Jipj velen napj mpes llave jinwá ca nsem. Nepénowa ca mponecj jipj velen. Yupj ca ꞌücj la winin Dios jyüꞌta ntꞌa. Nepénowa ma ca mponecj. Mpes ma ca polel la winin Dios jyüꞌta ntꞌa. Jipj ca ꞌücj mvelen ncu malala la tjajay napj lal japon. Jipj nin velen nosis ntꞌa, Dios ca nin pꞌiyá mveles wa tsjun poꞌó. Jipj ca ꞌücj mvelen wa ncu malala la tjajay tulucj. Jipj nin velen nosis ntꞌa, Dios ca nin pꞌiyá mveles wa tsjun poꞌó —‌nin tjevele Jesús Simón Pedro lal. 20 Tꞌücꞌ tjevele na, Jesús jis tjijyüꞌta jupj discipulopan* ma jis la veles la pꞌa lal jupj niná Jepa Püné Dios tjevele ca jas majamas jis capj la pꞌacj judiopan*.

Jesús tjevele jupj ca mpaꞌis, ca niswa jas müjünsüs la pütꞌüs. (Marcos 8.31-9.1; Lucas 9.22-27)

21 Pedro

nin tjevele Jesús niná Jepa Püné Dios tjevele ca jas majamas. Niná tjevele na, Jesús ꞌüsüs way tjevele jupj discipulopan* El Nuevo Testamento en Tol de Honduras, 2da ed. ©2010, Wycliffe Bible Translators

55

SAN MATEO 16, 17

jis lal tsjan ca mpalas jupj lal. Püna ma pjü tjevele. Quina ꞌüsüs way tjevele niná neneyawá. Tjevele Dios jostsja jupj ca mim Jerusalén ntꞌa, ca pajal malala mpalas jupj neꞌaj. Tjevele niyom nepénowa ca malala la mijicj jupj lal neꞌaj. Coꞌmüypan* ca nin la mijicj, sacerdote* noypan ꞌotsꞌipj, Moisés* popel sin ꞌyüsa lajay ꞌotsꞌipj. Tjevele yupj ca müꞌüꞌnacj jupj. Tjüꞌünan na, ca jas müjünsüs tsꞌacꞌ contꞌe tepyala na. Niswa ca mpüꞌüm, tjevele jupj. 22 Pedro ma jostsja niná ca mpalas Jesús lal, mpes jas tjan tjemyana jupj, cus tjeveꞌle. Tjevele: —‌Ma ca nin mya palas jipj. Dios ca cyapj mpꞌaꞌsas. 23 Pedro nin tjevele na, Jesús la nujuya, jupj wola tjevele: —‌Jutja napj mpe. Satanás* jinwá velen. Jipj jyas napj ca malala la mejay. Jipj ma jele Dios jola jinwá. Yom pꞌin jola jinwá jele jipj. 24 Niná tjevele na, Jesús tjevele wa jupj discipulopan* pjü way jis lal: —‌Nun popa quelel ncapj cyon̈ca, ma ca nin la mijis jupj pꞌiyá jos jinwá. Nin ca la mijis napj lejay jinwá. Napj cruz* poꞌó ca ma patsꞌ. Malala ca mpalas wa jupj, ncapj cyon̈ca mpes. Jupj ca jas müꞌüsüs napj mpes. 25 Nepénowa ca quelel jis capj mpꞌaꞌsacj yupj pꞌiyá. Ma ca jisas malala se palá, mpes ca mvelecj yupj japon tulucj napj lal. Yupj ma ca mpatjam Dios lal. Nepénowa ncaꞌlin̈ napj lal japon mpes. Más ꞌüsüs ca jis mpalas yupj la pꞌa jis lal. Yupj lovin ca mpatjam Dios lal. 26 Nepénowa pülücj jatatj nosis ntꞌa, mopꞌin ma polel patja Dios lal. Pjü way jatatj nosis ntꞌa ca nacj. Newa ma polel patja, mpes ꞌüsüs jis tepyala tulucj pülücj jatatj mpes. Ma polel jaylacj lajay mpatjam Dios lal. 27 Napj pꞌiyá niná Yomen Dios jas tjejyamá. Napj ca niswa ncuwis pꞌa jawas. Tjacuwis na, pjü ca nucucj napj pajal püné, Mpapay jinwá. Napj angelpan* ca ncapj ncon̈cocj. Tjacuwis na, napj ca jis maꞌayá pjü gente yupj la tjajay mpes. Nepénowa ꞌüsüs la tjajay, mpes napj ca jis maꞌayá tsjan ꞌüsüs way. Nepénowa malala la tjajay, mpes ca jis capj ntül. Mpes más ꞌücj nin lajay Dios jos jin quinam. 28 Napj pꞌiyá niná Yomen Dios jas tjejyamá. Nun popa nepenowá ca nucú napj cuwis Jepa la ꞌosos, nun ma tacaꞌliqué na pꞌin. Newa potjaqué pꞌin, napj Jepa ca nsem. Tꞌücꞌ niná —‌tjevele Jesús.

17

1 Tsꞌacꞌ

Jesús jas jaw tepyala Dios mpes. (Marcos 9.2-13; Lucas 9.28-36)

séisiya tjejyawca na, Jesús tjemey Pedro lal, Jacobo lal wa, Juan lal wa. Juan niná Jacobo jüpülüctsja. Yupj jis lal tjemey jocꞌ El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 17

56

campanya ton̈ca ntꞌa, tucucꞌ pacá ntꞌa. Yupj yulupjana way pꞌin tjil. 2 Neꞌaj tjatja na, Jesús pꞌa casá justa tepyala tjunuc yupj. Jupj wola pajal jaw tepyala lotsꞌacꞌ jinwá. Jupj jas quip pajal pje way tepyala wa. Jas quip jaw tepyala wa, pajal pje way mpes. 3 Nin tepyala na, nepé lay tepyala wa Moisés*. Elías* lay tepyala wa. Yupj manas profetapan* püna tapatjá. Jesús lal javeleptsja. 4 Pedro tjevele Jesús lal: —‌Nejepa, po ꞌüsüs quiꞌá jyatjaquecj. ¿Ncu jyas tsꞌepjel cóntꞌeya sin müjünsǘ nun mpes? Pjaní way jipj mpes ca nsem, pjaní wa Moisés* mpes ca nsem, pjaní wa Elías* mpes ca nsem. 5 Pedro newa véletsja na, len̈ way mol palá tjacꞌ wa yupj capá ntꞌa. Tꞌasiyú tón̈catsja. Jas jawtsja molon. Nepé vele pjactsja mol mpe. “Niná napj Natjam —‌tjevele—‌. Quelel lejay jupj. Pajal ꞌücj najas jupj lal. Tjapjaꞌaqué jupj velá”, nin tjevele mol mpe. 6 Niná tjepjyacan̈ na, discipulopan* jis wala ꞌamá ꞌalá tjoꞌonsopj. Pajal lacj tjeyapj yupj. 7 Nin la tjajay na, Jesús tjacꞌ yupj ntꞌa. Po lis tjeꞌyotꞌa jupj. —‌Nusin tjüjünsǘ —‌tjevele—‌. Po ma locj tjeyá. 8 Viyá tjunuc na, len̈tsja la pꞌa. Jesús pꞌin jus tjunuc. 9 Yacjaya jocꞌ mpe palavin tjiquil. Yupj palavin jiquiltsja na, Jesús tjevele yupj jis lal: —‌Ma ca mvelé pꞌa jis lal nun tjunucú quinam. Napj pꞌiyá niná Yomen Dios jas tjejyamá. Napj ca ma patsꞌ, locopyaya ca nin müjünsǘ la pütꞌüs. Niswa nin tjijyünsǘ na, ꞌücj lo veles nun tjunucú jocꞌ moꞌó —‌niná nin tjijyüꞌta Jesús. 10 Jupj discipulopan* tjowelepj jupj lal: —‌Cupj pyonecj jipj niná Jepa Püné Dios tjevele ca jas majamas. ¿Tsjan mpes la pꞌa javelepj Elías* mwalá way ca ncuwim niná Jepa Püné lal? Nin javelepj Moisés* popel sin ꞌyüsa lajay —‌nin tjowelepj yupj. 11 —‌Tꞌücꞌ way jupj mwalá way ncuwim Jepa Püné lal —‌tjevele Jesús—‌. Dios Popel tjevele jupj pjü ca ꞌücj la mijis Jepa Püné jacꞌ mpes. 12 Nasa tjacꞌ jupj. Yupj ma sin tjiꞌyüsa jupj ninana pꞌiyatsja Dios Popel tjevele ca ncuwim. Malala la tjajay jupj lal, yupj jisastsja jinwá. Nin pꞌiyá ca malala la mijicj napj lal, napj pꞌiyá niná Yomen Dios jas tjejyamá —‌nin tjevele Jesús. 13 Nin tjevele na, jupj discipulopan* sin tjiꞌyüsa jupj véletsja Juan el Bautista poꞌó. Juan el Bautista pꞌiyatsja niná Dios tjevele ca mwalá ncuwim Jepa Püné lal.

14 Jocꞌ

Jesús pjeꞌá jas tjejyama lapanen tjamacjas jos mpe. (Marcos 9.14-29; Lucas 9.37-43)

ꞌalá mpe tjiquil na, niswa tjiquil la pꞌa discipulopan* tjatja ntꞌa. Neꞌaj gente pajal pülücj lejen̈tsja wa yupj jis lal. Neꞌas tjiquil na, yom pjaní tjacꞌ Jesús ntꞌa. Tüicꞌ jin tjáꞌasa Jesús wolapꞌaꞌá. El Nuevo Testamento en Tol de Honduras, 2da ed. ©2010, Wycliffe Bible Translators

57

SAN MATEO 17

15 —‌Nejepa,

cus tjepꞌyaꞌsa natjam —‌tjevele—‌. Pajal malala jos. Jun jyuꞌya jin liji jupj lovin. Po ꞌin malala tepyala jupj. La pülücj ꞌawa moꞌo tjeyaca jun jyuꞌya mpes. ꞌÜsüma tjeyaca wa la pülücj. 16 Napj jupj lal tjacuwis jipj discipulopan* ntꞌa. Yupj ma polel ꞌyüꞌsa lajaytsja jupj —‌nin tjevele yomen Jesús lal. 17 Jesús tjevele yupj jis lal: —‌Nun ma poné napj lal. Malala nujola pajal. Pajal püs way li nuc nun ca mponé napj lal. Püs way tüpüꞌüs nun lal quinam. Lowa, lal nculá jupj jatjam. 18 Tjacꞌ na, Jesús cus tjeveꞌle lapanen, yom jatjam jos moꞌo jáꞌasatsja. Mpes pjeꞌá tjacꞌ tjamacjas jos mpe. Len̈ way ꞌücj jos jáꞌasatsja tjamacjas. 19 Yacjaya Jesús discipulopan* tjiquil jupj ntꞌa, pꞌa len̈tsja na. La tjüꞌüy: —‌¿Tsjan mpes ma polel pjeꞌá jas tjejyamacj lapanen niná? 20 Jupj jis wala tjevele: —‌Nun tsjicj way pꞌin poné napj lal. Nin mpes ma polel lojitsja nun. Tsjicj way pꞌin cüponé, mostaza* setel tsjicj way jinwá, pjü way ꞌücj la cüjí. ꞌÜcj cüwelé mim jocꞌ ꞌalá. ꞌÜcj cüwelé: ‘Jutja pꞌa ntꞌa’. Ne nin ca nsem nun tjowelé jinwá. Tꞌücꞌ way niná. 21 Nin pꞌin velé, lapanenpan nepenowá pajal costa way sin jam. Nintsja niná. Más ꞌücj lo moná Dios lal ca ꞌücj jas majamá. Tsꞌacꞌ pjaní ma ca nlajá, Dios lal ca mvelé pꞌin. Ma nin lojí, ma ca mim —‌nin tjevele Jesús.

Jesús niswa tjevele ca mpaꞌis, ca niswa jas müjünsüs la pütꞌüs. (Marcos 9.30-32; Lucas 9.43-45)

22 Jesús

newa wínetsja Galilea moꞌó jupj discipulopan* jis lal. Jawas pjaní tjejyawca na, jupj tjevele yupj jis lal: “Napj pꞌiyá niná Yomen Dios jas tjejyamá. Dios ca maꞌayas niyom ca malala la mijicj napj lal yupj jisas jinwá. 23 Ca ma ꞌüꞌnacj, locopyaya tsꞌacꞌ contꞌe na ca nin müjünsǘ la pütꞌüs niswá”, nin tjevele jupj. Nin tjevele na, pajal ꞌaplijila jis tepyala jupj discipulopan.

24 Jesús

Jesús impuesto jaylacj la tjiji.

tjemey Capernaum ntꞌa jupj discipulopan* jis lal. Neꞌas tjemey na, niyom nepénowa tjiquil Pedro ntꞌa. Yupj niyom nenem impuesto jaylacj jataꞌepj Dios wo* mpes. Yupj la tjüꞌüy Pedro lal: —‌¿Ncu ma impuesto jaylacj liji Jesús, jupj ne jin ꞌyüsa liji? 25 —‌Jaylacj liji jupj —‌tjevele Pedro. Pedro wo ntꞌa tjemey, yupj tapatja ntꞌa. Tjacꞌ na, Jesús tjevele jupj lal, Pedro ma tjevele na pꞌin. Tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 17, 18

58

—‌Jepapan nosis ntꞌa se jütütj impuesto jaylacj jataꞌepj gente jatatj mpes, yupj moma jatatj mpes wa —‌nin tjevele Jesús—‌. ¿Ncu jele jepapan sejatjampan pꞌiyá jaylacj lajay niná? ¿Ncu jele pꞌa wa pꞌin jaylacj lajay impuesto mpes? ¿ꞌOyn jele jipj? —‌tjevele Jesús. 26 Pedro jupj wola tjevele: —‌Pꞌa wa pꞌin jaylacj lajay niná yupj jataꞌepj. —‌Nin —‌tjevele Jesús—‌. Jepapan sejatjampan ma jaylacj lajay impuesto. (Jupj quelel véletsja jupj ꞌücj wa ma jaylacj líjitsja. Jupj Dios Jatjam, ne nin.) 27 Jupj tjevele: —‌Mopꞌin ca jaylacj la mijicj. Ma jaylacj lijicj, yupj ca yola nsem cupj ma qjuisas Dios wo*. Jutja jipj ꞌüsǘ püné ntꞌa. Jipj anzuelo ꞌüsüma tjevyala. Ca ntsꞌicjun cjulun. Mwalá way cjul tsꞌicjucj jipj, jupj lala maꞌaptan. Lala moꞌo maꞌajam ca tꞌemel cꞌa. Niná tꞌemel tꞌücꞌ nsem impuesto jaylacj mpes. Niná ca jis maꞌayan napj jaylacj lejay mpes, jipj jaylacj lejay mpes wa —‌nin tjevele Jesús Pedro lal. Ne nin la tjiji niná.

18

Jesús tjevele pjacj püné nsem jupj Jepa pyala na. (Marcos 9.33-37; Lucas 9.46-48)

1 Yacjaya

Jesús discipulopan* tjiquil jupj ntꞌa. La tjüꞌüy pjacj yupj popa más püné ca nsem Dios jyüꞌta ntꞌa. 2 Jesús tjevele ncuwim tsjicj way. Jupj discipulopan culupwen ntꞌa tjijyünsa jupj. 3 Nin la tjiji na, Jesús tjevele: —‌Nun ma ꞌüsüs way nujola. Pꞌa casá nujola tꞌas, Dios jos jinwá. Tsjictjacj jinwá tꞌas nun. Nun ma lojí niná, nun Dios si jütüta popa nsem tulucj. Tꞌücꞌ way. 4 Nun popa pjaní pajal tsjicj jin jola jupj pꞌiyá, tsjicj niná jinwá, jupj más püné ca nsem Dios jyüꞌta ntꞌa. 5 Gente pülücj nin jinwá patja, yupj tsjicj niná jinwá. Najas nun ma nujola noypan nun pꞌiyá. Najas ꞌüsüs lojí yupj jilal napj mpes. ꞌÜsüs lojí na yupj jilal, tꞌücꞌ way ꞌüsüs lojí napj lal. 6 Malala lajay yupj jis lal, malala nin Dios lal. Tsjictjacj nepénowa japon napj lal. Pꞌa wa nin liji ne tsjictjacj nenem malala nyuca lajay, malala pajal ca nsem jupj lal, nin la tjiji mpes. Más ꞌüsüs way nsem jupj mpes, la pꞌa pe püné ꞌutsuꞌpa mwen poꞌó, ca ꞌüsǘ püné moꞌo la ntsꞌiyas jupj, mpaꞌis. 7 ”Tꞌücꞌ way nepénowa malala nyuca lajay. Yupj lajay mpes la pꞌa quelel malala nyuca lajay wa. Malala ca jis mpalas pajal, yupj nin lajay. Pajal malala ca mpalas wa nosis ntꞌa yupj malala lajay mpes. 8 Po

El Nuevo Testamento en Tol de Honduras, 2da ed. ©2010, Wycliffe Bible Translators

59

SAN MATEO 18

ma malala la müjí. Nun quelel malala lojí numos mpes, ma la müjí. Nujola tꞌas numos cjuwá jinwá. Numos tꞌü, naꞌaj la tocoyé jinwá nujola tꞌas. Más ꞌücj numos cjuwá, ne ca ꞌücj mpatjaqué Dios lal. Más malala numos matꞌe ca naꞌaj la ntsꞌiyacj nun ꞌawa püné ntꞌa, nun malala la tjüjí mpes. Neꞌaj pwe lovin. Nun quelel lowú, malala la müjí, ma la müjí. Nin pꞌiyá nujola tꞌas nutsjom cjuwá jinwá. Más ꞌücj nutsjom cjuwá, ne ca ꞌücj mpatjaqué Dios lal. Más malala nutsjom matꞌe ca naꞌaj la ntsꞌiyacj nun ꞌawa püné ntꞌa. 9 Nun quelel malala lojí nun nucú mpes pꞌin, ma ca nucú niná. Nujun tulucj jinwá nujola tꞌas nun. Nujun tꞌü, naꞌaj la tocoyé jinwá nujola tꞌas. Más ꞌücj nujun pjaní cjuwá, ne ca ꞌücj mpatjaqué Dios lal. Más malala nujun matꞌe ca naꞌaj la ntsꞌiyacj nun ꞌawa püné ntꞌa —‌nin tjevele Jesús jupj discipulopan* jis lal.

Dios pajal quelel liji tsjictjacj. (Lucas 15.3-7)

10 Jesús

tjevele wa: —‌Po ma nujola tꞌas tsjictjacj ꞌüsüs tulucj, yupj tsjicj way mpes. Dios sin jyama yupj jis angelpan*, jis majamacj tsjictjacj. Niná angelpan Dios püꞌü ntꞌa patja. Januc Mpapay Dios lovin, jupj ne tsjun poꞌó püꞌü. Mpes nun ca jus cülayé Dios quelel liji tsjictjacj. [11 Ma sa con̈ Dios, len̈ jinwá yupj Dios lal. Napj jis capj pꞌyacj mpes ca ꞌüsüs nsem yupj Dios lal ne ca mpatjam jupj lal. Napj pꞌiyá niná Yomen Dios jas tjejyamá —‌nin tjevele Jesús.] 12 Jesús sin tjiꞌyüsa lis tjiji Dios quelel liji pjü gente. Ninana tjevelá: —‌Yom pjaní oveja* ciéneya si manuna ca nacj, pajal pülücj. Oveja pjaní way tjemey, len̈ tjevyala. Mpes yom niná ca mim, ca la mpalas oveja len̈ tjevyalá. Oveja noventa y nuéveya neꞌaj lyawun̈ ca nacj jocꞌ ꞌalaꞌá, tsjutsj jalá ntꞌa. Pjü way lejen̈ mpe ca mim yomen. ¿Ncu ma tꞌücꞌ way ca nin la mijis niná? 13 Jupj jus tjinyuca na oveja len̈ tjevyalá, pajal ꞌücj jos nsem jupj. Tꞌücꞌ way niná. Más ꞌücj jos nsem oveja niná mpes, la pꞌa noventa y nueve jis lal. Noventa y nuéveya ma len̈ jis tjevyala yupj. 14 Nin wa Nupopay tsjun poꞌo püꞌü lal. Jupj ma jos tsjicj pjaní len̈ mvalas. Ma jos malala mpalas. Jupj jos pjü way ca jupj lal mpatjam —‌nin tjevele Jesús.

Nun ca mvelé nun jis pülücpan jis lal yupj malala la tjajay mpes. (Lucas 17.3)

15 Jesús

tjevele wa jupj discipulopan* jis lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 18

60

—‌Napj mpes japon nun jis pülücpan napj mpes. Jipj pyülücj pjaní malala liji jipj lal ca nacj. Malala la tjiji na, jutja jus nucun jisapj pꞌin. ꞌÜsüs way tjevele jupj lal tsjan niná jupj malala lijá. Nun pꞌin nuseya matꞌe ca mvelé. Jupj ca jola mpalas jupj malala la tjiji ca nacj. ꞌÜsüs ca la mijis quinam, mpes nun nusey manas wa ca quelel la müjí niswá. 16 Jupj ma quelel pjoca jipj velen ca nacj, mpes jipj ca mim pꞌa wa lal jupj ntꞌa. ꞌÜcj wa matꞌe jis lal mim jupj ntꞌa. Yupj ca mpjacan̈ jipj pyülücj velá. Yupj ca ꞌücj mvelecj jipj tꞌücꞌ way velen. Dios tsꞌuyupan ma polel la pon pjaní pꞌin vele. ‘Mátꞌeya javelepj yupj tjepjyacan̈, ꞌücj jis la pon. Cóntꞌeya ꞌücj jis la pon wa. Manas jipj lal jil, yupj ca mvelecj wa malala la tjiji lal. Yupj ca mvelecj yupj jisas wa jupj ca ꞌücj la mijis.’ 17 Jupj newa ma quelel pjoca nin la tjejay na, jipj ca mvelen niná Dios tsꞌuyupj jis lal. ꞌA jis tjimyula na mvelen ca. Yupj pꞌiyá ca mvelecj jipj pyülücj lal, jupj malala nyuca liji mpes. Jupj ma quelel pjoca yupj javelepj, Dios tsꞌuyupj ca mvelecj ma yupj popa jupj quinam. Ma pyona jinwá ca nsem jupj jipj lal. Jipj jele nsem jupj pecj jinwá, impuesto jaylacj jataꞌepj jinwá. 18 Nun ꞌücj wa ca mvelé ncu malala nyuca la tjajay pꞌa wa. Nun nin welé nosis casá, nin pꞌiyá Dios ca mveles tsjun poꞌó. Nun ꞌücj wa ca mvelé ncu malala nyuca la tjajay tulucj. Nun nin welé nosis casá, nin pꞌiyá Dios ca mveles tsjun poꞌó. Tꞌücꞌ. 19 Nin pꞌiyá niná: nun pꞌin nuseya matꞌe nujola pyala nin pꞌiyá lo moná Dios lal, jupj ca nu maꞌayas nun lo moná. Mpapay Dios tsjun poꞌo püꞌü ca nu maꞌayas nun lo moná nosis casá. 20 Matꞌe, contꞌe ꞌa si mulú napj mpes, napj ꞌos wa yupj jis lal. Nin mpes ca ntꞌanquecj Dios lal la mon —‌nin tjevele Jesús yupj jis lal.

21 Yacjaya

Lovin perdonar la müjí nun sejatjampan.

Pedro tjacꞌ Jesús ntꞌa. Tjevele Jesús lal: —‌Nejepa, ¿la nol perdonar la mejay napj natjam, jupj malala la nijá? ¿Ncu la siéteya ꞌücj perdonar la mejay jupj? 22 Jesús tjevele jupj lal: —‌La siéteya tulucj. Jipj lovin ca perdonar la mijin jipj jetjam —‌nin tjevele Jesús. 23 Jesús parábola* tjevele wa Pedro lal. Jas tjiꞌyüsa la tjiji Dios jos ncupj lovin perdonar lijicj la pꞌa wa. Ninana nin tjevele: —‌Napj ca mvelé ꞌonin ne nin liji Dios jupj jyüꞌta lal. Jepa püné poꞌó ca mvelé napj. Dios liji wa jepa püné niná jinwá. Jepa püné quelel

El Nuevo Testamento en Tol de Honduras, 2da ed. ©2010, Wycliffe Bible Translators

61

SAN MATEO 18, 19

seletsja nol leveltsja jupj jomozopan jupj lal. Jostsja ca jaylacj la mijicj quinam. 24 Nin mpes jupj vele watsja jomozopan jis lal. Nasa nin lajaytsja na, mozo pjaní lal jiquil watsja jupj ntꞌa. Mozo niná level pünetsja. Peso millón quínceya leveltsja jupj lal. 25 Mozo ma polel jaylacj la tjiji, ma tjeꞌyaya. Nin mpes jepa tjijyüꞌta jupj jomozopan ca vender la mijicj mozo niná. Esclavo* ca nsem jupj. Tjevele ca vender la mijicj wa jupj jatsꞌom, jupj jutsꞌuyupj ꞌotsꞌipj, pjü way jupj tyaꞌa watsja ꞌotsꞌipj. Tꞌemel ca jaylacj mpalas level mpes. 26 Mozo pajal la tjemyona jepa ma ca nin la mijis. Tüicꞌ jin tjáꞌasa jepa wolapꞌaꞌá. La tjemyona: ‘ꞌIn la ntjinucú. Tülü way ca jaylacj la mejay pjü.’ 27 Nin tjevele na, jupj jepa pajal jólatsja jupj mpes. Tjevele ca perdonar la mijis level mpes. Tjevele ꞌücj la winin. 28 ”Mpes tjemey mozo niná. Tjemey na, mozo niná tjinyuca mozo pꞌa wa. Niná leveltsja mozo mwalá way lal. Jupj level pjaní waytsja pꞌin. Mozo mwalá ntjüiꞌle jupj mwen poꞌó. Tjevele level lal: ‘Jaylacj la mijin jipj level napj lal’, 29 Jupj level tjevele: ‘ꞌIn la ntjinucú. Tülü way ca jaylacj la mejay’. 30 Mozo mwalá ma jostsja. Jepapan ntꞌa tjemey. Tꞌya tjevele la pꞌa ma jaylacj la tjiji level. Tjiquil, ntjiꞌlin̈ level líjitsja mpes. Cawilta moꞌo tjoꞌonsopj jupj. Tjowelepj neꞌaj ca mpüꞌüm jupj, pjü way jaylacj la tjiji nas. 31 La pꞌa wa mozopan tjunuc nin tepyalá. Pajal ꞌaplijílatsja mozo mwalá ma perdonar la tjiji maꞌajapj. Tjil yupj jis jepa ntꞌa, pjü tjowelepj tepyalá. 32 Jepa püné tjevele ncuwim mozo mwalá. Tjevele jupj lal: ‘Malala jipj pajal. Jipj pajal la tjemyon napj lal, mpes tjevelé ca perdonar la mejay jipj level mpes. 33 ¿Tsjan mpes ma nin pꞌiyá la tjejay jipj, mozo la pꞌa wa lal? Napj nólatsja jipj mpes. ¿Tsjan pjucj ma jéletsja mozo pꞌa wa mpes?’ nin tjevele jepá. 34 Jepa tsꞌi ꞌinyatsja pajal. Tjevele ca cus ntülücj mozo niná. Tjevele lovin ca cus ntülücj, pjü jaylacj la tjiji nas. 35 Nun ma quelel perdonar lojí nun sejatjampan, Mpapay Dios ca nin pꞌiyá la mijis nun jis lal —‌nin tjevele Jesús.

19

Dios ma jos niyom pjeꞌá la tsꞌi yupj sejatsꞌom. (Marcos 10.1-12; Lucas 16.18)

1 Jesús tecyawaja tjevele jupj quelel véletsja. Tꞌücꞌ tjevele na, tjemey jupj Galilea mpe. Niswa tjemey Judea ntꞌa. ꞌÜsǘ naꞌaj poꞌó wínetsja. Niná ꞌüsǘ Jordán lotsja. 2 Gente pülücj ꞌa jis tjimyula jupj ntꞌa jümücj ntꞌa, cus la con̈. Nepénowa yupj malala jisastsja. Jesús jis tjiꞌyüꞌsa lis tjiji neꞌaj, jümücj ntꞌa. 3 Fariseopan* nepenowá tjiquil wa

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 19

62

Jesús ntꞌa. Quelel la ꞌüytsja jupj lal. Yupj ma jisastsja Jesús. Yólatsja yupj la ꞌüytsja pajal costa nsem jis wala la veles. Yólatsja jupj mveles malala ca nsem judiopan* jis lal. Yupj la tjüꞌüy: —‌¿Ncu ꞌücj Dios lal yom se jamá jupj jatsꞌom, jupj jos mpes pꞌin? Malala tulucj jupj jatsꞌom ca nacj. 4 Jesús jis wala tjevele: —‌¿Ncu ma moꞌo tjowelé Dios Popel nun? Jupj Popel nin vele Dios pꞌiyá la tjiji gentas. ‘La tjiji wa niyom, nequem, ꞌücj ca mwayin̈ yupj.’ 5 Dios tjevele: ‘Yom ca mim popay mpe, jamay mpe, jatsꞌom lal lo pütꞌüs. Ca quelel la mijis jupj. Manas ca jüpꞌüy pjaní jinwá nsem yupj.’ 6 Nin mpes yupj matꞌe tulucj, tjewyayin̈ na. Pjaní pꞌin yupj Dios lal. Dios yugo sey pjucj poꞌó tipyünta jinwá la tjiji. Dios pꞌiyá nin la tjiji na, gente ma polel sin tjan sin majamacj —‌nin tjevele Jesús. 7 Fariseopan* tjowelepj: —‌Moisés* tjevele Dios tjijyüꞌta püná. Jupj tjevele yom ca papel mpaques, jatsꞌom pjeꞌá li tsꞌiyá na. Papel ca mveles quepan jupj jatsꞌom tulucj quinam. Moisés tjevele yom papel ca maꞌayas jupj, ca jas majamas jupj jatsꞌom. ¿Tsjan mpes Moisés tjevele jupj ca ꞌücj la mijis niná? 8 Jesús yupj jis wala tjevele: —‌Nun ma ꞌüsüs quelel lojitsja, Dios jos jin. Nin mpes Moisés* nin tjevele ꞌücj jas majamá nun sejatsꞌompan. Dios nosis la tjiji na, jupj ma jostsja yom nin la qjuijis. 9 Napj najas más ꞌüsüs lojí püna la tjajay jis lal. Ma najas nun sejatsꞌom so jamá. Yom se jamá jatsꞌom, pꞌa lal woya ca nacj. Pꞌa lal woya na, Dios ca jola nsem yom niná ma jatsꞌom neꞌaj myaꞌna. Malala lajay pꞌin Dios lal. Jetsꞌom la pꞌa lal wine, nin mpes pꞌin ꞌücj se jam mim —‌nin tjevele Jesús. 10 Jupj discipulopan* tjowelepj jupj lal: —‌Po ꞌin costa way niná la mijicj jipj tjevelen jinwá. Jipj velen yom ma polel pjeꞌá li tsꞌiyá jupj jatsꞌom, jupj jos na. Más ꞌücj ma ca mwayim ca nacj. 11 Jesús tjevele: —‌Costa way patja niyom sejatsꞌom tulucj. Dios jis capj pꞌyaꞌsa niyom nepenowá. Yupj ꞌücj wa patja sejatsꞌom tulucj. La pꞌa wa ma polel jis la jay niná. 12 Niyom nepenowá ma quelel wyayin̈. Lovin nintsja yupj. Nepénowa malala jis tepyala jis jüpꞌüy, la pꞌa wa malala lis tjajay mpes, nin mpes ma polel wyayin̈ nepenowá. Nepénowa yupj jinwá tulucj. Yupj ꞌücj wyayin̈. Yupj sin nin ma wyayin̈, Dios mpes tsjiꞌ lajay mpes. Nepénowa ꞌücj nin lajay napj velé jinwá. ꞌÜcj nin lajay, ca nin la mijicj ninam —‌nin tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

63

13 Nepénowa

SAN MATEO 19

Jesús jos tsjictjacj jiquil jupj ntꞌa. (Marcos 10.13-16; Lucas 18.15-17)

tjiquil Jesús ntꞌa tsjictjacj jis lal. Jisastsja tsjictjacj sey pjucj poꞌó ca po la moꞌotꞌes Jesús. Jisastsja wa jupj Dios lal mveles tsjictjacj mpes. Jesús discipulopan* jis capj tjowelel tsjictjacj jis lal tjiquil mpes. 14 Mopꞌin ꞌüctsja Jesús lal yupj tjiquil. Jupj tjevele: “Jis maꞌayá ca ncul tsjictjacj napj ntꞌa. Po ma jis müjüꞌtǘ ma ncul. Gente japon tsjictjacj japon jinwá, Dios ꞌücj si jütüta yupj.” 15 Jesús nin tjevele na, tsjictjacj sey pjucj po la tjeꞌyotꞌa. Nin la tjiji na, tjemey neꞌaj patja mpe.

Costa way pülücj jatatj Dios si jütüta popa se palá yupj. (Marcos 10.17-31; Lucas 18.18-30)

16 Yom

pjaní tjacꞌ Jesús ntꞌa. Tjevele jupj lal: —‌Jipj sin ꞌyüsa lejay Dios mpes. ¿Tsjan ꞌüsüs ca la mejay napj ne Dios ca maꞌayas napj ca ꞌücj mpüꞌüs lovin jupj lal? 17 Jesús tjevele: —‌¿Tsjan mpes napj lal nla ꞌyüy tsjan ca la mijin pajal ꞌüsüs? Pjaní way pꞌin ꞌüsüs. Jipj jyas mpüꞌüm jupj lal, nin la mijin jupj jyüꞌtá. 18 Yom tjevele: —‌Jupj pülücj tjijyüꞌta. ¿Cana ca la mejay jupj tjijyüꞌtá? Jesús tjevele jupj lal: —‌‘Ma ca müꞌüꞌnan la pꞌa. Niyom ma ca neꞌaj manucj sejatsꞌom tulucj. Nequem ma ca mal jis vayum tulucj jis lal. Ma ca mpequem. Ma la ntsawilin. 19 Ca ꞌüsüs la mijin pyapay lal, jemay lal, yupj noypan mpes jipj lal. Quelel lis mijin neꞌaj patjá. Jipj pꞌiyá quelel la ꞌejay jinwá, ca quelel lis mijin yupj’ —‌nin tjevele Jesús. 20 Tjamacjas niná tjevele Jesús lal: —‌Pjü way niná tꞌücꞌ la tjejay jipj tjevelen jinwá. ¿Ncu pjaní way ma lejay custjay? 21 Jesús tjevele jupj lal: —‌Pjaní way ma lejay custjay Dios jos jinwá. Jipj ꞌüsüs way quelel lejay Dios jos jin, jipj ca vender la mijin jipj jitsꞌaꞌá pjü way. Tꞌemel así way ca jis maꞌayan tꞌemel cjuwá. Jutja, ca nin la mijin. Mpes pülücj ca ntꞌan tsjun poꞌó, Dios püꞌü ntꞌa. Nin la tjejay na, ncuwim napj ntꞌa, ca ncapj ncon̈con. Jipj ca jin müꞌüsüs napj lal —‌nin tjevele Jesús jupj lal. 22 Tjamacjas tjapjaca na niná Jesús tjevelá, ꞌaplijila tepyala. Tjemey jupj Jesús mpe. Pülücj tyáꞌatsja, mpes ma quelel así ꞌyáyatsja jupj jutsꞌaꞌá cjuwá jis lal. 23 Tjamacjas tjemey na, Jesús tjevele jupj discipulopan* jis lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 19, 20

64

—‌Nin lovin, pülücj jatatj jis lal. Pajal costa way Dios si jütüta popa se palá yupj. Tꞌücꞌ way niná. 24 Nin pꞌiyá nin velé. Pajal costa way camello* jav jul casá jama. Camello ma polel nin liji niná. Más ꞌin costa way pülücj jatatj Dios si jütüta popa ca jis mpalas —‌nin tjevele Jesús. 25 Jupj discipulopan* tjepjyacan̈ na niná, pajal yólatsja jupj tjevele mpes. Yupj tjowelepj: “Pajal costa way Dios si jütüta popa se palá yupj. Pjü way ma ꞌüsüs se palá Dios lal ca nacj, ma mpatjam Dios lal.” 26 Jesús yus tjinyuca, tjevele: —‌Gente yusapj pꞌin ma polel ꞌüsüs se palá Dios lal. Dios ꞌücj nin liji pjü way niná yupj mpes —‌tjevele. 27 Pedro jola tepyala tjamacjas ma quelel jámatsja jupj jutsꞌaꞌá mpe, ꞌücj la pütꞌüs Dios lal. Mpes Pedro tjevele Jesús lal: —‌Ncupj cutsꞌaꞌá jatja tjeleque jipj lal. Tjeleque cyapj la con̈. ¿Tsjan ca ntꞌanquecj niná la tjijicj mpes? 28 Jesús tjevele jupj lal, la pꞌa wa discipulopan* jis lal wa: —‌Napj pꞌiyá niná Yomen Dios jas tjejyamá. Pꞌa jawasa Dios ca pjü seyasa la mijis nosis ntꞌa. Seyasa liji na, napj Jepa ca moꞌos. Pajal püné ca nsem napj. Nun ncapj con̈có quinam, nun jepapan ca nsem ꞌotsꞌipj, nin tepyala na. Nun jepapan dóceya nsem, israelpan* jis tribu dóceya jis la jütütj. Nun ca mvelé israelpan jis lal ncu malala la tjajay nosis ntꞌa. Nin ca nsem nun ncapj tocon̈có mpes. Tꞌücꞌ way. 29 Nin pꞌiyá ꞌüsüs lejay napj lovin ncapj tocon̈ jis lal. Nepénowa jil jis wa nepé ncapj jacon̈ mpes. Nepénowa jil jis pülücpan nepé. Jis papay, sejamay nepé jil nepenowá. Nepénowa jil jis tsꞌuyupan nepé. Nepénowa jil jis moma mpe, ncapj jacon̈ mpes. Napj pajal pülücj ca jis maꞌayá nin la tjajay mpes. Pjaní way pꞌin tjáꞌasa tjil ca nacj. Napj ciéneya ca jis maꞌayá yupj pjaní way tjaꞌayapj mpes. Lovin ca mpatjam Dios lal ꞌotsꞌipj, nin ca la mejay napj yupj mpes. 30 Nepénowa püna pꞌin topon napj lal, yupj tsjictjacj ca nsem napj Jepa ꞌos na. Nepénowa pꞌa jawasa ca mponecj, noypan ca nsem yupj. Nin ca nsem pülücj jis lal —‌nin tjevele Jesús.

20

1 Jesús

Parábola uva lejen̈ ntꞌa tsjiꞌ lajay mpes.

parábola* tjevele wa sin la ꞌüsüs jis la jay. Sin tjiꞌyüsa lis tjiji ꞌonin ca jis maꞌayas Dios Jesucristo cus tocon̈ jis lal. Ninana Jesús tjevelá: —‌Napj ca mvelé ꞌoyn nyuca liji Dios, jupj jyüꞌta ntꞌa. Yom poꞌo ca mvelé. Yom niná ꞌamá püné tyaꞌa, pülücj sine mpes. Dios liji yom niná liji jinwá. Niná yom mozopan jostsja jupj. Po ꞌin püstapj tjemey, la tepyala niyom El Nuevo Testamento en Tol de Honduras, 2da ed. ©2010, Wycliffe Bible Translators

65

SAN MATEO 20

nepenowá, jupj jomozopan nsem. Tjevele ca tsjiꞌ la mijicj jupj uva lejen̈ ntꞌa. 2 Yupj tjowelepj ꞌücj ca tsjiꞌ la mijicj tsꞌacꞌ pjaní tꞌemel mpes, tsꞌacꞌ pjaní tsjiꞌ lajay jaylacj mpes. ꞌÜctsja niná yom lal. Sin tjejyama tsjiꞌ la mijicj jupj uva lejen̈ ntꞌa. 3 Yacjaya yom tjemey jis wa nepénowa lejen̈ ntꞌa. Las nueve ca nactsja. Yom yus tjinyuca niyom nepénowa yupj lejen̈ pꞌintsja, ma tsjiꞌ lajaytsja. 4 Yom tjevele yupj jis lal: ‘Nun pꞌiyá ca nlawú wa, ca tsjiꞌ la müjí napj uva lejen̈ ntꞌa. Napj tꞌücꞌ way ca jaylacj la mejay nun tsjiꞌ lojí mpes.’ 5 Mpes tjil yupj tsjiꞌ jis la jay. ”Yacjaya, culupwen ntꞌa tjáꞌasa na, yom tjemey wa niswá yupj jis wa lejen̈ ntꞌa. Nin pꞌiyá tjevele jupj niyom ma tsjiꞌ lajaytsja jis lal. Jupj nin pꞌiyá la tjiji wa las tres na, tꞌawaná. Sin tjejyama wa tsjiꞌ jis la jay neꞌaj. 6 Yacjaya tjemey wa niswá yomen. Neꞌaj jáꞌasa las cinco pyala na quinam. Jupj pꞌa wa yus tjinyuca ma tsjiꞌ lajay. Mpes jupj jis la tjiꞌyüya yupj jis lal: ‘¿Tsjan mpes nun pꞌin lüjüquetsja, tsjiꞌ liji secj tsꞌacꞌ pjaní?’ 7 ‘Len̈ pjacj mozo jostsja yacjaj’, nin tjowelepj yupj. Yom jis lal tjevele: ‘Lowa wa nun, ca tsjiꞌ la müjí napj uva lejen̈ ntꞌa’. 8 ”Nasa tꞌyaja na, yom uva jutsꞌaꞌá tjevele mozo pjaní lal. Mozo niná jépatsja la pꞌa wa mozopan jis lal. Yom tjevele jupj lal: ‘Tjevele ncul uva lejen̈ ntꞌa tsjiꞌ lajay. Tꞌemel jis tjeꞌyaya yupj, tsjiꞌ la tjajay jaylacj. Mwalá way ca tꞌemel jis maꞌayan locopyaya sin tjejyam jis lal. Jis tjeꞌyan na, ca jis maꞌayan wa mwalá way sin tjejyam jis lal’, nin tjevele yom uva jutsꞌaꞌá. 9 ”Niyom nepénowa tꞌawaná tjil, las cinco na, hora pjaní tsjiꞌ la tjajay. Mpes yupj mwalá way tjiquil, natj tꞌemel. Tsꞌacꞌ pjaní tsjiꞌ la tjajay jinwá natj yupj pjü. 10 Yacjaya niyom pꞌa wa tjiquil tꞌemel mpes. Niyom nenem mwalá way tsjiꞌ la tjajay tjil yupj, püstapj pꞌin. Tsꞌacꞌ pjaní tsjiꞌ la tjajay yupj, mpes yupj yólatsja yom uva jutsꞌaꞌá más ꞌin pülücj way jaylacj la mijis yupj jis lal. Nin tuluctsja. Tꞌemel tsꞌacꞌ pjaní tsjiꞌ lajay jaylacj natj wa yupj pjü. Nin pꞌiyá jaylactsja. 11 Mpes yupj jis tꞌemel natj na, malala poꞌo javeleptsja yom uva jutsꞌaꞌá lal. 12 ‘Jipj locopyaya sin tjejyam niná noyomes. Hora pjaní pꞌin tsjiꞌ la tjajay’, tjowelepj yupj. ‘Cupj tsꞌacꞌ pjaní tsjiꞌ la tjijicj cupj. Pajal vyaja pwetsja tsjiꞌ la tjijicj cupj. Mopꞌin jipj nin pꞌiyá jis tjeꞌyan wa yupj ncupj qjuis tjeꞌyan jin pꞌiyá. Malala nin’, tjowelepj yupj. 13 ”Uva jutsꞌaꞌá tjevele yupj popa pjaní lal: ‘Najamica —‌tjevele jupj—‌, napj malala la tjejay tulucj nun jis lal. Jipj tjevelen ꞌücj ca tsjiꞌ la mijin tsꞌacꞌ pjaní, ne napj jaylacj lejaytsja jipj tsꞌacꞌ pjaní tsjiꞌ la tjejay mpes. 14 Ntꞌya jipj tꞌemel. Jutja quinam wya ntꞌa. Napj quelel jaylacj lejay watsja nin pꞌiyá locopyaya jas tjejyam lal; jipj lal jaylacj la tjejay jin pꞌiyá, nin pꞌiyá jaylacj lejay jupj lal. 15 Tꞌemel niná napj ntꞌemel. Napj ꞌücj ꞌya napj ntꞌemel napj najas jinwá. ¿Ncu tsꞌüis jipj napj ꞌüsüs la tjejay mpes?’ nin la tjiꞌyüya uva jutsꞌaꞌá.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 20

66

16 Jesús

tecyawaja tjevele parábola* quinam. Tjevele: —‌Nin jinwá liji Dios. Nepénowa locopyaya topon napj mpes, noypan ca nsem yupj ca nacj napj Jepa ꞌos na. Nepénowa püna pꞌin topon, tsjictjacj ca nsem napj Jepa ꞌos na. Dios véletsja pülücj jis lal ca yupj ncul jupj ntꞌa, mopꞌin ma jiquil nepenowá. Dios pꞌiyá lis tꞌya pjacj mpatjam jupj lal. Pjaní way pꞌin lis tꞌya —‌nin tjevele Jesús. Jesús niswa tjevele ca mpaꞌis, ca niswa jas müjünsüs la pütꞌüs. (Marcos 10.32-34; Lucas 18.31-34)

17 Jesús newa jámatsja Jerusalén ntꞌa. Jámatsja na jümücj ntꞌa, Jesús jas tjan

tjemey jupj discipulopan* dóceya jis lal pꞌin. Tjevele yupj jis lal: 18 “Jerusalén ntꞌa leque quinam. Napj pꞌiyá niná Yomen Dios jas tjejyamá. Dios ca jis maꞌayas niyom nepenowá malala la mijicj napj lal; sacerdote* noypan ca nin la mijicj, Moisés* popel sin ꞌyüsa lajay ca nin la mijicj wa. Yupj ca mvelecj napj malala la tjejay. Ca mvelecj ca ncapj ntülücj, ma patsꞌ. 19 Mpes ca ma manucj judiopan* tulucj ntꞌa. Judiopan tulucj ca la mpjütsꞌünücj, ca ma süpücj. Ca cruz* poꞌo ca ma valacj napj, ma patsꞌ. Tsꞌacꞌ contꞌe na, ca nin müjünsǘ, mpüꞌüs niswá”, nin tjevele Jesús.

Más ꞌücj Jesús sa con̈ ma püné jin yola yupj pꞌiyá. (Marcos 10.35-45)

20 Locopyaya,

Zebedeo jatjampan sejamay tjacꞌ la veles Jesús lal. Jupj jatjampan tjiquil wa yupj sejamay lal. Sejamay tüicꞌ jin tjáꞌasa Jesús wolapꞌaꞌá, la tjemyona Jesús ca ꞌüsüs la mijis jupj mpes. 21 —‌¿Tsjan jyas? —‌la tjiꞌyüya jupj. Yupj sejamay tjevele: —‌Najas natjampan jipj lal pꞌin majatjum, jipj Jepa jacꞌ na. Najas pjaní wa jipj liꞌinyampe maꞌajam, maꞌajapj maꞌajam wa jipj nancupwepe najas. Nin la mijin, ma ꞌen —‌tjevele. 22 Jesús tjevele yupj jis lal: —‌Nun ma solejé tsjan niná nun lo moná. Malala ca ma palas napj. ¿Ncu ꞌücj wa nun lal ca malala nu mpalas nun, napj malala ne palá jinwá? —‌ꞌÜcj wa niná cupj qjuis lal —‌nin tjowelepj yupj. 23 Jesús tjevele yupj jis lal: —‌Nin ca nsem nun lal. Ca malala nu mpalas, malala ne palá jinwá. Newa nin, napj ma polel velé nun ca majatjaqué napj lal, pjaní wa liꞌinyampe, pjaní wa nancupwepe. Mpapay nasa la tꞌya pjacj ca majatjum neꞌaj. ꞌÜcj la tjiji nasa yupj majatjum ntꞌa —‌nin tjevele Jesús yupj jis lal.

El Nuevo Testamento en Tol de Honduras, 2da ed. ©2010, Wycliffe Bible Translators

67

SAN MATEO 20

24 Jesús

discipulopan* pꞌa witjacj jus nlay niná la tjomon yupj. Jus nlay yupj la tjomon ca noypan nsem Jesús Jepa tepyala na. Mpes la pꞌa wa discipulopan diéziya tsꞌa tjiꞌin discipulopan matꞌe jis lal. 25 Mpes Jesús nin tjevele ca pjü ꞌa jis mulus. Tjiquil na, tjevele yupj jis lal: —‌Judiopan* tulucj jis jepapan jajütütj la pꞌa wa, yupj noypan mpes. Yupj jis auxiliarpan yümücj se jütütj wa neꞌaj patjá. 26 Nin tulucj ca nsem nun jis lal. Nun pꞌin nujos noypan nsem nun, ca pajal ꞌüsüs la müjí la pꞌa mpes. Yupj jis mozo jinwá nsem nun. Nin lojí na, noypan nsem nun. 27 Nun nujos más ꞌüsüs ca nsem nun pjü jis lal, ca ꞌüsüs la müjí lovin la pꞌa jis lal. Yupj jis esclavo* jinwá ca nsem nun. Nin lojí na, más ꞌüsüs nsem nun la pꞌa jis lal. 28 Nin pꞌiyá lejay napj. Napj pꞌiyá niná Yomen Dios jas tjejyamá. Napj tjacuwis jis capj la pꞌacj la pꞌa wa. Yupj ncapj japꞌacj mpes tjacuwis tulucj. Malala jis tepyala nosis casá patja, malala la tjajay mpes. Napj ma patsꞌ ca yupj mpes. Nin mpes yupj sin popa pülücj ca ꞌüsüs nsem Dios lal —‌nin tjevele Jesús jupj discipulopan* jis lal.

29 Jesús

Jesús jis tjiꞌyüꞌsa lis tjiji niyom yun tulucj. (Marcos 10.46-52; Lucas 18.35-43)

neꞌas tjemey watsja Jericó poꞌó jupj discipulopan* jis lal. Nasa jiltsja Jericó mpe. Gente pajal pülücj jupj lal jiltsja. Cus tocon̈ jümücj ntꞌa. 30 Niyom matꞌe jümücj la ntꞌa játjatsja. Yun tuluctsja yupj manas. Pꞌa wa jis wala tjowelepj Jesús neꞌaj wa ca mim. Mpes niná manas yümücj tjowelepj: —‌Q juis Jepa, qjuis capj tjepꞌyaꞌsa. Dios jin tjejyama nosis ntꞌa. Jipj David* püna tüpüꞌü popa pꞌiyá —‌nin tjowelepj yupj. 31 Pülücj way Jesús cus tocon̈ sin popé jis capj tjowelel la tupuyupj mpes. —‌Lyájasa tꞌas —‌tjowelepj yupj. Más yümücj la tupuyupj: —‌Q juis Jepa, qjuis capj tjepꞌyaꞌsa. Dios jin tjejyama nosis ntꞌa. Jipj David* püna tüpüꞌü popa pꞌiyá —‌tjowelepj yupj. 32 Jesús tyantaná. Tjevele ncul yupj. La tjiꞌyüya yupj jis lal: —‌¿Tsjan nujos napj la mejay nun mpes? 33 —‌Po quelel nyucucj —‌tjowelepj yupj. 34 Jesús pajal jólatsja yupj mpes, malala jis tepyala mpes. Po la tjeꞌyotꞌa yun poꞌó. Yun po la tjeꞌyotꞌa na, len̈ way ꞌücj januc jis tepyala yupj. Yupj sa con̈ watsja Jesús quinam, sin la ꞌüsüs yupj jupj lal.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 21

21

68

Jesús Jerusalén moꞌo tjemey jepa püné jinwá. (Marcos 11.1-11; Lucas 19.28-40; Juan 12.12-19)

1 Neꞌaj

way pꞌintsja quinam Jerusalén ntꞌa. Neꞌas tjil Betfagé poꞌó nepénowa tapatja ntꞌa. Jis wa neꞌaj lejen̈tsja tucucꞌ poꞌó, niná tucucꞌ Olivos ló. Neꞌas tjil na Betfagé ntꞌa, Jesús mwalá sin tjejyama jupj discipulopan* mátꞌeya. 2 Tjevele yupj jis lal: “Lowa yupj jis wa lejen̈ ntꞌa. Neꞌas tjalawú na, nun ca nucú soysoy tsyuꞌpa ton̈ca. Soysoy tsjicj neꞌaj ton̈ca jamay lal ca nucú wa. ꞌOsocté, ncumaná ma ꞌe manas. 3 Pꞌa wa ca nu la müꞌüyas tsjan mpes socté, monú soysoysos ca nacj. Nin vele niná, nun ca mvelé Nujepa jos yupj. Tjowelé na niná, jupj len̈ way ca mveles ꞌücj monú soysoysos”, nin tjevele Jesús yupj jis lal. 4 Nin mpes nin tepyala profeta* pjaní tjevele pajal püna. Ninana jupj tjevelá Dios mpes: 5 “Tjowelé Jerusalén ntꞌa patja jis lal: ‘Tjunuca nun. Nun jis jepa jacꞌ nun ntꞌa. ꞌÜsüs jupj. Lyájasa wine. Ma le palana. Soysoy casá jáꞌasa jama. Soysoy tsjicj casá jáꞌasa jupj.’ ” Nin tjevele profeta. Tjevele Jesús ca nin la mijis. 6 Discípulo* manas tjil Jesús tjevele jinwá. Nin la tjajay Jesús tjijyüꞌta jin. 7 Tucuman soysoy jamay soysoy tsjicj lal. Sin quip soysoy casá tjoꞌonsopj, casá lo ꞌosos Jesús. Casá jáꞌasa tjemey Jerusalén ntꞌa, pülücj patja ntꞌa. 8 Gente pülücj sa con̈tsja Jesús jümücj ntꞌa. Pülücj yupj sin popé jümücj poꞌo tapajatj yupj sin quip. Nepénowa manaca pjwel tapajatj jümücj poꞌó. Nin la tjajay ꞌüsüs lo pal jümücj poꞌó, Jesús jama ntꞌa. 9 Gente pülücj mwalá tjil jümücj ntꞌa. Pülücj wa cjüil tjil. Pjü way yümücj la tupuyupj Jesús ꞌüsüs. Tjowelepj: “ꞌÜsüs pjac tjowelé Jesús poꞌó. Jupj niná Yomen Dios tjevele ca jas majamas. David* püna tüpüꞌü popa pꞌiyá jupj. Dios pajal ꞌüsüs ca la mijis jupj mpes. Dios mpes vele jupj, Dios ne cupj qjuis Jepa Püné. Tsjun poꞌo patja ꞌüsüs pjac ca mvelecj wa Jesús poꞌó.” Nin tjowelepj yupj jümücj ntꞌa. 10 Jesús neꞌas tjemey Jerusalén ntꞌa. Neꞌas tjemey na, pjü way Jerusalén moꞌo patja javeleptsja Jesús nasa tjacꞌ. Yupj jis la tjüꞌüy:

El Nuevo Testamento en Tol de Honduras, 2da ed. ©2010, Wycliffe Bible Translators

69

SAN MATEO 21

—‌¿Pjacj niná, jepa püné jinwá tjacꞌ? 11 Jesús cus tocon̈ tjowelepj: —‌Ninana Jesús. Profeta* jupj. Nazaret mpe ꞌesepj jupj, Galilea mpe se jütütj mpe —‌nin tjowelepj yupj la pꞌa jis lal.

12 Jesús

Jesús ma jostsja malala la tjajay Dios wo ntꞌa. (Marcos 11.15-19; Lucas 19.45-48; Juan 2.13-22)

wama tjemey Dios wo* ntꞌa Jerusalén poꞌó. Vender lajaytsja neꞌaj játjatsja. Jaylacj lajay neꞌaj jatja watsja. Jesús pjeꞌá sin tjejyama jis la winin pjü way. Ma jostsja nin lajay Dios wo ntꞌa. Nepénowa judiopan* jis tꞌemel vender lajaytsja romanopan* jis tꞌemel mpes. Judiopan jis tꞌemel mpes pꞌin ꞌücj jaylacj lajaytsja neꞌaj, Dios wo ntꞌa. Jesús yus tsꞌeptaná yupj jis mesa. Nepénowa sipipj vender lajaytsja. Jupj yus tsꞌeptaná wa yupj jis banco tsjictjacj. 13 Tjevele: “Dios Popel vele wa Dios tjevele jupj wo poꞌó. ‘Ninana nawá mpe javelepj napj lal —‌tjevele—‌. Nin ca ló nsem wosis’, tjevele jupj. Nun ma nujos niná. Nun la tjüjí pwecapan ꞌa si mulú quiꞌá”, nin tjevele Jesús. 14 Jesús Dios wo* ntꞌa jáꞌasatsja na, nepénowa yun tulucj tjiquil jupj ntꞌa. Nepénowa ma polel lyawun̈tsja tjiquil wa jupj ntꞌa. Jis tjiꞌyüꞌsa lis tjiji. 15 Sacerdote* noypan tjunuc Jesús pajal ꞌüsüs la tjiji. Niyom Moisés* popel sin ꞌyüsa lajay tjunuc wa. Tjepjyacan̈ wa tsjictjacj tjowelepj Jesús pajal ꞌüsüs. “Dios ca cus mpꞌaꞌsas Jesús —‌nin la tupuyupj tsjictjacj—‌. Jupj David* püna tüpüꞌü popa pꞌiyá”, tjowelepj yupj. Sacerdote* noypan tsꞌa ꞌintsja tsjictjacj nin tjowelepj mpes. Nin pꞌiyá niyom Moisés* popel sin ꞌyüsa lajay. Tsꞌa ꞌintsja wa yupj. 16 Yupj la tjüꞌüy Jesús lal: —‌¿Ncu tjapjacꞌ tsjictjacj javelepj? —‌Tjapjacas —‌tjevele Jesús—‌. Dios Popel vele: ‘Dios la tjiji tsjictjacj ꞌücj wa jis la veles Dios ꞌüsüs’. ¿Ncu lovin ma moꞌo tjowelé niná? —‌nin la tjiꞌyüya Jesús yupj jis lal. 17 Nin tjevele na, tjemey Jerusalén mpe. Betania moꞌo tjemey ca majas püste mpes.

18 Püstapj

Lovin nin pꞌiyá pyala Jesús velá. (Marcos 11.12-14, 20-26)

na niswa tjacꞌ Jesús Jerusalén ntꞌa. Jümücj poꞌo jámatsja na, vecj péꞌetsja jupj. 19 Higuera tjinyuca jupj jümücj la ntꞌa. Higuera niná julupj ꞌüsüs lo pis. Jesús la tepyala julupj. Cjuwatsja jupj. Joló pꞌin tjinyuca. Mpes Jesús tjevele higuera lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 21

70

—‌Lovin ma ca mvalas jipj quinam. Niná tjevele na, len̈ way tsꞌüique higuera niná. 20 Jesús discipulopan* tjunuc niná tepyalá. —‌Po ꞌin len̈ way tsꞌüique jupj, jipj tjevelen na —‌tjowelepj yupj. 21 Jesús tjevele yupj jis lal: —‌Nun poné na Dios lal, ꞌücj ca nin pꞌiyá la müjí, napj la tjejay jinwá. Nun newa poné ca nin mpalas nun welé jinwá, ꞌücj wa ca nin la müjí higuera lal, napj la tjejay jinwá. ꞌÜcj wa ca mvelé jocꞌ lal: ‘Jutja jipj ꞌüsüma ntolo ꞌüsǘ püné moꞌó’. Nun poné ca nin mpalas, ca nin mpalas. Ninana ne tꞌücꞌ. 22 Nun Dios lal poné na, Dios ca nin la mijis nun lo moná jupj lal. Pjü lo moná, pjü ca nu maꞌayas —‌nin tjevele Jesús yupj jis lal.

Judiopan jis jepapan la tjüꞌüy Jesús lal tsjan mpes ꞌücj si jütüta. (Marcos 11.27-33; Lucas 20.1-8)

23 Jesús

niswa wama tjemey Dios wo* moꞌó Jerusalén ntꞌa. Sin ꞌyüsa lis tjiji neꞌaj ꞌa jis tjimyula jis lal. Newa sin ꞌyüsa líjitsja na, niyom nepénowa tjiquil jupj ntꞌa. Yupj nepénowa sacerdote* noypan, nepénowa coꞌmüypan* judiopan* jis lal. Yupj la tjüꞌüy Jesús lal: —‌¿Pjacj ꞌe tjeꞌaya ꞌücj nin lejay, jipj lejay jinwá? ¿Pjacj ꞌi tjüjütüta nin lejay jipj? —‌nin la tjüꞌüy Jesús lal. 24 Jesús jis wala tjevele: —‌Napj ca nu la müꞌüy ꞌotsꞌipj. Pjaní way pꞌin nu la müꞌüy. Nun nawala tjowelé na niná, napj ca mvelé wa nun lal pjacj ntjijütüta nin lejay. 25 Ninana nu la ꞌyüy: ¿Pjacj tjeꞌyaya Juan el Bautista ꞌücj bautizar* la tjiji? ¿Ncu Dios pꞌin tjijyüꞌta ca nin la mijis? ¿Ncu gente pꞌin jisastsja ca nin la mijis jupj? —‌nin jis la tjiꞌyüya Jesús. Yuwá tjowelepj sacerdote* noypan, coꞌmüypan* jis lal. Yuwá tjowelepj tsjan cüwelem jupj lal. Tjowelepj: “Cupj ma polel velecj Dios tjijyüꞌta niná. Nin cüvelecj ca niná, Jesús ca qjuis la müꞌüyas tsjan mpes ma tepyonecj Juan tjevelá. 26 Ma wa polel velecj gente pꞌin jisastsja jin la tjiji Juan. Nin cüvelecj ca niná, la pꞌa wa judiopan* ca tsꞌi miꞌinacj cupj qjuilal. Ca malala la qjuis mijicj ca nacj. Yupj pjü way japon Juan el Bautista vele watsja Dios mpes”, niná tjowelepj yuwá. 27 Mpes yupj tjowelepj Jesús lal: —‌Cupj ma selecj pjacj tjeꞌyaya Juan el Bautista jupj ꞌücj bautizar* la tjiji. Jesús tjevele yupj jis lal: —‌Nun ma nlal tjowelé, mpes napj ma wa ca mvelé nun nla tjüꞌüyá napj lal. Ma ca mvelé pjacj ntjijütüta napj nin lejay —‌nin tjevele jupj.

El Nuevo Testamento en Tol de Honduras, 2da ed. ©2010, Wycliffe Bible Translators

71

SAN MATEO 21

28 Jesús

parábola* tjevele wa sacerdote* noypan jis lal, coꞌmüypan* jis lal wa. Jupj tjevele niná sin la ꞌüsüs jis la jay yupj ma lajaytsja Dios jos jinwá. Ninana tjevelá: —‌Yom pjaní jatjampan mátꞌetsja jupj. Nun ca mvelé pjacj manas popé ꞌüsüs la tjiji. Yupj jis papay tjemey jatjam mwalá way ntꞌa. Tjevele: ‘Jutja, ca tsjiꞌ la mijin uva lejen̈ ntꞌa yacjaj’. 29 ‘Ma najas’, tjevele jatjam. Yacjaya ꞌüsüs way jólatsja, mpes tjemey. Tsjiꞌ la tjiji popay tjevele jinwá. 30 Locopyaya popay tjemey jatjam maꞌajapj ntꞌa. Nin pꞌiyá tjevele jupj lal. Jatjam tjevele: ‘ꞌÜcj napj jum tsjiꞌ lejay’. Newa ma tjemey jupj —‌nintsja parabolas*. 31 Jesús jis la tjiꞌyüya sacerdote* noypan jis lal, coꞌmüypan* jis lal wa: —‌¿Pjacj manas popé nin la tjiji popay jostsja jinwá? —‌Jupj jatjam mwalá way —‌tjowelepj yupj. Nin tjowelepj na, Jesús tjevele wa yupj jis lal: —‌Niyom impuesto jaylacj jataꞌepj malala yupj. Pwecapan yupj. Newa más ꞌüsüs se palá yupj nun jis lal. Dios si jütüta popa ꞌücj se palá yupj. Mwalá way Dios si jütüta popa se palá yupj, nun jis lal. Nin pꞌiyá nequem malala lajay. Dios si jütüta popa ꞌücj se palá yupj. 32 Juan el Bautista tjacꞌ nun ntꞌa. ꞌÜsüs la tjiji jupj. Nusin ꞌyüsa la tjiji ꞌoyn nyuca ꞌüsüs way la cüjí Dios jos jinwá. Nun ma toponé jupj tjevelá. Impuesto jaylacj jataꞌepj ꞌücj topon jupj tjevelá. Nequem malala lajay ꞌücj topon wa. Nun tjunucú yupj ꞌüsüs la tjajay yupj topon na. Newa ma ꞌüsüs quelel lojitsja nun. Newa ma quelel ponetsja jupj tjevelá —‌nin tjevele Jesús. 33 Jesús parábola* pꞌa wa tjevele sacerdote* noypan jis lal, coꞌmüypan* jis lal wa. Niswa sin tjiꞌyüsa lis tjiji yupj malala la tjajay. Ninana Jesús tjevelá: —‌Tjapjaꞌaqué pꞌa wa parabolas*. Yom ꞌamá püné tyáꞌatsja. Uva pülücj sínetsja jupj. ꞌÜcj la tjiji wa uva sine ntꞌa. Tꞌasiyú tjivyüꞌü jupj. Pe jul püné tyoca, uva ca neꞌaj jay majatsjacj, ca ꞌüsǘ mpalas. Tsꞌepjel jas tjijyünsa wa neꞌaj, jomozopan ca majamacj uva sine ntꞌa. Nin la tjiji na, yom jis tjeꞌyaya moꞌo jasin pꞌa witjacj, ꞌücj la mijicj lo valas. Yupj tjowelepj ca maꞌayacj jupj, tjevyala popé. Nin la tjiji na, tjemey yomen pajal campa. 34 Pꞌa jawas uva tjevyala na, uva jutsꞌaꞌá sin tjejyama jupj jomozopan uva lejen̈ ntꞌa. Sin tjejyama jis la taꞌes tjevyala popé. 35 Niyom neꞌaj tsjiꞌ la tjajay ma quelel jaꞌayaptsja tjevyala popé. Jis ntjiꞌlin̈ jupj jomozopan. Pjaní way moꞌo süp, jas tjajam jupj. Pjaní wa tjüꞌünan. Pꞌa wa pe mpes poꞌo la tsꞌi jupj, nasa tepeꞌe na. 36 Locopyaya uva jutsꞌaꞌá sin tjejyama pꞌa wa mozopan uva ntꞌa tsjiꞌ la tjajay ntꞌa.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 21

72

Pülücj sin tjejyama quinam. Niyom uva ntꞌa tsjiꞌ la tjajay malala lis tjajay wa yupj jis lal. 37 ”Lovin ma tjaꞌayapj tjevyala popé, mpes jupj jas tjejyama wa jupj jatjam yupj ntꞌa. Jólatsja ca ꞌüsüs yola nsem jupj lal, jupj jatjam mpes. 38 Nin tuluctsja. Jatjam jus tjunuc na, yuwá tjowelepj: ‘Uva lejen̈ ntꞌa jupj popay jutsꞌaꞌá. Jupj jutsꞌaꞌá ca nsem, popay tepeꞌe na. Mas, müꞌünacj jupj, ne ma ca ntaꞌes uva lejen̈ ntꞌa. Cupj pꞌiyá ca ntꞌanquecj momas’, tjowelepj. 39 Mpes ntjiꞌlin̈ wa jupj. Pjeꞌá la tsꞌi jupj sin mpe. Tjüꞌünan jupj —‌nintsja parabolas*. 40 Jesús tjevele neꞌaj ꞌa jis tjimyula jis lal: —‌Uva jutsꞌaꞌá ca mim sine lejen̈ ntꞌa. Neꞌas tjemey na ¿ncu nujola tsjan ca la mijis jupj neꞌaj tsjiꞌ lajay jis lal? 41 —‌Ca jis capj ntülüs neꞌaj tsjiꞌ lajay. Ca jis müꞌüꞌnas niná niyom malala —‌nin tjowelepj ꞌa jis tjimyula popé—‌. Ca jis maꞌayas la pꞌa wa ca ꞌücj la mijicj lo valas neꞌaj. Yupj ca maꞌayacj tjevyala popé jupj jutsꞌaꞌá mpes —‌nin tjowelepj yupj. 42 Jesús tjevele sacerdote* noypan jis lal, coꞌmüypan* jis lal wa: —‌Dios Popel tjevele ca nin nsem, parábola* jinwá. ¿Ncu ma moꞌo tjowelé niná? Nin tjevele jupj Popel: ‘Niyom nepénowa quelel jajünsüptsja wosis pe mpes. Pe pjaní ma jisastsja wosis la jünsüs. Pe niná tꞌücꞌ way ꞌüsüstsja. Mpes qjuis Jepa Dios jas tjijyünsa wosis. Jupj mwalá way tjeꞌyonsa pe niná wosis si jünsa mpes. Pe niná más ꞌüsüs waytsja pjü pe witjacj jilal. Tsjomis pe niná casá tón̈catsja. Cupj selecj Dios pꞌiyá la tjiji niná. Jupj pajal ꞌüsüs way la tjiji.’ Nin vele Dios Popel. 43 ”Dios pajal ꞌüsüs la tjiji nun mpes. Nu tjeꞌyaya wa ꞌücj tsjiꞌ la tjüjí jupj mpes. Newa nun malala la tjüjí Dios jutsꞌaꞌá lal, uva lejen̈ ntꞌa tsjiꞌ la tjajay jinwá. Nin mpes Dios ma ca nu maꞌayas tsjiꞌ lojí jupj mpes quinam. La pꞌa wa ca tsjiꞌ la mijicj jupj mpes. Yupj ca ꞌüsüs la mijicj jupj jos jin. 44 Napj niná pe ꞌüsüs jinwá, napj tjevelé jinwá. Nun wosis su jünsǘ jinwá. Yom pe niná casá yaca, jupj malala ca mpalas pajal. Pe niná yom casá yaca na, más malala ca mpalas jupj. ꞌÜpjǘ jinwá

El Nuevo Testamento en Tol de Honduras, 2da ed. ©2010, Wycliffe Bible Translators

73

SAN MATEO 21, 22

ca mpalas jupj. Ca nin nsem ma quelel la najay jis lal —‌nin tjevele Jesús yupj jis lal. 45 Sacerdote* noypan tjepjyacan̈ parabolas* Jesús tjevelá. Fariseopan* tjepjyacan̈ wa. Yupj jus nlaytsja Jesús véletsja yupj sin poꞌó. 46 Ma jisastsja Jesús tjevelá. Malala quelel lajaytsja Jesús lal. Ma la tjajay custjay. Lacj tjeyapj la pꞌa judiopan* jis lal. La pꞌa judiopan yólatsja Jesús ꞌüsüs. Yupj yólatsja profétatsja* jupj, Jesús. 1 Jesús pꞌa wa parábola* tjevele sacerdote* noypan jis lal, fariseopan* jis lal wa. 2 Sin ꞌyüsa la síjitsja pajal malala la tjajay yupj Dios lal. Ninana tjevelá: “Napj ca mvelé ꞌoyn nyuca liji Dios nosis casá. Jepa püné poꞌó ca mvelé. Dios ca la mijis niná jepa püné liji jinwá. Niná jepa püné, jatjam quelel wóyatsja quinam. Popay jostsja pülücj ncul, ca cus ncon̈cocj jatjam, woya na. Lovin nin lajaytsja jis la wayis neꞌaj. Mpes jepa püné pülücj la tjiji jis la las. 3 Pülücj jis lal tjevele ncul jis la las. Ve tjojon na, sin tjejyama jomozopan yupj ntꞌa. Tjowelepj ca ꞌücj ncul quinam. Mopꞌin ma quelel jiquiltsja yupj. 4 ”Mpes jepa sin tjejyama jupj jomozopan pꞌa wa yupj ntꞌa. Jepa tjevele ca nin mvelecj niná: ‘Nasa ꞌücj la tjejay nu lo las. Nasa tjüꞌünan vaca witjacj nu lo las. Tjüꞌünan wa vaca tꞌüntꞌün witjacj. Pjü way ꞌücj la tjejay quinam. Nculá, cus ncon̈có natjam, jupj woya na.’ 5 Mpes tjil jepa jomozopan. Yupj jis lal tjowelepj jepa tjevele jinwá. Mopꞌin gente niná ma quelel jiquiltsja jepa jatjam wóyatsja ntꞌa. Ma quelel pjyacan̈tsja jepa jomozopan tjowelepj. Tjil la pꞌin yupj quelel jiltsja ntꞌa. Pjaní wa jupj sine lejen̈ ntꞌa tjemey. Pꞌa wa tjemey vender la mijis. 6 Pꞌa witjacj jis ntjiꞌlin̈ jepa jomozopan. Tjowelepj jepa jomozopan malala. Jis tjüꞌünan yupj. 7 Jepa pajal tsꞌi tjiꞌina nin la tjajay mpes. Sin tjejyama jupj militarpan niná niyom ntꞌa. Jis tjüꞌünan yupj, jepa jomozopan tjüꞌünan mpes. Yupj jis wa tjüꞌüm wa. 8 ”Locopyaya jepa tjevele ncul jomozopan pꞌa wa. Tjevele yupj jis lal: ‘Ve tjojon quinam, natjam woya mpes. Pülücj jis lal tjevelé ncul jis la las, mopꞌin ma quelel jiquiltsja. Malala yupj, mpes ma ca nlajacj. 9 Lowa nun jümücj la püné ntꞌa. Gente ca yus nucú jümücj ntꞌa. Pjü nucú, pjü jis lal ca mvelé ncul jis la las’, nin tjevele jepa püné. 10 Mpes jupj jomozopan tjil jümücj ntꞌa. Pülücj tjunuc neꞌaj. Nepénowa ꞌüsüstsja, nepénowa malala. Pjü jis lal tjiquil jepa wo ntꞌa. Mpes pülücj wama tjil, cjuwá caꞌaj cücj pꞌa wa jupj wo moꞌó. 11 ”Jepa tjacꞌ yus la nuc. Yupj pjü sin quip ꞌüsüstsja, woya ntꞌa játjatsja mpes. Jepa pꞌiyá jis tjeꞌyaya niná pülül ꞌüsüs. Yom pjaní pꞌin ma jas tücüiꞌpe pülül ꞌüsüs. 12 Jepa tjevele jupj lal: ‘Najamica ¿ꞌoyn nyuca

22

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 22

74

wama tjacuy, cjuwá jin quip ꞌüsüs? Cjuwá niná, ma polel wama cuy quiꞌá.’ Myáycatsja yomen. Ma lal tjevele jepa lal. 13 ”Mpes jepa tjevele jomozopan jis lal: ‘ꞌUtsuꞌpa mos, tsjom ꞌutsuꞌpa wa. Pjeꞌá la ntsꞌiyá jupj, pajal püste ntꞌa. Gente neꞌaj jil pajal ca la mpuyucj. Yupj jis wis ca jas nquiꞌlicj wa’, nin tjevele jepa. 14 ”Nin pꞌiyá ca la mijis Dios, jepa püné la tjiji jinwá. Pülücj jis lal véletsja ca ncul jupj ntꞌa, mopꞌin ma jiquil pülücj. Dios pꞌiyá lis tꞌya pjacj ca mpatjam jupj lal. Pjaní way pꞌin lis tꞌya jupj”, nin tjevele Jesús.

15 Jesús

Jesús po ꞌüsüs tjevele jupj enemigopan jis lal. (Marcos 12.13-17; Lucas 20.20-26)

tꞌücꞌ tjevele na, tjil fariseopan*. Tsꞌa ꞌintsja pajal Jesús lal. Yuwá pꞌin tjowelepj tsjan la müꞌüyacj jupj lal, jupj ca malala cüveles yupj jis wala tjevele na. Jisastsja ca ꞌücj la tjilil jupj, cus la tül. 16 Mpes yupj sin tjajam sejamicapan nepenowá Jesús ntꞌa. Sejamicapan nin pꞌiyá yólatsja yupj jin pꞌiyá. La pꞌa niyom jis lal tjil. La pꞌa wa niná ꞌücj jisastsja Herodes jépatsja Israel moꞌó. ꞌÜctsja yupj jis lal romanopan* mpes tsjiꞌ líjitsja jupj. Neꞌas tjil na Jesús ntꞌa, fariseopan sejamicapan tjowelepj Jesús lal: —‌Cupj selecj jipj tꞌücꞌ way velen. Sin ꞌyüsa lejay Dios jyüꞌtá tꞌücꞌ way. Ma nin jele ncu jisas jipj velen. Nin pꞌiyá velen pjü jis lal, noypan jis lal, tsjictjacj jis lal wa. 17 Mpes cupj quelel lya ꞌyüyacj ncu ꞌücj Dios lal jaylacj lijicj impuesto jepa romano* tꞌeꞌenca mpes. ¿Tsjan jele jipj? —‌nin la tjüꞌüy yupj. 18 Jesús jus nleya yupj quelel malala lajaytsja jupj lal. Jupj tjevele yupj jis lal: —‌Nun welé nun quelel lojí Dios jos jin. Nun lu tsuwilí. ¿Tsjan mpes nla ꞌüyá niná napj lal? Napj selé nun ma quelel jus nlayé nla tjüꞌüyá mpes. Nun nujos napj malala velé. 19 Ncaꞌá nuc tꞌemel impuesto jaylacj —‌tjevele jupj. Mpes tucutj romano* jis tꞌemel cꞌa. 20 Jesús la tjiꞌyüya yupj jis lal: —‌¿Pjacj wola tꞌemel wola poꞌó jáꞌasa? ¿Tsjan ló tꞌemel poꞌó tapac? —‌tjevele jupj. 21 —‌Romanopan* jis jepa jupj —‌tjowelepj yupj. Nin tjowelepj na, Jesús tjevele yupj jis lal: —‌Tjaꞌayá jepá jupj ꞌücj le moná nun lal. Tjaꞌayá Dios jupj ꞌücj le moná nun lal —‌tjevele. 22 Niná tjevele tjepjyacan̈ na, pajal yólatsja Jesús pajal ꞌüsüs tjevele mpes. Jupj ma malala tjevele, yupj jisastsja jinwá. Mpes tjil quinam Jesús jáꞌasa mpe.

El Nuevo Testamento en Tol de Honduras, 2da ed. ©2010, Wycliffe Bible Translators

75

23 Nin

SAN MATEO 22

Tecyaꞌlin̈ ca sin müjünsücj, mpatjam niswá. (Marcos 12.18-27; Lucas 20.27-40)

jawas pꞌiyá tjiquil wa saduceopan* Jesús ntꞌa. Saduceopan japon tecyaꞌlin̈ ma ca sin müjünsücj, ma ca mpatjam niswá. Yupj tjowelepj Jesús lal: 24 —‌Püna Moisés* tjevele tsjan niná Dios qjuisí jütüta. Tjevele yom pjaní popa tulucj peꞌe, jupj jatjam mwayim ca, tepeꞌe jatsꞌom lal. Ca popa jana nsem tepeꞌe jatsꞌom lal. Tepeꞌe jutsꞌuyupan jin pꞌiyá ca nsem yupj, nin tjevele Moisés. 25 Nin mpes cupj lya ꞌyüyacj. Püna niyom siéteya tapatja quiꞌá cupj qjuis lal. Pjü yupj jis sejatjampan yupj. Sejatjampan popa mwalá way tjowaya. Popa tulucj tepeꞌe jupj. Popa tuluctsja, mpes jupj tsüipe tjowaya tepeꞌe jatsꞌom lal. 26 Nin pꞌiyá tepyala jupj lal. Popa tulucj tepeꞌe wa jupj. Jupj tepeꞌe na, jupj jatjay tjowaya wa jatjam jatsꞌom lal. Nin pꞌiyá popa tulucj tepeꞌe jupj. Nin pꞌiyá tepyala pjü sejatjampan jis lal. Pjü way tjewyayin̈ quepj niná lal. Pjü way siéteya sin popa tulucj tecyaꞌlin̈ yupj. 27 Yupj pjü way tecyaꞌlin̈ na, tepeꞌe wa quepan. Popa tuluctsja jupj lovin. 28 ¿Pjacj jatsꞌom nsem jupj, tecyaꞌlin̈ sin müjünsücj na jis la pütꞌüs niswá? Pjü way niyom siéteya tjewyayin̈ jupj lal, tapatja na pꞌin —‌nin tjowelepj yupj Jesús lal. 29 Jesús tjevele yupj jis lal: —‌Nun ma solejé Dios Popel tjevelá. Nin pꞌiyá ma solejé Dios pajal püné. Nin mpes ma nusin ꞌyüsa niná. 30 Tecyaꞌlin̈ sin müjünsücj ca, ca mpatjam niswá. Sin tjüjünsüpj na, ma nin pꞌiyá lajay, püna la tjajay jinwá. Nequem, niyom niswa patja na, ma ca mwayin̈ yupj. Angelpan* Dios püꞌü ntꞌa patja jinwá ca nsem yupj. 31 Tꞌücꞌ way ca sin müjünsücj tecyaꞌlin̈, ca mpatjam niswá. ¿Ncu ma moꞌo tjowelé Dios tjevelá jupj Popel moꞌó? 32 Ninana Dios tjevelá: ‘Napj Dios Abraham* lal, Isaac lal wa, Jacob lal wa’. Cupj selecj conas pajal püna tecyaꞌlin̈. Selecj wa Dios tecyaꞌlin̈ jis Dios tulucj. Patja jis Dios jupj. Nin mpes selecj yupj conas patja quinam —‌nin tjevele Jesús saduceopan* jis lal. 33 Pülücj way tjepjyacan̈ jupj tjevelá. Tjepjyacan̈ na, pajal yólatsja jupj pajal seletsja mpes. Pajal ꞌüsüs sin ꞌyüsa líjitsja Jesús.

Jesús tjevele cana más ꞌücj jis la jay pjü Dios tjijyüꞌta popé. (Marcos 12.28-34)

34 Fariseopan*

tjepjyacan̈ wa Jesús pajal ꞌüsüs jis wala tjevele saduceopan*. Saduceopan ma polel malala javeleptsja Jesús lal. Mpes fariseopan ꞌa jis El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 22

76

tjimyula. 35 Niswa quelel januctsja ncu malala mveles Jesús. Yupj popa pjaní pajal seletsja Moisés* popel. Mpes jupj tjevele Jesús lal: 36 —‌Dios pülücj way qjuis tjijyüꞌta. ¿Cana más ꞌücj jis la jay pjü Dios tjijyüꞌta popé? 37 Jesús tjevele jupj lal: —‌‘Pajal ca quelel la mijin Dios, jipj Jepa Püné jupj. Pajal ca tsjiꞌ la mijin jupj mpes lovin. Lovin ca jele mpalas jupj pajal ꞌüsüs.’ 38 Ninana Dios qjuisí jütüta, po jos nin lijicj cupj. Ninana lijicj más ꞌücj pjü way lijicj lal. 39 Dios jos pꞌa wa lijicj nin pꞌiyá. Tjevele: ‘Ca quelel lis mijin wa neꞌaj patjá. Jipj quelel la ꞌejay jinwá ca quelel lis mijin yupj.’ 40 Dios po jos manas lijicj. Nin mpes tjijyüꞌta pjü way jupj tjijyüꞌtá Moisés* popel moꞌó. Nin pꞌiyá tjowelepj wa profetapan*, cupj ca nin la mijicj —‌ninana Jesús tjevele fariseo* lal.

Jesucristo Jepa watsja David püna tüpüꞌü lal. (Marcos 12.35-37; Lucas 20.41-44)

41 Fariseopan*

ꞌa mulú tjátjatsja na, Jesús tjevele yupj jis lal. Tjevele: tjevele ca jas majamas yom pjaní jis capj la pꞌacj judiopan*. ¿Ncu solejé Dios tjevelá yom niná mpes? ¿Pjacj jupj cocoytsja pajal püna tüpüꞌá? Fariseopan* tjowelepj: —‌David* ca jupj cocoy nsem, niná David jépatsja pajal püna. 43 —‌Tꞌücꞌ tjowelé —‌tjevele Jesús—‌. David* jupj cocoy pajal püna tüpüꞌá. David tjevele wa ninana pꞌiyá jupj jépatsja. Nin tepyaca David Dios Popel moꞌó. Dios Cjües cus tjepꞌyaꞌsa tꞌücꞌ la veles Dios mpes. Ninana David tepyacá: 44 ‘Qjuis Jepa Dios tjevele Nejepa lal: “Ntꞌiꞌisa jipj napj liꞌinyampe. Jipj ca müjüꞌtün napj lal. Napj ca la mpalan jipj enemigopan jis lal. Napj ca la mejay jipj enemigopan tsjyam ꞌalá jatja jinwá. Nin ca la mejay jipj mpes, jipj napj lal jacꞌ na.” ’ David tjevele niná Dios tjevelá. 45 Dios nin tjevele David jepa lal. Cupj selecj Jepa niná Dios ca jas majamas pꞌiyá. ¿ꞌOyn nyuca nacj David popa nacj jupj? Niná Yomen Dios ca jas majamas, pajal püné jupj David lal —‌nin tjevele Jesús fariseopan* jis lal. 46 Yupj pjü way salejeptsja Jesús tꞌücꞌ tjevele. Ma polel la veleltsja jupj lal. Nin jawas mpe ma quelel la ꞌüytsja Jesús lal. Lacj tjeyaptsja Jesús pajal ꞌüsüs tjevele mpes yupj jis lal. 42 —‌Dios

El Nuevo Testamento en Tol de Honduras, 2da ed. ©2010, Wycliffe Bible Translators

77

23

SAN MATEO 23

Dios jos gente tꞌücꞌ way ꞌüsüs lajay. (Marcos 12.38-40; Lucas 11.37-54; 20.45-47)

1 Jesús

nasa tecyawaja tjevele fariseopan* jis lal. La pꞌa wa pajal pülücj ꞌa jis tjimyúlatsja Jesús ntꞌa. Jupj tjevele yupj jis lal quinam. Jupj discipulopan* jis lal tjevele wa jupj. Ninana tjevele: 2 “Ninana noyomes Moisés* popel nusin ꞌyüsa lajay. Nu jajütütj tsjan la müjí, nin la müjí Dios jyüꞌta jin. Fariseopan nu jajütütj wa yupj jinwá. Yupj yola ꞌücj wa jajütütj la pꞌa wa Dios mpes. 3 Pjü way la müjí nun yupj javelepj jinwá. Ma ca la müjí yupj lajay jinwá. Yupj pꞌiyá ma nin lajay yupj jajütütj jinwá. 4 Yupj jajütütj pꞌa wa pajal ꞌüsüs jis la jay. Pajal costa way nin lajay yupj jajütütj jinwá. Newa yupj pꞌiyá ma jis capj japꞌacj ca nin la mijicj yupj jajütütj jinwá. Lovin ma yola pꞌa wa mpes. Nin fariseopan. Nin pꞌiyá Moisés popel sin ꞌyüsa lajay. 5 ”Yupj ꞌüsüs jin lajay la pꞌa januc na. Yupj jisas pꞌin la pꞌa ca yola nsem Dios quelel lajay yupj. Nin mpes Dios Popel tsjictjacj jaꞌonsopj ꞌopopa tsjictjacj moꞌó. Jis wala poꞌó jatsupapj ꞌopopa tsjictjacj neneyawá, nenéyawa jis pjel poꞌó jatsupapj. Po jisas la pꞌa ca nucucj ꞌopopa tsjictjacj. Po jisas wa la pꞌa wa yola nsem yupj ꞌüsüs, mpes más ꞌin püné lajay ꞌopopa tsjictjacj. Nin pꞌiyá pajal campa lajay sin quip poꞌo velan̈. Jisas ca pꞌa wa ca nucucj, ca yola nsem yupj quelel lajay Dios. 6 Pülücj ꞌa si mulú na jis la las, yupj quelel jatja noypan jatja ntꞌa. Judiopan* ꞌa si mulú ntꞌa, quelel jatja coꞌmüypan* jatja ntꞌa. 7 Pülücj lyawun̈ ntꞌa, po jisas la pꞌa wa ꞌüsüs javelepj yupj jis lal, ꞌüsüspan jis lal javelepj jinwá. ‘Rabbí*’ javelepj jisas. Nin jisas fariseopan*. Nin jisas wa Moisés* popel sin ꞌyüsa lajay. 8 ”Malala nin. Malala nin yupj jisas la pꞌa wa ca mvelecj ‘Rabbí*’ yupj jilal. Dios ma jos la pꞌa wa ca mvelecj ‘Rabbí’ nun jilal. Pjaní pꞌin nusin ꞌyüsa liji, Dios jupj. Nun pjü way nun sejatjampan, nun jis toꞌopan. 9 Po ma tjowelé yom nosis casá püꞌü nupopay jupj, jupj pajal püné mpes. Pjaní pꞌin Nupopay. Dios pꞌin. Tsjun poꞌo püꞌü jupj. 10 Dios ma jos pꞌa wa javelepj nun ꞌücj sin ꞌyüsa lojí pꞌa wa. Pjaní pꞌin nusin ꞌyüsa liji. Jupj niná Dios tjevele ca jas majamas nucopj la pꞌacj. 11 Nun popa pajal püné, jupj mozo jinwá ca nsem pꞌa wa mpes. 12 Jupj püné jin jola jupj pꞌiyá, Dios ca tsjicj way la mijis jupj. Jupj tsjicj jin jola jupj pꞌiyá, Dios ca püné la mijis jupj”, nin tjevele Jesús ꞌa jis tjimyula jis lal, jupj discipulopan* jis lal wa. 13 Jupj tjevele wa: “Malala ca nu mpalas, Moisés* popel sin ꞌyüsa lojí. Malala ca nu mpalas wa nun fariseopan*. Nun nujos la pꞌa wa

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 23

78

ca yola nsem nun ꞌüsüs, nun lojí mpes. Ma tꞌücꞌ way ꞌüsüs nun. Pꞌa wa nepenowá jisas Dios yupj jis Jepa nsem. Jisas ca ꞌüsüs jis mpalas Dios lal. Nun ma nujos niná. Nun lojí pajal costa way cus la con̈ Dios. Nun pꞌiyá ma nujos ꞌüsüs nu pyala Dios lal. Nun lojí wa yupj ma wa polel ꞌüsüs se palá Dios lal. 14 ”Ca malala nu mpalas nun, Moisés* popel sin ꞌyüsa lojí. Malala ca nu mpalas wa nun fariseopan*. Nun nujos la pꞌa wa ca yola nsem nun ꞌüsüs, nun lojí mpes. Ma tꞌücꞌ way ꞌüsüs nun. Nun pweꞌqué nequem jis wa, nequem jis vayum tecyaꞌlin̈. Newa nun nujos la pꞌa ꞌüsüs jin yola nun poꞌó, mpes pülücj way welé Dios lal pülücj pjyacan̈ ntꞌa. Nun nin lojí mpes, Dios ca mveles nun más malala la tjüjí la pꞌa jilal. Más ca nucopj ntülüs pjü jilal. 15 ”Malala ca nu mpalas nun, Moisés* popel sin ꞌyüsa lojí. Malala ca nu mpalas wa nun fariseopan*. Nun nujos la pꞌa wa ca yola nsem nun ꞌüsüs, nun lojí mpes. Ma tꞌücꞌ way ꞌüsüs nun. Nun po nujos judiopan* tulucj fariseopan ca nsem wa, nun jinwá. Pajal tsjiꞌ lojí ca pjaní way fariseo mpalas. Pjaní way fariseo tepyala na, nun pülücj si ꞌüsǘ lojí jupj. Niná jas tjiꞌyüsa na, pajal malala jupj. Malala jupj Dios lal, nun jinwá. Más malala pyala jupj nun jis lal. ꞌAwa püné ntꞌa ca mim, mpem, pajal malala mpes. 16 ”Malala ca nu mpalas nun. Nun ma polel sin ꞌyüsa lojí Dios mpes. Nun pꞌiyá ma nusin ꞌyüsa tsjan jos Dios. Nun nuyun tulucj jinwá. Nun welé gente Dios wo* lal jurar* lajay na, nun ma nin nujola ncu tꞌücꞌ javelepj yupj. Nin tulucj jurar lajay na oro* lal, niná oro Dios wo ntꞌa jaꞌasá. Oro lal jurar lajay na, nun nujola más ꞌücj tꞌücꞌ javelepj yupj. 17 Nun ma nujola jinwá lojí. Nuyun tulucj jinwá nun. Dios wo más ꞌüsüs oro lal. Niná oro pajal ꞌüsüs Dios wo ntꞌa jáꞌasa mpes pꞌin. Nin mpes ꞌücj tulucj ma tꞌücꞌ javelepj yupj. 18 Nun welé wa gente jurar lajay mesa lal, mesa niná Dios jaꞌayapj ntꞌa, nun ma nin nujola ncu tꞌücꞌ javelepj yupj. Nin tulucj jurar lajay na mesa niná casá jaꞌayapj lal. Dios jaꞌayapj lal jurar lajay na, nun nujola más ꞌücj tꞌücꞌ javelepj yupj. 19 Nun ma nujola jinwá lojí. Nuyun tulucj jinwá nun. Mesa niná más ꞌüsüs mesa casá jaꞌayapj lal. Mesa casá jaꞌayapj pajal ꞌüsüs mesa niná casá jáꞌasa mpes pꞌin. 20 Nin mpes jurar lajay mesa niná lal, nin pꞌiyá niná yupj jurar lajay wa pjü way mesa casá jáꞌasa lal. 21 Nin pꞌiyá jurar lajay na Dios wo lal. Dios wo lal jurar lajay, nin pꞌiyá niná yupj jurar lajay wa Dios lal. Jupj püꞌü jupj wo moꞌó. 22 Nin pꞌiyá jurar lajay na tsjun poꞌó lal. Tsjun poꞌo lal jurar lajay, nin pꞌiyá niná yupj

El Nuevo Testamento en Tol de Honduras, 2da ed. ©2010, Wycliffe Bible Translators

79

SAN MATEO 23

jurar lajay Dios jyüꞌta ntꞌa lal. Nin pꞌiyá niná yupj jurar lajay Dios lal. Jupj pꞌiyá jáꞌasa jupj jyüꞌta ntꞌa. 23 ”Malala ca nu mpalas nun, Moisés* popel sin ꞌyüsa lojí. Malala ca nu mpalas wa nun fariseopan*. Nun nujos la pꞌa wa ca yola nsem nun ꞌüsüs, nun lojí mpes. Ma tꞌücꞌ way ꞌüsüs nun. Nun tsjicj way pꞌin lojí Dios jyüꞌta jin. Nun tsjutsj tsjictjacj siná popé ꞌoyá Dios mpes. Pjü way diez toꞌá popé, pjaní way ꞌoyá Dios mpes. Tsjutsj cilantro jinwá ꞌoyá wa Dios mpes, ajo jinwá ꞌoyá wa, comino* ꞌoyá wa. ꞌÜcj wa nin lojí. Malala pꞌa wa ma lojí. Dios jos nun ca ꞌüsüs la müjí la pꞌa wa jis lal. Jupj jos nun ca jis capj mpꞌaꞌsá malala jis tepyala na yupj. Jos wa nun ca tꞌücꞌ la müjí nun welé jinwá. Ninana jupj Popel moꞌo tjijyüꞌta, ma la tjüjí nun. Jupj jos nun ca nin la müjí. Niná lojí na, mopꞌin ca maꞌayá wa nun toꞌá popé Dios mpes. 24 Nun ma polel sin ꞌyüsa lojí Dios mpes. Nun pꞌiyá ma nusin ꞌyüsa tsjan jos Dios. Nuyun tulucj jinwá nun. Niná nun lojí Dios mpes, tsjicj way pꞌin Dios lal. ꞌÜcj wa ma lojí niná. La pꞌa wa Dios tjijyüꞌta jupj po jos nun ca la müjí niná. Ninana nun ma quelel lojí. 25 ”Malala ca nu mpalas nun, Moisés* popel sin ꞌyüsa lojí. Malala wa ca nu mpalas nun fariseopan*. Nun nujos la pꞌa wa ca yola nsem nun ꞌüsüs, nun lojí mpes. Ma tꞌücꞌ way ꞌüsüs nun. Nunpan pocillo te way jinwá. Pocillo pjeꞌá pꞌin so püꞌí jinwá lojí nun. Plato ꞌalaꞌá pꞌin so püꞌí jinwá lojí. Wa moꞌó pajal te custjay. Nin pꞌiyá nun. Lovin ꞌüsüs lojí la pꞌa januc na. Newa malala nun tꞌücꞌ way. Nun tsꞌüisiqué pajal. Nun malala quelel lojí, ne nin lojí wa niná. 26 Nun fariseopan ma nusin ꞌyüsa tsjan jos Dios. Nuyun tulucj jinwá nun. Nujola tꞌas ma ca malala la müjí. Nujisas tꞌas ca ꞌüsüs la müjí Dios jos jinwá. Ninana la tjüjí na, tꞌücꞌ way ca ꞌüsüs nsem nun. La pꞌa wa ca nucucj nun ꞌüsüs lojí. 27 ”Malala ca nu mpalas nun, Moisés* popel sin ꞌyüsa lojí. Malala ca nu mpalas wa nun fariseopan*. Nun nujos la pꞌa wa ca yola nsem nun ꞌüsüs, nun lojí mpes. Ma tꞌücꞌ way ꞌüsüs nun. Nun ꞌamá jatoc ntꞌa jinwá. ꞌAmá jatoc ntꞌa ꞌüsüs justa pjeꞌá. Wa moꞌó ꞌüsüs tulucj. ꞌAmá ꞌalaꞌá neꞌaj patja tepeꞌe cjüele. Jüpꞌüy tjamaja neꞌaj püꞌü wa. ꞌAmá jatoc ntꞌa wine ma nyuca niná. 28 Nin pꞌiyá la pꞌa wa ma januc nun malala. Yupj januc nun ꞌüsüs lojí yupj ntꞌa. Yola nun ꞌüsüs Dios lal. Nin tulucj. Nun malala nujola pajal. Ma ꞌüsüs way lojí, nun welé jinwá. Nun ma ꞌüsüs way quelel lojí Dios jos jinwá. 29 ”Malala ca nu mpalas nun, Moisés* popel sin ꞌyüsa lojí. Malala ca mpalas wa nun fariseopan*. Nun nujos la pꞌa wa ca yola nsem nun ꞌüsüs, nun lojí mpes. Ma tꞌücꞌ way ꞌüsüs nun. Wosis tsjicj way su jünsǘ profetapan* püna tapatja

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 23, 24

80

mpes, toc patja casá. ꞌÜcj lojí wa püna toctsja ntꞌa, ꞌüsüs witjacj jis pꞌüy patja ntꞌa. 30 Nun welé: ‘Judiopan* püna tapatja tjüꞌünan profetapan. Cupj yupj jinwá tulucj. Ncupj püna cüpatjaquectsja, ma ca cüꞌüꞌnactsja profetapan’, nin welé nun. 31 Nun pꞌiyá welé nun yupj popa pꞌiyá. Yupj popa pꞌiyá nun, mpes nin pꞌiyá lojí, yupj la tjajay jinwá. Püna tapatja jis tjüꞌünan profetapan. 32 Ma pjü jis tjüꞌünan custjay. Mpes ncawajas la müjí nun quinam. Nun ncawajas la müjí püna tapatja malala nyuca lajaytsja. 33 ”Malala nun, latsj jinwá. Nun cascabel sin popa jinwá. Pajal lu tsuwilí. Tꞌücꞌ way Dios ca mveles nun malala la tjüjí. Ca mveles nun ca nlawú ꞌawa püné ntꞌa, mpem, malala nyuca la tjüjí mpes. Tꞌücꞌ way ca nin mpalas. 34 Nin mpes napj profetapan* pꞌa wa ca sin majam nun ntꞌa, ca mvelecj yupj napj mpes. Ca sin majam niyom nepenowá, yupj pajal sin ꞌyüsa Dios mpes. Ca sin majam wa niyom nepenowá, yupj ꞌücj nusin ꞌyüsa lajay Dios mpes. Yupj ꞌüsüs ca nsem, mopꞌin nin, nun ma ca nujos nsem yupj. Nun ca jis müꞌüꞌná yupj nepenowá, ca jis mvalá yupj cruz* poꞌó. Nun pajal ca moꞌo nsüpǘ nepenowá. Judiopan* ꞌa si mulú ntꞌa ca nin la müjí. Ca pjeꞌá la ntsꞌiyá yupj nun potjaqué mpe. Pꞌa ntꞌa jil na, pjeꞌá la ntsꞌiyá wa yupj nepé. 35 Nin ca la müjí nun, mpes Dios pajal ca nucopj ntülüs. Püna tapatja malala la tjajay mpes wa ca nucopj ntülüs nun. Püna tapatja tjüꞌünan ꞌüsüs witjacj, yupj ꞌüsüstsja Dios lal. Mwalá way Abel tjüꞌünan. Jupj ꞌüsüs waytsja Dios lal. Locopyaya pülücj way jis tjüꞌünan. Judiopan tjüꞌünan wa Zacarías, Berequías jatjam. Nun tjüꞌünan jupj Dios wo* ntꞌa. Mesa Dios mpes jaꞌayapj ntꞌa neꞌaj pꞌin tepeꞌe jupj. 36 Dios ca jis capj ntülüs judiopan quina patjá pjü niná mpes. Püna tapatja la tjajay mpes wa ca jis capj ntülüs quina patjá. Tꞌücꞌ way niná. 37 ”Nun Jerusalén moꞌo potjaqué, profetapan* su ꞌüꞌná lovin. Pe lo tsꞌiyaná Dios sin tjejyama sin poꞌó, su ꞌüꞌná yupj. La pülücj napj quelel lejaytsja ca nun ꞌa nusí mulus napj ntꞌa. Castlyaj jupj tsjictjacj se tꞌolona, nin pꞌiyá quelel lejaytsja nun jilal. Nun ma jisastsja lovin. 38 Nusin tjüꞌüsüs niná. Dios ma nucopj cyon̈ca quinam nun potjaqué ntꞌa. 39 Napj ca mis quinam nun mpe. Nun ma quelel la nojí naya pꞌin, ma ca nus nucú. Pꞌa jawas pꞌa casá nujola ca nsem nun. Nun ca mvelé napj nin poꞌó: ‘Dios pajal ꞌüsüs ca la mijis jipj mpes. Dios mpes velen jipj, Dios ne cupj qjuis Jepa Püné.’ Niná tjowelé na, ca niswa ncuwis nun ntꞌa. Tꞌücꞌ way ca nin nsem”, nin tjevele Jesús Moisés* popel sin ꞌyüsa lajay jis lal, fariseopan* jis lal wa.

Jesús tjevele malala ca mpalas nosis ntꞌa jupj quelel jacꞌ na. (Marcos 13.1-23; Lucas 21.5-24; 17.22-24)

24

1 Jesús

tjemey quinam Dios wo* mpe. Jámatsja na, jupj discipulopan* tjiquil jupj ntꞌa. Jisastsja jupj ca nucus wosis El Nuevo Testamento en Tol de Honduras, 2da ed. ©2010, Wycliffe Bible Translators

81

SAN MATEO 24

nepenowá neꞌaj. Dios wo pjaní waytsja, wosis nepénowa Dios wo tꞌasiyú tjelejen̈ ꞌotsꞌipj. Pjü way Dios mpestsja. Pajal ꞌüsüs way yustaptsja yupj. 2 Jesús tjevele yupj jis lal: —‌Napj nyuc wosis witjacj ꞌüsüs way yustapj. Tjunuca wa nun. Pjü way niná ca malala mpalas. Pꞌa jyawca na judiopan* jis enemigopan ca ncul. Yupj ca sin mojoyecj pjü way niná wosis. Pjü pwen ca palá la ncoyecj, wo la tjajay mpes. Pjü ca naꞌaj la ncoyecj, mpes pe pjaní ma ca pꞌa casá maꞌajam nsem. Niná tꞌücꞌ way —‌nin tjevele Jesús jupj discipulopan* jis lal. 3 Yacjaya Jesús tjemey jocꞌ ꞌalaꞌá, tucucꞌ Olivos ló ntꞌa. Jupj ꞌetjele neꞌaj. Neꞌaj pꞌintsja Dios wo* ton̈ca ntꞌa. Jupj neꞌaj tjáꞌasa na, jupj discipulopan* tjiquil jupj ntꞌa yusapj. La tjüꞌüy jupj lal: —‌¿ꞌOna ca nin mpalas Dios wo* ntꞌa, jipj tjevelen jin? ¿Tsjan ca la mijis Dios qjuisin ꞌyüsa la mijis jipj len̈ way ncuwim niswá? ¿Tsjan ca la mijis Dios qjuisin ꞌyüsa la mijis len̈ way ncawajas nosis casá pyalá? 4 Jesús jis wala tjevele: —‌ꞌIn tjajama. Pülücj ca ncul, ca la ntsawilicj gente jis lal. Po ma toponé yupj javelepj. 5 Yupj pjaní pjaní ca mvelecj yupj pꞌiyá Jepa niná Dios tjevele ca jas majamas jis capj la pꞌacj judiopan*. Pülücj ca mponecj yupj javelepj. Po ma toponé nun. 6 Nun ca jus nlayé wa militarpan pülücj la palan pꞌa ntꞌa. Ca jus nlayé wa quelel la palan pꞌa jyawca na. Po ma locj tjeyá niná tepyala na. Tꞌücꞌ way ca malala mpalas nosis ntꞌa. Custjay ma pjü tecyawaja niná malala tepyalá. 7 Napj quelel cuwis na, ca pülücj la mpaꞌnacj. Nepénowa patja ntꞌa la mpaꞌnacj ca pꞌa ntꞌa patja jis lal. Ca jis müꞌüꞌnacj. Jepapan ca sin majamacj jis militarpan jis la palan pꞌa jepapan jis militarpan jis lal. Nepénowa patja ntꞌa ca pjü cjuwá nsem jis la las ꞌotsꞌipj. Pajal ca jus nquitsꞌis nosis pülücj jun taꞌá ꞌotsꞌipj. 8 Pjü niná ca nin mpalas napj quelel cuwis na. Más malala ca mpalas wa nosis casá, napj cuy secj na pꞌin. 9 ”Niná pyala na, Dios ma jisas ca nu ntjiꞌlin̈ nun nepenowá, ca malala la numijicj. Ca nin la mijicj nun ncapj con̈có mpes. Ca müꞌüꞌnacj nun nepenowá. 10 Niná pyala na, nepénowa napj lal japon ma ca quelel ncapj ncon̈cocj. Yuwá pꞌin pajal tsꞌa ꞌin ca nsem. Ca malala mvelecj yupj sejatjampan sin poꞌó jepa wolapꞌaꞌá, mpes jepapan ca jis ntjiꞌlin̈ napj lal japon nepenowá. 11 La tsuwilpan pülücj ca ncul nun ntꞌa ꞌotsꞌipj. Ca mvelecj yupj javelepj napj velé, mopꞌin la tsuwil yupj. Pülücj ca mponecj yupj javelepj. 12 Mpes napj lal japon pülücj ca malala nyuca la mijicj. Más malala ca la mijicj püna lal. Nin mpes ma ca quelel la

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 24

82

sajay yupj sejatjampan. Nin ca mpalas yupj jis lal. 13 Newa ma pjü way nun sin popé ca malala la mijicj yupj lajay jinwá. Nun nepénowa ca ncapj ncon̈có custjay. Newa ncapj con̈có, Dios ca la mijis nun ꞌücj ca mpatjaqué jupj lal. 14 Pꞌa wa ca mpalas wa napj quelel cuwis na. Nepénowa ca mal jun taꞌá nosis ntꞌa. Nin pꞌiyá ca mvelecj nun welé jinwá. Ca mvelecj pjü jis lal pajal ꞌüsüs tepyala Dios ꞌüsüs la tjiji mpes. Ca mvelecj Dios ca müjüꞌtüs quinam nosis ntꞌa. Jun taꞌá way patjá ca jus nlayecj wa niná, yupj javelepj mpes. Niná tjowelepj na jun taꞌá, ca pjü way ncawajas nosis ntꞌa pyalá —‌nin tjevele Jesús.

Jerusalén pjü ca malala mpalas.

15 Jesús

tjevele wa yupj jis lal: —‌Nun ca nucú pajal malala nyuca la mijicj Dios wo* ntꞌa. Nin mpes Dios wo pajal te jinwá ca mpalas Dios lal, yupj malala la tjajay mpes. Yupj malala lajay mpes wa, len̈ ca nsem neꞌaj Dios wo ntꞌa. Nin pꞌiyá ca mpalas Daniel* tjevele jinwá pajal püna. Profétatsja* jupj, Daniel. Nun moꞌo welé na niná, nusin tjüꞌüsüs tsjan mpes napj nin velé niná. Niná tjunucú na 16 más ꞌücj Judea moꞌo patja tsꞌequenen̈, jocꞌ moꞌo ca mal. Pajal malala ca mpalas Judea ntꞌa. 17 Judío* pjaní jupj wo jay ntojom ca nacj, niná pyala na Dios wo ntꞌa. Más ꞌücj jupj len̈ way tsꞌüequené. Ma ca pjeꞌá la ntsꞌiyas jupj jutsꞌaꞌá jupj wo nepé. 18 Jupj sine lejen̈ moꞌo ntojom ca nacj niná pyala na Dios wo ntꞌa. Más ꞌücj jupj len̈ way tsꞌüequené. Ma ca wo ntꞌa mim jas quip lo taꞌes. 19 ”Niná pyala na, pajal malala ca nsem nequem way jatja jis lal, nequem tsjictjacj jatatj jis lal ꞌotsꞌipj. Pajal malala ca mpalas Judea moꞌó. 20 La tjomoná Dios lal ma ca nin mpalas jive na. Más costa tsꞌüequenequé jive na. La tjomoná wa ma ca nin mpalas sábado* na. Judiopan* ma tsjiꞌ lajay sábado na. Más costa nsem tsꞌüequenequé sábado na. 21 Pajal malala ca la mijicj judiopan jis lal. Más malala ca la mijicj püna la tjajay lal. Niná tꞌücꞌ la tjajay na, ma ca nin pꞌiyá la mijicj lovin. Judiopan pajal ꞌaplijila ca nsem. 22 ”Mpes Dios la tjiji ma ca tsꞌacꞌ pülücj nsem niná. Jupj ma ca jis maꞌayas yupj pjü malala la mijicj, yupj jisas jinwá. Dios ma la qjuijistsja niná, pjü way ꞌacaꞌlin̈tsja nosis casá. Dios ma jos ca pjü ncaꞌlin̈. Jupj la tꞌya nepenowá, jupj lal ca mpatjam. Yupj mpes ma ca maꞌayas tsꞌacꞌ pülücj ca malala mpalas. 23 ”Malala tepyala na Judea moꞌó, nepénowa ca mvelecj Cristo tjacꞌ quinam. Ca mvelecj: ‘Tjunuca nun. Quiꞌá jáꞌasa niná Yomen Dios jas

El Nuevo Testamento en Tol de Honduras, 2da ed. ©2010, Wycliffe Bible Translators

83

SAN MATEO 24

tjejyama qjuis capj la pꞌacj.’ Nin ca mvelecj ca nacj. ‘Noꞌompe jáꞌasa’, ca mvelecj ca nacj. Nin javelepj nun jis lal, po ma toponé yupj javelepj. 24 La tsuwilpan nepénowa ca ncul. Nepénowa ca mvelecj yupj pꞌiyá Cristo. Nepénowa ca mvelecj yupj javelepj Dios mpes. La tsuwil pꞌin yupj. Yupj ca quelel yus ntsawilicj pjü way. Ca quelel yus ntsawilicj wa Dios lis tꞌya jis lal. Nin mpes pꞌa casá ca la mijicj yupj, gente pꞌin ma polel lajay jinwá. Jisas la pꞌa yola yupj noypan yupj nin lajay mpes. Dios lis tꞌya ma ca mponecj yupj jilal. 25 Napj nasa tjevelé ca nin mpalas. Mpes nujola tapalas niná. 26 ”Ma toponé yupj javelepj. La pꞌa ca mveles Cristo neꞌaj jáꞌasa ca nacj, jis wa cjuwá ntꞌa. Po ma nlawú neꞌaj. Ca mveles Cristo pjoꞌna pülücj patja ntꞌa ca nacj. Po ma toponé niná. 27 Napj cuwis na ca pjü jus nlayecj. Menmené la mena ntꞌa pjü se jawca liji, tsiquin moꞌó ꞌotsꞌipj, tꞌyaja moꞌó ꞌotsꞌipj. Nin pꞌiyá ca nsem napj tjacuwis na. Ca pjü nucucj. Napj pꞌiyá niná Yomen Dios jas tjejyamá. 28 Vaca tepeꞌe jüpꞌüy püꞌü ntꞌa, neꞌaj ꞌa jis mulus montes. Nin pꞌiyá ca nsem napj quelel cuwis na —‌nin tjevele Jesús.

Jesús niswa ncuwim. (Marcos 13.24-37; Lucas 21.25-33; 17.26-30, 34-36)

29 Ninana

Jesús tjevele wa jupj discipulopan* jis lal: —‌Malala ca mpalas nosis ntꞌa napj tjevelé jinwá. Niná tꞌücꞌ tepyala na, ‘len̈ way lotsꞌacꞌ püste ca mpalas. Mümüy püste ca mpalas wa. Pjulacj ca palá jis ntüncüs tsjun mpe. La pꞌa wa noypan tsjun poꞌó ca jus nquitsꞌis.’ 30 ”Niná tepyala na, napj ca lay ma palas tsjun poꞌó. Nin mpes ca sin müꞌüsüs la mejay napj tjacuwis quinam. Napj pꞌiyá niná Yomen Dios jas tjejyamá. Pjü gente nosis casaꞌá pajal ca la mpuyucj. Ca nucucj napj tjacuwis mol casaꞌá. Cuwis na, ꞌücj ca müjütütj napj. Nosis casá patja ca jus nlayecj napj pajal ꞌüsüs, pajal püné. 31 Trompeta la mpjusá. Yümücj pjac nsem pajal, ca pjü ncul napj ntꞌa napj lal japon. Napj lis tꞌya yupj, ca napj lal mpatjam. Napj ca sin majam napj angelpan* yupj ntꞌa, pjü jis lal la cuwis. Pjü nosis mpe jis lal ncul yupj. Pajal campa patja jis lal ncul wa yupj —‌nin tjevele Jesús. 32 Jesús sin tjiꞌyüsa lis tjiji jupj jos jupj lal japon la nucucj jupj ncuwim. Ninana tjevelá: —‌Nusin tjüꞌüsüs parábola* niná mpes. Nujola tꞌas tsꞌoway poꞌó. Lo quelel cyojo na, pjwel ꞌuꞌu way jupj. Jis lo tecyojo na, nun solejé len̈

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 24

84

way quelel jive. 33 Nin pꞌiyá nun ca nucú malala ca mpalas nosis casá, napj tjevelé jinwá. Nun niná tjunucú na, nun ca jus nlayé len̈ way ca ncuwis napj. 34 Pjü niná napj tjevelé, pjü ca mpalas. Judiopan* newa mpatjam pjü tepyala na. Tꞌücꞌ way niná. 35 Tsjun poꞌó ca ncawajas, nosis ca ncawajas wa. Napj velé jin ma ncawajas ca lovin. Pjü tjevelé, pjü ca mpalas. 36 ”Napj ma ca mvelé ꞌona ca nin mpalas niná napj velé. Pjü ma salejepj tsjan jawas ca nsem. Ma wa salejepj angelpan* tsjun poꞌó. Ma wa selé napj. Napj ne Dios Jatjam. Mpapay pꞌin selé. 37 Napj pꞌiyá niná Yomen Dios jas tjejyamá. Napj ca ncuwis niswá. Napj quelel cuwis na, nosis casá patja ma ca la ma nucucj. Ma ca yola mpalas len̈ way ca jis capj ntül malala lajay. Nin pꞌiyatsja püná, Noé tüpüꞌü na. Püna tapatja ma topon Dios ca jis capj ntülüs. 38 Custjay ma nin pyálatsja pꞌin, yupj ma japontsja ca malala mpalas. Newa jalatsja, newa myüꞌün̈tsja. Newa wyayin̈tsja yupj. Lovin nin pꞌiyá lajaytsja. Nin pꞌiyatsja Noé barco* wama tjemey jawas. 39 Ma jus nlaytsja ca len̈ way malala mpalas. Yacjaya pajal püné tjive. Tꞌyüna ꞌüsǘ, jis tjyama pjü way. Tecyaꞌlin̈. Nin pꞌiyá ca nsem napj cuwis na. Ma ca yola jis mpalas napj cuwis. Napj pꞌiyá niná Yomen Dios jas tjejyamá. 40 Napj cuwis na, napj ca jis man nepenowá napj ntꞌa. Nepénowa ma ca jis man. Niyom matꞌe ꞌa mulú meꞌelecj yupj jasin ntꞌa ca nacj, napj cuwis na. Pjaní way ca man. Pjaní wa ca neꞌaj ntojom. 41 Nequem matꞌe jun pjaní ntꞌa ncjocjocj ca nacj, napj cuwis na. Pjaní way ca man napj. Pjaní wa ca neꞌaj ntojom. 42 ”Lovin nujola tapalas napj ca ncuwis. Nun ma solejé tsjan jawas ncuwis. Napj nun jis Jepa. 43 Nin pꞌiyá jupj wo ꞌesepj ma seletsja tsjan hora jactsja pwequepj püste na. Mpes ma tjejyama jupj wo. Wo ma tjejyama mpes, pwequepj wama tjacꞌ, tüpweca. Jupj jus cülayes catsja ꞌona jactsja pwequepj, jupj cüjamas catsja wosis. Ma ca wama cuytsja pwequepj. Nin pꞌiyá nun lal. Nujola tapalas nun ma solejé ꞌona ncuwis. 44 Mpes lovin ca la ma nucú napj. Lovin la müjí napj nu tjijyütütj. Napj cuwis na, nun ma ca jus nlayé niná jawas jyawca na ncuwis. Nun ca nujola nsem napj ma ca ncuwis custjay —‌nin tjevele Jesús.

45 Jesús

Jesús jos ꞌüsüs tsjiꞌ lijicj jupj mpes, jupj len̈ na. (Lucas 12.41-48)

pꞌa parábola* tjevele wa yupj jis lal. Sin tjiꞌyüsa lis tjiji ca ꞌüsüs tsjiꞌ la mijicj jupj mpes jupj len̈ na. Ninana jupj tjevelá: El Nuevo Testamento en Tol de Honduras, 2da ed. ©2010, Wycliffe Bible Translators

85

SAN MATEO 24, 25

—‌¿Ncu namozopan ꞌüsüs way nun? Napj ca mvelé mozo ꞌüsüs way poꞌó. Niná mozo la tjiji jupj patrón tjijyüꞌtá. ꞌÜsüs way si ꞌüsütsja jupj. Mpes jupj patrón la tjiji mozo niná jepa tepyala la pꞌa mozopan jis lal. Tjevele ca jis maꞌayas jis ve yupj jalá na. 46 Jupj patrón len̈ na, jomozo niná newa ꞌüsüs liji. Jupj patrón wo ntꞌa tjacꞌ na, ca nucus jupj jomozo pjü la tjiji jupj tjevelá. Nin mpes ꞌüsüs ca mpalas mozo niná. 47 Jupj patrón ca mveles mozo niná ca pjü majamas jupj jutsꞌaꞌá popé. Tꞌücꞌ niná. 48 ”Mozo niná malala la qjuijis, pꞌa casá ca nsem jupj lal. Jupj patrón püs way len̈ ca nacj. Mpes jupj mozo jola ca nacj: ‘Napj patrón ma ꞌucuy quinam’. 49 Malala liji jupj ca nacj. Si süpǘ mozopan pꞌa wa. Wine wa jis tjemyona jis lal. Pajal püné lyaja jupj yupj jis lal ca nacj. Myona wa yupj jis lal ca nacj. 50 Pꞌa jawas ncuwim jupj patrón. Mozo ma li nucú na ca ncuwim. Ma ca jus nlayes jupj ca ncuwim quinam. 51 Jupj patrón pajal ca cus ntülüs jupj, malala la tjiji mpes. Ca cus ntülüs jupj, la pꞌa malalapan si tülǘ jinwá. La pꞌa malalapan jisastsja la pꞌa wa ca nin yola yupj ꞌüsüs, yupj lajay mpes. Newa ꞌüsüs tulucj yupj. Yupj jis lal mpüꞌüm mozo malala. Neꞌaj pajal ca la mpuyucj. Jis wis ca jas nquiꞌlicj. Nin pꞌiyá ca malala nu mpalas nun, nun malala la cüjí napj len̈ na —‌nin tjevele Jesús jupj discipulopan* jis lal.

25

Jesús jos ꞌücj lijicj jupj jacꞌ mpes.

1 Jesús parábola* pꞌa wa tjevele jupj discipulopan* jis lal. Sin tjiꞌyüsa

lis tjiji yupj ca ꞌücj la mijicj jupj jacꞌ mpes. Ninana Jesús tjevelá: —‌Napj ca mvelé tsjan ca mpalas nosis casá napj quelel cuwis na. Nin ca nsem Dios jyüꞌta mpes. Pülücj way quelel patja Dios lal. Yupj tsjücjüimpan diéziya jinwá. Tsjücjüimpan niná sejamica tjowaya. Yupj quelel jiltsja wa sejamica voyum wo ntꞌa, nlajacj yupj jis lal. Nin mpes tjil tsjücjüimpan jümücj ntꞌa la nyüjüsün̈ sejamica voyum. Quelel jiltsja jupj lal, jupj wo ntꞌa. Pǘstetsja. Candil* jatatsja yupj, jis jaw jis la jay. 2 Tsjücjüimpan cínquiya ma yola jinwá lajaytsja Candil jatatsja yupj, jis jaw jis yupj. Cínquiya ꞌüsüs way yólatsja. 3 Ma yola witjacj candil jatatj la jay. (San Mateo 25.1)

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 25

86

watsja yupj. Mopꞌin ma tucutj aceite*, candil pwe mpes. 4 ꞌÜsüs yola witjacj jatatj watsja candil witjacj. Aceite tucutj wa jis botella moꞌó. 5 Sejamica voyum püs way len̈tsja. Mpes tsjücjüimpan pjü ja sívetsja. Pjü way tjijinan̈. 6 ”Püste culupwen ntꞌa nepé vele pjactsja: ‘Quiꞌá jacꞌ jupj, yomen. Nculá la müjüsüqué jupj.’ 7 Mpes pjü way yola tepyala pjü tsjücjüimpan. ꞌÜcj la tjajay yupj jis candil* witjacj mwalaquem mpes. 8 Ma yola witjacj tjowelepj ꞌüsüs yola jis lal: ‘Aceite* qjuis tjaꞌayá ncupj, nun toꞌá popé. Cupj qjuis candil cyaꞌlin̈ quinam.’ 9 ꞌÜsüs yola witjacj tjowelepj: ‘Ma polel nu ꞌyayacj nun. Ma tꞌücꞌ way ton̈ca quinam nun mpes, ncupj mpes wa. Lowa nun aceite vender lajay ntꞌa. Ca jaylacj la müjí nun mpes.’ 10 ”Mpes yupj tjil, aceite* jaylacj la tjajay. Tjil na, neꞌaj tjacꞌ sejamica voyum. Tsjücjüimpan ꞌüsüs yola witjacj nasa jus tjümǘ yupj jis candil* witjacj. La nuctsja jupj. Mpes yupj tjil sejamica voyum lal, jupj wo ntꞌa. Wama tjil jis la las tjewyayin̈ jis lal. Wama tjil na, jun tꞌyoꞌna jun vilicj. 11 ”Yacjaya tjiquil wa tsjücjüimpan ma yola witjacj. Neꞌaj lejen̈tsja pjeꞌá. Tjowelepj: ‘Jun tjecjyoltse quinam. Nasa tjiquilaca ncupj.’ 12 Sejamica voyum tjevele: ‘Napj ma nujus nyuc nun, pjacj cuscú. Tꞌücꞌ way.’ Yupj ma polel wama jiltsja —‌tjevele Jesús. 13 —‌Nin pꞌiyá ca nsem napj cuwis na —‌tjevele—‌. Mpes lovin nujola tapalas napj ca ncuwis. ꞌÜcj la müjí ca ꞌüsüs nsem nun Dios lal, napj cuwis na. Nun ma solejé ꞌona ncuwis —‌nin tjevele Jesús jupj discipulopan* jis lal.

Jesús liji cupj ꞌücj polel tsjiꞌ lijicj jupj mpes. Malala ma tsjiꞌ lijicj jupj mpes. (Lucas 19.11-27)

14 Jesús

niswa tjevele jupj jostsja jupj discipulopan* ca ꞌüsüs la mijicj jupj len̈ na. Tjevele: —‌Napj yom campa jama jinwá lejay. Niná yom tjevele ncul jupj jomozopan. Tjevele jupj jostsja jupj tꞌemel más pülücj way mpalas jupj len̈ na. Mpes pjü jis tjeꞌyaya tꞌemel. Tjevele ca jaylacj la mijicj tꞌemel lal. Yupj jaylacj la tjajay ca vender la mijicj más ꞌin pülücj jaylacj. Mpes más pülücj mpalas tꞌemel. Pjü tꞌemel niná jis patrón jutsꞌaꞌá nsem. 15 Yom niná seletsja mozo pjaní ꞌüsüs vender líjitsja. Tꞌemel pülücj tjeꞌyaya jupj. Seletsja la pꞌa wa ꞌotsꞌotsꞌ way vender lajaytsja. Tꞌemel más ꞌin pjaní way jis tjeꞌyaya yupj. Mpes tjeꞌyaya mozo pjaní peso cinco mil. Tjeꞌyaya mozo pꞌa wa peso mil matꞌe. Tjeꞌyaya wa mozo pꞌa wa peso mil pꞌin. Tꞌemel jis tjeꞌyaya na, tjemey jupj quelel

El Nuevo Testamento en Tol de Honduras, 2da ed. ©2010, Wycliffe Bible Translators

87

SAN MATEO 25

jámatsja ntꞌa. 16 Len̈ way tjemey mozo mwalá way. Jaylacj la tjiji jupj patrón tjevele jinwá. Niná vender la tjiji. Nin mpes pꞌa wa peso cinco mil ntꞌya, vender la tjiji mpes. 17 Pꞌa wa mozo peso mil matꞌe tyáꞌatsja. Nin pꞌiyá la tjiji jupj, cinco mil tyáꞌatsja la tjiji jinwá. Nin mpes pꞌa wa peso mil matꞌe ntꞌya, vender la tjiji mpes. 18 Mozo pꞌa wa peso mil pꞌin tyáꞌatsja. Jupj ma jaylacj la tjiji jupj patrón tjevele jinwá. Jusapj tjemey jupj. ꞌAmá tyoca, jul tjepjyaꞌna jupj patrón tꞌemel. 19 ”Locopyaya pajal püs tepyala na, mozopan jis patrón tjacꞌ niswá. Jupj la tjiꞌyüya jupj mozopan jis lal nol natj tꞌemel, jupj tꞌemel mpes, jupj jis tjeꞌyaya mpes. 20 Mozo mwalá way tjacꞌ. Tequeꞌe niná peso cinco mil jupj patrón tjeꞌyayá. Tequeꞌe wa pꞌa wa cinco mil jupj ntꞌya vender la tjiji mpes. Jupj tjevele jupj patrón lal: ‘Tjinyuca maꞌa. Pꞌa wa cinco mil netj napj jipj mpes.’ 21 ”Jupj patrón ꞌücj jostsja jupj lal. Tjevele: ‘Namozo ꞌüsüs way jipj. Napj tjevelé jinwá la tjejay jipj. Nin mpes ca ꞌüsüs la mejay napj jipj mpes. Más püné ca nsem jipj quinam. Jipj ꞌüsüs la tjejay tꞌemel tsjicj way lal. Pülücj way napj natsꞌaꞌá ca majaman jipj quinam. Was, ꞌücj jyas nsem quinam napj lal’, nin tjevele jupj patrón. 22 ”Nin pꞌiyá tjacꞌ wa mozo pꞌa wa, jupj ne peso mil matꞌe tyáꞌatsja. Jupj tjevele jupj patrón lal: ‘Jipj ntjeꞌan peso mil matꞌe. Tjinyuca maꞌa. Pꞌa wa mil matꞌe netj napj jipj mpes.’ 23 ”Jupj patrón tjevele jupj lal: ‘Namozo ꞌüsüs way jipj. Napj tjevelé jinwá la tjejay jipj. Nin mpes ca ꞌüsüs la mejay napj jipj mpes. Más püné ca nsem jipj quinam. Jipj ꞌüsüs la tjejay tꞌemel tsjicj way lal. Pülücj way napj natsꞌaꞌá ca majaman jipj quinam. Was, ꞌücj jyas nsem quinam napj lal’, nin tjevele jupj patrón. 24 ”Locopyaya pꞌa wa mozo tjacꞌ, jupj ne peso mil tyáꞌatsja. Jupj tjevele jupj patrón lal: ‘Napj seletsja tsꞌüis jipj. Tjevyala jequetj jipj ma jisin mpe. Wya ntꞌa ꞌyonson jipj ma tsjiꞌ la tjejay mpe. 25 Nin mpes napj lecj tjeyá jipj lal. Tjum, tjepjyalen jipj tꞌemel ꞌamá jul. Tjinyuca maꞌa. Quiꞌá jáꞌasa jipj tꞌemel.’ 26 ”Jupj patrón tjevele jupj mozo lal: ‘Malala nyuca jele jipj. Pajal ꞌe pjasá. Jipj tjevelen jipj selen tsꞌüisis napj. Jipj tjevelen napj tjevyala jequetj napj ma jisin mpe. Tjevelen napj nawá ntꞌa ꞌyonsó napj ma tsjiꞌ la tjejay mpe. 27 Jipj tjevelen selen niná. ¿Tsjan mpes ma prestar la tjejay ntꞌemel banco* ntꞌa, más ꞌin pülücj mpalas tꞌemel? Jipj nin la cüjaytsja, napj cütꞌanquetsja napj ntꞌemel napj tjacuwis na. Cütꞌanqué watsja pꞌa wa tꞌemel, napj ntꞌemel prestar la tjejay mpes’, nin tjevele jupj patrón.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 25

88

28 ”Jupj patrón tjevele wa jomozopan pꞌa wa jis lal: ‘Noꞌoté napj ntꞌemel jupj

mpe. Tjaꞌayá tꞌemel niná namozo pꞌa, jupj ne peso cinco mil ntꞌya. Jupj ꞌüsüs la tjiji mpes jupj peso cinco mil nenem diez mil tepyala quinam. 29 ꞌÜcj wa pꞌa wa tꞌemel ꞌya jupj. Nepénowa ꞌüsüs lajay napj jis tjeꞌyá mpes. Mpes más pülücj ca jis maꞌayá yupj. Ca yupj pülücj way ca ntaꞌacj. Nepénowa nin tulucj. Liji secj yupj napj jis tjeꞌyá mpes. Mpes napj ca ntꞌanqué yupj jatatj. Püna pjaní way jatatsja, cjuwá ca nsem quinam.’ 30 Jupj patrón tjevele wa jupj jomozopan jis lal: ‘Pjeꞌá la ntsꞌiyá nun niná mozo malala. Naꞌaj la ntsꞌiyá jupj püste ntꞌa. Neꞌaj gente ca la mpuyucj. Jis wis nquiꞌlicj nepé vyaja mpes’, nin tjevele yupj jis patrón. Nin pꞌiyá ca nsem namozopan jis lal, jupj jomozopan jinwá —‌nin tjevele Jesús.

31 Jesús

Jesús ca mveles pjacj ꞌüsüs, pjacj malala.

tjevele wa tsjan ca mpalas gente jis lal, jupj nasa tjacꞌ na. Ninana tjevelá: —‌Napj pꞌiyá niná Yomen Dios jas tjejyamá. Napj niswa ca ncuwis nosis ntꞌa. Napj nasa tjacuwis na, pajal püné nsem napj, Mpapay Dios jinwá. Pjü Dios angelpan* ca ncapj ncon̈cocj. Tjacuwis na, Jepa Püné ca nsem napj. Ca moꞌos, müjütütj. Pajal ꞌüsüs majawaques neꞌaj Dios mpes. 32 Pjü gente pjü jun taꞌá patja mpe ca ꞌa jis mulus napj ꞌos ntꞌa. Oveja* jyama liji jinwá ca la mejay napj yupj jis lal. Oveja jyama nyuca cabro lejen̈ wa oveja jis lal. Mpes sin tjan jyünsa oveja witjacj, sin tjan jyünsa wa cabrú. Nin pꞌiyá ca la mejay napj ꞌüsüs lajay jis lal. Sin tjan ca jis müjünsǘ yupj la pꞌa wa mpe. 33 ꞌÜsüs lajay ca jis müjünsǘ napj liꞌinyampe. Malala lajay ca jis müjünsǘ napj nancupwepe. 34 ”Napj Jepa Püné nsem pjü jis lal. Ca mvelé napj liꞌinyampe lejen̈ jis lal: ‘Nculá nun. Mpapay la tjiji pajal ꞌüsüs nu tepyala nun. Newa ꞌüsüs jotjaqué. Nun ca jepapan nsem, napj jinwá. Pajal püna Dios ꞌücj la tjiji ca nin nu mpalas nun. Nosis la tjiji na, ꞌücj la tjiji niná nun mpes. Nun jupj tsꞌuyupan, mpes nin la tjiji nun mpes. 35 Nun ca jus cülayé niná, nun ꞌüsüs la tjüjí mpes. Napj vecj ni püꞌitsja na, nun ntaꞌayá tjelyá. Napj ꞌüsǘ nívetsja na, nun ꞌüsǘ tocoꞌá tjümüꞌüs. Napj pꞌa nepé tjacuwis na, nun ntjaꞌayá la pütꞌüs la jas nun ntꞌa. 36 Napj pülül cjuwatsja na, nun ntaꞌayá pülül. Malala najastsja na, nun ntjajamá napj. Cawilta moꞌo tjoꞌos na, nun tjuculá nus la nuc.’ Nin ca mvelé ꞌüsüs lajay jis lal. 37 ”Niná tjevelé na, ꞌüsüs lajay ca nla müꞌüyacj napj lal: ‘Qjuis Jepa, ¿ꞌona jis tjinyucucj vecj ꞌi püꞌitsja? Ma selecj ꞌona tjeꞌyayacj tjelyan. ¿ꞌOna jis tjinyucucj ꞌüsǘ ꞌívetsja? Ma selecj ꞌona tequeꞌacj tjümüs. 38 ¿ꞌOna jis tjinyucucj jipj pꞌa

El Nuevo Testamento en Tol de Honduras, 2da ed. ©2010, Wycliffe Bible Translators

89

SAN MATEO 25, 26

nepé tjacuy? Ma selecj ꞌona tjeꞌyayacj la pütꞌüs la jas jipj. ¿ꞌOna jis tjinyucucj jipj pülül cjuwá? Ma selecj ꞌona tjeꞌyayacj pülül. 39 ¿ꞌOna jis tjinyucucj malala jyastsja? ¿ꞌOna jis tjinyucucj jipj cawilta moꞌo jactsja? ¿Ncu tjeleque jis la nuc niná tepyala na?’ ꞌÜsüs lajay nin ca nla müꞌüyacj napj lal. 40 ”Napj Jepa Püné ca nsem pjü jis lal. Napj ca mvelé yupj jis lal: ‘Nun ꞌüsüs la tjüjí mpülücj pjaní lal, nin pꞌiyá niná nin la tjüjí wa napj lal. Mpülücj niná más ꞌin tsjicj waytsja pjü jis lal ca nacj. Nin pꞌiyá pajal ꞌüsüs napj lal nun ꞌüsüs la tjüjí jupj lal. Tꞌücꞌ niná.’ 41 ”Nancupwepe lejen̈ jis lal ca mvelé wa. Ca mvelé: ‘Lowa napj mpe. Dios nasa tjevele ca nucopj ntülüs, malala la tjüjí mpes. ꞌAwa püné ntꞌa lowa, neꞌaj ca mpem lovin. Neꞌaj pwe quinam cus la tül diablú*, jis capj la tül wa ángel* malalapan. Yupj diablo jomozopan. 42 ꞌÜcj napj nucopj tyül, nun malala la tjüjí mpes. Napj vecj ni püꞌitsja na, nun ma ntaꞌayá tjelyá. Napj ꞌüsǘ nívetsja na, nun ꞌüsǘ ma tocoꞌá la müs. 43 Napj pꞌa mpe tjacuwis na, nun ma ntjaꞌayá la pütꞌüs la jas nun ntꞌa. Napj pülül cjuwatsja na, nun ma ntjaꞌayá pülül. Malala najastsja, cawilta moꞌo tjoꞌos ꞌotsꞌipj, mopꞌin ma quelel ntjajamá.’ Nin ca mvelé yupj jis lal. 44 ”Niná tjevelé na, ninana ca yupj mvelecj: ‘Qjuis Jepa, ¿ꞌona jis tjinyucucj jipj vecj ꞌi püꞌitsja? ¿ꞌOna jis tjinyucucj jipj ꞌüsǘ ꞌívetsja? ¿ꞌOna jis tjinyucucj pꞌa mpe tjacuy? ¿ꞌOna jis tjinyucucj jipj pülül cjuwatsja? ¿ꞌOna ma quelel ꞌe jamactsja, jipj malala jyastsja na, jipj cawilta moꞌo jactsja wa na?’ Nin ca mvelecj yupj napj lal. 45 ”Napj ca mvelé yupj jis lal: ‘Nun ma ꞌüsüs la tjüjí mpülücj pjaní lal, nin pꞌiyá niná nun ma wa ꞌüsüs la tjüjí napj mpes. Mpülücj niná más ꞌin tsjicj waytsja pjü jis lal ca nacj. Nin pꞌiyá malala niná, nun ma ꞌüsüs la tjüjí jupj mpes. Tꞌücꞌ way.’ Nin ca mvelé yupj jis lal. 46 ”Niná tjevelé na, yupj ca mal napj jis capj tyül ntꞌa. Yupj neꞌaj mpatjam lovin. Nin tulucj ꞌüsüs witjacj jis lal. ꞌÜsüs Dios lal ne ca yupj mpatjam Dios lal lovin —‌nin tjevele Jesús.

Nepénowa yuwá pꞌin javeleptsja ꞌonin la qjuijim cüꞌüꞌnam Jesús. (Marcos 14.1-2; Lucas 22.1-2; Juan 11.45-53)

26

1 Jesús

tecyawaja tjevele quinam tsjan ca mpalas jupj niswa jacꞌ na. Niná tꞌücꞌ tjevele na, tjevele wa jupj discipulopan* jis lal: 2 “Tsꞌacꞌ matꞌe na fiesta ca nsem, niná fiesta ‘Dios Qjuis Capa Nipj Tjemey’* ló cupj qjuis lal. Nun solejé niná. Fiesta lajay na, yupj ca ma tjililin̈, ca ma manucj ma ꞌünan ntꞌa. Cruz* poꞌo ca ma valacj napj. Napj pꞌiyá niná Yomen Dios jas tjejyamá”, nin tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 26

90

3 Nasa

jupj véletsja na niná, sacerdote* noypan ꞌa jis tjimyula watsja Moisés* popel sin ꞌyüsa lajay jis lal, coꞌmüypan* judiopan* sin popé jis lal ꞌotsꞌipj. Neꞌaj ꞌa jis tjimyula sacerdote más püné wo ntꞌa. Niná sacerdote más püné Caifás lotsja. 4 Yuwá pꞌin tjowelepj ꞌonin ne ꞌücj ntjiꞌlin̈ Jesús, la pꞌa wa ma jus cülayecj. Yupj quelel tjiꞌlin̈tsja jupj, la ꞌünan. 5 Yupj tjowelepj: “Ma ntjiliquem ca jupj judiopan fiesta lajay na. Cupj niná la qjuijicj, yupj tsꞌi miꞌinacj ca pajal. ꞌA jis mulus ca, la mpaꞌnacj ca cupj qjuis lal. Yupj po jisas Jesús”, nin tjowelepj yupj.

Quepj ꞌüsüs la tjiji Jesús mpes. (Marcos 14.3-9; Juan 12.1-8)

6 Jesús

Betania moꞌo tjemey, neꞌaj pꞌin Jerusalén ntꞌa. Simón wo ntꞌa tjemey. Niná Simón malala jostsja püná. Jupj polocꞌ mójotsja. Jesús Simón wo ntꞌa tjáꞌasa na, 7 quepj tjacꞌ jupj ntꞌa ꞌüsüs lo jay jupj mpes. Botella pajal ꞌüsüs jústatsja tequeꞌe jupj. Niná botella pe mpestsja, pe alabastro ló. Perfume botella jul tón̈catsja, perfume pülücj jaylactsja. Niná perfume Jesús jay pjucj poꞌó tꞌyu. ꞌÜsüs cjúmsutsja. Jesús neꞌaj jáꞌasatsja na, lyájatsja na, nin la tjiji jupj. 8 Jupj discipulopan* tjunuc quepj nin la tjiji niná. Tjunuc na, tsꞌa tjiꞌin yupj. —‌Malala nin —‌tjowelepj yupj—‌. Pjü way jay pjucj poꞌó tꞌyu. Tjapjaja perfume. 9 ꞌÜcj vender la qjuijis jupj. Ca pülücj jaylacj nactsja. Tꞌemel ꞌücj así cüꞌayas tꞌemel cjuwá jis lal —‌nin tjowelepj discipulopan*. 10 Jesús jus nleya yupj malala tjowelepj quepj la tjiji mpes. Jupj la tjiꞌyüya jupj discipulopan* jis lal: —‌¿Tsjan mpes so velelé quepan? Pajal ꞌüsüs la tjiji jupj napj mpes. 11 Cjuwá jis lal mpatjaqué nun lovin. Napj ma ca mpüꞌüs nun jis lal lovin. 12 Ma patsꞌ ca napj. Nin mpes perfume tꞌyu jupj nay pjucj poꞌó. ꞌÜcj la ntjiji yupj ca ntoquecj napj mpes. 13 Napj lal japon ca mal nosis jun taꞌá. Neꞌaj ca mvelecj la pꞌa jis walapꞌaꞌá Dios ꞌüsüs la tjiji gente mpes. Jun taꞌá yupj jil ntꞌa, ca mvelecj wa quepj niná ꞌücj la tjiji napj mpes. Ma ca yoꞌ mpaꞌis. Tꞌücꞌ way —‌nin tjevele Jesús.

Judas tjevele ꞌücj jis lal la winin la tjilil Jesús. (Marcos 14.10-11; Lucas 22.3-6)

14 Locopyaya

Judas Iscariote tjemey sacerdote* noypan ntꞌa. Judas apostolpan* dóceya sin pópatsja. 15 Jupj tjevele ꞌücj wa jis lal ca mim la tjilil Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

91

SAN MATEO 26

—‌¿Nol maꞌayá nun, napj nin lejay mpes? —‌nin la tjiꞌyüya jupj. Yupj tjaꞌayapj jupj tꞌemel cꞌa tréinteya, plata* waytsja yupj, tꞌemel cꞌa. 16 Yupj jaylacj la tjajay na, tjemey. La nuctsja ꞌona ꞌücj jis lal la winin la tjilil Jesús.

Jesús tjelyaja jupj discipulopan jis lal, pütsꞌí secj pꞌin. (Marcos 14.12-25; Lucas 22.7-23; Juan 13.21-30; 1 Corintios 11.23-26)

17 Tsꞌacꞌ

mwalá way tjejyawca fiesta mpes. Niná fiesta lajay na, pan levadura cjuwá jalá. Fiesta “Dios Qjuis Capa Nipj Tjemey”* lotsja. Nin jawas Jesús discipulopan* tjiquil jupj ntꞌa. La tjüꞌüy: —‌¿Caꞌaj jyas cupj ꞌücj lijicj ca nlajan fiesta mpes? 18 Jupj tjevele: —‌Lowa pülücj patja ntꞌa. Yom napj velé ntꞌa ca nlawú. Nun ca mvelé: ‘Jesús tjevele len̈ way ca mpaꞌis. Jupj ca nlajas jipj wya ntꞌa jupj discipulopan* jis lal fiesta mpes. Ca quiyola mpalas Dios jis capj tjepꞌyaꞌsa judiopan* pajal püna.’ Nin ca mvelé nun jupj lal. 19 Mpes tjil discipulopan*. Nin la tjajay Jesús tjevele jinwá. ꞌÜcj la tjajay jis la las fiesta mpes. 20 Püste na Jesús jáꞌasatsja, lyájatsja jupj discipulopan* dóceya jis lal. 21 Jalatsja na, jupj tjevele: —‌Nun popa pjaní malala nyuca la mijis napj lal. Jupj ca jis lal ncuwim napj enemigopan, ca yupj ma tjililin̈. Tꞌücꞌ way ca nin mpalas —‌tjevele. 22 Mpes pajal ꞌaplijila jis tepyala. Pjaní pjaní tjowelepj: —‌Jipj napj Nejepa. ¿Ncu napj ca nin la cüjay? 23 Jesús tjevele: —‌Nun popa pjaní tjelyaja wa napj mplato mpe, la pꞌa wa jinwá, mopꞌin nin, jupj quelel malala liji napj lal. Jupj ca jis lal ncuwim napj enemigopan ma tjililin̈. 24 Napj pꞌiyá niná Yomen Dios jas tjejyamá. Pajal püna profetapan* tapac ca nin ma palas napj. Yupj tapac jin pꞌiyá ca nsem. Ma patsꞌ ca napj, yupj tapac jinwá. Mopꞌin pajal malala nin, jupj ca jis lal ncuwim napj enemigopan, ca ma tjililin̈. Pajal malala ca mpalas jupj, jupj malala la niji mpes. Pajal malala ca mpalas jupj, mpes más ꞌücj ca nactsja jupj lovin ma pǘꞌütsja —‌nin tjevele Jesús. 25 Judas pꞌiyá nasa quelel jámatsja jis lal jacꞌ Jesús enemigopan. Judas la tjiꞌyüya wa quinam: —‌Rabbí*, ¿ncu napj ca nin la cüjay? Jesús jupj wola tjevele: —‌Nin. 26 Yupj jalatsja na, Jesús ntꞌya pan pjaní. Tjevele Dios lal tjüwüiꞌi pan tjeꞌyaya mpes. Nin la tjiji na, vitvitj la tücüeme, jis tjeꞌyaya discipulopan*. Jis tjeꞌyaya na, tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 26

92

—‌Noꞌoté, nlajá. Niná pan napj mpꞌüy jinwá. 27 Tjalá na, jupj ntꞌya wa pocillo, uva ꞌüsǘ moꞌo tón̈catsja. Tjevele Dios lal tjüwüiꞌi wa uva ꞌüsǘ tjeꞌyaya mpes. Pocillo jis tjeꞌyaya jupj discipulopan*, vitvitj jis la müs pjü. —‌Tjümüsiqué napj pocillo mpe nun pjü way —‌tjevele jupj—‌. 28 Niná uva ꞌüsǘ napj naꞌas jinwá. Ma patsꞌ ca napj nun mpes, la pꞌa pülücj mpes wa. Napj ca ꞌas ma palas, mpes Dios ca perdonar lis mijis napj lal japon. Ma ca jola nsem yupj malala la tjajay. Mpapay tjevele tꞌücꞌ ca nin la mijis yupj mpes napj ntipüꞌí na. 29 Napj lovin ma ca müꞌüs uva ꞌüsǘ niswá quinam. Pꞌa jawas cupj ꞌa mulú mpatjaquecj Mpapay jyüꞌta ntꞌa. Nin jawas tjejyawca na, niswa ca müꞌüs napj nun jis lal. Tꞌücꞌ way —‌nin tjevele Jesús. 30 Yacjaya tjenejetsꞌen̈ Dios poꞌó. Lovin nin lajaytsja fiesta mpes. Tjenejetsꞌen̈ na, tjil. Jocꞌ Olivos ló ntꞌa tjil.

31 Tjil

Jesús tjevele Pedro ca ntsüpünüs Jesús jomica jupj. (Marcos 14.26-31; Lucas 22.31-34; Juan 13.36-38)

na, Jesús tjevele jupj discipulopan* jis lal: —‌Püste na, nun pjü ca ntsꞌequenequé, malala ne palá na. Nasapj moꞌos. Pajal püna profeta* tepyaca ca nin mpalas. Niná tepyacá: ‘Napj ca müꞌünan oveja* jyama, mpes jupj oveja witjacj sin tjan ca mal’. Nin tjevele profeta ca nin mpalas. 32 Newa nin ca ꞌüsüs la mejay nun mpes. Napj ca nin müjünsǘ la pütꞌüs niswá. Niswa püꞌüs na, ca mis Galilea ntꞌa. Napj mwalá way ca mis nun jis lal, cupj ca la müjüsüquecj neꞌaj —‌nin tjevele Jesús jupj discipulopan* jis lal. 33 Pedro jupj wola tjevele: —‌Pjü ca ntsꞌequenen̈ ca nacj, malala ꞌe palá na. Napj ma nin la mejay. Lovin ma ca malala la mejay jipj lal. 34 Jesús tjevele Pedro lal: —‌Yacjaj püste pꞌiyá la con ca mvelen ma nus nyuc. Castlyaj cocoy ma la tipiya pꞌin, ca nin la mijin jipj. Tꞌücꞌ way niná —‌tjevele Jesús. 35 Pedro tjevele ma ca nin la mijis. —‌Napj ꞌücj wa ni püꞌí jipj lal —‌tjevele—‌. Lovin ma ca mvelé ma jis nyuc. Nin pꞌiyá tjowelepj wa pjü discipulopan*.

36 Jesús

Jesús tjevele Popay lal ma tepeꞌe na pꞌin. (Marcos 14.32-42; Lucas 22.39-46)

pjeꞌá tjemey jupj discipulopan* jis lal sine lejen̈ ntꞌa. Getsemaní ló neꞌaj. Neꞌas tjemey na jupj tjevele yupj jis lal: “Neꞌaj pꞌin ca mis, ca El Nuevo Testamento en Tol de Honduras, 2da ed. ©2010, Wycliffe Bible Translators

93

SAN MATEO 26

mvelé Mpapay Dios lal. Nínawa majatjaqué velé na jupj lal”, tjevele. 37 Discipulopan contꞌe jis lal tjemey jupj jámatsja ntꞌa. Pedro pjaní watsja. Zebedeo jatjampan mátꞌeya tjil watsja. Pajal ꞌaplijila tepyala Jesús. Pajal jola tepyala malala ca mpalas mpes. 38 Tjevele yupj jis lal: “Nasa ni püꞌí jin najas, pajal ꞌaplijila mpes. Qjuive la tjunucú. Po ma müjünaqué, ma nyucun nsem nasapj”, nin tjevele Jesús yupj conas lal. 39 Jupj tsjicj way pꞌin mwalá tjemey jusapj. Palá nipiꞌtje ꞌamá ꞌalá. Tjevele Popay Dios lal: “Mpapay, ¿ncu ꞌücj wa jipj lal napj ma ni püꞌí? Jipj ꞌücj polel lejay niná, najas ma ca nin ma palas. Newa najas ca jipj jyas jinwá nsem. Ma napj najas jinwá tꞌas”, nin tjevele Jesús jupj Popay lal.

Jesús aplijila tepyala, tjevele jupj Popay lal. (San Mateo 26.39) 40 Tꞌücꞌ

tjevele na, tjemey niswá discipulopan* cóntꞌeya tjatja ntꞌa. Tjinyuca tjijinan̈ yupj quinam. “¿Ncu nun ma polel nucunú napj lal hora pjaní way pꞌin? —‌nin tjevele Jesús yupj jis lal—‌. 41 Ma müjünaqué. La tjomoná Dios lal ma ca malala la müjí, nun quelel malala lojí na. Napj selé nun quelel lojí napj najas jinwá. Mopꞌin pajal costa nun jis lal, nun niyom pꞌin”, nin tjevele Jesús. 42 Tjevele na, tjemey niswá. Tjevele Popay Dios lal: “Mpapay, ꞌücj tulucj ma ni püꞌí. Jipj jyas nin ne palá. Ntipüꞌí na pꞌin ca ꞌücj nsem. Najas ca nin nsem, jipj jyas jinwá”, tjevele. 43 Jupj niswa tjemey jupj discipulopan* cóntꞌeya tapatja ntꞌa. Niswa yus tjinyuca tjijinan̈ yupj. Pajal ja sívetsja. 44 Mpes niswa tjemey la veles jupj Popay Dios lal. La con quinam tjevele Dios lal. Nin pꞌiyá tjevele

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 26

94

jupj. 45 Tꞌücꞌ tjevele na, tjemey niswá jupj discipulopan ntꞌa. La tjiꞌyüya: “¿Ncu potjaqué, jünaqué custjay? Quina ca mpalas napj tjevelé jinwá. Najamica pjaní jis lal ncuwim napj enemigopan, ca ma tjililin̈. Malala lajay ca malala la ma jicj, yupj jisas jinwá. Napj pꞌiyá niná Yomen Dios jas tjejyamá. 46 Nusin tjüjünsǘ. Mas quinam la müjüsüquecj yupj. Nasa jacꞌ quinam yom malala la niji. Jis lal jacꞌ napj enemigopan”, nin tjevele Jesús.

47 Jesús

Yupj ntjiꞌlin̈ Jesús. (Marcos 14.43-50; Lucas 22.47-53; Juan 18.2-11)

niná véletsja na, neꞌaj tjacꞌ Judas. Jupj apostolpan* dóceya popa watsja. Se cón̈catsja Jesús. Niyom pajal pülücj tjiquil Judas lal quinam. Pjü way polomay jatatsja, yo pjwel jatatj watsja moꞌo la süp Jesús. Sacerdote* noypan sin tjajam yupj la tjilil Jesús. Coꞌmüypan* judiopan* sin popé sin tjajam wa yupj. 48 Judas jis lal tjacꞌ la tjilil Jesús. Jupj nasa tjevéletsja ca sin ꞌyüsa la mijis cana Jesús. Tjevele: “Pjaní lal ca la nlapan napj. Niná ne Jesús. Ntjüiliqué jupj.” 49 Mpes neꞌaj tjemey Judas, Jesús ntꞌa pꞌin. Neꞌas tjemey, ꞌüsüs tjevele jupj lal, quelel la tjiji jinwá. Tjevele: —‌Nejepa, tjacuwis quinam. 50 Jesús tjevele jupj lal: —‌Najamica, napj selé tsjan mpes tjacuy. Jesús nin tjevele na, pꞌa wa niyom neꞌas tjiquil. Ntjiꞌlin̈ Jesús, jis la man jupj jepapan ntꞌa. 51 Nin la tjajay na, Jesús discípulo* pjaní polomay ntꞌya, syultsꞌa jupj vaina mpe. Jay tjejyoꞌo yom pjaní. Yom niná mozo waytsja, sacerdote* más püné mpes. Pjotsꞌ taná tjejyoꞌo jupj. 52 Jesús tjevele discípulo* lal: —‌Vaina moꞌo jas tjejyama jipj polomay. Polomay mpes la palan, cyaꞌlin̈ wa polomay mpes. 53 Napj ma ca la mpalan yupj jis lal. Napj ꞌücj la cümon Mpapay ncapj la pꞌacj. Napj la cümon Mpapay lal, jupj ca ángel* militarpan pülücj sin cüjamas napj ntꞌa, la cüpaꞌnactsja napj enemigopan jis lal. Más ꞌin pülücj yupj setenta mil lal. ¿Ncu ma jin ꞌyüsa niná? 54 Ma ca nin la mejay. Niná la cüjay napj, ma ca cüpalas Dios Popel tjevele jinwá. Dios Popel tjevele yupj ca nin la mijicj napj lal —‌nin tjevele Jesús jupj discípulo* lal. 55 Nin tjevele na, tjevele wa jupj ntjiꞌlin̈ jis lal: —‌¿Tsjan mpes polomay tꞌo, yo pjwel tꞌo wa la tjilil napj? Niná lojí pwequepj la tjilil. Pjü jyawca Dios wo* ntꞌa tjoꞌostsja napj. Napj sin ꞌyüsa la tjejay neꞌaj. Lovin ma ntjutjililiqué neꞌaj tjoꞌos na. 56 Niná pjü

El Nuevo Testamento en Tol de Honduras, 2da ed. ©2010, Wycliffe Bible Translators

95

SAN MATEO 26

tepyala ca nin mpalas profetapan* tapac pajal püna. Yupj tapac, Dios Popel jupj —‌tjevele Jesús. Nin tjevele na, pjü tsꞌequenen̈ jupj discipulopan*. Jesús neꞌaj tón̈catsja tjil. Tjaman Jesús judío noypan ntꞌa. (Marcos 14.53-65; Lucas 22.54-55, 63-71; Juan 18.12-14, 19-24)

57 Nasa

ntjiꞌlin̈ Jesús. Yupj tjaman jupj Caifás ntꞌa. Caifás sacerdote* más pünetsja. Nasa ꞌa jis tjimyula neꞌaj Moisés* popel sin ꞌyüsa lajay. Coꞌmüypan* judiopan* sin popé ꞌa jis tjimyula wa neꞌaj, Caifás wo ntꞌa. 58 Pedro Jesús cjüil tjemey campapé. Neꞌas tjemey wa jupj sacerdote más püné wo ntꞌa. Tjüwücj jun vilicj poꞌó tjacꞌ Pedrú. Tjüwücj ntꞌa wama tjemey wa. ꞌEtjele jupj militarpan nepénowa jis lal. Quelel nyúcatsja tsjan ca mpalas Jesús. 59 Neꞌaj jatja watsja sacerdote* noypan. Neꞌaj jatja watsja judiopan* jis jepapan. Yupj ꞌa mulú jajütütj judiopan. Yupj pjü la tjüꞌüy tjunuc pjacj malala mveles Jesús poꞌó. La tapal watsja pjacj ca la ntsawilis Jesús poꞌó. Po quelel javeleptsja ꞌücj cus la tül jupj. Quelel jaꞌünantsja jupj. 60 Pülücj tjiquil yupj jis walapꞌaꞌá la tsuwil Jesús poꞌó. Newa la tsuwilpan ma nin pꞌiyá javeleptsja. Mpes jepapan ma polel cus tül Jesús yupj tjowelepj mpes. Pjaní pꞌin tꞌya tjevele mpes, ma polel cus tül jupj. Yacjaya niyom matꞌe tjiquil yupj jis walapꞌaꞌá. 61 Niyom matꞌe tjowelepj: —‌Yom niná tjevele jupj ꞌücj malala liji Dios wo*. Tjevele tsꞌacꞌ contꞌe na tꞌücꞌ ca jas müjünsüs niswá. 62 Niná tjowelepj na, sacerdote* más püné jas tjijyünsa, tüwütüwǘ ton̈ca. La tjiꞌyüya Jesús lal: —‌¿Ncu ma ca qjuis lal mvelen ncu tꞌücꞌ way nin tjevelen? Yupj javelepj yupj salejepj jipj malala tjevelen —‌nin tjevele sacerdote* más püné. 63 Newa lyájasa tón̈catsja Jesús. Sacerdote* más püné tjevele jupj lal: —‌Napj ꞌi jütütj jipj ca tꞌücꞌ mvelen. Dios pjoca jipj velen. Jupj püꞌü lovin. Ca cyapj ntülüs jipj li tsuwil. Qjuis wala tjevele ncu jipj niná Jepa Püné Dios tjevele ca jas majamas qjuis capj la pꞌacj. ¿Ncu Dios Jatjam jipj? 64 —‌Nin —‌tjevele Jesús—‌. Napj niná pꞌiyá jipj velen jin. Pjü way nun jis lal velé wa, nun ca nucú napj tꞌücꞌ way velé. Napj pꞌiyá niná Yomen Dios jas tjejyamá. Pꞌa jyawca na ca nus nucú napj ca moꞌos Dios liꞌinyampe. Neꞌaj ca moꞌos, ncupj ꞌa mulú ca müjüꞌtücj. Jupj pajal jas tjiyocj pjü jis lal. Nun ca nucú wa napj ncuwis nosis ntꞌa mol mpes —‌nin tjevele Jesús. 65 Jupj nin tjevele na, sacerdote* más püné la tücüeme jupj jas quip pꞌiyá. Nin lajay judiopan*, pꞌa wa malala vele na Dios poꞌó. Jupj tjevele jepapan pꞌa wa jis lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 26, 27

96

—‌Pajal malala tjevele Jesús Dios poꞌó. Ma qjuisas la pꞌa wa mveles Jesús malala la tjiji. Nun pꞌiyá tjapjaꞌaqué Jesús malala tjevele. 66 ¿Ncu pajal malala la tjiji Jesús? —‌Pajal malala la tjiji —‌tjowelepj—‌. Cupj ca cus ntülücj, mpaꞌis, jupj malala la tjiji mpes. 67 Nin tjowelepj na, cus tjupjutsꞌ Jesús, wola poꞌó. Yupj jis mas jus tjolototj, poꞌo jatültsja jupj. Pꞌa wa mos la pacatj mpes wola poꞌó tül jupj. 68 Tjowelepj jupj lal: —‌Q juis lal tjevele pjacj wyala poꞌó tyüla. Dios ca jin ꞌyüsa la mijis. Jipj niná Yomen Dios jas tjejyama qjuis capj la pꞌacj —‌nin tjowelepj la tjüpjütsꞌün jupj mpes.

Pedro tjevele jupj Jesús jomica tulucj. (Marcos 14.66-72; Lucas 22.56-62; Juan 18.15-18, 25-27)

69 Newa

wosis tꞌasiyú tjüwücj moꞌo jáꞌasatsja Pedrú, sacerdote* más püné wo ntꞌa. Neꞌaj jáꞌasatsja na, tsjücjüim tjacꞌ jupj ntꞌa. Tsjücjüim niná mozo waytsja neꞌaj. Jupj tjevele Pedro lal: —‌Jipj se con̈ watsja Jesús, jupj ne Galilea mpe ꞌeseptsja. 70 Pedro tsyüpünǘ pjü jis walapꞌaꞌá. —‌Ma nin ꞌyüsa tsjan mpes velen jipj —‌tjevele. 71 Pedro nin tjevele na, tjemey tjüwücj jun vilicj poꞌó. Neꞌaj ton̈ca na, tsjücjüim pꞌa wa jus tjinyuca. Niná tsjücjüim tjevele neꞌaj lejen̈tsja jis lal: —‌Yom niná se cón̈catsja Jesús, Jesús Nazaret mpe ꞌeseptsja. 72 Pedro tsyüpünǘ niswá. Tjevele: —‌Dios pjoca napj velé. Tꞌücꞌ way ma si nuc jupj —‌tjevele. 73 Niyom pꞌa wa neꞌaj tjelejen̈ custjay. Yacjaya yupj tjiquil Pedro ntꞌa. Tjowelepj: —‌Tꞌücꞌ way jipj Jesús discipulopan* popa. Jipj Galilea mpe ꞌesepj jin pꞌiyá velen. 74 Nin tjowelepj na, Pedro tjevele: —‌Dios ꞌücj ca ncapj ntülüs napj li tsuwil. Tꞌücꞌ way ma si nuc yom niná. Nin tjevele na, len̈ way la tipiya castlyaj cocoy. 75 La tipiya na, Pedro jola tepyala Jesús tjevelá. “La con ca mvelen ma nus nyuc. Castlyaj cocoy la puyú secj pꞌin, ca nin la mijin”, tjevele Jesús. Pedro jola tepyala na, tjemey wo nepé. Pajal la tipiya jupj. Pajal jólatsja malala la tjiji. 1 Püstapj na sacerdote* noypan ꞌa mulú játjatsja niswá coꞌmüypan* jis lal. Tjüjütütj ca müꞌüꞌnacj Jesús, püste na tjowelepj jin pꞌiyá. 2 Mpes Jesús mos tsupaptsja. Tjaman jupj Pilato

27

El Nuevo Testamento en Tol de Honduras, 2da ed. ©2010, Wycliffe Bible Translators

97

SAN MATEO 27

ntꞌa, ca cus ntülüs jupj. Pilato jepa püné auxiliar waytsja jupj. Romano* waytsja, judío* tulucj. Israel moꞌo patja jis tjijyüꞌta jupj. Judas jupj pꞌiyá tjiꞌyüꞌna.

3 Judas

pꞌiyá jis lal tjacꞌ Jesús enemigopan, jis la tjilil jupj. Locopyaya Judas jus nleya jepapan quelel jaꞌünantsja Jesús. Ca cus ntülücj Jesús, jupj malala la tjiji mpes, tjowelepj. Niná jus nleya na, jupj jola tepyala pajal malala la tjiji Jesús lal. ꞌAplijila tepyala pajal. Mpes jupj tjemey niswá sacerdote* noypan ntꞌa, coꞌmüypan* ntꞌa wa. ꞌA mulú játjatsja yupj. Judas tequeꞌe, tjeꞌyaya niná tꞌemel cꞌa tréinteya, nawajaꞌa tjaꞌayapj. Ma jostsja quinam jupj. 4 —‌Malala nyuca la tjejay napj —‌tjevele jupj—‌. Napj nun jis lal tjum jupj ntꞌa, la tjilil jupj. Nun nasa quelel müꞌüꞌná jupj. Jupj malala la tjiji tulucj, nujisas mpes pꞌin quelel ꞌüꞌná jupj —‌tjevele. Yupj jupj wola tjowelepj: —‌Jipj pꞌiyá nin la tjejay. Ma nin qjuiyola jipj la tjejay mpes —‌nin tjowelepj yupj. 5 Mpes Judas ꞌamá ꞌalá la tsꞌiya niná tꞌemel Dios wo* moꞌó. Tjemey jupj. Tjemey na, jupj pꞌiyá mwen tsyuꞌpa tjevyala, tepeꞌe. 6 Judas tjemey na, sacerdote* noypan tapay tꞌemel jupj naꞌaj la tsꞌiya. Yupj yuwá pꞌin tjowelepj: “Malala Dios lal ꞌyonsocj tꞌemel niná pꞌa wa tꞌemel lal Dios wo* moꞌó. Niná tꞌemel mpes jaylacj la tjijicj yom mpaꞌis. Ma polel la taꞌes niná”, tjowelepj yupj. 7 Yuwá tjowelepj tsjan la qjuijicj tꞌemel mpes. Yólatsja ꞌücj jaylacj jis la jay ꞌamá tsjoꞌoy tsꞌyawa jutsꞌaꞌá. ꞌAmá niná panteón nsem pꞌa mpe neꞌespan mpes. Mpes nin la tjajay tꞌemel lal. 8 Nin mpes ꞌamá niná “ꞌAmá ꞌAs” ló tepyala. Nin ló neꞌaj custjay. 9 Nin tepyala na, tꞌücꞌ tepyala Jeremías* tjevele pajal püna. Profétatsja* jupj, Jeremías. Jupj tjevele: “Yupj natj tꞌemel cꞌa treinteyá. Pjaní waytsja yupj jis lal. Israelpan* tjowelepj ꞌücj jaylacj jis la jay niná jupj mpes, ne nin la tjajay. 10 Tꞌemel mpes jaylacj la tjajay momas, tsjoꞌoy tsꞌyawa jutsꞌaꞌá. Nejepa Dios ntjijütüta ca nin la mejay tꞌemel mpes.” Nin tjevele Jeremías pajal püna.

Pilato tjevele Jesús malala la tjiji tulucj. Jupj sin cus tyüla jupj. (Marcos 15.2-20; Lucas 23.3-5, 13-25; Juan 18.33-19.16)

11 Nasa

tjaman Jesús jepa romano* ntꞌa, jupj ca mveles ncu ca cus ntülüs. Jepa niná la tjiꞌyüya jupj lal: —‌¿Ncu judiopan* jis jepa püné jipj? El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 27

98

—‌Nin napj —‌tjevele Jesús. 12 Sacerdote* noypan tjatꞌ tjowelepj Jesús poꞌó jepa romano* wolapꞌaꞌá. Coꞌmüypan* tjatꞌ tjowelepj wa. Newa ma tjevele Jesús ncu tꞌücꞌ tuluctsja. 13 Jepa romano Pilato lotsja. Jupj la tjiꞌyüya Jesús lal: —‌¿Tsjan mpes ma qjuis wala velen ncu tꞌücꞌ malala la tjejay, yupj javelepj jinwá? ¿Ncu ma tjapjacꞌ yupj tjowelepj jipj jin poꞌó? Tjowelepj la pülücj malala la tjejay jipj. 14 Jesús newa ma lal tjevele jupj. Pues ma tjevele ncu tꞌücꞌ waytsja yupj tjowelepj. Pilato ma jas tjiꞌyüsa tsjan mpes Jesús ma tjevele. Nin jólatsja jupj. 15 Jepa romano* janmacj jas tjejyama yom pjaní cawilta mpe fiesta niná tepyala na. Judiopan* la tꞌaptsja pjacj pjeꞌá nyacas cawilta mpe. 16 Nin jawas cawilta moꞌo jáꞌasatsja wa yom malala la tjijá. Barrabás lotsja jupj. Pjü salejeptsja jupj malala la tjiji. 17 Pilato quelel se jamatsja Jesús. Mpes judiopan pülücj ꞌa jis tjimyula na, jupj la tjiꞌyüya yupj jis lal. —‌¿Cana nujos napj ca jas majam cawilta mpe? —‌la tjiꞌyüya jupj—‌. ¿Ncu nujos Barrabás ca mim? ¿Ncu nujos Jesús ca mim? Nepénowa javelepj jupj niná Yomen Dios jas tjejyama nucopj la pꞌacj —‌nin tjevele Pilato. 18 Jupj seletsja jyaman̈ waytsja judío* noypan Jesús lal. Jupj seletsja nin mpes tjaman Jesús jupj ntꞌa, jupj ca cus ntülüs. 19 Pilato neꞌaj tjáꞌasatsja jupj silla casá, niná casá tjáꞌasatsja la veles ncu cus lo tül. Neꞌaj tjáꞌasatsja na, Pilato jatsꞌom taná tjevele jupj lal: “Yom niná malala la tjiji tulucj. Po ma mvelen ca cus ntülücj jupj. Püste malala tjinyuc jupj mpes. Pajal lecj tjeyá malala tjinyuc mpes.” Nin tjevele Pilato jatsꞌom. 20 Judiopan* pꞌa casá yólatsja. Sacerdote* noypan nasa tjoweleptsja neꞌaj ꞌa jis tjimyula jis lal. Coꞌmüypan* tjowelepj wa yupj jis lal. Topon yupj tjowelepj. Nin mpes yupj japontsja más ꞌücj la mon ca cus ntülüs Jesús, mpaꞌis. 21 Pilato la tjiꞌyüya yupj jis lal: —‌¿Pjacj yupj popa ca jas majam nun ntꞌa? ¿Tsjan nujos nun? —‌Q juisas ca jas majaman Barrabás —‌tjowelepj. 22 Pilato la tjiꞌyüya: —‌¿Tsjan ca la mejay Jesús lal, ne ma se jam? Nepénowa javelepj jupj niná Yomen Dios jas tjejyama nucopj la pꞌacj. Pjü yupj tjowelepj: —‌Cruz* poꞌo tjevyala jupj, mpaꞌis. 23 —‌¿Tsjan mpes ca müjütütj cruz* poꞌo lo valas jupj? —‌tjevele Pilato—‌. Ma malala la tjiji jupj.

El Nuevo Testamento en Tol de Honduras, 2da ed. ©2010, Wycliffe Bible Translators

99

SAN MATEO 27

Niná tjevele na, pajal yümücj la tupuyupj: —‌Cruz* poꞌo mvalan jupj, mpaꞌis. 24 Pilato jola tepyala yupj ma quelel pjyacan̈tsja jupj tjevelá. Mopꞌin jisastsja Jesús mpaꞌis. Pilato jus nleya wa tsꞌa ꞌintsja yupj, jupj ma la tjiji yupj la tjomon jinwá. Nasa quelel la palantsja yupj. Nin mpes ꞌüsǘ tepyula, mos tepeꞌe pjü jis walapꞌaꞌá. Pajal pülüctsja judiopan* neꞌaj. Pilato tjevele yupj jis lal: —‌Napj ma nin lejay mpaꞌis niná yomen. Nun pꞌin nujos mpes ca mpaꞌis. 25 Pjü way yupj jupj wola tjowelepj: —‌ꞌÜcj ca qjuis capj ntülüs Dios, ncupj müꞌüꞌnacj Jesús. ꞌÜcj wa jis capj ntülüs cupj qjuis tsꞌuyupan —‌nin tjowelepj yupj. 26 Niná tjowelepj na, Pilato jas tjejyama Barrabás cawilta mpe, yupj jisastsja jinwá. Tjijyüꞌta jupj militarpan moꞌo nsüpücj Jesús. Tjijyüꞌta ca cruz* poꞌó mvalacj jupj, la ꞌünan.

Militarpan la tjüpjütsꞌün Jesús.

27 Niná

tjijyüꞌta na jepa romano*, militarpan tjaman Jesús jepa romano wo moꞌó. Tjowelepj ncul wa la pꞌa wa militarpan jupj wo ntꞌa tsjiꞌ lajaytsja. Tjiquil, tꞌasiyú tjelejen̈ Jesús. 28 Yümücj jas tjüꞌipj jupj jas quip. Jas tjüꞌipj na, jas tjüwüꞌün militar jas quip je. Nin la tjajay la pjütsꞌün Jesús mpes. Jepa jas quip jin justa la tjajay. 29 Yo pjwel jam jus tjulujupj jay pjucj poꞌó la ꞌonsos. Jesús jay tjoꞌonsopj, corona* jay jáꞌasa jinwá. Visyú tjaꞌayapj jupj mos liꞌinyampe, jepa püné tꞌeꞌenca jinwá. Nin la tjajay na, pajal la tjüpjütsꞌün jupj mpes. Jis ticꞌ jin tjelejen̈ jupj wolapꞌaꞌá. Tjowelepj: —‌Q juisas ꞌücj jyas mpüꞌüm. Jipj jepa püné judiopan* jis lal. 30 La pülücj cus tjupjutsꞌ Jesús. Natj wa visyú jupj mos mpe, moꞌo süptsja jupj visyú mpes. Tsjay la pülücj süptsja jupj. 31 Tꞌücꞌ la tjüpjütsꞌün na, jas tjüꞌipj jas quip je. Niswa jas tücüipap jupj jas quip. Nin la tjajay na, jupj lal tjil, cruz* poꞌo jis la valas jupj.

32 Jesús

Pajal la tjüpjütsꞌün Jesús, cruz poꞌo tjevyala na. (Marcos 15.21-32; Lucas 23.26-43; Juan 19.17-27)

lal tjil na, militarpan tjunuc yom pjaní neꞌaj jámatsja. Simón lotsja jupj, Cirene mpe ꞌeseptsja jupj. Tjüjütütj tjyama cruzus* Jesús mpes, ne nin la tjiji jupj. 33 Neꞌas tjil cruz poꞌo lo valas ntꞌa. Gólgota lotsja neꞌaj. “Gólgota” mpes ꞌücj la veles “Jay Pjucj Cjüele” cupj qjuis tin. 34 Uva ꞌüsǘ tjaꞌayapj Jesús lo müs. Uva ꞌüsǘ niná leméliyu la süpjütsja, pajal nepé vyaja lo tsꞌuc. Pajal ꞌónatsja. Jesús tsjicj way

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 27

100

tjümüꞌü, tjinyuca. Jus nleya leméliyu la süpjütsja, ne ma tjümüꞌü. 35 Cruz poꞌo tjovalapj jupj clavo mpes. Nin la tjajay na, Jesús jas quip jis tjaꞌayapj yuwá. Militarpan tjepjelan̈ tjunuc pjacj ntaꞌes jupj jas quip. 36 ꞌAtjalapj yupj neꞌaj, tjajamapj Jesús, jupj jomicapan ma ca ncul, ma ca cus ntsꞌoptecj cruz mpe. 37 Nasa tüpüntüpj tabla tsjicj cruz poꞌó Jesús jay ntꞌa. Tabla niná poꞌo tapac tsjan mpes cus tül Jesús. Ninana tapac: NINANA JESÚS, JEPA PÜNÉ JUDIOPAN JIS LAL. 38 Yupj tjovalapj wa pwecapan matꞌe pꞌa wa cruzus poꞌó. Pjaní wa tjovalapj Jesús liꞌinyampe. Pjaní wa tjovalapj Jesús nancupwepé. 39 Judiopan* nepénowa cruz ton̈ca jin tjil. Yupj sey pjucj la süpjüntsja jupj mpes. Ma topon ꞌüsüstsja jupj. Pajal malala poꞌo tjowelepj jupj. 40 Tjowelepj: —‌Jipj tjevelen jipj ꞌücj malala la mijin Dios wo*. Tsꞌacꞌ contꞌe na niswa ca jas müjünsün, tjevelen jipj. Mpes ꞌücj wa cyapj la pꞌacj jipj pꞌiyá. Jipj Dios Jatjam, ꞌücj palá ncuwim cruz* mpe —‌nin tjowelepj yupj. 41 Sacerdote* noypan la tjüpjütsꞌün wa Jesús, yupj jinwá. Nin pꞌiyá tjowelepj wa Moisés* popel sin ꞌyüsa lajay. Nin pꞌiyá coꞌmüypan*. Niná tjowelepj: 42 —‌Jupj jis capj tjepꞌyaꞌsa la pꞌa wa. Ma polel cus la pꞌacj jupj pꞌiyá. Jupj ne pꞌiyá Jepa Püné judiopan* mpes, qjuisas ca palá ncuwim. Jupj nin la qjuijis, cupj cüponecj catsja jupj mpes. 43 Jupj tepyona Dios ca ꞌüsüs la qjuijis jupj mpes. Dios quelel liji jupj, más ꞌücj Dios ca cus mpꞌaꞌsas quinam. Jupj tjevele jupj pꞌiyá Dios Jatjam —‌nin tjowelepj yupj. 44 Pwecapan cruz* poꞌo tjelejen̈ Jesús lal, nin pꞌiyá tjowelepj yupj. Yupj pajal malala tjowelepj Jesús lal, la pꞌa jinwá.

Jesús tepeꞌe. (Marcos 15.33-41; Lucas 23.44-49; Juan 19.28-30)

45 Lotsꞌacꞌ

culupwen ntꞌa tjáꞌasa na, püste tepyala pjü nosis casá. Hora contꞌe te tón̈catsja. 46 Las tres tepyala na, Jesús pajal yümücj la tipiya, tjevele Dios lal: —‌Elí, Elí, ¿lama sabactani? —‌tjevele jupj. (Ninana jupj tjevele ꞌücj wa la veles: “Napj Ndios, napj Ndios, ¿tsjan mpes ꞌos tjay jipj?” Nin velecj niná cupj qjuis tin.) 47 Pꞌa wa neꞌaj pꞌin tjelejen̈, tjepjyacan̈ wa jupj tjevelá. Tjepjyacan̈ na, ma sin tjiꞌyüsa tsjan mpes nin tjevele. Yupj tjowelepj: —‌Jupj Elías* lal vele ncuwim. Jos ca cus mpꞌaꞌsas. Elías profeta* püna tüpüꞌü jupj.

El Nuevo Testamento en Tol de Honduras, 2da ed. ©2010, Wycliffe Bible Translators

101

SAN MATEO 27

48 Jesús

nin tjevele na, yupj popa pjaní len̈ way tsꞌüequené, esponja* tequeꞌe. Esponja uva ꞌüsǘ ꞌona moꞌo tsꞌyuca, tsyuꞌpa yo poꞌó, mpe tecyacaná. Tjeꞌyaya ca müꞌüm Jesús. 49 Pjü way la pꞌa wa tjowelepj: —‌Po ma maꞌayan müꞌüm niná. Cupj quelel nyucucj ncu Elías* ncuwim cus la pꞌacj. 50 Jesús yümücj tjevele niswá. Nin la tjiji na, tepeꞌe jupj. 51 Pülül pꞌompꞌom jálatsja Dios wo* moꞌó, pülül niná wo tꞌem pjaní jinwatsja. Jesús tepeꞌe na, pülül niná nayapé palavin la tücüeme. Dios la tjiji la tücüeme. Nosis jus tiquitsꞌe ꞌotsꞌipj. Pe witjacj la tjeleptan ꞌotsꞌipj. 52 Jesús tepeꞌe na, pülücj janucun jis tepyala püna tecyaꞌlin̈ sin popé. Dios sa con̈ witjactsja yupj. ꞌAmá toc tapatja ntꞌa la tjelepta. 53 Pjeꞌá tjiquil toc pátjatsja mpe. Jesús jas tjijyünsa na la pütꞌüs niswa, yupj tjil wa Jerusalén moꞌó. Pülücj yus tjunuc yupj. 54 Jepa militar tjejyámatsja Jesús, jupj jomicapan ma ncul cus ntsꞌoptecj cruz* mpe. Pꞌa wa militarpan jupj lal lejen̈ watsja, militar püné lal. Tjunuc nosis jus tiquitsꞌe. Tjunuc wa pjü niná tepyala Jesús tepeꞌe na. Niná tjunuc na, pajal lacj tjeyaptsja. Tjowelepj: —‌Tꞌücꞌ way jupj Dios Jatjam waytsja. 55 Nequem pülücj way neꞌaj lejen̈tsja, campa way ꞌin cruz* ton̈ca mpe. Tjunuc wa tepyalá. Jesús jomicapan waytsja yupj. Cus tocon̈ Jesús, Galilea mpe tjacꞌ na. Tjojon jupj mpes, pjü ꞌücj la tjajay wa jupj tüpüꞌü ntꞌa. 56 Yupj popa pjaní María lotsja. Magdalá mpe ꞌeseptsja jupj. Pꞌa wa María ló watsja jupj. Jupj Jacobo jamaytsja, José jamaytsja. Quepj pꞌa wa Zebedeo jatjampan sejamay.

57 Nasa

Pe jul moꞌó, neven ntꞌa, tüpüntüpj Jesús. (Marcos 15.42-47; Lucas 23.50-56; Juan 19.38-42)

quelel tꞌyaja na, yom pꞌa wa tjacꞌ. Yom niná pülücj tyáꞌatsja. Arimatea mpe ꞌeseptsja, judiopan* patja ntꞌa. José lotsja. Jesús discípulo* watsja. 58 José tjemey Pilato ntꞌa. La tjemyona Jesús jüpꞌüy la toc. Pilato tjijyüꞌta ca nin nsem. Tjijyüꞌta militarpan ca maꞌayacj Jesús jüpꞌüy. 59 Mpes José palá ntꞌya Jesús jüpꞌüy. Tjivyüꞌünǘ pülül pje mpes. Salá waytsja pülül. 60 Tipyünta Jesús jüpꞌüy pe jul moꞌó, neven ntꞌa, tepeꞌe ꞌücj la püntüs ntꞌa. Püna pꞌin tjijyüꞌta la toc jomwen jul, jupj pꞌiyá tepeꞌe tulucj pꞌin. Nin lajaytsja judiopan. José jostsja jomwen jul toc ton̈ca jupj peꞌe na. Tepeꞌe neꞌaj tipyünta tulucj custjay. Jesús jüpꞌüy neꞌaj tipyünta na, pe püné jas tentené jun la tꞌolon jomwen jul. Jun tꞌyoꞌna na, tjemey. 61 María newa neꞌaj jáꞌasatsja pe jul wolapꞌaꞌá. Niná María, Magdalá mpe ꞌeseptsja. Pꞌa quepj tjáꞌasa watsja María lal. María ló watsja jupj.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 27

102

Militarpan jajamaptsja jomwen jul ntꞌa, Jesús jüpꞌüy tüpüꞌü ntꞌa.

62 Ya

sacerdote* noypan tjil Pilato ntꞌa. Fariseopan* tjil wa yupj jis lal. Nin jawas ma polel tsjiꞌ lajaytsja; tꞌan̈ pꞌin ꞌücj la tjajay ma ca tsjiꞌ la mijicj nin jawas ma tsjiꞌ lajay na. Tjil na, 63 tjowelepj Pilato lal: —‌Cupj qjuiyola tepyala Jesús tjevelá. Tjevele jupj ca jas müjünsüs mpüꞌüm niswá tsꞌacꞌ contꞌe tepyala na. Jupj la tsyawilitsja lovin. 64 Mpes cupj qjuisas jipj ca müjüꞌtün militarpan majamacj jomwen jul, Jesús jüpꞌüy püꞌü ntꞌa. Qjuisas newa majamacj neꞌaj, tsꞌacꞌ contꞌe tepyala nas. Militarpan len̈ neꞌaj, jupj discipulopan* ꞌücj wa ncul, mpequen̈ jupj jüpꞌüy. Ca mvelecj jupj jas tjijyünsa. Nyucunú quinam, ca mvelecj. Ca yus ntsawilicj judiopan*. Judiopan topontsja Jesús lal, jupj nyucunutsja na. Tꞌücꞌ ca mponecj quinam, jupj jüpꞌüy len̈ cüvalas —‌nin tjowelepj yupj Pilato lal. 65 Pilato jis lal tjevele: —‌Mwü. Napj militarpan ca mal nun jis lal, ca majamacj nujisas jinwá. Nin la müjí Jesús jomicapan ma ca wama mal jomwen jul moꞌó. Pjü ꞌücj polel lojí, pjü la müjí. 66 Mpes tjil yupj. ꞌÜcj la tjajay jomwen jul ntꞌa. Jun tꞌyóꞌnatsja jomwen jul, pe püné mpes. Hilo tsjicj way poꞌo tüpüntüpj pe wolapꞌaꞌá ꞌotsꞌipj, ca jus nlayecj ncu wama jil gentas. Militarpan jis tjüjünsüpj tjil, militarpan jis la jamas neꞌaj.

Militarpan jajamaptsja jomwen jul nta. (San Mateo 27.66) El Nuevo Testamento en Tol de Honduras, 2da ed. ©2010, Wycliffe Bible Translators

103

SAN MATEO 28

Jesús nyucunú tepyala niswá. Jas tjijyünsa jupj. (Marcos 16.1-8; Lucas 24.1-12; Juan 20.1-10)

28

1 Tecyawaja

sábado* quinam, nasa domingo tepyala. ꞌÜcj tsjiꞌ lajaytsja quinam. Tjejyawca na, tjil nequem jomwen jul la nuc, Jesús jüpꞌüy tüpüntüpj ntꞌa. Quepj pjaní María, Magdalá mpe ꞌesepj. Maꞌajapj María ló watsja. 2 Pajal jus tiquitsꞌe nosis. Dios ángel* pjaní tjacꞌ tsjun mpe, nin mpes nin tepyala niná. Tjemey jupj jomwen jul ntꞌa. Jas tentené pe püné jun vilicj mpe. Jun cjol tepyala. ꞌEtjele ángel pe casaꞌá. 3 Pasal jas jawtsja jupj, menmené jinwá. Jas quip pje waytsja pajal, mol pje jinwá. 4 Militarpan tjelejen̈ neꞌaj custjay. Tjajamapj jomwen jul ntꞌa. Ángel tjunuc na, ticyücüyün̈ yupj, lacj tjeyapj mpes. Jis capj tꞌyaja pjü. 5 Nequem ma sin tjiꞌyüsa tsjan tepyalá. Mpes ángel* tjevele yupj jis lal: —‌Po ma locj tjeyá quinam. Napj selé nun lo palá Jesús. Jupj ne cruz* poꞌo tepeꞌe. 6 Len̈ quinam jupj. Jas tjijyünsa. Nyucunú tepyala niswá, jupj tjevele jinwá. Nculá nun. Tjunuca jupj tüpüꞌü ntꞌa. 7 Nun tjunucú na, len̈ way lowa jupj discipulopan* ntꞌa. Tjowelé yupj jis lal jupj jas tjijyünsa quinam. Nyucunú pꞌin quinam. Mwalá way jama nun jis lal Galilea ntꞌa. Galilea ntꞌa ca jus nucú jupj niswá. Nin ca mvelé nun yupj jis lal. Tꞌücꞌ ca mpalas napj tjevelé jinwá —‌nin tjevele ángel* yupj jis lal. 8 Mpes len̈ way tjil nequem jomwen jul mpe, ángel* tjijyüꞌta jinwá. Newa lacj jeyaptsja. Pajal ꞌücj jisastsja wa. Tsꞌequenen̈ la veles discipulopan* jis lal. Quelel javeleptsja ángel tjevelá. 9 Newa tsꞌequenen̈ na, Jesús lay jis tepyala yupj jis lal. Tjacꞌ la nüjüsü. —‌¿Min nucopj tjejyawca? —‌tjevele jupj. Nequem tjil jupj ntꞌa, palá nipiꞌtjin̈ jupj wolapꞌaꞌá. Ntjiꞌlin̈ jupj tsjom. Yólatsja jupj pajal püné, mpes nin la tjajay. 10 Jesús tjevele yupj jis lal: —‌Po ma locj tjeyá quinam. Lowa, mvelé mpülücpan jis lal. Najas ca mal Galilea ntꞌa. Neꞌaj ca nus nucucj. Nin ca mvelé yupj jis lal —‌tjevele.

11 Nequem

Militarpan la tsawil.

nasa tjil jomwen jul mpe. Tjil na, militarpan neꞌaj tjátjatsja custjay, yupj ne jajamaptsja jomwen jul. Yupj sin popa nepenowá tjil Jerusalén moꞌó. Tjowelepj sacerdote* noypan jis lal. Pjü tjowelepj tepyalá. 12 Sacerdote noypan ꞌa jis tjimyula judío* coꞌmüypan* jis lal.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MATEO 28

104

Ma jisastsja la pꞌa wa judiopan ca jus nlayecj Jesús jas tjijyünsa. Mpes yuwá pꞌin tjowelepj ꞌoyn nyuca la qjuijicj la pꞌa ma ca jus nlayecj. Tꞌemel pülücj jis tjaꞌayapj militarpan niná la tsuwil mpes. 13 Ninana yupj tjowelepj militarpan jis lal: “Nun ca mvelé jupj discipulopan* tjiquil püste na. Ca mvelé tepequen̈ jupj jüpꞌüy nun tjüjünaqué na. 14 Pꞌa witjacj niná cüvelecj jepa romano* lal, cupj ꞌücj ca la mijicj ma nucopj tyüla jupj”, nin tjowelepj yupj. 15 Niná ꞌüctsja militarpan jis lal. Mpes natj tꞌemel. Yupj la tsawil, sacerdotepan* tjüjütütj jinwá. Judiopan* topon militarpan tjowelepj. Ninana tintsja yupj tꞌya tjowelepj, newa javelepj niná Jesús poꞌó.

Jesús jos jupj discipulopan ca mal pjü nosis ntꞌa, ca sin ꞌyüsa la mijicj jupj mpes. (Marcos 16.14-18; Lucas 24.36-49; Juan 20.19-23)

16 Jesús

discipulopan* ꞌónceya tjil Galilea ntꞌa, jupj tjijyüꞌta jinwá. Tjil jocꞌ pjaní ntꞌa, jupj nasa tjevele yupj ca mal neꞌaj. 17 Neꞌaj jus tjunuc Jesús. Salejeptsja jupj Dios Jatjam, mpes palá nipiꞌtjin̈ jupj wolapꞌaꞌá. Yupj sin popa nepenowá sey cꞌa jinwatsja custjay. ꞌOtsꞌotsꞌ way pꞌin topon niná ne tꞌücꞌ way Jesús. 18 Jesús neꞌas tjemey yupj ntꞌa. Tjevele yupj jis lal: —‌Napj ꞌücj jyütütj pjü way tsjun poꞌó. Pjü wa nosis casá ꞌücj jyütütj wa. Mpapay ntjeꞌaya ca nin nsem. 19 Mpes lowa nun pjü nosis casá. Pjü ꞌa mulú patja jis lal ca mvelé napj mpes. Sin ꞌyüsa lis müjí, mpes yupj napj discipulopan* ca jis mpalas. Bautizar* ca lis müjí Dios Mpapay mpes, Dios Jatjam mpes wa, Dios Cjües mpes wa. 20 Ca sin müꞌüsüs la müjí ca nin la mijicj pjü way napj nu tjijyütütj. Tꞌücꞌ way napj pꞌiyá ca nucopj ncon̈ lovin, nosis cyawaja nas —‌nin tjevele Jesús jupj discipulopan jis lal.

El Nuevo Testamento en Tol de Honduras, 2da ed. ©2010, Wycliffe Bible Translators

Marcos papel tepyaca Jesucristo poꞌó

1

1 Po

Juan el Bautista tjevele Jesucristo poꞌó. (Mateo 3.1-12; Lucas 3.1-9, 15-17; Juan 1.19-28)

quina papel ca mpac Jesucristo poꞌó, jupj ne Dios Jatjam. Papel niná ca mveles tsjan niná pajal ꞌüsüs tepyala jupj la tjiji mpes. 2 Püna Isaías la pꞌa jis lal tjevele Dios tjevelá. Profétatsja* jupj püná. Jupj papel tepyaca Dios tjevelá Jatjam lal. Ninana tepyacá: “Napj yom pjaní jas majam ca. Jupj ca mim napj mpes. Jupj mveles ca napj mpes. Jupj mwalá way ca mim jipj lal. Pꞌa jawas jipj ca mim. Yom niná ca mveles gente jilal. Mpes yupj ca jisas nsem jipj jay yupj ntꞌa. 3 Yom niná wa cjuwá ntꞌa ca mim jupj. Pajal ca quelel mveles gente jilal napj mpes. Mpes yümücj ca mveles: ‘Qjuis Jepa Püné ca ncuwim. Nujola tꞌas ca nin la müjí quinam jupj jos jin. Malala nujola nun jümücj la luꞌulú jinwá. Po ma malala nujola tꞌas quinam. ꞌÜsüs nujola tꞌas, qjuis Jepa Püné jos jinwá’, nin ca mveles jupj.” Dios tjevele jupj ca nin mveles; Isaías tepyaca Dios tjevelá. 4 Mpes pꞌa jawas yom neꞌaj tjacꞌ wa cjuwá ntꞌa. Juan el Bautista lotsja jupj. Gente jis walapꞌaꞌa tjevele más ꞌücj ꞌaplijila nsem yupj, malala nyuca

105 El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 1

106

la tjajay mpes. Más ꞌücj ca Dios jos jin la mijicj quinam. Juan tjevele jupj ca ꞌüsüma jis mpaꞌtas, mpes bautizar* jis mpalas ca. Tjevele ca sin müjünsüs niswá. Mpes pjü ca jus nlayecj yupj quelel ꞌüsüs la mijicj quinam, Dios jos jinwá. Nin mpes Dios ca perdonar lis mijis malala nyuca la tjajay. Nin tjevele Juan yupj jis lal. 5 Pülücj way tjiquil jupj ntꞌa. Judea mpe tjiquil wa, neꞌaj judiopan* pjaní pjaní patja ntꞌa. Jerusalén mpe tjiquil wa, neꞌaj pülücj patja judiopan. Yupj tjiquil, tjowelepj jupj lal malala nyuca la tjajay. Niná tjowelepj na, Juan bautizar* lis tjiji ꞌüsǘ moꞌó. Jordán ló ꞌüsǘ neꞌaj. 6 Juan jas quip camello* tsꞌüilin waytsja jupj. Col tsyúꞌpatsja pjolocꞌ mpes. Tsꞌelel lyájatsja jupj. Tsꞌas jocꞌ ꞌalape píjisa watsja. Lovin nin tüpüꞌü. 7 Gente jilal tjevele: “Pꞌa jawas pꞌa wa ncuwim. Más püné jupj napj lal. Napj pajal tsjicj jupj lal. Po ꞌüsüs napj lal tsjiꞌ lejay jupj mpes. Napj jupj caite syoc la pꞌin ꞌücj napj lal. 8 Napj bautizar* la nusejay ꞌüsǘ mpes la pꞌin. Yom pꞌa wa niná más ꞌüsüs ca la mijis. Jupj ca nu maꞌayas Dios Cjües.”

Juan el Bautista bautizar la tjiji Jesús. (Mateo 3.13-17; Lucas 3.21-22)

9 Pꞌa

jawas Jesús Nazaret mpe tjacꞌ jupj, Galilea se jütütj mpe. Juan el Bautista ntꞌa tjemey. Juan el Bautista bautizar* la tjiji Jesús ꞌüsǘ püné moꞌó, niná ꞌüsǘ Jordán ló. 10 Jesús ꞌüsǘ mpe jas tjijyünsa na, jupj tjinyuca tsjun poꞌó tsjicj way la tücüeme, jun cjol tepyala. Nepé palá tjacꞌ Dios Cjües. Sipipj jinwá justa tjacꞌ jupj Jesús ntꞌa. Niná tjinyuca Jesús. 11 Tsjun poꞌo nepé vele pjactsja wa: “Jipj napj Natjam. Quelel la ꞌejay pajal napj. Pajal ꞌücj najas jipj lal.”

Diablo jostsja Jesús malala nyuca la mijis. Ma la tjiji. (Mateo 4.1-11; Lucas 4.1-13)

12 Dios

Cjües jas tjejyama Jesús campa way ꞌin, wa cjuwá ntꞌa. Mpes tjemey jupj. 13 Tsꞌacꞌ cuarenta tüpüꞌü neꞌaj. Animal pülücj lyawun̈tsja la pꞌin neꞌaj. Neꞌaj tjacꞌ Satanás* Jesús ntꞌa. Malala tjevele Jesús lal. Jostsja ca Jesús malala nyuca la mijis. Ángel* witjacj tjiquil Jesús ntꞌa, cus tjapꞌacj jupj.

14 Jepa

Jesús tjevele Dios tjevelá, pajal ꞌüsüs way niná. (Mateo 4.12-17; Lucas 4.14-15)

cawilta moꞌo tjeꞌyonsa Juan el Bautista. Nin tepyala na, Galilea moꞌo tjemey Jesús. Neꞌaj pülücj jis walapꞌaꞌa tjevele Dios pajal El Nuevo Testamento en Tol de Honduras, 2da ed. ©2010, Wycliffe Bible Translators

107

SAN MARCOS 1

ꞌüsüs la tjiji gente mpes. 15 Jesús tjevele: “Quina ca nin mpalas, Dios ca müjüꞌtüs nosis ntꞌa. Len̈ way ca nin nsem. ꞌAplijila tꞌas malala nyuca la tjüjí. ꞌÜsüs la müjí quinam Dios jos jinwá. Mponé Dios tjevelá, jupj tjevele jupj pajal ꞌüsüs liji nun mpes.”

Jesús tjevele niyom yulupjana jilal: “Mas napj lal”. (Mateo 4.18-22; Lucas 5.1-11)

16 Jesús

ꞌüsǘ püné la ntꞌa tjemey jupj. Galilea ló ꞌüsǘ niná. Yom mátꞌeya yus tjinyuca. Pjaní Simón lotsja jupj. Maꞌajapj Andrés lotsja jupj. Jupj Simón tsüípetsja. Po quina ataraya püné la tsꞌitsja ꞌüsǘ moꞌó. Lovin cjul pjeꞌá la coytsja yupj, lovin nin la tjajaytsja, tapatja. 17 Jesús tjevele yupj jilal: “Ncapj ncon̈có nun. Napj ca nusin ꞌyüsa la mejay ꞌücj la veles la pꞌa jilal Dios mpes. Nin mpes ca nepénowa cus ncon̈cocj wa jupj.” Nin tjevele Jesús. 18 Len̈ way tüpüntüpj yupj jis ataraya, tjil Jesús lal. 19 Jesús tsjicj way tjemey na, la pꞌa wa yus tjinyuca jupj. Pjaní Jacobo lotsja jupj. Pꞌa wa Juan lotsja jupj. Jupj Jacobo tsüípetsja. Yupj Zebedeo jatjampan waytsja. Barco* wama tjátjatsja yupj jis papay lal, jupj jomozopan jis lal wa. Ataraya püné ꞌücj la tjajaytsja yupj. 20 Jesús ma la tjinyuca. Jis lal tjevele ncul yupj, ca cus ncon̈cocj. Mpes tjil jis papay tjáꞌasa mpe, jupj jomozopan mpe wa. Tjil Jesús lal.

21 Capernaum

Jesús más püné lapanenpan jilal. (Lucas 4.31-37)

ntꞌa tjil yupj, pülücj patja ntꞌa. Sábado* na tjil judiopan* ꞌa si mulú ntꞌa. Jesús sin ꞌyüsa la síjitsja yupj quinam. 22 Pajal nin yólatsja yupj Jesús tjevele mpes. Jesús Moisés* popel sin ꞌyüsa lajay jin tuluctsja. ꞌÜcj jis la jütütj jinwá tjevele jupj. 23 Yom tjáꞌasa neꞌaj, wosis ntꞌa judiopan ꞌa si mulú ntꞌa. Lapanen jupj jos moꞌo tüpǘꞌütsja. Yom niná yümücj tjevele Jesús lal: 24 —‌Jipj Jesús Nazaret mpe ꞌesepj. ¿Tsjan pjucj tjacuy cupj ntꞌa? ¿Ncu pjü malala qjuis la jay tjacuy jipj? Napj selé pjacj ne jipj. Dios jutsꞌaꞌá way jipj. Pajal ꞌüsüs way jipj. 25 Jesús yümücj tjevele lapanen lal: —‌¡Lyájasa tꞌas! ¡Jutja jupj jos mpe! —‌tjevele. 26 Yom pajal jun jyuꞌya tepyala lapanen la tjiji. Lapanen yümücj la tipiya. Jupj jos mpe tjemey. 27 Pjü way po yólatsja ꞌüsüs tepyala mpes. Mpes yuwá tjowelepj yupj: “¿ꞌOyn ne nin vele jupj? Seyasa way

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 1

108

qjuisin ꞌyüsa liji Jesús. Jepa jinwá qjuisin ꞌyüsa la qjuisiji. Jyüꞌta wa lapanenpan jilal, ne nin lajay jupj vele jin.” 28 Pjü jilal tjowelepj Jesús la tjijá. Mpes Galilea moꞌó len̈ way pjü tjepjyacan̈ Jesús poꞌó.

29 Judiopan*

Jesús tjiꞌyüꞌsa la tjiji Simón pwisam. (Mateo 8.14-15; Lucas 4.38-39)

ꞌa si mulú ntꞌa, niná wo mpe tjemey quinam Jesús. Jacobo, Juan jilal tjemey jupj. Simón, Andrés jis wa ntꞌa tjil yupj. Wama tjil yupj. 30 Neꞌaj Simón pwisam pǘꞌütsja, malala jostsja jupj. Po ꞌin si ꞌáwatsja jupj. Neꞌaj patja tjowelepj Jesús lal malala jostsja niná. 31 Jesús tjemey jupj ntꞌa. Mos ntjüiꞌle, jas tjijyünsa jupj. Mpes ꞌücj jáꞌasatsja jupj quinam. Si ꞌawa tjiꞌyüꞌsa quinam. Len̈ way niná ve jis tjeꞌyaya, tjalá yupj.

32 Püste

Pülücj malala jisas jis tjiꞌyüꞌsa lis tjiji Jesús. (Mateo 8.16-17; Lucas 4.40-41)

tepyala na, la pꞌa wa tjiquil, jis tucuman pjü way malala jisas Jesús ntꞌa. Nepénowa lapanenpan yupj jisas moꞌo pátjatsja yupj. 33 Pjü way neꞌaj pꞌin patja ꞌa jis tjimyula wo jun vilicj ntꞌa. 34 Pülücj malala jisas jis tjiꞌyüꞌsa lis tjiji Jesús. Pjeꞌá sin tjejyama lapanenpan pülücj. Mpes yupj tjil. Yupj salejeptsja pjacj ne jupj, Jesús. Mpes Jesús ma jis tjeꞌyaya jis la veles.

35 Püstapj

Galilea moꞌó Jesús tjevele Dios tjevelá. (Lucas 4.42-44)

tsyülümǘ Jesús, ma tjejyawca na pꞌin. Jas nisa jupj. Tjemey jusapj, pjü len̈ ntꞌa. Dios lal tjevele neꞌaj. 36 Yacjaya Simón, jupj jomicapan jis lal la tapaltsja Jesús. 37 Jupj la nyüjüsün̈ na, tjowelepj jupj lal: —‌Pülücj la ꞌe pal jipj. 38 Jesús tjevele: —‌L a pꞌa ntꞌa ꞌalas, neꞌaj pꞌin nepénowa patja ntꞌa. Napj ca mvelé wa yupj jis walapꞌaꞌá Dios tjevelá. Napj tjacuwis lo veles Dios tjevelá. 39 Pues jun taꞌá tjemey Galilea moꞌó, Jesús. Wa witjacj judiopan* ꞌa si mulú ntꞌa tjemey lovin. Pjü jis walapꞌaꞌa tjevele Dios tjevelá. Nepénowa lapanenpan pátjatsja yupj jisas moꞌó. Mpes Jesús pjeꞌá lis tecyoye tjil lapanenpan.

El Nuevo Testamento en Tol de Honduras, 2da ed. ©2010, Wycliffe Bible Translators

109

SAN MARCOS 1, 2

Yom pjolocꞌ tjamaja. Jesús tjiꞌyüꞌsa la tjiji jupj. (Mateo 8.1-4; Lucas 5.12-16)

40 Yom

pjaní tjacꞌ Jesús ntꞌa. Malala jostsja pajal. Jupj jüpꞌüy tjamaja lovin, palá tinca jupj jüpꞌüy popé. Jesús ntꞌa tjacꞌ na, tüicꞌ jin tjüjünsü jupj. La tjemyona: —‌Jipj polel ni ꞌüꞌsa lejay. Jipj jyas na ca nin nsem. 41 Jesús pajal jólatsja jupj mpes. Mpes pjwel la tepyacta, po la tjeꞌyotꞌa yom malala jos. Tjevele: —‌Najas. ꞌI tjüꞌüꞌsüs quinam. 42 Len̈ way jüpꞌüy tjiꞌyüꞌsa. 43 Tjiꞌyüꞌsa na pꞌin, Jesús jas tjejyama jupj sacerdote* ntꞌa. Tülü way tjijyüꞌta ma ca nin mveles nin tepyalá. Tjevele: 44 —‌Po ma mvelen la pꞌa lal quinam jipj ꞌi tjüꞌüꞌsa. Jutja sacerdote* ntꞌa. Jupj ca jis nucus. Ca la mpalas nucus ncu malala lo nuc jipj pꞌyüy poꞌó. Ca mveles ꞌüsüs quinam. Niná la tjejay na, Dios mpes maꞌayan, jipj ꞌi tjüꞌüꞌsa mpes. Pajal püna Moisés* tjijyüꞌta tsjan ca maꞌayacj, jis pꞌüy jis tjiꞌyüꞌsa na. Jupj tjijyüꞌta jin ca la mijin. Pjü la tjejay na, la pꞌa ca jus nlayecj jipj tꞌücꞌ way ꞌi tjüꞌüꞌsa quinam —‌nin tjevele Jesús. 45 Yom tjemey wa mpe. Ma la tjiji Jesús tjevele jin. Pjü way jilal tjevele Jesús tjiꞌyüꞌsa la tjiji jupj. Pülücj way jilal tjevele jupj. Nin mpes Jesús ma polel jámatsja pülücj patja ntꞌa. Mpes gente len̈ ntꞌa tüpüꞌü jupj. Mopꞌin pülücj tjiquil pülücj patja mpe Jesús ntꞌa.

2

1 Pꞌa

Yom ma polel ꞌutanatsja. Jupj tjiꞌyüꞌsa la tjiji Jesús. (Mateo 9.1-8; Lucas 5.17-26)

jawas Jesús tjemey niswá Capernaum ntꞌa. Pjü way tjepjyacan̈ Jesús neꞌaj tüpüꞌü wa moꞌó. 2 Jupj lal pülücj ꞌa jis tjimyula wa moꞌó. Pꞌa wa ma polel wama jiltsja yupj. Pülücj way lejen̈tsja jun vilicj ntꞌa ꞌotsꞌipj. Jesús yupj jilal tjevele Dios tjevelá. 3 Nin líjitsja na, niyom yulupjana tjiquil. Yom ma polel ꞌutaná tucuman hamaca lal. 4 Ma polel wama tjil yupj malala jos lal, mpes wo jay tjujulul Jesús casaꞌá. Jul ꞌücj la tjajay na, malala jos palá tüpüntüpj hamaca mpes. 5 Jesús jus nléyatsja yupj topon jupj polel ꞌyüꞌsa liji jupj. Nin mpes malala jos lal tjevele: —‌Napj perdonar la ꞌejay malala nyuca la tjejay Dios lal. Ma nin nola quinam. 6 Niyom Moisés* popel sin ꞌyüsa lajay neꞌaj tjatja, tjepjyacan̈ Jesús tjevelá. Malala jin yólatsja Jesús tjevelá. Yólatsja: 7 “¿Tsjan pjucj niná nin vele? Jupj tjevelá

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 2

110

Yom ma polel utaná tucuman Jesús nta. (San Marcos 2.3)

malala Dios lal. Jupj ma polel perdonar liji malala nyuca liji. Dios pꞌin nin liji.” 8 Nin yólatsja na pꞌin, Jesús seletsja nin yólatsja yupj. Mpes Jesús tjevele yupj jilal: —‌¿Tsjan mpes nin nujola napj tjevelé malala Dios lal? Nin tulucj. 9 Napj ꞌücj velé: ‘Napj perdonar la ꞌejay malala la tjejay Dios lal’. Napj

El Nuevo Testamento en Tol de Honduras, 2da ed. ©2010, Wycliffe Bible Translators

111

SAN MARCOS 2

ꞌücj wa velé: ‘Jin tjijyünsa, ca mim’. ¿Cana más ꞌin costa la veles? 10 Nin pꞌiyá ca mvelé wa malala jos lal, mpes nun ca jus nlayé napj ꞌücj perdonar lejay nosis ntꞌa. Napj pꞌiyá niná Yomen Dios jas tjejyamá —‌nin tjevele Jesús. Nin mpes Jesús tjevele malala jos lal: 11 —‌Jin tjijyünsa. Hamaca ntꞌya, ntꞌan, jutja wya ntꞌa. 12 Len̈ way jas nisa jupj. Hamaca ntꞌya. Tjemey quinam pjeꞌá. Pjü way jus tjunuc. Pajal yólatsja yupj ꞌüsüs tepyala mpes. ꞌÜsüs tjowelepj Dios poꞌó. Tjowelepj: —‌Lovin ma tjinyucuctsja cupj nin tepyalá. Yacjaj pꞌin tjinyucucj.

Jesús jostsja Leví ca cus ncon̈cos jupj. (Mateo 9.9-13; Lucas 5.27-32)

13 ꞌÜsǘ

püné la ntꞌa tjemey Jesús niswá. Pajal pülücj ꞌa jis tjimyula jupj ntꞌa, ne jupj sin tjiꞌyüsa lis tjiji. 14 Yacjaya tjemey Jesús. Jámatsja na, Leví jus tjinyuca. Alfeo jatjam waytsja jupj, Leví. Impuesto jaylacj tꞌeꞌéncatsja jupj jepa mpes jümücj casá tjelyawun̈ jilal. Wa ntꞌa impuesto tꞌeꞌenca ntꞌa tjáꞌasa. Jesús tjevele jupj lal: “Ncapj tecyon̈ca jipj. Najas ncapj cyon̈ lovin.” Mpes jas nisa jupj, cus tecyon̈ca quinam jupj. 15 Locopyaya Jesús Leví wo ntꞌa jáꞌasatsja. Neꞌaj tjelyaja jupj discipulopan* jilal. Neꞌaj tjiquil wa, tjalá watsja niyom pülücj. Nepénowa impuesto jataꞌepj tapatja, Leví jinwá. Yupj pequen̈tsja püna pꞌin. Pꞌa witjacj ma tꞌücꞌ la tjajay Moisés* popel tjijyüꞌtá. Yupj sin popa pülücj cus tocon̈ Jesús quinam. 16 Niyom pꞌa wa tjunuc Jesús tjelyaja yupj jilal. Yupj ne Moisés popel sin ꞌyüsa lajaytsja. Fariseopan* waytsja yupj. Niná tjunuc na, yupj jis la tjüꞌüy Jesús discipulopan jilal: —‌¿Tsjan mpes lyaja Jesús impuesto jatꞌanquepj jis lal, malala nyuca lajay jilal ꞌotsꞌipj? 17 Jesús tjapjaca jis la tjüꞌüy jupj discipulopan* jilal. Tjevele yupj jilal: —‌ꞌÜcj jisas ma jisas doctor. Malala jisas pꞌin doctor jisas. Napj doctor jinwá malala lajay jis lal. Napj niná nin lejay Dios jos jinwá. Napj tjacuwis la veles malala lajay jis lal. Napj velé yupj jis lal Dios jos yupj ꞌaplijila nsem malala nyuca la tjajay mpes. Dios jos yupj ꞌüsüs la mijicj quinam jupj jos jinwá. Niná napj ma velé ꞌüsüs lajay jis lal —‌nin tjevele Jesús.

Jesús discipulopan pꞌa casá lajay püna tapatja jis lal. (Mateo 9.14-17; Lucas 5.33-39)

18 Juan

discipulopan* ma jalatsja neneyawá; quelel javeleptsja pꞌin Dios lal. Nin lajay watsja fariseopan*. Mpes nepénowa tjiquil Jesús ntꞌa, tjowelepj: El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 2

112

—‌Juan discipulopan* ma jalá neneyawá; quelel javelepj pꞌin Dios lal. Nin pꞌiyá lajay wa fariseopan* jis discipulopan. ¿Tsjan mpes jipj discipulopan ma nin lajay? 19 Jesús jis wala tjevele: —‌Yom judío* woya na, jupj jomicapan jiquil wa cus la con̈ jupj. Pasal ꞌücj jisas, jalá jupj lal. Nin pꞌiyá napj discipulopan* jis lal. Napj yupj jis lal ꞌos. ꞌÜcj javelepj napj lal. Nin mpes ꞌücj jisas jatja yupj. ꞌÜcj yupj jalá. 20 Pꞌa jyawca na, pꞌa casá ca nsem. La pꞌa ca ncul, ca ma tjililin̈. Len̈ ca nsem napj. Nin jawas tjejyawca na, napj discipulopan ma ca nlajacj neneyawá, ca mvelecj pꞌin Dios lal —‌nin tjevele Jesús. 21 Jupj tjevele wa jupj lal japon ma polel nin pꞌiyá lajay püna tapatja la tjajay jinwá. —‌Nin pꞌiyá ma polel jul sa lul jis pülül pül pülül seyasa mpes —‌tjevele—‌. Nin lajay na, pülül seyasa laꞌí pyala tepeꞌe na. Mpes pülül pül way ca la ntsüꞌüm, ca püné way la jul nsem. 22 Nin pꞌiyá wa, judiopan* uva ꞌüsǘ seyasa jatatj na. Uva ꞌüsǘ seyasa ma ca moꞌo ntꞌucj pjolocꞌ pül way moꞌó. Nin lajay niná, pjolocꞌ pül ca mpjoltem ꞌüsǘ myolca mpes. Tjopjolta na, uva ꞌüsǘ ca jus ncocom. Malala ca mpalas wa pjolocꞌ. Nin mpes ma lajay niná. Uva ꞌüsǘ seyasa jatatj na, pjolocꞌ seyasa moꞌo ca ntꞌucj —‌nin tjevele Jesús.

23 Sábado*

ꞌÜcj Jesús jyüꞌta wa sábado jawas. (Mateo 12.1-8; Lucas 6.1-5)

pjaní Jesús trigo* lejen̈ culupwen nipj tjemey. Sábado tsꞌacꞌ niná judiopan* ma tsjiꞌ lajay. Jupj discipulopan* tjil wa jupj lal. Jiltsja na, trigo nepénowa sey jatꞌanqueptsja yupj. 24 Fariseopan* yólatsja malala niná yupj la tjajay. Mpes tjowelepj Jesús lal: —‌¿Tsjan pjucj nin lajay jipj discipulopan*, trigo* jatꞌanquepj? Dios Popel vele ma polel tsjiꞌ lijicj sábado* na. 25 Jesús jis wala tjevele: —‌Dios Popel vele wa David* la tjijá pajal püna. ¿Ncu lovin ma moꞌo tjowelé niná? (David israelpan* jis jepa waytsja püná. ꞌÜsüstsja jupj Dios lal.) Tsꞌacꞌ pjaní jupj vecj péꞌetsja. Noyomes jupj cus tocon̈ wa, vecj tecyaꞌlin̈ wa yupj. Ve cjuwatsja yupj. 26 Mpes jupj wama tjemey Dios wo ntꞌa. Pan ntꞌya, tjelyaja. Jis tjeꞌyaya wa niyom cus tocon̈. Pan niná israelpan tjaꞌayapj Dios mpes. Dios Popel tjevele sacerdotepan* pꞌin ꞌücj jalá pan niná. Pꞌa wa ma polel jalá yupj. David sacerdote tuluctsja, mopꞌin nin, Dios ma tsꞌi tjiꞌina jupj tjelyaja mpes. David nin la tjiji Abiatar sacerdote más pünetsja na.

El Nuevo Testamento en Tol de Honduras, 2da ed. ©2010, Wycliffe Bible Translators

113

SAN MARCOS 2, 3

27 Jesús

tjevele wa: —‌Dios gente jis tjeꞌyaya ma tsjiꞌ lajay sábado* na. Niná jis tjijyüꞌta ꞌüsüs jis la pal la pꞌin. Dios ma nin liji pajal costa nsem gente ꞌüsüs lajay sábado na. 28 Napj pꞌiyá niná Yomen Dios jas tjejyamá. Napj ꞌücj wa jyütütj tsjan ꞌücj lajay sábado na, tsꞌacꞌ ma tsjiꞌ lijicj na —‌nin tjevele Jesús.

Yom mos cꞌa tjiꞌyüꞌsa la tjiji Jesús (Mateo 12.9-14; Lucas 6.6-11)

3

1 Pꞌa jyawca na Jesús wama tjemey judiopan* ꞌa si mulú ntꞌa. Yom neꞌaj tjáꞌasa wa moꞌó, mos cꞌa waytsja jupj. Ma polel le páctatsja jupj. 2 Niyom pꞌa wa neꞌaj tjatja wa. Pajal jus tjunuc Jesús, quelel januctsja ncu ꞌyüꞌsa liji sábado* na, tsꞌacꞌ niná ma tsjiꞌ lajay. Jisastsja Jesús ca malala la mijis, mpes ꞌücj jatꞌ mvelecj ca Jesús malala. 3 Jesús tjevele yom mos ma polel le pacta lal: —‌Jin tjijyünsa jipj. Yupj lejen̈ culupwen ntꞌa was jipj. 4 Tjevele wa niyom pꞌa wa jilal: —‌¿Cana más ꞌücj lejay sábado* na, tsꞌacꞌ ma tsjiꞌ lijicj na? ¿Ncu más ꞌücj ꞌüsüs lejay, ncu más ꞌücj malala lejay? ¿Ncu más ꞌücj se pꞌacj ꞌücj la pütꞌüs jupj, ncu más ꞌücj ꞌyünan jupj? —‌nin tjevele Jesús. Lyájasa tjelejen̈tsja yupj. 5 Jesús po ma jostsja yupj malala yólatsja; yupj ma quelel sin ꞌyǘsatsja Dios jos jin. ꞌAplijila tepyala Jesús yupj malala yólatsja mpes. Tjevele yom mos cꞌa lal: —‌Myas la tepyacta. La tepyacta jupj mos quinam. Tjiꞌyüꞌsa jupj quinam. 6 Fariseopan* tjil quinam yupj. Tjil Herodes jomicapan ntꞌa. Yuwá tjowelepj ꞌoyn nyuca la ꞌünan Jesús.

Pülücj tjiquil Jesús ton̈ca ntꞌa, ꞌüsǘ la ntꞌa.

7 Locopyaya

Jesús tjemey ꞌüsǘ püné ntꞌa jupj discipulopan* jilal. Pülücj way Galilea poꞌo patja witjacj tjil wa Jesús lal. 8 Pajal pülücj jus nlay Jesús ꞌüsüs la tjíjitsja. Mpes tjiquil wa yupj jupj ntꞌa. Tjiquil Judea mpe, Jerusalén mpe wa, Idumea mpe wa, ꞌüsǘ püné naꞌaj poꞌó mpe wa. (Jordán ló niná ꞌüsǘ püné.) Tiro neꞌaj pꞌin mpe tjiquil wa nepenowá. Sidón neꞌaj pꞌin mpe tjiquil wa nepenowá. 9-10 Pülücj way jis tjiꞌyüꞌsa lis tjiji Jesús. Mpes la pꞌa malala jisastsja pjü cus tjeletjatj jupj. Pülücj waytsja yupj. Nin mpes Jesús jupj discipulopan jilal tjevele: “Barco* ncaꞌá ma ꞌe nun. Pülücj ncapj jaletjatj yupj.” 11 Neꞌaj

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 3

114

lapanenpan tapatja gente nepénowa jisas moꞌó. Jesús jus tjunuc na, palá nipiꞌtjin̈ yupj. Yümücj tjowelepj yupj: —‌Jipj Dios Jatjam. 12 Jesús jis tjijyüꞌta: —‌Po ma tjowelé la pꞌa jilal pjacj ne napj.

13 Jesús

Niyom dóceya lis tꞌya Jesús. (Mateo 10.1-4; Lucas 6.12-16)

neven popa viyavin tjemey. Neꞌaj ꞌetjele na, niyom nepénowa lis tꞌya jupj. Tjevele ncul yupj, mpes tjiquil. 14 Dóceya lis tꞌya, tjevele jupj apostolpan* ca nsem yupj. Tjevele ca jupj lal mpatjam, ne jupj ca sin majamas pꞌa ntꞌa. Neꞌaj pülücj jis walapꞌaꞌa ca mvelecj Dios tjevelá. 15 Tjevele ꞌücj ca jis müjüꞌtücj lapanenpan, mpes ca mal gente jisas mpe. 16 Ninana niyom dóceya jis lá: Simón pjaní wa (Jesús pꞌa ló la tꞌya Simón mpes. Pedro ló la tꞌya wa.) 17 Jacobo pjaní wa, jupj tsüipe Juan ló pjaní wa, yupj ne Zebedeo jatjampan (Jesús la pꞌa jis lá lis tꞌya wa yupj. Yümücj tjowelepj lovin, mpes Boanerges jis lá tjevele Jesús. Tꞌiꞌila pjac jin javelepj velecj cupj, cupj qjuis tin.) 18 Andrés pꞌa wa, Felipe pꞌa wa, Bartolomé pꞌa wa, Mateo pꞌa wa, Tomás pꞌa wa, Jacobo pꞌa wa, jupj ne Alfeo jatjam; Tadeo pꞌa wa, Simón pꞌa wa (Simón le palánatsja jepa lal, jepa israelpan* popa tulucj. Nin mpes “Israel Mpes Jola” lotsja wa jupj.) 19 Judas Iscariote pꞌa wa. Pꞌa jawas Judas Iscariote Jesús enemigo tepyala. Jis capj tjepꞌyaꞌsa Jesús enemigopan jis la tjilil jupj.

20 Yacjaya

Jesucristo tsyuꞌpa diablú. (Mateo 12.22-32; Lucas 11.14-23; 12.10)

Jesús wama tjemey wosis neꞌaj ton̈ca moꞌó. Niswa pülücj tjiquil, ꞌa jis tjimyula jupj ntꞌa. Mpes Jesús ma polel lyájatsja, ma wa tjalá jupj discipulopan*. 21 La pꞌa tjowelepj niná Jesús pülücpan jis lal, jupj jamay lal wa. Mpes tjil yupj, Jesús lal la cuwis. Yuwá javeleptsja: “Malala jola jin liji jupj”. 22 Niyom Moisés* popel sin ꞌyüsa lajay malala wa tjowelepj Jesús poꞌó. Jerusalén mpe tjiquil yupj. Tjowelepj: “Beelzebú püꞌü jupj jos moꞌó, se pꞌaꞌsa jupj. Nin mpes ꞌücj pjeꞌá jas tjejyama lapanen. Beelzebú diablo* pꞌin. Jepa püné jupj lapanenpan jis lal.” 23 Yupj nin tjowelepj mpes Jesús yupj jis lal tjevele ncul. Parábola* tjevele jupj, sin ꞌyüsa lis tjiji mpes. Tjevele: “Satanás* ma polel pjeꞌá se

El Nuevo Testamento en Tol de Honduras, 2da ed. ©2010, Wycliffe Bible Translators

115

SAN MARCOS 3, 4

jamá jupj pꞌiyá. 24 Yuwá nyucunun̈ jepa pjaní jyüꞌta ntꞌa, jis enemigopan ꞌücj ca malala lis mijicj yupj. 25 Nin pꞌiyá wosis pjaní ntꞌa patja jis lal. Yuwá nyucunun̈, jis enemigopan ꞌücj ca malala lis mijicj yupj. 26 Nin wa Satanás lal. Jupj pjeꞌá se jamá jupj si jütüta sin popé, jupj enemigopan ꞌücj ca malala la mijicj jupj. Jupj nin la qjuijis, jupj nucunú watsja jupj mpes pꞌiyá. Nin la qjuijis, len̈ way ca polel malala mpalas jupj. 27 ”Napj tsyupapj jupj, diablú*. Nin mpes ꞌücj lo ꞌüꞌsüs lejay jupj malala la tjijá. Diablo yom jas tjiyocj jinwá. Pꞌa wa ma polel wama la winin la pecj yom jas tjiyocj wo moꞌó. Mwalá way ca ntsuꞌpas yom jas tjiyocj. Locopyaya ꞌücj lo tjilil yom jas tjiyocj jutsꞌaꞌá. 28 ”Nin mpes nin velé Dios ma ca perdonar la numijis nun, nin tjowelé mpes. Tꞌücꞌ way velé napj. Pjü way malala nyuca lajay, pjü way ꞌücj perdonar liji Dios. Pjü malala javelepj Dios poꞌó, jupj ꞌücj perdonar liji wa. 29 Pjaní pꞌin ma perdonar liji. Malala javelepj Dios Cjües poꞌó, Dios ma perdonar lis mijis. Yupj lovin malala nsem Dios lal.” 30 Nin tjevele Jesús. Niyom nepénowa tjowelepj lapanen jupj jos moꞌo püꞌü, mpes nin tjevele.

31 Jesús

Dios jos jin lajay, yupj ne Jesús jüpülücpan. (Mateo 12.46-50; Lucas 8.19-21)

jamay neꞌaj tjacꞌ, jupj jüpülücpan tjiquil wa. Wama ma polel jiltsja yupj, mpes pjeꞌá lejen̈tsja yupj. Quelel javeleptsja Jesús lal. Mpes neꞌaj tjatja sin popa pjaní jas tjajam wa moꞌó, lal ncuwim Jesús. 32 Gente pülücj Jesús tꞌasiyú játjatsja, tjowelepj Jesús lal: —‌Jemay tjacꞌ, pyülücpan tjiquil wa, pjeꞌá jatja quinam. Quelel jis januc yupj. 33 Jesús jis wala tjevele: —‌¿ꞌOyn nujola nun? ¿Pjacj napj namay? ¿Pjacj napj mpülücpan? 34 Tꞌasiyú jatja yus tjinyuca Jesús, tjevele: —‌Nun napj namay jin pꞌiyá napj lal. Nun napj mpülücpan jin pꞌiyá. 35 Dios jos jin lojí, nun napj natjaypan jinwá, napj ntaꞌapan jinwá, napj namay jinwá nun napj lal —‌nin tjevele Jesús.

4

Pülücj pjyacan̈ Dios velá. Nepénowa nin lajay, nepénowa ma lajay jupj vele jin. (Mateo 13.1-23; Lucas 8.4-15) 1 Jesús

tjemey ꞌüsǘ püné la ntꞌa. Sin ꞌyüsa la síjitsja neꞌaj. Pajal pülücj ꞌa jis tjimyula jupj ntꞌa. Mpes barco* wama tjemey, ꞌetjele El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 4

116

jupj, más ꞌücj la veles yupj jis walapꞌaꞌá. Pajal pülücj ꞌüsǘ la ntꞌa lejen̈tsja jis la pjac. 2 Pajal pülücj sin tjiꞌyüsa lis tjiji jupj. Lovin parábola* tjevele jupj, sin la ꞌüsüs jis la jay. Niná Jesús tjevelá: 3 “Tjapjaꞌaqué nun. Yom setel sine wínetsja. Naꞌaj li tsꞌiyá sínetsja jupj. 4 Mpes sine na, setel nepénowa palá tinca jümücj casá. Tsipyaya tjiquil, tjalá setel niná. 5 Setel nepenowá pe casá palá tinca. ꞌOtsꞌotsꞌ way ꞌamá ꞌalatsja neꞌaj. Len̈ way tecyojo, ꞌamá tsjicj way pꞌin jáꞌasatsja, ne nin. 6 Nin mpes malala tepyala jupj. Tjejyawca na, tsꞌiquenan̈. Tsꞌiquenan̈tsja jis tsꞌil ꞌamá casá way ton̈ca mpes. 7 Setel nepénowa jam ntꞌa palá tinca. Jam jis tꞌyüna watsja. Pajal qjuisiyama tepyala, mpes jupj sínetsja ma si tꞌünǘ. Ma tjevyala jupj. 8 Setel nepénowa ꞌamá ꞌüsüs casá palá tinca. Tecyojo, jis tꞌyüna. ꞌÜsüs tjevyala. Nepénowa setel tréinteya tjevelan̈, nepénowa sesenta, nepénowa cien”, nin tjevele Jesús. 9 Tjevele wa: “Najas pjü tjapjaꞌaqué, pjü nusin tjüꞌüsüs napj tjevelé”. 10 Pjü way tjil na, Jesús discipulopan* dóceya jupj lal játjatsja custjay. La pꞌa nepenowá jupj lal játjatsja wa. La tjüꞌüy Jesús lal tsjan mpes parábola* mpes sin tjiꞌyüsa lis tjiji. Más ꞌin costa la ꞌüsüs niná. 11 Jesús tjevele: “Dios ma se ꞌaya pjü sin ꞌyüsa ꞌoyn nyuca jyüꞌta jupj. Jupj nu ꞌyaya nun ca nusin müꞌüsüs niná. Nin tulucj yupj jis lal. Dios si jütüta sin popa tulucj yupj. Parábola* mpes pꞌin sin ꞌyüsa lejay yupj. 12 Mpes tꞌücꞌ ca nsem niná Dios Popel tjevelá: ‘Lovin ca nucucj, newa ma ca jus nlayecj tsjan nucucj yupj. Lovin ca mpjacan̈, newa ma ca sin müꞌüsüs. Yupj newa ma quelel sa con̈ Dios, mpes Dios ma polel perdonar la siji. Nin mpes ma se ꞌaya sin ꞌyüsa yupj.’ ” 13 Jesús tjevele wa: “¿Ncu ma nusin ꞌyüsa parábola* niná? Ma nusin ꞌyüsa niná, pꞌa wa ma wa ca nusin müꞌüsüs nun. 14 Yom setel la tsꞌiya, nin pꞌiyá niná jupj pülücj jis lal vele Dios tjevelá. 15 Gente nepénowa setel jümücj casá palá tinca jinwá yupj. Yupj pjyacan̈ Dios tjevelá. Locopyaya Satanás* jacꞌ la taꞌes yupj tjepjyacan̈. Nin mpes yoꞌ peꞌe Dios tjevelá. 16 Gente la pꞌa, setel pe casá palá tinca jinwá yupj. Yupj pjyacan̈ Dios tjevelá. Japon yupj. ꞌÜcj jisas se palá tjepjyacan̈ mpes. 17 Tsjutsj jis tsꞌil ꞌamá casá way ton̈ca jinwá yupj. Tsjicj way pꞌin japon. Locopyaya malala se palá ca nacj. La pꞌa malala la sajay napj lal japon mpes ca nacj. Nin tepyala na, len̈ way pꞌa casá yola se palá yupj. Ma quelel sa con̈ quinam Dios. 18 Gente la pꞌa setel jam ntꞌa palá tinca jinwá yupj. Pjyacan̈ wa Dios tjevelá. Japon yupj. 19 Mopꞌin pajal nin

El Nuevo Testamento en Tol de Honduras, 2da ed. ©2010, Wycliffe Bible Translators

117

SAN MARCOS 4

yola nosis casá lajay mpes. Tꞌemel pülücj jisas yupj. Yola tꞌemel pajal ꞌüsüs; tꞌücꞌ tulucj niná. Jisas ca pülücj ntaꞌacj nosis casá. Mpes lovin ma lajay Dios tjevele jin. 20 Gente la pꞌa wa setel ꞌamá ꞌüsüs casá palá tinca jinwá yupj. Pjyacan̈ Dios tjevelá, jisas wa niná. Yupj nin lajay Dios tjevele jin. Yupj ꞌüsüs pajal; setel sine, cyojo, vyala jinwá yupj. Nepénowa treinta velan̈ jinwá yupj. Nepénowa sesenta velan̈ jinwá yupj. Nepénowa cien velan̈ jinwá yupj”, nin tjevele Jesús Dios Popel pjyacan̈ mpes.

Dios jos qjuisin ꞌyüsa jupj velá. (Lucas 8.16-18)

21 Jesús

tjevele yupj jilal: “Nenéyawa nun sin popa pjaní ꞌiyó je si müjü, queꞌe jupj. Nin liji na, ma tsjoꞌoy ꞌalá pyünta. Ma cjan ꞌalá pyünta. Campanya pyünta pjü ꞌücj jis la nuc. 22 Nin pꞌiyá, Dios ma mpjaꞌnes jupj quelel sin ꞌyüsa liji. Püna ma jis tjeꞌyaya sin la ꞌüsüs, niná quelel sin müꞌüsüs la mijis jupj. Püna ma sin tjiꞌyüsa, niná ca jus nlayecj. Niná ꞌücj ca jus nucucj nsem. 23 Najas pjü tjapjaꞌaqué, pjü nusin tjüꞌüsüs napj velé. 24 ”Po nujola tꞌas pjoꞌoqué mpes. Nun quelel nin lojí Dios velá, jupj pülücj ca nusin ꞌyüsa la mijis. Más ꞌüsüs la mijis ca jupj nun la tjüjí lal. 25 Nun quelel nusin ꞌyüsa Dios velá, mpes más pülücj ca nusin ꞌyüsa la mijis Dios. Nin pꞌiyá pjü jis lal. Dios jisas, mpes ca sin müꞌüsüs. Nepénowa ma quelel sin ꞌyüsa Dios velá. Pjyacan̈ pꞌin. Mpes ca ma polel sin ꞌyüsa Dios velá. Sey cꞌa ca la mijis jupj”, nin tjevele Jesús.

Pülücj ca mpatjam Dios lal, jupj tjevele topon mpes.

26 Jesús

tjevele wa: “Napj ca nusin müꞌüsüs la mejay ꞌoyn nyuca liji Dios nosis casá. Yom setel sine jinwá liji. Yom setel witjacj la tsꞌiya. 27 Setel cyojo, si tꞌünǘ. Jaw na, püste na, newa si tꞌünǘ. Yom jya na nin pꞌiyá, si jünsa na nin pꞌiyá. Yom niná ma selé ꞌonin ne nin lovin si tꞌünǘ. 28 Jupj sin nin cyojo ꞌamá mpe, lejen̈ yupj. Mwalá way ꞌelyon pyala. ꞌElyon tepyala na, tsꞌituju. Pꞌa jawas wolas velan̈. 29 Wolas tsꞌitsꞌe na, ꞌücj jatꞌanapj quinam. Mpes jatꞌanapj, jacutj yupj. Nin pꞌiyá ca nsem gente jis lal”, nin tjevele Jesús.

30 Jesús

Ma pjü way Dios jisas, Dios mpes ꞌa si mulú ntꞌa. (Mateo 13.31-32; Lucas 13.18-19)

tjevele wa: “¿Tsjan ca mpalas Dios si jütüta jis lal? Parábola* ca mvelé, mpes ca nusin ꞌyüsa la mejay tsjan ca mpalas. 31 Mostaza*

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 4, 5

118

setel jinwá ca nsem. Mostaza setel más tsjicj way pjü setel jilal. 32 Sine na, tꞌyüna jupj. Más püné tꞌyüna la pꞌa tsjutsj jilal. Campanya ton̈ca. Jis pjel campa se palá. Mpes tsipyaya jiquil, ꞌücj lejen̈ jupj pjwel casá, tsjojoca ntꞌa. Nin pꞌiyá ca nsem Dios si jütüta jis lal”, nin tjevele Jesús. 33 Pꞌa wa parábola* witjacj tjevele Jesús yupj jilal. Parábola mpes sin tjiꞌyüsa la tjiji Dios tjevelá. ꞌÜcj sin ꞌyǘsatsja, nin pꞌin tjevele jupj. 34 Parábola pꞌin tjevele jupj, pülücj ꞌa jis tjimyula jis lal. Jusapj tjáꞌasa na jupj discipulopan* jis lal, sin tjiꞌyüsa lis tjiji tsjan quelel véletsja parábola mpes.

35 Yacjaya,

Jesús ꞌücj tjijyüꞌta lüpjǘ, ꞌüsǘ püné ꞌotsꞌipj. (Mateo 8.23-27; Lucas 8.22-25)

tꞌyaja na, Jesús tjevele jupj discipulopan* jilal: —‌Mas ꞌüsǘ püné naꞌaj poꞌó. 36 Mpes len̈ way tjil jupj lal. Tjil pülücj ꞌa jis tjimyula mpe. Así ꞌücj liji secj tjemey Jesús. Barco* la pꞌa wa tjil wa yupj jilal. 37 Pajal jas tjelyapjünǘ lüpjǘ ꞌüsǘ püné ntꞌa. ꞌÜsǘ la tjepjetpjetsꞌé tepyala. ꞌÜsǘ wama tjemey barco moꞌó, ne quelel pítꞌatsja barcas. Campwila quelel jámatsja. 38 Jesús barco cjüipꞌaꞌa pǘꞌütsja, jyatsja. Pülül jay pálatsja jupj. Jupj discipulopan* jas tiquilquil. Tjowelepj: —‌Q juis Jepa, qjuis qjues ntꞌancam, ncaꞌlequecj ca ncupj. ¡Qjuiyola ma jele jipj! 39 Jas nisa Jesús. Cus tjeveꞌle lüpjǘ. Cus tjeveꞌle wa ꞌüsüs. Mpes lüpjǘ ꞌütꞌün nasa tepyala. ꞌÜsǘ ꞌütꞌün nasa wa. 40 Jesús jis la tjiꞌyüya jupj discipulopan* jilal: —‌¿Tsjan mpes locj jeyatsja nun? ¿Ncu ma poné custjay napj polel nucopj pꞌyacj? 41 Yupj pajal lacj tjeyaptsja. Yuwá tjowelepj: —‌¡Tꞌücꞌ way yom niná pasal püné way! ꞌÜcj si jütüta lüpjǘ, ꞌüsǘ ꞌotsꞌipj, ne nin lajay jupj jyüꞌta jin.

5

Jesús pjeꞌá sin tjejyama, tjil lapanenpan. (Mateo 8.28-34; Lucas 8.26-39)

1 Yupj tjil ꞌüsǘ püné naꞌaj poꞌó. Gadara lotsja neꞌaj. 2 Barco* mpe pjeꞌá tjemey Jesús ꞌamá ntꞌa. Yom tjacꞌ la nüjüsü jupj panteón mpe. Lapanenpan pülücj pátjatsja jupj jos moꞌó. 3 Yom niná lovin tüpǘꞌütsja panteón moꞌó. Pajal jas tjiyoctsja jupj. La pꞌa ma polel tsupaptsja jupj, ꞌüpǘ tꞌanca jupj lovin. Nin pꞌiyá cadena* lal, tꞌanca wa

El Nuevo Testamento en Tol de Honduras, 2da ed. ©2010, Wycliffe Bible Translators

119

SAN MARCOS 5

jupj. 4 La pülücj jupj mos tꞌasiyú tsupaptsja, tsjom tꞌasiyú tsupaptsja wa acero mpes, cadena mpes wa. Lovin tꞌanca jupj cadenas. Lovin tjiꞌyula aceras. Mpes lovin polel jámatsja la pꞌa tsupaptsja na. 5 Lovin tjuwine panteón ntꞌa, jocꞌ moꞌó ꞌotsꞌipj. Neꞌaj tjuwine jaw na, püste na ꞌotsꞌipj. Newa la tipiya, jupj jüpꞌüy newa tꞌyüjü wa jupj, pe mpes. 6 Jupj jus tjinyuca Jesús campa mpe, ne tsꞌüequené Jesús ntꞌa. Jesús wolapꞌaꞌa tüicꞌ jin tjüjünsü jupj. 7 Yümücj la tipiya: —‌¿Tsjan mpes napj ntꞌa tjacuy? Jesús jipj. Dios Jatjam jipj, Dios ne más püné pjü jilal. Najas mvelen Dios lal ma ca malala la mijin napj lal —‌lapanen nin tjevele. 8 Yom jactsja na pꞌin, Jesús tjevele nas yom lal: —‌Lapanen jipj. ¡Jutja jipj jupj jos mpe! 9 Jesús la tjiꞌyüya: —‌¿Tsjan lyá jipj? Jupj tjevele: —‌Pülücj napj nlá. Cupj cjay pülücj. 10 Jupj pajal la tjemyona Jesús lal ma ca sin majamas lapanenpan quepem. 11 Neꞌaj neven ntꞌa malana pülücj tjelyawun̈tsja, tjalatsja. 12 Lapanenpan la tjomon Jesús lal: —‌Q juis tjijyüꞌta nlaca malana ntꞌa. Qjuis maꞌayan nlaca malana jisas moꞌó. 13 Jesús tjevele ꞌücj jis la winin yupj ntꞌa. Mpes lapanenpan tjil yom jos mpe. Tjil malana jisas moꞌó. Jisas moꞌo tjil na, malana tsꞌequenen̈ neven palavin. Mil matꞌe waytsja yupj. ꞌÜsǘ püné moꞌo tjil. Jis qjues tꞌanca yupj, tecyaꞌlin̈. 14 Malana jajamapj niná tjunuc na, tsꞌequenen̈ yupj. Pülücj patja ntꞌa tjowelepj nin tepyalá. Wa pjaní pjaní lejen̈ ntꞌa tjowelepj wa yupj. Mpes pülücj tjil jis la nuc niná tepyalá. 15 Jesús ntꞌa tjil na, jus tjunuc yomen lapanenpan pülücj pátjatsja jupj jos moꞌó püna pꞌin. Neꞌaj tjáꞌasa. Sa capyatsja jupj, ꞌücj jólatsja quinam. Lacj tjeyapj yupj nin tepyala mpes. 16 Pꞌa witjacj tjunuctsja Jesús tjiꞌyüꞌsa la tjiji yomen. Mpes yupj tjowelepj la pꞌa jis lal tsjan tepyala yom lal, lapanenpan jupj jos moꞌo tapatja pꞌiyá. Tjowelepj wa tsjan tepyala malana jilal. 17 Nin mpes neꞌaj tapatjá pajal la tjomon Jesús lal jupj ca mim yupj nepé. 18 Mpes Jesús barco* wama tjemey. Custjay ma tjemey na pꞌin, niná yomen, lapanenpan jupj jos mpe tjil pꞌiyá, jupj tjevele Jesús lal. La

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 5

120

tjemyona Jesús lal jupj ca maꞌayas jupj lal ca mim, cus la con̈. 19 Jesús ma tjeꞌyaya tjemey jupj lal. Tjevele: —‌Jutja jipj wya ntꞌa. Wya ntꞌa patja jis lal mvelen jipj Jepa Dios pajal ꞌüsüs la tjiji jipj mpes. Mvelen ca jupj jólatsja malala ꞌe tepalá —‌nin tjevele Jesús jupj lal. 20 Mpes yom tjemey quinam. Decápolis ntꞌa pülücj jilal tjevele Jesús pajal ꞌüsüs way la tjiji jupj mpes. Yupj pjü way pajal yólatsja Jesús pajal ꞌüsüs la tjiji mpes.

Jesús jas tjijyünsa tepeꞌá. Niswa tüpüꞌü la tjiji jupj. Quepj püs way malala jos tjiꞌyüꞌsa la tjiji wa. (Mateo 9.18-26; Lucas 8.40-56)

21 Jesús

ꞌüsǘ naꞌaj poꞌó tjemey niswá barco* mpes. Neꞌaj tjil na, barco mpe tjemey. Pülücj ꞌa jis tjimyula Jesús ntꞌa, ꞌüsǘ la ntꞌa tón̈catsja na. 22 Yom pjaní Jairo ló tjacꞌ wa. Jupj jépatsja judiopan* ꞌa jis tjimyula ntꞌa. Jus tjinyuca na Jesús, tüicꞌ jin tjüjünsü jupj Jesús wolapꞌaꞌá. 23 Pajal la tjemyona Jesús lal: —‌Ncucus tsjicj quelel peꞌe. Was nawá ntꞌa. Najas po la moꞌotꞌen ncucus, ne müꞌüꞌsüs ca jupj, ca jupj mpüꞌüm. 24 Mpes Jesús tjemey jupj lal. La pꞌa wa pülücj cjüil tjil. Cus tjeletjatj Jesús. 25 Quepj malala jostsja neꞌaj wínetsja. Año dóceya newa ꞌos tepyálatsja, ma tjiꞌyüꞌsa jupj. 26 Lovin leméliyu jaylacj la tjíjitsja jupj doctor lal. Malala tepyala pꞌin leméliyu mpes. Pjü jupj tꞌemel tecyawaja. Lovin ma tjiꞌyüꞌsa, más ꞌin malala jos tepyala pꞌin. 27 Jupj wola tjowelepj Jesús polel jis müꞌüꞌsüs la mijis malala jisas. Mpes Jesús cjüil tjemey. Po la tjeꞌyotꞌa Jesús jas quip. 28 Jupj jólatsja: “Jesús jas quip po le ꞌotj pꞌin, ma ꞌüꞌsüs ca napj”, nin jólatsja jupj. 29 Len̈ way tjiꞌyüꞌsa jupj. ꞌOs tjapjaja quinam. Tjiꞌyüꞌsa jin jostsja jupj. 30 Nin tepyala na, Jesús seletsja tjiꞌyüꞌsa la tjiji jupj. Mpes la nujuya, jis la tjiꞌyüya ꞌa jis tjimyula jis lal: —‌¿Pjacj po la tjeꞌyotꞌa nin quip? 31 Jesús discipulopan* tjowelepj Jesús lal: —‌Jipj selen pülücj tꞌasiyú lejen̈ jipj ntꞌa, cyapj jaletjatj. ¿Tsjan mpes jis la tjiꞌyüy pjacj jin po la tjeꞌyotꞌa? 32 Jesús yus nyúcatsja custjay. Quelel jus nléyatsja custjay pjacj po la tjeꞌyotꞌa jupj. 33 Quepj seletsja jupj tjiꞌyüꞌsa quinam, mpes tjemey Jesús ntꞌa, tüicꞌ jin tjüjünsü jupj Jesús wolapꞌaꞌá. Ticyücüyütsja, pajal lecj tjeyatsja mpes. Jesús lal tjevele pjü way jupj la tjijá.

El Nuevo Testamento en Tol de Honduras, 2da ed. ©2010, Wycliffe Bible Translators

121

SAN MARCOS 5, 6

34 Jesús

tjevele: —‌Jipj tepyon napj polel ꞌi ꞌüꞌsa lejay. Nin mpes ꞌi tjüꞌüꞌsa jipj. ꞌÜsüs way mim quinam jipj. Lovin ca ꞌücj winim quinam jipj. 35 Newa jupj lal véletsja na, niyom nepenowá tjiquil Jairo wo mpe, jupj ne jépatsja judiopan* ꞌa si mulú ntꞌa. Tjowelepj: —‌Jipj cyucus tepeꞌe. Más ꞌücj ma le mon quinam qjuis Jepa lal. 36 Jesús tjapjaca jepa lal tjoweleptsja. Tjevele jepa lal: —‌Po ma lecj tjeyá. Tepyona pꞌin napj polel cyapj pꞌyacj. 37 Jesús jostsja la pꞌa ma ca mal quinam jupj lal. Nepénowa cus tocon̈ pꞌin. Pedro pjaní waytsja, Jacobo pjaní waytsja, Juan pꞌa watsja. Juan Jacobo tsüipe waytsja. 38 Tjil na jepa wo ntꞌa, Jesús yus tjinyuca gente pülücj neꞌaj, yümücj pjac la tjajaytsja. Yümücj la tupuyuptsja. 39 Jesús wama tjemey, jis la tjiꞌyüya: —‌¿Tsjan mpes yümücj pjac lojí? ¿Tsjan mpes pajal lu puyú? Tsjicj tepeꞌe tulucj. Tjejyá pꞌin. 40 Yupj tjuwiꞌin̈ jupj tjevele mpes. Jesús pjü pjeꞌá sin tjejyama. Tsjicj popay, jamay jis lal tjemey tsjicj pǘꞌütsja ntꞌa. Jupj discipulopan* neꞌaj cus tocon̈, yupj tsjicj püꞌü ntꞌa tjil wa. 41 Jesús ntjüiꞌle tsjicj mos. Tjevele tsjicj lal: —‌Talita, cumi. (Cupj velecj: “Tsjicj, jipj lal velé napj, jin tjijyünsa”.) 42 Len̈ way jas tjijyünsa jupj. Tjuwine jupj quinam (Año doce tyáꞌatsja jupj.) Yupj neꞌaj tjelejen̈ pajal yólatsja pajal ꞌüsüs tepyala mpes. 43 Jesús jis tjijyüꞌta tsjicj popay lal, jamay lal wa, ma jis la veles la pꞌa jilal niná tepyalá. Jilal tjevele wa maꞌayacj la las tsjiquis.

6

1 Nepé

Ma topon Jesús lal jupj püna tüpüꞌü ntꞌa. (Mateo 13.53-58; Lucas 4.16-30)

tjemey quinam Jesús. Püna tüpüꞌü ntꞌa tjemey jupj discipulopan* jilal. 2 Sábado* tjejyawca na, judiopan* ꞌa si mulú ntꞌa tjemey. Sin tjiꞌyüsa lis tjiji neꞌaj. Tjepjyacan̈ sin popa pülücj pajal yólatsja jupj ꞌüsüs tjevele mpes. Tjowelepj yuwá: —‌¿Caꞌaj tjemey yom niná jas la ꞌüsüs niná? ¿Tsjan mpes pajal selé jupj? ¿ꞌOyn nyuca pajal ꞌüsüs liji, yom pꞌin ma polel lijá? 3 Silla líjitsja, cjan líjitsja pǘꞌütsja jupj. Jupj María jatjam pꞌin. Jupj püné tulucj. Selecj wa jupj jatjaypan jis lá: Jacobo pjaní wa, José pꞌa wa, Judas pꞌa wa, Simón pꞌa wa. Jupj toꞌopan quiꞌá patja wa cupj qjuis lal —‌nin tjowelepj yuwá. Mpes ma jisastsja Jesús. Tsꞌa tjiꞌin jupj lal.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 6

122

4 Nin

mpes yupj jilal tjevele jupj: —‌Nun ma jisas napj velé, napj nun jis lal tüpüꞌüs mpes. Nin lovin profetapan* jis lal. Pꞌa ntꞌa patja jisas profeta vele Dios mpes. Jupj püꞌü ntꞌa pꞌin ma quelel japon jupj ꞌüsüs. Jupj jüpülücpan pꞌin ma yola jupj ꞌüsüs. Nin pꞌiyá jupj wo ntꞌa —‌tjevele Jesús. 5 Mpes Jesús ma polel ꞌüsüs la tjiji neꞌaj, Dios pꞌin ꞌücj liji jinwá. Yupj ma topon püné waytsja jupj, ne nin. Malala jisas nepenowá po la tjeꞌyotꞌa la pꞌin. Jis tjiꞌyüꞌsa lis tjiji. 6 Neꞌaj tapatja ma topon Jesús pajal ꞌüsüs líjitsja. Jesús jólatsja yupj pajal sey cꞌa, yupj ma topon mpes. Locopyaya pꞌa ntꞌa tjemey. ꞌA mulú patja ntꞌa wínetsja, sin ꞌyüsa la síjitsja. Tꞌücꞌ sin ꞌyüsa lis tjiji na, pꞌa ntꞌa tjemey lovin.

Jesús jupj discipulopan dóceya sin tjejyama tsjiꞌ la mijicj jupj mpes. (Mateo 10.5-15; Lucas 9.1-6) 7 Jesús

discipulopan* dóceya jilal tjevele jis la cuwis. Sin tjejyama, matꞌe matꞌe ca mal, ca tsjiꞌ la mijicj jupj mpes. Jis tjeꞌyaya ꞌücj pjeꞌá la tsꞌi lapanenpan. 8 Yupj jis lal tjevele wa ꞌoyn nyuca la mijicj yupj, tjil na. Ninana Jesús tjevelá yupj jis lal: “Nun lowú na tsjiꞌ la müjí napj mpes, ma ca ntꞌa nun pꞌa jawasa nujisas mpes. Tjacjaj pꞌin ꞌücj tꞌo nun, lowú na. Po ma ve tꞌo, yacjaya nu lo las. Ma tjamá ꞌopos. Po ma tꞌo tꞌemel. 9 ꞌÜcj caite nun jis tsjom pwiꞌtjí, nin pꞌin ma mátꞌeya nun sin quip nlawú. 10 Wa pjaní ntꞌa ꞌyaya nu la pütꞌüs nun, janmacj jupj wo ntꞌa tapatjaqué, yupj patja nepé lowú nas. 11 Nepénowa ma ca jisas nsem nun tjuculá yupj ntꞌa. Ma ca quelel mpjacan̈ nun welé napj mpes. Mpes yupj mpe lowa. Nun lowú na nepé, nun jis tsjam sin tjowowojó, ca palá jis ntüncüs pjüpjüs. Mpes ca sin müꞌüsüs la müjí Dios ma japon jinwá yupj quinam. Dios ca pajal jis capj ntülüs, malala la tjajay jis capj tyüla na. Más ca jis capj ntülüs yupj, Sodoma ntꞌa tapatja jilal. Más ca jis capj ntülüs yupj, Gomorra ntꞌa tapatja jilal. Tꞌücꞌ way niná”, nin tjevele Jesús. 12 Mpes Jesús discipulopan* dóceya tjil yupj. Tjowelepj pülücj jis walapꞌaꞌá más ꞌücj yupj ca ꞌaplijila nsem malala nyuca la tjajay mpes. Tjowelepj más ꞌücj ca ꞌüsüs la mijicj quinam Dios jos jin. 13 Lapanenpan jilal tjüjütütj wa jis la winin gente jisas mpe. Malala jisas aceite* sey tjocjolol wa jis la ꞌüꞌsüs.

14 Herodes

Juan el Bautista tepeꞌe. (Mateo 14.1-12; Lucas 9.7-9)

jepa pünetsja Galilea moꞌó. Jupj wola tjowelepj wa Jesús pajal ꞌüsüs la tjiji mpes. Pjü neꞌaj tapatja jus nlaytsja Jesús poꞌó, mpes El Nuevo Testamento en Tol de Honduras, 2da ed. ©2010, Wycliffe Bible Translators

123

SAN MARCOS 6

nin. Yupj nepénowa javeleptsja: “Jesús Juan el Bautista pꞌiyá. Jas tjijyünsa, niswa la pütꞌüs jupj. Nin mpes ꞌücj ꞌüsüs liji Jesús, yom pꞌin ma polel liji jinwá.” 15 La pꞌa wa tjowelepj: “Elías* jupj”. Pꞌa witjacj tjowelepj: “Profeta* jupj, profetapan püna tapatja jinwá”. 16 Herodes wola tjowelepj na Jesús poꞌó, jupj tjevele: “Jesús ne Juan el Bautista pꞌiyá. Napj tjijyütütj jupj mwen taná la jocj, tepeꞌe jupj. Quina jas tjijyünsa, püꞌü niswá”, nin tjevele Herodes. 17 Püna tjijyüꞌta jis la tjilil Juan, ne nin. Tjijyüꞌta la tsupapj, la ꞌonsos jupj cawilta moꞌó. Nin la tjiji Herodías mpes. Herodías Herodes vosastsja. Herodes jatjay Felipe jatsꞌom waytsja jupj, Herodías. Locopyaya Herodes tjowaya wa jupj lal. 18 Juan lovin véletsja Herodes lal: “Malala Dios lal jipj vyasas myanun. Jetjay jatsꞌom jupj.” 19 Nin mpes Herodías lovin tsꞌi ꞌinyatsja Juan el Bautista lal. Quelel ꞌyǘꞌnatsja jupj, newa ma polel líjitsja niná. 20 Herodes tjejyama Juan el Bautista, ne nin. Lecj tjeyatsja Juan el Bautista lal. Jupj seletsja Juan ꞌüsüs waytsja. Seletsja Juan ꞌüsüs waytsja Dios lal. Nenéyawa Juan tjevele Herodes lal. Herodes ꞌücj jos tjapjaca Juan tjevelá, lovin ma jas tjiꞌyüsa tjapjacá. 21 Pꞌa jyawca na, Herodías ꞌücj malala la tjiji. Herodes pꞌa año tepyala na, pülücj la tjiji jis la las. Jis lal tjevele ncul jupj auxiliar noypan, jepa militarpan ꞌotsꞌipj, niyom noypan Galilea mpe neꞌespan ꞌotsꞌipj. 22 Herodías jucucus wama tjacꞌ, bailar la tjiji jis la nuc. Herodes pasal ꞌücj jostsja tjinyuca mpes, la pꞌa ꞌücj jisastsja wa. Mpes Herodes tjevele jupj lal: —‌La monan napj lal jipj jyas jin. Jipj le mon mya ꞌa ca. 23 Tꞌücꞌ way velé napj, Dios pjoca. Jipj le mon, mya ꞌa. La mitad way nas napj jyütütj popé ꞌücj ꞌe ꞌa —‌nin tjevele Herodes. 24 Pjeꞌá tjemey jamay ntꞌa. Jupj lal la tjiꞌyüya: —‌¿Namay, tsjan jyas napj le mon? Jamay tjevele: —‌Mvelen ca jipj jyas Juan el Bautista jay pjucj —‌nin tjevele jupj jamay. 25 Len̈ way tjemey Herodes ntꞌa, tjevele: —‌Najas ncaꞌan ma ꞌen Juan el Bautista jay pjucj plato püné moꞌó quinam —‌nin tjevele jupj. 26 Herodes pajal ꞌaplijila tepyala jupj tjevele mpes. Ma quelel líjitsja niná, tsjücjüim la tjemyona mpes la tjiji pꞌin. Jupj nasa tjevele jupj ꞌücj la ꞌayas jupj la tjemyoná. Tjevele wa Dios tjapjaca. Pjü neꞌaj tjepjyacan̈ jupj tjevelá. Yupj nasa tjiquil watsja, Herodes pülücj jis la las la tjiji

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 6

124

mpes. Nin mpes ma quelel véletsja ma ca maꞌayas niná. 27 Mpes len̈ way tjijyüꞌta jomozo Juan el Bautista mwen taná la jocj, ncaꞌas jay pjucj. Mpes jomozo tjemey cawilta ntꞌa. Juan el Bautista mwen taná tjejyoꞌo. 28 Jupj jay pjucj tequeꞌe plato püné moꞌó, tjeꞌyaya tsjücjüim. Tsjücjüim jupj jay pjucj tjeꞌyaya jamay. 29 Juan el Bautista discipulopan* jus nlaytsja niná tepyalá, mpes tjiquil. Juan el Bautista jüpꞌüy tjajam, tüpüntüpj pe jul moꞌó, neven ntꞌa, tepeꞌe ꞌücj la püntüs ntꞌa.

Jesús pülücj way jis tjeꞌyaya jis la las. (Mateo 14.13-21; Lucas 9.10-17; Juan 6.1-14)

30 Apostolpan*

tjiquil Jesús sin tjejyama mpe. Tjowelepj Jesús lal tsjan la tjajay yupj tjil ntꞌa. Tjowelepj wa tsjan sin tjiꞌyüsa la tjajay. 31 Gente pülücj jiquiltsja Jesús ntꞌa. Newa tjiquil nepenowá, newa tjil nepenowá. Mpes ma polel jalatsja yupj. Jesús tjevele jupj apostolpan jilal: —‌Napj lal ꞌalas. Ca nlaca jis wa cjuwá ntꞌa, neꞌaj tsjicj way ca mpatjaquecj. 32 Mpes yusapj tjil barco* mpes, jis wa cjuwá ntꞌa tjil. 33 Pasal pülücj yus tjunuc tjil yupj. Neꞌas jus tjunuc Jesús jupj discipulopan* jilal. Mpes tsꞌequenen̈ ꞌüsǘ tꞌasiyú. Pasal pülücj nin la tjajay, tjil yupj tapatja mpe. Mwalá way neꞌas tjil Jesús lal. 34 Jesús neꞌas tjemey na, gente pasal pülücj yus tjinyuca, játjatsja jus la nuc. Pajal jólatsja yupj mpes. Oveja* yusapj jinwatsja yupj, len̈tsja pjacj jis cüjamas. Mpes pülücj sin tjiꞌyüsa lis tjiji. 35 Pajal tꞌawaná nasa. Mpes Jesús discipulopan tjiquil jupj ntꞌa, tjowelepj: —‌Tꞌawaná quinam. Wa cjuwá quiꞌá. 36 Mpes pjü sin tjejyama, neꞌaj ca mal jis wa pjaní pjaní lejen̈ ntꞌa, jis wa nepénowa lejen̈ ntꞌa wa. Ca ve jaylacj la mijicj jis la las —‌nin tjowelepj yupj. 37 Jesús jis wala tjevele: —‌Nun pꞌiyá jis tjaꞌayá, nlajacj yupj. Yupj tjowelepj: —‌¿ꞌOyn la qjuijicj la qjuijim nenem cupj? ¿Ncu jyas cupj ca nlaca ca pan jaylacj la mijicj? Yom pjaní mes ocho tsjiꞌ liji jaylacj nsem niná, ne pjü tꞌücꞌ nlajacj. 38 Jesús jis la tjiꞌyüya: —‌¿Pan nol toꞌá? Lowa nucú —‌tjevele. Tjunuc na, tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

125

SAN MARCOS 6

—‌Pan cinquiyá, cjul mátꞌeya tyaꞌacj cupj. 39 Jesús tjevele yupj jilal jis müjüꞌtücj pjü way ꞌa mulú ꞌa mulú majatjum tsjutsj lejen̈ ntꞌa. 40 Mpes pjü ꞌatjalapj yupj. Cien cien ꞌa mulú játjatsja nepenowá. Cincuenta cincuenta ꞌa mulú játjatsja nepenowá. 41 Jesús ntꞌya pan cínquiya, ntꞌya wa cjul mátꞌeya. Tjinyuca tsjun poꞌó, tjevele Dios lal tjüwüiꞌi ve tjeꞌyaya mpes. Tꞌücꞌ tjevele na, la tjelepta taná pansas. Jis tjeꞌyaya jupj discipulopan* jis la ꞌayas neꞌaj tjatjá. Nin pꞌiyá la tjiji cjulun lal. 42 Yupj pjü tꞌücꞌ tjalá. Pjü jis col tipitꞌa tepyala. 43 Ma polel pjü tjalá. Mpes discipulopan quiliyú noypan dóceya tipitꞌa la tjajay yupj pansas lal, cjulun lal wa. 44 Jesús pajal ꞌüsüs la tjiji, mpes niyom cinco mil tꞌücꞌ tjalá jupj jis tjeꞌyaya popé.

ꞌÜsǘ püné casá tjuwine Jesús. (Mateo 14.22-27; Juan 6.16-21)

45 Pjü

tꞌücꞌ tjalá na, Jesús jis tjijyüꞌta jupj discipulopan* barco* moꞌo jis la winin. Sin tjejyama ꞌüsǘ püné naꞌaj poꞌó, Betsaida ntꞌa, jupj quelel jámatsja ntꞌa. Jesús jostsja yupj mwalá way ca mal jupj lal, jupj la pꞌa sin tjejyama nas. Mpes tjil yupj. 46 Pjü sin tjejyama na, neven poꞌó tjemey, Dios lal la veles. 47 Püste tepyala na, jupj discipulopan* barco* moꞌo játjatsja ꞌüsǘ püné culupwen ntꞌa. Jesús jusapj jáꞌasatsja ꞌamá ntꞌa. 48 Yus tjinyuca yupj pajal tsjiꞌ la tjajaytsja tjil. Lüpjǘ püné jis wala séjetsja, ne nin. Pǘstetsja custjay. Nasa quelel jyawca na, Jesús tjacꞌ yupj ntꞌa. ꞌÜsǘ casá wínetsja jupj. Barco la quin quelel jámatsja jupj. 49 Discipulopan jus tjunuc, ma jus nlaytsja Jesustsja jupj. Tepeꞌe cjües wine pꞌin, nin yólatsja yupj. La tupuyupj 50 jus tjunuc na. Pasal lacj tjeyaptsja. Len̈ way Jesús tjevele: “ꞌÜcj nujisas tꞌas. Napj ne pꞌin winis. Po ma locj tjeyá nun.” 51 Jesús barco* wama tjemey yupj tjatja ntꞌa. Wama tjemey na, lüpjǘ ꞌütꞌün tepyala. Jupj discipulopan* pajal yólatsja ꞌüsüs tepyala mpes. 52 Tꞌan̈ pꞌin tjunuc Jesús ꞌüsüs la tjiji pan lal. Newa ma sin tjiꞌyüsa tsjan mpes ꞌücj nin la tjiji jupj. Ma polel sin ꞌyǘsatsja Jesús poꞌó. 53 ꞌÜsǘ naꞌaj poꞌó neꞌas tjil, Genesaret lotsja neꞌaj. Barco* tsupapj, ma la winin barcas. 54 Barco pjeꞌá tjil na pꞌin, gente pülücj jus tjunuc Jesús. 55 Mpes jun taꞌá tsꞌequenen̈ tjil yupj, malala jisas tucuman hamaca mpes Jesús ntꞌa. Jupj pꞌa ntꞌa tjemey na, la pꞌa wa jis wala tjowelepj caꞌaj tjemey, ne malala jisas tjajam wa neꞌaj jupj ntꞌa. 56 Lovin nintsja. Jupj tjemey ntꞌa, jis wa nepénowa lejen̈ ntꞌa, pülücj patja ntꞌa

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 6, 7

126

wa, jis wa pjaní pjaní lejen̈ ntꞌa wa, lovin tucuman malala jisas jupj ntꞌa. Pülücj ꞌa si mulú ntꞌa tüpüntüpj yupj. Pajal la tjomon Jesús lal jupj ca jis maꞌayas malala jisas po la ꞌotj jupj jas quip la ntꞌa. Quelel po la ꞌotsja jupj jas quip la ntꞌa la pꞌin, jis la ꞌüꞌsüs. Pjü way jas quip po la tjoꞌotj, pjü way jis tjiꞌyüꞌsa yupj. Malala yola na, malala wa lajay, mpes malala nsem yupj Dios lal. (Mateo 15.1-20)

7

1 Niyom nepénowa tjiquil Jerusalén mpe, ꞌa jis tjimyula Jesús ntꞌa. Nenem nepénowa fariseopan*, nepénowa Moisés* popel sin tjiꞌyüsa lajaytsja la pꞌa jilal. 2 Yus tjunuc Jesús discipulopan* nepenowá jalatsja na. Ma jis mas tapatsj, judiopan* püna la tjajay jinwá. Yupj sin tjalá. Mpes niyom nenem yólatsja malálatsja discipulopan Dios lal. Yólatsja te jinwatsja yupj. 3 (Fariseopan quelel jalá na, yupj jis mas japatsj, ca jis mas ꞌüsüs nsem niswá Dios lal. Nin pꞌiyá lajaytsja pjü judiopan. Judiopan püna tapatja nin lajaytsja, mpes newa nin lajay yupj. 4 Ve jaylacj lajay na jis la las, niná jis wa ntꞌa jacutj. Quelel jalá na, jis mas japatsj mwalá way pꞌin. Ma jis mas japatsj, ma jalá. La pꞌa nin pꞌiyá lajay wa, püna tapatja nin la tjajay mpes. Pocillo japatsj wa püna tapatja la tjajay jinwá. Nin pꞌiyá jarro japatsj wa, tsjoꞌoy nin pꞌiyá, jalá ntꞌa nin pꞌiyá.) 5 Nin mpes Jesús lal tjowelepj fariseopan*, Moisés* popel sin ꞌyüsa lajay jupj lal tjowelepj wa. La tjüꞌüy: —‌¿Tsjan mpes jipj discipulopan* ma lajay judiopan* püna la tjajaytsja jinwá? Jipj discipulopan quelel jalá na, ma jis mas japatsj judiopan lajay jinwá. 6 Jesús jis wala tjevele: —‌Nun welé nun pꞌiyá ꞌüsüs lojí, newa nun ꞌüsüs lojí tulucj. Püna Isaías tꞌücꞌ way tepyaca nun poꞌó. Profétatsja* jupj, Isaías. Dios mpes tjevele jupj. Tepyaca Dios tjevelá. Dios tjevele: ‘Gente niná ꞌüsüs javelepj napj nin poꞌó, newa ma quelel la najay. 7 Yupj javelepj napj püné, newa ma lajay napj najas jinwá. Yupj sin ꞌyüsa lajay gente jajütütj pꞌin, napj velé jin sin ꞌyüsa lajay tulucj’, nin tjevele Dios nun poꞌó.

El Nuevo Testamento en Tol de Honduras, 2da ed. ©2010, Wycliffe Bible Translators

127

SAN MARCOS 7

8 ”Ma

lojí quinam Dios tjijyüꞌta jin. Nin lojí judiopan* püna tapatja lajaytsja jinwá pꞌin. Nin lojí jarro poꞌí na. Nin pꞌiyá lojí pocillo lal. La pꞌa pülücj nin pꞌiyá lojí wa. 9 Ma lojí Dios tjijyüꞌta jin. Nin pꞌin lojí judiopan püna tapatja lajaytsja jinwá. Nun nujola pasal ꞌüsüs nin lojí. 10 Püna Moisés* tjevele: ‘ꞌÜsüs la müjí nun jis papay lal, nun sejamay lal wa. Nujola nsem noypan yupj nun jis lal. Nun ma ca mvelé nujisas malala jis mpalas nun jis papay, nun sejamay. Nun popa nin cüweles, nun ca müꞌüꞌná jupj, malala tjevele mpes’, Moisés nin tjevele püná. 11 Nun ma nin pꞌiyá jüꞌtǘ, Dios tjevele jin. Tꞌemel cjuwá nun jis papay, nun sejamay ca nacj. Nun cjuwá tulucj. Nun welé ꞌücj ma ꞌoyá yupj jisas. Nun welé nun popa pjaní ꞌücj vele yupj jis lal: ‘Ninana napj natsꞌaꞌá ma ca nu maꞌayá. Nasa tjeveletsja ninana ca maꞌayá Dios mpes’, nin welé jupj ꞌücj ca mveles. 12 Nujisas jupj ma ꞌüsüs la mijis popay mpes, jamay mpes wa. 13 Nun lojí judiopan püna la tjajay jinwá pꞌin. Mpes ma nin lojí Dios tjevele jinwá. La pꞌa pülücj nin pꞌiyá malala lojí —‌nin tjevele Jesús. 14 Pülücj way játjatsja Jesús neꞌaj pꞌin. Niswa tjevele ncul yupj jupj ntꞌa. Tjiquil na, jupj tjevele yupj jis lal: —‌Pjü way tjapjaꞌaqué. Nusin tjüꞌüsüs napj velé. 15 Nun lojá na, ma malala nsem nun Dios lal, niná tjalajá mpes. Lampe pyacj mpes pꞌin, malala nsem nun Dios lal. 16 Najas pjü tjapjaꞌaqué, pjü nusin tjüꞌüsüs napj tjevelé —‌nin tjevele Jesús. 17 Locopyaya Jesús tjemey pülücj ꞌa jis tjimyula mpe. Wama tjemey jupj tüpüꞌü ntꞌa. Jupj discipulopan* tjowelepj jupj lal ma sin tjiꞌyüsa parábola* niná. 18 Jesús tjevele: —‌¿Ncu ma wa nusin ꞌyüsa nun? Nun lojá na, ma malala nsem nun Dios lal niná tjalajá mpes. 19 Ve tjalajá na, nucol moꞌo jama pꞌin. Locopyaya naꞌaj lo tsꞌiyá nun jis pꞌüy mpe. Newa nin nujola nun, püna nujólatsja jinwá. (Mpes Jesús tjevéletsja pjü ꞌücj la las, pjü ꞌücj lyajacj. Ma ca malala nsem cupj Dios lal cupj lyajacj mpes.) 20 Tjevele: —‌Lampe pyacj mpes pꞌin, malala nsem nun Dios lal. 21 Nin lovin. Malala yola, malala lajay. Yupj pꞌiyá malala, ne nin. Malala yola, mpes nin pꞌin yola yupj. Nin mpes wa niyom jamanun tsjücjüimpan tjewyayin̈ tulucj. Nin mpes wa pequen̈. Nin mpes wa sa ꞌünan la pꞌa. Malala yola, mpes wa neꞌaj jamanun sejatsꞌom tulucj. Mpes wa nequem lyawun̈ jis vayum tulucj jis lal. Yupj malala yola, mpes nin. 22 Nin

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 7

128

mpes wa tsꞌisin̈. Nin mpes wa jisas ca malala mpalas la pꞌa. Malala yupj, mpes nin. Nin mpes wa la tsuwil. Nin mpes wa yupj jisas jin lajay. Nin mpes wa tsꞌa ꞌin ꞌüsüs tepyala la pꞌa wa lal. Nin mpes wa pajal malala javelepj la pꞌa poꞌó. Nin mpes wa yola yupj pꞌiyá pajal püné way. Nin mpes wa ma yola jin lajay yupj. 23 Malala yola, mpes nin lajay. Malala yupj Dios lal nin lajay mpes pꞌin —‌nin tjevele Jesús.

Quepj, Sirofenicia mpe ꞌesepj, tepyona Jesús polel se pꞌáꞌsatsja jupj. (Mateo 15.21-28)

24 Jesús

nasa tjemey nepé. Campa ꞌin tjemey judiopan* patja mpe. Jupj tjemey ntꞌa Tiro poꞌo patja neꞌaj pꞌintsja, Sidón poꞌo patja neꞌaj pꞌintsja wa. Wa pjaní wama tjemey. Jostsja gente ma ca jus nlayecj neꞌaj jáꞌasatsja. Newa nin, jus nlaytsja neꞌaj tjacꞌ jupj. 25 Quepj pjaní jus nleya na Jesús poꞌó, len̈ way tjacꞌ jupj. Lapanen pǘꞌütsja quepj jucucus jos moꞌó. Mpes tjacꞌ jupj Jesús ntꞌa, tüicꞌ jin tjüjünsü Jesús wolapꞌaꞌá. 26 Griego* waytsja quepan, judío tulucj. Sirofenicia mpe ꞌeseptsja. Pajal la tjemyona Jesús lal jupj ca pjeꞌá jas majamas lapanen jupj jucucus jos mpe. 27 Jesús jupj wola tjevele: —‌Judiopan* Dios tsꞌuyupj. Napj ꞌüsüs lejay yupj mpes. Yupj yutsꞌaꞌá ma polel la ꞌayas la pꞌa. Nin pꞌiyá tsjictjacj jis ve ma polel la ꞌayas yupj jis tsjiyó. Más ꞌücj tsjictjacj jalá pjü jisas —‌nin tjevele Jesús. 28 Quepj tjevele: —‌Tꞌücꞌ tjevelen. Nin pꞌin velé, ve tsjictjacj nepenowá palá tinca tsjictjacj jalá mpe. Niná ꞌücj wa jalá tsjiyó witjacj. (Jupj quelel véletsja Jesús ꞌücj wa se pꞌaꞌsa jupj.) 29 Jesús tjevele jupj lal: —‌ꞌÜsüs way tjevelen jipj. Mpes jutja jipj wya ntꞌa. Lapanen nasa tjemey cyucus jos mpe. 30 Mpes quepj tjemey quinam jupj wo ntꞌa. Jucucus jus tjinyuca cjan casá pǘꞌütsja. Len̈ quinam lapanen.

31 Tiro

Yom pjotsꞌ la toptsja, ma ꞌüsüs véletsja. Jesús tjiꞌyüꞌsa la tjiji jupj.

poꞌo patja nepé tjemey Jesús. Sidón culupwen nipj tjemey wa quinam. Tjemey ꞌüsǘ püné ntꞌa, niná ꞌüsǘ Galilea ló. Neꞌas tjemey Decápolis poꞌo patja ntꞌa. 32 Neꞌaj tüpüꞌü na, jupj ntꞌa tucuman wa

El Nuevo Testamento en Tol de Honduras, 2da ed. ©2010, Wycliffe Bible Translators

129

SAN MARCOS 7, 8

yomen pjotsꞌ la toptsja. Ma wa polel ꞌüsüs véletsja yomen. La tjomon Jesús lal jupj ca po la moꞌotꞌes yom niná, müꞌüꞌsüs ca. 33 Jesús jas tjan tjemyana jupj. Mos tsꞌipal pjotsꞌ jul la tjeꞌyotꞌa jupj. Jupj mos tsꞌipal pꞌiyá tipyutsꞌa wa, po la tjeꞌyotꞌa yom pwelam. 34 Tsjun poꞌó tjinyuca. Yümücj tjeqjuesca. Tjevele: “¡Efata!” (Cupj velecj: “Tjapjaca”.) 35 Mpes yom ꞌücj pjócatsja tepyala. ꞌÜsüs polel véletsja quinam. 36 Jesús jis tjijyüꞌta pjü way jilal ma jis la veles la pꞌa jilal nin tepyalá. Mopꞌin nin tjowelepj. Newa jis tjijyüꞌta ma lo veles, newa nin la pülücj nin tjowelepj la pꞌa jilal nin tepyalá. 37 Pasal yólatsja Jesús ꞌüsüs la tjiji mpes. Tjowelepj: “Pjü way ꞌüsüs la tjiji. Jis pjatsꞌ la topj, si ꞌüꞌsa la siji, pjyacan̈ yupj. Maysa javelepj, si ꞌüꞌsa la siji wa, ne ꞌücj javelepj.”

8

Jesús pülücj way jilal jis tjeꞌyaya la las. (Mateo 15.32-39)

1 Pꞌa

jawas pülücj ꞌa jis tjimyula niswá Jesús ntꞌa. Cjuwatsja tsjan ca nlajacj yupj. Mpes Jesús tjevele jupj discipulopan* jilal jis la cuwis. Tjevele: 2 —‌Nola napj yupj mpes. Tsꞌacꞌ contꞌe nasa quiꞌá jatja napj lal. Tecyawaja nasa yupj jis ve. 3 Ma quelel sin jyam yupj, laja secj pꞌin. Nepénowa campa patja. Jil na, sin napnapj way ca nsem, jis capj ntꞌajas —‌nin tjevele Jesús. 4 Jupj discipulopan* wola tjowelepj: —‌Jipj selen jis wa cjuwá quiꞌá. Cjuwá caꞌaj mpe jis la tꞌas pansas tꞌücꞌ jis la las yupj. 5 Jesús jis la tjiꞌyüya yupj: —‌¿Nol toꞌá nun pansas? —‌Siete —‌tjowelepj yupj. 6 Jesús jis tjijyüꞌta gentas jis la ꞌosos ꞌamá ꞌalá. Ntꞌya pansas sieteyá. Tjevele Dios lal tjüwüiꞌi pansas mpes. Tꞌücꞌ tjevele na, tjelepta pansas. Niná jis tjeꞌyaya jupj discipulopan* jis la ꞌayas neꞌaj jatjá. Nin la tjajay yupj. 7 Cjul tsjictjacj pjaní way pꞌin játjatsja wa yupj. Mpes Jesús tjevele wa Dios lal tjüwüiꞌi cjulun mpes. Jis tjeꞌyaya discipulopan. Tjevele ca jis maꞌayacj gentas. 8 Nin la tjajay, mpes pjü way tjalá gentas. Pjü jis col tipitꞌa tepyala. Tꞌücꞌ tjalá na, newa játjatsja pan popé, cjul popé wa. Mpes discipulopan quiliyú moꞌo tꞌolon pan tsjictjacj, cjul tsjictjacj wa, yupj ma pjü tjalá. Quiliyú siéteya tipitꞌa la tjajay pan mpes, cjul mpes wa. 9 Nasa tjalá niyom cuatro mil, pajal pülücj. Tꞌücꞌ tjalá na, Jesús sin tjejyama yupj, mpes tjil. 10 Jesús barco* wama tjemey jupj discipulopan* jilal. Tjil Dalmanuta ntꞌa.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 8

130

11 Fariseopan*

tjiquil Jesús ntꞌa quinam. La tjüꞌüy jupj lal tsjan mpes ꞌücj la tjiji jupj la tjijá. Ma topon Dios mpe tjacꞌ, mpes la tjomon jupj ca ꞌüsüs la mijis, gente pꞌin ma polel lajay jinwá. Nin mpes ca sin müꞌüsüs ncu Dios jas tjejyama jupj, tjowelepj yupj. 12 Jesús yümücj tjeqjuesca, ꞌaplijílatsja yupj pajal sey cꞌatsja mpes. Tjevele: “Nun quina potjaqué, lo moná napj ca ꞌüsüs la mejay, gente pꞌin ma polel lajay jinwá. ¿Tsjan mpes lo moná nun niná? Tꞌücꞌ way velé, ma ca nin la mejay.” 13 Jesús tjemey quinam yupj mpe. Barco* wama tjemey niswá jupj discipulopan* jilal, ne tjil. Quelel jiltsja ꞌüsǘ püné naꞌaj poꞌó niswá.

Jesús jostsja jupj discipulopan ma mponecj fariseopan jilal, Herodes lal wa. (Mateo 16.5-12)

14 Jesús

discipulopan* pan pülücj ma tucutj. Yoꞌ tepeꞌe. Pan pjaní jatatsja pꞌin. 15 Jesús tjevele yupj jilal: —‌ꞌIn tjajama. Po ma nujos tꞌas fariseopan* jis levadura. Ma wa nujos tꞌas Herodes levadura. Yupj jis levadura malala pajal. 16 Jupj discipulopan* ma sin tjiꞌyüsa Jesús tjevelá. Yuwá pꞌin jis la tjüꞌüy tsjan mpes nin tjevele jupj. Tjowelepj: “Pan cjuwá cupj, mpes nin tjevele niná”. 17 Jesús seletsja nin tjowelepj yuwá. Mpes jupj tjevele yupj jis lal: —‌¿Tsjan mpes nun weletsja cjuwá pansas? ¿Ncu ma nusin ꞌyüsa custjay? ¿Ncu ma polel nusin ꞌyüsa? 18 Nun jis jun janapj nun. ¿Ncu ma nusin ꞌyüsa tsjan nucú? Nun jis pjatsꞌ janapj nun. ¿Ncu ma sin ꞌyüsa pjoꞌoqué mpes? ¿Ncu ma nujola pyala napj la tjejay? 19 Pan cínquiya tjelepj napj, jis tjeꞌyá niyom cinco mil tjalá. Nun quiliyú moꞌo tꞌolonó pan tsjictjacj yupj ma pjü tjalá. ¿Ncu nujola tepyala nol quiliyú tipitꞌa la tjüjí pan tsjictjacj mpes? —‌Doce —‌tjowelepj yupj. 20 Jesús tjevele: —‌Pꞌa jyawca na pan siete tjelepj napj, jis tjeꞌyá niyom cuatro mil tjalá. Nin pꞌiyá nun quiliyú moꞌo tꞌolonó pan tsjictjacj yupj ma pjü tjalá. ¿Ncu nujola tepyala nol quiliyú tipitꞌa la tjüjí pan tsjictjacj mpes? —‌Siete —‌tjowelepj yupj. 21 Mpes Jesús jis la tjiꞌyüya: —‌¿Ncu ma nusin ꞌyüsa custjay, napj najas nusin müꞌüsüs mpes?

Yom ma polel tjinyúcatsja jupj, Jesús tjiꞌyüꞌsa la tjiji.

22 Betsaida

ntꞌa tjil yupj. Neꞌaj tjáꞌasa yom ma polel nyúcatsja; la pꞌa witjacj tucuman jupj Jesús ntꞌa. La tjomon Jesús lal po la moꞌotꞌes El Nuevo Testamento en Tol de Honduras, 2da ed. ©2010, Wycliffe Bible Translators

131

SAN MARCOS 8

ma nyucá, müꞌüꞌsüs ca jupj. 23 Mpes Jesús jupj mos ntjüiꞌle, lal tjemey campa ꞌin yupj jis wa lejen̈ mpe. Ma nyuca jun moꞌo tipyutsꞌa Jesús, po la tjeꞌyotꞌa jupj jun. La tjiꞌyüya: —‌¿Ncu nyuc quinam? 24 Jupj jay pjucj jas tjijyünsa, tjinyuca, tjevele: —‌Napj nyuc gente lyawun̈. Newa yo jinwá yustapj jin nyuc. 25 Mpes Jesús jupj jun po la tjeꞌyotꞌa niswá. Po la tjeꞌyotꞌa na, yom ꞌücj tjinyuca. Jun tjiꞌyüꞌsa tepyala. Pjü way pasal ꞌüsüs nyúcatsja quinam. 26 Jesús jas tjejyama jupj wo ntꞌa. Tjijyüꞌta: —‌Ma ca mim yupj jis wa lejen̈ ntꞌa. Ma ca mvelen yupj jilal niná tepyalá.

27 Jesús

Pedro tjevele Dios jas tjejyama Jesús nosis ntꞌa. (Mateo 16.13-20; Lucas 9.18-21)

wínetsja jupj discipulopan* jilal Cesarea Filipo neꞌaj pꞌin tapatja ntꞌa. Neꞌaj pjaní way patja ntꞌa jis wa tjelejen̈ Cesarea Filipo tꞌasiyú. Pülücj pátjatsja Cesarea Filipo ntꞌa. Jesús pjaní pjaní tjemeytsja la nuc pjaní way patja ntꞌa. Neꞌaj tjelyawun̈ na, Jesús jis la tjiꞌyüya jupj discipulopan jilal: —‌¿Pjacj ne napj jin javelepj gentas? 28 Wola tjowelepj: —‌Nepénowa javelepj jipj ne Juan el Bautista pꞌiyá. Nepénowa javelepj jipj Elías*, püna tüpüꞌü pꞌiyá. La pꞌa wa javelepj jipj pꞌa profeta* püna tüpüꞌá. Püna ꞌi tipüꞌí, niswa pütꞌ, nin javelepj gentas. 29 Jesús nin pꞌiyá la tjiꞌyüya discipulopan* jis lal: —‌Ne nun, ¿pjacj ne napj jin welé nun? Pedro wola tjevele: —‌Cristo jipj. Jipj ne Jepa Püné Dios tjevele ca jas majamas qjuis capj la pꞌacj. Jipj mpes ca ꞌüsüs mpatjaquecj. 30 Jesús jis tjijyüꞌta ma la veles niná la pꞌa jilal.

31 Jesús

Jesús tjevele la pꞌa ca müꞌüꞌnacj jupj. (Mateo 16.21-28; Lucas 9.22-27)

sin tjiꞌyüsa la tjiji quinam jupj discipulopan*. Tjevele jupj pꞌiyá niná Yomen Dios jas tjejyamá. Tjevele Dios jostsja ca pajal malala mpalas jupj. Tjevele coꞌmüypan* ma ca jisas nsem jupj. Nin pꞌiyá ca nsem sacerdote* noypan, nin pꞌiyá Moisés* popel sin ꞌyüsa lajay. Ma ca jisas nsem jupj, tjevele. Tjevele la pꞌa ca müꞌüꞌnacj jupj. Tjüꞌünan na, ca jas müjünsüs tsꞌacꞌ contꞌe na. Ca mpüꞌüm niswá, nin tjevele. El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 8, 9

132

32 ꞌÜsüs

way sin tjiꞌyüsa la tjiji niná. Pedro ma jostsja niná ca mpalas Jesús lal, mpes jas tjan tjemyana jupj, cus tjeveꞌle. Tjevele: —‌Ma ca nin mya mpalas. Dios ca cyapj mpꞌaꞌsas. 33 Jesús la nujuya, yus tjinyuca discipulopan*. Cus tjeveꞌle Pedrú, tjevele: —‌Jutja napj mpe. Satanás* jinwá velen. Jipj ma jele Dios jola jinwá. Yom pꞌin jola jinwá jele jipj —‌nin tjevele Jesús. 34 Jesús nin tjevele na, tjevele jis la cuwis pjü neꞌaj tjelejen̈, tjevele yupj jilal, jupj discipulopan* jilal tjevele wa: —‌Nun popa quelel ncapj cyon̈ca, ma ca nin la mijis jupj jos jinwá. Nin ca la mijis napj lejay jinwá. Napj cruz* poꞌó ca ma patsꞌ. Malala ca mpalas wa jupj, ncapj cyon̈ca mpes. Jupj ca jas müꞌüsüs napj mpes. 35 Nepénowa ca quelel jis capj mpꞌaꞌsacj yupj pꞌiyá. Ma ca jisas malala se palá, mpes ca mvelecj napj lal japon tulucj. Mopꞌin ma ca mpatjam Dios lal. Pꞌa casá nsem nepénowa jis lal. Nepénowa ncaꞌlin̈ napj lal japon mpes. Ncaꞌlin̈ ca nacj napj mpes javelepj mpes. Nin mvelecj Dios ꞌüsüs liji gente jis lal napj mpes. Más ꞌüsüs ca jis mpalas yupj la pꞌa jis lal. Yupj lovin ca mpatjam Dios lal. 36 ”Nepénowa pülücj jatatj nosis casá, mopꞌin ma polel patja Dios lal. Pjü way jatatj nosis ntꞌa ca nacj. Newa ꞌüsüs way tulucj pjü niná, yupj ma polel patja mpes. 37 Yupj ma polel jaylacj lajay mpatjam Dios lal. 38 ”Napj pꞌiyá niná Yomen Dios jas tjejyamá. Po ma nu tjemaycas napj mpes. Po ma nu tjemaycas napj velé mpes. Quina patja ma jisas Dios. Pajal malala nyuca lajay. Nun nu tjemaycas yupj ca jus nlayecj nun ncapj con̈có, ne mayca wa ca nsem napj nun mpes, niswa tjacuwis na. Niswa tjacuwis na, pjü ca nucucj pajal püné napj, Mpapay jinwá. Ncuwis Dios angelpan* jis lal. 1 Jesús tjevele wa yupj jilal: —‌Tꞌücꞌ way velé nun jilal. Nun nepénowa ca nucú Dios ca müjüꞌtüs nosis ntꞌa. Custjay ma tacaꞌliqué na pꞌin, nun ca nucú niná. Newa potjaqué na pꞌin, pajal ꞌüsüs ca mpalas Dios pajal püné mpes.

9

2 Tsꞌacꞌ

Jesús jas jaw tepyala Dios mpes. (Mateo 17.1-13; Lucas 9.28-36)

séisiya tjejyawca na, Jesús tjemey Pedro lal, Jacobo lal wa, Juan lal wa. Yupj jis lal tjemey jocꞌ campanya ton̈ca ntꞌa, tucucꞌ pacá ntꞌa. Yupj yulupjana way pꞌin tjil. Neꞌaj tjatja na, Jesús pꞌa casá justa tepyala tjunuc yupj. 3 Jupj jas quip pajal pje tepyala, jas jaw jinwá. Ma

El Nuevo Testamento en Tol de Honduras, 2da ed. ©2010, Wycliffe Bible Translators

133

SAN MARCOS 9

polel pülül la patsj ne pajal pje way cüpalas Jesús jas quip pje way tepyala jinwá. 4 Nepé lay tepyala wa Elías*. Moisés* lay tepyala wa. Yupj manas profetapan* püna tapatjá. Tjoweleptsja Jesús lal. 5 Pedro tjevele Jesús lal: —‌Rabbí*, po ꞌüsüs quiꞌá jyatjaquecj. Tsꞌepjel cóntꞌeya ca sin müjünsücj. Pjaní jipj mpes ca nsem, pjaní Moisés* mpes ca nsem, pjaní Elías* mpes ca nsem. 6 Ma seletsja tsjan más ꞌücj la veles, mpes niná tjevele. Pajal lacj jeyaptsja yupj. 7 Jupj nin tjevele na, mol lay tepyala, palá tjacꞌ yupj jis capá ntꞌa. Tꞌasiyú tón̈catsja. Nepé vele pjactsja: “Niná napj Natjam. Quelel lejay jupj. Tjapjaꞌaqué jupj velá”, nin tjevele mol mpe. 8 Nin tjepjyacan̈ na pꞌin, tꞌasiyú tjunuc yupj. Jesús jusapj tón̈catsja. Len̈tsja Moisés*, Elías* len̈ wa. 9 Yacjaya jocꞌ mpe palavin tjiquil. Palavin jiquiltsja na, Jesús jis tjijyüꞌta ma jis la veles la pꞌa jilal tsjan tjunuc yupj. Tjevele jupj pꞌiyá niná Yomen Dios jas tjejyamá. Mpaꞌis ca, ca jas müjünsüs la pütꞌüs niswá, tjevele. Jas tjijyünsa na, ꞌücj jis la veles tjunuc mpes jocꞌ moꞌó; nin tjevele Jesús yupj jis lal. 10 Mpes ma tjowelepj niná la pꞌa jilal. Yuwá pꞌin jis la tjüꞌüy tsjan mpes Jesús tjevele mpaꞌis ca, jas müjünsüs la pütꞌüs niswá. 11 Tjowelepj Jesús lal: —‌Cupj pyonecj jipj niná Jepa Püné Dios tjevele ca jas majamas. ¿Tsjan mpes niyom nepénowa javelepj Elías* mwalá way jacꞌ? Nin javelepj Moisés* popel sin ꞌyüsa lajay. 12 Jesús wola tjevele: —‌Tꞌücꞌ way Elías* mwalá way jacꞌ Jepa Püné lal. Dios Popel vele jupj pjü ꞌücj liji Jepa Püné jacꞌ mpes. Mopꞌin nin, Dios Popel vele pasal malala ca ma palas. Nosis casá patja malala ca mvelecj napj nin poꞌó. ¿Ncu solejé tsjan mpes Dios Popel nin vele? 13 Nasa tjacꞌ Elías. Malala la tjajay jupj lal, yupj jisastsja jinwá. Dios Popel tjevele ca nin la mijicj jupj lal, ne nin la tjajay —‌nin tjevele Jesús.

14 Jocꞌ

Jesús pjeꞌá la tsꞌiya lapanen tjamacjas jos mpe. (Mateo 17.14-21; Lucas 9.37-43)

ꞌalá mpe tjiquil na, niswa tjil la pꞌa discipulopan* ntꞌa. Tjunuc gente pülücj tꞌasiyú lejen̈tsja yupj jilal. Niyom nepénowa la veleltsja yupj jilal. Yupj ne Moisés* popel sin ꞌyüsa lajay witjacj. 15 Pjü way

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 9

134

neꞌaj ꞌa jis tjimyula ma salejeptsja Jesús ncuwim quinam. Mpes tjacꞌ na, po yólatsja jupj tjacꞌ mpes. Tsꞌequenen̈ la tjalapan jupj lal. 16 Jesús jis la tjiꞌyüya discipulopan: —‌¿Tsjan niná nun tjoweletsja niyom nenem jilal, lo velelé? 17 Yom pꞌa wa wola tjevele Jesús lal ꞌa jis tjimyula popé: —‌Natjam lal tjacuwis jipj ntꞌa. Lapanen püꞌü jupj jos moꞌó. Natjam ma polel vele liji jupj, lapanen. 18 Nenéyawa tjüiꞌle jupj. Ntjüiꞌle na, ꞌamá poꞌo tyüla liji jupj. Natjam lampe pꞌyoya, wüis si quilila. Pajal cyacꞌaja. Napj la tjemyon jipj discipulopan* jilal yupj ca pjeꞌá la ncoyecj lapanen. Ma polel nin la tjajay yupj. 19 Jesús tjevele yupj jilal: —‌Nun ma poné napj lal. Pajal püs way li nuctsja nun ca mponé napj lal. Püs way tüpüꞌüs nun lal quinam. Lowa, jupj jatjam lal nculá. 20 Nin la tjajay, lal tjiquil. Lapanen Jesús jus tjinyuca na, tjamacjas jun jyuꞌya, ticyücüyǘ la tjiji jupj. Tyüla jupj, la tsꞌyüpjütǘ. Lampe pꞌyóyatsja. 21 Jesús la tjiꞌyüya tjamacjas popay lal: —‌¿Ncu püs way nin pyálatsja? Jupj wola tjevele: —‌Mwalá way tepyala jupj tsjictsja na. 22 La pülücj jupj tyüla nas ꞌawa moꞌó, ꞌüsǘ moꞌó ꞌotsꞌipj, lapanen nin liji. Quelel ꞌyüꞌna jupj. Jipj polel qjuis capj pꞌyacj ca nacj. Jele tꞌas malala qjuis tepyala mpes. Qjuis capj tjepꞌyaꞌsa. 23 Jesús tjevele: —‌¿Tsjan mpes velen napj polel nucopj pꞌyacj ca nacj? Jipj napj lal pyon, pjü ꞌücj la pal. 24 Mpes len̈ way yümücj tjevele: —‌Napj pyon. ¡Ncapj tjepꞌyaꞌsa, más ꞌüsüs ca mpon! 25 Pülücj tsꞌequenen̈tsja yupj ntꞌa jis la nuc tepyalá. Mpes Jesús cus tjeveꞌle lapanen. Tjevele: —‌Tjamacjas niná ma pjoca, ma wa vele, jipj nin lejay. ꞌI jütütj, jutja jupj jos mpe. Lovin ma ca mim jupj jos moꞌó niswá —‌nin tjevele jupj lapanen lal. 26 Nin tjevele na, lapanen yümücj la tipiya. Tjamacjas jun jyuꞌya, pajal ticyücüyǘ la tjiji jupj. Tjemey jupj. Tjamacjas tepeꞌe jinwá pǘꞌütsja jupj. Pülücj tjowelepj nasa tepeꞌe. 27 Tepeꞌe tulucj jupj. Jesús jupj mos mpes ntjüiꞌle, jas tjijyünsa. Tón̈catsja jupj quinam. 28 Yacjaya Jesús wama tjemey. Jupj discipulopan* wama tjil wa, la tjüꞌüy jupj lal la pꞌa len̈tsja na:

El Nuevo Testamento en Tol de Honduras, 2da ed. ©2010, Wycliffe Bible Translators

135

SAN MARCOS 9

—‌¿Tsjan mpes ma polel pjeꞌá jas tjejyamacj lapanen niná? 29 Jis wala tjevele: —‌Lapanenpan nepenowá pajal costa way sin jomá. Nintsja niná. Más ꞌücj lo moná Dios lal ca ꞌücj jas majamá; tsꞌacꞌ pjaní ma ca nlajá, Dios lal ca mvelé pꞌin. Ma nin lojí, ma ca mim —‌nin tjevele Jesús. 30 Locopyaya tjemey Jesús, jupj discipulopan* jis lal. Galilea culupwen nipj tjil yupj. Jesús jostsja la pꞌa ma ca jus nlayecj neꞌaj lyawun̈tsja yupj. 31 Sin tjiꞌyüsa la tjíjitsja jupj discipulopan, ne nin. Yupj jis lal tjevele: “Napj pꞌiyá niná Yomen Dios jas tjejyamá. Dios ca maꞌayas niyom ca malala la mijicj napj lal yupj jisas jinwá. Ca ma ꞌüꞌnacj; locopyaya, tsꞌacꞌ contꞌe na ca nin müjünsüs la pütꞌüs niswá”, nin tjevele jupj. 32 Yupj ma sin tjiꞌyüsa jupj tjevelá. Lacj tjeyapj, mpes ma queleltsja la ꞌüy tsjan mpes nin tjevele.

33 Neꞌas

Jesús sin tjiꞌyüsa lis tjiji pjacj más püné nsem. (Mateo 18.1-5; Lucas 9.46-48)

tjil quinam Capernaum ntꞌa, pülücj patja ntꞌa. Wama tjatja na Jesús la tjiꞌyüya jupj discipulopan* jilal: —‌¿Tsjan mpes lo veleletsja nunwa tjalawú na? 34 Lyájasa tjatja yupj. Jis tjemyácatsja yupj. Ma quelel javeleptsja tsjan tjowelepj yupj jümücj casá tjelyawun̈ na. Nin tjowelepj cana yupj popé más püné. Niná mpes la tjowelel discipulopan*. 35 Jesús ꞌetjele quinam. Tjevele jis la cuwis jupj discipulopan*. Tjevele: —‌Nujisas noypan ca nsem nun, más ꞌücj po ꞌin tsjictjacj jin nujola tꞌas nun pꞌiyá. Nun pjü jis mozopan nu tepyala na, noypan ca nsem nun. 36 Jupj nin tjevele na, tsjicj tecyumaná, discipulopan* culupwen ntꞌa tjijyünsa jupj. Col tjevyala tsjiquis. Jesús tjevele yupj jilal: 37 —‌Gente pülücj nin jinwá patja, yupj tsjicj niná jinwá. Najas nun ma nujola noypan way nun pꞌiyá. Najas ꞌüsüs lojí yupj jilal napj mpes. ꞌÜsüs lojí na yupj jilal, tꞌücꞌ way ꞌüsüs wa lojí napj lal. ꞌÜsüs lojí na napj lal, tꞌücꞌ way ꞌüsüs wa lojí Dios lal; jupj nin tjejyama quiꞌá.

Dios mpes tsjiꞌ lajay, pjü Dios tsꞌuyupj jilal tsjiꞌ lajay. (Mateo 10.42; Lucas 9.49-50)

38 Juan

tjevele Jesús lal: —‌Nejepa, jus tjinyucucj yom pꞌa wa lapanenpan pjeꞌá li tsꞌiyatsja jupj. Jipj lyá tjevele mpes lapanenpan pjeꞌá la tsꞌiya. Tjevelecj jupj lal ma nin ca la mijis jupj, ma ncuwa popa ne. El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 9

136

39 Jesús

tjevele: —‌Po ma müjüꞌtǘ jupj ma ca nin la mijis. Jupj napj nlá vele ꞌüsüs la mijis, yom pꞌin ma polel liji jinwá. Yom nin lijá, ma malala mveles ca napj nin poꞌó yacjaya. 40 Jupj pꞌa casá jola tulucj cupj qjuilal, qjuis capj pꞌyaꞌsa jupj. 41 Nepénowa ca nucopj mpꞌaꞌsacj ca nacj nun ncapj con̈có mpes. ꞌÜsǘ ca nu maꞌayacj müsiqué pꞌin ca nacj, ꞌüsǘ nu vya na. Tꞌücꞌ way velé napj, Dios ca ꞌüsüs la mijis yupj jis lal nin la tjajay mpes pꞌin.

42 ”Tsjictjacj

Malala lajay malala ca jis mpalas. (Mateo 18.6-9; Lucas 17.1-2)

nepénowa japon napj lal. Pꞌa wa nin la qjuijis ne tsjictjacj nenem malala nyuca la qjuijicj, malala pajal ca nsem jupj lal, nin la tjiji mpes. Más ꞌücj nactsja la pꞌa wa pe püné ntsuꞌpacj jupj mwen poꞌó, ca ꞌüsǘ püné moꞌo la ntsꞌiyacj, mpaꞌis. 43 ”Po ma malala la müjí. Nun quelel malala lojí nun jis mas mpes, ma la müjí. Nun jis mas cjuwá jinwá jin nujola tꞌas. Nun jis mas taná tꞌü jinwá jin nujola tꞌas. Más ꞌücj nun jis mas cjuwá, mpatjaqué Dios lal. Más malala nsem nun jis mas matꞌe nlawú ꞌawa püné ntꞌa. Neꞌaj len̈ pjacj se watꞌata ꞌowus. 44 ‘Pajal malala neꞌaj. Lotsjotsj lovin yupj jis pꞌüy jalá. ꞌAwa pwe lovin neꞌaj.’ 45 ”Nun quelel lowú, malala la müjí, ma la müjí. Nun jis tsjam cjuwá jinwá jin nujola tꞌas. Nun jis tsjam taná tꞌü jinwá jin nujola tꞌas. Más ꞌücj nun jis tsjam cjuwá, mpatjaqué Dios lal. Más malala nsem nun jis tsjam matꞌe nlawú ꞌawa püné ntꞌa. 46 ‘Pajal malala neꞌaj. Lotsjotsj lovin yupj jis pꞌüy jalá. ꞌAwa pwe lovin neꞌaj.’ 47 ”Nun quelel malala lojí nun nucú mpes pꞌin, ma ca nucú niná. Nun jis jun tulucj jinwá jin nujola tꞌas. Nun jis jun pjeꞌá la tsꞌi jinwá nujola tꞌas. Más ꞌücj nun jun pjaní mpatjaqué Dios püꞌü ntꞌa. Más malala nsem nun jis jun matꞌe nlawú ꞌawa püné ntꞌa. 48 ‘Pajal malala neꞌaj. Lotsjotsj lovin yupj jis pꞌüy jalá. ꞌAwa pwe lovin neꞌaj.’ 49 Pjü neꞌaj ca malala jis mpalas ꞌawa mpes. 50 ”Sal ꞌüsüs way. (Sal mpes tsꞌyuca pwisis, ma malala mpalas, ma mojo jupj.) Nin tulucj sal ma wüjü na. Sal ma wüjü na, ma polel wüjü lajay jupj. Najas sal ꞌüsüs jinwá nsem nun nosis casá. ꞌÜsüs ca la müjí

El Nuevo Testamento en Tol de Honduras, 2da ed. ©2010, Wycliffe Bible Translators

137

SAN MARCOS 9, 10

napj najas jin. Mpes ma ca pjü malala jis mpalas nosis casá patja. Po ma la tjoweꞌlé nunwá. Quelel lis müjí nun jis pülücpan.

10

Malala Dios lal yom se jamá jupj jatsꞌom. (Mateo 19.1-12; Lucas 16.18)

1 Jesús tjemey quinam. Tjemey Judea ntꞌa. Tjemey ꞌüsǘ püné naꞌaj poꞌó, ꞌüsǘ niná Jordán lotsja. Gente pülücj tjiquil niswá jupj ntꞌa. Sin tjiꞌyüsa lis tjiji, jupj lovin nin la tjiji jinwá. 2 Fariseopan* nepénowa tjiquil wa Jesús ntꞌa, la ꞌüytsja jupj lal. Ma jisastsja Jesús. Yólatsja costa way nsem jis wala la veles. Jisastsja jupj mveles malala ca nsem judiopan* jis lal. La tjüꞌüy: —‌¿Ncu ꞌücj Dios lal yom se jamá jupj jatsꞌom, jatsꞌom ma ncuwim niswá? 3 Jesús jis wala tjevele: —‌¿Ncu solejé tsjan tjijyüꞌta Moisés* püná? 4 Tjowelepj: —‌Jupj tjevele yom ma jos na jupj jatsꞌom, ꞌücj papel mpaques, maꞌayas jupj. Papel ca mveles quepj niná jupj jatsꞌom tulucj quinam. 5 Jesús tjevele: —‌Nun ma quelel lojitsja Dios jos jin. Nin mpes Moisés* tjevele yom ca nin la mijis jatsꞌom se jamá na. 6 ”Dios nosis la tjiji na, jupj ma jostsja yom nin liji. ‘La tjiji wa niyom, nequem, ꞌücj ca mwayin̈ yupj.’ 7 Dios tjevele: ‘Yom ca mim popay mpe, jamay mpe, jatsꞌom lal lo pütꞌüs. 8 Ca quelel la mijis jupj. Manas ca jüpꞌüy pjaní jinwá nsem yupj.’ Nin mpes yupj matꞌe tulucj, tjewyayin̈ na. Yupj jüpꞌüy pjaní pꞌin nsem Dios lal. 9 Dios yugo sey pjucj poꞌo tipyünta jinwá la tjiji. Dios pꞌiyá nin la tjiji na, gente ma polel sin tjan sin majamacj —‌Jesús nin tjevele. 10 Yacjaya Jesús discipulopan* yusapj játjatsja wa moꞌó Jesús lal. Yupj jisastsja jupj ca ꞌüsüs mveles niná, tsjan mpes yom ma polel se jamá jatsꞌom. 11 Jesús tjevele: —‌Yom se jamá jatsꞌom, pꞌa lal woya ca nacj. Pꞌa lal woya na, Dios ca mveles yom niná ca ma jatsꞌom neꞌaj myaꞌna jupj. Pꞌa lal woya, malala liji jatsꞌom mwalá way lal. 12 Nenéyawa quepj jama voyum mpe. Niná quepan pꞌa yom lal woya. Jupj pꞌa voyum lal mpüꞌüm, mopꞌin Dios ca mveles quepj niná ma voyum lal wine. Malala lajay pꞌin Dios lal —‌nin tjevele Jesús.

13 Nepénowa

Jesús jostsja tsjictjacj jiquil jupj ntꞌa. (Mateo 19.13-15; Lucas 18.15-17)

tucuman yupj jis tsjictjacj Jesús ntꞌa. Jisastsja Jesús tsjictjacj sey pjucj po la moꞌotꞌes, mveles ca ꞌüsüs jis mpalas tsjictjacj El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 10

138

Dios mpes. Jesús discipulopan* jis capj tjowelel yupj, tsjictjacj jis lal tjiquil mpes. 14 Jesús tjapjaca yupj tjowelepj. Po ma jostsja tjowelepj. Tjevele: “Jis maꞌayá ca ncul tsjictjacj napj ntꞌa. Po ma jis müjüꞌtǘ ma ncul. Gente japon tsjictjacj japon jinwá, Dios ꞌücj si jütüta yupj. 15 ꞌÜcj tsjictjacj jilal Dios si jütüta. Gente ma jisas Dios si jütüta yupj, tsjictjacj jinwá, ma ca Dios popa jis mpalas yupj. Tꞌücꞌ niná”, Jesús nin tjevele. 16 Tsjictjacj pwena tjeꞌyonsa jupj quinam. Sey pjucj po la tjeꞌyotꞌa, tjevele ꞌüsüs jis mpalas Dios mpes.

Costa way pülücj jatatj Dios si jütüta popa se palá yupj. (Mateo 19.16-30; Lucas 18.18-30)

17 Jesús

tjemey quinam. Jámatsja na yom tsꞌüequené, tjacꞌ, tüicꞌ jin tjüjünsü Jesús wolapꞌaꞌá. Tjevele: —‌ꞌÜsüs way jipj. ꞌÜsüs sin ꞌyüsa lejay. Najas mvelen napj lal tsjan más ꞌücj la mejay napj ne ca Dios la mijis ꞌücj mpüꞌüs lovin jupj lal. 18 Jesús jupj wola tjevele: —‌¿Tsjan mpes tjevelen napj ꞌüsüs way? Dios pꞌin ꞌüsüs way jupj. 19 Jipj selen Dios tjijyüꞌta jupj Popel moꞌó. Tjijyüꞌta ma müꞌüꞌnan la pꞌa. Tjijyüꞌta niyom ma ca neꞌaj jis manucj sejatsꞌom tulucj. Tjijyüꞌta nequem ma ca mal yupj jis vayum tulucj jilal. Ma mpequem. Ma la ntsawilin. Ma la ntsawilin la tꞌanques la pꞌa jutsꞌaꞌá. ꞌÜsüs la mijin pyapay, jemay jilal. Jele nsem noypan way yupj jipj lal. 20 Ninana yomen wola tjevele: —‌Lovin la tjejay niná jupj tjijyüꞌtá. Napj tsjictsja na pꞌin lovin nin la tjejay. 21 Jesús jus tjinyuca jupj. Quelel la tjiji jupj, mpes tjevele: —‌Pjaní way ma la tjejay jipj custjay. Pjü way vender la mijin jipj jitsꞌaꞌá. Tꞌemel niná jis maꞌayan tꞌemel cjuwá mpes. Nin la tjejay na tsjay pülücj ca ntaꞌan Dios püꞌü ntꞌa. Nin la tjejay na ncuwim. Nin ca la mijin napj lejay jinwá. Napj cruz* poꞌó ca ma patsꞌ. Malala ca mya palas wa, ncapj cyon̈ mpes. Ca jin müꞌüsüs napj mpes. 22 Yom niná tjapjaca na, pasal ꞌaplijila tepyala jupj. Tjemey. Pajal pülücj tyáꞌatsja, ne ma quelel líjitsja jupj Jesús tjevelá. 23 Mpes Jesús yus tjinyuca jupj discipulopan*. Tjevele yupj jilal: —‌Pajal costa way pülücj jatatj Dios si jütüta popa se palá yupj. 24 Jupj discipulopan* pasal yólatsja niná tjevele mpes. Jupj niswa tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

139

SAN MARCOS 10

—‌Gente nepénowa japon ꞌüsüs mpatjam yupj jatatj mpes; pülücj jatatj yupj. Costa way Dios si jütüta popa se palá yupj. 25 Pasal costa way camello* jav jul casá jama. Camello ma polel nin liji niná. Más ꞌin costa way pülücj jatatj Dios si jütüta popa se palá yupj. 26 Jupj discipulopan* pajal nin yólatsja quinam niná tjevele mpes. Tjowelepj yuwá: “Pajal costa way Dios si jütüta popa se palá yupj. Pjü way ma ꞌüsüs se palá Dios lal ca nacj, ma mpatjam Dios lal.” 27 Jesús yus tjinyuca, tjevele: —‌Gente yusapj pꞌin ma polel ꞌüsüs se palá Dios lal. Dios ꞌücj nin liji yupj mpes. Pjü way ꞌücj liji Dios. 28 Pedro Jesús lal tjevele: —‌Cupj cutsꞌaꞌá jatja tjeleque jipj lal. Tjeleque cyapj la con̈. 29 Jesús tjevele: —‌Nun nutsꞌaꞌá jatja tjalawú napj lal, ꞌüsüs pajal napj lal. Po ꞌüsüs ca nsem nun mpes, nin la tjüjí mpes. Nepénowa quelel pjü lajay napj najas jinwá, quelel javelepj pꞌa jilal napj ꞌüsüs la tjejay gente mpes. Nin mpes jil nepenowá yupj jis wa mpe. Jil jis pülücpan mpe ca nacj. Nepénowa jil yupj jis papay mpe, sejamay mpe ꞌotsꞌipj. Nepénowa jil yupj sin popa mpe. Nepénowa jil yupj jis mama mpe. 30 Tꞌücꞌ way pasal pülücj ca jis maꞌayas Dios yupj nin la tjajay mpes. Nin ca jis maꞌayas nosis casá patja na. Ca jis maꞌayas jis wa pülücj. Ca jis maꞌayas jis pülücpan pülücj, sejamay pülücj ꞌotsꞌipj, sin popa pülücj ꞌotsꞌipj. Ca jis maꞌayas wa momas pülücj. Newa nin, gente la pꞌa malala nyuca lis mijicj, yupj ncapj jacon̈ mpes. Tsjicj way pꞌin malala se palá yupj. Niswa tjacuwis na, lovin ca mpatjam Dios lal, nin ca jis maꞌayas. 31 Nepénowa püna pꞌin topon napj lal, tsjictjacj ca nsem napj jepa ꞌos na. Nepénowa pꞌa jawasa ca mponecj, noypan ca nsem yupj. Nin ca nsem pülücj jis lal —‌nin tjevele Jesús.

32 Jiltsja

Niswa Jesús tjevele mpaꞌis ca jupj. (Mateo 20.17-19; Lucas 18.31-34)

quinam Jerusalén ntꞌa. Jesús mwalá way jámatsja. Discipulopan* ma sin ꞌyǘsatsja tsjan mpes jupj neꞌaj jámatsja. La pꞌa wa yupj jis lal jiltsja, lacj jeyaptsja ca malala mpalas Jesús. Jupj discipulopan dóceya jis lal sin tjan tjemey niswá. Jilal tjevele tsjan ca mpalas jupj lal. 33 Tjevele: “Jerusalén ntꞌa leque quinam. Napj pꞌiyá niná Yomen Dios jas tjejyamá. Dios ca jis maꞌayas niyom nepénowa malala la mijicj napj lal; sacerdote* noypan ca nin la mijicj, Moisés*

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 10

140

popel sin ꞌyüsa lajay ca nin la mijicj wa. Yupj ca mvelecj napj malala la tjejay. Ca mvelecj ca ncapj ntülücj, ma patsꞌ. Mpes ca ma manucj judiopan* tulucj ntꞌa. 34 Yupj ca la mpjütsꞌünücj napj lal. Napj nin poꞌó ca mputsꞌacj, ca ma süpücj wa. Ca ma ꞌüꞌnacj. Tsꞌacꞌ contꞌe tepyala na ca nin müjünsǘ, mpüꞌüs niswá”, tjevele jupj.

Jesús jos jupj sa con̈ ma püné jin yola yupj pꞌiyá. (Mateo 20.20-28)

35 Discipulopan*

mátꞌeya tjiquil Jesús ntꞌa; Jacobo pjaní, Juan pjaní wa, yupj Zebedeo jatjampan. Tjowelepj: —‌Jesús, qjuisas jipj ca nin la mijin cupj qjuisas. 36 Jesús jis la tjiꞌyüya: —‌¿ꞌOyn jisas la mejay napj nun mpes? 37 Tjowelepj: —‌Jipj ca Jepa Püné nsem pꞌa jawasiyá. Cupj quelel jyatjaquecj jipj lal, pjaní jipj liꞌinyampe, pjaní wa jipj nancupwepe. 38 Jesús tjevele: —‌Nun ma solejé tsjan niná nun lo moná. Malala ca ma palas. ¿Ncu ꞌücj wa nun jilal ca malala nu mpalas, malala ne palá jinwá? Malala ca nsem pajal. 39 Tjowelepj: —‌ꞌÜcj wa niná cupj qjuilal. Jesús tjevele yupj jis lal: —‌Nin ca nsem nun lal. Ca malala nu mpalas, malala ne palá jinwá. Malala ca nsem pajal. 40 Newa nin, napj ma polel velé nun ca majatjaqué napj lal, pjaní liꞌinyampe, pjaní wa nancupwepe. Dios la tꞌya pjacj majatjum ca neꞌaj. ꞌÜcj la tjiji nasa yupj mpes —‌nin tjevele Jesús. 41 La pꞌa discipulopan* diéziya tjepjyacan̈ yupj nin la tjomon Jesús lal. Mpes tsꞌa tjiꞌin Jacobo lal, Juan lal wa. 42 Mpes Jesús tjevele ca pjü ꞌa jis mulus jupj ntꞌa. Tjevele: —‌Judiopan* tulucj jis jepapan jajütütj la pꞌa wa, yupj noypan mpes. Yupj nin yola ꞌücj nin lajay jepapan. Nin pꞌiyá yupj jis auxiliarpan yümücj se jütütj wa neꞌaj patjá. 43 Nin tulucj ca nsem nun jis lal. Nun pꞌin nujos noypan nsem nun, ca pajal ꞌüsüs la müjí la pꞌa mpes. Yupj jis mozo jinwá nsem nun. Nin lojí na, noypan nsem nun. 44 Nujisas nun más ꞌüsüs way nsem pjü way jilal, ca ꞌüsüs la müjí lovin pjü way jis lal. Pjü jis esclavo* jinwá ca nsem nun. Nin lojí na, más ꞌüsüs nsem nun la pꞌa jis lal. 45 Nin lejay napj. Napj pꞌiyá niná Yomen Dios

El Nuevo Testamento en Tol de Honduras, 2da ed. ©2010, Wycliffe Bible Translators

141

SAN MARCOS 10, 11

jas tjejyamá. Napj tjacuwis jis capj la pꞌacj la pꞌa. Yupj ncapj japꞌacj mpes tjacuwis tulucj. Malala jis tepyala nosis casá patjá, malala la tjajay mpes. Napj ma patsꞌ ca yupj mpes. Nin mpes yupj popa pülücj ca ꞌüsüs nsem Dios lal —‌nin tjevele Jesús. Bartimeo ma polel nyúcatsja. Jesús tjiꞌyüꞌsa la tjiji jupj. (Mateo 20.29-34; Lucas 18.35-43)

46 Neꞌas

tjil Jericó ntꞌa, pülücj patja ntꞌa. Yacjaya Jesús tjemey jupj discipulopan* jis lal Jericó mpe. Gente la pꞌa pülücj jis capj tocon̈ jümücj ntꞌa. Yom ma polel nyúcatsja neꞌaj jáꞌasatsja jümücj ntꞌa. Bartimeo lotsja. Timeo jatjam waytsja jupj. Lovin tꞌemel la tjemyónatsja. 47 La pꞌa wa jupj wola tjowelepj Jesús neꞌaj jámatsja. Mpes pajal yümücj la tipiya: —‌Jesús, ncapj tjepꞌyaꞌsa. Dios jin tjejyama nosis ntꞌa. Jipj David* püna tüpüꞌü popa pꞌiyá. 48 Pülücj cus tjowelel jupj. Tjowelepj: —‌¡Lyájasa tꞌas! Más yümücj la tipiya: —‌Ncapj tjepꞌyaꞌsa. Dios jin tjejyama nosis ntꞌa. Jupj David* püna tüpüꞌü popa pꞌiyá. 49 Jesús tyantaná. Tjevele: —‌Mvelé ncuwim napj ntꞌa. Mpes tjowelepj ma nyuca lal: —‌ꞌÜcj jyas tꞌas. Jin tjijyünsa. Jupj jos jipj jay jupj ntꞌa. 50 Mpes jupj cobija palá la tsꞌiya. Len̈ way jas tjijyünsa, tjemey Jesús ntꞌa. 51 Jesús la tjiꞌyüya: —‌¿Tsjan jyas napj lejay jipj mpes? Ma nyuca tjevele: —‌Nejepa, po quelel nyuc napj. 52 Jesús tjevele: —‌Jipj tepyon napj polel ꞌi ꞌüꞌsa lejay mpes nasa ꞌi tjüꞌüꞌsa jipj. ꞌÜcj mim quinam. Len̈ way ꞌücj nyuca tepyala. Cus tecyon̈ca Jesús jümücj ntꞌa.

11

Gente ꞌüsüs tjowelepj Jesús poꞌó, Jerusalén ntꞌa tjemey na. (Mateo 21.1-11; Lucas 19.28-40; Juan 12.12-19) 1 Neꞌaj

way pꞌintsja quinam Jerusalén ntꞌa. Neꞌas tjil Betfagé ntꞌa nepénowa tapatja ntꞌa, Betania ntꞌa wa nepénowa tapatja ntꞌa. Jis wa El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 11

142

neꞌaj lejen̈tsja tucucꞌ poꞌó, niná tucucꞌ Olivos ló. Neꞌaj tjil na Betfagé ntꞌa, Betania ntꞌa wa, Jesús discipulopan* mátꞌeya sin tjejyama, 2 tjevele: “Lowa yupj jis wa lejen̈ ntꞌa. Neꞌas tjalawú na soysoy tsjicj ca nucú. Mwen tsyuꞌpa ton̈ca jupj. Casá ꞌosos secj jupj custjay. ꞌOsocté, ncumaná ma ꞌe jupj. 3 Pꞌa wa ca nu la müꞌüyas ca nacj tsjan mpes socté jupj. Wola mvelé Nujepa jos jupj. Len̈ way ca jas majamas, ca ncunucj jupj niswá, ca mvelé nun.” 4 Mpes tjil yupj. Jus tjunuc soysoy tsjicj, tsyuꞌpa tón̈catsja jümücj ntꞌa. Wa jun vilicj ntꞌa tón̈catsja jupj. Soc jupj. 5 Nepénowa lejen̈tsja neꞌaj, mpes yupj soysoy soc na, la pꞌa jis la tjüꞌüy: “¿Tsjan mpes nin lojí? ¿Tsjan mpes socté soysoysos?” 6 Nin pꞌiyá jis wala tjowelepj Jesús tjevele jinwá. Mpes la pꞌa tjowelepj ꞌücj jis la winin. 7 Tjaman soysoysos Jesús ntꞌa. Sin quip pjeꞌapa la tsjinan soysoy lüicj casá. Jesús casá ꞌetjele quinam. 8 Gente pülücj yupj sin quip pjeꞌapa tapajatj jümücj poꞌó. La pꞌa wa manaca pjwel tꞌü manaca lejen̈ ntꞌa. Tucutj, jis tapajatj jümücj poꞌó. Nin la tjajay ꞌüsüs lo pal jümücj poꞌó Jesús jama ntꞌa. 9 Gente pülücj Jesús mwalá way jiltsja. Pülücj cjüil jiltsja wa. Yümücj tjowelepj: “ꞌÜsüs pjac tjowelé Jesús poꞌó. Dios pajal ꞌüsüs ca la mijis jupj mpes. Dios mpes vele jupj, Dios ne cupj qjuis Jepa Püné. 10 Pasal püna David* israelpan* jis jépatsja, cupj ne jupj popa pꞌiyá. Jesús ca müjüꞌtüs quinam, David tjijyüꞌta jinwá. Tsjun poꞌo patja ꞌüsüs pjac ca mvelecj wa Jesús poꞌó.” Nin tjowelepj. 11 Jesús neꞌas tjemey quinam Jerusalén ntꞌa. Dios wo* ntꞌa tjemey. La tepyala tjinyuca jupj ncu ꞌüsüs lajaytsja neꞌaj. Tꞌawaná tepyala mpes tjemey niswá Betania ntꞌa, nepénowa patja ntꞌa. Jupj discipulopan* dóceya jilal tjemey jupj. 12 Yaya tjil Betania mpe. Jesús vecj péꞌetsja. 13 Higuera tjinyuca jupj, campa way tón̈catsja ꞌin. Higuera niná julupj ꞌüsüs lo pistsja. Lo jánatsja. Mpes Jesús tjemey jupj ntꞌa. La tepyala julupj. Cjuwatsja jupj. Lo pꞌin tjinyuca. Ma neꞌas custjay lo valas. 14 Mpes Jesús tjevele higuera lal jupj lovin ma ca mvalas niswá. Jupj discipulopan* tjepjyacan̈ nin tjevelá.

15 Neꞌas

Jesús ma jostsja vender lajay Dios wo ntꞌa. (Mateo 21.12-17; Lucas 19.45-48; Juan 2.13-22)

tjil na Jerusalén ntꞌa, Jesús tjemey Dios wo* ntꞌa. Vender lajaytsja neꞌaj, jaylacj lajaytsja wa neꞌaj. Jesús pjeꞌá sin tjejyama pjü way. El Nuevo Testamento en Tol de Honduras, 2da ed. ©2010, Wycliffe Bible Translators

143

SAN MARCOS 11

Ma jostsja nin lajay Dios wo ntꞌa. Nepénowa judiopan* jis tꞌemel vender lajaytsja romanopan* jis tꞌemel mpes. Judiopan jis tꞌemel mpes pꞌin ꞌücj jaylacj lajaytsja neꞌaj, Dios wo ntꞌa. Jesús yus tsꞌeptaná yupj jis mesa. Nepénowa sipipj vender lajaytsja. Jupj yus tsꞌeptaná wa yupj jis banco tsjictjacj. 16 Ma jis tjeꞌyaya jis la winin neꞌaj vender lajay tucutj na. 17 Nin la tjiji na, jupj sin tjiꞌyüsa lis tjiji neꞌaj. Tjevele: “Dios Popel vele Dios tjevelá jupj wo mpes. Vele: ‘Ninana nawá ntꞌa javelepj napj lal. Gente pjü way ꞌücj javelepj napj lal neꞌaj. Nin ca ló nsem wosis’, Dios Popel nin vele. Nun ma nujos niná. Nun la tjüjí pwecapan ꞌa si mulú quiꞌá.” 18 Sacerdote* noypan tjepjyacan̈ Jesús tjevelá, niyom Moisés* popel sin ꞌyüsa lajay tjepjyacan̈ wa yupj. Jus nlaytsja gente pjü way neꞌaj pajal yólatsja Jesús ꞌüsüs sin tjiꞌyüsa lis tjiji mpes. Sacerdote noypan nin yólatsja gente lovin ca jisas nsem Jesús. Ma jisastsja. Nin pꞌiyá yola watsja Moisés popel sin ꞌyüsa lajay. Mpes yuwá tjowelepj ꞌoyn la qjuijicj cüꞌüꞌnacj Jesús. 19 Tꞌyaja na Jesús tjemey Jerusalén mpe jupj discipulopan* jis lal.

Higuera tsꞌüique tepyala Jesús tjevele mpes pꞌin. (Mateo 21.20-22)

20 Yaya

püstapj jiltsja na, higuera jus tjunuc niswá. Tsꞌüique tepyala, tepeꞌe jupj, tjunuc. 21 Pedro jola tepyala Jesús tjevelá higuera lal. Tjevele Jesús lal: —‌Rabbí*, tjinyuca. Tꞌan̈ tjevelen higuera lal lovin ma ca mvalas niswá. Nasa tsꞌüique jupj. 22 Jesús tjevele: —‌Najas mponé Dios lal. 23 Nun popa pyona Dios lal, ꞌücj wa vele jocꞌ niná lal: ‘Jutja. Ntolo ꞌüsǘ püné moꞌó.’ Jupj newa pyona ca nin mpalas jupj tjevele jinwá, nin ca nsem jupj tjevelá. Tꞌücꞌ niná. 24 Mpes nun jilal velé, lo moná na Dios lal, más ꞌücj mponé jupj nasa nin la tjiji nun mpes. Nin toponé na, tꞌücꞌ way jupj ca la mijis nujisas. 25 ”Dios nun jis Papay tsjun poꞌó. Nun welé na jupj lal, nujola pyala ca nacj nun tsꞌu ꞌinyá pꞌa lal. Niná nujola tepyala na, perdonar la müjí jupj. Mpes Dios ca perdonar la numijis wa nun malala nyuca la tjüjí. 26 Nun ma quelel perdonar la sojí, nun jis Papay Dios ma wa ca perdonar la numijis.

27 Neꞌas

Nepénowa la tjüꞌüy Jesús lal tsjan pjucj si jütüta. (Mateo 21.23-27; Lucas 20.1-8)

tjil niswá Jerusalén ntꞌa. Tjil Dios wo* ntꞌa. Niyom nepénowa tjiquil Jesús ntꞌa, yupj nepénowa sacerdote* noypan, nepénowa Moisés* popel sin ꞌyüsa lajay, nepénowa coꞌmüypan*. 28 Jesús lal tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 11, 12

144

—‌¿Pjacj ꞌe tjeꞌyaya ꞌücj nin lejay, jipj lejay jinwá? ¿Pjacj ꞌi tjüjütüta nin lejay jipj? —‌nin la tjüꞌüy Jesús lal. 29 Jesús tjevele: —‌Napj ca nu la müꞌüy ꞌotsꞌipj. Pjaní way pꞌin nu la müꞌüy. Niná nawala tjowelé na, napj ca mvelé wa nun lal pjacj ntjijütüta nin lejay. 30 Juan el Bautista bautizar* lis tjiji gentas. ¿Pjacj tjeꞌyaya ne ꞌücj nin la tjiji? ¿Ncu Dios pꞌin tjijyüꞌta ca nin la mijis? ¿Ncu gente pꞌin jisastsja ca nin la mijis? Nawala mvelé nun. 31 Yuwá tjowelepj yupj tsjan cüwelem Jesús lal. Tjowelepj: “Ma polel mvelecj Dios tjijyüꞌta niná. Nin cüvelecj niná, Jesús ca qjuis la müꞌüyas tsjan mpes ma tepyonecj jupj lal. 32 Ma wa polel velecj gente pꞌin jisastsja nin la tjiji jupj.” (Yupj lacj jeyaptsja la pꞌa wa judiopan* jilal. Pjü way yupj topon Juan el Bautista tjevele Dios tjevelá.) 33 Mpes tjowelepj Jesús lal: —‌Ma selecj pjacj tjeꞌyaya Juan el Bautista ꞌücj bautizar* la tjiji. Jesús tjevele yupj jis lal: —‌Nun ma nlal tjowelé, mpes napj ma wa ca mvelé nun jis lal nun nla tjüꞌüyá napj lal. Ma ca mvelé pjacj ntjijütüta napj nin lejay.

Judío noypan malala la tjajay lovin Dios jomozopan jis lal, jupj Jatjam lal ꞌotsꞌipj. (Mateo 21.33-46; Lucas 20.9-19)

12

1 Jesús pꞌa parábola* tjevele yupj jilal. Sin ꞌyüsa lis tjiji malala pajal Dios lal judiopan* ma jisastsja jupj Jatjam. Tjevele: “Yom pjaní uva pajal pülücj sine jupj. Tꞌasiyú tjivyüꞌü sine ntꞌa. Pe jul püné tyoca, ca neꞌaj jay majatsjacj uvas, uva ꞌüsǘ mpalas ca. Tsꞌepjel jas tjijyünsa wa neꞌaj, jomozopan ca neꞌaj majatjum, majamacj, mpes la pꞌa ma mpequen̈ neꞌaj. Yom tecyawaja la tjiji na, jis tjeꞌyaya moꞌo jasin pꞌa witjacj. Yupj ꞌücj la mijicj lo valas, ca maꞌayacj jupj tjevyala popé. Nin la tjiji na, campa tjemey. 2 ”Pꞌa jawasa uva tjevyala na, uva jutsꞌaꞌá jas tjejyama jupj mozo uva lejen̈ ntꞌa. Jas tjejyama la taꞌes tjevyala popé. 3 Neꞌaj tsjiꞌ lajay ma quelel jaꞌayaptsja tjevyala popé. Yupj ntjiꞌlin̈ mozo niná, moꞌo süp jupj. Jas tjajam, jas pjan tjemey. 4 Locopyaya uva jutsꞌaꞌá jas tjejyama pꞌa mozo uva ntꞌa tsjiꞌ lajay ntꞌa. Yupj jay süp jupj jay pjucj, malala tjowelepj wa jupj lal. 5 Nin la tjajay na, uva jutsꞌaꞌá jas tjejyama pꞌa wa mozo. Yupj tjüꞌünan jupj. Yom uva jutsꞌaꞌá la pꞌa pülücj sin tjejyama. Yupj süp nepenowá. Tjüꞌünan nepenowá. 6 ”Yom uva jutsꞌaꞌá ma jas tjejyama custjay jupj jatjam. Pajal quelel la tjiji jupj. Locopyaya jas tjejyama jupj. Yom jólatsja yupj ca püné jin

El Nuevo Testamento en Tol de Honduras, 2da ed. ©2010, Wycliffe Bible Translators

145

SAN MARCOS 12

yola jupj jatjam, ꞌüsüs la mijicj jupj lal. 7 Nin tuluctsja. Niyom neꞌaj la ꞌel yuwá tjowelepj: ‘Niná uva jutsꞌaꞌá jatjam. Uva lejen̈ ntꞌa jupj jutsꞌaꞌá ca nsem, popay tepeꞌe na. Mas, müꞌüꞌnacj ca jupj. Mpes uva lejen̈ ntꞌa cupj cutsꞌaꞌá nsem’, nin tjowelepj yupj. 8 Mpes ntjiꞌlin̈ jupj. Tjüꞌünan jupj. Pjeꞌá la tsꞌi jupj uva sin mpe”, nintsja parabolas*. 9 Jesús jis la tjiꞌyüya: “¿Ncu solejé tsjan la mijis yom niná? Ca mim uva lejen̈ ntꞌa, müꞌüꞌnas ca neꞌaj tsjiꞌ lajay. Uva sin lejen̈ ca jis maꞌayas la pꞌa ꞌücj la mijicj lo valas. 10 Dios Popel nin pꞌiyá vele. Napj selé nun moꞌo tjowelé Dios Popel. Vele: ‘Niyom nepénowa quelel jajünsüptsja wosis pe mpes. Pe pjaní ma jisastsja wosis la jünsüs. Pe niná tꞌücꞌ way ꞌüsüstsja. Mpes qjuis Jepa Dios jas tjijyünsa wosis. Jupj mwalá way tjeꞌyonsa pe niná wosis si jünsa mpes. Pe niná más ꞌüsüs waytsja pjü pe witjacj jilal. Tsjomis pe niná casá tón̈catsja. 11 Cupj selecj Dios pꞌiyá la tjiji niná. Jupj pajal ꞌüsüs way la tjiji.’ Dios Popel nin vele”, nin tjevele Jesús. 12 Yupj salejeptsja Jesús nin tjevele parábola* niná yupj sin poꞌó. Mpes quelel tjiꞌlin̈tsja Jesús. Ma nin la tjajay custjay. Lacj jeyaptsja la pꞌa wa judiopan* jis lal. Mpes tjil pꞌin yupj.

13 Yuwá

Jesús pajal ꞌüsüs tjevele jupj enemigopan jis lal. (Mateo 22.15-22; Lucas 20.20-26)

tjowelepj tsjan más ꞌücj ca la müꞌüyacj Jesús lal, jupj ca malala jis wala cüveles. Jisastsja yupj ꞌücj ca jatꞌ mvelecj jupj poꞌó. Nin mpes sin tjajam fariseopan* nepenowá, niyom la pꞌa jis lal, la müꞌüyacj Jesús lal. Niyom la pꞌa nenem ꞌücj jisastsja Herodes jépatsja Israel moꞌó. Romanopan* mpes tsjiꞌ líjitsja Herodes. 14 Yupj tjil Jesús ntꞌa. Tjowelepj: —‌Cupj selecj tꞌücꞌ way velen. Jipj ma nin jele ncu la pꞌa wa jisas jipj velen. Nin pꞌiyá velen pjü jilal, noypan jilal, tsjictjacj jilal wa. Sin ꞌyüsa lejay Dios jyüꞌtá tꞌücꞌ way. Nin mpes qjuisas mvelen ncu ꞌücj Dios lal impuesto jaylacj lijicj jepa romano* tꞌeꞌenca mpes. ¿Ncu ꞌücj jaylacj lijicj? ¿Ncu ꞌücj tulucj jaylacj lijicj?

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 12

146

15 Jesús

seletsja yupj quelel malala lajaytsja jupj lal. Jis la tjiꞌyüya: —‌¿Tsjan mpes nla ꞌüyá niná napj lal? Napj selé nun ma quelel jus nlayé nla tjüꞌüyá mpes. Nujisas napj malala mvelé. Lowa, tꞌemel cꞌa pjaní ncaꞌá ma ꞌayá la nuc. 16 Tꞌemel cꞌa pjaní tucutj. Jesús jis la tjiꞌyüya: —‌¿Pjacj wola tꞌemel wola poꞌó jáꞌasa? ¿Tsjan ló tꞌemel poꞌó tapac? Wola tjowelepj: —‌Jepa romano* jupj. 17 Jesús tjevele: —‌Tjaꞌayá jepá jupj ꞌücj le moná nun lal. Tjaꞌayá Dios jupj ꞌücj le moná nun lal. Yupj pajal yólatsja Jesús pajal ꞌüsüs tjevele mpes.

18 Niyom

Tecyaꞌlin̈ ca sin müjünsüs, mpatjam niswá. (Mateo 22.23-33; Lucas 20.27-40)

pꞌa wa tjiquil Jesús ntꞌa. Saduceopan* waytsja yupj. Yupj javelepj tecyaꞌlin̈ ma ca sin müjünsücj, ma ca mpatjam niswá. 19 Saduceopan quelel jatꞌ la velestsja wa Jesús poꞌó, mpes tjowelepj jupj lal: —‌Püna Moisés* papel tepyaca tsjan qjuisí jütüta Dios. Ninana pjaní way jupj tepyacá: yom peꞌe jatsꞌom popa tulucj, más ꞌücj yom jüpülücj mwayis ca tepeꞌe jatsꞌom lal. Ca popa jana nsem tepeꞌe jatsꞌom lal. Tepeꞌe tsꞌuyupj jin pꞌiyá ca nsem. 20 ”Nin mpes cupj lya ꞌyüyacj. Püna niyom siéteya tapatja, pjü yupj jis sejatjampan yupj. Mwalá way tjowaya, popa tulucj tepeꞌe jupj. 21 Tepeꞌe na, jupj tsüipe tjowaya tepeꞌe jatsꞌom lal. Nin pꞌiyá popa tulucj tepeꞌe jupj. Jupj tepeꞌe na, jupj jatjay tjowaya wa jüpülücj jatsꞌom lal. Nin pꞌiyá tepyala jupj lal. Popa tulucj tepeꞌe. 22 Nin pꞌiyá jis tepyala yupj jis pülücpan pjü. Pjü tjewyayin̈ quepj niná lal. Pjü tecyaꞌlin̈. Popa tuluctsja lovin. Pjü tecyaꞌlin̈ na, quepj niná tepeꞌe wa. 23 ”¿Pjacj jatsꞌom nsem jupj, tecyaꞌlin̈ sin müjünsücj na jis la pütꞌüs niswá? Pjü way niyom siéteya tjewyayin̈ jupj lal, tapatja na pꞌin —‌nin tjowelepj Jesús lal. 24 Jesús wola tjevele: —‌Nun ma nusin ꞌyüsa Dios Popel. Ma wa solejé Dios pasal püné way, pjü ꞌücj liji jupj. Nin mpes ma nusin ꞌyüsa niná. 25 Tecyaꞌlin̈ sin müjünsücj na jis la pütꞌüs, ma ca mwayin̈ yupj. Angelpan* Dios püꞌü ntꞌa patja jinwá ca nsem yupj. Angelpan ma wyayin̈.

El Nuevo Testamento en Tol de Honduras, 2da ed. ©2010, Wycliffe Bible Translators

147

SAN MARCOS 12

26 ”Tꞌücꞌ way tecyaꞌlin̈ ca sin müjünsücj, mpatjam niswá. Napj selé nun moꞌo

tjowelé Moisés* tepyacá. Tepyaca püna tepyalá, yo tsjicj pwetsja na, Dios neꞌaj tjáꞌasa mpes. Tepyaca Dios jupj lal tjevelá. Dios tjevele: ‘Napj ne Dios Abraham* lal, Isaac lal wa, Jacob lal wa’, nin tjevele Dios. 27 Dios tecyaꞌlin̈ jis Dios tulucj. Patja jis Dios jupj. Tꞌücꞌ way ma solejé nun —‌Jesús nin tjevele saduceopan* jilal.

28 Yom

Dios jos cupj quelel lijicj jupj. (Mateo 22.34-40)

pjaní tjacꞌ, tjapjaca Jesús tjevéletsja saduceopan* jilal. Yom niná Moisés* popel sin ꞌyüsa lajay sin popa. Jus nléyatsja ꞌüsüs way jis wala tjevele Jesús. Mpes jupj tjevele Jesús lal: —‌Dios pülücj way qjuis tjijyüꞌta. ¿Cana más ꞌücj jis la jay pjü Dios tjijyüꞌtá popé? 29 Jesús wola tjevele: —‌Napj ca mvelé cana más ꞌücj Dios lal ca cupj la mijicj. Jupj tjevele: ‘Nun israelpan*, tjapjaꞌaqué. Dios cupj qjuis Jepa Püné. Dios pjaní way jupj. 30 Pajal ca quelel la mijin qjuis Jepa Dios. Pajal ca tsjiꞌ la mijin jupj mpes lovin. Lovin ca jele mpalas jupj pajal ꞌüsüs. Ca jupj jos jin la mijin.’ 31 ”Pꞌa wa ꞌüsüs wa Dios lal ca cupj la mijicj. Jupj tjevele: ‘Ca quelel lis mijin wa neꞌaj patjá. Jipj quelel la ꞌejay jinwá ca quelel lis mijin yupj.’ Manas Dios qjuis tjijyüꞌta jupj po jos nin lijicj. Ninana lijicj más ꞌüsüs jupj lal pjü way lijicj lal —‌nin tjevele Jesús. 32 Mpes yom niná tjevele: —‌ꞌÜsüs tjevelen. Tꞌücꞌ tjevelen Dios pjaní way jupj. Len̈ pꞌa wa Dios. 33 ꞌÜsüs way nin, cupj ꞌyayacj Dios mpes. ꞌÜsüs way animal ꞌyayacj Dios mpes, sacerdote* sa ꞌüm. Mopꞌin más ꞌücj Dios lal pajal quelel lijicj jupj. Más ꞌücj lovin ca qjuiyola mpalas jupj pajal ꞌüsüs. Más ꞌücj pajal tsjiꞌ la mijicj jupj mpes lovin. Más ꞌücj ca jupj jos jin la mijicj. Más ꞌücj nin pꞌiyá quelel la sijicj neꞌaj patjá, cupj pꞌiyá quelel lijicj jinwá. 34 Yom niná ꞌüsüs way tjevele jin jólatsja Jesús. Mpes Jesús tjevele jupj lal: —‌Len̈ way Dios si jütüta popa nsem jipj —‌nin tjevele Jesús. Nin tjevele na, yupj jus nlaytsja Jesús lovin ꞌüsüs jis wala tjevele. Mpes lovin ma la tjüꞌüy Jesús lal niswá. Lacj jeyaptsja Jesús lovin ꞌüsüs tjevele mpes.

35 Jesús

tjevele:

Jesucristo David Jépatsja. (Mateo 22.41-46; Lucas 20.41-44)

sin tjiꞌyüsa lis tjíjitsja custjay Dios wo* ntꞌa. Yupj jis lal

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 12

148

—‌Dios tjevele jupj ca jas majamas Jepa Püné jis capj la pꞌacj judiopan*. Moisés* popel sin ꞌyüsa lajay javelepj Jepa niná David* popa jupj. ¿Tsjan mpes nin javelepj yupj? 36 David pꞌiyá tjevele yom niná jupj Jépatsja. Dios Cjües cus tjepꞌyaꞌsa la veles niná. David nin tjevele: ‘Qjuis Jepa Dios tjevele Nejepa lal: “Ntꞌiꞌisa napj liꞌinyampe. Jipj ca müjüꞌtün napj lal. Napj ca la mpalan jipj enemigopan jis lal. Napj ca la mejay jipj enemigopan tsjyam ꞌalá jatja jinwá. Nin ca la mejay jipj mpes, jipj napj lal jacꞌ na.” ’ David tjevele niná Dios tjevelá. 37 David tjevele niná yomen jupj Jepa wa jupj. Cupj selecj Jepa niná nin pꞌiyatsja Dios ca jas majamas pꞌiyá. ¿ꞌOnin nacj ne David popa nacj jupj? —‌nin tjevele Jesús. Pülücj way tjepjyacan̈tsja Jesús tjevelá. ꞌÜcj jisastsja tjevele mpes.

Jesús tjevele Moisés popel sin ꞌyüsa lajay malala yupj. (Mateo 23.1-36; Lucas 11.37-54; 20.45-47)

38 Jesús

sin tjiꞌyüsa lis tjíjitsja custjay. Tjevele: “Moisés* popel sin ꞌyüsa lajay malala yupj. Po ma nin pꞌiyá la müjí, yupj lajay jinwá. Yupj jisas la pꞌa yola noypan yupj, mpes sin quip campa sin quipe yupj. Pülücj lyawun̈ ntꞌa po jisas la pꞌa ꞌüsüs javelepj yupj jilal, ꞌüsüspan jilal javelepj jinwá. 39 Judiopan* ꞌa si mulú ntꞌa, silla más ꞌücj ntꞌa la ꞌosos jisas, cocoypan pꞌin jatja ntꞌa. Pülücj ꞌa si mulú na jis la las, más ꞌüsüs ntꞌa quelel jatja lovin, noypan jatja ntꞌa. Nin lajay Moisés popel sin ꞌyüsa lajay. 40 Yupj pequen̈ nequem jis wa, nequem jis vayum tecyaꞌlin̈. Newa jisas la pꞌa ꞌüsüs jin yola yupj. Mpes püs way javelepj Dios lal pülücj pjyacan̈ ntꞌa. Nin lajay Moisés popel sin ꞌyüsa lajay, mpes Dios ca mveles más malala la tjajay yupj la pꞌa jilal. Más ca jis capj ntülüs yupj pjü jilal”, nin tjevele Jesús.

41 Caja

Quepj tꞌemel cjuwá po ꞌüsüs tjeꞌyaya. (Lucas 21.1-4)

nepénowa játjatsja Dios wo* ntꞌa, tꞌemel moꞌo la ꞌonsos Dios mpes. Jesús neꞌaj pꞌin ꞌetjele, yus tjinyuca gente pülücj tjoꞌonsopj tꞌemel caja moꞌó. Pülücj jatatj pülücj tjiquil wa, tꞌemel pülücj tjaꞌayapj yupj. 42 Tjinyuca wa quepj pjaní, tꞌemel cꞌa mátꞌeya pꞌin moꞌo tjeꞌyonsa jupj. Centavo pjaní jaylactsja pꞌin. Quepj niná voyum tepeꞌe jupj.

El Nuevo Testamento en Tol de Honduras, 2da ed. ©2010, Wycliffe Bible Translators

149

SAN MARCOS 12, 13

Pjü cjuwatsja jupj. 43 Jesús tjevele jupj discipulopan* jilal jis la cuwis. Tjevele: “Quepj niná más pülücj moꞌo tjeꞌyonsa la pꞌa jilal. Tꞌücꞌ niná. Voyum tepeꞌe jupj. Pjü cjuwá jupj. 44 La pꞌa pülücj jatatj popé tjaꞌayapj yupj. Quepj niná pjü cjuwá jupj. Pjü tyáꞌatsja moꞌo tjeꞌyonsa. Cjuwá quinam. Ma polel jaylacj liji la las quinam. Mpes tꞌücꞌ way pülücj moꞌo tjeꞌyonsa jupj la pꞌa jilal.”

13

Malala ca mpalas Dios wo. (Mateo 24.1-2; Lucas 21.5-6)

1 Jesús Dios wo* mpe tjemeytsja na, jupj discípulo* pjaní tjevele jupj lal: —‌Tjinyuca. Tsjay ꞌüsüs way wosis witjacj quiꞌá. Noypan yupj. Tsjay ꞌüsüs way pwen Quepj temel cjuwá po üsüs wosis jas tjüjünsüpj mpes, noypan yupj. tjeyaya. (San Marcos 12.42) 2 Jesús tjevele: —‌Napj nyuc wosis witjacj nenem. Tjunuca wa nun. Pasal ꞌüsüs way yupj. Pjü way niná ca malala mpalas. Pꞌa jyawca na judiopan* jis enemigopan ca ncul. Yupj ca sin mojoyecj pjü way niná wosis. Pjü pwen ca palá la ncoyecj, wa la tjajay mpes. Pjü ca naꞌaj la ncoyecj, mpes pe pjaní ma ca pꞌa casá maꞌajam nsem. Niná tꞌücꞌ way —‌nin tjevele Jesús jupj discipulopan* jis lal.

Jesús tjevele malala ca mpalas nosis ntꞌa jupj quelel jacꞌ na. (Mateo 24.3-35, 42,44; Lucas 21.7-24; 17.22-24; 21.25-36)

3 Yacjaya

Jesús tjemey jocꞌ ꞌalaꞌá, tucucꞌ Olivos ló ntꞌa. Jupj ꞌetjele neꞌaj. Neꞌaj pꞌintsja Dios wo* ton̈ca ntꞌa. Jupj neꞌaj tjáꞌasa na, jupj discipulopan* nepénowa tjiquil jupj ntꞌa yusapj. Yupj sin popa pjaní Pedro waytsja, Jacobo pꞌa wa, Juan pꞌa wa, Andrés pꞌa wa. Jupj lal tjowelepj: 4 —‌Jipj tjevelen cupj qjuilal malala ca mpalas Dios wo*. ¿ꞌOna ca nin mpalas? ¿Tsjan ca mpalas mwalá way pꞌin, ca jus nlayecj len̈ way malala mpalas ca Dios wo? 5 Jesús jis wala tjevele: —‌ꞌIn tjajama. Pülücj ca ncul, ca la ntsawilicj gente jis lal. Ma toponé yupj javelepj. 6 Yupj pjaní pjaní ca mvelecj yupj pꞌiyá Cristo.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 13

150

Ca mvelecj Dios sin tjejyama yupj. Pülücj ca mponecj yupj javelepj. Po ma toponé nun. 7 ”Nun ca jus nlayé wa militarpan pülücj la palan pꞌa ntꞌa. Ca jus nlayé wa quelel la palan pꞌa jyawca na ꞌotsꞌipj. Po ma locj tjeyá niná tepyala na. Tꞌücꞌ way malala ca mpalas nosis ntꞌa. Custjay ma pjü tecyawaja niná malala tepyalá. 8 Ca pülücj la mpaꞌnacj. Nepénowa patja ntꞌa la mpaꞌnacj ca pꞌa ntꞌa patja jis lal. Ca jis müꞌüꞌnacj. Jepapan ca sin majamacj jis militarpan jis la palan la pꞌa jepapan militar jilal. ꞌAmá jus nquitsꞌis pülücj jun taꞌá. Nepénowa patja ntꞌa ca pjü cjuwá nsem jis la las ꞌotsꞌipj. Pjü niná ca nin mpalas napj quelel cuwis na. Más malala ca mpalas nosis ntꞌa napj cuy secj na. 9 ”ꞌIn tjajama. La pꞌa ca nu ntjiꞌlin̈ nun. Ca nu manucj jepapan ntꞌa, nucopj la tül. Judiopan* ꞌa si mulú ntꞌa ca nu nsüpücj. Nun ncapj con̈có, mpes ca nlüjüqué jepapan jis walapꞌaꞌá, yupj nepenowá neꞌaj pꞌin se jütütj, yupj nepenowá jepa noypan. Nun ca mvelé yupj jilal ꞌonin ne ꞌücj potjaqué napj mpes. 10 Ma tjacuwis na pꞌin, napj lal japon ca mvelecj la pꞌa jilal pꞌa ntꞌa. Ca mvelecj napj ꞌüsüs la tjejay gente mpes. Pjü nosis ntꞌa, pülücj se jütütj ntꞌa ca nin la mijicj. 11 ”La pꞌa wa ca nu ntjiꞌlin̈, ca nu manucj jepapan ntꞌa. Nin lajay na, ma ca nujola mwalá way pꞌin tsjan ca mvelé nun yupj jilal. Dios Cjües ca nusin müꞌüsüs la mijis tsjan más ꞌücj mvelé. Nun ma ca mvelé nun nujola jin. Nun welé na, Dios Cjües jos jin ca mvelé. Mpes nun welé na, Dios Cjües pꞌiyá ca mveles yupj jis lal. 12 ”Neꞌaj patja nun jis enemigopan ca nsem neneyawá, nun ncapj con̈có mpes. Nepénowa malala ca mvelecj jis pülücpan sin poꞌó, mpes jepapan ca jis müꞌüꞌnacj yupj jis pülücpan. Nepénowa ca malala mvelecj wa sejatjampan sin poꞌó. Ca jisas wa nsem jepapan jis müꞌüꞌnacj yupj. Nepénowa ca tsꞌi miꞌinacj jis papay lal, sejamay lal wa. Ca malala mvelecj yupj sin poꞌó jepapan jis lal. Mpes ca jis müꞌüꞌnacj jis papay, sejamay ꞌotsꞌipj. Nin ca la mijicj ncapj jacon̈ jis lal. 13 Pjü ma ca jisas nsem nun, nun ncapj con̈có mpes. Po ma nin nujola tꞌas. Nun poné napj mpes lovin, nun ca ꞌücj mpatjaqué Dios lal. 14 ”Ca nucú gente pasal malala la mijicj Dios wo* moꞌó. Pasal malala Dios lal yupj ca nlüjün̈ neꞌaj. Nin mpes Dios wo pajal te jinwá ca mpalas Dios lal, yupj malala la tjajay mpes. Nin mpes wa len̈ ca nsem neꞌaj. Nin tepyala na, más ꞌücj Judea moꞌo patja ntsꞌequenen̈, jocꞌ moꞌo ca mal. (Niná moꞌo welé na, nusin tjüꞌüsüs tsjan mpes napj nin velé niná.) 15 Judío* pjaní jupj wo jay ton̈ca ca nacj niná pyala na

El Nuevo Testamento en Tol de Honduras, 2da ed. ©2010, Wycliffe Bible Translators

151

SAN MARCOS 13

Dios wo ntꞌa. Más ꞌücj jupj len̈ way tsꞌüequené. Ma ca wo moꞌó mim la taꞌes jupj jutsꞌaꞌá. 16 Jupj sine lejen̈ moꞌo ton̈ca ca nacj, niná pyala na Dios wo moꞌó. Más ꞌücj jupj len̈ way tsꞌüequené. Ma ca wo ntꞌa mim jas quip lo taꞌes. 17 Niná pyala na, pajal malala ca nsem nequem way jatja jis lal, nequem tsjictjacj jatatj jis lal ꞌotsꞌipj. Pajal malala ca mpalas Judea moꞌó. 18 ”La moná Dios lal ma nin ca mpalas jive na. Más costa way tsꞌüequenequé jive na. 19 Pajal malala ca la mijicj judiopan* jis lal. Más malala ca la mijicj püna la tjajay lal. Niná tꞌücꞌ la tjajay na, ma ca nin pꞌiyá la mijicj lovin. Judiopan pajal ꞌaplijila ca nsem. 20 Mpes nun jis Jepa Dios la tjiji ma ca tsꞌacꞌ pülücj nsem niná. Püs way malala se palá, pjü ncaꞌlin̈. Dios ma jos pjü ncaꞌlin̈. Jupj lis tꞌya nepénowa, yupj jupj lal ca mpatjam. Yupj mpes ma tjeꞌyaya tsꞌacꞌ pülücj ca malala mpalas. 21 ”Nin tepyala na Judea moꞌó, nepénowa ca mvelecj Cristo tjacꞌ quinam. Ca mvelecj: ‘Tjunucú. Quiꞌá jáꞌasa niná Jepa Püné Dios jas tjejyama qjuis capj la pꞌacj.’ Nin ca mvelecj ca nacj. ‘Tjunucú. Noꞌompe jáꞌasa’, ca mvelecj ca nacj. Nin javelepj na nun jis lal, po ma toponé yupj javelepj. 22 La tsuwilpan nepénowa ca ncul. Nepénowa ca mvelecj yupj pꞌiyá Cristo. Nepénowa mvelecj ca yupj pꞌiyá javelepj Dios mpes. La tsuwil pꞌin yupj. Yupj ca quelel yus ntsawilicj pjü way. Ca quelel yus ntsawilicj wa Dios lis tꞌya jis lal. Nin mpes pꞌa casá ca la mijicj yupj, gente pꞌin ma polel lajay jinwá. Jisas la pꞌa mponecj yupj tꞌücꞌ javelepj yupj, niná ꞌücj lajay mpes. Dios lis tꞌya ma ca mponecj yupj javelepj. 23 Mpes pasal ꞌin tjajama. Ma nin tepyala na pꞌin, nin tjevelé niná ca nin mpalas. 24 ”Malala ca mpalas nosis ntꞌa. Niná tꞌücꞌ tepyala na, lotsꞌacꞌ püste ca mpalas. Mümüy püste ca mpalas wa. 25 Pjulacj ca palá jis ntüncüs tsjun mpe. La pꞌa wa noypan tsjun poꞌó ca jus nquitsꞌis. 26 ”Niná tepyala na, gente ca nucucj napj cuwis mol moꞌó. Napj pꞌiyá niná Yomen Dios jas tjejyamá. Cuwis na, püné nsem napj pajal, pjü ꞌücj la cüjay. Napj ntꞌa pajal majawaques ca Dios mpes. 27 Napj ca sin majam napj angelpan* napj lal japon ntꞌa, pjü jis lal la cuwis. Napj lis tꞌya yupj, ca napj lal mpatjam. Mpes angelpan jun taꞌá ca mal nosis ntꞌa, tsjun poꞌó ꞌotsꞌipj. Pjü nosis mpe jis lal ncul yupj. Pajal campa patja jis lal ncul wa yupj —‌nin tjevele Jesús. 28 —‌Nusin tjüꞌüsüs parábola* niná mpes. Nujola tꞌas tsꞌoway poꞌó. Lo quelel cyojo na, pjwel ꞌuꞌu way jupj. Jis lo tecyojo na, nun solejé len̈ way quelel jive. 29 Nin pꞌiyá, nun ca nucú malala ca mpalas nosis

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 13, 14

152

casá, napj tjevelé jinwá. Nun niná tjunucú na, nun ca jus nlayé len̈ way ncuwis napj. 30 Pjü niná napj tjevelé, pjü ca mpalas. Judiopan* newa mpatjam pjü tepyala na. 31 Tsjun poꞌó ca ncawajas, nosis ca ncawajas wa. Napj velé jin ma ncawajas ca la pꞌin. Pjü tjevelé pjü ca mpalas. 32 ”Napj ma ca mvelé ꞌona ca nin mpalas niná napj velé. Pjü ma salejepj tsjan jawas ca nsem. Ma wa salejepj angelpan* tsjun poꞌó. Ma wa selé napj. Napj ne Dios Jatjam. Mpapay pꞌin selé. 33 Nujola tꞌas ca nin mpalas napj tjevelé jin. ꞌIn tjajamá. Ma solejé tsjan jawas nin ca mpalas. 34 ”Napj nin pꞌiyá lejay yom campa jama jinwá. Mwalá way jupj vele jomozopan jilal tsjan la mijicj yupj, jupj len̈ na. Vele wa jun vilicj ton̈ca lal ꞌüsüs way ꞌin majamas wosis. Tꞌücꞌ tjevele na, jama jupj. 35-36 Más ꞌücj yom jomozopan lovin ꞌüsüs lajay jupj tjevele jin. Yupj ma salejepj ꞌona ncuwim. Tꞌyaja na ncuwim ca nacj. Püste na ncuwim ca nacj. Castlyaj li piyú na ncuwim ca nacj. Quelel jyawca na ncuwim ca nacj. Len̈ way ncuwim ca nacj. Mpes más ꞌücj lovin la nucucj. Napj yom niná jinwá. Nun napj nomozopan jinwá. Ma solejé ꞌona ncuwis. Mpes lovin ꞌin tjajamá. Más ꞌücj lovin ca la ma nucú. 37 Niná nin velé nun mpes, nin velé wa pjü mpes. ꞌIn tjajama. Más ꞌücj lovin ca la ma nucú.

Nepénowa yuwá pꞌin tjoweleptsja ꞌonin la qjuijim cüꞌüꞌnam Jesús. (Mateo 26.1-5; Lucas 22.1-2; Juan 11.45-53)

14

1 Tsꞌacꞌ

matꞌe na judiopan* fiesta ca la mijictsja. Fiesta niná “Dios Qjuis Capa Nipj Tjemey”* ló jupj. Pan levadura cjuwá jalá fiesta mpes. Sacerdote* noypan ꞌa jis tjimyula Moisés* popel sin ꞌyüsa lajay jis lal. Yuwá tjowelepj ꞌonin ne ꞌücj ntjiꞌlin̈ Jesús, la pꞌa wa ma jus cülayecj. Quelel tjiꞌlin̈tsja jupj, la ꞌünan. 2 Tjowelepj: “Ma ntjiliquem ca jupj judiopan fiesta lajay na. Cupj niná la qjuijicj, yupj tsꞌi miꞌinacj ca pajal. ꞌA jis mulus ca, la mpaꞌnacj ca cupj qjuilal,” nin tjowelepj yupj.

3 Jesús

Quepj ꞌüsüs la tjiji Jesús mpes. (Mateo 26.6-13; Juan 12.1-8)

Betania ntꞌa tjemey wa. Neꞌaj Simón wo wama tjáꞌasa la las. (Simón malala jostsja püná. Pjolocꞌ mójotsja jupj.) Neꞌaj tjáꞌasa na, quepj tjacꞌ Jesús ntꞌa ꞌüsüs lo jay jupj mpes. Botella pajal ꞌüsüs justa El Nuevo Testamento en Tol de Honduras, 2da ed. ©2010, Wycliffe Bible Translators

153

SAN MARCOS 14

tequeꞌe jupj. Niná botella pe mpestsja, pe alabastro ló. Nardo* botella moꞌo tón̈catsja. Perfúmetsja jupj, pülücj jaylacj. Botella jay tjiꞌyula, perfume Jesús jay pjucj poꞌo tꞌyu jupj. 4 Nepénowa tjunuc quepj la tjijá. Tjunuc na, tsꞌa tjiꞌin. Yuwá tjowelepj: —‌Malala la tjiji. Pjü way tꞌyu. Tjapjaja perfume. 5 Yom año pjaní tsjiꞌ liji jaylactsja. Más ꞌücj vender la qjuijis, tꞌemel ꞌücj así cüꞌayas tꞌemel cjuwá mpes. Pajal cus tjowelel quepan nin la tjiji mpes. 6 Jesús ma nin pꞌiyá jólatsja yupj jinwá. Jupj tjevele: —‌Po ma cus tjoweꞌlé jupj. ¿Tsjan mpes nin welé jupj lal? Pasal ꞌüsüs la tjiji jupj napj mpes. 7 Cjuwá jis lal ca mpatjaqué nun lovin. Nujisas na, nun polel jis capj pꞌoꞌsá. Napj ma ca mpüꞌüs nun jilal lovin. 8 Niná polel líjitsja napj mpes, mpes nin la tjiji jupj. Pꞌa jawas ca ma patsꞌ. Nin mpes perfume tꞌyu jupj nay pjucj poꞌó. ꞌÜcj la ntjiji yupj ca ntoquecj napj mpes. 9 Napj lal japon ca mal nosis jas tüpwes. Neꞌaj ca mvelecj la pꞌa jis walapꞌaꞌá napj ꞌüsüs la tjejay gente mpes. Jun taꞌá yupj jil ntꞌa, ca mvelecj wa quepj niná ꞌüsüs la tjiji napj mpes. Ma ca yoꞌ mpaꞌis. Tꞌücꞌ way —‌nin tjevele Jesús.

Judas tjevele ꞌücj jis lal ca mim Jesús enemigopan la tjilil jupj. (Mateo 26.14-16; Lucas 22.3-6)

10 Locopyaya

Judas Iscariote tjemey sacerdote* noypan ntꞌa. Jesús discipulopan* dóceya sin pópatsja jupj. Tjevele ꞌücj ca jis lal mim la tjilil Jesús. 11 Yupj ꞌücj jisas tepyala. Tjowelepj tꞌemel ca maꞌayacj jupj nin liji na. Mpes Judas la nuctsja ꞌona ꞌücj jis lal la winin la tjilil Jesús.

Qjuis Jepa Jesús tjelyaja jupj discipulopan jilal, pütsꞌí secj pꞌin. (Mateo 26.17-29; Lucas 22.7-23; Juan 13.21-30; 1 Corintios 11.23-26)

12 Tsꞌacꞌ

mwalá way tjejyawca fiesta mpes. Niná fiesta lajay na, pan levadura cjuwá jalá. Fiesta niná “Dios Qjuis Capa Nipj Tjemey”* nin ló. Nin jawas oveja* tsjicj jaꞌünan jis la las fiesta mpes. Jesús discipulopan* la tjüꞌüy jupj lal: —‌¿Caꞌaj jyas cupj ca nlaca ꞌücj la mijicj ca nlajan fiesta mpes? 13 Discipulopan* mátꞌeya sin tjejyama ꞌücj la mijicj. Yupj jilal tjevele: —‌Jerusalén ntꞌa nlawú. Neꞌas tjalawú na, nun la müjüsüqué yomen jarro tꞌya, ꞌüsǘ moꞌo ton̈ca. Cjüil lowa. 14 Jupj jama ntꞌa wama mim. Neꞌaj wo lal tjowelé: ‘Yom qjuisin ꞌyüsa liji qjuisin tjejyama jipj ntꞌa. Jupj tjevele cupj ca lya müꞌüyacj caꞌaj jáꞌasa jupj ca nlajas ntꞌa. Jupj quelel lyaja neꞌaj

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 14

154

jupj discipulopan* jilal fiesta mpes, fiesta “Dios Qjuis Capa Nipj Tjemey”* ló.’ 15 Mpes neꞌaj wo ꞌesepj nun jis lal ca mim cuarto püné ntꞌa, wo casá ton̈ca. Jupj nasa ꞌücj la tjiji cuartas quinam. Pjü qjuisas neꞌaj jatja cupj mpes. Neꞌaj ca ꞌücj la müjí cupj nlajacj mpes —‌Jesús nin tjevele. 16 Mpes discipulopan* mátꞌeya nenem tjil. Pjü Jesús tjevele jin tepyala. Mpes ꞌücj la tjajay jis la las fiesta mpes. 17 Püste tepyala na, Jesús tjemey cuarto niná ntꞌa jupj discipulopan* dóceya jilal. 18 Neꞌaj játjatsja, jalatsja. Jesús tjevele: —‌Nun popa pjaní malala nyuca la mijis napj lal. Quina lyaja napj lal. Jupj ca jis lal ncuwim napj enemigopan, ca yupj ma tjililin̈. Tꞌücꞌ way nin ca ma palas —‌tjevele. 19 Mpes yupj ꞌaplijila jis tepyala. Pjaní pjaní la tjüꞌüy: —‌¿Ncu napj ca nin la cüjay? 20 Jesús tjevele: —‌Jupj napj discipulopan* dóceya popa pjaní. Jupj pan moꞌo tsꞌyuca wa, lyaja wa napj mplato mpe, la pꞌa wa jinwá. Jupj ca jis lal ncuwim ma tjililin̈. 21 Napj pꞌiyá niná Yomen Dios jas tjejyamá. Pajal püna profetapan* tapac ca nin ma palas napj. Yupj tapac jin pꞌiyá ca nsem. Ma patsꞌ ca napj, yupj tapac jinwá. Mopꞌin pajal malala nin, jupj ca jis lal ncuwim napj enemigopan, ca ma tjililin̈. Pasal malala ca mpalas jupj, jupj malala la niji mpes. Pajal malala ca mpalas jupj, mpes más ꞌücj ca nactsja jupj lovin ma pǘꞌütsja —‌nin tjevele Jesús. 22 Yupj jalatsja na, Jesús ntꞌya pan pjaní. Tjevele Dios lal tjüwüiꞌi pan tjeꞌyaya mpes. Nin la tjiji na vitvitj la tücüeme, jis tjeꞌyaya jupj discipulopan*. Jis tjeꞌyaya na, tjevele: —‌Noꞌoté, nlajá. Niná pansas napj mpꞌüy jinwá. 23 Tjalá na, jupj ntꞌya wa pocillo, uva ꞌüsǘ moꞌo tón̈catsja. Tjevele Dios lal tjüwüiꞌi uva ꞌüsǘ tjeꞌyaya mpes. Pocillo jis tjeꞌyaya jupj discipulopan*. Pjü vitvitj tjimyüꞌün̈. 24 Jis tjeꞌyaya na, tjevele: —‌Niná uva ꞌüsǘ napj naꞌas jinwá. Ma patsꞌ ca napj nun mpes, la pꞌa pülücj mpes wa. Napj ca ꞌas ma palas. Mpapay tjevele tꞌücꞌ ca perdonar lis mijis napj ntipüꞌí na. 25 Napj lovin ma ca müꞌüs uva ꞌüsǘ niswá quinam. Pꞌa jawasa mpatjaquecj Dios jyüꞌta ntꞌa. Nin jawas tjejyawca na, niswa ca müꞌüs napj. Tꞌücꞌ way velé —‌tjevele jupj.

Jesús tjevele Pedro ca ntsüpünüs jupj se con̈ca Jesús. (Mateo 26.30-35; Lucas 22.31-34; Juan 13.36-38)

26 Yacjaya

tjenejetsꞌen̈ Dios poꞌó. Lovin nin lajaytsja fiesta mpes. Tjenejetsꞌen̈ na, tjil. Jocꞌ Olivos ló ntꞌa tjil. 27 Jesús tjevele yupj jilal:

El Nuevo Testamento en Tol de Honduras, 2da ed. ©2010, Wycliffe Bible Translators

155

SAN MARCOS 14

Jesús tjelyaja jupj discipulopan jilal, pütsí secj pin. (San Marcos 14.24)

—‌Nun pjü way ca ntsꞌequenequé malala ne palá na. Nasapj moꞌos. Püna profeta* tepyaca ca nin mpalas. Tepyaca: ‘Napj ca müꞌünan oveja* jyama, mpes jupj oveja witjacj sin tjan ca mal.’ 28 Newa napj ca ꞌüsüs la mejay nun mpes. Napj ca niswa nin müjünsǘ la pütꞌüs. Niswa püꞌüs na, ca mis Galilea ntꞌa. Napj mwalá way ca mis nun jis lal, cupj ca la müjüsüquecj neꞌaj —‌nin tjevele Jesús yupj jis lal. 29 Pedro tjevele: —‌Pjü ca ntsꞌequenen̈ ca nacj. Napj lovin ma ca nin la mejay. 30 Jesús tjevele: —‌Yacjaya püste pꞌiyá jipj pꞌiyá ca mvelen ma nus nyuc. Castlyaj cocoy la pjaní pꞌin la tipiya na, jipj la con ca mvelen ma nus nyuc.

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 14

156

31 Pedro

tjevele tꞌücꞌ way ma ca nin la mijis. —‌Napj ꞌücj wa ni püꞌí jipj lal. Lovin ma ca mvelé ma jis nyuc —‌nin tjevele Pedro. Nin pꞌiyá tjowelepj wa pjü discipulopan*. Jesús tjevele Dios lal Getsemaní ntꞌa. (Mateo 26.36-46; Lucas 22.39-46)

32 Locopyaya yupj pjeꞌá tjil. Sine lejen̈ ntꞌa tjil, Getsemaní ló neꞌaj. Jesús tjevele

jupj discipulopan* jilal: “Mis mvelé Mpapay Dios lal. Nínawa majatjaqué velé na jupj lal.” 33 Jupj discipulopan cóntꞌeya jis lal tjemey neꞌaj pꞌin. Pedro pjaní wa, Jacobo pꞌa wa, Juan pꞌa wa. Jesús pasal jólatsja, pasal ꞌaplijila tepyala. 34 Tjevele: “Nasa ni püꞌí jin najas, pasal ꞌaplijila mpes. Quive la ntjunucú. Po ma müjünaqué, ma nyucun nsem nasapj.” 35 Jusapj tsjicj way pꞌin tjemey. Palá tipiꞌtje, tjevele Dios lal jupj jostsja ma ca malala la mijicj jupj. La tjiꞌyüya ncu ꞌücj ma ca nin mpalas. Tjevele: 36 “Mpapay, pjü polel lejay jipj. Najas jipj la mijin ne yupj ma malala la ma jicj. Newa najas ca jipj jyas jinwá nsem. Ma napj najas jinwá tꞌas”, nin tjevele Jesús jupj Popay lal. 37 Tꞌücꞌ tjevele na, Jesús tjacꞌ jupj discipulopan* ntꞌa. Yus tjinyuca tjijinan̈ yupj. Tjevele Pedro lal: “Simón, ¿ncu tjejyan? ¿Ncu ma polel nyucuntsja hora pjaní pꞌin? 38 Ma müjünaqué. La moná Dios lal ma ca malala la müjí, nun quelel malala lojí na. Napj selé nun quelel lojí napj najas jinwá. Mopꞌin pajal costa nun jis lal, nun niyom pꞌin”, tjevele jupj. 39 Niswa Jesús jusapj tjemey. Nin pꞌiyá nin tjevele Dios lal. 40 Jupj niswa tjacꞌ jupj discipulopan* contꞌe tapatja ntꞌa. Niswa yus tjinyuca tjijinan̈ yupj. Pajal ja sívetsja. Jis tsyülümǘ na jis tjemyayca, mpes ma salejeptsja tsjan más ꞌücj la veles jupj lal. 41 Jesús tjemey niswá la veles Dios lal. Niswa tjacꞌ na jupj discipulopan* ntꞌa, jis la tjiꞌyüya: “¿Ncu potjaqué jünaqué custjay? Nasa tꞌücꞌ tjüjünaqué. Po quina ca mpalas napj tjevelé jinwá. Napj pꞌiyá niná Yomen Dios jas tjejyamá. Najamica pjaní jis lal ncuwim napj neꞌenemigopan, ca ma tjililin̈. Malala lajay ca malala la ma jicj, yupj jisas jinwá. 42 ¡Nusin tjüjünsǘ! Mas quinam la müjüsüquecj yupj. Nasa jacꞌ quinam yom malala la niji. Jis lal jacꞌ napj neꞌenemigopan”, nin tjevele Jesús.

43 Jilal

Yupj ntjiꞌlin̈ Jesús. (Mateo 26.47-56; Lucas 22.47-53; Juan 18.2-11)

véletsja na, Judas neꞌaj tjacꞌ. Jupj Jesús apostolpan* dóceya popa watsja. Püs way se cón̈catsja Jesús. Pülücj tjiquil jupj lal quinam. El Nuevo Testamento en Tol de Honduras, 2da ed. ©2010, Wycliffe Bible Translators

157

SAN MARCOS 14

Polomay jatatsja, yo pjwel jatatj watsja moꞌo la süp Jesús. Sacerdote* noypan sin tjajam jis la tjilil Jesús. Moisés* popel sin ꞌyüsa lajay sin tjajam wa. Coꞌmüypan* sin tjajam wa. 44 Judas jis lal tjacꞌ la tjilil Jesús. Jupj nasa tjevéletsja ca sin ꞌyüsa la mijis cana Jesús. Tjevele: “Pjaní lal ca la nlapan napj. Niná Jesús. Ntjüiliqué jupj. Tjamanú jupj. ꞌÜsüs tjajama ne ma mim.” 45 Mpes neꞌaj tjemey Judas, Jesús ntꞌa pꞌin. Neꞌas tjemey, ꞌüsüs tjevele jupj lal, quelel la tjiji jinwá. Tjevele: —‌Nejepa. 46 Niyom la pꞌa ntjiꞌlin̈ Jesús, jis la man jupj jepapan ntꞌa. 47 Jesús discípulo* pjaní neꞌaj pꞌin tón̈catsja. Jupj polomay syultsꞌa. Jay tjejyoꞌo yom pjaní. Jupj pjotsꞌ taná tjejyoꞌo jupj. Yom niná mozo waytsja sacerdote* más püné mpes. 48 Jesús tjevele pülücj tjiquil jis lal: —‌¿Tsjan mpes polomay tꞌo, yo pjwel tꞌo wa la tjilil napj? Niná lojí pwequepj la tjilil. 49 Pjü jyawca tjoꞌos napj nun jilal Dios wo* ntꞌa. Neꞌaj sin tjiꞌyüsa la tjejay. Nun lovin ma ntjutjililiqué neꞌaj. Niná tepyala ca tꞌücꞌ mpalas Dios Popel vele jin. 50 Nin tjevele na, Jesús discipulopan* pjü way tsꞌequenen̈. Jesús neꞌaj ton̈ca tjil. 51 Tjamacjas Jesús cjüil tjemeytsja. Jupj sa capyatsja jas quip pjyapja mpes la pꞌin. Yupj ntjiꞌlin̈ wa jupj. 52 Jupj jas quip ntjiꞌlin̈tsja pꞌin. Mpes tsꞌüequené jupj, jas pjütpjütꞌ way tjemey.

Yupj tjaman Jesús judío noypan ntꞌa. (Mateo 26.57-68; Lucas 22.54-55, 63-71; Juan 18.12-14, 19-24)

53 Yupj

tjaman Jesús sacerdote* más püné ntꞌa. Sacerdote noypan pjü way ꞌa jis tjimyula neꞌaj. Coꞌmüypan* neꞌaj tjatja wa, Moisés* popel sin ꞌyüsa lajay neꞌaj tjatja wa. 54 Pedro Jesús cjüil tjemey campapé. Neꞌas tjemey wa jupj sacerdote más püné wo ntꞌa. Tjüwücj moꞌo wama tjemey jupj. ꞌEtjele militarpan nepénowa jilal. ꞌAwa süísetsja. 55 Neꞌaj jatja watsja sacerdote* noypan. Neꞌaj jatja watsja judiopan* jis jepapan. Yupj ꞌa mulú jajütütsja judiopan. Yupj pjü la tjüꞌüy tjunuc pjacj malala mveles Jesús poꞌó. Po quelel javeleptsja ꞌücj cus la tül jupj. Quelel jaꞌünantsja jupj. Newa pjü tjunuc Jesús malala la tjiji tulucj. 56 Pülücj tjiquil la tsuwil Jesús poꞌó. Tjowelepj Jesús malala la tjiji. Newa nin ma nin pꞌiyá tjowelepj. Mpes jepapan ma polel cus tül Jesús yupj tjowelepj mpes. Pjaní pꞌin tꞌya tjevele mpes, ma polel cus tül jupj. 57 Locopyaya la pꞌa tjiquil yupj jis walapꞌaꞌa la tsuwil Jesús poꞌó. Tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 14

158

58 —‌Cupj

tjepjyaꞌaquecj Jesús malala tjevele. Tjevele: ‘Gente pꞌin jas tjüjünsüpj Dios wo*. Napj ca jas mojoy. Tsꞌacꞌ contꞌe na, napj tꞌücꞌ ca jas müjünsǘ niswá. Gente tulucj ca jas müjünsücj’ —‌nin tjowelepj. 59 Newa nin ma nin pꞌiyá tjowelepj ninana tjowelepj. 60 Niná tjowelepj na, sacerdote* más püné tüwütüwǘ ton̈ca. La tjiꞌyüya Jesús lal: —‌¿Ncu ma ca qjuis lal mvelen ncu tꞌücꞌ way nin tjevelen? Yupj javelepj malala tjevelen jipj. 61 Jesús ma wola tjevele. Lyájasa tón̈catsja. Sacerdote* más püné la tjiꞌyüya niswá: —‌¿Ncu jipj niná Yomen Dios tjevele ca jas majamas qjuis capj la pꞌacj? ¿Ncu Dios Jatjam jipj? Dios pasal ꞌüsüs way jupj. 62 Jesús wola tjevele: —‌Nin napj. Nun ca nucú napj tꞌücꞌ way velé. Napj pꞌiyá niná Yomen Dios jas tjejyamá. Pꞌa jyawca na ca nus nucú napj ca moꞌos Dios liꞌinyampe. Neꞌaj ca moꞌos, ncupj ꞌa mulú ca müjüꞌtücj. Dios pajal jas tjiyocj pjü jilal. Nun ca nucú napj ncuwis nosis ntꞌa mol mpes —‌nin tjevele Jesús. 63 Jupj nin tjevele na, sacerdote* más püné la tücüeme jupj jas quip. Judiopan* nin lajay pꞌa wa malala vele na Dios poꞌó. Tjevele: —‌¡Ma qjuisas la pꞌa mvelecj Jesús malala nyuca la tjiji! ¡Nasa tꞌücꞌ! 64 Nun tjapjaꞌaqué pajal malala tjevele Jesús. ¿Ncu pajal malala la tjiji Jesús? Pjü way tjowelepj malala la tjiji. Tjowelepj más ꞌücj müꞌüꞌnacj jupj. 65 Nin tjowelepj na, nepénowa cus tuputsꞌ Jesús wola poꞌó. Pülül mpes tsupapj Jesús jun. Yupj jis mas sa lototsja, jüpꞌüy poꞌo tül jupj. Tjowelepj: —‌Q juis wala mvelen, ¿pjacj wyala poꞌó tyüla? ¡Dios ca jin müꞌüsüs la mijis! Malala tjowelepj, mpes la tjüpjütsꞌün jupj lal. Sacerdote* militarpan Jesús lal tjil, moꞌo la süp.

Pedro tjevele ma cus tecyón̈catsja Jesús. (Mateo 26.69-75; Lucas 22.56-62; Juan 18.15-18, 25-29)

66 Pedro

jáꞌasatsja custjay wosis tꞌasiyú tjüwücj moꞌó. Neꞌaj tjáꞌasa na, tsjücjüim neꞌaj tjacꞌ wa. Sacerdote* más püné jomózotsja jupj. 67 Pedro ꞌawa süísetsja custjay. Tsjücjüim niná jus tjinyuca jupj, püs way jus tjinyúcatsja. Tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

159

SAN MARCOS 14, 15

—‌Jipj cus tecyon̈tsja wa Jesús, Jesús Nazaret mpe ꞌesepj. 68 Pedro tsyüpünǘ. —‌Nin tulucj —‌tjevele—‌. Ma nin ꞌyüsa tsjan mpes nin velen jipj. Tjemey tjüwücj jun vilicj ntꞌa. Castlyaj cocoy la tipiya quinam. 69 Neꞌaj ton̈ca na, tsjücjüim jus tjinyuca neꞌaj. Tjevele yupj jilal neꞌaj: —‌Niná Jesús discipulopan* popa. 70 Pedro niswa tsyüpünǘ. Yacjaya neꞌaj pꞌin lejen̈ tjowelepj: —‌Tꞌücꞌ way jipj jupj discipulopan* popa. Galilea mpe ꞌesepj wa jipj. 71 Pedro tjevele: —‌Dios ꞌücj ca ncapj ntülüs napj li tsuwil. Yom niná ma si nuc. Tꞌücꞌ way velé napj. 72 Nin tjevele na castlyaj cocoy la tipiya niswá, lama quinam. Mpes Pedro jola tepyala Jesús tjevelá: “Jipj pꞌiyá ca mvelen ma nus nyuc. Castlyaj cocoy la pjaní pꞌin la tipiya na, la con ca mvelen ma nus nyuc.” Mpes Pedro pasal la tipiya, pajal ꞌaplijílatsja jupj.

15

Tjaman Jesús Pilato ntꞌa. (Mateo 27.1-2, 11-31; Lucas 23.1-5, 13-25; Juan 18.28-19.16) 1 Yaya

pajal püstapj pjü way judiopan* jis jepapan ꞌa jis tjimyula, yupj nepenowá sacerdote* noypan, nepénowa coꞌmüypan*, nepénowa Moisés* popel sin ꞌyüsa lajay, nepénowa pꞌa wa jepapan judiopan sin popé. Tjüjütütj tsjan ca la mijicj Jesús lal. Jupj mos tsupapj. Tjaman jupj Pilato ntꞌa. Pilato jepa püné auxiliar waytsja jupj. Románotsja* jupj, judío tulucj. 2 Pilato la tjiꞌyüya Jesús lal: —‌¿Ncu judiopan* jis jepa püné jipj? Jesús wola tjevele: —‌Nin napj. 3 Sacerdote* noypan tjatꞌ tjowelepj Jesús poꞌó jepa romano* wolapꞌaꞌá. Tjowelepj la pülücj malala la tjiji jupj. 4 Mpes Pilato la tjiꞌyüya Jesús lal: —‌¿Ncu ma quelel qjuis wala velen ncu tꞌücꞌ malala la tjejay, yupj javelepj jinwá? Javelepj jipj la pülücj malala la tjejay. 5 Jesús newa ma lal tjevele jupj. Pilato pasal nin jólatsja tsjan mpes Jesús ma tjevele. 6 Pilato janmacj jas tjejyama yom pjaní cawilta mpe fiesta niná tepyala na. Judiopan* janmacj la tꞌapj pjacj pjeꞌá nyacas cawilta mpe. 7 Cawilta moꞌo jáꞌasatsja yom malala la tjijá, Barrabás lotsja jupj. Jupj jepa püné lal la tapalan sin popa watsja. La tapalan na, jis tjüꞌünan

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 15

160

la pꞌa. Nin mpes játjatsja quinam cawilta moꞌó. 8 Judiopan Pilato wo ntꞌa ꞌa jis tjimyula, tjil quinam Pilato ntꞌa, tjowelepj: —‌Janmacj se jam yom pjaní cawilta mpe fiesta tepyala na. Qjuisas nin lejay quinam. 9 Pilato jis la tjiꞌyüya: —‌¿Ncu jisas se jam judiopan* jis jepa? 10 Pilato seletsja sacerdote* noypan tjejyaman̈tsja Jesús lal. Seletsja nin mpes tucuman jupj. Jisastsja Pilato ca cus ntülüs. 11 Sacerdote noypan nasa tjowelepj ꞌa jis tjimyula jis lal. Tjowelepj pajal malala Jesús. Más ꞌücj la mon ca jas majamas Barrabás, tjowelepj. Mpes nin la tjomon. 12 Pilato tjevele: —‌¿Tsjan jyas napj lejay yom niná lal? Nun welé jupj pꞌiyá judiopan* jis jepa püné. 13 Yümücj tjowelepj: —‌¡Cruz* poꞌo tjevyala, mpaꞌis jupj! 14 Pilato jis la tjiꞌyüya: —‌¿Tsjan mpes? Ma malala la tjiji. Más yümücj tjowelepj: —‌¡Cruz* poꞌo tjevyala, mpaꞌis jupj! 15 Pilato jostsja yupj ma ca tsꞌi miꞌinacj. Mpes jas tjejyama Barrabás cawilta mpe. Tjijyüꞌta jupj militarpan jilal moꞌo nsüpücj Jesús. Tjijyüꞌta cruz* poꞌo mvalacj, la ꞌünan.

16 Niná

Yupj cruz poꞌo tjovalapj Jesús, tepeꞌe jupj. (Mateo 27.32-56; Lucas 23.26-49; Juan 19.17-30)

tjijyüꞌta na, militarpan tjaman Jesús Pilato wo ntꞌa. Wama tjil. Pilato wo Pretorio lotsja. Pünetsja pajal. Tjowelepj jis la cuwis wa la pꞌa wa militarpan Pilato wo ntꞌa tsjiꞌ la tjajaytsja. 17 Jas tjüwüꞌün Jesús militar jas quip je mpes. Nin la tjajay la pjütsꞌün jupj mpes. Pülül je jepa jas quip jin jústatsja. Yo pjwel jam jus tjulujupj jay pjucj poꞌo la ꞌonsos. Jesús jay tjoꞌonsopj, corona* jay tjáꞌasatsja jinwá. 18 Tjowelepj: —‌¡Qjuisas ꞌücj jyas mpüꞌüm! ¡Jipj jepa püné judiopan* jilal! Pajal la tjüpjütsꞌün jupj mpes. 19 La pülücj Jesús jay süptsja tjacjaj mpes. La pülücj cus tuputsꞌ Jesús wola poꞌó. Yupj jis ticꞌ mpes tjijyünsünün̈. Nin lajay jepapan jilal, mopꞌin ma topon jépatsja jupj. 20 Tꞌücꞌ la tjüpjütsꞌün na, jas tjüꞌipj pülül je. Jas tücüipap jupj jas quip mpes. Pjeꞌá tjaman jupj la valas jupj cruz* poꞌó.

El Nuevo Testamento en Tol de Honduras, 2da ed. ©2010, Wycliffe Bible Translators

161

SAN MARCOS 15

21 Jümücj

ntꞌa jiltsja na, yom pjaní ntjiꞌlin̈ yupj. Jupj nasa way jactsja Jerusalén ntꞌa jupj tüpüꞌü mpe. Jis wa pjaní pjaní lejen̈ mpe tjacꞌ jupj. Simón lotsja jupj. Cirene mpe ꞌeseptsja. Jupj ne Alejandro popay, Rufo popay wa jupj. Militarpan tjüjütütj Simón ntjamas cruzus*. 22 Nin la tjajay na, tjaman Jesús Gólgota ntꞌa. “Gólgota” mpes ꞌücj la veles “Jay Pjucj Cjüele” cupj qjuis tin. 23 Uva ꞌüsǘ tjaꞌayapj Jesús lo müs. Uva ꞌüsǘ mirra* la süpjütsja, pajal nepé vyaja lo tsꞌuc. Jesús jus nleya leméliyu la süpjütsja, ne ma tjümüꞌü. 24 Cruz* poꞌo tjovalapj jupj. Militarpan jisastsja Jesús jas quip. Mpes tjepjelan̈ tjunuc pjacj ntaꞌes jupj jas quip. 25 Las nueve na, püstapj, cruz* poꞌo tjovalapj jupj. 26 Nasa tapac tsjan mpes cus tül Jesús. Tapac: NINÁ JEPA JUDIOPAN JILAL. 27 Yupj tjovalapj wa pequepan mátꞌeya pꞌa wa cruzus* poꞌó. Pjaní way tjovalapj Jesús liꞌinyampe. La pꞌa wa tjovalapj Jesús nancupwepe. 28 Dios Popel tjevele niná ca nin mpalas. Tjevele: “Yupj yólatsja jupj malálatsja, malala lajay jinwá”. Nin tepyala quinam. 29 Judiopan* nepénowa cruz ton̈ca jin tjil. Malala tjowelepj Jesús poꞌó. Yupj sey pjucj la süpjüntsja jupj mpes. Ma topon ꞌüsüstsja jupj. Jupj lal tjowelepj: —‌Jipj tjevelen ca jas mojoyen Dios wo*. Tsꞌacꞌ contꞌe na ca jas müjünsün niswá, nin tjevelen. 30 Mpes, ¡palá was cruz* mpe! ¡Cyapj tjepꞌyaꞌsa jipj pꞌiyá! 31 Sacerdote* noypan yuwá tjowelepj. La tjüpjütsꞌün wa Jesús poꞌó. Nin pꞌiyá la tjajay wa Moisés* popel sin ꞌyüsa lajay. Tjowelepj: —‌Jis capj tjepꞌyaꞌsa la pꞌa wa. Ma polel cus la pꞌacj jupj pꞌiyá. 32 Jupj vele jupj pꞌiyá niná Jepa Püné Dios tjevele ca jas majamas qjuis capj la pꞌacj. Jupj vele Jepa jupj israelpan* jilal. Qjuisas palá ncuwim cruz* mpe, ca nucucj ncupj. Jupj nin la qjuijis, cupj cüponecj catsja jupj mpes —‌nin tjowelepj. Pequepan cruz* poꞌo lejen̈tsja pasal malala tjowelepj wa Jesús lal. 33 Lotsꞌacꞌ culupwen ntꞌa tjáꞌasa na, püste tepyala pjü nosis ntꞌa. Hora contꞌe mpes pǘstetsja. 34 Las tres na Jesús yümücj tjevele: —‌Eloi, Eloi, ¿lama sabactani? (Cupj qjuis tin mpes velecj: “Napj Ndios, napj Ndios, ¿tsjan mpes ꞌos tjay jipj?”) 35 La pꞌa wa neꞌaj pꞌin tjelejen̈tsja. Tjepjyacan̈ na jupj tjevelá, ma sin tjiꞌyüsa jupj tjevelá. Nepénowa yupj sin popa tjowelepj: —‌Tjapjaꞌaqué. Jupj jos Elías* ncuwim cus la pꞌacj jupj. 36 Yom pjaní tsꞌüequené, esponja* tequeꞌe. Moꞌo tsꞌyuca uva ꞌüsǘ ꞌona mpes. Esponja yo jay tsyuꞌpa, viyá tecyacaná Jesús lo müs. Tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 15

162

Pülül pompom jálatsja Dios wo moó. Nayapé palavin la tücüeme. (San Marcos 15.38)

—‌ꞌÜcj quinam. Ma ca pꞌa la müjí. Ca nucucj ncu Elías* jacꞌ palá ntꞌanques jupj cruz* mpe. 37 Jesús yümücj tjevele, tepeꞌe jupj. 38 Pülül pꞌompꞌom jálatsja Dios wo* moꞌó, pülül niná wo tꞌem pjaní jinwatsja. Jesús tepeꞌe na, nayapé palavin la tücüeme. Jas tüpwes la tücüeme jupj. 39 Jepa militar tón̈catsja Jesús wolapꞌaꞌá. Jupj tjapjaca wa Jesús yümücj tjevele na. Tjinyuca ꞌoyn nyuca tepeꞌe jupj. Mpes tjevele: —‌Tꞌücꞌ way yom niná Dios Jatjam waytsja. 40 Nequem nepénowa campa way ꞌin lejen̈tsja, tjunuc tepyalá. Pjaní wa María lotsja, Magdalá mpe ꞌeseptsja. Pꞌa wa María ló watsja. Jupj

El Nuevo Testamento en Tol de Honduras, 2da ed. ©2010, Wycliffe Bible Translators

163

SAN MARCOS 15, 16

Jacobo jamaytsja, José jamay watsja. Jacobo niná “Jacobo pjyapja” tjowelepj yupj. Quepj pꞌa wa neꞌaj Salomé lotsja. 41 Nequem nenem cus tocon̈tsja Jesús Galilea poꞌo tjuwine na. Yupj tjojon jupj mpes, ꞌücj la tjajay wa jupj tüpüꞌü ntꞌa. Nequem la pꞌa wa pülücj lejen̈tsja wa neꞌaj. Nasa tjiquil wa Jesús lal Jerusalén ntꞌa.

Pe jul moꞌó, neven ntꞌa, tüpüntüpj Jesús. (Mateo 27.57-61; Lucas 23.50-56; Juan 19.38-42)

42 Nin

jawas pjü ꞌücj la tjajay ya mpes, ya ma ca tsjiꞌ la mijicj. Sábado* nsem yayá. Tꞌawaná tepyala quinam, 43 mpes José tjacꞌ quinam. Arimatea mpe ꞌeseptsja jupj. Jupj judiopan* jis jepapan popa watsja. Püné waytsja yupj jis lal. Jostsja wa Dios len̈ way müjüꞌtüs ca nosis ntꞌa. Ma lecj tjeyatsja Pilato lal. Mpes tjemey Pilato ntꞌa, la tjemyona Jesús jüpꞌüy la toc. 44 Pilato ma seletsja pasal len̈ way tepeꞌe Jesús. Mpes tjijyüꞌta la cuwis jepa militar. La tjiꞌyüya ncu nasa tepeꞌe jupj. 45 Jepa militar tjevele nasa tepeꞌe. Mpes Pilato tjevele José ꞌücj la taꞌes Jesús jüpꞌüy. 46 Mpes José pülül pje jaylacj la tjiji. Palá tꞌeꞌenca Jesús jüpꞌüy, jas tjivyüꞌünǘ. Tipyünta Jesús jüpꞌüy pe jul moꞌó, neven ntꞌa, tepeꞌe ꞌücj la püntüs ntꞌa. Püna pꞌin tjijyüꞌta la toc jomwen jul, tepeꞌe tulucj pꞌin. Nin lajaytsja judiopan*. Jesús jüpꞌüy neꞌaj tipyünta na, pe pones jas tentené, jun tꞌyoꞌna jomwen jul. 47 Nequem mátꞌeya tjunuc caꞌaj tipyünta Jesús jüpꞌüy. Pjaní wa María, Magdalá mpe ꞌesepj. La pꞌa wa María ló watsja, José jamay.

16

Jesús jas tjijyünsa, tüpüꞌü niswá. (Mateo 28.1-10; Lucas 24.1-12; Juan 20.1-10)

1 Sábado*

tecyawaja na, nequem cóntꞌeya pjü ꞌücj la tjajay. Lo pajal ꞌüsüs way cjumsu jaylacj la tjajay. Quelel sa cjololtsja Jesús jüpꞌüy ꞌüsüs la cjumsus. Pjaní wa María, Magdalá mpe ꞌeseptsja. La pꞌa wa María ló watsja, jupj Jacobo jamay. La pꞌa wa Salomé ló waytsja. 2 Domingo na tjil Jesús jüpꞌüy pǘꞌütsja ntꞌa. Pajal püstaptsja, tjejyawca na pꞌin tjil. 3 Yuwá jis la tjüꞌüy: “Jomwen jul ntꞌa, ¿pjacj ca jas ntentenes pe pones, ꞌücj wama leque?” 4 Neꞌas tjil na, tjunuc jun vilicj jun cjol quinam. Pe pajal pünetsja nasa tꞌücꞌ jas tentené tepyala. 5 Pe jul wama tjil na, jus tjunuc tjamacjas. Jupj jas quip pje waytsja, cámpatsja. Tjáꞌasa yupj liꞌinyampe. Pasal lacj jeyaptsja yupj. 6 Tjamacjas tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

SAN MARCOS 16

164

—‌Po ma locj tjeyá. Napj selé nun lo palá Jesús jüpꞌüy, jupj ne Nazaret mpe ꞌeseptsja. Nasa tjovalapj jupj cruz* poꞌó, tepeꞌe. ¡Jas tjijyünsa, nyucunú tepyala niswá! Jupj len̈ quiꞌá. Tjunucú jupj tüpüꞌü ntꞌa. Len̈. 7 Lowa Pedro ntꞌa, jupj discipulopan* la pꞌa wa ntꞌa wa. Jilal mvelé: ‘Jesús mwalá way jama nun jilal Galilea ntꞌa. Neꞌaj ca jus nucú. Niná nun jilal tjevele jupj nawajaꞌa.’ 8 Mpes nequem nenem len̈ way tjil pe jul mpe. Pasal ticyücüyün̈, lacj tjeyaptsja mpes. Tjil na, ma tjowelepj la pꞌa jilal lacj tjeyaptsja mpes.

Jesús lay tepyala María lal. (Juan 20.11-18)

9 Domingo

na Jesús jas tjijyünsa, tüpüꞌü niswá. Mwalá way lay tepyala María Magdalena lal. Püna lapanenpan siéteya tapatja jupj jos moꞌó. Jesús pjeꞌá lis tsꞌiya yupj, mpes tjiꞌyüꞌsa jupj. Nin tepyala püná. 10 Quina María tjemey Jesús discipulopan* ntꞌa. Yupj ꞌaplijila way tjátjatsja, la tupuyuptsja. María tjevele yupj jilal Jesús lay tepyala jupj ntꞌa. 11 Tjevele Jesús nyucunú niswá, nasa jus tjinyuca, tjevele. Yupj ma topon.

12 Yacjaya

Jesús discipulopan mátꞌeya jilal lay tepyala. (Lucas 24.13-35)

Jesús discipulopan* mátꞌeya jilal lay tepyala wa. Yupj tjelyawun̈tsja jis wa pjaní pjaní lejen̈ ntꞌa. Pꞌa casá jústatsja jupj, yupj jus tjunuc na. 13 Discipulopan nenem tjil la pꞌa discipulopan ntꞌa. Tjowelepj yupj jilal Jesús lay jis tepyala. Ma wa topon yupj tjowelepj.

Jesús tjevele jupj discipulopan jilal yupj ca mal pjü nosis ntꞌa jupj mpes. (Mateo 28.16-20; Lucas 24.36-49; Juan 20.19-23)

14 Yacjaya

Jesús lay jis tepyala jupj apostolpan* once jilal. Yupj ꞌa mulú jalatsja jupj lay jis tepyala na. La pꞌa wa nasa tjowelepj yupj jilal yupj jus tjunuc Jesús. Nasa jas tjijyünsa, nyucunú niswá, tjowelepj. Newa ma topon. Mpes Jesús yupj jilal tjevele malálatsja ma nin topon yupj tjowelepj. Tjevele malálatsja ma wa quelel japontsja. 15 Tjevele yupj jilal: “Lowa nun pjü nosis casá. Tjowelé pjü jis walapꞌaꞌá Dios pajal ꞌüsüs la tjiji gente mpes. 16 Pülücj ca mponecj napj lal nun welé mpes. Napj lal japon ca bautizar* jis mpalas. Nin lajay ꞌüsüs ca mpatjam Dios lal. Ma japon, Dios ca jis capj ntülüs malala lajay

El Nuevo Testamento en Tol de Honduras, 2da ed. ©2010, Wycliffe Bible Translators

165

SAN MARCOS 16

mpes. 17 Napj lal japon ca ꞌüsüs la mijicj, gente pꞌin ma polel lajay jinwá. Mpes la pꞌa ca jus nlayecj Dios jis capj cyon̈ca. Ca ꞌücj pjeꞌá la ntsꞌiyacj lapanenpan. Nin ca ꞌücj la mijicj napj nlá ca mvelecj mpes. Ca polel mvelecj la pꞌa jis tin, yupj pꞌiyá ma sin ꞌyüsa la veles. 18 Ca polel ntꞌanquecj lotsjim. Veneno myüꞌün̈ na, ma ncaꞌlin̈ ca. Yupj po la moꞌotꞌecj ca malala jisas sey pjucj, ca jis müꞌüꞌsüs yupj. Niná pjü lajay mpes la pꞌa ca jus nlayecj Dios jis capj cyon̈ca.”

19 Qjuis

Dios tjemyana Jesús jupj püꞌü ntꞌa. (Lucas 24.50-53)

Jepa Jesús tꞌücꞌ jilal tjevele na, Dios jas tjemyana jupj tsjun poꞌó. ꞌEtjele jupj Dios liꞌinyampe. 20 Jupj discipulopan* tjil jun taꞌá, la pꞌa jis walapꞌaꞌa tjowelepj Jesús ꞌüsüs la tjiji. Qjuis Jepa Jesús jis capj tjepꞌyaꞌsa. Mpes ꞌüsüs la tjajay, gente pꞌin ma polel lajay jinwá. Mpes la pꞌa jus nlay tꞌücꞌ way tjowelepj yupj Dios tjevelá.

El Nuevo Testamento en Tol de Honduras, 2da ed. ©2010, Wycliffe Bible Translators

Lucas papel tepyaca Jesucristo poꞌó Süs wa la tjiji Lucas Teófilo lal.

1

1-3 Don Teófilo mpes: Qjuis catjampan nepénowa Jesucristo cus tocon̈, jupj nosis moꞌo tjuwine na. Yupj tjunuc jupj la tjijá. Yupj tjepjyacan̈ jupj tjevelá. Jupj jomozopan waytsja yupj, ne pꞌa jilal tjowelepj Dios tjevelá. Locopyaya tjowelepj wa cupj qjuilal pjü tepyalá. Mpes cupj sin popa pülücj quelel japactsja Jesucristo la tjijá qjuis catjampan tjunuc. Napj nin pꞌiyá quelel pyactsja. Pajal püs way, tülü way la tjiꞌyüy, nin tjiꞌyüsa pjü tepyalá. Mpes quina ꞌücj napj lal pjü pyac. Pjaní pjaní ca mpac, mpes ca jin müꞌüsüs jipj. ꞌÜsüs way jipj pajal. 4 La pꞌa jin tjiꞌyüsa la tjajay wa Jesucristo poꞌó; napj pyac mpes jipj ca jus nlayen tꞌücꞌ way nin tepyala.

5 Püna

Ángel lay tepyala Zacarías ntꞌa.

Herodes jepa más püné waytsja Judea ntꞌa. Jupj tüpüꞌü na, yom Zacarías ló sacerdote* waytsja Dios wo* ntꞌa. Sacerdotepan pülücj tapatja. Lovin nepénowa yupj sin popé ꞌa mulú tsjiꞌ la tjajay, locopyaya pꞌa wa tsjiꞌ la tjajay. Newa nepénowa tsjiꞌ la tjajay lovin. Zacarías tsjiꞌ líjitsja jilal Abías lotsja, yupj ꞌa mulú tsjiꞌ la tjajay na. Zacarías jatsꞌom Elisabet lotsja. Elisabet Aarón püna tüpüꞌü popa pꞌiyatsja püs naya tüpüꞌü jupj. (Aarón sacerdote waytsja ꞌotsꞌipj. Sacerdote mwalá waytsja jupj.) 6 Zacarías, Elisabet, manas ꞌüsüs waytsja Dios lal. Malala tulucj. Lovin pjü la tjajay yupj jis Jepa Dios tjijyüꞌtá jupj Popel moꞌó. 7 Newa sin popa cjuwá yupj. Elisabet cjuwá tsjicj way lovin; manas coꞌmüy waytsja yupj quinam.

166 El Nuevo Testamento en Tol de Honduras, 2da ed. ©2010, Wycliffe Bible Translators

167

SAN LUCAS 1

8 Pꞌa

jyawca na, niyom Zacarías tsjiꞌ líjitsja jilal tsjiꞌ la tjajay Dios wo* ntꞌa, ne Zacarías tsjiꞌ la tjiji wa yupj jis lal. 9 Sacerdotepan* lovin papel la tꞌapj, niná papel moꞌó tjowelepj tsjan ꞌücj la mijicj tsjiꞌ la tjajay na. Pjaní pjaní la tꞌapj yupj. Nin jawas nin la tjajay na, pjaní way la tꞌya Zacarías. Jupj papel tjevele jupj Dios wo moꞌó ca mim, tsꞌülücꞌ ꞌüsüs cjumsu ca müꞌümüs neꞌaj. Lovin nin la tjajay Dios mpes. 10 Zacarías tsꞌülücꞌ ꞌyǘmatsja na, gente pajal pülücj pjeꞌá tjelejen̈ neꞌaj. Dios lal la montsja yupj. 11 Wa moꞌó Zacarías ton̈ca ntꞌa ángel* lay tepyala jupj ntꞌa. Dios jas tjejyama ángel niná la veles Zacarías lal. Mesa Zacarías ꞌyüma ntꞌa, liꞌinyampe ton̈ca ángel. 12 Zacarías ma seletsja tsjan la qjuijis ángel tjinyuca na. Pajal lecj tjeyá jupj. 13 Mpes ángel tjevele jupj lal: —Po ma lecj tjeyá. Dios lal le montsja jupj ca mya ꞌas. Jetsꞌom Elisabet yom tsjicj ca popa nsem. Tjacꞌ na, Juan ló ntꞌas jupj. 14 Pajal ca ꞌücj jyas nsem jipj; gente pülücj ꞌücj jisas nsem wa jetjam tjacꞌ mpes. 15 Cupj qjuis Jepa Dios ca mveles jupj püné. Lovin uva ꞌüsǘ ma ca müꞌüm jupj, guaro ma wa ca müꞌüm. Ma tjemyaꞌna na custjay, Dios Cjües jupj jos moꞌo ca mpüꞌüm. Dios Cjües jyüꞌta jin ca la mijis jupj. 16 Nin mpes jetjam vele na Dios poꞌó, israelpan* pülücj po ca jisas nsem yupj jis Jepa Dios, ne ca cus ncon̈cocj jupj. 17 Ángel* tjevele wa: —Jetjam ca mwalá mim qjuis Jepa Dios jama ntꞌa. ꞌÜcj ca ꞌüsüs la mijis Dios mpes, Elías* jinwá. Püna Dios Cjües cus tjepꞌyaꞌsa Elías, mpes pajal ꞌüsüs la tjiji. Nin pꞌiyá ca nsem jetjam lal. Jetjam ca sin müꞌüsüs lis mijis, mpes jis papay ca quelel lis mijicj sejatjampan niswá. Nin mpes wa malala lajay ca cüꞌüꞌsüs ꞌotsꞌipj. Yupj ne ma lajaytsja Dios tjevelá püna pꞌin. ꞌÜsüs witjacj jinwá ca yola nsem yupj quinam. Jetjam ca nin la mijis. Mpes qjuis Jepa Dios jacꞌ na, nepénowa ꞌücj ca cus ncon̈cocj jupj —nin tjevele ángel* Zacarías lal. 18 Zacarías tjevele ángel* lal: —Pajal coꞌmüy napj. Natsꞌom coꞌmüy wa jupj. ¿ꞌOnin ne ca jus nley napj ncu tꞌücꞌ velen jipj? 19 Ángel* wola tjevele: —Gabriel napj. Lovin Dios wolapꞌaꞌa jüs napj, nin mpes ca jus nlayen tꞌücꞌ velé napj. Jupj nin tjejyama jipj ntꞌa. Nin tjejyama la veles ꞌüsüs ca mya palas. 20 Newa jipj ma tepyon napj tjevelé, mpes lyájasa ca nsem jipj quinam. Ma ca polel mvelen nsem jipj. Napj tjevelé jin tepyala na, niswa ca ꞌücj mvelen nsem. Dios jos na ca pjü mpalas napj tjevelé jin —nin tjevele ángel* jupj lal.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 1

168

21 La

pꞌa witjacj pjeꞌá la tjunuc Dios wo* ntꞌa. La tjunuctsja Zacarías pjeꞌá ncalas. Po yólatsja ma pjeꞌá tjacꞌ mpes. 22 Tjacꞌ na, ma polel véletsja jupj. Nin mpes yupj jus nlaytsja Dios la tjiji Zacarías ꞌücj tjinyuca Dios jas tjiꞌyüsa la tjiji, Dios wo moꞌó tón̈catsja na. Jus nlaytsja nin mpes ma polel véletsja. Newa ma polel tjevele, mpes lovin la seña tjevele pꞌin. 23 Pꞌa jawas Zacarías tꞌücꞌ tsjiꞌ la tjiji neꞌaj. Wo ntꞌa tjemey jupj. 24 Tꞌücꞌ tepyala ángel* tjevelá. Jatsꞌom jupj tsꞌuyupj jana tepyala jupj, mpes mes cínquiya wo ntꞌa tjáꞌasa. Tjevele: 25 “Nejepa Dios ncapj tjepꞌyaꞌsa. Malala ntepalá po jólatsja jupj. Püna la pꞌa wa yólatsja malala napj, tsjicj cjuwatsja mpes. Ma ca nin yola quinam.”

26 Elisabet

Ángel María ntꞌa tjemey.

mes séisiya way tjáꞌasa na, Dios jas tjejyama jupj ángel* Nazaret ntꞌa, Galilea mpe se jütütj ntꞌa. Ángel jupj pꞌiyatsja ni, Gabriel ló. 27 Dios jas tjejyama jupj la veles tsjücjüim lal. Tsjücjüim María lotsja. Lovin ma yom lal tjuwine jupj. Ma tjowaya custjay. Tjevele pꞌa jawas José lal ca mwayim. José David* popa pꞌiyá, püs naya tüpüꞌü jupj. (David israelpan* jis jépatsja pajal püna.) 28 María ntꞌa tjacꞌ jupj, ángel*. Tjevele: —¡ꞌÜcj jyas tꞌas! Po ꞌüsüs la tjiji Dios jipj mpes, jupj ne jipj Jepa Püné. Cyapj cyon̈ca jupj. Más ꞌüsüs ꞌe tepalá pjü nequem jis tepyala lal. 29 Ángel* vele tjapjaca na, po lapj nyuca jólatsja María. Ma seletsja jupj tsjan mpes nin tjevele jupj. 30 Mpes ángel* tjevele jupj lal: —¡Po ma lecj tjeyá! Dios po ꞌüsüs way liji jipj mpes. 31 Way tsjicj ca maꞌajam jipj. Yom tsjicj ca maꞌnun. Jesús ló ca la ntꞌan jupj. 32 Püné nsem jupj. Dios Jatjam ló nsem jupj. Jupj David* popa pꞌiyá, püs naya mpüꞌüm. David tjijyüꞌta ntꞌa ca müjüꞌtüs jupj. Qjuis Jepa Dios ca maꞌayas müjüꞌtüs. 33 Israelpan* ca jis müjüꞌtüs lovin. Lovin ca Jepa nsem jupj. 34 María tjevele ángel* lal: —¿ꞌOnin ne nin mpalas? Mvayum tulucj. 35 Ángel* wola tjevele: —Dios Cjües ncuwim jipj ntꞌa, ca cyapj mpꞌaꞌsas. Dios más püné pjü jis lal. Jupj ꞌüsüs liji gente pꞌin ma polel lajay jin. Pꞌa nequem jin tulucj ca nsem jipj lal. Jupj püné mpes ca nin nsem la pꞌin. Jipj lejay mpes tulucj ca nin nsem. Mpes jipj tsjicj Dios jutsꞌaꞌá ca nsem. Dios Jatjam ló ca nsem jupj.

El Nuevo Testamento en Tol de Honduras, 2da ed. ©2010, Wycliffe Bible Translators

169

SAN LUCAS 1

36 ”Jemapj

Elisabet yom tsjicj ca maꞌnus wa jupj. Coꞌmüy way jupj, mopꞌin nin. La pꞌa javeleptsja ma tsjicj way jáꞌasa jupj lovin; nin tulucj jupj quinam. Mes séisiya nas tsjicj jáꞌasa jupj. 37 Cjuwá tsjan ma ꞌücj la qjuijis Dios. 38 María wola tjevele: —Mwü. Dios ni jütüta. Jipj tjevelen jin ca nsem napj lal. Tꞌücꞌ tjevele na tjemey ángel* jupj mpe.

39 ꞌÍstaway

Elisabet ntꞌa tjemey María.

María ꞌücj la tjiji quelel jámatsja mpes, ne len̈ way jocꞌ moꞌo tjemey pülücj patja ntꞌa, Judea moꞌó. María tjemey tjinyuca ncu tꞌücꞌ tjevele ángel* jomapj poꞌó. 40 Zacarías wo wama tjemey. Süs wa la tjiji jomapj Elisabet lal. 41 Jupj María vele tjapjaca na, way tsjicj Elisabet col moꞌo jáꞌasa ntolo jupj. Dios Cjües tjacꞌ wa Elisabet ntꞌa, cus tjepꞌyaꞌsa tꞌücꞌ la veles Dios mpes.

Dios mpes tjevele Elisabet.

42 ꞌÜcj

jostsja mpes yümücj tjevele niná: —Dios más ꞌücj jyas la tjiji pjü nequem jis lal. Jipj tsjicj way cyol moꞌo jáꞌasa ꞌücj jos la tjiji wa Dios. 43 Pajal ꞌüsüs ntepalá, napj Nejepa jamay la nuc tjacꞌ napj ntꞌa. 44 Nin mpes jipj napj lal tjevelen na, tsjicj ncol moꞌo jáꞌasa ntolo jupj, ꞌücj jostsja mpes. 45 Jipj tepyon ángel* tjevelá Dios mpes, jupj ne cupj qjuis Jepa Püné. Tepyon tꞌücꞌ ca mpalas jupj tjevelá, mpes ꞌücj jyas la tjiji jupj.

46 María

Dios mpes tjevele María.

wola tjevele: “Napj nola pajal püné way napj Nejepa Dios. 47 Po ꞌücj najas Dios mpes. Jupj ca la mijis napj ꞌücj ca mpüꞌüs jupj ntꞌa. 48 Jomozo way napj. Po jólatsja jupj pajal tsjicj way napj, püné tulucj. ꞌÜsüs la tjiji napj mpes. Nin mpes pjü way locopyaya patja ca mvelecj Dios ꞌücj najas la tjiji. 49 Pajal jas tjiyocj Dios. Pajal ꞌüsüs la tjiji napj mpes, jupj pajal püné mpes. Ncapj tjepꞌyaꞌsa. El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 1

170

Lovin ma malala nyuca liji jupj. Lovin ꞌüsüs way pꞌin liji. 50 Jupj quelel jis capj pꞌyaꞌsa jupj lal japon. Püna tapatja jilal nin pꞌiyá la tjiji, pꞌa jawas ca mpatjam jilal nin pꞌiyá ca la mijis. Yupj salejepj Dios ca jis capj ntülüs malala lajay. 51 Jupj pajal ꞌüsüs la tjiji, jupj pajal jas tjiyocj mpes. Naꞌaj la tecyoye püné jin yola witjacj. 52 Jepapan nepénowa tsjicj way yupj la tjiji jupj, mpes ma jajütütj jis tepyala. Pꞌa witjacj tsjicj waytsja yupj yas nam, püné way yupj la tjiji jupj. 53 Nepénowa vecj cyaꞌlin̈, mpes Dios se ꞌaya tsjan ꞌüsüs. Jis col pitꞌa se palá yupj. Pꞌa wa pülücj jatatj, mpes ꞌaya secj sin jyama. 54 Jis capj tjepꞌyaꞌsa israelpan*, yupj ne jupj jomozopan. Lovin ma joꞌ peꞌe jupj tjevelá yupj jis lal pajal püna. Tjevele ca jis capj mpꞌaꞌsas, ne nin. 55 Nin tjevele jupj püna tapatja jis lal, cupj ne yupj sin popa. Nin tjevele Abraham* lal, jupj tsꞌuyupj sin popa locopyaya tapatja jis lal ꞌotsꞌipj”, nin tjevele María. 56 Mes contꞌe neꞌaj tüpüꞌü María Elisabet wo ntꞌa. Locopyaya jupj wo ntꞌa tjemey niswá.

57 Pülücj

Juan el Bautista tjacꞌ.

tjejyawca na Elisabet quelel myáꞌnatsja tsjicj way, ne yom tsjicj tjemyaꞌna jupj. 58 Neꞌaj patja ꞌücj jisastsja pajal Elisabet ꞌücj jostsja mpes. Nin pꞌiyá ꞌücj jisastsja wa jupj jüpülücpan. Jus nlay Dios pajal cus tjepꞌyaꞌsa jupj. 59 Tsjicj tsꞌacꞌ ocho tepyala na, tjiquil cus la con̈ yom tsjicj, pjolocꞌ tsjicj tꞌasiyú tꞌü na. Dios Popel jis tjijyüꞌta israelpan* ca nin la mijicj niyom tsjictjacj jis lal tsꞌacꞌ ocho jis tepyala na, ne nin la tjajay lovin. Yupj quelel tsjicj ló la tꞌapj ꞌotsꞌipj. Zacarías ló quelel la tꞌapj yupj tsjicj mpes, popay jinwá. 60 Jamay ma jostsja nin ló nsem. Jis wala tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

171

SAN LUCAS 1

—Nin tulucj. Juan ló nsem jupj. 61 Yupj tjowelepj jupj lal: —¿Tsjan mpes nin? Nin jis lá tulucj jipj pyülücpan pjü, jipj vyasaspan ma nin jis lá way yupj. 62 Mpes la seña lal tjowelepj tsjicj popay lal. La tjüꞌüy ꞌoyn jostsja ló la tꞌapj yupj. 63 Mpes tabla tsjicj la tjemyona la pac. Tepyaca: “Juan ló jupj”. Ma jus nlaytsja tsjan mpes nin la tjiji. 64 Zacarías nin la tjiji na, ꞌücj vele tepyala jupj niswá, ne ꞌüsüs pjac tjevele jupj Dios poꞌó. 65 Mpes pjü neꞌaj patja pajal yólatsja Dios pajal ꞌüsüs la tjiji mpes; yupj yólatsja pajal püné Dios. Pjü niná tepyalá pjü yuwá tjowelepj jocꞌ moꞌó Judea ntꞌa. 66 Niná tjepjyacan̈ na, po yólatsja tsjan mpes nin tepyala. Yupj tjowelepj: “Püné ca nsem jupj ca nacj. Pajal ꞌüsüs ca la mijis jupj ca nacj.” Tꞌücꞌ way qjuis Jepa Dios yom tsjicj niná cus tecyon̈ca, cus tjepꞌyaꞌsa pajal.

67 Zacarías

Zacarías Dios mpes tjevele.

lotsja tsjicj popay. Dios Cjües tjacꞌ Zacarías ntꞌa, cus tjepꞌyaꞌsa tꞌücꞌ la veles Dios mpes. Mpes ꞌücj Dios mpes tjevele jupj. Niná tjevelá: 68 “ꞌÜsüs pjac tjowelé qjuis Jepa Dios poꞌó. Israelpan* jis Dios jupj. Cupj ne jupj si jütüta sin popé. Malálatsja cupj püna pꞌin, jupj jutsꞌaꞌá tuluctsja, malala la tjijicj mpes. Perdonar la qjuis tjiji quinam, ne ca ꞌüsüs nsem cupj jupj lal lovin. 69 David* jupj jomozo waytsja püná. David ncupj qjuis jepa waytsja pajal püna. David popa pjaní qjuis tjeꞌyaya Dios quinam. Pajal jas tjiyocj jupj. Jupj qjuis capj pꞌyaꞌsa, mpes ꞌücj ca mpatjaquecj Dios lal. 70 Pajal püna profetapan* tjowelepj ca nin mpalas. Yupj Dios jutsꞌaꞌatsja. Dios tjevele pꞌiyá tjowelepj yupj. 71 Tjowelepj jupj ca qjuis capj mpꞌaꞌsas, qjuis enemigopan ma malala la qjuis mijicj ncupj. Pꞌa witjacj ma quelel la qjuesejay, ma wa ca polel malala la qjuis mijicj yupj. 72 Niná Dios tjevelá püna tapatja jis lal, El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 1

172

cupj ne yupj sin popa pꞌiyá. Tjevele ca qjuis capj mpꞌaꞌsas, malala qjuesé palá na. Ma joꞌ tepeꞌe tjevelá. ꞌÜsüs way tjevelá, tꞌücꞌ way ꞌüsüs ca la mijis cupj mpes, jupj tjevele jin. 73 Nin tjevele Abraham* lal, jupj ne püna tüpüꞌá. Tꞌücꞌ ca nin la mijis, tjevele jupj. 74 Jupj ca qjuis manus qjuis enemigopan mpe, ma ca malala qjuis mpalas. Nin mpes ꞌücj ca tsjiꞌ la mijicj cupj jupj mpes. Ma ca lecj meyacj. 75 Dios jos jin ca la mijicj cupj. Lovin ꞌüsüs ca la mijicj, pyatjaquecj na. Jupj qjuiyus nyuca lovin. Pjü niná ꞌüsüs way ca la mijis Dios, jupj quelel la qjuisiji mpes. 76 Natjam tsjicj, Dios ca mveles jipj jupj profeta. Jipj ca mvelen jupj mpes. Pajal püné jupj pjü jis lal. Jupj wolapꞌaꞌa ca mim, ꞌücj la mijin jupj ca mim ntꞌa. 77 Jipj ca sin müꞌüsüs la mijin israelpan ꞌonin ne ꞌücj mpatjam Dios lal. Jupj ca perdonar lis mijis yupj malala nyuca la tjajay, mpes nin. 78 Qjuis Dios po jola cupj mpes, malala qjuesé palá mpes, ne pjaní ca jas majamas qjuis capj la pꞌacj. Lotsꞌacꞌ jinwá jupj. Dios püꞌü mpe ca ncuwim cupj ntꞌa. 79 Gente te ton̈ca ntꞌa patja malala nyuca lajay mpes. Ncaꞌlin̈ ca yupj, mpes lacj jeyapj. Yom niná Dios se jamá, jupj ca sin ꞌyüsa lis mijis yupj. Jis capj jyawca jinwá ca nsem yupj jis lal. Ca qjuisin ꞌyüsa la mijis ꞌonin ne ꞌüsüs la pütꞌüs Dios lal”, nin tjevele Zacarías. El Nuevo Testamento en Tol de Honduras, 2da ed. ©2010, Wycliffe Bible Translators

173

SAN LUCAS 1, 2

80 Püs

tepyala na Zacarías jatjam tꞌyüna jupj, püné tepyala. Yom ꞌüsüs tepyala jupj. ꞌÜsüs jólatsja jupj Dios jos jinwá. Wa cjuwá ntꞌa pǘꞌütsja lovin, israelpan* jis walapꞌaꞌa tjacꞌ nas.

2

Jesús tjacꞌ. (Mateo 1.18-25)

1 Jepa

püné jis tjijyüꞌta israelpan*. Israelpan popa tuluctsja jupj. Augusto lotsja jupj. Tjijyüꞌta pjü way jupj si jütüta sin popé ca mal jis lá jis la pac. 2 Lovin ma nin la tjajay yas nam neꞌaj; mwalá way nin la tjajay quinam. (Nin la tjajay na, Cirenio jepa auxiliar waytsja Siria moꞌó.) 3 Mpes pjü tjil yupj jis papay, sejamay püna tapatja ntꞌa, jis lá jis la pac. 4 José tjemey wa. Nazaret nepénowa patja mpe tjemey. Galilea mpe jis tjijyüꞌta neꞌaj Nazaret ntꞌa. Judea moꞌo tjemey jupj, Belén ntꞌa tjemey, nepénowa patja ntꞌa. Belén ntꞌa tüpüꞌü israelpan jis jepa David* püná. José David popa pꞌiyatsja, püs naya tüpüꞌü jupj. 5 María lal tjemey jis lá jis la pac neꞌaj. María tjevele ca mwayim jupj lal pꞌa jawasa. Way tsjicj tjáꞌasa jupj, María, José popa tulucj. Dios Cjües ꞌüsüs la tjiji mpes way jáꞌasatsja jupj. 6 Neꞌaj tapatja na, Belén ntꞌa, way tsjicj quelel myáꞌnatsja María, 7 ne jatjam mwalá tjemyaꞌna jupj. Pülül mpes jas tjivyüꞌünǘ tsjiquis, ne caja moꞌo tjeꞌyonsa jupj, caja niná tsjutsj mpestsja, vaca neꞌaj jalatsja mpes. Pensión ntꞌa ma polel tjijinan̈ yupj, María, José, pajal pülücj tjiquil mpes. Nin mpes animal pülücj sa manun ntꞌa tjijinan̈ yupj.

8 Belén

Angelpan lay jis tepyala oveja jajamapj ntꞌa.

neꞌaj pꞌin tapatja wa niyom pꞌa wa. Oveja* jajamaptsja tsjutsj lejen̈ ntꞌa, püste naya. 9 Len̈ way ángel* pjaní lay tepyala yupj ntꞌa. Qjuis Jepa Dios jomozo way jupj. Nin mpes yupj casá po ꞌüsüs way tjejyawca, Dios pajal jyawca mpes. Pajal lacj tjeyapj noyomes. 10 Mpes ángel jis wala tjevele: “Po ma locj tjeyá nun. Napj tjacuwis la veles pajal ꞌüsüs tepyala quinam. Gente pajal ꞌücj jisas nsem napj velé mpes. Po ꞌüsüs ca nsem pjü israelpan* mpes. 11 Tsjicj tjemyaꞌna yacjaj, David* püna tüpüꞌü ntꞌa. Tsjicj niná ca la mijis nun ꞌücj ca mpatjaqué Dios lal. Qjuis Jepa jupj. Cristo jupj. Jupj ne Jepa Püné Dios tjevele ca jas majamas nucopj lo pꞌacj. 12 Tsjan mpes nun ca jus nlayé napj tꞌücꞌ velé: tsjicj jas tjüwüꞌün ca nucú caja moꞌó, vaca jalá ntꞌa.” 13 Len̈ way pülücj lay jis tepyala ángel* militarpan, nayapé tjiquil. Pajal pülücj waytsja yupj. Ángel mwalá lal tjelejen̈ yupj, tjowelepj pajal ꞌüsüs way Dios. Ninana tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 2

174

María jatjam mwalá tjemyana jupj. (San Lucas 2.7)

14 “Qjuisas

ꞌüsüs mvelecj Dios poꞌó jupj püꞌü ntꞌa. Dios ꞌücj jos gente nepénowa jis lal, mpes qjuisas wa yupj ma yola pjü mpes.” 15 Angelpan* pjü tsjun poꞌo tjil niswá. Tjil na, oveja* jajamapj tjowelepj: “Mas Belén ntꞌa. Mas nucum tsjan tepyalá noꞌoj, tsjan niná Dios qjuisin tjiꞌyüsa la tjiji angelpan popem, Dios ne cupj qjuis Jepa Püné.” 16 Mpes len̈ way tjil. Yus tjunuc María José lal. Tsjicj tjunuc wa, caja moꞌo tüpüꞌü, caja niná tsjutsj mpestsja, vaca neꞌaj jalatsja mpes. 17 Yus

El Nuevo Testamento en Tol de Honduras, 2da ed. ©2010, Wycliffe Bible Translators

175

SAN LUCAS 2

tjunuc na, tjil, pjü jis lal tjowelepj angelpan* tjowelepj tsjicj poꞌó. 18 Pjü tjepjyacan̈ niyom nenem tjowelepj, pjü yólatsja yupj tjowelepj mpes. 19 María lovin ma joꞌ tepeꞌe pjü way niná. Lovin ꞌücj jos jola tepyala jupj niná. 20 Oveja* jajamapj tjil püna tjatja ntꞌa. Pjü tjepjyacan̈ mpes, pjü tjunuc mpes wa ꞌüsüs tjowelepj Dios poꞌó. Tjowelepj pajal püné way Dios, pajal ꞌüsüs way jupj. Pjü tepyala ángel tjevele jin pꞌiyá.

Dios wo ntꞌa tucuman Jesús.

21 Tsjicj

tsꞌacꞌ ocho tepyala na, jupj pjolocꞌ tsjicj way tꞌasiyú tꞌü yupj. Dios Popel jis tjijyüꞌta israelpan* nin la mijicj niyom tsjictjacj tsꞌacꞌ ocho se palá na, mpes nin la tjajay. Nin jawas Jesús ló la tꞌapj yupj, ángel* tjevele jin. Tsjicj cjuwatsja na ángel tjevele ca nin ló la ntꞌacj jupj. 22 Pꞌa jawas tjil yupj, María José lal. Tsjicj tucuman Jerusalén ntꞌa, Dios wolapꞌaꞌa la ꞌonsos Jesús. Püna Moisés* tjijyüꞌta quepj tsꞌacꞌ cuarenta ma polel jama Dios wo ntꞌa, tsjicj tjemyaꞌna na. Tsꞌacꞌ cuarenta tepyala na, ca mim, maꞌayas Dios mpes. Nin la tjiji na, salá jinwá nsem quepan Dios lal. Mpes tsꞌacꞌ cuarenta tꞌücꞌ tepyala na, tjil yupj. 23 Dios wo* ntꞌa tucuman tsjiquis, Dios Popel tjevele mpes. Tjevele: “Mwalá popa yom way, Dios jutsꞌaꞌá nsem jupj”. 24 Animal quelel jaꞌayaptsja Dios mpes. Dios Popel tjijyüꞌta: “Sipipj, castucú tsjictjacj ꞌücj wa ca maꞌayacj lo ꞌünan Dios mpes”. Nin la tjajay yupj. 25 Neꞌaj Jerusalén ntꞌa yom tüpüꞌü Simeón ló. ꞌÜsüs waytsja jupj Dios lal, ꞌüsüs cus tecyon̈ca Dios. Po la tjinyuca Dios ca jas majamas Yom pjaní yupj ntꞌa jis capj la pꞌacj israelpan*. Dios Cjües Simeón cus tecyon̈ca. 26 Dios Cjües jas tjiꞌyüsa la tjiji jupj la müjüsüm ca niná Jepa Püné Dios se jamatsja. Ma ca mpaꞌis jupj, ma jus tjinyuca na pꞌin. 27 Nin jawas Dios wo* ntꞌa tjemey jupj; Dios Cjües tjijyüꞌta ca nin la mijis. Neꞌaj Jesús jamay, popay tucuman tsjiquis. Neꞌaj tjil, Dios Popel tjijyüꞌta jin la mijicj tsjicj mpes. Neꞌaj tjatja na, 28 Simeón tsjicj tjemyaꞌna. ꞌÜsüs tjevele Dios poꞌó. Tjevele: 29 “Napj Nejepa, napj jipj myozo, ꞌücj jipj ntꞌa jum quinam. Jipj tjevelen jin la tjejay jipj, mpes ma nola quinam. 30 Nan mpes jus tjinyuc niná jipj jas tjejyam qjuis capj la pꞌacj, ꞌücj qjuis la pütꞌüs jipj lal. 31 Pjü jis walapꞌaꞌa ꞌücj la tjejay niná.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 2

176

32 Jaw

jinwá ca nsem jupj israelpan tulucj jilal. Sin müꞌüsüs la mijis ca Dios poꞌó. Más püné ca la mijis ncupj, israelpan, cupj ne jipj jitsꞌaꞌá”, nin tjevele Simeón Jesús poꞌó. 33 Tsjicj popay, jamay yólatsja Simeón pajal ꞌüsüs tjevele mpes jupj poꞌó. 34 Simeón Dios lal la tjemyona wa jupj ca ꞌüsüs lis mijis conas jis lal. Jamay lal tjevele wa: “Dios tjijyüꞌta malala ca jis mpalas israelpan* pülücj tsjicj niná mpes. Tjijyüꞌta wa tsjicj niná ca jis capj mpꞌaꞌsas israelpan pꞌa wa, mpes pülücj ca cus ncon̈cocj Dios. Dios jas tjejyama tsjicj niná sin la ꞌüsüs lis mijis Dios jos. Mopꞌin nepénowa ca malala mvelecj jupj poꞌó. 35 Nin mpes pꞌa witjacj ca jus nlayecj tsjan yola pülücj witjacj. Jipj ꞌaplijila ca nsem pajal, jyas moꞌo tsjyaca jinwá. Nin ca mpalas tsjicj niná mpes”, nin tjevele Simeón Jesús jamay lal. 36 Neꞌaj Dios wo* ntꞌa quepj pꞌa wa tjáꞌasa, Ana ló jupj, Fanuel jucucus waytsja. Israelpan* popa watsja jupj. Ana profétatsja* jupj, Dios mpes tjevele. Pajal coꞌmüytsja quinam. Tsjücjüim waytsja na, tjowaya jupj. Año siete tüpüꞌü voyum lal, 37 locopyaya tepeꞌe voyum. Voyum tepeꞌe na, jusapj pǘꞌütsja jupj. Año ochenta y cuatro tyáꞌatsja jupj quinam. Lovin ma tjemey Dios wo mpe. Jólatsja Dios püné. Jaw na, püste na véletsja Dios lal. La pülücj laja secj la tjemyona Dios lal. 38 Ana yupj ntꞌa tjacꞌ quinam. Tjevele tjüwüiꞌi Dios lal, tsjicj jas tjejyama mpes. Locopyaya Ana pꞌa jis lal tjevele lovin, tsjicj poꞌó. Tsjay püs way la tjunuc yom pjaní ncuwim Jerusalén moꞌó, ca jis capj mpꞌaꞌsas, yupj jis enemigopan ma ca jis müjüꞌtücj.

39 Popay,

Nazaret ntꞌa tjil niswá.

jamay, pjü la tjajay Dios Popel tjijyüꞌta jin. Pjü la tjajay na, niswa tjil yupj püna tapatja ntꞌa. Nazaret ló neꞌaj, Galilea se jütütj mpe. Tsjicj lal tjil yupj. 40 Tꞌyüna jupj, tsjiquis. ꞌÜsüs jólatsja jupj Dios jos jinwá. Po ꞌüsüs jas tjiꞌyüsa jupj. Dios pajal ꞌüsüs la tjiji jupj lal.

41 Pjü

Jesús año doce tyáꞌatsja na, Dios wo ntꞌa tjemey jupj.

año Jerusalén ntꞌa tjil popay, jamay, fiesta mpes. “Dios Qjuis Capa Nipj Tjemey”* lotsja fiesta niná. 42 Jesús año doce tyáꞌatsja na, tjil wa yupj Jerusalén ntꞌa. 43 Fiesta tecyawaja na, jamay, popay tjil jümücj poꞌó, jis wa ntꞌa jiltsja niswá. Mopꞌin neꞌaj tüpüꞌü Jesús, ma tjemey. Jamay, popay, ma salejeptsja ma tjemey jupj. 44 Yupj yólatsja la

El Nuevo Testamento en Tol de Honduras, 2da ed. ©2010, Wycliffe Bible Translators

177

SAN LUCAS 2, 3

pꞌa jis lal tjemey jupj. Pülücj ꞌa mulú jiltsja jis wa ntꞌa, mpes nin. Tsꞌacꞌ pjaní ma jus tjunuc jümücj ntꞌa, mpes la tapal jupj yupj sejamicapan tjatja ntꞌa, jis pülücpan tjatja ntꞌa wa. 45 Lovin ma jus tjunuc, mpes tjil niswá Jerusalén ntꞌa, newa la tapal jupj neꞌaj. 46 Tsꞌacꞌ contꞌe tepyala na, Dios wo* ntꞌa la nyüjüsün̈. Sin ꞌyüsa lajay jilal tjáꞌasa. Tjapjaca tjowelepj, jis la tjiꞌyüya ꞌotsꞌipj. 47 Tjepjyacan̈ na jupj tjevelá, pjü way yólatsja ꞌüsüs way jas tjiꞌyüsa. Yólatsja wa ꞌüsüs jis wala tjevele jupj. 48 Popay, jamay jus tjunuc na, ma salejeptsja tsjan mpes neꞌaj tjáꞌasa jupj. Jamay tjevele jupj lal: —Natjam, po lecj tjeyacj jipj mpes, pajal la tepyalacj. ¿Tsjan mpes nin la tjejay cupj qjuis lal? 49 Jesús jis wala tjevele: —¿Tsjan mpes pꞌa ntꞌa la tapalá napj? Dios napj Mpapay. Jupj wo niná. ¿Ncu ma jus nlayé más ꞌücj quiꞌá ꞌos napj? 50 Yupj ma sin tjiꞌyüsa tsjan mpes nin tjevele jupj. 51 Nazaret ntꞌa tjemey Jesús niswá yupj jis lal. Pjü tjüjütütj la tjiji jupj. Jupj jamay jola tepyala pjü tepyalá. ꞌÜcj jos jola tepyala jupj. 52 Jesús más ꞌüsüs jas tjiꞌyüsa lovin. Tꞌyüna wa jupj. Dios más ꞌücj jos tepyala jupj lal lovin. Nin pꞌiyá gente más ꞌücj jisas jis tepyala wa jupj lal lovin.

3

Juan tjevele Dios poꞌó. (Mateo 3.1-12; Marcos 1.1-8; Juan 1.19-28)

1 -2 (Locopyaya,

Jesús püné tepyala na, gente sin ꞌyüsa la síjitsja Dios poꞌó. Custjay ma nin la tjiji na pꞌin, Juan wínetsja, véletsja Dios mpes. Dios jas tjiꞌyüsa la tjiji tsjan la veles. Juan niná Zacarías jatjam pꞌiyatsja jupj.) Juan wa cjuwá ntꞌa pǘꞌütsja. Jupj quelel véletsja na Dios mpes, jepa noypan israelpan* tuluctsja. Tiberio jepa más püné waytsja neꞌaj. Poncio Pilato jepa auxiliar waytsja Judea moꞌó. Herodes jepa waytsja Galilea moꞌó. Herodes jüpülücj Felipe jepa waytsja Iturea moꞌó, Traconite moꞌó ꞌotsꞌipj. Lisanias jepa waytsja Abilinia moꞌó. Israelpan sin popa nepénowa jepa jatja watsja yupj. Anás, Caifás lal, sacerdotepan* más püné witjacj waytsja yupj. Tiberio año quince nas tjijyüꞌta jupj, Juan quelel véletsja na Dios mpes. 3 Juan jun taꞌá tjemey ꞌüsǘ püné la ntꞌa. Jordán lotsja ꞌüsǘ püné neꞌaj. Neꞌaj gente jis walapꞌaꞌa tjevele más ꞌücj ꞌaplijila nsem yupj, malala nyuca la tjajay mpes. Más ꞌücj yupj ca Dios jos jin la mijicj quinam, tjevele. Juan tjevele jupj ca ꞌüsüma jis mpaꞌtas, mpes

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 3

178

bautizar* jis mpalas ca. Mpes pjü ca jus nlayecj yupj quelel ꞌüsüs la mijicj quinam, Dios jos jin. Nin mpes Dios ma ca jola nsem yupj püna malala nyuca la tjajay mpes. Nin tjevele Juan yupj jis lal. 4 Isaías Juan poꞌó tepyaca püná. Profeta* waytsja jupj, Isaías. Tepyaca popel moꞌó Dios tjevelá. Nin tepyaca jupj Juan poꞌó: “Yom niná wa cjuwá ntꞌa ca mim. Pajal ca quelel mveles gente jilal napj mpes. Mpes yümücj ca mveles: ‘Qjuis Jepa Püné ca ncuwim. Nujola tꞌas ca nin la müjí quinam jupj jos jin. Malala nujola nun, jümücj la luꞌulú jinwá. Po ma malala nujola tꞌas quinam. ꞌÜsüs nujola tꞌas qjuis Jepa Püné jos jinwá’, nin ca mveles jupj. 5 ‘Nujisas jümücj viyavin, palavin jinwá quinam Dios lal. Tsꞌentuna ntꞌa tipitꞌa la müjí quinam. Jocꞌ witjacj, neven ꞌotsꞌipj, yumal la müjí quinam. La luꞌulú ntꞌa la tꞌatsj la müjí. La toc ntꞌa jüljül la müjí. Ca jümücj ꞌüsüs nsem qjuis Jepa Püné mpes. Nin pꞌiyá la müjí nujisas moꞌó. Qjuis Jepa Püné len̈ way ncuwim. Ma malala nujola tꞌas. Dios jola jin nujola tꞌas. 6 Nin la tjüjí na, gente pjü way ca jus nlayecj Dios liji yupj ꞌücj ca mpatjam jupj lal’ ”, nin tepyaca Isaías. 7 Gente pajal pülücj tjiquil Juan ntꞌa. Jisastsja jupj ca bautizar* lis mijis. Jis wala tjevele: —Nun nin pꞌiyá latsj jinwá. Nun solejé Dios po ma jos gente malala lajay. Len̈ way ca jis capj ntülüs. Nin mpes tjuculá nun napj ntꞌa, napj ca bautizar* la numejay. Nujola nun nin lojí mpes, jupj ma ca nucopj ntülüs. Tꞌücꞌ tulucj. Dios selé nun newa ma quelel lojí jupj jos jin. 8 Tꞌücꞌ way ꞌaplijila tꞌas nun, malala la tjüjí mpes, ne ca ꞌüsüs la müjí quinam Dios jos jin. Po ma nujola tꞌas nun pajal ꞌüsüs, nun judiopan* mpes. Ma nujola tꞌas nun pajal ꞌüsüs, nun Abraham* püna tüpüꞌü popa mpes. Tꞌücꞌ tulucj. Dios ca ꞌücj la qjuijis niná pwen Abraham tsꞌuyupj ca mpalas. 9 Dios pajal len̈ way ca jis capj ntülüs malala lajay. Yupj

El Nuevo Testamento en Tol de Honduras, 2da ed. ©2010, Wycliffe Bible Translators

179

SAN LUCAS 3

ma ꞌüsüs lajay, jupj ca jis capj ntülüs yupj pjü way. Yom jupj sine ma vyala jinwá ca la mijis Dios. Jupj sine ma vyala, jyoꞌo, ꞌawa moꞌo tsꞌiyá. Nin ca la mijis Dios malala lajay jis lal. —Nin tjevele Juan yupj jis lal. 10 Mpes yupj pajal pülücj la tjüꞌüy jupj lal: —¿Tsjan más ꞌücj la qjuijicj cupj? 11 Juan jis wala tjevele: —Po ma la müjí püna la tjüjí jin. Jipj jin quip matꞌe tyatj, pjaní ca maꞌayan jas quip cjuwá. Ve tyatj na, nin pꞌiyá ca la mijin. 12 Nenéyawa niyom impuesto jatꞌanquepj tjiquil wa. Jisastsja Juan ca bautizar* lis mijis. Juan lal tjowelepj: —Jipj qjuisin ꞌyüsa lejay Dios mpes. Qjuis wala mvelen tsjan jos Dios ca cupj la qjuijicj. 13 Jis wala tjevele: —Püna pꞌin tꞌemel más pülücj ntꞌa nun jepa tjijyüꞌta lal, niná tüpweꞌqué nun. Ninana ma ca la müjí quinam. Jepa tjijyüꞌta jinwá pꞌin ca ntaꞌé jupj mpes. Más pülücj ma ca ntaꞌé. 14 Militarpan nepenowá tjiquil wa, la tjüꞌüy wa: —¿Tsjan jos Dios la qjuijicj cupj? Juan jis wala tjevele: —Malala nyuca lojitsja püná, ma nin la müjí quinam. Po ma tüpweꞌqué, la pꞌa lacj jeyapj mpes nun jilal. Po ma ca mvelé yupj malala la tjajay, yupj ma malala la tjajay nam. ꞌÜcj nujisas tꞌas tꞌemel tsjiꞌ lojí jaylacj lal. 15 Judiopan* la nuctsja Dios ca jas majamas Yom pjaní jis capj la pꞌacj. Püna Dios tjevele ca nin la mijis jupj. Neꞌaj tapatja nin yólatsja Juan pꞌiyá niná Yomen Dios se jamá. 16 Mpes Juan jis wala tjevele pjü jis lal: —Nam ꞌa niná Yomen tulucj. Napj bautizar* la nusejay ꞌüsǘ lal pꞌin. Pꞌa wa ncuwim más püné napj lal. Nam ꞌa pajal tsjicj way jupj lal. Po ꞌüsüs napj lal jupj mpes tsjiꞌ lejay. Napj jupj caite syoc la pꞌin, ꞌücj napj lal. Püné jupj pajal. Nun nepénowa nasa quelel lojí Dios jos jin. Jupj ca nu maꞌayas Dios Cjües. Nun nepénowa newa ma quelel lojí Dios jos jin. Jupj ca nucopj ntülüs. 17 ”Len̈ way ca nin la mijis. Ca ꞌüsüs la mijis jupj ꞌamá ntꞌa, ma ca malala mpüꞌüm neꞌaj. Ca neꞌaj moꞌonsos ꞌüsüs witjacj, ma ca malala jis mpalas. Pjü malala ca müꞌümüs; jupj ꞌyüma na, len̈ pjacj se watꞌata jupj ꞌowus —nin tjevele Juan yupj jis lal. 18 Juan pꞌa wa nin pꞌiyá tjevele wa judiopan* jis lal; pülücj tjevele. Jupj tjevele más ꞌücj yupj más ꞌüsüs ca la mijicj quinam Dios jos jin. Jis walapꞌaꞌa tjevele Dios pajal ꞌüsüs la tjiji yupj mpes.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 3

180

19 Juan

cus tjeveꞌle yupj jis jepa neꞌaj, jepa niná Herodes ló. Cus tjeveꞌle vosas lal tjowaya mpes, vosas Herodías lotsja. Pjü way Herodes malala nyuca la tjiji mpes wa cus tjeveꞌle jupj. 20 Herodes ma jostsja Juan tjevelá. Nin mpes pꞌa wa malala la tjiji: cawilta moꞌo tjeꞌyonsa Juan.

21 Custjay

Juan bautizar la tjiji Jesús. (Mateo 3.13-17; Marcos 1.9-11)

cawilta moꞌo ꞌonsa secj pꞌin, Juan bautizar* la tjiji Jesús. La pꞌa pülücj bautizar lis tjiji na, Juan bautizar la tjiji wa Jesús. Bautizar tepyala na, Jesús Dios lal tjevele. Dios lal tjevele na, tsjun poꞌo tsjicj way la tücüeme, jun cjol tepyala. 22 Nepé Dios Cjües palá tjacꞌ Jesús jay ntꞌa la ꞌosos. Sipipj jinwá justa lay tepyala jupj. Tsjun poꞌo nepé vele pjactsja: “Jipj napj Natjam. Quelel la ꞌejay pajal napj. Pajal ꞌüsüs najas jipj lal.”

Quiꞌá sin tapac püna tapatja jis lá, José yupj popa pꞌiyá püs naya tüpüꞌü. (Mateo 1.1-17)

23 Jesús

quelel sin müꞌüsüs la mijis na, nasa way año tréinteya tyáꞌatsja jupj. Gente yólatsja jupj ne José jatjam. José niná Elí jatjam waytsja jupj. 24 Elí Matat jatjam waytsja; Matat Leví jatjam waytsja; Leví Melqui jatjam waytsja; Melqui Jana jatjam waytsja; Jana José jatjam waytsja; 25 José Matatías jatjam waytsja; Matatías Amós jatjam waytsja; Amós Nahúm jatjam waytsja; Nahúm Esli jatjam waytsja; Esli Nagai jatjam waytsja; 26 Nagai Maat jatjam waytsja; Maat Matatías jatjam waytsja; Matatías Semei jatjam waytsja; Semei José jatjam waytsja; José Judá jatjam waytsja; El Nuevo Testamento en Tol de Honduras, 2da ed. ©2010, Wycliffe Bible Translators

181

SAN LUCAS 3

27 Judá

Joanꞌan jatjam waytsja; Joanꞌan Resa jatjam waytsja; Resa Zorobabel jatjam waytsja; Zorobabel Salatiel jatjam waytsja; Salatiel Neri jatjam waytsja; 28 Neri Melqui jatjam waytsja; Melqui Adi jatjam waytsja; Adi Cosam jatjam waytsja; Cosam Elmodam jatjam waytsja; Elmodam Er jatjam waytsja; 29 Er Josué jatjam waytsja; Josué Eliezer jatjam waytsja; Eliezer Jorim jatjam waytsja; Jorim Matat jatjam waytsja; 30 Matat Leví jatjam waytsja; Leví Simeón jatjam waytsja; Simeón Judá jatjam waytsja; Judá José jatjam waytsja; José Jonán jatjam waytsja; Jonán Eliaquim jatjam waytsja; 31 Eliaquim Melea jatjam waytsja; Melea Mainán jatjam waytsja; Mainán Matata jatjam waytsja; Matata Natán jatjam waytsja; 32 Natán David* jatjam waytsja; David Isaí jatjam waytsja; Isaí Obed jatjam waytsja; Obed Booz jatjam waytsja; Booz Salmón jatjam waytsja; Salmón Naasón jatjam waytsja; 33 Naasón Aminadab jatjam waytsja; Aminadab Aram jatjam waytsja; Aram Esrom jatjam waytsja; Esrom Fares jatjam waytsja; Fares Judá jatjam waytsja; 34 Judá Jacob jatjam waytsja; Jacob Isaac jatjam waytsja; Isaac Abraham* jatjam waytsja; El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 3, 4

182

Abraham Taré jatjam waytsja; Taré Nacor jatjam waytsja; 35 Nacor Serug jatjam waytsja; Serug Ragau jatjam waytsja; Ragau Peleg jatjam waytsja; Peleg Heber jatjam waytsja; Heber Sala jatjam waytsja; 36 Sala Cainán jatjam waytsja; Cainán Arfaxad jatjam waytsja; Arfaxad Sem jatjam waytsja; Sem Noé jatjam waytsja; Noé Lamec jatjam waytsja; 37 Lamec Matusalén jatjam waytsja; Matusalén Enoc jatjam waytsja; Enoc Jared jatjam waytsja; Jared Mahalaleel jatjam waytsja; Mahalaleel Cainán jatjam waytsja; 38 Cainán Enós jatjam waytsja; Enós Set jatjam waytsja; Set Adán jatjam waytsja, Dios pꞌiyá Adán la tjiji jupj. Nintsja püna tapatja jis lá, José ne yupj popa pꞌiyá, püs naya tüpüꞌü jupj.

4

Diablo jostsja Jesús ca malala nyuca la mijis. Ma la tjiji jupj. (Mateo 4.1-11; Marcos 1.12-13)

1 ꞌÜsǘ püné la ntꞌa tjáꞌasa Jesús. Niná ꞌüsǘ Jordán ló. Nepé tjemey quinam jupj. Pjü la tjiji Dios Cjües jostsja jinwá. Quina Dios Cjües tjijyüꞌta Jesús lo winin campa way ꞌin, 2 pjü jis wa cjuwá ntꞌa. Mpes tjemey Jesús. Tsꞌacꞌ cuarenta neꞌaj wínetsja jupj. Neꞌaj tjáꞌasa na diablo* tjacꞌ jupj ntꞌa. Jostsja ca Jesús malala nyuca la mijis, mpes malala tjevele Jesús lal. Jesús neꞌaj tjuwine na, ma tjelyaja jupj. Mpes tꞌücꞌ tsꞌacꞌ cuarenta na, pajal vecj péꞌetsja jupj. 3 Ninana diablo tjevele jupj lal: —Jipj Dios Jatjam pꞌiyá, ꞌücj ca müjüꞌtün niná pe ca ve mpalas, ne nin ca nsem. 4 Jesús ma la tjiji diablo* tjevele jin. Jupj wola tjevele pꞌin: —Dios vele jupj Popel moꞌó: ‘Gente ma ca mpatjam ve mpes pꞌin. Pjü way Dios tjevele mpes ca mpatjam yupj.’

El Nuevo Testamento en Tol de Honduras, 2da ed. ©2010, Wycliffe Bible Translators

183

SAN LUCAS 4

5 Yacjaya

diablo* tjemyana Jesús campanya ntꞌa. Jupj la tjiji Jesús ꞌücj nyúcatsja pjü patja ntꞌa nosis moꞌó. Len̈ way tjinyuca pjü. 6 Diablo Jesús lal tjevele: —Napj ca mya ꞌa jipj ca müjüꞌtün pjü patja ntꞌa. Napj ca mya ꞌa pjü yupj jatatj ꞌüsüs yustapj. Püné nsem jipj yupj ꞌüsüs lajay mpes. Pjü niná napj natsꞌaꞌá quinam. Napj le tꞌa lal ꞌücj ꞌya napj. 7 Najas jipj nawalapꞌaꞌa palá mpiꞌtjim. Najas jipj ca mvelen napj pajal püné. Nin la tjejay na, pjü way niná jipj jitsꞌaꞌá nsem. 8 Jesús jupj wola tjevele ma ca nin la mijis. —Satanás* jipj, jutja napj mpe —tjevele—. Dios Popel vele: ‘Dios Jepa más püné pjü jis lal. Nujola tapalas püné jupj pꞌin. Ma ca nin nujola nsem la pꞌa pꞌin püné Dios jinwá. Dios jos jin la müjí la pꞌin.’ 9 Locopyaya diablo* tjemyana Jesús Jerusalén ntꞌa. Neꞌaj Dios wo* casá pajal campanya ntꞌa tjijyünsa jupj. Tjevele Jesús lal: —Dios Jatjam jipj, ꞌücj palá ntolo quepé. 10 Dios Popel vele: ‘Dios ca müjüꞌtüs jupj angelpan* yupj ca mya jamacj jipj. 11 Jis mas mpes ca mya maꞌnucj ne ma ca mpojom jipj pe lal. Ma ca malala mya palas’ —nin tjevele diablú*. 12 Jesús ma la tjiji diablo* tjevele jin. Nin pꞌin wola tjevele: —Dios Popel vele wa: ‘Ma ca malala nyuca la mijin ma jola jinwá, la nuc ncu jipj Jepa Dios ca cyapj mpꞌaꞌsas’. 13 Diablo* po jostsja Jesús malala nyuca la mijis, mpes la pülücj malala tjevele jupj lal. Mopꞌin Jesús ma malala la tjiji. Mpes diablo pjü la tjiji na, tjemey, li nucutsja ꞌona ꞌücj la cuwis niswá.

Jesús tsjiꞌ la tjiji Dios mpes Galilea moꞌó. (Mateo 4.12-17; Marcos 1.14-15)

14 Locopyaya

Jesús Galilea ntꞌa tjemey niswá. Dios Cjües cus tjepꞌyaꞌsa pjü ꞌücj la mijis. Mpes Jesús pajal ꞌüsüs la tjiji. Pjü neꞌaj tapatjá jas tjowelepj Jesús. 15 Jis wa judiopan* ꞌa si mulú ntꞌa, sin tjiꞌyüsa lis tjiji jupj lovin. Pjü ꞌüsüs tjowelepj Jesús poꞌó.

16 Nazaret

Nazaret ntꞌa ma jisastsja Jesús tjevelá. (Mateo 13.53-58; Marcos 6.1-6)

ntꞌa tjemey Jesús, püna tüpüꞌü ntꞌa tsjicj waytsja nam. Neꞌaj judiopan* ꞌa si mulú ntꞌa tjemey jupj, pjü sábado* na la tjiji jinwá. El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 4

184

Neꞌaj jis walapꞌaꞌa ton̈ca, moꞌo la veles jupj. 17 Tjaꞌayapj ntꞌya jupj Dios Popel Isaías tepyaca püná. Isaías profeta* waytsja jupj. Mpes Jesús la tyüꞌpa popel, la tepyala pjaní way Isaías tepyacá. Tjinyuca na, moꞌo tjevele jupj. Nin tjevele: 18 “Dios la ntjetꞌá jis wala la veles cjuwá jis lal. Napj velé Dios ca ꞌüsüs la mijis yupj mpes quinam. Dios Cjües ncapj pꞌyaꞌsa nin la mejay. Dios nin tjejyama la veles ntjiꞌlin̈ jis lal. Velé ꞌücj jis la winin quinam. Velé yun cjuwá jis lal, ꞌücj januc liji Dios. Nepénowa yupj jis enemigopan po malala nyuca lis tjajay. Dios nin tjejyama sin majam yupj, ꞌücj ca mal jis enemigopan nepé. 19 Nin tjejyama la veles jupj quelel la siji, quelel jis capj pꞌyaꞌsa yupj. Nin liji jupj quinam, velé napj.” 20 Jesús tꞌücꞌ moꞌo tjevele. Dios Popel jun tꞌyoꞌna, tjeꞌyaya yom neꞌaj tsjiꞌ liji. Tjáꞌasa Jesús, sin ꞌyüsa la mijis. Pjü wa moꞌó ꞌa jis tjimyula witjacj pajal jus tjunuc jupj. 21 Jupj yupj jis lal tjevele: “Püna tepyaca niná Dios Popel jupj. Niná jupj Popel tjevelá, tꞌücꞌ tepyala yacjaj. Jupj tepyaca napj nin poꞌó”, tjevele Jesús. 22 Pjü tjowelepj ꞌüsüs tjevele jupj. Po yólatsja ꞌonin ne pajal ꞌüsüs way tjevele. Jis la tjüꞌüy yuwá: “¿Tsjan mpes nin vele jupj pꞌiyá niná Yomen Dios se jamá? José jatjam pꞌin jupj.” 23 Yupj nin yólatsja mpes, Jesús tjevele: “Napj selé tsjan quelel welé nun napj lal. Niná nun welé lovin. Nun quelel welé: ‘Doctor jipj, mpes mya tsꞌucun jipj pꞌiyá’. Nun quelel welé: ‘ꞌÜsüs la mijin jipj quiꞌá, püna tüpütꞌ ntꞌa. Cupj tjepjyaꞌaquecj pajal ꞌüsüs la tjejay Capernaum ntꞌa. Qjuisas nin pꞌiyá la mijin quiꞌá.’ 24 ”Nin welé, mopꞌin ma quelel la nojí. Lovin nin profetapan* jis lal. Püna tapatja ntꞌa, ma jisas yupj. Tꞌücꞌ way niná. 25 Nin pꞌiyatsja Elías* lal. Elías tüpüꞌü na püná, año contꞌe, mes séisiya ma tjive, mpes jun taꞌá po cjuwatsja jis la las. Quiꞌá Israel ntꞌa nequem pülücj jis vayum tulucj tapatja. Tꞌücꞌ way niná. 26 Dios ma jas tjejyama Elías yupj ntꞌa jis capj la pꞌacj. Quepj pꞌa ntꞌa tüpüꞌü ntꞌa jas tjejyama jupj. Quepj niná Sarepta ntꞌa tüpüꞌü jupj, Sidón mpe se jütütj ntꞌa. Israelpan* popa tuluctsja jupj, quepan.

El Nuevo Testamento en Tol de Honduras, 2da ed. ©2010, Wycliffe Bible Translators

185

SAN LUCAS 4

27 ”Eliseo

pꞌa profeta* watsja. Jupj tüpüꞌü na, pülücj malala jisastsja Israel moꞌó, jis pjolocꞌ tjamaja mpes. Jas tüpwes ma jis tjiꞌyüꞌsa yupj. Pjaní way pꞌin tjiꞌyüꞌsa, salá tepyala. Naamán lotsja jupj. Siria mpe ꞌeseptsja jupj, israelpan* popa tuluctsja”, nin tjevele Jesús, Nazaret moꞌo tapatja jis lal. 28 Jupj tjevele tjepjyacan̈ na tsꞌa tjiꞌin pajal. Nin pꞌiyá pjü way wosis ntꞌa tjatja tsꞌa tjiꞌin. (Israelpan* waytsja yupj, mpes yólatsja Dios más ꞌüsüs jis capj tjepꞌyaꞌsa yupj la pꞌa jis lal. Nin mpes ma jisastsja Jesús tjevelá.) 29 Sin tjüjünsüpj, ntjiꞌlin̈ jupj, pjeꞌá la tsꞌi pülücj patja nepé. Quelel jaꞌünantsja jupj. Tjaman jupj neven pacá ntꞌa, la palaꞌá la tsꞌi mpes. 30 Newa ma la tjajay yupj quelel lajaytsja jinwá. Yupj culupwen nipj tjemey, tjuwine tjemey jupj.

31 Nazaret

Jesús más püné lapanenpan jis lal. (Marcos 1.21-28)

nepé palavin tjemey Capernaum ntꞌa. Pülücj patja neꞌaj. Galilea mpe se jütütj. Sábado* na sin tjiꞌyüsa lis tjiji neꞌaj. 32 Yupj pajal nin yólatsja jupj pajal ꞌüsüs sin tjiꞌyüsa lis tjiji mpes. Jupj tjevele ꞌücj lo jütütj jinwá, mpes nin. 33 Neꞌaj, wosis moꞌó, judiopan* ꞌa si mulú ntꞌa, yom tjáꞌasa, lapanen jupj jos moꞌo tüpüꞌü. Lapanen malala jos jin la tjiji yomen. Yümücj la tipiya: 34 —Jipj Jesús Nazaret mpe ꞌesepj. ¡Ma qjuisas jipj! ¿Tsjan pjucj tjacuy cupj ntꞌa? ¿Ncu pjü malala qjuis lo jay tjacuy jipj? Napj selé pjacj ne jipj. Dios jutsꞌaꞌá way jipj. Pajal ꞌüsüs way jipj. 35 Jesús yümücj tjevele lapanen lal: —¡Lyájasa tꞌas! ¡Jutja jupj jos mpe! —tjevele. Len̈ way lapanen yom palá tsꞌiya yupj jis walapꞌaꞌá. Yom nepé tjemey. Lapanen ma malala la tjiji quinam jupj lal, püna la tjiji jinwá. 36 Pjü way yólatsja ꞌüsüs tepyala mpes. Yuwá tjowelepj: “¿ꞌOyn ne nin vele jupj? Jepa jinwá jyüꞌta lapanen. ꞌÜcj lo jütütj jinwá si jütüta yupj, ne pjeꞌá jil, jupj jyüꞌta jin.” 37 Pjü jis lal tjowelepj niná tepyalá, mpes pjü tjepjyacan̈ Jesús poꞌó Capernaum moꞌó, Capernaum neꞌaj pꞌin ꞌotsꞌipj.

38 Yacjaya

Jesús tjiꞌyüꞌsa la tjiji Simón pwisam. (Mateo 8.14-15; Marcos 1.29-31)

Jesús tjemey wosis mpe, niná wosis judiopan* ꞌa si mulú ntꞌa. Simón wo ntꞌa tjemey. Wama tjemey. Neꞌaj Simón pwisam malala El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 4, 5

186

jostsja jupj, pajal si ꞌáwatsja jupj. Nin mpes wa ntꞌa tapatja la tjomon Jesús cüꞌüꞌsüs la mijis jupj. 39 Mpes Jesús tjacꞌ, ton̈ca malala jos ntꞌa. Cus tjeveꞌle ꞌowus, mpes tjiꞌyüꞌsa quinam. Simón pwisam len̈ way jas tjijyünsa, jis tjeꞌyaya jis la las. Nas tjiꞌyüꞌsa quinam, ne nin.

40 Tꞌyaja

Jesús jis tjiꞌyüꞌsa lis tjiji malala jisas pülücj. (Mateo 8.16-17; Marcos 1.32-34)

na, la pꞌa tjiquil Jesús ntꞌa. Pjü tucuman malala jisas yupj sin popé. Pjü pꞌa casá malala jisas tucuman yupj. Jesús po la tjeꞌyotꞌa pjü witjacj, jis tjiꞌyüꞌsa lis tjiji jupj. 41 Lapanenpan nepénowa jisas nepé tjil, pülücj nepé tjil. Tjil na, la tupuyupj, tjowelepj: “¡Dios Jatjam jipj!” Mpes Jesús jis capj tjeveꞌle lapanenpan. Yupj salejeptsja jupj niná Jepa Püné Dios tjevele ca jas majamas jis capj la pꞌacj judiopan*. Nin mpes Jesús ma jis tjeꞌyaya jis la veles yupj.

42 Tjejyawca

Jesús tjevele Dios poꞌó Galilea moꞌó. (Marcos 1.35-39)

na, pjeꞌá tjemey Jesús jusapj, pjü len̈ ntꞌa. Mopꞌin gente la tapal jupj. Tjiquil jupj ntꞌa. Ma quelel jas tjajam jupj yupj mpe. 43 Mpes jupj yupj jis lal tjevele: “Dios jos pꞌa ntꞌa jum ꞌotsꞌipj, nepénowa patja ntꞌa. Ca mvelé Dios pajal ꞌüsüs la tjiji yupj mpes. Jis walapꞌaꞌa ca mvelé Dios ca müjüꞌtüs nosis ntꞌa. Dios nin tjejyama nin la veles.” 44 Mpes newa jun taꞌá jámatsja judiopan* tapatja ntꞌa. Jis wa judiopan ꞌa si mulú ntꞌa tjevele Dios tjevelá yupj jis walapꞌaꞌá. Nin líjitsja lovin.

5

Jesús niyom jis lal tjevele ncul, ca cus ncon̈cocj jupj. (Mateo 4.18-22; Marcos 1.16-20)

1 Pꞌa

jyawca na, Jesús ꞌüsǘ püné la ntꞌa ton̈ca. Genesaret lotsja ꞌüsǘ püné. (Pajal campwila waytsja, pajal la püné.) Neꞌaj ton̈ca na, pülücj ꞌa jis tjimyula jupj ntꞌa. Jesús jis wala tjevele Dios tjevelá. Tjepjyacan̈, ne cus tjeletjatj. 2 Neꞌaj barco* matꞌe ꞌüsǘ püné la ntꞌa tsyuꞌpa tjatja tjinyuca. Len̈tsja barco wa moꞌó. Niyom cjul pjeꞌá la coy, jis barco neꞌaj tsupapj yas nam. Jis ataraya japatsj quinam. 3 Barco pjaní wama tjemey Jesús. Simón jutsꞌaꞌá waytsja barcas. Jesús Simón lal la tjemyona jupj ca nsoctes barcas, ca tsjicj way mim ꞌüsǘ la mpe. Jesús ꞌetjele barco moꞌó, nepé sin ꞌyüsa lis tjiji. 4 Tꞌücꞌ jis lal tjevele na, tjevele Simón lal: —ꞌÜsǘ campwila ntꞌa tjemyana barcas*. Nun jis ataraya moꞌo la tsꞌiyá, cjul pjeꞌá la coy.

El Nuevo Testamento en Tol de Honduras, 2da ed. ©2010, Wycliffe Bible Translators

187

SAN LUCAS 5

5 Simón

jupj wola tjevele: —Nejepa, püste cus tüpwes quelel pjeꞌá la tecyoyecj; lovin len̈. Jipj velen mpes pꞌin niswa ca moꞌo la ntsꞌi naꞌataraya. 6 Nin la tjajay na, cjul pajal pülücj jis ntjiꞌlin̈. Ataraya po tipitꞌa mpes, quelel lo comyatsja quinam. 7 Mpes Simón, jupj jomicapan jis lal wa, jis walapꞌaꞌa la tjamayapj niyom pꞌa barco* moꞌó. Jisastsja ncul jis capj la pꞌacj. Tjiquil na, cjul pajal pülücj la tocoy wa, mpes barco manas tipitꞌa cjul lal. Pajal tü waytsja, mpes quelel pwila jama barcas. 8 Simón Pedro niná tjinyuca na, tüicꞌ jin tjüjünsü Jesús wolapꞌaꞌá. Palá nipiꞌtje jupj. Tjevele: —Nejepa, más ꞌücj napj nepé ca mim jipj. Malala napj, jipj ꞌa ꞌüsüs. 9 Pajal jólatsja pajal pülücj pjeꞌá la tecyoye cjulun quinam. Püna ma polel pjeꞌá la tecyoye. Seletsja pajal ꞌüsüs la tjiji Jesús, mpes nin tjevele jupj. Niyom pꞌa wa nin pꞌiyá yólatsja cjul pajal pülücj pjeꞌá la tocoy mpes. 10 Nin pꞌiyá jólatsja wa Jacobo, Juan ꞌotsꞌipj, yupj ne Zebedeo jatjampan. Simón lal ꞌa mulú tsjiꞌ lajaytsja lovin. Jesús tjevele Simón lal: —Po ma lecj tjeyá. Cjul pjeꞌá le coytsja püna pꞌin. Quina pꞌa casá ca la mijin. Jipj ca mvelen la pꞌa jis lal Dios mpes, mpes yupj ca cus ncon̈cocj Dios —nin tjevele Jesús. 11 Nin mpes yupj jis barco* ꞌüsǘ la ntꞌa tjaman. Tsupapj na, pjü jatja tjil. Yupj quelel sa con̈tsja Jesús lovin. (Quina ma cjul pjeꞌá la coy pátjatsja; quina tsjiꞌ lajaytsja Jesús mpes.)

12 Jesús

Jesús tjiꞌyüꞌsa la tjiji yom jüpꞌüy tjamaja. (Mateo 8.1-4; Marcos 1.40-45)

pꞌa ntꞌa pülücj patja ntꞌa tjáꞌasa na, yom tjacꞌ jupj ntꞌa. Malala jostsja pajal. Jüpꞌüy tjamaja lovin, palá tinca jüpꞌüy popé. Jupj Jesús tjinyuca na, palá nipiꞌtje Jesús wolapꞌaꞌá. La tjemyona: —Nejepa, jipj polel ni ꞌüꞌsa lejay. Jipj jyas na ca nin nsem. 13 Mpes Jesús pjwel la tepyacta, po la tjeꞌyotꞌa. Tjevele: —Najas. ꞌI tjüꞌüꞌsüs quinam. Len̈ way tjiꞌyüꞌsa, jüpꞌüy ꞌüsüs tepyala jupj. 14 Locopyaya Jesús tjijyüꞌta jupj: —Ma ca mvelen pꞌa lal nin tepyalá. Jutja sacerdote* ntꞌa. Jupj ca jis nucus. Ca la mpalas ncu malala lo nuc pꞌyüy poꞌó. Ca mveles ꞌüsüs quinam. Niná la tjejay na, jipj ca maꞌayan Dios mpes, jupj ꞌi tjüꞌüꞌsa la tjiji mpes. Pajal püna Moisés* tjijyüꞌta tsjan ca maꞌayacj, jis pꞌüy

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 5

188

jis tjiꞌyüꞌsa na. Jupj tjijyüꞌta jin ca la mijin. Pjü la tjejay na, la pꞌa ca jus nlayecj jipj tꞌücꞌ way ꞌi tjüꞌüꞌsa quinam —tjevele Jesús. 15 Newa pajal pülücj ꞌüsüs tjowelepj Jesús poꞌó. Campa tapatja tjepjyacan̈ wa Jesús pajal ꞌüsüs la tjiji. Mpes pajal pülücj ꞌa jis tjimyula jupj ntꞌa jis la pjac jupj tjevelá, jis la ꞌüꞌsüs wa tjiquil, malala jisastsja mpes. 16 Mopꞌin Jesús la pülücj jusapj tjemey la veles jupj Popay Dios lal. Nin tüpüꞌü jupj.

Ma polel ꞌutaná tjiꞌyüꞌsa la tjiji Jesús. (Mateo 9.1-8; Marcos 2.1-12)

17 Pꞌa

jyawca na Jesús sin ꞌyüsa líjitsja. Fariseopan* nepénowa neꞌaj tjatja wa jupj ntꞌa. Niyom Moisés* popel sin ꞌyüsa lajay neꞌaj tjatja wa. Pülücj waytsja yupj. Galilea nepé tjiquil nepenowá. Pjü nepénowa patja mpe tjiquil yupj. Judea nepé tjiquil wa nepenowá. Jerusalén nepé tjiquil wa nepenowá. Qjuis Jepa Dios cus tecyon̈ca Jesús, mpes ꞌücj si ꞌüꞌsa líjitsja malala jisas. 18 Wama tjáꞌasa Jesús yupj jis lal. Locopyaya niyom pꞌa wa tjiquil, yom ma polel ꞌutaná tucuman hamaca lal. Yupj quelel jamantsja malala jos wa moꞌó, Jesús ntꞌa, Jesús wolapꞌaꞌa la püntüs jupj. Mpes pajal la tapal yupj ꞌoyn ne ꞌücj wama mal. 19 Cjuwatsja. Pülücj tjatja mpes ma tjunuc ꞌoyn ne wama la winin. Mpes wa casaꞌá tjil, wo jay tjujulul yupj. Nin la tjajay na, wo jay nepé palá tüpüntüpj malala jos hamaca lal. Jesús wolapꞌaꞌa tüpüntüpj pülücj tjatja culupwen ntꞌa. 20 Jesús jus nleya yupj topon jupj polel cüꞌüꞌsüs la mijis. Jupj tjevele malala jos lal: —Natjam, napj perdonar la ꞌejay malala nyuca la tjejay Dios lal. Ma nin nola quinam. 21 Niyom Moisés* popel sin ꞌyüsa lajay malala jin yólatsja Jesús tjevelá. Nin pꞌiyá fariseopan*. Yólatsja: “Jupj tjevelá malala Dios lal. Jupj ma polel perdonar liji malala nyuca la tjiji. Dios pꞌin nin liji.” 22 Jesús jus nleya yupj nin yólatsja, mpes jis wala tjevele: —¿Tsjan mpes nujola napj tjevelé malala Dios lal? Nin tulucj. 23 Napj ꞌücj velé: ‘Napj perdonar la ꞌejay malala nyuca la tjejay Dios lal’. Napj ꞌücj wa velé: ‘Jin tjijyünsa, tjuwine jipj’. ¿Cana más costa la veles? 24 Nin pꞌiyá ca mvelé wa malala jos lal, mpes nun ca jus nlayé napj ꞌücj perdonar lejay nosis ntꞌa. Napj pꞌiyá niná Yomen Dios jas tjejyamá —nin tjevele Jesús. Mpes jupj tjevele yom ma polel ꞌutanatsja lal:

El Nuevo Testamento en Tol de Honduras, 2da ed. ©2010, Wycliffe Bible Translators

189

SAN LUCAS 5

—Jin tjijyünsa, jipj hamaca ntꞌya ntꞌan, jutja wya ntꞌa. 25 Len̈ way malala jos tjiꞌyüꞌsa. Jas tjijyünsa yupj jis walapꞌaꞌá, hamaca jupj tüpüꞌü casá ntꞌya, tjemey wo ntꞌa. Po ꞌüsüs way tjevele Dios poꞌó, ꞌüsüs tepyala mpes. 26 Pjü neꞌaj tjatja pajal yólatsja pajal ꞌüsüs tepyala mpes, ne ꞌüsüs tjowelepj Dios poꞌó. Yólatsja Jesús püné. Mpes tjowelepj: “Lovin ma nin tjinyucucj cupj yas nam”.

27 Locopyaya

Jesús jostsja Leví ca cus ncon̈cos. (Mateo 9.9-13; Marcos 2.13-17)

pjeꞌá tjemey Jesús. Yom tjinyuca, tsjiꞌ líjitsja jepa mpes. Tꞌemel tꞌeꞌéncatsja lovin jepa mpes, impuesto jaylacj. Wa ntꞌa tꞌemel tꞌeꞌéncatsja ntꞌa tjáꞌasa. Yom niná Leví lotsja jupj. Jesús jupj lal tjevele: —Ncapj tecyon̈ca jipj. Najas ncapj cyon̈ lovin. 28 Mpes jas tjijyünsa, pjü jatja tjemey. Cus tecyon̈ca Jesús. 29 Locopyaya Leví pülücj la las la tjiji jupj wo ntꞌa Jesús mpes. Pülücj jis lal tjevele ncul jupj wo ntꞌa. Leví jostsja la pꞌa ca jus nlayecj püné Jesús jupj lal, mpes nin la tjiji. Pülücj tjiquil, yupj nepénowa niyom impuesto jaylacj jatꞌanqueptsja, Leví jinwá. Niyom pꞌa wa tjiquil wa. Yupj jis lal tjatja, tjalá. 30 Fariseopan* ma jisastsja yupj nin la tjajay. Tjowelepj Jesús discipulopan* jilal malala nin, yupj ꞌa mulú tjalá yupj jis lal. Nin pꞌiyá tjowelepj wa Moisés* popel sin ꞌyüsa lajay. —¿Tsjan pjucj lojá impuesto jaylacj jatꞌanquepj jis lal, malala nyuca lajay jis lal wa? —nin la tjüꞌüy yupj. 31 Jesús jis wala tjevele: —ꞌÜcj jisas ma jisas doctor. Malala jisas doctor jisas yupj. Napj doctor jinwá malala lajay jis lal. 32 Napj niná nin lejay Dios jos jinwá. Napj tjacuwis la veles malala lajay jis lal. Napj velé yupj jis lal Dios jos yupj ꞌaplijila nsem malala nyuca la tjajay mpes. Napj velé Dios jos yupj ꞌüsüs ca la mijicj quinam jupj jos jin. La pꞌa wa ꞌüsüs lajay quinam, napj ma nin velé yupj jis lal —nin tjevele Jesús.

Jesús discipulopan pꞌa casá lajay püna tapatja jis lal. (Mateo 9.14-17; Marcos 2.18-22)

33 Nin

mpes yupj tjowelepj jupj lal, yupj fariseopan* nepenowá, Moisés* popel sin ꞌyüsa lajay nepenowá. Yupj tjowelepj: —Juan discipulopan* la pülücj ma jalá, quelel javelepj pꞌin Dios lal. Nin pꞌiyá lajay fariseopan* jis discipulopan. ¿Tsjan mpes jipj discipulopan lovin jalá, lovin myüꞌün̈? El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 5, 6

190

34 Jesús

tjevele jupj discipulopan* ma nin lajaytsja custjay. Pꞌa jyawca na ca nin la mijicj. Ninana tjevelá: —Yom judío* woya na, jupj jomicapan jiquil wa cus la con̈ jupj. Pajal ꞌücj jisas jatja, jalá wa yupj. Nin pꞌiyá napj discipulopan* jis lal. Napj yupj jis lal püꞌüs quinam. ꞌÜcj javelepj napj lal, mpes ꞌücj jalá. 35 Pꞌa jyawca na, pꞌa casá ca nsem. La pꞌa ca ncul, ca ma tjililin̈. Len̈ ca nsem napj. Nin tepyala na, napj discipulopan ma ca nlajacj nenéyawa, ca mvelecj pꞌin Dios lal. 36 Parábola* tjevele Jesús sin la ꞌüsüs jis la jay. Sin tjiꞌyüsa lis tjiji tsjan mpes jupj lal japon ma polel nin pꞌiyá lajay püna tapatja la tjajay jinwá. Ninana Jesús tjevelá: —Nin pꞌiyá nun nusin quip seyasa toꞌá na, nusin quip seyasa ma cüemá nusin quip pül way po pwiꞌtjí mpes. Nin lojí, malala se palá manas. Seyasa way la tücüeme nsem; maꞌajapj malala wa nsem. Pülül po pwiꞌtjí ma yuwal justa nsem pülül pül lal. 37 Nin pꞌiyá wa judiopan* uva ꞌüsǘ seyasa jatatj na. Uva ꞌüsǘ seyasa ma ca moꞌo ntꞌucj pjolocꞌ pül moꞌó. Nin lajay, pjolocꞌ pül ca maꞌapcas ꞌüsǘ myolca mpes. Tjeꞌyapta na, uva ꞌüsǘ ca jus ncocom. Pjolocꞌ malala mpalas wa. 38 Más ꞌücj uva ꞌüsǘ seyasa pjolocꞌ seyasa moꞌó ca moꞌo ntꞌucj. 39 Nepénowa uva ꞌüsǘ pül tjimyüꞌün̈ lovin. Seyasa ma jisas yupj. Nin lovin. Yupj javelepj pül way po ꞌüsüs —nin tjevele Jesús.

6

1 Sábado*

Jesús ꞌücj jyüꞌta wa sábado na. (Mateo 12.1-8; Marcos 2.23-28)

pjaní Jesús trigo* lejen̈ culupwen nipj tjemey jupj discipulopan* jis lal. Sábado tsꞌacꞌ niná judiopan* ma tsjiꞌ lajay. Jesús discipulopan trigo nepénowa sey jatꞌanqueptsja, tjulujun, tjalá. (ꞌÜctsja niná nin la tjajay yupj neꞌaj. Jümücj tjelyawun̈ na, ꞌücj pꞌa sine popé tjalá yupj.) 2 Mopꞌin fariseopan* nepénowa ma jisastsja nin la tjajay sábado na. Tjowelepj: —¿Tsjan pjucj nin lojí? Dios Popel vele ma polel tꞌyanacj sábado* na, tsꞌacꞌ niná ma tsjiꞌ lijicj. 3 Jesús jis wala tjevele: —Dios Popel vele David* la tjijá pajal püna. ¿Ncu lovin ma moꞌo tjowelé niná? (David israelpan* jis jepa waytsja. ꞌÜsüstsja jupj Dios lal.) Tsꞌacꞌ pjaní jupj vecj péꞌetsja. Noyomes jupj cus tocon̈ wa, vecj tecyaꞌlin̈ wa yupj. 4 Mpes jupj wama tjemey Dios wo moꞌó; neꞌaj pan ntꞌya, tjelyaja. Jis tjeꞌyaya wa niyom cus tocon̈. Pan niná israelpan

El Nuevo Testamento en Tol de Honduras, 2da ed. ©2010, Wycliffe Bible Translators

191

SAN LUCAS 6

tjaꞌayapj Dios mpes. Dios Popel tjevele sacerdotepan* pꞌin ꞌücj jalá pan niná. Pꞌa witjacj ma polel jalá yupj. David sacerdote tuluctsja; newa nin Dios ma tsꞌi tjiꞌina jupj tjelyaja mpes. 5 Jesús tjevele wa yupj jis lal: —Napj pꞌiyá niná Yomen Dios jas tjejyamá. Napj ꞌücj jyütütj tsjan ꞌücj jis la jay sábado* na, tsꞌacꞌ ma tsjiꞌ lijicj na.

6 Pꞌa

Jesús tjiꞌyüꞌsa la tjiji sábado na. (Mateo 12.9-14; Marcos 3.1-6)

sábado* na, Jesús wama tjemey judiopan* ꞌa si mulú ntꞌa. Sin tjiꞌyüsa lis tjiji. Yom neꞌaj tjáꞌasa wa moꞌó, mos liꞌinyampe cꞌa. Ma polel le páctatsja jupj. 7 Niyom pꞌa wa neꞌaj tjatja wa, Moisés* popel sin ꞌyüsa lajay nepenowá, fariseopan* nepenowá. Pajal jus tjunuc Jesús, quelel januctsja ncu ꞌyüꞌsa la mijis sábado* na, tsꞌacꞌ niná ma tsjiꞌ lajay yupj. Po jisastsja Jesús ca malala la mijis, mpes ca ꞌücj jatꞌ mvelecj Jesús malala. 8 Jesús seletsja nin yólatsja yupj. Jupj tjevele yom mos ma polel le pacta lal: —Jin tjijyünsa. Culupwen ntꞌa was jipj. Mpes yom jas tjijyünsa, culupwen ntꞌa tjacꞌ, ton̈ca jupj. 9 Jesús tjevele wa niyom neꞌaj tjatja jis lal: —Napj nu la ꞌyüy cana más ꞌücj lejay sábado* na, tsꞌacꞌ niná ma tsjiꞌ lijicj. ¿Ncu más ꞌücj ꞌüsüs lejay, ncu más ꞌücj malala lejay? ¿Ncu más ꞌücj se pꞌacj ꞌücj la pütꞌüs jupj, ncu más ꞌücj ꞌyünan jupj? 10 Jesús pjü yus tjinyuca na, mos ma polel le pacta lal tjevele: —Myas la tepyacta. Mpes mos la tepyacta quinam. Mos tjiꞌyüꞌsa jupj. 11 Niyom neꞌaj tjatjá pajal tsꞌa tjiꞌin. Yuwá tjowelepj ꞌoyn nyuca malala la qjuijicj Jesús lal.

12 Pꞌa

Jesús niyom dóceya lis tꞌya, tsjiꞌ la mijicj jupj mpes. (Mateo 10.1-4; Marcos 3.13-19)

jawas Jesús jocꞌ moꞌo tjemey la veles Dios lal. Newa püste cus tüpwes Dios lal tjevele jupj. 13 Tjejyawca na, jupj discipulopan* jis lal tjevele ncul. Yupj sin popé dóceya lis tꞌya jupj. Jupj apostolpan* waytsja yupj; jupj sin tjejyama tsjiꞌ la mijicj jupj mpes. 14 Jupj apostolpan popa pjaní Simón lotsja. Jesús pꞌa ló la tꞌya jupj locopyaya. Pedro jupj ló la tꞌya wa. Pꞌa apóstol Andrés lotsja, Simón tsüipe jupj. Jacobo lotsja pjaní wa. Juan lotsja pjaní wa. Felipe pjaní wa, Bartolomé pjaní wa. 15 Mateo pꞌa wa, Tomás pꞌa wa, Jacobo pꞌa wa, jupj ne Alfeo jatjam.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 6

192

Simón pꞌa wa. Simón quelel le palánatsja jepa lal, jepa israelpan* sin popa tulucj, ne nin. Nin mpes “Israel Mpes Jola” lotsja wa jupj. 16 Judas pꞌa wa, jupj ne Jacobo jatjam. Judas Iscariote pꞌa wa. Pꞌa jawas Judas Iscariote Jesús enemigo tepyala jupj. Jis capj tjepꞌyaꞌsa Jesús enemigopan jis la tjilil jupj.

Pülücj sin ꞌyüsa lis tjiji Jesús. (Mateo 4.23-25)

17 Jesús

jupj apostolpan* lis tꞌya na, palavin tjemey yupj jis lal. Yumal ntꞌa ton̈ca jupj. Neꞌaj jupj discipulopan* pajal pülücj tjatja. Pꞌa wa pajal pülücj tjatja wa. Judea jun taꞌá nepé tjiquil, nepénowa Jerusalén mpe tjiquil. Pꞌa witjacj Tiro nepé tjiquil, pülücj patja mpe. Pꞌa pülücj patja nepé tjiquil wa nepenowá, Sidón ló neꞌaj. Tiro, Sidón, pajal cámpatsja. ꞌÜsǘ püné neꞌaj pꞌin tapatja yupj. Pjü tjiquil jis la pjac Jesús tjevelá. Tjiquil wa Jesús ca cüꞌüꞌsüs lis mijis, yupj malala jisastsja mpes. 18 Yupj sin popa nepenowá lapanenpan malala lis tjajay lovin. Jesús jis tjiꞌyüꞌsa lis tjiji wa yupj. 19 Jesús po la tjoꞌotj na, jis tjiꞌyüꞌsa yupj. Mpes pjü quelel po la ꞌotsja jupj, pülüctsja pajal. Pjü malala jisas pjü jis tjiꞌyüꞌsa, Jesús po la tjoꞌotj na pꞌin.

Jesús sin tjiꞌyüsa lis tjiji tsjan mpes ca ꞌücj jisas nsem. (Mateo 5.1-12)

20 Locopyaya

Jesús yus tjinyuca jupj discipulopan*, tjevele: “Nun nepénowa pjü cjuwá, mpes pajal ꞌücj nujisas nsem. Dios ꞌücj nu jyüꞌta cjuwá na. 21 Nun nepénowa vecj coꞌliqué, mpes pajal ꞌücj nujisas nsem. ꞌÜsüs ca nu maꞌayas Dios. Nun lu puyú na, ꞌücj nujisas nsem. Locopyaya mwiꞌiqué ca. (Nin ca la mijis Dios.) 22 Pꞌa wa ma jisas nun, ncapj con̈có mpes, ꞌücj nujisas nsem. Ma jisas nun culá yupj ntꞌa, nun ncapj con̈có mpes, ꞌücj nin. Malala javelepj nun poꞌó ncapj con̈có mpes, ꞌücj nujisas nsem. Javelepj malala nun, nun ncapj con̈có mpes, ꞌücj nujisas nsem. Napj ne niná Yomen Dios jas tjejyamá. 23 ”Ninana lajay na nun jis lal, ꞌücj nujisas tꞌas. Viyá lo tolonó ꞌücj nujisas mpes. Po ꞌüsüs ca nu maꞌayas Dios tsjun poꞌó ꞌüsüs la tjüjí mpes. Tꞌücꞌ way niná. Nin pꞌiyá püna canapatjá yupj sin popa pꞌiyá malala lis tjajay wa profetapan*.

El Nuevo Testamento en Tol de Honduras, 2da ed. ©2010, Wycliffe Bible Translators

193

SAN LUCAS 6

24 ”Ma

ca ꞌüsüs nsem nepénowa jis lal. Nun nepénowa pülücj toꞌá. Mpes malala ca nu mpalas. Po quina way pꞌin ꞌücj nujisas nun. Pꞌa wa ma ca nu maꞌayas Dios. 25 Malala ca nu mpalas nun nepenowá. Pjü nujisas, pjü toꞌá quinam. Pꞌa jawas cjuwá ca nsem. Malala ca nu mpalas nun nepénowa. Wüiꞌiqué quinam. Pꞌa jawas ꞌaplijila ca nsem nun pajal. La mpuyucj ca. 26 Pjü ꞌüsüs nusin javelepj lovin, malala ca nu mpalas. Nin pꞌiyá püna canapatjá yupj sin popa pꞌiyá ꞌüsüs sin tjowelepj la tsuwilpan sin poꞌó püná. Profetapan nenem ma tꞌücꞌ tjowelepj. Dios mpes tjowelepj tulucj yupj. Dios jos cupj quelel la sijicj cupj qjuis enemigopan. (Mateo 5.38-48; 7.12)

27 ”Napj

najas más ꞌüsüs la müjí nun yupj jis lal. Nun quelel pjoꞌoqué napj velé, nin velé napj nun jis lal: quelel lis müjí nun jis enemigopan. Nepénowa ma jisas nun, ma nin nujola tꞌas. Nun ca jis capj mpꞌaꞌsá newá. 28 Nepénowa malala javelepj nun sin poꞌó ca nacj, yupj jisas ca malala nu mpalas. Nun ma ca nin pꞌiyá la müjí yupj jis lal. Nun ca mvelé nujisas ꞌüsüs ca jis mpalas yupj. Yupj javelepj nun malala, ma nin nujola tꞌas. La moná nun Dios lal jupj ca jis capj mpꞌaꞌsas. 29 ”La pꞌa nupjocj pjaní tyüla na, nun ca maꞌayá maꞌajapj tyüla wa. Nusin quip pjeꞌapa tjüiꞌle, tꞌya, nusin quip wampa ca maꞌayá ntjiꞌlim wa. 30 La pꞌa la mon na nun jis lal, nun ca jis maꞌayá yupj. Nin ca la müjí pjü jis lal. La pꞌa nun nutsꞌaꞌá ntꞌya naya, ma ca la moná jupj maꞌayas niná. 31 ”Tsjan niná nujisas la pꞌa lajay nun jis lal, nin pꞌiyá la müjí yupj jis lal. 32 La pꞌa quelel la nusejay nun ca nacj, mpes nun quelel la sojí wa yupj. Ma quelel la nusejay nun, nun ma wa quelel la sojí yupj ca nacj. Dios ma ca mwiꞌim nin lojí mpes. Malala lajay nin pꞌiyá lajay yupj. La pꞌa quelel la sajay yupj, yupj quelel la sajay wa yupj. Dios jos nun más ꞌüsüs la müjí yupj jis lal. 33 La pꞌa ꞌüsüs lajay nun mpes ca nacj, mpes nun ꞌüsüs lojí wa yupj mpes. Ma ꞌüsüs lajay nun mpes, nun ma wa ꞌüsüs lojí yupj mpes ca nacj. Dios ma ca mwiꞌim nin nin lojí mpes. Malala lajay nin pꞌiyá lajay yupj. Dios jos nun más ꞌüsüs la müjí yupj jis lal. 34 La pꞌa nun jis lal le moná ca nacj. Nun ꞌoyá jupj la tjemyona,

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 6

194

newa nujola pꞌa jawasa jupj tꞌeꞌéncatsja ca ncaꞌas, maꞌayas. Dios ma ca mwiꞌim nin lojí mpes. Malala lajay nin pꞌiyá lajay yupj. La pꞌa yupj jis lal le monana, yupj jaꞌayapj wa. Yola pꞌa jawasa jupj tꞌeꞌéncatsja ca ncaꞌas, maꞌayas jupj. Dios jos nun más ꞌüsüs lojí yupj jis lal. 35 ”Quelel lis müjí nun jis enemigopan. Jis capj mpꞌaꞌsá pꞌa wa. La mon na, jis maꞌayá nun. Ma nujola tꞌas pꞌa jawasa yupj natj ca ncaꞌacj, maꞌayacj. Nin lojí na, po ꞌüsüs ca nu maꞌayas Dios jupj püꞌü ntꞌa. Dios más püné pjü jis lal. Nin lojí na, Nupopay Dios jinwá lojí nun. Jupj jatjampan nun, jupj jucucuspan nun. Jupj ꞌüsüs la siji wa malala lajay. Nepénowa ma wiꞌin̈ jupj se ꞌaya mpes, newa ꞌüsüs la siji wa jupj. 36 Malala se palá na, nun jis Papay Dios quelel jis capj pꞌyaꞌsa. Nin pꞌiyá ꞌüsüs la müjí nun.

37 ”Po

Dios jos ma welé la pꞌa malala. (Mateo 7.1-5)

ma tjowelé la pꞌa malala. Nun welé la pꞌa malala, Dios ca mveles nun pꞌin malala wa. Po ma tjowelé pꞌa poꞌó más ꞌücj Dios ca cus ntülüs. Nun nin welé, Dios ca mveles más ꞌücj jupj ca nucopj ntülüs wa nun. Perdonar la müjí pꞌin la pꞌa malala nyuca la tjiji, ne Dios ca perdonar la numijis wa nun. 38 ”Tjaꞌayá pꞌa wa jos, ne Dios ca nu maꞌayas. Yom ꞌüsüs ꞌyaya jinwá ca maꞌayas. Quiliyú pitꞌa. Tipitꞌa na, moꞌo tꞌa liji. Nin la tjiji na, syolsol, niswa pitꞌa, palá soca nas. Nin jin ca nu maꞌayas Dios. Nun pꞌa wa ꞌoyá jinwá, nin jinwá ca nu maꞌayas Dios”, nin tjevele Jesús.

39 Jesús

Ma sin ꞌyüsa, ma polel sin ꞌyüsa lajay.

parábola* mpes sin ꞌyüsa lis tjiji niswá. Ninana tjevelá: “Yom jun tulucj ma polel cyacaná yom pꞌa jun tulucj wa. Nin la qjuijis, manas tsꞌentuna moꞌo palá jis ntüncüs ca. Nin pꞌiyá nun jilal. 40 Si ꞌüsǘ püné tulucj jupj jas tjiꞌyüsa la tjiji lal. ꞌÜsüs jas tjiꞌyüsa na, yuwal nsem jupj jas tjiꞌyüsa la tjiji lal la pꞌin. Nin lovin”, tjevele Jesús.

41 Jesús

Nun malala lojí, ma polel sin ꞌyüsa lojí ꞌoyn nyuca ca ꞌüsüs la mijicj la pꞌa wa.

tjevele wa: “¿Tsjan pjucj jele jetjam malala liji, newa ma jele más malala lejay jipj jupj lal? Nin pꞌiyá niná, tsjan tsjicj way jetjam junma tjeyaca nyuc; yo püné jipj jinma tjeyaca ma nyuc. 42 Jetjam lal velen: ‘Natjam, najas jipj ca maꞌayan napj ca pjeꞌá la ntsꞌi tsjan tsjicj way

El Nuevo Testamento en Tol de Honduras, 2da ed. ©2010, Wycliffe Bible Translators

195

SAN LUCAS 6, 7

jinma tjeyaca’. Jipj ma nyuc yo püné jipj jin moꞌó. Nin pꞌiyá lejay jipj. Jipj pajal malala, niná nin lejay mpes. Jipj malala wa, la pꞌa malala jinwá. Mya ꞌüꞌsüs ca jipj. Po ma malala la mijin quinam, püna la tjejay jinwá. Locopyaya ca jus nlayen ꞌonin ca cus mpꞌaꞌsan pꞌa”, nin tjevele Jesús.

43 Jesús

ꞌÜsüs witjacj ꞌüsüs lajay, ꞌüsüs wa javelepj. (Mateo 7.17-20; 12.34-35)

pꞌa wa sin tjiꞌyüsa lis tjiji. Tjevele: “Yo wolas ꞌücj la las, ma ca wolas malala mvalas. Jupj wolas malala, ma ca nepénowa ꞌücj la las mvalas jupj. 44 Nun nucú na wolas velan̈, nun jus nlayé ncu ꞌücj la las jupj wolas. Nun solejé tunun mwicj ma higo* vyala. Jül ma ꞌanpüpj vyala jupj. 45 Nin pꞌiyá gente jis lal. Yom ꞌüsüs, ꞌüsüs wa jola. Nin mpes vele wa ꞌüsüs way. Yom malala, malala jola jupj. Nin mpes jupj vele wa malala. Nun nujola, niná pꞌin welé. Nin pꞌiyá pjü way jis lal”, nin tjevele Jesús.

Jesús tjijyüꞌta jin lijicj na, ꞌüsüs nsem cupj qjuilal. (Mateo 7.24-27)

46 Jesús

tjevele wa yupj jis lal: “¿Tsjan mpes nun welé napj nun jis Jepa, mopꞌin ma lojí napj jyütütj? Napj jyütütj ma lojí, nun jis Jepa tulucj napj. 47 Nasa ca mvelé ꞌoyn nyuca liji napj jyütütj jin liji. Napj ntꞌa jacꞌ jupj, pjoca napj velé. Pjoca na, nin liji napj vele. 48 Jupj yom wo ꞌüsüs jas tjijyünsa jinwá. Pajal campwila tsjomis tyoca mwalá way pꞌin, pwen jáꞌasa nas tyoca jupj. Yo tꞌol pe casá lejen̈ la tjiji. Locopyaya wosis tjecyawaja, ꞌücj la tjiji. Tꞌücꞌ la tjiji na, ꞌüsǘ püné tꞌyüna, pajal yümücj wo ntꞌa palá tjacꞌ ꞌüsüs. Newa ma si cütsꞌitsja wosis, ꞌüsüs tón̈catsja mpes. Nin pꞌiyá ꞌüsüs püꞌü napj jyütütj jin liji. 49 ”Yom pꞌa wa pjoca wa napj velé ca nacj, jupj ma liji napj jyütütj jin. Pꞌa yom wo jas tjijyünsa jinwá jupj. Ma tsjomis tyoca. ꞌAmá casá jas tjijyünsa jupj la pꞌin. Locopyaya wosis tecyawaja. Tꞌücꞌ la tjiji na, ꞌüsǘ püné tꞌyüna, pajal yümücj wo ntꞌa palá tjacꞌ ꞌüsüs. Len̈ way tyüla wosis. Jas tüpwes malala tepyala wosis. Nin pꞌiyá malala pyala niná, jupj ma liji napj jyütütj jin.”

7

1 Jesús

Campa mpe tjiꞌyüꞌsa la tjiji Jesús. (Mateo 8.5-13)

pjü tjevele yupj jis la pjac. Tꞌücꞌ tjevele na, Capernaum ntꞌa tjemey jupj. 2 Neꞌaj jepa militar tüpüꞌü. Israelpan* popa

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 7

196

tuluctsja jupj. Romano* militar waytsja jupj. Jépatsja jupj niyom cien jis lal. Jupj mozo malala jostsja pajal, nasa quelel péꞌetsja jupj. Jepa militar pajal quelel líjitsja jupj jomozo. 3 La pꞌa wa jupj wola tjowelepj Jesús ꞌücj ꞌyüꞌsa liji. Mpes jupj sin tjejyama niyom nepénowa Jesús ntꞌa. Niyom nenem israelpan noypan waytsja yupj. Jepa militar sin tjejyama yupj, jis la mon Jesús ncuwim, jupj jomozo ꞌyüꞌsa la mijis. 4 Neꞌas tjil na Jesús ntꞌa, pajal la tjomon Jesús lal, jupj ca cus mpꞌaꞌsas. Tjowelepj: —Jepa militar po ꞌüsüs jupj, mpes ca nin la mijin jupj mpes. 5 Israelpan* popa tulucj jupj, mopꞌin po quelel la qjuisiji cupj. Qjuis wa ꞌa qjuisí mulú ntꞌa jas tjijyünsa jupj. 6 Jesús tjemey yupj jis lal. Neꞌaj way pꞌin tjemey na, jepa militar wo ntꞌa, jepa militar jomicapan pꞌa witjacj sin tjejyama Jesús ntꞌa. Jupj mpes tjowelepj: —Nejepa, ma najas pajal costa nsem jipj mpes. Pajal ꞌüsüs way jipj. Napj ꞌüsüs tulucj. Más ꞌücj ma nawá moꞌó cuy jipj. 7 Nin mpes wa ma tjacuwis napj jipj ntꞌa. Napj nin nola ꞌüsüs tulucj napj. Najas jipj ca müjüꞌtün la ꞌüꞌsüs jupj la pꞌin, ne ca cüꞌüꞌsüs napj namozo. 8 Napj selé jipj ꞌücj jyütütj. Nin pꞌiyá napj nejepa ni jütüta. Napj lejay jupj vele jin. Napj jyütütj wa niyom militar nepénowa. Pjaní lal velé jutja, mpes jama. Pꞌa lal velé was, mpes jacꞌ. Namozo lal velé nin la mijis, mpes nin liji —nin tjevele jepa militar. 9 Jesús nin tjapjaca na, jupj jólatsja pajal ꞌüsüs tjevele jepa militar. Pajal pülücj cus tocon̈ jupj tjuwine ntꞌa. Jupj la nujuya, tjevele yupj jis lal: —Pajal ꞌüsüs pyona jupj, jupj ne israelpan* popa tulucj. Lovin ma tjinyuc israelpan popa pjaní más ꞌüsüs way tepyona jupj lal. Tꞌücꞌ way niná —tjevele Jesús. 10 Tjil niyom nenem jepa militar sin tjejyamá. Jepa militar wo moꞌó tjil na, jupj jomozo ꞌücj jáꞌasa jus tjunuc. Jesús tjiꞌyüꞌsa la tjiji jupj campa mpe. Jupj tjijyüꞌta mpes pꞌin tjiꞌyüꞌsa jupj.

Jesús yom tepeꞌá jas tjijyünsa, mpes niswa tüpüꞌü jupj.

11 Locopyaya

pꞌa ntꞌa pülücj patja ntꞌa tjemey Jesús. Naín ló neꞌaj. Jupj discipulopan* cus tocon̈, la pꞌa pajal pülücj cus tocon̈ wa. 12 Naín tꞌasiyú tjüwücj tón̈catsja. Neꞌas tjil na, tjüwücj jun vilicj ntꞌa, yom tepeꞌe pjeꞌá jacumantsja la toc tjinyuca Jesús. Yom tepeꞌá, jupj pjaní jamay jatjam waytsja. Jupj jamay voyum tepeꞌe wa jupj püna pꞌin,

El Nuevo Testamento en Tol de Honduras, 2da ed. ©2010, Wycliffe Bible Translators

197

SAN LUCAS 7

mpes malala tepyala quepan pajal. Pülücj cus tocon̈ jupj, neꞌaj tapatjá sin popé. Jatoc ntꞌa tjil. 13 Qjuis Jepa Jesús yom jamay jus tjinyuca na, pajal jólatsja malala tepyala mpes. Yom jamay lal tjevele: —Po ma la tipiya. (Jesús seletsja ꞌüsüs ca la mijis, mpes nin tjevele.) 14 Jesús cacaste ntꞌa tjacꞌ, cacaste po la tjeꞌyotꞌa jupj. Niyom cacaste jacumantsja jis tyantaná. Nin la tjajay na, Jesús tjevele tepeꞌe lal: —Natjam, jin tjijyünsa. 15 Mpes yom tepeꞌá nyucunú tepyala. Jas tjijyünsa, tjáꞌasa quinam, jis wala tjevele wa. Jesús tjevele jamay lal: —Jáꞌasa quinam jetjam. 16 Pjü way niná tjunuc pajal yólatsja Jesús pajal ꞌüsüs la tjiji, yólatsja jupj pajal püné. ꞌÜsüs tjowelepj Dios poꞌó. Yuwá tjowelepj: “Profeta* püné way jupj. Quina israelpan* jis capj tjepꞌyaꞌsa Dios.” 17 Pjü way Judea moꞌo tapatja, pjü sin tjiꞌyüsa Jesús jas tjijyünsa tepeꞌá, niswa tüpüꞌü. Judea neꞌaj pꞌin tapatja, sin tjiꞌyüsa wa niná.

Jesús sin tjiꞌyüsa lis tjiji jupj pꞌiyá ninana Dios tjevele ca jas majamas. (Mateo 11.2-19)

18 Juan

jus nleya wa Jesús jas tjijyünsa tepeꞌá, niswa tüpüꞌü. Juan bautizar* líjitsja püna pꞌin. Jupj discipulopan* tjowelepj jupj lal nin tepyalá. Tjowelepj wa jupj lal pjü way Jesús pajal ꞌüsüs líjitsja. 19 Juan jupj discipulopan mátꞌeya jis lal tjevele jis la cuwis, sin tjejyama qjuis Jepa Jesucristo ntꞌa jis la veles jupj lal. Tjevele ca nin la veles: “¿Ncu jipj ninana Dios tjevele ca jas majamas cupj ntꞌa? ¿Ncu pꞌa wa la nucum?” 20 Mpes Juan discipulopan Jesús ntꞌa tjil. Neꞌas tjil na, tjowelepj: —Juan el Bautista qjuisin tjejyama jipj ntꞌa. Tjevele ca nin mvelecj: ¿Ncu jipj ninana Dios tjevele ca jas majamas cupj ntꞌa? ¿Ncu pꞌa wa la nucum? 21 Yupj neꞌaj tjatja na, pülücj malala jisas jis tjiꞌyüꞌsa lis tjiji Jesús. Pajal si tsjunú, jis tjiꞌyüꞌsa la tjiji wa. Lapanenpan malala lis tjajay yupj nepenowá. Jesús jis tjiꞌyüꞌsa la tjiji wa yupj. Pülücj yun cjuwá ꞌüsüs januc la tjiji jupj. Juan discipulopan* tjunuc Jesús la tjijá. 22 Mpes Jesús tjevele Juan sin tjejyama jis lal: —Lowa, tjowelé Juan lal nun tjapjaꞌaqué napj ntꞌa, tjowelé nun tjunucú wa. Yun tulucj ꞌücj januc quinam. Ma polel jiltsja ꞌücj lyawun̈ quinam. Jis pꞌüy tjamaja jis tjiꞌyüꞌsa wa quinam. Jis pjatsꞌ la topj

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 7

198

ꞌücj pjyacan̈ quinam. Tecyaꞌlin̈ nepenowá sin tjüjünsüpj wa ꞌücj jis la pütꞌüs quinam. Napj velé wa tꞌemel cjuwá jis lal Dios ꞌüsüs la tjiji yupj mpes. Pjü niná lejay napj, Dios tjevele jin. 23 Tjowelé wa Juan lal: jupj newa pyona napj mpes, ꞌücj jos nsem jupj pajal —nin tjevele Jesús Juan sin tjejyama jis lal. 24 Tjil niyom nenem. Tjil na, Jesús tjevele Juan poꞌó neꞌaj tjatja jis lal. “¿Tsjan mpes tjalawú nun Juan ntꞌa, jupj wa cjuwá ntꞌa tüpüꞌü na? ¿Tsjan mpes quelel nucutsja jupj? ¿Ncu visyú si lapjüna jinwatsja jupj? ¿Ncu nenéyawa pꞌa casá jólatsja? Nin tulucj. 25 ¿Tsjan mpes tjalawú jupj ntꞌa? ¿Tsjan quelel nucutsja? ¿Ncu ꞌüsüs sa capyatsja? Nin tulucj. Niyom ꞌüsüs sin quípetsja pajal pülücj jatatj lovin. Jis wa po ꞌüsüs yustapj ntꞌa patja yupj. 26 ¿Tsjan mpes tjalawú Juan ntꞌa? ¿Tsjan quelel nucutsja? ¿Ncu profeta* quelel nucutsja? Nin. Tꞌücꞌ way profeta jupj. Más püné jupj pꞌa profetapan jis lal. 27 Dios Popel tjevele Juan poꞌó pajal püna. Dios tjevele Juan jupj jomozo. Tjevele ca jas majamas jupj, ne ca ꞌücj la mijis napj cuwistsja mpes. Tjevele Juan ca mveles napj mpes, mpes la pꞌa ca nus nucucj napj tjacuwis na. Ninana tjevelá: ‘Tjapjaca jipj. Namozo se jam, mwalá ca mim jipj lal. ꞌÜcj la mijis mpes, más ꞌüsüs ca nsem jipj jay na.’ 28 Juan más püné pjü püna tapatja jis lal, quina patja jis lal wa. Nin pꞌin, pjü way Dios si jütüta sin popé más noypan yupj jupj lal. Nin pꞌiyá tsjictjacj Dios si jütüta sin popé, más noypan yupj jupj lal”, tjevele Jesús. 29 (Pjü tjepjyacan̈ Jesús tjevelá, pjü tjowelepj ꞌüsüstsja yupj jis lal Dios si jütütá. Nin pꞌiyá tjowelepj wa impuesto jatꞌanquepj. Juan bautizar* lis tjiji yupj yas nam. 30 Mopꞌin fariseopan* ma jisastsja Juan bautizar la siji, mpes ma bautizar lis tjiji. Niná Dios jostsja yupj la mijicj ma jisastsja yupj. Nin pꞌiyatsja Moisés* popel sin ꞌyüsa lajay.) 31 Mpes Jesús tjevele: “¿ꞌOyn nyuca lajay quina patjá? ¿Pjacj jinwá yupj? 32 Tsjictjacj jinwá yupj, pülücj ꞌa si mulú ntꞌa. Tsjictjacj nenem tsꞌa ꞌin la pꞌa tsjictjacj jis lal, la pꞌa ma quelel pjelan̈ mpes. Mpes yümücj javelepj la pꞌa jis lal: ‘Nun ma quelel pjwelequé fiesta lijicj jinwá. Ma wa quelel pjwelequé tyoquecj jinwá. Cupj flauta* la tjipjyusacj. ¿Tsjan mpes ma tjüpjwelequé, fiesta ntꞌa lajay jinwá? Locopyaya pajal tülü way tjenejetsꞌequecj. Pajal ꞌaplijila jinwá la tjijicj. ¿Tsjan mpes ma la tupuyú, nujamica tepeꞌe jinwá?’ Nin javelepj tsjictjacj, pjelan̈ na. 33 ”Nin pꞌiyá javelepj quina patjá Juan lal, napj lal ꞌotsꞌipj. Juan el Bautista tjacꞌ na, la pülücj ve ma tjelyaja. Uva ꞌüsǘ lovin ma tjümüꞌü

El Nuevo Testamento en Tol de Honduras, 2da ed. ©2010, Wycliffe Bible Translators

199

SAN LUCAS 7

jupj. Mpes nun welé: ‘Lapanen jupj jos moꞌo püꞌü. Nin mpes nin liji jupj.’ 34 Locopyaya napj tjacuwis. Napj pꞌiyá niná Yomen Dios jas tjejyamá. Napj ma lejay Juan liji jin. Ve lya napj. Uva ꞌüsǘ müꞌüs napj. Newa nin malala wa welé napj nin poꞌó. Nun welé napj pajal lya lovin. Welé ꞌüsǘ müꞌüs, ne maná. Nun welé niyom impuesto jataꞌepj sejamica napj. Malala nyuca lajay sejamica napj, welé nun. Malala welé cupj cjay manas mpes. Nun ma solejé tsjan nujos nun. 35 Cupj cjay manas ꞌüsüs lijicj. ꞌÜsüs tepyala Juan la tjiji mpes. ꞌÜsüs wa tepyala napj la tjejay mpes. Nin mpes ca jus cülayé cupj qjuiyólatsja ꞌüsüs. Nin lovin ꞌüsüs lajay jis lal”, tjevele Jesús.

36 Yom

Fariseo wo ntꞌa tjemey Jesús. Quepj pjaní ꞌüsüs la tjiji Jesús mpes.

pjaní Simón lotsja. Jupj fariseo* watsja. Jupj tjevele Jesús lal jupj jostsja Jesús ncuwim, nlajas jupj lal. Mpes fariseo wo ntꞌa tjemey. Tjáꞌasa, tjelyaja Jesús. 37 Neꞌaj pꞌin, pülücj patja ntꞌa, quepj tüpüꞌü. Pjü salejeptsja malala nyuca la tjiji jupj yas nam. Niyom pülücj lal wínetsja jupj. Quepj jus nleya Jesús fariseo wo ntꞌa jáꞌasatsja, lyájatsja jupj. Nin mpes neꞌaj tjemey wa. Botella pajal ꞌüsüs justa tequeꞌe jupj. Niná botella pe mpestsja, pe alabastro lotsja. Perfume botella jul tón̈catsja. 38 Jesús cjüipꞌaꞌa tjemey, ton̈ca quepan, tsjom jyatsja ntꞌa. La tipiya jupj, quepan. Jesús tsjom jas tjiꞌitsꞌa jun la puyupj lal. Jay tsꞌüil lal tsjom tjicjyücja. Tsjom po la tjeꞌyotꞌa jupj wola mpes. Perfume lal jas tjecjyoꞌla wa. Tjüwüiꞌi jupj Dios ꞌücj perdonar liji malala nyuca lajay. Nin mpes tjacꞌ jupj Jesús ntꞌa. 39 Fariseo* tjinyuca wa quepj la tjijá. Fariseo pꞌiyá Jesús lal tjevele ncuwim, nlajas. Niná tjinyuca na, jólatsja: “Profeta* tulucj yom niná. Profeta ca jus nlayes pjacj niná jupj po le ꞌetꞌé. Ca jus nlayes malala jupj. Malala nyuca liji quepj niná.” 40 Jesús seletsja nin jólatsja jupj, mpes jupj tjevele: —Simón, napj quelel velé jipj lal. Fariseo* tjevele: —Mwü. 41 Mpes Jesús parábola* tjevele jupj lal. Jas tjiꞌyüsa la tjiji Dios nasa perdonar la tjiji quepan. Nin mpes quepj pajal quelel liji jupj. Ninana parabolas: —Yom pjaní tꞌemel prestar lis tjiji niyom matꞌeyá, pꞌa jawas tꞌemel ca ncaꞌactsja, jaylacj la mijictsja yupj. Pjaní way quinientos jaylacj

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 7, 8

200

ca la mijistsja, maꞌajapj cincuenta way pꞌin ca jaylacj la mijistsja. manas jis tꞌemel cjuwá. Ma polel jaylacj la tjajay. Nin mpes yom tjevele ꞌücj lovin tꞌemel ma jaylacj lajay yupj. Jesús la tjiꞌyüya fariseo* lal: —¿Cana pajal quelel la mijis yomen? 43 —Más pülücj way leveltsja, más ca quelel la mijis jupj ca nacj —tjevele Simón. —Tꞌücꞌ tjevelen jipj —tjevele Jesús. 44 Jesús la nujuya, quepj tjinyuca, newa Simón lal tjevele. —Tjinyuca jipj quepj niná —tjevele jupj—. Jupj pajal quelel la niji. Nin tulucj jipj lal. Jipj ma quelel la nejay. Napj wya moꞌó tjacuwis na, ꞌüsǘ ntsjam la patsj ma ntjeꞌan jipj. Quepj niná ntsjam tjiꞌitsꞌa jun la puyupj lal, jay tsꞌüil lal ntsjam tjicjyücja. 45 Jipj ma po la tjeꞌyotj namas. Quepj niná janmacj ntsjam po la tjeꞌyotꞌa jupj wola mpes nas tjacuwis na, pajal quelel la niji mpes. 46 Aceite* pjaní jaylacj lal ma nay jas tjecjyolol nay pjucj. Perfume pülücj jaylacj lal ntsjam jas tjecjyoꞌla jupj. 47 Tꞌücꞌ way malala nyuca la tjiji jupj yas nam, la pülücj malala nyuca la tjiji. Ma ca nin nola niswá. Pjü la tjiji, pjü perdonar la tjejay napj. Jupj pajal quelel la niji, mpes ca jus nlayen niná. Pꞌa wa tsjicj way pꞌin quelel la niji. Nin mpes ca jus nlayen pjaní way pꞌin perdonar la tjejay jupj. 48 Jesús quepj lal tjevele wa: —Napj perdonar la ꞌejay malala nyuca la tjejay. Ma nin nola quinam. 49 La pꞌa Jesús lal tjalá. Yupj yólatsja: “¿Tsjan mpes Jesús ꞌücj perdonar liji quepj malala nyuca la tjiji?” 50 Jesús tjevele quepj lal: —Tepyon mpes ꞌi tjüꞌüꞌsa, ꞌücj ca cus ncon̈con Dios. ꞌÜsüs mim. 42 Mopꞌin

8

Nequem nepénowa cus tocon̈ Jesús.

1 Locopyaya Jesús tjuwine Galilea moꞌó la veles neꞌaj tapatja jilal. Pülücj patja ntꞌa tjemey, más ꞌin laꞌ way patja ntꞌa tjemey ꞌotsꞌipj. Lovin pꞌa ntꞌa tjemey jis lal la veles Dios poꞌó. Pjü jis walapꞌaꞌa tjevele tsjan ꞌüsüs tepyala quinam Dios ꞌüsüs la tjiji mpes. Tjevele Dios ca müjüꞌtüs nosis casá. Püna pꞌin Jesús niyom dóceya lis tꞌya, ca yupj tsjiꞌ la mijicj jupj mpes. Yupj cus tocon̈ Jesús. 2 Nequem nepenowá cus tocon̈ wa jupj. Jesús tjiꞌyüꞌsa lis tjiji yupj yas nam malala jisastsja mpes. Lapanenpan nepénowa malala lis tjajay püná. Jis tjiꞌyüꞌsa lis tjiji wa jupj. Quepj pjaní María

El Nuevo Testamento en Tol de Honduras, 2da ed. ©2010, Wycliffe Bible Translators

201

SAN LUCAS 8

lotsja. Magdalá mpe ꞌeseptsja jupj. Lapanenpan siéteya pjeꞌá la tsꞌiya Jesús María jos mpe. 3 Quepj pꞌa wa Juana lotsja. Chuza jatsꞌom waytsja jupj. Chuza Herodes auxiliar waytsja jupj. Quepj pꞌa wa Susana lotsja. Cus tecyon̈ca wa. Pꞌa wa nequem pülücj cus tocon̈ wa. Yupj yutsꞌaꞌá tjaꞌayapj ꞌücj la pütꞌüs Jesús, ꞌücj jis la patj wa Jesús apostolpan* dóceya.

Pülücj pjyacan̈ Dios tjevelá. Nepénowa lajay jupj tjevelá, nepénowa ma nin lajay. (Mateo 13.1-23; Marcos 4.1-20)

4 Pajal

pülücj ꞌa jis tjimyula Jesús ntꞌa. Newa pꞌa mpe tjiquil pꞌa wa pülücj patja mpe. Pülücj ꞌa si mulutsja na, parábola* tjevele Jesús, sin la ꞌüsüs jis la jay. Ninana Jesús tjevelá: 5 “Yom setel sine wínetsja. Naꞌaj li tsꞌiyá sínetsja jupj. Mpes sine na, setel nepenowá palá tinca jümücj casá. Mpes palá taꞌá tjajatsj setel. Tsipyaya tjalá wa setel niná. 6 Setel nepenowá peme casá palá tinca. Tecyojo na, tsꞌitsꞌe tepyala ꞌüsǘ pja mpes. 7 Setel nepenowá jam ntꞌa palá tinca. ꞌA mulú si tꞌünǘ. Pajal qjuisiyama tepyala, mpes jupj sínetsja ma si tꞌünǘ. 8 Setel nepenowá ꞌamá ꞌüsüs casá palá tinca. Tecyojo, jis tꞌyüna. Pülücj tjevelan̈ yupj. Setel pjaní sine popé setel cien tjevelan̈”, tjevele Jesús. Parábola* tꞌücꞌ tjevele na, yümücj tjevele: “Najas pjü tjapjaꞌaqué, pjü nusin tjüꞌüsüs napj tjevelé”. 9 Locopyaya jupj discipulopan* la tjüꞌüy jupj lal tsjan sin ꞌyüsa lis tjiji parábola* mpes. Yupj salejeptsja ma setel poꞌo tjevele jupj. 10 Jesús jis wala tjevele: “Dios ma se ꞌaya pjü gente sin ꞌyüsa ꞌoyn nyuca jyüꞌta jupj. Jupj nu ꞌyaya nun ca nusin müꞌüsüs niná. Pꞌa jilal parábola* mpes sin ꞌyüsa lejay la pꞌin. Mpes tꞌücꞌ ca nsem niná: ‘Yupj januc, newa ma yola se palá tsjan mpes januc niná. Yupj pjyacan̈, mopꞌin ma sin ꞌyüsa.’ 11 ”Ninana nusin ꞌyüsa lejay parábola* mpes: setel Dios tjevelá jinwá. 12 Setel nepenowá jümücj casá palá tinca, nepénowa pjyacan̈ jinwá. Dios tjevele tjepjyacan̈ yupj. Locopyaya diablo* jacꞌ, tꞌeꞌenca yupj tjepjyacan̈. Yoꞌ peꞌe liji jupj. Diablo ma jos yupj japon Dios tjevelá. Ma jos yupj ca ꞌücj mpatjam Dios lal. 13 ”Setel peme casá palá tinca, nepénowa pjyacan̈ jinwá ꞌotsꞌipj. Dios tjevelá pjyacan̈ na, po ꞌücj jisas japon yupj. Mopꞌin ma lajay Dios jos jin. Tsjutsj tsꞌüil cjuwá jinwá yupj. Tsjicj way japon la pꞌin. Locopyaya diablo* malala vele yupj jis lal, mpes yupj quelel malala nyuca lajay. Malala nyuca quelel lajay na, ma nin lajay Dios tjevele jin.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 8

202

14 ”Setel

nepenowá jam moꞌo palá tinca, nepénowa pjyacan̈ jinwá ꞌotsꞌipj. Dios tjevele tjepjyacan̈. Newa ma lajay Dios tjevele jin. Pajal nin yola malala pyala mpes. Po jisas tꞌemel. Po jisas yupj ca ꞌücj jisas nsem nosis ntꞌa. Nin mpes ma ꞌüsüs lajay yupj, Dios jos jin. 15 ”Setel pꞌa wa ꞌamá ꞌüsüs casá palá tinca, nepénowa pjyacan̈ jinwá yupj ꞌotsꞌipj. Yupj pjyacan̈ Dios tjevelá. Ma yoꞌ peꞌe. Po ꞌüsüs witjacj yupj. Ma la tsuwil. Malala pyala na, newa ꞌüsüs lajay Dios jos jin. Nin mpes tꞌücꞌ lajay Dios tjevele jin”, nin tjevele Jesús Dios Popel pjyacan̈ mpes.

16 Jesús

Dios jos gente ca sin müꞌüsüs jupj velá. (Marcos 4.21-25)

pꞌa parábola* tjevele yupj jis lal. Ninana tjevelá: “Yom yo je si müjü na, ma tsjoꞌoy lal jun tꞌyoꞌna. Ma cjan ꞌalá ꞌyonsa jupj. Campanya si jünsa, mpes pjü wama jiquil pjü ꞌücj januc jupj ꞌowus. 17 Nin pꞌiyá Dios ma pjoꞌna jupj quelel sin ꞌyüsa liji. Püna ma jis tjeꞌyaya sin la ꞌüsüs, niná pjü way ca sin müꞌüsüs la mijis. Püna ma sin tjiꞌyüsa, niná ca jus nlayecj. Niná ꞌücj ca jus nucucj nsem. 18 Mpes ꞌin tjajama ꞌüsüs tjapjaꞌaqué Dios velá. Nun quelel nusin ꞌyüsa, pꞌa wa ca nusin müꞌüsüs la mijis jupj. Nin pꞌiyá pjü jis lal. Dios jisas, mpes ca sin müꞌüsüs. Nepénowa ma quelel sin ꞌyüsa. Pjyacan̈ pꞌin. Mpes ma ca polel sin ꞌyüsa Dios mpes. Sey cꞌa ca la mijis jupj. Yupj yola yupj sin ꞌyüsa Dios mpes, sin ꞌyüsa tulucj yupj”, nin tjevele Jesús.

19 Jesús

Jesús pajal quelel liji Dios jos jin lajay. (Mateo 12.46-50; Marcos 3.31-35)

jamay tjacꞌ jus la nuc, jüpülücpan tjiquil wa jupj ntꞌa. Mopꞌin ma polel neꞌas tjil Jesús ntꞌa, pülücj tantan tjatja mpes. 20 Nin mpes neꞌaj tjatja sin popa pjaní tjevele jupj lal: —Jemay pjeꞌá ton̈ca, pyülücpan pjeꞌá lejen̈ wa yupj. Quelel jis januc yupj. 21 Jesús jupj wola tjevele: —La pꞌa wa namay jinwá yupj napj lal, mpülücpan jinwá yupj napj lal. Yupj pjyacan̈ Dios velá, lajay wa jupj vele jin —nin tjevele Jesús.

22 Pꞌa

Jesús tjijyüꞌta lüpjǘ, ꞌüsǘ püné ꞌotsꞌipj. (Mateo 8.23-27; Marcos 4.35-41)

jyawca na, barco* wama tjemey Jesús jupj discipulopan* jis lal. Tjevele yupj jis lal: El Nuevo Testamento en Tol de Honduras, 2da ed. ©2010, Wycliffe Bible Translators

203

SAN LUCAS 8

Pajal jas tjelyapjünǘ lüpjüs üsǘ püné nta. Üsǘ la tjepjetpjetsé. (San Lucas 8.23)

—Mas ꞌüsǘ püné naꞌaj poꞌó. Mpes tjil. Pajal la püné, pajal campwila waytsja ꞌüsüs. 23 Tjil na ꞌüsǘ casá, tüpüꞌü, tjejyá Jesús barco* moꞌó. Tjejyá na, pajal jas tjelyapjünǘ lüpjüs ꞌüsǘ püné ntꞌa. ꞌÜsǘ la tjepjetpjetsꞌé mpes ꞌüsǘ wama tjemey barco moꞌó, moꞌo ca mpitꞌas. Nasa quelel pwila jama barcas. 24 Mpes jupj discipulopan* jupj ntꞌa tjil, jas tiquilquil, tjowelepj: —Qjuis Jepa, qjuis Jepa, qjuis qjues ntꞌancam. Jesús tsyülümǘ, jis capj tjeveꞌle lüpjǘ, ꞌüsǘ ꞌotsꞌipj. Mpes lüpjǘ ꞌütꞌün nasa tepyala. Nin pꞌiyá ꞌüsǘ tjiꞌyüꞌsa quinam. 25 Discipulopan* jis lal tjevele Jesús: —¿Tsjan mpes ma poné napj ca nucopj mpꞌacj? Lacj tjeyapj yupj. Pajal yólatsja Jesús la tjiji mpes. Yuwá tjowelepj: “Tꞌücꞌ way yom niná pasal püné way. ꞌÜcj si jütüta lüpjǘ, ꞌüsǘ püné ꞌotsꞌipj, ne nin lajay jupj jyüꞌta jin.”

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 8

204

26 Locopyaya

Jesús pjeꞌá lis tsꞌiya lapanenpan. (Mateo 8.28-34; Marcos 5.1-20)

ꞌüsǘ naꞌaj poꞌó tjil, Gadara moꞌó. Gadara ꞌüsǘ naꞌaj poꞌó Galilea lal. 27 Barco* mpe pjeꞌá tjemey Jesús. ꞌAmá casá ton̈ca naya, yom tjacꞌ pülücj patja nepé la nüjüsü Jesús. Lapanenpan tapatja yom jos moꞌó, tjüjütütj jupj. Püs way jas pjütpjütꞌ tüpüꞌü jupj. Ma wo moꞌó tüpüꞌü; panteón ntꞌa tüpüꞌü. 28 Jupj Jesús jus tjinyuca na, yümücj la tipiya, tüicꞌ jin tjüjünsü Jesús wolapꞌaꞌá. Yümücj tjevele: —¿Tsjan mpes napj ntꞌa tjacuy? Jesús jipj. Dios Jatjam jipj. Más püné way Dios pjü jis lal. La ꞌe mon ma malala la mijin napj lal. 29 Yom jactsja na, Jesús tjijyüꞌta ca pjeꞌá mim lapanen yom jos mpe, mpes nin tjevele yomen. Püna la pülücj lapanen pajal malala la tjiji jupj lal, mpes gente neꞌaj patja tjajamapj jupj. Mos tꞌasiyú tsupaptsja, tsjom tꞌasiyú tsupaptsja wa cadena* mpes, acero mpes wa. Mopꞌin tsjan mpes tsupaptsja tꞌanca jupj, ne lapanen tjemyana jupj wa cjuwá ntꞌa. 30 Jesús la tjiꞌyüya jupj lal: —¿Tsjan lyá jipj? Yom tjevele: —‘Pülücj’ napj nlá. Lapanenpan pülücj jos moꞌo tapatja ne nin. 31 Lapanenpan pajal la tjomon Jesús lal jupj ma ca jis müjüꞌtüs mal jul pajal campwila moꞌó, lapanenpan jis capj tyüla ntꞌa. 32 Neꞌaj pꞌin yupj tjelejen̈ ntꞌa malana pülücj tjelyawun̈, tjalá yupj neven ntꞌa. Lapanenpan pajal la tjomon Jesús lal jupj ca jis maꞌayas mal malana jisas moꞌó. Jesús jis tjeꞌyaya nin la mijicj yupj. 33 Tjil yom jos mpe. Malana jisas moꞌo tjil yupj. Nin la tjajay na, malana pjü tsꞌequenen̈ neven palavin; ꞌüsǘ püné moꞌo tjil yupj. Jis qjues tꞌanca, tecyaꞌlin̈. 34 Malana jajamapj niná tjunuc na, tsꞌequenen̈ yupj. Pülücj patja ntꞌa tjowelepj nin tepyalá. Wa pjaní pjaní lejen̈ ntꞌa tjowelepj wa yupj. 35 Mpes pülücj tjil jis la nuc tepyalá. Jesús ntꞌa tjil. La nyüjüsün̈ yomen, ꞌin lacasana lapanenpan jupj jos moꞌo tapatja. Jesús wolapꞌaꞌa tjáꞌasa. Sacapyá quinam jupj, ꞌücj jólatsja quinam. Lacj tjeyapj yupj nin tepyala mpes. 36 Pꞌa witjacj tjunuctsja Jesús tjiꞌyüꞌsa la tjiji yomen. Mpes tjowelepj la pꞌa jis lal ꞌonin ne yom niná tjiꞌyüꞌsa quinam. ꞌIn lacasana lapanenpan jupj jos moꞌo tapatja. 37 Nin mpes pjü Gadara moꞌo tapatjá, pjü la tjomon Jesús ca mim yupj nepé. Pajal lacj tjeyapj, ne nin la tjomon yupj. Mpes barco* wama tjemey Jesús, tjemey niswá Galilea ntꞌa.

El Nuevo Testamento en Tol de Honduras, 2da ed. ©2010, Wycliffe Bible Translators

205

SAN LUCAS 8

38 Custjay

ma tjemey na pꞌin, niná yomen, lapanenpan jupj jos mpe tjil pꞌiyá, tjevele Jesús lal. La tjemyona Jesús lal jupj ca maꞌayas jupj lal jama. Jesús ma jostsja jupj ca mim quinam. Jesús jupj wo ntꞌa jas tjejyama, tjevele: 39 —Niswa wya ntꞌa jutja. La pꞌa jis lal ca mvelen pajal ꞌüsüs way la tjiji Dios jipj mpes. Mpes tjemey yomen, la tjiji Jesús tjevele jin. Pjü jis wala tjevele neꞌaj pülücj patja ntꞌa. Tjevele pajal ꞌüsüs way la tjiji Jesús jupj mpes.

Jesús jas tjijyünsa tepeꞌá. Niswa tüpüꞌü la tjiji. Quepj püs way malala jos tjiꞌyüꞌsa la tjiji wa. (Mateo 9.18-26; Marcos 5.21-43)

40 Jesús

ꞌüsǘ naꞌaj poꞌó neꞌas tjemey na, pülücj ꞌa jis tjimyula neꞌaj. Po ꞌücj jisastsja Jesús la nyüjüsün̈. Püs way la tjunuc jupj ncuwim. 41 Neꞌaj yom tjacꞌ Jairo ló. Jepa waytsja jupj judiopan* ꞌa si mulú ntꞌa. Jupj wola ꞌamá ꞌalá tjeꞌyonsa Jesús wolapꞌaꞌá. Pajal la tjemyona Jesús lo cuwis jupj wo ntꞌa. 42 Jupj jucucus nasa quelel péꞌetsja ne nin. Jairo popa pjaní waytsja jupj, año dóceya tyáꞌatsja jupj quinam. Mpes tjemey Jesús. Tjemey na, pülücj jis capj tocon̈, cus tjeletjatj. 43 Neꞌaj tjacꞌ wa quepj malala jos. Año dóceya newa ꞌos tepyálatsja, ma tjiꞌyüꞌsa. Pjü jupj tꞌemel jis tjeꞌyaya doctor witjacj, leméliyu jaylacj. Pjü ma polel ꞌyüꞌsa la tjajay jupj. 44 Jupj Jesús cjüipꞌaꞌa tjacꞌ quinam, jas quip poꞌo velan̈ po la tjeꞌyotꞌa. Len̈ way tjiꞌyüꞌsa jupj. ꞌOs tjapjaja. 45 Jesús jis la tjiꞌyüya neꞌaj lejen̈ jis lal: —¿Pjacj nin po la tjeꞌyotꞌa? Pjü tjowelepj ma nin la tjajay yupj. Pedro tjevele: —Nejepa, pülücj tantan tꞌasiyú lejen̈ jipj ntꞌa, cyapj jaletjatj. Pülücj jin po la ꞌotj. 46 Niswa tjevele Jesús: —Tꞌücꞌ way pjaní way nin po la tjeꞌyotꞌa. Pjaní tjiꞌyüꞌsa la tjejay jin najastsja napj. 47 Quepj jus nléyatsja ma polel pjoꞌna, ne tjacꞌ. Ticyücüyǘ, pajal lecj tjeyá mpes. Jupj wola ꞌamá ꞌalá tjeꞌyonsa Jesús wolapꞌaꞌá. Pjü jis walapꞌaꞌa tjevele tsjan mpes po la tjeꞌyotꞌa Jesús. Tjevele len̈ way tjiꞌyüꞌsa jupj, po la tjeꞌyotꞌa na. 48 Jesús tjevele jupj lal: —Ncucus, jipj tepyon napj polel ꞌi ꞌüꞌsa lejay, mpes ꞌi tjüꞌüꞌsa jipj. Ma nin jele tꞌas. ꞌÜsüs mim quinam jipj. 49 Newa quepj lal véletsja na, yom tjacꞌ jepa wo mpe, tjevele jepa lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 8, 9

206

—Tepeꞌe cyucus. Po ma pajal la tjemyona qjuis Jepa lal quinam. 50 Jesús nin tjapjaca na, Jairo lal tjevele: —Po ma lecj tjeyá. Mponen pꞌin napj polel cyapj pꞌyacj ne cüꞌüꞌsüs ca jupj. (Jupj seletsja jupj ca ꞌüsüs la mijis, mpes nin tjevele.) 51 Wo ntꞌa tjacꞌ na, Jesús ma jis tjeꞌyaya pjü way wama tjil, cus la con̈. Nepénowa cus tocon̈ pꞌin, Pedro pjaní way, Juan pjaní way, Jacobo pꞌa wa, tsjicj jamay pꞌa wa, popay pꞌa wa. 52 La pꞌa pülücj pajal yümücj la puyuptsja. ꞌAplijílatsja tsjicj tepeꞌe mpes. Jesús tjevele yupj jis lal: —Po ma la tupuyú. Ma tepeꞌe, tjejyá pꞌin. (Jupj seletsja jupj ca ꞌüsüs la mijis, mpes nin tjevele.) 53 Yupj tjuwiꞌin̈, la tjüpjütsꞌün Jesús. Salejeptsja tꞌücꞌ way tepeꞌe tsjiquis. 54 Jesús pjü sin tjejyama tjil yupj. Tsjicj tepeꞌá mos ntjüiꞌle, yümücj tjevele: —Tsjicj, jin tjijyünsa. 55 Mpes jupj cjües tjacꞌ niswá quinam. Len̈ way jas tjijyünsa, nyucunú tepyala. Jesús jis tjijyüꞌta lo ꞌayas lo las tsjiquis. 56 Tsjicj jamay, popay po yólatsja Jesús ꞌüsüs la tjiji mpes, mopꞌin nin Jesús jis tjijyüꞌta ma jis la veles pꞌa jis lal ninana tepyalá.

Niyom dóceya sin tjejyama Jesús, tsjiꞌ la mijicj Dios mpes. (Mateo 10.5-15; Marcos 6.7-13)

9

1 Jesús ꞌa jis tjimyula lis tjiji jupj discipulopan* dóceya. Jis tjeꞌyaya ꞌücj pjeꞌá la tsꞌi pjü lapanenpan. Jis tjeꞌyaya wa ꞌücj si ꞌüꞌsa lis mijicj malala jisas. 2 Nin la tjiji na, sin tjejyama jis la veles pülücj jis walapꞌaꞌá Dios mpes. Jis tjijyüꞌta ca nin mvelecj ꞌonin si jütüta Dios. Sin tjejyama malala jisas la ꞌüꞌsüs lis mijicj ꞌotsꞌipj. 3 Ninana Jesús tjevele yupj jis lal: “Nun nasa lowú tsjiꞌ lojí napj mpes, ma ca ntꞌa nun pꞌa jawasa nujos mpes. Po ma tjacjaj tꞌo, ꞌopopa ma tꞌo wa, ve ma tꞌo wa, tꞌemel ma tꞌo wa. Ma wa ca mátꞌeya nsem nusin quip. 4 Wa pjaní ntꞌa jaꞌayapj nu la pütꞌüs nun, janmacj jupj wo ntꞌa mpatjaqué yupj patja nepé lowú nas. 5 ”Nepénowa ma ca jisas nsem nun tjuculá. Ma ca jisas nsem nun welé napj mpes. Nenéyawa nin ca nsem pülücj patja ntꞌa. Mpes lowa yupj mpe. Lowú na, nun jis tsjam sin tjowowojó, ca palá ntüncüs pjüpjüs. Nin mpes ca sin müꞌüsüs la müjí Dios ma japon jinwá yupj quinam”, nin tjevele Jesús niyom jupj sin tjejyama jis lal. 6 Mpes tjil niyom dóceya. ꞌA mulú patja ntꞌa tjelyawun̈. Tꞌücꞌ tjowelepj na, pꞌa ntꞌa tjil lovin. Newa pülücj jis walapꞌaꞌa tjowelepj tsjan ꞌüsüs tepyala quinam Dios la tjiji mpes. Malala jisas jis tjiꞌyüꞌsa lis tjajay wa yupj.

El Nuevo Testamento en Tol de Honduras, 2da ed. ©2010, Wycliffe Bible Translators

207

7 Herodes

SAN LUCAS 9

Judiopan jis jepa ma seletsja pjacj ne Jesús. (Mateo 14.1-12; Marcos 6.14-29)

tjapjaca wa Jesús la tjiji poꞌó. Tjapjaca wa jupj apostolpan* la tjajay poꞌó. Herodes jepa waytsja Galilea ntꞌa. Pajal lapj jólatsja jupj tjapjaca mpes. Ma seletsja jupj pjacj ne Jesús. Nepénowa javeleptsja Jesús ne Juan el Bautista. Juan tepeꞌe püna pꞌin. Yupj tjowelepj Juan jas tjijyünsa, niswa pǘꞌütsja. 8 Nepénowa javeleptsja Jesús ne Elías*. Elías profeta* püné püna tüpüꞌü jupj. Nepénowa javeleptsja pꞌa profeta Jesús. Tjowelepj jupj püna tepeꞌe, jas tjijyünsa, niswa püꞌü pꞌin jupj. 9 Herodes ma tepyona yupj tjowelepj. Tjevele: “Juan tulucj jupj. Juan mwen taná tjejyocj, tjiꞌyünan jupj. ¿Pjacj niná? Jupj ne pajal ꞌüsüs liji mpes javelepj.” Herodes po quelel nyúcatsja Jesús.

Jesús pülücj jis tjeꞌyaya tjalá. (Mateo 14.13-21; Marcos 6.30-44; Juan 6.1-14)

10 Apostolpan*

tjiquil Jesús sin tjejyama mpe. Tjiquil na, Jesús lal tjowelepj tsjan la tjajay yupj. Püna pꞌin sin tjejyama tsjiꞌ la mijicj jupj mpes. Quina Jesús yupj jis lal tjemey Betsaida ntꞌa, pülücj patja ntꞌa. Yusapj tjil yupj. 11 Mopꞌin yusapj tuluctsja. Pajal pülücj jus nlay jupj tjemey, mpes jupj ntꞌa tjil yupj. Jupj ꞌücj jos la nüjüsü yupj. Tjevele wa yupj jis lal ꞌoyn nyuca jyüꞌta Dios. Malala jisas jis tjiꞌyüꞌsa lis tjiji ꞌotsꞌipj. 12 Tꞌawaná tepyala, nasa quelel tꞌyaja. Mpes Jesús apostolpan* dóceya tjiquil jupj ntꞌa, tjowelepj jupj lal: —Pjü sin tjejyama, neꞌaj ca mal jis wa nepénowa lejen̈ ntꞌa, jis wa pjaní pjaní lejen̈ ntꞌa ꞌotsꞌipj. Ca la mpalacj caꞌaj ꞌücj ca mpatjam, müjünan̈. Ve jaylacj ca la mijicj jis la las yupj. Cjuwá jis wa quiꞌá. 13 Jesús jis wala tjevele: —Nun pꞌiyá jis maꞌayá nlajacj. Niyom tjowelepj: —Pan cínquiya tyaꞌacj pꞌin, cjul mátꞌeya tyaꞌacj pꞌin. ¿Ncu jyas cupj ca nlaca ve jaylacj la mijicj pjü jis la las? 14 Niyom pajal pülücj, sey cinco mil neꞌaj tjatja ne nin. Más ꞌin pülücj waytsja ca nacj, más ꞌin laꞌ way ca nacj. Pülücj pajal. Jesús tjevele jupj discipulopan* jis lal: —Jis müjüꞌtǘ majatjum pjü. Cincuenta cincuenta ꞌa mulú ca majatjum yupj. ꞌÜcj nepénowa más ꞌin pülücj ꞌa mulú jatja, nepénowa más ꞌin laꞌ way jatja yupj —tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 9

208

15 Discipulopan*

nin la tjajay. Jis tjüjütütj pjü majatjum, mpes tjatja yupj. 16 Jesús pan cínquiya ntꞌya, ntꞌya wa cjul matꞌeyá. Tsjun poꞌo tjinyuca, tjevele Dios lal tjüwüiꞌi ve tjeꞌyaya mpes. Tꞌücꞌ tjevele na, la tjelepta taná pansas. Nin pꞌiyá cjul la tücüeme wa. Jis tjeꞌyaya discipulopan jis la ꞌayas neꞌaj tjatjá. 17 Yupj pjü way tꞌücꞌ tjalá. Pjü jis col pitꞌa tepyala yupj. Ma polel pjü tjalá yupj. Yupj ma tjalá, quiliyú moꞌo tꞌolon quinam discipulopan. Pan cínquiya jatatsja pin, cjul Quiliyú dóceya tipitꞌa pan tsjictjacj máteya jatatsja pin. (San Lucas 9.16) lal, cjul tsjictjacj lal wa.

18 Pꞌa

Pedro tjevele Dios jas tjejyama Jesús nosis ntꞌa. (Mateo 16.13-19; Marcos 8.27-29)

jyawca na, Jesús jusapj Dios lal tjevele. Discipulopan* neꞌaj pꞌin tjatja jupj ntꞌa, ne jupj jis la tjiꞌyüya: —¿Pjacj ne napj jin javelepj gentas? 19 Yupj jupj wola tjowelepj: —Nepénowa javelepj jipj Juan el Bautista pꞌiyá. Nepénowa javelepj jipj Elías*, püna tüpüꞌü pꞌiyá. Pꞌa wa javelepj profeta* pꞌa wa jipj. Püna ꞌi tipüꞌí, jin tjijyünsün, niswa pütꞌ, nin javelepj gentas. 20 Jesús nin pꞌiyá la tjiꞌyüya discipulopan* jilal: —Ne nun ¿pjacj ne napj jin nujola nun? Pedro wola tjevele: —Cristo jipj. Jipj ne Jepa Püné Dios tjevele ca jas majamas qjuis capj la pꞌacj. Jipj mpes ca ꞌüsüs mpatjaquecj Dios lal. 21 Jesús pajal jis tjijyüꞌta ma ca nin mvelecj pꞌa lal. 22 Tjevele: —Napj pꞌiyá niná Yomen Dios jas tjejyamá. Dios jos pajal malala ca ma palas napj quinam. Coꞌmüypan* ma ca jisas nsem napj. Nin pꞌiyá sacerdote* noypan. Nin pꞌiyá Moisés* popel sin ꞌyüsa lajay. Ma ca jisas napj yupj. La pꞌa ca ma ꞌüꞌnacj. Ntjüꞌünan tyan, tsꞌacꞌ contꞌe naya ca nin müjünsǘ. Ca mpüꞌüs niswá. 23 Jesús tjevele wa pjü jupj discipulopan* jis lal: —Nun popa quelel ncapj cyon̈ca, ma ca nin la mijis jupj jos jinwá. Nin ca la mijis napj lejay jinwá. Napj cruz* poꞌó ca ma patsꞌ. Malala ca mpalas wa jupj, ncapj cyon̈ca mpes. Jupj ca jas müꞌüsüs napj mpes. Pjü jyawca ca jola nsem ꞌücj nsem jupj lal malala pyala jupj lal, ncapj cyon̈ca mpes.

El Nuevo Testamento en Tol de Honduras, 2da ed. ©2010, Wycliffe Bible Translators

209

SAN LUCAS 9

24 Nepénowa

ca quelel jis capj mpꞌaꞌsacj yupj pꞌiyá. Ma ca jisas malala se palá, mpes ca mvelecj napj lal japon tulucj. Yupj ma ca mpatjam Dios lal. Nepénowa ncaꞌlin̈ napj lal japon mpes. Más ꞌüsüs ca jis mpalas yupj la pꞌa jis lal. Yupj lovin ca mpatjam Dios lal. 25 Nepénowa pülücj jatatj nosis ntꞌa, mopꞌin ma polel patja Dios lal. Pjü way jatatj nosis ntꞌa ca nacj. Newa ꞌüsüs tulucj pjü niná, yupj ma polel patja mpes. 26 ”Napj pꞌiyá niná Yomen Dios jas tjejyamá. Nun nu tjemaycas napj mpes, ne mayca wa ca nsem napj nun mpes, niswa tjacuwis na. Nun nu tjemaycas napj velé mpes, ne mayca wa ca nsem napj nun mpes, niswa tjacuwis na. Niswa cuwis na, pjü ca nucucj pajal püné way napj, Mpapay jinwá. Ncuwis Dios angelpan* jis lal. 27 Nepénowa nun popa ca nucú Dios ca müjüꞌtüs nosis ntꞌa. Custjay ma tacaꞌliqué na pꞌin, nun ca nucú niná. Tꞌücꞌ niná —tjevele Jesús.

28 Tsꞌacꞌ

Jesús jas jaw tepyala Dios mpes. (Mateo 17.1-8; Marcos 9.2-8)

ocho tjejyawca na, más ꞌin pülücj ca nacj, más ꞌin laꞌ way ca nacj, jocꞌ moꞌo tjemey Jesús la veles Dios lal. Pedro lal tjemey, Juan lal tjemey wa, Jacobo lal tjemey wa. 29 Jesús Dios lal véletsja na, jupj wola pꞌa casá justa tepyala. Jas quip pje tepyala, tjejyawca, menmené jinwá. 30 Len̈ way niyom mátꞌeya lay jis tepyala, Moisés* pjaní way, Elías* maꞌajapj, püna tapatja yupj. 31 Jisas jaw yustapj lay jis tepyala yupj, Dios püꞌü ntꞌa yustapj jinwá. Jesús lal tjowelepj. Tjowelepj ꞌonin ca mpaꞌis jupj Jerusalén ntꞌa. Dios jostsja ca nin mpalas ne quina ca nsem, tjowelepj yupj. 32 Pedro po ja vyatsja. Nin pꞌiyá niyom pꞌa wa. Tjijinan̈ yupj. Jis tsyülümǘ na, tjunuc Jesús po ꞌüsüs jas jaw jústatsja. Tjunuc wa niyom mátꞌeya neꞌaj lejen̈tsja jupj lal. 33 Locopyaya niyom mátꞌeya quelel jiltsja Jesús nepé. Jiltsja na, Pedro Jesús lal tjevele: —Nejepa, po ꞌüsüs quiꞌá jyatjaquecj. Tsꞌepjel cóntꞌeya ca sin müjünsüm cupj. Pjaní way jipj mpes ca nsem, pjaní wa Moisés* mpes ca nsem, pjaní wa Elías* mpes ca nsem. Pedro molo tjevele jupj. 34 Nin véletsja na, mol lay tepyala, palá tjacꞌ yupj jis capá ntꞌa. Mol tꞌasiyú ton̈ca, mpes discipulopan* pajal lacj tjeyapj. 35 Mol nepé vele pjactsja. Tjevele: “Niná napj Natjam. Napj la tꞌya jupj. Tjapjaꞌaqué jupj velá.” 36 Tꞌücꞌ tjevele na, Jesús jusapj ton̈ca tjunuc yupj. Nin tepyala na, discipulopan ma tjowelepj la pꞌa jis lal yupj tjunuc jocꞌ moꞌó. Yuwá pꞌin tjowelepj niná.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 9

37 Yaya

210 Jesús más püné lapanenpan jis lal. (Mateo 17.14-21; Marcos 9.14-29)

jocꞌ mpe palavin tjiquil. Palavin tjiquil na, pajal pülücj Jesús ntꞌa tjiquil la nyüjüsün̈. 38 Yom pjaní yupj sin popa yümücj tjevele: —Po najas jipj ca cus mpꞌaꞌsan natjam. Napj mpopa pjaní way jupj. Jusapj way jupj. 39 Lapanen tjüiꞌle jupj neneyawá. Ntjüiꞌle na, len̈ way li piyú natjam. Jun jyuꞌya, pajal cyücüyǘ wa, mpes lampe pꞌyoya. Lapanen malala liji jupj lovin. Ma quelel jama jupj. 40 Napj la tjemyon jipj discipulopan* jis lal yupj ca pjeꞌá la ntsꞌiyacj lapanen. Ma polel nin lajaytsja yupj. 41 Jesús jis wala tjevele: —Nun ma poné napj lal. Malala nujola pajal. Pajal püs li nuc nun ca mponé napj lal. Püs way tüpüꞌüs nun lal quinam. Tjevele wa yom lal: —Jetjam lal ncuwim napj ntꞌa. 42 Yom jatjam jactsja na, lapanen palá la tsꞌiya jupj. Jun jyuꞌya, cyücüyǘ la tjiji. Jesús cus tjeveꞌle lapanen. Tjiꞌyüꞌsa la tjiji yom jatjam, niswa tjeꞌyaya popay. 43 Pjü neꞌaj po yólatsja pajal ꞌüsüs la tjiji Jesús. Pajal püné Dios, yólatsja yupj. Newa nin yólatsja, Jesús pjü way ꞌüsüs la tjiji mpes. Mopꞌin nin, jupj tjevele jupj discipulopan* jilal: 44 —Nusin tjüꞌüsüs niná napj ca mvelé. Napj pꞌiyá niná Yomen Dios jas tjejyamá. Dios ca maꞌayas niyom ca malala la ma jicj yupj jisas jinwá. 45 Yupj ma sin tjiꞌyüsa jupj tjevelá. Dios ma jis tjeꞌyaya sin tjiꞌyüsa, mpes nin. Yupj lacj tjeyapj mpes ma quelel la ꞌüytsja jupj tsjan mpes nin tjevele.

Jesús tjevele pjacj más püné nsem. (Mateo 18.1-5; Marcos 9.33-37)

46 Discipulopan*

pajal nin yólatsja cana yupj popé más püné nsem. jus nléyatsja nin yólatsja yupj, mpes tsjicj way tecyumaná, tꞌempe way tjijyünsa. 48 Tjevele yupj jis lal: —Najas nun ma nujola noypan nun pꞌiyá. Najas ꞌüsüs lojí la pꞌa jis lal napj mpes. ꞌÜsüs lojí na tsjicj niná lal, tꞌücꞌ way ꞌüsüs lojí wa napj lal. ꞌÜsüs lojí na napj lal, tꞌücꞌ way ꞌüsüs lojí wa Dios lal, jupj ne nin tjejyama quiꞌá. Nin mpes velé nun popé más ꞌin tsjicj way jin jola jupj pꞌiyá pjü way jis lal, más püné way jupj pꞌa lal —nin tjevele Jesús.

47 Jesús

El Nuevo Testamento en Tol de Honduras, 2da ed. ©2010, Wycliffe Bible Translators

211

SAN LUCAS 9

Dios mpes tsjiꞌ lajay, pjü Dios tsꞌuyupj jis lal tsjiꞌ lajay. (Marcos 9.38-40)

49 Juan

tjevele Jesús lal: —Nejepa, jus tjinyucucj yom pꞌa wa lapanenpan pjeꞌá li tsꞌiyatsja jupj. Jipj lyá tjevele mpes lapanenpan pjeꞌá la tsꞌiya. Tjevelecj jupj lal ma nin ca la mijis jupj, ma ncuwa popa ne. 50 Jesús tjevele jupj lal: —Po ma müjüꞌtǘ jupj ma ca nin la mijis. Jupj pꞌa casá jola nun lal tulucj, nucopj pꞌyaꞌsa pꞌin jupj —nin tjevele Jesús.

51 Len̈

Jesús ma tsꞌi tjiꞌina Samaria moꞌo tapatja jis lal.

way Dios quelel myánatsja Jesús tsjun poꞌó jupj püꞌü ntꞌa. Püna pꞌin Dios tjevele ꞌona ca mpalas. Mpes Jesús po quelel jámatsja Jerusalén ntꞌa. Jostsja ca Dios jos jin mpalas. 52 Jesús mwalá sin tjejyama niyom nepenowá Samaria* ntꞌa, pülücj patja ntꞌa. Quelel ꞌücj lajaytsja neꞌaj way mpüꞌüm, majas Jesús jupj discipulopan* jis lal. 53 Ma polel nin la tjajay yupj. Samaria moꞌo tapatja ma jisastsja neꞌaj ncuwim Jesús, Jerusalén ntꞌa quelel jámatsja mpes. (Samaria moꞌo patja ma jisas Jerusalén moꞌo patjá.) 54 Jesús discipulopan matꞌeyá, Jacobo pjaní way, Juan pꞌa wa, jus nlay yupj ma jisastsja Jesús ncuwim, mpes yupj tjowelepj Jesús lal: —Qjuis Jepa ¿ncu jyas ncupj jyüꞌtücj ꞌawa palá nyacas tsjun nepé, jis müꞌümüs yupj pjü? 55 Nin tjowelepj mpes Jesús la nujuya, yus tjinyuca, jis capj tjeveꞌle. Malálatsja jupj lal nin la mijicj yupj. Tjevele: —Nun ma solejé pajal malala welé, niná welé na. 56 Napj niná Yomen Dios jas tjejyamá. Napj tjacuwis jis capj la pꞌacj nosis casá patjá, ca yupj mpatjam Dios lal. Ma najas malala se palá ne ca ma mpatjam Dios lal —nin tjevele Jesús. Nin tjevele na, pꞌa ntꞌa pülücj patja ntꞌa tjil yupj.

57 Jümücj

Jesús tjevele ꞌoyn nyuca ꞌücj sa con̈ jupj. (Mateo 8.19-22)

casá jiltsja na, yom pjaní tjevele Jesús lal: —Napj ca cyapj ncon̈ jun taꞌá jipj quelel jay ntꞌa. 58 Jesús tjevele costa way cus la con̈ jupj. Tjevele: —Gato selván yupj jis jomwen jul jinan̈, tsipyaya yupj jis tsintsil lajay. Nin tulucj napj lal; napj nawá ꞌa cjuwá. Napj pꞌiyá niná Yomen Dios jas tjejyamá.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 9, 10

212

59 Jesús

tjevele yom pꞌa wa lal: —Ncapj tecyon̈ca. Yom niná tjevele: —Ntjeꞌaya la nuc mpaꞌis mpapay pꞌin. Tepeꞌe na ca cyapj ncon̈. 60 Jesús tjevele ma polel la nuc jupj cus la con̈. Tjevele: —La pꞌa wa ꞌücj ꞌamá jis la toc jis pülücj tepeꞌe na. Yupj pꞌiyá tecyaꞌlin̈ jinwá, yupj ma japon Dios lal. Jipj ca mim, mvelen pjü jis walapꞌaꞌá Dios mpes. Ca mvelen Dios ca yupj jis Jepa nsem quinam. 61 Yom pꞌa wa Jesús lal tjevele: —Nejepa jipj. Cyapj ncon̈ pꞌa jawas. Ntjeꞌaya mis mvelé jum wa nepé mwalá way pꞌin. 62 Jesús tjevele jupj lal: —Püna la tjejay po jyas custjay, jipj ma polel lejay Dios ꞌi jütütá. Nin pꞌiyá jipj le tsꞌec na ma cjüipe nyuc jipj. Cjüipe nyuc, jipj ma polel ꞌüsüs tsjiꞌ lejay.

10

Jesús niyom setenta sin tjejyama tsjiꞌ la mijicj Dios mpes.

1 Locopyaya qjuis Jepa Jesucristo niyom pꞌa wa lis tꞌya, tsjiꞌ la mijicj Dios mpes. Setenta lis tꞌya jupj. Mwalá sin tjejyama yupj jupj quelel jámatsja ntꞌa. Matꞌe matꞌe sin tjejyama. Pülücj patja ntꞌa sin tjejyama. Pjaní pjaní patja ntꞌa sin tjejyama wa. Jun taꞌá jupj quelel jámatsja ntꞌa sin tjejyama jupj. 2 Niyom setenta jis lal tjevele: “Pülücj ꞌücj ca cus ncon̈cocj Dios, quina ma sa con̈ jupj custjay. Pülücj velan̈ jinwá yupj. Namozopan po pjaní way. Costa way pjü jilal la cuwis yupj. La moná Dios lal mozopan más pülücj ca sin majamas, más pülücj jilal ncul Dios ntꞌa. 3 ”Lowa quinam. Nusin tjiꞌyüsa: napj pꞌiyá nusin jyam malala witjacj ntꞌa. Napj selé nun ma polel nucopj pꞌoꞌsá nun pꞌiyá. Oveja* tsjictjacj jinwá nun. Coyote jinwá tsꞌa ꞌin yupj. 4 Lowú na, po ma tꞌemel tꞌo nun. Po ma ve tꞌo nun. ꞌÜcj jis la tꞌas caitas, mopꞌin caite pꞌa wa ma ca ntꞌa. Nujola tꞌas Dios mpes tsjiꞌ lojí. Po ma nu tyantaná nu la lapaná. 5 ”Wo pjaní wama lowú na, lovin mwalá way mvelé: ‘Dios pajal ꞌüsüs la siji wosis niná ntꞌa patja jilal, ne yupj ma ca malala nyuca yola ncu ca malala mpalas’. 6 Ca nacj wa ntꞌa püꞌü quelel ꞌüsüs püꞌü Dios lal, mpes jupj ca ꞌüsüs mpüꞌüm nun nin tjowelé mpes. Jupj ma quelel ꞌüsüs püꞌü Dios lal, ma ca nin cüpalas nun tjowelé. Nun pꞌin ca ꞌüsüs mpatjaqué custjay. Ma ca malala nyuca nujola nun pjü mpes. 7 Nun mwalá tjüjünaqué ntꞌa newa müjünaqué. Tjalajá, müsiqué wa

El Nuevo Testamento en Tol de Honduras, 2da ed. ©2010, Wycliffe Bible Translators

213

SAN LUCAS 10

yupj nu jaꞌayapj. Pjaní tsjiꞌ liji na pꞌa wa mpes, pꞌa wa ca maꞌayas jupj, tsjiꞌ la tjiji jaylacj. Nun tsjiꞌ lojí napj mpes. Nin mpes ꞌücj nu jaꞌayapj yupj. Po ma wosis wosis nlawú la moná müjünaqué neꞌaj. Po ma pꞌa la tjomoná, nasa toꞌá quinam ꞌücj jünaque ntꞌa. 8 ”Ca nacj pülücj patja ntꞌa lowú na, yupj ca jisas tjuculá, ca jisas ca nacj nun welé yupj jis lal Dios poꞌó. Nin tepyala na, lovin tjalajá yupj nu jaꞌayapj. 9 Neꞌaj way ninana ca la müjí Dios mpes tsjiꞌ lojí mpes. Malala jisas jis tjüꞌüꞌsüs lis tjüjí. Neꞌaj patja jis lal tjowelé: ‘Dios jyüꞌta. Quelel jyüꞌta quinam nun ntꞌa.’ 10 Nenéyawa pülücj patja ntꞌa tjalawú na, yupj ma ca jisas nsem nun tjuculá, ma ca jisas nsem nun welé yupj jis lal Dios poꞌó. Nin tepyala na, jis wa nepé jümücj campalanya lowa. Tjowelé: 11 ‘ꞌÜpjǘ qjuis tsjom püꞌü nun potjaqué popé se wowojocj. Nun ma jisastsja cupj tjevelecj Dios mpes, ne nin la tjijicj. Nusin tjiꞌyüsa niná: Dios jyüꞌta. Quelel nu jyǘꞌtatsja wa nun, nin pꞌin ma nujostsja.’ Nin ca mvelé nun. 12 ”Yupj neꞌaj patja ma jisastsja nun tjowelé Dios mpes, Dios pajal ca jis capj ntülüs pꞌa jawas, malala lajay jis capj tyüla na. Nin liji na, más malala nsem yupj jis lal Sodoma moꞌo tapatja jis lal. Tꞌücꞌ niná”, nin tjevele Jesús. 13 Tjevele wa pülücj patja nepénowa mpes: “Malala ca nu mpalas, Corazín moꞌo potjaqué. Malala wa ca nu mpalas nun, Betsaida moꞌo potjaqué. Pajal nola nun mpes. Napj namozopan pajal ꞌüsüs la tjajay nun ntꞌa, gente pꞌin ma polel lajay jinwá. Nun nujola Tiro moꞌo patja pajal malala. Sidón moꞌo patja pajal malala, nujola nun. Nun pꞌin malala. Napj namozopan pajal ꞌüsüs la cüjaytsja yupj ntꞌa, nun ntꞌa la tjajay jinwá, yupj püna ca ꞌaplijila cüpalastsja malala la tjajay mpes. Nasa ca sin ꞌücüipaptsja pülül si tsutsca, nasa ꞌüpjǘ sin ꞌücjololtsja wa ꞌaplijila mpes. Yupj nasa quelel la cüjaytsja Dios. 14 Dios pajal ca nucopj ntülüs pꞌa jawas, malala lajay jis capj tyüla na. Nin liji na, más malala nu mpalas Tiro moꞌo patja jis lal. Más malala nu mpalas Sidón moꞌo patja jis lal. 15 Nin pꞌiyá velé wa Capernaum ntꞌa patja jis lal. Nun ma ca nlawú Dios püꞌü ntꞌa. Tecyaꞌlin̈ patja ntꞌa ca nlawú”, nin tjevele Jesús pülücj patja nepénowa mpes. 16 Tjevele wa jupj sin tjejyama jis lal: “Nun napj mpes welé. Mpes pjyacan̈ na nun welé, pjyacan̈ wa napj velé. Ma jisas nun, ma wa jisas napj. Ma jisas napj, ma wa jisas Dios. Jupj nin tjejyama”, nin tjevele Jesús.

17 Tjil

Niyom setenta niswa tjiquil.

niyom setenta, Jesús sin tjejyama mpes. Niswá tjiquil na, po ꞌücj jisastsja yupj. Tjowelepj: El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 10

214

—Qjuis Jepa, pajal ꞌüsüs qjuis tepyala tjeleque na. Jipj lyá velecj na, ꞌüsüs polel lijicj. ꞌÜcj pjeꞌá li tsꞌiyacj lapanenpan jipj lyá velecj na. 18 Jesús yupj jis lal tjevele: —Satanás* jepa jupj lapanenpan jis lal. Nun tsjiꞌ la tjüjí na napj mpes, napj tjinyuc Satanás palá tjeyaca tsjun nepé. Menmené jinwá palá tjeyaca. Püné waytsja püná. Malala tepyala jupj quinam. 19 Tꞌücꞌ way napj la tjejay más püné way nun diablo* lal. Qjuis enemigo way jupj. Diablo latsj jinwá jupj, tsjev jinwá jupj. Quelel malala la siji gentas. Mopꞌin püné tulucj jupj nun jis lal. Napj la tjejay nun ꞌücj malala lojí diablo, latsj jay jotsjá jinwá. Diablo polel malala liji, newa ma ca nin nujola tꞌas. Napj la tjejay nun ꞌücj jüꞌtǘ ma nin la mijis jupj. Jupj ma polel malala la numijis. 20 Nun polel pjeꞌá lo tsꞌiyá lapanenpan, mopꞌin nin, ma nin mpes ꞌücj nujisas tꞌas. Nun lovin ca mpatjaqué Dios lal. Nin mpes Dios nun jis lá tepyaca tsjun poꞌó. Nin tepyala mpes ꞌücj nujisas tꞌas nun —nin tjevele Jesús.

21 Nin

ꞌÜcj jostsja Jesús jupj Popay lal. (Mateo 11.25-27; 13.16-17)

tjevele na, Jesús pajal ꞌücj jos tepyala Dios Cjües la tjiji mpes. Jesús tjevele Dios lal: “Mpapay, Jepa pajal püné way jipj tsjun poꞌó, nosis casá nin wa. Nepénowa pajal pülücj salejepj jin yola. Pajal sin ꞌyüsa jin yola. Niná sin ꞌyüsa tulucj. Jipj ma jis tjeꞌyan sin tjiꞌyüsa niná jipj lejay. La pꞌa wa tsjictjacj jinwá. Yusapj ma sin ꞌyüsa. Jipj sin tjiꞌyüsa lis tjejay la pꞌin, mpes nin salejepj niná jipj lejay. Jipj pajal ꞌüsüs. Jipj jyastsja mpes nin quinam. ꞌÜctsja jipj lal”, nin tjevele Jesús jupj Popay Dios lal. 22 Jupj tjevele wa: “Mpapay pjü way ntjeꞌaya. Len̈ pjacj ca jus cülayes pjacj ne napj. Ma salejepj napj ne Dios Jatjam. Mpapay pꞌin selé. Len̈ pjacj ca jus cülayes pjacj ne napj Mpapay. Napj pꞌin selé. Napj quelel sin ꞌyüsa lejay nepenowá. Yupj pꞌin salejepj pjacj ne napj Mpapay”, nin tjevele Jesús. 23 Nin tjevele na, jupj taná tjinyuca, tjevele wa jupj discipulopan* jis lal: “Nun nucú quinam, niná püna tjowelepj ca nin mpalas. Dios pajal ꞌüsüs la tjiji nun mpes nun nucú jupj lijá quinam. 24 Tꞌücꞌ way profetapan* pülücj püna tapatjá, po quelel januctsja nun nucú, lovin ma tjunuc yupj niná. Po quelel pjyacan̈tsja nun pjoꞌoqué, lovin ma tjepjyacan̈ yupj niná. Nin pꞌiyatsja jepa noypan pülücj jis lal.” Nin tjevele Jesús niyom setenta jis lal, yupj niswa tjiquil na.

El Nuevo Testamento en Tol de Honduras, 2da ed. ©2010, Wycliffe Bible Translators

215

SAN LUCAS 10

Dios jos ꞌüsüs lijicj pjü jis lal.

25 Yom

pjaní neꞌaj ton̈ca, jupj seletsja Moisés* popel. Quelel la ꞌyǘyatsja jupj Jesús lal, mpes ca jus nlayes ncu tꞌücꞌ vele Jesús Dios mpes. Yom tjevele Jesús lal: —¿Tsjan más ꞌücj la mejay napj ne Dios la mijis ꞌücj mpüꞌüs lovin jupj lal? 26 Jesús jupj wola tjevele: —¿Tsjan tepyaca Moisés* püná, Dios qjuis tjijyüꞌtá? ¿Tsjan moꞌo velen jipj Dios Popel moꞌó? 27 Yom Jesús wola tjevele: —Dios Popel vele jipj ‘pajal ca quelel la mijin Dios, jipj Jepa Püné. Pajal ca tsjiꞌ la mijin jupj mpes lovin. Ca jupj jos jin la mijin. Lovin ca jele mpalas jupj pajal ꞌüsüs. Jupj Popel vele wa jipj ca quelel lis mijin neꞌaj patjá. Jipj pꞌiyá quelel la ꞌejay jinwá ca quelel lis mijin yupj’ —nin tjevele yom niná Jesús lal. 28 Jesús tjevele jupj lal: —Tꞌücꞌ tjevelen jipj. Lovin nin la cüjay, ꞌüsüs ca mpüꞌüm lovin Dios lal. 29 Yom niná jostsja la pꞌa ca yola nsem jupj ꞌüsüs la tjiꞌyüya, mpes tjevele wa Jesús lal: —Dios jos napj quelel lejay neꞌaj patjá. ¿Pjacj neꞌaj püꞌü napj lal? 30 Jupj nin la tjiꞌyüya mpes, Jesús jas tjiꞌyüsa la tjiji más ꞌücj pjü way jupj wo jin popa jola tꞌas. Más ꞌücj quelel la siji pjü. Ninana Jesús tjevelá: —Yom israelpan* popa palavin tjemey Jericó ntꞌa. Jerusalén mpe tjemey jupj. Jümücj ntꞌa pwecapan ntjiꞌlin̈ jupj. Pjü tepequen̈ jupj tyaꞌatsjé, tjatꞌ wa jas quip, jas pjütpjütꞌ tepyala. Moꞌo süp jupj, ne tjil yupj. Nasa way peꞌe naya, tjil yupj. 31 Yacjaya nepé tjacꞌ wa yom pjaní, sacerdote*. Israelpan popa watsja jupj. Neꞌaj way quelel jámatsja jupj la pꞌin. Yom pajal moꞌo ꞌüsüp tjinyuca na, campapj way tjemey jümücj ntꞌa, tjemey. 32 Locopyaya, pꞌa wa tjacꞌ, yom levita*. Israelpan popa watsja jupj. Nenéyawa Dios wo* ntꞌa tsjiꞌ la tjiji. Jus tjinyuca wa yom pajal moꞌo ꞌüsüp, ne campapj way tjemey wa jümücj ntꞌa. 33 Locopyaya pꞌa wa nepé tjacꞌ, yom Samaria* mpe ꞌesepj jupj, israelpan jis enemigo. Yom pajal moꞌo ꞌüsüp ntꞌa tjacꞌ jupj. Po jólatsja malala tepyala mpes. 34 Yom moꞌo ꞌüsüp ntꞌa tjemey. ꞌAtꞌanca moꞌo tsꞌyuca aceite*, vino ꞌotsꞌipj, leméliyu mpes. ꞌAtꞌanca ntꞌa tsyuꞌpa jupj. Soysoy casá tjeꞌyonsa. Wa jinan̈ ntꞌa tjemyana jupj, tjejyama jupj. 35 Ya quelel jámatsja jupj,

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 10, 11

216

yom Samaria mpe ꞌesepj. Mpes tꞌemel cꞌa mátꞌeya tjeꞌyaya yomen wa jutsꞌaꞌá. Pülücj jaylactsja yupj jis lal tꞌemel cꞌa. Tjeꞌyaya na, tjevele: ‘ꞌIn tjejyama jupj. Más pülücj jaylacj pyala jupj jyaman, jaylacj ca la mejay napj, niswa tjacuwis na’ —nin tjevele jupj. Jesús tꞌücꞌ tjevele quinam niná tepyala mpes. 36 Jupj tjevele yom Moisés* popel seletsja lal: —Niyom cóntꞌeya sin popé ¿cana quelel la tjiji yomen niná pwecapan ntjiꞌlin̈? ¿Cana quelel la tjiji jupj, neꞌaj way püꞌü jinwá? ¿ꞌOyn jele jipj? 37 Yom tjevele: —Yom cus tjepꞌyaꞌsa, niná quelel la tjiji jupj. Jesús tjevele: —Nin pꞌiyá la mijin jipj. Quelel lis mijin pjü, jipj enemigopan ꞌotsꞌipj.

38 Jesús

Más ꞌücj la pjac Jesús velá.

newa jámatsja discipulopan* jis lal. Pülücj patja ntꞌa tjemey jupj. Neꞌaj quepj jostsja Jesús ncuwim jupj wo ntꞌa sin müꞌüsüs lis mijis Dios mpes. Marta lotsja jupj, quepan. 39 Jupj tꞌolapj María lotsja. María Jesús jun ꞌasaꞌá tjáꞌasa, tjapjaca qjuis Jepa Jesús jas tjiꞌyüsa la tjiji. 40 Marta ma nin la tjiji. Pajal pülücj líjitsja jupj. Ma polel pjü la qjuijis. Mpes tjemey Jesús ntꞌa, tjevele: —Nejepa ¿ncu ma jele ntꞌalapj ma tsjiꞌ liji napj lal? Tjijyüꞌta ca ncapj mpꞌaꞌsas jupj. 41 Qjuis Jepa Jesucristo tjevele jupj lal: —Marta, pajal nin jele jipj, ꞌaplijila jipj pülücj lejay mpes. 42 Más ꞌücj pjaní ninam lejay. Tjapjaca napj velé, jin tjüꞌüsüs ꞌonin ne Dios jipj Jepa nsem. Jipj pyülücj niná nin liji. Más ꞌücj jupj lal si ꞌüsǘ Dios vele jin, tsjiꞌ liji lal. Jupj jas tjiꞌyüsa ma polel lo taꞌes pꞌampa.

11

1 Pꞌa

Jesús sin ꞌyüsa lis tjiji la veles Dios lal. (Mateo 6.9-15; 7.7-11)

jyawca na, Jesús Dios lal véletsja. Tecyawaja tjevele na, jupj discípulo* pjaní tjevele jupj lal: —Qjuis Jepa, qjuisin müꞌüsüs la mijin la veles Dios lal. Juan el Bautista sin tjiꞌyüsa lis tjiji jupj discipulopan* la veles Dios lal. Qjuisas wa qjuisin ꞌyüsa la mijin wa ncupj. 2 Jesús tjevele yupj jis lal: —Dios lal welé na, nin pꞌiyá ca mvelé: ‘Qjuis Papay, tsjun poꞌo pütꞌ.

El Nuevo Testamento en Tol de Honduras, 2da ed. ©2010, Wycliffe Bible Translators

217

SAN LUCAS 11

Po qjuisas pjü ca mvelecj jipj pajal ꞌüsüs. Jipj pꞌin ꞌüsüs pjü jis lal. Qjuisas len̈ way Jepa nsem jipj pjü jis lal. 3 Qjuisas wa qjuesé ꞌan qjuis la las pjü jyawca na. 4 Malala nyuca la tjijicj, qjuisas perdonar la qjuesejay. La pꞌa malala la qjuisiji na, lovin perdonar lijicj jupj malala la qjuis tjiji. Qjuis capj tjepꞌyaꞌsa wa cupj ma ca quelel malala nyuca la mijicj’ —nin tjevele ca nin mvelecj Dios lal. 5 Jesús sin ꞌyüsa lis tjiji wa Dios quelel ꞌyaya jupj tsꞌuyupj la mon. Tjevele: —Ca nacj nun popa pjaní ca mim püste moꞌoya jupj jomica ntꞌa. Ca mveles jomica lal: ‘Najamica, pan contꞌe ma ꞌen. 6 Najamica pꞌa wa campa nepé tjacꞌ quinam. Cjuwá napj tsjan cüꞌayá, cülajas jupj.’ 7 ”Ca nacj jupj jomica ca mveles wa nepé: ‘Po ma la tjemyona quinam. Jun tꞌyolon jun vilicj quinam. Napj ntsꞌuyupj napj lal patja ncjan ntꞌa. Ma polel nin jyünsǘ la ꞌayas jipj.’ 8 Ca nacj jomica quelel liji mpes ꞌyaya tulucj. Jupj jomica newa le moná mpes pꞌin ca maꞌayas jupj. Nin mpes jupj ca jas müjünsüs, maꞌayas jupj. Pjü jos ca maꞌayas. 9 Mpes nin velé nun jis lal, newa la moná Dios lal nun, ne jupj ca nu maꞌayas nun la tjomoná. Ma len̈ way nu ꞌyaya, newa la moná, ne jupj ca nu maꞌayas nun la tjomoná. Nujisas Dios nucopj mpꞌaꞌsas, newa la moná niná Dios lal. Newa lo moná na, jupj ca nin la mijis. 10 Nun lo moná Dios lal, nin ca ntꞌanqué. Nun lovin pꞌin lo moná, jupj ca nu maꞌayas. Nun newa lo moná Dios nucopj mpꞌaꞌsas, jupj ca nin la mijis nun mpes. 11 ”Nun ca jus nlayé niná. Nun popa pjaní jatjam tsjicj ve le moná na, ma ca pe maꞌayas jupj. Cjul le moná na, ma ca maꞌayas lotsjim. 12 Pejey le moná na, ma ca tsjev maꞌayas. 13 Nunpan malalapan, mopꞌin solejé ꞌoyn nyuca ꞌüsüs jis maꞌayá nun sin popa tsjictjacj. Nun jis Papay tsjun poꞌó, ꞌüsüs way jupj, malala tulucj. Nin mpes nun ca jus nlayé jupj ca nu maꞌayas jupj Cjües, nun lo moná na —nin tjevele Jesús jupj discipulopan* jis lal.

14 Jesús

Dios mpes pꞌin ꞌüsüs liji Jesucristo. (Mateo 12.22-30; Marcos 3.20-27)

pjeꞌá la tsꞌiya lapanen yom jos mpe. Yom jos moꞌo tüpüꞌü na, yom ma polel vele la tjiji. Lapanen pjeꞌá tjemey na, yom ꞌücj El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 11

218

vele tepyala niswá. Pülücj tjunuc niná tepyalá. Yólatsja pajal ꞌüsüs Jesús nin la tjiji. 15 Nepénowa pꞌin malala tjowelepj: “Beelzebú se pꞌaꞌsa Jesús, mpes ꞌücj pjeꞌá li tsꞌiyá lapanenpan. Beelzebú jepa püné lapanenpan jis lal.” 16 Pꞌa witjacj quelel salejeptsja ncu tꞌücꞌ way Dios mpe tjacꞌ Jesús. Ma topon yupj. Mpes jisastsja Jesús ca pajal ꞌüsüs la mijis gente pꞌin ma polel lajay jinwá. Nin mpes quelel sin müꞌüsüstsja ncu Dios jas tjejyama. 17 Jesús seletsja niná yólatsja yupj. Mpes jupj sin tjiꞌyüsa lis tjiji Dios mpes pꞌin pajal ꞌüsüs la tjiji. Jupj tjevele yupj jis lal: “Yuwá nyucunun̈ jepa pjaní si jütüta ntꞌa, neꞌaj malala ca mpalas pajal. Nin pꞌiyá wa pjaní ntꞌa. Yuwá nyucunun̈, ma polel ꞌüsüs patja yupj. Malala ca jis mpalas. 18 Nin pꞌiyá Satanás* lal. Jupj nucunú waytsja jupj mpes pꞌiyá, jupj enemigopan ꞌücj ca malala la qjuijicj jupj. Nun welé Beelzebú ncapj pꞌyaꞌsa, ne nin mpes ꞌücj pjeꞌá lis tsꞌi lapanenpan. Ma quelel nin la qjuijis jupj. 19 Mopꞌin nin welé nun. Nun welé Beelzebú ncapj pꞌyaꞌsa. Nun welé nin mpes ꞌücj pjeꞌá li tsꞌi lapanenpan. Nin tulucj. Nun popa nepenowá pjeꞌá la tsꞌi wa lapanenpan. ¿Pjacj jis capj pꞌyaꞌsa yupj? Yupj pꞌiyá ca mvelecj malala welé nun pajal. 20 Dios ncapj pꞌyaꞌsa. Nin mpes ꞌücj jyütütj pjeꞌá jil lapanenpan. Jupj ncapj pꞌyaꞌsa, nun ꞌücj ca nusin la ꞌüsüs Dios quelel Jepa jáꞌasa quinam nun ntꞌa. 21 ”Diablo* yom jas tjiyocj jinwá jupj. Jupj tyaꞌa tsjan mpes ꞌücj lo palan. Pajal moꞌo li nucuna ncu jiquil enemigopan. Nin liji, jupj jutsꞌaꞌá ꞌücj jatja. Pꞌa wa ma polel lo cuwis la taꞌes jupj jutsꞌaꞌam. 22 Nin pꞌin, napj más nin tjiyocj jupj lal, más ꞌücj le palan napj jupj lal. Tꞌeꞌé napj jupj tyaꞌá tsjan mpes ꞌücj lo palan, tꞌeꞌé wa jupj jutsꞌaꞌá. Se ꞌa niyom napj lal tjiquil. Niná napj lejay diablo lal. 23 ”Nun ca nujola cüpalas diablo* ncapj pꞌyaꞌsa tulucj. Jupj ma jos napj lejay, mpes napj neꞌenemigo jupj. Jupj ma gente cyuna Dios ntꞌa, napj lejay jinwá. Jupj liji yupj ma jis la winin Dios ntꞌa”, nin tjevele Jesús.

24 Pꞌa

Ma Dios lal patja, diablo ꞌücj jacꞌ yupj ntꞌa. (Mateo 12.43-45)

wa tjevele Jesús yupj jis lal. Tjevele Dios len̈ yupj jisas moꞌó, ca malala jis mpalas. Tjevele: “Lapanen yom jos mpe jama na, ꞌüsǘ pja ntꞌa jama wine. Le palá caꞌaj ꞌücj ca mpüꞌüm. Lovin ma si nucú, mpes vele: ‘Püna tüpüꞌüs ntꞌa ca mis niswá. Yom ntꞌa ca mis.’ 25 Yom ntꞌa tjemey na, wosis ꞌüsüs la tjajapjun jinwá yomen jupj lal. Len̈ neꞌaj

El Nuevo Testamento en Tol de Honduras, 2da ed. ©2010, Wycliffe Bible Translators

219

SAN LUCAS 11

yom jos moꞌó. Dios ma püꞌü jupj jos moꞌó. Mpes wosis pajal ꞌücj la tjajay jinwá jupj lapanen lal. 26 Mpes jama lapanen. Lapanenpan pꞌa wa jis lal jacꞌ. Siete jilal jacꞌ. Más malala yupj mwalá way lal. Pjü yupj yom jos moꞌo jil jis la pütꞌüs. Mpes locopyaya más malala pyala yomen püna lal. Püna lapanen pjaní way pꞌin jupj jos moꞌo tüpüꞌü”, nin tjevele Jesús.

27 Jesús

Dios vele jin lajay ca ꞌücj jisas nsem.

nin tjevele na, quepj pjaní yümücj tjevele Jesús lal ꞌin campapé. Pülücj neꞌaj tjatja popa waytsja jupj. Jupj jólatsja Jesús tjevele pajal ꞌüsüs. Mpes tjevele: —Po ꞌücj jos nsem jemay ꞌi tjimanunu mpes, ꞌe tjeꞌaya tsotsꞌ. 28 Jesús jupj wola tjevele: —Pꞌa casá velé napj. Gente Dios tjevelá pjyacan̈, jupj vele jin lajay wa, pajal ꞌücj jisas nsem yupj pjü.

29 Más

Ma japon Dios jas tjejyama Jesús, malala. (Mateo 12.38-42; Marcos 8.12)

pülücj jun ꞌasas tjiquil Jesús ntꞌa. Pülücj waytsja yupj pajal. ꞌA jis tjimyula neꞌaj. Jesús tjevele yupj jis lal: “Nun quina potjaqué malala pajal. Nun lo moná napj ꞌüsüs la mejay gente pꞌin ma polel lajay jinwá. Nin mpes ca nusin müꞌüsüs Dios nin tjejyama napj, nin welé nun. Ma ca nin la mejay napj. Pjaní way pꞌin ca la mijis Dios nun nucú mpes. Püna Jonás lal la tjiji jinwá, nin wa ca la mijis napj lal. Jonás profeta* waytsja püná. 30 ꞌÜsüs tepyala Jonás lal mpes Nínive ntꞌa tapatja salejeptsja Dios jas tjejyama jupj. Lovin ma nin pyala, Jonás lal tepyala jinwá. Nin pꞌiyá ꞌüsüs ca ma palas napj, mpes quina patjá ca jus nlayecj Dios nin tjejyama. Napj pꞌiyá niná Yomen Dios jas tjejyamá. 31 ”Pꞌa wa ca mveles wa nun malala. Pajal püna quepj jepa jáꞌasatsja Sur moꞌó Egipto ntꞌa. Jupj pꞌiyá ca nin mveles. Pajal campa mpe tjacꞌ jupj lo pjac Salomón* tjevelá. Salomón pꞌa wa jépatsja Israel moꞌó pajal püna. Salomón pajal selé waytsja Dios tjevelá. Nin mpes quepj quelel pjócatsja jupj tjevelá. Nin tulucj nun lal. Nun lal ꞌos quinam. Más püné napj Salomón lal. Newa nun ma quelel pjoꞌoqué napj velé. Pꞌa jawas Dios ca mveles ncu tꞌücꞌ malala la tjajay pjü. Nin jawas tjejyawca na, quepj niná ca ntojom nun jis lal Dios wolapꞌaꞌá. Ca mveles nun malala. Nun ma quelel pjoꞌoqué, ne nin.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 11

220

32 ”Pꞌa

wa ca mvelecj wa nun malala. Nínive moꞌo tapatja topon Jonás tjevelá. ꞌAplijila jis tepyala malala la tjajay mpes. Yupj nasa quelel ꞌüsüs lajaytsja. Nin tulucj nun lal. Nun lal ꞌos quinam. Más püné napj Jonás lal. Newa nun ma poné napj velé. Pꞌa jawas Dios ca mveles ncu tꞌücꞌ malala la tjajay pjü. Nin jawas tjejyawca na, Nínive moꞌo tapatja ca nlüjün̈ nun jis lal Dios wolapꞌaꞌá, ca mvelecj nun malala. Nun ma poné, ne nin”, tjevele Jesús yupj jis lal. Dios jyüꞌta jin quelel lajay, yupj ca sin müꞌüsüs Dios poꞌó. (Mateo 5.15; 6.22-23)

33 Jesús

sin tjiꞌyüsa lis tjiji Dios jos yupj sin ꞌyüsa jupj velá. Tjevele: “Yo je si müjü, ma quiliyú lal jun tꞌyoꞌna. Ma ꞌamá jul moꞌo ꞌyonsa jupj. Campanya si jünsa, mpes la pꞌa wama jiquil na, jupj ꞌowa pjü ꞌücj jis la nuc. Nin pꞌiyá liji Dios. 34 Nin pꞌin, ma pjü sin ꞌyüsa Dios velá. Nun jis jun jaw jinwá nun jis pꞌüy mpes. Nun jis jun ꞌüsüs, jas tüpwes ꞌüsüs way nucú. Nin pꞌiyá niná nun ꞌüsüs nusin ꞌyüsa na Dios mpes. Nun jis jun malala, jas tüpwes ma nucú. Te ton̈ca pꞌin nucú. Nin pꞌiyá niná nun ma nusin ꞌyüsa na Dios mpes. 35 ꞌIn tjajama nun tꞌücꞌ way nusin ꞌyüsa Dios poꞌó. 36 Nun tꞌücꞌ way nusin ꞌyüsa Dios poꞌó, po ꞌüsüs. Pjü way ca nusin müꞌüsüs. Lámpara* mpes tjejyawca jinwá ca nsem nun lal”, tjevele Jesús.

Malala ca jis mpalas fariseopan, malala la tjajay mpes. Nin pꞌiyá ca nsem Moisés popel sin ꞌyüsa lajay jis lal. (Mateo 23.1-36; Marcos 12.38-40; Lucas 20.45-47)

37 Jesús

tꞌücꞌ tjevele na, fariseo* pjaní Jesús lal tjevele lo winin lo las jupj wo ntꞌa, lotsꞌacꞌ culupwen ntꞌa jáꞌasa na. Mpes tjemey Jesús, ꞌetjele lo las. 38 Fariseo tjinyuca Jesús ma mos tepeꞌe quelel lyájatsja na. Pajal püna Moisés* tepyaca más ꞌücj jis mas japatsj jalá. Mpes fariseo po jólatsja tsjan mpes ma nin la tjiji Jesús. 39 Mpes qjuis Jepa Jesús tjevele jupj lal: —Nun fariseopan* pülücj lojí la pꞌa jis la nuc. Nujisas yupj yola nun ꞌüsüs. Ma tꞌücꞌ way ꞌüsüs nun. Nunpan pocillo te way jinwá. Pocillo pjeꞌá pꞌin so püꞌí jinwá lojí nun. Plato ꞌalaꞌá pꞌin so püꞌí jinwá lojí. Wa moꞌó pajal te custjay. Nin pꞌiyá nun. Lovin ꞌüsüs lojí la pꞌa januc na. Newa malala nun tꞌücꞌ way. Nun tsꞌüisiqué pajal. Po quelel malala lojí, ne nin lojí wa niná. 40 Ma yola jinwá lojí nun. Dios nun jis pꞌüy la tjiji. Nun jis qjues la tjiji ꞌotsꞌipj. 41 Jupj selé tsjan nujola nun. Jupj

El Nuevo Testamento en Tol de Honduras, 2da ed. ©2010, Wycliffe Bible Translators

221

SAN LUCAS 11

selé ꞌüsüs tulucj nun. Mpes ꞌüsüs nujola tꞌas nun Dios jos jin. ꞌÜsüs la müjí jupj jos jin. Jis tjeꞌyayá jis tꞌemel cjuwá jisas. Nin lojí, pjü salá nsem nun Dios lal. ꞌÜsüs wa ca nsem nun nujolá. 42 ”Malala ca nu mpalas nun, fariseopan*. Pjü diez popé nun nutsꞌaꞌá, pjaní ꞌoyá Dios mpes. Tsjutsj culantro jinwá ꞌoyá Dios mpes. Pꞌa wa tsjutsj ajo jinwá ꞌoyá. Pꞌa siná popé ꞌoyá wa Dios mpes. ꞌÜcj wa nin lojí. Malala pꞌa wa ma lojí. Dios jos ꞌüsüs lojí pꞌa jilal. Jos wa quelel lojí jupj. Ninana ma lojí nun. Jupj jos ca nin la müjí. Niná lojí na, mopꞌin ca maꞌayá wa nun toꞌá popé Dios mpes. 43 ”Malala ca nu mpalas nun, fariseopan*. Judiopan* ꞌa si mulú ntꞌa po quelel jotjaqué noypan jatja ntꞌa. Pülücj lyawun̈ ntꞌa, nujisas la pꞌa wa ꞌüsüs javelepj nun lal, yom ꞌüsüs lal javelepj jinwá. 44 ”Malala ca nu mpalas, Moisés* popel sin ꞌyüsa lojí. Malala ca nu mpalas wa nun fariseopan*. Nun nujos pꞌa wa ca yola nsem nun ꞌüsüs, nun lojí mpes. Ma tꞌücꞌ way ꞌüsüs nun. Toc patja cruz* cjuwá jinwá nun. Cruz cjuwá mpes nenéyawa neꞌaj jil ma salejepj tsjan casá jil yupj. Nin pꞌiyá la pꞌa yola ꞌüsüs nun Dios lal. Ma salejepj pajal malala way nun —nin tjevele Jesús fariseopan jis lal. 45 Yom pjaní neꞌaj jáꞌasatsja Moisés* popel salejepj popa pjaní waytsja jupj. Jupj tjevele Jesús lal: —Nin velen na, qjuis capj velel wa ncupj. 46 Jesús jupj wola tjevele: —Nin. Malala ca nu mpalas wa nun, nun pülücj solejé Moisés* popel poꞌó. La pꞌa su jüꞌtǘ pülücj lajay. Pajal costa way nin lajay nun jüꞌtǘ. Nun pꞌiyá ma nin lojí nun su jüꞌtǘ. Jas tüpwes ma lojí nun. 47 ”Malala ca nu mpalas. Püna canapatjá nun popa pꞌiyá jis tjüꞌünan profetapan* püná. Quina nun ꞌücj justa lojí yupj toc, profetapan patja ntꞌa. Nun nujola ꞌüsüs lojí, ma ꞌüsüs lojí nun. 48 Nun solejé malala la tjajay yupj, püna tapatjá. Yupj la tjajay ꞌücj nun jilal. Yupj jis tjüꞌünan profetapan. Nun tꞌücꞌ lojí yupj la tjajay. Nun ꞌücj justa lojí yupj toc, profetapan patja ntꞌa. 49 ”Dios pjü selé jupj. Nin mpes tjevele: ‘Profetapan* sin majam ca napj yupj ntꞌa. Apostolpan* sin majam wa napj yupj ntꞌa. Yupj ca la ntsꞌiyacj yupj, yupj patja mpe. Pꞌa ntꞌa jil na, pjeꞌá la ntsꞌiyacj wa yupj nepé.’ 50 Püna tapatja nun popa pꞌiyá jis tjüꞌünan profetapan. Yupj mwalá way nin la tjajay. Quina nun nin pꞌiyá lojí. Nin mpes Dios nucopj ntülüs ca nun pjü mpes, quina patja la tjajay mpes, püna tapatja la tjajay mpes ꞌotsꞌipj. Pjü jis tjüꞌünan mpes Dios ca nucopj ntülüs nun.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 11, 12

222

51 Mwalá

way Abel tjüꞌünan. Locopyaya pülücj jis tjüꞌünan. Judiopan* tjüꞌünan wa Zacarías. Dios wo* wama tepeꞌe jupj. Mesa Dios jaꞌayapj ntꞌa neꞌaj pꞌin tepeꞌe jupj. Dios ca jis capj ntülüs quina patjá pjü way mpes. Tꞌücꞌ niná. 52 ”Malala ca nu mpalas nun nepenowá, pülücj solejé Moisés* popel. Dios jis tjeꞌyaya la pꞌa ꞌücj sin ꞌyüsa jupj poꞌó. Jis tjeꞌyaya ꞌonin ne ca sin müꞌüsüs. Nun ma nujisastsja niná. Tjapjaꞌné ꞌonin ne ca sin müꞌüsüs yupj. Nun pꞌiyá ma nusin tjiꞌyüsa Dios tjevelá, ma wa jis tjaꞌayá pꞌa wa sin ꞌyüsa yupj —tjevele Jesús. 53 Nepé tjemey na Jesús, tsꞌa ꞌin waytsja pajal Moisés* popel sin ꞌyüsa lajay, fariseopan* ꞌotsꞌipj. Po jisastsja Jesús malala cüveles, ne pülücj mpes la tjüꞌüy jupj. 54 Po tjepjyacan̈ ncu malala nyuca tjevele jupj. Po jisastsja jupj malala nyuca cüveles, mpes ca ꞌücj jatꞌ mvelecj yupj. Ma quelel lajaytsja jupj.

12

Malala ma qjuisas pꞌa wa ca jus nlayecj cupj pyonecj Jesucristo lal.

1 Nin jawas pajal pülücj ꞌa jis tjimyula Jesús ntꞌa. Pajal pülücj mpes jis tsjom jay tjajatsj. Pajal pülücj ꞌa jis tjimyula na, Jesús tjevele discipulopan* jis lal. Pjaní quelel véletsja mwalá way pꞌin. Po jostsja sin ꞌyǘsatsja niná. Ninana tjevelá: “Nujola tꞌas fariseopan* ꞌüsüs lajay la pꞌa januc ntꞌa, mopꞌin ma tꞌücꞌ ꞌüsüs yupj. Yupj malala lajay ma si nuc, levadura ma si nuc jinwá. Levadura ma si nuc pan püm moꞌó. Yacjaya pansas tꞌyüna jupj, mpes ꞌücj jus cülayes levadura moꞌo pǘꞌütsja jupj. 2 Nin lovin. Pꞌa jyawca la pꞌa ca jus nlayecj tsjan niná nun poné, ca jus nlayecj nun nujolá. Tsjan cus tüpwijitj, tjapjalen, cus ncjoltses ca. Püna tjapjalen, la pꞌa ca jus nucucj. 3 Te ton̈ca ntꞌa tjevelen, tjejyawca na ca mpjacam pꞌa wa. Pjü len̈ ntꞌa la tjivisan, yümücj ca mvelecj pjü pjyacan̈ ntꞌa. Mpes ca mvelé nun pꞌa lal tsjan niná nun poné, mvelé nun nujolá. 4 ”Ca nacj nepena ca quelel jis müꞌüꞌnacj nun, napj mpes poné mpes. Najamicapan, po ma locj tjeyá yupj jis lal. Nu tjüꞌünan na, ma polel pꞌa lajay yupj. 5 Napj ca nusin ꞌyüsa la mejay pjacj ne ꞌücj locj jeyá: locj tjeyá Dios lal. Jupj ꞌyüꞌna na, ꞌücj wa naꞌaj li tsꞌiyá ꞌawa püné ntꞌa, malala lajay jis capj tyüla ntꞌa. ¡Locj tjeyá jupj! 6 ”Po ma locj tjeyá pꞌa mpes. Dios jyama nun. Jupj ma ca joꞌ mpaꞌis nun mpes. Dios ma joꞌ peꞌe tsipyaya tsjictjacj. Tsipyaya cínquiya veinte centavos jaylacj. Yupj pajal tsjictjacj way nun lal. 7 Dios selé nol jatja

El Nuevo Testamento en Tol de Honduras, 2da ed. ©2010, Wycliffe Bible Translators

223

SAN LUCAS 12

jitsꞌil. Po ma lecj tjeyá. Más ꞌüsüs way jipj tsipyaya pajal pülücj jis lal. Tꞌücꞌ way ma ca joꞌ mpaꞌis jipj mpes. 8 ”Napj velé tꞌücꞌ. Nun welé la pꞌa jis lal nun ncapj con̈có, Dios angelpan* jis lal ca mvelé wa napj nucopj cyon̈ nun. Napj pꞌiyá niná Yomen Dios jas tjejyamá. 9 Nun welé la pꞌa jis lal nun ma ncapj con̈có, Dios angelpan jis lal ca mvelé wa napj ma nucopj cyon̈ nun. 10 ”Napj pꞌiyá niná Yomen Dios jas tjejyamá. Malala javelepj napj nin poꞌó, Dios ꞌücj perdonar liji yupj. Malala javelepj Dios Cjües poꞌó, Dios ma ca perdonar lis mijis yupj. Lovin ca jola nsem malala tjowelepj mpes. 11 ”Pꞌa jawas niyom ca ncul, ca nu ntjiꞌlin̈. Nun lal ca mal wosis ntꞌa, judiopan* ꞌa si mulú ntꞌa. Neꞌaj jatꞌ mvelecj ca nun poꞌó, nun ncapj con̈có mpes. Jepapan jis walapꞌaꞌa ca jatꞌ mvelecj nun poꞌó neneyawá. Jepa auxiliar jis walapꞌaꞌa ca jatꞌ mvelecj nun poꞌó neneyawá. Nin lajay na, po ma nin nujola tꞌas nun tsjan ca mvelé yupj jis lal yupj malala tjowelepj mpes. 12 Dios Cjües nusin müꞌüsüs ca la mijis tsjan ꞌücj jis wala ca mvelé. Mpes po ma locj tjeyá nun.”

13 Yom

Más ꞌücj ma tꞌemel pülücj qjuisas.

pjaní pülücj yuwá popa tjevele jupj lal: —Tjijyüꞌta natjam la mitad ma ꞌes qjuis papay jutsꞌaꞌá. Tepeꞌe qjuis papay. Jupj jutsꞌaꞌá ncupj cutsꞌaꞌá quinam. 14 Jesús ma la tjiji jupj la tjemyoná. Jupj tjevele: —¿Tsjan pjucj jele napj jyütütj pꞌa wa la mitad liji jipj lal? Ma juez jinwá jyütütj napj. 15 Jesús tjevele wa neꞌaj tjatja jis lal: —ꞌIn tjajama. Po ma tꞌemel pülücj nujisas tꞌas. Po ma tsꞌüisiqué tꞌas nun. Gente ma nin mpes patja, pülücj jatatj mpes. 16 Parábola* mpes sin ꞌyüsa lis tjiji quinam niná. Tjevele: —Yom pjaní tꞌemel pülücj tyáꞌatsja jupj. Jupj ꞌisine ntꞌa pülücj tjevyala pajal. 17 Mpes nin jólatsja: ‘¿Tsjan la cüjay? Pülücj tjevelan̈ mpes cjuwá caꞌaj pyajatj tjevyalá.’ 18 Mpes jupj tjevele: ‘Nin ca la mejay: napj chiquero witjacj sin mojoy ca. Chiquero más noypan ca sin müjünsǘ. Noypan moꞌo ꞌücj ca mpajatj pjü tjevelan̈. Pjü napj natsꞌaꞌá ꞌücj ca mpajatj neꞌaj. 19 Ninana ca nola nsem napj: “Pajal pülücj tyatj napj. Año pülücj tꞌücꞌ la las nsem, pülücj neꞌaj tepyajatj mpes. Ma ca tsjiꞌ la mejay quinam napj. Nla ca. Müꞌüs ca. ꞌÜcj najas nsem.” ’ 20 Mopꞌin ma nin tepyala, jupj jólatsja jinwá. Dios tjevele jupj lal: ‘Ma jele jin lejay jipj. Yacjaj püste mya patsꞌ ca jipj. Mpes pjü jipj tepyajatj pꞌa jutsꞌaꞌá nsem.’

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 12

224

21 Jesús

tjevele: —Lovin nin ca nsem ninana lajay jis lal. Nosis ntꞌa pülücj jatatj la pꞌin. Cjuwá yupj lovin Dios lal, mpes pjü ca ncawajas, tecyaꞌlin̈ na. 22 Jesús tjevele wa discipulopan* jilal: —Nin mpes nin velé, po ma pajal nujola tꞌas tsjan ca nlajá ꞌücj nu la pütꞌüs. Po ma pajal lapj nyuca nujola tꞌas tsjan nusin nquiꞌpá nun jis pülül, nusin ꞌyawa lowiqué. 23 Dios la tjiji nu la pütꞌüs. Jupj ca nu maꞌayas wa nu lo las. Dios la tjiji nun jis pꞌüy. Jupj nu maꞌayas wa ca pülül. 24 Nujola tꞌas sanata poꞌó. Yupj ma jasin. Velan̈ ma jacutj. Cjuwá yupj caꞌaj ca moꞌonsocj yupj yutsꞌaꞌá. Dios se ꞌaya jis la las yupj. Nin mpes solejé jupj ca nu maꞌayas wa nun nujos. Nun más ꞌüsüs sanata jilal. Yupj pajal tsjictjacj. 25 ”¿Ncu nun más ꞌin püs way ca mpatjaqué nun, pajal nin nujola mpes? Nin tulucj. 26 Pajal tsjicj way niná Dios lal; nun pꞌin ma polel nin lojí lovin. ¿Tsjan mpes pajal nin nujola nun pjü nujisas mpes? 27 Nujola tꞌas tsjutsj tsꞌituju poꞌó. Ma tsjiꞌ lajay yupj. Ma wa sa lul. Newa nin, tsjutsj tsꞌituju más ꞌüsüs yustapj Salomón* jas quip lal. Salomón jepa püné waytsja jupj. Jas quip pülücj jaylactsja. ꞌÜsüs justa jas tücüiꞌpe. 28 Dios liji pajal ꞌüsüs yustapj tsjutsjum. Tsjutsj lejen̈ ca nacj yacjaj. Ya pwe ca nacj. Nun más ꞌüsüs tsjutsjum jis lal. Nin mpes ca jus nlayé Dios ca nu maꞌayas wa nusin quip. Nun ꞌotsꞌotsꞌ way pꞌin poné Dios lal. 29 ”Po ma pajal nujola tꞌas tsjan ca nlajá, tsjan ca müsiqué. Po ma lapj nyuca nujola tꞌas nun. 30 Dios ma jisas nin yola ꞌoyn nyuca cütaꞌacj pjü way yupj jisas. Po ma yupj jinwá nujos tꞌas. Nun jis Papay Dios selé nujos niná. 31 Lovin nujos tꞌas ca nin la müjí Dios jyüꞌtá. Nujos tꞌas pjü ca mponecj jupj lal. Nin lojí, Dios ca nu maꞌayas wa niná nujisas.

32 Jesús

Más ꞌücj pülücj tyaꞌacj Dios püꞌü ntꞌa. (Mateo 6.19-21)

tjevele wa: —Po ma locj tjeyá. Nun pjaní way, mopꞌin noꞌoveja* jinwá nun. Napj nu jyamá. Nun jis Papay Dios quelel nu ꞌyaya nun müjüꞌtǘ wa jupj lal. ꞌÜcj jupj lal nin nu ꞌyaya. 33 Mpes nun nutsꞌaꞌá vender la müjí, tꞌemel jis tjaꞌayá jis tꞌemel cjuwá mpes. Nosis ntꞌa ca jis maꞌayá nun jis tꞌemel Dios jos jin. Nin lojí, pülücj ca ntaꞌá Dios püꞌü ntꞌa. Nun toꞌá Dios püꞌü ntꞌa lovin ma ncawajas ca. Neꞌaj pwecapan ma pequen̈, ma wa jalá calatsas. 34 Más ꞌücj pülücj toꞌá Dios püꞌü ntꞌa. Nun pülücj toꞌá ntꞌa, neꞌaj pajal ꞌüsüs ca nsem nun jis lal —nin tjevele Jesucristo.

El Nuevo Testamento en Tol de Honduras, 2da ed. ©2010, Wycliffe Bible Translators

225

SAN LUCAS 12

Más ꞌücj Jesús mozopan la nuc patja Jesús jacꞌ.

35 Jesucristo

tjevele wa: —Napj ca mis nun mpe; pꞌa jawas ca ncuwis. Lovin la ma nucú niswa ca ncuwis. Lovin la müjí nu tjijyütütj. 36 Mozopan jis patrón la nuc jinwá tꞌas nun. Jis patrón tjemey, tjowaya jinwá napj. Mozopan jis patrón ncuwim, mpes la nuc. Jupj jacꞌ na, ca mveles: ‘Jun tjecjyoltse jun vilicj’, ne len̈ way yupj ca jun ncjoltsecj. 37 Jis patrón tjacꞌ na, mozopan po ꞌücj jisas nsem la nuctsja yupj custjay. Po ꞌücj jisas nsem yupj newa lajaytsja jupj tjijyüꞌtá. Nin jinwá la müjí nun. Nun jis patrón la pꞌa jis patrón jin tulucj. Jupj ca pasal ꞌüsüs la mijis jupj jomozopan mpes, yupj lajaytsja jupj tjijyüꞌtá. Jis patrón ꞌücj ca la mijis jis maꞌayas jis la las. Jis müjüꞌtüs ca majatjum yupj. Ncuwim jupj, jis maꞌayas jis la las. Napj tjacuwis na, nin pꞌiyá ca la mejay napj nun mpes. Tꞌücꞌ niná. 38 ”Nun napj namozopan. Ma solejé ꞌona ncuwis napj. Püste culupwen ntꞌa ncuwis ca nacj. Nasa jyawca na ncuwis ca nacj. Nun newa la nu nucú napj cuwis na, po ꞌücj nujisas nsem nun. 39 Nusin tjiꞌyüsa niná: nun ma solejé ꞌona ncuwis napj. Nin pꞌiyá yom neꞌaj wo ma seletsja ꞌona ncuwim pwequepj, mpes tjejyá, ma tjejyama jupj wo. Tjejyá na, pwequepj tjacꞌ, wama tjemey, tüpweca. Ma nin la müjí nun, yom tjejyá jinwá. 40 Nun la ntjunucú, lovin la tjüjí napj nu tjijyütütj. Napj cuwis na, nun ma ca jus nlayé niná jawas jyawca na ncuwis. Nun ca nujola nsem napj ma ca ncuwis custjay —tjevele Jesús. 41 Pedro tjevele Jesús lal: —Nejepa ¿ncu ncupj pꞌin qjuisin ꞌyüsa lejay jipj, parábola* niná mpes? ¿Ncu pjü sin ꞌyüsa lejay wa nin tjevelen mpes? 42 Qjuis Jepa Jesús tjevele: —Niná velé pjü way nomozopan ꞌüsüs witjacj jis lal. Pꞌa parábola* tjevele wa jupj jupj jomozopan sin poꞌó. (Sin tjiꞌyüsa lis tjiji ca ꞌüsüs tsjiꞌ la mijicj jupj mpes, jupj len̈ na.) Ninana jupj tjevelá: —¿Ncu mozopan ꞌüsüs way nun? Napj ca mvelé mozo ꞌüsüs way poꞌó. Niná mozo la tjiji jupj patrón tjijyüꞌtá. ꞌÜsüs way si ꞌüsütsja jupj. Mpes jupj patrón la tjiji mozo niná jepa tepyala la pꞌa mozopan jis lal. Tjevele ca jis maꞌayas jis ve yupj jalá na. 43 Jupj patrón len̈ na, jomozo niná newa ꞌüsüs liji. Jupj patrón wo ntꞌa tjacꞌ na, ca nucus jupj jomozo pjü la tjiji jupj tjevelá. Nin mpes ꞌüsüs ca mpalas mozo niná. 44 Jupj patrón ca mveles mozo niná ca pjü majamas jupj jutsꞌaꞌá popé. Tꞌücꞌ niná. 45 ”Mozo ma ꞌüsüs liji, pꞌa casá ca nsem jupj lal. Jupj patrón püs way len̈ ca nacj. Mpes jupj mozo jola: ‘Napj patrón ma ꞌucuy quinam’. Malala

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 12

226

liji jupj ca nacj. Si süpǘ mozopan pꞌa witjacj, niyom nepenowá, nequem nepenowá. Pajal püné lyaja, pajal püné müꞌü ꞌotsꞌipj. Myona jupj. 46 Pꞌa jawas ncuwim jupj patrón. Mozo ma li nucú na ca ncuwim jupj. Ma ca jus nlayes jupj ca ncuwim quinam. Jupj patrón pajal ca cus ntülüs mozo niná, malala la tjiji mpes. Jupj patrón lovin nin liji mozopan malala jis lal, yupj ma la tjajay jupj tjijyüꞌtá. 47 Jupj mozo seletsja tsjan jostsja jupj patrón. Jupj sin nin ma nin la tjiji, mpes jupj patrón yümücj nsüpüs ca jupj. 48 Mozo pꞌa wa ma selé tsjan jos jupj patrón ca nacj. Malala liji wa jupj ca nacj. Malala la tjiji mpes jupj patrón tsjicj way pꞌin ca cus ntülüs jupj. Tsjicj way pꞌin ca nsüpüs jupj, ma seletsja mpes. Nin pꞌiyá Dios lal. Dios pülücj jas tjiꞌyüsa la tjiji jomozá, jos wa jomozo niná pajal ꞌüsüs tsjiꞌ liji jupj mpes. Dios pajal cus tjepꞌyaꞌsa jomozo ꞌücj tsjiꞌ la mijis jupj mpes, Dios jos mozo niná pajal ꞌüsüs ca tsjiꞌ la mijis jupj mpes —nin tjevele Jesús.

Pjü ma ca nin pꞌiyá yola Jesús poꞌó. (Mateo 10.34-36)

49 Jesús

tjevele wa: —Napj tjacuwis la veles pjacj tꞌücꞌ nin liji Mpapay Dios jos jin. Napj velé ꞌawa jinwá ca nsem. Pajal ꞌücj najas nsem napj, tꞌücꞌ la tjejay nam. 50 Mpapay jos mwalá way malala ne palá, mpes po najas len̈ way ca nin ma palas, jupj jos jin. 51 ¿Ncu nujola napj tjacuwis pjü nin pꞌiyá yola lis mejay nosis ntꞌa? Nin tulucj. Ca pꞌa casá yola nsem, napj tjacuwis mpes. (Nepénowa ca mponecj napj lal. Nepénowa ca ma mponecj.) 52 Jis wa pjaní ntꞌa, pꞌa casá yola nsem nepenowá pꞌa jilal. Jis wa ntꞌa cínquiya neꞌaj patja, contꞌe ca mponecj ca nacj; matꞌe ma ca mponecj. Mpes matꞌe ca pꞌa casá yola nsem contꞌe jis lal. Nin ca nsem quinam. 53 Nenéyawa popay ma ca nin pꞌiyá jola jatjam lal; jupj jatjam ma ca nin pꞌiyá jola popay lal. Nenéyawa jamay ma ca nin pꞌiyá jola jucucus lal; jupj jucucus ma ca nin pꞌiyá jola jamay lal. Nenéyawa pwisam ma ca nin pꞌiyá jola jupj nuera lal; jupj nuera ma ca nin pꞌiyá jola pwisam lal.

Más ꞌücj pjü way Dios lal javelepj yupj jisas jupj ma ca jola nsem yupj malala la tjajay. (Mateo 16.1-4; 5.25-26; Marcos 8.11-13)

54 Jesús

tjevele wa pülücj ꞌa jis tjimyula jilal: —Mol tjacꞌ na tꞌyaja moꞌó, nun len̈ way welé: ‘Nasa majawus ca’, ne nin pyala. 55 Nin pꞌiyá lüpjǘ jacꞌ na sur mpe, nun welé: ‘Quina ca pajal maꞌawus’, ne nin pyala. 56 Tsjun poꞌó ꞌüsüs lo palá nucú, nosis ꞌüsüs lo palá nucú wa, mpes nusin ꞌyüsa tsjan ca mpalas. ¿Tsjan mpes

El Nuevo Testamento en Tol de Honduras, 2da ed. ©2010, Wycliffe Bible Translators

227

SAN LUCAS 12, 13

ma ꞌüsüs lo palá nucú tsjan pyala quinam, mpes ca nusin müꞌüsüs tsjan liji Dios? Nun welé nun quelel nusin ꞌyüsa Dios poꞌó. Tꞌücꞌ tulucj. Mpes ma nusin ꞌyüsa tsjan liji Dios quinam nun ntꞌa. 57 ”Nujola tꞌas tsjan más ꞌücj Dios lal ca nun la müjí quinam. 58 Len̈ way la müjí niná. Ma nin lojí, malala ca nsem, niná napj velé jinwá ca nsem. La pꞌa quelel tꞌya vele jipj poꞌó jepa lal ca nacj. Nin jele tꞌas ca ꞌücj la mijin jupj lal quinam, jupj ma nin tjevele na pꞌin. Ma nin lejay, jupj ca mim jipj lal juez wolapꞌaꞌá. Nin mpes ca cyapj ntülüs. Ca mveles jupj auxiliar ca mya manus cawilta moꞌó. 59 Juez ma wa ca jin majamas ma pjü way jaylacj la tjejay nas, jupj la tjemyona jin pꞌiyá. Pjü way jaylacj la mijin. Niná tꞌücꞌ way —tjevele Jesús.

13

Más ꞌücj pjü way pajal yola malala la tjajay. Más ꞌücj Dios jos jin lajay.

1 Locopyaya

nepénowa tjiquil Jesús ntꞌa, tjowelepj malala jis tepyala Galilea moꞌo tapatja nepenowá. Dios wo* ntꞌa tjil animal jis la ꞌünan, jis la ꞌayas Dios mpes. Nin lajaytsja na, Pilato tjacꞌ, jis tjiꞌyüꞌna yupj, mpes jis ꞌas la tjiwyuca animal jis ꞌas lal. Nin tjowelepj yupj Jesús lal. 2 Jesús jis wala tjevele: “¿Ncu nujola más malala nyuca la tjajay yupj la pꞌa wa Galilea moꞌo tapatja jilal, mpes malala jis tepyala yupj? 3 Nin tulucj. Pajal nujola tꞌas nun pꞌiyá malala nyuca la tjüjí wa. Dios jos jin la müjí quinam. Ma nin lojí, ncaꞌliqué ca nun yupj jinwá. 4 Siloé ntꞌa, wosis pajal campanya ton̈ca jis capaná tjeyaca niyom diez y ocho casaꞌá, mpes tecyaꞌlin̈. ¿Ncu nujola más malala nyuca la tjajay yupj la pꞌa jilal, Jerusalén ntꞌa patja jilal? 5 Nin tulucj. Pajal nujola tꞌas nun pꞌiyá malala nyuca la tjüjí wa. Dios jos jin la müjí quinam. Ma nin lojí, nun ncaꞌliqué wa ca, yupj jin pꞌiyá”, tjevele Jesús. 6 Parábola* mpes sin tjiꞌyüsa lis tjiji wa niná. Nin tjevele jupj: “Yom pjaní yo higuera sínetsja yo witjacj sine ntꞌa. (Higuera wolas ꞌücj la pis.) Locopyaya yom niná tjacꞌ jupj higuera ntꞌa, jupj wolas la tepyala. Cjuwá waytsja jupj. Lo valas poꞌó, mopꞌin cjuwá. 7 Mpes jupj tjevele jomozo lal: ‘Año contꞌe yo wolas la tjinyuctsja napj. Cjuwá. Mpes ca mojocj jupj. ¿Tsjan mpes jupj sin ntojom nínawa momas?’ 8 Jupj jomozo ma jostsja jupj ca nin la mijis. Mpes jupj wola tjevele: ‘Niswa ꞌin la ꞌunyuca así ꞌoton̈ yon año pjaní. Yon tꞌasiyú ca jay mojocj momas, luꞌluy ca la mejay. Vaca pwiyaꞌa ca tꞌasiyú moꞌonsó más ꞌücj mvalas. 9 Pꞌa año tjejyawca na, pajal ꞌüsüs mvalas ca nacj. Ma velam, ꞌücj le

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 13

228

jocj.’ ” Nin tjevele Jesús. (Mpes sin tjiꞌyüsa lis tjiji nin pꞌiyá ca nsem yupj jis lal. Ma ꞌüsüs lajay Dios jos jin, malala ca jis mpalas.) Quepj palá pwiꞌtje jin wínetsja. Jesús tjiꞌyüꞌsa la tjiji jupj.

10 Sábado*

pjaní, nin jawas judiopan* ma tsjiꞌ lajay na, Jesús sin ꞌyüsa la síjitsja yupj. Wa ntꞌa, judiopan ꞌa si mulú ntꞌa, sin ꞌyüsa la síjitsja jupj. 11 Quepj malala jos tjacꞌ wa neꞌaj. Palá palá pwiꞌtje jin wínetsja. Año diez y ocho nas ma polel se tꞌantsja jupj. Lapanen malala jos la tjiji, mpes nin tepyala. 12 Jesús jus tjinyuca na, la tjemyona tjacꞌ. Tjevele jupj lal: —Jipj ꞌi tjüꞌüꞌsa quinam. 13 Jesús po la tjeꞌyotꞌa quepan, ne len̈ way tjiꞌyüꞌsa. Jas tꞌyantsja tepyala quepan. Tjevele tjüwüiꞌi Dios lal, ꞌüsüs tjevele Dios poꞌó. 14 Nin tepyala na, jepa pjaní wo ntꞌa tsꞌi tjiꞌina jupj. Jesús tjiꞌyüꞌsa la tjiji sábado* na, mpes tsꞌi tjiꞌina. Jupj jólatsja malala Jesús ꞌyüꞌsa liji sábado na, israelpan* ma tsjiꞌ lajay jawas. Mpes jepa niná tjevele la pꞌa jilal neꞌaj: —Jyawca séisiya ꞌücj tsjiꞌ lijicj. Nin jawas nculá nu müꞌüꞌsüs la mijis. Po ma nculá nu müꞌüꞌsüs la mijis sábado* na. 15 Jepa nin tjevele na, qjuis Jepa Jesús jupj wola tjevele: —Malala way nun. Nun welé napj malala, quepj pjaní cus tjepꞌyacj mpes sábado* na. Nun lovin jis capj pꞌoꞌsá nun jis animalpan sábado na. ꞌÜcj nun lal nin lojí sábado na. Nun jis buey tsyuꞌpa ton̈ca lyaja na sábado na, nun pjü ꞌosocté, monú jupj ꞌüsǘ moꞌó, ca müꞌüm jupj sábado na. Nin pꞌiyá lojí nun jis soysoy mpes. 16 Quepj más ꞌüsüs vaca lal. Quepj niná Abraham* püna tüpüꞌü popa pꞌiyá jupj. Satanás* tsyuꞌpa quepj niná, mpes malala jos tepyala. Año diez y ocho newa tsyúꞌpatsja jupj. Mpes ꞌücj la soc sábado na. 17 Jesús nin tjevele na, jupj enemigopan jis tjemyayca. Pjü neꞌaj tjatja ꞌücj jisastsja pajal, Jesús pajal ꞌüsüs la tjiji mpes.

Ma pjü way Dios jisas, Dios mpes ꞌa si mulú sin popé. (Mateo 13.31-32; Marcos 4.30-32)

18 Mpes

Jesús tjevele: —¿Tsjan ca mpalas Dios si jütüta jis lal? Parábola* ca mvelé napj, nusin la ꞌüsüs la mejay tsjan ca mpalas. 19 Mostaza* setel jinwá ca nsem. Yom mostaza sine ꞌamá moꞌó, jupj sine ntꞌa. Setel niná tsjicj way pajal. Locopyaya setel tecyojo, tꞌyüna, pajal püné tepyala. Yo püné

El Nuevo Testamento en Tol de Honduras, 2da ed. ©2010, Wycliffe Bible Translators

229

SAN LUCAS 13

tepyala jupj, setel tsjicj way. Püné na, tsipyaya tjiquil, jis tsintsil la tjajay yo jay ntꞌa. (Nin pꞌiyá ca nsem Dios si jütüta jis lal.) 20 Pꞌa wa nin pꞌiyá tjevele Jesús: —¿Tsjan ca mpalas Dios si jütüta jis lal? Pꞌa parábola* ca mvelé napj, nusin la ꞌüsüs la mejay tsjan ca mpalas. 21 Levadura jinwá ca nsem. Quepj levadura tyáꞌatsja. Harina medida contꞌe lal la süpjütj la tjiji jupj, pan la tjiji. Levadura mpes pjü jis tꞌyüna harinas. Nin pꞌiyá ca nsem Dios si jütüta jis lal —nin tjevele Jesús.

Quina pꞌin ꞌücj Dios tsꞌuyupj se palá gentas. Pꞌa jawas ma ca polel nin la mijicj. (Mateo 7.13-14, 21-23)

22 Jesús

newa jámatsja Jerusalén ntꞌa, mpes nepénowa patja jin jámatsja, jis wa pjaní pjaní lejen̈ jin jámatsja. Neꞌaj neꞌaj tjemey. Yupj tapatja ntꞌa lovin sin ꞌyüsa la síjitsja. 23 Neꞌaj patja popa pjaní la tjiꞌyüya jupj lal: —Nejepa ¿ncu pjaní way pꞌin ca Dios lal mpatjam, jupj perdonar lis tjiji mpes? Jesús tjevele yupj jilal neꞌaj: 24 —ꞌIn tjajama nin pꞌin la müjí napj velé jinwá. Niná napj velé jun vilicj laꞌí way jinwá, ꞌücj la winin la pütꞌüs Dios lal. Pülücj ca quelel mpatjam Dios lal ne ma ca polel mpatjam jupj lal. 25 Dios wo jun vilicj jun cjol jinwá quinam. Tsꞌacꞌ pꞌa wa jun tꞌyolon ca nsem. Jupj jun tꞌyoꞌna na, nun ma ca polel neꞌaj la winin la pütꞌüs jupj lal. Nun nepenowá ca quelel mpatjaqué jupj lal, ne ma ca polel la müjí. Nun nepenowá ca mvelé Dios lal: ‘Jipj cupj qjuis Jepa. Jun tjecjyoltse, ꞌücj qjuis la winin.’ Pajal ca la moná, newa ma ca polel neꞌaj la winin la pütꞌüs jupj lal. Jupj ca mveles nun lal: ‘Ma selé caꞌaj mpe tjuculá nun. Nun ma ncapj con̈có.’ 26 Nin mpes nun ca mvelé: ‘Püna tjelyajacj jipj lal. Tjimyüsiquecj jipj lal. Jipj sin ꞌyüsa la tjejay cupj pyatjaquecj ntꞌa.’ 27 Newa ca mveles jupj: ‘Ma selé caꞌaj mpe tjuculá nun. Nun ma ncapj con̈có. Lowa napj mpe. Nun pjü way malala nyuca lojí.’ 28 ”Nun ca su nucú Abraham*, Isaac ꞌotsꞌipj, Jacob ꞌotsꞌipj, pjü profetapan* ꞌotsꞌipj Dios jyüꞌta ntꞌa. Yupj neꞌaj ca majatjum. Nun ca pjeꞌá lüjüqué, mpes nun lüjüqué ntꞌa yümücj ca la mpuyú. Nun ca wis jas nquiꞌlí, pajal tsꞌu ꞌinyá mpes. 29 Pülücj ca ncul pꞌa nepé, majatjum jis la las Dios jyüꞌta ntꞌa. Tsiquin mpe ncul wa, tꞌyaja mpe ncul wa, norte mpe ncul wa, sur mpe ncul wa. 30 Nujola tꞌas: nepénowa más ꞌin

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 13, 14

230

malala lajaytsja más len̈ way ꞌüsüs ca jis mpalas Dios lal. Nepénowa más ꞌin ꞌüsüs lajaytsja más costa way nsem ꞌüsüs se palá yupj Dios lal —nin tjevele Jesús. 31 Tꞌücꞌ tjevele na, fariseopan* nepénowa tjiquil, tjowelepj Jesús lal: —Jutja quiyam jipj quelel jaytsja ntꞌa. Herodes quelel ꞌi ꞌünana. (Herodes jepa pünetsja Galilea moꞌó.) 32 Mpes Jesús yupj jis lal tjevele: —Herodes joyomacꞌ jinwá jupj. ꞌÜcj jos li tsuwile. Lowa, nun ca mvelé jupj lal napj newa tsjiꞌ lejay. Yacjaj, ya ꞌotsꞌipj ca pjeꞌá la ntsꞌi lapanenpan, ca jis müꞌüꞌsüs lis mejay malala jisas. Yaya sipé len̈ way ca ncawajas tsjiꞌ lejay. 33 Newa yacjaj, ya ꞌotsꞌipj, yaya sipé ꞌotsꞌipj neꞌaj ca mis Jerusalén ntꞌa. Pꞌa ntꞌa ma polel jis la caꞌlin̈ profetapan*. Nin mpes más ꞌücj ma patsꞌ napj Jerusalén moꞌó. 34 ”Nun Jerusalén ntꞌa potjaqué, profetapan* su ꞌüꞌná lovin. Pe lo tsꞌiyaná Dios sin tjejyama jilal, su ꞌüꞌná yupj. La pülücj napj quelel ꞌa nusí mulutsja nun napj ntꞌa. Castlyaj jupj tsjictjacj se tꞌolona, nin pꞌiyá quelel lejaytsja nun jilal. Nun ma jisastsja lovin. 35 Nusin tjüꞌüsüs niná. Dios ma nucopj cyon̈ca quinam nun potjaqué ntꞌa. Napj ca mis quinam nun mpe. Nun ma quelel la nojí na, ma ca nus nucú. Pꞌa jawas pꞌa casá nujola ca nsem nun. Nun ca mvelé napj nin poꞌó: ‘Dios pajal ꞌüsüs ca la mijis jipj mpes. Dios mpes velen jipj, Dios ne cupj qjuis Jepa Püné.’ Nin tjowelé na, ca niswa ncuwis nun ntꞌa. Tꞌücꞌ way ca nin nsem —nin tjevele Jesús.

14

Jesús tjiꞌyüꞌsa la tjiji yom pajal tꞌyüntꞌünǘ.

1 Sábado* pjaní Jesús tjemey fariseo* wo ntꞌa lo las. Fariseo niná jepa waytsja fariseopan jilal. Fariseopan pꞌa wa nepenowá tjatja wa jupj wo ntꞌa. Pajal tjunuc yupj ꞌoyn nyuca la mijis Jesús; judiopan* ma tsjiꞌ lajay sábado na. 2 Neꞌaj yom malala jos tjáꞌasa Jesús wolapꞌaꞌá. Pajal jas tꞌüntꞌüntsja jupj, malala jostsja mpes. 3 Mpes Jesús tjevele niyom jilal, Moisés* popel salejeptsja yupj nepenowá, fariseopan nepenowá: —Sábado* jawas ma tsjiꞌ lijicj cupj. ¿Ncu Moisés* popel vele ꞌücj ꞌyüꞌsa lijicj sábado na? ¿Ncu malala nin lijicj? 4 Ma lal tjowelepj yupj. Jesús ntjüiꞌle malala jos, tjiꞌyüꞌsa la tjiji jupj. Tjiꞌyüꞌsa na, Jesús jas tjejyama jupj. 5 Tjemey na, Jesús tjevele niyom jilal: —Nun jis soysoy ꞌüsǘ campwila moꞌó tjeyaca na ¿ncu ma len̈ way pjeꞌá la ntsꞌiyá jupj sábado* na ꞌotsꞌipj? ¿Ncu ma nin lojí nun jis buey mpes wa?

El Nuevo Testamento en Tol de Honduras, 2da ed. ©2010, Wycliffe Bible Translators

231 6 Yupj

SAN LUCAS 14

ma salejeptsja tsjan wola cüvelecj Jesús lal. Jesús tjevele más ꞌücj ma püné jin yola yupj pꞌiyá.

7 Jesús

tjinyuca nepénowa más ꞌin ꞌüsüs ntꞌa lis tꞌapj la ꞌosos, noypan jatja ntꞌa. Yupj tjiquil wa jis la las fariseo* wo ntꞌa. Mpes parábola* tjevele Jesús; sin ꞌyüsa lis tjiji más ꞌücj ma püné jin yola yupj pꞌiyá. Ninana tjevelá: 8 —Ca nacj jemica pülücj way tyaꞌa la las, ne jipj lal tjevele la cuwis la las. Nin liji na, po ma la ntꞌan jipj más ꞌin ꞌüsüs ntꞌa la ꞌosos, noypan jatja ntꞌa. Ca nacj pꞌa wa más püné jipj lal ꞌucuy wa. Jemica jupj lal tjevele wa la cuwis jupj. 9 Mpes jemica ncuwim jipj ntꞌa, ca mveles: ‘Jipj jacꞌ ntꞌa maꞌayan maꞌajam niná yomen’. Mpes jipj ca mim, maꞌajam pꞌa ntꞌa. Más malala ntꞌa nsem pjü jilal jipj jacꞌ ntꞌa. Mpes pjü neꞌaj ca nucucj püné tulucj jipj, ne jipj ca pajal mya maycas. 10 Mpes pꞌa casá ca la mijin. Jemica jipj lal vele la cuwis la las, jipj ca mim, maꞌajam silla más malala ntꞌa neꞌaj. Mpes jemica ca mveles jipj lal: ‘Najamica, was, ntꞌiꞌisa más ꞌücj ntꞌa’. Mpes pjü neꞌaj ca nucucj püné way jipj jupj lal. 11 Nun popa pjaní püné jin jola jupj pꞌiyá, Dios ca tsjicj way la mijis jupj. Tsjicj jin jola jupj pꞌiyá, Dios más püné ca la mijis jupj.

12 Jesús

Jesús tjevele yom ꞌüsüs liji cjuwá jilal, Dios ca ꞌüsüs la mijis jupj lal ꞌotsꞌipj.

tjevele wa yomen lal, yom niná jupj lal tjevele la cuwis. Tjevele: —Jipj pülücj lejay na pülücj jis la las, lotsꞌacꞌ culupwen ntꞌa jáꞌasa na ca nacj, püste na ca nacj, po ma lovin ca mvelen jis la cuwis jemicapan pꞌin. Ma lovin ca mvelen jis la cuwis pyülücpan pꞌin. Ma lovin ca mvelen jis la cuwis jepeypan pꞌin. Ma lovin ca mvelen jis la cuwis pülücj jatatj pꞌin, neꞌaj patja sin popé. Yupj ꞌücj mvelecj la cuwis wa jipj, yupj jis wa ntꞌa. Yupj polel ꞌüsüs lajay jipj lal, jipj ꞌüsüs lis tjejay mpes. 13 Mpes po ma nin la mijin jipj. Pülücj lejay na pülücj jis la las, jipj ca mvelen jis la cuwis jis tꞌemel cjuwá. Ca mvelen jis la cuwis jis más tulucj, jis tecj tulucj. Ca mvelen jis la cuwis ma polel jil. Ca mvelen jis la cuwis yun tulucj. 14 Cjuwá yupj. Yupj ma polel ꞌüsüs la mijicj jipj lal, jipj ꞌüsüs lis tjejay mpes. Mpes Dios pꞌiyá ca ꞌüsüs la mijis jipj mpes. Pꞌa jawas Dios ca sin müjünsüs ꞌüsüs witjacj, tecyaꞌlin̈ sin popé. Lovin ca mpatjam Dios lal. Dios nin liji na, jupj ca ꞌüsüs la mijis jipj lal, jipj ꞌüsüs lis tjejay mpes.

Israelpan pülücj ma ca mpatjam Dios lal. Pülücj way israelpan tulucj ca mpatjam Dios lal. (Mateo 22.1-10)

15 Jesús

lal tjalá popa pjaní tjapjaca wa Jesús tjevelá. Tjapjaca na, tjevele Jesús lal: El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 14

232

—Dios ca pülücj jis la las la mijis jupj jyüꞌta ntꞌa. Tsjay ca ꞌüsüs nsem neꞌaj jalá jis lal. 16 Jupj nin tjevele mpes, Jesús jas tjiꞌyüsa la tjiji pjacj ca nlajas neꞌaj. Parábola* niná tjevele jupj: —Yom pjaní pajal pülücj la tjiji jis la las, pülücj jilal tjevele jis la cuwis. 17 Jupj quelel lyájatsja na, jomozo jas tjejyama la veles yupj jilal: ‘Nculá quinam. Nasa ꞌücj la tjejay nu lo las.’ 18 Mpes jomozo yupj ntꞌa tjemey. Mopꞌin yupj pjü way nin pꞌiyá tjowelepj ma polel jiltsja. Mwalá way yupj sin popé tjevele: ‘ꞌAmá jaylacj la tjejay napj. Quelel jum nyuc ca ꞌücj nacj. Ma nin jele tꞌas ma jum.’ 19 Pꞌa wa tjevele: ‘Buey diéziya jaylacj la tjejay. Mpes quina ca mis nyuc ꞌoyn nyuca lejen̈. Ma nin jele tꞌas ma jum.’ 20 Pꞌa wa tjevele: ‘Tjawayis quinam, mpes ma polel jum’. 21 Mpes jomozo jupj patrón ntꞌa tjemey niswá. Tjevele patrón lal tsjan tjowelepj yupj. Mozo tjevele tjapjaca na, tsꞌi tjiꞌina jupj. Tjevele jomozo lal: ‘Len̈ way pülücj patja ntꞌa jutja. Neꞌaj jümücj la püné ntꞌa, jümücj laꞌí ntꞌa wa, gente la mpalan jipj. Pülücj patja nepé jis lal ncuwim jis tꞌemel cjuwá jis lal, jis mas tulucj jis lal ꞌotsꞌipj, jis tecj tulucj jis lal ꞌotsꞌipj, yun tulucj jis lal ꞌotsꞌipj, ma polel jil jis lal ꞌotsꞌipj. Jis lal ncuwim pjü.’ 22 ”Locopyaya jomozo tjacꞌ niswá. Tjevele: ‘Napj la tjejay jipj ntjijütütj. Newa len̈ nepenowá mesa ntꞌa.’ 23 Mpes jupj patrón tjevele mozo lal: ‘La ntꞌa patja ntꞌa jutja. Neꞌaj ca lis mpalan jümücj püné ntꞌa, jümücj laꞌí ntꞌa ꞌotsꞌipj. Lis tjemyona ncul, pajal pülücj nlawun̈ nawá ntꞌa. 24 Mwalá jilal tjevelé ma ca nlajacj napj la tjejay jis la las. Tꞌücꞌ way.’ Nasa tꞌücꞌ tjevele parabolas* Jesús.

Ma quelel jatja jama jupj jutsꞌaꞌá mpe, ma polel si ꞌüsǘ Jesús lal. (Mateo 10.37-38)

25 Pꞌa

jyawca na, pajal pülücj sa con̈tsja Jesús. Jupj la nujuya, jis wala tjinyuca, tjevele yupj jis lal: 26 “Najas napj lal japon más quelel la najay pjü jis lal. Ma ca nin yola nsem ncu ꞌücj niná jis papay lal. Ma ca nin yola nsem ncu ꞌücj niná sejamay lal. Ma ca nin yola nsem ncu ꞌücj niná sejatsꞌom lal. Ma ca nin yola nsem ncu ꞌücj niná jis tsꞌuyupj jis lal. Ma wa ca nin yola nsem ncu ꞌücj niná yupj jis pülücpan jis lal. Ma ca nin yola nsem ncu ca malala jis mpalas, ncaꞌlin̈ ca nacj, yupj ncapj jacon̈ mpes. Yupj niná mpes nin yolá, ma polel napj discipulopan* nsem yupj. 27 Ma jisas malala se palá, napj discipulopan tulucj nsem yupj. Najas yupj nin pꞌiyá lajay, napj lejay jinwá. ꞌÜcj napj lal malala ne palá. ꞌÜcj napj lal ni püꞌí cruz* poꞌó. Yupj ma quelel lajay napj lejay jinwá, napj discipulopan tulucj nsem yupj. 28 Nujola tꞌas costa

El Nuevo Testamento en Tol de Honduras, 2da ed. ©2010, Wycliffe Bible Translators

233

SAN LUCAS 14, 15

way ncapj con̈có. Nujola tꞌas ncu tꞌücꞌ way quelel ncapj con̈có. Nun popa quelel si jünsa wosis pajal püné, mwalá way ꞌetjele, sin pyaca nol jaylacj si jünsa wosis. Jola ncu tꞌücꞌ tꞌemel la cawajas la jünsüs wosis. 29 Ma nin liji, tyoca, si jünsa tsjomis la pꞌin ca nacj. Nin la tjiji na, ma polel cyawaja wosis ca nacj. Mpes pjü tjunuc nin la tjiji, pjü la mpjütsꞌünücj ca jupj. 30 Ca mvelecj: ‘Jupj quelel jas tjijyünsa wosis, newa ma polel pjü tecyawaja jupj’. 31 ”Nin pꞌiyá jepa püné lal. Jupj quelel jama jupj militarpan jilal ca nacj. Quelel le palana pꞌa wa lal, jupj militarpan jilal. Wine secj pꞌin, ꞌetjele jupj, jola nsem ncu ꞌücj le palana pꞌa jepa lal. Jola nsem militarpan diez mil si manuna ca nacj. Jepa pꞌa wa militarpan veinte mil si manuna, más pülücj witjacj yupj jupj militarpan jilal. 32 Jupj más püné tulucj, jupj ca sin majamas auxiliarpan nepenowá pꞌa jepa ntꞌa. Custjay pajal campa ton̈ca pꞌa, ca sin majamas, ca jupj lal la müꞌüyacj ꞌonin ne ꞌücj jis la pütꞌüs, ma la mpaꞌnacj. 33 Nin pꞌiyá nun jis lal. Nujola tꞌas costa way ncapj con̈có. Nun ma nin nujola pjü way nun nutsꞌaꞌá Dios jutsꞌaꞌá, napj discipulopan* tulucj nsem nun. 34 ”Sal ꞌüsüs way. (Sal mpes tsꞌyuca pwisis, ma malala mpalas, ma mojo jupj.) Nin tulucj sal ma wüjü na. Sal ma wüjü na, ma polel wüjü lajay yupj. 35 Ma wa ꞌyüꞌsa liji momas abono jinwá. Ma wa ꞌyüꞌsa liji abono ꞌamá la tsꞌuc. Naꞌaj la tsꞌi pꞌin. Nin pꞌiyá nun jis lal. Sal ꞌüsüs jinwá tꞌas nun”, nin tjevele Jesús.

15

Jesús sin tjiꞌyüsa lis tjiji Dios quelel liji pjü gente. (Mateo 18.10-14)

1 Pülücj ꞌa jis tjimyula Jesús ntꞌa. Yupj nepenowá impuesto jaylacj jatꞌanquepj pátjatsja. Jupj ntꞌa tjiquil wa pꞌa witjacj malala nyuca lajay. Quelel pjyacan̈tsja Jesús tjevelá. 2 Nin mpes fariseopan* tülü way tjowelepj Jesús malala. Nin pꞌiyá tjowelepj niyom pꞌa wa, Moisés* popel sin ꞌyüsa lajay. Tjowelepj: “Yom niná ꞌücj jos jiquil malala nyuca lajay. Lyaja wa jupj yupj jis lal.” 3 Yupj nin tjowelepj, mpes Jesús parábola* tjevele yupj jis lal. Sin ꞌyüsa lis tjiji Dios jos pjü ca cus ncon̈cocj jupj. Ninana tjevelá: 4 “Nun popa pjaní oveja* cien tyaꞌa jupj ca nacj, pajal pülücj. Pjü way jos jupj. Pjaní len̈ tjevyala na, jupj ca mim la mpalas jupj. Oveja noventa y nueve pjü lyawun̈ tsjutsj jalá ntꞌa. Pjü lejen̈ ca mim yomen. Oveja pjaní jus tjinyuca nas ca la mpalas. 5 Jus tjinyuca nam, ꞌücj jos nsem pajal. Oveja ca jüpjüs mpüntüs, ntjamas. Wo ntꞌa ca mim. 6 Jus tjevyanta

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 15

234

na wo ntꞌa, ca ꞌa jis mulus jomicapan, la pꞌa wa neꞌaj patja ca ꞌa jis mulus wa. Ca mveles yupj jilal: ‘ꞌÜcj nujisas tꞌas napj lal. Napj oveja len̈tsja, jus tjinyuc quinam.’ 7 ”Nin pꞌiyá Dios lal —tjevele Jesús—. Pülücj ꞌüsüs Dios lal ca nacj, noventa y nueve ca nacj. Yupj püna la tjajay ꞌücj newa lajay yupj. Ca nacj yom pjaní way pꞌin malálatsja. Locopyaya jola tepyala malala nyuca la tjiji. Dios jos jinwá quelel liji quinam. Dios püꞌü ntꞌa más ꞌücj jisas nsem jupj mpes, pülücj ꞌüsüs witjacj jilal.” 8 Jesús pꞌa parábola* tjevele quinam. (Newa sin tjiꞌyüsa lis tjiji Dios pajal quelel liji gentas.) Nin tjevele jupj: “Quepj tꞌemel cꞌa diéziya tyaꞌa ca nacj. Pjaní palá yaca, ne ma si nuc ca nacj. Nin tepyala na, tꞌücꞌ way ꞌiyó si müjü, lepa jupj. Ca wa la majapjunus, ca la mpalas jupj tꞌemel. Jus tjinyuca nas ca la mpalas. Lovin nin lajay nequem. 9 Jus tjinyuca na, ꞌa jis mulus ca jupj jomicapan, la pꞌa wa neꞌaj patja ꞌotsꞌipj. Jupj ca mveles yupj jilal: ‘ꞌÜcj nujisas tꞌas napj lal. Napj ntꞌemel palá tjeyaca, ma si nuctsja, nasa jus tjinyuc.’ Nin ca mveles jupj. 10 Nin pꞌiyá Dios angelpan* ꞌücj jisas yom pjaní way mpes, quepj pjaní way mpes. Malálatsja ca nacj jupj püná. Quina ma jos niná jupj malala la tjijá; ꞌüsüs quelel liji quinam Dios jos jinwá.” 11 Jesús pꞌa parábola* tjevele quinam. (Newa quelel sin ꞌyüsa líjitsja Dios pjü quelel la siji.) Jesús tjevele: “Yom pjaní, matꞌe jatjampan jupj. 12 Tsꞌacꞌ pjaní jatjam pjyapja tjevele popay lal: ‘Mpapay, jipj quelel ne ꞌantsja jipj jitsꞌaꞌá popé, quina ma ꞌen’. Mpes jupj popay pjaní pjaní jis tjeꞌyaya jatjampan manas pjü yupj yutsꞌaꞌá. 13 Pꞌa jyawca na, jatjam pjyapja pjü vender la tjiji jupj popay tjeꞌyayá. Tꞌemel lal pajal campa tjemey popay mpe. Tjemey ntꞌa malala nyuca la tjiji. Pjü jis tjeꞌyaya tꞌemel. Tecyawaja. 14 ”Pjü jupj jutsꞌaꞌá cjuwatsja na, pjü cjuwatsja wa jis la las jupj tüpüꞌü ntꞌa. Pues pjü cjuwatsja jis la las neꞌaj. Mpes cjuwatsja wa jupj. 15 Tjemey jupj, yom neꞌaj tüpüꞌü ntꞌa. Quelel tsjiꞌ líjitsja yom mpes. Yom niná jas tjejyama jupj malana lyawun̈ ntꞌa, jupj ca jis maꞌayas jis la las. 16 Pajal vecj péꞌetsja jupj. Malana jalá po jostsja wa jupj. Pjü ꞌaya secj yupj. 17 Locopyaya ꞌüsüs jola tepyala jupj. Jupj jólatsja: ‘Mpapay jomozopan pülücj si manuna. Pülücj jatatj jis la las yupj pjü. Napj quiꞌá ꞌos, vecj ni püꞌí. 18 Mpes ca nin müjünsǘ, ca mis quinam mpapay ntꞌa. Ca mvelé jupj lal: “Mpapay, malala nyuca la tjejay napj Dios lal, jipj lal ꞌotsꞌipj. 19 Jetjam tulucj jinwá napj quinam. ꞌÜsüs tulucj napj

El Nuevo Testamento en Tol de Honduras, 2da ed. ©2010, Wycliffe Bible Translators

235

SAN LUCAS 15, 16

jipj lal. Nin ntꞌa ma ꞌen tsjiꞌ la mejay, Mpapay. Jipj myozo nsem napj.” ’ 20 Nin la tjiji jupj. Jas nisa, tjemey popay ntꞌa. ”Custjay campa wine pꞌin, jupj popay jus tjinyuca jupj. Popay po jólatsja malala tepyala jatjam. Tsꞌüequené tjemey la nüjüsü jupj. Col tjevyala jupj. Po ꞌücj jostsja jatjam tjacꞌ. 21 ”Jupj jatjam tjevele popay lal: ‘Mpapay, malala nyuca la tjejay napj Dios lal, jipj lal ꞌotsꞌipj. Jetjam tulucj jinwá napj quinam. ꞌÜsüs tulucj napj jipj lal.’ 22 Jupj popay ma nin jólatsja jupj. Tjevele jomozopan jilal: ‘Len̈ way nin quip más ꞌüsüs way ncaꞌá ma ꞌe, jas nquiꞌpá natjam. Anillo ncaꞌá ma ꞌe, mos tjoꞌonsó. Zapato ncaꞌá ma ꞌe wa, tsjom tjoꞌonsó. 23 Vaca tsjicj tꞌüntꞌün ncumaná müꞌüꞌná ꞌotsꞌipj. Nlajam ca, pajal ꞌücj qjuisas nsem. 24 Natjam tepeꞌe jin nólatsja, newa püꞌü. Jupj len̈tsja; jus tjinyuc quinam.’ Nin tjevele popay, mpes ꞌücj jisastsja pajal. 25 ”Nin tepyala na, jatjam mwalá tsjiꞌ liji ntꞌa tjáꞌasa jupj. Yacjaya tjacꞌ jupj wo ntꞌa. Neꞌaj pꞌin tjacꞌ na jupj wo ntꞌa, nepé jatül jin tjapjaca jupj. Neꞌaj bailar lajay jin tjapjaca jupj ꞌotsꞌipj. 26 La tjemyona tjacꞌ mozo pjaní, la tjiꞌyüya tsjan tepyala quinam. 27 Mozo jupj wola tjevele: ‘Jitsipe tjacꞌ, mpes pyapay vaca tsjicj tꞌüntꞌün tjiꞌyüꞌna jis la las. Jitsipe ꞌücj püꞌü tjacꞌ niswá pyapay ntꞌa, mpes nin la tjiji jupj.’ 28 ”Mpes jatjam mwalá tsꞌi tjiꞌina. Ma quelel wama jámatsja. Yacjaya popay jus nleya pjeꞌá tjáꞌasa jupj, mpes tjemey, tjinyuca jupj. ‘Wama was, Natjam’, tjevele. 29 Jatjam mwalá ma jostsja. Jupj tjevele popay lal: ‘Año pülücj lovin tsjiꞌ la tjejay napj jipj mpes. Lovin ntjijütütj la tjejay napj. Mopꞌin ma ntjeꞌan cabro tsjicj la las, najamicapan jilal la las. 30 Niná jetjam, malala nyuca la tjiji. Jipj jetꞌemel pjü jis tjeꞌyaya nequem malala witjacj. Jupj tjacꞌ na, tjiꞌyünan vaca tsjicj tꞌüntꞌün jupj mpes.’ 31 Mpes jupj popay tjevele jupj lal: ‘Natjam, lovin napj lal pütꞌ jipj. Pjü napj natsꞌaꞌá jipj jitsꞌaꞌá wa. 32 Najastsja ꞌücj qjuisas nsem quinam jetjam niswá tjacꞌ mpes pꞌin. Tepeꞌe jin nólatsja, newa püꞌü. Len̈tsja jupj, ne niswa jus tjinyucucj.’ ” (Parábola* niná tꞌücꞌ tjevele quinam Jesús. Sin tjiꞌyüsa lis tjiji Dios quelel liji wa malala witjacj.)

16

Más ꞌücj Dios tsꞌuyupj pajal ꞌüsüs tsjiꞌ lajay Dios mpes.

1 Jesús pꞌa parábola* tjevele wa discipulopan* jilal. Parábola mpes sin tjiꞌyüsa lis tjiji más ꞌücj ꞌüsüs lajay yupj jis tꞌemel lal Dios jos jin. Nin lajay, más ꞌücj ca nsem yupj mpes, Dios ntꞌa jil na. Jesús tjevele: “Yom pjaní tꞌemel pülücj tyáꞌatsja, mozo tyaꞌa watsja jupj, pjü jis lo jütütj jupj jutsꞌaꞌá. Tsꞌacꞌ pjaní tjejyawca na, pꞌa wa tjatꞌ

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 16

236

Popay po jólatsja malala tepyala jatjam. (San Lucas 15.21)

tjowelepj mozo niná poꞌó. Tjowelepj mozo niná malala nyuca la tjiji, pjü jis tjeꞌyaya yom jutsꞌaꞌá. 2 Mpes yom niná la tjemyona ncuwim jomozo, tjevele jupj lal: ‘¿Tsjan pjucj nin la tjejay jipj? Ca mvelen tsjan la tjejay napj natsꞌaꞌá jilal. Ca mvelen nol netj napj mpes, nol jis tjeꞌyan napj mpes ꞌotsꞌipj. Napj namozo tulucj ca nsem jipj quinam.’

El Nuevo Testamento en Tol de Honduras, 2da ed. ©2010, Wycliffe Bible Translators

237

SAN LUCAS 16

3 ”Mpes

jomozo jólatsja: ‘¿Tsjan ca la mejay napj quepé tjum nam? Napj mpatrón nin jyama, mpes jupj jomozo tulucj ca nsem napj quinam. Ma polel tsjiꞌ lejay nampa yümücj. Niná ma lejay napj. Ma wa quelel mocj la cümon. Pajal ne mayca nin lejay. 4 Selé quinam tsjan ca la mejay. Ninana lejay mpes, nepénowa ꞌücj jisas nsem napj püꞌüs yupj jilal, jupj nin tjejyama na.’ 5 ”Mpes jomozo pjü lis tjemyona ncul level lajay, jupj patrón lal level la tjajay. Pjaní pjaní lis tjemyona ncul. Mwalá lal tjevele: ‘¿Nol level jipj napj mpatrón lal?’ 6 Level liji tjevele: ‘Cien tina level napj aceitas*’. Mpes mozo tjevele jupj lal: ‘Ncaꞌ pyapel, jipj cien level vele jupj. Ntꞌiꞌisa, pyapel seyasa tepyaca jipj, cincuenta ca level nsem jipj la pꞌin.’ 7 Locopyaya mozo tjevele pꞌa wa lal, level liji watsja jupj. Tjevele: ‘Ne jipj ¿nol level jipj?’ Level liji tjevele: ‘Cien carga level napj trigo*’. Mpes mozo tjevele jupj lal: ‘Ncaꞌ jipj pyapel, jipj cien level vele jupj. Pyapel seyasa tepyaca jipj, ochenta ca level nsem jipj la pꞌin.’ 8 ”Malala waytsja mozo nin la tjiji. ꞌÜcj tulucj jupj, mopꞌin jupj patrón ꞌüsüs pjac tjevele jupj poꞌó, mozo ꞌüsüs nyuca jólatsja mpes. Dios ma jisas ꞌüsüs nyuca yola tsjan más ꞌücj lajay yupj, pꞌa wa Dios ma jisas jilal. Dios tsꞌuyupj jaw ntꞌa patja jinwá yupj Dios mpes, newa ma pajal ꞌüsüs nyuca yola tsjan más ꞌücj lajay yupj, pꞌa wa Dios tsꞌuyupj jis lal. 9 ”Tꞌemel ꞌüsüs tulucj, mopꞌin más ꞌücj ꞌüsüs la müjí nun jis tꞌemel lal, Dios jos jin. Nin lojí, ꞌüsüs ca nu mpalas. Dios lovin ma joꞌ mpaꞌis ꞌüsüs la tjüjí. Mpes coꞌliqué na, ꞌüsüs nsem. Potjaqué na Dios lal, Dios ꞌücj jos nsem nun jilal ꞌüsüs la tjüjí mpes. Nin velé napj. 10 ”Nun popa Dios jyüꞌta jin liji pjaní way lal, Dios jyüꞌta jin ca la mijis wa pülücj lal. Ma Dios tjijyüꞌta jin liji pjaní way lal, ma wa Dios jyüꞌta jin ca la mijis pülücj lal. Nin lovin. 11 Tꞌemel tsjicj way pajal Dios lal. ꞌÜsüs tulucj. Mpes nun ma Dios jyüꞌta jin lojí tꞌemel lal, jupj ma ca nu maꞌayas jupj jutsꞌaꞌá ꞌüsüs way, nun jis la jamas jupj mpes. 12 Nun ma jupj tjijyüꞌta jin la tjüjí jupj jutsꞌaꞌá lal, Dios ma ca nu maꞌayas tsjan nun nutsꞌaꞌá nsem. 13 ”Nun ma polel lojí Dios jyüꞌta jinwá, nun pajal tꞌemel nujos na. Nin pꞌiyá mozo ma polel tsjiꞌ liji niyom matꞌe mpes nin jawas pꞌin. Mozo ma ca quelel tꞌücꞌ la mijis jupj patrón pjaní tjijyüꞌta jinwá. Maꞌajapj tjijyüꞌta jin ca quelel la mijis ca nacj. Nenéyawa ca cus ncon̈cos mwalá way pꞌin. Ma ca jos nsem maꞌajapj. Nin pꞌiyá nun ma polel pajal nin nujola tꞌemel mpes, Dios mpes tsjiꞌ lojí na”, nin tjevele Jesús. 14 Fariseopan* nin tjepjyacan̈ na Jesús tjevelá, pajal la tjüpjütsꞌün. Yupj pajal jisastsja tꞌemel. 15 Jesús seletsja nin tjowelepj yupj, mpes jupj tjevele

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 16

238

yupj jis lal: “Nun welé gente jis lal nun pꞌiyá ꞌüsüs; mopꞌin malala nun. Dios selé tsjan tꞌücꞌ way nujola. Gente pꞌin yola nun pajal ꞌüsüs. Niná nun lojí pajal malala Dios lal. 16 ”Juan el Bautista custjay ma tjacꞌ na, Moisés* popel toꞌatsja, profetapan* tapac toꞌatsja wa. (Yupj pjü way tapac Dios mpes.) Po quina Juan el Bautista tjacꞌ naya mpe, napj velé pülücj jis walapꞌaꞌá. Nin velé Dios ca müjüꞌtüs nosis ntꞌa. Pjü way po jisas ca Dios si jütüta popa jis mpalas yupj. Pjü polel lajay, pjü nin lajay, ꞌücj jis la winin neꞌaj. 17 ”Newa ca nin mpalas Moisés* popel vele jin, jupj niná tepyaca Dios tjijyüꞌtá. Dios lovin ma ca joꞌ mpaꞌis jupj tjijyüꞌtá. Tsjicj way pꞌin joꞌ peꞌe tulucj. Tsjun poꞌó ca ncawajas; mopꞌin ma ca joꞌ mpaꞌis Dios. Nosis ca ncawajas; mopꞌin ma ca joꞌ mpaꞌis Dios. 18 ”Yom se jamá mim jatsꞌom, pꞌa lal woya jupj ca nacj. Pꞌa lal woya na, Dios ca mveles ma jatsꞌom neꞌaj myaꞌna jupj. Nin pꞌiyá jatsꞌom lal woya lal. Pꞌa yom jatsꞌom lal woya, Dios ca mveles ma jatsꞌom neꞌaj myaꞌna jupj. Malala lajay pꞌin Dios lal”, tjevele Jesús.

Más ꞌücj Dios tjevele jin lijicj.

19 (Jesús sin ꞌyüsa la síjitsja más ꞌücj pyonecj Dios Popel tjevelá, ne nin ca la

mijicj Dios tjevele jin.) Nin tjevele Jesús: “Yom tüpüꞌü, tꞌemel pülücj tyáꞌatsja. Lovin jas tücüiꞌpe pülül je. Lovin pülül pülücj jaylacj, po ꞌüsüs yustapj jas tücüiꞌpe jupj. Pjü jyawca pülücj la las la tjiji, pülücj tjelyaja jomicapan jilal, mpes ꞌücj jos tepyala jupj. 20 Tsꞌacꞌ pjaní pꞌa witjacj tjiquil jupj wo tꞌasiyú tjüwücj jun vilicj ntꞌa, yom tüpüntüpj, tjil. Pjü cjuwatsja yomen. Lázaro lotsja jupj. Jüpꞌüy jas tüpwes pütsꞌey. 21 Pajal vecj péꞌetsja. Quelel lyájatsja naꞌaj la tsꞌiya popé, yom tꞌemel pülücj jupj ve palá tinca popé. Mopꞌin tꞌeꞌenca secj jupj. Más malala tepyala wa jupj. Tsjiyó witjacj tjiquil, jupj pütsꞌey tüpwis ꞌotsꞌipj. 22 ”Locopyaya nin pues cjuwá tepeꞌe Lázaro. Angelpan* tjaman jupj Dios püꞌü ntꞌa. Neꞌaj Abraham* püꞌü wa quinam. Yomen tꞌemel pülücj, tepeꞌe wa jupj, jupj ꞌa toctsja. 23 Malala ntꞌa tjemey jupj, ꞌawa püné moꞌo tjemey. Neꞌaj pajal ꞌaplijila tjáꞌasa. Neꞌaj tjáꞌasa nepé Abraham pajal campa ton̈ca tjinyuca. Jus tjinyuca wa Lázaro Abraham lal. 24 Jupj ꞌawa püné mpe yümücj tjevele: ‘Ncocoy Abraham, jele tꞌas malala ntepalá. Ncapj tjepꞌyaꞌsa. Jas tjejyama Lázaro napj ntꞌa, ꞌüsǘ moꞌo le ꞌetꞌé, palá tsꞌyosa, ca mpelam po la moꞌotꞌes, más ꞌin tsjo ca ma palas. Pasal ꞌaplijila napj ꞌawa moꞌo jüs, mpes le mon.’ 25 ”Abraham* jupj wola tjevele: ‘Natjam, jele tꞌas nosis ntꞌa tüpütꞌ na, pülücj netj jipj pajal ꞌüsüs. Lázaro ntꞌya malala waytsja. Quina ꞌücj

El Nuevo Testamento en Tol de Honduras, 2da ed. ©2010, Wycliffe Bible Translators

239

SAN LUCAS 16, 17

jos tepyala Lázaro; jipj pajal li piyun. 26 Pꞌa nin pꞌiyá velé wa: neꞌaj tsꞌentuna pajal campwila ꞌi jipj ꞌi napj. Mpes quepé quelel jil nun ntꞌa, ma polel jil. Nin pꞌiyá jipj jacꞌ nepé, pjü ma polel jiquil wa cupj ntꞌa. Yoquin cjuwá’, tjevele Abraham. 27 ”Yom ꞌawa püné moꞌó, wola tjevele jupj: ‘Nin mpes la ꞌe mon, ncocoy, jas majaman Lázaro, müjüꞌtün jupj napj mpülücpan ntꞌa ca mim. 28 Cínquiya mpülücpan napj. Lázaro ca mveles yupj jilal ca malala jis mpalas yupj, yupj malala lajay, napj lejaytsja jinwá. Jupj ma jama yupj ntꞌa, ca ncul wa yupj quiꞌá, malala ntꞌa, ca nacj. Ntꞌa po malala ne palá napj lovin.’ 29 ”Abraham* tjevele jupj lal: ‘Moisés* tepyaca Dios tjijyüꞌtá. Jupj Popel jatatj yupj. Profetapan* tapac püná Dios poꞌó jatatj wa yupj. Más ꞌücj yupj jis tjüjütütj jin la mijicj pyülücpan. Nin lajay, Dios ma ca jis capj ntülüs yupj.’ 30 ”Yom ꞌawa püné moꞌó tjevele: ‘Nin tulucj, ncocoy Abraham*. Tepeꞌe jama yupj ntꞌa, yupj ca yola mpalas malala nyuca la tjajay. Ma ca jisas nsem newa malala lajay yupj.’ 31 ”Abraham* wola tjevele jupj: ‘Ma jisas Moisés* tepyacá, ma jisas profetapan* tapac, ma wa ca jisas nsem jupj velá, yom püna tepeꞌe jas nisa, püꞌü niswá. Newa ma ca mponecj jupj velá.’ ” Nin tjevele Jesús.

17

Más ꞌücj lovin perdonar lijicj la pꞌa. (Mateo 18.6-7, 21-22; Marcos 9.42)

1 Locopyaya Jesús tjevele jupj discipulopan* jilal: —Tꞌücꞌ way nepénowa malala nyuca lajay mpes pꞌa witjacj malala quelel lajay wa. Malala ca jis mpalas pajal, niná lajay mpes. 2 Más ꞌüsüs nsem yupj mpes la pꞌa pe püné jis men ntsuꞌpacj mvalacj, ꞌüsǘ püné moꞌo ca la ntsꞌiyacj, ncaꞌlin̈. Más malala nsem yupj mpes yupj malala nyuca lajay ne ca tsjicj pjaní malala nyuca la mijis wa, yupj la tjajay mpes. 3 ꞌIn tjajama. ”Jetjam malala nyuca la ꞌiji na, cus tjeveꞌle. Jupj jola mpalas malala nyuca la tjiji ca nacj, ne ca ꞌüsüs la mijis quinam. Nin la tjiji na, jipj ca mya ꞌüꞌsüs jupj lal. Jipj ca perdonar la mijin jupj. 4 La siete malala nyuca la ꞌiji tsꞌacꞌ pjaní ca nacj. La siete jipj ntꞌa jacꞌ wa, jupj vele jipj lal: ‘Malala la tjejay jipj lal. Ma ca nin la mejay quinam.’ Nin liji na, jipj ca mya ꞌüꞌsüs jupj lal niswá —nin tjevele Jesús.

Dios lal japon ꞌücj müjüꞌtücj jupj mpes.

5 Apostolpan*

tjowelepj qjuis Jepa Jesús lal: —Qjuis capj tjepꞌyaꞌsa más ꞌücj qjuis la pon jipj velen. 6 Jupj tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 17

240

—Tsjicj way pꞌin poné na, setel tsjicj way jinwá, ꞌücj ca mvelé tsꞌoway lal: ‘Tepyocja, ꞌüsǘ püné moꞌo ꞌisine jipj’. Ne nun welé jin ca la mijis jupj —nin tjevele Jesús. 7 (Jesús sin tjiꞌyüsa lis tjiji ꞌücj jajütütj Dios mpes, jupj lal japon na.) Ninana jupj tjevelá: —Nun popa pjaní jomozo tyaꞌá ca nacj. Jomozo ꞌamá le tsjec ca nacj, oveja* jyama ca nacj. Mozo tsjiꞌ liji mpe jacꞌ na, ¿ncu nun popa ca mveles jomozo lal: ‘Len̈ way was. Ntꞌiꞌisa la las?’ 8 Ma nin ca mveles jupj. Ca mveles jomozo lal: ‘ꞌÜcj la tjiji napj nla. Jin quip ꞌulupela la mijin. Pjü najas jipj ca ma ꞌen lya na, müꞌüs na wa. Yacjaya jipj ca nlajan wa, ca müꞌüm wa.’ 9 Jupj ma ca mveles jomozo pajal ꞌüsüs, jupj tjijyüꞌta la tjiji mpes. 10 Nin pꞌiyá nun jilal. Nun napj namozopan. Pjü la tjüjí na Dios nu jyüꞌta, nun ca mvelé: ‘Mozopan ꞌüsüs tulucj cupj. Qjuis tjijyüꞌta la tjijicj la pꞌin, pjü mozopan lajay jin’ (—nin tjevele Jesús ca nin mpalas cupj jyüꞌtücj na Dios mpes.)

11 Jesús

Niyom diéziya jis tjiꞌyüꞌsa la tjiji Jesús. Pjaní pꞌin tjevele tjüwüiꞌi nin la tjiji mpes.

newa jámatsja Jerusalén ntꞌa. Galilea la nipj tjemey, Samaria* la nipj tjemey wa. 12 Nepénowa patja ntꞌa neꞌaj pꞌin tjacꞌ na, niyom diéziya la nyüjüsün̈ jupj. Malala jisastsja pajal, jis pjolocꞌ tjamaja mpes. Mpes sin tjan nyüjünsünün̈ yupj. Ma quelel jacutsja malala jisas sin popé. 13 Campa mpe yümücj tjowelepj: —Jesús, qjuis Jepa jipj. Qjuis capj tjepꞌyaꞌsa, malala qjuis tepyala mpes. 14 Yus tjinyuca na, Jesús tjevele yupj jis lal: —Sacerdotepan* ntꞌa lowa nun. Yupj ca nujus nucucj, nun jis pꞌüy ca la mpalacj ncu malala lo nuc —tjevele Jesús. Mpes tjil malala jisas. Custjay jiltsja na, jis tjiꞌyüꞌsa yupj. 15 Jus nlay jis tjiꞌyüꞌsa, ne pjaní way yupj sin popé tjacꞌ niswá. Po ꞌüsüs pjac tjevele Dios poꞌó. Yümücj tjevele jupj. 16 Palá nipiꞌtje jupj Jesús wolapꞌaꞌá. Tjevele tjüwüiꞌi pajal Jesús lal, tjiꞌyüꞌsa la tjiji mpes. Samaria* mpe ꞌeseptsja jupj, judío* tulucj. 17 Jesús jupj wola tjevele: —Diez witjacj jis tjiꞌyüꞌsa. Nueve len̈, ma niswa tjiquil yupj. 18 Pjaní way pꞌin niswa tjacꞌ ꞌüsüs pjac la veles Dios poꞌó. Niná judío* tulucj, napj negente tulucj jupj —tjevele Jesús. 19 Tjevele wa tjiꞌyüꞌsa lal: —Jin niꞌisa nucun, napj jin jyam quinam. Tepyon napj tjevelé, mpes ꞌi tjüꞌüꞌsa —tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

241

SAN LUCAS 17

Dios jyüꞌta na, ma polel la nuc nin pyalá. (Mateo 24.23-28, 36-41)

20 Fariseopan*

Jesús lal la tjüꞌüy ꞌona Dios ca Jepa maꞌajam nosis casá. Jesús jis wala tjevele: —Dios Jepa jáꞌasa na, cjuwá tsjan ca nucú, ca jus cülayé ca nin mpalas quinam. 21 Ma ca mvelecj: ‘Quiꞌá nin pyala’. Ma ca mvelecj: ‘Noꞌoj nin pyala’. Nusin tjüꞌüsüs nina: nasa jyüꞌta jupj quinam, gente jisas moꞌó. 22 Jesús tjevele wa discipulopan* jilal: —Napj pꞌiyá niná Yomen Dios jas tjejyamá. Pꞌa jawas nun pajal ca nujos nsem napj mpüꞌüs nun jis lal niswá, quina nun lal püꞌüs jinwá. Po ca nujos nsem tsꞌacꞌ pjaní way pꞌin niswa ca mpüꞌüs nun jis lal. 23 Nepénowa ca mvelecj nun jilal: ‘Tjunuca. Quiꞌá jáꞌasa jupj. Tjunuca. Noꞌoj jáꞌasa jupj.’ Ma lowa nun. Ma ca nlawú yupj jilal. 24 Napj cuwis na, ca pjü jus nlayecj. Menmené la mena pjü jyawca liji; nin pꞌiyá ca nsem napj lay ne palá na. 25 Mwalá way pꞌin pajal malala ca ma palas; ma wa ca quelel la ma jicj quina patjá. 26 ”Napj quelel cuwis naya, nin pꞌiyá ca nsem Noé tüpüꞌü na jinwá. 27 Noé tüpüꞌü na, ma japontsja ca malala mpalas. Newa jalatsja, myüꞌün̈tsja. Newa wyayin̈tsja yupj. Lovin nin pꞌiyá lajaytsja. Nin pꞌiyatsja Noé barco* wama tjemey jawas. Yacjaya pajal püné tjive. Tꞌyüna ꞌüsǘ, ne pjü sey jis la tjemey, tecyaꞌlin̈. (Nin pꞌiyá ca nsem, napj quelel cuwis naya. Ma ca jus nlayecj len̈ way Dios ca jis capj ntülüs.) 28 ”Nin pꞌiyatsja Lot tüpüꞌü na püná. Ma yólatsja yupj. Newa jalatsja, newa myüꞌün̈tsja yupj. Jaylacj lajaytsja ꞌotsꞌipj, vender lajaytsja ꞌotsꞌipj, jis wa sin jajünsüptsja ꞌotsꞌipj. 29 Pjü newa nin lajaytsja, Lot Sodoma nepé tjemey nas. (Nin jawas pꞌiyá Dios jis capj tyüla Sodoma ntꞌa tapatjá, malala nyuca la tjajay mpes.) ꞌAwa tjive, pe pwe tjive la tjiji Dios, mpes pjü jis tjiꞌyüꞌna neꞌaj. 30 Napj lay ne palá na, nin pꞌiyá ca nsem. (Ma ca jus nlayecj tsjan ca mpalas.) 31 ”Dios nasa jis capj tyüla na, más ꞌücj tsꞌüequenequé. Yom wo jay ntꞌa ntojom ca nacj, nin pyala na. Jupj jutsꞌaꞌá wo moꞌó jatja. Más ꞌücj len̈ way tsꞌüequené, ne ma pjeꞌá le queyé jupj jutsꞌaꞌá wo nepé. Jupj sine lejen̈ ntꞌa ton̈ca, más ꞌücj ma jama lo taꞌes jupj jutsꞌaꞌá mpes. Más ꞌücj len̈ way tsꞌüequené. 32 Nujola tapalas Lot jatsꞌom. (Malala tepyala, tepeꞌe, ma quelel jámatsja mpes.) 33 (Nin lovin.) Nun pajal nin nujola ꞌonin ne ꞌücj mpatjaqué nosis ntꞌa, ma ca mpatjaqué Dios lal. Nun pjü jatja lowú Dios mpes, ꞌücj mpatjaqué Dios lal.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 17, 18

242

34 ”Napj

cuwis na, napj ca man nepénowa napj ntꞌa. Nepénowa ma ca jis man. Mátꞌeya ca cjan mpatjam püste na ca nacj, napj cuwis na. Pjaní way ca man. Pjaní wa ca neꞌaj mpüꞌüm. Tꞌücꞌ niná. 35 Nequem matꞌe jun pjaní ntꞌa ncjocjocj ca nacj, napj cuwis na. Pjaní way ca man napj. Pjaní wa ca neꞌaj ntojom. 36 Niyom matꞌe ꞌa mulú meꞌelecj yupj jasin ntꞌa ca nacj, napj cuwis na. Pjaní way ca man napj. Pjaní wa ca neꞌaj ntojom —tjevele Jesús. 37 Jupj discipulopan* tjowelepj jupj lal: —¿Caꞌaj ca nin mpalas niná pjü? Jis wala tjevele: —Tepeꞌe jüpꞌüy püꞌü ntꞌa, neꞌaj ꞌa jis mulus montes. (Nin pꞌiyá gente pajal malala lajay ntꞌa, neꞌaj ca ncuwis, jis capj la tül.)

18

Más ꞌücj lovin ca la monacj Dios lal, mponecj wa jupj ca qjuis capj mpꞌaꞌsas.

1 Jesús

parábola* pꞌa wa tjevele yupj jilal. Parábola mpes sin ꞌyüsa lis tjiji más ꞌücj lovin Dios lal la mon jis capj mpꞌaꞌsas. Ma jis capj tjepꞌyaꞌsa custjay, más ꞌücj newa la nuc Dios ca jis capj mpꞌaꞌsas. Tꞌücꞌ way jupj ca nin la mijis. 2 Ninana parabolas Jesús tjevelá: “Yom püné tüpüꞌü pülücj patja ntꞌa. Juez waytsja jupj. Ma lecj jéyatsja Dios ca cus ntülüs jupj. Ma wa jólatsja gente sin poꞌó. 3 Quepj, voyum tepeꞌe, neꞌaj tüpüꞌü wa jupj, pülücj patja ntꞌa. ꞌÜyꞌüy way jactsja jupj juez ntꞌa, véletsja: ‘Ncapj tjepꞌyaꞌsa ma malala la ma jis napj neꞌenemigá.’ 4 Püs way juez ma quelel se pꞌáꞌsatsja jupj. Locopyaya jupj jólatsja: ‘Tꞌücꞌ way napj ma lecj jeyá Dios lal. Ma wa nola gente sin poꞌó. 5 Mopꞌin ca cus mpꞌacj jupj. Quepj niná newa pajal le moná napj lal, mpes cus mpꞌacj ca napj. Ma nin lejay, pajal ca nin tulum, lovin jacꞌ mpes’, nin jólatsja juez.” 6 Qjuis Jepa Jesús tjevele: “Nujola tꞌas juez malala poꞌó. Nujola tꞌas jupj tjevelá, quepj lovin la tjemyona mpes. 7 Dios más ꞌüsüs juez lal. Tꞌücꞌ way jupj ca jis capj mpꞌaꞌsas jupj tsꞌuyupj, yupj lovin la mon mpes, jaw na la mon wa, püste na la mon wa. Dios lis tꞌya yupj. ¿Ncu pajal ca la nucus jis capj la pꞌacj? Nin tulucj. 8 Len̈ way ca jis capj mpꞌaꞌsas, jis enemigopan ma malala lis mijicj. Nin velé napj nun jis lal. Napj pꞌiyá niná Yomen Dios jas tjejyama nun ntꞌa. Nosis ntꞌa cuwis na ꞌüsüs la jay ¿ncu nosis casá patja ca mponecj Dios quelel jis capj pꞌyaꞌsa yupj?” nin tjevele Jesús.

9 Pꞌa

Más ꞌücj pjü tsjictjacj jin yola yupj pꞌiyá.

parábola* tjevele wa Jesús nepénowa neꞌaj tjatja jilal. Yupj pꞌiyá ꞌüsüs Dios lal jin yólatsja. Yupj yólatsja la pꞌa wa ꞌüsüs tulucj. Mpes El Nuevo Testamento en Tol de Honduras, 2da ed. ©2010, Wycliffe Bible Translators

243

SAN LUCAS 18

Jesús sin tjiꞌyüsa lis tjiji más ꞌücj ma ꞌüsüs jin yola yupj pꞌiyá. Tjevele: 10 “Niyom matꞌe tjil Dios wo* ntꞌa jis la veles Dios lal. Pjaní fariseo* waytsja. (Neꞌaj patja yólatsja jupj ꞌüsüs.) Maꞌajapj tꞌemel tꞌeꞌéncatsja jepa mpes. (Neꞌaj patja yólatsja jupj malala.) 11 Fariseo ꞌücj jus la nuc ntꞌa ton̈ca jupj, tjevele Dios lal. (Pajal ꞌüsüs way jupj pꞌiyá, tjevele.) Nin tjevele: ‘Dios, la pꞌa witjacj malala yupj. Wüiꞌis yupj jin tulucj napj. Pwecapan yupj nepenowá. Malala nyuca lajay yupj nepenowá. Nepénowa neꞌaj jamanun sejatsꞌom tulucj. Yom qui ton̈ca jin tulucj wa napj. Tꞌemel tꞌeꞌenca jupj jepa mpes. (Malala jupj pajal.) 12 Napj ꞌüsüs lejay jipj mpes. Tsꞌacꞌ matꞌe pjü semana ma lya, ꞌüsüs quelel lejay mpes. Pjü napj tyatj popé, pjü diez popé, pjaní ꞌe ꞌa ꞌotsꞌipj.’ Nin tjevele fariseo. 13 ”Yom maꞌajapj, tꞌemel tꞌeꞌéncatsja jepa mpes. Tsjicj way pꞌin wama tjemey Dios wo* moꞌó. Ma jostsja la pꞌa jus la nuc. Ma tsjun poꞌo tjinyuca jupj. Mopꞌin jos suna tyüla ꞌaplijila mpes. Pajal nin jólatsja jupj malala nyuca la tjiji. Tjevele Dios lal: ‘Malala nyuca lejay napj lovin. Ninpe jele tꞌas. Ncapj tjepꞌyaꞌsa.’ ” 14 Jesús tjevele: “Yom tꞌemel tꞌeꞌéncatsja ꞌüsüs tepyala Dios lal. Maꞌajapj malala waytsja custjay. Nin velé napj nun jis lal. Püné jin jola jupj pꞌiyá, Dios ca tsjicj way la mijis jupj. Nin lovin. Tsjicj jin jola jupj pꞌiyá, Dios más püné ca la mijis jupj”, nin tjevele Jesús.

15 Nepénowa

Jesús jos tsjictjacj jiquil jupj ntꞌa. (Mateo 19.13-15; Marcos 10.13-16)

tjaman wa tsjictjacj Jesús ntꞌa. Jisastsja Jesús ca po la moꞌotꞌes tsjictjacj sey pjucj, mveles ca ꞌüsüs jis mpalas Dios mpes. Jesús discipulopan* yus tjunuc tjiquil neꞌaj, ne jis capj tjowelel tsjictjacj tucuman mpes. 16 Jesús ma jostsja discipulopan nin la tjajay. Tjevele ncul tsjictjacj. Tjevele wa discipulopan jis lal: “Jis maꞌayá ca ncul tsjictjacj napj ntꞌa. Po ma jis müjüꞌtǘ ma ncul. Gente japon tsjictjacj japon jinwá, Dios ꞌücj si jütüta yupj. 17 ꞌÜcj tsjictjacj jis lal Dios si jütüta. Gente ma jisas Dios si jütüta yupj, tsjictjacj si jütüta jinwá, ma ca Dios popa jis mpalas yupj. Tꞌücꞌ niná”, tjevele Jesús.

Costa way pülücj jatatj Dios si jütüta popa se palá yupj. (Mateo 19.16-30; Marcos 10.17-31)

18 Judiopan*

jis jepa pjaní tjevele Jesús lal: —ꞌÜsüs way jipj. ꞌÜsüs sin ꞌyüsa lejay. Najas mvelen napj lal tsjan más ꞌücj la mejay napj ne Dios ca maꞌayas napj ca ꞌücj mpüꞌüs lovin jupj lal. El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 18

244

19 Jesús

jupj wola tjevele: —¿Tsjan mpes tjevelen napj ꞌüsüs way? Dios pꞌin ꞌüsüs way jupj. (¿Ncu quelel velen napj pꞌiyá Dios?) 20 Jipj selen Dios tjijyüꞌtá jupj Popel moꞌó. Tjijyüꞌta yom ma ca neꞌaj maꞌnus jatsꞌom tulucj, quepj ma ca neꞌaj mim voyum tulucj lal, ma ca müꞌüꞌnan pꞌa wa, ma ca mpequem, ma la ntsawilin. ꞌÜsüs la mijin pyapay lal, jemay lal wa. Jele nsem noypan yupj jipj lal. Niná Dios tjijyüꞌtá —tjevele Jesús. 21 Yom judiopan* jis jepa tjevele: —Lovin nin la tjejay. Napj tsjicj waytsja na pꞌin lovin nin la tjejay. 22 Jesús tjapjaca na niná, tjevele jupj lal: —Pjaní ma la tjejay custjay. Pjü vender la mijin jipj jitsꞌaꞌá. Tꞌemel niná jis maꞌayan tꞌemel cjuwá. Nin la tjejay na tsjay pülücj ca ntaꞌan Dios püꞌü ntꞌa. Nin la tjejay na ncuwim, ncapj ncon̈con. 23 Yomen tjapjaca na niná, ꞌaplijílatsja jupj pajal. Ma quelel líjitsja Jesús tjevelá. Pajal pülücj tyáꞌatsja jupj. 24 Jesús tjinyuca pajal ꞌaplijílatsja jupj. Tjevele: —Pajal costa way pülücj jatatj Dios si jütüta popa se palá. 25 Pajal costa way camello* jav jul casá jama. Camello ma polel nin liji niná. Más ꞌin costa way pülücj jatatj Dios si jütüta popa se palá yupj —tjevele Jesús. 26 Niná tjepjyacan̈ tjowelepj: —Pajal costa way Dios si jütüta popa se palá yupj. Pjü way ma ꞌüsüs se palá Dios lal ca nacj, pjü ma mpatjam Dios lal ca nacj. 27 Mpes Jesús tjevele: —Niná gente ma polel lajay, ꞌücj nin liji Dios. Dios ꞌücj jis capj pꞌyaꞌsa ꞌücj jis la pütꞌüs jupj lal. 28 Pedro tjevele Jesús lal: —Cupj cutsꞌaꞌá jatja tjeleque jipj lal, cyapj la con̈. 29 Mpes Jesús tjevele discipulopan* jilal: —Nun nutsꞌaꞌá jatja tjalawú napj lal, ꞌüsüs pajal napj lal. Po ꞌüsüs ca nsem nun jis lal nin la tjüjí mpes. Nepénowa quelel lajay Dios jyüꞌtá, mpes jil jis wa nepé ca nacj, jil sejatsꞌom mpe wa ca nacj. Nepénowa jil jis pülücpan nepé. Nepénowa jil sejamay nepé ca nacj. Jil wa jis papay nepé nepenowá. Nepénowa sin popa nepé jil. Tꞌücꞌ way 30 pajal pülücj ca jis maꞌayas Dios nosis ntꞌa patja na, nin la tjajay mpes. Más pülücj ca ntꞌanquecj jatja tjil jis lal. Pꞌa wa ca jis maꞌayas wa. Pꞌa jawas, napj niswa tjacuwis nam, lovin ca mpatjam yupj Dios lal —tjevele Jesús.

Jesús niswa tjevele malala ca mpalas jupj, mpaꞌis. (Mateo 20.17-19; Marcos 10.32-34)

31 Locopyaya

sin tjan jis lal tjemey Jesús, discipulopan* dóceya jis lal. Jupj tjevele yupj jis lal: “Jerusalén ntꞌa leque. Neꞌaj pjü ca ma palas El Nuevo Testamento en Tol de Honduras, 2da ed. ©2010, Wycliffe Bible Translators

245

SAN LUCAS 18, 19

profetapan* ninpe tapac püná. Napj pꞌiyá niná Yomen Dios jas tjejyamá. 32 Neꞌaj Jerusalén ntꞌa, Dios ca jis maꞌayas judiopan* tulucj malala la ma jicj. Yupj la mpjütsꞌünücj ca napj lal. Ca nin poꞌo mvelecj malala napj. Ca ncapj mputsꞌacj. 33 Ca ma süpücj, ma ꞌüꞌnacj ca. Ntipüꞌí na, nin müjünsǘ, mpüꞌüs niswá tsꞌacꞌ contꞌe tepyala na”, nin tjevele Jesús. 34 Niná jupj tjevelá ma sin tjiꞌyüsa discipulopan*. Ma polel sin tjiꞌyüsa yupj. Ma jus nlaytsja tsjan poꞌo tjevele jupj.

35 Jesús

Yom jun tulucj tjiꞌyüꞌsa la tjiji Jesús. (Mateo 20.29-34; Marcos 10.46-52)

newa jámatsja Jerusalén ntꞌa. Neꞌaj pꞌin tjemey quinam Jericó ntꞌa, pülücj patja ntꞌa. Neꞌaj tjáꞌasa yom jun tulucj jümücj la ntꞌa. Tꞌemel la tjemyona neꞌaj jiltsja jis lal. 36 Tsjay pülücj neꞌaj jil jin tjapjaca jupj, mpes jupj la tjiꞌyüya tsjan mpes pülücj tjil. 37 Nepénowa tjowelepj jupj lal: —Jesús neꞌaj wa jama. Nazaret mpe ꞌesepj jupj. 38 Niná tjapjaca na, yom jun tulucj la tipiya: —Jesús, ncapj tjepꞌyaꞌsa. Dios jin tjejyama nosis ntꞌa. David* püna tüpüꞌü popa pꞌiyá jipj. 39 Mwalá tjil sin popé cus tjowelel yom jun tulucj. —Lyájasa tꞌas —tjowelepj jupj lal. Más yümücj la tipiya jupj: —Ncapj tjepꞌyaꞌsa. Dios jin tjejyama. David* püna tüpüꞌü popa pꞌiyá jipj. 40 Mpes Jesús tyantaná, tjevele ca yom jun tulucj lal ncul jupj ntꞌa. Yom jun tulucj tjacꞌ na, Jesús la tjiꞌyüya jupj lal: 41 —¿Tsjan jyas napj lejay jipj mpes? Yom jun tulucj tjevele: —Nejepa, po quelel nyuc napj. 42 Jesús tjevele jupj lal: —ꞌI tjüꞌüꞌsa catsj quinam. Jipj tepyon napj polel ꞌi ꞌüꞌsa lejay mpes ꞌücj quinam. 43 Len̈ way yom jun tulucj ꞌücj nyuca tepyala jupj. Cus tecyon̈ca Jesús, ꞌüsüs pjac tjevele wa Dios poꞌó ꞌüsüs tepyala mpes. Pjü neꞌaj tjunuc tjiꞌyüꞌsa la tjiji, ꞌüsüs pjac tjowelepj wa Dios poꞌó.

19

1 Jesús

Zaqueo tjacꞌ la nüjüsü Jesús.

Jericó ntꞌa neꞌas tjemey. Newa jámatsja Jerusalén ntꞌa. Culupwen nipj tjemey Jericó moꞌó. 2 Neꞌaj yom tüpüꞌü Zaqueo

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 19

246

ló. Tꞌemel tꞌeꞌéncatsja jupj jepa mpes. Nin la tjiji, tüpüꞌü jupj. Niyom pꞌa wa neꞌaj natj wa tꞌemel jepa mpes. Zaqueo yupj jis jépatsja jupj. Tꞌemel pülücj tyáꞌatsja jupj, Zaqueo. 3 Zaqueo po quelel si nucutsja Jesús. Quelel nyúcatsja cana jupj. Ma polel si nucutsja pajal pülücj tantan tjelyawun̈ mpes. Zaqueo ꞌamá ꞌalá tón̈catsja, ne nin. 4 Nin mpes mwalá way tsꞌüequené jupj, tsꞌoway jay tjemey, Jesús quelel nyúcatsja mpes. Yon ton̈ca jin jámatsja Jesús. 5 Jesús yon ton̈ca nas tjemey, yon jay ntꞌa tjinyuca, Zaqueo ton̈ca ntꞌa. Tjevele jupj lal: —Zaqueo, len̈ way palá was. Mpapay Dios jos napj jum wya ntꞌa la pütꞌüs yacjam. 6 Mpes len̈ way palá tjacꞌ Zaqueo. ꞌÜsüs jos la nüjüsü Jesús. 7 La pꞌa wa neꞌaj tjelejen̈, tjunuc Jesús tjemey Zaqueo lal, mpes pjü way tülü way tjowelepj malala la tjiji Jesús. Tjowelepj: “Yom malala lal tjemey, wo ntꞌa ca maꞌajam”. 8 Tꞌücꞌ way ma sin ꞌyǘsatsja yupj. Zaqueo pjü jis walapꞌaꞌa tjevele qjuis Jepa Jesús lal: —Jipj napj Nejepa —tjevele—. Ma ca malala la cüjay quinam. Dios jos jin ca la mejay quinam. Tꞌücꞌ way la mitad napj natsꞌaꞌá ca jis maꞌayá tꞌemel cjuwá quinam. La pꞌa jus tsyawil, tüpweques jupj tꞌemel püna pꞌin, niswa ca maꞌayá jupj tꞌemel. Pjaní tüpweques mpes, yulupjana ca maꞌayá —tjevele Zaqueo. 9 Jesús tjevele jupj lal: —Malálatsja jipj Dios lal. Yacjaj ꞌücj ꞌe tepalá Dios lal, mpes ca mpüꞌüm Dios lal. Nin ca nsem jipj wya ntꞌa patja jilal. Pyon quinam jipj, Abraham* tepyona jin pꞌiyá püná, mpes ꞌücj ꞌe tepalá Dios lal. 10 Ma sa con̈ Dios ꞌa malala yupj. Len̈ jinwá yupj Dios lal. Napj tjacuwis la pal len̈ jis tjevyala jis lal. Jis capj pꞌyacj mpes ca ꞌüsüs nsem yupj Dios lal ne ca ꞌücj mpatjam yupj jupj lal. Napj pꞌiyá niná Yomen Dios jas tjejyamá.

Jesús jos jupj jomozopan ꞌüsüs tsjiꞌ lajay jupj mpes jupj len̈ pꞌin. (Mateo 25.14-30)

11 Neꞌaj

tjatja tjepjyacan̈ niná Jesús tjevelá Zaqueo lal. Parábola* mpes sin tjiꞌyüsa lis tjiji ꞌotsꞌipj. Neꞌaj way pꞌintsja Jerusalén ntꞌa, mpes yupj yólatsja quina ca Dios Jepa maꞌajam nosis ntꞌa. Pjü ca nucucj ca nin mpalas, yólatsja yupj. 12 Ma nin pyálatsja, mpes Jesús sin tjiꞌyüsa lis tjiji tsjan líjitsja Dios nosis ntꞌa. Ninana tjevelá: “Jepa jatjam quelel campa jámatsja. Quelel jámatsja ntꞌa jepa püné ca püné la mijis jupj,

El Nuevo Testamento en Tol de Honduras, 2da ed. ©2010, Wycliffe Bible Translators

247

SAN LUCAS 19

ca jepa mpalas jupj. Jepa tepyala na, quelel jactsja niswá. 13 Mpes wine secj pꞌin, jupj jomozopan diéziya jis lal tjevele ncul. Pjaní pjaní jis tjeꞌyaya tꞌemel cꞌa pjaní pajal pülücj jaylacj. Tjevele yupj jis lal: ‘Napj len̈ na, najas tꞌemel más pülücj mpalas tꞌemel niná mpes. Jaylacj la müjí tꞌemel lal. Niná ca vender la müjí más ꞌin pülücj jaylacj. Mpes más pülücj mpalas tꞌemel.’ 14 ”Neꞌaj tapatjá ma jisastsja jepa jatjam. Mpes niyom nepénowa mwalá sin tjajam jepa püné ntꞌa, la veles jepa püné lal. Javeleptsja: ‘Ma qjuisas nina qjuisí jütütam ncupj’. 15 Jepa püné mopꞌin jepa la tjiji jupj. ”Nin tepyala na, jepa jatjam niswa tjacꞌ, jupj tjevele jin. Tjacꞌ na, tjijyüꞌta lal ca mvelecj ncul jomozopan diéziya, tꞌemel jis tjeꞌyaya yas nam. Jupj quelel seletsja nol natj tꞌemel jupj tjeꞌyaya lal. 16 Mozo mwalá way tjacꞌ, tjevele: ‘Nejepa, jipj tꞌemel cꞌa pjaní diéziya tepyala quinam’. 17 Mpes jupj jepa tjevele jupj lal: ‘ꞌÜsüs la tjejay. Namozo ꞌüsüs jipj. Tsjan tsjicj way pajal ꞌüsüs la tjejay jipj, mpes ca jis müjüꞌtün pülücj patja ntꞌa, pülücj patja diéziya ntꞌa ca jis müjüꞌtün.’ 18 ”Locopyaya mozo pꞌa wa tjacꞌ, tjevele: ‘Nejepa, jipj tꞌemel cꞌa pjaní cínquiya tepyala quinam’. 19 Jepa tjevele jupj lal: ‘Nin mpes jipj ca jis müjüꞌtün pülücj patja ntꞌa, pülücj patja cínquiya ca jis müjüꞌtün’. 20 ”Locopyaya mozo pꞌa wa tjacꞌ, tjevele: ‘Nejepa, quiꞌá jáꞌasa jetꞌemel. Tjivyüꞌün, tjeꞌyonsó jetꞌemel. 21 Lecj tjeyatsja jipj lal, mpes nin la tjejaytsja. Napj seletsja tsꞌüis jipj. Más pülücj tꞌeꞌen jipj püna tjeꞌyan lal. Tjevyala jequetj jipj ma jisin mpe’, nin tjevele jomozo niná. 22 Nin mpes jepa tjevele mozo niná lal: ‘Mozo malala jipj. Pajal malala nyuca jele. Jipj tjevelen mpes napj selé malala la tjejay jipj. Jipj tjevelen jipj selen tsꞌüisis napj. Más pülücj netj napj püna tjeꞌyá lal. Tjevelen napj tjevyala jequetj napj ma jisin mpe. 23 Jipj selen niná. ¿Tsjan mpes ma prestar la tjejay ntꞌemel banco* ntꞌa, más ꞌin pülücj mpalas ntꞌemel? Jipj nin la cüjaytsja, napj cütꞌanquetsja napj ntꞌemel napj tjacuwis na. Cütꞌanqué watsja pꞌa wa tꞌemel, napj ntꞌemel prestar la tjejay mpes’, nin tjevele jepá. 24 ”Jepa tjevele wa neꞌaj tjelejen̈ jis lal: ‘Noꞌoté napj ntꞌemel jupj mpe. Tjaꞌayá tꞌemel cꞌa niná namozo pꞌa, jupj ne diéziya tyaꞌa.’ 25 Mpes yupj tjowelepj jupj lal: ‘Qjuis Jepa, diéziya tyaꞌa jupj quinam’. 26 Jupj jis wala tjevele: ‘ꞌÜcj wa pꞌa wa tꞌemel ꞌya jupj. Nepénowa ꞌüsüs lajay napj jis tjeꞌyá popé, mpes más pülücj ca jis maꞌayá yupj. Ca yupj pülücj way ntaꞌacj. Nepénowa nin tulucj yupj. Liji secj yupj napj jis tjeꞌyá mpes, ne pꞌa wa ca ntꞌanques yupj jatatj. Nin velé ca nin nsem.’

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 19

248

27 ”Jepa

tjevele wa: ‘Napj neꞌenemigopan ma jisastsja napj jis müjütütj, jis lal nculá, ma ꞌe. Nawalapꞌaꞌa jis tjüꞌüꞌná.’ ” Tecyawaja quinam parabolas*. (Niná tjevelá mpes sin tjiꞌyüsa lis tjiji tsjan ca jis mpalas jupj jomozopan jupj tjacꞌ na, tsjan ca jis mpalas jupj enemigopan ꞌotsꞌipj.) Jesús jepa püné jinwá tjemey Jerusalén moꞌó. (Mateo 21.1-11; Marcos 11.1-11; Juan 12.12-19)

28 Jesús nin tjevele na, tjemey niswá, Jerusalén moꞌo jámatsja jupj. 29 Tucucꞌ

ntꞌa tjacꞌ, tucucꞌ niná Olivos ló, neꞌaj way pꞌin Betfagé ntꞌa, Betania neꞌaj pꞌin ꞌotsꞌipj. Neꞌaj tjacꞌ na, jupj discipulopan* mátꞌeya sin tjejyama, 30 tjevele yupj jis lal: “Lowa yupj jis wa lejen̈ ntꞌa. Neꞌas tjalawú na, soysoy tsjicj ca nucú. Mwen tsyuꞌpa ton̈ca jupj. Casá ꞌosos secj jupj custjay. ꞌOsocté ncumaná, ma ꞌe. 31 Pꞌa wa ca nu la müꞌüyas ca nacj tsjan nu lo jay socté soysoysos. Wola mvelé Nujepa jos jupj. Nin welé na, ꞌücj ca nsem yupj jis lal.” 32 Mpes niyom jupj sin tjejyama tjil, Jesús tjevele jinwá tjunuc yupj. 33 Yupj soysoy jasoctsja na, jupj soysoy ꞌesepj tjowelepj yupj jis lal: —¿Tsjan nu lo jay socté soysoysos? 34 Yupj tjowelepj: —Qjuis Jepa jos jupj. Mpes ꞌüctsja quinam yupj jis lal. 35 Soysoy Jesús ntꞌa tjaman quinam. Sin quip pjeꞌapa soysoy lüicj casá la tsjinan ne Jesús soysoy casá tjoꞌonsopj. 36 Jupj soysoy casá tjáꞌasa tjemey na, gente pꞌa wa sin quip jümücj casá tapajatj, pülül casapa lo winin Jesús. 37 Tucucꞌ palavin tjemey, tucucꞌ niná Olivos ló, neꞌaj pꞌin quinam Jerusalén. Pjü neꞌaj tjelyawun̈ ꞌücj jisastsja, jupj discipulopan* pajal pülücj, ꞌücj jisastsja pajal. ꞌÜsüs pjac tjowelepj Dios poꞌó, yümücj pjac tjowelepj yupj, Jesús pajal ꞌüsüs la tjiji mpes. La pülücj pajal ꞌüsüs la tjiji, yom pꞌin ma polel liji jinwá. 38 Tjowelepj: —Jepa maꞌajam Jesús. Dios pajal ꞌüsüs ca la mijis jupj mpes. Dios mpes vele jupj, Dios ne cupj qjuis Jepa Püné. Mpes tsjun poꞌo patja ꞌüsüs ca mpatjam. Cupj pajal ꞌüsüs ca mvelecj Dios poꞌó. Dios tsjun poꞌo püꞌü jupj. 39 Fariseopan* nepenowá Jesús lal jiltsja wa. Tjowelepj Jesús lal: —Jis capj tjeveꞌle jipj discipulopan*, yupj javelepj mpes. Jis tjijyüꞌta ma mvelecj niná, jipj pajal püné.

El Nuevo Testamento en Tol de Honduras, 2da ed. ©2010, Wycliffe Bible Translators

249

SAN LUCAS 19, 20

40 Jesús

yupj jis wala tjevele: —Yupj lyájasa nacj, pwen witjacj ca nin pꞌiyá la mpuyucj wa. Tꞌücꞌ velé napj. Jesús tjevele malala ca mpalas Jerusalén moꞌó.

41 Más

ꞌin neꞌaj pꞌin tjacꞌ quinam Jesús Jerusalén ntꞌa. Jerusalén tjinyuca na, pajal jólatsja Jerusalén mpes, ne la tipiya jupj. (Jupj seletsja jis wa Jerusalén moꞌo lejen̈ pjü malala jis mpalas. Seletsja pasal malala ca jis mpalas neꞌaj tapatjá.) 42 Niná jupj tjevele Jerusalén ntꞌa patja mpes: —Po nola nun mpes, nun ma nusin tjiꞌyüsa ꞌoyn ne ꞌüsüs nsem nun Dios lal. Yacjaj pꞌin ꞌücj nin cüpalastsja. Quina ma polel nusin ꞌyüsa ꞌoyn ne ꞌüsüs nsem nun Dios lal. 43 Pꞌa jyawca nun jis enemigopan ca ncul, ꞌamá neꞌaj ca mpaꞌtacj potjaqué tꞌasiyú. Pues yupj ca tꞌasiyú mpatjam jun taꞌá, nun ma polel nlawú. 44 Nun jis enemigopan ca pjü malala lis mijicj nun jis wa. Ca jis müꞌüꞌnacj neꞌaj patjá. Pjü jis wa cjuwá ca nsem. Pe pjaní ma ca casá maꞌajam pꞌa lal, jis wa pópatsja jupj yas nam. Dios nin tjejyama na nucopj la pꞌacj, nun ma ponetsja Dios nin tjejyama, mpes nin ca nu mpalas —tjevele Jesús.

45 Jesús

Jesús pjeꞌá la tecyoye vender lajay Dios wo mpe. (Mateo 21.12-17; Marcos 11.15-19; Juan 2.13-22)

Jerusalén ntꞌa tjemey na, Dios wo* ntꞌa tjemey. Jesús pjeꞌá la tecyoye vender lajay neꞌaj. Ma jostsja vender la tjajay Dios wo moꞌó. 46 Tjevele yupj jis lal: “Dios tjevele jupj Popel moꞌó: ‘Ninana nawá mpe javelepj napj lal’. Nun ma nujos niná. Nun la tjüjí pwecapan ꞌa si mulú quiꞌá”, tjevele Jesús. 47 Pjü jyawca Jesús sin ꞌyüsa lis tjiji Dios wo* ntꞌa. Newa sacerdote* noypan po quelel jaꞌünantsja jupj. Yólatsja ꞌoyn la qjuijim cüꞌüꞌnam. Nin pꞌiyá yólatsja Moisés* popel sin ꞌyüsa lajay, judío* noypan ꞌotsꞌipj. 48 Pues ma salejeptsja ꞌonin ne ꞌücj cüꞌüꞌnacj Jesús. Yupj salejeptsja neꞌaj patjá pajal tsꞌi miꞌinacj yupj malala la cüjay Jesús lal. Pjü neꞌaj tapatjá po quelel pjyacan̈tsja Jesús tjevelá. 1 Tsꞌacꞌ pꞌa wa tjejyawca na, Jesús sin ꞌyüsa lis tjiji neꞌaj Dios wo* moꞌó, Jerusalén ntꞌa. Jis wala tjevele tsjan niná Dios ꞌüsüs la tjiji gente mpes. Custjay véletsja na, niyom nepénowa tjiquil wa Jesús ntꞌa, sacerdote* noypan nepenowá, Moisés* popel sin ꞌyüsa lajay nepenowá, coꞌmüypan* nepenowá. 2 Tjowelepj jupj lal:

20

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 20

250

—Qjuis wala tjevele pjacj tjevele ꞌücj nin lejay, jipj lejay jinwá. ¿Pjacj ꞌi jütüta nin lejay jipj? 3 Jis wala tjevele Jesús: —Napj ca nu la müꞌüy ꞌotsꞌipj. Nawala tjowelé 4 tsjan mpes ꞌücj bautizar* lis tjiji Juan. ¿Ncu Dios tjijyüꞌta nin la tjiji? ¿Ncu gente pꞌin jisastsja nin la tjiji? 5 Yupj yuwá tjowelepj tsjan cüwelem jupj lal. Yuwá tjowelepj: “Cupj ma polel velecj Dios tjijyüꞌta niná. Nin cüvelecj ca niná, Jesús ca qjuis la müꞌüyas tsjan mpes ma tepyonecj Juan tjevelá. 6 Cupj ma wa polel velecj gente pꞌin jisastsja nin la tjiji. Nin cüvelecj ca niná, pjü pe ca qjuesé ntsꞌiyacj, qjuis müꞌüꞌnacj. Pjü japon Juan Dios mpes tjevele.” 7 Mpes yupj tjowelepj Jesús lal: —Cupj ma selecj pjacj tjeꞌyaya Juan el Bautista ꞌücj bautizar* lis tjiji. 8 Jesús tjevele yupj jis lal: —Nun ma nlal tjowelé, mpes ma wa ca mvelé nun nla tjüꞌüyá napj lal. Ma ca mvelé pjacj ntjijütüta napj niná lejay.

Judío noypan malala la tjajay lovin Dios jomozopan jis lal, jupj Jatjam lal ꞌotsꞌipj. (Mateo 21.33-44; Marcos 12.1-11)

9 Nin

tjevele na, Jesús parábola* tjevele wa Dios wo* ntꞌa tjatja jis lal. Sin ꞌyüsa lis tjiji malala pajal Dios lal judiopan* ma jisastsja jupj Jatjam. Ninana parabolas Jesús tjevelá: —Yom uva sine jupj. Locopyaya jupj sínetsja jis tjeꞌyaya moꞌo jasin pꞌa witjacj, ꞌücj la mijicj lo valas. Yupj tjowelepj ca maꞌayacj jupj, tjevyala popé. Moꞌo jasin jis tjeꞌyaya naya, tjemey pajal campa ntꞌa. Neꞌaj pajal püs tüpüꞌü. 10 Uva tjevyala poꞌó, mozo jas tjejyama yupj ntꞌa, sine lejen̈ ntꞌa lo taꞌes tjevyala popé, yom jutsꞌaꞌá mpes. Niyom neꞌaj moꞌo jasin jas tüpwes ma tjaꞌayapj jomozo. Mozo süp, jas tjajam. Jas pjan tjemey. 11 Locopyaya jupj mozo pꞌa wa jas tjejyama yupj ntꞌa. Pajal wa jasüp ni. Tsjicj jin yólatsja, malala tjowelepj jupj lal, ne jas pjan jas tjajam yupj. 12 Locopyaya mozo pꞌa wa jas tjejyama yupj ntꞌa. Contꞌe tepyala quinam. Jay tjojocj, naꞌaj la tsꞌi yupj. 13 ”Mpes uva jutsꞌaꞌá tjevele: ‘¿ꞌOyn la mejay napj quinam? Natjam ca jas majam. Pajal quelel lejay natjam. Püné jupj ca yola nsem yupj.’ 14 Nin tuluctsja. Niyom neꞌaj la ꞌel jus tjunuc na, yuwá tjowelepj: ‘Niná uva jutsꞌaꞌá jatjam. Uva lejen̈ ntꞌa jupj jutsꞌaꞌá nsem, popay tepeꞌe na. Mas, müꞌüꞌnacj ca jupj, mpes uva lejen̈ ntꞌa cupj cutsꞌaꞌá nsem.’

El Nuevo Testamento en Tol de Honduras, 2da ed. ©2010, Wycliffe Bible Translators

251

SAN LUCAS 20

15 Mpes

yupj jupj jatjam la tsꞌi sin mpe, tjüꞌünan. —Parábola* tꞌücꞌ tjevele Jesús quinam. Tjevele wa: —Cupj selecj tsjan ca lis mijis yomen ꞌisin jis tjeꞌyaya jis lal. 16 Jupj ca mim yupj ntꞌa, sin lejen̈ ntꞌa. Jis müꞌüꞌnas ca niyom neꞌaj tsjiꞌ la tjajay. Uva sin lejen̈ ca jis maꞌayas la pꞌa, yupj ca ꞌücj la mijicj lo valas neꞌaj —nin tjevele Jesús. Yupj tjepjyacan̈ na jupj tjevelá, yupj sin tjiꞌyüsa judiopan* sin poꞌó tjevele jupj, mpes tjowelepj: —¡Ma ca nin cüpalas! 17 Newa Jesús yus tjinyuca, tjevele yupj jis lal: —Dios Popel vele ca nin nsem. Niná velá: ‘Niyom nepénowa quelel jajünsüptsja wosis pe mpes. Pe pjaní ma jisastsja wosis la jünsüs. Pe niná tꞌücꞌ way ꞌüsüstsja. Mpes qjuis Jepa Dios jas tjijyünsa wosis. Jupj mwalá way tjeꞌyonsa pe niná wosis si jünsa mpes. Pe niná más ꞌüsüs waytsja pjü pe witjacj lal. Tsjomis pe niná casá tón̈catsja.’ Nin vele Dios Popel. 18 ”Napj niná pe ꞌüsüs jinwá, napj tjevelé jinwá. Nun wa su jünsǘ jinwá. Yom pe niná casá yaca, malala ca mpalas jupj pajal. Pe niná yom casá yaca na, más malala ca mpalas jupj. ꞌÜpjǘ ca mpalas jupj, yomen —tjevele Jesús.

Jesús pajal ꞌüsüs tjevele jupj enemigopan jis lal. (Mateo 22.15-22; Marcos 12.13-17)

19 Moisés*

popel sin ꞌyüsa lajay quelel tjiꞌlin̈tsja Jesús. Nin pꞌiyá sacerdote* noypan. Yupj jus nlay Jesús parábola* niná tjevele yupj sin poꞌó. Ma polel tjiꞌlin̈tsja jupj custjay. Lacj jeyaptsja la pꞌa judiopan* ca pajal tsꞌi miꞌinacj yupj jis lal, mpes ma nin la tjajay. 20 Yupj la tjunuc ꞌona ꞌücj la tjilil Jesús. Mpes niyom sin tjajam Jesús ntꞌa. Yupj quelel la ꞌüytsja jupj lal, jupj ca malala cüveles yupj jis lal yupj jis wala tjevele na. Yupj ꞌüsüs jin la tjajay, newa malala la tjajay. Yupj yólatsja ca neꞌaj majatjum, mpjacan̈, mpes ꞌücj ca jatꞌ mvelecj jupj poꞌó jepa romano* auxiliar lal. Jepa romano auxiliar pünetsja jupj, mpes ꞌücj ca cus ntülüs Jesús. 21 Mpes yupj tjil Jesús ntꞌa, tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 20

252

—Cupj selecj jipj tꞌücꞌ velen. Jipj sin ꞌyüsa lejay ꞌüsüs. Nin pꞌiyá velen jipj pjü jilal. Sin ꞌyüsa lejay Dios jyüꞌtá tꞌücꞌ way. 22 Nin mpes quelel lya ꞌyüyacj jipj lal. ¿Ncu ꞌücj Dios lal cupj impuesto jaylacj lijicj, jepa romano* tꞌemel tꞌeꞌenca mpes? ¿Ncu ꞌücj tulucj nin lijicj? 23 Jesús jus nleya tsjan mpes nin la tjüꞌüy jupj lal. Seletsja yupj ma quelel jus nlaytsja la tjüꞌüy mpes. Seletsja yupj jisastsja jupj malala nyuca ca mveles. Mpes Jesús tjevele yupj jis lal: 24 —Tꞌemel cꞌa pjaní way ncaꞌá ma ꞌe. ¿Pjacj wola tꞌemel wola poꞌó jáꞌasa? ¿Tsjan ló tꞌemel poꞌo tapac? —tjevele jupj. Yupj tjowelepj: —Jepa romano* jupj. 25 Jesús tjevele yupj jis lal: —Mpes tjaꞌayá jepá jupj ꞌücj le moná nun lal. Tjaꞌayá Dios jupj ꞌücj le moná nun lal —nin tjevele Jesús. 26 Yupj ma polel malala tjowelepj Jesús poꞌom la pꞌa jis walapꞌaꞌá, jupj tjevele mpes. Po yólatsja Jesús ꞌüsüs jis wala tjevele mpes. ꞌÜsüs tjevele jupj pajal, mpes yupj lyájasatsja.

Püna tecyaꞌlin̈ ca sin müjünsücj, niswa ca mpatjam. (Mateo 22.23-33; Marcos 12.18-27)

27 Niyom

pꞌa wa tjiquil wa Jesús ntꞌa. Saduceopan* waytsja yupj. Yupj javelepj tecyaꞌlin̈ ma ca sin müjünsücj, ma ca mpatjam niswá. 28 Saduceopan quelel jatꞌ la velestsja wa Jesús poꞌó, mpes tjowelepj yupj jupj lal. Tjowelepj: —Püna Moisés* popel tepyaca tsjan qjuisí jütüta Dios. Ninana pjaní way jupj tepyacá: yom peꞌe jatsꞌom popa tulucj, más ꞌücj yom jüpülücj mwayis ca tepeꞌe jatsꞌom lal. Ca popa jana nsem tepeꞌe jatsꞌom lal. Tepeꞌe tsꞌuyupj jin pꞌiyá ca nsem. Moisés nin tepyaca. 29 Nin mpes cupj lya ꞌyüyacj. Püna niyom siéteya tapatja, pjü yupj jis sejatjampan yupj. Mwalá way tjowaya, popa tulucj tepeꞌe jupj. 30 Tepeꞌe na, jupj tsüipe tjowaya tepeꞌe jatsꞌom lal. Nin pꞌiyá popa tulucj tepeꞌe jupj. 31 Jupj tepeꞌe na, jüpülücj locopyaya way tjowaya wa jüpülücj jatsꞌom lal. Nin pꞌiyá popa tulucj tepeꞌe jupj. Nin pꞌiyá pjü jis pülücpan quepj pjaní lal tjewyayin̈. Pjü jis pülücpan sin popa tulucj tecyaꞌlin̈. 32 Yupj pjü way tecyaꞌlin̈ na, tepeꞌe wa quepan. Lovin popa tulucj jupj. 33 ¿Pjacj jatsꞌom nsem jupj, tecyaꞌlin̈ sin müjünsücj na jis la pütꞌüs niswá? Pjü way niyom siéteya tjewyayin̈ jupj lal, tapatja na pꞌin —nin tjowelepj saduceopan*.

El Nuevo Testamento en Tol de Honduras, 2da ed. ©2010, Wycliffe Bible Translators

253

SAN LUCAS 20

34 Jesús

tjevele yupj jis lal: —Niyom, nequem quina patja pjü wyayin̈. 35 Dios lal patjam ma nin lajay. Dios vele yupj ꞌüsüs, ne yupj ca sin müjünsücj tecyaꞌlin̈ sin popé, ca mpatjam Dios lal. Neꞌaj ma mwayin̈ yupj. 36 Yupj ma polel cyaꞌlin̈ niswá ne nin. Angelpan* jinwá yupj, mpes ma cyaꞌlin̈. Dios tsꞌuyupj way yupj. Yupj sin jajünsüpj jis la pütꞌüs lovin Dios lal. 37 Tꞌücꞌ way tecyaꞌlin̈ ca sin müjünsücj, ca mpatjam niswá. Selecj ca nin nsem Moisés* tepyaca mpes ꞌotsꞌipj. Tepyaca püna tepyalá, yo tsjicj pwetsja na, qjuis Jepa Dios neꞌaj tjáꞌasa mpes. Jupj tjevele ‘qjuis Jepa Dios Dios jupj Abraham* lal, Isaac lal ꞌotsꞌipj, Jacob lal ꞌotsꞌipj’. 38 Cupj selecj püna tecyaꞌlin̈ conas. Selecj wa Dios tecyaꞌlin̈ jis Dios tulucj. Patja jis Dios jupj. Nin mpes selecj patja yupj quinam. Dios selé newa patja pjü —nin tjevele Jesús. 39 Moisés* popel sin ꞌyüsa lajay nepénowa jupj wola tjowelepj: —Po ꞌüsüs tjevelen jipj. 40 Lacj tjeyapj la pꞌa jis la ꞌüy.

41 (Jesús

Jesús Jepa watsja jepa püna tüpüꞌü lal. (Mateo 22.41-46; Marcos 12.35-37)

ma lecj tjeyá.) Jupj tjevele yupj jilal: —Dios tjevele jupj ca jas majamas Jepa Püné jis capj la pꞌacj judiopan*. ¿Tsjan mpes javelepj yom niná David* popa jupj? 42 David pꞌiyá tjevele jupj poꞌó Dios Popel moꞌó. Dios mpes nüejetsꞌe tepyaca ntꞌa tjevele: ‘Nejepa Dios tjevele Nejepa Püné lal: “Ntꞌiꞌisa jipj napj liꞌinyampe. 43 Jipj ca müjüꞌtün napj lal napj ca la mpalan naya jipj enemigopan jis lal. Napj ca la mejay tsjyam la pꞌaꞌá jatja jinwá yupj. Nin ca la mejay jipj mpes, jipj napj lal jacꞌ na.” ’ David tjevele niná Dios tjevelá. 44 Jesús tjevele: —David* tjevele yom niná jupj Jepa way jupj. ¿ꞌOnin nacj ne David popa nacj jupj?

Moisés popel sin ꞌyüsa lajay malala lajaytsja yupj. (Mateo 23.1-36; Marcos 12.38-40; Lucas 11.37-54)

45 Jesús

tjevele jupj discipulopan* jilal, pjü ꞌücj jis la pjac: popel sin ꞌyüsa lajay malala yupj. Po ma nin pꞌiyá la tjüjí, yupj lajay jinwá. Yupj jisas la pꞌa yola yupj noypan, mpes sin quip campa jisas. Pülücj lyawun̈ ntꞌa jil na, po jisas la pꞌa ꞌüsüs javelepj yupj jilal, ꞌüsüspan lal javelepj 46 —Moisés*

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 20, 21

254

jinwá. Judiopan* ꞌa si mulú ntꞌa jil na, silla más ꞌüsüs ntꞌa la ꞌosos jisas, cocoypan pꞌin jatja ntꞌa. Pülücj ꞌa si mulú ntꞌa jil na jis la las, más ꞌüsüs ntꞌa quelel jatja lovin, noypan jatja ntꞌa. Nin lajay Moisés popel sin ꞌyüsa lajay. 47 Yupj pequen̈ nequem jis wa, nequem jis vayum tecyaꞌlin̈. Newa jisas la pꞌa ꞌüsüs jin yola yupj, mpes püs way javelepj Dios lal, pülücj pjyacan̈ ntꞌa. Nin lajay mpes Dios ca mveles más malala la tjajay yupj la pꞌa jilal. Más ca jis capj ntülüs yupj pjü jilal —tjevele Jesús.

21

Quepj tꞌemel cjuwá po ꞌüsüs tjeꞌyaya. (Marcos 12.41-44)

1 Caja nepenowá neꞌaj tjatja Dios wo* ntꞌa tꞌemel moꞌo la ꞌonsos la ꞌayas Dios mpes. Jesús jay jas tjijyünsa, tjinyuca gente pülücj jatatj jis tꞌemel tjoꞌonsopj neꞌaj. Pülücj tjoꞌonsopj yupj. 2 Tjinyuca wa quepj pjaní centavito mátꞌeya tjeꞌyonsa wa jupj. Quepj niná voyum tepeꞌe jupj. Pjü cjuwatsja jupj. 3 Tjinyuca na, Jesús tjevele jupj discipulopan* jilal: —Quepj niná más pülücj tjeꞌyonsa pjü jilal. Quepj niná voyum tepeꞌe jupj. Pjü cjuwá jupj, quepan. Pjaní way tjeꞌyonsa, pülücj jin pꞌiyá napj lal. Tꞌücꞌ. 4 La pꞌa wa pülücj jatatj popé tjaꞌayapj yupj. Quepj niná cjuwá jupj. Tꞌemel pjaní way ve jaylacj liji popé tjeꞌyaya jupj. Cjuwá jupj quinam —nin tjevele Jesús quepj tjeꞌyaya poꞌó.

Jesús tjevele ca malala mpalas Dios wo Jerusalén ntꞌa. (Mateo 24.1-28; Marcos 13.1-23)

5 Discipulopan*

nepénowa tjowelepj wa Dios wo* poꞌó. —Po ꞌüsüs way justa —tjowelepj—. Pe po ꞌüsüs yustapj lal ꞌüsüs justa la tjajay. Tsjan ꞌüsüs yustapj tjaꞌayapj popé ꞌüsüs justa la tjajay wa Dios wo*. Jesús tjevele: 6 —Pjü ca malala mpalas niná nun nucú quiꞌá. Pꞌa jawas judiopan* jis enemigopan ca ncul. Yupj ca sin mojoyecj pjü way niná wosis. Pjü pwen ca palá la ncoyecj, wosis la tjajay sin popé. Pjü naꞌaj ca la ncoyecj, mpes pe pjaní ma ca pꞌa casá maꞌajam nsem —tjevele Jesús. 7 Jupj discipulopan* la tjüꞌüy: —¿ꞌOna ca malala mpalas Dios wo*? ¿Tsjan ca la mijis Dios mwalá way pꞌin, mpes ca jus nlayecj len̈ way ca nin mpalas? 8 Jesús jis wala tjevele: —ꞌIn tjajama. Pülücj ca ncul la ntsawilicj ca gente jis lal. Po ma toponé yupj javelepj. Yupj pjaní pjaní ca mvelecj yupj pꞌiyá Cristo. Ca

El Nuevo Testamento en Tol de Honduras, 2da ed. ©2010, Wycliffe Bible Translators

255

SAN LUCAS 21

mvelecj Dios sin tjejyama yupj. Ca mvelecj wa ca len̈ way ncawajas pjü. Ma ca nin la müjí yupj javelepj jinwá. 9 Nun ca jus nlayé wa militarpan pülücj la palan pꞌa ntꞌa. Ca jus nlayé wa yuwá pꞌiyá la palan wa. Niná pjoꞌoqué na, po ma pajal locj tjeyá. Tꞌücꞌ way malala ca mpalas nosis ntꞌa. Ma len̈ way ncawajas ca pjü niná malala tepyalá. 10 Jesús tjevele wa yupj jis lal: —Nepénowa patja ntꞌa la mpaꞌnacj ca pꞌa ntꞌa patja jis lal. Ca jis müꞌüꞌnacj. Jepapan ca sin majamacj jis militarpan jis la palan pꞌa jepapan jis militarpan jis lal. 11 Pajal ca jus nquitsꞌis nosis ꞌotsꞌipj. Nepénowa patja ntꞌa cjuwá ca nsem jis la las ꞌotsꞌipj. Nenéyawa pjü way nin pꞌiyá ca malala jisas yupj ꞌotsꞌipj. Dios ca la mijis pꞌa casá ca mpalas tsjun poꞌó, nosis casá patja jis la nuc. Nin mpes ca jus nlayecj Dios ca jis capj ntülüs malala lajay. Tjunuc na ca lacj meyacj pajal. 12 ”Niná tepyala secj pꞌin, nepénowa ca nu ntjiꞌlin̈. Ca malala la nu mijicj ncapj con̈có mpes. Ca nu manucj judiopan* ꞌa si mulú ntꞌa, cawilta ntꞌa ꞌotsꞌipj. Neꞌaj ca jatꞌ mvelecj nun sin poꞌó. Ca nu manucj jepapan jis walapꞌaꞌá. Neꞌaj pꞌin se jütütj ntꞌa ca nu manucj. Jepa noypan ntꞌa ca nu manucj wa. Yupj jis walapꞌaꞌa ca jatꞌ mvelecj nun sin poꞌó ncapj con̈có mpes. 13 Nin nu tepyala na, ꞌücj ca mvelé nun yupj jis lal ꞌonin ne ꞌücj potjaqué Dios lal napj mpes. 14 Mpes quina nujola tꞌas ma ca nin nujola mwalá way pꞌin tsjan ca jis wala cüwelé. 15 Nin pyala nam, napj ca nucopj mpꞌacj ne ca ꞌücj mvelé nun. Nun ca jus nlayé tꞌücꞌ way. Nun ca pajal ꞌüsüs mvelé, mpes nun jis enemigopan pjü ca jus nlayecj tꞌücꞌ welé nun. Ma ca polel pꞌa casá mvelecj. 16 ”Nenéyawa nun jis pülücpan pꞌiyá ca nu ntjiꞌlin̈ wa nun, ca quelel jatꞌ mvelecj nun sin poꞌó nun ncapj con̈có mpes. Nenéyawa nin ca la mijicj wa nun sejamicapan. Ca nu müꞌüꞌnacj nun nepenowá. 17 Pjü gente ma ca jisas nsem nun, nun ncapj con̈có mpes. 18 Newa ꞌüsüs ca mpatjaqué nun. Coꞌliqué naya, Dios newa ca nucopj ncon̈cos. Nun newa ꞌüsüs ca mpatjaqué Dios lal. Ma tecyawaja nun tsꞌüil popa pjaní jinwá ca nsem. 19 Nun newa ncapj con̈có malala pyala na, lovin ca mpatjaqué Dios lal. 20 ”Jerusalén ca pjü malala mpalas. Nun ca nucú Jerusalén tꞌasiyú lejen̈ militar pajal pülücj, ꞌücj jis la palan neꞌaj patja jis lal. Niná tjunucú na, nun ca jus nlayé len̈ way Jerusalén pjü malala ca mpalas. 21 Nin quelel pyala na, más ꞌücj Judea moꞌo patja tsꞌequenen̈, jocꞌ moꞌo ca mal. Pajal malala ca mpalas Judea ntꞌa. Más ꞌücj Jerusalén moꞌo patja Jerusalén mpe ca mal. Más ꞌücj jis wa pjaní pjaní lejen̈ ntꞌa patja ma ca mal Jerusalén

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 21

256

moꞌó. 22 Dios ca jis capj ntülüs israelpan*, malala la tjajay mpes. Püna tapac Dios Popel moꞌó Dios ca jis capj ntülüs, ne pjü ca mpalas quinam yupj tapac jin. Nin mpes ca pjü malala mpalas Jerusalén. 23 ”Niná pyala na, pajal malala ca nsem nequem way jatja jis lal, nequem tsjictjacj sa manun jis lal ꞌotsꞌipj. Pajal malala ca mpalas Judea moꞌó. Dios po quelel jis capj tyüla Judea moꞌo patja, yupj malala la tjajay mpes. 24 Jis enemigopan ca sey mojoꞌocj nepenowá polomay lal. Jis ntjiꞌlin̈ nepenowá, pꞌaꞌá ca jis manucj. Jun taꞌá ca jis manucj, sin tjan, sin tjan jis la pütꞌüs, judiopan* tulucj patja ntꞌa. Año pülücj judiopan tulucj müjüꞌtücj ca Jerusalén ntꞌa. Nin ca nsem Dios Popel vele jin. Dios selé nol año müjüꞌtücj. Locopyaya, Dios jos na, judiopan jutsꞌaꞌá ca nsem Jerusalén niswá.

25 Jesús

Jesús niswa ncuwim. (Mateo 24.29-35, 42-44; Marcos 13.24-37)

tjevele wa: —Dios ca la mijis pꞌa casá justa ca mpalas lotsꞌacꞌ, mümüy ꞌotsꞌipj, pjulacj ꞌotsꞌipj, mpes nosis casá patja ca jus cülayecj quina ca nin mpalas napj velé jin. Nosis ntꞌa ꞌüsǘ püné pajal ca mpjac ca la mijis, pajal lo pjetsꞌepjetsꞌe ca mim. Mpes pꞌa ntꞌa patja pajal pülücj ca lapj nyuca yola yupj pajal. Ma ca jus nlayecj ꞌoyn la mijicj. 26 Pajal ca lacj meyacj, mpes ca ncaꞌlin̈ nepenowá, pajal ca nin yola malala ca mpalas nosis. Noypan tsjun poꞌó ca jus nquitsꞌis, mpes nin. 27 Nin tepyala na, ca nus nucucj, mol moꞌo ca ncuwis. Pasal püné nsem napj, pjü ꞌücj la cüjay. Napj ntꞌa pajal majawaques ca Mpapay Dios mpes. Napj pꞌiyá niná Yomen Dios jas tjejyamá —tjevele Jesús. 28 —Nepénowa nas tepyala na napj tjevelé jin, ꞌücj jisas tꞌas nun. Po ma locj tjeyá la pꞌa wa jinwá. Nepénowa nas tepyala na napj tjevelé jin, nun ca jus nlayé len̈ way ca ncuwis nucopj la pꞌacj. Mpes la ꞌunucú Dios ca ꞌüsüs la numijis, ma ca malala nu mpalas —tjevele Jesús. 29 Jesús parábola* tjevele wa yupj jis lal sin la ꞌüsüs jis la jay niná. Tjevele: —Nujola tꞌas tsꞌoway poꞌó, pjü yo poꞌó ꞌotsꞌipj. 30 Jis lo tecyala na, nun solejé len̈ way quelel jive. 31 Nin pꞌiyá nun ca nucú nepénowa nas tepyala napj tjevelé jin. Niná tjunucú na, nun jus nlayé wa len̈ way Dios müjüꞌtüs ca pjü nosis ntꞌa. 32 ”Pjü niná napj tjevelé, pjü ca mpalas. Judiopan* newa ca mpatjam pjü tepyala na. Tꞌücꞌ way niná. 33 Tsjun poꞌó ca ncawajas, nosis ca

El Nuevo Testamento en Tol de Honduras, 2da ed. ©2010, Wycliffe Bible Translators

257

SAN LUCAS 21, 22

ncawajas wa. Napj velé jin ma ncawajas ca lovin. Pjü tjevelé, pjü ca mpalas. 34 ”ꞌIn tjajama nun pꞌiyá. Po ma lowa pꞌa ntꞌa malala nyuca la müjí. Po ma nun sey ꞌütsꞌa tꞌas nun. Po ma pajal nujola tꞌas ꞌoyn nyuca mpatjaqué nosis ntꞌa. Nin la cüjí, ma lu nucú naya ca nin mpalas napj tjevele jin. 35 Animal walan ꞌityüla len̈ way peꞌe. Nin pꞌiyá pjü napj tjevelé len̈ way ca mpalas pjü nosis casá patja mpes. 36 Pajal ꞌin tjajamá. Lovin Dios lal la moná nun ca ꞌücj la müjí Dios jos jin lovin. Mpes nosis ntꞌa malala tepyala na, ma ca malala nyuca la müjí wa nun, la pꞌa jinwá. Mpes napj velé na nun lal ncu ꞌücj la tjüjí, ꞌücj nsem nun napj lal. Ma ca nu maycas nun napj lal. Napj pꞌiyá niná Yomen Dios jas tjejyamá —nin tjevele Jesús jupj discipulopan* jilal. 37 Jesús lovin sin ꞌyüsa la síjitsja Dios wo* ntꞌa jaw na. Püste na pülücj patja mpe tjemey lovin. Jocꞌ Olivos ló ntꞌa tjejyá. 38 Pajal püstapj sin tjüjünsüpj pjü, tjil Jesús ntꞌa Dios wo ntꞌa, jis la pjac jupj tjevelá.

22

Jesús enemigopan quelel jaꞌünantsja jupj. (Mateo 26.1-5, 14-16; Marcos 14.1-2, 10-11; Juan 11.45-53) 1 Len̈

way quelel pyálatsja fiesta, israelpan* pan levadura cjuwá jalá na. Fiesta niná “Dios Qjuis Capa Nipj Tjemey”* ló jupj. 2 Sacerdote* noypan yólatsja ꞌoyn la qjuijicj cüꞌüꞌnacj Jesús. Nin pꞌiyá yólatsja wa Moisés* popel sin ꞌyüsa lajay. Custjay ma malala la tjajay Jesús lal. Lacj tjeyapj neꞌaj patja ca tsꞌi miꞌinacj yupj jilal, ne nin. 3 Locopyaya Satanás* Judas jos moꞌo tjemey. Niná Judas, “Iscariote” apellido waytsja jupj. Apostolpan* dóceya pópatsja jupj. 4 Jupj tjemey la veles jepapan jilal Dios wo* ntꞌa, yupj sacerdote* noypan nepenowá, militarpan nepenowá. Yuwá nin tjowelepj ꞌoyn ne Judas ca jis capj mpꞌaꞌsas ꞌücj jis la tjilil Jesús. 5 ꞌÜcj jisastsja yupj. Tjowelepj Judas lal yupj ca jaylacj la mijicj Judas nin la mijis mpes. 6 Judas tjevele nin ca la mijis jupj. Tjemey, la tjinyuca ꞌona ꞌücj jis lal ca mim la tjilil Jesús, neꞌaj patja len̈ na pꞌin.

Jesús tjelyaja jupj discipulopan jilal pütsꞌí secj pꞌin. (Mateo 26.17-29; Marcos 14.12-25; Juan 13.21-30; 1 Corintios 11.23-26)

7 Locopyaya

tsꞌacꞌ mwalá way tjejyawca fiesta mpes, pan levadura cjuwá jalá na yupj. Fiesta niná “Dios Qjuis Capa Nipj Tjemey”* lotsja. Nin jawas oveja* tsjicj jaꞌünan jis la las fiesta mpes. El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 22

258

8 Jesús

sin tjejyama Pedro, Juan ꞌotsꞌipj, ꞌücj la mijicj fiesta mpes. Tjevele: —Lowa, ꞌücj la müjí qjuis la las fiesta mpes lyajacj, “Dios Qjuis Capa Nipj Tjemey”* mpes. 9 Yupj la tjüꞌüy: —¿Caꞌaj jyas ꞌücj la mijicj? 10 Jesús jis wala tjevele: —Jerusalén ntꞌa lowa. Neꞌas tjalawú na, nun la müjüsüqué yom jarro tꞌya, ꞌüsǘ moꞌo ton̈ca. Cjüil lowa wama jama ntꞌa. 11 Neꞌaj wo lal tjowelé: ‘Yom qjuisin ꞌyüsa liji qjuisin tjejyama jipj ntꞌa. Jupj tjevele cupj ca lya müꞌüyacj caꞌaj ton̈ca cuarto niná jupj ca nlajas ntꞌa. Neꞌaj quelel lyaja jupj discipulopan* jis lal fiesta mpes, fiesta “Dios Qjuis Capa Nipj Tjemey”* ló.’ 12 Neꞌaj wo ꞌesepj nun jis lal ca mim cuarto püné ntꞌa, wo casá ton̈ca. Jupj nasa ꞌücj la tjiji cuartas quinam. Neꞌaj ca ꞌücj la müjí cupj lyajacj mpes —nin tjevele Jesús Pedro lal, Juan lal wa. 13 Mpes tjil yupj. Pjü Jesús tjevele jin tepyala, ne ꞌücj la tjajay yupj jis la las fiesta mpes.

Neaj wo esepj nasa ücj la tjiji cuartas. (San Lucas 22.12) El Nuevo Testamento en Tol de Honduras, 2da ed. ©2010, Wycliffe Bible Translators

259

SAN LUCAS 22

14 Quelel

jalatsja na, Jesús tjáꞌasa mesa ntꞌa apostolpan* jis lal. tjevele yupj jis lal: —Custjay ma malala ntepalá pꞌin, po najastsja ꞌa mulú nlajacj niná fiesta na. 16 Malala ntepalá na püs way ma ca nla napj fiesta niná mpes, fiesta ‘Dios Qjuis Capa Nipj Tjemey’* ló. Fiesta niná mpes qjuiyola pyala Dios ꞌüsüs la tjiji püná, ma malala jis mpalas judiopan*. Po quina más ꞌüsüs ca la mijis püna la tjiji lal, mpes tꞌücꞌ way ca ꞌücj mpatjam napj lal japon. Nin ca nsem Dios jyüꞌta na nosis casá. Nin tepyala na, niswa ca nla niná fiesta mpes —tjevele Jesús. 17 Ntꞌya jupj pocillo, uva ꞌüsǘ moꞌo tón̈catsja. Tjevele Dios lal tjüwüiꞌi ꞌüsǘ tjeꞌyaya mpes. Locopyaya tjevele niyom jis lal: —Noꞌoté nun, vitvitj way pjü tjümüsiqué niná. 18 Ma niswa ca müꞌüs napj quinam uva ꞌüsǘ. Dios nosis ntꞌa jyüꞌta na niswa ca müꞌüs pꞌin. 19 Locopyaya pan pjaní ntꞌya, tjevele Dios lal tjüwüiꞌi pan tjeꞌyaya mpes. Nin la tjiji na, vitvitj la tücüeme, jis tjeꞌyaya pjü. Tjevele: —Pan niná napj mpꞌüy jinwá. Ma patsꞌ ca napj, mpes Dios ma ca nin jola nsem nun malala la tjüjí. ꞌÜcj ca mpatjaqué nun Dios lal. Nenéyawa nin pꞌiyá pan ꞌalajá nun. Nujola tapalas nin la tjejay napj nun mpes —tjevele jupj. 20 Nin pꞌiyá la tjiji pocillo lal. Pocillo ntꞌya tꞌücꞌ tjalá na. Tjevele: —Uva ꞌüsǘ niná naꞌas jinwá. Ma patsꞌ ca nun mpes. ꞌAs ca ma palas napj, mpes Dios ꞌücj ca perdonar la numijis. Jupj tjevele tꞌücꞌ nin ca la mijis nun mpes ntipüꞌí na. Pꞌa casá ca la mijis quinam püna la tjiji lal. 21 ”Mopꞌin nin, nun popa pjaní quelel malala liji napj lal. Jupj ca jis lal ncuwim napj neꞌenemigopan, ca ma tjililin̈. Quiꞌá jáꞌasa wa, lyaja wa napj lal. 22 Püna pꞌin Dios tjevele ꞌoyn la cüjay cüpatsꞌ, ne nin ca nsem napj lal. Mopꞌin pajal malala nin, jupj ca jis lal ncuwim napj neꞌenemigopan, ca ma tjililin̈. Ca malala mpalas jupj pajal, jupj malala la niji mpes. Napj pꞌiyá niná Yomen Dios jas tjejyamá —tjevele jupj. 23 Jupj discipulopan* jis la tjüꞌüy yuwá cana yupj popé Jesús enemigopan jis lal ncuwim. 24 Yuwá la tjowelel wa cana yupj popé más püné nsem la pꞌa jilal Dios jyüꞌta ntꞌa. 25 (Jesús ma jostsja nin yólatsja yupj.) Nin mpes jupj tjevele yupj jilal: —Judiopan* tulucj jis jepapan jajütütj la pꞌa wa, yupj noypan mpes. ꞌÜcj sa jajütütj jin lajay neꞌaj patja jis lal. Niná lajay jis capj la pꞌacj, javelepj yupj. 26 Nin tulucj ca nsem nun jilal. Nun jilal más püné, pjyapja jinwá ca nsem jupj. Jepa ca mozo jinwá nsem jupj. 27 Yom jupj jomozopan tsjiꞌ lajay, más püné yom niná tsjiꞌ lajay jis lal. Nujola tapalas napj tsjiꞌ lejay nun mpes. Napj lejay jinwá la müjí nun. 15 Jupj

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 22

260

28 ”Napj

pꞌiyá ca nin la mejay nun más noypan ca nu mpalas. Nun ncapj tocon̈có lovin. Malala ntepalá na, newa ncapj tocon̈có. 29 (Nin mpes napj ca ꞌüsüs la numejay wa.) Mpapay ntjeꞌaya la jütütj. Nin pꞌiyá napj nu ꞌya wa 30 ꞌücj nun ca müjüꞌtǘ wa. Nun ca nlajá, ca müsiqué wa napj lal napj jyütütj ntꞌa. Jepapan noypan nsem nun. Napj auxiliarpan nsem nun. Nun ca mvelé israelpan* pjü jilal ncu tꞌücꞌ malala nyuca la tjajay yupj nosis ntꞌa. Nin ca nsem nun ncapj con̈có mpes.

Jesús tjevele Simón Pedro ca ntsüpünüs Jesús jomica jupj. (Mateo 26.31-35; Marcos 14.27-31; Juan 13.36-38)

31 Jesús

tjevele wa Simón lal: —Simón, ꞌüsüs tjapjaca napj velé. Satanás* la tjemyona Dios ca maꞌayas jupj ca pajal malala la numijis. Jupj ca nucus ncu tꞌücꞌ way quelel ncapj con̈có nun. Nin ca nsem jupj la tjemyona jinwá. 32 Nin mpes napj Mpapay Dios lal la tjemyon wa nun mpes. La tjemyon jipj lovin ca mponen napj lal. (Napj selé jipj ca malala nyuca la mijin. Locopyaya jipj ca ꞌüsüs jele mpalas niswá. Niswa ncapj cyon̈ na, najas jipj ca jis capj mpꞌaꞌsan pyülücpan más ꞌin ꞌücj mponecj yupj napj mpes.) 33 Simón tjevele Jesús lal: —Nejepa jipj. ꞌÜcj napj lal cawilta moꞌo na ꞌonsopj napj jipj lal. Ma ꞌüꞌnacj jipj lal ꞌücj wa napj lal. 34 Jesús tjevele: —Pedro, yacjaj pꞌiyá la con ca mvelen ma nus nyuc. Castlyaj cocoy la puyú secj pꞌin, ca nin la mijin. 35 Jesús tjevele wa discipulopan* pjü jis lal: —Nusin tjejyam nun jis tꞌemel cjuwá, nun jis ve cjuwá ꞌotsꞌipj, nun jis caite pjaní pꞌin. ¿Ncu pjaní nujos cjuwatsja? Yupj tjowelepj: —Pjü qjuisastsja, pjü tyaꞌactsja. 36 Jesús tjevele yupj jis lal: —Quina ma ca nlawú nusin pjan. Nun popé tꞌemel toꞌá, tꞌo wa nun lowú ntꞌa. Ve toꞌá, tꞌo wa nun lowú ntꞌa. Nun popé polomay cjuwá, más ꞌücj jas quip pjeꞌapa vender ca la mijis, tꞌemel mpes polomay ca jaylacj la mijis jupj. 37 Dios Popel vele: ‘La pꞌa ca yola nsem malala nyuca lajay jin pꞌiyá napj’. Dios jos nin ca nsem napj lal, Dios Popel nin vele mpes. Pjü tapac napj nin poꞌó, quina ca nin mpalas pjü —tjevele Jesús. 38 Yupj tjowelepj: —Qjuis Jepa, ꞌunyuca. Polomay mátꞌeya tyaꞌacj quiꞌá.

El Nuevo Testamento en Tol de Honduras, 2da ed. ©2010, Wycliffe Bible Translators

261

SAN LUCAS 22

Jesús tjevele: —Po ma pꞌa wa cüwelé quinam.

39 Jesús

Malala pyálatsja na, Jesús tjevele Popay lal. (Mateo 26.36-46; Marcos 14.32-42)

tjemey nepé yacjayam. Jocꞌ Olivos ló ntꞌa tjemey, janmacj jin líjitsja jin. Jupj discipulopan* cjüil tjil. 40 Neꞌas tjemey na, tjevele yupj jis lal: “Dios lal la tjomoná ma ca malala la müjí nun, nun quelel malala lojí na”. 41 Nin tjevele na, neꞌaj pꞌin tjemey jusapj. Neꞌaj tüicꞌ jin tjüjünsü, tjevele Dios lal. 42 Nin tjevele jupj: “Mpapay, nin la mijin ma ca nin ma palas. Newa najas ca jipj jyas jinwá nsem. Ma napj najas jinwá tꞌas”, tjevele Jesús. 43 Tjevele na, ángel* tsjun mpe tjacꞌ, lay tepyala jupj ntꞌa, cus tjepꞌyaꞌsa. 44 Jesús ꞌaplijila waytsja pajal, ne pajal la tjemyona Dios lal. Pjü tjiꞌyawa. Pajal noypan way tsꞌyósatsja ꞌamaꞌá, ꞌas jin jústatsja. 45 Tꞌücꞌ tjevele na Dios lal, Jesús jas nisa, tjemey discipulopan* ntꞌa. Yus tjinyuca pjü tjijinan̈. Yupj pajal ꞌaplijila waytsja, mpes ja sívetsja. 46 Jesús tjevele yupj jis lal: “¿Tsjan pjucj jünaqué nun? Nusin tjüjünsǘ, Dios lal la tjomoná ma ca malala la müjí nun quelel malala la müjí na.”

47 Jesús

Yupj ntjiꞌlin̈ Jesús. (Mateo 26.47-56; Marcos 14.43-50; Juan 18.2-11)

nin véletsja na, len̈ way niyom pülücj ꞌa mulú tjiquil. Yom pjaní jis lal tjacꞌ Jesús ton̈ca ntꞌa. Yom niná Judas pꞌiyatsja. Jupj apostolpan* dóceya pópatsja. Judas jun ꞌasas tjacꞌ Jesús ntꞌa la tjelyapaná. 48 Jesús tjevele jupj lal: —Jipj nlal velen sin la ꞌüsüs jis la jay napj niná yomen yupj quelel tjiꞌlin̈. Napj pꞌiyá niná Yomen Dios jas tjejyamá —tjevele Jesús. 49 Jesús discipulopan* jus nlay yupj tjiquil jis la tjilil Jesús, mpes tjowelepj Jesús lal: —¿Ncu jyas sey mojoꞌocj polomay lal? 50 Yupj popa pjaní polomay ntꞌya, jay tjejyoꞌo yom pjaní. Pjotsꞌ liꞌinyampe taná tjejyoꞌo. Jupj ne mozo waytsja sacerdote* más püné mpes. 51 Jesús ma jostsja pjotsꞌ tjejyoꞌo. —Po ma la tapaꞌná nun —tjevele jupj. Jupj pjotsꞌ po la tjeꞌyotꞌa, tjiꞌyüꞌsa la tjiji jupj. 52 Pülücj tjiquil jis la tjilil Jesús. Sacerdote* noypan nepenowá, jepapan militar nepenowá Dios wo* ntꞌa tsjiꞌ lajaytsja sin popé. Judío*

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 22

262

coꞌmüypan* nepenowá. Mpes Jesús yom pjotsꞌ tjiꞌyüꞌsa la tjiji na, tjevele yupj jis lal: —¿Tsjan mpes polomay tꞌo, yo pjwel tꞌo wa la tjilil napj? Niná lojí pwequepj la tjilil. 53 Pjü jyawca Dios wo* ntꞌa tjoꞌostsja nun jilal. Lovin ma ntjutjililiqué neꞌaj tjoꞌos na. Nun lojí diablo* jos jin. Po quina way pꞌin Dios ꞌyaya jupj jyüꞌta, mpes nun malala lojí quinam nujisas jinwá —tjevele Jesús.

Pedro tsyüpünǘ Jesús jomica jupj. (Mateo 26.57-58, 69-75; Marcos 14.53-54, 66-72; Juan 18.12-18, 25-27)

54 Jesús

nin tjevele na, ntjiꞌlin̈, lal tjil. Tjaman jupj sacerdote* más püné wo ntꞌa. Pedro jupj cjüil tjemey, campapé. Sacerdote jis jepa wo ntꞌa tjemey wa jupj. 55 Wo ntꞌa niyom nepénowa ꞌawa jus tꞌol wosis tꞌasiyú tjüwücj culupwen ntꞌa, ꞌa mulú ꞌatjalapj jis la sis. Pedro ꞌetjele wa yupj jilal. 56 Pedro neꞌaj ꞌetjele na, tsjücjüim jus tjinyuca Pedrú, ꞌawa jyawca ntꞌa tjáꞌasa jupj, ne nin. Tsjücjüim niná mozo waytsja jupj neꞌaj. Püs way jus tjinyuca na, tjevele: —Yom niná cus tecyon̈ca Jesús. 57 Pedro tsyüpünǘ. —Nin tulucj. Ma si nuc —tjevele jupj. 58 Locopyaya yom pjaní neꞌaj jus tjinyuca wa Pedro, mpes tjevele: —Jipj Jesús discipulopan* popa wa. Pedro wola tjevele: —¡Nin tulucj! 59 Locopyaya, hora pjaní tepyala na, más ꞌin püs ca nacj, más ꞌin len̈ way ca nacj, pꞌa wa neꞌaj janmacj nin jólatsja Pedro poꞌó, mpes tjevele: —Tꞌücꞌ way yom niná cus tecyon̈ca wa Jesús. Jupj Galilea mpe ꞌesepj wa, Jesús jinwá. 60 Pedro tjevele jupj lal: —Ma nin ꞌyüsa jipj velen. Pedro nin véletsja na, castlyaj cocoy nepé la tipiya. 61 Nepé la tipiya na, qjuis Jepa Jesús la nujuya, tjinyuca Pedrú. Mpes Pedro jola tepyala jupj tjevelá. Ninana jupj tjevelá: “Yacjaj pꞌiyá la con ca mvelen ma nus nyuc. Castlyaj cocoy la puyú secj pꞌin, ca nin la mijin.” 62 Pedro tjemey wo nepé. Pajal ꞌaplijila waytsja, pajal la tipiya wa.

63 Niyom

La tjüpjütsꞌün Jesús mpes. (Mateo 26.67-68; Marcos 14.65)

nepénowa jamanuntsja Jesús. La tjüpjütsꞌün jupj mpes. Pajal moꞌo süptsja wa jupj. 64 Jun tsupapj, tjowelepj: —Qjuis wala mvelen pjacj jey syüpa. Dios ca jin ꞌyüsa la mijis.

El Nuevo Testamento en Tol de Honduras, 2da ed. ©2010, Wycliffe Bible Translators

263

SAN LUCAS 22, 23

65 La

pꞌa wa pajal pülücj malala tjowelepj Jesús poꞌó, jupj pajal tsjicj way jin tjowelepj. Judiopan tjowelepj Jesús malala la tjiji. (Mateo 26.59-66; Marcos 14.55-64; Juan 18.19-24)

66 Tjejyawca

na, judiopan* jis jepapan ꞌa jis tjimyula yupj, nepénowa sacerdote* noypan, nepénowa Moisés* popel sin ꞌyüsa lajay. Yupj lovin ꞌa jis tjimyula ntꞌa tjaman Jesús. Tjowelepj Jesús lal: 67 —Dios tjevele jupj ca jas majamas Jepa Püné judiopan* ntꞌa qjuis capj la pꞌacj. Qjuis wala mvelen ncu ninana yomen jipj. Jesús tjevele yupj jilal: —Napj nin cüvelé nun jis lal, ma ca mponé napj velé. 68 Napj nu la ꞌyüy wa, nun ma ca nawala mvelé. 69 Quina Dios liꞌinyampe ca moꞌos lovin. ꞌA mulú ca müjüꞌtücj cupj. Pajal jas tjiyocj jupj. Napj pꞌiyá niná Yomen Dios jas tjejyamá —tjevele Jesús. 70 Yupj pjü way la tjüꞌüy Jesús lal: —¿Ncu Dios Jatjam jipj? Jesús tjevele yupj jis lal: —Tꞌücꞌ tjowelé, Dios Jatjam napj. 71 Mpes yupj yuwá tjowelepj: —Quina ma qjuisas la pꞌa mvelecj tsjan niná yupj salejepj jupj poꞌó. Tjepjyaꞌaquecj jupj pꞌiyá tjevelá. Selecj malala la tjiji jupj; jupj tjevele yuwal jupj Dios lal.

23

Pilato ntꞌa tjaman Jesús. (Mateo 27.1-2, 11-14; Marcos 15.1-5; Juan 18.28-38)

1 Locopyaya

yupj pjü sin tjüjünsüpj, tjaman Jesús Pilato ntꞌa. Pilato jepa püné auxiliar waytsja jupj. Romano* waytsja jupj, judío* tulucj. 2 Neꞌaj tjatꞌ tjowelepj Jesús poꞌó. Tjowelepj: —Cupj tjinyucucj, tjepjyaꞌaquecj wa yom niná judiopan* sin ꞌyüsa lis tjiji jis la palan jepapan jilal. Qjuisí jütüta ma tꞌemel ꞌyayacj impuesto jaylacj, jepa püné jyüꞌta jin. Jupj vele jupj jepa wa. Vele Dios jas tjejyama jupj jis capj la pꞌacj judiopan —nin tjowelepj coꞌmüypan* judiopan sin popé. 3 Mpes Pilato la tjiꞌyüya Jesús lal: —¿Ncu judiopan* jis jepa püné jipj? Jesús wola tjevele: —Nin napj.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 23

264

4 Locopyaya

Pilato tjevele sacerdote* noypan jilal, la pꞌa pajal pülücj neꞌaj tjelejen̈tsja jilal ꞌotsꞌipj. Tjevele: —Napj velé yom niná malala tulucj. Ma polel la veles jupj malala li jam. 5 Yupj newa malala tjowelepj Jesús poꞌó. Po jisastsja Pilato ca cus ntülüs Jesús. Tjowelepj: —Jupj vele mpes judiopan* tsꞌa ꞌin se palá jepa romanopan* jilal, mpes quelel la palan nun jilal. Jun taꞌá judiopan patja ntꞌa sin ꞌyüsa liji jupj. Galilea moꞌó sin tjiꞌyüsa lis tjiji mwalá way pꞌin. Nepé quiꞌá tjacꞌ Jerusalén ntꞌa. Nin pꞌiyá liji quiꞌá —tjowelepj yupj.

Herodes ntꞌa tjaman Jesús.

6 Pilato

tjapjaca Galilea nepé tjacꞌ Jesús. Niná tjapjaca na, jis la tjiꞌyüya Jesús poꞌó: —Yom niná ¿ncu Galilea mpe tjacꞌ jupj? 7 Yupj wola tjowelepj Galilea mpe tjacꞌ Jesús. Pilato ma tjijyüꞌta Galilea ntꞌa. Herodes jépatsja jupj Galilea ntꞌa, mpes ꞌücj lo jütütj wa Jesús. Nin mpes Pilato jas tjejyama Jesús Herodes ntꞌa. Herodes la nuc wínetsja Jerusalén ntꞌa quinam. 8 Mpes tjaman Jesús Herodes ntꞌa. Herodes Jesús tjinyuca na, po ꞌücj jostsja jupj. Püna tjapjaca jupj Jesús poꞌó, mpes quelel si nucutsja jupj. Pajal püna quelel si nucutsja jupj. Herodes quelel nyúcatsja Jesús ꞌüsüs la mijis, yom pꞌin ma polel liji jinwá. 9 Mpes Herodes pajal püs way la tjiꞌyüya Jesús lal. Mopꞌin Jesús ma lal tjevele jupj. 10 Neꞌaj tjelejen̈ wa sacerdote* noypan, Moisés* popel sin ꞌyüsa lajay ꞌotsꞌipj. Yupj newa pajal tjatꞌ tjowelepj Jesús poꞌó. 11 Locopyaya Herodes malala la tjiji Jesús lal. Nin pꞌiyá la tjajay wa jupj militarpan. Malala jin tjowelepj Jesús. La tjüpjütsꞌün Jesús mpes. Locopyaya jas tücüipap jepa jas quip. Pajal ꞌüsüs way jústatsja niná jas quip. Locopyaya Herodes jas tjejyama Jesús Pilato ntꞌa niswá. 12 Nin jawas sejamicapan jis tepyala yupj, Herodes Pilato lal. Püna pꞌin enemigopan waytsja yupj.

Pilato tjevele cruz poꞌo ca mvalacj Jesús, müꞌüꞌnacj. (Mateo 27.15-26; Marcos 15.6-15; Juan 18.39-19.16)

13 Pilato

ꞌa jis tjimyula sacerdote* noypan, la pꞌa jepapan judiopan* sin popé ꞌotsꞌipj, la pꞌa judiopan ꞌotsꞌipj. 14 Tjevele yupj jis lal: —Nun tucumaná ntjaꞌayá niná yomen, jas la veles. Tjowelé jupj sin ꞌyüsa lis tjiji judiopan* jis la palan jepa romanopan* jis lal. Mpes napj

El Nuevo Testamento en Tol de Honduras, 2da ed. ©2010, Wycliffe Bible Translators

265

SAN LUCAS 23

la tjiꞌyüy jupj nun nuwolapꞌaꞌá. Napj nin velé jupj ma nin la tjiji nun tjowelé jupj poꞌó. 15 Herodes tjevele wa ma malala la tjiji jupj, mpes jas tjejyama Jesús cupj ntꞌa, ne niswa tjacꞌ. Tꞌücꞌ ma pajal malala la tjiji. Malala napj pajal si tül, ꞌyünampa, nujisas jin. 16 Más ꞌücj napj ca jay nsüp, locopyaya ca jas majam. 17 Pilato janmacj pjaní way jas tjejyama cawilta mpe fiesta niná lajaytsja na. Neꞌaj tapatja nin jisastsja mpes nin la tjiji. 18 Pilato quelel se jamatsja Jesús. Judiopan* pꞌin ma jisastsja. Pjü ꞌa mulú la tupuyupj: —¡Tjüꞌüꞌná niná yomen! Barrabás se jam qjuisas. 19 (Barrabás ma jostsja jepá, mpes la tepyaꞌna ꞌücj pjeꞌá la ntsꞌiyas jupj. La pꞌa tjiꞌyüꞌna wa jupj, mpes cawilta moꞌo tjoꞌonsopj jupj.) 20 Niswa yupj jilal tjevele Pilato. Tjevele quelel se jamatsja Jesús. 21 Newa pajal la tupuyupj yupj: —Cruz* poꞌo tjevyala jupj, mpaꞌis. Cruz poꞌo tjevyala jupj, mpaꞌis. 22 Niswa jilal tjevele Pilato. La con nas tjevele jupj: —¿Tsjan pjucj cüvalá jupj cruz* poꞌó? ¿Tsjan malala la tjiji jupj? Napj selé ma pajal malala la tjiji. Malala napj pajal si tül, si jütütj jaꞌünan Jesús. Napj ca jis müjütütj moꞌo nsüpücj jupj; locopyaya ca jas majam —tjevele Pilato. 23 Newa nin pajal yümücj tjowelepj, tjüjütütj cruz* poꞌó lo valas Jesús. Yupj pajal yümücj tjowelepj mpes, Pilato la tjiji yupj jisastsja jin. 24 Tjijyüꞌta yupj tjüjütütj jin ca nsem, mpes ca cus ntülüs Jesús. 25 Barrabás jas tjejyama jupj, yupj la tjomon mpes. Barrabás tꞌücꞌ way jepapan jilal quelel le palánatsja, yom tjiꞌyüꞌna wa jupj, mpes cawilta moꞌo tjoꞌonsopj jupj. Pilato jis tjijyüꞌta jupj militarpan ca mal la ꞌünan Jesús. Judiopan* nin jisastsja, mpes nin la tjiji.

Cruz poꞌo tjovalapj Jesús, la ꞌünan. (Mateo 27.32-44; Marcos 15.21-32; Juan 19.17-27)

26 Militarpan

Jesús lal tjil cruz* poꞌó ca mvalacj ntꞌa. Jümücj ntꞌa jiltsja na, yom pꞌa wa ntjiꞌlin̈ yupj. Simón lotsja jupj, Cirene mpe ꞌeseptsja. Jupj nasa way jactsja Jerusalén ntꞌa jupj tüpüꞌü mpe. Jis wa pjaní pjaní lejen̈ mpe tjacꞌ jupj. Cruz tjaꞌayapj tjyama jupj, ne Jesús cjüil tjemey jupj. 27 Pajal pülücj cjüil tjil Jesús. Yupj sin popé nequem nepénowa pajal ꞌaplijila waytsja malala tepyala Jesús. Pajal yümücj la tupuyupj yupj. 28 Mpes Jesús cjüipe tjinyuca, tjevele yupj jis lal: —Po ma la tupuyú nun napj mpes. Nun pꞌiyá mpes la tupuyú, nutsꞌuyupj mpes la tupuyú. Nun pꞌin nequem Jerusalén mpe neꞌespan.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 23

266

29 Pꞌa

jyawca pajal ꞌaplijila ca nsem nun. Malala ca nu mpalas nun Jerusalén moꞌo potjaqué. Mpes nun ca mvelé: ‘Más ꞌücj jisas tsꞌuyupj cjuwá. Más ꞌücj jisas lovin way tsjicj cjuwatsja. Más ꞌücj jisas lovin ma tjaꞌayapj tsyoꞌo tsjicj way.’ Tꞌücꞌ niná. 30 Malala nyuca jis tepyala na, ca quelel tsꞌequenen̈, Dios ma jis capj la tül. Mopꞌin ma ca polel la mijicj. Ca quelel mvelecj jocꞌ lal: ‘Jipj ꞌamá jus ntsꞌeptam cupj capá ntꞌa’. Ca quelel mvelecj neven jilal: ‘Qjuis tjepjyaꞌna jipj ꞌamá mpes’. 31 Tꞌücꞌ way malala nyuca ca nu mpalas nun. Quina malala la najay, napj ne malala tulucj. Mpes solejé más malala ca la mijicj nun jis lal —tjevele Jesús. 32 Militarpan jis tjaman wa pwecapan mátꞌeya cruz* poꞌo la valas, jis la ꞌünan Jesús lal. 33 Tjil ntꞌa ꞌamá neꞌaj Jay Pjucj Cjüele ló. Neꞌas tjil na, neꞌaj cruz poꞌo tjovalapj Jesús. Cruz poꞌo jis tjovalapj wa pwecapan, la pꞌa wa cruzus poꞌó. Jesús culupwen tjovalapj yupj jilal. Pjaní way Jesús nancupwepe tjovalapj. Maꞌajapj jupj liꞌinyampe tjovalapj. 34 Jesús cruz* poꞌo tjevyala na, jupj tjevele: —Mpapay, ma nin jele tꞌas yupj malala la ntjajay. Perdonar lis mijin. Ma sin ꞌyüsa tsjan lajay yupj. Militarpan neꞌaj tjelejen̈ Jesús jas quip jisastsja. Tjepjelan̈ tjunuc pjacj ntaꞌes jupj jas quip. 35 Judiopan* pülücj neꞌaj tjelejen̈, Jesús jus tjunuc. Nin pꞌiyá la tjajay wa judiopan jis jepapan. La tjüpjütsꞌün Jesús lal. Tjowelepj: —La pꞌa wa jis capj tjepꞌyaꞌsa. Dios jas tjejyama jupj jis capj la pꞌacj judiopan*, más ꞌücj jupj ca cus mpꞌaꞌsas jupj pꞌiyá. ꞌÜcj nin la qjuijis, Dios la tꞌya jupj. 36 Militarpan la tjüpjütsꞌün wa Jesús lal. Jun ꞌasas tjiquil, uva ꞌüsǘ ꞌona tjaꞌayapj lo müs Jesús. 37 Tjowelepj jupj lal: —Jipj jepa püné judiopan* jilal, cyapj tjepꞌyaꞌsa jipj pꞌiyá. 38 Nasa tabla tapac, tüpüntüpj Jesús jay ntꞌa. Tabla niná tapac tsjan mpes cus tül Jesús. Nin tjevele tablá: NINÁ JUDIOPAN JIS JEPA. 39 Pecj pjaní Jesús lal ton̈ca pꞌa cruz* poꞌó, jupj malala nyuca tjevele wa Jesús lal. Tjevele: —Dios jin tjejyama jis capj la pꞌacj judiopan*, cyapj tjepꞌyaꞌsa jipj pꞌiyá, qjuis capj tjepꞌyaꞌsa wa ncupj. 40 Pecj maꞌajapj cus tjeveꞌle jupj, nin tjevele na. Tjevele: —¿Ncu ma lecj jeyan tsjan ca la mya jis Dios? Qjuis capj jatül wa ncupj yom niná lal. Qjuis tjovalapj wa ncupj cruz* poꞌó la mas. 41 ꞌÜcj qjuis capj jatül ncupj. Malala nyuca la tjijicj, mpes ꞌücj nin lajay. Yom niná ma malala nyuca la tjiji jupj.

El Nuevo Testamento en Tol de Honduras, 2da ed. ©2010, Wycliffe Bible Translators

267

SAN LUCAS 23

42 Pecj

nin wa tjevele Jesús lal: —Jesús, ninpe jele tapalas cuy jyütütj na. 43 Jesús tjevele jupj lal: —Tꞌücꞌ way yacjaj pꞌin ncapj ncon̈con Dios püꞌü ntꞌa. Pajal ꞌüsüs way neꞌaj.

Tepeꞌe Jesús. (Mateo 27.45-56; Marcos 15.33-41; Juan 19.28-30)

44 Jesús

nin tjevele na, lotsꞌacꞌ culupwen ntꞌa tjáꞌasa quinam. Püste tepyala pjü nosis ntꞌa. Pǘstetsja hora cóntꞌeya. 45 Lotsꞌacꞌ ma tjejyawca la tjiji. Dios wo* ntꞌa pülül pꞌompꞌom jupj sin la tücüeme. Pülül niná wo tꞌem pjaní jinwatsja. Jas tüpwes la tücüeme, matꞌe tepyala jupj. 46 Nin tepyala na, Jesús pajal yümücj tjevele Dios lal: —Mpapay, neqjues ꞌe ꞌa cyapj la con̈. Nin tjevele na, tepeꞌe. 47 Jepa militar tjinyuca pjü tepyalá Jesús tepeꞌe na. Tjinyuca na, ꞌüsüs tjevele Dios poꞌó. Tjevele: —Tꞌücꞌ way yom niná ꞌüsüs waytsja jupj, malala tulucj. 48 Nin ntꞌa pajal pülücj ꞌa si mulutsja nas, jis la nuc jis la ꞌünan cruzus* poꞌó. Pjü tjunuc na, tjil jis wa ntꞌa. Jisas suna tül tjil. ꞌAplijílatsja Jesús tjüꞌünan mpes. Yupj jus nlay malala nyuca la tjajay. Lacj tjeyapj yupj. 49 Jesús jomicapan custjay campa ꞌin tjelejen̈, tjunuc pjü tepyalá. Yupj nepénowa nequem. Yupj Jesús cus tocon̈, Galilea mpe tjacꞌ na.

Pe jul moꞌó, neven ntꞌa, tüpüntüpj Jesús jüpꞌüy. (Mateo 27.57-61; Marcos 15.42-47; Juan 19.38-42)

50 Judío*

pjaní José lotsja. Arimatea mpe ꞌeseptsja jupj, judiopan patja ntꞌa. Jupj judiopan jis jepapan pópatsja. ꞌÜsüs líjitsja jupj. Dios lal ꞌüsüs waytsja ꞌotsꞌipj. 51 José ma jostsja yupj tjowelepj ca cus ntülücj Jesús. Malálatsja jupj lal nin la jaympa. Ma jostsja tjüꞌünan jupj. José jólatsja len̈ way Dios ca müjüꞌtüs nosis ntꞌa. 52 Jesús tepeꞌe na, José tjemey Pilato ntꞌa. Jesús jüpꞌüy la tjemyona la toc la püntüs. ꞌÜctsja niná Pilato lal. 53 Mpes José Jesús jüpꞌüy palá ntꞌya cruz* mpe. Jas tjivyüꞌünǘ pülül ꞌüsüs mpes. Pe jul ntꞌa tipyünta jupj, neven ntꞌa, tepeꞌe ꞌücj la püntüs ntꞌa. Püna pꞌin tjijyüꞌta la toc jomwen jul, tepeꞌe tulucj pꞌin. Nin lajaytsja judiopan. Mopꞌin ma tepeꞌe neꞌaj tüpüntüpj custjay. 54 Jesús tepeꞌe na, nin jawastsja pjü ꞌücj lajay judiopan, ya ma ca tsjiꞌ la mijicj. Len̈ way ca sábado* mpalas, yupj ma tsjiꞌ lajay

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 23, 24

268

na. Mpes len̈ way quelel líjitsja pjü. Ma polel pjü líjitsja Jesús jüpꞌüy mpes, jupj quelel líjitsja jin. 55 Nequem nepénowa cjüil tjil José, Jesús jüpꞌüy tipyünta ntꞌa. Yupj Galilea mpe tjiquil wa Jesús lal nawajaꞌa. Yupj quelel ꞌücj lajaytsja Jesús jüpꞌüy, tepeꞌe mpes, lovin lajaytsja jin tecyaꞌlin̈ jilal. Ma polel lajaytsja quinam, sábado* pyala na. Mpes tjunuc yupj Jesús jüpꞌüy tüpüntüpj ntꞌa, tjunuc wa ꞌoyn nyuca tüpüntüpj jupj. Domingo na quelel jiquiltsja ꞌücj la mijis jüpꞌüy. 56 Yacjaya jis wa ntꞌa tjil. Neꞌaj ꞌücj la tjajay Jesús jüpꞌüy jas la cjolol tepeꞌe mpes, lo ꞌüsüs cjumsu nepénowa, pomada ꞌüsüs cjumsu ꞌotsꞌipj. Ya sábado* waytsja, mpes ma tsjiꞌ la tjajay. Moisés* popel nin tjevele püná. Dios jis tjijyüꞌta ma ca tsjiꞌ la mijicj sábado na, mpes la nuctsja yupj.

24

Jesús jas tjijyünsa. Püꞌü jupj niswá. (Mateo 28.1-10; Marcos 16.1-8; Juan 20.1-10)

1 Domingo

tjejyawca na, nequem jomwen jul ntꞌa tjil, Jesús jüpꞌüy tüpüntüpj ntꞌa. Pajal püstapj tjil yupj. Yupj tjatꞌ lo pajal ꞌüsüs cjumsu, tjatꞌ wa pomada ꞌüsüs cjumsu, yupj ꞌücj la tjajay tꞌan̈ yasapé. Pomada lal quelel sa cjololtsja Jesús jüpꞌüy, lovin lajaytsja jin tecyaꞌlin̈ jis lal. 2 Neꞌas tjil na, jomwen jul ntꞌa, tjunuc pe püné jomwen jul jun tapá tjoꞌonsopj; jomwen jul jun cjol quinam. Nasa jas tentené tepyala pe püné quinam. 3 Nequem wama tjil jomwen jul moꞌó. Wama tjil na, Jesús jüpꞌüy ma tjunuc, jupj ne cupj qjuis Jepa. Len̈tsja neꞌaj. 4 Nequem neꞌaj tjelejen̈, pajal yólatsja tsjan mpes nin. Len̈ way niyom matꞌe lay jis tepyala, neꞌaj pꞌin lejen̈tsja nequem lejen̈tsja ntꞌa. Niyom sin quip sin jyáwcatsja. 5 Pajal lacj tjeyapj nequem, ne sey tococj yupj. Mpes niyom tjowelepj yupj jis lal: —¿Tsjan pjucj lo palá yom jun ꞌyüna tepeꞌe japüntüpj ntꞌa? 6 Len̈ jupj quiꞌá. Jas tjijyünsa. Nyucunú tepyala niswá. Nujola tapalas jupj tjevele ca nin mpalas; newa Galilea moꞌo tüpüꞌü na tjevele niná. 7 Tjevele niyom malala nyuca lajay ca ntjiꞌlin̈ jupj, yupj jisas jin ca mijicj jupj lal. Tjevele cruz* poꞌo ca mvalacj jupj, mpes ca mpaꞌis. Tjevele locopyaya, tsꞌacꞌ contꞌe tepyala na, ca jas müjünsüs, ca mpüꞌüm niswá. Jupj pꞌiyá niná Yomen Dios jas tjejyamá. Dios jostsja ca nin nsem —nin tjowelepj niyom matꞌeyá. 8 Locopyas yola tepyala Jesús tjevelá. 9 Pjeꞌá tjiquil quinam yupj, jomwen jul mpe. Jesús discipulopan* tapatja ntꞌa tjil yupj. Jesús apostolpan*

El Nuevo Testamento en Tol de Honduras, 2da ed. ©2010, Wycliffe Bible Translators

269

SAN LUCAS 24

Angelpan lay jis tepyala, tjowelepj Jesús len̈ quinam. (San Lucas 24.4)

once jilal tjowelepj pjü tepyalá jomwen jul ntꞌa. Pꞌa discipulopan jis lal ꞌotsꞌipj, pjü jis lal tjowelepj pjü tepyalá jomwen jul ntꞌa. 10 Nequem nenem María Magdalena lotsja pjaní wa, pꞌa wa Juana lotsja, María Jacobo jamaytsja pjaní wa. La pꞌa nequem jis lal tjiquil. 11 Discipulopan ma topon nequem tjowelepj. Nequem ma yola javelepj yólatsja yupj.

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 24

270

12 Locopyaya Pedro jas nisa jupj tjáꞌasa mpe, tsꞌüequené

pe jul moꞌó. Quelel nyúcatsja min tꞌücꞌ tjowelepj locopyas. Neꞌaj jun vilicj ntꞌa palá nipiꞌtje, wama tjinyuca. Pülül jas tjüwüꞌüntsja jas tjan jáꞌasa tjinyuca. Tjinyuca na, wo ntꞌa tjemey Pedrú. Pajal jólatsja, ma jas tjiꞌyüsa tsjan mpes nin tepyala.

13 Nin

Jesús lay tepyala jümücj ntꞌa, niyom jilal tjevele. (Marcos 16.12-13)

jawas pꞌiyá discipulopan* mátꞌeya tjil Emaús ntꞌa, nepénowa patja ntꞌa. Legua mátꞌetsja Emaús Jerusalén mpe. 14 Jümücj casá jiltsja, nin javeleptsja pjü tepyalá Jesús tepeꞌe mpes. 15 Yuwá pꞌin tjowelepj ꞌoyn nyuca tepyala pjü. Nin javeleptsja na pꞌiyá, Jesús pꞌiyá tjacꞌ neꞌaj, jis capj tecyon̈ca jümücj ntꞌa. 16 Ma jus nlay pjacj niná. Dios ma jis tjeꞌyaya neꞌas tjunuc jupj. 17 Jesús tjevele yupj jis lal: —¿Tsjan welé lowú pꞌin? Jesús nin tjevele na, jis tyantaná yupj, pajal ꞌaplijila jin yus tjunuc yupj. 18 Pjaní way Cleofas lotsja. Jupj Jesús lal tjevele: —Jipj tjacuy wa la nuc Jerusalén ntꞌa, mpes ca jus nlayen Jerusalén ntꞌa tepyalá nawajaꞌa pꞌin. Pjü salejepj neꞌaj tepyalá. 19 Jesús tjevele yupj jis lal: —¿Tsjan tepyala? Yupj Jesús lal tjowelepj: —Jesús lal tepyalá velecj cupj. Nazaret nepé ꞌeseptsja jupj. Profétatsja* jupj. Pajal ꞌüsüs la tjiji, Dios pꞌin ꞌücj liji jinwá. Pajal ꞌüsüs tjevele wa, ꞌücj la jütütj jinwá. Dios selé. Pjü gente salejepj wa niná. 20 Jupj pajal ꞌüsüstsja, yupj sin nin tjüꞌünan jupj. Qjuis jepapan Jesús ntjiꞌlin̈, tjaman jupj Pilato ntꞌa. Nin la tjajay sacerdote* noypan, la pꞌa jepapan ꞌotsꞌipj. Pilato tjevele ꞌücj cus la tül, la ꞌünan Jesús. Cruz* poꞌo tjovalapj mpes tepeꞌe jupj. 21 Pajal malálatsja niná cupj qjuilal. Cupj tepyonecj Dios jas tjejyama jupj judiopan* jis capj la pꞌacj. Tepyonecj jupj ca ꞌücj la mijis ma ca qjuis müjüꞌtücj romanopan* quinam. Pꞌa wa mpes qjuiyola: newa nin pꞌiyá; tꞌan̈ yasapé nin tepyala. Tsꞌacꞌ contꞌe quinam. 22 ”Pajal qjuiyola nequem nepénowa qjuis wala tjowelepj mpes. Discipulopan* popa yupj, cupj jinwá. Pajal püstapj neꞌas tjil jomwen jul ntꞌa, Jesús jüpꞌüy tüpüntüpj ntꞌa. 23 Neꞌaj ma tjunuc jüpꞌüy. Niswa tjiquil, tjowelepj angelpan* neꞌaj lay jis tepyala yupj ntꞌa. Angelpan tjowelepj Jesús nyucunú niswá. 24 Mpes nepénowa neꞌaj tjil cupj popé, jomwen jul ntꞌa tjil, Jesús jüpꞌüy tüpüntüpj ntꞌa. Nin pꞌiyá tjunuc yupj, nequem tjowelepj jin. Ma jus tjunuc Jesús lovin —nin tjowelepj discipulopan mátꞌeya.

El Nuevo Testamento en Tol de Honduras, 2da ed. ©2010, Wycliffe Bible Translators

271

SAN LUCAS 24

25 Jesús

tjevele yupj jis lal: —Nun ma nujola jinwá lojí. Nusey cꞌa pajal. Po ma quelel poné pjü way profetapan* tjowelepj. 26 Dios jas tjejyama jupj jis capj la pꞌacj judiopan*. Tꞌücꞌ way pjü nin tepyala, Dios jostsja jin tepyala jupj. Jostsja wa pajal püné ca nsem jupj pjü jis lal, pjü niná tꞌücꞌ tepyala na —tjevele Jesús. 27 Jesús jis wala tjevele Moisés* tepyaca popé, locopyaya tjevele wa pjü profetapan* tapac popé ꞌotsꞌipj. Pjaní pjaní ꞌüsüs jis wala tjevele tsjan mpes pjü tapac jupj poꞌó. Yupj tapac, Dios Popel niná. 28 Yacjaya neꞌaj pꞌintsja quinam yupj quelel jiltsja ntꞌa, nepénowa patja ntꞌa. Jesús jümücj casá ca mim jinwá la tjiji. 29 Yupj ma jisastsja jupj ca mim. Pajal la tjomon ma lo winin quinam. Tjowelepj: —Quiꞌá mpüꞌüm, majan ncupj ntꞌa. Quina quelel tꞌyaja. Len̈ way ca ncawajas jaw na. Yupj tjowelepj mpes, jis lal tjemey mpüꞌüm, ca majas yupj patja ntꞌa. 30 Wo ntꞌa wama tjemey. Yacjaya mesa ntꞌa tjáꞌasa yupj jis lal, quelel jalatsja na. Jesús pan ntꞌya, tjevele tjüwüiꞌi Dios lal pansas tjeꞌyaya mpes. La tjelepta, jis tjeꞌyaya pansas. 31 Nin la tjiji na, jus nlay pjacj ne jupj. Yun la tapacj tjunuc jinwatsja yupj. Yupj jus nlay na Jesús jupj, len̈ tjevyala jupj, tjáꞌasa ntꞌa. 32 Niyom tjowelepj yuwá: —Jesús pꞌiyatsja jupj. Nin mpes pajal ꞌücj qjuisastsja qjuis lal tjevele na jümücj ntꞌa. Jupj ꞌüsüs qjuis wala tjevele tsjan mpes pjü nin tapac Dios Popel moꞌó, mpes pajal ꞌücj qjuisastsja cupj. 33 Len̈ way tjil yupj tjatja mpe, discipulopan* matꞌeyá. Jerusalén ntꞌa tjil niswá. Neꞌaj apostolpan* ꞌónceya ꞌa mulú tjatja tjunuc. La pꞌa wa ꞌa mulú tjatja wa yupj jis lal. 34 Apostolpan javeleptsja: “Tꞌücꞌ way jas tjijyünsa, püꞌü niswá qjuis Jepa Jesús. Lay tepyala jupj Simón ntꞌa.” 35 Locopyaya niyom matꞌe tjowelepj wa tsjan jis tepyala jümücj ntꞌa. Tjowelepj Jesús pan la tjelepta yupj jis wa ntꞌa. Nin la tjiji na, jus nlay jupj pꞌiyá ne Jesús.

36 Yupj

Jesús lay jis tepyala discipulopan tjatja ntꞌa. (Mateo 28.16-20; Marcos 16.14-18; Juan 20.19-23)

nin tjowelepj na, len̈ way Jesús lay jis tepyala, culupwen ntꞌa ton̈ca. Tjevele yupj jis lal: —ꞌÜsüs mpatjaqué; ma nujola tꞌas. 37 Pajal tüpwectan̈, lacj jeyapj lejen̈tsja yupj. Cjües pꞌin tjunuc jin yólatsja yupj. 38 Jesús tjevele yupj jis lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN LUCAS 24

272

—¿Tsjan mpes lapj nyuca nujola nun? ¿Tsjan mpes nusey cꞌa nun? Nun ma poné napj püꞌüs niswá. 39 Namas jus tjunucú, ntsjam jus tjunucú wa. Jus nlayé ca napj Jesús. Nin po la tjoꞌotꞌé, nus ꞌunuca wa. Cjües pꞌin jüpꞌüy tulucj, cjüele tulucj wa. Nun nus nucú mpꞌüy jana wa, neqjuele jana wa —tjevele Jesús. 40 Nin tjevele na, jis tjeꞌyaya tjunuc jupj mos, jupj tsjom, clavo moꞌo tjil mpe. 41 Pajal ꞌücj jisastsja yupj. Jesús jin yólatsja, newa Jesús tulucj jin yólatsja. Ma polel japontsja custjay, mpes jupj tjevele yupj jis lal: —¿Ncu toꞌá quiꞌá napj nla? 42 Mpes cjul tjüꞌüm tsjicj way tjaꞌayapj. Tsjiminicj tsꞌosis tjaꞌayapj wa jupj. 43 Jupj ntꞌya, tjelyaja wa tjunuc yupj. 44 Locopyaya yupj jis lal tjevele: —Niná nin ntepalá tjevelé nun jis lal nin ca ma palas. Newa nun lal tüpüꞌüs na tjevelé niná. Tjevelé pjü nin poꞌo tapac Dios Popel moꞌó, Dios jostsja pjü nin tapac jinwá tapalas pjü. Pjü Moisés* nin poꞌo tepyaca, profetapan* nin poꞌo tapac wa, nejetsꞌen̈ tapac nin poꞌo tapac wa, jupj jostsja nin tapac jinwá tapalas pjü —tjevele Jesús. 45 Locopyaya jis capj tjepꞌyaꞌsa sin la ꞌüsüs, mpes sin tjiꞌyüsa Dios tjevelá jupj Popel moꞌó. 46 Tjevele yupj jis lal: —Püna tapac Dios ca nin majamas nosis ntꞌa jis capj la pꞌacj nosis casá patjá. Tapac pajal ca malala ma palas, ma patsꞌ ca. Locopyaya tsꞌacꞌ contꞌe tepyala na, ca nin müjünsǘ, mpüꞌüs niswá. Nin tapac yupj. 47 Napj pjü la tjejay mpes, napj mpes japon pꞌa lal ca mvelecj nin poꞌó. Pjü nosis ntꞌa ca mvelecj yupj. Ca mvelecj Dios jos pjü way ꞌaplijila nsem malala nyuca la tjajay mpes, ca ꞌüsüs la mijicj quinam Dios jos jinwá. Napj mpes topon na, Dios ma ca nin jola nsem yupj malala la tjajay. Mwalá way pꞌin Jerusalén ntꞌa jis wala ca mvelecj niná. Locopyaya jun taꞌá ca mal, pjü pꞌa ntꞌa patja ntꞌa ca mvelecj napj la tjejay. 48 ”Nun pjü tjunucú pjü tepyalá, mpes la pꞌa jis lal tjowelé tepyalá. 49 Nusin tjüꞌüsüs niná: napj Dios Cjües ca jas majam nun ntꞌa. Püna Mpapay tjevele ncuwim jupj. Mpes ma lowa quepem, Jerusalén mpe quinam. Jupj tjacꞌ naya, ꞌücj lowú. Tsjun popé jacꞌ quiꞌá. Jupj tjacꞌ na nun ntꞌa, jupj ca nucopj mpꞌaꞌsas ꞌücj la müjí Dios jos jin. Nucopj mpꞌaꞌsas ꞌücj tsjiꞌ la müjí Dios mpes —tjevele Jesús.

50 Locopyaya

Tsjun poꞌó tjemey Jesús. (Marcos 16.19-20)

Jesús tjemey yupj jis lal Jerusalén mpe. Betania neꞌaj pꞌin ntꞌa tjemey yupj jis lal. Neꞌaj mos sin tjijyünsa, la tjemyona jupj Popay lal jupj ca ꞌüsüs lis mijis yupj. 51 Newa véletsja na, jas tjan tjemey, ne Dios tsjun poꞌo jas tjemyana jupj. 52 Yupj neꞌaj tjelejen̈ pajal ꞌüsüs

El Nuevo Testamento en Tol de Honduras, 2da ed. ©2010, Wycliffe Bible Translators

273

SAN LUCAS 24

pjac tjowelepj jupj poꞌó. Pajal püné jupj jin yólatsja yupj. Pajal ꞌücj jisastsja yupj niswa tjil na Jerusalén ntꞌa. 53 Neꞌaj lovin Dios wo* ntꞌa tjátjatsja yupj, ꞌüsüs pjac tjowelepj Dios poꞌó, tjowelepj tjuwiꞌin̈ Dios lal.

El Nuevo Testamento en Tol de Honduras, 2da ed. ©2010, Wycliffe Bible Translators

Juan papel tepyaca Jesucristo poꞌó

1

Jesucristo yom tepyala jupj.

1 Jesucristo vele cupj qjuis lal Dios poꞌó. Jupj pꞌiyá liji mpes qjuisin ꞌyüsa Dios mpes. Jesucristo lovin pǘꞌütsja jupj. Pajal püna nosis cjuwatsja na, pues pjü cjuwatsja na, jupj newa tüpǘꞌütsja. Jupj lovin Dios lal tüpüꞌü, ne jupj pꞌiyá Dios watsja jupj. 2 Jupj pꞌiyá Dios lal pǘꞌütsja nosis cjuwatsja na pꞌin. 3 Dios pjü la tjiji jupj lal. Pues pjü way Dios la tjiji, Jesucristo lal la tjiji jupj. 4 Jesucristo mpes pátjatsja pjü. Jupj se ꞌaya ꞌücj jis la pütꞌüs. Jupj püꞌü mpes, nosis casá patja ꞌücj sin ꞌyüsa wa Dios poꞌó. 5 Nosis püste jinwá malala nyuca lajay mpes. Jesucristo jaw jinwá nosis ntꞌa. Sin ꞌyüsa liji Dios poꞌó. Gente malala lajay ma jisas jupj. Newa ma sin ꞌyüsa Jesucristo poꞌó. 6 Yom tjacꞌ wa cupj ntꞌa.

274 El Nuevo Testamento en Tol de Honduras, 2da ed. ©2010, Wycliffe Bible Translators

275

SAN JUAN 1

Juan lotsja jupj. Dios jas tjejyama tjacꞌ jupj. 7 Juan tjacꞌ la veles jupj seletsja poꞌó. Jupj tjevele yom pjaní jyawca jinwá ca nsem cupj qjuilal, qjuisin ꞌyüsa la mijis Dios mpes. Juan jostsja pjü ca mponecj yom niná poꞌó. 8 Jesucristo niná pꞌiyá, jyawca jinwatsja nosis ntꞌa. Juan pꞌa watsja. Jupj tjacꞌ la veles Jesucristo poꞌó, jupj seletsja mpes. 9 Locopyaya Jesucristo nosis ntꞌa tjacꞌ wa. Tꞌücꞌ way jupj jyawca jinwatsja nosis ntꞌa. Jupj pjü gente sin ꞌyüsa liji. 10 Dios pjü la tjiji nosis ntꞌa jupj lal. Jupj tüpüꞌü nosis ntꞌa, mopꞌin nosis casá patja ma salejeptsja pjacj cuscú jupj. 11 Jupj tjacꞌ jupj jyüꞌta ntꞌa; nin pꞌiyá jupj si jütüta sin popé ma jisastsja jupj. 12 Nepénowa jisastsja jupj. Yupj topon jupj mpes ca ꞌücj mpatjam Dios lal. Nin mpes jupj jis tjeꞌyaya ꞌücj Dios tsꞌuyupj ca jis mpalas yupj. 13 Dios pꞌiyá liji jupj tsꞌuyupj se palá yupj, mpes nin. Sejamay niswa se jamanun mpes tulucj. Jis papay, sejamay sin popa jisas mpes tulucj. Yom jos mpes tulucj; Dios pꞌiyá liji jupj tsꞌuyupj se palá Jesucristo lal japon. 14 Jesucristo liji mpes qjuisin ꞌyüsa Dios poꞌó. Yom tepyala jupj püná. Jupj pǘꞌütsja ncupj pyatjaquecj ntꞌa wa. Tjinyucucj jupj pajal ꞌüsüs la tjiji, tꞌücꞌ way pünetsja jupj. Jupj Popay Dios pjaní way Popa, mpes ꞌüsüs jupj pajal. Qjuis Papay Dios mpe tjacꞌ. El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 1

276

Cupj ꞌüsüs tuluctsja, mopꞌin nin, jupj pajal ꞌüsüs la tjiji cupj mpes. Jupj tꞌücꞌ way qjuisin ꞌyüsa liji Dios poꞌó. 15 Juan seletsja mpes ꞌüsüs tjevele Jesucristo poꞌó. Ninana jupj velá Jesucristo poꞌó, pjü ꞌücj jis la pjac: “Jupj ne niná yomen napj tjevelé poꞌó. Napj tjevelé napj mwalá way tjacuwis; tjevelé yom pꞌa wa ncuwim pꞌa jawas nun jis lal la veles Dios poꞌó. Más püné tepyala jupj napj lal. Jupj pajal püna tüpüꞌü, mpes más püné jupj napj lal. 16 ”Jupj lovin pajal quelel la qjuisiji. Mpes jupj pajal ꞌüsüs la tjiji cupj mpes. Newa qjuesé ꞌaya, jupj quelel la qjuisiji mpes. Nin pꞌiyá pjü way ncupj qjuilal. 17 Moisés* qjuis wala tjevele Dios tjijyüꞌtá, nin pꞌin. Jesucristo más ꞌüsüs Moisés lal. Jesucristo mpes Dios pajal ꞌüsüs la tjiji cupj mpes. Jesucristo mpes wa qjuisin ꞌyüsa liji tꞌücꞌ way jupj pꞌiyá poꞌó. 18 Gente lovin ma jus tjunuc Dios, yupj yun lal. Dios Popa pjaní qjuisin ꞌyüsa liji ꞌonin niná Dios. Dios Popa pjaní jupj, pꞌa cjuwá. Lovin se con̈ca Popay. Quelel liji jupj pajal”, nin tjevele Juan Jesucristo poꞌó.

Juan ꞌüsüs way tjevele Jesucristo más püné jupj lal. (Mateo 3.11-12; Marcos 1.7-8; Lucas 3.15-17)

19 Judiopan*

jis jepapan Jerusalén ntꞌa tapatja. Yupj sacerdotepan* sin tjajam Juan ntꞌa jis la veles jupj lal. Auxiliarpan sin tjajam wa yupj jis lal. Sin tjajam la tjüꞌüy, tjunuc tsjan mpes ꞌücj bautizar* la tjiji. Juan seletsja mpes tjevele jupj. 20 Niná pajal tülü way jis wala tjevele Juan: —Dios tjevele püná jupj ca jas majamas Jepa Püné judiopan* ntꞌa, jis capj la pꞌacj. Nam ꞌa jupj tulucj. 21 Yupj tjowelepj Juan lal: —Jipj velen ninana tulucj jipj. ¿Pjacj ne jipj? ¿Ncu Elías* jipj, jupj ne pajal püna tüpüꞌü? Juan jis wala tjevele: —Napj Elías* tulucj. Yupj la tjüꞌüy: —¿Ncu jipj profeta* niná Dios tjevele ca jas majamas cupj ntꞌa la veles jupj mpes? Juan jis wala tjevele: —Jupj tulucj napj. 22 Mpes jupj lal tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

277

SAN JUAN 1

—Qjuis wala mvelen pjacj jipj ne ꞌücj nin la cüjay niná. Cupj quelel jis wala velecj ncupj qjuisin tjajam. ¿Tsjan velen jipj pꞌiyá poꞌó? 23 Jupj tjevele: —Isaías Dios mpes tjevele pajal püna. La pjaní napj nin poꞌó tjevele jupj. Tjevele: ‘Yom niná wa cjuwá ntꞌa ca mim. Pajal ca quelel mveles gente jilal napj mpes. Mpes yümücj ca mveles: “Malala nujola nun, jümücj la luꞌulú jinwá. Po ma malala nujola tꞌas quinam. ꞌÜsüs nujola tꞌas qjuis Jepa Püné jos jinwá.” ’ Nin tjevele Isaías ca nin mvelé napj —tjevele Juan. 24 Fariseopan* nepenowá Juan lal tjowelepj wa. Jepapan sin tjajam wa yupj. 25 Yupj tjowelepj: —Jipj velen jipj Yom niná tulucj, Yom niná Dios tjevele ca jas majamas jis capj la pꞌacj judiopan*. Jipj velen Elías* tulucj jipj. Jipj velen jipj profeta* niná tulucj, profeta niná Dios tjevele ca jas majamas la veles jupj mpes. ¿Tsjan pjucj bautizar* la sejay jipj? 26 Juan jis wala tjevele: —Napj bautizar* la nusejay la pꞌin ꞌüsǘ mpes. Yom pꞌa wa wine nun potjaqué ntꞌa, nun ma solejé pjacj ne jupj. 27 Jupj jacꞌ locopyaya napj lal, Dios Popel vele jin. Jupj ca mveles wa nun jis lal Dios mpes. Pajal püné jupj napj lal. Napj pajal tsjicj way jupj lal. Po ꞌüsüs napj lal tsjiꞌ lejay jupj mpes. Napj jupj caite syoc la pꞌin, ꞌücj napj lal —nin tjevele Juan niyom jilal. 28 Nin tepyala Betania moꞌó ꞌüsǘ naꞌaj poꞌó. Jordán lotsja ꞌüsǘ püné. Juan bautizar* líjitsja neꞌaj.

Juan tjevele Jesucristo Dios Cjües ꞌyaya.

29 Pꞌa

jyawca Juan tjinyuca Jesús jactsja jupj ntꞌa. Mpes Juan tjevele neꞌaj tjatja jis lal: “¡Tjunucú nun! Niná Dios jas tjejyama. Jupj ca mpaꞌis gente mpes. Jupj tepeꞌe na, Dios ca perdonar lis mijis malala nyuca la tjajay. 30 Tꞌan̈ pꞌin jupj mpes tjevelé. ‘Yom pjaní jacꞌ locopyaya napj lal —tjevelé—. Más püné way jupj napj lal. Mwalá way pǘꞌütsja napj lal, mpes más püné jupj napj lal’, nin tjevelé napj. 31 Napj quelel sin ꞌyüsa lejaytsja israelpan* pjacj ne jupj. Nin mpes tjacuwis, bautizar* la sejay ꞌüsǘ lal. Püna pꞌin napj pꞌiyá ma seletsja pjacj ne jupj”, tjevele Juan.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 1

278

32 Juan

pꞌa wa jis wala tjevele wa Jesucristo poꞌó. Tjevele: “Napj tjinyuc Dios Cjües sipipj jinwá tjacꞌ, jay la pꞌaꞌape tjacꞌ. Nayapé palá tjacꞌ Jesús ntꞌa, ne Jesús casá jáꞌasatsja. 33 Püna pꞌin napj pꞌiyá ma seletsja Jesús niná Dios jas tjejyama cupj ntꞌa. Dios nin tjiꞌyüsa la tjiji niná. Jupj pꞌiyá nin tjejyama bautizar* lis mejay napj. Jupj napj lal tjevele püna pꞌin: ‘Jipj ca nucun napj Neqjues palá ncuwim nayapé. Jupj yom pjaní ntꞌa ca mim lo pütꞌüs. Yom niná napj Neqjues se ꞌaya, gente jis lal la pütꞌüs, Dios Cjües ca jis capj ncon̈cos’, nin tjevele Dios napj lal. 34 Jupj tjevele jin tjinyuc napj. Napj tjinyuc mpes nin tjevelé yomen niná ꞌa Dios Jatjam jupj”, nin tjevele Juan.

35 Yaya

Juan discipulopan mátꞌeya Jesús ntꞌa tjil.

Juan tón̈catsja niswá jupj discipulopan* mátꞌeya jis lal. 36 Jupj Jesús jus tjinyuca neꞌaj tjemey. Mpes Juan tjevele jupj discipulopan jis lal: —Tjunuca nun. Niná Dios jas tjejyamá. Jupj ca mpaꞌis nosis casá patja mpes, oveja* tsjicj jinwá. Jupj ca mpaꞌis malala nyuca la tjajay mpes, ca yupj mpatjam. 37 Juan discipulopan* mátꞌeya sin tjiꞌyüsa jupj tjevelá, mpes tjil cus la con̈ Jesús. 38 Jesús la nujuya, yus tjinyuca cjüil jiquiltsja. Tjevele yupj jis lal: —¿Tsjan nujisas nun? Yupj tjowelepj jupj lal: —Cupj quelel selecj caꞌaj pütꞌ jipj. Rabbí* jipj. (Rabbí tjowelepj yupj jis tin; “jipj sin ꞌyüsa lejay”, velecj cupj.) 39 Jupj tjevele yupj jis lal: —Nculá, nucú nun. Mpes tjil jupj lal. Tjunuc jupj tüpüꞌü ntꞌa. Tsꞌacꞌ niná jupj lal tjatja yupj. Las cuatro tꞌyaja na tjil jis la nuc Jesús tüpüꞌü ntꞌa. 40 Mátꞌeya tjepjyacan̈ Juan tjevelá. Manas tjil cus la con̈ Jesús. Yupj popa pjaní Andrés lotsja. Andrés Simón Pedro tsüípetsja. 41 Andrés Jesús jus tjinyuca na, len̈ way tjemey la tepyala jupj tsüipe Simón. Jus tjinyuca, tjevele jupj lal: —Ncupj jus tjinyucucj Jepa niná Dios tjevele ca jas majamas cupj ntꞌa. Jupj ca qjuis capj mpꞌaꞌsas. ‘Cristo’ jupj velecj cupj. Nasa tjacꞌ jupj —tjevele Andrés. 42 Andrés tsüipe lal tjacꞌ Jesús ntꞌa. Jesús Andrés tsüipe jus tjinyuca, tjevele: —Simón jipj, Jonás jatjam jipj. Pꞌa wa ca lyá nsem jipj quinam. Cefas lyá nsem jipj. (Cefas “Pedro” javelepj tsꞌecj. “Pe püné” velecj cupj.)

El Nuevo Testamento en Tol de Honduras, 2da ed. ©2010, Wycliffe Bible Translators

279

43 Yaya

SAN JUAN 1, 2

Felipe, Natanael Jesús cus tocon̈ wa.

Galilea ntꞌa quelel jámatsja Jesús. Mwalá way pꞌin, jupj Felipe jus tjinyuca, tjevele jupj lal: —Ncapj tecyon̈ca. Najas ncapj cyon̈ lovin. 44 Felipe Betsaida mpe ꞌeseptsja jupj. Pülücj patja Betsaida ntꞌa. Andrés, Pedro ꞌotsꞌipj, Betsaida mpe neꞌespan watsja yupj. 45 Felipe Natanael la tepyala yacjaya. Jus tjinyuca na, jupj lal tjevele: —Moisés* tjevele Dios ca jas majamas Yom pjaní cupj ntꞌa, jupj ca qjuis capj la pꞌacj. Nin tepyaca jupj popel moꞌó. Profetapan* nin pꞌiyá tapac Dios mpes. Nas tjinyucucj yomen niná yupj tjowelepj poꞌó. Jesús jupj, José jatjam jupj. Nazaret mpe ꞌesepj jupj. 46 Natanael Felipe lal tjevele: —Ma pyon Nazaret mpe ꞌesepj ca ꞌüsüs nacj jupj. Felipe wola tjevele: —Was, nucun jipj. 47 Locopyaya Jesús Natanael jus tjinyuca, jactsja na. Jupj mpes tjevele: —Israelpan* popa tꞌücꞌ way jupj. Jupj Dios jos. Ma li tsuwile. 48 Natanael tjevele jupj lal: —¿ꞌOyn ne selen nus nyuc? Jesús jupj wola tjevele: —Napj jis tjinyuc, tsꞌoway ꞌalaꞌá jactsja na. Napj jis tjinyuc Felipe custjay ma jipj lal tjevele na pꞌin. 49 Mpes Natanael Jesús wola tjevele: —Rabbí*, jipj Dios Jatjam. Israelpan* jis Jepa Püné jipj. 50 Jesús tjevele jupj lal: —Napj tjevelé jipj lal jis tjinyuc tsꞌoway ꞌalaꞌá, mpes jipj pyon napj Dios Jatjam. Jipj ca nucun wa napj más ꞌüsüs ca la mejay wa niná lal. 51 Jesús tjevele wa jupj lal: —Nun ca nucú tsjun poꞌó jun cjol, Dios püꞌü ntꞌa. Tꞌücꞌ way velé. Ca nucú wa Dios angelpan* viyá ca mal napj mpe, ca palá ncul wa niswá napj ntꞌa. Napj pꞌiyá niná Yomen Dios jas tjejyama —nin tjevele Jesús.

2

1 Tsꞌacꞌ

Pajal ꞌüsüs la tjiji Jesús yom tjowaya ntꞌa.

matꞌe tepyala na, pülücj ꞌa jis tjimyula Caná ntꞌa, Galilea mpe se jütütj ntꞌa. Neꞌaj yom pjaní tjowaya. Nin mpes jupj popay pülücj jis la las la tjiji jüpülücpan mpes, jomicapan mpes ꞌotsꞌipj. Lovin nin la tjajay yupj, tjewyayin̈ jis lal. Jesús jamay neꞌaj wa jáꞌasatsja. 2 Tjowaya popay tjevele Jesús

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 2

280

ncuwim nlajas wa. Jupj discipulopan* jis lal tjevele ca ncul wa jis la las yupj, mpes tjil yupj. 3 Neꞌaj uva ꞌüsǘ nasa quelel pjojo na, Jesús jamay tjevele jupj lal: —Tjapjaja quinam uva ꞌüsǘ jis la müs. 4 Jesús tjevele jamay lal: —Namay, ¿tsjan mpes velen niná napj lal? Quina ꞌa li nuc. Dios jos naya ca la mejay. 5 Jesús jamay tjevele mozopan jis lal: —Jesús vele jin la müjí ca nun. 6 Neꞌaj tjelejen̈ jarro noypan séisiya, pe witjacj yupj. Judiopan* jisastsja jarro nin jinwá, ꞌüsǘ jis la ꞌasꞌüs jis la pul. Judiopan jis popel tjijyüꞌta ꞌonin ca ꞌüsüs maꞌasꞌün̈, ne ca salá jinwá nsem yupj Dios lal. Jarro pjü way veinte galón ca nacj, treinta galón ca nacj, noypan waytsja pajal. 7 Jesús tjevele mozopan jis lal: —ꞌÜsǘ moꞌo tꞌu jarras moꞌó, pues pjü way moꞌo tꞌu, pitꞌa nas. Mpes tipitꞌa la tjajay quinam pjü way jarras. 8 Tꞌücꞌ nin la tjajay na, Jesús tjevele yupj jis lal: —Mpulú quinam. Tjaꞌayá müꞌüm auxiliar más püné, jupj pjü ꞌücj liji pülücj jis la las mpes. Nin la tjajay yupj. 9 Auxiliar más püné tsjicj way tjümüꞌü, tjinyuca ꞌüsǘ ꞌoyn syaꞌma. ꞌÜsǘ tuluctsja quinam. Uva ꞌüsǘ tepyala nas. Auxiliar ma seletsja caꞌaj mpe tucutj nenem. Mozopan salejeptsja la pꞌin. Yupj ꞌüsǘ tupul ne nin. Mpes auxiliar tjevele yom tjowaya lal: —Was jipj. 10 Auxiliar tjevele jupj lal: —Niyom pꞌa witjacj uva ꞌüsǘ pajal ꞌücj syaꞌma jaꞌayapj jis la müs mwalá way pꞌin. Locopyaya, pajal tjimyüꞌün̈ na, uva ꞌüsǘ pjaní way jaylacj jaꞌayapj jis la müs. Jipj ma nin la tjejay. Uva ꞌüsǘ niná se ꞌan, pajal ꞌüsüs mwalá way tjeꞌyan lal —nin tjevele auxiliar más püné. 11 Niná Caná ntꞌa nin la tjiji Jesús, Galilea mpe se jütütj ntꞌa. Mwalá way nenem Jesús pajal ꞌüsüs la tjiji sin la ꞌüsüs jis la jay Dios jas tjejyama jupj. Nin mpes wa sin ꞌyüsa lis tjiji wa jupj pꞌiyá pajal ꞌüsüs, pajal püné jupj. Nin la tjiji na, jupj discipulopan* topon tꞌücꞌ way jupj Yom niná Dios jas tjejyama jis capj la pꞌacj judiopan*. 12 Locopyaya palavin tjemey Jesús Capernaum ntꞌa. Tjemey jamay lal, jüpülücpan jis lal wa, jupj discipulopan* jis lal wa. Neꞌaj tsjicj way tapatja yupj.

13 Nasa

Jesús pjeꞌá lis tsꞌiya vender lajay Dios wo nepé.

quelel fiesta pyálatsja. “Dios Qjuis Capa Nipj Tjemey”* nin lotsja fiesta niná. Jesús tjemey Jerusalén ntꞌa fiesta niná mpes. El Nuevo Testamento en Tol de Honduras, 2da ed. ©2010, Wycliffe Bible Translators

281

SAN JUAN 2

14 Dios

wo* ntꞌa tjemey jupj. Neꞌaj nepénowa jis tjinyuca vaca vender lajaytsja. Oveja* vender wa lajaytsja, sipipj ꞌotsꞌipj. Jis tjinyuca wa nepénowa judiopan* jis tꞌemel vender lajaytsja romanopan* jis tꞌemel mpes. 15 Jesús ma jostsja nin lajaytsja Dios wo ntꞌa. Mpes ꞌüpǘ tipiꞌtsꞌa jupj. ꞌÜpǘ lal moꞌo la syüpjünǘ, pjeꞌá sin tjejyama pjü way yupj Dios wo nepé, oveja ꞌotsꞌipj, vaca ꞌotsꞌipj. ꞌAmá ꞌalá la tsꞌiya wa yupj jis tꞌemel, tꞌemel vender la tjajay yutsꞌaꞌá. Jis mesa tsꞌeptaná wa. 16 Jesús tjevele sipipj vender lajay jis lal: —Pjeꞌá la tocoyé nun jis caja quepé, sipipj jis wa. Mpapay wo niná. ¿Tsjan pjucj vender lojí nun quiꞌá? 17 Jesús discipulopan* yola jis tepyala ꞌoyn tsji Dios Popel. Vele: “Dios wo* mpes nin nola, mpes ca malala nyuca ma palas napj”. Nintsja Jesús lal. 18 Jesús pjü pjeꞌá sin tjejyama mpes, judiopan* jis jepapan nepenowá jupj wola tjowelepj: —¿Tsjan mpes ꞌücj la cüjay niná jipj? Cupj qjuisas pajal ꞌüsüs la mijin, yom pꞌin ma polel liji jinwá, mpes ca jus nlayecj ncu Dios jin tjejyama jipj. 19 Jesús jis wala tjevele: —Nin ca la mejay napj: nun malala lojí na Dios wo*, tsꞌacꞌ contꞌe tepyala na napj ca tꞌücꞌ jas müjünsǘ niswá. 20 Mpes judiopan* jis jepapan jupj wola tjowelepj: —Pajal püs way jas tjüjünsüpj Dios wo* niná. Año cuarenta y seis mpes tꞌücꞌ jas tjüjünsüpj. ¿ꞌOyn jele ne ꞌücj jas müjünsün tsꞌacꞌ contꞌe pꞌin? 21 Judiopan* jis jepapan ma sin tjiꞌyüsa Jesús tjevelá. Yólatsja wosis pe mpes ca jas müjünsüs. Nin tuluctsja. Jupj tjevele jupj jüpꞌüy poꞌó. Jesús jüpꞌüy Dios wo wa. 22 Jesús tepeꞌe na, jas tjijyünsa niswá lo pütꞌüs. Nin tepyala na, jupj discipulopan* yola jis tepyala nin tjevele Jesús. Nin mpes yupj topon Dios Popel tjevelá jupj poꞌó. Topon wa Jesús tjevelá.

23 Tsꞌacꞌ

Jesús selé ꞌoyn nyuca lajay pjü way. (Mateo 21.12-13; Marcos 11.15-18; Lucas 19.45-46)

nepenowá fiesta ntꞌa tüpüꞌü Jesús, fiesta “Dios Qjuis Capa Nipj Tjemey”* ló. Neꞌaj tjáꞌasa na, Jesús pajal ꞌüsüs líjitsja sin la ꞌüsüs jis la jay Dios jas tjejyama jupj. Pajal pülücj tjunuc jupj pajal ꞌüsüs líjitsja, mpes yupj popa pülücj topon jupj lal. 24 Newa Jesús ma pjü

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 2, 3

282

tjevele yupj jis lal. Jupj seletsja yupj ma tꞌücꞌ way sa con̈tsja jupj. Jupj seletsja ꞌoyn nyuca yola pjü gente nosis ntꞌa. 25 La pꞌa jupj lal tjevele tulucj; jupj sin seletsja gente sin poꞌó. Jupj pꞌiyá seletsja pjü yolá.

Nicodemo tjacꞌ la veles Jesús lal.

3

1 Nicodemo tüpüꞌü wa Jerusalén ntꞌa, Jesús tjáꞌasa ntꞌa. Nicodemo jepa popa watsja judiopan* jis lal. Fariseopan* sin popa watsja jupj. Fariseopan jisastsja wa pjü lajay judiopan püna tapatja tjüjütütj jinwá. 2 Nicodemo Jesús ntꞌa tjacꞌ püste na. Tjevele jupj lal: —Rabbí*, cupj selecj Dios jin tjejyama qjuisin ꞌyüsa la mijin ncupj. Jipj pajal ꞌüsüs lejay, Dios liji jinwá lejay. Dios ma se con̈ca, ma polel lo jay pajal ꞌüsüsmpa jipj lejay jin. Mopꞌin ne nin pꞌin. 3 Jesús jupj wola tjevele: —Niswá jis tjamanun ca mpatjam Dios jyüꞌta ntꞌa. Ma niswa jis tjamanun, ma polel jis la nuc Dios jyüꞌta ntꞌa. Tꞌücꞌ velé. 4 Nicodemo tjevele jupj lal: —Yom coꞌmüy ma polel la ꞌosos jamay col moꞌó niswá, lo manun niswá. 5 Jesús jupj wola tjevele: —Pjü se jamanun la pjaní sejamay mpes. Dios jos ca jis maꞌnucj niswá jupj Cjües mpes. Jupj Cjües liji ca Dios lal mpatjam. Nin mpes pꞌin ꞌücj jis la winin jis la pütꞌüs Dios jyüꞌta ntꞌa. Tꞌücꞌ niná. 6 Gente tsꞌuyupj gente pꞌin yupj. Ma polel patja Dios lal. Dios Cjües popa jis qjues wa yupj, jupj jinwá, mpes ꞌücj mpatjam Dios lal. 7 ”Po ma nin jele tꞌas tsjan mpes nin velé Dios jos niswa ꞌi manunu jipj. 8 Dios Cjües nin liji. Jipj ma ca jus nucun Dios Cjües lijá. Ma ca jus nlayen jupj nin lijá. Nin pꞌin ca jus nucun ꞌüsüs tepyalá Dios Cjües la tjiji mpes. Nin lovin Dios tsꞌuyupj jis lal. Dios Cjües liji mpes yupj Dios tsꞌuyupj se palá. Dios Cjües ma si nuc, lüpjǘ jinwá. Lüpjǘ jun taꞌá si lapjüna. ꞌÜcj pjocꞌ, newa ma selen caꞌampe tjacꞌ lüpjüs. Ma wa selen caꞌaj jama. 9 Nicodemo tjevele jupj lal: —¿ꞌOnin ca nin nacj, jipj velen jin? 10 Jesús la tjiꞌyüya jupj lal: —¿Tsjan mpes ma jin ꞌyüsa napj velé? Israelpan* sin ꞌyüsa lajay popa jipj. 11 Cupj way velecj, cupj selecj. Tꞌücꞌ niná. Cupj velecj cupj tjinyucucj mpes. Newa nun ma quelel poné cupj tjevelecj. 12 Napj tjeveletsja nosis ntꞌa pyalá, ne nun ma toponé. Napj cüvelé tsjun poꞌo pyalá, más ca costa way nsem cüponé nun.

El Nuevo Testamento en Tol de Honduras, 2da ed. ©2010, Wycliffe Bible Translators

283

SAN JUAN 3

13 ”Len̈

pjacj neꞌaj tjemey Dios püꞌü ntꞌa, ꞌücj la veles nun lal ꞌoyn nyuca pyala neꞌaj Dios püꞌü ntꞌa. Napj ne pꞌin tjacuwis nosis ntꞌa Dios püꞌü mpe. Napj pꞌiyá niná Yomen Dios jas tjejyamá. Mpes ꞌücj velé ꞌoyn nyuca pyala Dios püꞌü ntꞌa. 14 ”Napj pꞌiyá niná Yomen Dios jas tjejyamá. Dios jos campanya ca nin müjünsücj, Moisés* latsj jas tjijyünsa, tjevyala jinwá pajal püna. 15 Napj lal japon lovin ca Dios lal mpatjam. Malala jis mpalas tulucj tecyaꞌlin̈ na —nin tjevele Jesús. 16 Tjevele wa: —Dios pajal quelel lis tjiji nosis casá patjá, mpes Jatjam jis tjeꞌyaya. Dios pjaní Jatjam. Pꞌa len̈. Mpes Dios Jatjam lal japon na, malala jis mpalas tulucj tecyaꞌlin̈ na. Lovin ca mpatjam Dios lal. 17 Nin mpes Dios jas tjejyama jupj Jatjam nosis ntꞌa. Dios jas tjejyama malala la tjajay la veles tulucj. Jas tjejyama jis capj la pꞌacj; jupj mpes ꞌücj ca mpatjam Dios lal. 18 ”Dios Jatjam lal japon, Dios ma nin vele jupj ca jis capj ntülüs yupj. Ma japon Dios Jatjam lal, nasa way Dios nin vele jupj ca jis capj ntülüs. Yupj ma topon Dios Jatjam ꞌücj jis capj pꞌyaꞌsa, mpes nin. Dios Popa pjaní way jupj. 19 ¿Ncu selen tsjan mpes Dios nin vele gente malala lajay? Napj jyawca jinwá nosis ntꞌa. Napj sin ꞌyüsa lejay tꞌücꞌ way Dios poꞌó. Newa nin, yupj ma jisastsja napj. Yupj pꞌiyá malala nyuca yólatsja, ninana jisastsja yupj. Lovin malala nyuca lajaytsja, mpes nin. 20 Malala nyuca lajay ma jisas jyawca. Nin mpes yupj ma quelel japon napj lal. Ma quelel jus nlayecj yupj malala nyuca lajay. 21 Nin tulucj Dios vele jin lajay jis lal. Dios vele tꞌücꞌ way. Yupj japon napj lal. Yupj jisas la pꞌa ca sin müꞌüsüs yupj la tjajay, Dios jos jin la tjajay yupj.

Juan ꞌücj jostsja Jesucristo pajal püné jupj lal.

22 Locopyaya

Judea moꞌo tjuwine Jesús jupj discipulopan* jis lal. Neꞌaj püs pǘꞌütsja jupj yupj jis lal. Neꞌaj Jesús bautizar* lis tjiji gentas. 23 Juan pülücj bautizar lis tjiji wa Aenón ntꞌa, neꞌaj way pꞌin Salim moꞌó. Pajal ꞌüsǘ püné neꞌaj, mpes bautizar lis tjiji neꞌaj jupj. Neꞌaj pülücj tjiquil watsja lovin Juan ntꞌa. Jupj lovin bautizar líjitsja nepenowá. 24 Nin tepyala jepa Juan cawilta moꞌo ꞌyonsa secj pꞌin. 25 Juan discipulopan judío* pꞌa lal la veleltsja judiopan la tjajay poꞌó. Nin tjowelepj yupj ꞌonin ne ꞌüsüs se palá gentá Dios lal. 26 Tjil, tjowelepj Juan lal Jesucristo poꞌó:

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 3, 4

284

—Rabbí*, jupj cyapj tecyon̈ca wa ꞌüsǘ naꞌaj poꞌó, ꞌüsǘ Jordán ló ntꞌa. Jipj ꞌa ꞌücj velen jupj mpes lovin. Quina ma qjuisas jupj lijá. Jupj bautizar* la siji wa quinam jipj jinwá, ne pjü jil jupj ntꞌa. Jipj ntꞌa ma jiquil quinam. 27 Juan jis wala tjevele: —Dios ma ꞌyaya, cjuwá nempe. Nin lovin. Nin mpes ca jus nlayé Jesús tyaꞌá, Dios tjeꞌyaya mpes tyaꞌa jupj niná. 28 Nun pꞌiyá tjapjaꞌaqué napj tjevelé, mpes solejé tsjan tjevelé napj. Tjevelé Dios tjevele ca jas majamas Yom pjaní judiopan* ntꞌa. Jupj ca jis capj mpꞌaꞌsas. Nam ꞌa jupj tulucj. Dios nin tjejyama ꞌücj la mejay jupj locopyaya jacꞌ mpes. 29 Nin pꞌiyá judío woya na, jupj jatsꞌom lal jacꞌ na. Jupj jomica se pꞌaꞌsa jupj. Se con̈ca jupj, pjoca jupj velá. Jomica pajal ꞌücj jos yom woya vele mpes. Nin pꞌiyá napj lal. Pajal ꞌücj najas ꞌos quinam pülücj Jesús lal japon quinam. 30 Más ꞌücj Jesús más püné pyala jupj. Más ꞌücj napj más tsjicj way ca ma palas quinam. 31 ”Jupj tsjun mpe tjacꞌ, mpes jupj más püné pjü jilal. Napj nosis ntꞌa patja popa pꞌin. Nosis ntꞌa pyala ꞌücj velé. Jupj tsjun mpe tjacꞌ, mpes más püné jupj pjü jilal. 32 Jupj vele la pꞌa jilal jupj tjinyucá, jupj tjapjacá nin vele jupj. Newa pjü ma quelel japon jupj velá. 33 Pjaní pꞌin topon jupj tjevelá. Japon Jesucristo velá, mpes pꞌa witjacj ca jus nlayecj yupj japon wa Dios tꞌücꞌ way vele lovin. 34 Dios jas tjejyama Jesús. Jupj nin vele Dios velá. Mpes yupj japon na Jesús velá, japon wa Dios velá. Dios ꞌyaya jupj Cjües, pjü ꞌücj la mijis jupj. Pues pjü way vele pjü ꞌücj vele Dios Cjües se pꞌaꞌsa mpes. 35 ”Dios jupj Popay. Popay pajal quelel liji Jatjam, ne pjü way tjeꞌyaya Jatjam. 36 Dios Jatjam mpes japon, lovin ca mpatjam Dios lal. Pꞌa witjacj ma lajay Dios Jatjam vele jin, mpes yupj ma ca mpatjam Dios lal. Dios ma jos yupj malala nyuca lajay. Jupj newa nin jola jupj ca jis capj ntülüs —nin tjevele Juan el Bautista Jesucristo poꞌó.

4

Samaria ntꞌa pülücj topon Jesucristo lal.

1 Fariseopan*

tjepjyacan̈ wa gente tjowelepj Jesús poꞌó. Gente tjowelepj Jesús más pülücj sin ꞌyüsa líjitsja Juan lal. Más pülücj bautizar* lis tjiji Juan lal, tjowelepj. 2 (Jesús pꞌiyá ma bautizar lis tjiji yupj. Jupj discipulopan* bautizar lis tjajay jupj mpes. Mopꞌin nin, más pülücj sa con̈tsja Jesús Juan lal.) 3 Qjuis Jepa Jesús jus nleya fariseopan tjepjyacan̈ niná. Jus nleya na, tjemey jupj Judea mpe. Tjemey niswá Galilea poꞌó.

El Nuevo Testamento en Tol de Honduras, 2da ed. ©2010, Wycliffe Bible Translators

285

SAN JUAN 4

4 Newa

jámatsja na jümücj ntꞌa, Samaria* la nipj jámatsja jümücj mpes jupj. 5 Neꞌaj Samaria moꞌó, jus tjevyanta pülücj patja ntꞌa neꞌaj. Sicar lotsja pülücj patja ntꞌa. Po ꞌin neꞌaj way pꞌintsja ꞌamá ntꞌa, ꞌamá niná Jacob tjeꞌyaya jupj jatjam José pajal püna. 6 Neꞌaj ꞌüsǘ muju tón̈catsja, niná ꞌüsǘ muju ton̈ca Jacob jutsꞌaꞌá watsja pajal püna. Jesús jas túlatsja campa tjuwine mpes, ne ꞌüsǘ muju la ntꞌa ꞌetjele jupj. Lotsꞌacꞌ culupwen ntꞌa jáꞌasatsja quinam. 7 Neꞌaj quepj tjacꞌ ꞌüsǘ lo pul. Samaria mpe ꞌeseptsja jupj. —ꞌÜsǘ ma ꞌen, müꞌüs —tjevele Jesús jupj lal. 8 Jesús discipulopan* tjiltsja pülücj patja ntꞌa jaylacj jis la jay jis la las. Yupj len̈tsja neꞌaj, mpes jupj ꞌüsǘ la tjemyona quepj lal. 9 Quepj Samaria* mpe ꞌeseptsja jupj, mpes jupj tjevele Jesús lal: —Judío* jipj. ¿Tsjan pjucj le mon ꞌüsüs napj lal? Samaria* mpe ꞌesepj napj. Judiopan sejamicapan tulucj cupj. 10 Jesús tjevele jupj lal: —Jipj ma selen Dios ꞌyayá. Ma wa selen pjacj tjevele jipj lal: ‘ꞌÜsǘ ma ꞌen, müꞌüs’. Ma selen pjacj napj. Napj ꞌücj ꞌe ꞌá ꞌüsǘ pꞌa wa, niná ꞌüsǘ mpes ꞌücj cüpüꞌüm jipj. Napj lal le mon, mya ꞌa ca niná. Ma selen, mpes ma la tjemyon napj lal. 11 Quepj tjevele jupj lal: —Jim ꞌa cjuwá tsjan mpes cüpul ꞌüsüs. Niná ꞌüsǘ muju ton̈ca pajal campwila. ¿Caꞌaj mpe mpulun ꞌüsǘ ꞌücj lo pütꞌüs? 12 Jacob püna tüpüꞌü, cupj ne jupj popa pꞌiyá locopyaya pyatjaquecj. Jupj tyoca niná, ꞌüsǘ muju ton̈cá. Jupj qjuis tjeꞌyaya niná. ꞌÜsüs pajal. Jupj ꞌüsǘ tjümüꞌü wa nina popé, jupj sin popa tjimyüꞌün̈ wa quiꞌá, jupj cabro ꞌotsꞌipj, jupj oveja* ꞌotsꞌipj. ¿Ncu más püné way jipj Jacob lal? 13 Jesús tjevele quepj lal: —ꞌÜsǘ niná myüꞌün̈, ꞌüsǘ jis mvas niswá. 14 Nin tulucj napj jis maꞌayá lal. ꞌÜsǘ tjimyüꞌün̈ na, napj pꞌiyá jis maꞌayá, lovin ma ca ꞌüsǘ jis mvas niswá. ꞌÜsǘ napj se ꞌa, ꞌüsǘ ꞌamá popa pyacj jinwá nsem yupj jisas moꞌó. Lovin pyaca yupj jis qjues mpe, ꞌücj jis la pütꞌüs la mijis lovin. 15 Quepj tjevele jupj lal: —ꞌÜsǘ queꞌe ma ꞌen niná popé, ne ca ma ꞌüsǘ mvas niswá. Ma ca quiꞌá ncuwis ꞌüsǘ lo pul. 16 Jesús tjevele jupj lal: —Jutja, tjevele ncuwim vyayum. Ncuwim jupj lal. 17 Quepj jupj wola tjevele: —Mvayum tulucj. Jesús tjevele jupj lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 4

286

—Jipj tꞌücꞌ velen vyayum tulucj. 18 Cínquiya vyayumpan waytsja jipj. Jipj pütꞌ lal quinam, vyayum tulucj. Mpes jipj tꞌücꞌ tjevelen. 19 Quepj jupj lal tjevele: —Quina napj jus nley profeta* jipj. Jipj Dios mpes velen. 20 Püna tapatja Dios cus tocon̈ witjacj Dios lal tjowelepj quiꞌá. Palá nipiꞌtjin̈ yupj Dios wolapꞌaꞌá quiꞌá, jocꞌ niná moꞌó. Quiꞌá tjatja na, tjowelepj Dios pajal püné. Nun judiopan* nin welé cupj ma polel nin lijicj quinam. Nun welé más ꞌücj pjü gente Jerusalén ntꞌa jil, Dios lal la veles neꞌaj. Nun welé más ꞌücj Jerusalén ntꞌa pꞌin palá nipiꞌtjin̈ Dios wolapꞌaꞌá, más ꞌücj neꞌaj mal jis la veles Dios püné. 21 Jesús jupj lal tjevele: —ꞌÜcj la pon napj velé. Pꞌa jyawca na, gente jun taꞌá palá mpiꞌtjin̈ Dios wolapꞌaꞌá, yupj patja ntꞌa. Ca mvelecj Dios pajal püné, jocꞌ niná ntꞌa pꞌin tulucj, Jerusalén ntꞌa pꞌin tulucj wa. 22 Nun Samaria* moꞌo potjaqué palá pwiꞌtjiqué wa Dios wolapꞌaꞌá, newa ma solejé nun ꞌoyn nyuca liji jupj. Nin tulucj cupj qjuis lal. Cupj judiopan*, cupj palá nipiꞌtjiquecj wa Dios wolapꞌaꞌá, mopꞌin nin, cupj selecj ꞌoyn nyuca liji jupj. Dios ca la mijis gente ꞌücj ca mpatjam jupj lal. Judiopan popa mpes nin liji jupj. 23 Mopꞌin pꞌa casá ca nsem pꞌa jawas. Pꞌa jawas Dios quelel lajay ꞌücj ca palá mpiꞌtjin̈ Dios wolapꞌaꞌá jupj Cjües mpes. Jun taꞌá, yupj patja ntꞌa, ꞌücj ca nsem. ꞌÜcj ca mvelecj Dios pajal püné jupj Cjües mpes. Jupj Cjües sin ꞌyüsa liji tꞌücꞌ way Dios poꞌó, mpes ꞌücj quelel lajay jupj. Qjuis Papay Dios jos nin jina lajay quelel lajay jupj. Nin ca nsem pꞌa jawas. Nasa way nin tepyala quinam. 24 Cjües way Dios. Dios Cjües mpes pꞌin gente ꞌücj palá mpiꞌtjin̈ Dios wolapꞌaꞌá. Dios Cjües mpes pꞌin ꞌücj yola Dios püné. Dios Cjües sin ꞌyüsa la siji tꞌücꞌ way Dios poꞌó, mpes ꞌücj quelel lajay jupj. 25 Quepj tjevele jupj lal: —Napj selé Dios ca jas majamas Jepa Püné cupj ntꞌa. Jupj ca qjuis capj mpꞌaꞌsas. (Cristo ló jupj cupj qjuilal.) Jacꞌ na, jupj ca ꞌüsüs qjuisin müꞌüsüs la mijis pjü way. 26 Jesús tjevele jupj lal: —Niná pjacj lal velen, napj mpꞌiyá niná. 27 Jesús nin tjevele na, jupj discipulopan* tjiquil. Pajal nin yólatsja tsjan mpes quepj lal véletsja jupj. Newa ma la tjüꞌüy tsjan mpes nin la tjiji. Ma la tjüꞌüy tsjan mpes tjevele quepj lal. 28 Len̈ way tjemey quepan. Jupj jarro jáꞌasa tjemey. Tjemey pülücj patja ntꞌa. Tjevele neꞌaj tapatja jis lal:

El Nuevo Testamento en Tol de Honduras, 2da ed. ©2010, Wycliffe Bible Translators

287

SAN JUAN 4

29 —Nculá

nun. Jus nucú ca niná yomen. Jupj nawala tjevele pjü way napj la tjejay. Jupj ne ‘Cristo’ ca nacj. Dios jas tjejyama nosis ntꞌa. 30 Mpes neꞌaj tapatja jis wa nepé tjil. Jesús ntꞌa jiltsja. 31 Gente jiquiltsja na, Jesús discipulopan* jupj lal la tjomon nlajas: —Rabbí*, nlajan jipj —tjowelepj yupj. 32 Ma quelel lyájatsja jupj quinam. Jupj tjevele yupj jis lal: —Nun ma solejé ꞌonin niná, napj lya popé. 33 Jupj nin tjevele mpes discipulopan* yuwá jis la tjüꞌüy ncu neꞌaj patja sin popa tequeꞌe, tjeꞌyaya jupj la las. 34 Yupj ma sin tjiꞌyüsa, mpes Jesús ꞌüsüs tjevele yupj jis lal: —Dios nin tjejyama nosis ntꞌa. Pjü Dios jos, pjü way quelel tꞌücꞌ lejay napj —tjevele jupj—. Napj tsjiꞌ lejay jupj mpes, quelel tꞌücꞌ lejay niná. Niná lejay pajal ꞌüsüs napj lal, ve lya jinwá napj lal. 35 Nun welé mes yulupjana newa custjay, vyala mpes. Napj velé nin tulucj napj vyala lal. Gente napj jisin jinwá. Yupj topon napj jis capj pꞌyacj ꞌücj jis la pütꞌüs Dios lal, yupj napj jisin popa vyala jinwá. Tjunuca nun gentas. Tjevyala nasa tjiꞌyǘ jinwá yupj. Yupj nasa quelel japon. 36 Nun sin ꞌyüsa lojí na napj nin poꞌó, yupj nepénowa ca mponecj. Nin lojí na, vyala coꞌá jinwá lojí napj mpes. Niná lojí na, ntaꞌé ca nun, nun la tjüjí mpes. Dios ca la mijis wa yupj lovin ca mpatjam jupj lal yupj topon mpes. ”Namozopan jasin jinwá lajay neneyawá. Vyala jacutj jinwá lajay neneyawá. Namozo pjaní mwalá way jis lal vele Dios tjevelá, seyasa jin yola jupj tjevelá. Ma quelel japon custjay. Namozo setel sine jinwá la tjiji. Pꞌa jawas pꞌa wa vele yupj jis lal Dios tjevelá, mpes yupj japon. Manas tjowelepj mpes topon. Manas ca ꞌücj jisas nsem yupj topon mpes. 37 Nepénowa nin javelepj: ‘Pjaní sine, locopyá vyalaná’. Niná tꞌücꞌ way nun lal quinam. 38 Napj nusin tjejyam la pꞌa jis lal la veles napj mpes. Nepénowa ca mponecj, mpes lovin ca mpatjam Dios lal. Püna ma sin ꞌyüsa lis tjüjí nun. La pꞌa sin ꞌyüsa lajaytsja. La pꞌa lajaytsja, nun cyawaja lojí quinam —tjevele Jesús. 39 Samaria* poꞌo tapatja sin popa pülücj topon Jesús lal, yupj ne pülücj patja mpe neꞌespan pꞌiyá. Quepj tjevele Jesús tjevelá, mpes topon yupj. Quepj tjevele: —Jupj nawala tjevele pjü way napj la tjejay. 40 Mpes Samaria* poꞌo tapatja Jesús ntꞌa tjiquil na, Jesús lal la tjomon la ꞌosos tsjicj way yupj jis lal. Mpes tsꞌacꞌ matꞌe neꞌaj tüpüꞌü yupj jis lal. 41 Jesús tjevele mpes wa más pülücj topon yupj. Nin tepyala pajal pülücj topon quinam. 42 Mpes yupj quepj lal tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 4

288

—Jipj velen mpes tulucj pyonecj quinam. Cupj pꞌiyá tjepjyaꞌaquecj jupj tjevelá, mpes selecj tꞌücꞌ way jupj ca nin la mijis gente ꞌücj ca mpatjam Dios lal —nin tjowelepj Samaria* poꞌo tapatja Jesús poꞌó. 43 Tꞌücꞌ

Jesús jepa auxiliar jatjam tjiꞌyüꞌsa la tjiji.

tsꞌacꞌ matꞌe na, Jesús tjemey niswá. Galilea moꞌo wínetsja. seletsja Galilea moꞌo patjá ma ca quelel la mijicj jupj, mpes jupj pꞌiyá véletsja: “Profeta* püꞌü ntꞌa ma quelel japon jupj pajal ꞌüsüs”.) 45 Jus tjevyanta na Galilea moꞌó, Galilea moꞌo tapatja ꞌücj jisastsja jupj tjacꞌ mpes. Galilea moꞌo tapatja tjil wa nawajaꞌa Jerusalén moꞌó. Fiesta ntꞌa tjil yupj, mpes tjunuc wa pjü way pajal ꞌüsüs la tjiji Jesús fiesta ntꞌa. Nin mpes ꞌücj jisastsja yupj Jesús tjacꞌ quinam. 46 Newa Galilea moꞌó pꞌin, Caná neꞌas tjemey Jesús niswá. Pülücj patja neꞌaj. Püna pajal ꞌüsüs la tjiji neꞌaj. ꞌÜsǘ pꞌin uva ꞌüsǘ tepyala la tjiji Jesús neꞌaj. Neꞌaj way pꞌin pǘꞌütsja jepa auxiliar, Capernaum ntꞌa. Jupj jatjam pajal malala jostsja. 47 La pꞌa wa tjowelepj auxiliar niná lal Jesús nasa tjacꞌ Judea nepé, niswá tjacꞌ Galilea moꞌó. Niná jus nleya na, tjemey Jesús ntꞌa. Pajal la tjemyona lo cuwis Jesús, lo ꞌüꞌsüs lo jay jatjam. Jatjam nasa way péꞌetsja jupj. 48 Jesús tjevele jupj lal: —Napj pajal ꞌüsüs lejay, yom pꞌin ma polel liji jinwá. Nin lejay nusin ꞌyüsa la mejay Dios nin tjejyama napj. Ma nucú niná lejay, lovin ma cüponé napj lal. Malala nin. 49 Auxiliar tjevele jupj lal: —Len̈ way was. Najas ꞌüsüs la mijin, ne ca ma mpaꞌis natjam tsjicj. 50 Jesús tjevele auxiliar lal: —ꞌÜcj la winin quinam. Jetjam ca mpüꞌüm ca nsem. Yom tepyona Jesús tjevelá, mpes wo ntꞌa tjemey yomen. 51 Newa neꞌaj jámatsja custjay, jomozopan tjiquil la nyüjüsün̈. Jupj lal tjowelepj: —Ma tepeꞌe jetjam. ꞌÜcj jáꞌasa quinam jupj. 52 Mpes auxiliar jis la tjiꞌyüya yupj ꞌona tjiꞌyüꞌsa. Yupj tjowelepj jupj lal: —Tꞌan̈ tꞌawaná, la una na tjiꞌyüꞌsa si ꞌawa. 53 Tsjicj popay jus nléyatsja tꞌan̈ la una na pꞌin, Jesús tjevele jupj lal: “Jetjam ca mpüꞌüm ca nsem”. Nin mpes auxiliar tepyona Jesús Yom niná Dios tjevele ca jas majamas jis capj la pꞌacj judiopan*. Nin pꞌiyá topon wa pjü way auxiliar wo ntꞌa tapatjá. 54 Ninana Jesús la tjijá Galilea ntꞌa, Judea mpe tjacꞌ na. Pajal ꞌüsüs la tjiji, sin tjiꞌyüsa lis tjiji Dios jas tjejyama jupj. La miyá quinam pajal ꞌüsüs la tjiji Jesús Galilea moꞌó, gente pꞌin ma polel lajay jinwá. 44 (Jesús

El Nuevo Testamento en Tol de Honduras, 2da ed. ©2010, Wycliffe Bible Translators

289

SAN JUAN 5

Yom ma polel jama Jesús tjiꞌyüꞌsa la tjiji jupj.

5

1 Locopyaya

pꞌa wa fiesta la tjajay judiopan*. Jesús viyavin tjemey Jerusalén ntꞌa fiesta mpes. 2 Jerusalén ntꞌa ꞌüsǘ muju ton̈ca jis la ꞌasꞌüs. Pajal la püné, campwílatsja jupj. Judiopan jis tin “Betesda” ló niná ꞌüsǘ. Neꞌaj way pꞌin jun vilicj püné oveja* mpe wama jil Jerusalén moꞌó. ꞌÜsǘ muju ton̈ca tꞌasiyú cinco corredor witjacj lejen̈tsja. 3 Tsjojoca ntꞌa malala jisas pülücj tapatja neꞌaj. Nepénowa yun tuluctsja, nepénowa ma polel jiltsja, nepénowa ma polel ꞌyutanan̈tsja. Yupj pjü way la tjunuc ꞌüsǘ lo pjetsꞌepjetsꞌe ꞌüsǘ muju ton̈ca moꞌó. 4 Ángel* pjaní Dios mpe tjacꞌ neneyawá, ꞌüsǘ muju ton̈ca ntꞌa tjemey, lo pjetsꞌepjetsꞌe la tjiji ꞌüsüs. Niná la tjiji na, malala jos pjaní way tjiꞌyüꞌsa jupj. Mwalá way ꞌüsǘ moꞌo tjemey, niná pꞌin tjiꞌyüꞌsa. Pjü way malala jisas ꞌücj jis tjiꞌyüꞌsa ꞌüsǘ niná mpes. 5 Yom pjaní neꞌaj tüpüꞌü, año pülücj malala jostsja jupj. Año treinta y ocho nas malala jostsja jupj. 6 Jesús jus tjinyuca, jus nleya yom niná pajal püs neꞌaj tüpüꞌü jupj, malala jos. Mpes la tjiꞌyüya jupj lal: —¿Ncu quelel ꞌi ꞌüꞌsa jipj? 7 Yom malala jos lal tjevele Jesús lal: —Len̈ pjacj ncapj cüpꞌacj ꞌüsǘ moꞌo mis. Nin mpes ꞌüsǘ lo pjetsꞌepjetsꞌe na, newa nasapj jum ꞌüsüs moꞌó. Newa jum, pꞌa wa moꞌo jama mwalá way pꞌin napj lal. 8 Jesús tjevele malala jos lal: —¡Jin niꞌisa jipj! Ntꞌya ntꞌan jipj cobija. Mwinim ca. 9 Len̈ way tjiꞌyüꞌsa niná yomen. Jupj ntꞌya jupj cobija, tjemey jupj. Sábado* waytsja nin jawas, judiopan* ma tsjiꞌ lajay jawastsja. 10 Mpes judiopan jis jepapan tjowelepj yomen tjiꞌyüꞌsa lal: —Sábado* yacjampa, tsꞌacꞌ niná ma tsjiꞌ lijicj jawas. Ma polel lya tꞌas jipj cobija. 11 Jupj jis lal tjevele: —Yomen ntjiꞌüꞌsa la tjiji tjevele napj lal: ‘Ntꞌya ntꞌan jipj cobija. Mwinim ca.’ 12 Yupj la tjüꞌüy jupj: —¿Pjacj yomen lyal tjevele jipj ca ntꞌan jipj cobija, ca mwinim? 13 Yomen ma seletsja pjacj tjiꞌyüꞌsa la tjiji jupj. Len̈tsja quinam Jesús. Pülücj játjatsja neꞌaj, ne Jesús yupj culupwen nipj tjemey jupj. 14 Yacjaya Jesús la nüjüsü yomen Dios wo* ntꞌa. Jesús tjevele jupj lal: —Nin jele tꞌas nin mpes: ꞌi tjüꞌüꞌsa jipj quinam. Po ma newa malala la mijin quinam jipj. Jipj newa malala nyuca lejay, más malala ca mya palas jipj.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 5

290

15 Tjemey

yomen judiopan* jis jepapan ntꞌa. Tjevele yupj jis lal tjiꞌyüꞌsa la tjijá, Jesús waytsja jupj. 16 Judiopan jis jepapan pajal tsꞌa ꞌintsja Jesús ꞌyüꞌsa líjitsja sábado* na, nin jawas judiopan ma tsjiꞌ lajay. Nin mpes quelel malala lajaytsja Jesús lal. Lovin malala lajaytsja jupj lal. 17 Jesús yupj jis lal tjevele malala tulucj sábado* na tjiꞌyüꞌsa la tjiji. Tjevele: —Mpapay newa tsjiꞌ liji. Napj ꞌa newa tsjiꞌ lejay wa jupj jinwá. 18 Niná tjevele mpes, judiopan* jis jepapan po quelel jaꞌünantsja Jesús. Más nin yólatsja quinam ca nin la mijicj. Jesús tjiꞌyüꞌsa la tjiji sábado* na, nin jawas yupj jajütütj ma ca tsjiꞌ la mijicj judiopan. Niná po ꞌin malálatsja yupj jis lal. Jupj tjevele wa Dios jupj Popay, mpes wa tsꞌa tjiꞌin. Jupj tjevele mpes quelel véletsja jupj pꞌiyá püné jupj Popay Dios jinwá.

Dios Jatjam nin pꞌiyá liji Popay lal.

19 Yupj

malala yólatsja mpes, Jesús tjevele yupj jis lal. Ninana tjevelá: “Napj lejay ma polel la cüjay nasapmpa, napj pꞌiyá quelel lejay mpes pꞌin. Napj Dios Jatjam. Napj nyuc Mpapay lijá, nin pꞌin ꞌücj wa lejay napj. Napj nin pꞌiyá lejay Mpapay liji jinwá. Tꞌücꞌ way niná. 20 Mpapay quelel la niji. Pjü jupj pꞌiyá lijá, jupj nin ꞌyüsa liji tsjan niná jupj lijá. Nasa pajal ꞌüsüs la tjiji jupj pajal püné mpes. Más ꞌüsüs ca la mijis jupj pꞌa jawasiyá. Nin liji na, ca nin müꞌüsüs wa la mijis niná, ne nin ca la mejay napj. Nin ca la mijis jupj, mpes nun nujola mpalas ma nusin ꞌyüsa ꞌonin ne nin lejay napj. 21 Mpapay sin jyünsa tecyaꞌlin̈, mpatjam liji jupj. Nin pꞌiyá lejay napj; napj patja la sejay napj najas mpatjam. 22 Mpapay ntjeꞌaya wa ꞌücj la veles pjü mpes pjacj ne ꞌüsüs nyuca la tjajay, pjacj ne malala nyuca la tjajay. Mpapay pꞌiyá ma ca nin la mijis. 23 Mpapay jos pjü pajal ꞌüsüs pjac javelepj napj mpes, jupj mpes ꞌüsüs javelepj jinwá. Nin mpes ne ꞌaya nin lejay napj. Ma ꞌüsüs pjac javelepj napj mpes, nin pꞌiyá ma wa ꞌüsüs pjac javelepj jupj mpes. Jupj nin tjejyama, mpes nin. 24 ”Nepénowa napj velé jin lajay, japon wa nin tjejyama lal. Ninana lajay, nasa way patja yupj, ne lovin ca mpatjam yupj Dios lal. Lovin ma ca mvelé malala nyuca la tjajay yupj. Püna tecyaꞌlin̈ jinwatsja Dios lal. Pꞌa casá way quinam, jupj lal topon mpes. Lovin ca Dios lal mpatjam. Tꞌücꞌ way niná. 25 Dios lal ma japon, tecyaꞌlin̈ jinwá yupj quinam. Pꞌa jyawca na, yupj ca mpjacan̈ napj velé. Yupj sin popa nepenowá ca la mijicj napj velé jinwá. Napj velé jin lajay, mpatjam

El Nuevo Testamento en Tol de Honduras, 2da ed. ©2010, Wycliffe Bible Translators

291

SAN JUAN 5

ca yupj lovin. Nin ca nsem pꞌa jawas. Nasa way nin tepyala quinam. Napj Dios Jatjam. Tꞌücꞌ way niná. 26 ”Mpapay ꞌücj liji pꞌa wa lo pütꞌüs. Nin pꞌiyá ntjeꞌaya napj ꞌücj wa lejay la pꞌa lo pütꞌüs. 27 Jupj ntjeꞌaya ꞌücj la veles gente poꞌó pjacj ne ꞌüsüs nyuca la tjajay, pjacj ne malala nyuca la tjajay. Napj ꞌa yom, gente popa pꞌiyá, mpes ntjeꞌaya ꞌücj nin lejay napj. 28 Po ma nusey cꞌa tꞌas nun nin mpes. Pꞌa jawas pjü tecyaꞌlin̈, toc patja witjacj, ca mpjacan̈ napj velé. 29 Tjepjyacan̈ na, pjeꞌá ncul ca yupj. ꞌÜsüs way la tjajay sin müjünsücj, ca mpatjam niswá. Malala nyuca la tjajay sin müjünsücj wa ca, mopꞌin malala ca jis mpalas yupj. Napj ca mvelé tꞌücꞌ way malala nyuca la tjajay yupj.

30 ”Napj

Pꞌa wa javelepj Jesús tjacꞌ Dios mpe.

lejay, ma polel la cüjay nasapj, napj pꞌiyá quelel lejay mpes pꞌin. Mpapay vele napj lal, niná napj nin velé pꞌin. Jupj jola jin velé ncu gente malala nyuca la tjajay. Nin mpes napj velé yupj poꞌó tꞌücꞌ way. Napj ma quelel lejay napj quelel le jaympa pꞌin. Napj quelel lejay jupj jos jin. Nin tjejyama jupj. 31 Napj nasapj cüwelé nun lal napj selé napj pꞌiyá poꞌó, ma ca polel jus cülayé ncu tꞌücꞌ way niná napj velé. 32 Ma nasapj napj. Pꞌa vele wa jupj selé napj nin poꞌó. Napj selé jupj vele napj poꞌó, tꞌücꞌ way. 33 ”Juan niná napj nin velé poꞌó. Nun pꞌiyá niyom sin tjajamá jis la veles Juan lal. Jupj seletsja mpes tꞌücꞌ way tjevele napj nin poꞌó. 34 Napj ma nin nola ncu gente pꞌin javelepj Dios nin tjejyama. Napj najas nun ca mponé napj lal. Najas ca Dios lal mpatjaqué. Nin mpes nin tjevelé Juan ꞌüsüs tjevele napj mpes. 35 Juan pajal ꞌüsüs nusin tjiꞌyüsa lis tjiji Dios poꞌó. Jupj jyawca jinwatsja nun lal. ꞌIyó je su müjǘ ꞌücj la nuc. Nin pꞌiyá jupj tjevele mpes ꞌücj nusin tjiꞌyüsa Dios poꞌó. Tsjicj way mpes ꞌücj nujisastsja pajal, jupj nusin tjiꞌyüsa la tjiji mpes. 36 ”Juan ꞌüsüs tjevele jupj seletsja napj nin poꞌó. Pjaní waytsja jupj. Pꞌa mpes wa nun ca jus nlayé Dios nin tjejyama. Niná más ꞌüsüs Juan vele lal. Niná napj pajal ꞌüsüs lejay Mpapay mpes. Jupj ntjeꞌaya napj ca tꞌücꞌ la mejay, niná pꞌiyá lejay napj. Nin mpes wa nun ca jus nlayé Mpapay nin tjejyama. 37 ”Mpapay tjevele wa napj mpes jupj selé mpes. Nin tjejyama jupj. Newa ma tjapjaꞌaqué jupj tjevelá. Ma wa tjunucú jupj. 38 Ma wa nujos jupj tjevelá. Nun ma quelel lojí jupj tjevelá. Nin tjejyama jupj, newa ma poné napj tꞌücꞌ velé. 39 Nun nujola Dios Popel nusin ꞌyüsa liji ꞌonin

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 5, 6

292

ne ꞌücj la pütꞌüs Dios lal lovin. Nin mpes tülü way moꞌo welé Dios Popel. Nun quelel nusin ꞌyüsa Dios tjevelá. Tꞌücꞌ way Dios Popel pꞌiyá vele napj nin poꞌó. 40 Newa nin, nun ma quelel poné napj lal. Nun ma quelel poné napj polel nucopj pꞌyacj, ꞌücj nu la pütꞌüs Dios lal. 41 ”Ma nin nola gente pꞌin javelepj mpes napj nin poꞌó. Ma nin nola ncu ꞌüsüs pjac javelepj napj nin poꞌó. 42 Nin pꞌin, napj selé nun ma tꞌücꞌ way quelel lojí Dios. Napj nujus nyuc, mpes selé napj niná. 43 Napj quiꞌá tjacuwis Mpapay quiꞌá nin tjejyama mpes. Newa nin, nun ꞌücj jisas tulucj napj tjacuwis. Pꞌa wa jupj sin nin ꞌucuy, nun ca ꞌücj jisas nsem jupj tjacꞌ. 44 ”Nun ma polel poné napj lal. Nun po jisas pꞌa wa nun popa javelepj nun pajal ꞌüsüs. Nun ma nin nujola Dios ma nin vele nun ꞌüsüs. Dios pjaní jupj, más püné jupj pjü jis lal. 45 Napj pꞌiyá ma ca malala mvelé nun poꞌó Mpapay wolapꞌaꞌá. Ma nin nujola tꞌas. Dios Popel Moisés* tepyacá malala mveles ca nun poꞌó. Nun nujola nun lojí Moisés tjijyüꞌtá, ca ꞌüsüs nu mpalas. 46 Jupj tepyaca wa napj mpes. Nun cüponé Moisés tepyacá, cüponé catsja napj tꞌücꞌ tjevelé wa. Mpes jupj popel ca mveles nun malala nyuca la tjüjí. 47 Nun ma poné jupj tepyacá, mpes ma wa ca mponé napj velé”, nin tjevele Jesús.

6

Jesús jis tjeꞌyaya jis la las gente pajal pülücj. (Mateo 14.13-21; Marcos 6.30-44; Lucas 9.10-17)

1 Locopyaya

ꞌüsǘ naꞌaj poꞌo tjemey Jesús. ꞌÜsǘ niná pajal la pünetsja, pajal campwílatsja. Galilea lotsja. Tiberias lotsja wa jupj. Mátꞌeya ló. 2 Pajal pülücj sa con̈tsja Jesús neꞌaj. Tjunuc pajal ꞌüsüs la tjiji Jesús, jupj malala jisas jis tjiꞌyüꞌsa lis tjiji na. Jupj la tjiji mpes ca jus cülayecj Dios jas tjejyama jupj. Nin mpes sa con̈tsja jupj. 3 Jesús neven popa viyavin tjemey. ꞌEtjele jupj discipulopan* jis lal. 4 Len̈ way pyálatsja judiopan* jis fiesta. “Dios Qjuis Capa Nipj Tjemey”* lotsja fiesta niná. 5 Jesús jay viyá ntꞌya, yus tjinyuca. Tjinyuca pajal pülücj jiquiltsja jupj ntꞌa. La tjiꞌyüya Felipe lal: —¿ꞌOnin la qjuijim jaylacj la qjuijim pansas, pjü jis la las? 6 Jesús quelel nyúcatsja tsjan la veles Felipá, mpes nin la tjiꞌyüya jupj lal. Jupj pꞌiyá seletsja tsjan la mijis. 7 Felipe jupj lal tjevele: —Mes ocho tsjiꞌ lejay jaylacj, ma tꞌücꞌ tꞌemel nsem pan jaylacj la qjuijicj, pjü tsjicj way jis la las. 8 Pꞌa discípulo* neꞌaj jáꞌasatsja, Andrés lotsja jupj. Andrés Simón Pedro tsüípetsja jupj. Jupj tjevele Jesús lal:

El Nuevo Testamento en Tol de Honduras, 2da ed. ©2010, Wycliffe Bible Translators

293

SAN JUAN 6

9 —Quiꞌá

jáꞌasa wa yom tsjicj. Pan cebada* cínquiya tyaꞌa jupj. Cjul mátꞌeya tyaꞌa wa jupj. Newa cjuwá pjü jis la las. Nenem ꞌa pjaní way. 10 Jesús tjevele: —Pjü jis tjüjüꞌtǘ majatjum yupj. Tsjutsj pülücj lejen̈tsja neꞌaj, pajal ꞌüsüs la ꞌosostsja neꞌaj. Mpes niyom ꞌatjalapj neꞌaj. Pajal pülüctsja yupj, cinco mílyatsja yupj. Más ꞌin laꞌ way ca nacj, más ꞌin pülücj way ca nacj. 11 Jesús ntꞌya pansas, tjevele Dios lal tjüwüiꞌi pan tjeꞌyaya mpes. Tꞌücꞌ tjevele na, pan jis tjeꞌyaya pjü. Pjü tjalá. Nin pꞌiyá la tjiji cjulun lal. Yupj jisas nas tjalá. Pajal jis col tipitꞌa. 12 Pjü tꞌücꞌ tjalá na, jis col pitꞌa na, Jesús tjevele jupj discipulopan* jis lal: —Ma polel pjü tjalá yupj. Pan newa jatja noꞌoté nun. Naꞌaj moꞌonsó, ma ca naꞌaj la ntsꞌiyá pansas sin popé. 13 Mpes yupj natj pansas tsjictjacj. Pan cebada* cinco popé quiliyú dóceya tipitꞌa pan lal, ma pjü tjalá. 14 Gente neꞌaj tjatja tjunuc nin tepyalá. Jesús pajal ꞌüsüs la tjiji yom pꞌin ma polel liji jinwá, mpes sin tjiꞌyüsa lis tjiji Dios jas tjejyama jupj. Tjunuc mpes javeleptsja: “Tꞌücꞌ way jupj profeta* niná Moisés* tjevele ca ncuwim nosis ntꞌa”. 15 Jesús jus nleya yupj quelel jiquiltsja, quelel tjiꞌlin̈tsja jupj, ca jepa mpalas jupj. Ma jostsja jupj. Mpes niswa neven popa viyavin tjemey jusapj.

Jesús ꞌüsǘ casá tjuwine. (Mateo 14.22-27; Marcos 6.45-52)

16 Yacjaya

discipulopan* palavin tjiquil ꞌüsǘ püné la ntꞌa. Nasa way tꞌyájatsja. 17 Barco* wama tjil, ꞌüsǘ naꞌaj poꞌó jis la winin quinam. Capernaum ntꞌa jiltsja yupj. Pǘstetsja quinam, newá ma tjacꞌ Jesús. 18 Lüpjǘ püné la tjelyapjünǘ, mpes pajal la tjepjetpjetsꞌé ꞌüsǘ. 19 Legua pjaní tjil na ꞌüsǘ casaꞌá, jus tjunuc Jesús. ꞌÜsǘ casá wínetsja, neꞌaj way pꞌin jactsja barco ntꞌa. Pajal lacj tjeyaptsja discipulopan. Ma salejeptsja Jesús jupj. 20 “Napj ne pꞌin winis. Po ma locj tjeyá nun”, tjevele jupj. 21 Tjevele na, ꞌüctsja yupj jis lal jupj barco wama la winin yupj jis lal. Barco wama tjemey na, len̈ way neꞌas tjil, yupj quelel jiltsja ntꞌa. 22 Yaya gente pülücj newa játjatsja ꞌüsǘ la ntꞌa, Jesús jis tjeꞌyaya tjalá ntꞌa. Ma tjil yupj ꞌüsǘ naꞌaj poꞌó Jesús discipulopan* jis lal. Yupj jus nlay barco* pjaní way pꞌin ꞌüsǘ la ntꞌa jáꞌasatsja tꞌan̈. Discipulopan tjil ꞌüsǘ naꞌaj poꞌó niná barco moꞌó. Salejeptsja Jesús ma wama tjemey barco moꞌó discipulopan jis lal. Yusapj tjil discipulopan.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 6

294

23 Püstapj

len̈tsja barcas*. Locopyaya barco tsjictjacj nepénowa tjiquil Tiberias mpe. Neꞌaj pꞌin tjiquil niná gente pülücj tjatja ntꞌa, neꞌaj pꞌintsja qjuis Jepa Jesús pan jis tjeꞌyaya tjalá ntꞌa. (Tꞌan̈ pꞌin pan ntꞌya, tjevele Dios lal tjüwüiꞌi pan mpes. Jis tjeꞌyaya, tjalá yupj.) 24 Yupj jus nlay Jesús len̈ yacjaj, jupj discipulopan* len̈ watsja. Jus nlay na, barco wama tjil, ꞌüsǘ naꞌaj poꞌó jis la winin. Capernaum moꞌo tjil jis la pal Jesús. 25 Jus tjunuc ꞌüsǘ naꞌaj poꞌó. Jus tjunuc na, tjowelepj jupj lal: —Rabbí*, ¿ꞌona tjacuy quiꞌá? 26 Jesús jis lal tjevele: —Nun pülücj tjalajá pansas, mpes la no palá. Nun jis col pitꞌa nas tjalá, mpes pꞌin. Tꞌücꞌ way niná. La no palá ꞌüsüs la tjejay mpes tulucj. Nun ma nusin ꞌyüsa tsjan mpes pajal ꞌüsüs lejay, yom pꞌin ma polel liji jinwá. 27 Nun pajal nujola ve mpes. Po ma nin nujola tꞌas ve mpes. Ve newa malala pyala. Nin nujola tꞌas tsjan ma cyawaja mpes. Nun Dios lal cüpatjaqué lovin, newa ma ca ꞌacawajas niná napj nu ꞌya. Napj pꞌiyá niná Yomen Dios jas tjejyamá. Mpapay Dios nusin tjiꞌyüsa la tjiji tꞌücꞌ way jupj nin tjejyama —nin tjevele Jesús. 28 Mpes yupj la tjüꞌüy jupj lal: —¿Tsjan jos Dios cupj lijicj, ne jupj ca ꞌücj jos nsem cupj lijicj mpes? 29 Jesús tjevele yupj jis lal: —Dios jos nun newa poné napj lal. Ninana Dios jos nun lojí. Jupj nin tjejyama. 30 Mpes jupj lal tjowelepj yupj: —¿Tsjan lejay jipj qjuisin la ꞌüsüs lejay Dios jin tjejyamá? Cupj cünucucj pajal ꞌüsüs lejay, yom pꞌin ma polel liji jinwá, ca cüponecj jipj velen. ¿Tsjan ca la mijin jipj? 31 Judiopan* püna tapatja maná* jalá jiltsja wosis cjuwá ntꞌa lyawun̈tsja na püná. Nin mpes Dios Popel vele: ‘Ve jis tjeꞌyaya jis la las Dios püꞌü mpe’. 32 Jesús yupj jis lal tjevele: —Moisés* tulucj ve nu tjeꞌyaya Dios püꞌü mpe. Mpapay pꞌin ve tꞌücꞌ way nu ꞌyaya jupj püꞌü mpe. Tꞌücꞌ way niná. 33 Ve Dios nu ꞌyayá, Dios püꞌü mpe jacꞌ. Ve niná nin liji gente ꞌücj ca mpatjam lovin. 34 Yupj tjowelepj Jesús lal: —Lovin qjuis maꞌayan ncupj ve niná. 35 Jesús tjevele yupj jis lal: —Napj pꞌiyá ve niná. Napj pꞌiyá nin lejay gente lovin ca ꞌücj mpatjam. Ncapj jacon̈ pjü ca ntaꞌacj ꞌücj jis la pütꞌüs Dios lal. Lovin ma vecj

El Nuevo Testamento en Tol de Honduras, 2da ed. ©2010, Wycliffe Bible Translators

295

SAN JUAN 6

cyaꞌlin̈ jinwá ca nsem yupj jis lal. Nin lovin napj lal japon jis lal. Lovin ma ꞌüsǘ sive jinwá ca nsem yupj jis lal. 36 Mopꞌin nun ma poné. Napj nasa tjevelé niná nun jis lal. Nun nus tjunucú, newa ma poné napj polel nucopj pꞌyacj ꞌücj nu la pütꞌüs Dios lal. 37 ”Mpapay ne ꞌaya gente nepenowá, yupj ca ncapj ncon̈cocj. Yupj pjü way ca mponecj napj lal. Napj lovin ma ca pjeꞌá lis ntsꞌi napj lal japon witjacj. 38 Napj Dios püꞌü mpe tjacuwis nin la mejay Mpapay jos jin. Nin tjejyama jupj. Napj pꞌiyá najas jin lejay mpes tjacuwis tulucj. 39 Mpapay Dios nin tjejyama. Jupj jos napj ca ꞌücj la mejay ma ca len̈ cüvalas jupj ntjeꞌayá sin popé. Jupj jos pjü yupj sin jyünsǘ la mejay pꞌa jawas tecyaꞌlin̈ sin müjünsücj na, ne ca niswa mpatjam yupj. 40 Nin jos Mpapay. Nepénowa japon napj ne Dios Jatjam. Japon wa napj mpes ca mpatjam Dios lal. Mpapay jos pjü yupj ca jupj lal mpatjam lovin. Napj pꞌiyá ca sin müjünsǘ nin jawas tecyaꞌlin̈ sin müjünsücj na —nin tjevele Jesús. 41 Judiopan* sin popé yuwá jas tjowelepj jupj, jupj tjevele mpes. Jupj tjevele: “Napj pꞌiyá ve niná. Napj tjacuwis Dios püꞌü mpe.” Ma jisastsja niná tjevelá. 42 Yupj javeleptsja: “Niná Jesús, José jatjam. Selecj pjacj jupj popay, jupj jamay. ¿Tsjan mpes nin vele quinam, Dios püꞌü mpe tjacꞌ jupj?” 43 Yupj nin javeleptsja mpes, Jesús tjevele yupj jis lal: —Po ma nin tjowelé nunwá niná quinam. 44 Gente yusapj ma polel japon napj lal. Mpapay liji yupj ꞌücj ca quelel mponecj. Napj ca sin müjünsǘ mpatjam yupj niswá. Nin ca mpalas nin jawas tecyaꞌlin̈ sin müjünsücj na. Nin tjejyama Mpapay. 45 Profetapan* tjowelepj: ‘Dios ca sin müꞌüsüs lis mijis pjü jupj tsꞌuyupj’. Nin tapac profetapan Dios Popel moꞌó. Gente nepénowa pjyacan̈ Mpapay velá, sin ꞌyüsa wa jupj velá. Pjü way yupj ca mponecj napj mpes. 46 ”Ma quelel velé yupj jus tjunuc Mpapay Dios, yun lal. Napj pꞌin jus tjinyuc jupj. Jupj nepé way tjacuwis. 47 Napj lal japon, Dios lal patja lovin. Tꞌücꞌ way velé. 48 Napj pꞌiyá niná ves. Napj pꞌiyá nin lejay gente lovin ca ꞌücj mpatjam. 49 ”Judiopan* püna tapatja maná* jalá jiltsja wosis cjuwá ntꞌa püná. Maná ma ꞌücj la tjiji jis la pütꞌüs lovin. Tecyaꞌlin̈ wa yupj, pjü gente cyaꞌlin̈ jin pꞌiyá. 50 Ve niná napj velé mpes, más ꞌüsüs liji maná lal. Ve niná Dios püꞌü mpe jacꞌ. Ve niná jalá, lovin ma ca ncaꞌlin̈. 51 Napj pꞌiyá ve niná, ve nyucunú jinwá napj. Napj Dios püꞌü mpe tjacuwis. Ve niná jalá, ca mpatjam lovin. Ve niná napj mpꞌüy. Ma patsꞌ ca napj, gente ꞌücj ca mpatjam Dios lal —nin tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 6

296

52 Judiopan*

tsꞌa tjiꞌin Jesús nin tjevele mpes. La veleltsja yuwá. Javeleptsja: “¿ꞌOyn la qjuijis yom niná, jupj jüpꞌüy cüꞌes cülá ncupj?” 53 Jesús tjevele yupj jis lal: —Napj pꞌiyá niná Yomen Dios jas tjejyamá. Napj mpꞌüy lojá jinwá lojí tulucj, ma tꞌücꞌ way potjaqué nun. Nin pꞌiyá, napj naꞌas müsiqué jinwá lojí tulucj, ma tꞌücꞌ way potjaqué. Tꞌücꞌ way niná. 54 ”Nepénowa mpꞌüy jalá jinwá lajay, naꞌas myüꞌün̈ jinwá lajay wa. Ninana lajay lovin ca mpatjam Dios lal. Pꞌa jawas tecyaꞌlin̈ sin müjünsücj na, nin jawas napj ca sin müjünsǘ yupj jis pꞌüy, mpes ca mpatjam lovin. 55 Napj mpꞌüy ve tꞌücꞌ way jinwá. Nin lejay gente ꞌücj jis la pütꞌüs. Nin mpes wa naꞌas ꞌücj lo müs jinwá. 56 Nin mpes nin velé mpꞌüy jalá jinwá lajay sin poꞌó, naꞌas myüꞌün̈ jinwá lajay sin poꞌó wa. Ninana lajay newa ncapj jacon̈ lovin. Napj püꞌüs wa yupj jisas moꞌó lovin. 57 Mpapay lovin püꞌü. Jupj jusapj ꞌücj püꞌü. Nin tjejyama jupj, ne napj püꞌüs wa jupj mpes. Nin pꞌiyá niná. Nepénowa pajal japon napj lal, napj ꞌücj jis capj pꞌyacj pjü way mpes. Napj mpes ca mpatjam yupj. 58 Napj pꞌiyá ve niná, ve niná Dios mpe tjacꞌ. Napj maná* jin tulucj. Más ꞌin ꞌüsüs napj maná lal. Judiopan* püna tapatja maná jalatsja. Yupj tecyaꞌlin̈ wa, gente janmacj cyaꞌlin̈ jinwá. Nin tulucj ca nsem napj lal japon jis lal. Pajal japon napj lal, napj ꞌücj jis capj pꞌyacj pjü way mpes, lovin ca mpatjam yupj. 59 Ninana Jesús tjevele Capernaum moꞌó, sin tjiꞌyüsa lis tjiji na. Neꞌaj sin tjiꞌyüsa lis tjiji jis wa ntꞌa, judiopan* ꞌa si mulú ntꞌa.

Discipulopan nepenowá ma jisastsja Jesús tjevelá.

60 Jesús

discipulopan* pülücj ma jisastsja jupj tjevelá. Tjepjyacan̈ na jupj tjevelá, yupj tjowelepj: “Jupj tjevelá pajal malala cupj qjuilal. Ma polel qjuis la pon jupj velá. Ma qjuiyola tꞌas ncupj niná.” 61 Jesús seletsja yupj malala poꞌo tjowelepj jupj tjevele mpes. Pꞌa wa ma Jesús wola tjevele; jupj seletsja pꞌin. Mpes jupj la tjiꞌyüya yupj jis lal: —¿Ncu ma quelel poné quinam, napj nin velé mpes? 62 Nun ca nus nucú napj ca mis niswá Dios püꞌü ntꞌa, püna püꞌüstsja ntꞌa. ¿Tsjan ca nujola nun, nin tepyala na? Napj pꞌiyá niná Yomen Dios jas tjejyamá. 63 Dios Cjües nujos moꞌo püꞌü na pꞌin, ꞌücj nu la pütꞌüs Dios lal. Gente yusapj ma polel jis la pütꞌüs Dios lal. ¿ꞌOnin ꞌucuy cüpütꞌ Dios Cjües nujos moꞌó? Napj tjevelé toponé na, Dios Cjües nujos moꞌo ca mim mpüꞌüm. Jupj lal ca ꞌücj mpatjaqué lovin. 64 Nun nepenowá ma poné napj velé la pꞌin —nin tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

297

SAN JUAN 6, 7

Jesús lovin seletsja pjacj ma ca quelel mponecj. Selé watsja pjacj ca lal ncuwim jupj enemigopan, ntjiꞌlin̈ jupj. Nin mpes nin tjevele jupj. 65 Jesús tjevele wa: —Nepénowa nun popa ma japon napj velé. Nin mpes nun lal tjevelé gente yusapj ma polel jis la pon napj lal. Mpapay jis capj pꞌyaꞌsa jis la pon napj lal, ca mponecj. 66 Jesús nin tjevele na, jupj discipulopan* pülücj tjil jupj mpe. Ma quelel sa con̈tsja Jesús quinam. Ma quelel sin ꞌyǘsatsja quinam Jesús poꞌó. 67 Mpes Jesús jis la tjiꞌyüya jupj apostolpan* doceyá: —¿Ncu nun quelel lowú wa napj mpe? 68 Niyom dóceya popa Simón Pedro pjaní wa. Jupj tjevele Jesús lal: —Jipj cupj qjuis Jepa. ¿Pjacj ntꞌa cülaca ncupj? Jipj velen mpes qjuisin ꞌyüsa ꞌonin ꞌücj qjuis la pütꞌüs Dios lal lovin. 69 Cupj pyonecj jipj niná Yomen Dios tjevele ca jas majamas nosis ntꞌa qjuis capj la pꞌacj. Selecj cupj tꞌücꞌ way jipj niná. 70 Jesús tjevele yupj jis lal: —Napj la nu tꞌya nun, pjü dóceya, tsjiꞌ la müjí napj mpes. Mopꞌin ma pjü nun popa quelel tsjiꞌ lojí napj mpes. Nun popa pjaní ma quelel la niji. Jupj tsjiꞌ liji diablo* mpes. 71 Ninana Jesús tjevelá, Judas poꞌó tjevele jupj. Simón Iscariote jatjam waytsja jupj, Judas. Niyom dóceya popa watsja, mopꞌiyá jis lal tjemey Jesús enemigopan jis la tjilil Jesús pꞌa jawas. Jesús seletsja Judas ca nin la mijis.

Jesús jüpülücpan ma topon Dios jas tjejyama jupj.

7

1 Locopyaya Jesús Galilea moꞌo tjuwine; neꞌaj patja sin ꞌyüsa lis tjiji jupj. Judiopan* jis jepapan quelel jaꞌünantsja jupj, mpes Jesús ma quelel jámatsja Judea ntꞌa, yupj tapatja ntꞌa. 2 Judiopan jis fiesta nasa quelel pyálatsja. Fiesta niná mpes judiopan tsꞌepjel moꞌo tapatja. Nin la tjajay pjü año na. Judiopan pülücj tjil neꞌaj, Jerusalén ntꞌa, fiesta niná tepyala na. 3 Mpes Jesús jüpülücpan tjowelepj jupj lal: —Más ꞌücj mim jipj Judea moꞌo. Neꞌaj Jerusalén moꞌó jipj discipulopan* pülücj ca neꞌaj majatjum fiesta mpes. Jutja neꞌaj, jis tjeꞌyaya januc jipj pajal ꞌüsüs lejay Dios mpes. 4 Jipj jyas pjü jis januc jipj, mpes po ma tjepjyaꞌna niná jipj lejay. Jipj pajal ꞌüsüs lejay Dios mpes, más ꞌücj pülücj patja ntꞌa mim. Neꞌaj la pꞌa ca nucucj jipj lejay, jus nlayecj ca pjacj jipj. 5 Ninana tjowelepj la pjütsꞌün.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 7

298

Jesús jüpülücpan ma topon Dios jas tjejyama jupj nosis ntꞌa. nin tjowelepj na, Jesús tjevele yupj jis lal: —Yacjaj ꞌücj tulucj napj jum. Nun lal tsꞌacꞌ la talata ꞌücj lowú. 7 Dios ma jisas ma polel tsꞌi miꞌinacj nun lal. Napj lal tsꞌa ꞌin napj velé mpes. Napj velé yupj jis lal napj selé yupj pajal malala nyuca lajay. 8 Lowa nun fiesta ntꞌa. Yacjaj ꞌücj tulucj napj jum, mpes ca ma mis napj po quinam. 9 Nin tjevele Jesús jupj jüpülücpan jis lal, ne ma wa tjemey yupj jis lal fiesta ntꞌa. Newa Galilea moꞌo tüpüꞌü tsꞌacꞌ pjaní way pꞌin ꞌin. 10 Jüpülücpan tjil na fiesta ntꞌa, locopyaya pꞌa tjejyawca na, tjemey wa Jesús. Lyájasa tjemey, mpes la pꞌa ma jus nlay jupj tjemey. 11 Neꞌaj fiesta ntꞌa judiopan* jis jepapan Jesús la paltsja. Jis la ꞌüytsja neꞌaj tjelyawun̈ jis lal: “¿Caꞌaj jáꞌasa niná yomen?” 12 Pülücj ꞌa jis tjimyula neꞌaj fiesta mpes. Yupj sin popa pülücj tülü way la tjowelel Jesús poꞌó. Nepénowa tjowelepj: “Yom ꞌüsüs way jupj”. La pꞌa wa tjowelepj: “Nin tulucj. Jupj li tsuwile gente jis lal, mpes ma lajay Dios jos jin.” 13 Len̈ pjacj cüweles Jesús poꞌó pülücj cüpjacan̈ ntꞌa. Lacj tjeyapj judiopan* jis jepapan mpes. ꞌÜsüs yólatsja Jesús poꞌó, judiopan jis jepapan ca jis capj ntülücj. 14 Fiesta nasa la mitad tecyawaja na, Jesús tjemey Dios wo* ntꞌa. Gente sin ꞌyüsa lis tjiji neꞌaj. 15 Judiopan* jis jepapan pajal yólatsja Jesús ꞌüsüs sin ꞌyüsa lis tjiji mpes. Yupj tjowelepj: “¿ꞌOnin jus cülayé niná pjü? Jupj lovin ma tjemey qjuis escuela ntꞌa lo ꞌüsüs.” 16 Nin tjowelepj mpes, Jesús tjevele ꞌa jis tjimyula jis lal: —Napj ma nusin ꞌyüsa lejay napj nola mpes. Napj nusin ꞌyüsa lejay Dios jola jin. Nin tjejyama jupj. 17 Nun popa pjaní quelel liji Dios jos jin, jupj ca jus nlayes ncu napj sin ꞌyüsa lejay napj nola jin, ca jus nlayes ncu sin ꞌyüsa lejay Dios jola jin. 18 Nepénowa yupj pꞌiyá yola jin sin ꞌyüsa lajay, jisas la pꞌa püné jin yola yupj. Ma nin lejay napj. Napj najas la pꞌa püné jin yola nin tjejyamá. Mpes nun ca jus cülayé, napj velé, tꞌücꞌ way niná; ca jus cülayé malala tulucj napj. 19 ”Nun malalapan. Püna Moisés* papel tepyaca Dios tjijyüꞌtá, nun moꞌo la veles. Newa nun pjü way ma nin lajay Dios tjijyüꞌta jin. Nun quelel na ꞌüꞌná. Nenem ꞌa malala —tjevele Jesús. 20 Nin tjevele na, nepénowa ꞌa jis tjimyula sin popé wola tjowelepj Jesús: —Lapanen jyas moꞌo püꞌü jipj, nin lo tsꞌün jipj. Len̈ pjacj quelel ꞌi ꞌüꞌna. 21 Jesús tjevele yupj jis lal: 6 Jüpülücpan

El Nuevo Testamento en Tol de Honduras, 2da ed. ©2010, Wycliffe Bible Translators

299

SAN JUAN 7

—Yom pjaní tjiꞌyüꞌsa la tjejay napj sábado* na, nin jawas cupj ma tsjiꞌ lijicj. Nun nujola pajal malala niná, napj nin la tjejay sábado na. 22 Nin tulucj. Nun nin pꞌiyá lojí, napj lejay jinwá. Moisés* tjijyüꞌta judiopan* tꞌasiyú jis la tꞌüs niyom tsjictjacj jis pjolocꞌ tsjicj way, tsjictjacj tsꞌacꞌ ocho jatatj na. (Israelpan* püna tapatja pꞌin tjüjütütj niná.) Nun nin lojí custjay. Yom tsjicj tsꞌacꞌ ocho tyaꞌa na, tꞌüjǘ jupj. Tsꞌacꞌ ocho pyala sábado na, ntꞌüjǘ ca sábado na. 23 ꞌÜcj nun lal yom tsjicj ca ntꞌüjǘ sábado na, ꞌücj la jay Moisés tjijyüꞌtá. Mpes más ꞌücj ma tsꞌi miꞌiná napj lal napj tjiꞌyüꞌsa la tjejay yom jüpꞌüy jas tüpwes sábado na. 24 Po ma tjowelé la pꞌa malala nyuca liji nun nujola mpes pꞌin. Nujola tꞌas ncu tꞌücꞌ way malala nyuca la tjiji. 25 Jesús nin tjevele mpes, nepénowa Jerusalén moꞌo tapatja sin popé Jesús poꞌo javeleptsja: “Tꞌücꞌ way jupj niná yomen jepapan quelel jaꞌünan. 26 Mopꞌin ma lecj jeya jupj. Jupj vele pjü jis la pjac ntꞌa; newa nin jepapan ma jajütütj ma nin liji jupj. Yupj ca jus cülayecj tꞌücꞌ way jupj niná Jepa Püné Dios tjevele ca jas majamas qjuis capj la pꞌacj. 27 ¿ꞌOnin nacj niná? Cupj selecj wa Jesús tjacꞌ mpe. Cupj qjuisin tjiꞌyüsa wa nin tulucj ca nsem Yomen Dios se jamá lal. Cupj selecj niná jacꞌ na, ma ca jus nlayecj caꞌaj mpe tjacꞌ jupj”, nin tjowelepj yupj. 28 Nin javeleptsja na, Jesús tjevele tꞌücꞌ way Dios jas tjejyama jupj. Dios wo* ntꞌa tjáꞌasa jupj, mpes yümücj tjevele pjü jis la pjac: —Nun nujola nus nucú. Nujola wa nun solejé caꞌaj mpe tjacuwis. Nin tulucj. Napj tjacuwis napj quelel cuwistsja mpes pꞌin tulucj. Tꞌücꞌ way pꞌa wa nin tjejyama. Nun ma su nucú jupj. 29 Nam ꞌa si nuc. Napj tjacuwis jupj mpe; jupj nin tjejyama —nin tjevele Jesús.

Jepapan quelel ntjiꞌlin̈tsja Jesús, la ꞌünan jupj.

30 Judiopan*

jis jepapan tsꞌa ꞌintsja Jesús lal Jesús nin tjevele mpes. Po quelel ntjiꞌlin̈tsja jupj, moꞌo la ꞌonsos jupj cawilta moꞌó. Newa ma polel ntjiꞌlin̈ jupj. Custjay ma nin jawas nem Dios tjevele Jesús ca mpaꞌis, mpes ma polel ntjiꞌlin̈ jupj. 31 Pajal pülücj fiesta ntꞌa tjiquil sin popé, pülücj topon Jesús lal. Yupj javeleptsja: “Jepa Püné niná Dios tjevele ca jas majamas qjuis capj la pꞌacj, ma ca más ꞌüsüs la qjuijis Jesús lal. Jesús pajal ꞌüsüs liji, yom pꞌin ma polel liji jinwá, qjuisin ꞌyüsa la qjuisiji Dios jas tjejyama.” 32 Fariseopan* nepenowá tjepjyacan̈ wa gente pülücj sin popé tülü way javeleptsja niná Jesús poꞌó. Niná tjepjyacan̈ na, pajal nin yólatsja yupj. Ma jisastsja la pꞌa jis la pon Jesús lal. Mpes jis auxiliarpan sin

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 7

300

tjajam Jesús ntꞌa jis la tjilil jupj, yupj ntꞌa la cuman. Sacerdote* noypan sin tjajam wa auxiliarpan nenem. 33 Jesús seletsja nin quelel lajaytsja yupj. Mpes tjevele: —Tsjicj way pꞌin püꞌüs nun lal. Pꞌa jawas ca mis niswá nin tjejyama püꞌü ntꞌa. 34 Tjum na, nun ca la ma palá. Nun ca nujisas napj ca nucopj mpꞌacj. Mopꞌin ma ca nus nucú. Napj mpüꞌüs ntꞌa, nun ma ca polel nculá —tjevele jupj. 35 Judiopan* jis jepapan ma quelel japontsja Jesús tjevelá. Mpes yupj yuwá tjowelepj: “¿Caꞌaj ꞌucuy niná yomen, ne cupj ma polel jus la nuc? ¿Ncu ca mim judiopan tulucj pülücj patja ntꞌa? Judiopan nepénowa neꞌaj patja judiopan tulucj patja ntꞌa. Ca nacj Jesús ca neꞌaj mim, sin müꞌüsüs lis mijis judiopan tulucj. 36 ¿Tsjan quelel vele jupj nin vele na, cupj ca la mpalacj jupj, cupj ca qjuisas nsem jupj qjuis capj mpꞌaꞌsas? ¿Tsjan quelel vele jupj nin vele na, cupj ma ca jus nucum, ne jupj mpüꞌüm ntꞌa cupj ma ca polel nlaca cupj?”

37 Pjü

Jesús lal japon ꞌücj ca mpatjam Dios lal. Jesús ca Dios Cjües jis maꞌayas yupj.

tjejyawca na fiesta na, tsꞌacꞌ más ꞌüsüstsja na, Jesús yupj jis walapꞌaꞌa tón̈catsja, yümücj tjevele pjü ꞌücj jis la pjac: —ꞌÜsǘ nusive jinwá nun nepenowá, nun pajal nujos Dios ca nucopj mpꞌaꞌsas. Toponé napj lal. Napj ꞌüsǘ jinwá nun mpes. 38 ꞌÜsǘ ꞌücj jis la pütꞌüs jisas moꞌo cyala jinwá ca nsem napj lal japon mpes. ꞌÜsǘ püné jinwá ca nsem. Dios Popel nin vele ca nin nsem —nin tjevele Jesús. 39 Jesús nin tjevele na ꞌüsǘ mpes, jupj véletsja Dios Cjües poꞌó. Jesús poꞌo japon ntꞌanquecj wa yupj Dios Cjües, jisas moꞌo mpüꞌüm. Jesús wine secj Dios püꞌü ntꞌa custjay, ꞌa mulú la ꞌosos Popay lal. Nin mpes ꞌaya secj custjay Dios Cjües.

40 Tjepjyacan̈

Gente ma nin pꞌin yólatsja Jesús mpes.

na Jesús tjevelá, nepénowa tjowelepj: “Tꞌücꞌ way jupj profeta* Moisés* jin pꞌiyá, profeta niná pajal la tjinyucucj lovin”. 41 Nepénowa pꞌa casá yólatsja, mpes tjowelepj: “Jupj ninana Yomen Dios tjevele ca jas majamas cupj ntꞌa qjuis capj la pꞌacj”. Pꞌa wa tjowelepj: “Nin tulucj. Ma polel nacj niná Yomen Dios tjevele ca jas majamas. Selecj Yom Dios se jamá ma ca ncuwim Galilea mpe.” 42 Dios Popel vele niná Jepa Püné Dios se jamá David* püna tüpüꞌü popa pꞌiyá jupj. Dios Popel vele wa Jepa niná Belén mpe ꞌesepj ca nsem jupj. Neꞌaj David tüpüꞌü wa püná.

El Nuevo Testamento en Tol de Honduras, 2da ed. ©2010, Wycliffe Bible Translators

301

SAN JUAN 7, 8

43 Ma

nin way pꞌin yólatsja Jesús poꞌó. Nepénowa ꞌüsüs tjowelepj Jesús poꞌó. Nepénowa malala tjowelepj jupj poꞌó. 44 Nepénowa quelel tjiꞌlin̈tsja jupj, quelel jamantsja jupj jepa ntꞌa. Newa ma nin la tjajay. 45 Auxiliarpan ma wa ntjiꞌlin̈ Jesús, mpes tjil niswá sin tjajam ntꞌa, sacerdote* noypan ntꞌa, fariseopan* ntꞌa ꞌotsꞌipj. Yupj jis la tjüꞌüy: —¿Tsjan mpes ma tucumaná jupj? 46 Auxiliarpan jis wala tjowelepj: —Yom pꞌin lovin ma jupj jinwá tjevele. ꞌÜsüstsja pajal jupj tjevelá. Nin mpes ma quelel ntjiliquecj jupj. 47 Auxiliarpan nin tjowelepj mpes, tsꞌa tjiꞌin fariseopan*. Tjowelepj auxiliarpan jis lal: —Jupj nujus tsyawilí wa nun ca nacj. 48 Nun solejé pjü judiopan* jis jepapan ma japon Jesús mpes. Pjü fariseopan* ma wa japon Jesús mpes. Cupj ma pyonecj jupj yom niná Dios se jamá. ¿ꞌOyn la cüjí cüponé nun? 49 Gente fiesta ntꞌa tjiquil japon, mopꞌin ma salejepj yupj. Yupj ꞌa ma sin ꞌyüsa Moisés* tjijyüꞌtá püná. Nin mpes ca Dios jis capj ntülüs. 50 Fariseo* pjaní ma nin pꞌiyá jólatsja la pꞌa fariseopan jinwá. Nicodemo lotsja jupj. Püna pꞌin Jesús ntꞌa tjemey la veles jupj lal püste na. Mpes Nicodemo tjevele quinam: 51 —Qjuis jepapan jajütütj cupj ma ca mvelecj tꞌücꞌ malala nyuca la tjiji, jupj ma qjuis wala tjevele mwalá way pꞌin. Nin lovin. Jepapan jajütütj mwalá way ca qjuisin müꞌüsüs ncu tꞌücꞌ way malala la tjiji. 52 La pꞌa fariseopan* ma tjowelepj ncu tꞌücꞌ Nicodemo tjevelá. Malala tjowelepj pꞌin. Tjowelepj: —Galilea mpe tjacuy wa jipj ca nacj, Jesús jinwá. Dios Popel moꞌó la tepyala nucun ncu nin vele Galilea mpe jacꞌ profeta* pjaní. Ma nin vele Dios Popel. (Yupj la tsawiltsja.) 53 Tꞌücꞌ tjowelepj quinam, ne pjü jis wa ntꞌa tjil.

8

1 Jesús

Quepj tucuman Jesús ntꞌa jas la veles. Jesús perdonar la tjiji jupj.

jocꞌ ꞌalá tjemey püste la pütꞌüs lo jawaques. Yo olivo* pülücj lejen̈tsja neꞌaj, mpes jocꞌ niná “Olivos” lotsja. 2 Pajal püstapj tjemey niswá Dios wo* ntꞌa. Pülücj neꞌaj játjatsja, Jesús tjacꞌ na. Pjü jiquiltsja jupj ntꞌa jis la pjac jupj tjevelá. Mpes ꞌetjele Jesús, sin tjiꞌyüsa lis tjiji jupj. 3 Yacjaya Moisés* popel sin ꞌyüsa lajay tjiquil wa Jesús ntꞌa. Fariseopan* tjiquil wa. Quepj pjaní tucuman jas la veles. Quepj niná yom pꞌa lal

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 8

302

tjuwine, voyum tulucj. Pꞌa wa jus tjunuc jupj nin la tjiji. Quina niyom tucuman jupj Jesús wolapꞌaꞌá, pjü jis la nuc neꞌaj. 4 Niyom Jesús lal tjowelepj: —Jipj sin ꞌyüsa lejay gentá. Pajal selen jipj. Nin mpes quelel lya ꞌyüyactsja ꞌoyn la qjuijim niná quepan lal. Quepj niná yom pꞌa lal tjuwine, voyum tulucj. Tjinyucucj nin la tjiji. 5 Moisés* tepyaca popel moꞌó Dios tjijyüꞌtá. Tjevele pe mpes müꞌüꞌnacj nequem nin lajay. ¿Tsjan velen jipj tsjan más ꞌücj la qjuijim quepj lal? —niná yupj la tjüꞌüy Jesús lal. 6 Tꞌücꞌ way yupj ma quelel salejeptsja tsjan la qjuijicj yupj. Yupj jisastsja Jesús malala cüveles, ne ca yupj ꞌücj jatꞌ mvelecj Jesús poꞌó. Mopꞌiyá ma jis lal tjevele jupj. Palá tipiꞌtje, tepyaca ꞌamá ꞌalá, mos tsꞌipal mpes. 7 Newa la tjüꞌüy tsjan la qjuijicj quepj lal, mpes Jesús niswa jas nisa, tjevele yupj jis lal: —¿Ncu nun popa pjaní lovin ma malala nyuca la tjiji? Lovin ma malala la tjiji, jupj ꞌücj ca mwalá way jay ntsꞌiyas pe mpes. 8 Nasa tjevele na, niswa palá tipiꞌtje, niswa tepyaca ꞌamá ꞌalá. 9 Niyom tjepjyacan̈ na Jesús tjevelá, jus nlay yupj pꞌiyá malala waytsja ꞌotsꞌipj. Mpes pjü tjil. Más coꞌmüypan mwalá way tjil; pjü pjaní pjaní tjil. Jesús neꞌaj tjáꞌasa tjil. Quepj newa neꞌaj jáꞌasatsja. Jesús wolapꞌaꞌa ton̈ca custjay. 10 Jesús jas nisa, tjevele quepj lal: —¿Caꞌaj tjil noyomes, yupj ne tjatꞌ tjowelepj jipj jin poꞌó? ¿Ncu len̈ pjacj cüweles cyapj cütül? 11 Quepj tjevele: —Len̈ pjacj cüweles ncapj cütül. Jesús tjevele jupj lal: —Napj ꞌa ma wa velé cyapj cütülücj. ꞌÜcj la winin quinam. Po ma malala nyuca la mijin quinam, püna lejaytsja jinwá.

12 Jesús

Jesús tjevele ꞌücj cüponecj jupj pꞌiyá poꞌó tjevelá.

tjevele niswá neꞌaj tjatja jis lal. Tjevele: —Napj jyawca jinwá nosis ntꞌa. Napj sin ꞌyüsa la sejay Dios mpes. Ncapj jacon̈, jaw ntꞌa lyawun̈ jinwá yupj. Ca jus nlayecj ꞌoyn nyuca la pütꞌüs Dios lal. Püste ntꞌa lyawun̈ ma salejepj caꞌaj lyawun̈ yupj. Nin tulucj ca nsem ncapj jacon̈ jis lal —nin tjevele Jesús. 13 Fariseopan* ma jisastsja Jesús nin tjevelá, mpes tjowelepj jupj lal: —Jipj niná velen jipj pꞌiyá poꞌó la pꞌin, mpes ma selecj ncu tꞌücꞌ velen. Len̈ pjacj cüweles jipj velen tꞌücꞌ way.

El Nuevo Testamento en Tol de Honduras, 2da ed. ©2010, Wycliffe Bible Translators

303

SAN JUAN 8

14 —Nin

tulucj —tjevele Jesús—. Nam ꞌa napj pꞌiyá velé napj nin poꞌó, mopꞌiyá ca nun jus cülayé napj tꞌücꞌ way velé. Napj selé caꞌaj mpe tjacuwis. Selé wa caꞌaj jum pꞌa jawasiyá. Nun ma solejé caꞌaj mpe tjacuwis. Ma wa solejé caꞌaj ca mis locopyayá. 15 Gente pꞌin jin nujola nun. Nun nucú mpes pꞌin nun welé napj ma tꞌücꞌ way velé. Napj pꞌiyá ma velé pꞌa poꞌó ncu malala jupj. 16 Mopꞌiyá napj velé na ncu pjaní malala nyuca la tjiji, ꞌücj niná napj nin velé. Napj velé jupj poꞌó tꞌücꞌ way. Ma velé napj nola pꞌin. Mpapay nin pꞌiyá jola napj nola jinwá. Nin tjejyama jupj. 17 ”Pꞌa wa mpes nun ca jus cülayé napj pꞌiyá poꞌó velé tꞌücꞌ way. Napj way pꞌin nin velé tulucj. La pꞌa nin pꞌiyá vele. Nun jis papel Moisés* tepyacá nin vele ꞌücj niná. Matꞌe nin pꞌiyá javelepj na, nun ꞌücj ca mponé tꞌücꞌ way javelepj yupj. Nin vele jupj popel. 18 Nin mpes nun ꞌücj jis la pon napj velé. Napj way pꞌin nin velé tulucj. Napj velé napj pꞌiyá poꞌó, napj Mpapay nin pꞌiyá vele wa napj poꞌó. Nin tjejyama jupj. 19 Jesús nin tjevele na, fariseopan* la tjüꞌüy jupj lal: —¿Caꞌaj püꞌü pyapay? Jupj len̈ quiꞌam. Jesús jis wala tjevele: —Nun ma solejé pjacj ne napj. Ma wa solejé pjacj Mpapay. Jus cülayé pjacj ne napj, jus cülayé wa pjacj Mpapay. 20 Ninana Jesús tjevele Dios wo* ntꞌa, sin ꞌyüsa lis tjiji na neꞌaj. Neꞌaj jáꞌasatsja tꞌemel jaꞌayapj ntꞌa Dios mpes. Judiopan* jis jepapan pajal tsꞌa ꞌintsja Jesús lal, mopꞌiyá ma polel ntjiꞌlin̈ Jesús cus la tül. Newa ma jyáwcatsja Jesús peꞌe jawas.

Ma japon Jesús tjevelá, ma polel jil jupj jama ntꞌa.

21 Judiopan*

jis jepapan ma topon Jesús tꞌücꞌ way tjevele, mpes Jesús pꞌa way tjevele yupj jis lal. Tjevele: —Napj mis ca quepé pꞌa jawasiyá. Napj tjum na, nun ca la ma palá. Mopꞌin ma ca polel nus nucú. Nun coꞌliqué na, newa malala nsem nun, ne Dios ca nucopj ntülüs malala nyuca la tjüjí mpes. Napj jum ntꞌa nun ma ca polel nu la cuwis —nin tjevele Jesús. 22 Mopꞌiyá judiopan* jis jepapan la tjüpjütsꞌün Jesús yuwá. Tjowelepj: “¿Ncu jupj pꞌiyá ca müꞌüꞌnas jupj? Nin mpes tjevele ma polel leque jupj jama ntꞌa ca nacj.” 23 Nin javeleptsja mpes, Jesús tjevele yupj jis lal tsjan mpes nin tjevele jupj. Tjevele: —Nun nosis ntꞌa potjaqué. Napj Dios püꞌü mpe tjacuwis. Nun Dios enemigopan popa. Nam ꞌa nin tulucj. 24 Nin mpes napj tjevelé nun

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 8

304

coꞌliqué na, newa malala nsem nun. Nin mpes tjevelé Dios ca nucopj ntülüs malala nyuca la tjüjí mpes. Nun ma poné napj nin pꞌiyá napj nin tjevelé, newa malala nsem nun Dios lal, coꞌliqué na —tjevele jupj. 25 Judiopan* jis jepapan tjowelepj jupj lal: —Pajal püné jin jele jipj pꞌiyá. ¿Pjacj ne jipj? Jesús tjevele yupj jis lal: —Napj nin pꞌiyá lovin nun lal tjevelé. 26 Napj ꞌücj pülücj cüvelé nun mpes. ꞌÜcj la veles pajal la pülücj malala nyuca la tjüjí nun. Nun ma poné napj velé, mopꞌiyá tꞌücꞌ velé napj. Pꞌa wa nin tjejyama. Jupj lovin tꞌücꞌ way vele. Napj tjapjacas jupj tjevelá, ninana velé napj nosis ntꞌa patja jis lal —nin tjevele Jesús. 27 Yupj ma jus nlay Jesús jas tjevele Popay tsjun casapa püꞌü poꞌó. 28 Mpes Jesús ꞌüsüs tjevele tꞌücꞌ way Popay poꞌó tjevele jupj. Tjevele: —Napj pꞌiyá niná Yomen Dios jas tjejyamá. Nun ca nin müjünsǘ la valas. Nin la tjüjí na, ca jus nlayé napj niná napj tjevelé. Nin la tjüjí na napj lal, ca jus nlayé wa napj ma lejay napj quelel lejay. Nun ca jus nlayé napj velé Mpapay nin tjiꞌyüsa la tjiji velé. Ma pꞌa way velé. 29 Mpapay nin tjejyama, newa ncapj cyon̈ca. Lovin jupj jos jin lejay. Ma nasapj ꞌos. 30 Jesús nin véletsja na, pülücj topon jupj niná Yomen Dios tjevele ca jas majamas.

Ma quelel lajay Jesús, Dios tsꞌuyupj tulucj yupj.

31 Judiopan*

nepénowa topon Jesús lal. Jesús tjevele yupj jis lal: —Nun lovin lojí napj tjevelé jin, tꞌücꞌ way nun napj discipulopan*. 32 Nun ca jus nlayé tꞌücꞌ way pꞌiyá. Jus nlayé na niná, esclavopan* tulucj ca nsem nun. Newa ꞌücj ca la müjí tsjan más ꞌücj la müjí. 33 —¡Cupj esclavopan* tulucj! —tjowelepj yupj—. Abraham* pajal püna tüpüꞌü popa pꞌiyá ncupj. Lovin esclavopan tuluctsja ncupj. Lovin pꞌa jutsꞌaꞌá tuluctsja cupj. ¿Tsjan pjucj niná tjevelen: ‘Esclavopan tulucj ca nsem nun?’ 34 Jesús jis wala tjevele: —Newa malala lajay, esclavopan* yupj. Ma polel lajay más ꞌücj lajay jin. Mopꞌin malala lajay. Tꞌücꞌ way niná. 35 Esclavo ma polel lo pütꞌüs jupj patrón wo moꞌó lovin. Jupj patrón jatjam pꞌin ꞌücj lo pütꞌüs jupj popay wo ntꞌa lovin. Nin pꞌiyá nun jis lal. Nun esclavopan jinwá malala lojí mpes, ne nin mpes nun ma polel jis la pütꞌüs Dios lal lovin. Dios tsꞌuyupan pꞌin ꞌücj jis la patj Dios lal lovin. 36 Napj Dios Jatjam. Napj

El Nuevo Testamento en Tol de Honduras, 2da ed. ©2010, Wycliffe Bible Translators

305

SAN JUAN 8

ꞌücj jis la jütütj jupj jutsꞌaꞌá. Nin mpes ꞌücj napj nusin jyam nlawú, mpes esclavopan tulucj nsem nun. Napj nin lejay na, tꞌücꞌ way esclavopan tulucj nsem nun. Ca ꞌücj la müjí Dios jos jin. 37 ”Napj selé Abraham* pajal püna tüpüꞌü popa pꞌiyá nun. Mopꞌiyá nun quelel na ꞌüꞌná. Nun ma quelel poné napj tjevelé, ne nin. 38 Napj tjinyuc Mpapay lal, niná velé napj. Nun nun jis papay tjevele jin lojí —tjevele Jesús. 39 Judiopan* jupj wola tjowelepj: —Abraham* püna tüpüꞌü popa pꞌiyá ncupj. (ꞌÜsüs witjacj ncupj.) Jesús tjevele yupj jis lal: —Nin tulucj. Nun ma lojí Abraham* la tjiji jinwá. Mpes nun ma tꞌücꞌ way Abraham popa. Nun Abraham popa pꞌiyatsja nacj, Abraham la tjiji jin pꞌiyá la cüjí. 40 Tꞌücꞌ way tjeveletsja napj nun lal. Dios tjevele tjapjacas jin tjevelé. Mopꞌin nun nujola ꞌoyn nyuca na ꞌüꞌná. Mpes nin velé, nun ma lojí Abraham la tjiji jin. 41 Nun lojí nupopay liji jin —nin tjevele Jesús. Yupj tjowelepj jupj lal: —Qjuis Papay pjaní pꞌin. Dios jupj. Len̈ qjuis papay pꞌam. 42 Jesús tjevele yupj jis lal: —Dios jatjampan tulucj nun. Dios Nupopay nacj, ca quelel la cüjitsja napj. Napj Dios Popa; Dios mpe tjacuwis napj. Napj tjacuwis napj quelel tjacuwis mpes tulucj. Jupj nin tjejyama. 43 ¿Tsjan mpes ma nusin ꞌyüsa napj velé? Nun ma quelel pjoꞌoqué napj velé nun lal. 44 Nun nupopay popa. Diablo* nupopay, ne nun quelel lojí nupopay jos jin. Lovin jupj si ꞌǘꞌnatsja (nun quelel lojí jinwá quinam). Lovin ma jos tꞌücꞌ way. Cjuwá tꞌücꞌ way jupj jos moꞌó, mpes nin. Jupj li tsuwile na, jupj jos jin pꞌiyá vele jupj. Jupj lovin li tsuwile; la tsuwilpan jis popay jupj. 45 ”Napj tꞌücꞌ way velé. Nin mpes nun ma poné napj velé. 46 ¿Ncu pjaní way pꞌin nun popa cüweles jupj selé napj malala nyuca la tjejay? Nin tulucj. (Lovin malala nyuca liji secj napj.) Tꞌücꞌ way velé lovin. ¿ꞌOyn ne ma poné napj lal? 47 Dios tsꞌuyupj sin ꞌyüsa Dios velá, quelel wa lajay jupj velá. Nun ma nusin ꞌyüsa Dios velá, ma wa quelel lojí Dios velá. Nin mpes nin velé nun Dios jatjampan tulucj —nin tjevele Jesús. 48 Judiopan* pajal tsꞌa tjiꞌin Jesús nin tjevele na. Mpes yupj tjowelepj Jesús lal: —Jipj velen yom Samaria* mpe ꞌesepj jinwá. Ma tꞌücꞌ velen Dios poꞌó. Lapanen jyas moꞌo püꞌü. Ninana tjevelecj jipj poꞌó lovin, ne cupj tjevelecj, tꞌücꞌ nem.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 8, 9

306

49 —Nin

tulucj. Tꞌücꞌ tulucj —tjevele Jesús—. Lapanen len̈ najas moꞌó. Napj velé napj Mpapay pajal ꞌüsüs, pajal püné; newa nin, nun welé ꞌüsüs tulucj, püné tulucj napj. 50 Mopꞌin napj velé na, ma nin nola ncu pꞌa nin yola pajal püné, pajal ꞌüsüs napj. Pꞌa wa nin jola. Jupj jos la pꞌa wa ꞌüsüs jin yola napj. Jupj ca mveles napj tꞌücꞌ way pajal ꞌüsüs, pajal püné. 51 Tꞌücꞌ velé napj. Napj velé jin lajay ma ca ncaꞌlin̈. Mpatjam ca Dios lal. 52 Jesús nin tjevele na, yupj tjowelepj jupj lal: —Quina selecj tꞌücꞌ way lapanen jyas moꞌo püꞌü. Malala jele. Abraham* tepeꞌe pajal püna. Profetapan* pjü tecyaꞌlin̈ wa yupj; yupj topontsja Dios tjevelá. Quina jipj nin velen jipj velen jin lajay lovin ma ca ncaꞌlin̈. 53 Abraham püna tüpüꞌü popa pꞌiyá cupj. Nasa tepeꞌe jupj. ¿Ncu más püné jipj jupj lal? Nin tulucj. Profetapan tecyaꞌlin̈ wa. ¿Ncu más püné jipj yupj jis lal? Nin tulucj. ¿Tsjan jin jele jipj? 54 Jesús tjevele yupj jis lal: —Napj ma ꞌüsüs velé napj pꞌiyá poꞌó. Napj nin velé napj pꞌiyá, ma polel nu lo pon niná. Pꞌa wa mpes ꞌücj la pon. Mpapay ꞌüsüs vele napj poꞌó. Mpapay ꞌa Dios; nun welé nun so con̈có jupj. 55 Newa Dios so con̈có tulucj. Nun ma nusin ꞌyüsa Dios lijá. Nam ꞌa ꞌüsüs way si nuc. Napj cüvelé ma si nuc, nun jin pꞌiyá ca la ntsawil napj. Tꞌücꞌ way si nuc, ne lovin nin lejay jupj velá. 56 Abraham* püna tüpüꞌü, nun jupj popa pꞌiyá, pajal ꞌücj jostsja napj ncuwistsja nosis casaꞌá. Tjinyuca na napj tjacuwis, ꞌücj jos tepyala jupj. 57 Jesús nin tjevele na, judiopan* jis jepapan tjowelepj jupj lal: —Año cincuenta tulucj jipj custjay. Ma wa ca jus tjinyuc Abraham*. Pajal püna tüpüꞌü jupj. 58 Jesús tjevele yupj jis lal: —Abraham* custjay ma tüpüꞌü na pꞌin, napj newa tüpüꞌüstsja. Tꞌücꞌ way niná. 59 Yupj pajal tsꞌa ꞌintsja Jesús nin tjevele mpes. Pe natj jay la tsꞌis, la ꞌünan. Newa ma polel malala lajaytsja jupj. Jesús tjapjaꞌna, ne Dios wo* pjeꞌá tecyala jupj.

9

Jesús tjiꞌyüꞌsa la tjiji yom jun tulucj.

1 Jesús jámatsja na, jupj jus tjinyuca yom jun tulucj. Tjemyaꞌna pepes jun tuluctsja jupj. 2 Jesús discipulopan* la tjüꞌüy: —Rabbí*, ¿tsjan mpes tjemyaꞌna pepes jun tuluctsja niná? ¿Ncu jupj pꞌiyá malala nyuca la tjiji mpes nin tepyala? ¿Ncu jupj popay, jamay malala nyuca la tjajay mpes nin tepyala jupj?

El Nuevo Testamento en Tol de Honduras, 2da ed. ©2010, Wycliffe Bible Translators

307

SAN JUAN 9

3 Jesús

jis wala tjevele: —Nin tulucj. Jupj pꞌiyá malala nyuca la tjiji mpes tulucj. Ma wa jupj popay, jamay malala nyuca la tjajay mpes nin tepyala. Dios quelel sin ꞌyüsa liji jupj pajal ꞌüsüs, pajal püné. Nin mpes tjemyaꞌna pepes jun tuluctsja yomen. Dios ca pajal ꞌüsüs la mijis jupj mpes quinam. 4 Nosis casaꞌá pyatjaquecj na pꞌin, Dios jos lovin tsjiꞌ lijicj jupj mpes. Nun tacaꞌliqué na, ma ca polel tsjiꞌ la müjí. Nin pꞌiyá pjü gente jis lal. Dios nin tjejyama. 5 Nosis casaꞌa püꞌüs na pꞌin, napj jyawca jinwá nosis casá patja jis lal. Napj sin ꞌyüsa lejay Dios mpes. 6 Jesús nin tjevele na, ꞌamá ꞌalá tipyutsꞌa. Tjutj mpes pililicj tsjicj way la tjiji. Pililicj jun polocꞌ poꞌo jas tjecjyoꞌla yom jun tulucj. 7 Nin la tjiji na, tjevele jupj lal: —Jutja, jin jas mpaꞌin ꞌüsǘ muju ton̈ca ntꞌa, ꞌüsǘ Siloé ló jupj. (Siloé yupj jis tin; “Jas Tjejyama” velecj cupj.)

Jesús tjiyüsa la tjiji yom jun tulucj. (San Juan 9.6) El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 9

308

Mpes tjemey yom jun tulucj. Jun jas tepeꞌe Jesús tjevele jin. ꞌÜsǘ mpe tjacꞌ na, ꞌücj nyúcatsja quinampa. 8 Mpes la pꞌa püna jus tjunuctsja pajal nin yólatsja tsjan mpes ꞌücj nyuca quinam. Nepénowa yuwá sin pópatsja yom jun tuluctsja lal, nepénowa lovin jus tjunuctsja tꞌemel le monatsja jupj. Yupj tjowelepj: “¿Ncu ninana pꞌiyá lovin tꞌemel la tjemyona tjaꞌasá, jun tulucj mpes?” 9 Nepénowa javeleptsja: “Tꞌücꞌ. Ninana yomen.” Pꞌa wa javeleptsja: “Ninana tulucj nempe. Yom jun tulucj jin justa la pꞌin.” Mpes yom pꞌiyá tjevele: “Napj mpꞌiyá pꞌin niná yomen”. 10 —¿ꞌOyn ne ꞌücj nyuc quinam? —la tjüꞌüy jupj lal. 11 Jupj jis lal tjevele: —Yom Jesús ló ꞌamá ꞌitsꞌitsꞌ la tjiji, nan polocꞌ jas tjecjyoꞌla. Tjevele napj lal: ‘Siloé ntꞌa jutja, jin jas tepeꞌe’. Mpes tjum, nan jas tepyatsj. Tꞌücꞌ jas tepyatsj na, tjiꞌyüꞌsa quinam nan. ꞌÜcj la nuc quinam. 12 Yupj la tjüꞌüy jupj lal: —¿Caꞌaj jáꞌasa niná yomen? —Ma selé —tjevele jupj. 13 Mpes yom püs jun tuluctsja tjaman fariseopan* ntꞌa. 14 Sábado* natsja Jesús ꞌamá ꞌitsꞌitsꞌ la tjiji, tjiꞌyüꞌsa la tjiji yom jun tulucj. Sábado na nin jawas judiopan* ma tsjiꞌ lajay. Jesús nin la tjiji, ninana tsjiꞌ la tjijá, nin yólatsja yupj. 15 Nin mpes fariseopan la tjüꞌüy wa yom lal ꞌonin ꞌücj nyuca quinam. Jupj tjevele yupj jis lal: —Jupj ꞌamá mpes nan polocꞌ poꞌo tsꞌyuca. Napj nan jas tepyatsj, ne ꞌücj nyuc quinam. 16 Mpes fariseopan* nepenowá javeleptsja: “Jesús ma tsjiꞌ liji Dios mpes. Dios mpes tsjiꞌ lajay, Dios jos jin lajay sábado* nampa. Nin mpes selecj ma tsjiꞌ liji Dios mpes.” Fariseopan la pꞌa javeleptsja: “Nin tulucj. Yom malala liji, Dios ma se pꞌaꞌsa pajal ꞌüsüs liji jupj mpes. Jesús tꞌücꞌ pajal ꞌüsüs liji Dios mpes. Nin mpes selecj Dios mpes tsjiꞌ liji.” Nin tepyala mpes fariseopan nepénowa malala yólatsja Jesús poꞌó, nepénowa ꞌüsüs yólatsja. 17 Mpes tjowelepj yom jun tuluctsja lal niswá. Tjowelepj: —Jipj velen jupj tjiꞌyüꞌsa la tjiji jipj jin. ¿Tsjan jin jele jupj? Yom jun tuluctsja tjevele yupj jis lal: —Profeta* jupj, nin nola napj. Dios mpes vele jupj. 18 Judiopan* jis jepapan custjay ma quelel japontsja ninana yomen püs jun tuluctsja jupj. Ma quelel japontsja quina tjiꞌyüꞌsa jun. Mpes yom jamay, popay jis lal tjowelepj jis la cuwis. Tjowelepj wa yupj jis lal. 19 Jis la tjüꞌüy:

El Nuevo Testamento en Tol de Honduras, 2da ed. ©2010, Wycliffe Bible Translators

309

SAN JUAN 9

—¿Ncu ninana nun sin popa? ¿Ncu tꞌücꞌ way tjemyaꞌna pepes jun tuluctsja jupj? ¿ꞌOyn ne ꞌücj nyuca quinam? 20 Yom popay, jamay yupj jis lal tjowelepj: —Selecj ninana cupj qjuis catjam. Selecj way tjemyaꞌna pepes jun tuluctsja jupj. 21 Ma selecj ꞌoyn ne ꞌücj nyuca quinam. Ma wa selecj pjacj tjiꞌyüꞌsa la tjiji jupj jun. La tjüꞌüyá nucú jupj. Püné quinam jupj. ꞌÜcj way vele jupj pꞌiyá tsjan tepyala jupj jun. 22 Yom popay, jamay lacj jeyaptsja judiopan* jis jepapan jis lal, mpes nin tjowelepj yupj. Judiopan nepénowa tjowelepj Jesús ninana Yomen Dios tjevele ca jas majamas jis capj la pꞌacj judiopan. Jepa judiopan ma jisastsja judiopan ninana velam. Mpes yuwá tjowelepj judío pjaní nin cüveles pꞌa lal Jesús poꞌó, yupj ca müjüꞌtücj jupj lovin ma polel ncuwim neꞌaj judiopan ꞌa si mulú ntꞌa. 23 Nin mpes yom popay, jamay tjowelepj: “Püné jupj quinam. La tjüꞌüyá nucú jupj.” 24 Nin mpes judiopan* jis jepapan niswa la tjomon tjacꞌ yom jun tuluctsja. Tjowelepj jupj lal: —Dios wolapꞌaꞌa mvelen tꞌücꞌ ca mvelen jipj quinam Jesús poꞌó. Cupj selecj Jesús ma liji Moisés* popel jyüꞌta jin, mpes malala jupj. 25 Yom jun tuluctsja tjevele: —Napj ma selé ncu Moisés* popel jyüꞌta jin liji. Pjaní way pꞌin selé. Nan tuluctsja pünam; ꞌücj nyuc quinam. 26 Locopyaya jepapan la tjüꞌüy jupj niswá: —¿Tsjan la tjiji jupj jipj lal? ¿ꞌOyn la tjiji tjiꞌyüꞌsa jin? 27 Yomen jis lal tjevele: —Nasa nun lal tjevelé ꞌoyn ne tjiꞌyüꞌsa la tjiji nan. Nun ma quelel pjoꞌoqué, ma quelel nusin ꞌyüsa. ¿Tsjan mpes quelel pjoꞌoqué niswá? Nujisas nun jupj discipulopan* ca nu mpalas, la pꞌa jinwá ca nacj. 28 Judiopan* jis jepapan tsꞌa tjiꞌin yom nin tjevele mpes. Yupj quelel malala javeleptsja jupj lal, mpes tjowelepj: —Jipj Jesús discípulo*; cupj nin tulucj. Moisés* discipulopan ncupj, Moisés pajal püna tüpüꞌü jupj. 29 Cupj selecj Dios Moisés lal tjevele. Nin tulucj Jesús lal. Ma selecj caꞌaj mpe tjacꞌ niná yomen. 30 Yom jun tuluctsja yupj jis lal tjevele: —Napj ma selé ꞌonin nacj ne nin nacj nun ma jus cülayé caꞌaj mpe tjacꞌ jupj. Jupj tjiꞌyüꞌsa la tjiji nan, mpes ca jus cülayé. 31 Cupj selecj Dios ma ca jis cüꞌayas malala lajay la mon jupj lal. Nin yolá Dios pajal ꞌüsüs, pajal püné, lajay wa Dios jos jin, Dios se ꞌaya yupj la mon. 32 Lovin len̈tsja pjacj polel ꞌyüꞌsa liji jun, tjemyaꞌna pepes jun tuluctsja. 33 Yom niná Dios mpe ma ꞌucuy, ma ca polel nin la qjuijis.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 9, 10

310

34 Jupj

nin tjevele na, judiopan* jis jepapan tjowelepj yom jun tuluctsja lal: —Monuna secj pꞌin malálatsja jipj. Lovin nintsja jipj. ¿Tsjan mpes jipj quelel qjuisin ꞌyüsa lejay? Nin tjowelepj na, pjeꞌá la tsꞌi jupj yupj tjatja mpe. 35 Jesús jus nleya judiopan* jis jepapan yom jun tuluctsja pjeꞌá la tsꞌi yupj tjatja mpe. Jus nleya na, la tepyala, jus tjinyuca jupj. Tjevele jupj lal: —¿Ncu pyon jipj Dios jas tjejyama Yom pjaní nucopj la pꞌacj, jupj tjevele jin? 36 Yom jun tuluctsja Jesús lal tjevele: —Nawala mvelen pjacj niná yomen, mpes ca mpon napj jupj lal. 37 Jesús tjevele jupj lal: —Nasa jus tjinyuc jipj. Nasa velen jupj lal. Napj ne jupj. 38 Yomen tjevele: —Pyon napj. Napj Nejepa jipj. Jesús wolapꞌaꞌa palá nipiꞌtje jupj. Jólatsja Jesús pajal püné.

39 Jesús

Nepénowa ma quelel japon, mpes ma japon.

tjevele: —Napj nosis ntꞌa tjacuwis mpes, nepénowa lovin ca mpatjam Dios lal. Nepénowa Dios ca jis capj ntülüs. Nepénowa ma sin ꞌyüsa Dios mpes. Yun tulucj jinwá yupj. Yupj japon na napj mpes, ca ꞌüsüs sin müꞌüsüs. ꞌÜcj januc jinwá ca jis mpalas. La pꞌa nin tulucj yupj. Yupj nin yola nasa sin tjiꞌyüsa quinam. Ma quelel japon napj lal. Nin mpes lovin ma ca polel sin müꞌüsüs Dios mpes. Yun tulucj jinwá ca nsem yupj —nin tjevele Jesús. 40 Fariseopan* nepenowá neꞌaj wa tjatja Jesús ntꞌa. Tjepjyacan̈ jupj tjevelá. Mpes la tjüꞌüy jupj lal: —¿Ncu quelel velen yun tulucj jinwá cupj ꞌotsꞌipj? ¿Ncu quelel velen cupj ma qjuisin ꞌyüsa Dios mpes? 41 Jesús jis lal tjevele: —Nun welé nun ꞌüsüs nusin ꞌyüsa Dios mpes. Nujun tulucj jinwá nacj, Dios ma ca nin jólatsja nun malala nyuca la tjüjí mpes. Mopꞌin welé nun nasa nusin ꞌyüsa Dios poꞌó, mpes Dios newa jola nun malala nyuca la tjüjí mpes —nin tjevele Jesús fariseopan* jis lal.

10

1 Jesús

Jesús tjevele jupj se jamá Dios tsꞌuyupj.

niswa sin ꞌyüsa lis tjiji wa. Tjevele: —Oveja* tjüwücj moꞌo jatja püste na, ca ma malala jis mpalas. Jun vilicj ton̈ca wama la cuwis. La pꞌa ma quelel wama jil jun vilicj mpe, El Nuevo Testamento en Tol de Honduras, 2da ed. ©2010, Wycliffe Bible Translators

311

SAN JUAN 10

pwecapan yupj. Tꞌempe viyá jil wama jil yupj. Lyawun̈ sa ꞌünan. Tꞌücꞌ way niná. 2 Jun vilicj mpe wama jama tjüwücj moꞌó, jupj ne jyama ovejas. 3 Tjüwücj ntꞌa yom pjaní way jáꞌasa, jun vilicj jyama jupj. Oveja jyama tjacꞌ na, yom jun vilicj jyama jun cjyoltse ꞌücj wama la winin. Oveja jyama oveja jis lá tꞌya quinam, mpes jis lá se moná jiquil. Pjeꞌá jis lal jama, mwalá jama oveja jis lal. 4 Pjü jupj jutsꞌaꞌá jis lal pjeꞌá tjemey na, mwalá way jama jupj yupj jis lal. Yupj jupj cjüil jil. Oveja jyama vele pjac sin ꞌyüsa pjacj nepé vele, mpes cjüil jil. Ma wa lacj jeyapj. 5 Yupj ma sa nuc ma cjüil jil. Tsꞌequenen̈ jupj mpe. Ma sa nuc nepé vele pjac ma sin ꞌyüsa pjacj nepé velá, mpes tsꞌequenen̈. 6 Ninana Jesús tjevelá oveja* jyama poꞌó. Nin tjevele sin ꞌyüsa la siji ꞌonin nyuca liji jupj pꞌiyá, ꞌonin nyuca lajay wa jupj mpes japon. Nin pꞌin, yupj ma sin tjiꞌyüsa tsjan poꞌó tjevele jupj. 7 Mpes Jesús niswa tjevele: “Napj tjüwücj jun vilicj jinwá, oveja* patja jinan̈ ntꞌa. Tꞌücꞌ way niná. 8 La pꞌa wa mwalá tjiquil napj lal, tjowelepj sin ꞌyüsa la tjajay ꞌonin ꞌücj la pütꞌüs Dios lal. La tsawiltsja yupj. Pjü ne yupj pequepan jinwá, jaꞌünan jinwá yupj ꞌotsꞌipj. Mopꞌiyá napj lal japon ma topon yupj tjowelepj. 9 Napj jun vilicj jinwá Dios jyüꞌta ntꞌa. Napj mpes pyona, lovin ca Dios lal mpüꞌüm, Dios ma ca cus ntülüs jupj. Napj pjü ca maꞌayá jupj jos, ꞌücj lo pütꞌüs. Nin pꞌiyá liji oveja jyamá. Jupj se ꞌaya oveja jisas ꞌücj jis la pütꞌüs. 10 ”Pequepan jiquil na, jis la pecj mpes jiquil la pꞌin. Jis la ꞌünan mpes jiquil wa. Pjü malala jis la jay mpes jiquil la pꞌin. Nin nepenowá noyomes, la pꞌa sin ꞌyüsa lajay. Yupj javelepj Dios mpes sin ꞌyüsa lajay, mopꞌin ma quelel la najay. La pꞌa wa malala se palá yupj mpes. Napj ꞌa nin tulucj. Napj tjacuwis mpes, napj lal japon lovin Dios lal mpatjam. ꞌÜcj jisas ca mpatjam yupj Dios lal. 11 ”Oveja* jyama pajal ꞌüsüs, ꞌücj jupj lal jupj peꞌe oveja ma ca ncaꞌlin̈. Nin nam. ꞌÜcj napj lal napj ma patsꞌ, napj lal japon ma ca ncaꞌlin̈. 12 La pꞌa wa ma quelel lajay napj lal japon, ma nin lajay napj lejay jinwá. Mozo jin pꞌin yupj. Mozo way pꞌin, oveja jupj jutsꞌaꞌá tulucj. Oveja jyama tulucj jupj. Mpes nyuca na püꞌá jacꞌ, oveja neꞌaj lejen̈ tsꞌüequené jupj. Mpes püꞌá oveja ntjüiꞌle, ne pjü tsꞌequenen̈, sin tjan jil. 13 Mozo, mozo way pꞌin, ma quelel la siji oveja witjacj. Nin mpes püꞌá tjacꞌ na, tsꞌüequené. 14 ”Napj oveja* jyama pajal ꞌüsüs jinwá. Napj yus nyuc napj lal japon; yupj nus januc wa napj. 15 Nin pꞌiyá Mpapay nus nyuca; napj si nuc wa jupj. ꞌÜcj napj lal napj ma patsꞌ ca, mpes napj lal japon ma ca ncaꞌlin̈. 16 Nepénowa judiopan* tulucj ca mponecj wa napj lal.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 10

312

Oveja jyama pajal üsüs, ücj jupj lal jupj pee oveja ma ncalin̈ . (San Juan 10.11)

Dios jos napj mpes ca mpatjam wa yupj jupj lal. Yupj ca la mijicj wa napj velé jin. Pjü napj lal japon napj natsꞌaꞌá ca nsem yupj. Nin pꞌiyá ca nsem yupj jis lal, ne napj pꞌiyá ca jis majamá yupj pjü way, yom jupj oveja jyama jinwá. 17 ”Napj quelel ni püꞌí yupj mpes, niswa la pütꞌüs napj. Nin mpes Mpapay quelel la niji. 18 Ma najas na ꞌünan, ma polel na ꞌünan. Napj ca jis maꞌayá naꞌünan, mpes ma patsꞌ ca. Napj ꞌücj nin jyütütj ma patsꞌ. Napj ꞌücj wa jyütütj ne ca niswa mpüꞌüs. Ninana Mpapay tjevele jupj nin jostsja napj nin lejay”, tjevele Jesús. 19 Jesús ninana tjevele na, judiopan* niswa ma nin pꞌin yólatsja Jesús poꞌó. Nepénowa yólatsja jupj ꞌüsüs, nepénowa yólatsja jupj malala. 20 Pülücj judiopan sin popa javeleptsja: “Lapanen jupj jos moꞌo püꞌü, mpes malala jola jin vele. ¿Tsjan pjucj pjoꞌoqué jupj velá?” 21 La pꞌa wa javeleptsja: “Nin tulucj. Lapanen jupj jos moꞌo cüpütꞌ, ma polel ꞌüsüs la veles, jupj vele jin. Lapanen ma wa cus tjepꞌyaꞌsa tjiꞌyüꞌsa la tjiji yom jun. Dios way pꞌin nin liji niná”, nin tjowelepj judiopan nepenowá. Nepénowa ꞌüsüs jin yólatsja jupj; nepénowa malala jin yólatsja jupj.

22 Pꞌa

Jesús tjevele jupj Dios Jatjam, mpes jepa judiopan tsꞌa tjiꞌin pajal jupj lal.

jawasa Jesús tjuwine niswá Jerusalén moꞌó. La pꞌa fiesta lajaytsja quinam Jerusalén moꞌó. Fiesta niná mpes judiopan* yola El Nuevo Testamento en Tol de Honduras, 2da ed. ©2010, Wycliffe Bible Translators

313

SAN JUAN 10

tepyala püna tepyalá. Püna Dios ma jisas malala la tjajay Dios wo*. Nin mpes judiopan nepenowá la tapalan yupj jis lal. ꞌÜcj la tjajay wa Dios wo. Judiopan niswa tjowelepj Dios wo Dios mpes pꞌin. Mpes pjü año fiesta la tjajay, yola mpalas niná. Jive natsja niná, tsjojose wa na. 23 Corredor Dios wo tꞌasiyú ntꞌa wínetsja Jesús. Corredor niná “Salomón* Corredor” lotsja. 24 Corredor ntꞌa tjuwine na, judiopan nepenowá tjiquil Jesús ntꞌa, tꞌasiyú nyüjünsünün̈. Jupj lal la tjüꞌüy: —¿ꞌOna ꞌüsüs way ca mvelen pjacj ne jipj? Mvelen, qjuisin müꞌüsüs ncu tꞌücꞌ way jipj niná Jepa Püné Dios tjevele ca jas majamas qjuis capj la pꞌacj. 25 Jesús jis wala tjevele: —Nasa tjeveletsja. Nun ma quelel poné napj velé. Napj pajal ꞌüsüs lejay, yom pꞌin ma polel liji jin. Nin lejay Mpapay ntjijütüta jinwá. Nin mpes ꞌücj ca jus cülayé pjacj ne napj. 26 Newa nun ma poné. Napj natsꞌaꞌá popa tulucj nun, mpes nin. 27 Napj lal japon, napj noꞌoveja* jinwá yupj. Napj se jamá yupj. Napj lal japon, napj velé jin lajay. Napj yus nyuc yupj; yupj napj ncapj jacon̈. 28 Napj lejay lovin Dios lal patja, ne yupj ma pjü malala jis mpalas neꞌaj. Len̈ pjacj cüpwecꞌ yupj napj mpes. 29 Mpapay ntjeꞌaya yupj. Jupj más püné pjü jis lal. Len̈ pjacj cüpwecꞌ yupj Mpapay mpes. 30 Napj ꞌa Mpapay jin pꞌiyá. Nin pꞌiyá lijim —nin tjevele Jesús. 31 Jesús nin tjevele na, judiopan* niswa pe natj jay la tsꞌis la ꞌünan jupj. 32 Mpes Jesús nin tjevele yupj jis lal: —Nun tjunucú la pülücj napj pajal ꞌüsüs la tjejay. Nin la tjejay Mpapay tjevele jin. ¿Cana la tjejay mpes quelel na ꞌüꞌná pe mpes? 33 Yupj jupj wola tjowelepj: —Ma ꞌüsüs la tjejay mpes quelel ꞌi ꞌüꞌnam. Jipj tjevelen malala Dios lal, mpes quelel ꞌi ꞌüꞌnam. Yom pꞌin jipj; newa nin jipj velen jipj pꞌiyá Dios. 34 Jesús tjevele yupj lal: —Malala tulucj napj tjevelé. Nun toꞌá Dios Popel. Jupj Popel vele Dios tjevelá israelpan* noypan jis lal pajal püna. Dios tjevele: ‘Nun Dios jinwá gente jis lal. Jüꞌtǘ Dios mpes.’ 35 Cupj selecj Dios Popel lovin tꞌücꞌ vele; jupj Popel tjevele israelpan noypan Dios jinwatsja yupj. Israelpan nenem, Dios jepapan lis tjiji yupj, mpes nintsja yupj. Gente pꞌintsja yupj. 36 Napj más ꞌüsüs yupj jis lal. Mpapay la ntjetꞌá napj ca jupj jos jin la mejay. Nin tjejyama nosis ntꞌa. ¿Tsjan mpes welé nun napj velé malala Dios lal, napj velé na napj Dios Jatjam? 37 Napj ma pajal ꞌüsüs la cüjay Mpapay liji jinwá, ꞌücj ma quelel poné napj velé

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 10, 11

314

napj pꞌiyá poꞌó. 38 Tꞌücꞌ way pajal ꞌüsüs lejay Mpapay liji jinwá. Ca nacj nun ma poné napj pꞌiyá Dios Jatjam napj velé mpes pꞌin. Nun ꞌücj ca mponé napj Dios Jatjam napj pajal ꞌüsüs lejay mpes. Nun poné napj ꞌüsüs lejay Mpapay Dios mpes, nun ca jus nlayé Mpapay napj mpes jáꞌasa, ca jus nlayé napj jupj mpes wa ꞌos —nin tjevele Jesús. 39 Jesús nin tjevele na, judiopan* jis jepapan niswa quelel ntjiꞌlin̈ jupj sa tül. Custjay ma polel ntjiꞌlin̈ jupj. Tjemey. 40 Niswa ꞌüsǘ naꞌaj poꞌó tjemey, ꞌüsǘ Jordán ló jupj. Neꞌaj tjemey Jesús, Juan gente bautizar* lis tjiji ntꞌa püná. Neꞌaj tüpüꞌü. 41 Neꞌaj pülücj tjiquil Jesús ntꞌa. Yuwá javeleptsja: “Juan lovin ma pajal ꞌüsüs la tjiji qjuisin la ꞌüsüs lo jay Dios mpes tjevele jupj. Mopꞌiyá pjü way Juan tjevelá niná yomen poꞌó, pjü tꞌücꞌ waytsja.” 42 Pülücj topon Jesús lal neꞌaj.

11

Jesús tüpüꞌü la tjiji tepeꞌá.

1 Yom

pjaní malala jos tepyala. Jupj Lázaro lotsja. Betania moꞌo pǘꞌütsja. Neꞌaj Betania moꞌo tapatja wa Lázaro toꞌopan manas. María lotsja pjaní wa, Marta lotsja pjaní wa. 2 (María niná quepan qjuis Jepa Jesús tsjom jas tjecjyoꞌla perfume lal. Jay pjucj tsꞌüil lal tjapjaja la tjiji jupj tsjom. Jupj jüpülücj Lázaro tsjyúnatsja.) 3 Lázaro tsjyuna na, jupj toꞌopan taná tjowelepj qjuis Jepa Jesús mpes: “Malala jos jipj jemica, jupj ne pajal quelel lejay jipj”. 4 Jesús tjapjaca na niná, tjevele: “Jupj malala jos mpes, la pꞌa ca sin müꞌüsüs pajal ꞌüsüs Dios. Ca jus nlayecj pajal ꞌüsüs Dios Jatjam. Ma nin tepyala la mas jupj”, nin tjevele Jesús. 5 Jesús pajal quelel la síjitsja conas, Marta ꞌotsꞌipj, María ꞌotsꞌipj, Lázaro ꞌotsꞌipj. 6 Mopꞌiyá ma len̈ way tjemey Jesús jupj ntꞌa. Newa tsꞌacꞌ matꞌe tjáꞌasa neꞌaj, tjáꞌasa ntꞌa. Jupj seletsja jupj ca ꞌüsüs la mijis locopyaya. 7 Locopyaya tsꞌacꞌ matꞌe na, tjevele discipulopan* jis lal: —Mas quinam Judea moꞌó niswá, Lázaro püꞌü ntꞌa. 8 Mpes Jesús discipulopan* tjowelepj jupj lal: —Pajal nin qjuiyola jipj jay Judea moꞌó, judiopan* jis jepapan patja ntꞌa. Nawajaꞌa pꞌin quelel jaꞌünantsja jipj pe mpes. ¿Ncu yupj patja ntꞌa quelel jay jipj? 9-10 Jesús jis lal tjevele: —Jyawca na, hora dóceya jyawca nin jawas. Jaw na wine, ma pojo. ꞌÜcj nyuca jupj, lotsꞌacꞌ jyawca mpes. Püste wine pꞌin pojo, jupj jaw cjuwá mpes. Nin pꞌiyá napj lal. ꞌÜcj jum quinam. Jaw na jinwá napj

El Nuevo Testamento en Tol de Honduras, 2da ed. ©2010, Wycliffe Bible Translators

315

SAN JUAN 11

lal custjay. Ma malala ma palas custjay. 11 Nin tjevele na jupj, tjevele wa discipulopan* jis lal: —Cupj qjuis cajamica Lázaro tjejyá. Napj ca lya miyawǘ jupj, ca jas müjünsüs. 12 Mpes discipulopan* tjowelepj qjuis Jepa lal: —Jupj ꞌa tjejyá, quina wa ca müꞌüꞌsüs jupj. Discipulopan* ma sin tjiꞌyüsa Jesús tjevelá, mpes nin tjowelepj. 13 Jesús quelel véletsja Lázaro tepeꞌe quinam. Nin mpes jupj tjevele “tjejyá” quinam. Discipulopan* yólatsja Jesús nin quelel véletsja Lázaro nasa tjejyá pꞌin. 14 Mpes Jesús ꞌüsüs way tjevele yupj jis lal: —Lázaro tepeꞌe. 15 Más ꞌüsüs ca nsem nun mpes ma tjoꞌos napj Lázaro ntꞌa, malala jostsja na. Napj ca pajal ꞌüsüs la mejay quinam jupj mpes, ne nun ca mponé napj nin poꞌó. Nin mpes ꞌücj najas ma tjoꞌos neꞌaj jupj ntꞌa jupj malala jostsja na. Mas quinam jupj ntꞌa. 16 Jesús nin tjevele na, Tomás tjevele discipulopan* pꞌa wa jis lal: —Mas wa ncupj, ncaꞌlequecj wa Jesús lal. (Tomás ꞌa discípulo* watsja. ‘Pjaní Popa Mátꞌeya’ lotsja wa jupj.) 17 Mpes Lázaro tüpüꞌü ntꞌa tjemey Jesús, jupj discipulopan* jis lal. Jus tjevyanta na, jupj jus nleya tsꞌacꞌ yulupjana tjejyawca quinam tepeꞌe Lazará. Tsꞌacꞌ yulupjana tjejyawca quinam jomwen jul tüpüꞌü Lázaro jüpꞌüy. ꞌÜcj la tjajay la toc, judiopan* lajay jinwá. 18 Lázaro tüpüꞌü ntꞌa Betania lotsja neꞌaj. Neꞌaj way pꞌin Jerusalén ntꞌa, pülücj patja ntꞌa. Tucucꞌ pjaní way pꞌin neꞌaj. 19 Neꞌaj way pꞌin, mpes judiopan* pülücj tjiquil wa Jerusalén mpe yus la nuc Lázaro jüpülücpan, Marta pjaní wa, pjaní wa María. Tjiquil yus la nuc jis pülücj tepeꞌe mpes. Quelel ꞌüsüs javeleptsja yupj jis lal, ma ca pajal nin yola yupj. 20 Marta jus nleya Jesús jacꞌ. Jus nleya na, tjemey la nüjüsü. María newa wa ntꞌa tjáꞌasa. 21 Marta tjevele Jesús lal: —Jipj quiꞌá cücj, ma cüpaꞌistsja nquiway. 22 Newa napj selé Dios ca mya ꞌayas pjü way jipj le mon. 23 Jesús tjevele jupj lal: —Jiquiway ca niswa jas müjünsüs mpüꞌüm niswá. 24 Marta wola tjevele: —Napj selé jupj ca jas müjünsüs mpüꞌüm niswá, nin jawas tecyaꞌlin̈ sin müjünsücj na. 25 Jesús tjevele jupj lal: —Tꞌücꞌ. Napj pꞌiyá ca nin la mejay niná jiquiway mpes. Napj pꞌiyá ca sin müjünsǘ tecyaꞌlin̈. Napj pꞌiyá nin lejay patjá. Napj lal japon,

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 11

316

lovin ca mpatjam. Yupj cyaꞌlin̈ na, newa ca mpatjam. 26 Quina patja, napj lal japon, ma ca ncaꞌlin̈ yupj lovin. ¿Min pyon jipj niná? —nin la tjiꞌyüya Jesús. 27 Marta tjevele: —Napj pyon. Napj pyon jipj niná Yomen Dios tjevele ca jas majamas qjuis capj la pꞌacj. Jipj Dios Jatjam. Püna Dios nin tjevele jipj nosis ntꞌa ca ncuwim. 28 Marta nin tjevele na, wo ntꞌa tjemey niswá. Tjevele ncuwim jüpülücj María. Jupj way lal pꞌin tjevele. Tjevele: —Nasa tjacꞌ sin ꞌyüsa la sijá. Jupj la tjemyona jipj ca mim jupj ntꞌa. 29 María niná tjapjaca na, len̈ way jas nisa, tjemey Jesús ntꞌa. 30 Jesús ma neꞌas tjacꞌ pülücj patja ntꞌa custjay. Newa Marta la nüjüsü ntꞌa tjáꞌasa jupj. 31 María tjemey na, judiopan* nepenowá newa wo ntꞌa tjatja cüiway tepeꞌe mpes. Yupj jus tjunuc jas nisa, len̈ way tjemey. Ma sin tjiꞌyüsa tsjan mpes nin la tjiji. Yólatsja jupj tjemey jüpülücj toc püꞌü ntꞌa lo puyus ca nacj. Mpes cjüil tjil yupj. 32 María neꞌas tjemey Jesús ntꞌa. Jus tjinyuca na, María palá nipiꞌtje jupj wolapꞌaꞌá. Tjevele Qjuis Jepa Jesús lal: —Jipj quiꞌá cücj, ma cüpaꞌistsja mpülücj. 33 Jesús jus tjinyuca María pajal li piyutsja. Tjinyuca wa judiopan* María lal tjiquil pajal la puyuptsja wa yupj. Nin tjinyuca na, pajal ꞌaplijila way tepyala Jesús. Pajal jola tepyala jupj. 34 Jis la tjiꞌyüya yupj jis lal: —¿Caꞌaj tüpüntüpj jupj jüpꞌüy? —Was, jus nlayen —tjowelepj yupj. 35 Jesús la tipiya wa. 36 Mpes judiopan* nepénowa tjowelepj: —Tꞌücꞌ way quelel la tjíjitsja Lázaro. 37 Nepena yupj sin popa wa tjowelepj: —Jesús tjiꞌyüꞌsa la tjiji ma nyucá. ¿Ncu ma polel tjiꞌyüꞌsa la tjiji wa Lázaro, ma lo mas? 38 Niswa pajal jola tepyala Jesús. Lázaro jüpꞌüy tüpüꞌü ntꞌa tjacꞌ quinam. ꞌAmá jul, neven ntꞌa, pǘꞌütsja jupj. Pe püné jun tapá jáꞌasatsja jun vilicj ntꞌa. 39 Jesús tjevele: —Naꞌaj jas tentené pwen. Marta neꞌaj jáꞌasatsja. Tepeꞌe jüpülücj waytsja jupj. Tjevele Qjuis Jepa Jesús lal: —Pajal malala cjumsu quinam. Tsꞌacꞌ yulupjánatsja tepeꞌe nas. 40 Jesús tjevele jupj lal:

El Nuevo Testamento en Tol de Honduras, 2da ed. ©2010, Wycliffe Bible Translators

317

SAN JUAN 11

—Quina ca jus nlayen Dios pajal ꞌüsüs. Niná nasa tjevelé jipj lal. Jipj pyon napj lal, ca jus nlayen Dios pajal ꞌüsüs —nin tjevele jupj. 41 Mpes naꞌaj jas tentené quinam pwen, jun cjol tepyala. Nin la tjajay na, Jesús tjevele Popay Dios lal. Jay la pꞌaꞌa tjinyuca, tjevele: —Wüiꞌis, Mpapay, jipj lal. Napj tjevelé na jipj lal, jipj ntjeꞌan najastsjé. 42 Napj selé lovin pjocꞌ napj velé na jipj lal. La pꞌa pülücj quiꞌá jatja, ma salejepj niná. Nin mpes ꞌücj jis la pjac tjevelé jipj lal. Mpes ca mponecj jipj nin tjejyam —nin tjevele Jesús. 43 Tecyawaja tjevele na Popay Dios lal, Jesús yümücj tjevele: —Lázaro, pjeꞌá was ꞌamá jul mpe. 44 Mpes jupj tjacꞌ, tepeꞌetsjé. Niswa nyucunú quinam. Newa jun tapá jas tjüvüꞌüntsja jupj. Pülül pꞌa wa jay tsupaptsja jupj. Mpes Jesús neꞌaj jatja jis lal tjevele: —Jas ꞌosocté, ꞌücj mim jupj. 45 Judiopan* nepenowá María lal tjil neꞌaj, mpes tjunuc wa Jesús la tjijá. Tjunuc na niná, yupj sin popa pajal pülücj topon Jesús lal. 46 Nepena yupj sin popa ma topon lovin. Más tsꞌa ꞌin jis tepyala Jesús nin la tjiji mpes. Ma jisastsja pülücj japon Jesús lal. Mpes fariseopan* ntꞌa tjil, yupj jis lal tjowelepj Jesús la tjijá. 47 Mpes sacerdote* noypan ꞌa jis tjimyula fariseopan jis lal. ꞌA jis tjimyula na, yuwá jis la tjüꞌüy:

Lázaro nyucunú tepyala, pjeá tjac. (San Juan 11.44) El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 11, 12

318

—¿Tsjan ca la mijicj cupj? Yom niná pajal la pülücj pajal ꞌüsüs liji, yom pꞌin ma polel liji jinwá. Nin mpes sin ꞌyüsa la siji Dios jas tjejyama jupj. 48 Cupj ma polel ꞌyayacj newa nin liji Jesús. Cupj ꞌyayacj Jesús nin liji, ca pjü mponecj jupj niná Yomen Dios tjevele ca jas majamas qjuis capj la pꞌacj. Yupj ca mvelecj Jesús judiopan* jis Jepa. La mpaꞌnacj ca romanopan* jis jepapan jis lal. Nin lajay nampa, romanopan ca ncul, ca pjü malala la mijicj cupj jyüꞌtücj ntꞌa. Ca mvelecj wa cupj ma polel jyüꞌtücj cupj qjuis gentá —nin tjowelepj yupj. 49 Pjaní neꞌaj yupj sin popa, Caifás lotsja jupj. Año niná jupj sacerdote* más pünetsja. Jupj tjevele yupj jis lal neꞌaj: —Nun ma nusin ꞌyüsa jas tüpwes. 50 Nun ma jus nlayé más ꞌücj cupj mpes Jesús mpaꞌis, ma ca judiopan* pjü ncaꞌlin̈. 51 Niná jupj tjevele, jupj jola jin tuluctsja. Dios jola jin tjevele. Caifás sacerdote* más pünetsja nin tepyala na, mpes Dios cus tjepꞌyaꞌsa ꞌücj lo veles tsjan ca mpalas Jesús lal. Nin mpes tꞌücꞌ tjevele Jesús ca mpaꞌis judiopan* mpes. 52 Pjü mpes wa tepeꞌe Jesús, judiopan mpes pꞌin tulucj. Jesús tepeꞌe, ꞌa jis mulus pjü way Dios tsꞌuyupj. Pjü Dios tsꞌuyupj, pjü jun taꞌá patja, pjü jis pülücpan la tjiji jupj. 53 Nin jawas nepé judiopan* jis jepapan nin tjowelepj ꞌoyn la qjuijicj cüꞌüꞌnacj Jesús. 54 Nin mpes Jesús ma tjuwine quinam pülücj patja ntꞌa, judiopan tapatja ntꞌa. Tjemey jupj Jerusalén mpe. Efraín moꞌo tjemey. Pjaní way patja neꞌaj ꞌin. Neꞌaj pꞌintsja wa cjuwá ntꞌa. Neꞌaj tüpüꞌü Jesús jupj discipulopan* jis lal. 55 Nasa quelel fiesta pꞌa wa lajaytsja judiopan*. “Dios Qjuis Capa Nipj Tjemey”* nin lotsja fiesta niná. Mwalá way pꞌin, judiopan pülücj tjil Jerusalén ntꞌa yupj pjaní pjaní pátjatsja mpe. Judiopan püna la tjajay jin pꞌiyá la tjajay wa, salá jinwá jis la pal Dios lal. Ma nin la qjuijicj niná, ma polel fiesta la cüjaytsja yupj. 56 Yupj la tapaltsja Jesús neꞌaj, Jerusalén moꞌó. Ma jus tjunuc, mpes yuwá tjowelepj Jesús poꞌó, ꞌa jis tjimyula na Dios wo* ntꞌa. Tjowelepj: “Jesús ma ncuwim ca nacj fiesta ntꞌa”. 57 Sacerdote* noypan la pal watsja Jesús. Nin pꞌiyatsja fariseopan*. Yupj tjüjütütj judiopan ca jis wala mvelecj caꞌaj jáꞌasa Jesús, yupj jus nlay na pꞌin. Quelel salejeptsja ꞌücj jis la winin jis la tjilil Jesús, cus la tül.

12

1 Tsꞌacꞌ

Quepj pjaní ꞌüsüs la tjiji Jesús lal. (Mateo 26.6-13; Marcos 14.3-9)

séisiya faltar custjay, fiesta mpes Jerusalén ntꞌa, fiesta “Dios Qjuis Capa Nipj Tjemey”* ló. Jesús jama watsja fiesta ntꞌa. El Nuevo Testamento en Tol de Honduras, 2da ed. ©2010, Wycliffe Bible Translators

319

SAN JUAN 12

Mpes Betania neꞌas tjemey jupj, locopyaya quelel jámatsja Jerusalén moꞌó. Betania ntꞌa tüpüꞌü Lázaro. ꞌIn lacasana Lázaro malala jos tepyala, tepeꞌe. Jesús jas tjijyünsa la tjiji jupj, nyucunú tepyala niswá. 2 Mpes Jesús tjacꞌ na Betania ntꞌa, Lázaro ꞌa jis tjimyula jupj jomicapan pülücj Jesús mpes, jis tjaꞌayapj tjalá. Jesús tjáꞌasa, tjelyaja jomicapan jis lal. Marta se ꞌáyatsja jis la las. Lázaro pjaní wa neꞌaj jáꞌasa, lyájatsja Jesús lal, la pꞌa jis lal wa. 3 María Lázaro jüpülücj watsja. Jupj quelel ꞌüsüs líjitsja wa Jesús mpes. Nin mpes newa jalatsja na, Jesús tsjom perfume jas tjecjyoꞌla. Püné jas tjecjyoꞌla jupj, libra pjaní mpes jas tjecjyoꞌla. Perfume niná tꞌücꞌ way nardo* pꞌin waytsja jupj. Pajal ꞌüsüs cjúmsutsja, pajal pülücj jaylactsja jupj. Tsjom jas tjiꞌitsꞌa na perfume mpes, María jas tjicjyücja jay tsꞌüil mpes. Wo jas tüpwes ꞌüsüs tjucjumsu perfume mpes. 4 Jesús discipulopan* neꞌaj jatja watsja. Yupj sin popa pjaní Judas Iscariote lotsja jupj. Simón jatjam waytsja jupj. Judas pꞌiyá malala la tjiji Jesús lal. Pꞌa tjejyawca na jis capj tjepꞌyaꞌsa Jesús enemigopan jis la tjilil jupj. Judas tjevele: 5 —Malala pjü tꞌyu jupj. ¿Tsjan mpes ma vender la tjiji? Tꞌemel ꞌücj así ꞌyáyatsja tꞌemel cjuwá mpes. Pajal pülücj jaylacj ca nactsja perfumas. Yom año pjaní tsjiꞌ liji jaylacj ca nactsja jupj. 6 Nin tjevele jupj, mopꞌin ma tꞌücꞌ nin jólatsja tꞌemel cjuwá witjacj mpes. Jupj pꞌiyá jostsja tꞌemel. Pecj waytsja jupj. Judas jyámatsja tꞌemel pjü discipulopan* yutsꞌaꞌá, Jesús jutsꞌaꞌá wa. Yupj jis tꞌemel tüpweca neneyawá. 7 Jesús tjevele Judas lal: —Po ma cus tjeveꞌle jupj. Jupj selé napj ca ma patsꞌ, mpes nin la tjiji. Custjay ꞌücj nin liji na napj mpes, quelel nin liji jupj. ꞌÜcj la ntjiji yupj ca ntoquecj napj mpes. 8 Tꞌemel cjuwá jis lal ca mpatjaqué nun lovin. Napj ma ca mpüꞌüs nun jis lal lovin.

Sacerdote noypan quelel wa jaꞌünantsja Lazará.

9 Judiopan*

pajal pülücj jus nlay Jesús Betania ntꞌa tjáꞌasa, mpes neꞌaj tjil jus tjunuc. Tjil wa jus la nuc Lazará. Lázaro pꞌiyá tepeꞌe nawajaꞌa. Locopyaya Jesús jas tjijyünsa jupj, nyucunú tepyala niswá, mpes pülücj quelel sa nuctsja jupj. 10 Nin mpes sacerdote* noypan yuwá nin tjowelepj ꞌonin ꞌücj cüꞌüꞌnacj wa Lazará. 11 Judiopan pülücj ma quelel japontsja quinam sacerdote noypan jis lal. Quelel sa con̈tsja Jesús. Jupj pajal ꞌüsüs la tjiji Lázaro mpes, ne pajal pülücj topon Jesús lal quinam.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 12

320

Pajal pülücj tjil la nyüjüsün̈ Jesús, Jerusalén ntꞌa tjemey na. (Mateo 21.1-11; Marcos 11.1-11; Lucas 19.28-40)

12 Ya

pajal pülücj jus nlay Jesús jactsja Jerusalén ntꞌa. Yas way tjiquil fiesta lajay Jerusalén ntꞌa, fiesta “Dios Qjuis Capa Nipj Tjemey”* ló. 13 Mpes tjil la müjüsün̈ Jesús jümücj ntꞌa. La nyüjüsün̈ jepa püné jinwá. Manaca pjwel jatatsja pajal ꞌücj jisastsja mpes. La tupuyupj: —ꞌÜsüs pjac tjowelé Jesús poꞌó. Dios pajal ꞌüsüs ca la mijis jupj mpes. Dios mpes vele jupj, Dios ne cupj qjuis Jepa Püné. Dios pajal ꞌüsüs liji israelpan* jis Jepa lal —nin tjowelepj Jesús poꞌó. 14 Jerusalén moꞌo jámatsja na, Jesús soysoy la tepyala, jus tjinyuca. Casá tjáꞌasa tjemey. Dios Popel nin véletsja nin ca la mijis Jesús. Ninana tjevelá Dios Popel: 15 “Po ma locj tjeyá nun, Jerusalén moꞌo potjaqué. Nun jis jepa ca ncuwim. Soysoy casá ca maꞌajam, ncuwim.” 16 Nin tepyala na, Jesús discipulopan* ma sin tjiꞌyüsa Dios Popel tjevele jin tepyala. Locopyaya Jesús tepeꞌe, niswa jas tjijyünsa, tüpüꞌü. Dios pajal püné la tjiji Jesús. Niná pjü tepyala na, discipulopan yola tepyala Dios Popel nin tjevele nin ca mpalas jupj jas tjejyama lal. Yola tepyala nin pꞌiyá la tjajay Jesús lal, Jerusalén moꞌo tjacꞌ na. 17 Pülücj Jesús lal tjelejen̈ püna pꞌin, Lázaro niswa tüpüꞌü la tjiji na. Yupj tjunuc, tjepjyacan̈ wa Jesús tjevele ncuwim Lazará ꞌamá jul mpe. Tjunuc Lázaro nyucunú tepyala niswá, pjeꞌá tjacꞌ. Yupj tjunuc mpes, tjepjyacan̈ mpes wa, lovin la pꞌa jis wala javelepj watsja niná tepyalá. 18 Javeleptsja mpes, pajal pülücj jus nlay Jesús pajal ꞌüsüs la tjiji, yom pꞌin ma polel liji jinwá. Nin mpes ca jus cülayecj Dios jas tjejyama jupj. Mpes tjil la nyüjüsün̈ Jesús, Jerusalén ntꞌa jactsja na. 19 Fariseopan* tsꞌa ꞌintsja pajal pülücj tjil la nyüjüsün̈. Yuwá tjowelepj: —Pjü quelel lijictsja ma la tjijicj cupj lovin. Más pülücj jupj lal japon quinam. Pjü way quelel sa con̈ Jesús.

Jesús tjevele jupj peꞌe jos Dios, ca gente ꞌücj mpatjam.

20 Lovin

pülücj tjil fiesta niná ntꞌa, pjü año na. Tjil Dios wo* ntꞌa Jerusalén ntꞌa. Tjil la veles Dios pajal ꞌüsüs, pajal püné. Fiesta ntꞌa tjil wa griegopan* nepenowá, judiopan* tulucj. 21 Griegopan Jesús quelel

El Nuevo Testamento en Tol de Honduras, 2da ed. ©2010, Wycliffe Bible Translators

321

SAN JUAN 12

sa nuctsja, jupj lal la veles. Mpes tjil Felipe ntꞌa. (Jesús discípulo* watsja Felipá. Betsaida mpe ꞌeseptsja jupj, Galilea mpe se jütütj ntꞌa.) Griegopan tjowelepj Felipe lal: —Jesús quelel si nucucj. 22 Mpes Felipe tjemey, Andrés lal tjevele niná. Manas tjil Jesús ntꞌa, jupj lal tjowelepj griegopan* quelel sa nuctsja jupj. 23 Jesús yupj jis lal tjevele: —Len̈ way Dios ca gente sin müꞌüsüs la mijis napj pajal ꞌüsüs, pajal püné. Napj pꞌiyá niná Yomen Dios jas tjejyamá. 24 Tꞌücꞌ way ma patsꞌ ca napj. Ma ni püꞌí, nasapj ca mpüꞌüs. Ni püꞌí, pajal pülücj ca mpatjam napj lal. Nin ca nsem setel sine jin pꞌiyá. Setel pjaní sine popé pajal pülücj vyala. 25 Nepénowa po quelel patja nosis ntꞌa. Ma jisas malala se palá, mpes ma polel lajay Dios jos jin. Yupj ma ca polel mpatjam Dios lal. Nepénowa ma nin yola ncu ca mpatjam nosis ntꞌa. ꞌÜcj wa cyaꞌlin̈ Dios jos jin lajay mpes. Nin mpes yupj ca mpatjam wa lovin Dios lal. Nin lovin. 26 Najas napj mpes tsjiꞌ lajay nin pꞌiyá lajay napj lejay jinwá. Nin lajay niná, napj nomozopan ca nsem yupj. Napj ca mpüꞌüs ntꞌa, neꞌaj ca mpatjam wa namozopan. Napj mpes tsjiꞌ lajay, Mpapay ca mveles wa yupj ꞌüsüs. 27 ”Pajal ꞌaplijila way napj quinam. Newa ma ca mvelé Mpapay lal: ‘Ncapj tjepꞌyaꞌsa ma ma ꞌüꞌnacj’. Tjacuwis malala la pal napj, la mas napj. Nin mpes tjacuwis nosis ntꞌa. 28 Jesús Popay lal tjevele: —Mpapay, pjü sin tjüꞌüsüs lis mijin jipj pajal ꞌüsüs, pajal püné wa. Tjevele na niná, tsjun poꞌo nepé vele tjapjaca niná: “Nasa sin tjiꞌyüsa la tjejay napj pajal ꞌüsüs, pajal püné wa. Nin ca la mejay niswá.” 29 Pajal pülücj neꞌaj tjatja Jesús tjáꞌasa ntꞌa. Tjepjyacan̈ wa tsjun mpe tjevele. Mopꞌin ma jus nlay tsjan niná yupj tjepjyacan̈. Nepénowa tjowelepj tꞌiꞌila pjac tjepjyacan̈. Nepénowa tjowelepj: —Ángel* nepé tjevele Jesús lal. 30 Mpes Jesús jis lal tjevele: —Tsjun mpe vele tjapjaca, napj mpes tjapjaca tulucj. Napj selé Mpapay pjoca. Nun mpes vele tjapjaca tsjun nepé, ca nun mponé napj mpes. 31 Len̈ way ca malala jis mpalas gentas, malala la tjajay mpes. Quina diablo* jyüꞌta nosis ntꞌa. Malala ca mpalas wa jupj. Len̈ way Dios naꞌaj ca la ntsꞌiyas jupj, ma müjüꞌtüs diablú. 32 Napj ca pajal ꞌüsüs la mejay gente mpes. Niyom ca nin müjünsücj, campanya ca ma valacj napj. Nin tepyala na, napj pjü gente ca jis capj mpꞌacj mponecj napj mpes —nin tjevele Jesús.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 12

322

33 Jupj

nin tjevele sin ꞌyüsa la mijis nin ca la mijicj mpaꞌis. 34 Jupj tjevele tjepjyacan̈ pajal nin yólatsja jupj tjevele mpes. Tjowelepj: —Dios Popel vele Jepa Püné Dios se jamá qjuis capj la pꞌacj lovin ca mpüꞌüm jupj. Ninana selecj cupj. Jipj velen jipj pꞌiyá niná Jepa Püné Dios jas tjejyamá, mopꞌin velen wa yupj campanya ca mvalacj jipj, mya patsꞌ ca. Jipj tulucj ca nacj Jepa niná Dios se jamá. ¿Pjacj ne jipj? 35 Jesús tjevele yupj jis lal: —Tsjicj way pꞌin ca mpüꞌüs nun lal. Napj jaw jinwá nun mpes. Nusin ꞌyüsa lejay Dios mpes. Napj nun lal püꞌüs na, nusin tjüꞌüsüs nun. Ma nusin ꞌyüsa napj mpes, lovin ma ca jus nlayé ꞌonin ꞌücj la pütꞌüs Dios lal. Ma nusin ꞌyüsam, püste ntꞌa lowiqué jinwá. Püste ntꞌa wine, ma selé caꞌaj jama jupj. 36 Napj nun jis lal püꞌüs na, toponé nun napj nin poꞌó. Napj poꞌo poné, jaw tsjictjacj jinwá ca nsem nun. ꞌÜcj ca nusin müꞌüsüs Dios mpes. Jesús nin tjevele na, tjemey. Yupj ma polel jus la nuc ntꞌa tjemey jupj.

37 Jesús

Judiopan ma topon Jesús niná Yomen Dios tjevele ca jas majamas jis capj la pꞌacj.

pajal pülücj ꞌüsüs la tjiji sin la ꞌüsüs jis la jay Dios jas tjejyama jupj. Yupj tjunuc pajal ꞌüsüs la tjijá. Newa ma topon jupj lal. 38 Mpes nin tepyala Isaías tjevelá püná Dios mpes. Isaías profétatsja* jupj. Ninana jupj tjevele Dios lal: “Yupj ma topon cupj tjevelecj jipj mpes. Ma wa jus nlay tsjan mpes pajal ꞌüsüs lejay jipj.” 39 Isaías tjevele wa tsjan jis tepyala ma quelel japontsja mpes. Tjevele: 40 “Dios yun tulucj jinwá lis tjiji yupj, mpes ma sin ꞌyüsa tsjan niná yupj januc. Jupj lis tjiji yupj ma polel jisas tsjan ꞌüsüs, mpes ma tꞌücꞌ way sin ꞌyüsa yupj. Yupj newa ma quelel sa con̈ Dios, mpes napj ma polel lejay yupj ca ꞌüsüs jis mpalas Dios lal.” 41 Niná Isaías tepyaca Jesús poꞌó. Jesús nosis ntꞌa cuwis secj pꞌin, Isaías jus tjinyuca. Jus tjinyuca jupj pajal ꞌüsüs, pajal püné. Nin mpes nin tjevele Jesús poꞌó. 42 Judiopan* jis jepapan pülücj ma topon Jesús lal, mopꞌin nin, yupj sin popa pülücj topon jupj lal. Newa ma quelel javeleptsja nasa topon yupj. Lacj jeyaptsja fariseopan* jis lal. Fariseopan ma jisastsja judiopan

El Nuevo Testamento en Tol de Honduras, 2da ed. ©2010, Wycliffe Bible Translators

323

SAN JUAN 12, 13

jis la veles Jesús niná Yomen Dios tjevele ca jas majamas jis capj la pꞌacj. Fariseopan tjowelepj judío ninana cüveles Jesús poꞌó, yupj ca müjüꞌtücj jupj lovin ma polel ncuwim neꞌaj judiopan ꞌa si mulú ntꞌa. Nin mpes lacj jeyaptsja. 43 Malálatsja ma quelel javeleptsja nasa topon Jesús lal. Yupj po jisastsja la pꞌa ꞌüsüs yola yupj mpes. Ma pajal nin yólatsja ncu Dios ꞌüsüs jólatsja yupj mpes.

Jesús lal ma pyona, Popay lal ꞌa ma wa pyona.

44 Jesús

pajal yümücj tjevele neꞌaj tjatja jis walapꞌaꞌá: —Napj lal pyona, ma pyona napj lal pꞌin. Pyona wa napj nin tjejyama lal. 45 Nus nyuca, si nucú wa nin tjejyamá. 46 Napj tjacuwis nosis casaꞌá, ca jyawca jinwá nsem napj gente pjü way mpes. Dios mpes sin ꞌyüsa lejay. Napj lal japon, ca sin müꞌüsüs Dios poꞌó. Püste lyawun̈ jinwá tulucj yupj. 47 ”Nepénowa napj velé pjyacan̈, newa ma nin lajay napj velé jin. Napj pꞌiyá ma ca mvelé yupj malala la tjajay. Jis capj la tül mpes tjacuwis tulucj. Napj nosis ntꞌa tjacuwis jis capj la pꞌacj gentas, ꞌücj jis la patj Dios lal. 48 La pꞌa ca mveles malala la tjajay yupj, yupj ne ma quelel la najay, ma wa jisas napj velé. Pjü way napj tjevelé nin ca mveles yupj malala la tjajay. Nin ca nsem nin jawas tecyaꞌlin̈ sin müjünsücj na. 49 Napj lovin vele secj napj nola jin. Mpapay nin tjejyama, ntjijütüta tsjan la veles, ne nin tjevelé napj. 50 Napj selé jupj tjevele mpes gente ca jus nlayecj ꞌonin nyuca ꞌücj lo pütꞌüs jupj lal lovin. Mpes pjü way Mpapay vele napj lal, niná pjü way nin pꞌiyá velé napj —nin tjevele Jesús.

13

Discipulopan ca yola nsem yupj pꞌiyá tsjictjacj.

1 Len̈

way ca fiesta la mijictsja yupj, fiesta “Dios Qjuis Capa Nipj Tjemey”* ló. Jesús seletsja quina ca mim nosis mpe, Popay ntꞌa ca mim niswá. Lovin quelel lis tjiji jupj lal japon, nosis ntꞌa tapatjá. Jesús tüpüꞌü na nosis ntꞌa, lovin quelel la síjitsja pajal. 2 Nasa quelel tꞌyaja na, Jesús discipulopan* jis lal tjáꞌasa lo las. Judas Iscariote pjaní wa neꞌaj jáꞌasatsja. Simón jatjam waytsja jupj, Judas. Jupj nasa quelel jis capj pꞌyáꞌsatsja Jesús enemigopan ꞌücj la tjilil Jesús. Diablo* nin la tjiji Judas nin jólatsja jupj. 3 Jesús seletsja jupj Popay tjeꞌyaya jupj pꞌiyá ꞌücj lo jay pjü. Tꞌücꞌ way pjü ꞌücj la tjiji Jesús. Seletsja wa Dios mpe tjacꞌ, seletsja wa ne niswa Dios ntꞌa ca mim. 4 Mopꞌin mozo jinwá la tjiji jupj. Jas nisa jupj tjelyaja mpe,

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 13

324

jas quip pjeꞌapa jas tjiꞌipje. Pülül wolapé tjevyala, mozo liji jinwá. 5 Locopyaya ꞌüsǘ moꞌo tꞌyu trasto moꞌó, jupj discipulopan jis tsjam sin la patsj. Pjaní pjaní jis tsjam sin tepeꞌe. Pülül jupj wolapé tjevyala mpe jis tsjam tjapjaja la tjiji jupj. 6 Tjacꞌ wa Simón Pedro ntꞌa, jupj tsjom sin la patsj. Tjacꞌ na, Simón Pedro Jesús lal la tjiꞌyüya: —¿Ncu napj ntsjam ca jas mpaꞌin jipj? Jipj napj Nejepa. Ma najas jipj nin lejay napj mpes. 7 Jesús jupj lal tjevele: —Po quina ma jin ꞌyüsa tsjan mpes nin lejay napj. Pꞌa jyawca na ca jin müꞌüsüs. 8 Pedro tjevele: —Lovin ma ca ntsjam jas mpaꞌin. Jesús jupj lal tjevele: —Napj ma pjü salá way la ꞌejay jipj, jipj ma polel ncapj cyon̈. 9 Mpes Simón Pedro tjevele Jesús lal: —Pajal quelel cyapj cyon̈ jipj. Mpes ma najas ntsjam pꞌin mpaꞌin. Nin tepeꞌe namas, nay pjucj ꞌotsꞌipj. 10 Jesús tjevele jupj lal: —ꞌÜcj tsjyam way pꞌin jas la patsj quinam. Tjaꞌasꞌüm na, salá way jipj. Ma jyas la ꞌasꞌüs niswá. Tjuwin mpes tsjyam way pꞌin te. Tsjyam jas tepyatsj na, pꞌyüy jas tüpwes salá way. Nun salá way jinwá quinam Dios lal. Jupj ma nin jola quinam nun malala la tjüjí. Mopꞌin ma nun pjü way salá jinwá Dios lal —nin tjevele Jesús. 11 Jesús seletsja pjacj ca jis lal ncuwim jupj enemigopan jis la tjilil jupj. Nin mpes nin tjevele: “Mopꞌin ma nun pjü way salá jinwá Dios lal”. 12 Tecyawaja na sin tepeꞌe jis tsjam, jas quip pjeꞌapa jas tücüiꞌpe niswá, ꞌetjele niswá. ꞌEtjele na, yupj jis lal tjevele: —Napj sin tepyatsj quinam nutsjom. ¿Ncu jus nlayé tsjan nusin tjiꞌyüsa la tjejay nin la tjejay na? 13 Nun welé napj nusin ꞌyüsa la sejay, welé wa napj nun jis Jepa. ꞌÜcj niná nin welé na. Tꞌücꞌ way niná napj niná. 14 Püné napj nun lal. Napj nun jis Jepa, nusin ꞌyüsa wa lejay; así nin napj nusin tepyatsj nutsjom. Napj nun jis mozo jinwá nin la tjejay napj. Mpes solejé más ꞌücj nun pajal ꞌüsüs lojí nunwa mpes, mozopan jinwá. Tsjictjacj way nun pjü. 15 Napj nin la tjejay mpes nun ca jus nlayé más ꞌücj ca nin pꞌiyá la müjí napj la tjejay jin pꞌiyá. 16 ꞌÜcj nin lejay napj, ꞌücj wa nin lojí nun. Tꞌücꞌ niná. Nun más noypan tulucj napj lal. Mozo más püné tulucj jupj patrón lal. Auxiliar más

El Nuevo Testamento en Tol de Honduras, 2da ed. ©2010, Wycliffe Bible Translators

325

SAN JUAN 13

püné tulucj jyüꞌta lal. 17 Nun jus nlayé quinam más ꞌücj lovin nin lojí nunwá. Nin lojí lovin, ca ꞌüsüs nujisas nsem —nin tjevele Jesús jupj discipulopan* jis lal.

Jesús tjevele ca yupj popa pjaní malala la mijis jupj lal. (Mateo 26.20-25; Marcos 14.17-21; Lucas 22.21-23)

18 Jesús

tjevele wa yupj jis lal: —Pjü nun mpes tulucj nin velé niná. Napj selé nun popa pjaní ma ca nin la mijis napj tjevelé. Napj la nu tꞌya nun ca tsjiꞌ la müjí napj mpes. Napj pajal ꞌüsüs nujus nyuc pjü. Napj selé ca nin mpalas Dios Popel vele jin. Vele: ‘Najamica napj lal lyájatsja, po quelel malala la niji quinam’. Nin ca nsem, ca nin mpalas jupj Popel vele jin. 19 Quina velé nun jis lal nin ca mpalas. Nin tepyala tulucj custjay. Pꞌa jawas ca mpalas. Mpes nin tepyala na napj tjevelé, newa ca mponé nun napj Dios Jatjam. 20 ”Napj ca nusin majam tsjiꞌ la müjí napj mpes. La pꞌa wa sin majam wa ca, tsjiꞌ la mijicj wa ca napj mpes. Jil na napj mpes, nepénowa yupj jil ntꞌa ca ꞌücj jisas nsem yupj tjiquil. ꞌÜcj jisas yupj tjiquil, tꞌücꞌ way ꞌücj jisas wa napj mpes, napj pꞌiyá tjacuwis jinwá. ꞌÜcj jisas napj tjacuwis, ꞌücj jisas wa Dios mpes, jupj pꞌiyá tjacꞌ jinwá. Jupj nin tjejyama napj —tjevele Jesús. 21 Tꞌücꞌ nin tjevele na Jesús, ꞌaplijila waytsja pajal. Jupj seletsja tsjan ca mpalas, mpes niná tjevele yupj jis walapꞌaꞌá: —Nun popa pjaní malala nyuca la mijis napj lal. Jupj ca jis lal ncuwim napj enemigopan, ca yupj ma tjililin̈. Tꞌücꞌ way ca nin mpalas. 22 Nin tjevele na, discipulopan* yuwá yus tjunuc. Pues ma salejeptsja pjacj mpes tjevele Jesús. 23 Discípulo pjaní Jesús lal tjáꞌasa. Jesús pajal quelel líjitsja jupj. 24 Mpes Simón Pedro la seña tjevele niná discípulo lal la ꞌyüya nucus pjacj mpes nin tjevele Jesús. 25 Mpes discípulo niná más ꞌin jun ꞌasas tjemey Jesús ntꞌa, la tjiꞌyüya: —¿Pjacj mpes velen? 26 Jesús jupj lal tjevele: —Pan tsjicj way caldas moꞌo tsꞌyuc, ꞌya lyaja jupj; napj jupj poꞌó velé. Mpes Jesús pan tsjicj way ꞌin tjelepta, caldas moꞌo tsꞌyuca, tjeꞌyaya nlajas Judas. Judas Simón Iscariote jatjam waytsja. 27 Judas ntꞌya na pansas, len̈ way Satanás* jupj jos moꞌo tjemey. (Satanás diablo* jupj. Lapanen jis jepa jupj.) Jesús seletsja tsjan ca la mijis Judas quinam, mpes Judas lal tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 13

326

—Niná jipj quelel lejay, más ꞌin len̈ way la mijin jipj. 28 Pꞌa wa Jesús lal tjatjá ma sin tjiꞌyüsa tsjan mpes nin tjevele jupj. 29 Judas tꞌemel jyámatsja pjü discipulopan* yutsꞌaꞌá, Jesús jutsꞌaꞌá wa. Mpes discipulopan nepénowa yólatsja Jesús nin tjevele jupj lal: “Jutja, jaylacj la mijin cupj qjuisas fiesta mpes nlajacj”. Nepénowa yólatsja jupj tjevele: “Jutja, jis maꞌayan niná gente jis tꞌemel cjuwá mpes”. Nin yólatsja yupj. Ma nin tjevele Jesús. Discipulopan ma sin ꞌyǘsatsja la pꞌin. 30 Judas ntꞌya na pan tsjicj way Jesús tjeꞌyayá, len̈ way tjemey jupj. Pǘstetsja. 31 Judas tjemey na, Jesús tjevele: —Napj pꞌiyá niná Yomen Dios jas tjejyamá. Quina gente ca nucucj ca ꞌüsüs la mejay napj. Napj lejay mpes ca jus nlayecj wa Dios pajal ꞌüsüs, pajal püné. 32 Napj nin lejay gente jus nlayecj Dios pajal ꞌüsüs, pajal püné. Nin mpes wa Dios pꞌiyá ca sin ꞌyüsa la mijis napj pajal ꞌüsüs, pajal püné wa. Len̈ way ca nin la mijis jupj —nin tjevele Jesús.

Jesús yupj jis lal tjevele jupj ca mim quinam.

33 Niná

tjevele wa: —Tsjicj way pꞌin ca moꞌos nun lal quinam, nun napj tsjictjacj jinwá. Nun pajal ca quelel nus nucú. Nun ca jisas nsem napj ca nucopj mpꞌacj. Nin pꞌin, nun ma polel lowú napj jum ntꞌa. Nin tjevelé judiopan* jis jepapan jis lal; quina nin wa velé nun jis lal. 34 Mpes quina ca nu jyütütj tsjan la müjí, nenem ꞌa seyasa way. Ninana nu jyütütj: nunwa quelel la tjüjí nun. Napj quelel la nutjejay jinwá, najas nin pꞌiyá quelel la sojí nunwá. 35 Nun lovin quelel la sojí nunwá, pjü ca jus nlayecj nun napj discipulopan*. Ca jus nlayecj nusin tjiꞌyüsa napj mpes —nin tjevele Jesús. 36 Simón Pedro la tjiꞌyüya Jesús lal: —¿Caꞌaj mim jipj? Jesús jupj lal tjevele: —Napj jum ntꞌa jipj ma polel ncapj cyon̈ quinam. Pꞌa jyawca na ca ncapj ncon̈con neꞌaj, napj jum ntꞌa. 37 Pedro tjevele jupj lal: —¿Tsjan mpes ma polel cyapj cyon̈ quinam napj? ꞌÜcj napj lal ni püꞌí jipj mpes. 38 Jesús jupj lal tjevele: —Tꞌücꞌ tulucj ꞌücj jipj lal jipj ꞌi püꞌí napj mpes. Castlyaj la puyú secj pꞌin yacjaj, la con ca mvelen jipj ma nus nyuc. Tꞌücꞌ niná —nin tjevele Jesús Pedro lal.

El Nuevo Testamento en Tol de Honduras, 2da ed. ©2010, Wycliffe Bible Translators

327

14

1 Jesús

SAN JUAN 14

Jesús mpes pꞌin ꞌücj ca nlaca Dios ntꞌa.

tjevele jupj discipulopan* jis lal: —Po ma pajal nin nujola tꞌas napj ca mis mpes. Nasa toponé Dios pajal ꞌüsüs liji nun mpes. Nin pꞌiyá mponé wa napj pajal ꞌüsüs lejay nun mpes. 2 Mpapay wo pajal püné, pajal la püné neꞌaj, pülücj neꞌaj mpatjam. Napj neꞌaj ca mis ꞌücj la mejay neꞌaj, nun ꞌücj mpatjaqué ntꞌa. Tꞌücꞌ way. Ma tꞌücꞌ nacj, ca cüveletsja niná tꞌücꞌ tulucj. 3 Napj ca mis ꞌücj la mejay nun mpatjaqué ntꞌa. Tꞌücꞌ way ca nin la mejay. Niswa ca ncuwis, ne ca nun jis lal mis napj lal mpatjaqué. Mpes napj püꞌüs ntꞌa neꞌaj wa ca mpatjaqué nun lovin. 4 Nun solejé ꞌonin ne ꞌücj lowú napj jum ntꞌa. 5 Tomás tjevele Jesús lal: —Ma selecj caꞌaj jay jipj. Mpes ma wa selecj ꞌoyn nyuca neꞌas la winin. 6 Jesús tjevele Tomás lal: —Napj mpes pꞌiyá ca neꞌas jay neꞌaj, Dios ntꞌa. Napj mpes pꞌiyá ca nusin müꞌüsüs tꞌücꞌ way Dios poꞌó. Napj mpes pꞌiyá ca jipj mpüꞌüm jupj lal. Napj mpes way pꞌin ꞌücj la winin Mpapay ntꞌa. Ma polel la winin jupj ntꞌa pꞌa ꞌisin. 7 Jesús tjevele wa pjü jupj discipulopan* jis lal: —Nun jus cülayé pjacj ne napj, ca jus cülayé wa pjacj Mpapay. Quina tꞌücꞌ way solejé pjacj Mpapay, jus tjunucú wa jupj quinam. 8 Felipe tjevele jupj lal: —Qjuis maꞌayan jus nucucj Pyapay. Ninana qjuisas pꞌin. 9 Jesús jupj lal tjevele: —Pajal püs tüpüꞌüs nun jis lal. ¿Ncu ma jus nlayen pjacj ne napj? Nun popa nus tjinyuca na, nasa jus tjinyuca wa Mpapay. ¿Tsjan mpes velen: ‘Qjuis maꞌayan nucucj Pyapay?’ 10 ¿Ncu ma pyon Mpapay napj mpes jáꞌasa? ¿Ncu ma pyon napj Mpapay mpes ꞌos wa? Nin pꞌiyá ncupj. Napj tjevelé nun lal, ma napj nola jin tjevelé. Mpapay najas moꞌo püꞌü. Jupj tsjiꞌ liji jupj jos jinwá napj mpes. 11 Najas mponé niná napj velé. Napj Mpapay mpes ꞌos. Mpapay napj mpes jáꞌasa wa. Nun ma poné napj nin tjevelé mpes pꞌin, más ꞌücj ca mponé napj pajal ꞌüsüs way lejay mpes. Mpapay Dios liji jinwá ꞌüsüs lejay napj. 12 ”Napj mpes pyona, nin pꞌiyá ca la mijis napj lejay jin pꞌiyá. Tꞌücꞌ niná. Más ꞌin ꞌüsüs ca la mijis wa napj la tjejay lal. Napj ca mis mpüꞌüs Mpapay ntꞌa, mpes ꞌücj ca ꞌüsüs la mijis. 13 Napj ca pjü la mejay nun lo moná napj lal, nun lo moná na napj mpes. Nin ca la mejay la pꞌa

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 14

328

sin müꞌüsüs la mejay Mpapay pajal ꞌüsüs, pajal püné. 14 Pjü ꞌücj lo moná napj lal, napj mpes lo moná na. Napj mpes lo moná, pjü ca la mejay —nin tjevele Jesús jupj discipulopan* jis lal.

15 Jesús

Jesús tjevele jupj ca jas majamas Dios Cjües.

tjevele wa yupj jis lal: —Nun quelel la nojí, napj nu tjijyütütj jin ca la müjí nun. 16 Napj pꞌiyá ca la mon Mpapay lal jupj ca pꞌa wa jas majamas nucopj la pꞌacj. Mpes nin ca la mijis Mpapay. Pꞌa wa ca ncuwim nun ntꞌa nucopj la pꞌacj. Nucopj ncon̈cos lovin. 17 Ninana Dios Cjües jupj. Jupj gente sin ꞌyüsa liji tꞌücꞌ way Dios poꞌó. Dios ma jisas ma polel jis la taꞌes Dios Cjües yupj jisas moꞌó. Yupj ma jus nlay jupj jáꞌasa. Ma salejepj pjacj jupj, mpes nin. Nun solejé cana Dios Cjües. Jupj nun jis lal püꞌü, ne jupj ca mpüꞌüm nujos moꞌó pꞌa jyawca na. 18 ”Napj jum na, ma ca nusapj nacj. Ncuwis ca nun ntꞌa niswá. 19 Po quina way nosis casá patjá ma ca nus nucucj niswá; nun pꞌin ca nus nucú niswá. Napj püꞌüs mpes, nun mpatjaqué wa ca. 20 Nin jawas, Dios Cjües tjacꞌ na nujos moꞌo la pütꞌüs, nun ca jus nlayé napj Mpapay mpes ꞌos. Ca jus nlayé wa nun napj mpes jotjaqué wa. Ca jus nlayé napj nun mpes ꞌos wa. 21 ¿Cana quelel la niji? Nun popa selé napj jyütütj, liji wa niná, ninana quelel la niji tꞌücꞌ way. Jupj quelel la niji na, Mpapay ca quelel la mijis jupj. Napj ca quelel la mejay wa jupj, ne ca mis jupj ntꞌa, jas müꞌüsüs ca la mejay jupj napj mpes —nin tjevele Jesús yupj jis lal. 22 Jesús nin tjevele na, Judas pꞌa wa (Judas Iscariote tulucj) la tjiꞌyüya jupj: —¿Tsjan mpes jipj ca qjuisin müꞌüsüs la mijin cupj pꞌin jipj mpes? ¿Tsjan mpes ma ca sin müꞌüsüs la mijin pjü wa nosis casá patjá? 23 Jesús jupj lal tjevele: —Nun popa quelel la niji na, napj velé jin liji jupj. Ninana liji na, Mpapay ca quelel la mijis jupj, ne cupj ca nlaca jupj ntꞌa jupj jos moꞌo la pütꞌüs. Pjü ma quelel la najay, mpes ma wa pjü ntꞌa ca nlaca la pütꞌüs yupj jisas moꞌó. 24 Ma quelel la najay na, ma wa lajay napj velé jin. Nin mpes ma wa lajay Dios jos jinwá. Napj nusin ꞌyüsa lejay, ma napj nola mpes nin velé. Napj velé Mpapay jola mpes. Jupj nin tjejyama. 25 ”Napj püꞌüs nun lal pꞌin, nin tjevelé nun lal, nusin ꞌyüsa lejay mpes. 26 Dios Cjües tjacꞌ na, jupj ca nusin müꞌüsüs la mijis pjü way. Jupj ca la mijis nujola mpalas pjü way napj tjevelé nun jis lal. Jupj jacꞌ nucopj la pꞌacj. Mpapay ca jas majamas jupj nun ntꞌa napj mpes.

El Nuevo Testamento en Tol de Honduras, 2da ed. ©2010, Wycliffe Bible Translators

329

SAN JUAN 14, 15

27 ”Napj

lejay ma nujola nsem pjü mpes. Napj ma nola jinwá, nin pꞌiyá ma nujola nsem lejay napj. Tꞌücꞌ way nin lejay nun mpes. Más ꞌüsüs lejay nun mpes nosis casá patja lajay lal. Po ma pajal nin nujola tꞌas napj jum quinam. Ma wa locj meyá. 28 Nujola tapalas napj tjevelé nun jis lal. Tjevelé: ‘Napj jum nas quinam, niswa ca ncuwis nun ntꞌa’. Nun quelel la cüjí napj, ꞌücj nujos nactsja nun napj jum Mpapay ntꞌa. Más püné jupj napj lal. 29 Nin tjevelé quinam nun jis lal, ma nin tepyala na pꞌin, mpes nin tepyala na napj tjevelé, nun ca mponé napj nin poꞌó. 30 ”Ma polel pülücj la veles nun jis lal quinam. Diablo* jacꞌ quinam. Jyüꞌta jupj nosis casaꞌá. Jupj pꞌiyá ma polel malala la nqjuijis. 31 Napj jum Mpapay jos jin lo jay. Najas nosis ntꞌa patja jus nlayecj ca napj pajal quelel lejay Mpapay, mpes pjü ni jütüta, pjü nin lejay napj. Mas quepé —nin tjevele Jesús.

15

Jesús jis capj pꞌyaꞌsa ꞌüsüs la mijicj.

1 Jesús

tjevele jupj liji ꞌücj ca ꞌüsüs la qjuijicj Dios jos jin. Ninana jupj tjevelá: —Napj uva ꞌüpǘ tsꞌil jinwá. Nun napj mpjel jinwá. Mpapay uva jis pjel tꞌyüjü lo valas jinwá liji jupj. Nin liji jupj nun mpes. 2 Yom uva pjwel tꞌyüjü, nyuca pjwel ma vyala, tꞌyüjü jupj. La pꞌa wa vyala nyuca, tsjicj way pꞌin tꞌyüjü jupj, más pülücj lo valas. 3 Ninana la tjiji quinam Dios nun mpes. Nun toponé napj tjevelé, mpes jupj la tjiji nun ꞌücj lojí jupj jos jin. 4 Najas lovin ncapj ncon̈có. Nun ncapj con̈có, napj ca nucopj ncon̈ wa. Nun ma ncapj con̈có, ma polel lojí Dios jos jin, yo pjwel tꞌü ma vyala jinwá. ꞌÜcj ton̈ca na, ꞌücj lo valas. 5 ”Napj uva ꞌüpǘ tsꞌil jinwá. Nun mpjel jinwá. Nun lovin ncapj con̈có, napj nucopj cyon̈ wa, tꞌücꞌ way nun ca pajal ꞌüsüs la müjí Dios jos jin. Napj ma nucopj pꞌyacj, nun ma polel lojí Dios jos jin. 6 Nun popa ma ncapj cyon̈ca, yo pjwel naꞌaj la Uva velan̈ . (San Juan 15.5)

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 15

330

tsꞌiya jinwá jupj. Yo pjwel naꞌaj la tsꞌiya, tsꞌüique jupj. Tsꞌüique mpes yom tꞌeꞌenca jupj, ꞌamá li tsꞌiyá, mpem ca quinam. 7 ”Nun lovin ncapj con̈có, nun lovin lojí wa napj tjevelé, nun ꞌücj lo moná Dios lal nun nujos, ne nin ca la mijis jupj. 8 Nun pajal ꞌüsüs lojí Dios jos jin, la pꞌa ca jus nlayecj Dios pajal ꞌüsüs, pajal püné. Ca jus nlayecj wa tꞌücꞌ way nun napj discipulopan*. 9 Mpapay quelel la niji jinwá, nin pꞌiyá napj quelel la nusejay nun. Lovin ncapj ncon̈có; nin lojí, napj ca quelel la numejay lovin. 10 Nun nin lojí napj tjijyütütj, napj ca quelel la numejay lovin. Nin pꞌiyá napj lal. Mpapay ntjijütüta jin la tjejay napj, mpes jupj quelel la niji lovin. 11 ”Najastsja ꞌücj nujos nsem nun lovin, napj ꞌücj najas jinwá. Nin mpes ninana tjevelé nun jis lal. La tjüjí na napj tjevelé jin, ca ꞌücj nujos nsem nun pajal. 12 Ninana napj nu jyütütj: nunwa quelel la nutjüjí. Napj quelel la nutjejay jinwá, nunwa quelel la nutjüjí. 13 Yom pjaní way peꞌe jis capj la pꞌacj jomicapan, ninana más püné quelel liji pjü jis lal. 14 Nun lojí napj nu jyütütj, nun napj najamicapan. 15 Napj ma velé quinam nun napj namozopan. Mozo ma selé tsjan mpes jupj patrón liji lijá. Quina velé nun napj najamicapan. Pjü Mpapay tjevele napj lal, pues pjü nusin tjiꞌyüsa la tjejay nun. Nin mpes velé nun napj najamicapan. 16 ”Nun ma la ntjetꞌá napj. Napj la nu tꞌya nun. Napj nusin tjejyam nun pajal ꞌüsüs la müjí Dios jos jin. Lovin ca ꞌüsüs mpalas nun ꞌüsüs la tjüjí mpes. Nin mpes, pjü lo moná Mpapay lal napj mpes, pjü ca nu maꞌayas jupj. 17 Ninana napj nu jyütütj nun: quelel la nutjüjí nunwá —nin tjevele Jesucristo.

18 Ninana

Jesús tjevele gente ma jisas jupj lal japon.

tjevele wa Jesús: —Nun ncapj con̈có mpes, gente ma jisas nun. Nujola tapalas püs way nas yupj ma jisastsja napj. 19 Nun pꞌiyá nosis ntꞌa patja jinwá nacj, nosis ntꞌa patja quelel la quijicj wa nun, yupj sin popa jinwá. Nun ꞌa yupj jin tulucj. Napj pꞌiyá la nu tꞌya nosis casá patja popé ncapj la con̈. Nin mpes nosis casá patja ma jisas nun. 20 Nujola tapalas napj tjevelé nun jis lal: ‘Mozo más püné tulucj jyüꞌta lal’. Malala quelel la najaytsja napj, ca malala quelel la nusejay wa nun. Ma la tjajay napj tjevelé, mpes yupj ma wa ca la mijicj nun welé jin. 21 Ncapj con̈có, mpes ca nin la mijicj nun lal. Yupj ma sa nuc Dios, mpes nin. Dios nin tjejyama napj.

El Nuevo Testamento en Tol de Honduras, 2da ed. ©2010, Wycliffe Bible Translators

331

SAN JUAN 15, 16

22 ”Napj

ma ꞌucuwistsja yupj ntꞌa jis lal la veles Dios poꞌó, Dios ma nin jola cüpalastsja yupj ma japon. Tꞌücꞌ way jola jupj quinam yupj ma japon mpes. Yupj nasa tjepjyacan̈ napj tjevelé, mpes malala nin, yupj ma japon. 23 Yupj ma jisas napj, ma wa jisas napj Mpapay. 24 Napj ma pajal püné la cüjaytsja, la pꞌa ma liji jinwá, Dios ma ca jola cüpalastsja pajal malala nin, yupj ma japon. Nasa tjunuc napj pajal ꞌüsüs la tjejay, newa ma jisas napj, ma wa jisas Mpapay. 25 Yupj jis papel tjevele jin tepyala. Tjevele: ‘Yupj sin nin ma jisastsja napj’. Jis papel vele Dios tjijyüꞌtá, mpes tꞌücꞌ tepyala jupj tjevelá —nin tjevele Jesús. 26 Jesús tjevele wa jupj discipulopan* jis lal: —Dios Cjües ncuwim nucopj mpꞌaꞌsas. Tjacꞌ na, jupj ca mveles gente jis lal jupj selé napj mpes. Jupj sin ꞌyüsa la siji tꞌücꞌ way Dios poꞌó. Mpapay mpe jacꞌ jupj. Napj pꞌiyá ca jas majam jupj Mpapay mpe. 27 Najas nun ca mvelé wa nun solejé way napj mpes. Nun lovin ncapj tocon̈có napj mwalá way sin tjiꞌyüsa la tjejay na, newa nin —nin tjevele Jesús yupj jis lal. 1 Jesús tjevele wa niná: —Nin tjevelé nun jis lal, mpes nin tepyala na, napj tjevelé jin, newa ca mponé nun napj mpes. 2 Judiopan* jis jepapan ca müjüꞌtücj nun lovin ma polel nlawú judiopan ꞌa si mulú ntꞌa. Más malala ca la mijicj wa. Nu jaꞌünan na, pjü yupj ca yola nsem Dios jos jin lajay yupj. Nin ca nsem pꞌa jyawca na. 3 Yupj lovin ma cus tocon̈ Mpapay, ma wa ncapj tocon̈ napj. Nin mpes ca nin la mijicj yupj nun jis lal. 4 Nin tjevelé nun jis lal, mpes yupj ninana la nusejay na, nun ca nujola mpalas napj tjevelé ca nin mpalas. Ma nin tjevelé püna pꞌin, napj nun jis lal tüpüꞌüs mpes.

16

5 Jesús

Jesús tjevele Dios Cjües ca ncuwim.

tjevele wa jupj discipulopan* jis lal: —Mpapay nin tjejyama. Napj ca mis quinam jupj ntꞌa. Newa ma pjaní nun popé nla ꞌyüya ne caꞌaj jum napj. 6 Napj tjevelé ca mis, mpes pajal ꞌaplijila nu tepyala nun. 7 Mopꞌin más ꞌüsüs nun mpes napj jum. Tꞌücꞌ way niná. Napj ma jum, Dios Cjües ma ncuwim nucopj la pꞌacj. Napj jum, jas majam ca jupj nun ntꞌa. 8 Jupj tjacꞌ na, jupj ca sin müꞌüsüs la mijis gentas tꞌücꞌ way malala nyuca la tjajay yupj. Ca sin müꞌüsüs la mijis wa tsjan tꞌücꞌ way ꞌüsüs Dios lal. Ca sin müꞌüsüs la mijis Dios ca jis capj ntülüs malala lajay. 9 Jupj ca sin müꞌüsüs la mijis tꞌücꞌ way malala Dios lal ma japon napj lal.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 16

332

10 ”Napj

mis ca Mpapay ntꞌa, ne nun ma ca nus nucú quinam. Mpes ca Dios Cjües sin müꞌüsüs la mijis wa tꞌücꞌ way napj ꞌüsüs, Dios ntꞌa tjum mpes. 11 Diablo* jyüꞌta nosis ntꞌa po quina way pꞌin; Dios nasa tjevele jupj ca cus ntülüs diablú. Mpes Dios Cjües gente ca sin müꞌüsüs la mijis wa Dios ca jis capj ntülüs malala nyuca lajay. 12 ”Pülücj quelel velé nun jis lal custjay, pajal ca pülücj nacj nun jis lal. Mpes ma ca pjü mvelé nun jis lal quinam. 13 Dios Cjües tjacꞌ na, jupj ca nusin müꞌüsüs la mijis pjü way tꞌücꞌ way. Jupj gente sin ꞌyüsa la siji tꞌücꞌ way Dios poꞌó. Jupj ma vele jupj jola way jin pꞌin. Jupj tjapjacá, nin ca mveles. Nun jis lal ca mveles pꞌa jyawca na ca mpalas. 14 Lovin ca sin müꞌüsüs la mijis gentas napj pajal ꞌüsüs, pajal püné. Jupj ca nusin müꞌüsüs la mijis napj velé. 15 Pjü way Mpapay vele, nin pꞌiyá velé wa napj. Mpes tjevelé: ‘Jupj ca nusin müꞌüsüs la mijis napj velé’. 16 ”Püs way tepyala na, ma ca nus nucú. Locopyaya pꞌa wa püs tepyala na, nun ca nus nucú niswá, Mpapay ntꞌa jum mpes —nin tjevele Jesús. 17 Jesús discipulopan* ma sin tjiꞌyüsa Jesús tjevelá. Mpes yupj nepenowá yuwá tjowelepj: “¿Tsjan vele niná? Jupj vele püs tepyala na, ma ca jus nucucj. Locopyaya pꞌa wa püs tepyala na, ca jus nucucj niswá. Tjevele wa Popay ntꞌa ca mim.” 18 Ma sin tjiꞌyüsa mpes newa jis la tjüꞌüy yuwá: “¿Tsjan quelel vele niná: ‘püs tepyala na’ ca nin mpalas? Ma qjuisin ꞌyüsa jupj velá.” 19 Jesús seletsja yupj quelel la ꞌüytsja jupj lal. Mpes jupj tjevele yupj jis lal: —Nun nu la tjüꞌüyá nunwá tsjan mpes napj tjevelé püs tepyala na, ma ca nus nucú. Locopyaya pꞌa wa püs tepyala na, ca nus nucú niswá. 20 Tꞌücꞌ way niná. Pajal ꞌaplijila ca nsem nun. Pajal ca la mpuyú. Nin tulucj Dios ma jisas jis lal. Yupj pajal ꞌücj jisas nsem. Nun pꞌin pajal ꞌaplijila ca nsem malala tepyala mpes. Locopyaya pajal ꞌücj nujisas mpalas. Nun ca jus nlayé malala tepyala pajal ꞌüsüs. 21 Quepj tsjicj way quelel myaꞌna na, ꞌaplijila pyala jupj malala jos ca mpalas quinam. Tsjicj tjemyaꞌna na, ꞌücj. Tsjicj jamay pajal ꞌücj jos tsjicj way tjacꞌ quinam. Mpes ma jola quinam pajal vyájatsja yas nam. 22 Quina ꞌa nin wa nun jis lal. Nun ꞌaplijila quinam. Pꞌa jyawca na ca nu müꞌüꞌsüs. Napj ca nujus nuc niswá, ne pajal ca ꞌücj nujisas nsem nun. Nin tepyala na, la pꞌa ma ca polel la qjuijis ꞌaplijila cüpalas nun. 23 ”Nin tepyala na, ma ca nla müꞌüyá napj lal. Tꞌücꞌ way la talata lo moná Mpapay lal, jupj ca nu maꞌayas nun, napj mpes lo moná mpes.

El Nuevo Testamento en Tol de Honduras, 2da ed. ©2010, Wycliffe Bible Translators

333

SAN JUAN 16, 17

24 Custjay

lo moná secj nun napj mpes. Najas lovin la moná, ne nun lo moná ntaꞌé ca. Noꞌoté lo moná, mpes pajal ca ꞌücj jisas nsem nun tꞌücꞌ way. 25 ”Napj tjevelé nun jis lal costa way ꞌin jas la ꞌüsüs. Pꞌa jyawca na ma ca nin nsem. Ma ca nin jinwá velé nun jis lal. ꞌÜcj jas la ꞌüsüs mvelé nun jis lal Mpapay poꞌó. 26 Ninana tepyala na, napj ma ca la cümon Mpapay lal nun mpes. Nun pꞌiyá ca la moná Mpapay lal, napj mpes lo moná mpes. 27 Nun quelel la ntüjí. Nasa toponé wa Dios mpe tjacuwis. Nin mpes Mpapay quelel la nusiji wa nun, ne ꞌücj ca nsem nun lo moná jupj lal. 28 Tꞌücꞌ way Mpapay mpe tjacuwis. Nosis ntꞌa tjacuwis napj. Quina mis wa ca niswá nosis casá pem. Mpapay ntꞌa ca mis niswá —niná Jesús tjevelá. 29 Nin tjevele na, jupj discipulopan* tjowelepj jupj lal: —ꞌÜsüs qjuisin ꞌyüsa velen quinam. Parábola* mpes tulucj qjuisin ꞌyüsa lejay quinam. 30 Cupj jus nlayecj quinam jipj pjü selen. Jis la ꞌüy secj pꞌin, jipj selen tsjan quelel lya ꞌüy yupj. Nin mpes pyonecj Dios mpe tjacuy jipj. 31 Jesús jis la tjiꞌyüya: —¿Ncu tꞌücꞌ way poné quinam? 32 Pjü ca ntsꞌequenequé. Pjü ca nuwó ntꞌa nlawú, ne napj nasapj ca moꞌos. Len̈ way ca nin mpalas. Mopꞌin ma ca nasapj nsem napj, Mpapay napj nlal. 33 Najas nun ma nin nujola nsem; najas ꞌüsüs mpatjaqué nun ncapj con̈có mpes. Nin mpes niná tjevelé nun jis lal. Nosis casá patja ma jisas napj, mpes malala ca nu mpalas neneyawá. Po ma locj tjeyá. Napj más pünetsja lovin nosis ntꞌa patja jis lal. Lovin nin —nin tjevele Jesús.

17

Jesús Popay lal la tjemyona jupj lal japon mpes.

1 Jesús

tecyawaja tjevele na niná discipulopan* jis lal, jupj tjinyuca tsjun poꞌó, tjevele Popay Dios lal. Tjevele: “Mpapay, quina ca ma patsꞌ. Jipj ntꞌa ca mis niswá, jipj tjevelen jin. Sin tjüꞌüsüs lis mijin gentas napj pajal ꞌüsüs, pajal püné. Mpes wa napj mpes ca sin müꞌüsüs wa jipj pajal ꞌüsüs, pajal püné. 2 Jipj ntjeꞌan ꞌücj jis müjütütj pjü gentas. Mpes gente jipj ntjeꞌan ꞌücj lovin ca mpatjam jipj lal ca la mejay napj. Nin mpes la ꞌe mon gente sin müꞌüsüs lis mijin napj ꞌüsüs, napj püné. 3 Yupj cyapj jacon̈ na, ncapj jacon̈ wa na, yupj lovin ca mpatjam jipj lal. Jipj pjaní tꞌücꞌ way Dios. Jipj nin tjejyam jis capj la pꞌacj gentas, püna tjevelen jin. 4 ”Nosis ntꞌa napj sin ꞌyüsa la tjejay jipj pajal ꞌüsüs, pajal püné. Pjü way tecyawaja la tjejay jipj ntjijütütj. 5 Mpapay, nosis cjuwatsja na

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 17

334

pꞌin, cupj ꞌa mulutsja pajal pünetsja. Quina la ꞌe mon napj pajal püné ca nsem niswá jipj pütꞌ ntꞌa, püna jin pꞌiyá. 6 ”Napj sin ꞌyüsa la tjejay noyomes nenem jipj poꞌó. Jipj ntjeꞌan yupj, nosis casá patja sin popé. Yupj jipj jitsꞌaꞌatsja yas nam, ne jipj ntjeꞌan yupj quinam. Yupj la tjajay jipj tjevelen jin. 7 Quina yupj salejepj jipj ntjeꞌan pjü. Jipj pꞌiyá nin la tjejay napj mpes. 8 Jipj tjevelen napj lal, napj tjevelé nin pꞌiyá yupj jis lal. Yupj jisas napj tjevelé. Salejepj tꞌücꞌ way napj jipj mpe tjacuwis. Topon wa jipj nin tjejyam. 9 ”Quina la ꞌe mon yupj mpes. Ma la ꞌe mon jipj ma jisas mpes. La ꞌe mon jipj ntjeꞌan mpes pꞌin. Jipj jitsꞌaꞌá way yupj, mpes quina la ꞌe mon yupj mpes. 10 Pjü napj natsꞌaꞌá, jipj jitsꞌaꞌá wa; jipj jitsꞌaꞌá, napj natsꞌaꞌá wa. Niná noyomes la pꞌa sin ꞌyüsa la tjajay napj pajal ꞌüsüs, pajal püné. 11 ”Nasa ca mis quinam napj nosis mpe. Mopꞌin ninana noyomes ca mpatjam nosis ntꞌa custjay. Napj jipj ntꞌa ca mis. Mpapay Dios, pajal ꞌüsüs way jimpe. Jipj ntjeꞌan niná noyomes. Mpes najas jis majaman, jipj pjü ꞌücj lejay mpes, ca yupj lovin cyapj ncon̈cocj. Nin mpes yupj pjü nin pꞌin yola ca nsem yom pjaní jinwá, cupj jin pꞌiyá. 12 Napj tüpüꞌüs na yupj jis lal, napj pꞌiyá lovin jis tjejyamá, mpes lovin cyapj tocon̈ yupj. Jipj püné mpes ꞌücj nin la tjejay. Jis tjejyamá ne pꞌa wa ma malala lis tjiji. Ma pjaní len̈ tjevyala. Pjaní pꞌin tjemey. Ma quelel cyapj cyón̈catsja jupj. Jupj lovin malala lajay popa pꞌiyatsja. Jipj Pyapel tjevele ca nin mpalas, ne nin tepyala, ca nin mpalas jipj Pyapel tjevelá. 13 ”Quina ca mis jipj ntꞌa. Ninana tjevelé nosis ntꞌa ꞌos na pꞌin, yupj pajal ꞌücj jisas la sejay, napj pajal ꞌücj najas jinwá. 14 Nas tjevelé yupj jis lal tsjan niná jipj quelel velen gente jis lal. Nosis ntꞌa patja ma jisas yupj quinam. Yupj ma yuwal yola nosis casá patja jis lal, napj jinwá. Napj ma wa yuwal nola nosis casá patja jis lal. Mpes nosis casá patja ma jisas yupj. 15 Ma la ꞌe mon jipj ca jis man yupj nosis mpe. Napj la ꞌe mon jipj ca majaman yupj, diablo* ma malala lis mijis yupj. 16 Gente jipj ntjeꞌan ma nin pꞌin yola nosis ntꞌa patja jis lal. Nin pꞌiyá napj. Napj ma wa nin pꞌin nola nosis casá patja jis lal. 17 Sin tjüꞌüsüs lis mijin tꞌücꞌ way. Nin la mijin niná noyomes pajal ꞌüsüs witjacj ca nsem, ne ca yupj la mijicj jipj velen jin pꞌin. Pjü jipj velen tꞌücꞌ way. 18 Jipj nin tjejyam nosis ntꞌa patja ntꞌa. Nin pꞌiyá napj sin tjejyam wa yupj nosis ntꞌa patja ntꞌa. 19 Napj nin lejay jipj velen jin lovin, ca ꞌüsüs jis mpalas yupj. Napj nin lejay mpes, tꞌücꞌ way yupj ꞌücj ca la mijicj wa jipj velen jin lovin.

El Nuevo Testamento en Tol de Honduras, 2da ed. ©2010, Wycliffe Bible Translators

335

SAN JUAN 17, 18

20 ”Ma

la ꞌe mon noyomes qui jatja mpes pꞌin. La pꞌa mpes ꞌa le mon wa. La pꞌa wa ca mponecj napj lal, niyom qui jatja javelepj mpes. Jipj lal velé yupj mpes wa. 21 Pjü mpes la ꞌe mon nin pꞌiyá ca yola nsem pjü, cupj jin pꞌiyá. Jipj napj mpes jacꞌ; napj jipj mpes ꞌos wa. Mpapay, najas ca nin pꞌiyá nsem, yupj ca majatjum cupj mpes. Nin mpes nosis ntꞌa patja mponecj ca jipj nin tjejyam. 22 Jipj la tjejay napj ꞌücj la cüjay. Napj nin pꞌiyá la tjejay yupj jis lal. Napj la tjejay ca yupj ꞌücj wa la quijicj, napj jin pꞌiyá. Nin mpes ꞌücj nin pꞌiyá yola ca nsem yupj yuwá, cupj nin pꞌiyá qjuiyola jinwá. 23 Napj yupj mpes ꞌos; jipj napj mpes jacꞌ wa. Nin mpes ꞌücj ca nin pꞌiyá yola yuwá tꞌücꞌ way. Nina jis tepyala na, nosis casá patja ca jus nlayecj jipj napj nin tjejyam. Ca jus nlayecj wa jipj quelel la sejay napj mpes japon, jipj quelel la nejay jinwá. 24 ”Mpapay najas gente jipj ntjeꞌan mpatjam wa napj püꞌüs ntꞌa. Najas neꞌaj ca jus nlayecj jipj la ntjejay napj pajal püné. Nosis cjuwatsja na, jipj quelel la nejaytsja, mpes jipj la tjejay niná napj mpes. 25 Mpapay, jim ꞌa pajal ꞌüsüs. Nosis casá patja ma jis januctsja jipj; napj ꞌa jis nuctsja. Ninana noyomes jus nlay jipj nin tjejyam. 26 Napj sin ꞌyüsa la tjejay jipj mpes. Newa ca sin ꞌyüsa la mejay. Nin mpes jipj quelel la ntjejay jinwá, nin pꞌiyá ca quelel la mijicj yupj pꞌa wa, ne napj ca mpüꞌüs yupj jisas moꞌó”, nin tjevele Jesús Popay lal.

18

Niyom pülücj tjiquil la tjilil Jesús. (Mateo 26.47-56; Marcos 14.43-50; Lucas 22.47-53)

1 Jesús

nin tjevele na niná, nepé tjemey jupj discipulopan* jis lal. ꞌÜsǘ vequecj la pja naꞌaj poꞌó tjil. Cedrón lotsja jupj, ꞌüsǘ vequecj la pja ntꞌa. Neꞌaj sin lejen̈. Sin lejen̈ moꞌo tjemey Jesús, jupj discipulopan jis lal. 2 Judas Jesús enemigopan jis capj pꞌyáꞌsatsja jis la tjilil Jesús. Jupj selé watsja Jesús tjemey ntꞌa. La pülücj Jesús jupj discipulopan ꞌa jis tjimyula neꞌaj, mpes seletsja Judas. 3 Nin mpes Judas pajal pülücj jis lal tjacꞌ militar romanopan*, Jesús tjáꞌasa ntꞌa. Auxiliarpan nepénowa jis lal tjacꞌ wa. Auxiliarpan sacerdote* noypan mpe tjiquil, fariseopan* mpe wa tjiquil. ꞌIyó jaw, lámpara* jaw wa tjiquil. Pjü way ꞌücj jis la palan tjiquil. 4 Jesús seletsja tsjan ca mpalas jupj quinam, pjü way seletsja. Mpes Jesús pjeꞌá tecyala la nüjüsü yupj. Jis la tjiꞌyüya: —¿Pjacj lo palá nun? 5 Yupj jupj lal tjowelepj:

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 18

336

—Cupj le palacj Jesús, Nazaret mpe ꞌesepj jupj. Jesús tjevele yupj jis lal: —Napj ne Jesús. Judas neꞌaj wa tón̈catsja militarpan jis lal, auxiliarpan jis lal wa. Judas jis capj tjepꞌyaꞌsa Jesús enemigopan jis la tjilil Jesús. 6 Jesús tjevele na: “Napj ne Jesús”, yupj jis cjüipe jin tjil, jis tyüꞌna. 7 Mpes Jesús jis la tjiꞌyüya niswá: —¿Pjacj lo palá nun? Yupj jupj lal tjowelepj: —Cupj le palacj Jesús, Nazaret mpe ꞌesepj jupj. 8 Jesús yupj jis lal tjevele: —Napj nuwola tjevelé napj ne Jesús. Nun napj la no palá, mpes jis tjaꞌayá mal noyomes napj lal jatjá. 9 Jupj nin tjevele ca nin mpalas jupj Popay lal tjevelá. Yacjaj pꞌin nin tjevele Popay lal: “Napj jis tjejyamá mpes ma pjaní len̈ tjevyala jipj ntjeꞌan popé”. 10 Simón Pedro polomay tyáꞌatsja jupj. Polomay syultsꞌa quinam neꞌaj tjiquil popa jay lo jocj. Yom pjaní jay tjejyoꞌo, pjotsꞌ liꞌinyampe taná tꞌyüjü jupj. Niná yomen Malco lotsja jupj. Mozo waytsja jupj sacerdote* más püné mpes. 11 Jesús ma jostsja pjotsꞌ tjejyoꞌo. Mpes tjevele jupj lal: —Vaina moꞌo jas tjejyama jipj polomay. Mpapay jos malala ne palá quinam. Najas jupj jos jin ca ma palas. Ma ca ntsꞌequenes. 12 Nin tjevele na, niyom pülücj ntjiꞌlin̈ Jesús. Nin la tjajay militar romanopan*, yupj jis jepa ꞌotsꞌipj, judiopan* auxiliarpan ꞌotsꞌipj. Tsupapj jupj pjwel poꞌó. 13 Tjaman jupj judío püné ntꞌa mwalá way. Judío niná Anás lotsja. Caifás joyomtsja jupj. Joway sacerdote* más pünetsja nin tepyala na. 14 ꞌIn lacasana Caifás pꞌiyá tjevele judiopan jis jepapan jis lal más ꞌücj yom pjaní mpaꞌis, ca ma ncaꞌlin̈ judiopan pjü way.

Pedro tsyüpünǘ Jesús discípulo jupj. (Mateo 26.69-70; Marcos 14.66-68; Lucas 22.55-57)

15 Simón

Pedro Jesús cjüil tjemey campapé. Discípulo* pꞌa wa cjüil tjemey wa. Sacerdote* más püné neꞌas jus tjinyuca discípulo niná. Si nucutsja mpes, jupj ꞌücj wama tjemey wosis tꞌasiyú tjüwücj moꞌó, Jesús tjáꞌasa ntꞌa. 16 Pedro newa tüwütüwǘ ton̈ca jun vilicj ntꞌa. Tsjücjüim jun vilicj jyámatsja. Discípulo maꞌajapj si nucutsja sacerdote más püné, mpes niswa jun vilicj ntꞌa tjemey, tjevele jun vilicj jyama

El Nuevo Testamento en Tol de Honduras, 2da ed. ©2010, Wycliffe Bible Translators

337

SAN JUAN 18

lal. Nin mpes Pedro lal tjacꞌ tꞌasiyú tjüwücj moꞌó. 17 Jun vilicj jyama tjevele Pedro lal: —¿Ncu Jesús discipulopan* popa wa jipj? Pedro tjevele: —Nin tulucj. 18 Pajal tsjojósetsja. Mpes mozopan ꞌawa jus tꞌol ꞌetsjecj mpes. Tꞌasiyú tjelejen̈ jis la sis. Nin la tjajay wa militarpan. Pedro yupj jis lal ton̈ca wa la sis.

Anás la tjiꞌyüya Jesús lal. Jostsja tsjan mpes mveles malala la tjijá. (Mateo 26.59-66; Marcos 14.55-64; Lucas 22.66-71)

19 Anás

sacerdote* más pünetsja püna pꞌin. Jupj la tjiꞌyüya Jesús lal jupj discipulopan* sin poꞌó. La tjiꞌyüya wa tsjan sin tjiꞌyüsa la tjiji jupj. 20 Jesús jupj lal tjevele: —Napj tjevelé pjü ꞌücj jis la pjac ntꞌa. Wosis judiopan* ꞌa si mulú ntꞌa sin ꞌyüsa la tjejay napj lovin. Dios wo* ntꞌa sin ꞌyüsa lis tjejay wa, pjü judiopan ꞌa si mulú ntꞌa. Pequé tjevelé tulucj. 21 ¿Tsjan pjucj nin nla ꞌyüy napj? Pülücj tjepjyacan̈ napj tjevelé. Jis la tjiꞌyüya tsjan tjevelé. Yupj salejepj. 22 Jesús nin tjevele na, auxiliar pjaní Jesús wola poꞌó tyüla jupj. Neꞌaj pꞌin tón̈catsja. La tjiꞌyüya Jesús lal: —¿Tsjan pjucj tjevelentsja nin jinwá, sacerdote* más püné lal? 23 Jesús tjevele jupj lal: —Malala tjevelé tulucj. Napj malala tjevelé, pjü jis walapꞌaꞌa mvelen tsjan malala tjevelé. Napj ꞌücj tjevelé, ¿tsjan mpes nawala poꞌó tyül? —tjevele jupj. 24 Yacjaya Anás Jesús jas tjejyama Caifás ntꞌa. Caifás sacerdote* más pünetsja quinam. Jesús tsyuꞌpa tjemey.

Pedro niswa tsyüpünǘ Jesús discípulo jupj. (Mateo 26.71-75; Marcos 14.69-72; Lucas 22.58-62)

25 Mwalá

way pꞌin, Jesús neꞌaj ton̈ca na pꞌin, Simón Pedro ꞌawa ntꞌa ton̈ca süise. La pꞌa neꞌaj lejen̈tsja la tjüꞌüy jupj lal: —¿Ncu jupj discipulopan* popa wa jipj? Pedro tsyüpünǘ. Tjevele: —Nin tulucj nam. 26 Yom pꞌa wa neꞌaj tón̈catsja, mozo watsja jupj sacerdote* más püné mpes. Mozo nenem pjotsꞌ jay tjejyoꞌo jopey. Pedro pꞌiyá mozo jopey pjotsꞌ jay tjejyoꞌo. Mpes jupj tjevele Pedro lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 18

338

—Napj nola napj jis tjinyuc sin lejen̈ ntꞌa Jesús lal. 27 Pedro niswa tsyüpünǘ. Len̈ way la tipiya costlyas.

Judiopan jis jepapan jisastsja jepa romano ca cus ntülüs Jesús. (Mateo 27.1-2, 11-26; Marcos 15.1-15; Lucas 23.1-5, 13-25)

28 Locopyaya

yupj Jesús lal tjil Caifás wo mpe. Jepa romano* wo ntꞌa tjaman jupj. Pajal püstaptsja. Judiopan* jis jepapan jisastsja jepa romano ca cus ntülüs Jesús. Yupj pꞌiyá ma wama tjil jepa romano wo moꞌó. Yupj yólatsja ma polel wama mal judío tulucj wo moꞌó. Judío tulucj wo moꞌó jil, malala nsem yupj Dios lal. Malala yupj Dios lal, ma ca polel nlajacj oveja* pisis fiesta na, fiesta “Dios Qjuis Capa Nipj Tjemey”* ló. 29 Nin mpes jepa romano pjeꞌá tjacꞌ yupj ntꞌa. Jepa romano Pilato lotsja jupj. Jupj tjevele judiopan jis jepapan jis lal: —Nawala tjowelé tsjan la tjiji yom niná. 30 Yupj jupj wola tjowelepj: —Yom niná ma malala nyuca la qjuijistsja, ncupj ma ca ꞌucumantsja cus cütül. 31 Yupj nin tjowelepj na, Pilato yupj jis lal tjevele: —Nun pꞌiyá tjamanú jupj. Nun la tjüꞌüyá ncu malala la tjiji. Nun jis jepapan jajütütj jin la müjí jupj lal. Yupj tjowelepj jupj lal: —Ncupj qjuis jepapan jajütütj la ꞌünan jupj. Jipj judío* tulucj. Jipj jyütütj ma polel la qjuijicj niná ncupj. 32 Nin mpes nin tepyala Jesús tjevelá. Jupj tjevele cruz* poꞌo ca mvalas, mpaꞌis. Judiopan* ma salejepj la ꞌünan cruz poꞌó. Romanopan* cruz poꞌo jis capj jatül. 33 Pilato wo moꞌó tjemey niswá, tjevele ncuwim Jesús. La tjiꞌyüya jupj lal: —¿Ncu jipj judiopan* jis jepa püné? 34 Jesús la tjiꞌyüya jupj lal: —¿Ncu jipj pꞌiyá quelel selen mpes nla ꞌyüy niná? ¿Ncu pꞌa wa javelepj mpes nla ꞌyüy? 35 Pilato tjevele: —Napj pꞌiyá quelel selé tulucj. Judío* tulucj nam. Jipj gente popa tucuman jipj napj ntꞌa, napj cyapj la tül. Sacerdote* noypan pꞌiyá la tjajay niná. ¿Tsjan malala la tjejay jipj? 36 Jesús tjevele jupj lal: —Tꞌücꞌ way Jepa napj, mopꞌin napj nosis casá jajütütj jin lejay tulucj. Napj cüjütütj nosis ntꞌa jajütütj jinwá, napj ca jis cüjütütj namozopan

El Nuevo Testamento en Tol de Honduras, 2da ed. ©2010, Wycliffe Bible Translators

339

SAN JUAN 18, 19

jis la palan judiopan* jis lal, ma ma tjililin̈. Yupj ma nin la tjajay. Napj quiꞌá jajütütj jin tulucj. 37 Mpes Pilato tjevele Jesús lal: —Nin velen tꞌücꞌ jepa jipj. Jesús jupj lal tjevele: —Tꞌücꞌ way. Napj ne jepa. Napj tjacuwis nosis casaꞌá tꞌücꞌ way la veles gente jis walapꞌaꞌá, napj selé mpes. Nin mpes tjacuwis napj. Gente quelel salejepj tsjan tꞌücꞌ way, yupj pjyacan̈ napj velé. Napj velé jin lajay wa yupj. 38 Pilato tjevele Jesús lal: —Ma polel jus cülayes tsjan tꞌücꞌ way. Pilato nin tjevele na, niswa pjeꞌá tjemey judiopan* la nuctsja ntꞌa. Tjevele yupj jis lal: —Tꞌücꞌ la tjiꞌyüy napj. Ma polel la veles jupj malala li jam. 39 Napj lovin yom pjaní se jam cawilta mpe nun jis fiesta pyala na, fiesta ‘Dios Qjuis Capa Nipj Tjemey’* ló. Lovin nin lejay nun mpes. ¿Ncu nujisas Jesús se jam cawilta mpe nun mpes? Jupj judiopan* jis jepa püné. 40 Pilato tjevele na niná, yupj la tupuyupj: —Ma qjuisas se jam jupj. Qjuisas Barrabás se jam. Barrabás pwequepj waytsja jupj.

19

Pajal la pjütsꞌüntsja Jesús mpes. (Mateo 27.26-29; Marcos 15.16-19)

1 Nin

tjevele na, Pilato jis tjijyüꞌta jupj militarpan moꞌo jasüp Jesús ꞌüpǘ mpes, ne nin la tjajay yupj. 2 Militarpan la tjüpjütsꞌün wa Jesús. Yo pjwel jam jus tjulujupj Jesús jay la ꞌonsos. Jesús jay tjoꞌonsopj, corona* jay tjáꞌasatsja jinwá. Je jas tücüipap wa. Jepa püné jas quip jin justa la tjajay. 3 La pülücj jupj wolapꞌaꞌa jiquil watsja, javeleptsja: —Qjuisas ꞌücj jyas mpüꞌüm. Jipj jepa püné judiopan* jis lal. Nin tjowelepj na, wola poꞌo jatültsja jupj.

4 Niswa

Pilato ma quelel jyǘꞌtatsja jis la ꞌünan Jesús. La pꞌa jisastsja mpes la tjiji jupj.

pjeꞌá tjacꞌ Pilatá, judiopan* tjatja ntꞌa. Tjevele yupj jis lal: —Quina ca mvelé Jesús ncuwim, nun jus nucú. Mpes jus nlayé napj ma tjinyuc malala la tjijam. 5 Mpes pjeꞌá tjacꞌ Jesús. Yo pjwel jam jay jáꞌasatsja custjay jupj. Jas quip je militarpan jas tücüipap newa sa capyatsja jupj. Jesús tjacꞌ na, Pilato judiopan* jis lal tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 19

340

Militarpan la tjüpjütsün Jesús. (San Juan 19.3)

—Jus ꞌunuca niná yomen. 6 Sacerdote* noypan jus tjunuc na Jesús, yupj yümücj tjowelepj: —Cruz* poꞌo tjevyala jupj, mpaꞌis. Cruz poꞌo tjevyala jupj, mpaꞌis. Nin pꞌiyá yümücj tjowelepj wa yupj jis militarpan. Pilato tjevele yupj jis lal: —Nam ma ca müjütütj niná. Nun pꞌiyá cruz* poꞌo tjovalá jupj. Napj nasa la tjiꞌyüy tjinyuc jupj. Napj velé jupj ma la tjiji nun welé jupj poꞌó. 7 Judiopan* tjowelepj Pilato lal:

El Nuevo Testamento en Tol de Honduras, 2da ed. ©2010, Wycliffe Bible Translators

341

SAN JUAN 19

—Jupj tjevele jupj pꞌiyá Dios Jatjam. Ncupj qjuis jepapan jajütütj ma polel la veles nenem. Jajütütj tepeꞌe nas ca cus ntül nin tjevele mpes. 8 Pilato tjapjaca na yupj nin tjowelepj, más lecj jéyatsja. Ma quelel si tülütsja jupj Jesús. 9 Wama tjemey jupj wo ntꞌa, tjevele Jesús lal: —¿Caꞌampe ꞌesepj jipj? Jesús ma lal tjevele. 10 Pilato tsꞌi tjiꞌina Jesús lal, ma lal tjevele mpes. Mpes tjevele Jesús lal: —¿Ncu ma velen napj lal? Napj ca ꞌücj jin cüjam, ꞌücj wa ca cüjütütj cruz* poꞌo cüvalacj, ca ꞌi quipatsꞌ. 11 Jesús jupj wola tjevele: —Dios ꞌe tjeꞌaya ꞌücj lo jütütj ꞌoyn nyuca la cüjay napj lal. Dios ma queꞌas, jipj ma ca cüjütütsja ꞌoyn nyuca la cüjay napj lal. Nin mpes yom pꞌa wa más malala la tjiji jipj lal, jupj nlal tjacꞌ jipj ntꞌa. 12 Jesús nin tjevele na, Pilato pajal quelel se jamatsja Jesús. Mopꞌin yümücj tjowelepj judiopan*: —Jipj se jam niná, romanopan* jis jepa püné jomica tulucj jipj. Jesús vele jupj pꞌiyá jepa püné. Yom pjaní nin vele jepa püné wa jupj, enemigo jupj romanopan jis jepa püné lal. 13 Pilato nin tjapjaca na yupj tjowelepj, pjeꞌá tjacꞌ Jesús lal. Pilato silla casá tjáꞌasa nin la veles ncu cus ntülüs Jesús. Nin mpes niná sillas. Jupj palá ꞌetjele na silla casaꞌá, pjü jus nlay jupj ca mveles quinam ncu sa tül. Silla ntꞌa Gabato ló neꞌaj. Ncupj velecj “Pe Noypan ꞌAmaꞌá”. 14 Judiopan* newa fiesta lajaytsja, fiesta “Dios Qjuis Capa Nipj Tjemey”* ló. Yacjaj pjü ꞌücj lajaytsja ya mpes, ya ma polel tsjiꞌ la mijicj fiesta mpes. Lotsꞌacꞌ culupwen ntꞌa jáꞌasa nas. Pilato judiopan jis lal tjevele quinam: —Jus tjunuca nujepa püné. 15 Pilato nin tjevele na, yupj yümücj tjowelepj: —¡Tjüꞌüꞌna jupj! ¡Tjüꞌüꞌna jupj! Cruz* poꞌo tjevyala, mpaꞌis. Pilato tjevele yupj jis lal: —Malala nyuca nujola nun. Malala nin nujisas napj ca müjütütj yupj ca cruz* poꞌo mvalacj nujepa püné. Sacerdote* noypan jupj wola tjowelepj: —Romanopan* jis jepa püné, cupj qjuis jepa püné jupj. Len̈ pꞌam. 16 Mpes Pilato tjijyüꞌta yupj jisastsja jin ca nsem. Tjijyüꞌta militarpan Jesús cruz* poꞌo ca mvalacj.

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 19

17 Niná

342

Yupj Jesús cruz poꞌo tjovalapj la ꞌünan. (Mateo 27.32-44; Marcos 15.21-32; Lucas 23.26-43)

tjijyüꞌta mpes militarpan tjil Jesús lal. Jesús pꞌiyá cruz* tjyama jámatsja. Jay Pjucj Cjüele lotsja neꞌaj, jupj tjemey ntꞌa. “Gólgota” tjowelepj judiopan* jis tin. 18 Neꞌaj Jesús cruz poꞌo tjovalapj. Niyom pꞌa wa matꞌeyá cruz poꞌo jis tjovalapj wa pꞌa wa cruz poꞌó. Jesús tꞌempe jis tjovalapj. Jesús tón̈catsja culupwen yupj jis lal. 19 Pilato tjijyüꞌta tabla mpaquecj, Jesús jay pjucj ntꞌa lo valas cruz poꞌó. Tabla niná moꞌo tepyaca tsjan mpes cus tül Jesús. Ninana tepyacá niná: NINANA JESÚS, NAZARET MPE ꞌESEPJ. JEPA PÜNÉ JUPJ JUDIOPAN JIS LAL. 20 Jesús cruz* poꞌo tjovalapj ntꞌa neꞌaj way pꞌin Jerusalén nepem. Nin mpes judiopan* pülücj moꞌo tjowelepj niná moꞌo tepyacá. Jis tin contꞌe mpes tepyaca, judiopan jis tin pjaní wa, pjaní wa romanopan* jis tin, pjaní wa griegopan* jis tin. 21 Sacerdote* noypan judiopan sin popé, ma jisastsja niná tepyacá. Mpes yupj Pilato lal tjowelepj: —Po ma tepyaca: ‘Jepa püné jupj judiopan* jis lal’. Más ꞌücj mpaquen: ‘Ninana yomen tjevele jupj jepa püné judiopan mpes’. 22 Pilato yupj jis wala tjevele: —Napj tepyac jinwá maꞌajam lovin. 23 Militarpan Jesús cruz* poꞌo tjovalapj na, natj yupj Jesús jas quip. Militar yulupjana játjatsja neꞌaj, mpes Jesús jas quip la tequeman̈, jis tjaꞌayapj yuwá, yulupjana yutsꞌaꞌá. Natj wa Jesús jas quip wampa, pajal ꞌüsüs waytsja niná. Jupj jas quip wampa jus tjulul tulucj, jas toptsja la pꞌin. 24 Mpes militarpan yuwá tjowelepj: —Po ma la tequemam niná. Mpjelaquecj nucucj pjacj ntaꞌes niná. Ne nin la tjajay yupj. Dios Popel tjevele ca nin la mijicj yupj, ne tꞌücꞌ way nin la tjajay, jupj Popel tjevele jinwá. Dios Popel tjevele: “Nin quip la tequeman̈, jis tjaꞌayapj yuwá. Tjepjelan̈ tjunuc pjacj ntaꞌes nin quip.” Ne nin la tjajay militarpan. 25 Pꞌa wa neꞌaj lejen̈tsja cruz* ton̈ca ntꞌa, neꞌaj pꞌintsja ꞌin. Pjaní wa Jesús jamaytsja, pjaní wa Jesús jomapj, pjaní wa María, Cleofas jatsꞌom, pjaní wa María Magdalena lotsja jupj. 26 Discípulo* pjaní neꞌaj pꞌin ton̈ca watsja cruz ton̈ca ntꞌa. Jesús pajal quelel líjitsja jupj. Mpes Jesús tjinyuca na discípulo niná neꞌaj way pꞌin jamay ton̈ca mpe, jupj tjevele jamay lal:

El Nuevo Testamento en Tol de Honduras, 2da ed. ©2010, Wycliffe Bible Translators

343

SAN JUAN 19

—Namay, niná jipj jetjam quinam. 27 Jesús tjevele wa discípulo* niná lal: —Ninana jemay quinam. Mpes nin jawas pꞌiyá discípulo* niná Jesús jamay lal tjemey jupj wo ntꞌa lo pütꞌüs.

Jesús tepeꞌe. (Mateo 27.45-56; Marcos 15.33-41; Lucas 23.44-49)

28 Locopyaya

Jesús seletsja pjü tꞌücꞌ la tjiji Dios jostsja jin. —ꞌÜsǘ nive —tjevele jupj. Dios Popel tjevele nin ca mveles, mpes niná tjevele na, tꞌücꞌ la tjiji Dios Popel tjevelá. 29 Uva ꞌüsǘ ꞌona neꞌaj jáꞌasatsja botella moꞌó. Mpes esponja* tjiꞌitsꞌa la tjajay uva ꞌüsǘ lal, yo hisopo* ló poꞌó tsupapj, viyá tecyacaná Jesús lo müs. 30 Jesús tjümüꞌü na niná, tjevele: —Tꞌücꞌ la tjejay quinam. Tjevele na, jay tꞌyoca, tepeꞌe. 31 Nin jawas pjü ꞌücj lajaytsja ya mpes, ya ma polel tsjiꞌ la mijicj fiesta mpes. Judiopan* ma jisastsja niyom jis pꞌüy newa cruz* poꞌo velan̈ tsꞌacꞌ niná yupj ma polel tsjiꞌ lajay na, sábado* nsem. Sábado ma tsjiꞌ lajay jawas tsjay ꞌüsüstsja fiesta mpes. Nin mpes yupj la tjomon Pilato lal militarpan niyom jis tecj la ꞌul, más ꞌin len̈ way ncaꞌlin̈. La tjomon wa palá jis la cutj jis pꞌüypan tecyaꞌlin̈ na. 32 Mpes militarpan cruz tjelejen̈ ntꞌa tjil. Nin jawas pꞌiyá niyom matꞌe cruz poꞌo tjovalapj Jesús lal. Quina yom mwalá tüecj la tjuꞌul. Locopyaya yom maꞌajapj tüecj la tjuꞌul wa. 33 Ma la tjuꞌul Jesús tüecj. Jesús ton̈ca ntꞌa neꞌas tjiquil na, jus tjunuc nas tepeꞌe quinam. Mpes ma tjuꞌul jupj tüecj. 34 Militar pjaní Jesús wüintsꞌil poꞌo tsjyaca yo jay tsꞌülül lal. Len̈ way ꞌas tepyala, ꞌüsǘ wa tepyala. 35 Napj pꞌiyá tjinyuc nin tepyalá, mpes velé napj tjinyuc. Velé tꞌücꞌ velé. Nin velé ca ꞌücj mponé wa nun. 36 Pjü niná tepyala pjü nin la pal Dios Popel tjevelá. Jupj Popel vele: “Jupj cjüele popé ma ca pjaní la cꞌulim”. 37 Pꞌa ntꞌa Dios Popel moꞌó vele wa: “Jupj ꞌatsjac, tjüꞌünan, jus nucucj wa ca yupj”.

38 Pjü

Jesús jüpꞌüy tüpüntüpj pe jul moꞌó, neven ntꞌa. (Mateo 27.57-61; Marcos 15.42-47; Lucas 23.50-56)

niná tepyala na, yom pjaní Pilato ntꞌa tjemey, la tjemyona Jesús jüpꞌüy la toc. Pilato tjevele ꞌücj la taꞌes jupj jüpꞌüy, mpes tjacꞌ, El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 19, 20

344

palá ntꞌya jüpꞌüy. Yom nin la tjijá José lotsja. Arimatea mpe ꞌeseptsja jupj. Jesús discípulo* watsja. Lecj jéyatsja la pꞌin judiopan* jis jepapan jis lal, mpes lyájasa wínetsja püna pꞌin; püna ma véletsja la pꞌa jis lal jupj cus tecyon̈ca Jesús. 39 Nicodemo tjacꞌ wa José lal Jesús jüpꞌüy la taꞌes. Püna jupj püste na tjacꞌ, tjinyuca Jesús. Nicodemo pomada tequeꞌe Jesús jüpꞌüy jas la cjolol. Pomada mirra* mpes la tjajay, áloe* mpes la tjajay wa, ꞌüsüstsja pajal. Pomada pajal püné tequeꞌe, quintal pjaní jinwá tü waytsja. 40 Mpes yupj manas tjatꞌ Jesús jüpꞌüy, ꞌücj la tjajay la toc, judiopan lajay jinwá. Pomada pülül jas tjocjolol, jas tjüwüꞌün Jesús. 41 Neꞌaj way pꞌintsja Jesús cruz* poꞌo tjovalapj mpe, neꞌaj sin lejen̈. Sin lejen̈ ntꞌa pe jultsja, neven ntꞌa, tecyaꞌlin̈ moꞌo la püntüpj. Newa moꞌo püntǘ secj tepeꞌá pe jul moꞌó. 42 Mpes Jesús jüpꞌüy pe jul tüpüntüpj, neꞌaj pꞌintsja mpes. Tsꞌacꞌ niná nasa cyawájatsja, tsꞌacꞌ ꞌücj lajaytsja ya mpes. Ya ma ca polel tsjiꞌ la mijicj. Nin mpes ma pꞌa wa la tjajay.

20

Jesús jas tjijyünsa la pütꞌüs niswá. (Mateo 28.1-10; Marcos 16.1-8; Lucas 24.1-12)

1 Domingo na, María Magdalena neꞌas tjemey pe jul ntꞌa. Pajal püstaptsja, jaw secj pꞌin. Jupj tjinyuca jun vilicj jun cjol quinam. Pe jomwen jul ntꞌa tjoꞌonsopj nawajaꞌa, jas tentené, jun cjol tepyala quinam. 2 Mpes tsꞌüequené, Simón Pedro ntꞌa tjemey, discípulo* pꞌa wa ntꞌa wa. Jesús pajal quelel líjitsja discípulo niná. María Magdalena tjevele yupj jis lal: —Yupj pjeꞌá tjaman qjuis Jepa jüpꞌüy pe jul mpe. Cupj ma selecj caꞌaj tüpüntüpj jupj. 3 Mpes Pedro tjemey. Discípulo* maꞌajapj cus tecyon̈ca. Pe jul ntꞌa jiltsja Jesús jüpꞌüy tüpüntüpj ntꞌa. 4 Manas tsꞌequenen̈, mopꞌin discípulo maꞌajapj más ꞌin yümücj tjemey, más ꞌin len̈ way neꞌas tjemey pe jul ntꞌa. 5 Jay tꞌyoca, tjinyuca. Tjinyuca pülül newa patja, jüpꞌüy len̈. Ma wama tjemey jupj. 6 Locopyaya neꞌas tjemey wa Simón Pedro. Jupj pe jul tjemey. Tjinyuca wa pülül newa neꞌaj pátjatsja. 7 Tjinyuca wa pülül jay tsyúꞌpatsja jas tjan tüpüꞌü, jas tjüwüꞌün pǘꞌütsja. Ma pülül la pꞌa lal pǘꞌütsja. 8 Discípulo* maꞌajapj mwalá way neꞌas tjemey pe jul ntꞌa, jupj newa pjeꞌá ton̈ca. Simón Pedro wama tjemey na, discípulo maꞌajapj wama tjemey wa. Tjinyuca wa, mpes jupj tepyona Jesús niswa püꞌü. 9 Newa ma sin ꞌyǘsatsja Dios Popel tjevelá Jesús mpes. Tjevele tepeꞌe na, Dios jostsja jupj ca jas müjünsüs, mpüꞌüm niswá. 10 Discipulopan manas pjeꞌá tjiquil pe jul mpe, jis wa ntꞌa tjil yupj.

El Nuevo Testamento en Tol de Honduras, 2da ed. ©2010, Wycliffe Bible Translators

345

SAN JUAN 20

Jesús jüpüy tjaman, tüpüntüpj pe jul moó. (San Juan 19.42)

11 María

María Magdalena jus tjinyuca Jesús. (Marcos 16.9-11)

Magdalena newa pjeꞌá tón̈catsja pe jul ntꞌa, li piyutsja. Newa li piyutsja, jay tꞌyoca, tjinyuca pe jul moꞌó. 12 Jupj tjinyuca angelpan* matꞌeyá. Pje way sin quiptsja yupj. Jesús tüpüꞌü ntꞌa játjatsja yupj. Jesús

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 20

346

jay pjucj tüpüꞌü ntꞌa jáꞌasatsja pjaní wa. Tsjom tapatja ntꞌa jáꞌasatsja maꞌajapj. 13 Yupj la tjüꞌüy María Magdalena lal: —¿Tsjan mpes li piyun? Jupj tjevele yupj jis lal: —Yupj pjeꞌá la tsꞌi Nejepa, ne ma selé caꞌaj tüpüntüpj jupj. 14 Nin tjevele na niná, cjüipe tjinyuca. Jupj jus tjinyuca Jesús tón̈catsja neꞌaj. Ma seletsja jupj Jesús. 15 Jesús la tjiꞌyüya jupj lal: —¿Tsjan mpes li piyun? ¿Pjacj le pal jipj? María Magdalena jólatsja jupj sin lejen̈ ntꞌa tsjiꞌ líjitsja. Mpes tjevele Jesús lal: —Jipj tjyam tepeꞌá, nawala tjevele caꞌaj tjyam tipyüntün jupj. Mpes napj ca mis, ca man ꞌüsüs ntꞌa. 16 Jesús jupj ló tjevele. —María —tjevele jupj. Mpes María niswa cjüipe tjinyuca, tjevele Jesús lal: —Raboni. (Ninana javelepj judiopan* Dios mpes sin ꞌyüsa liji lal.) 17 Jesús tjevele jupj lal: —Po ma ntjutjilila. Custjay wine secj Mpapay püꞌü ntꞌa. Mpes jutja quinam napj mpülücpan ntꞌa. Tjevele yupj jis lal napj ca mis Mpapay püꞌü ntꞌa. Jupj napj Mpapay, nun jis Papay wa. Jupj napj Dios, nun jis Dios wa —nin tjevele Jesús. 18 Mpes María Magdalena tjemey, tjevele discipulopan* jis lal: “Nasa jus tjinyuc qjuis Jepa Jesús”. Tjevele wa Jesús jupj lal tjevelá. 19 Nin jawas pꞌiyá, domingo püste na, discipulopan* ꞌa jis tjimyula wa moꞌó. Lacj jeyaptsja yupj judiopan* jis jepapan jis lal, mpes jun tꞌolon jun vilicj. Len̈ way Jesús lay tepyala yupj jis lal. Yupj lejen̈ culupwen ntꞌa tón̈catsja jupj. Tjevele yupj jis lal: —Ma nujola tꞌas pjü mpes. ꞌÜsüs mpatjaqué. 20 Niná tjevele na, jis tjeꞌyaya tjunuc jupj mos, wüintsꞌil ꞌatꞌanca ntꞌa ꞌotsꞌipj. Discipulopan* pajal ꞌücj jisastsja jus tjunuc. 21 Jupj niswa tjevele yupj jis lal: —Ma nujola tꞌas pjü mpes. Mpapay nin tjejyama nosis casá. Nin pꞌiyá napj nusin jyam quinam, ca nun tsjiꞌ la müjí napj mpes. 22 Nin tjevele na, yupj lejen̈ ntꞌa taná tjejyó. Tjevele yupj jis lal: —Naꞌata nun Dios Cjües. 23 Napj nu ꞌya nun ꞌücj la pꞌa jis lal welé Dios perdonar la siji quinam yupj malala la tjajay. Nun welé na niná, tꞌücꞌ way Dios perdonar la siji. Nu ꞌya wa ꞌücj welé la pꞌa jis lal Dios newa ma perdonar la siji yupj malala la tjajay. Nin welé na, tꞌücꞌ way Dios ma perdonar la siji —nin tjevele Jesús jupj discipulopan* jis lal.

El Nuevo Testamento en Tol de Honduras, 2da ed. ©2010, Wycliffe Bible Translators

347

SAN JUAN 20, 21

Jesús lay tepyala Tomás lal.

24 Jesús

tjacꞌ na discipulopan* tjatja ntꞌa, len̈tsja Tomás. “Pjaní Popa Matꞌeyá” lotsja wa Tomás. Jesús apostolpan* dóceya popa watsja jupj. 25 Mpes locopyaya discipulopan pꞌa witjacj Tomás lal tjowelepj: —Nasa jus tjinyucucj qjuis Jepa Jesús. Tomás tjevele yupj jis lal: —Napj ma nyuc clavo moꞌo tꞌyüjü mpe jupj mos ntꞌa, napj ma moꞌo se jam namas clavo moꞌo tꞌyüjü mpe, napj ma ca cüpon tꞌücꞌ way jupj püꞌü niswá. Napj ma namas moꞌo se jam wüintsꞌil ꞌatꞌanca moꞌó, ma ca cüpon napj. 26 Locopyaya, tsꞌacꞌ ocho tjejyawca na, Jesús discipulopan* niswa wa moꞌó ꞌa mulú tjatja. Tomás yupj jis lal jáꞌasa watsja quinam. Jun tꞌolontsja jun vilicj; Jesús lay tepyala la pꞌin yupj jis lal. Yupj lejen̈ culupwen ntꞌa tón̈catsja. Tjevele: —Ma nujola tꞌas pjü mpes. ꞌÜsüs mpatjaqué. 27 Nin tjevele na, tjevele wa Tomás lal: —Tjinyuca namas. Myas moꞌo jas tjejyama namas moꞌó, clavo moꞌo tjemey mpe. Myas moꞌo jas tjejyama wa newintsꞌil moꞌó. Ma pajal jey cꞌa tꞌas jipj. Tepyona jipj napj püꞌüs niswá —nin tjevele Jesús Tomás lal. 28 Tomás Jesús lal tjevele: —Jipj napj Nejepa, jipj napj Dios wa. 29 Jesús tjevele jupj lal: —Jipj nus tjinyuc mpes pyon quinam jipj. Pꞌa wa ma nus tjunuc, mopꞌin japon yupj. Nin mpes yupj pajal ꞌücj jisas liji Dios —nin tjevele Jesús.

Ninana papel pjü sin ꞌyüsa liji Jesús ne Dios Jatjam.

30 Jesús

discipulopan* tjunuc jupj la tjiji. Papel niná vele wa tsjan niná Jesús la tjijá. Pajal ꞌüsüs la tjiji sin la ꞌüsüs jis la jay jupj ne Dios Jatjam. Discipulopan tjunuc pajal la pülücj ꞌüsüs la tjiji papel niná ma pjü way vele. 31 Nepénowa tepyaca pꞌin. Tepyaca nusin ꞌyüsa lo jay, ne ca mponé nun Jesús ninana Yomen Dios jas tjejyama qjuis capj la pꞌacj. Dios Jatjam jupj. Mpes nun poné na jupj lal, Dios lal ca mpatjaqué lovin, nun Jesús cus tocon̈có mpes. 1 Locopyaya Jesús niswa lay tepyala discipulopan* jis lal, ꞌüsǘ püné la ntꞌa. Tiberias lotsja jupj, ꞌüsǘ. Pajal la pünetsja, pajal campwila watsja. Ninana Jesús la tjiji lay tepyala na. 2 Discipulopan nepenowá ꞌa mulú játjatsja. Simón Pedro pjaní watsja, pjaní wa Tomás

21

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 21

348

(“Pjaní Popa Mátꞌeya” lotsja jupj), Natanael pjaní wa. Natanael Caná mpe ꞌeseptsja, Galilea mpe se jütütj mpe. Zebedeo jatjampan yupj jis lal jatja watsja. Discipulopan pꞌa wa mátꞌeya yupj jis lal jatja watsja. 3 Simón Pedro yupj jis lal tjevele: —Napj ca mis ntsꞌicjucj. Pjü way pꞌa witjacj jupj lal tjowelepj: —Ncupj ca nlaca wa jipj lal. Mpes yupj tjil. Barco* jul moꞌo tjil la tsꞌicjucj; mopꞌin püste cus tüpwes ma la tocoy yupj. 4 Nasa quelel jyawca na, ꞌüsǘ la ntꞌa tón̈catsja Jesús. Discipulopan* ma salejeptsja jupj Jesús. 5 Mpes Jesús tjevele yupj jis lal: —¿Ncu nasa toꞌá cjulun? Yupj wola tjowelepj: —Cjuwá. 6 Jesús tjevele yupj jis lal: —Barco* liꞌinyampe la tsꞌiyá ataraya. Neꞌaj pjeꞌá la ncoyé ca. Mpes yupj moꞌo la tsꞌi ataraya Jesús tjevele ntꞌa. Pajal pitꞌa tepyala ataraya cjulun lal, mpes yupj ma polel wama tüpüntüpj atarayas barco* moꞌó. Tütsja pajal. 7 Jesús pajal quelel líjitsja discípulo* pjaní. Ninana discípulo Pedro lal tjevele: —ꞌÜsǘ la ntꞌa ton̈ca ncupj qjuis Jepa jupj. Jupj tjapjaca na niná, jupj pülül pjeꞌapa jas tücüiꞌpe. Jupj jas tjiꞌipje yas nam cjul la tsꞌicjucj. Mpes jas tücüiꞌpe na, ꞌüsǘ moꞌo ntolo, la tjemyaya tjemey ꞌüsǘ la ntꞌa. 8 La pꞌa discipulopan* barco* moꞌo tjiquil, la tjolocjocj cjulun ataraya moꞌó. Barco campa tuluctsja ꞌüsǘ la nepem. Neꞌaj waytsja pꞌin, cien metro ca nacj. 9 ꞌÜsǘ la ntꞌa tjil na, ꞌetsjecj ꞌawa tjunuc. Cjul püné ꞌyǘmatsja, pan jatja watsja neꞌaj. 10 Jesús tjevele yupj jis lal: —Cjul nepénowa ncaꞌá ma ꞌe, cjulun po quina ꞌitsꞌuꞌcú popé. 11 Mpes Simón Pedro barco* moꞌo tjemey niswá, ataraya ꞌüsǘ la ntꞌa la tjelyoꞌcja. Cjul noypan pajal pülücj moꞌo pátjatsja, ciento cincuenta y tres moꞌo pátjatsja. Mopꞌin ma tꞌanca ataraya. 12 Jesús tjevele discipulopan* jis lal: —Nculá nlajá. Ma yupj popa quelel la ꞌüytsja Jesús pjacj ne jupj. Yupj jus nlay qjuis Jepa Jesús jupj. 13 Jesús ꞌawa ntꞌa tjacꞌ, pan ntꞌya, pjü jis tjeꞌyaya. Cjulun jis tjeꞌyaya wa. 14 Nasa la cóntꞌeya Jesús lay tepyala jupj discipulopan* jis lal, jupj jas tjijyünsa, niswa nyucunú tepyala na.

El Nuevo Testamento en Tol de Honduras, 2da ed. ©2010, Wycliffe Bible Translators

349

SAN JUAN 21

Jesús Pedro lal tjevele.

15 Yupj

tecyawaja tjalá naya, Jesús Simón Pedro lal tjevele: —Jipj Simón, Jonás jatjam. ¿Ncu más quelel la nejay jipj yupj jis lal? Jupj tjevele Jesús lal: —Jipj napj Nejepa. Jipj selen napj quelel la ꞌejay. Mpes Jesús tjevele jupj lal: —Napj lal japon sin tjüꞌüsüs lis mijin napj mpes. Yupj napj noꞌoveja* tsjictjacj jinwá. 16 Niswa tjevele Jesús jupj lal: —Jipj Simón, Jonás jatjam. ¿Ncu tꞌücꞌ way quelel la nejay jipj? Jupj tjevele Jesús lal: —Jipj napj Nejepa. Jipj selen napj quelel la ꞌejay. Mpes Jesús tjevele jupj lal: —Tjejyama napj mpes japon. Napj noꞌoveja* jinwá yupj. 17 Jesús niswa tjevele jupj lal, la con tjevele nasa: —Jipj Simón, Jonás jatjam. ¿Ncu tꞌücꞌ way jipj quelel la nejay? Pedro ꞌaplijila tepyala la con la tjiꞌyüya Jesús ncu quelel liji jupj. Jupj tjevele Jesús lal: —Nejepa jipj. Jipj selen pjü. Jipj jus nley napj quelel la ꞌejay. Jesús tjevele jupj lal: —Napj mpes japon sin tjiꞌyüsa lis mijin napj mpes. Napj noꞌoveja* jinwá yupj. 18 Jipj tjamacjastsja na, jipj jin quipaptsja, jipj jaytsja wa jipj quelel jaytsja ntꞌa. Coꞌmüy na, pꞌa casá ca mpalas. Jepjel la mpactan ca, ne pꞌa ca jin nquiꞌpas. Jipj ma quelel jay ntꞌa ca mya manus. Tꞌücꞌ way niná —nin tjevele Jesús Pedro lal. 19 Jupj tjevele niná jas müꞌüsüs la mijis nin ca mpalas Pedro lal, mpaꞌis jupj. Nin ca mpalas mpes ca pꞌa wa sin müꞌüsüs Dios pajal ꞌüsüs, pajal püné. Jesús niná tjevele na, tjevele wa Pedro lal: —Ncapj tecyon̈ca jipj lovin. 20 Pedro la nujuya, tjinyuca. Pꞌa discípulo* jus tjinyuca cjüil tjacꞌ. Jesús pajal quelel líjitsja niná discipulú. Jupj pꞌiyá Jesús jun ꞌasas tjemey discipulopan ꞌa mulú tjalá na, Jesús ma tepeꞌe na pꞌin. Jupj Jesús lal la tjiꞌyüya pjacj ca mim jis lal ncuwim jupj enemigopan jis la tjilil jupj. 21 Mpes Pedro jus tjinyuca na niná discipulú, la tjiꞌyüya Jesús lal: —¿Tsjan ca mpalas niná yom lal? 22 Jesús tjevele Pedro lal:

El Nuevo Testamento en Tol de Honduras, 2da ed. ©2010, Wycliffe Bible Translators

SAN JUAN 21

350

—Ca nacj napj najas jupj püꞌü napj tjacuwis nas. Jipj ma ca nin jele nsem nepes. Ncapj tecyon̈ca jipj lovin. 23 Jesús nin tjevele mpes, qjuis pülücpan pülücj tjowelepj niná discípulo* ma ca cüpaꞌis. Jesús ma tjevele niná discípulo ma ca mpaꞌis lovin. Jupj tjevele: “Ca nacj napj najas jupj püꞌü napj tjacuwis nas. Jipj ma ca nin jele nsem nepes.” 24 Napj pꞌiyá niná discipulú*. Napj pꞌiyá nin velé la pꞌa jis lal napj tjinyuc. Napj tepyac niná. Cupj selecj napj velé tꞌücꞌ way. 25 Pꞌa wa pajal pülücj la tjiji Jesús, ma tepyac quiꞌá. Napj nola napj pjü cüpac, cjuwá nosis moꞌó caꞌaj cüpajatj papel pjü. Nasa tecyawaja tepyac.

El Nuevo Testamento en Tol de Honduras, 2da ed. ©2010, Wycliffe Bible Translators

Lucas papel tepyaca apostolpan la tjajay mpes Jesucristo tjevele Dios Cjües ncuwim.

1

1 Teófilo, püna ꞌin napj tepyac Jesucristo la tjijá. Tepyac wa jupj sin tjiꞌyüsa la tjijá. 2 Nosis ntꞌa tjuwine na, apostolpan* lis tꞌya. Jupj tjijyüꞌta yupj ca nin la mijicj jupj tjevele jin. Jupj tjevele Dios Cjües nin jostsja jupj velá. 3 Jesucristo pajal malala tepyala, tepeꞌe. Locopyaya jas tjijyünsa, tüpüꞌü niswá. Nin tepyala na, tsꞌacꞌ cuarenta lay tepyala apostolpan jilal. La pülücj lay tepyala. Jupj la tjiji mpes yupj sin tjiꞌyüsa jupj tüpüꞌü niswá. Jupj sin tjiꞌyüsa lis tjiji Dios jyüꞌta poꞌó. 4 La pjaní jis tjijyüꞌta: —Ma pjeꞌá lowa custjay Jerusalén mpe. La tjunucú nun Dios Cjües jacꞌ mpes. Mpapay tjevele jupj Cjües jas majamas nun ntꞌa. Napj tjevelé nun jilal nin ca mpalas. 5 Juan bautizar* lis tjiji ꞌüsǘ mpes la pꞌin. Más ꞌüsüs ca nu mpalas quinam. Dios ca nu maꞌayas jupj Cjües. Tsꞌacꞌ pjaní way pꞌin tepyala na ca nin mpalas —nin tjevele Jesucristo.

6 Apostolpan*

Jesucristo tjemey tsjun poꞌó.

ꞌa jis tjimyula na Jesucristo lal, tjowelepj jupj lal: —Qjuis Jepa, jipj selen la pꞌa way jajütütj quinam israelpan* jis lal. ¿Ncu len̈ way ca mal yupj, israelpan jis la jütütj yupj pꞌiyá? ¿ꞌOna ca nin la mijin, Dios Popel vele jinwá? 7 Jesucristo jis wala tjevele: —Mpapay jos nun ma ca jus nlayé tsjan jawas ca nin mpalas. Jupj pꞌin selé tsjan jawas niná ca la mijis israelpan* jis lal. 8 Najas pꞌa wa ca jus nlayé. Dios Cjües nujisas moꞌo tjemey na, ca ꞌüsüs polel la müjí

351 El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 1

352

Jesucristo tsjun poó tjemey. (Hechos 1.9)

nun. Ca polel mvelé la pꞌa jilal napj mpes. Napj mpes solejé mpes ca mvelé. Nin ca la müjí Jerusalén ntꞌa, Judea ntꞌa ꞌotsꞌipj, Samaria* ntꞌa ꞌotsꞌipj, nosis casá jas tüpwes ca nin la müjí —nin tjevele Jesucristo. 9 Jesucristo tꞌücꞌ tjevele na, Dios tsjun poꞌo tjemyana jupj. Tjemey na, apostolpan* jus tjunuc. Mol moꞌo tjemey. Mol mpes ma polel jus

El Nuevo Testamento en Tol de Honduras, 2da ed. ©2010, Wycliffe Bible Translators

353

HECHOS 1

tjunuc tsjun poꞌó tjemey na. 10 Newa januctsja. Januctsja na, ángel* matꞌe lay jis tepyala yupj ntꞌa. Niyom jinwá yustaptsja yupj. Yupj sin quip pje waytsja. 11 Tjowelepj: —¿Tsjan mpes tsjun poꞌo nucú? Tjunuc Jesucristo tjemey tsjun poꞌó. Nin pꞌiyá ca ncuwim niswá —nin tjowelepj.

Yupj la tꞌapj Matías, apóstol nsem jupj.

12 Mpes

yupj tjil jocꞌ mpe, jocꞌ niná Olivos ló. Tjil Jerusalén ntꞌa. Neꞌaj pꞌintsja; judiopan* ꞌücj neꞌaj tjil sábado* na, nin jawas ma polel campa jiltsja. 13 Wosis cuarto viyapa moꞌo tjil. Neꞌaj tapátjatsja yupj quinam, apostolpan*. Neꞌaj tjátjatsja Pedro, Jacobo ꞌotsꞌipj, Juan ꞌotsꞌipj, Andrés ꞌotsꞌipj. Tjátjatsja wa Felipe, Tomás ꞌotsꞌipj, Bartolomé ꞌotsꞌipj, Mateo ꞌotsꞌipj. Tjátjatsja wa Jacobo (jupj ne Alfeo popa), Simón ꞌotsꞌipj. (Simón le palánatsja jepa lal, jepa israelpan* popa tulucj. Nin mpes “Israel Mpes Jola” lotsja wa jupj.) Judas jáꞌasa watsja (jupj ne Jacobo pópatsja). 14 Pajal la pülücj ꞌa jis tjimyula jis la veles Dios lal. Nequem nepenowá tjiquil wa, Jesucristo jamay ꞌotsꞌipj, Jesucristo jatjaypan ꞌotsꞌipj, tjiquil wa; ꞌa jis tjimyula yupj tjatja ntꞌa. 15 Pꞌa jawas Jesucristo lal japon witjacj ciento veinte ꞌa jis tjimyula. Pedro jas tjijyünsa, tjevele: 16 “Natjampan, nun solejé püna David* papel tepyaca Judas poꞌó. Tepyaca Dios Cjües jostsja nin tepyaca jupj. Tepyaca Judas ca nin la mijis, ne nawajaꞌa Judas nin la tjiji David tepyaca jin pꞌiyá. Dios Popel tjevele ca nin la mijis, mpes nin la tjiji. Judas niyom jis ticyuna, Jesucristo la tjilil. 17 Judas cupj sin pópatsja. Tꞌücꞌ way Jesucristo la tꞌya jupj ꞌotsꞌipj, Dios mpes tsjiꞌ la tjiji ꞌotsꞌipj. 18 Mopꞌin nin, pasal malala la tjiji Jesucristo lal. Yupj tꞌemel tjaꞌayapj Judas, jupj malala la tjiji mpes. ꞌAmá jaylacj la tjiji tꞌemel niná mpes. Neꞌaj wolapꞌaꞌa tyüla, jupj col tjopjolta. Jutsꞌul pjeꞌá palá tinca. 19 Pjü way Jerusalén poꞌo patja sin tjiꞌyüsa nin tepyalá. Mpes ꞌamá niná jupj jaylacj la tjiji yupj ló la tꞌapj. Acéldama lotsja momas neꞌaj. Yupj jis tin javelepj yupj, mpes Acéldama javelepj. Cupj velecj: ‘ꞌAmá ꞌAs’ ”, Pedro nin tjevele. 20 Pedro tjevele niswá: “Püna Dios mpes tjenejetsꞌen̈ tapac moꞌó yom pjaní tepyaca Judas poꞌó: ‘Pjü ca mal jupj wo mpe. Wo moꞌó cjuwá ca nsem. Ma ca pꞌa mpüꞌüm jupj wo ntꞌa. Jupj ma polel sin ꞌyüsa la mijis quinam. La pꞌa ca nin la mijis quinam jupj la tjijá’,

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 1, 2

354

nin tepyaca yom pjaní. 21 Mpes yom pꞌa wa apóstol* nsem qjuisas, Judas tepeꞌe mpes. Ca mveles la pꞌa jilal Jesucristo jas tjijyünsa, püꞌü niswá. La pꞌa pülücj lovin qjuis capj tocon̈, qjuis Jepa Jesucristo cus tecyon̈cocj na. 22 Yupj qjuis capj tocon̈, tjunuc Juan el Bautista bautizar* la tjiji Jesucristá. Lovin qjuis capj tocon̈. Yupj tjunuc pjü way Jesucristo la tjijá. Jesucristo qjuisin tjiꞌyüsa la tjiji na, pjü tjepjyacan̈ yupj. Cupj qjuilal tjelejen̈, Dios jupj tjemyana na tsjun poꞌó. Mpes yupj sin popa ca pjaní la ntꞌacj. Jupj nin pꞌiyá la mijis cupj lijicj jinwá. Ca mveles Jesucristo jas tjijyünsa, püꞌü niswá”, nin tjevele Pedro yupj jilal. 23 Mpes niyom matꞌe lis tꞌapj. Pjaní Matías lotsja. Pjaní wa José lotsja. José cóntꞌeya lotsja jupj. Barsabás lotsja wa, Justo lotsja wa. 24-25 Lis tꞌapj na, tjowelepj Dios lal. Tjowelepj: “Jipj cupj qjuis Jepa. Qjuisin ꞌyüsa la mijin tsjan más ꞌücj la mijicj cupj. Judas apóstol* waytsja jupj. Tepeꞌe quinam jupj; malala nyuca la tjiji, ne nin. Quina cupj quelel la ntꞌacj pꞌa wa, apóstol ca nsem jupj. Mpes jupj ca qjuis capj ncon̈cos. Ca mveles wa la pꞌa jilal Jesucristo niswa püꞌü. Jipj selen tsjan yola pjü way. ¿Cana más ꞌücj jipj lal cupj la ntꞌacj apóstol nsem jupj?” nin la tjüꞌüy Dios lal. 26 Yupj la tꞌapj tjunuc cana más ꞌücj la ntꞌacj. Matías la tꞌapj. Apóstol tepyala jupj. Jupj lal apostolpan doce waytsja niswá.

Dios Cjües tjacꞌ Dios tsꞌuyupj ntꞌa.

2

1 Pꞌa jawas judiopan* fiesta lajaytsja, fiesta niná Pentecostés* ló. Nin jawas tjejyawca na, pjü Dios tsꞌuyupj ꞌa jis tjimyula wa ntꞌa. 2 Len̈ way pasal yümücj pjactsja tsjun poꞌó, lüpjǘ pajal püné jinwá. Yümücj pjac yupj ntꞌa tjacꞌ. Más yümücj pjactsja quinam, nin tepyala yupj tjátjatsja ntꞌa. 3 ꞌAwa wolaqué jinwá tjunuc. Tsjictjacj jis tepyala ꞌowus, jis capá ntꞌa jis tjiquil. 4 Nin tepyala na, Dios Cjües yupj jisas moꞌo tjemey. La pꞌa jis tin tjowelepj, yupj pꞌiyá ma sin ꞌyǘsatsja. Dios Cjües nin la tjiji mpes yupj ꞌücj tjowelepj la pꞌa jis tin. 5 Judiopan* pülücj pátjatsja quinam Jerusalén poꞌó. Jun taꞌá nosis mpe jiquiltsja jis la pütꞌüs Jerusalén poꞌó. Yupj pülücj way po quelel lajaytsja Dios jos jin. 6 Yümücj pjactsja tjepjyacan̈ na, tjiquil Dios tsꞌuyupj ꞌa jis tjimyula ntꞌa. Ma sin ꞌyǘsatsja tjunuc yupj. Ma tjunuctsja püna pꞌin. Dios tsꞌuyupj tjoweleptsja yupj jis tin. Judiopan pꞌa mpe ꞌesepj jis tin ꞌücj tjowelepj yupj. 7 Mpes judiopan po yólatsja nin tepyala, tjunuc mpes. Tjowelepj: —Yupj Galilea mpe neꞌespan. 8 ¿ꞌOnin ne nin javelepj yupj? Quina ꞌücj javelepj pjü cupj qjuis tin. Nin pꞌiyá tjevelecj cupj tsjictsja na,

El Nuevo Testamento en Tol de Honduras, 2da ed. ©2010, Wycliffe Bible Translators

355

HECHOS 2

Awa wolaqué jinwá tjunuc. Tsjictjacj jis tepyala owus, jis capá nta jis tjiquil. (Hechos 2.3)

nin javelepj quinam. 9 Cupj nepenowá Partia mpe neꞌespan. Cupj nepenowá Media mpe neꞌespan. Cupj nepenowá Elam mpe neꞌespan. Cupj nepenowá Mesopotamia mpe neꞌespan. Cupj nepenowá Judea mpe neꞌespan, nepenowá Capadocia mpe neꞌespan ꞌotsꞌipj. Cupj nepenowá Ponto mpe neꞌespan, nepenowá Asia mpe neꞌespan ꞌotsꞌipj. 10 Cupj nepenowá Frigia mpe neꞌespan, nepenowá Panfilia mpe neꞌespan ꞌotsꞌipj. Cupj nepenowá Egipto mpe neꞌespan. Cupj nepenowá neꞌaj way tepyatjaquecj Libia poꞌó, neꞌaj way pꞌin Cirene moꞌó. Cupj nepenowá Roma mpe neꞌespan. Cupj popé nepenowá judiopan* tulucj, mopꞌin judiopan jinwá japon yupj quinam. 11 Cupj nepenowá Creta mpe neꞌespan, nepenowá Arabia mpe neꞌespan ꞌotsꞌipj. Pjü cupj qjuis tin, ꞌücj javelepj yupj. Dios püné mpes ꞌücj nin javelepj —pülücj tjiquil nin tjowelepj. 12 Tjiquil witjacj po yólatsja nin tepyala mpes, tjunuc mpes. Jis la tjüꞌüy yupj yuwá: “¿Tsjan mpes nin pyala niná?” nin la tjüꞌüy. 13 Mopꞌin yupj nepenowá la tjüpjütsꞌün. Tjowelepj ꞌüsǘ jis tjemyona pꞌin yupj.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 2

14 Quina

356 Pedro tjevele Jesucristo poꞌó.

apostolpan* dóceya sin tjüjünsüpj. Pedro tjevele pjü jilal neꞌaj. Yümücj tjevele pjü jis la pjac. Tjevele: “Quelel velé pjü judiopan* jilal, pjü judío tulucj jilal ꞌotsꞌipj. ꞌÜsüs tjapjaꞌaqué nun. 15 Nun nepenowá tjowelé niyom nenem ꞌüsǘ jis tjemyona. Müsü secj yupj. Püstapj custjay. Nueve pꞌin quinam. 16 Joel tjevele niná ca mpalas. Profétatsja* jupj; tjevele Dios tjevelá. 17 Ninana Joel tjevele Dios pꞌiyá tjevelá: ‘Pꞌa jawas napj ca jis maꞌayá napj Neqjues gente pjü way jis lal la pütꞌüs. Nun sejatjampan ca mvelecj la pꞌa jilal napj mpes. Nin ca la mijicj wa nun jis cucuspan. Napj ca la mejay tjamacjaspan ca nucucj napj ca sin müꞌüsüs la mejay. Niyom coꞌmüypan püste ca nucucj, mpes ca sin müꞌüsüs la mejay napj. 18 Napj ca jis maꞌayá napj Neqjues napj nomozopan jis lal la pütꞌüs. Nin ca nsem nomozopan niyom jilal, nomozopan nequem jilal ꞌotsꞌipj. Jupj pajal ca jis capj mpꞌaꞌsas. Nin mpes yupj ca ꞌücj mvelecj la pꞌa jilal napj mpes. 19 Pꞌa casá la mejay tsjun poꞌó. Pꞌa casá la mejay nosis ntꞌa ꞌotsꞌipj. Nusin müꞌüsüs la mejay püné napj. ꞌOs ca nucú nun. Ca nucú wa ꞌowus. Pajal ca musques ca nucú. 20 Lotsꞌacꞌ püste ca nsem. Mümüy ꞌas jin justa nsem ca. Nin tepyala nam, len̈ way pajal ꞌüsüs ca mpalas. Pjü ca nucucj Dios püné. Qjuis Jepa Dios ncuwim. 21 Yupj la mon Dios lal jupj ca perdonar lis mijis qjuis Jepa Püné ꞌüsüs la tjiji mpes, tꞌücꞌ way Dios ca perdonar lis mijis. Lovin ca mpatjam jupj lal. Pjü nin lajay, pjü ca mpatjam jupj lal’. Joel nin tjevele Dios tjevelá”, tjevele Pedro. 22 Pedro tjevele niswá: “Judiopan*, ꞌüsüs tjapjaꞌaqué napj velé. Napj velé nun jilal Jesucristo poꞌó, Nazaret mpe ꞌeseptsja jupj. Nun solejé

El Nuevo Testamento en Tol de Honduras, 2da ed. ©2010, Wycliffe Bible Translators

357

HECHOS 2

jupj pajal ꞌüsüs la tjiji nun jilal quiꞌá, yom pꞌin ma polel liji jinwá. Nin la tjiji nusin ꞌyüsa la mijis Dios jas tjejyama jupj. Nun pajal nujólatsja jupj la tjiji mpes. Dios tjeꞌyaya mpes pajal ꞌüsüs polel líjitsja. Mpes tꞌücꞌ way tsjiꞌ la tjiji Dios mpes. Newa nin, nun ma nusin tjiꞌyüsa jupj tsjiꞌ la tjiji Dios mpes. 23 Nun tsuꞌpá Jesucristo. Tjaꞌayá niyom malala witjacj cruz* poꞌo tjovalapj jupj. Tjüꞌünan jupj. Yupj la tjajay nun jisastsja jinwá. Dios seletsja nin ca la müjí. Dios jostsja ca nin mpalas, mpes nin polel la tjüjí nun. 24 Mopꞌin nyucunú jupj quinam. Dios jas tjijyünsa jupj, tepeꞌe na. Tüpüꞌü niswá. Dios ticyuna jupj tecyaꞌlin̈ tjil mpe. Ma polel pǘꞌütsja neꞌaj. Malala nyuca lajay pꞌin patja neꞌaj. 25 Püna David* tjevele Jesucristo poꞌó. Tjevele: ‘Napj selé Nejepa Dios lovin ncapj cyon̈ca. Jupj ncapj pꞌyaꞌsa. Mpes ma nola pjü mpes. 26 Mpes ꞌücj najas pajal. Velé po ꞌücj najas. Napj mpꞌüy mpaꞌis ca, mopꞌin selé ꞌüsüs ca ma palas. 27 Dios ca ncunus napj neqjues tecyaꞌlin̈ tjil mpe. Napj jipj jitsꞌaꞌá. Napj mpꞌüy ma ca majam la mijis jupj. 28 Napj selé quinam ꞌonin la cüjay la pütꞌüs lovin. Jipj lal mpüꞌüs na, ꞌücj najas nsem.’ David nin tjevele püná Jesucristo poꞌó. 29 ”Natjampan, tꞌücꞌ way velé nun jilal David* poꞌó, pajal püné waytsja jupj. Mopꞌin nin, jupj tepeꞌe, ne toc. Solejé toc ntꞌa. Polel nyucucj toc ntꞌa. 30 David profétatsja* jupj. Jupj seletsja jupj popa pꞌiyá pjaní, püs naya püꞌü, ca müjüꞌtüs israelpan* jilal jupj jinwá. Dios nin tjevele David lal. Tjevele tꞌücꞌ way mpalas ca niná. 31 Mpes David seletsja nin ca mpalas pꞌa jawasa, püs naya. Jas tjiꞌyüsa Dios tjevele mpes, Dios tjevele jupj ca jas majamas Jepa Püné jis capj lo pꞌacj judiopan*. Mpes David tjevele jupj poꞌó. Jupj tjevele Dios ca jas müjünsüs tepeꞌe mpe, mpüꞌüm niswá. Tjevele Dios ca ncunus jupj tecyaꞌlin̈ tjil mpe. Tjevele Dios ca la mijis jupj jüpꞌüy ma ca majam. 32 Tꞌücꞌ way Dios nin la tjiji Jesucristo lal. Jas tjijyünsa jupj, la pütꞌüs niswá. Pülücj way cupj jus tjinyucucj jupj, niswa püꞌü tepyala na. 33 Dios tjemyana jupj, jupj püꞌü ntꞌa. Tjevele ca maꞌayas jupj Cjües jupj lal, ne tjeꞌyaya jupj. Jesucristo jáꞌasa Dios liꞌinyampe quinam. Jesucristo jas tjejyama Dios Cjües cupj ntꞌa, mpes nin tjunucú, tjapjaꞌaqué yacjaj. 34 David ma tjemey jupj jüpꞌüy lal Dios püꞌü ntꞌa. Jesucristo pꞌin jupj jüpꞌüy lal tjemey Dios püꞌü ntꞌa. David tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 2

358

‘Qjuis Jepa Dios tjevele Nejepa lal: “Ntꞌiꞌisa napj liꞌinyampe. Jipj ca müjüꞌtün napj lal. 35 Napj ca la mpalan jipj enemigopan jis lal. Napj ca la mejay jipj enemigopan tsjyam ꞌalá jatja jinwá. Nin ca la mejay jipj mpes, jipj napj lal jacꞌ na.” ’ Niná Dios tjevele David Jepa lal. 36 ”Judiopan*, nun tjüꞌüꞌná Jesucristo. Nusin tjüꞌüsüs tꞌücꞌ way Jesucristo Jepa Püné tepyala, Dios nin la tjiji. Dios jas tjejyama Jesucristo jis capj la pꞌacj judiopan”, Pedro nin tjevele judiopan jilal. 37 Judiopan* nin tjepjyacan̈ na, pajal ꞌaplijila jis tepyala yupj. Po yólatsja Pedro tjevele mpes. La tjüꞌüy Pedro lal, apostolpan* pꞌa wa jilal ꞌotsꞌipj: —Qjuis catjampan, ¿Tsjan jos Dios cupj lijicj? —nin la tjüꞌüy. 38 Pedro jis wala tjevele: —ꞌAplijila tꞌas pjü malala nyuca la tjüjí mpes. Lovin ꞌüsüs la tjüjí quinam Dios jos jinwá. Dios jos cupj bautizar* la nujicj Jesucristo mpes. Mpes Dios ma ca jola nsem malala nyuca la tjüjí. Ca jas majamas jupj Cjües nujisas moꞌó. 39 Püna Dios tjevele jupj ca jas majamas jupj Cjües nun ntꞌa nujos moꞌo la pütꞌüs. Niná nin tjevele wa nun popa mpes ꞌotsꞌipj, campa patja mpes ꞌotsꞌipj. Qjuis Jepa Dios pasal pülücj lis tꞌya jis la pütꞌüs jupj lal. Jupj jis capj pꞌyaꞌsa jis la pon jupj lal. Dios tjevele jupj ca jas majamas jupj Cjües pjü way yupj mpes ꞌotsꞌipj —nin tjevele Pedro. 40 Pedro pülücj nin tjevele yupj jilal, tjevele niná Dios jos ca yupj la mijicj. Po jostsja mponecj, mpes tjevele: —Dios ca jis capj ntülüs malala nyuca lajay. Po ma yupj jinwá tꞌas. Más ꞌücj nujisas nsem Jesucristo. Nin lojí Dios ma ca nucopj ntülüs —nin tjevele Pedro. 41 Mil cóntꞌeya topon Pedro tjevelá. Bautizar* jis tepyala yupj. 42 Mpes yupj lovin quelel sin ꞌyǘsatsja apostolpan* tjowelepj mpes. Lovin ꞌa jis tjimyula, nin pꞌiyá yólatsja mpes. Lovin ꞌa mulú tjalá, lovin yola tepyálatsja Jesucristo tepeꞌe yupj mpes. Lovin ꞌa mulú tjowelepj Dios lal. Nin la tjajay Jesucristo lal topon.

Dios tsꞌuyupj lovin ꞌa jis tjimyula. Lovin ꞌüsüs la tjajay yuwá.

43 Apostolpan*

pajal ꞌüsüs la tjajay niyom pꞌin ma polel lajay jinwá. Nin la tjajay la pꞌa ca jus nlayecj Dios mpes tjowelepj yupj. Pjü po El Nuevo Testamento en Tol de Honduras, 2da ed. ©2010, Wycliffe Bible Translators

359

HECHOS 2, 3

yola tepyala, yupj la tjajay mpes. 44 Lovin ꞌa jis tjimyula. Nepénowa yupj sin popa cjuwatsja na, nepénowa se ꞌaptsja. 45 Nenéyawa tꞌemel cjuwatsja yupj nepenowá. Mpes la pꞌa vender la tjajay yupj yutsꞌaꞌá, tꞌemel tjaꞌayapj cjuwatsja mpes. 46 Yupj lovin ꞌa jis tjimyula Dios wo* ntꞌa. Lovin ꞌa mulú tjalá yupj jis wa ntꞌa. Pajal ꞌücj jisas tepyala yupj. Tjuwiꞌin̈ Dios lal. 47 ꞌÜsüs tjowelepj Dios poꞌó. La pꞌa wa gente pjü way yólatsja ꞌüsüs waytsja yupj. Püna ma japontsja, quina wa japontsja nepenowá, mpes pjü jyawca na pꞌa wa topon yupj, nin la tjiji qjuis Jepa Jesucristo. Ca mpatjam wa Dios lal.

3

1 Pꞌa

Pedro, Juan, tjiꞌyüꞌsa la tjajay ma wine lal.

jawas Pedro Juan lal tjemey Dios wo* ntꞌa. Las tres tꞌawaná tjil, judiopan* javelepj na Dios lal. 2 Neꞌaj tjáꞌasatsja yom ma polel wínetsja. Tsjom cꞌatsja jupj. Tsjicj way pepes ma polel wínetsja. Lovin ma polel wínetsja. Pjü jyawca na nepenowá tucuman jupj jun vilicj ntꞌa, Dios wo ntꞌa. Neꞌaj tüpüntüpj jupj. Jun vilicj neꞌaj “ꞌÜsüs Justa” lotsja jupj. Neꞌaj tꞌemel la tjemyónatsja neꞌaj tjelyawun̈ jis lal. 3 Pedro, Juan, Dios wo wama quelel jiltsja, ne ma wine yus tjinyuca. La tjemyona tꞌemel maꞌayacj. 4 La tjemyona na, Pedro, Juan, po jus tjunuctsja. Pedro tjevele jupj lal: —Cus ꞌunuca. 5 Mpes yupj jis wala yus tjinyuca. Tꞌemel maꞌayacj jólatsja. 6 Pedro tjevele: —Cjuwá napj ntꞌemel. Pꞌa casá ca la mejay jipj mpes. Jipj ca mya ꞌüꞌsüs Jesucristo nin polel la mijis mpes, Jesucristo Nazaret mpe ꞌeseptsja jupj. Mpes ꞌi jütütj, jin tjijyünsa, tjuwine —Pedro nin tjijyüꞌta jupj lal. 7 Pedro yomen ma wine mos liꞌinyampe ntjüiꞌle, jas tjijyünsa. Len̈ way jis tjiꞌyüꞌsa jupj tsjom. 8 ꞌÜcj polel tón̈catsja jusapj. Ntolo, ꞌücj jos tjuwine. Dios wo* wama tjemey Pedro lal, Juan lal wa. Neꞌaj tjuwine, tólotsja, ꞌücj jostsja mpes. ꞌÜsüs véletsja Dios poꞌó. 9 Gente neꞌaj játjatsja tjunuc wínetsja jupj, tjepjyacan̈ ꞌüsüs véletsja Dios poꞌó. 10 Yupj sa nuctsja jupj. Salejeptsja jupj pꞌiyá lovin tjáꞌasatsja jun vilicj ntꞌa, Dios wo ntꞌa, la tjemyónatsja. Tjunuc wínetsja quinam, mpes po yólatsja tjiꞌyüꞌsa mpes.

11 Pedro,

Pedro tjevele Jesucristo poꞌó Dios wo moꞌó.

Juan, tjelejen̈tsja Dios wo* ntꞌa, corredor ntꞌa. Salomón* Corredor lotsja neꞌaj, yupj tjelejen̈tsja ntꞌa. Yom tjiꞌyüꞌsa newa El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 3

360

Ma wine tjiyüsa, tólotsja, c̈j jostsja mpes. (Hechos 3.8) El Nuevo Testamento en Tol de Honduras, 2da ed. ©2010, Wycliffe Bible Translators

361

HECHOS 3

ntjüíꞌletsja Pedro, Juan ꞌotsꞌipj, pajal ꞌücj jostsja mpes. Gente pjü way neꞌaj len̈ way tjiquil yupj ntꞌa. Po yólatsja pajal ꞌüsüs tepyala mpes. 12 Pedro jus nléyatsja yupj pajal yólatsja, mpes la tjiꞌyüya yupj jilal: “Judiopan*, ¿tsjan mpes pajal nujola niná tepyala mpes? ¿Tsjan mpes po cus nucú? Nun poné cupj pꞌiyá ꞌücj nin lijicj niná, mpes tjiꞌyüꞌsa jupj. Nin tulucj. Nun poné cupj tsjay ꞌüsüs Dios lal ca nacj, mpes tjiꞌyüꞌsa. Nin tulucj. Jupj tjiꞌyüꞌsa Dios nin la tjiji mpes pꞌin. 13 Jupj nun jis Dios. Jupj Dios Abraham* lal, Isaac lal wa, Jacob lal wa. Yupj pajal püna tapatja, nun yupj popa pꞌiyá püs naya potjaqué. Jupj nun jis Dios ꞌotsꞌipj. Mpes Dios nusin tjiꞌyüsa la tjiji pajal püné Jesucristá; jupj ꞌüsüs tsjiꞌ la tjiji Dios mpes. ”Mopꞌin malala la tjüjí Jesucristo lal. Jis tjaꞌayá jupj nun jis jepapan jilal jis la ꞌünan. Pilato quelel syóctetsja jupj; nun pꞌiyá malala nyuca tjowelé Jesucristo poꞌó Pilato lal. 14 Jesucristo Dios jutsꞌaꞌatsja, jupj Yom ꞌÜsüs Dios Lal. Nun nujisastsja Pilato ma syóctetsja jupj. Nujisastsja nsoctes gente si ꞌüꞌna pꞌin. 15 Tꞌücꞌ way pjü potjaqué Jesucristo mpes. Pero nun la tjüjí mpes, yupj tjüꞌünan jupj. Tepeꞌe na, Dios jas tjijyünsa, tüpüꞌü niswá. Cupj jus tjinyucucj. 16 Jesucristo mpes yom ma wine tjiꞌyüꞌsa. Nun su nucutsja jupj. Jupj tepyona müꞌüꞌsüs ca, Jesucristo nin polel la mijis. Mpes jupj po ꞌüsüs tjiꞌyüꞌsa, la tjiji Jesucristo. Nun nucú tjiꞌyüꞌsa tepyala jupj. 17 ”Napj selé nun ma nusin tjiꞌyüsa Jesucristo Dios Jatjam waytsja jupj. Napj selé nun jis jepapan ma wa sin tjiꞌyüsa yupj. Mpes nun malala nyuca la tjüjí jupj lal. 18 Püna Dios tjevele jupj ca jas majamas Jepa Püné jis capj la pꞌacj judiopan*; Dios tjevele ca malala mpalas jupj. Nin tjevele profetapan* jilal, ne yupj pjü way nin tjowelepj gente jis lal. Quina Dios tꞌücꞌ la tjiji püná tjevelá. 19 ꞌAplijila tꞌas nun, malala nyuca la tjüjí mpes. Dios jos jinwá la müjí quinam. Mpes Dios ca perdonar la numijis malala nyuca la tjüjí. Dios ca la mijis ꞌücj nujisas nsem nun quinam, jupj so con̈có mpes. 20 Jupj ca jas majamas Jesucristo niswá. Dios la tꞌya jupj. Jupj perdonar la numijis malala nyuca la tjüjí mpes. Jis capj mpꞌaꞌsas judiopan. 21 Quina Jesucristo tsjun poꞌo jáꞌasa. Pꞌa jawas ꞌüsüs ca mpalas pjü jilal, ca la mijis Dios. Dios püna tjevele ca nin la mijis. Tjevele profetapan jilal, yupj ne Dios mpes tsjiꞌ lajaytsja. Yupj tjowelepj gente jis lal. Yupj tjowelepj jin tepyala na, Jesucristo ncuwim niswá. 22 ”Moisés* profeta* waytsja jupj. Jupj tjevele: ‘Qjuis Jepa Dios ca jas majamas profeta pjaní napj jinwá. Nun popa ca nsem jupj. Tjapjaꞌaqué

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 3, 4

362

pjü mveles. La müjí pjü way jupj müjüꞌtüs ca. 23 Pülücj ma ca la mijicj jupj jyüꞌtá. Mpes tꞌücꞌ way yupj pjü ncaꞌlin̈ ca.’ Moisés nin tjevele. 24 ”Pjü profetapan* tjowelepj nin ca mpalas. Samuel mwalá way tjevele nin ca mpalas, locopyaya pjü profetapan nin pꞌiyá tjowelepj nin ca mpalas. Quina nin pyala yupj tjowelepj jinwá. 25 ”Profetapan* püna tapatja tjowelepj Dios mpes, tapac wa Dios mpes. Nun toꞌá yupj tapac, mpes solejé tsjan tjevele Dios. Nun israelpan*. Dios tjevele israelpan püna tapatja jis lal. Niná jupj tjevelá nun mpes wa tjevele. Tjevele jupj pajal ꞌüsüs líjitsja israelpan mpes. Ninana jupj tjevele Abraham* lal: ‘Jipj cüicpan popa pjaní mpes ca ꞌüsüs la mejay pjü gente mpes, jun taꞌá patja mpes’. 26 Nun ntꞌa mwalá way jas tjejyama jupj Jatjam. Jas tjejyama ꞌüsüs way la mijis nun mpes. Dios nin jostsja nun lovin ma malala nyuca lojí niswá”, Pedro nin tjevele yupj jilal.

Jepapan jis ntjiꞌlin̈ Pedro, Juan ꞌotsꞌipj, jis capj la tül.

4

1 Pedro

newa véletsja na, sacerdotepan* nepenowá tjiquil. Saduceopan* nepenowá tjiquil wa. Yom pꞌa wa tjacꞌ wa, jupj jépatsja Dios wo* jajamapj jis lal. 2 Po tsꞌa tjiꞌin Pedro lal, Juan lal wa, sin tjiꞌyüsa la tjajaytsja mpes. Pedro, Juan, tjoweleptsja gente jis walapꞌaꞌá Dios jas tjijyünsa Jesucristo, tüpüꞌü niswá. Tjowelepj tꞌücꞌ way Dios tecyaꞌlin̈ sin müjünsüs wa pꞌa jawasiyá, mpatjam ca niswá. Mpes tjiquil po tsꞌa tjiꞌin yupj tjowelepj mpes. 3 Mpes jis ntjiꞌlin̈ yupj. Quelel tꞌyájatsja quinam, mpes cawilta moꞌo tjoꞌonsopj. Yaya yupj ca quelel mvelecj malala nyuca la tjajay. Quelel jis capj jatültsja. 4 Mopꞌin pülücj tjepjyacan̈ Pedro tjevelá. Pülücj topon tjevelá. Mpes más pülücj jisastsja Jesucristo jupj tjevele mpes. Niyom cinco mil játjatsja quinam Jesucristo lal japon witjacj. 5 Yaya jepapan ꞌa jis tjimyula Jerusalén poꞌó coꞌmüypan* jis lal wa, Moisés* popel sin ꞌyüsa lajay jis lal wa. 6 Anás tjacꞌ wa ꞌa jis tjimyula ntꞌa. Jupj sacerdote* más pünetsja. Caifás tjacꞌ wa, Juan ꞌotsꞌipj, Alejandro ꞌotsꞌipj. Anás familia pjü way tjiquil wa ꞌa jis tjimyula ntꞌa. 7 Tjüjütütj jacuman Pedro, Juan ꞌotsꞌipj. La tjüꞌüy yupj jilal: —¿ꞌOnin la tjüjí tjiꞌyüꞌsa ma polel wínetsja? ¿Pjacj nu tjijyüꞌta lo ꞌüsꞌüs ne ꞌyüꞌsa lojí? —nin la tjüꞌüy. 8 Dios Cjües tjevele Pedro lal. Nin pꞌiyá Pedro tjevele yupj jilal. Tjevele: —Jepapan, coꞌmüypan*, 9 nun quelel solejé ꞌonin la tjijicj cus tjepꞌyaꞌsacj ma wínetsja lal. Quelel solejé ꞌonin la tjijicj tjiꞌyüꞌsa jupj.

El Nuevo Testamento en Tol de Honduras, 2da ed. ©2010, Wycliffe Bible Translators

363

HECHOS 4

10 Mpes

ca mvelecj nun jilal. Qjuisas nusin ꞌyüsa; pjü judiopan* sin ꞌyüsa wa qjuisas. Jesucristo mpes tjiꞌyüꞌsa jupj. Jesucristo, jupj ne Nazaret mpe ꞌeseptsja. Jupj mpes ma wínetsja quiꞌá ton̈ca. Nun tjüꞌüꞌná Jesucristo cruz* poꞌó pero Dios jas tjijyünsa, tüpüꞌü niswá. 11 Püna yom pjaní tepyaca Jesucristo poꞌó. Tepyaca: ‘Niyom nepénowa quelel jajünsüptsja wosis pe mpes. Pe pjaní ma jisastsja wosis la jünsüs. Pe niná tꞌücꞌ way ꞌüsüstsja. Mpes qjuis Jepa Dios jas tjijyünsa wosis. Jupj mwalá way tjeꞌyonsa pe niná wosis si jünsa mpes. Pe niná más ꞌüsüs waytsja pjü pe witjacj jilal. Tsjomis pe niná casá tón̈catsja.’ Nin tepyaca jupj. Nun niyom nenem pe ꞌüsüs ma jisastsja jinwá. Jesucristo niná pe ꞌüsüs jinwá. Nun ma jisastsja Jesucristo. 12 Gente ꞌücj ca mpatjam Dios lal Jesucristo mpes la pꞌin. Ma la pꞌa mpes ꞌücj mpatjam Dios lal. Tꞌücꞌ way ma la pꞌa mpes ꞌücj mpatjam Dios lal —nin tjevele Pedro. 13 Pedro, Juan ꞌotsꞌipj, ma lacj tjeyaptsja la veles niná yupj jilal. Mpes yupj neꞌaj tjatja po yólatsja ma lacj tjeyaptsja mpes. Yupj salejeptsja Pedro, Juan, ma escuela mpes pülücj sin tjiꞌyüsa. Salejeptsja noypan tuluctsja yupj. Mpes po yólatsja yupj tjowelepj mpes, la tjajay mpes wa, ma lacj tjeyaptsja mpes wa. Yola tepyala Pedro, Juan, cus tocon̈ Jesucristo. 14 Jus tjunuc yom tjiꞌyüꞌsa tón̈catsja Pedro, Juan jilal. Yupj salejeptsja pajal ꞌüsüs tepyala jupj lal, tjiꞌyüꞌsa mpes. Mpes ma polel jis wala javeleptsja Pedro, Juan jilal. 15 Tjüjütütj ꞌístaway pjeꞌá jil. Tjil na, yupj tjowelepj yuwá. 16 Tjowelepj: “¿ꞌOyn la qjuijim noyomes jilal? Pjü way Jerusalén poꞌo patja salejepj quinam pajal ꞌüsüs la tjajay ma wínetsja lal, niyom pꞌin ma polel lajay jinwá. Mpes ma polel velecj nin tepyala tulucj. 17 Más ꞌücj ca müjüꞌtücj yupj ma ca mvelecj niswá Jesucristo poꞌó. Nin la mijicj ne la pꞌa ma ca sin müꞌüsüs jupj poꞌó”, nin tjowelepj. 18 Tjüjütütj wama jis tucuman niswá, Pedro, Juan. Tjüjütütj ca ma mvelecj niswá Jesucristo poꞌó, ma sin ꞌyüsa la mijicj jupj mpes. 19 Pedro, Juan ma quelel lajaytsja yupj tjowelepj jinwá. Mpes yupj jis wala tjowelepj: —Cupj quelel lijicj Dios jos jinwá. Nun nujisas cupj lijicj nun nujisas jinwá. Nun solejé ncu ꞌücj Dios lal nin lijicj nujisas jinwá. 20 Cupj

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 4

364

qjuiyola más ꞌücj nin lijicj Dios jos jinwá. Tꞌücꞌ way lovin ca mvelecj tjinyucucj mpes, tjepjyaꞌaquecj mpes ꞌotsꞌipj —nin tjowelepj. 21 Mpes jepapan niswa jis tjüjütütj ma ca mvelecj lovin Jesucristo poꞌó. Tjowelepj ca jis capj ntülücj yupj niswá javelepj niná. Tꞌücꞌ tjüjütütj na, sin tjajam. Mpes tjil yupj. Jepapan po quelel jis capj jatültsja yupj. Newa ma nin la tjajay. Gente neꞌaj ca tsꞌi miꞌinacj, yólatsja yupj. Gente nenem pjü way po ꞌüsüs tjoweleptsja Dios poꞌó, nin tepyala mpes ma wínetsja lal. 22 Ma wínetsja año cuarenta tyáꞌatsja jupj, más ꞌin pülücj way tyáꞌatsja.

Dios tsꞌuyupj la tjomon Dios lal.

23 Po

quina Pedro, Juan, tjil Dios tsꞌuyupj ntꞌa. Tjowelepj yupj jilal sacerdote* noypan tjowelepj mpes, coꞌmüypan* tjowelepj mpes ꞌotsꞌipj. 24 Tjepjyacan̈ na, tjowelepj Dios lal. Tjowelepj: “Qjuis Jepa Dios, más püné jipj pjü jilal. ‘Jipj la tjejay tsjun, la tjejay wa nosis, la tjejay wa ꞌüsǘ püné. Pjü neꞌaj patja la tjejay wa.’ 25 David* pajal püna tüpüꞌü, cupj jupj popa pꞌiyá püs naya pyatjaquecj. David jipj myózotsja. Tjevelen jupj lal nin jyastsja jupj mveles ca gente jis lal. Jipj Jeqjues cus tjepꞌyaꞌsa la veles. David nin tjevele: ‘¿Tsjan mpes pjü jun taꞌá tsꞌa tjiꞌin? ¿Tsjan mpes gente malala quelel lajaytsja Dios lal? Jipj selen ma polel lajaytsja niná. 26 Pjü noypan nosis casá ꞌa jis tjimyula, quelel la palantsja Dios lal, Dios se jamá lal ꞌotsꞌipj. Dios tjevele ca jas majamas yom pjaní nosis ntꞌa jis capj la pꞌacj’, David nin tjevele. 27 Tꞌücꞌ way Herodes, Poncio Pilato ꞌotsꞌipj, ꞌa jis tjimyula quiꞌá judiopan* jilal, judiopan tulucj jilal ꞌotsꞌipj. Quelel jaꞌünantsja Jesucristo. Jesucristo jipj jitsꞌaꞌá, pajal ꞌüsüs tsjiꞌ la tjiji jipj mpes. Jipj la tꞌya jupj jis capj la pꞌacj judiopan. 28 Püna jipj tjevelen yupj malala ca la mijicj jupj lal, ne nin la tjajay yupj. Nin tepyala jipj jyastsja jinwá, jipj püné mpes. Nin tepyala jipj nin jyastsja mpes. 29 Qjuis Jepa, jipj selen malala nyuca quelel lajay yupj cupj qjuilal ꞌotsꞌipj. Cupj jipj myozopan. Qjuis capj tjepꞌyaꞌsa, ma lecj meyacj la veles jipj tjevelen mpes. 30 Qjuisas gente si ꞌüꞌsa la sejay jipj. Qjuisas pajal ꞌüsüs way lejay jipj Jesucristo mpes, gente pꞌin ma polel lajay jinwá. Jupj jipj jitsꞌaꞌá, pajal ꞌüsüs la tjiji jipj mpes. Qjuisas yupj pajal yola nsem jipj lejay mpes”, nin tjowelepj Dios lal.

El Nuevo Testamento en Tol de Honduras, 2da ed. ©2010, Wycliffe Bible Translators

365

HECHOS 4, 5

31 Tjowelepj

na, wa ꞌa jis tjimyula ntꞌa jus tiquitsꞌe. Dios Cjües jisas moꞌo tjemey. Ma lacj jeyaptsja quinam, mpes tjil, tjowelepj gente jilal Dios tjevelá. 32 Dios

Dios tsꞌuyupj jis tjaꞌayapj la pꞌa cjuwatsja na.

tsꞌuyupj pjü way yuwal yólatsja. Tjowelepj yupj yutsꞌaꞌá pjü way Dios tsꞌuyupj yutsꞌaꞌá ꞌotsꞌipj. Dios tsꞌuyupj cjuwatsja na, yupj yutsꞌaꞌá lovin jis tjaꞌayapj. 33 Apostolpan* tjowelepj la pꞌa jilal yupj salejeptsja qjuis Jepa Jesús jas tjijyünsa tepeꞌe mpe, püꞌü niswá. Dios jis capj tjepꞌyaꞌsa ꞌücj jis la veles, mpes pajal ꞌüsüs tepyala yupj tjowelepj mpes. Dios pasal ꞌüsüs la tjiji pjü yupj jilal. 34 Dios tsꞌuyupj pjü jisastsja, pjü jatatsja. ꞌAmá jatatsja vender la tjajay momas. Jis wa jatatsja nin pꞌiyá la tjajay. 35 Tꞌemel tucutj, tjaꞌayapj apostolpan jilal. Apostolpan tjaꞌayapj tꞌemel niná Dios tsꞌuyupj tꞌemel cjuwatsja mpes. 36 José nin pꞌiyá la tjiji. Levítatsja* jupj. Chipre mpe ꞌesepj jupj. Apostolpan pꞌa ló la tꞌapj jupj mpes. Bernabé pꞌa wa ló watsja jupj. Bernabé mpes ꞌücj la veles “gente ꞌücj jisas se palá jupj liji mpes”, nin velecj cupj qjuis tin. 37 Jupj ꞌamá tyáꞌatsja. Vender la tjiji. Niná tꞌemel pjü way tequeꞌe, jis tjeꞌyaya apostolpan jilal.

5

Ananías, Safira, malala nyuca la tjajay.

1 Ananías Jesucristo poꞌo pyónatsja wa. Jupj jatsꞌom pyónatsja wa. Safira lotsja jupj. ꞌAmá vender la tjajay yupj, la pꞌa jinwá. 2 Ananías tꞌemel niná tequeꞌe, jis tjeꞌyaya apostolpan* jilal. Mopꞌin ma pjü way tequeꞌe. La tsyawilí. Tjevele tꞌemel pjü way tequeꞌe. Jatsꞌom seletsja wa ma pjü way tequeꞌe. 3 Pedro la tjiꞌyüya Ananías lal: —¿Tsjan mpes la tjejay Satanás* jostsja jinwá? ¿Tsjan mpes la tsyawil? La tsyawil Dios Cjües lal. Tꞌemel ma pjü way tequetj. 4 ꞌAmá jipj jitsꞌaꞌatsja. Vender la tjejay. Pjü tꞌemel jipj jitsꞌaꞌatsja. ꞌÜcj tꞌemel pjü way ma jequetj. Jipj la tsyawil, niná pꞌin malala. ¿Tsjan mpes quelel li tsuwiltsja? Ma cupj qjuilal la tsyawil. La tsyawil Dios lal —nin tjevele Pedro. 5 Ananías niná tjapjaca na, tyüla, tepeꞌe. Pjü sin tjiꞌyüsa ninana tepyalá. Lacj tjeyaptsja. 6 Tjamacjaspan tjiquil, tepeꞌe tjüwüꞌün, tjaman, ꞌamá toc. 7 Hora contꞌe tepyala na, tjacꞌ wa Ananías jatsꞌom apostolpan* ntꞌa. Jupj ma seletsja tepeꞌe Ananías. 8 Pedro tjevele jupj lal: —ꞌAmá vender la tjüjí. Vyayum tequeꞌe tꞌemel. ¿Ncu pjü way tequeꞌe? —la tjiꞌyüya.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 5

366

—Nin, pjü way tequeꞌe —Ananías jatsꞌom tjevele. 9 Pedro wola tjevele: —¿Tsjan mpes nun quelel lu tsuwilitsja Dios Cjües lal? Nin pꞌiyá nujólatsja nun. ¿Ncu nujólatsja jupj ma ca nucopj ntülüs? Tjamacjaspan tjil, vyayum tjaman, ꞌamá toc. Quina jiquil. Mya manucj ca jipj ꞌotsꞌipj, ntoquecj ca —nin tjevele Pedro. 10 Len̈ way jupj tyüla, tepeꞌe wa. Tjamacjaspan wama tjiquil, tjunuc jupj nasa tepeꞌe. Mpes tjaman jupj ꞌotsꞌipj, la toc voyum toc ntꞌa. 11 Pjü Dios tsꞌuyupj lacj tjeyaptsja nin tepyala mpes. Pülücj ma japon witjacj sin tjiꞌyüsa wa tepyalá. Lacj tjeyaptsja wa yupj.

12 Apostolpan*

Apostolpan la pülücj ꞌüsüs la tjajay.

pasal ꞌüsüs la tjajay gente ntꞌa, gente pꞌin ma polel lajay jinwá. Gente po yólatsja ꞌüsüs la tjajay mpes. Dios tsꞌuyupj la pülücj ꞌa jis tjimyula Dios wo* ntꞌa, corredor ntꞌa. Salomón* Corredor lotsja neꞌaj. 13 Ma topon ma ꞌa jis tjimyula yupj jilal. Lacj tjeyaptsja. Newa nin, Dios tsꞌuyupj po ꞌüsüstsja yupj jilal. 14 Mopꞌin la pꞌa pꞌin japontsja wa qjuis Jepa Jesucristo poꞌó, yupj jin pꞌiyá. Tipyülücǘ Dios tsꞌuyupj. 15 Apostolpan ꞌüsüs la tjajay mpes, gente jis tucuman malala jisas jümücj ntꞌa. Jis tüpüntüpj yupj cobija casá, cjan casá ꞌotsꞌipj. Yupj jisastsja Pedro lo tsjojoc mpalas malala jisas ntꞌa, jupj neꞌaj jámatsja mpes. Nin tepyala na, jis tjiꞌyüꞌsa. 16 Jerusalén neꞌaj pꞌin tapatja tjiquil wa yupj Jerusalén ntꞌa. Pajal pülücj tjiquil. Jis tucuman malala jisas. Jis tucuman lapanenpan jatatsja. Yupj pjü way jis tjiꞌyüꞌsa.

Judiopan jis jepapan malala nyuca la tjajay apostolpan jilal.

17 Sacerdote*

más püné jómatsja apostolpan* jilal, gente apostolpan jisastsja mpes. Saduceopan* la tjejyamanan̈ wa. (Saduceopan cus tjapꞌactsja sacerdote más püné.) 18 Mpes yupj jis ntjiꞌlin̈ apostolpan. Jis tjoꞌonsopj cawilta moꞌó. 19 Püste na, qjuis Jepa Dios ángel* pjaní jas tjejyama, tjacꞌ, cawilta jun vilicj jun tjecjyoltse. Jis tjemyana pjeꞌá, tjevele: 20 “Nlawú Dios wo* ntꞌa la veles gente jilal neꞌaj. Tjowelé Jesucristo poꞌó, pjü way tjowelé ꞌonin ne ꞌücj la pütꞌüs Dios lal”, ángel nin tjevele. 21 Mpes nin la tjajay. Tjejyawca na Dios wo* wama tjil, sin tjiꞌyüsa la tjajay yupj jilal neꞌaj. Yacjaya, sacerdote* más püné tjacꞌ neꞌaj, saduceopan* tjiquil wa; yupj tjowelepj ncul ꞌa jis mulus judiopan* jis jepapan. Jisastsja pjü way

El Nuevo Testamento en Tol de Honduras, 2da ed. ©2010, Wycliffe Bible Translators

367

HECHOS 5

yupj ꞌa jis mulus. ꞌA jis tjimyula na, nepenowá sin tjajam cawilta ntꞌa, apostolpan* jis la cuman. 22 Tjil na, ma yus tjunuc neꞌaj. Mpes tjiquil jepapan ntꞌa niswá, tjowelepj: 23 “Cawilta jun vilicj jun tꞌyóꞌnatsja llave mpes. Pjü jajamapj lejen̈tsja yupj. Jun vilicj jun tjecjyoltsecj, wama tjeleque. Apostolpan len̈tsja yupj”, nin tjowelepj. 24 Dios wo* jajamaptsja jis jepa pajal jólatsja tjowelepj mpes. Sacerdote noypan pajal yólatsja wa tjowelepj mpes. Ma salejeptsja tsjan ca mpalas nin tepyala mpes. 25 Locopyaya yom pjaní tjacꞌ, tjevele: “Cawilta moꞌo tjatjá, neꞌaj wa lejen̈ Dios wo* ntꞌa quinam. Sin ꞌyüsa lajay gentas neꞌaj”, nin tjevele. 26 Mpes Dios wo jajamaptsja jis jepa tjemey apostolpan* ntꞌa. Tjemey Dios wo jajamaptsja nepenowá jilal. Tjil jis la cuman apostolpan. Ma malala lis tjajay; lacj jeyaptsja gente ca tsꞌi miꞌinacj, ca pe witjacj la ntsꞌiyacj. 27 Mpes jis tucuman yupj judiopan* jis jepapan ntꞌa. Sacerdote* más püné nin tjevele apostolpan jilal: 28 —Po ꞌin tülü way tjijyüꞌtücj ma sin ꞌyüsa la müjí Jesucristo poꞌó. Ma la tjüjí nu tjijyüꞌtücj mpes. Pjü way Jerusalén poꞌo patja nin tjepjyacan̈ pjü tjowelé Jesucristo poꞌó. Nujisas pjü way mponecj cupj tjiꞌyüꞌnacj Jesucristo —nin tjevele. 29 Pedro wola tjevele. La pꞌa apostolpan* nin pꞌiyá tjowelepj niná: —Dios qjuis tjijyüꞌta, nun qjuis tjüjüꞌtǘ wa. Más ꞌücj cupj nin lijicj Dios tjijyüꞌtá. 30 Judiopan* püna tapatja, jupj yupj jis Dios waytsja. Jupj jas tjijyünsa Jesucristo, püꞌü niswá. Nun tjovalá Jesucristo cruz* poꞌó, tepeꞌe, mopꞌin püꞌü niswá jupj. 31 Jupj jáꞌasa quinam Dios liꞌinyampe, jupj püné way mpes. Dios nin la tjiji. Jesucristo Jepa jupj. Jupj la tjiji gente ꞌücj ca mpatjam Dios lal. Dios jos israelpan* ꞌaplijila se palá malala nyuca la tjajay mpes. Jos ꞌüsüs la mijicj quinam jupj jos jinwá. Dios perdonar lis mijis malala nyuca la tjajay, nin jos jupj. 32 Pjü way niná tjinyucucj, velecj niná la pꞌa jilal. Dios Cjües nin pꞌiyá vele jupj. Tꞌücꞌ way gente pülücj way nin lajay Dios tjijyüꞌtá. Dios jis tjeꞌyaya jupj Cjües yupj jisas poꞌó la pütꞌüs —nin tjowelepj. 33 Niná tjepjyacan̈ na, pajal tsꞌa tjiꞌin judiopan* jis jepapan. Quelel jaꞌünantsja apostolpan*. 34 Judiopan* jis jepapan popa pjaní Gamaliel lotsja. Fariseo* waytsja jupj. Sin tjiꞌyüsa la tjíjitsja Moisés* popel. Jupj ꞌüsüs waytsja pjü jilal. Quina jas tjijyünsa, jis tjijyüꞌta neꞌaj jajamapj jilal pjeꞌá jis la man apostolpan*. 35 Tjil na, tjevele judiopan jis jepapan jilal, coꞌmüypan* jilal ꞌotsꞌipj. Tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 5, 6

368

—Israelpan*, ꞌin tjajamá ma malala lojí niyom nenem jilal. 36 Nujola tepyala, ꞌin lacasana Teudas tjevele jupj pꞌiyá püné waytsja. Niyom cien yulupjana topon jupj tjevelá, ne nin la tjajay jupj tjevelá. Mopꞌin nin, la pꞌa tjüꞌünan jupj. Mpes niyom nenem tjil yupj jis wa ntꞌa. Mpes len̈tsja yupj, tjil mpes. 37 Locopyaya, pꞌa jyawca na, jepapan gente sin tapac na, gente pülücj la tjajay Judas tjevelá, jupj ne Galilea mpe ꞌesepj. La pꞌa tjüꞌünan wa jupj. Mpes jupj cus tocon̈ tjil wa yupj jis wa ntꞌa. Mpes len̈tsja yupj, tjil mpes. 38 Quina nun ma jisas niyom nenem Jesucristo lal japon. Po ma malala la tjüjí yupj jilal. Yupj pꞌin nin quelel lajay ca nacj. Mpes tꞌücꞌ way malala nyuca ca jis mpalas. Len̈ ca nsem yupj. 39 Ma selecj ncu Dios jos jin lajay, ncu yupj sin nin lajay. Dios jis capj pꞌyaꞌsa ca nacj. Mpes ca ma polel lis müjí nujisas jin. Más ꞌücj nun ma lo palaná Dios lal —Gamaliel nin tjevele. 40 Jupj tjevelá ꞌüsüstsja yupj jilal. Jis tjüjütütj jajamapj jilal wama jis la cuman apostolpan*. Moꞌo süptsja apostolpan. Jis tjüjütütj ma ca mvelecj niswá Jesucristo poꞌó. Nin la tjajay na, tjowelepj ꞌücj jis la winin quinam. 41 Apostolpan* tjil judiopan* jis jepapan mpe. ꞌÜcj jisastsja ꞌüsüs waytsja Dios lal malala jis tepyala, Jesucristo sa con̈tsja mpes. 42 Lovin sin tjiꞌyüsa la tjajaytsja Jesucristo poꞌó Dios wo* ntꞌa, gente jis wa ntꞌa ꞌotsꞌipj. Pülücj jis walapꞌaꞌa tjowelepj. Sin tjiꞌyüsa la tjajaytsja Jesús ne Cristo jupj. Jupj tjacꞌ perdonar la qjuis mijis malala nyuca la tjijicj. Sin tjiꞌyüsa la tjajaytsja Dios jas tjejyama jupj, ca jis capj mpꞌaꞌsas judiopan.

6

Dios tsꞌuyupj lis tꞌapj niyom siéteya jis capj lo pꞌacj.

1 Judiopan*

pülücj topontsja Jesucristo lal. Nepénowa yupj griego* tjoweleptsja. Yupj tsꞌa tjiꞌintsja ꞌotsꞌotsꞌ way, la pꞌa judiopan la tjajaytsja mpes. Tjowelepj: “Jaꞌayapj jis la las voyum tulucj jilal. Cupj popa nepenowá jis vayum tulucj ꞌotsꞌipj, mopꞌin tsjicj way pꞌin se ꞌayapj yupj. Más pülücj se ꞌayapj la pꞌa jis vayum tulucj jilal”, nin tjowelepj. 2 Apostolpan* dóceya tjüjütütj ꞌa jis mulus pjü way Jesucristo lal japon. Tjowelepj: “Malala cupj se ꞌayacj jis la las. Pülücj lijicj na, ma polel sin ꞌyüsa lijicj Dios tjevelá. Más ꞌücj sin ꞌyüsa lijicj Dios tjevelá. 3 Más ꞌücj niyom siéteya ca la ntꞌa nun popé, yupj ca nin la mijicj. Qjuisas niyom nenem pajal ꞌüsüs nsem. Más ꞌücj la pꞌa ꞌüsüs javelepj yupj sin poꞌó. Más ꞌücj tꞌücꞌ way lajay Dios Cjües velá. Más ꞌücj lovin salejepj tsjan más ꞌüsüs la mijicj. Cupj ca mvelecj yupj jis lal yupj ca jis maꞌayacj

El Nuevo Testamento en Tol de Honduras, 2da ed. ©2010, Wycliffe Bible Translators

369

HECHOS 6

jis la las nequem jis vayum tecyaꞌlin̈. 4 Mpes cupj ca ꞌücj sin ꞌyüsa la mijicj Dios tsꞌuyupj jupj tjevelá. Ca ꞌücj mvelecj hora pülücj Dios lal”, nin tjowelepj apostolpan. 5 Yupj tjowelepj pajal ꞌüsüstsja pjü jilal. Mwalá way la tꞌapj Esteban. Po tepyónatsja pjü way Jesucristo tjevelá. Tꞌücꞌ way la tjíjitsja Dios Cjües velá. La tꞌapj wa Felipe, Prócor ꞌotsꞌipj, Nicanor ꞌotsꞌipj. La tꞌapj wa Timón, Parmenas ꞌotsꞌipj, Nicolás ꞌotsꞌipj. Nicolás judío* tuluctsja. Antioquía mpe ꞌeseptsja jupj. Neꞌaj mwalá way tepyona judiopan jinwá. Locopyaya, pꞌa jyawca na, tjacꞌ Jerusalén ntꞌa. 6 Niyom siete nenem tꞌücꞌ lis tꞌapj na, jis tucuman yupj apostolpan* ntꞌa. Apostolpan sey pjucj po la tjoꞌotj, tjowelepj Dios lal yupj mpes. ꞌÜcj ca polel la mijicj Dios jos jin quinam. 7 Lovin más pülücj topon Dios tjevelá. Jerusalén poꞌo ꞌotsꞌipj pajal pülücj jisastsja Jesucristo quinam. Sacerdotepan* pülücj topon wa Jesucristo tjevelá.

8 Esteban

Niyom Jesucristo ma jisas ntjiꞌlin̈ Esteban.

pajal ꞌüsüs la tjíjitsja, yom pꞌin ma polel liji jinwá. Pjü po yólatsja jupj la tjíjitsja mpes. Dios pajal ꞌüsüs la tjíjitsja jupj lal. Nin tepyala mpes la pꞌa jus nlay Dios cus tjepꞌyaꞌsa jupj. 9 Jerusalén poꞌó, judiopan* nepenowá ꞌa jis tjimyula ntꞌa, “ꞌÜcj Pjeꞌá Jis La Winin” lotsja. ꞌA jis tjimyula, nepénowa Cirene mpe neꞌespan. Nepénowa Alejandría mpe neꞌespan. Nepénowa Cilicia mpe neꞌespan. Nepénowa Asia mpe neꞌespan. Yupj nepenowá tjil Esteban ntꞌa jis la velel. 10 Esteban tjevele yupj jilal. Jupj po seletsja ꞌüsüs way la veles. Dios Cjües cus tjepꞌyaꞌsa. Mpes yupj ma salejeptsja tsjan jupj wola la veles. Pꞌa casá yólatsja yupj. 11 Mpes la pꞌa jilal jaylacj la tjajay, ꞌücj la tsuwil. La tsuwilpan tjowelepj: “Esteban malala tjevele Moisés* poꞌó, Dios poꞌó ꞌotsꞌipj”. 12 Niná tjowelepj mpes, judiopan* tsꞌa tjiꞌin Esteban lal. Coꞌmüypan* tsꞌa tjiꞌin ꞌotsꞌipj, Moisés* popel sin ꞌyüsa lajay tsꞌa tjiꞌin ꞌotsꞌipj. Tjiquil, ntjiꞌlin̈ Esteban, tjaman jupj judiopan jis jepapan ntꞌa. 13 Tjaman wa la pꞌa, la ntsawilicj Esteban poꞌó. La tsuwilpan tjowelepj: —Niná lovin malala vele Dios wo* poꞌó, malala vele Moisés* tepyaca poꞌó ꞌotsꞌipj. 14 Tjepjyaꞌaquecj jupj tjevele Jesús ca jas mojoyes Dios wo. Jesús ne Nazaret mpe ꞌeseptsja. Jupj tjevele Jesús jos ma lijicj Moisés tjijyüꞌtá. Pꞌa way lijicj jos jupj —nin tjowelepj la tsuwilpan. 15 Quina pjü way neꞌaj tjatja po tjunuc Esteban. Jupj wola ángel* wola jinwatsja.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 7

7

370 Esteban tjevele judiopan jis jepapan jilal, coꞌmüypan jilal ꞌotsꞌipj.

1 Sacerdote*

más püné tjevele Esteban lal. Tjevele: —¿Ncu tꞌücꞌ way yupj tjowelepj? 2 Esteban tjevele: —Natjampan, najas nun pjoꞌoqué napj velé. Jepapan way nun. Tꞌücꞌ way cupj qjuis Dios pajal püné. Lay tepyala Abraham* ntꞌa. Nun solejé Abraham pajal püna tüpüꞌü, cupj jupj popa pꞌiyá püs naya pyatjaquecj. Lay tepyala jupj ntꞌa Mesopotamia poꞌó, custjay Harán ntꞌa ma tjemey na pꞌin. 3 Dios tjevele jupj lal: ‘Wya mpe mim. La pꞌa wa quiꞌá patja mpe mim. ꞌAmá pꞌa wa ntꞌa napj ca mya man. Neꞌaj mpüꞌüm ca’, Dios nin tjevele Abraham lal. 4 Mpes tjemey Caldea mpe. Harán ntꞌa tjemey, tüpüꞌü. Jupj popay tepeꞌe na, Dios jas tjejyama jupj quiꞌá, nun potjaqué ntꞌa. 5 Dios ꞌamá ma tjeꞌyaya Abraham lal. Jas tüpwes ꞌaya secj jupj. Dios tjevele pꞌa jawasa ꞌamá ca maꞌayas. Abraham popa pꞌiyá püs naya patja mpes ca jis maꞌayas wa, tjevele. Abraham tsꞌuyupj tuluctsja custjay, Dios niná tjevele na. 6 ”Dios tjevele: ‘Abraham* popa pꞌiyá püs naya patja ca mpatjam ꞌamá pꞌa wa ntꞌa. Año cien yulupjana ca mpatjam neꞌaj —tjevele—. Pasal yümücj tsjiꞌ la mijicj neꞌaj, esclavopan* nsem yupj. Neꞌaj patja ma ca jis maꞌayacj tsjiꞌ la tjajay mpes. Lovin ca malala lis mijicj.’ 7 Dios tjevele wa: ‘Tꞌücꞌ way ca malala nyuca la mijicj yupj jilal. Mpes napj ca jis capj ntül. Abraham popa pꞌiyá püs naya patja ca ncul quiꞌá niswá. Yupj ca mvelecj napj lal. Pasal ca quelel la ma jicj’, Dios nin tjevele. 8 Abraham po jostsja Dios tjevelá. Yuwal yola pyálatsja yupj. Mpes Dios jis tjijyüꞌta yupj tꞌü yupj jis cocoy tsjicj. Jostsja jatꞌǘ yupj jis pjolocꞌ tsjicj way tꞌasiyú. Jatꞌǘ mpes ca jus nlayecj Abraham yuwal jólatsja Dios lal. Mpes Abraham tꞌyüjü Isaac, Isaac tsꞌacꞌ ocho tyáꞌatsja na. Nin pꞌiyá Isaac tꞌyüjü wa Jacob. Nin pꞌiyá Jacob tꞌyüjü wa jupj jatjampan dóceya. Noypan waytsja yupj püná. 9 ”Nun solejé Jacob jatjam pjaní José lotsja. Jupj jatjampan la tjejyamanan̈ jupj mpes. Mpes vender la tjajay jupj la pꞌa jilal. Jaylacj la tjajay tjaman jupj Egipto ntꞌa. Mopꞌin Dios cus tecyon̈ca jupj. 10 Pajal malala tepyala José Egipto poꞌó. Malala tepyala na, pajal cus tjepꞌyaꞌsa Dios. Dios la tjiji José pajal ꞌüsüstsja jepa lal neꞌaj, (Egipto jis jepa Faraón jupj tjowelepj yupj.) Dios la tjiji José lovin seletsja tsjan ꞌüsüs la mijis. Faraón jus nleya José lovin po seletsja tsjan ꞌüsüs la mijis.

El Nuevo Testamento en Tol de Honduras, 2da ed. ©2010, Wycliffe Bible Translators

371

HECHOS 7

Mpes José jepa püné tepyala Egipto poꞌó, Faraón wo ntꞌa ꞌotsꞌipj, Faraón nin tjeꞌyaya jupj lal. 11 ”Pꞌa jawasa cjuwá jis la las tepyala Egipto poꞌó, Canaán poꞌó ꞌotsꞌipj. Malala jis tepyala pjü gente jilal, israelpan* jilal ꞌotsꞌipj, cjuwatsja jis la las. 12 Jacob jus nléyatsja vender lajaytsja jis la las Egipto poꞌó. Mpes sin tjejyama jupj jatjampan Egipto ntꞌa jaylacj la mijicj jis la las. Nin mpes mwalá way tjil yupj. 13 Pꞌa jawasa sin tjejyama niswá jaylacj la mijicj jis la las. José tjevele yupj jis lal jupj pꞌiyá yupj sejatjam. Nin tepyala na, Faraón jas tjiꞌyüsa José jatjampan poꞌó. 14-15 José jis tjijyüꞌta jatjampan jis lal la cuwis yupj jis papay. Jacob lotsja yupj jis papay. Tjevele pjü jis tsꞌuyupan jis lal ncul, sejatsꞌompan jis lal ncul ꞌotsꞌipj. Jis tjijyüꞌta jis lal la cuwis Egipto ntꞌa. Mpes Jacob tjacꞌ Egipto ntꞌa, pjü jupj jatjampan jis lal, jupj cüicpan jis lal wa. Pjü way yupj setenta y cinco waytsja yupj. Tapatja Egipto poꞌó. Pꞌa jawasa Jacob tepeꞌe. Locopyaya, püna, jupj tsꞌuyupj tecyaꞌlin̈ ꞌotsꞌipj. 16 Pꞌa año yupj jis cjüele tjatꞌ Siquem ntꞌa, püna tapatja ntꞌa. Jomwen jul tüpüntüpj. Püna Abraham* jaylacj la tjiji jomwen jul niná, Hamor jatjampan vender la tjajay. 17 ”Locopyaya, año pülücj tepyala na, israelpan* pajal pülücj yupj sin popé tjamanun Egipto poꞌó. Dios nasa quelel ꞌyáyatsja ꞌamá pꞌa way, püna tjevele Abraham* lal ca maꞌayas ꞌamá niná. 18 Quina jepa pꞌa way jáꞌasatsja Egipto poꞌó. Mopꞌin ma seletsja pjactsja José. 19 Jupj malala la tjiji israelpan jilal. Cupj yupj sin popa pꞌiyá püs naya pyatjaquecj. Pajal malala jis tepyala jepa niná mpes. Jis tjijyüꞌta pjeꞌá moꞌonsocj yupj jis tsjictjacj. Tjijyüꞌta neꞌaj jatja ca mal yupj mpe, mpes jis tsjictjacj tecyaꞌlin̈, yusapj pátjatsja mpes. 20 ”Niná tjijyüꞌta na, Moisés* tjemyaꞌna. Pajal ꞌüsüs waytsja jupj Dios lal. Mes contꞌe mpes tüpüꞌü jamay lal, popay lal. 21 Mes contꞌe tꞌücꞌ tepyala na, tjaman, tüpüntüpj pꞌa ntꞌa, ne tjil. Tüpüntüpj ntꞌa Faraón jucucus jus tjinyuca. Jupj tꞌyüna la tjiji jupj, quepj tꞌyüna liji jinwá jupj popa pꞌiyá lal. 22 Neꞌaj Moisés pjü way jas tjiꞌyüsa ꞌoyn nyuca la tjajay egiptopan*. Po ꞌüsüs way tjevele, pajal ꞌüsüs la tjiji wa, jupj pünetsja mpes. 23 ”Año cuarenta tyáꞌatsja na, quelel jámatsja la nuc jupj gente, israelpan* waytsja yupj. 24 Tjemey na, jupj tjinyuca Egipto mpe ꞌesepj syǘpatsja israelpan popa pjaní. Israelpan popa ma malala la tjiji, jupj sin nin syǘpatsja jupj. Mpes Moisés* cus tjepꞌyaꞌsa israelpan popa. Jupj tjiꞌyüꞌna Egipto mpe ꞌesepj. 25 Moisés jólatsja israelpan sin tjiꞌyǘsatsja jupj jis capj pꞌyáꞌsatsja, Dios la tjiji mpes. Ma sin tjiꞌyüsa yupj.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 7

372

26 ”Yaya

Moisés* tjemey niswá israelpan* ntꞌa. Yus tjinyuca niyom mátꞌeya; pjaní malala líjitsja pꞌa lal. Moisés jostsja ma la palantsja yupj. Tjevele: ‘Jatjampan nun. ¿Tsjan mpes lo palaná?’ nin la tjiꞌyüya. 27 Malala líjitsja pjaꞌas la tjiji Moisés lal, la tjiꞌyüya: ‘¿Pjacj jin tjejyama qjuis la jütütj? ¿Pjacj jin tjejyama la veles ncu malala la tjijicj? 28 Napj selé tꞌan̈ jipj tjiꞌyünan Egipto mpe ꞌesepj. ¿Ncu nin pꞌiyá quelel lejay napj lal?’ nin la tjiꞌyüya. 29 Jupj tjevele mpes, Moisés lecj tjeyá. Len̈ way campa tsꞌüequené jupj. Madián ntꞌa patja ntꞌa tjemey. Pjü ma neꞌas tjunuc. Neꞌaj tjowaya, popa matꞌe tepyala jupj. 30 ”Locopyaya, año cuarenta tepyala na, ángel* lay tepyala Moisés* ntꞌa. Moisés tón̈catsja pjeꞌá, wa cjuwá ntꞌa, pꞌa len̈tsja ntꞌa. Ángel lay tepyala jupj ntꞌa neꞌaj. Neꞌaj waytsja pꞌin jocꞌ mpe, jocꞌ niná Sinaí ló. Jül ꞌawa tüpwé. ꞌAwa culupwen ntꞌa lay tepyala ángel. 31 Moisés jus tjinyuca na, pasal jólatsja tjinyuca mpes. Neꞌas tjemey la nuc. Qjuis Jepa Dios vele tjapjaca. 32 Tjevele: ‘Tꞌücꞌ way Abraham* tepyona napj lal. Tꞌücꞌ way Isaac tepyona wa napj lal, Jacob tepyona wa. Yupj püna tapatja, jipj yupj popa pꞌiyá püs naya pütꞌ’, nin tjevele. Moisés lecj tjeyatsja, ma quelel nyúcatsja niswá ꞌowus. 33 ”Qjuis Jepa Dios niswa tjevele: ‘Tsjyam ꞌyütsꞌopta. Jipj ton̈ ntꞌa ꞌamá ꞌüsüs way, napj quiꞌá jüs mpes. 34 Napj selé malala se palá napj tsꞌuyupan Egipto poꞌo patjá. Tjapjacas yupj la puyupj. La palá tjacuwis jis la man la pꞌa ntꞌa. Mas. Jin majam Egipto ntꞌa’, qjuis Jepa Dios nin tjevele. 35 ”Israelpan* ma jisastsja Moisés* yas nam. Nujola tepyala yupj tjowelepj Moisés lal. La tjüꞌüy: ‘¿Pjacj jin tjejyama qjuis la jütütj? ¿Pjacj jin tjejyama la veles ncu malala la tjijicj?’ nin la tjüꞌüy. Dios püné ne jas tjejyama jupj yupj ntꞌa, yupj jis jepa tepyala. Jupj jas tjejyama pjeꞌá jis la man. Ángel* lay tepyala jül lejen̈ moꞌó, jupj pꞌiyá cus tjepꞌyaꞌsa jupj. 36 Mpes Moisés pjeꞌá jis tjemyana Egipto mpe. Pajal ꞌüsüs la tjiji Egipto ntꞌa, yom pꞌin ma polel liji jinwá. Nin pꞌiyá la tjiji Mar Rojo ntꞌa ꞌotsꞌipj. Yupj pajal yólatsja jupj ꞌüsüs la tjiji mpes. Año cuarenta mpes jis tjemyana jis wa cjuwá ntꞌa. Pajal ꞌüsüs la tjiji neꞌaj ꞌotsꞌipj. 37 Nun solejé jupj tjevelá israelpan jilal. Tjevele: ‘Profeta* pꞌa wa napj jinwá ncuwim; Dios ca jas majamas nun ntꞌa. Nun popa nsem jupj’, nin tjevele jupj. 38 Solejé Moisés jáꞌasatsja israelpan jis lal jocꞌ ntꞌa, jocꞌ niná Sinaí ló, wa cjuwatsja ntꞌa. Jocꞌ moꞌo ángel tjevele Moisés lal. Niná Moisés nin tjevele israelpan jis lal. Qjuis Jepa Dios nin tjevele yupj mpes, nun mpes ꞌotsꞌipj.

El Nuevo Testamento en Tol de Honduras, 2da ed. ©2010, Wycliffe Bible Translators

373

HECHOS 7

39 ”Mopꞌin

ma quelel lajaytsja Moisés* tjijyüꞌtá. Quelel jiltsja niswá Egipto ntꞌa. 40 Tjowelepj Aarón lal, Moisés len̈tsja na. Tjowelepj: ‘La pꞌa dios witjacj* la mijin. Yupj ca qjuis manucj Egipto ntꞌa. Ma selecj tsjan mpes Moisés ma tjacꞌ. Jupj qjuis ticyuna quiꞌá. Len̈ quinam jupj. Püs way len̈tsja jupj’, nin tjowelepj. 41 Mpes vaca jinwá justa la tjajay oro* mpes. Niná yupj jis dios nsem jisastsja. Animal tjüꞌünan, vaca oro wolapꞌaꞌa tüpüntüpj jupj. Po ꞌücj jisastsja la tjajay mpes. 42 ”Pjulacj ꞌotsꞌipj yupj jis dios witjacj* jin yólatsja yupj. Yólatsja yupj noypan. Mpes Dios tjemey yupj mpe. Ma jis capj tecyón̈catsja quinam. Püna Dios profeta* pjaní papel tepyaca Dios tjevelá. Tepyaca: ‘Israelpan*, wa cjuwá ntꞌa tjalawiqué año cuarenta mpes. Neꞌaj animal tjüꞌüꞌná, tjaꞌayá pꞌa mpes. Napj mpes tulucj la tjüjí. 43 Pꞌa dios witjacj la tjüjí. Moloc jin justa la tjüjí. Tꞌücꞌ way nun quelel lojitsja jupj. Nujólatsja jupj püné. Nun tjajamá jupj, jupj wo ꞌotsꞌipj tjajamá. Renfán jin justa la tjüjí wa. Quelel lojitsja jupj ꞌotsꞌipj. Nujólatsja jupj püné. Tjajamá jupj. Mpes napj ca nucopj ntülüs. Nusin majam ca campa way, más campa Babilonia mpe nusin majam ca’, Dios nin tjevele. 44 ”Tꞌücꞌ way cupj yupj sin popa pꞌiyá püs naya pyatjaquecj. Yupj tjelyawun̈ na wa cjuwá ntꞌa, wa pülül tatsja. Yupj la tjajay niná wa pülül. Dios jas tjiꞌyüsa la tjiji Moisés* ꞌoyn nyuca la mijis niná wosis. Niná Dios wo ló. Niná wa mpes, salejeptsja Dios jis capj tecyón̈catsja. 45 Locopyaya, pꞌa año na, Josué jépatsja israelpan* jis lal quinam. Wa niná tjam custjay. Josué jis tjemyana ꞌamá pꞌa wa ntꞌa. Dios len̈ way pjeꞌá sin tjejyama pjü way neꞌaj tapatjá. Israelpan tjamtsja custjay wosis pülül. Locopyaya, año pülücj tepyala na, David* israelpan jis jépatsja jupj. Tatsja custjay wosis pülül. 46 David pajal ꞌüsüstsja Dios lal. David tjevele Dios lal: ‘Quelel si jünsǘ wa püné jipj mpes. ¿Ncu ꞌücj napj nin lejay?’ la tjiꞌyüya Dios lal. 47 Dios jostsja ma nin liji. Mopꞌin ꞌüctsja Dios lal David jatjam Salomón* nin la mijis. Mpes Salomón jas tjijyünsa wosis pones Dios mpes.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 7

374

48 ”Cupj

selecj Dios ma püꞌü wa moꞌó. Profeta* pjaní papel tepyaca Dios tjevelá. 49 Jupj tjevele: ‘Napj jyütütj tsjun poꞌó. Jyütütj nosis ntꞌa ꞌotsꞌipj. Nun ma polel su jünsǘ wosis napj mpes. Ma püꞌüs wa moꞌó. Lovin jun taꞌá winis. 50 Pjü way la tjejay napj’, profeta nin tepyaca Dios tjevelá —Esteban nin tjevele. 51 Esteban tjevele niswá. Tjevele: —Pülücj way ma quelel japon Dios tjevelá. Nun yupj jin pꞌiyá. Ma pjoꞌoqué Dios tjevelá. Ma lojí Dios tjijyüꞌtá. Ma jisas Dios Cjües. Nun, israelpan* püna tapatja jin pꞌiyá. 52 Püna profetapan* tjowelepj Yom ꞌÜsüs Dios Lal ncuwim, más ꞌüsüs way jupj pjü jilal. Israelpan püna tapatja malala la tjajay profeta nepénowa jilal. Tjüꞌünan yupj nepenowá. Nin pꞌiyá la tjüjí wa yom lal, niná Yom ꞌÜsüs Dios Lal. Nun tjaꞌayá jupj la pꞌa jis la ꞌünan. Mpes nun tjüꞌüꞌná jupj. 53 Püna angelpan* tjaꞌayapj Dios tjijyüꞌtá. Newa nin, nun ma lojí Dios tjijyüꞌtá —Esteban nin tjevele yupj jilal.

54 Judiopan*

Yupj tjüꞌünan Esteban

jis jepapan tjepjyacan̈ na jupj tjevelá, pajal tsꞌa tjiꞌin Esteban lal. Nin pꞌiyatsja coꞌmüypan*. Mpes jis wis jis tiquilil. 55 Esteban

Pe noypan la tsi Esteban poó, tpee nas. (Hechos 7.60) El Nuevo Testamento en Tol de Honduras, 2da ed. ©2010, Wycliffe Bible Translators

375

HECHOS 7, 8

newa la tjíjitsja Dios Cjües jostsja jin la pꞌin. Tsjun poꞌo tjinyuca. Tjinyuca jaw Dios jáꞌasa ntꞌa. Jus tjinyuca Jesucristo tón̈catsja Dios liꞌinyampe. 56 Esteban tjevele: —Tjunuca. Napj polel nyuc Dios jáꞌasa ntꞌa. Yom niná Dios jas tjejyamá si nuc napj. Ton̈ca Dios liꞌinyampe —nin tjevele Esteban. 57 Yupj jis pjatsꞌ la topj la tjajay jis mas mpes. Ma quelel pjyacan̈tsja. Yümücj tjowelepj, tsꞌa tjiꞌintsja mpes. Pjü way yümücj ntjiꞌlin̈ Esteban. 58 Ntjiꞌlin̈, tjaman jupj pülücj patja mpe. Pe noypan la tsꞌi jupj poꞌó, jis la ꞌünan. Tjamacjas, Saulo lotsja, tjejyama yupj sin quip pjeꞌapa pe la tsꞌi na. 59 Esteban tjevele qjuis Jepa Jesucristo lal: —Nejepa, tjemyana napj neqjues —nin tjevele. Yupj lovin pe neꞌaj la tsꞌi. 60 Esteban tüicꞌ jin tjüjünsü, yümücj tjevele: —Nejepa, ma nin jele tꞌas yupj malala lajay napj lal. Ma jis capj ntülün. Tꞌücꞌ tjevele na, tepeꞌe. 1 Saulo pjü tjinyuca. ꞌÜctsja jupj lal yupj tjüꞌünan Esteban.

8

Saulo malala nyuca la tjiji Dios tsꞌuyupj jilal.

Quina Jerusalén poꞌo patja malala nyuca la tjajay Dios tsꞌuyupj jilal neꞌaj. Mpes Dios tsꞌuyupj pülücj len̈ way tjil Jerusalén mpe. Jun taꞌá tjil Judea poꞌó, Samaria* poꞌó ꞌotsꞌipj. Apostolpan* pꞌin ma tjil. 2 Esteban tjüꞌünan na, niyom ꞌüsüspan tjil, toc jupj. Po ꞌaplijílatsja yupj jupj tepeꞌe mpes. 3 Newa nin, Saulo lovin malala nyuca la tjiji Dios tsꞌuyupj jilal. Yupj jis wa wama tjemey. Jupj jis ntjüiꞌle, jis tjemyana cawilta ntꞌa.

4 Dios

Dios tsꞌuyupj tjowelepj Jesucristo mpes Samaria ntꞌa.

tsꞌuyupj tjil na Judea ntꞌa, Samaria* ntꞌa ꞌotsꞌipj, lovin tjowelepj la pꞌa jilal Jesucristo poꞌó. 5 Felipe tjemey wa Samaria ntꞌa. Neꞌaj wa pülücj lejen̈ ntꞌa yupj jis walapꞌaꞌa tjevele Cristo poꞌó, jupj ne Jepa niná Dios tjevele ca jas majamas. 6 Felipe ꞌüsüs la tjiji neꞌaj, yom pꞌin ma polel liji jinwá, mpes pjü neꞌaj patja pajal jisastsja jupj tjevelá. 7 Jupj tjijyüꞌta lapanenpan pjeꞌá mal gente jisas mpe. Yümücj tjowelepj ne tjil. Gente ma polel lyawun̈tsja, len̈ way jis tjiꞌyüꞌsa la tjiji. Gente ma polel ꞌyutanan̈tsja ꞌotsꞌipj, jis tjiꞌyüꞌsa la tjiji. 8 Mpes pjü way neꞌaj po ꞌücj jisas jis tepyala. 9 Yom pjaní neꞌaj Simón lotsja jupj. Lapanenpan cus tjapꞌacj pꞌa casá la mijis yom pꞌin ma polel liji jinwá. Gente neꞌaj pajal yólatsja

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 8

376

jupj la tjiji mpes. Jupj jostsja pjü yola püné way jupj. 10 Neꞌaj tapatja tjepjyacan̈ jupj tjevelá. Noypan, tsjictjacj ꞌotsꞌipj, ꞌüsüs jin yólatsja jupj. Tjowelepj yom niná Dios jinwá jupj, pjü ꞌücj liji Dios jinwá. 11 Püs way lapanenpan cus tjapꞌacj nin la mijis, mpes yupj yólatsja jupj ꞌüsüs, topon wa jupj tjevelá. 12 Pꞌa casá tepyala Felipe tjacꞌ na. Topon Felipe tjevelá Dios jyüꞌta poꞌó. Jupj tjevele pajal ꞌüsüs tepyala Jesucristo mpes. Topon na, bautizar* jis tepyala niyom, nequem ꞌotsꞌipj. 13 Simón tepyona wa Felipe lal. Bautizar tepyala jupj. Jupj cus tecyón̈catsja Felipe lovin, jupj tjemey ntꞌa. Tjinyuca pajal ꞌüsüs la tjíjitsja Felipá, yom pꞌin ma polel liji jinwá. Nin la tjiji sin ꞌyüsa la mijis Dios mpes tjevele. 14 Apostolpan* tapátjatsja custjay Jerusalén poꞌó. Sin tjiꞌyüsa yupj Samaria* ntꞌa patja topon Jesucristo poꞌó. Mpes apostolpan sin tjajam Pedro, Juan ꞌotsꞌipj, Samaria ntꞌa. 15-16 Gente Samaria poꞌo patja bautizar* jis tepyala qjuis Jepa Jesucristo mpes. Newa Dios Cjües ma tjemey custjay yupj jisas moꞌó. 17 Mpes Pedro, Juan ꞌotsꞌipj, tjowelepj Dios lal yupj mpes. Yupj sey pjucj po la tjoꞌotj. Po la tjoꞌotj na, Dios Cjües yupj jisas moꞌo tjemey. 18-19 Simón tjinyuca niná tepyalá. Mpes tjevele Pedro lal, Juan lal wa: —Napj quelel po le ꞌotj wa gente sey pjucj, Dios Cjües jisas wama mim. Mpes tꞌemel ca nu maꞌayá, no ꞌoyá napj ca nin pꞌiyá polel la mejay nun lojí jinwá —Simón nin tjevele yupj jilal. 20 Pedro wola tjevele: —Jipj pyon jipj polel jaylacj lejay, ne nin pꞌiyá polel la mijin cupj lijicj jinwá. Nin tulucj. Dios ꞌyaya jupj Cjües, jaylacj tulucj. Ma qjuisas jipj tꞌemel. Najas Dios ca ncawajas la mijis jipj jetꞌemel. 21 Ma jele Dios jola jinwá. Mpes ma polel tsjiꞌ lejay cupj qjuilal Dios mpes. 22 ꞌAplijila way tꞌas jipj, malala jéletsja mpes. Dios lal la monan jupj ca perdonar la mijis jipj, malala jéletsja mpes. 23 Malala jipj quelel nin lejay cupj lijicj jinwá. Jomam jipj. Lovin malala lejay —Pedro nin tjevele. 24 Simón wola tjevele: —Pajal ꞌaplijila napj jipj tjevelen mpes. Najas Dios ma ca nin la mijis jipj tjevelen jin. La tjemyona Dios lal napj mpes, ne jupj ma ca nin la mijis napj lal —nin tjevele. 25 Nin tepyala Pedro, Juan, neꞌaj tapatja na. ꞌÜsüs tjowelepj yupj salejeptsja mpes. Po jisastsja yupj mponecj. Pülücj jis walapꞌaꞌa tjowelepj qjuis Jepa Jesucristo tjevelá. Tꞌücꞌ tjowelepj na, tjil niswá Jerusalén ntꞌa. Newa jümücj casá lyawun̈tsja na, Samaria* moꞌo patja jis lal tjowelepj wa,

El Nuevo Testamento en Tol de Honduras, 2da ed. ©2010, Wycliffe Bible Translators

377

HECHOS 8

yupj jis wa nepénowa lejen̈ ntꞌa. La pülücj tjowelepj Samaria moꞌo patja jis walapꞌaꞌá; nin tjowelepj Jesucristo ꞌüsüs la tjiji quinam gente mpes. Felipe tjevele Jesucristo poꞌó Etiopía mpe ꞌeseptsja lal.

26 Locopyaya

ángel* tjacꞌ, tjevele Felipe lal. Tjevele: “Jutja sur ntꞌa. Neꞌaj jümücj püꞌü jupj, jümücj niná Gaza ntꞌa jama. Jerusalén mpe jacꞌ jümücj niná. Neꞌaj mim jipj”, ángel nin tjevele. Neꞌaj jis wa cjuwá, gente len̈. 27 Mpes Felipe tjemey. Tjemey na, jus tjinyuca yom pjaní jámatsja. Etiopía mpe ꞌeseptsja jupj. Yom niná püné waytsja Etiopía moꞌó. Quepj jepa jáꞌasatsja neꞌaj Etiopía moꞌó. Candace lotsja jupj. Yom niná jyámatsja jepa tꞌemel. Quina tjactsja jupj Jerusalén mpe. Jerusalén ntꞌa palá tipiꞌtje Dios wolapꞌaꞌá, tjevele jupj pajal püné. 28 Quina jupj tjactsja carreta pajal ꞌüsüs mpes, cavayú la locjoctsja. Jupj moꞌo véletsja Isaías tepyacá, Isaías profétatsja* jupj püna. 29 Dios Cjües tjevele Felipe lal: “Jutja carreta tyaꞌa ntꞌa, cus ncon̈con”. 30 Mpes Felipe tsꞌüequené, la nüjüsü. Neꞌas tjemey na, tjapjaca jupj moꞌo véletsja Isaías tepyacá. Felipe la tjiꞌyüya: —¿Ncu jin ꞌyüsa moꞌo velen? 31 Wola tjevele: —Ma nin ꞌyüsa. Len̈ pjacj nin müꞌüsüs la mijis. Viyá was, maꞌajam napj lal —nin tjevele Felipe lal. 32 Etiopía mpe ꞌeseptsja moꞌo véletsja Isaías tepyacá, Dios Popel popé. Tepyaca: “Yupj oveja* jaman na la ꞌünan, ma la puyupj ovejas. Nin pꞌiyá tjaman yom pjaní. Oveja lyájasa ton̈ca, jupj tsꞌüil jatꞌǘ na. Nin pꞌiyá jupj lal, ma véletsja jupj. 33 Pajal ꞌüsüstsja jupj; yupj sin nin ntjiꞌlin̈ jupj. Pajal malala nyuca la tjajay jupj lal, malalapan jis lal lajay jinwá. Pjü ma cus tjapꞌacj. Pajal malálatsja yupj. Tjüꞌünan jupj, mpes tjemey nosis mpe.” Isaías nin tepyaca püná. 34 Etiopía mpe ꞌeseptsja la tjiꞌyüya Felipe lal: —¿Pjacj poꞌo tepyaca profeta* niná? ¿Ncu jupj pꞌiyá poꞌo pꞌin tepyaca? ¿Ncu pꞌa wa poꞌo tepyaca? —nin la tjiꞌyüya. 35 Felipe jas tjiꞌyüsa la tjiji Isaías nin tepyaca Jesucristo poꞌó. Felipe pülücj way nin tjevele jupj lal Jesucristo poꞌó. Jas tjiꞌyüsa la tjiji pajal ꞌüsüs tepyala Jesucristo la tjiji mpes.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 8

378

Yom Etiopía mpe esepj tjactsja carreta mpes. (Hechos 8.28) 36 Newa

jiltsja jümücj casá. Yacjaya ꞌüsǘ püꞌü ntꞌa tjil. Etiopía mpe ꞌesepj tjevele: —ꞌUnuca, ꞌüsǘ püꞌü. Najas bautizar* ma palas la mijin. ¿Ncu ꞌücj jipj lal? —la tjiꞌyüya. 37 Felipe la tjiꞌyüya: —¿Ncu tꞌücꞌ way pyon jipj Jesucristo poꞌó? Wola tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

379

HECHOS 8, 9

—Po pyon napj. Pyon Jesucristo Dios Jatjam jupj. Felipe tjevele: —Mpes ꞌücj bautizar* mya palas la mejay napj. 38 Mpes jupj tyantaná carretas. Manas ꞌüsǘ moꞌo tjil. Felipe bautizar* la tjiji Etiopía mpe ꞌeseptsja. 39 ꞌÜsǘ mpe tjiquil na, Dios Cjües tjemyana Felipe pꞌa ntꞌa. Etiopía mpe ꞌesepj ma jus tjinyuca niswá Felipá. Mpes jusapj tjemey. Po ꞌücj jostsja quinam Jesucristo mpes. 40 Dios Cjües tjemyana Felipe Azoto ntꞌa. Neꞌaj tjuwínetsja, tjevele yupj jis walapꞌaꞌá Jesucristo mpes. Jun taꞌá, pülücj patja ntꞌa, tjevele jupj, Cesarea neꞌas tjemey nas.

Saulo tepyona wa Jesucristo lal. (Hechos 22.6-16; 26.12-18)

9

1 Saulo tsꞌi ꞌinyatsja custjay Jesucristo lal japon jis lal. Yupj jilal pajal malala véletsja jupj. Quelel si ꞌünánatsja yupj. Quina quelel jámatsja Damasco ntꞌa. Mpes jupj tjemey sacerdote* más püné ntꞌa Jerusalén ntꞌa, 2 papel la mon tjemey. Papel quelel tꞌyatsja judiopan* ꞌa si mulú ntꞌa Damasco poꞌó. Papel véletsja ꞌücj la tsupapj Jesucristo sa con̈, jis la cuman Jerusalén ntꞌa. ꞌÜcj niyom ntsuꞌpas jis la cuman, nequem ꞌotsꞌipj. 3 Papel ntꞌya na, tjemey. Nasa neꞌas jámatsja na Damasco ntꞌa, tsjun poꞌo pajal jaw tepyala. Saulo ntꞌa pajal jaw tepyala wa, jupj tꞌasiyú pajal tjejyawca. 4 Tyüla, pǘꞌütsja. Vele pjactsja. La tjiꞌyüya: —Saulo, ¿tsjan mpes malala nyuca lejay napj lal? —nin la tjiꞌyüya. 5 Saulo la tjiꞌyüya: —¿Pjacj vele napj lal? Wola tjevele: —Jesucristo napj. Malala nyuca lejay jipj napj jisas jilal. Jipj nin lejay na, malala nyuca lejay wa napj lal. Napj buey tsjyac jinwá lejay jipj lal. Buey tsjyaca na ma jama, más yümücj ntsjacas jupj lal. Buey niná jinwá lejay jipj. Malala ꞌe palá nin lejay jipj. 6 Mpes Saulo pajal lecj tjeyatsja, la tjiꞌyüya: —¿Tsjan jyas napj la mejay? Jesucristo wola tjevele: —Jin tjijyünsa. Damasco ntꞌa ca mim. Neꞌaj yom pjaní ca mveles tsjan la mijin —Jesucristo nin tjevele. 7 Saulo cus tocon̈ tjepjyacan̈ wa vele pjactsja. Mopꞌin ma tjunuc pjacj tjevelá. Mpes lacj tjeyapj wa yupj.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 9

380

8 Saulo

jas nisa. Jun la tyüꞌpa na, ma polel nyúcatsja jupj. Mpes yupj jupj mos ntjiꞌlin̈ tjaman Damasco ntꞌa. 9 Tsꞌacꞌ contꞌe ma nyúcatsja. Ma tjelyaja. Ma tjümüꞌü. 10 Ananías tüpüꞌü wa Damasco poꞌó. Jesucristo lal pyónatsja jupj. Nin jawas pꞌiyá Dios la tjiji Ananías tjinyuca Jesucristo. Tjinyuca Jesucristo tjacꞌ, tjevele jupj lal: —Ananías. Ananías la tjiꞌyüya: —Nejepa, ¿tsjan jyas? 11 Qjuis Jepa Jesucristo tjevele: —Judas wo ntꞌa mim. Jümücj ‘Tꞌatsj Way’ ló, neꞌaj püꞌü. Yom pjaní püꞌü neꞌaj, Tarso mpe ꞌesepj, Saulo ló jupj. Quina jupj vele Dios lal. 12 Dios lal tjevele na, napj la tjejay jupj tjinyuca yom pjaní tjacꞌ jupj ntꞌa, yom niná Ananías ló. Tjinyuca yom niná jay pjucj po la tjeꞌyotꞌa, la tjemyona Dios lal jupj ca ꞌücj nucus niswá. Jipj pꞌiyá yom niná jupj tjinyucá. Jupj ca jus nlayes napj jin tjejyam —Jesucristo nin tjevele. 13 Ananías wola tjevele: —Nejepa, pülücj nawala tjowelepj jupj mpes. Tjowelepj pajal malala nyuca la tjiji Dios tsꞌuyupj jis lal Jerusalén ntꞌa. 14 Yupj javelepj ꞌücj sacerdote* noypan jilal jupj tsyuꞌpa cyapj jacon̈ jilal —Ananías nin wola tjevele. 15 Newa nin, Jesucristo tjevele: —Jipj ca mim jupj ntꞌa. Napj la tꞌya Saulo. Quina ca la mijis napj najas jinwá. ꞌÜcj ca mveles napj nin poꞌó judiopan* tulucj jilal, yupj jis jepa noypan jilal ꞌotsꞌipj, israelpan* jilal ꞌotsꞌipj. 16 Jas müꞌüsüs ca la mejay pajal malala mpalas jupj lal napj mpes —Jesucristo nin tjevele Ananías lal, jupj jun si tsicyaca jinwá tjinyuca na. 17 Mpes Ananías tjemey. Jus tjinyuca Saulo. Jay pjucj po la tjeꞌyotꞌa, tjevele: “Saulo, natjam jipj. Napj selé qjuis Jepa Jesús lay tepyala jipj lal jümücj ntꞌa. Jupj nin tjejyama jipj ntꞌa, mpes ca nucun niswá. Dios Cjües ca mim jyas moꞌó, mpes ca la mijin Dios Cjües vele jin”, Ananías nin tjevele. 18 Len̈ way cjul jupjula jinwá palá tinca Saulo jun mpe, polel nyúcatsja niswá. Jas tjijyünsa. Ananías bautizar* la tjiji jupj. 19 Nin la tjiji na, Saulo tjelyaja, tjümüꞌü, mpes ꞌücj jáꞌasatsja niswá.

Saulo tjevele Jesucristo poꞌó Damasco ntꞌa.

Saulo tsjicj way tüpüꞌü Jesucristo lal japon jilal Damasco ntꞌa. tjevele Jesucristo mpes judiopan* ꞌa si mulú ntꞌa. Tjevele

20 ꞌÜsüs

El Nuevo Testamento en Tol de Honduras, 2da ed. ©2010, Wycliffe Bible Translators

381

HECHOS 9

Jesucristo Dios Jatjam. 21 Jupj tjevele tjepjyacan̈ po yólatsja jupj nin tjevele mpes. Ma sin tjiꞌyüsa tsjan mpes ꞌüsüs véletsja Jesucristo mpes. Salejeptsja malala nyuca la tjiji Jesucristo jisas jilal Jerusalén ntꞌa. Salejeptsja jupj tjacꞌ Damasco ntꞌa la tsupapj Jesucristo lal japon, jis la man sacerdote* noypan ntꞌa Jerusalén ntꞌa. Ma quelel japontsja Saulo Jesucristo poꞌo pyónatsja quinam. 22 Mopꞌin nin, más ꞌüsüs way véletsja jupj lovin, mpes la pꞌa wa Jesucristo poꞌo topon Saulo tjevele mpes. Jupj tjevele mpes, judiopan Damasco ntꞌa patjá sin tjiꞌyüsa tꞌücꞌ way Jesucristo Jepa niná Dios tjevele ca jas majamas jis capj la pꞌacj judiopan. Yupj ma quelel japontsja Saulo lal, mopꞌin ma salejeptsja tsjan más ꞌücj wola la veles jupj lal. 23 Pꞌa jawas judiopan* ꞌa jis tjimyula. Yupj ma jisastsja Saulo. Mpes tjowelepj ca müꞌüꞌnacj jupj. Damasco ntꞌa tapatja tꞌasiyú campanya tón̈catsja tjüwücj. Quelel la nuctsja tjüwücj jun vilicj ntꞌa; jupj nepé lay tepyala na, quelel jaꞌünantsja Saulo. 24 Lovin jaw na, püste na ꞌotsꞌipj, la tjunuctsja. Saulo jus nleya la nuctsja yupj, quelel jaꞌünantsja jupj. 25 Mpes püste na, jupj discipulopan* palá tjoꞌonsopj jupj tjüwücj jun mpe. Quiliyú püné moꞌo tjáꞌasa, palá tjoꞌonsopj jupj ꞌüpǘ mpes, ne ꞌücj tjemey jupj yupj tapatja mpe.

Saulo tjemey Jerusalén ntꞌa.

26 Saulo

tjemey Jerusalén ntꞌa. Quelel jámatsja Jesucristo lal japon ꞌa jis tjimyula ntꞌa. Mopꞌin lacj tjeyaptsja yupj jupj lal. Ma topontsja quina se cón̈catsja Jesucristá. 27 Bernabé pꞌin tepyona jupj ꞌüsüs. Lal tjacꞌ Saulo, tjil apostolpan* ntꞌa. Tjevele: “Tꞌücꞌ way Saulo quina jos Jesucristá. Jus tjinyuca qjuis Jepa Jesucristo jümücj ntꞌa, jupj tjevele Saulo lal. Locopyaya Saulo ꞌüsüs tjevele Jesucristo mpes Damasco ntꞌa patja jilal. Ma lecj jéyatsja; ꞌücj tjevéletsja Jesucristo mpes”, Bernabé nin tjevele. 28 Tjevele mpes, ꞌüctsja quinam yupj jilal Saulo jámatsja yupj ꞌa si mulú jatja ntꞌa. Mpes Saulo lovin tjemey Dios tsꞌuyupj ntꞌa ꞌa jis tjimyula na. 29 Jerusalén ntꞌa pülücj jilal tjevele Jesucristo poꞌó. Po ma lecj jéyatsja la veles Jesucristo mpes. Neꞌaj judiopan* pülücj griego* javeleptsja. Yupj jilal ꞌotsꞌipj nin tjevele Jesucristo mpes. Yupj quelel jaꞌünantsja jupj. 30 Dios tsꞌuyupj jus nlay yupj quelel jaꞌünantsja jupj. Mpes tjaman jupj Cesarea ntꞌa. Neꞌaj jas tjajam Tarso ntꞌa. 31 Quina Dios tsꞌuyupj ꞌücj játjatsja Judea moꞌó, nin pꞌiyá ꞌücj játjatsja Galilea moꞌó, Samaria* moꞌó ꞌotsꞌipj. Más ꞌin ꞌüsüs way sin tjiꞌyüsa Jesucristo mpes. Nin la tjajay Dios jostsja jinwá; salejeptsja jupj ca jis

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 9, 10

382

capj ntülüs malala lajay. ꞌÜcj jisas tepyala Dios Cjües jis capj tjepꞌyaꞌsa mpes. Más ꞌin pülücj witjacj Jesucristo lal topon janmacj. Eneas tjiꞌyüꞌsa tepyala.

32 Quina

Pedro jun taꞌá tjemey yus la nuc Dios tsꞌuyupan. Nin mpes tjemey wa yus la nuc Dios tsꞌuyupan Lida moꞌó. 33 Neꞌaj malala jos jus tjinyuca. Eneas lotsja jupj. Pasal püs pǘꞌütsja jupj, año ocho mpes pǘꞌütsja. Ma polel ꞌutanatsja jupj. 34 Pedro tjevele jupj lal: “Eneas, Jesucristo ꞌi ꞌüꞌsa liji. Jin tjijyünsa”, Pedro nin tjevele. Mpes len̈ way jas tjijyünsa jupj. 35 Pjü Lida moꞌo patja, Sarón moꞌo patja ꞌotsꞌipj, tjunuc ꞌücj wínetsja jupj quinam. Mpes yupj pjü way quelel sa con̈tsja wa qjuis Jepa Jesucristo.

36 Quepj

Tabita tepeꞌe, nyucunú tepyala niswá.

tüpüꞌü Jope poꞌó, Tabita ló. Griegopan* jis tin Dorcas lotsja jupj. Jesucristo lal pyónatsja jupj. Lovin ꞌüsüs nyuca la tjiji la pꞌa wa jilal. Lovin jis capj tjepꞌyaꞌsa jis tꞌemel cjuwá. 37 Pedro neꞌaj pꞌin tjuwine na, Tabita malala jos tepyala, tepeꞌe. Jas tapatsj jupj jüpꞌüy. (Judiopan* lovin nin lajay, mpes nin la tjajay.) Cuarto viyapa ton̈ca ntꞌa tüpüntüpj jüpꞌüy. 38 Jesucristo lal japon neꞌaj jus nlay Pedro pǘꞌütsja Lida ntꞌa. Lida neꞌaj way pꞌin Jope lal. Mpes yupj sin tjajam niyom matꞌe Pedro ntꞌa. Tjowelepj len̈ way ncuwim Jope ntꞌa. 39 Mpes Pedro len̈ way tjemey yupj jilal Jope ntꞌa. Neꞌas tjemey na, tjaman jupj Dorcas jüpꞌüy ntꞌa, cuarto viyapa ton̈ca ntꞌa. Neꞌaj pjü jis vayum tulucj tjiquil, la puyuptsja. Tjowelepj Pedro lal: “ꞌUnuca jipj, sin quip pajal pülücj la tjiji la pꞌa mpes. Pajal ꞌüsüs waytsja jupj.” 40 Pedro pjeꞌá sin tjejyama. Tjil na, tüicꞌ jin tjüjünsü, tjevele Dios lal. Tꞌücꞌ tjevele na, jus tjinyuca jüpꞌüy, tjevele: “Tabita, jin tjijyünsa”. Mpes Tabita jun la tyüꞌpa. Jupj Pedro jus tjinyuca na, jas nisa, tjáꞌasatsja. 41 Pedro jupj mos ꞌin wa ntjüiꞌle, jas nisa jupj. Pedro tjevele Dios tsꞌuyupj jilal, jis voyum tulucj jilal ꞌotsꞌipj, wama ncul niswá. Yupj jus tjunuc Tabita püꞌü niswá. 42 Mpes pjü way Jope ntꞌa patja jis wala tjowelepj niná tepyalá. Mpes pülücj topon Jesucristo lal, nin tepyala mpes. 43 Püs way ꞌin Pedro tüpüꞌü Jope ntꞌa. Tüpüꞌü Simón wo ntꞌa. Simón lovin pjolocꞌ napnapj la tjíjitsja, vender la mijis.

10

1 Cesarea

Pedro tjemey Cornelio wo ntꞌa.

moꞌo tüpüꞌü Cornelio. Jupj jépatsja militar cien witjacj jilal. Militar nenem “Italia Mpe Neꞌespan La Palan” yupj jis El Nuevo Testamento en Tol de Honduras, 2da ed. ©2010, Wycliffe Bible Translators

383

HECHOS 10

lá. 2 Cornelio po jostsja Dios. Jupj po seletsja Dios ca jis capj ntülüs malala lajay. Pjü way jupj wo ntꞌa pátjatsja salejeptsja wa. Cornelio lovin jis tjeꞌyaya cjuwá jilal. Lovin tjevele Dios lal. 3 Pꞌa jawasa las tres na, tꞌawaná, Dios la tjiji tjinyuca Dios ángel* pjaní. ꞌÜsüs tjinyuca jupj. Ángel tjacꞌ jupj ntꞌa, tjevele: —¡Cornelio! 4 Cornelio püs way tjinyuca ángel*. Po lecj jéyatsja jupj ángel tjacꞌ mpes. La tjiꞌyüya: —Nejepa, ¿tsjan jyas ne tjacuy? Ángel* wola tjevele: —Dios lal velen na, jupj pjoca. Jupj selé jipj se ꞌan cjuwá jilal. 5 Sin majaman noyomes Jope ntꞌa la cuman Simón. Simón niná Pedro ló wa jupj. 6 Neꞌaj püꞌü jomica lal. Jupj jomica Simón ló wa jupj. Pjolocꞌ napnapj liji jupj. Simón wo ꞌüsǘ la ntꞌa ton̈ca —ángel nin tjevele Cornelio lal. 7 Ángel* tjemey na, Cornelio tjevele jupj jomozopan mátꞌeya jilal, militar pjaní lal ꞌotsꞌipj. Militar niná po ꞌüsüs waytsja jupj. Tepyona wa Dios lal. Lovin tsjiꞌ la tjíjitsja Cornelio wo ntꞌa. 8 Cornelio jis wala tjevele pjü tepyalá. Tꞌücꞌ tjevele na, sin tjejyama Jope ntꞌa la cuman Pedrú. 9 Yaya jümücj poꞌo pꞌin jiltsja custjay. Lotsꞌacꞌ culupwen ntꞌa jáꞌasa na neꞌaj way pꞌintsja Jope. Quina, Jope ntꞌa, Pedro wo casá tjemey la veles Dios lal. 10 Vecj tepeꞌe, quelel lyájatsja. Cjuwá custjay, quina lajaytsja jis la las. Jun si tsicyaca jinwá tjinyuca jupj. 11 Tjinyuca tsjun poꞌó jun tjecjyoltse, ꞌücj tjinyúcatsja. Cobija pajal püné tjinyuca. Palá tjacꞌ tjinyuca. Tsjülǘ casá tsyúꞌpatsja. 12 Animal pülücj moꞌo pátjatsja. Latsj ꞌotsꞌipj moꞌo pátjatsja. ꞌÜmüjütütj jinwá ꞌotsꞌipj moꞌo pátjatsja. Tsipyaya ꞌotsꞌipj moꞌo pátjatsja. 13 Jupj tjapjaca nepé vele pjactsja. Tjevele: —Pedro, jin tjijyünsa. Jis tjiꞌyüꞌna, nlajan. 14 Pedro wola tjevele: —Lovin ma polel la las yupj. Moisés* popel qjuisí jütüta ma nlajacj pis niná. Yupj pis te jinwá, ma polel nlajacj, mpes lovin ma nin tjelyá napj. 15 Tjapjaca nepé vele pjactsja niswá: —Dios tjevele yupj jis pis ꞌüsüs. Ma mvelen yupj jis pis malala —nin tjevele. 16 La con tjapjaca nepé vele pjactsja. La con nin pꞌiyá tjijyüꞌta la ꞌünan, nlajas yupj jis pis. Tꞌücꞌ tjevele na, cobija viyá tjemey tsjun poꞌó.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 10

384

Pedro jun si tsicyaca jinwá tjinyuca. (Hechos 10.12) 17 Pedro

pajal jólatsja tjinyuca mpes. Ma jas tjiꞌyüsa tsjan mpes Dios la tjiji tjinyuca niná. Newa nin jólatsja na, niyom Cornelio sin tjejyama tjiquil Simón wo ntꞌa. Nasa la tjüꞌüy la pꞌa jis lal caꞌaj tón̈catsja Simón wo. Quina tjiquil yupj jupj jun vilicj ntꞌa. 18 Yümücj la tjüꞌüy ncu Simón neꞌaj jáꞌasa, jupj ne Pedro ló wa. 19 Pedro jólatsja custjay tjinyuca mpes. Dios Cjües tjevele jupj lal: “Niyom contꞌe la ꞌe pal. 20 Ma jele tꞌas. Napj tjijyütütj, ne tjiquil jipj ntꞌa. Jin tjijyünsa, palá mim, jis capj ncon̈con mim yupj jilal”, Dios Cjües nin tjevele jupj lal. 21 Mpes Pedro palá tjemey yupj ntꞌa. Tjevele: —Napj ne nun la no palá. ¿Tsjan mpes tjuculá? —la tjiꞌyüya. 22 Wola tjowelepj: —Cornelio qjuisin tjejyama mpes tjiquilaca. Jupj jepa, militar cien jilal. Pajal ꞌüsüs way jupj. Jupj selé Dios ca jis capj ntülüs malala lajay. ꞌÜsüs way jupj pjü judiopan* jilal. Dios ángel* tjevele jupj lal. Tjijyüꞌta jupj qjuisin majamas jipj ntꞌa, la cuman jipj jupj wo ntꞌa. Dios jos jipj mvelen Cornelio lal —nin tjowelepj Pedro lal. 23 Mpes Pedro tjevele ꞌücj wama jiquil. Jis tjeꞌyaya tjijinan̈ püste mpes.

El Nuevo Testamento en Tol de Honduras, 2da ed. ©2010, Wycliffe Bible Translators

385

HECHOS 10

Yaya püstapj Pedro tjemey yupj jilal. Dios tsꞌuyupj nepenowá Jope poꞌo tapatja tjil wa. 24 Tsꞌacꞌ pjaní mpes tjelyawun̈. Yaya Cesarea neꞌaj tjil. Cornelio la si nucutsja. Pjü way neꞌaj patja jupj jüpülücpan sin popé neꞌaj tjatja wa. Jupj jomicapan neꞌaj tjatja watsja jupj lal. Cornelio ꞌa jis tjimyula. Jupj jostsja mpjacan̈ wa Pedro velá. 25 Pedro neꞌas way pꞌin tjemey, Cornelio jupj tüicꞌ jin tjüjünsü Pedro wolapꞌaꞌá. Jupj jólatsja Pedro püné. 26 Pedro jas tjijyünsa jupj. Tjevele: —Jin niꞌisa. Yom pꞌin napj jipj jinwá. 27 Jupj lal véletsja. Wama tjil Cornelio wo moꞌó. Pedro pülücj yus tjinyuca, játjatsja neꞌaj. 28 Tjevele: —Nun solejé malala judiopan* ꞌa si mulú judiopan tulucj jilal. Moisés* tjijyüꞌta ma nin la mijicj. Pꞌa casá nola napj quinam. Dios nin tjiꞌyüsa la tjiji pjü gente yuwal. Judiopan más ꞌüsüs tulucj. 29 Mpes Cornelio sin tjejyama na napj lal la cuwis, len̈ way tjacuwis. ¿Tsjan mpes jisastsja napj tjacuwis? —Pedro la tjiꞌyüya. 30 Cornelio tjevele: —Tsꞌacꞌ yulupjana nasa, yom lay tepyala napj ntꞌa. Jupj jas quip pasal pje waytsja, jaw jinwá. Las tres na, tꞌawaná, tjacꞌ jupj. Laja sectsja napj, napj Dios lal tjeveletsja na. 31 Jupj tjevele: ‘Cornelio, Dios lal tjevelentsja na, tjapjaca jupj. Jupj selé jipj se ꞌan cjuwá jilal. 32 Mpes niyom sin majaman Jope ntꞌa la cuman Simón. Simón niná Pedro ló wa jupj. Neꞌaj way püꞌü jomica lal. Jupj jomica Simón ló wa jupj. Pjolocꞌ napnapj liji jupj. Simón wo ꞌüsǘ la ntꞌa ton̈ca’, jupj nin tjevele napj lal. 33 Mpes len̈ way sin tjejyam jipj ntꞌa la cuman. Po ꞌüsüs way jipj, tjacuy. Pjü cupj quiꞌá ꞌa qjuis tjimyula. Dios qjuiyus nyuca. Quelel pjyaꞌaquecj jipj velen. Pjü way qjuis Jepa Dios ꞌi jütüta la veles, ca nin mvelen —Cornelio nin tjevele.

Pedro tjevele Cornelio wo ntꞌa.

34 Mpes

Pedro tjevele: —Napj selé quinam tꞌücꞌ way pjü gente yuwal Dios lal. Judiopan* más ꞌüsüs tulucj. Pjü gente yuwal. 35 Pjü pꞌa ntꞌa patja, nepenowá ꞌüsüs nyuca lajay. Salejepj Dios ca jis capj ntülüs malala lajay. Mpes pjü yupj ꞌüsüs Dios lal. Nepénowa yupj judiopan. Nepénowa yupj judiopan tulucj. 36 Nun solejé Dios tjevele judiopan jilal. Tjevele yupj polel ꞌüsüs nsem jupj lal Jesucristo mpes. Jesucristo Jepa Püné pjü mpes. 37 Nun solejé Juan el Bautista tjevele gente jis walapꞌaꞌá, bautizar* lis tjiji jupj. Tꞌücꞌ la tjiji na, solejé tsjan tepyala Galilea

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 10, 11

386

ntꞌa, pjü way jun taꞌá Judea poꞌó ꞌotsꞌipj. 38 Jesucristo tjacꞌ, jupj ne Nazaret mpe ꞌeseptsja. Dios tjeꞌyaya jupj Cjües Jesucristo jos moꞌo la pütꞌüs. Jupj la tjiji Jesucristo pajal pünetsja. Solejé Jesucristo pajal ꞌüsüs nyuca la tjiji. Tjijyüꞌta lapanenpan tjil gente mpe. Dios lovin cus tecyón̈catsja Jesucristá. 39 ”Mpes quina pülücj jilal velecj Jesucristo la tjiji mpes. Tjinyucucj mpes velecj. Tjinyucucj jupj la tjijá Jerusalén moꞌó, jun taꞌá Israel moꞌó ꞌotsꞌipj. Judiopan* tjovalapj jupj cruz* poꞌó la mas. Mpes yupj tjüꞌünan jupj. 40 Locopyaya tsꞌacꞌ contꞌe tepyala na, Dios jas tjijyünsa jupj, nyucunú tepyala niswá. Jupj lay tepyala cupj qjuilal. Dios qjuis tjeꞌyaya ꞌücj jus tjinyucucj. 41 Ma pjü jilal lay tepyala. Cupj qjuilal la pꞌin lay tepyala jupj. Yas nam Dios la qjuis tꞌya la nuc Jesucristo. Jupj tjelyaja, tjümüꞌü wa cupj qjuilal. 42 Qjuis tjijyüꞌta la pꞌa jis walapꞌaꞌa mvelecj cupj. Qjuis tjijyüꞌta mvelecj Dios la tꞌya jupj, jupj mveles ca pjü jilal ncu ꞌüsüs la tjajay, ncu malala la tjajay. Nin ca mveles patja jilal, tecyaꞌlin̈ jilal ꞌotsꞌipj. 43 Pjü profetapan* nin pꞌiyá tapac. Yupj tapac cupj tepyonecj na Jesucristo lal, Dios perdonar la qjuis mijis malala nyuca la tjijicj. Jesucristo mpes jupj ꞌücj perdonar la qjuisiji —Pedro nin tjevele yupj jilal.

44 Pedro

Dios jupj Cjües jis tjeꞌyaya Cornelio wo ntꞌa.

véletsja custjay. Newa véletsja na, Dios Cjües tjacꞌ, pjü jisas moꞌo tjemey, Pedro tjevele tjepjyacan̈ jisas moꞌo tjemey. 45 Nin tepyala na, Pedro lal tjiquil pajal yólatsja nin tepyala mpes. Dios tsꞌuyuptsja judiopan* waytsja yupj. Mopꞌin ma salejeptsja Dios ca maꞌayas jupj Cjües judiopan tulucj jilal la pütꞌüs. 46 Yupj tjepjyacan̈ judiopan tulucj javeleptsja la pꞌa jis tin, yupj pꞌiyá ma sin ꞌyǘsatsja. Mpes judiopan nenem sin tjiꞌyüsa tꞌücꞌ way Dios jis tjeꞌyaya jupj Cjües. Ma jus nlaytsja ca nin mpalas. Pedro tjevele yupj jilal: 47 —Tꞌücꞌ way ꞌücj pjü bautizar* lijicj cupj. Dios jis tjeꞌyaya jupj Cjües, jupj qjuis tjeꞌyaya jinwá —Pedro nin tjevele. 48 Mpes tjijyüꞌta bautizar* lis mijicj yupj, Jesucristo mpes. Bautizar jis tepyala na, la tjomon Pedro lal jupj maꞌajam yupj jilal, pꞌa jawasa mim. Mpes nin la tjiji jupj.

Pedro tjevele judiopan jilal tsjan ꞌüsüs tepyala Cornelio wo ntꞌa.

11

1 Jis

wala tjowelepj apostolpan* jis lal judiopan* tulucj topon wa Dios tjevelá. Pjü way Dios tsꞌuyupj Judea moꞌó tjepjyacan̈ El Nuevo Testamento en Tol de Honduras, 2da ed. ©2010, Wycliffe Bible Translators

387

HECHOS 11

wa niná. 2 Dios tsꞌuyupj Jerusalén poꞌo patja tjepjyacan̈ wa. Judiopan waytsja yupj. Mpes Pedro tjemey na Jerusalén ntꞌa, tjiquil jupj ntꞌa. La tjowelel jupj lal. 3 Tjowelepj: —Malala nin jipj judío* tulucj ntꞌa tjay, tüpütꞌ yupj jilal. 4 Pedro tjevele yupj jilal pjü tepyalá. 5 Tjevele: —Jope ntꞌa tüpüꞌüstsja napj, pülücj patja ntꞌa. Dios lal tjeveletsja. Dios la tjiji nan si tsicyacj jinwá ntepalá. Jupj la tjiji tjinyuc cobija pajal püné jinwá tsjun poꞌó. Palá tjactsja jupj. Tsyúꞌpatsja tsjülǘ casá. Palá tjacꞌ napj ntꞌa. 6 Wama jus tjinyuctsja napj. Animal pülücj moꞌo pátjatsja. Qjuisiyasma nepenowá yupj. ꞌÜmüjütütj jinwá moꞌo pátjatsja. Latsj ꞌotsꞌipj moꞌo pátjatsja. Tsipyaya ꞌotsꞌipj moꞌo pátjatsja. 7 Nepé vele pjactsja, tjevele: ‘Pedro, jin tjijyünsa. Jis tjiꞌyüꞌna, nlajan’, nin tjevele. 8 Napj wola tjevelé: ‘Lovin ma polel la las yupj. Moisés* popel qjuisí jütüta ma nlajacj pis niná. Yupj jis pis te jinwá, ma polel nlajacj, mpes lovin ma tjelyá napj.’ 9 Tsjun poꞌo nepé vele pjactsja niswá. Tjevele: ‘Dios tjevele yupj jis pis ꞌüsüs. Ma mvelen yupj jis pis malala’, tjevele. 10 La con nin tjijyüꞌta jis pis la las. Tꞌücꞌ tjevele na, cobija viyá tjemey tsjun poꞌó. 11 ”Tjemey na, niyom contꞌe tjiquil tüpüꞌüstsja ntꞌa. Cornelio sin tjejyama Cesarea mpe. 12 Dios Cjües napj lal tjevele: ‘Jipj ca mim yupj jilal. Ma jele tꞌas.’ Mpes tjum yupj jilal. Qjuis catjampan séisiya tjil wa. Cornelio wo wama tjeleque. 13 Cornelio tjevele jupj jus tjinyuca ángel*, wo moꞌo tón̈catsja. Ángel tjevele: ‘Jope ntꞌa sin majaman niyom nepenowá la cuman Simón. La pꞌa ló wa jupj, Pedro ló wa jupj. 14 Jupj ca jin müꞌüsüs la mijis. Wya ntꞌa patja pjü way ca sin müꞌüsüs la mijis wa. Jupj tjevele toponé na, nun ꞌüsüs nsem Dios lal, mpes ꞌücj ca mpatjaqué Dios lal’, ángel nin tjevele Cornelio lal. 15 ”Mpes napj tjevelé yupj jilal. Tjeveletsja na, Dios jis tjeꞌyaya jupj Cjües. Nun solejé ꞌonin ne nin tepyala Dios qjuis tjeꞌyaya jupj Cjües. Nin pꞌiyá tjacꞌ wa jupj Cjües yupj ntꞌa. 16 Napj nola tepyala Jesucristo tjevelá. Tjevele: ‘Juan gente bautizar* lis tjiji ꞌüsǘ mpes la pꞌin. Mopꞌin más ꞌüsüs ca nu mpalas pꞌa jawas. Dios ca nu maꞌayas jupj Cjües.’ 17 Qjuis Jepa Jesucristo lal tepyonecj na, Dios qjuis tjeꞌyaya jupj Cjües. Nin pꞌiyá Dios la tjiji yupj jilal Cornelio wo ntꞌa. Po ꞌüsüs napj lal nin la tjiji. Napj ma le velel Dios lal —Pedro nin tjevele. 18 Niná tjepjyacan̈ na, ma la tjowelel niswá Pedro lal. ꞌÜsüs way tjowelepj Dios poꞌó. Tjowelepj: —Dios jos judiopan* tulucj ꞌaplijila nsem ꞌotsꞌipj, malala nyuca la tjajay mpes; ca Dios jos jin la mijicj quinam. Mpes yupj lovin ca mpatjam jupj lal —nin tjowelepj.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 11, 12

388

Dios tsꞌuyupj tjowelepj Jesucristo poꞌó Antioquía ntꞌa.

19 Nujola

tapalas judiopan* tjüꞌünan Esteban. Malala nyuca la tjajay wa Dios tsꞌuyupj la pꞌa jilal. Mpes Dios tsꞌuyupj tsꞌequenen̈ Jerusalén mpe. Jun taꞌá tjil. Nepenowá tjil wa Fenicia ntꞌa, campa neꞌaj. Nepenowá tjil wa Chipre ntꞌa, campa wa neꞌaj. Nepenowá tjil Antioquía ntꞌa, campa wa neꞌaj. Yupj tjowelepj judiopan jilal pꞌin Jesucristo poꞌó. 20 Mopꞌin niyom nepenowá tjil wa Antioquía ntꞌa Chipre mpe, Cirene mpe ꞌotsꞌipj. Niyom nenem tjowelepj wa judiopan tulucj jilal qjuis Jepa Jesucristo poꞌó. 21 Tjowelepj na, qjuis Jepa Jesucristo jis capj tjepꞌyaꞌsa. Mpes judiopan tulucj pülücj topon, jisastsja Jesucristo. 22 La pꞌa wa jis wala tjowelepj Dios tsꞌuyupj jis lal Jerusalén poꞌó, mpes yupj tjepjyacan̈ judiopan* tulucj Antioquía poꞌo patja jisastsja wa Jesucristo. Mpes jas tjajam Bernabé Antioquía ntꞌa, yupj jis lal la veles. 23 Jupj tjemey na, tjinyuca Dios pajal ꞌüsüs way la tjiji yupj mpes. Mpes pajal ꞌücj jos tepyala jupj. Bernabé tjevele yupj jis lal: “Lovin jisas tꞌas qjuis Jepa Jesucristo. Lovin la tjüjí jupj tjevelá.” 24 Bernabé ꞌüsüs waytsja jupj. Po la tjíjitsja Dios Cjües jostsja jinwá. Po tepyona pjü way Jesucristo tjevelá. Jupj la tjiji mpes pajal pülücj jisastsja Jesucristo; nin tepyala Antioquía poꞌó. 25 Locopyaya way Bernabé tjemey Tarso ntꞌa, Saulo la tepyala neꞌaj, lal lo cuwis. 26 Jus tjinyuca, ticyuna Antioquía ntꞌa. Año pjaní tapatja neꞌaj. Lovin tjil Dios tsꞌuyupj ꞌa jis tjimyula ntꞌa. Pülücj sin tjiꞌyüsa la tjajay Dios poꞌó. Antioquía ntꞌa nepenowá tjowelepj Jesucristo lal japon “Cristianos” yupj. Mwalá way nin tjowelepj Antioquía ntꞌa. 27 Yupj neꞌaj tapatja na, profetapan* nepenowá tjiquil wa Antioquía ntꞌa Jerusalén mpe. 28 Tjil Dios tsꞌuyupj ꞌa jis tjimyula ntꞌa. Yupj sin popa pjaní Agabo lotsja. Jas nisa. Pjü tjevele Dios Cjües jostsja jupj nin velá. Tjevele pꞌa jawasa cjuwá jis la las ca mpalas. Jun taꞌá ca nin nsem, tjevele. Niná tꞌücꞌ way nin tepyala, Claudio jépatsja na Roma ntꞌa. 29 Mpes yupj neꞌaj pátjatsja quelel jis capj japꞌactsja Dios tsꞌuyupj Judea poꞌo patjá. Mpes yupj pjü way tjaꞌayapj tꞌemel. Yupj polel jaꞌayaptsja jin tjaꞌayapj. 30 Sin tjajam Bernabé, Saulo lal, jis la tꞌas tꞌemel niná Judea ntꞌa, ca jis maꞌayacj Dios tsꞌuyupj coꞌmüypan*. Mpes yupj tjatꞌ tꞌemel niná Judea ntꞌa.

12

Herodes malala nyuca la tjiji Dios tsꞌuyupj jilal.

1 Nin

tepyala na, Herodes jépatsja custjay. Malala nyuca la tjiji jupj Dios tsꞌuyupj nepenowá jilal. Tjijyüꞌta jis ntjiꞌlin̈. 2 Jupj jis

El Nuevo Testamento en Tol de Honduras, 2da ed. ©2010, Wycliffe Bible Translators

389

HECHOS 12

tjijyüꞌta wa jis la ꞌünan Jacobo, mpes jay tjojocj tjüꞌünan jupj. Jacobo Juan jatjam waytsja jupj. 3 Judiopan* pajal ꞌücj jisastsja Jacobo tepeꞌe. Herodes jus nléyatsja ꞌücj jisastsja yupj. Mpes jupj militarpan sin tjejyama jis la tjilil wa Pedro. Nin la tjiji judiopan fiesta lajaytsja na. Fiesta niná “Dios Qjuis Capa Nipj Tjemey”* ló jupj. Pan levadura cjuwá jalá fiesta niná mpes. 4 Pedro ntjiꞌlin̈ na, moꞌo tjoꞌonsopj cawilta moꞌó. Herodes jis tjijyüꞌta diez y seis militarpan jis la jamas Pedro, ma ca pjeꞌá mim. Yulupjana yulupjana ꞌa mulú tjajamapj jupj. Locopyaya pꞌa yulupjana tjiquil, tjajamapj. Lovin nin la tjajay. Pꞌa jawas fiesta tꞌücꞌ tepyala na, Herodes quelel véletsja tsjan la mijis Pedro lal. Nin quelel véletsja gente jis walapꞌaꞌá, ꞌa jis tjimyula na. 5 Pedro tjáꞌasatsja cawilta moꞌó custjay. Militarpan ꞌücj tjajamaptsja jupj. Mopꞌin Dios tsꞌuyupj javeleptsja Dios lal po jisastsja jupj ca cus mpꞌaꞌsas.

6 Yaya

Ángel tjemyana Pedro cawilta mpe.

fiesta tꞌücꞌ ca mpalas, Herodes ca mveles tsjan la mijis Pedro lal. Püste na, Pedro pǘꞌütsja militar mátꞌeya culupwen ntꞌa, jyatsja jupj. Cadena* mpes tsyúꞌpatsja. Militar mátꞌeya jilal tsyúꞌpatsja jupj. Pꞌa militarpan jun vilicj tjajamaptsja. 7 Len̈ way Dios ángel* lay tepyala neꞌaj. Pasal jaw tepyala neꞌaj jupj mpes. Ángel Pedro jas tiquilquila, tjevele: “Len̈ way jin tjijyünsa”. Cadena palá tinca Pedro mos mpe. 8 Ángel tjevele niswá: “Jin tücüiꞌpe. Tsjyam tipiꞌtje.” Pedro nin la tjiji na, ángel tjevele: “Jin quip pjeꞌapa mpes jin tücüiꞌpe. Mas.” 9 Mpes Pedro pjeꞌá tjemey, ángel* cjüipꞌaꞌá. Pedro ma seletsja ángel tꞌücꞌ way se pꞌáꞌsatsja jupj. Dios la tjiji tjinyuca niná la pꞌin, nin jólatsja jupj. 10 Yupj jun vilicj mwalá jin tjil, jun vilicj jajamaptsja lejen̈ mpe tjil wa. Jun vilicj pꞌa wa jin tjil wa, jajamaptsja neꞌaj lejen̈ mpe tjil wa. Pꞌa jun vilicj neꞌas tjil, jun vilicj acero waytsja jupj. Pünetsja jupj pajal. Jupj mpes ca pjeꞌá mal cawilta mpe. Jupj sin jun tjecjyoltse. Pjeꞌá tjil cawilta mpe, pülücj patja ntꞌa tjil. Jümücj moꞌo tjelyawun̈tsja na, ángel tjemey, ne Pedro ma jus tjinyuca quinam. 11 Mpes Pedro jola tepyala na, jólatsja: “Quina jus nley tꞌücꞌ way qjuis Jepa Dios jas tjejyama jupj ángel* napj nlal la winin cawilta mpe. Quina Herodes ca ma polel ma ꞌüꞌnas napj. Ma patsꞌ tulucj quinam. Judiopan* jisas ma patsꞌ, mopꞌin ma ni püꞌí quinam”, nin jólatsja. 12 Niná jus nleya nam, tjemey María wo ntꞌa. María Juan jamaytsja. Juan niná pꞌa ló watsja jupj, Marcos lotsja wa. María wo ntꞌa pülücj ꞌa jis tjimyula, javeleptsja Dios lal Pedro mpes. 13 Pedro jun vilicj tꞌotꞌojo,

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 12

390

tjüwücj poꞌó. Mozo tjacꞌ jun vilicj ntꞌa. Rode lotsja jupj. 14 Pedro tjevele na, jupj seletsja Pedro jin pjac tjevele jupj. Ma polel nyúcatsja jupj. ꞌÜcj jos tepyala. Jun vilicj ma jun tjecjyoltse, len̈ way wama tjemey pꞌin la veles yupj jilal. Tjevele: —Pedro ton̈ca jun vilicj ntꞌa. 15 Wola tjowelepj: —Molo vele jinwá velen. Mopꞌin nin la pülücj tjevele: —Tꞌücꞌ way Pedro tjacꞌ. Mpes tjowelepj: —Pedro tulucj. Ángel* pꞌin. Ángel niná Pedro jyama. 16 Pedro jun vilicj se tꞌotꞌójotsja custjay. Mpes jun tjocjol yupj. Pedro jus tjunuc, ne pajal yólatsja niná pajal ꞌüsüs tepyala mpes. 17 Pedro mos jas tjijyünsa, mpes lyájasa tepyala yupj. Quelel véletsja yupj jilal. Jis wala tjevele pjü tepyalá cawilta ntꞌa. Tjevele qjuis Jepa Jesucristo jas tjejyama jupj ángel* cawilta ntꞌa, ángel niná tjemyana jupj cawilta mpe. Tjevele wa: —Jacobo lal taná tjowelé nin tepyalá. Niná tjowelé wa pjü qjuis pülücpan jilal. Nin tjevele na, Pedro tjemey, la pꞌa ntꞌa tjemey. 18 Tjejyawca na, militarpan pajal yólatsja Pedro len̈ mpes. Yümücj pjac la tjajaytsja. Ma salejeptsja tsjan tepyala Pedro lal. 19 Herodes tjijyüꞌta jis la pal Pedro. Ma jus tjunuc. Mpes Herodes tjijyüꞌta militarpan jis la veles pjü tepyalá cawilta ntꞌa. Tꞌücꞌ tjowelepj na, tjijyüꞌta jis la ꞌünan militarpan nenem, Pedro len̈ tjevyala mpes. Nin la tjiji na, Herodes tjemey Judea mpe. Tjemey Cesarea ntꞌa tsjicj way la pütꞌüs neꞌaj.

20 Herodes

Herodes tepeꞌe.

tsꞌi ꞌinyatsja Tiro poꞌo patja jilal, Sidón poꞌo patja jilal ꞌotsꞌipj. Herodes pǘꞌütsja ntꞌa, yupj lovin sin tjajam jis la las Tiro ntꞌa, Sidón ntꞌa ꞌotsꞌipj. Ma sin jajamtsja quinam, Herodes tsꞌi ꞌinyatsja mpes. Mpes pülücj tjiquil Herodes ntꞌa Tiro mpe, Sidón mpe tjiquil ꞌotsꞌipj. Yupj jisastsja Herodes ca müꞌüꞌüsüs quinam. Blasto la tjemyona Herodes lal yupj mpes. Blasto yupj sejamícatsja, nin pꞌiyá jólatsja yupj jinwá. Herodes mozo waytsja jupj, ꞌüsüstsja jupj Herodes lal. 21 Herodes tjevele tsjan jawas ꞌücj la veles yupj jilal. Nin jawas, jupj pülül ꞌüsüs jas tücüiꞌpe, silla püné casá ꞌetjele. Gente jilal tjevele na, lovin pülül ꞌüsüs jas tücüiꞌpe, lovin ꞌetjele niná silla püné casá. Jupj

El Nuevo Testamento en Tol de Honduras, 2da ed. ©2010, Wycliffe Bible Translators

391

HECHOS 12, 13

tjevele yupj jilal. 22 Tjevele na, yupj yümücj tjowelepj: “Jupj vele diospan* popa pjaní jinwá. Yom jinwá tulucj vele jupj”, nin tjowelepj. 23 ꞌÜcj jos tepyala Herodes, yupj tjowelepj mpes. Ma tjevele dios tulucj jupj. Mpes len̈ way malala jos tepyala, ángel* la tjiji mpes (qjuis Jepa Dios jomozo waytsja jupj, ángel niná). Peletsꞌey col moꞌo tjalá jupj, ne tepeꞌe. 24 Nin tepyala jupj lal. Newa Dios tsꞌuyupj pülücj sin tjiꞌyüsa lis tjajay. Lovin pꞌa ntꞌa patja sin tjiꞌyüsa lis tjajay Dios tjevelá Jesucristo poꞌó. Más pülücj topon lovin Jesucristo poꞌó. 25 Nujola tapalas Bernabé tjemey Jerusalén ntꞌa. Tjemey Saulo lal, tꞌemel la ꞌayas Dios tsꞌuyupj coꞌmüypan* neꞌaj. Tjaꞌayapj na, tjil niswá Antioquía ntꞌa. Tjaman wa Juan yupj jis lal. Juan pꞌa ló waytsja jupj, Marcos lotsja wa.

13

1 Dios

Dios tsꞌuyupj sin tjajam Bernabé, Saulo ꞌotsꞌipj, jis la veles Dios tjevelá.

tsꞌuyupj nepenowá Antioquía poꞌo tapatja profetapan* waytsja yupj. Pꞌa wa nepenowá sin tjiꞌyüsa la tjajay la pꞌa. Yupj popa pjaní Bernabé waytsja jupj. Pꞌa wa Saulo lotsja. Pꞌa wa Simón lotsja. Pꞌa ló watsja jupj, Simón, Niger lotsja wa jupj. Yupj popa pjaní Lucio lotsja, Cirene mpe ꞌeseptsja jupj. Pꞌa wa Manaén lotsja. Jupj tsjictsja na, Herodes jupj jomica waytsja. Herodes niná jepa püné auxiliar waytsja jupj Galilea poꞌó. 2 Pꞌa jawasa Dios tsꞌuyupj ꞌa jis tjimyula la veles Dios lal. Ma jalatsja yupj, más ꞌücj jis la velestsja Dios lal. Dios lal javeleptsja na, jupj Cjües tjevele: “Najas Bernabé, Saulo ꞌotsꞌipj, ca tsjiꞌ la mijicj napj mpes la pꞌa ntꞌa. Mpes sin tjajamá ca nin la mijicj napj najas jin”, Dios Cjües nin tjevele. 3 Tꞌücꞌ quinam tjowelepj Dios lal. Tꞌücꞌ quinam nin jawas ma tjalá, Dios lal tjowelepj mpes. Tꞌücꞌ la tjajay na niná, po la tjoꞌotj Bernabé jay pjucj, Saulo jay pjucj po la tjoꞌotj wa. Nin la tjajay mpes más ꞌücj ca polel tsjiꞌ la mijicj Dios mpes. Sin tjajam la pꞌa ntꞌa.

4 Mpes

Bernabé, Saulo, tjil Chipre ntꞌa.

tjil yupj, Dios Cjües tjevele mpes. Tjil Seleucia ntꞌa. Neꞌaj barco* wama tjil, Chipre ntꞌa tjil barco mpes. Chipre ꞌamá ꞌüsǘ tꞌasiyú. 5 Mwalá way tjil Salamina ntꞌa, pülücj pátjatsja neꞌaj Chipre poꞌó. Juan jis capj tecyon̈ca tjemey, jis capj tjepꞌyáꞌsatsja. Tjil judiopan* ꞌa si mulú ntꞌa. Tjowelepj yupj jis walapꞌaꞌá Dios tjevelá.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 13

392

6 Jun

taꞌá tjil Chipre poꞌó. Locopyaya Pafos ntꞌa tjil yupj. Pülücj patja neꞌaj. Pafos ntꞌa Barjesús jus tjunuc. Judío* waytsja jupj. Lapanenpan cus tjapꞌacj pꞌa casá la mijis, yom pꞌin ma polel liji jinwá. Jupj jostsja la pꞌa mponecj jupj profétatsja*, jostsja ca mponecj jupj Dios mpes tjevele. La tsyawilí jupj la pꞌin. 7 Barjesús, Sergio Paulo jomícatsja. Sergio Paulo jépatsja Chipre poꞌó. Pasal pülücj seletsja jupj, Sergio Paulo. Jupj jostsja Bernabé, Saulo ꞌotsꞌipj, ca ncul jupj ntꞌa jis la veles Dios tjevelá. Mpes yupj tjiquil jupj ntꞌa. 8 Yupj tjowelepj Sergio Paulo lal Dios tjevelá. Barjesús neꞌaj tón̈catsja ꞌotsꞌipj. (Griegopan* jilal jupj lotsja Elimas.) Jupj jostsja Sergio Paulo ma mpones Dios tjevelá. Mpes quelel véletsja ꞌotsꞌipj. Tjevele Sergio Paulo lal más ꞌücj ma pyona yupj tjowelepj Jesucristo poꞌó. 9 Saulo la tjíjitsja Dios Cjües tjevele jin. Saulo pꞌa ló watsja jupj, Pablo lotsja wa. Pablo Barjesús wola tjinyuca. 10 Tjevele: “Diablo* jinwá le jay jipj. Li tsuwil jipj. Lovin malala nyuca quelel lejay. Gente ꞌüsüs quelel lajay na Dios jos jin, ma jyas yupj nin lajay. Gente jisas na qjuis Jepa Jesucristo, jis wala velen malala niná. ¿Tsjan mpes lovin nin lejay?” Pablo nin la tjiꞌyüya jupj lal. 11 Pablo tjevele wa: “Quina Dios ca cyapj ntülüs. Tsꞌacꞌ pülücj mpes ca ma polel nucun, nin ca mpalas, Dios ca la mijis mpes. Ca ma polel nucun lotsꞌacꞌ jyawca na”, Pablo nin tjevele jupj lal. Len̈ way ma polel nyuca tepyala jupj. Pjü way ma polel nyúcatsja. Mpes la tjemyona la pꞌa ca mos ntjiꞌlim, manus jupj. 12 Sergio Paulo tjinyuca niná tepyalá. Mpes tepyona qjuis Jepa Jesucristo poꞌó. Po jólatsja pajal ꞌüsüstsja niná Pablo jas tjiꞌyüsa la tjiji Jesucristo poꞌó.

13 Locopyaya

Pablo, Bernabé, tjil Antioquía ntꞌa.

Pafos mpe tjil. Pablo, jupj sa con̈tsja jilal, barco* wama tjil. Pafos mpe tjil, Panfilia ntꞌa tjil yupj. Neꞌaj mwalá way tjil Perge ntꞌa. Perge ntꞌa pülücj patja Panfilia moꞌó. Neꞌas tjil na, Juan tjemey yupj mpe. Niswa tjemey Jerusalén ntꞌa. 14 Pablo, Bernabé, tjil Pisidia ntꞌa. Neꞌaj mwalá way tjil Antioquía ntꞌa. (Pꞌa Antioquía niná.) Antioquía niná ntꞌa pülücj patja Pisidia moꞌó. Sábado* na tjil judiopan* ꞌa si mulú ntꞌa, neꞌaj ꞌatjalapj yupj. 15 Yom pjaní neꞌaj moꞌo tjevele Moisés* püna tepyacá, profetapan* püna tapac moꞌo tjowelepj wa yupj, pjü jis la pjac. Tꞌücꞌ moꞌo tjowelepj na, noypan jas tjajam yom pjaní la veles Pablo lal, Bernabé lal wa. Tjevele: “Nun quelel welé ꞌa jis tjimyula jilal ca nacj, ne más ꞌücj ca la mijicj Dios jos jin. Mpes quina mvelé ca.”

El Nuevo Testamento en Tol de Honduras, 2da ed. ©2010, Wycliffe Bible Translators

393

HECHOS 13

Pülücj patja nta tjil jis la veles Jesucristo poó. (Hechos 13.13)

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 13

394

16 Pablo

jas nisa. Mos jas tjijyünsa, mpes lyájasa tepyala yupj. Tjevele: “Israelpan*, najas pjoꞌoqué napj velé. Nun nepénowa israelpan tulucj, mopꞌin solejé wa Dios ca jis capj ntülüs malala lajay. Najas nun pjoꞌoqué wa napj velé. 17 Israelpan po jisas Dios. Israelpan püna tapatja sin popa pꞌiyá püs naya pyatjaquecj cupj. Dios lis tꞌya yupj. Yupj Egipto poꞌo tapatja na, pülücj tipyülücǘ yupj, Dios jis capj tjepꞌyaꞌsa mpes. Año cuatro cientos tapatja yupj neꞌaj. Pꞌa jawasa Dios jis tjemyana Egipto mpe. Püné jupj, mpes ꞌücj jis tjemyana malala lis tjajay mpe. 18 Año cuarenta mpes jis tjemyana jis wa cjuwá ntꞌa, gente len̈ ntꞌa. Yupj ma jisastsja püs way lyawun̈tsja neꞌaj; tsꞌa tjiꞌin yupj, mopꞌin nin, Dios lovin jis capj tecyon̈ca. 19 Pꞌa jawasa Canaán ntꞌa tjil. Neꞌaj tjil na, pülücj Canaán mpe neꞌespan tecyaꞌlin̈, Dios la tjiji tecyaꞌlin̈ yupj. Siéteya se jütütj mpe waytsja yupj. Pjü yupj jis mama Dios jis tjeꞌyaya israelpan ca neꞌaj mpatjam. 20 Pjü niná napj tjevelé año cuatro cientos cincuenta na tꞌücꞌ tepyala pjü. ”Niná tꞌücꞌ tepyala na, Dios lis tꞌya jepapan israelpan* mpes. Pꞌa jawasa, año pülücj tepyala na, jis tjeꞌyaya profeta* pjaní. Profeta niná yupj jis jepa tepyala jupj. Samuel lotsja jupj. 21 Locopyaya israelpan jisastsja jepa püné jis la jütütj, pꞌa gente jinwá. Mpes Dios la tꞌya Saulo, israelpan jis jepa püné nsem jupj. Nujola tapalas Saulo Cis jatjam waytsja jupj. Benjamín püna tüpüꞌü popa pꞌiyá waytsja Saulo; püs naya tüpüꞌü jupj. Saulo yupj jis jepa pünetsja año cuarenta mpes. 22 Locopyaya Dios ma jostsja jepa maꞌajam Saulo. Mpes la tꞌya David*, David israelpan jis jepa püné tepyala jupj. Saulo yupj jis jepa tuluctsja quinam. Dios tjevele David poꞌó jupj jus tjinyuca mpes. Tjevele: ‘Po ꞌücj najas David mpes, niná David Isaí jatjam jupj. Jupj ca la mijis pjü way napj najas jin’, Dios nin tjevele David poꞌó. 23 David popa pülücj tepyala, püs naya tapatja witjacj, Jesucristo yupj sin popa pjaní waytsja. Jesucristo la tjiji israelpan ꞌücj ca mpatjam Dios lal. Püna Dios tjevele ca jas majamas David popa pꞌiyá pjaní, ca jis capj mpꞌaꞌsas israelpan. 24 ”Jesucristo custjay ma tjacꞌ na pꞌin, Juan tjevele pjü israelpan* jilal. Tjevele: ‘ꞌAplijila way tꞌas nun, malala nyuca la tjüjí mpes. Nujola tꞌas ca ꞌüsüs la müjí quinam, Dios jos jin. Nin la tjüjí na, napj ca bautizar* la mejay nun’, nin tjevele Juan. 25 Nasa way cyawájatsja na jupj la tjiji Dios mpes, jupj tjevele: ‘Nun lu nucú pjaní ncuwim, jupj ne Dios se jamá. Jupj tulucj napj. Len̈ way ncuwim jupj. Pajal püné jupj. Po ꞌüsüs napj lal tsjiꞌ lejay jupj mpes. Napj jupj caite syoc la pꞌin ꞌücj napj lal’, Juan nin tjevele.

El Nuevo Testamento en Tol de Honduras, 2da ed. ©2010, Wycliffe Bible Translators

395

HECHOS 13

26 ”Nun

nepénowa Abraham* popa pꞌiyá püs naya potjaqué. Nun nepénowa israelpan* tulucj, mopꞌin solejé wa Dios ca jis capj ntülüs malala lajay. Dios jos qjuisin ꞌyüsa ꞌonin la tjiji ne perdonar la qjuisiji malala nyuca la tjijicj, ꞌücj ca mpatjaquecj Dios lal. 27 Jerusalén ntꞌa patja ma topon Jesucristo niná pꞌiyá Dios tjevele ca jas majamas. Yupj jis jepapan ma wa topon. Pjü sábado* moꞌo tjowelepj profetapan* püna tapac, mopꞌin ma sin tjiꞌyüsa pjacj mpes tapac yupj. Ma sin tjiꞌyüsa yupj tapac Jesucristo poꞌó. Mpes yupj tjowelepj más ꞌücj cus ntülücj jupj. Püna profetapan papel tapac ca nin la mijicj yupj, ne nin tepyala, yupj tapac jin pꞌiyá. 28 Yupj salejeptsja Jesucristo ma malala nyuca la tjiji. Yupj jisastsja mpes pꞌin la tjomon Pilato lal jupj ca müjüꞌtüs jupj militarpan jis la ꞌünan Jesucristo. 29 ”Pjü way nin la tjajay profetapan* tapac jinwá, nin tapac ca nin mpalas Jesucristo lal. Niná tꞌücꞌ tepyala na, Jesucristo jomicapan tjiquil, palá natj jupj jüpꞌüy cruz* mpe. Tüpüntüpj jüpꞌüy pe jul moꞌó, neven ntꞌa. 30 Locopyaya Dios jas tjijyünsa jupj, nyucunú tepyala niswá. 31 Yas nam nepénowa tjiquil Jesucristo lal Galilea mpe, jupj lal tjiquil Jerusalén ntꞌa. Niswa tüpüꞌü na, la pülücj lay tepyala yupj ntꞌa. Tsꞌacꞌ pülücj lay tepyala yupj jilal. Jus tjunuc jupj. Quina yupj pꞌiyá javelepj la pꞌa jilal jupj poꞌó. 32 ”Israelpan* püna tapatja sin popa pꞌiyá püs naya pyatjaquecj cupj. Dios tjevele püna tapatja jilal pjü niná ca nin la mijis. Tꞌücꞌ way jupj nin liji quinam, jupj tjevele jin pꞌiyá. Nin velecj nun jilal tsjan niná jupj ꞌüsüs la tjiji. 33 Dios tjevele Jesucristo tepeꞌe na ca jas müjünsüs, mpüꞌüm niswá. Tꞌücꞌ way nin la tjiji jupj. Tjinyucucj cupj. Püna Dios mpes tjenejetsꞌen̈ moꞌó, capítulo matꞌe moꞌó tepyaca niná Dios nin tjevelá. Dios tjevele: ‘Jipj napj Natjam. Yacjaj napj pajal ꞌüsüs way lejay jipj mpes, napj velé jipj napj natjam.’ 34 Cupj selecj Jesucristo tepeꞌe na, Dios jas tjijyünsa jupj, la pütꞌüs niswá. Dios tjevele Jesucristo jüpꞌüy ma majam ca. Niná selecj Dios tjevele mpes: ‘Tjevelé David* lal ꞌüsüs ca la mejay nun jilal. Mpes tꞌücꞌ way ca nin la mejay.’ 35 Pꞌa ntꞌa, Dios mpes tjenejetsꞌen̈ moꞌó, yom pjaní tjevele Dios lal. Tjevele: ‘Jipj Jetjam jipj jitsꞌaꞌá.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 13

396

Jupj jüpꞌüy ma ca majam, ca nin la mijin’, nin tjevele. 36 Tꞌücꞌ way David la tjiji Dios jostsja jinwá jupj tüpüꞌü na. Tꞌücꞌ la tjiji na, tepeꞌe. Toc jupj mpes, püna toc ntꞌa jupj cocoypan toc patja ntꞌa. Jupj jüpꞌüy tjamaja. 37 Nin tuluctsja Jesucristo lal. Jesucristo jüpꞌüy ma tjamaja. Dios jas tjijyünsa la pütꞌüs niswá, mpes jupj jüpꞌüy ma tjamaja. 38 Nusin tjüꞌüsüs napj velé. Jesucristo la tjiji mpes, Dios perdonar la siji malala nyuca la tjajay gentá. 39 Tꞌücꞌ way yupj malala nyuca la tjajay. Nin pꞌin Dios ꞌüsüs la siji Jesucristo mpes. Topon na Jesucristo lal, Dios ma ca jis capj ntülüs. Moisés* popel tjijyüꞌta jin lajay, newa malala ꞌin yupj Dios lal. Jesucristo la tjiji mpes pꞌin Dios ma jis capj tyüla. 40 Nujola tapalas profetapan* tapac Dios mpes. Tapac tsjan ca mpalas gente jis lal. ꞌIn tjajamá ma nin nu pyala. 41 Tapac: ‘Nepénowa nun lu pjütsꞌünǘ. Tjapjaꞌaqué. Po nujola tꞌas napj lejay mpes. Pajal ꞌüsüs ca la mejay. Nun ma ca mponé napj ca nin la cüjay. La pꞌa ca mvelecj nun jilal napj nin lejay, mopꞌin ma ca mponé nun. Mpes ncaꞌliqué nun, ca pajal malala nu mpalas.’ Profetapan nin tapac Dios tjevelá.” Pablo tecyawaja tjevele quinam. 42 Judiopan* ꞌa si mulú mpe tjil Pablo, Bernabé ꞌotsꞌipj. Tjiltsja na, neꞌaj ꞌa jis tjimyula la tjomon yupj ca ncul niswá jis walapꞌaꞌa la veles sábado* na. 43 Pjü tjil na, nepénowa jis capj tocon̈, tjil Pablo, Bernabé jilal. Nepenowá judiopan tuluctsja yupj; judiopan jinwatsja yupj quinam, judiopan jinwá japontsja mpes. Pablo, Bernabé ꞌotsꞌipj, niswa tjowelepj yupj jis lal Dios pajal ꞌüsüs way la tjiji yupj mpes. Tjowelepj más ꞌücj yupj lovin jisas nsem Jesucristo. 44 Semana pjaní tepyala na, sábado* jyawca jawas nasa way pajal pülücj ꞌa jis tjimyula, pülücj patja neꞌaj sin popé. ꞌA jis tjimyula jis la pjac Dios tjevelá. 45 Judiopan* tjunuc pülücj ꞌa jis tjimyula. Po ma jisastsja. La tjejyamanan̈tsja. Mpes tjowelepj Pablo li tsuwile. Malala tjowelepj Pablo poꞌó. 46 Pablo ma lecj jéyatsja. Bernabé ma wa lecj jéyatsja judiopan jilal. Tjowelepj yupj lal: “Dios jostsja mwalá way tjevelecj nun jilal jupj tjevelá. Mopꞌin ma nujisas jupj tjevelá. Mpes nin welé ma quelel potjaqué jupj lal lovin. Mpes ca nlaca nun mpe. Ca nlaca judiopan tulucj ntꞌa. Ca mvelecj yupj jilal Dios tjevelá. 47 Nin ca la mijicj qjuis Jepa Dios qjuis tjijyüꞌta mpes. Tjijyüꞌta: ‘Jipj jaw jinwá judiopan tulucj jilal,

El Nuevo Testamento en Tol de Honduras, 2da ed. ©2010, Wycliffe Bible Translators

397

HECHOS 13, 14

nin la tjejay napj. Mpes yupj jun taꞌá ca sin müꞌüsüs ꞌonin ne nin la mijicj ne yupj ꞌücj ca mpatjam Dios lal. Ca sin müꞌüsüs jipj ca mvelen mpes,’ nin tjevele Dios.” 48 Judiopan* tulucj niná tjepjyacan̈ na, ꞌücj jisas tepyala. Tjowelepj po ꞌüsüs way qjuis Jepa Dios tjevelá. Püna Dios lis tꞌya yupj sin popa nepenowá jis la pütꞌüs lovin jupj lal. Pjü way yupj topon Jesucristo poꞌó. 49 Yupj tapatja ntꞌa tjowelepj pülücj jilal Dios tjevelá mpes. Nin pꞌiyá la tjajay neꞌaj pꞌin tapatja ntꞌa. 50 Judiopan* ma jisastsja niná. Yupj tjowelepj niyom noypan jilal pülücj patja ntꞌa, nequem noypan jilal ꞌotsꞌipj. Nequem nenem nin pꞌiyá yólatsja judiopan jinwá Dios poꞌó. Judiopan tjowelepj malala la tjajay Pablo, Bernabé ꞌotsꞌipj. Mpes noypan nenem, tsꞌa tjiꞌin Pablo lal, Bernabé lal wa. Malala nyuca la tjajay yupj jilal. Tjüjütütj yupj ca campa mal yupj mpe. 51 Pablo, Bernabé, yupj jis tsjam palá tjowowopj, palá tinca pjüpjüs. Mpes neꞌaj tapatja sin tjiꞌyüsa yupj nin yólatsja yupj neꞌaj tapatja Dios ma japon jinwá lajaytsja. Pablo, Bernabé, tjil quinam Iconio ntꞌa. 52 Newa nin, Jesucristo lal japon Antioquía poꞌo tapatjá lovin ꞌücj jisas tapatja, lovin la tjajaytsja Dios Cjües tjevele jinwá.

14

Pablo, Bernabé, tjowelepj Iconio ntꞌa Jesucristo poꞌó.

1 Iconio

ntꞌa Pablo, Bernabé, tjil judiopan* ꞌa si mulú ntꞌa. Wama tjil, tjowelepj yupj jilal neꞌaj. Pajal ꞌüsüs tjowelepj, mpes pajal pülücj topon Jesucristo poꞌó. Pülücj judiopan, pülücj judiopan tulucj ꞌotsꞌipj, topon yupj Jesucristo poꞌó. 2 Mopꞌin nin, judiopan la pꞌa ma quelel japontsja Jesucristo poꞌó. Tjowelepj judiopan tulucj jilal neꞌaj tapatja sin popé. Tjowelepj Pablo, Bernabé, malala la tjajay. Mpes judiopan tulucj nenem po ma jisastsja Pablo, ma wa jisastsja Bernabé. 3 Püs way tapatja yupj Iconio ntꞌa. Neꞌaj tjowelepj Jesucristo poꞌó. Tjowelepj Dios pajal ꞌüsüs la tjiji gente mpes. Ma lacj jeyaptsja jis la veles yupj jilal. Sin tjiꞌyüsa lis tjajay tꞌücꞌ way tjowelepj yupj. Yupj pajal ꞌüsüs way la tjajaytsja, niyom pꞌin ma polel lajay jinwá, mpes la pꞌa wa jus nlaytsja tꞌücꞌ tjowelepj yupj. Neꞌaj tapatja pajal yólatsja yupj ꞌüsüs la tjajaytsja mpes. 4 Neꞌaj tapatja ma yuwal yólatsja. Pülücj nin pꞌiyá yólatsja judiopan* yólatsja jin pꞌiyá. La pꞌa pülücj way pꞌa casá yólatsja. Apostolpan*

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 14

398

yólatsja jinwá yólatsja yupj. 5 Judiopan tulucj nepenowá, judiopan nepenowá ꞌotsꞌipj, yupj jis jepapan ꞌotsꞌipj, malala nyuca quelel lajaytsja Pablo lal, Bernabé lal wa. Pe quelel la tsꞌitsja, jis la ꞌünan. 6 Pꞌa witjacj jis wala tjowelepj niná Pablo lal, Bernabé lal wa tjowelepj yupj nin quelel lajaytsja. Mpes len̈ way tjil. Tjil pꞌa ntꞌa pülücj patja ntꞌa Licaonia poꞌó. Neꞌaj pülücj patja ntꞌa Listra lotsja. Pꞌa ntꞌa pülücj patja ntꞌa neꞌaj Derbe lotsja. 7 Neꞌaj newa tjowelepj pülücj jis walapꞌaꞌá tsjan niná Jesucristo ꞌüsüs la tjiji gente mpes.

8 Listra

Listra poꞌo patja pe noypan la tsꞌi la ꞌünan Pablo.

ntꞌa yom pjaní neꞌaj tjáꞌasatsja, tüicꞌ ma polel ꞌutanatsja, ma polel wínetsja. Janmacj nin waytsja jupj, tjemyaꞌna pepes. 9 Pablo tjevele na, yom niná tjapjaca. Pablo jupj wola jus tjinyúcatsja. Ma wínetsja pyónatsja Dios polel ꞌyüꞌsa liji. Pablo jus nléyatsja nin pyónatsja jupj. 10 Mpes Pablo yümücj tjevele: —Jin tjijyünsa. Tjevele na, ma wínetsja len̈ way jas nisa, tjuwine jupj. 11 Pülücj tjunuc Pablo la tjijá. Mpes yümücj tjowelepj, yupj jis tin mpes. Tjowelepj: —Dios witjacj* cupj ntꞌa tjiquil. Niyom jinwá jin yustapj lay jis tepyala —nin tjowelepj. 12 Yupj jis dios* pjaní Zeus ló. Yupj tjowelepj Bernabé Zeus pꞌiyá jupj. Yupj jis dios pꞌa wa Hermes lotsja. Tjowelepj Pablo Hermes pꞌiyá jupj. Tjowelepj Pablo ne Hermes pꞌiyá, jupj más pülücj way véletsja mpes. 13 Wo tón̈catsja neꞌaj, wa moꞌo gente tjowelepj Zeus lal. Wo nenem neꞌaj way pꞌintsja neꞌaj tapatja jis wa lejen̈tsja ntꞌa. Zeus sacerdote* buey witjacj jis ticyuna jun vilicj ntꞌa, neꞌaj patja tꞌasiyú tjüwücj ntꞌa. Buey jis men polol mpes tsyúꞌpatsja. Sacerdote niná, la pꞌa wa pülücj ꞌotsꞌipj, buey quelel jaꞌünantsja, jaꞌayapj Pablo mpes, Bernabé mpes wa. Yupj topontsja Pablo, Bernabé dios witjacj* yupj, mpes nin quelel lajaytsja yupj. 14 La pꞌa wa jis wala tjowelepj Pablo, Bernabé jis lal, nin quelel lajaytsja. Mpes yupj sin quip la tequeman̈; malálatsja Dios lal yupj neꞌaj tapatja topon Pablo, Bernabé, dios witjacj yupj. Len̈ way yupj tsꞌequenen̈ gente pülücj lejen̈tsja ntꞌa, yümücj tjowelepj: 15 —¿ꞌOnin ne nin lojí? Cupj niyom pꞌin, nun jinwá. Tjiquilaca nun jis walapꞌaꞌa la veles Jesucristo poꞌó. Qjuisas nun ma ca jisas nsem dios witjacj*, yupj ne Dios tulucj. Janucun tulucj yupj, ꞌüsüs tulucj yupj. Dios tꞌücꞌ way lal mponé. Püꞌü jupj. Nosis la tjiji. Tsjun poꞌó la

El Nuevo Testamento en Tol de Honduras, 2da ed. ©2010, Wycliffe Bible Translators

399

HECHOS 14

tjiji wa. ꞌÜsǘ püné la tjiji wa. Pjü way neꞌaj patja la tjiji wa. 16 Püna pjü gente nosis casá patja yupj pꞌiyá jisastsja jin la tjajay. Tꞌücꞌ way ma salejeptsja. Dios ma tsꞌi tjiꞌina yupj jis lal. 17 Mopꞌin nin, jupj la tjiji gente ꞌücj sin tjiꞌyüsa jupj tꞌücꞌ way püꞌü. Jun taꞌá wine. ꞌÜsüs la tjiji gente jis lal. Lovin ꞌüsüs la tjíjitsja gente jis lal. La tjiji wa jüwüs. Siná na, cyojo, vyala wa Dios nin liji. Pülücj nu ꞌyaya la las. ꞌÜcj nujisas nu pyala jupj nin liji —Pablo, Bernabé, nin tjowelepj yupj jilal. 18 Newa nin, neꞌaj patja po quelel jaꞌünantsja buey, la ꞌayas yupj mpes. Pablo, Bernabé, la pülücj tjowelepj ma jis la ꞌünan, ma jis la ꞌayas. Mpes ma nin la tjajay; newa nin quelel jaꞌayaptsja yupj. 19 Yacjaya judiopan* nepenowá tjiquil Antioquía mpe, Iconio mpe ꞌotsꞌipj. Malala nyuca tjowelepj Pablo poꞌó, Bernabé poꞌó wa. ꞌA jis tjimyula witjacj topon yupj tjowelepj, mpes tsꞌa tjiꞌin Pablo lal, Bernabé lal wa. Yupj pjü way pe noypan jay la tsꞌi, la ꞌünan Pabló. La tjolocjocj jupj pülücj patja mpe. Tepeꞌe jin yólatsja. 20 Locopyaya Jesucristo lal japon jupj jüpꞌüy tꞌasiyú ꞌa jis tjimyula. Nin la tjajay na, jas tjijyünsa jupj. Ma tepeꞌe. Tjemey niswá pülücj patja ntꞌa. Ya tjemey Bernabé lal Derbe ntꞌa. 21 Neꞌaj Pablo, Bernabé, tjowelepj yupj jis walapꞌaꞌá tsjan niná Jesucristo ꞌüsüs la tjiji gente mpes. Pülücj topon Jesucristo lal, mpes yupj quelel sa con̈ watsja jupj. Tꞌücꞌ sin tjiꞌyüsa lis tjajay na, Pablo, Bernabé, tjil Listra ntꞌa niswá, Iconio ntꞌa ꞌotsꞌipj, Antioquía ntꞌa ꞌotsꞌipj. 22 Neꞌaj tjil jis capj la pꞌacj ꞌücj jis la pon Jesucristo poꞌó. Tjowelepj más ꞌücj lovin mponecj ca Dios tjevelá. Tjowelepj quina nin ca malala qjuis mpalas. Nosis casá patja na, gente ca malala nyuca lis mijicj. Nin qjuesé palá mpes, ꞌücj Dios si jütüta popa qjuesé palá. 23 Pablo, Bernabé, lis tꞌapj niyom nepenowá, yupj coꞌmüypan* nsem Dios tsꞌuyupj jilal. Nin la tjajay pjü Dios tsꞌuyupj mpes, Dios mpes ꞌa jis tjimyula witjactsja yupj. Yupj tapatja ntꞌa ꞌa jis tjimyula yupj. Dios lal tjowelepj wa pjü Dios tsꞌuyupj mpes. Dios lal tjowelepj na, ma tjalá, más ꞌücj jis la velestsja Dios lal yupj mpes. Tjowelepj yupj jilal: “Nun nasa toponé qjuis Jepa Jesucristo lal. Qjuisas jupj lovin nu majamas”, nin tjowelepj.

Pablo, Bernabé, tjil niswá Antioquía ntꞌa Siria poꞌó.

24 Locopyaya

Pablo, Bernabé, tjil Antioquía mpe, neꞌaj pülücj pátjatsja Pisidia moꞌó. Tjil Perge ntꞌa, pülücj patja ntꞌa Panfilia moꞌó. 25 Neꞌaj tjowelepj gente jis walapꞌaꞌá Jesucristo poꞌó. Tꞌücꞌ tjowelepj na, tjil Atalia ntꞌa, pülücj patja ntꞌa. 26 Barco* mpes tjil niswá Antioquía ntꞌa

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 14, 15

400

Siria moꞌó. Antioquía nepé Dios tsꞌuyupj sin tjajam yupj püna pꞌin. La pꞌa ntꞌa sin tjajam, neꞌaj tsjiꞌ la tjajay Dios mpes. Püna la tjomon Dios lal jupj ca ꞌüsüs jis majamas yupj. Nasa tꞌücꞌ la tjajay Pablo, Bernabé, mpes tjil niswá Antioquía ntꞌa. 27 Tjil na, la tjomon Dios tsꞌuyupj ꞌa jis mulus ca yupj jilal. ꞌA jis tjimyula na, Pablo, Bernabé tjowelepj Dios pajal ꞌüsüs la tjiji pꞌa ntꞌa yupj neꞌaj tjil mpes. ꞌÜsüs polel lajaytsja Dios jis capj tjepꞌyaꞌsa mpes. Tjowelepj judiopan* tulucj topon Jesucristo tjevelá, Dios la tjiji mpes. 28 Pablo, Bernabé, püs way ꞌin tapatja neꞌaj Jesucristo lal japon jilal.

15

Jerusalén ntꞌa apostolpan coꞌmüypan jis lal ꞌa jis tjimyula jis la veles.

1 Niyom

nepénowa tjiquil Antioquía ntꞌa Judea mpe. Sin tjiꞌyüsa la tjajaytsja Dios tsꞌuyupj neꞌaj. Tjowelepj: “Püna Moisés* tjevele Dios jos jupj sa con̈ jatꞌǘ cocoypan, nin jatꞌǘ yupj jis pjolocꞌ tsjicj way tꞌasiyú. Ma nin la jay, ma ca mpatjam Dios lal”, nin tjowelepj. 2 Pablo, Bernabé, tjowelepj nin tulucj niyom nenem tjowelepj. Mpes yupj la tjowelel Pablo, Bernabé jilal. Mpes Dios tsꞌuyupj tjowelepj más ꞌücj Pablo, Bernabé, jil Jerusalén ntꞌa, yupj jis pülücpan pꞌa wa jilal. Tjowelepj apostolpan*, coꞌmüypan* Dios tsꞌuyupj jilal, ca mvelecj pjacj tꞌücꞌ way javelepj. 3 Mpes Dios tsꞌuyupj sin tjajam yupj ntꞌa. Fenicia jin tjil, Samaria* jin tjil wa. Neꞌaj pülücj jilal tjowelepj judiopan* tulucj jisastsja wa Jesucristo. Mpes jis pülücpan pjü way ꞌücj jisas tepyala yupj tjowelepj mpes. 4 Tjil na Jerusalén ntꞌa, Dios tsꞌuyupj neꞌaj ꞌücj jisas jis tepyala yupj tjiquil mpes. Apostolpan* ꞌotsꞌipj ꞌücj jisas tepyala. Coꞌmüypan* ꞌotsꞌipj ꞌücj jisas tepyala. Pablo, Bernabé, tjowelepj pjü way jilal Dios pajal ꞌüsüs la tjiji pꞌa ntꞌa yupj neꞌaj tjil mpes. ꞌÜsüs polel lajaytsja Dios jis capj tjepꞌyaꞌsa mpes. 5 Fariseopan* nepenowá játjatsja yupj jilal. Nas topon wa yupj Jesucristo poꞌó. Sin tjüjünsüpj, tjowelepj: —Judiopan* tulucj jisastsja wa Jesucristo. Dios jos tꞌyüjücj yupj jis pjolocꞌ tsjicj way tꞌasiyú. Dios jos cupj jis wala velecj más ꞌücj nin lajay pjü way Moisés* tjijyüꞌta püná —nin tjowelepj. 6 Mpes apostolpan* pjü way, coꞌmüypan*, pjü way, ꞌa jis tjimyula niswá, jis la veles. Quelel sin ꞌyǘsatsja ncu Dios jos jatꞌǘ judiopan* tulucj. Quelel sin ꞌyǘsatsja ncu Dios jos judío tulucj lajay pjü way Moisés* tjijyüꞌtá. 7 Püs way yuwá pꞌin tjowelepj. Yacjaya Pedro jas tjijyünsa, tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

401

HECHOS 15

—Natjampan, nun solejé püna pꞌin Dios la tꞌya pjacj nun popa mveles judiopan* tulucj jilal, ca nin mveles tsjan niná Jesucristo ꞌüsüs la tjiji gente mpes. Jupj la ntjetꞌá napj ca nin mveles, ca yupj mponecj wa. 8 Dios selé pjü yola mpes. Dios yupj jis tjeꞌyaya jupj Cjües. Cupj qjuis tjeꞌyaya jinwá jis tjeꞌyaya wa yupj. Mpes selecj Dios jos wa judiopan tulucj. 9 Dios quelel la qjuisiji. Nin pꞌiyá quelel la siji. Tepyonecj na, jupj perdonar la qjuis tjiji malala nyuca la tjijicj. Nin pꞌiyá, yupj topon na, perdonar lis tjiji malala nyuca la tjajay. 10 ¿ꞌOnin ne nin nujola discipulopan* nenem ꞌüsüs tulucj custjay Dios lal? Nin nujola mpes nun nujisas yupj ca la mijicj wa Moisés* tjijyüꞌtá, judiopan jinwá. Po ꞌin costa way yupj nin lajay. Judiopan püna tapatja ma polel nin la tjajaytsja, ma wa polel lijictsja cupj niná. Dios ma jos pajal costa nsem yupj sa con̈ Dios. Nasa nusin tjiꞌyüsa la tjiji niná. ¿Tsjan mpes ma poné Dios lal? 11 Napj velé nun jilal cupj pyonecj qjuis Jepa Jesucristo ꞌüsüs la tjiji cupj qjuilal. Qjuisastsja jupj, mpes ca mpatjaquecj Dios lal lovin. Nin pꞌiyá yupj jis lal. Pyonecj Jesucristo ꞌüsüs la tjiji wa judiopan tulucj jilal. Jisastsja wa jupj, ne ca mpatjam wa Dios lal — Pedro nin tjevele yupj jilal. 12 Pjü lyájasa jis tepyala. Tjepjyacan̈tsja pꞌin Bernabé tjevele, Pablo tjevele wa. Yupj tjowelepj Dios pajal jis capj tjepꞌyaꞌsa, mpes ꞌüsüs polel la tjajaytsja judiopan* tulucj ntꞌa, niyom pꞌin ma polel lajay jinwá. Gente tjunuc na niná la tjajay, pajal yólatsja ꞌonin ne nin la qjuijicj niná. 13 Tꞌücꞌ tjowelepj na, Jacobo tjevele: —Natjampan, najas pjoꞌoqué napj velé. 14 Simón cupj qjuilal tjevele tsjan tepyalá Cornelio wo ntꞌa. Mpes selecj Dios jos quinam judiopan* tulucj. 15 Profetapan* tapatja na, tjowelepj wa Dios ca la ntꞌas judiopan tulucj. Profeta pjaní tepyaca qjuis Jepa Dios nin tjevele. 16 Tepyaca: ‘Pꞌa jawasa ncuwis niswá. David* püna tüpüꞌü, jépatsja jupj. Judiopan quina lyawun̈, yupj David popa pꞌiyá püs naya patjá. Yupj ma se jütütj yuwá quinam. Niswa tjacuwis na, yupj popa pjaní niswa ca müjüꞌtüs, nin ca la mejay napj. 17 Nin tepyala na, judiopan tulucj ca la ma palacj wa. Yupj ca quelel la ma jicj wa. Napj Jepa Püné.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 15

402

Judiopan tulucj ca jisas nsem napj ꞌotsꞌipj. Napj lis tꞌya yupj. 18 Qjuis Jepa Dios nin tjevele. Lovin seletsja nin ca mpalas. Quina niná qjuisin ꞌyüsa liji.’ Profeta pjaní nin tepyaca. 19 Jacobo véletsja custjay. Tjevele: —Nin mpes napj pyon más ꞌücj judiopan* tulucj nenem ma lajay pjü way Moisés* tjijyüꞌtá. Más ꞌücj ma jis müjüꞌtücj pjü way nin lajay. 20 ꞌÜcj papel ca mpaquecj, nin ca jis müjüꞌtücj más ꞌücj ma ca nlajacj pwisis la pꞌa wa tjaꞌayapj jis dios witjacj* mpes. Ca jis müjüꞌtücj niyom ca ma maꞌnucj sejatsꞌom tulucj. Ca jis müjüꞌtücj nequem ma ca mal jis vayum tulucj jilal. Ca jis müjüꞌtücj ma nlajá pwisis ꞌos jüpꞌüy moꞌo ton̈ca custjay. ꞌOs pjeꞌá tjemey na, ꞌücj. Ca müjüꞌtücj ma myüꞌün̈ ꞌosis. 21 Niná ꞌücj ca jis müjüꞌtücj. Pjü sábado* na judiopan lovin moꞌo tjoweleptsja Moisés tjijyüꞌta qui. Lovin moꞌo tjoweleptsja niná yupj ꞌa si mulú ntꞌa. Pjü pülücj patja ntꞌa nin javelepj Moisés tjevelá. Pajal püna nintsja. Newa nin —Jacobo nin tjevele. 22 Jacobo tjevelá ꞌüctsja apostolpan* jilal, ꞌüctsja wa coꞌmüypan* jilal wa, ꞌüctsja wa pjü Dios tsꞌuyupan jilal neꞌaj. Yupj popa matꞌe lis tꞌapj, ca mal Antioquía ntꞌa Pablo lal, Bernabé lal wa. Pjaní way Silas lotsja. Pꞌa Judas lotsja. Pꞌa ló watsja jupj, Barsabás lotsja wa. Yupj noypan waytsja neꞌaj Dios tsꞌuyupj jilal. 23 Papel tapac jas lo jam yupj jilal. Tapac: Nepénowa cupj apostolpan*. Nepénowa cupj coꞌmüypan* quiꞌá Dios tsꞌuyupj jilal. Papel pyaquecj nun mpes Antioquía poꞌo potjaqué, Siria poꞌo potjaqué ꞌotsꞌipj, Cilicia poꞌo potjaqué ꞌotsꞌipj. Nun judiopan* tulucj. Mopꞌin nin, nun qjuis catjampan quinam. Papel niná quelel pyaquecj nun mpes. 24 Qjuisin tjiꞌyüsa cupj sin popa nepenowá tjil nun ntꞌa. Yupj tjowelepj mpes nun ma solejé tsjan más ꞌücj lojí. Pajal nujola tepyala yupj tjowelepj mpes. Cupj ma sin tjejyamacj yupj nun ntꞌa. 25-27 Mpes ꞌa qjuis tjimyula, qjuisin popa mátꞌeya lis tꞌyacj ca mal nun ntꞌa la veles cupj mpes. Niná ꞌüsüstsja cupj qjuilal pjü way. Mpes sin majamacj Judas, Silas ꞌotsꞌipj nun ntꞌa. Cupj tepyaquecj, niná nin pꞌiyá ca mvelecj yupj nun jilal. Ca mal Bernabé lal, Pablo lal ꞌotsꞌipj. Po quelel lijicj Bernabé, Pablo ꞌotsꞌipj. La pꞌa quelel jaꞌünantsja yupj, Jesucristo sa con̈tsja mpes. Ma lacj jeyaptsja yupj.

El Nuevo Testamento en Tol de Honduras, 2da ed. ©2010, Wycliffe Bible Translators

403

HECHOS 15, 16

28 Dios

Cjües jos ma lojí pjü way Moisés* tjijyüꞌta jin. Jupj tjevele cupj qjuilal tsjan jostsja jupj, nin pꞌiyá velecj nun jilal. 29 Mpes ma nlajá pwisis la pꞌa tjaꞌayapj jis dios witjacj* mpes. Ma müsiqué ꞌosis. Ma nlajá pwisis ꞌos jüpꞌüy moꞌo ton̈ca custjay. Niyom, ma ca jis maꞌnú nun sejatsꞌom tulucj. Nequem, ma nlawú nun jis vayum tulucj jilal. Nin lojí na cupj tjevelecj jinwá, ꞌüsüs ca nsem nun. Tꞌücꞌ tepyaquecj quinam. Nin tapac yupj. 30 Mpes quina sin tjajam niyom nenem Antioquía ntꞌa. Neꞌaj tjil na, tjüjütütj Dios tsꞌuyupj ꞌa jis mulus, ne papel niná tjaꞌayapj yupj. 31 Papel moꞌo tjowelepj na, neꞌaj tapatja ꞌücj jisas tepyala papel ꞌüsüs mpes. 32 Judas, Silas ꞌotsꞌipj, profetapan* waytsja yupj. Mpes pülücj jis wala tjowelepj neꞌaj. Neꞌaj tapatja ꞌücj jisas jis tepyala Dios lal yupj tjowelepj mpes. Yupj más ꞌin ꞌüsüs la tjajaytsja Jesucristo tjevelá, yupj tjowelepj mpes. 33 Judas, Silas, tsjicj way tapatja neꞌaj. Locopyaya tjowelepj yupj ca mal niswá Jerusalén ntꞌa. Mpes yupj neꞌaj tapatja tjowelepj ꞌüsüs lowa nun. Sin tjajam ne tjil. 34 Silas tjevele más ꞌücj jupj pꞌiyá ma jama. Mpes ma tjemey. 35 Pablo, Bernabé ma wa tjil yupj. Tapatja wa Antioquía ntꞌa. Yupj sin tjiꞌyüsa la tjajay Dios tjevelá mpes. La pꞌa wa pajal pülücj nin pꞌiyá la tjajay. Lovin tjowelepj Jesucristo poꞌó gente jis walapꞌaꞌá.

36 Pꞌa

Pablo tjemey niswá la pꞌa ntꞌa, la veles Jesucristo poꞌó.

jawasa Pablo tjevele Bernabé lal: “Tjeleque pülücj ntꞌa, tjevelecj yupj jis walapꞌaꞌá Dios tjevelá. Niswá ꞌalas yupj ntꞌa. Ca qjuisin müꞌüsüs ncu jisas custjay Jesucristo.” 37 Bernabé jostsja Juan jis capj ncon̈cos. Juan pꞌa ló waytsja jupj, Marcos lotsja wa. 38 Pablo ma jostsja. Jupj tjevele más ꞌücj Marcos ma jis capj cyon̈ca. Tsjiꞌ la tjajaytsja na Jesucristo mpes Panfilia poꞌó, Marcos tjemey yupj mpe. Mpes Pablo jostsja ma jis capj ncon̈cos quinam. 39 Pablo, Bernabé, la tjowelel Marcos mpes. Ma yuwal yólatsja Marcos mpes. Mpes ma ꞌa mulú tjil yupj. Bernabé tjemey Marcos lal. Tjil Chipre ntꞌa barco* mpes. 40 Pablo jostsja Silas ca mim jupj lal. Dios tsꞌuyupj tjowelepj Dios lal yupj mpes. La tjomon Dios pasal ꞌüsüs way ca jis majamas yupj. Tjil yupj. 41 Tjil Dios tsꞌuyupj ntꞌa, pjü way Siria poꞌo patja ntꞌa, Cilicia poꞌo patja ntꞌa ꞌotsꞌipj. Yupj la tjajay ne Dios tsꞌuyupj neꞌaj más ꞌüsüs way sa con̈tsja Jesucristo.

16

Timoteo jis capj tecyon̈ca tjemey Pablo, Silas jilal.

1 Tjil

quinam Derbe ntꞌa, tjil Listra ntꞌa ꞌotsꞌipj. Listra ntꞌa tjamacjas Jesucristo lal pyona tüpüꞌü neꞌaj, Timoteo lotsja jupj. El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 16

404

Jupj popay judío* tuluctsja. Jamay judío waytsja. Jamay po tepyona Jesucristo tjevelá. 2 Timoteo po ꞌüsüstsja pjü Dios tsꞌuyupj jilal Listra poꞌó, Iconio poꞌó ꞌotsꞌipj. Yupj pjü way ꞌüsüs tjowelepj jupj poꞌó. 3 Pablo jostsja Timoteo jis capj ncon̈cos. Yupj quelel jiltsja judiopan pülücj pátjatsja ntꞌa. Neꞌaj tapatja salejeptsja Timoteo popay judío tuluctsja. Mpes Pablo jostsja yom ntꞌüjüs Timoteo pjolocꞌ tsjicj way tꞌasiyú, judiopan lajay jinwá, mpes nin la tjiji. 4 Locopyaya pjaní pjaní way neꞌas tjil, pülücj patja ntꞌa. Tjowelepj Dios tsꞌuyupj jilal tsjan tjowelepj apostolpan*, coꞌmüypan* ꞌotsꞌipj, Jerusalén moꞌo patjá. Tjowelepj tsjan jisastsja yupj judiopan tulucj ca nin la mijicj. 5 Nin mpes Dios tsꞌuyupj más ꞌüsüs way topon Jesucristo poꞌó, yupj tjowelepj mpes. Pjü jyawca más pülücj jisastsja Jesucristo, más pülücj ꞌa jis tjimyula jupj mpes.

6 Dios

Pablo jus tjinyuca yomen Macedonia mpe ꞌesepj.

Cjües jostsja yupj ma mvelecj Dios poꞌó Asia ntꞌa. Mpes yupj tjil Frigia poꞌó, Galacia poꞌó ꞌotsꞌipj. 7 Tjil wa Misia poꞌó. Locopyaya quelel jiltsja Bitinia poꞌó. Mopꞌin ma tjil. Jesús Cjües jostsja ma jil neꞌaj. 8 Mpes tjil Troas ntꞌa, pülücj patja ntꞌa. 9 Püste na Dios la tjiji Pablo tjinyuca yomen. Jun si tsicyaca jinwá tjinyuca jupj. Macedonia mpe ꞌeseptsja yom niná. Neꞌaj tón̈catsja, Pablo lal la tjemyona: “Macedonia ntꞌa was, qjuis capj mpꞌaꞌsan”, nin la tjemyona. 10 Niná tjinyuca mpes, len̈ way quelel léquetsja Macedonia ntꞌa. Qjuiyólatsja Dios la qjuis tꞌya la veles yupj jis walapꞌaꞌá tsjan niná Jesucristo ꞌüsüs la tjiji gente mpes.

Pablo, Silas tjil Filipos ntꞌa Macedonia poꞌó.

11 Mpes

tjeleque Troas mpe barco* mpes. La tꞌas way casá tjeleque Samotracia ntꞌa. Samotracia ꞌamá ꞌüsǘ tꞌasiyú. Yaya Neápolis ntꞌa neꞌas tjeleque. 12 Barco mpe palá tjeleque. Tjeleque Filipos ntꞌa Macedonia poꞌó. Pülücj pátjatsja neꞌaj, Filipos ntꞌa. Romanopan* tapátjatsja neꞌaj. Municipio jinwá jupj. Tepyatjaquecj neꞌaj tsꞌacꞌ nepenowá. 13 Pjü sábado* judiopan* neꞌaj tapatjá ꞌa jis tjimyula ꞌüsǘ la ntꞌa. ꞌA si mulutsja la veles Dios lal. Mpes cupj tjeleque neꞌaj. Nequem nepenowá nasa ꞌa jis tjimyula neꞌaj. ꞌEtjelequecj na, tjevelecj yupj jilal Dios tjevelá. 14 Pjaní way yupj sin popé Lidia lotsja. Judío tuluctsja jupj. Tiatira mpe ꞌeseptsja jupj. Pülül vender la tjíjitsja, tüpüꞌü jupj. Pülül niná je waytsja, te jin jústatsja. ꞌÜsüstsja pülül. Lidia po jólatsja Dios püné. ꞌÜsüs tjapjácatsja Pablo tjevelá. Qjuis Jepa Jesucristo cus tjepꞌyaꞌsa, mpes tepyona jupj. 15 Bautizar* la tjajay jupj. Bautizar lis tjajay wa

El Nuevo Testamento en Tol de Honduras, 2da ed. ©2010, Wycliffe Bible Translators

405

HECHOS 16

jupj wo ntꞌa tapatjá. Nin tepyala na, jupj tjevele cupj qjuilal: “Nun poné napj tꞌücꞌ way pyon Jesucristo poꞌó. Mpes mas napj lal nawá ntꞌa, mpatjaqué”, nin tjevele. La pülücj la tjemyona cupj qjuilal, mpes tjeleque jupj lal. 16 Pꞌa jawasa quelel léquetsja niswá, judiopan* ꞌa si mulú ntꞌa, la veles Dios lal. Tjeleque na, tsjücjüim jus tjinyucucj. Esclavo* waytsja jupj. Lapanen pǘꞌütsja tsjücjüim jos moꞌó, mpes ꞌücj véletsja tsjan ca mpalas pꞌa jawasa la pꞌa jilal. Mpes la pꞌa wa jaylacj la tjajay ca jupj mveles yupj mpes. Tsjücjüim patrón witjacj tꞌemel pülücj natj yupj. 17 Tsjücjüim niná Pablo cjüil tjacꞌ lovin, cupj qjuis qjuil tjacꞌ wa. Lovin yümücj tjevele: —Dios más püné pjü jilal. Niyom nenem Dios jomozopan. Javelepj nun jilal ꞌoyn nyuca ꞌücj ca mpatjaqué Dios lal —nin tjevele. 18 Nin la tjiji tsꞌacꞌ nepenowá jyawca mpes. Pablo pajal jólatsja tsjücjüim mpes, ma jostsja nin líjitsja jupj. Mpes tyantaná, la tjijyuꞌya, tjinyuca, tjevele lapanen lal: —Jesucristo más püné pjü jilal. Mpes ꞌi jütütj Jesucristo mpes, jutja tsjücjüim jos mpe. Mpes len̈ way lapanen tjemey jupj jos mpe. 19 Tsjücjüim patrón witjacj jus nlaytsja lapanen tjemey jupj mpe, mpes quina jupj ma polel véletsja tsjan ca mpalas la pꞌa jilal. Mpes quina la pꞌa ma ca tꞌemel maꞌayacj jupj líjitsja mpes. Tsꞌa tjiꞌin, ne jis ntjiꞌlin̈ Pablo, Silas ꞌotsꞌipj, la tjolocjocj yupj jepapan jatja ntꞌa. Neꞌaj patja jis wa pülücj culupwen ntꞌa tjatja yupj. 20 Tjowelepj jepapan jilal: —Niyom nenem judiopan*. Malala lajay quiꞌá; pjü way pꞌa casá yola jis tepyala yupj lajay mpes. 21 Jisas nin lijicj yupj jajütütj jinwá. Malala nin. Cupj ne romanopan*, mpes malala lijicj yupj jajütütj jin —nin tjowelepj. 22 Mpes pjü neꞌaj ꞌa jis tjimyula witjacj pajal tsꞌa tjiꞌin Pablo lal, Silas lal wa. Yupj jis jepapan jis tjüjütütj sin la ꞌipj, jis la süp, ne nin la tjajay yupj. 23 La pülücj yümücj jis süp. Tꞌücꞌ moꞌo süp na, cawilta moꞌo jis tjoꞌonsopj. Jepapan tjüjütütj cawilta jyama lal, ꞌüsüs way jis majamas yupj. 24 Mpes cawilta jyama jis tjeꞌyonsa yupj campa way ꞌin jun vilicj mpe. Yo casá tüpüntüpj, tsjom la tsupapj. 25 Püste culupwen ntꞌa, Pablo, Silas tjoweleptsja Dios lal. Tjenejetsꞌen̈ Dios ꞌüsüs. La pꞌa wa cawilta moꞌo pátjatsja, pjü way pjyacan̈tsja yupj. 26 Len̈ way nosis jus tiquitsꞌe. Cawilta pasal jus tiquitsꞌe wa. Jun vilicj pjü way jun tjocjol tepyala. Pjü way tsyuꞌpa játjatsja cadena* mpes,

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 16

406

quina pjü way yupj jis cadena palá tinca. 27 Cawilta jyama tsyülümǘ. Tjinyuca pjü jun tjocjol lejen̈ jun vilicj. Jólatsja pjü tjil, len̈tsja quinam. Mpes polomay syultsꞌa, quelel tsjyaca jupj pꞌiyá, la mas. 28 Pablo ma jostsja nin la qjuijis jupj. Yümücj tjevele: —Po ma tjiꞌyüꞌna jipj sin, quiꞌá jyatjaquecj custjay. 29 Cawilta jyama lámpara* la tjemyona la nuc. Len̈ way cawilta wama tjemey. Pajal lecj jéyatsja Cawilta moo tjáasa Pablo, nin tepyala mpes, cyücüyütsja. Silas otsipj. (Hechos 16.24) Tüicꞌ jin tjüjünsü Pablo, Silas jis walapꞌaꞌá. 30 Cawilta pjeꞌá jis ticyuna yupj manas. La tjiꞌyüya: —¿ꞌOnin la cüjay mpüꞌüs Dios lal? 31 Wola tjowelepj: —Tepyona qjuis Jepa Jesucristo poꞌó, ne jipj mpüꞌüm ca Dios lal. Wya ntꞌa patja, pjü way, mpatjam wa Dios lal —nin wola tjowelepj. 32 Tjowelepj jupj lal qjuis Jepa Jesucristo poꞌó, jupj wo ntꞌa patja jilal tjowelepj ꞌotsꞌipj. 33 Pǘstetsja custjay, newa püste cawilta jyama jis tjemyana jun jis la patsj tꞌyancanan̈ ntꞌa. Tꞌücꞌ jun tapatsj na, bautizar* la tjajay jupj, bautizar la tjajay wa jupj jatsꞌom, jupj tsꞌuyupj ꞌotsꞌipj. 34 Cawilta jyama jis tjemyana Pablo, Silas, jupj wo ntꞌa, jis tjeꞌyaya jis la las. Po ꞌücj jos tepyala Dios lal tepyona mpes. Jupj jatsꞌom, jupj tsꞌuyupj ꞌotsꞌipj, po ꞌücj jisas tepyala wa Dios lal topon mpes. 35 Yaya jepapan sin tjajam niyom nepenowá cawilta ntꞌa. Pülücj patja ntꞌa jajamapj yupj. Tjowelepj cawilta jyama lal, ꞌücj Pablo, Silas jil quinam. 36 Mpes cawilta jyama tjevele Pablo lal: —Jepapan tjüjütütj ꞌücj lowú quinam. Mpes pjeꞌá nculá quinam, ꞌüsüs nlawú quinam. 37 Pablo ma quelel jámatsja custjay. Jupj tjevele niyom nenem jilal: —Cupj ne romanopan*. Yupj malala la tjajay cupj qjuilal. Moꞌo qjuis süp, neꞌaj lejen̈ pjü tjunuc. Ma quelel jus nlaytsja ncu tꞌücꞌ way malala la tjijicj. Yupj sin nin cawilta moꞌo tjoꞌonsopj cupj. Quina jisas cupj pjeꞌá leque, pjü ma januc na. Malala nin. Tjowelé ncul, yupj pjeꞌá la ntsꞌiyacj cupj cawilta mpe —Pablo nin tjevele yupj jilal.

El Nuevo Testamento en Tol de Honduras, 2da ed. ©2010, Wycliffe Bible Translators

407

HECHOS 16, 17

38 Mpes

niyom nenem tjowelepj jepapan jilal Pablo tjevele mpes. Lacj tjeyapj yupj. Ma salejeptsja Pablo, Silas romanopan* yupj. 39 Tjil cawilta ntꞌa. Tjowelepj: “Malala nyuca la tjijicj nun jilal. Po ma tsꞌi miꞌiná cupj qjuilal”, nin tjowelepj. Pjeꞌá tucuman, la tjomon ca mal yupj patja mpe. 40 Mpes tjil Lidia wo ntꞌa. Tjowelepj Dios tsꞌuyupj jilal neꞌaj. ꞌÜcj jisas jis tepyala Dios tsꞌuyupj, yupj tjowelepj mpes. Tꞌücꞌ tjowelepj na, tjil.

17

Pülücj tsꞌa tjiꞌin Tesalónica poꞌó, Pablo tjevele mpes.

1 Quina Pablo, Silas, la coló tjil Anfípolis mpe, Apolonia mpe ꞌotsꞌipj. Neꞌas tjil Tesalónica ntꞌa. Wo ton̈ca neꞌaj judiopan* ꞌa si mulú ntꞌa. 2 Pablo lovin tjemeytsja judiopan ꞌa si mulú ntꞌa. Mpes Tesalónica poꞌo nin pꞌiyá la tjiji. Tjemey judiopan ꞌa si mulú ntꞌa. Sábado* contꞌe mpes neꞌaj tjemey. Tjevele yupj jilal Dios Popel tjevelá. Jostsja pjü sin müꞌüsüs Jesucristo poꞌó. 3 Tjevele: “Nun solejé yom pjaní jacꞌ jis capj la pꞌacj judiopan, Dios nin tjevele ca nin nsem. Dios tjevele ca malala mpalas jupj, mpaꞌis. Tepeꞌe na, ca jas müjünsüs la pütꞌüs niswá. Tꞌücꞌ yom pjaní tjacꞌ quinam jis capj la pꞌacj judiopan. Tꞌücꞌ way malala tepyala jupj lal. Tepeꞌe na, jas tjijyünsa, tüpüꞌü niswá. Jesucristo jupj”, nin tjevele. 4 Mpes judiopan nepenowá neꞌaj jisastsja wa Jesucristo. Topon quinam Jesucristo poꞌó. Judiopan tulucj pülücj pátjatsja neꞌaj ꞌotsꞌipj, yupj pülücj way po jisastsja Dios. Topon wa Jesucristo poꞌó quinam. Nequem noypan nepenowá topon wa Jesucristo poꞌó. 5 Judiopan* pꞌa wa tsꞌa tjiꞌin pülücj topon Pablo lal. La tjejyamanan̈ yupj. Mpes ꞌa jis tjimyula niyom malala witjacj. Niyom nenem pajal se pjasatsja yupj, lovin ma tsjiꞌ la tjajaytsja. Quina yümücj pjac la tjajay. Malala tjowelepj mpes, pülücj neꞌaj tapatja tsꞌa tjiꞌin Pablo lal, Silas lal wa, mpes ꞌa jis tjimyula malala jis la jay. Pjü way tsꞌequenen̈ Jasón wo ntꞌa. Wama tjil, jis la pal Pablo, Silas ꞌotsꞌipj. Quelel pjeꞌá jacumantsja yupj, pülücj tjelejen̈tsja ntꞌa. 6 Ma yus tjunuc. Mpes Jasón pꞌin la tjolocjocj noypan ntꞌa, neꞌaj tapatja sin popé. Neꞌaj la tjolocjocj wa Dios tsꞌuyupj la pꞌa wa nepenowá. Yümücj tjowelepj Pablo, Silas poꞌó. Tjowelepj: “Niyom nenem malala nyuca sin tjiꞌyüsa la tjajay jun taꞌá. Gente pꞌa casá yola tepyala la tjajay yupj. Tjiquil quinam cupj pyatjaquecj ntꞌa, nin pꞌiyá la tjajay quiꞌá. 7 Jasón ꞌücj jostsja yupj tapátjatsja jupj lal. Yupj pjü way lovin ma lajay jepa romano* jyüꞌta jin. Yupj javelepj jepa más püné jáꞌasa jepa romano lal, Jesucristo ló jupj”, nin tjowelepj. 8 Niná tjepjyacan̈ na, tsꞌa tjiꞌin. Noypan neꞌaj

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 17

408

tapatja tsꞌa tjiꞌin wa. 9 Tjüjütütj Jasón jaylacj la mijis pjeꞌá la winin nepé. La pꞌa wa jaylacj la tjajay wa. Noypan tjowelepj ca jis maꞌayacj yupj jis tꞌemel Pablo tjemey na, Silas tjemey wa na. Jaylacj la tjajay na, sin tjajam.

Pülücj po ꞌücj jisas tepyala Berea ntꞌa, Pablo tjevele mpes.

10 Püste

na Dios tsꞌuyupj sin tjajam Pablo, Silas ꞌotsꞌipj Berea ntꞌa, pülücj patja ntꞌa. Neꞌas tjil na, tjil judiopan* ꞌa si mulú ntꞌa. 11 Tesalónica ntꞌa tsꞌa tjiꞌin Pablo tjevele mpes. Nin tuluctsja Berea ntꞌa. Neꞌaj po quelel pjyacan̈tsja Pablo tjevelá. Po ꞌücj jisas tepyala jupj tjevele mpes. Lovin moꞌo tjowelepj Dios Popel. Quelel sin ꞌyǘsatsja ncu tꞌücꞌ way véletsja Pabló. 12 Mpes pülücj topon Jesucristo poꞌó. Judiopan tulucj nepenowá topon wa Jesucristo poꞌó. Noypan watsja yupj. Nequem judío tulucj nepenowá topon wa. Noypan watsja yupj, nequem nenem. 13 Judiopan* Tesalónica poꞌo patja jus nlay Pablo véletsja pülücj jis walapꞌaꞌá Berea poꞌó Dios tjevelá. Mpes tjiquil yupj Berea ntꞌa, malala tjowelepj Pablo poꞌó. Mpes pülücj neꞌaj tsꞌa tjiꞌin wa Pablo lal, yupj tjowelepj mpes. 14 Len̈ way Dios tsꞌuyupj jas tjajam Pablo ꞌüsǘ püné ntꞌa, campa way. Ma sin tjajam Silas custjay. Ma wa sin tjajam Timoteo. Pátjatsja custjay Berea moꞌó. 15 Niyom nepénowa tjil Pablo lal Atenas ntꞌa, pülücj patja ntꞌa. Locopyaya niyom nenem tjil niswá Berea ntꞌa. Pablo taná tjevele Silas lal, Timoteo lal wa jupj jostsja yupj len̈ way ca mal Atenas ntꞌa cus la con̈ jupj.

16 Pablo

Pablo tjevele Jesucristo mpes Atenas ntꞌa.

li nucutsja lo cuwis Silas, Timoteo ꞌotsꞌipj. Li nucutsja na pajal jólatsja jupj neꞌaj tapatja mpes. Yupj jis dios witjacj* pülücj yus tjinyuca neꞌaj, Dios tꞌücꞌ way tuluctsja yupj. Neꞌaj tapatja japontsja yupj tꞌücꞌ way noypan. 17 Mpes Pablo la pülücj tjevele Dios mpes judiopan* jilal, judiopan tulucj jilal ꞌotsꞌipj. Judiopan ꞌa si mulú ntꞌa tjevele yupj jilal. Judiopan tulucj nenem po jisastsja wa Dios. Pjü tsꞌacꞌ jawas Pablo tjevele wa vender lajay ntꞌa. Pülücj neꞌaj tjelyawun̈ jilal tjevele Dios mpes. 18 Nepénowa neꞌaj sin tjiꞌyüsa epicureopan* yólatsja jin pajal püna. La pꞌa wa sin tjiꞌyüsa estoicopan* yólatsja jin. Yupj tjowelepj Pablo lal. Nepénowa jupj jas tjowelepj. Niná tjowelepj: “Yom niná pajal pülücj vele. Püné tulucj jupj. ¿Tsjan quelel qjuisin ꞌyüsa liji jupj?” nin la tjüꞌüy. La pꞌa wa tjowelepj: “Jupj vele pꞌa dios witjacj* mpes ca nacj”.

El Nuevo Testamento en Tol de Honduras, 2da ed. ©2010, Wycliffe Bible Translators

409

HECHOS 17

Pablo tjevele Jesucristo poꞌó yupj jis walapꞌaꞌá, mpes nin tjowelepj. Pablo tjevele Dios ca sin müjünsüs tecyaꞌlin̈, ca yupj mpatjam niswá. 19 Yupj tjaman jupj noypan ꞌa si mulú ntꞌa neꞌaj. Tjowelepj Pablo lal: —Niná jipj sin ꞌyüsa lejay seyasa way custjay cupj qjuilal. Cupj quelel qjuisin ꞌyüsa tsjan mpes nin velen. 20 Pajal seyasa way cupj qjuilal niná jipj velen. Lovin ma tjepjyaꞌaquecj niná. Mpes quelel qjuisin ꞌyüsa tsjan niná jipj velen —nin tjowelepj. 21 Atenas mpe neꞌespan, la pꞌa mpe neꞌespan neꞌaj tapatja wa, lovin quelel javeleptsja tsjan seyasa mpes, lovin quelel pjyacan̈tsja niná. 22 Mpes Pablo jas tjijyünsa, yupj culupwen ntꞌa tón̈catsja. Tjevele: —Napj selé nun po quelel lojí nun jis dios witjacj*. 23 Napj tjuwinis na nun potjaqué ntꞌa, tjinyuc nun jis dios witjacj, nun yupj jilal welé ntꞌa. Nujola yupj noypan. Tjum, yus tjinyuc nun jis dios witjacj. Pjaní ton̈ca ntꞌa moꞌo tjevelé: ‘Dios pjaní püꞌü ma qjuisin tjiꞌyüsa pjacj ne jupj. Niná jupj jutsꞌaꞌá’, nin moꞌo tjevelé. Nun welé jupj lal, newa ma solejé pjacj jupj niná. Mpes napj ca nusin müꞌüsüs la mejay jupj poꞌó. 24 ”Jupj la tjiji nosis. Pjü la tjiji nosis casaꞌá. Jupj jyüꞌta nosis ntꞌa, tsjun poꞌó ꞌotsꞌipj jyüꞌta jupj. Dios ma wa moꞌó püꞌü, wosis nenem gente la tjajay. 25 Gente ma polel ꞌüsüs lajay jupj mpes, ma polel jaꞌayapj jupj mpes. Pjü way ma jos jupj. Jupj pꞌiyá se ꞌaya patja pjü. Pjü jisas se ꞌaya. 26 ”Püna jupj la tjiji yom mwalá. Yom niná püna tüpüꞌü, gente pjü way jupj popa pꞌiyá püs naya patja yupj. Nin tepyala Dios la tjiji mpes. Jun taꞌá tjil jis la pütꞌüs la tjiji Dios. Jupj tjevele ꞌona mpatjam, ne ca mpatjam jupj jos na. Jupj tjevele caꞌaj mpatjam, ne neꞌaj ca mpatjam yupj. 27 Jupj la tjiji pjü gentas, jostsja yupj ca la mpalacj jupj. Jostsja yupj ca sin müꞌüsüs pjacj ne jupj. Jostsja yupj mponecj jupj lal. Jupj ma campa jáꞌasa pjü jilal. 28 Jupj qjuesé ꞌaya pyatjaquecj. Nun popa pjaní jas tjiꞌyüsa jupj, tjevele: ‘Cupj jupj tsꞌuyupj wa’, nin tjevele. 29 ”Tꞌücꞌ way jupj qjuis tjeꞌyaya pyatjaquecj. Mpes malala nin nun poné jupj oro* jinwá, plata* jinwá ca nacj, pe jinwá ca nacj. Niyom pꞌin lajay jinwá tulucj jupj. Niyom pꞌin yola jinwá tulucj jupj. 30 Püna pꞌin tꞌücꞌ way gente ma sin tjiꞌyüsa Dios poꞌó. Dios ma tsꞌi tjiꞌina yupj jilal. Pꞌa casá tepyala quinam. Quina Dios vele pjü jilal jun taꞌá jupj jos ꞌaplijila way nsem malala nyuca la tjajay mpes. Jupj jos ꞌüsüs la mijicj quinam jupj jos jinwá. 31 Dios jos pjü nin lajay. Pꞌa jawas ꞌa jis mulus ca pjü way jupj ntꞌa. Jupj selé tsjan jawas ca nsem. Neꞌaj Yom pjaní ca mveles pjü jilal. Mveles ca ncu ꞌüsüs la tjajay. Dios la tꞌya jupj nin la veles yupj jilal. Ca mveles tꞌücꞌ way pjü jilal. Selecj Dios la

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 17, 18

410

tꞌya Yom niná, nin la mijis jupj. Yom niná tepeꞌe na Dios jas tjijyünsa jupj, tüpüꞌü niswá. Nin mpes Dios pjü way sin tjiꞌyüsa la tjiji jupj ca nin la mijis —Pablo nin tjevele yupj jilal. 32 Pablo tjevele Dios jas tjijyünsa Jesucristo, tüpüꞌü niswá. Niná tjepjyacan̈ na, nepénowa la tjüpjütsꞌün Pablo lal. La pꞌa wa ꞌüsüs tjepjyacan̈. Tjowelepj: —Qjuisas jipj mvelen ca niswá nin pꞌiyá cupj qjuilal pꞌa jawasa. 33 Quina Pablo tjemey yupj mpe. 34 Niyom nepénowa topon Pablo tjevele, jisastsja Jesucristo quinam. Yupj popa pjaní Dionisio lotsja. Pünetsja jupj neꞌaj. Pꞌa wa Dámaris lotsja, quepj waytsja jupj. La pꞌa witjacj nepenowá topon wa yupj.

18

Pablo tjemey Corinto ntꞌa.

1 Locopyaya Pablo tjemey Atenas mpe. Nepé tjemey Corinto ntꞌa. Pajal pülücj pátjatsja neꞌaj, Corinto ntꞌa. 2 Neꞌaj jus tjinyuca Aquila. Judío* waytsja jupj. Ponto mpe ꞌeseptsja jupj. Nawajaꞌa pꞌin tjacꞌ Roma mpe, Roma Italia poꞌo pꞌiyá jupj. Aquila Corinto ntꞌa tjacꞌ jatsꞌom lal, jatsꞌom Priscila lotsja. Jepa romano*, Claudio ló, tjijyüꞌta pjü judiopan ca mal Roma mpe, mpes tjil yupj. Nin mpes Aquila neꞌaj pǘꞌütsja Corinto ntꞌa jatsꞌom lal. Pablo tjemey yus tjinyuca. 3 Lovin jis wa pülül pülücj la tjajay, gente moꞌo pátjatsja mpes. Ninana vender la tjajay. Pablo nin pꞌiyá la tjiji. Mpes jupj tüpüꞌü yupj jilal, tsjiꞌ la tjiji yupj jilal. 4 Pjü sábado* na Pablo tjemey judiopan ꞌa si mulú ntꞌa. Tjevele yupj jilal neꞌaj, judiopan tulucj jilal tjevele wa. Po jostsja mponecj Jesucristo poꞌó, mpes ꞌüsüs way tjevele yupj jis lal tsjan mpes ꞌücj jis la pon niná. 5 Silas, Timoteo tjiquil quinam Macedonia mpe. Tjiquil na, Pablo lovin tjevele judiopan* jilal Jesucristo poꞌó. Mpes jis wa pülül ma la tjiji quinam, lovin tjevele pꞌin gente jis lal. Tjevele: “Nun pasal lu nucú Jepa Püné ncuwim jis capj la pꞌacj judiopan. Tꞌücꞌ way tjacꞌ jupj quinam. Jesucristo jupj”, nin tjevele jupj yupj jilal. 6 Ma topon jupj tjevelá. Tjowelepj ma tꞌücꞌ way tjevele. Malala nyuca tjowelepj Pablo poꞌó. Mpes Pablo jupj jas quip jas tjewyawojo jinwá la tjiji. Mpes jupj sin tjiꞌyüsa la tjiji Dios ma japon jinwá yupj quinam. Sin tjiꞌyüsa la tjiji ma ca mveles niswá yupj jilal. Pablo tjevele: “ꞌÜsüs la tjejay napj nun jilal. Najastsja nusin müꞌüsüs Jesucristo poꞌó. Nun pꞌin ma nujisas. Mpes nun ma mpatjaqué ca Dios lal. Nin ca nsem nun ma poné mpes. Quina mis la veles judiopan tulucj jilal”, nin tjevele.

El Nuevo Testamento en Tol de Honduras, 2da ed. ©2010, Wycliffe Bible Translators

411

HECHOS 18

7 Tjemey

yupj mpe. Tjemey Ticio Justo wo ntꞌa la pütꞌüs. Justo lovin jólatsja Dios püné. Wosis judiopan* ꞌa si mulú ntꞌa, tꞌempe wo jupj. 8 Jepa judiopan ꞌa si mulú ntꞌa tepyona wa Jesucristo lal. Crispo lotsja jupj. Jupj wo ntꞌa patja, pjü topon wa Jesucristo poꞌó. La pꞌa wa pülücj Corinto poꞌo tapatja tjepjyacan̈ Pablo tjevelá. Mpes yupj pülücj topon wa Jesucristo poꞌó. Topon na, bautizar* lis tjajay yupj. 9 Qjuis Jepa Jesucristo tjevele Pablo lal. Jupj la tjiji Pablo jun si tsicyaca jinwá jus tjinyuca püste na. Tjevele: “Po ma lecj tjeyá jipj quinam. Newa ꞌüsüs mvelen napj nin poꞌó. Ma najas lyájasa nsem jipj. 10 Napj mopꞌin cyapj cyon̈. Pjü ma ca mya süpücj. Gente pajal pülücj quiꞌá ca mponecj napj lal”, qjuis Jepa Jesucristo nin tjevele Pablo lal. 11 Mpes Pablo tüpüꞌü Corinto poꞌó año pjaní, mes séisiya mpes. Sin tjiꞌyüsa lis tjiji lovin Dios tjevelá Jesucristo poꞌó. 12 Pꞌa jawas, Galión jépatsja na Acaya poꞌó, judiopan* ꞌa jis tjimyula, ntjiꞌlin̈ Pablo. Tjaman jupj Galión ntꞌa. Jupj tjáꞌasatsja jupj silla casá, niná casá tjáꞌasa la veles ncu cus la tül. 13 Judiopan tjowelepj Galión lal: —Yom niná vele la pꞌa jilal ꞌonin lajay ne ꞌüsüs mvelecj Dios lal. Romanopan* jis jepapan tjüjütütj jinwá tulucj jin vele jupj —nin tjowelepj. 14 Pablo quelel véletsja, mopꞌin ma tjevele. Galión mwalá way tjevele. Tjevele yupj jilal: —Yom pasal malala nyuca la tjiji na, ꞌücj pjocas la pꞌa javelepj na jupj malala la tjiji mpes. Nin pꞌiyá ꞌücj wa pjocas ꞌotsꞌotsꞌ way pꞌin malala la tjiji mpes. Nin tulucj yom niná lal. Jupj ma malala la tjiji. 15 Ma nujisas jupj velá la pꞌin. Ma nujisas jupj vele niyom nepenowá poꞌó la pꞌin. So velelé jupj lal judiopan* tjüjütütj mpes. Más ꞌücj nun pꞌin ꞌücj la tjüjí niná, nujisas jin. Napj ma ca mvelé jupj malala nyuca la tjiji —Galión nin tjevele. 16 Jis tjijyüꞌta jis la winin jupj tjáꞌasatsja mpe. 17 Tjil na, ntjiꞌlin̈ Sóstenes. Jupj jépatsja judiopan* ꞌa si mulú ntꞌa. Moꞌo süp jupj, Galión jáꞌasatsja wolapꞌaꞌá moꞌo süp jupj. Galión jus tjinyuca, mopꞌin ma jólatsja.

18 Pablo

Pablo tjemey niswá Antioquía ntꞌa.

tsjicj way pꞌin tüpüꞌü quinam Dios tsꞌuyupj jilal Corinto poꞌó. Locopyaya tjemey. Quelel jámatsja Siria ntꞌa. Priscila, Aquila ꞌotsꞌipj, cus tocon̈, tjil jupj lal. Mwalá way tjil Cencrea ntꞌa, ꞌüsǘ püné la ntꞌa. Neꞌaj Pablo la tjemyona jupj tsꞌüil ntꞌüjücj. Nawajaꞌa Dios lal tjevele ca nin la mijis, mpes nin la tjiji jupj. 19-21 Nin la tjiji na, tjil Efeso ntꞌa barco*

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 18, 19

412

mpes. Neꞌaj Pablo wama tjemey judiopan* ꞌa si mulú ntꞌa, tjevele yupj jilal tsjan mpes ꞌücj jis la pon Jesucristo lal. Nepénowa yupj sin popé la tjomon Pablo tsjicj way mpüꞌüm neꞌaj yupj jis lal. Jisastsja niswá mveles yupj jilal. Pablo ma quelel pǘꞌütsja neꞌaj quinam. Tjevele mim ca quinam. Dios jos ncuwim, ncuwim ca niswá, nin tjevele yupj jilal. Tjemey barco mpes. Priscila, Aquila, ma cus tocon̈ quinam. Efeso poꞌo tapatja yupj. 22 Pablo neꞌas tjemey na Cesarea ntꞌa, palá tjemey barco* mpe. Tjemey Jerusalén ntꞌa yus la nuc Dios tsꞌuyupj. Yus tjinyuca na, tjemey Antioquía ntꞌa. 23 Püs way ꞌin tüpüꞌü neꞌaj. Locopyaya tjemey Galacia poꞌó, Frigia poꞌó ꞌotsꞌipj. Neꞌaj jun taꞌá tjevele Jesucristo lal japon jilal. Más ꞌüsüs cus tocon̈ Jesucristá, Pablo tjevele mpes.

24 Apolos

Apolos tjevele wa Jesucristo poꞌó Efeso moꞌó.

judío* pꞌa waytsja jupj. Tjemey jupj Efeso ntꞌa. Alejandría mpe ꞌeseptsja jupj. ꞌÜsüs jas tjiꞌyüsa Dios Popel mpes. Po ꞌüsüs polel véletsja. 25 ꞌÜsüs jas tjiꞌyüsa Dios poꞌó. ꞌÜsüs sin tjiꞌyüsa la tjiji wa Jesucristo poꞌó. Lovin quelel sin ꞌyüsa la síjitsja Jesucristo poꞌó. Mopꞌin ma pjü way jas tjiꞌyüsa custjay. Juan el Bautista sin tjiꞌyüsa la tjiji, nin pꞌin seletsja jupj. Apolos seletsja tsjan mpes Juan el Bautista bautizar* lis tjiji malala lajay. Ma seletsja pꞌam. 26 Apolos tjevele judiopan jilal, yupj ꞌa si mulú ntꞌa. Ma lecj jéyatsja. Priscila, Aquila, tjepjyacan̈ jupj tjevelá. Yupj jus nlay jupj ma pjü way jas tjiꞌyüsa. Mpes la pꞌa ntꞌa tjaman jusapj, más ꞌin ꞌüsüs way jas tjiꞌyüsa la tjajay Jesucristo poꞌó. 27 Locopyaya, pꞌa jyawca na, Apolos quelel jámatsja Acaya ntꞌa. ꞌÜsüstsja Dios tsꞌuyupj jilal neꞌaj ca mim jupj, mpes papel tapac, jas tjajam popelses jupj lal. Papel niná Jesucristo lal japon mpestsja Acaya moꞌó. Tapac yupj jisastsja ꞌücj jisas nsem yupj, Apolos yupj ntꞌa tjemey mpes. Nepénowa neꞌaj tapatja nasa topon Jesucristo lal. Dios pajal ꞌüsüs la tjiji yupj jilal. Apolos pajal jis capj tjepꞌyaꞌsa. 28 Pajal ꞌüsüs tjevele judiopan* jilal Jesucristo mpes. La pꞌa pülücj tjepjyacan̈ jupj tjevelá. Judiopan ma salejeptsja tsjan wola la veles. Pajal ꞌüsüs sin tjiꞌyüsa la tjiji Dios Popel mpes. Sin tjiꞌyüsa la tjiji Jesucristo Yomen niná Dios tjevele jupj ca jas majamas jis capj la pꞌacj judiopan.

19

1 Apolos

Pablo sin tjiꞌyüsa lis tjiji Efeso poꞌó.

Corinto poꞌo pǘꞌütsja na, Pablo tjacꞌ Efeso ntꞌa. Jümücj casá jocꞌ moꞌo tjacꞌ jupj, mpes tjacꞌ Efeso ntꞌa. Neꞌaj yus tjinyuca Jesucristo lal japon nepenowá. 2 La tjiꞌyüya:

El Nuevo Testamento en Tol de Honduras, 2da ed. ©2010, Wycliffe Bible Translators

413

HECHOS 19

—Nun toponé na Jesucristo lal, ¿ncu nujisas moꞌo tjemey Dios Cjües? Wola tjowelepj: —Ma moꞌo tjemey. Ma selecj pjacj cuscú. 3 Pablo la tjiꞌyüya: —¿Tsjan mpes nin nujisastsja bautizar* la nutjajay? Wola tjowelepj: —Juan el Bautista tjevele mpes qjuisastsja bautizar* la qjuis tjajay. 4 Mpes Pablo tjevele: —Gente ꞌaplijila jis tepyala na, malala nyuca la tjajay mpes, Juan bautizar* lis tjiji. Tjevele ca ꞌüsüs la mijicj quinam Dios jos jinwá. Tjevele wa yom pꞌa wa ncuwim pꞌa jawas. Jis lal tjevele mponecj yom niná lal. Tꞌücꞌ way tjacꞌ quinam jupj. Jesucristo waytsja jupj —Pablo nin tjevele yupj jilal. 5 Niná tjepjyacan̈ na, jisastsja ca bautizar* jis mpalas Jesucristo mpes. 6-7 Nin jis tepyala yupj. Niyom dóceya witjactsja yupj. Locopyaya Pablo sey po la tjeꞌyotꞌa, tjevele Dios lal yupj mpes. Nin la tjiji na, Dios Cjües jisas moꞌo tjemey. Pꞌa jis tin tjowelepj, yupj pꞌiyá ma salejeptsja. Dios Cjües mpes nin la tjajay pꞌin. Dios mpes tjowelepj wa yupj. 8 Locopyaya Pablo wama tjemey judiopan* ꞌa si mulú ntꞌa, tjevele wa yupj jilal. Mes contꞌe mpes la pülücj way tjevele yupj jilal. Ma lecj jéyatsja jupj. Tjevele ꞌoyn liji, jyüꞌta Dios. Pülücj topon jupj tjevelá. 9 Mopꞌin nepénowa ma jisastsja niná. Ma quelel japontsja jupj lal. Malala nyuca tjowelepj Jesucristo poꞌó, gente ꞌa jis tjimyula ntꞌa. Mpes Pablo tjemey yupj mpe, Jesucristo lal japon jilal tjemey. Pjü tsꞌacꞌ tjejyawca na, tjevele Jesucristo lal japon jilal. Nin la tjiji pꞌa wo ntꞌa, Tirano sin ꞌyüsa liji ntꞌa. 10 Año matꞌe mpes, Pablo lovin sin tjiꞌyüsa la tjiji neꞌaj. Mpes pjü judiopan Asia moꞌo tapatja sin tjiꞌyüsa Jesucristo poꞌó. Pjü way judiopan tulucj sin tjiꞌyüsa wa. 11 Pablo pajal ꞌüsüs la tjiji, yom pꞌin ma polel liji jinwá. Lovin ma januctsja nenem jupj la tjijá. Dios cus tjepꞌyaꞌsa ꞌücj pajal ꞌüsüs polel líjitsja jupj. 12 Mpes gente po la tjoꞌotj jupj yupj jis pañuelo mpes, yupj jis pülül wolapé velan̈ mpes ꞌotsꞌipj. Tjatꞌ nenem, po la tjoꞌotj malala jisas pülül nenem mpes, ne jis tjiꞌyüꞌsa yupj. Pülül nenem mpes po la tjoꞌotj wa lapanenpan jatatsja, mpes lapanenpan tjil jisas mpe. 13 Judiopan* nepenowá neꞌaj tapatja sin popé lovin lyawun̈tsja, jajütütsja lapanenpan ca mal gente jisas mpe. Quina jisastsja lapanenpan ca mal gente jisas mpe, Jesucristo ló tjowelepj na. Mpes tjowelepj lapanenpan jilal: “Pablo pülücj jis walapꞌaꞌa vele Jesucristo poꞌó. Jesucristo mpes nu jyüꞌtücj lowa nun”, nin jis tjüjütütj yupj.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 19

414

14 Niyom

siete witjactsja yupj. Esceva jatjampan waytsja yupj. Esceva judío* waytsja. Sacerdote* noypan sin popa pjaní waytsja jupj. 15 Lapanen pjaní jis wala tjevele: “Napj si nuctsja Jesucristo. Napj selé wa pjacj cuscú Pabló. ¿Pjacj ne nun?” nin jis la tjiꞌyüya. 16 Yom lapanen tyáꞌatsja, yupj casá ntolo, ne jis tyüꞌna yupj. Pasal jis tyüla, mpes tꞌyancanan̈ la tjiji. Yupj sin quip pajal yümücj palá la tjelyoꞌcja. Mpes tsꞌequenen̈ pjeꞌá tjil, sin pjütpjütsja tjil wo mpe. ꞌAs jis tepyala tjil. 17 Nin tepyala Efeso ntꞌa. Pjü judiopan* jus nlaytsja niná jis tepyalá, jus nlay watsja pjü judiopan tulucj. Pajal lacj jeyaptsja niná tepyala mpes. Nin mpes pülücj ꞌüsüs tjowelepj qjuis Jepa Jesucristo poꞌó. 18 Pülücj way Jesucristo lal topon tjiquil, tjowelepj tsjan niná yupj malala la tjajay. 19 Nepénowa yupj sin popé pꞌa casá polel la tjajaytsja, lapanenpan jis capj tjapꞌacj mpes. Gente nenem ma quelel lajaytsja niná quinam. La pꞌa wa ma salejeptsja ꞌonin ne ꞌücj jis la jaytsja niná. Libro jatatsja. Libro witjacj mpes sin tjiꞌyüsa tsjan la mijicj ne ca pꞌa casá polel la mijicj gente pꞌin ma polel lajay jin. Quina yupj jis libro tucutj, tjüꞌüm pülücj yus tjunuc ntꞌa. Quelel sin ꞌyǘsatsja nol jaylacj libro pjü, mpes sin tapac. Libro pjü cincuenta mil tꞌemel cꞌa plata* jaylactsja. Pjü way tjüꞌüm. 20 ꞌÜsüs tepyala neꞌaj, mpes más pülücj tjepjyacan̈ qjuis Jepa Jesucristo poꞌó, más pülücj jisastsja jupj quinam. 21 Pjü way niná tepyala na, Pablo quelel jámatsja Jerusalén ntꞌa. Mwalá way quelel jámatsja Macedonia ntꞌa, Acaya ntꞌa ꞌotsꞌipj. Tjevele: “Jerusalén ntꞌa tjum na, nola Dios jos napj ca mis wa Roma ntꞌa”, nin tjevele. 22 Niyom mátꞌeya sin tjejyama Macedonia ntꞌa, yupj sa pꞌactsja jupj lovin. Pjaní Timoteo waytsja. Maꞌajapj Erasto lotsja. Pablo tsjicj way quelel pǘꞌütsja custjay Asia poꞌó.

Efeso poꞌo tapatja tsꞌa tjiꞌin yupj, yümücj pjac la tjajay.

23 Pablo

custjay ma tjemey na pꞌin, pülücj way Efeso poꞌo tapatja po tsꞌa tjiꞌin. Ma jisastsja pülücj topontsja Pablo tjevelá Jesucristo poꞌó. 24 Pjaní way yupj sin popé Demetrio lotsja. Plata* tsꞌyawa mpes tüpüꞌü jupj. Efeso poꞌó wosis pajal püné tón̈catsja, gente wama tjil la veles yupj jis dios* lal, yupj jis dios Artemisa ló. Demetrio la tjiji wa tsjictjacj, wosis pones jinwá yustaptsja. Plata waytsja yupj jis wa tsjictjacj. Pülücj vender la tjiji. Mpes Demetrio jomozopan tꞌemel pülücj natj, jis wa tsjictjacj la tjajay mpes. 25 Niyom pꞌa wa pátjatsja Efeso moꞌó, nin pꞌiyá tsjiꞌ lajaytsja. Demetrio jis lal tjevele ꞌa jis mulus jupj ntꞌa. Tjevele jupj jomozopan ꞌa jis mulus wa jupj ntꞌa. Tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

415

HECHOS 19

—Nun solejé tꞌemel pülücj tꞌeꞌenquecj, wa tsjictjacj lijicj mpes. nlayé tsjan la tjiji Pablo Efeso poꞌó, nasa way nin pꞌiyá liji jun taꞌá Asia poꞌó. Jupj nin vele dios witjacj* niyom lis tjajay malala, dios witjacj tulucj yupj. Pülücj topon jupj lal, mpes quina ma jisas Artemisa. 27 Malala nin. Ca nacj pjü ca ma jaylacj la mijicj quinam wa tsjictjacj cupj lijicj. Ca mvelecj ca Artemisa wo malala ca nacj. Jupj dios* püné. Pjü Asia poꞌo patja po yola jupj püné. Pjü jun taꞌá patja po yola wa jupj püné. Ma jisas nsem jupj quinam ca nacj, Pablo liji mpes —Demetrio nin tjevele yupj jilal. 28 Tjepjyacan̈ na pasal tsꞌa tjiꞌin Pablo lal, jupj la tjiji mpes. Yümücj tjowelepj: —Pajal püné Artemisa. Jupj yupj jis dios* pjü way mpes Efeso poꞌo patjá —niná yümücj tjowelepj yupj. 29 Len̈ way la pꞌa wa neꞌaj tapatja pajal yümücj pjac la tjajay wa. Pjü way nintsja yupj, Efeso poꞌo patjá. Ntjiꞌlin̈ Gayo, ntjiꞌlin̈ wa Aristarco. Niyom nenem Macedonia mpe tjiquil. Cus tocon̈tsja Pablo. Jis ntjiꞌlin̈, la tjolocjocj yupj gente ꞌa si mulutsja ntꞌa. 30 Pablo quelel jámatsja la veles ꞌa jis tjimyula jilal. Mopꞌin ma tjemey. Jesucristo lal japon po ma jisastsja jupj ca mim neꞌaj. 31 Asia ntꞌa tapatja jis jepapan nepenowá taná tjowelepj wa Pablo lal ma la winin gente ꞌa jis tjimyula ntꞌa. Jepapan nenem Pablo jomicapan waytsja. 32 Gente ꞌa jis tjimyula ntꞌa, pasal yümücj pjac la tjajay. Ma yuwal javeleptsja. Pülücj yupj sin popé ma salejeptsja tsjan mpes ꞌa jis tjimyula. 33 Nepénowa topon Alejandro tjijyüꞌta ꞌa jis mulus. Judiopan* tjaman jupj pjü januc ntꞌa, mpes yólatsja jupj mpes ꞌa jis tjimyula. Alejandro jupj mos jas tjijyünsa, jostsja pjü mpjacan̈ jupj lal. Quelel véletsja yupj ꞌa jis tjimyula judiopan la tjajay mpes tulucj. 34 Len̈ way sin tjiꞌyüsa Alejandro judío waytsja jupj, mpes yupj ꞌa mulú yümücj tjowelepj: —Pasal püné Artemisa. Jupj yupj jis dios* pjü mpes Efeso poꞌo patjá —niná yümücj tjowelepj yupj. Lovin nin tjowelepj hora matꞌe mpes. 35 Hora matꞌe tepyala na, lyájasa tepyala lis tjiji yupj jis jepa pjaní Efeso mpe. Tjevele yupj jilal: —Pjü salejepj Artemisa wo ton̈ca Efeso poꞌó. Salejepj jyamacj jupj wo. Pasal püné jupj, Artemisa. Pjü salejepj wa jyamacj pwen niná Artemisa jin justa, pwen niná tsjun poꞌo nepé palá tjeyaca. 36 Tꞌücꞌ way pjü salejepj. Mpes más ꞌücj lyájasa nu mpalas nun. Po ma malala la müjí nun tsꞌu ꞌinyá mpes. 37 Jis tucuman niyom nenem. Yupj ma 26 Jus

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 19, 20

416

tepequen̈ dios* jis wa ntꞌa. Ma wa malala nyuca tjowelepj Artemisa poꞌó. 38 Demetrio ma jos niyom nepenowá lajay ca nacj. Niyom la pꞌa wa Artemisa wo tsjictjacj lajay, ma wa jisas niyom nenem ca nacj. Más ꞌücj mvelecj jepapan jilal. Nun solejé tsjan jawas ꞌücj lowú la veles yupj jilal. 39 Ca nacj quelel welé pꞌa mpes. Más ꞌücj pjü ꞌa jis mulus la veles niná. Quina ma polel lojí niná. Nun solejé gente quelel ꞌa jis mulus na, jepapan javelepj ncu ꞌücj ꞌa jis mulus. 40 Yacjaj malala la tjijicj. Pasal yümücj pjac la tjijicj, pülücj tsꞌa tjiꞌin. Nun niyom nenem tucumaná, ma malala la tjajay yupj. Jepapan ma tjowelepj ꞌücj ꞌa qjuisí mulú. Romanopan* jis jepapan ꞌücj ca qjuis capj ntülücj niná la tjijicj mpes yacjaj. Tꞌücꞌ way malala la tjijicj —jepa pjaní Efeso mpes nin tjevele. 41 Niná tꞌücꞌ tjevele na, sin tjejyama pjü, tjil.

20

Pablo tjemey Macedonia ntꞌa, Grecia ntꞌa ꞌotsꞌipj.

1 Mpes

pjü tjil quinam. Ma yümücj pjac lajaytsja quinam. Pablo tjijyüꞌta Jesucristo lal japon ꞌa jis mulus. ꞌÜcj jisas tepyala yupj jupj tjevele mpes. Nin jawas tjevele wa nasa ca mim jupj. Tjemey Macedonia ntꞌa. 2 Macedonia poꞌo tjuwine na, tjemey yus la nuc Dios tsꞌuyupj. Pablo pajal ꞌüsüs tjevele yupj jis lal, ca ꞌücj jisas nsem yupj Jesucristo mpes. Nin la tjiji na, tjemey Grecia ntꞌa. 3 Mes contꞌe tüpüꞌü jupj neꞌaj. Locopyaya quelel jámatsja Siria ntꞌa barco* mpes. Quelel jámatsja na, jupj wola tjowelepj judiopan* nepenowá la nuctsja la ꞌünan jupj. Mpes ma tjemey barco ntꞌa. Jólatsja más ꞌücj niswá mim Macedonia ntꞌa. Mpes neꞌaj tjemey. 4 Sópater tjemey jupj lal, Aristarco ꞌotsꞌipj, Segundo ꞌotsꞌipj. Gayo tjemey wa jupj lal, Timoteo ꞌotsꞌipj. Tíquico tjemey ꞌotsꞌipj, Trófimo ꞌotsꞌipj. Sópater Berea mpe ꞌeseptsja. Pirro jatjam waytsja jupj. Aristarco, Segundo ꞌotsꞌipj, Tesalónica mpe neꞌespan waytsja yupj. Gayo Derbe mpe ꞌeseptsja. Tíquico, Trófimo ꞌotsꞌipj, Asia mpe neꞌespan waytsja yupj. 5 Yupj pjü way neꞌas tjil Filipos ntꞌa. Mwalá tjil quinam cupj qjuilal. La qjuesé nuctsja Troas moꞌó. 6 Ma tjeleque cupj custjay. Judiopan* fiesta lajaytsja quinam, ne nin. Fiesta niná mpes pan levadura cjuwá tjelyajacj. Fiesta tꞌücꞌ tepyala na, tjeleque Filipos mpe barco* mpes. Tsꞌacꞌ cinco na neꞌas tjeleque Troas ntꞌa. Qjuis catjampan la nyüjüsüquecj niswá. Tsꞌacꞌ siéteya tepyatjaquecj neꞌaj.

7 Troas

Pablo tjevele Dios tsꞌuyupj jilal Troas moꞌó.

moꞌó Dios tsꞌuyupj pjü way ꞌa jis tjimyula sábado* jawas, tꞌyaja na. Pan ꞌa mulú tjalá, ne yola jis tepyala Jesucristo yupj mpes tepeꞌe. El Nuevo Testamento en Tol de Honduras, 2da ed. ©2010, Wycliffe Bible Translators

417

HECHOS 20

Pablo tjevele yupj jis walapꞌaꞌá. Yaya quelel jámatsja, mpes mwalá way pꞌin püs way tjevele. Püste culupwen ntꞌa véletsja custjay, ne tꞌücꞌ tjevele quinam. 8 Yupj tapatja cuarto viyapa moꞌó, pajal campányatsja jupj. Lámpara* pülücj játjatsja, sin jyawca yupj. 9 Tjamacjas ventana casá jáꞌasatsja. Eutico lotsja jupj. Pablo véletsja na, pajal ja vyatsja. Tjejyá, mpes palá tjeyaca pjeꞌá, ꞌamá ntꞌa, pajal campanya mpe. Moꞌo játjatsja neꞌaj tjil, tjamanun jupj. Tepeꞌe quinam jupj. 10 Pablo palá tjacꞌ wa. Tüicꞌ jin tjüjünsü, tepeꞌe tꞌempe ntꞌa, tꞌasiyú ntjüiꞌle, col tjevyala jupj. Tjevele: “Ma nujola tꞌas. Nyucunú tepyala niswá.” 11 Viyá tjil niswá, pjü way. Tjalá. Tꞌücꞌ tjalá na, Pablo püs way tjevele niswá. Tjejyawca na véletsja custjay, ne tꞌücꞌ tjevele quinam. Tjemey quinam Troas mpe. 12 Nepénowa tjaman tjamacjas jupj wo ntꞌa. Pajal ꞌücj jisastsja, nyucunú tepyala niswá.

Pablo tjemey Mileto ntꞌa.

13 Ncupj

mwalá way tjeleque Pablo lal. Barco* mpes tjeleque Asón ntꞌa. Pablo quelel jámatsja Asón ntꞌa ꞌamá casá. Tjevele neꞌaj ca la müjüsüm cupj. Noꞌoj mpe ꞌa mulú quelel léquetsja barco mpes. 14 Neꞌaj la nyüjüsüquecj Asón poꞌó, ne Pablo wama tjacꞌ barco moꞌó. ꞌA mulú tjeleque Mitilene ntꞌa. 15 Yaya tjeleque niswá barco mpes. Quío mpe neꞌaj pꞌin tjeleque. Yaya sipé neꞌas tjeleque Samos poꞌó. Tsꞌacꞌ contꞌe tepyala na, neꞌas tjeleque Mileto poꞌó. 16 Ma tjeleque Efeso ntꞌa; Pablo ma püs way quelel pǘꞌütsja Asia poꞌó. Len̈ way quelel neꞌas jámatsja Jerusalén ntꞌa. Neꞌaj quelel jáꞌasatsja, judiopan* ꞌa si mulú na fiesta mpes, yupj jis fiesta Pentecostés* ló.

Coꞌmüypan tjiquil Efeso mpe; Pablo tjevele Dios ca jis majamas.

17 Pablo

tjáꞌasa na Mileto poꞌó, sin tjejyama jis lal la cuwis coꞌmüypan* Efeso mpe, yupj ne tsjiꞌ lajaytsja Dios mpes Dios tsꞌuyupj jilal. 18 Tjiquil na, Pablo tjevele yupj jilal. Ninana tjevelá: “Nun solejé ꞌoyn nyuca la tjejay napj nun jilal Asia poꞌo tjacuwis na. Solejé lovin ꞌüsüs la tjejay nun jilal. 19 Solejé napj la tjejay qjuis Jepa Jesucristo jostsja jinwá. Ma püné jin nólatsja napj pꞌiyá. Pasal nólatsja la pꞌa poꞌó; najastsja pjü ca jisas nsem qjuis Jepa Jesucristo. Solejé malala ntepalá, judiopan* quelel na ꞌünantsja mpes. 20 Ma lecj tjeyá la velestsja nun jilal, nucopj la pꞌacj cus la con̈ Jesucristo. Nusin tjiꞌyüsa la tjejay ꞌa qjuis tjimyula na. Nusin tjiꞌyüsa la tjejay nun jis wa ntꞌa ꞌotsꞌipj. 21 Judiopan jilal tjevelé, judiopan tulucj jilal tjevelé ꞌotsꞌipj. Tjevelé: ‘ꞌAplijila way tꞌas

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 20

418

nun, malala nyuca la tjüjí mpes. Dios jos jin la müjí quinam. Toponé qjuis Jepa Jesucristo lal’, nin tjevelé yupj jilal. 22 ”Quina jum Jerusalén ntꞌa. Dios Cjües jos napj ca mis neꞌaj. Ma selé tsjan ca ma palas neꞌaj. 23 Nin pꞌin selé: Dios Cjües lovin vele napj lal yupj ca ma ꞌonsocj cawilta moꞌó, malala ca ma palas neꞌaj. 24 Ma nin nola ncu ma patsꞌ ca. ꞌÜcj wa napj lal napj ni püꞌí Jesucristo mpes, jupj jos jin tꞌücꞌ lejay mpes. Jupj cupj qjuis Jepa Püné. Jupj jos napj mvelé la pꞌa jis walapꞌaꞌá napj selé. Ca yupj jis lal mvelé Dios pajal ꞌüsüs la tjiji gente mpes. Po quelel jis capj pꞌyaꞌsa jupj. ꞌÜsüs ca nin mvelé, ꞌücj jis la pon yupj. Niná ntjeꞌaya ca nin la mejay la pꞌa mpes. 25 ”Nun jis walapꞌaꞌa tjevelé ꞌoyn liji Dios ne jyüꞌta. Nasa tꞌücꞌ nusin tjiꞌyüsa la tjejay. Tjum na, ma ca nus nucú niswá. 26 ꞌÜcj velé nun jilal napj ma la tjejay la pꞌa wa ca malala nsem Dios lal, ca malala jis mpalas. 27 Napj tjevelé Dios tjevelá, pjü. Tꞌücꞌ way pjü way tjevelé. 28 ꞌIn tjajamá nun, lovin la müjí Dios tjevelá. Tjajamá Dios tsꞌuyupan. Dios Cjües la nu tꞌya, ca pastorpan* nsem nun, mpes nun ca jis majamá yupj jupj mpes. Yupj Dios jutsꞌaꞌá. Jupj Jatjam tepeꞌe yupj mpes, ne nin. 29 ”Napj selé napj tjum na, gente pasal malala ncul ca, ca mal nun ntꞌa ꞌa nu mulus na. La ntsawilicj ca nun jilal. Ca jisas nsem nun ma ca cus ncon̈có quinam Jesucristá. 30 Nun sin popa nepenowá ca nin la mijicj. Ca la ntsawilicj wa Dios tsꞌuyupj jilal. Jesucristo lal japon nepenowá ca mponecj yupj jilal. Nin ca la mijicj yupj javelepj jinwá. 31 Mpes ꞌin tjajamá. Ma toponé yupj javelepj. Nujola tapalas año contꞌe mpes lovin tꞌücꞌ way nusin tjiꞌyüsa la tjejay. Po nólatsja nun mpes. Najastsja nin la müjí Dios tjevele jinwá. 32 ”Najas Dios lovin ca nucopj ncon̈cos. Nun solejé pasal ꞌüsüs way liji Dios nun jilal. Nasa nusin tjiꞌyüsa jupj tjevelá, mpes solejé niná. Dios tjevele jupj ca nu majamas nun. Dios polel nucopj pꞌyaꞌsa más ꞌüsüs la müjí, jupj jos jinwá. Dios polel liji nun ca mpatjaqué lovin jupj lal, pjü way jupj lal japon jinwá, yupj ne jupj jutsꞌaꞌá. 33 Nun solejé napj lovin ma najastsja tꞌemel pꞌa jutsꞌaꞌá. Yupj sin quip ma wa najastsja. 34 Solejé tsjiꞌ la tjejay, mpes jaylacj la tjejay pjü way napj najastsja. Jis tjeꞌyá wa ncapj tocon̈ jilal. 35 Mpes napj nusin tjiꞌyüsa la tjejay Dios jos yümücj tsjiꞌ la müjí, ne jis capj mpꞌaꞌsá jis tꞌemel cjuwá. Nujola tapalas qjuis Jepa Jesucristo tjevelá. Tjevele: ‘ꞌÜcj nujisas pyala la pꞌa nu jaꞌayapj na. Más ꞌücj nujisas nsem nun ꞌoyá na la pꞌa jilal’ ”, Pablo nin tjevele coꞌmüypan* jilal. Yupj ne coꞌmüypan waytsja Dios tsꞌuyupj jilal Efeso poꞌó.

El Nuevo Testamento en Tol de Honduras, 2da ed. ©2010, Wycliffe Bible Translators

419

HECHOS 20, 21

36 Tꞌücꞌ

tjevele na, yupj pjü way jis ticꞌ jin tjijyünsünün̈, ne Pablo tjevele Dios lal. 37 ꞌAplijila jis tepyala. Quelel la tjajaytsja Pablo. Jupj col tjovalapj. 38 Pasal ꞌaplijila jis tepyala jupj tjevele mpes. Tjevele ma ca jus nucucj niswá. Tꞌücꞌ tjowelepj na, cus tocon̈ barco* ntꞌa.

21

Pablo tjemey Jerusalén ntꞌa.

1 Nasa

leque tjevelecj, ne barco* moꞌo tjeleque. La tꞌas way tjeleque Cos ntꞌa. Yaya tjeleque wa Rodas ntꞌa. Yaya sipé Pátara ntꞌa tjeleque wa. 2 Pátara ntꞌa pꞌa barco moꞌo tjeleque. Barco nenem Fenicia ntꞌa jámatsja. Tjeleque ncupj. 3 Chipre liꞌinyampe tjeleque. Tiro moꞌo neꞌas tjeleque. Tiro Siria poꞌó jupj. Barco moꞌo tjatꞌ quelel palá jatꞌolontsja neꞌaj. Nin mpes ꞌücj pjeꞌá tjeleque barco mpe. 4 Jesucristo lal japon la tepyalactsja. Yus tjinyucucj na, semana pjaní tepyatjaquecj neꞌaj yupj jis lal. Yupj tjowelepj Pablo lal: “Ma jutja Jerusalén moꞌó”. Dios Cjües sin tjiꞌyüsa la tjiji malala ca mpalas Pablo lal Jerusalén poꞌó, mpes nin tjowelepj yupj. 5 Barco* tjemyana quelel jámatsja na, tjeleque. Pjü way Jesucristo poꞌo japontsja, qjuis capj tocon̈ yupj tapatja mpe. ꞌÜsǘ la ntꞌa tjil cupj qjuis lal. Yupj sejatsꞌom, yupj jis tsꞌuyupj qjuis capj tocon̈ ꞌotsꞌipj. Qjuis ticꞌ jin tjijyünsüquecj ꞌüsǘ püné la ntꞌa, tjevelecj Dios lal. Tꞌücꞌ tjevelecj na, nasa leque tjevelecj. 6 Barco moꞌo niswa tjeleque, ne yupj tjil jis wa ntꞌa. 7 Tiro mpe tjeleque quinam. Tjeleque Tolemaida ntꞌa. Neꞌaj la tjelyapanacj Dios tsꞌuyupj jilal. Tsꞌacꞌ pjaní tepyatjaquecj yupj jilal. 8 Yaya tjeleque Cesarea ntꞌa. Felipe wo ntꞌa tjeleque, tsjicj way tepyatjaquecj jupj lal. Jupj lovin tjevele la pꞌa jilal Jesucristo pajal ꞌüsüs la tjiji pjü gente mpes. Jupj ne niyom siéteya sin popetsja apostolpan* lis tꞌapj püná. Lis tꞌapj ca jis maꞌayacj jis la las jis vayum tulucj. 9 Felipe yulupjana jucucuspan pjü way voyum tuluctsja yupj. Jucucus nenem profetapan* waytsja yupj. 10 Tsꞌacꞌ nepenowá tepyatjaquecj neꞌaj. Neꞌaj tepyatjaquecj na Agabo tjacꞌ Judea mpe. Profeta watsja jupj. 11 Tjacꞌ wa jupj cupj ntꞌa. Mos tsyuꞌpa, tsjom tsyuꞌpa wa Pablo col tsyuꞌpa mpes. Tjevele: —Dios Cjües vele judiopan* Jerusalén poꞌo patja nin pꞌiyá ca la mijicj. Yupj yom niná ntsuꞌpacj, jupj ne col tsyuꞌpa pülül niná mpes. Ca maꞌayacj jupj judiopan tulucj jilal cus la tül jupj —nin tjevele. 12 Jupj tjevele tjepjyaꞌaquecj na, la tjemyonacj Pablo lal ma ca mim Jerusalén ntꞌa. Cesarea poꞌo pátjatsja nin pꞌiyá la tjomon Pablo lal. 13 Pablo jis la tjiꞌyüya:

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 21

420

—¿Tsjan mpes ꞌaplijila jotjaqué? Nun nin lojí mpes ꞌaplijila wa ne palá napj. Ma lecj jeyá yupj ntsuꞌpacj napj Jerusalén ntꞌa tjum na. Ma lecj jeyá ni püꞌí Jesucristo mpes, jupj cupj qjuis Jepa Püné —Pablo nin tjevele cupj qjuilal. 14 Jupj ma quelel líjitsja cupj qjuisastsja jin, mpes ma la tjemyonacj niswá. Tjevelecj pꞌin: —Qjuisas qjuis Jepa Dios jos jinwá mpalas. 15 Locopyaya ꞌücj la tjijicj cupj cutsꞌaꞌá ne tjeleque. 16 Jesucristo poꞌo japon nepenowá, Cesarea poꞌo tapatja sin popé, tjil wa cupj qjuilal. Mnosán wo ntꞌa qjuis tjaman, neꞌaj tepyatjaquecj püste mpes. Mnosán Chipre mpe ꞌeseptsja. Mwalá way topon sin popé waytsja jupj.

Ntjiꞌlin̈ Pablo Jerusalén ntꞌa.

17 Neꞌas

tjeleque Jerusalén ntꞌa. Dios tsꞌuyupj ꞌücj jisastsja qjuiyus tjunuc. Pablo tjemey cupj qjuilal, cus tjinyucucj Jacobo. Dios tsꞌuyupj coꞌmüypan* ꞌa jis tjimyula neꞌaj ꞌotsꞌipj. 19 Pablo jis la tjelyapaná yupj. Tjevele tsjan la tjiji pjü way judiopan* tulucj jilal. Dios püné mpes la tjiji. 20 Tjepjyacan̈ na, ꞌüsüs tjowelepj Dios poꞌó. Tjowelepj Pablo lal: “Qjuis catjam, jipj jus nley judiopan* pülücj topon quinam Jesucristo poꞌó. Newa javelepj Dios po jos nin lijicj Moisés* tjijyüꞌta püná. 21 La pꞌa wa jis wala tjowelepj jipj sin ꞌyüsa lejay judiopan, judiopan tulucj patja ntꞌa. Yupj tjowelepj jipj sin ꞌyüsa lejay más ꞌücj ma lajay Moisés tjijyüꞌtá. Tjowelepj jipj sin ꞌyüsa lejay más ꞌücj ma jatꞌǘ yupj sejatjampan tsjictjacj jis pjolocꞌ tsjicj way tꞌasiyú. Tjowelepj jipj velen más ꞌücj yupj ma lajay judiopan lovin la tjajay jinwá. 22 Mpes más ꞌücj nin la mijin cupj velecj mpes. Tꞌücꞌ way yupj ca jus nlayecj jipj tjacuy Jerusalén ntꞌa. 23 Mpes cupj qjuisas jipj la mijin cupj velecj jinwá. Cupj sin popa yulupjana way quina tꞌücꞌ lajay Dios lal tjowelepj ca nin la mijicj. 24 Yupj jilal ca mim, ca nin la mijin Moisés popel jyüꞌta jinwá, ca salá jinwá mya palas Dios lal. Jaylacj la mijin yupj jisas mpes ꞌotsꞌipj, ca pjü jaylacj la mijicj ꞌücj tꞌücꞌ la qjuijicj yupj tjowelepj Dios lal. Tjaꞌayapj na, ꞌücj ca sey tsꞌüil ntꞌüjücj tꞌücꞌ la tjajay mpes. Nin lejay na, judiopan Jesucristo poꞌo japon witjacj ca nucucj jipj nin la tjejay. Ca jus nlayecj nepénowa ma tꞌücꞌ way tjowelepj jipj poꞌó. Ca sin müꞌüsüs jipj lejay wa Moisés tjijyüꞌtá. 25 ”Judiopan* tulucj pꞌa casá lajay ꞌin. Judiopan tulucj Jesucristo poꞌo topon wa, mpes papel tepyaquecj, jas tjejyamacj yupj ntꞌa. Papel 18 Yaya

El Nuevo Testamento en Tol de Honduras, 2da ed. ©2010, Wycliffe Bible Translators

421

HECHOS 21

tjevele más ꞌücj Jesucristo lal japon ma jalá pwisis pꞌa tjaꞌayapj yupj jis dios witjacj* mpes. Más ꞌücj ma jalá pwisis ꞌos jüpꞌüy moꞌo ton̈ca custjay. Más ꞌücj ma myüꞌün̈ ꞌosis. Más ꞌücj niyom ma jamanun yupj sejatsꞌom tulucj. Más ꞌücj nequem ma jil yupj jis vayum tulucj jilal. Nin tjevele papel niná cupj jas tjejyamacj yupj mpes. Judiopan jus nlay niná cupj tjevelecj judiopan tulucj jis lal”, nin tjowelepj Pablo lal. 26 Mpes yaya Pablo nin la tjiji yupj tjowelepj jin. Tjemey niyom yulupjana nenem jilal. Moisés* tjijyüꞌta jin la tjajay, ca salá jinwá cüpalas Dios lal. Tjil Dios wo* ntꞌa, tjowelepj neꞌaj tsjiꞌ lajay jilal. Tjowelepj tsꞌacꞌ siete tepyala na, tꞌücꞌ nsem pjü tsꞌacꞌ jawas yupj salá jis mpalas mpes. Tsꞌacꞌ siete tepyala na ncul, yupj pjü way animal ca maꞌayacj Dios mpes, Moisés popel jyüꞌta jinwá. 27 Tsꞌacꞌ siete cyawájatsja na, judiopan* nepenowá jus tjunuc Pablo, tón̈catsja jupj Dios wo* moꞌó. Yupj Asia mpe neꞌespan. Ma jisastsja Pablo. Malala tjowelepj Pablo poꞌó, mpes judiopan pülücj tsꞌa tjiꞌin jupj lal. Ntjiꞌlin̈ jupj. 28 Yümücj tjowelepj: “Israelpan*, nculá qjuis capj mpꞌaꞌsá. Yom niná malala vele judiopan poꞌó jun taꞌá. Vele yupj jilal más ꞌücj ma lajay Moisés* tjijyüꞌtá. Vele yupj jilal Dios wo malala. Jis ticyuna judiopan tulucj. Dios wo moꞌó tjil yupj. Mpes pasal malala nyuca la tjiji jupj Dios wo lal”, nin tjowelepj. 29 Nawajaꞌa yupj jus tjunuc Trófimo neꞌaj tjuwine Pablo lal Jerusalén poꞌó. Mpes yupj yólatsja Pablo tjemyana Trófimo Dios wo moꞌó. Trófimo judío tulucj, Efeso mpe ꞌeseptsja jupj. 30 Pjü Jerusalén poꞌo tapatja tsꞌa tjiꞌin Pablo lal yupj tjowelepj mpes. Len̈ way ꞌa jis tjimyula Dios wo* ntꞌa, ntjiꞌlin̈ Pablo. Pjeꞌá la tjolocjocj jupj. Jun tꞌolon. 31 Quelel jaꞌünantsja jupj. Quelel jaꞌünantsja na, jepa püné romanopan* jis militarpan mpes jas tjiꞌyüsa pjü way Jerusalén ntꞌa patja ꞌa jis tjimyula. Tsꞌa tjiꞌintsja, yümücj pjac tjowelepj quinam. 32 Mpes len̈ way tsꞌüequené ꞌa jis tjimyula ntꞌa. Tjemey militarpan nepenowá jilal, militarpan jis jepapan nepenowá jilal ꞌotsꞌipj. Gente tjunuc jiquiltsja yupj, mpes ma moꞌo süp quinam Pabló. 33 Militarpan jis jepa püné tjacꞌ na, ntjüiꞌle Pabló. Jis tjijyüꞌta militarpan la tsupapj jupj cadena* mpes. La tjiꞌyüya pjacj niná. La tjiꞌyüya tsjan la tjíjitsja niná. 34 Gente pasal yümücj pjac tjowelepj Pablo malala. Ma yuwal tjowelepj. Mpes militarpan jis jepa püné ma jas tjiꞌyüsa tsjan la tjiji Pabló. Jis tjijyüꞌta militarpan la man jupj militarpan patja ntꞌa. 35 Jümücj neꞌas tjil na, Dios wo* wolapꞌaꞌá, judiopan* pajal tsꞌa ꞌin jis tepyala. Nasa way quelel jaꞌünantsja Pablo. Mpes militarpan len̈

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 21, 22

422

way ntjiꞌlin̈ jupj, campanya tjaman jupj, judiopan ma malala jis la jay jupj. 36 Judiopan cjüil jiquiltsja, yümücj tjoweleptsja: “Tjüꞌüꞌná jupj”.

Pablo tjevele judiopan jilal.

37 Neꞌas

tjil quinam militarpan tapatja ntꞌa. Wama quelel jiltsja na Pablo lal, Pablo la tjiꞌyüya militarpan jis jepa püné lal: —¿Ncu ꞌücj velé jipj lal? Jepa wola tjevele: —Napj ma seletsja griego* velen jipj. 38 Nólatsja jipj Egipto mpe ꞌesepj ca nacj. Egipto mpe ꞌesepj niyom pülücj ꞌa jis tjimyula la tjiji jupj nawajaꞌa, quelel le palánatsja jepapan jis lal. Yulupjana mil waytsja yupj. ꞌÜcj yupj jilal jaꞌünan la pꞌa. Egipto mpe ꞌesepj jis tjemyana wa cjuwá ntꞌa. Nintsja jipj, nin nólatsja napj. 39 Pablo wola tjevele: —Nin tulucj napj. Judío* napj. Püna tüpüꞌüs Tarso ntꞌa Cilicia poꞌó. Selen Tarso ntꞌa pülücj patja, selen yupj jis jepapan jajütütj pꞌa ntꞌa patja wa. Napj la ꞌe mon maꞌayan mvelé gente jis lal —Pablo nin tjevele. 40 Militarpan jis jepa püné tjevele ꞌücj mveles yupj jilal. Mpes Pablo jas nisa, tón̈catsja jis wa wolapꞌaꞌá. Jupj pjwel jas tjijyünsa, la syüpjünǘ; jostsja judiopan* mpjacan̈ jupj mveles. Lyájasa tepyala. Pablo tjevele yupj jilal; yupj jis tin hebreo* ló mpes tjevele yupj jis lal. Tjevele: 1 “Judiopan*, coꞌmüypan* ꞌotsꞌipj, najas nusin müꞌüsüs ma malala la tjejay napj. Nin mpes quelel velé nun jilal”, nin tjevele. 2 Tjepjyacan̈ hebreo* véletsja jupj, mpes ꞌüsüs tjepjyacan̈ jupj lal. Tjevele: 3 “Judío* napj. Ntjamanuna Tarso ntꞌa Cilicia poꞌó. Mopꞌin ntjitꞌünǘ quiꞌá Jerusalén poꞌó. Gamaliel nin tjiꞌyüsa la tjiji. ꞌÜsüs nin tjiꞌyüsa pjü way Moisés* tjijyüꞌtá. Judiopan püna tapatja la tjajay, niná ꞌüsüs nin tjiꞌyüsa. Napj selé nun lovin quelel lojí Dios jos jinwá. Nin pꞌiyá la tjejaytsja napj. 4 Pasal malala nyuca la tjejay napj Jesucristo poꞌo japon jilal. Tsyupaptsja yupj, jis tjeꞌyonsó wa cawilta moꞌó. Nepénowa tecyaꞌlin̈ napj la tjejay mpes. 5 Sacerdote* más püné selé napj nin la tjejay. Pjü judiopan jis jepapan, coꞌmüypan* ꞌotsꞌipj, salejepj napj nin la tjejay. Papel ntjaꞌayapj judiopan mpes Damasco poꞌo patja. Yupj ne cupj qjuis catjampan. Papel niná tjetsja napj Damasco ntꞌa. Papel tjevele ꞌücj napj tsyupapj Jesucristo poꞌo japon neꞌaj, ꞌücj si cuman Jerusalén ntꞌa, jis capj la tül.

22

Pablo tjevele ꞌoyn tepyala ne jostsja Jesucristo.

6 ”Lotsꞌacꞌ

culupwen ntꞌa jáꞌasa na, neꞌas tjumtsja, neꞌaj way pꞌin Damasco. Len̈ way pajal jaw tepyala tsjun poꞌó. Napj ntꞌa pasal jaw El Nuevo Testamento en Tol de Honduras, 2da ed. ©2010, Wycliffe Bible Translators

423

HECHOS 22

tepyala wa, napj tꞌasiyú tjejyawca. 7 Mpes ntitülǘ, tüpüꞌüstsja napj. Nepé vele pjactsja tjapjacas. Tjevele: ‘Saulo, ¿tsjan mpes malala nyuca lejay napj lal?’ 8 Napj la tjiꞌyüy: ‘¿Pjacj vele napj lal?’ Nawala tjevele: ‘Jesucristo napj, Nazaret mpe ꞌesepj napj. Jipj malala nyuca lejay napj jisas lal. Mpes malala nyuca lejay wa napj lal’, nin tjevele. 9 Ncapj tocon̈ tjunuc wa tjejyawca napj ntꞌa, nin pꞌin ma sin tjiꞌyüsa jupj tjevelá. 10 Napj tjevelé: ‘¿Tsjan jyas napj la mejay?’ Qjuis Jepa Jesucristo nawala tjevele: ‘Jin niꞌisa, mim Damasco ntꞌa. Neꞌaj yom pꞌa wa mveles ca jipj lal tsjan niná napj najas ca jipj la mijin’, nin tjevele. 11 Ma polel tjinyuc, tjejyawca la tjiji mpes. Mpes niyom ncapj tocon̈tsja namas ntjiꞌlin̈, ntjaman napj Damasco ntꞌa. 12 ”Neꞌaj Damasco ntꞌa püꞌü watsja Ananías. Po ꞌüsüs la tjíjitsja Moisés* tjijyüꞌtá. Po ꞌüsüs waytsja jupj pjü judiopan* jilal neꞌaj. 13 Tjacꞌ napj ntꞌa, tjevele: ‘Saulo, jipj ne napj natjam Dios mpes. Quina nucun ca niswá’, tjevele. Len̈ way tjinyuc, jupj nin tjevele na. Jus tjinyuc jupj. 14 Tjevele: ‘Cupj ne judiopan püna tapatja sin popa pꞌiyá püs naya pyatjaquecj. Yupj po jisastsja Dios. Dios niná quina jos jipj jus nlayen tsjan ca la mijis jupj. Jupj jostsja jipj tjinyuc jupj Jatjam, jupj Yom ꞌÜsüs Dios Lal. Dios jostsja wa jipj tjapjacꞌ Jatjam tjevelá. Mpes nin tepyala. 15 Mpes quina mvelen ca gente pjü way jilal jupj mpes. Pjü tjinyuc mpes mvelen ca yupj jilal. Pjü tjapjacꞌ mpes mvelen wa yupj jilal. 16 Ma la ꞌunuca quinam. Mas, bautizar* ca la mya jay. La monan jipj Dios perdonar la mya jis jipj, malala nyuca la tjejay. La monan ca nin la mijis Jesucristo mpes, ne nin la mijis’, Ananías nin tjevele napj lal.

Pablo tjevele ꞌoyn tepyala ne tjemey judiopan tulucj ntꞌa.

17 ”Niswa

tjacuwis na Jerusalén ntꞌa, tjum Dios wo* ntꞌa la veles jupj lal. Nan si tsicyacj jinwá ntepalá, ne tjinyuc napj. 18 Nejepa Jesucristo jus tjinyuc. Napj lal tjevele: ‘Len̈ way jutja Jerusalén mpe. Jipj velen napj nin poꞌó ma ca mponecj yupj.’ 19 Wola tjevelé: ‘Nejepa, yupj salejepj napj tjum pjü yupj jis wa ntꞌa, judiopan* ꞌa si mulú ntꞌa. Tjum la tjilil jipj lal topon. Salejepj cawilta moꞌo jis tjeꞌyonsó, moꞌo süp yupj ꞌotsꞌipj. 20 Salejepj ꞌüsüs waytsja napj lal yupj tjüꞌünan Esteban, jupj ne la pꞌa jilal tjevele jipj mpes. Tjum yupj jis lal Esteban tjüꞌünan na. Napj tjejyamá yupj sin quip pjeꞌapa, tjüꞌünan na.’ 21 Nin tjevelé napj jupj lal. Mopꞌin nin Nejepa Jesucristo tjevele: ‘Jutja. Jin jyam pasal campa ntꞌa, judiopan tulucj ntꞌa’, nin tjevele napj lal.”

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 22

424 Militarpan jis jepa püné jis tjijyüꞌta militarpan moꞌo la süp Pablo.

22 Pablo

tjevele na judiopan* tulucj mpes, yupj neꞌaj lejen̈tsja pajal yümücj pjac tjowelepj. Tjowelepj: “Tjüꞌüꞌná jupj. Más ꞌücj ma püꞌü”, nin tjowelepj. 23 Newa yümücj pjac tjowelepj. Sin quip pjeꞌapa len̈ way sin tjüꞌipj, la tsꞌi yupj. ꞌAmá jay la pꞌaꞌa la tocoy wa. Nin la tjajay yupj pajal tsꞌa tjiꞌin mpes. 24 Militarpan jis jepa püné tjinyuca na yupj nin la tjajay, jis tjijyüꞌta militarpan jilal jis la cuwis Pablo lal militarpan patja ntꞌa. Tjijyüꞌta moꞌo la süp jupj, ca jupj mveles tsjan la tjijá. Jepa quelel si ꞌüsütsja tsjan mpes judiopan* pasal tsꞌa tjiꞌin Pablo lal. 25 Mpes militarpan tüpüntüpj jupj, tsupapj la süp jupj. Custjay süpǘ secj na pꞌin, Pablo tjevele militarpan jis jepa pjaní way lal. Tjevele: —Malala ca ma süpücj. Romano* wa napj. Ma nusin tjiꞌyüsa custjay ncu tꞌücꞌ way malala la tjejay napj —Pablo nin tjevele. 26 Niná jepa militar tjapjaca na Pablo tjevelá, lecj tjeyá jupj. Tjemey militarpan jis jepa püné ntꞌa. La tjiꞌyüya: —¿Ncu selen yom niná romano* jupj? Malala syüpücj jupj —nin tjevele. 27 Mpes militarpan jis jepa püné tjacꞌ Pablo ntꞌa, la tjiꞌyüya: —¿Ncu tꞌücꞌ way romano* jipj? Pablo wola tjevele: —Nin. 28 Militarpan jis jepa püné tjevele: —Pasal pülücj jaylacj la tjejay napj, romano* ntepalá mpes. Pablo tjevele: —Mpapay románotsja* jupj, mpes wa romano napj —nin wola tjevele. 29 Mpes militarpan ma süp jupj. Len̈ way tjil. Militarpan jis jepa püné lecj tjeyá malala la tjiji mpes. Malala nin, jupj tjijyüꞌta la tsupapj romano*.

30 Yaya

Militarpan jis jepa püné tjemyana Pablo judiopan jis jepapan ntꞌa, coꞌmüypan ntꞌa wa.

militarpan jis jepa püné quelel seletsja custjay tsjan mpes judiopan* tjatꞌ tjowelepj Pablo poꞌó. Mpes tjijyüꞌta ꞌa jis mulus pjü sacerdote* noypan, pjü judiopan jis jepapan ꞌotsꞌipj. Syocte Pablo, ne tjemyana jupj yupj ꞌa jis tjimyula ntꞌa. El Nuevo Testamento en Tol de Honduras, 2da ed. ©2010, Wycliffe Bible Translators

23

425

HECHOS 23

1 Pablo

po jis wala tjinyuca judiopan* jis jepapan. Tjevele: —Natjampan, napj pyon napj lovin la tjejay Dios jostsja jinwá. 2 Ananías tjijyüꞌta Pablo ntꞌa lejen̈tsja moꞌo la tül jupj. Ananías sacerdote* más püné waytsja jupj. 3 Pablo tjevele jupj lal: —Dios ca cyapj ntülüs. Jipj mvelen ca ncu malala la tjejay napj. Jipj pꞌiyá malala. Selen Moisés* tepyacá, mpes ꞌücj polel velen ncu malala la tjejay. Newa nin, jipj pꞌiyá ma lejay Moisés tepyaca jinwá. Tjijyütütj moꞌo la tül napj, niná Moisés tjijyüꞌta jin tulucj. 4 Neꞌaj lejen̈tsja tjowelepj: —Yom niná lal velen tsjiꞌ liji jupj Dios mpes. Jupj ne sacerdote* más püné. Malala nin, jipj malala tjevelen jupj lal —nin tjowelepj. 5 Pablo jis wala tjevele: —Natjampan, ma seletsja napj jupj sacerdote* más püné. Tꞌücꞌ way Moisés* tjijyüꞌta: ‘Ma malala nyuca mvelé nun jis jepa poꞌó’. 6 Pablo jus nléyatsja nepénowa yupj neꞌaj saduceopan* waytsja yupj, la pꞌa wa fariseopan* waytsja yupj. Ma yuwal yólatsja yupj. Mpes yümücj tjevele jupj pjü jilal: —Fariseo* way napj. Mpapay fariseo waytsja jupj. Napj pyon Dios ca sin müjünsüs tecyaꞌlin̈ jilal, mpatjam niswá. Nin mpes la velel napj lal —nin tjevele Pablo. 7 Niná tjevele mpes, saduceopan* la tjowelel fariseopan* jilal. Lovin ma yuwal yólatsja. 8 Fariseopan japon tecyaꞌlin̈ ca sin müjünsücj, mpatjam niswá. Saduceopan ma nin japon. Fariseopan japon angelpan* lyawun̈. Saduceopan ma nin japon. Fariseopan japon gente jis qjues lyawun̈. Saduceopan ma nin japon. Mpes saduceopan la tjowelel fariseopan jilal. 9 Pasal yümücj la tjowelel. Fariseopan sin popa nepenowá, Moisés* popel sin ꞌyüsa lajay yupj, sin tjüjünsüpj yupj, yümücj tjowelepj. Tsꞌa ꞌintsja yupj. Tjowelepj: “Niná ma malala la tjiji. Cjües nin tjevele jupj lal ca nacj. Ángel nin tjevele jupj lal ca nacj.” 10 Fariseopan, saduceopan, po ma yuwal yólatsja yupj. Pajal la tjowelel. Pasal yümücj la tjolocjoctsja Pablo pjwel manas. Mpes militarpan jis jepa püné lecj jéyatsja jupj pjwel ca ntꞌancanan̈. Mpes jis tjijyüꞌta militarpan jis la tjilil Pablo, ca len̈ way manucj jupj militarpan patja ntꞌa. 11 Püste na, qjuis Jepa Jesucristo tjacꞌ, tón̈catsja Pablo ntꞌa. Tjevele: “Po ma lecj tjeyá. Quiꞌá Jerusalén ntꞌa tjevelen yupj jilal napj nin poꞌó jipj selen mpes. Nin pꞌiyá ca mvelen Roma ntꞌa ꞌotsꞌipj”, nin tjevele.

12-13 Yaya

Judiopan quelel jaꞌünantsja Pablo.

judiopan* cuarénteya ꞌa jis tjimyula la veles Pablo poꞌó. Más ꞌin pülücj waytsja yupj cuarenta lal. Quelel jaꞌünantsja jupj. El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 23

426

Tjowelepj: “Más ꞌücj ꞌyüꞌnacj jupj. Laja secj ca nsem, müsü secj ca nsem, jupj tjiꞌyüꞌnacj nas. Dios pjoca cupj velecj. Mpes ca nin la mijicj cupj tjevelecj jinwá.” 14 Tjil sacerdote* noypan ntꞌa, coꞌmüypan* ntꞌa wa. Tjowelepj yupj jilal: —Ca müꞌüꞌnacj Pablo. Laja secj nsem, jupj tjiꞌyüꞌnacj nas. Dios tjapjaca tjevelecj, mpes nin ca la mijicj cupj tjevelecj jinwá. 15 Qjuisas lo moná militarpan jis jepa püné lal jupj ca lal ncuwim Pablo nun ntꞌa. Tjowelé más ꞌüsüs quelel nusin ꞌyüsa tsjan la tjiji jupj. Nin pꞌiyá mvelecj wa pjü way judiopan* jis jepapan. Jümücj ntꞌa ca la nucum. Tjacꞌ na, müꞌüꞌnacj ca jupj —nin tjowelepj sacerdote* noypan jilal, coꞌmüypan* jilal wa. 16 Mopꞌin ma nin tepyala yupj jisastsja jinwá. Pablo quelev jas tjiꞌyüsa yupj quelel lajaytsja niná. Mpes tjemey militarpan patja ntꞌa, tjevele Pablo lal. 17 Mpes Pablo la tjemyona jepa militar la cuwis jupj ntꞌa. Tjacꞌ na, la tjemyona: —Militarpan jis jepa püné ntꞌa tjemyana tsjicj niná. Jupj lal quelel vele jupj. 18 Mpes tjemyana Pablo quelev militarpan jis jepa püné ntꞌa. Tjevele: —Pablo la tjemyona napj ca ncuwis jupj ntꞌa. Jupj ne tsyuꞌpa jáꞌasa tjum na, la tjemyona tsjicj niná lal ca mis jipj ntꞌa. Quelel véletsja jipj lal —nin tjevele militarpan jis jepa püné lal. 19 Mpes militarpan jis jepa püné tsjicj mos ntjüiꞌle, lal tjemey yusapj ntꞌa. La tjiꞌyüya: —¿Tsjan quelel velentsja? 20 Pablo quelev wola tjevele: —Yaya judiopan* ca la monacj jipj ca jas majaman Pablo judiopan jis jepapan ntꞌa. Ca mvelecj yupj más ꞌüsüs quelel sin ꞌyüsa tsjan la tjiji jupj. La tsuwil yupj. 21 Po ma mponen ca yupj mvelecj. Yupj sin popa cuarénteya la nucucj ca jümücj ntꞌa la ꞌünan Pabló. Más ꞌin pülücj waytsja yupj cuarenta lal. Nasa tjowelepj Dios tjapjaca yupj tjowelepj, mpes nin ca la mijicj yupj tjowelepj jinwá. Quina quelel jus nlay ncu jas majaman. 22 Mpes militarpan jis jepa püné tjevele tsjicj lal: —Po ma mvelen la pꞌa jilal nin tjevelen napj lal. ꞌÜcj mim quinam.

Militarpan jis jepa püné jas tjejyama Pablo Félix ntꞌa.

23 Nin

tjevele na, militarpan jis jepa püné tjijyüꞌta militarpan jis jepapan mátꞌeya jis la cuwis. Tjevele yupj jilal: El Nuevo Testamento en Tol de Honduras, 2da ed. ©2010, Wycliffe Bible Translators

427

HECHOS 23, 24

—Militarpan tjüjüꞌtǘ ꞌücj la mijicj nlawú Cesarea ntꞌa. Najas püste nlawú, las nueve tepyala na. Najas militarpan cien matꞌe jis tsjam mpes ca mal. Pꞌa wa setenta cavayú casá ca mal, najas. Najas pꞌa cien matꞌe ca mal wa, ntꞌacj ca yo campa, sey tsꞌülül lejen̈. 24 Najas ca manú Pablo jepa romano* auxiliar ntꞌa, Félix ló jupj. Ma najas malala mpalas Pablo lal. Cavayú ꞌücj la müjí Pablo casá lo ꞌosos —militarpan jis jepa püné nin jis tjijyüꞌta. 25 Papel tepyaca, jas tjejyama Félix ntꞌa. Papel nin tjevele: 26 Félix, jipj jepa romano* auxiliar, mpes quelel pyac jipj mpes. Pasal püné jipj. Napj ne Claudio Lisias. 27 Judiopan* ntjiꞌlin̈ yom niná. Quelel jaꞌünantsja jupj. Napj nin tjiꞌyüsa romano* waytsja jupj. Mpes tjum yupj ntꞌa napj militarpan jilal, pjeꞌá la tsꞌiyacj jupj yupj mpe. 28 Napj quelel nin ꞌyǘsatsja tsjan mpes ntjiꞌlin̈ jupj. Quelel nin ꞌyǘsatsja tsjan mpes tsꞌa tjiꞌin jupj lal. Mpes napj tjemyan jupj judiopan jis jepapan ntꞌa. 29 Nin mpes napj jus nley yupj tsꞌa tjiꞌin jupj lal jupj ma judiopan tjüjütütj jinwá liji mpes. Malala moꞌm quelel jaꞌünan. Malala wa quelel jaꞌonsopj cawilta moꞌó. Napj pyon ma malala la tjiji jupj. 30 Pꞌa wa tjevele napj lal tꞌücꞌ way judiopan ca müꞌüꞌnacj jupj. Mpes len̈ way quelel se jamtsja jupj jipj ntꞌa. Tjevelé tsꞌa tjiꞌin jilal más ꞌücj yupj ca mal ꞌotsꞌipj, mvelecj jipj lal ꞌoyn nyuca la tjiji ne tsꞌa tjiꞌin yupj. Tꞌücꞌ tepyac quinam. Nin way pꞌin. 31 Militarpan la tjajay yupj jis jepa püné tjijyüꞌtá. Püste na tjaman jupj Antípatris ntꞌa, pülücj patja ntꞌa. 32 Yaya militarpan cavayú casá tjiltsja tjaman Pablo Cesarea ntꞌa. Militarpan la pꞌa tjil Jerusalén ntꞌa niswá, yupj tapatja ntꞌa. 33 Cabayú casá tjil Cesarea ntꞌa neꞌas tjil. Papel tjaꞌayapj jepa romano* auxiliar. Pablo lal tjil wa jupj ntꞌa, ca jupj majamas. 34 Jepa papel moꞌo tjevele na, la tjiꞌyüya caꞌampe ꞌesepj Pablo. Pablo tjevele Cilicia poꞌo tüpüꞌü jupj. 35 Jepa püné auxiliar tjevele: “Jipj mpes jatꞌ javelepj tjiquil na, mpjacas mvelen ca, mpjacas wa yupj javelepj. Tjapjacas na, mvelé ca ncu malala la tjejay jipj”, nin tjevele. Tjijyüꞌta ꞌüsüs majamacj Pablo, Herodes wo püné ntꞌa.

24

Pablo tjevele Félix lal ma malala la tjiji.

1 Tsꞌacꞌ

cinco tepyala na, Ananías tjacꞌ Cesarea ntꞌa. Jupj ne sacerdote* más pünetsja. Tjacꞌ coꞌmüypan* nepenowá jilal. Ticyuna wa Tértulo la veles yupj mpes jepa romano* auxiliar lal. Tjil jepa niná ntꞌa. Tjowelepj ꞌoyn la tjiji Pablo ne tsꞌa tjiꞌin yupj. 2 Pablo

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 24

428

tjajamapj tucuman wa jupj quinam. Pablo tucuman na Tértulo jas tjevele jepa lal Pablo poꞌó. Jepa niná Félix lotsja. Tértulo tjevele: —Félix, pasal püné jipj. Jipj la tjejay mpes cupj ma le palanacj la pꞌa ntꞌa patja jilal. Jipj la tjejay mpes más ꞌüsüs tepyala pjü jilal cupj pyatjaquecj ntꞌa. Mpes wiꞌiquecj jipj lal. 3 Po ꞌücj qjuisas lovin jipj la tjejay mpes. Po wiꞌiquecj jipj lal. 4 Ma quelel pajal pülücj velé napj. Nin pꞌin po le mon jipj mpjacam napj velé. Tsjicj way pꞌin mvelé ca. 5 Qjuisin tjiꞌyüsa yom niná pasal malala vele gente jis lal. Jun taꞌá judiopan* patja ntꞌa tsꞌa ꞌin se palá la pꞌa wa judiopan jilal, niná sin ꞌyüsa liji mpes. Jupj püné Nazareno lal japon jilal. Yupj nin japon Jesucristo tjevelá. 6 Yom niná malala quelel líjitsja Dios wo* lal. Mpes ntjiliquecj jupj. Quelel velectsja malala la tjiji. Cupj selecj Moisés* tjijyüꞌtá, mpes ꞌüsüs polel velectsja ncu malala la tjiji. 7 Nin lijictsja na, Lisias tjacꞌ, jupj ne militarpan jis jepa püné. Jupj, jupj militarpan ꞌotsꞌipj, pjaꞌas la qjuis tjajay, ntjiꞌlin̈ Pablo, tjaman jupj cupj mpe. 8 Lisias tjijyüꞌta cupj ca nlaca jipj ntꞌa la veles ꞌoyn nyuca la tjiji niná ne ma qjuisas. Niná lal velen na, ca jin müꞌüsüs tꞌücꞌ tjevelecj jupj poꞌó —Tértulo nin tjevele jepa romano* auxiliar lal. 9 Judiopan* jis jepapan tjowelepj wa jepa lal. Nin pꞌiyá tjowelepj Tértulo tjevele jinwá. Tjowelepj Tértulo tꞌücꞌ way tjevele Pablo poꞌó. 10 Jepa romano* auxiliar jostsja Pablo mveles ca quinam. Ninana Pablo tjevelá: —Quelel velé ma malala la tjejay napj. Po ꞌücj najas velé jipj lal; püs way nasa jepa tjactsja jipj judiopan* jilal. Püs way tjevelentsja ncu gente malala la tjajay. 11 Nawajaꞌa, tsꞌacꞌ doce nasa, napj tjum Jerusalén ntꞌa la veles Dios lal. Palá tüpwiꞌtjis Dios wolapꞌaꞌá, tjevelé jupj pajal püné. Tꞌücꞌ way velé napj, jipj ꞌücj jus cülayé niná la pꞌa javelepj mpes. 12 Ma la tjevelel la pꞌa jilal Dios wo* ntꞌa. Ma wa la tjevelel judiopan ꞌa si mulú ntꞌa. Jas tüpwes ma la tjevelel napj Jerusalén moꞌó. Gente ma la tapalan napj la tjejay mpes. 13 Niyom nenem jatꞌ javelepj napj nin poꞌó la pꞌin. Yupj salejepj yupj pꞌiyá la tsuwil. 14 ”Napj quelel velé jipj lal napj nin lejay Dios tjijyüꞌtá. Ninana pꞌiyá tjevele, judiopan* püna tapatja nin la tjajay. Cupj yupj sin popa pꞌiyá püs naya pyatjaquecj. Napj pyon pjü way Moisés* tepyacá. Napj pyon wa pjü way profetapan* tapac. Napj lejay Dios tjevelá, pjü way Jesucristo poꞌo japon nin lajay jinwá. Niyom nenem javelepj malala pꞌin niná Jesucristo poꞌo japon mpes. Niná nin lejay napj. 15 Napj pyon pꞌa jawasa Dios ca sin müjünsüs tecyaꞌlin̈, mpatjam ca niswá. Sin

El Nuevo Testamento en Tol de Honduras, 2da ed. ©2010, Wycliffe Bible Translators

429

HECHOS 24

müjünsüs ꞌüsüs witjacj, malala witjacj ꞌotsꞌipj. Nenem quiꞌá lejen̈ japon wa Dios nin ca la mijis. 16 Napj pyon mpes, lovin quelel lejay Dios jos jinwá. Lovin ꞌüsüs quelel lejay la pꞌa jilal. Mpes napj selé ꞌüsüs lejay. 17 ”Año nepénowa mpes tüpüꞌüs napj la pꞌa ntꞌa. Nawajaꞌa pꞌin tjum Jerusalén ntꞌa. Tjum jis la ꞌayas tꞌemel cjuwá jilal. Tjum la ꞌünan animal witjacj, la ꞌayas Dios mpes. 18 Napj la tjejay Moisés* popel jyüꞌta jinwá, ca salá jinwá nsem napj Dios lal. Nin mpes ꞌücj jumtsja Dios wo* moꞌó. Napj ꞌyatsja Dios mpes neꞌaj. Pülücj ꞌa jis tjimyula tulucj nin jawas, la veleltsja tulucj yupj. Nin pꞌin judiopan* nepenowá Asia mpe tjiquil, nus tjunuc yupj. 19 Más ꞌücj yupj jiquil jis la veles jipj lal. Yupj polel javelepj ncu malala la tjejay napj. Napj selé yupj jus nlay ma malala la tjejay napj. 20 Mopꞌin len̈ yupj quiꞌá. Nenem quiꞌá lejen̈ nin yola napj malala la tjejay. Nin tulucj. Pjü judiopan jis jepapan napj lal tjowelepj na, yupj sin tjiꞌyüsa tꞌücꞌ way ma malala la tjejay. Niyom nenem jatꞌ javelepj, salejepj wa tꞌücꞌ way velé napj. 21 Pjaní pꞌin malala la tjejay. Napj lal tjowelepj na, yümücj tjevelé: ‘Napj pyon Dios ca sin müjünsüs tecyaꞌlin̈, mpatjam ca niswá. Nin mpes ncapj lo velelé yacjaj’, nin tjevelé. 22 Félix seletsja tsjan japontsja Jesucristo poꞌo japon. Mpes jupj ma quelel véletsja ncu malala la tjiji Pabló. Mpes tjevele: —Militarpan jis jepa püné, Lisias, tjacꞌ na, napj mvelé ca ncu niná malala la tjiji —nin tjevele. 23 Jupj tjijyüꞌta jepa militar ca majamas Pablo. Tjevele Pablo ꞌücj pjeꞌá mwinim jupj jos na. Tjevele wa Pablo jomicapan ꞌücj ncul jis la veles jupj lal, jis la ꞌayas jupj jos ꞌotsꞌipj. 24 Pꞌa jawasa, tsꞌacꞌ nepénowa tjejyawca na, Félix tjacꞌ niswá Cesarea ntꞌa. Tjacꞌ jatsꞌom lal, Drusila lotsja jupj. Judío* waytsja jupj, jatsꞌom. Félix tjijyüꞌta la cuman Pablo. Pablo tjevele yupj jilal tsjan japon Jesucristo poꞌo japon. 25 Pablo tjevele Dios jos pjü way ꞌüsüs lajay Dios jinwá. Tjevele Dios jos pjü ꞌin jajamapj ne nin lajay Dios jos jinwá. Tjevele pꞌa jawasa Dios mveles ca ncu malala la tjijicj. Pjü jilal nin mveles ca. Félix lecj tjeyá Pablo tjevele mpes. Félix tjevele: “Najas jay quinam. Pꞌa jawasa, napj liji secj na, müjütütj ca lya cuman jipj niswá napj ntꞌa.” 26 Félix jostsja Pablo tꞌemel maꞌayas, jupj ca len̈ way jas majamas cawilta mpe. Mpes Félix la pülücj tjijyüꞌta la cuman Pablo, la veles jupj lal. Mopꞌin nin, Pablo lovin ma tjeꞌyaya tꞌemel. 27 Año matꞌe tepyala na, pꞌa jepa tjáꞌasa tepyala. Porcio Festo lotsja jupj. Félix jostsja judiopan ꞌücj jisas mpalas jupj lal. Mpes ma tjijyüꞌta ꞌücj la winin quinam Pablo cawilta mpe.

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 25

25

430 Festo lal Pablo tjevele ma malala la tjiji.

1 Mpes

Festo tjacꞌ quinam Cesarea ntꞌa, jepa romano* auxiliar nsem jupj. Tsꞌacꞌ contꞌe tepyala na, tjemey jupj Jerusalén ntꞌa. 2 Neꞌaj sacerdote* noypan, niyom pꞌa wa noypan witjacj judiopan* jilal, tjiquil wa jis la veles Festo lal. Tjowelepj Pablo pasal malala la tjiji. 3 La tjomon Festo lal jupj ꞌüsüs la mijis yupj jilal. Jisastsja jupj ca müjüꞌtüs la cuman Pablo Jerusalén ntꞌa. Jümücj ntꞌa quelel la nuctsja la ꞌünan Pablo, jümücj casá jacꞌ na. 4 Festo jis wala tjevele Pablo cawilta moꞌo ca maꞌajam Cesarea poꞌó. Tjevele: “Len̈ way jum Cesarea ntꞌa. 5 ꞌÜcj nun jis jepapan ncapj jacon̈ jil. Nun poné niná malala la tjiji. Cesarea poꞌo tjil na, yupj ꞌücj mvelecj ca napj lal tsjan niná jupj la tjijá”, nin tjevele. 6 Tsꞌacꞌ ocho, tsꞌacꞌ diez ca nacj, tüpüꞌü jupj Jerusalén ntꞌa. Locopyaya tjemey Cesarea ntꞌa niswá. Yaya ꞌetjele la veles ncu malala la tjiji Pablo. Tjijyüꞌta la cuman jupj. 7 Judiopan* tjiquil Festo lal Jerusalén mpe. Pablo tjacꞌ na, ꞌa jis tjimyula yupj Pablo tꞌasiyú. Tjowelepj Festo lal. Tjowelepj Pablo pasal la pülücj malala la tjiji. Tjowelepj mpes Festo ma jas tjiꞌyüsa ncu tꞌücꞌ way malala la tjiji Pabló. 8 Pablo tjevele ma tꞌücꞌ way tjowelepj. Tjevele: —Lovin ma malala tjevelé napj judiopan* tjüjütütj poꞌó. Dios wo* lal ma wa malala la tjejay napj. Ma wa malala la tjejay romanopan* jis jepa lal —Pablo nin tjevele. 9 Festo jostsja judiopan* ꞌücj jisas mpalas jupj lal. Mpes la tjiꞌyüya Pablo lal: —¿Ncu ꞌücj jipj lal leque Jerusalén ntꞌa? Judiopan* quiꞌá jatja, javelepj pasal malala la tjejay jipj. Jerusalén ntꞌa napj ca mvelé ncu tꞌücꞌ way malala la tjejay jipj —Festo nin tjevele. 10 Pablo wola tjevele: —Quiꞌá jüs jipj lal. Jipj tsjiꞌ lejay romanopan* jis jepa mpes. Más ꞌücj quiꞌá mvelen ca ncu malala la tjejay napj. Ma malala la tjejay judiopan* jilal. Jipj selen tꞌücꞌ way ma malala la tjejay yupj jilal. 11 Gente pasal malala nyuca lajay na, ꞌücj la pꞌa jaꞌünan yupj, malala la tjajay mpes. Napj malala la cüjaytsja yupj jinwá, ꞌücj ma ꞌüꞌnacj napj. Nin tulucj. Napj ma nin la tjejay yupj jinwá. Napj selé ma malala la tjejay napj. Judiopan nenem jatꞌ javelepj pasal malala la tjejay napj, mopꞌin ma tꞌücꞌ way tjowelepj yupj. Mpes pjü ma polel jajütütj ne ni tjililin̈. Napj le mon jipj nin majaman jepa ntꞌa Roma poꞌó. Jupj mveles ca ncu malala la tjejay napj —Pablo nin tjevele.

El Nuevo Testamento en Tol de Honduras, 2da ed. ©2010, Wycliffe Bible Translators

431

HECHOS 25

12 Nin

mpes Festo tjevele se japꞌactsja jilal. ꞌA mulú tjowelepj tsjan más ꞌücj la mijicj Pablo lal. Tꞌücꞌ tjowelepj na, Festo tjevele Pablo lal: —Jipj la tjemyon napj lal napj ca jin majam jepa ntꞌa Roma poꞌó. Mpes jin majam ca jupj ntꞌa. Festo tjevele Agripa lal Pablo poꞌó.

13 Pꞌa

jawasa, tsꞌacꞌ nepénowa tepyala na, tjacꞌ wa Agripa, Berenice lal, Cesarea ntꞌa ca jus nucus Festo. Agripa jepa püné waytsja jupj. 14 Tsjicj way tapatja neꞌaj. Festo tjevele Agripa lal Pablo poꞌó. Tjevele: —Yom püs way jáꞌasa cawilta moꞌó. Félix ma jas tjejyama, jupj pꞌiyá jépatsja na. Yom niná jáꞌasa custjay neꞌaj. 15 Jerusalén ntꞌa tjum na, sacerdote* noypan tjiquil, judiopan* jis coꞌmüypan* tjiquil ꞌotsꞌipj, tjowelepj yom niná pasal malala nyuca la tjiji. La tjomon napj müjütütj lo ꞌünan jupj. 16 Jis wala tjevelé: ‘Ma polel jyütütj napj niná. Malala romanopan* jilal napj nin jyütütj la ꞌünan jupj. Nun welé yom niná malala la tjiji. Pꞌa casá vele jupj. Jupj vele ma malala la tjiji. Romanopan javelepj más ꞌücj yom niná lal ꞌa nu mulus mwalá way pꞌin. Jupj ca mveles ꞌonin ne nin pyona ma malala la tjiji’, niná jis wala tjevelé. 17 ”Yupj tjiquil ꞌa jis tjimyula quiꞌá. Mpes ma la tjinyuc. Yaya napj ꞌetjel la veles ncu malala la tjiji yom niná. Tjijyütütj militarpan la cuman jupj. 18 Judiopan* nenem sin tjüjünsüpj la veles tsjan la tjiji jupj. Napj nólatsja yupj mvelecj ca pasal malala nyuca la tjiji. Pꞌa pꞌin tjowelepj. 19 Nin tjiꞌyüsa yupj japon malálatsja Dios lal niná la tjijá. Japon wa yom pjaní, Jesucristo ló, nasa tepeꞌe jupj. Pablo pꞌa casá vele. Vele püꞌü jupj. 20 Mpes ma seletsja tsjan más ꞌücj la mejay. Napj la tjiꞌyüy Pablo lal: ‘¿Ncu ꞌücj jipj lal leque Jerusalén ntꞌa? Judiopan nenem javelepj pasal malala nyuca la tjejay. Jerusalén ntꞌa mvelé ca ncu tꞌücꞌ way malala la tjejay jipj’. 21 Pablo ma jostsja. Jupj la tjemyona napj ca jas majamas jupj jepa ntꞌa Roma poꞌó, jupj mveles ca ncu tꞌücꞌ way malala la tjiji. Mpes napj tjijyütütj militarpan cawilta moꞌo moꞌonsocj ca jupj niswá. Napj tjevelé pꞌa jawasa ca jas majam jepa ntꞌa Roma poꞌó —Festo nin tjevele Agripa lal. 22 Agripa tjevele: —Quelel velé yomen lal. Mpes Festo wola tjevele: —ꞌÜcj. Ya ꞌücj ca mvelen jupj lal.

23 Mpes

Pablo tjevele Agripa lal ma malala la tjiji.

yaya Agripa, Berenice lal, tjacꞌ pülücj ꞌa si mulú ntꞌa, wo pünetsja neꞌaj. Sin quip pajal ꞌüsüs yustapj sin quípetsja. ꞌÜsüs way El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 25, 26

432

tjowelepj gentas yupj sin poꞌó. Wosis püné wama tjil. Militarpan jis jepa noypan jis capj tocon̈, jepapan neꞌaj tapatja sin popé ꞌotsꞌipj, jis capj tocon̈ tjil. Festo tjijyüꞌta militarpan jis la cuman Pabló. 24 Festo tjevele: —Agripa, jepa püné jipj, quelel velé jipj lal, pjü jilal quiꞌá jatja jilal quelel velé ꞌotsꞌipj. ꞌUnuca yomen. Pjü judiopan* tjowelepj napj lal pasal malala nyuca la tjiji. Nin tjowelepj Jerusalén ntꞌa, quiꞌá ꞌotsꞌipj. Jisas napj jyütütj militarpan jis la ꞌünan jupj. 25 Malala waytsja niná napj lal. Napj pyon ma malala la tjiji. Mpes ma tjijyütütj jis la ꞌünan jupj. Jupj la tjemyona napj lal napj ca jas majam jupj jepa ntꞌa Roma poꞌó, jupj mveles ca ncu tꞌücꞌ way malala la tjiji. Mpes tjevelé ꞌücj se jam. 26 Se jam na, papel se jam wa jepa mpes. Custjay ma selé tsjan más ꞌücj pyac jupj mpes; napj nola yom niná ma malala la tjiji. Mpes napj tjijyütütj militarpan jis la cuman niná cupj ntꞌa pjü way qjuis walapꞌaꞌá. Najas jipj mvelen jupj lal, jin müꞌüsüs ca tsjan la tjiji jupj. Jin tjiꞌyüsa mpes, papel ca mpac ne jas majam ca jepa ntꞌa Roma poꞌó. 27 Malala se jam yomen Roma ntꞌa, papel tepyac tulucj. Más ꞌücj papel pyac jupj la tjiji mpes. Nin mpes quina najas jipj jin müꞌüsüs tsjan la tjijá, ne ninana ca mpac napj. 1 Agripa tjevele Pablo lal: —ꞌÜcj mvelen ca quinam. Mpes Pablo jupj mos jas tjijyünsa; pjü neꞌaj tjatja mpjacan̈ jostsja jupj. Tjevele: 2 —Agripa, jepa püné jipj, mpes quelel velé jipj lal. Judiopan* quiꞌá lejen̈ tjowelepj pajal la pülücj malala nyuca la tjejay napj. Najas jin ꞌyüsa ma tꞌücꞌ way javelepj. Mpes ꞌücj najas napj polel velé jipj lal. 3 Jipj selen pjü way niná judiopan japon. Selen pjü way yupj lajay. Selen wa yupj lovin la velel mpes. Nin mpes po ꞌücj najas napj polel velé jipj lal. Po le mon mpjacam ca pjü velé. 4 ”Judío* napj. Lovin tüpüꞌüs judiopan jilal pꞌa ntꞌa tüpüꞌüs na. Tüpüꞌüs Jerusalén poꞌó ꞌotsꞌipj. Mpes pjü la tjejay nin salejepj judiopan. Lovin ꞌüsüs la tjejay tsjictsja mpe. 5 Salejepj fariseo* waytsja napj. Salejepj pjü la tjejay fariseopan lajay jinwá. Fariseopan más ꞌüsüs lajay pjü jilal judiopan jajütütj jinwá. Püs way mpes judiopan lovin nus tjunuc. Yupj ꞌücj javelepj tꞌücꞌ way velé. Ma ca nin mvelecj ca nacj. 6 ”Püna Dios tjevele judiopan* jilal jupj ca sin müjünsüs tecyaꞌlin̈, mpatjam ca niswá. Cupj judiopan nenem sin popa pꞌiyá püs naya pyatjaquecj. Napj pyon Dios ca nin la mijis niná. Pyon mpes pꞌin,

26

El Nuevo Testamento en Tol de Honduras, 2da ed. ©2010, Wycliffe Bible Translators

433

HECHOS 26

judiopan jisas jipj mvelen malala la tjejay napj. 7 Judiopan pjü qjuis tribu dóceya sin popé japon wa Dios ca sin müjünsüs tecyaꞌlin̈. Jupj nin tjevele, mpes japon. Mpes lovin jisas Dios, lovin lajay Dios jos jinwá. Napj pyon wa Dios ca sin müjünsüs tecyaꞌlin̈, mpatjam ca niswá. Pyon mpes pꞌin, judiopan jatꞌ javelepj napj nin poꞌó. 8 Ma selé tsjan mpes nepénowa japon Dios ma polel sin müjünsüs tecyaꞌlin̈, jis la pütꞌüs niswá. 9 ”Püna pꞌin napj tepyon ꞌüsüstsja malala la tjejay Jesucristo jisastsja jilal, jupj ne Nazaret mpe ꞌesepj. 10 Nin mpes Jerusalén ntꞌa malala la tjejay Jesucristo jisastsja jilal. Pülücj jilal nin la tjejay. Cawilta moꞌo jis tjeꞌyonsó. Sacerdote* noypan tjowelepj ꞌücj napj nin la mejay niná, ne nin la tjejay. Quelel jaꞌünantsja na Jesucristo jisas, napj tjevelé ꞌüctsja niná napj lal. 11 La pülücj malala la tjejay Jesucristo jisastsja jilal judiopan* ꞌa si mulú ntꞌa. Napj jis tjijyütütj malala mvelecj Jesucristo poꞌó. Pasal tsꞌi ꞌintsja yupj jilal. Tjum wa pülücj patja ntꞌa, neꞌaj judiopan tulucj patja ntꞌa, malala la tjejay wa judiopan jilal neꞌaj. 12 ”Quelel jumtsja Damasco ntꞌa nin pꞌiyá la mejay. Malala quelel lejaytsja wa neꞌaj Jesucristo jisas jilal. Sacerdote* noypan tjowelepj ꞌücj ca nin la mejay napj. Papel ntjaꞌayapj, papel tjevele ꞌücj ca nin mejay napj. 13 Mpes tjum. Lotsꞌacꞌ culupwen ntꞌa tjáꞌasa na, jümücj casá jumtsja na, tsjun poꞌo pajal jaw tepyala tjinyuc. Más ꞌüsüs tjejyawca jaw lal. Napj ntꞌa pajal jaw tepyala, napj tꞌasiyú tjejyawca. Ncapj tocon̈tsja ntꞌa tjejyawca wa. 14 Palá qjuis tyüꞌna, tepyatjaquectsja. Nepé vele pactsja jin tjapjacas. Napj ntin tjevele, hebreo* tjevele. Nla tjiꞌyüya: ‘Saulo, ¿tsjan mpes malala nyuca lejay napj lal? Napj buey tsjyac jinwá lejay jipj lal. Buey tsjyaca na ma jama, más yümücj ntsjacas jupj lal. Buey niná jinwá lejay jipj. Malala ꞌe palá nin lejay jipj.’ 15 ”Napj la tjiꞌyüy: ‘¿Pjacj vele napj lal?’ Qjuis Jepa Jesucristo nawala tjevele: ‘Napj ne Jesucristo. Malala nyuca le jay napj jisas lal. Mpes malala nyuca lejay wa napj lal. 16 Jin tjijyünsa. Najas tsjiꞌ lejay napj mpes. Nin mpes lay ntepalá jipj ntꞌa. Najas nin ca mvelen la pꞌa jilal quina tjinyuc mpes. Napj ca lay ma palas jipj ntꞌa niswá, pꞌa jawas. Nin mpes ca mvelen wa. 17 Ca jin majam judiopan* tulucj ntꞌa. Judiopan ca quelel mya süpücj, judiopan tulucj ca nin pꞌiyá la mijicj, newa napj ca majamá jipj. 18 Ca sin müꞌüsüs la mijin judiopan tulucj. Ca sin müꞌüsüs mpes ma ca newa la mijicj Satanás* jyüꞌta jinwá. Püste ntꞌa patja jinwá yupj malala lajay mpes. Jipj ca sin müꞌüsüs la mijin Dios mpes, ne ca yupj la mijicj Dios jos jinwá. Nin mpes jaw ntꞌa patja

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 26

434

jinwá nsem yupj. Tꞌücꞌ way napj lal mponecj ca yupj, mpes ma nola nsem malala nyuca la tjajay. Yupj Dios jutsꞌaꞌá nsem ca jis mpalas. Napj ꞌüsüs ca jis maꞌayá, la pꞌa napj lal japon jinwá’, niná Jesucristo nawala tjevele. 19 ”Mpes napj la tjejay jupj tjevelá jupj lay tepyala na napj ntꞌa. 20 Mwalá way napj tjevelé Damasco poꞌo patja jis lal. Jerusalén poꞌo patja jis lal tjevelé ꞌotsꞌipj. Nin tjevelé jun taꞌá Judea poꞌó. Tjevelé judiopan* tulucj jilal ꞌotsꞌipj. Pjü jilal tjevelé: ‘Dios jos ꞌaplijila nsem nun malala nyuca la tjüjí mpes. Dios quelel la müjí. Dios jos jinwá la müjí, ne la pꞌa ca jus nlayecj tꞌücꞌ way nujisas Dios’, nin tjevelé yupj jilal. 21 ”Niná tjevelé mpes pꞌin judiopan* nepenowá ntjitjililin̈ Dios wo* moꞌó. Quelel na ꞌünantsja. 22 Dios lovin ncapj tjepꞌyáꞌsatsja ne ma nin la tjajay. Yacjaj jipj wyalapꞌaꞌá jüs, velé jipj lal. Nepénowa quiꞌá noypan, nepénowa noypan tulucj. Nin pꞌiyá velé pjü jilal. Profetapan* tjowelepj jinwá ca mpalas. Moisés* tjevele jin mpalas wa. Nin pꞌiyá velé. La pꞌa mpes velé tulucj. 23 Yupj pꞌiyá tjowelepj Yom pjaní ncuwim perdonar lis mijis malala nyuca la tjajay. Tjowelepj malala ca mpalas jupj lal. Tjowelepj jupj ca jas müjünsüs tecyaꞌlin̈ mpe, mpüꞌüm niswá. La pꞌa wa ma sin tjüjünsüpj tecyaꞌlin̈ mpe. Jupj ca mwalá way jas müjünsüs tecyaꞌlin̈ mpe. Ca sin müꞌüsüs la mijis judiopan, judiopan tulucj ꞌotsꞌipj. Yupj ca sin müꞌüsüs tsjan la mijicj ne ca ꞌücj mpatjam Dios lal. Nin tjevele profetapan. Nin tjevele wa Moisés. 24 Pablo véletsja custjay, jostsja Agripa ca jas müꞌüsüs ma malala la tjiji. Custjay véletsja na, Festo yümücj tjevele: —Pablo, ¡mele velen! Pasal pülücj jin tjiꞌyüsa, mpes mele velen ꞌe tepalá. 25 Pablo wola tjevele: —Festo, püné way jipj. Napj tꞌücꞌ way tjevelé. Mele velé tulucj. 26 Jepa püné niná selé tꞌücꞌ way tjevelé. Mpes ma lecj jeyá nin la veles jupj lal. Napj nola jupj selé pjü tjevelé pjü nin tepyala. Tꞌücꞌ way nin tepyala, pülücj tjunuc. 27 Agripa, jepa püné jipj. ¿Ncu pyon profetapan* tapac mpes? Napj selé pyon jipj —Pablo nin tjevele. 28 Agripa tjevele: —¿Ncu pyon len̈ way napj ca najas nsem Jesucristo, jipj tjevelen mpes? Nin tulucj. 29 Pablo tjevele: —Napj najas Jesucristo. Napj le mon Dios lal jipj ca jyas nsem Jesucristo, pjü quiꞌá jatja ꞌotsꞌipj, ca jisas nsem Jesucristo napj jinwá. Len̈

El Nuevo Testamento en Tol de Honduras, 2da ed. ©2010, Wycliffe Bible Translators

435

HECHOS 26, 27

way japon jupj poꞌó, ꞌücj. Pꞌa jawasa japon, ꞌücj wa. Nin pꞌin najas ma cawilta moꞌo mya ꞌonsocj, napj lal la tjajay jinwá —Pablo nin tjevele. 30 Quina jepa püné jas nisa. Jepa romano* auxiliar jas nisa wa, Berenice ꞌotsꞌipj, pjü játjatsja yupj jilal, pjü sin tjüjünsüpj. 31 Pꞌa ntꞌa tjil jis la veles. Tjowelepj: —Niná ma malala la tjiji. Malala yupj tjoꞌonsopj jupj cawilta poꞌó. Cupj ca ma müjüꞌtücj militarpan jis la ꞌünan jupj. 32 Agripa tjevele Festo lal: —ꞌÜcj napj lal syoctecj jupj ne jama. Quina ma polel nin li jicj. Jupj la tjemyona jipj lal jipj ca jas majaman jupj jepa ntꞌa Roma poꞌó, jupj neꞌaj mveles ca ncu tꞌücꞌ way malala la tjiji. Mpes nin ca nsem.

27

Jepapan jas tjajam Pablo Roma ntꞌa.

1 Mpes tjowelepj ca jas majamacj Pablo Roma ntꞌa Italia poꞌó. Ca jas majamacj barco* mpes. Tjum Pablo lal. La pꞌa wa cawilta moꞌo játjatsja sin tjajam ꞌotsꞌipj. Tjowelepj militar jepa lal ꞌüsüs way ca jis majamas pjü, Pablo ꞌotsꞌipj. Niná jepa militar Julio lotsja. Jupj jépatsja militar cien witjacj jilal. Jepa romano* militarpan waytsja yupj. 2 Barco pjaní neꞌaj tjacꞌ, nawajaꞌa Adramitio mpe. Barco niná quelel jámatsja la pꞌa ntꞌa patja ntꞌa, ꞌüsǘ la ntꞌa Asia poꞌó. Mpes cupj wama tjeleque barco niná moꞌó, tjeleque Cesarea mpe. Aristarco tjemey cupj lal. Jupj Tesalónica mpe ꞌesepj, Tesalónica ntꞌa pülücj patja Macedonia poꞌó. 3 Yaya neꞌas tjeleque Sidón ntꞌa. Julio ꞌüsüs way la tjiji Pablo lal. Tjevele ꞌücj pjeꞌá la winin la nuc jomicapan neꞌaj. Tjemey na jomicapan cus tjapꞌacj. 4 Tjeleque niswá barco mpes. Wola mpe jactsja lüpjǘ, ne ma ꞌüsüs polel léquetsja. Mpes tjeleque Chipre liꞌinyampe. Lüpjǘ ma wola mpe tjacꞌ neꞌaj, mpes ꞌücj tjeleque. Chipre ꞌamá ꞌüsǘ tꞌasiyú. 5 Cilicia jin tjeleque, Panfilia jin tjeleque ꞌotsꞌipj. Ma qjuis tyantaná neꞌaj. Mira ntꞌa neꞌas tjeleque, neꞌaj qjuis tyantaná. Mira ntꞌa pülücj patja Licia poꞌó. Pjeꞌá tjiquilaca barco mpe. 6 Jepa militar barco* pꞌa wa jus tjinyuca. Niná tjacꞌ Alejandría mpe. Quina quelel jámatsja Italia ntꞌa. Jepa militar tjijyüꞌta wama ca nlaca barco niná moꞌó. 7 Mpes tjeleque niswá barco mpes. Lüpjǘ wola mpe, tꞌem mpe tjactsja, mpes ma len̈ way polel léquetsja. Püs way tepyala na, tjeleque neꞌaj way pꞌin Gnido mpe. Lüpjǘ pünetsja custjay, wola mpe, tꞌem mpe jactsja custjay, ne ma ꞌüsüs polel léquetsja. Mpes tjeleque Creta ntꞌa. ꞌÜcj polel léquetsja neꞌaj; lüpjǘ tjactsja barco cjüipepé, tꞌem mpe. Creta ꞌamá ꞌüsǘ tꞌasiyú. Creta nancupwepe tjeleque. Lüpjǘ ma

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 27

436

pünetsja neꞌaj. Mwalá way Salmón jin tjeleque Creta poꞌó, ma qjuis tyantaná neꞌaj. 8 ꞌÜsǘ la ntꞌa neꞌaj way pꞌin mpe tjeleque. Lüpjǘ barco wola mpe tjactsja niswá, mpes tülü way tjeléquetsja. Buenos Puertos neꞌas tjeleque. Neꞌaj way pꞌin pülücj patja ntꞌa, Lasea ló neꞌaj. 9 Tsꞌacꞌ pülücj tülü way tjeléquetsja. Mpes año quelel cyawájatsja quinam. Tꞌücꞌ tepyala tsꞌacꞌ judiopan* ma jalá. Mpes tꞌücꞌ way año len̈ way quelel cyawájatsja. Mpes malala barco* mim quinam; lüpjǘ pajal püné mpalas ca, ꞌüsǘ yümücj mim ca. Pablo tjevele yupj jilal más ꞌücj ma jil quinam barco mpes. 10 Tjevele: “Napj quelel velé nun jilal. Malala nin cupj leque quinam barco mpes. Napj nola malala ca qjuis mpalas. Barco moꞌo jatja pjü ncawajas ca. Malala ca mpalas wa barco lal. Cupj pjü ca ncaꞌlequecj ca nacj. Mpes más ꞌücj ma leque quinam”, tjevele Pablo. 11 Militar jepa ma quelel la tjíjitsja Pablo tjevele jin. Barco jutsꞌaꞌá pꞌa casá tjevele, jepa ꞌotsꞌipj barco mpes, pꞌa casá tjevele wa. Militar jepa quelel la tjíjitsja yupj tjowelepj jin. 12 Buenos Puertos ntꞌa malala barco mpüꞌüm neꞌaj jive na. Pasal yümücj jas nlapjünüs ca, pasal pülücj majawus ca neꞌaj. Pülücj way nin yólatsja más ꞌüctsja jil pꞌa ntꞌa. Fenice ntꞌa pülücj patja ntꞌa Creta poꞌo polel jiltsja ca nacj, nin yólatsja yupj. Fenice ntꞌa ma yümücj si lapjüna neꞌaj. Mpes ꞌücj barco mpüꞌüm neꞌaj jive na. Nin yólatsja yupj.

ꞌÜsǘ ntꞌa lüpjǘ pasal püné tjelyapjünǘ, yümücj tjemey wa ꞌüsǘ.

13 ꞌÜsǘ

mpe tsjicj way jas tjelyapjünǘ. ꞌAmá ntꞌa jas tjelyapjünǘ. Mpes ꞌüctsja yupj jilal yupj ca mal quinam. Mpes fierro püné viyá la tjolocjocj, barco* casá tjoꞌonsopj, ne tjeleque. ꞌÜsǘ la ntꞌa neꞌaj way pꞌin mpe tjeleque. 14 Len̈ way ꞌamá mpe yümücj jas tjelyapjünǘ. ꞌAmá mpe liꞌinyampé tjacꞌ lüpjüs. 15 Pasal yümücj jas tjelyapjünǘ barco poꞌó. ꞌÜsǘ la ntꞌa neꞌaj way pꞌin mpe quelel léquetsja custjay, mopꞌin ma polel tjeleque neꞌaj. Pasal yümücj jas tjelyapjünǘ barco poꞌó ꞌamá mpe. Mpes cupj qjuis barco la tjijyuꞌyuctsja, barco cjüipꞌaꞌa mpe yümücj jas tjelyapjünǘ quinam. Campa tjeleque ꞌamá mpe yümücj jas tjelyapjünǘ mpes. 16 Yacjaya ꞌamá pꞌa wa neꞌaj way pꞌin tjeleque. ꞌAmá niná Cauda ló. ꞌÜsǘ tꞌasiyú jupj. Cauda nancupwepe tjeleque. Neꞌaj ma pasal yümücj si lapjǘnatsja, ꞌotsꞌotsꞌ way yümücj si lapjǘnatsja. Barco lovin la tjelyóꞌcjatsja barco tsjicj way. Quina viyá quelel le locjoctsja niná, barco casá ca moꞌonsocj. Nin la tjijicj. Costa way viyá la tjelyoꞌcjocj, tjeꞌyonsocj. 17 Nin la tjijicj na, barco tꞌasiyú tsupapj ꞌüpǘ püné mpes. Yólatsja ma lo lepta quinam barcas. Lacj tjeyaptsja barco ca mim Sirte

El Nuevo Testamento en Tol de Honduras, 2da ed. ©2010, Wycliffe Bible Translators

437

HECHOS 27

ntꞌa. Neꞌaj ꞌüsǘ campwila tulucj sus mpes. Lacj tjeyaptsja barco ca po ntsjacas, tantan mpalas sus mpes. Mpes barco cjüipꞌaꞌa yo püné ꞌüsǘ moꞌo tjoꞌonsopj, ne ma wü jámatsja quinam, barcas. Nin la tjijicj ne tjeleque quinam; barco cjüipepé jas tjelyapjünǘ custjay. 18 Yaya yümücj jas tjelyapjünǘ custjay, ꞌüsǘ pajal yümücj jámatsja. Barco* moꞌo tjajam popa, pülücj ꞌüsüs moꞌo la tocoy. Mpes barco más ꞌin jampjaptsja quinam, ma ca campwila mim quinam ca nacj. 19 Yaya pꞌa wa ꞌüsǘ moꞌo la tocoy. ꞌÜpǘ la tocoy wa. Pülül püné velan̈ barco moꞌó, mpes si lapjüna na, ꞌücj jama barcas. Pülül nenem nepenowá la tocoy wa ꞌüsǘ moꞌó. Yo matꞌe pülül la valas palá la tocoy wa ꞌüsǘ moꞌó. 20 Tsꞌacꞌ pülücj mpes te tón̈catsja. Püste pülücj mpes ma polel nyucuctsja pjulacj. Pasal püné tjive. Pasal yümücj jas tjelyapjünǘ. Pasal yümücj tjemeytsja ꞌüsǘ. Qjuiyólatsja pjü cupj ncaꞌlequecj ca. 21 Tsꞌacꞌ pülücj ma tjalá barco* moꞌo tsjiꞌ la tjajay. Mpes Pablo quina jin niꞌisa la veles yupj jilal. Tjevele: “Quelel velé nun jilal. Nawajaꞌa nun jilal tjevelé más ꞌücj ma leque Creta mpe. Ma la tjüjí napj tjevelé jin. Mpes malala tepyala barco lal. Barco moꞌo tjajam popa ꞌüsǘ moꞌo la tocoyé. Malala nin. 22 Najas ma pajal nin nujola nsem. Pasal malala mpalas ca barco lal. Ncawajas ca jupj. Mopꞌin ma ncaꞌliqué ca nun. Pjü way mpatjaqué. 23 Napj Dios popa. Tsjiꞌ lejay Dios mpes. Püste jupj ángel* pjaní tjacꞌ napj ntꞌa, tjevele napj lal. 24 Niná tjevele: ‘Po ma lecj tjeyá. Dios jos jipj ca mim jepa ntꞌa Roma ntꞌa. Mpes Dios ca nu majamas nun pjü way. Ma ca mya patsꞌ; cyapj jacon̈ ma wa ncaꞌlin̈ ca’, jupj nin tjevele napj lal. 25 Mpes ma nujola tꞌas nun. Napj pyon Dios lal. Ángel tjevele, tꞌücꞌ way nin ca mpalas, nin pyon napj. 26 Nin pꞌin, lüpjǘ mpes barco yümücj mim ca ꞌamá ntꞌa, ca po ntsjacas ꞌamá ꞌüsǘ tꞌasiyú ntꞌa”, Pablo nin tjevele. 27 Semana matꞌe nas pasal yümücj jas tjelyapjünütsja, yümücj jámatsja ꞌüsǘ. Newa ꞌüsǘ moꞌo tjeleque, niná ꞌüsǘ Adriático ló. Pasal yümücj jas tjelyapjünǘ custjay barco* cjüipepé. Püste culupwen ntꞌa tjáꞌasa na, barco moꞌo tsjiꞌ lajaytsja yólatsja neꞌaj way pꞌin momas. 28 ꞌÜpǘ, acero tü lal tsyuꞌpa, ꞌüsǘ moꞌo la tsꞌi tjuvú, tjunuc ncu campwila ꞌüsǘ. Campwílatsja, treinta y seis metros campwílatsja jupj. Tsjicj way tjil na, tjuvú niswá. Veintisiete metros campwílatsja ꞌüsüs. Más ꞌin pja waytsja. 29 Yólatsja barco pe püné mpes ca ntsjacas. Mpes barco cjüipꞌaꞌa ntꞌa fierro püné yulupjana ꞌüsüma la tsꞌi, ꞌüpǘ mpes tsupapj yupj. Campwila tjil, barco ma ca mim quinam yupj pajal tü way

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 27

438

mpes. Yupj po jisastsja len̈ way majawaques, ca ꞌücj nucucj. 30 Barco moꞌo tsjiꞌ lajaytsja po quelel jiltsja ꞌamá niná ntꞌa. Barco wola ntꞌa barco tsjicj palá tjoꞌonsopj ꞌüsǘ moꞌó ꞌüpǘ mpes. Tjowelepj pꞌa fierro püné ꞌüsüma palá ntsꞌiyacj. Nin lajaytsja tulucj. Quelel jiltsja ꞌamá ntꞌa barco tsjicj mpes. 31 Pablo tjevele militar jepa lal, militarpan jilal ꞌotsꞌipj. Tjevele: “Niyom nenem quelel jil ꞌamá ntꞌa. Yupj jil, ncaꞌliqué ca nun. Más ꞌücj ma jil.” 32 Mpes militarpan tꞌü barco tsjicj tsyuꞌpatsjé, ne tjemey barcas. 33 Quina quelel jyáwcatsja. Pablo yupj jilal tjevele más ꞌücj ca nlajacj yupj pjü. Tjevele: “Tsꞌacꞌ catorce mpes po nujólatsja nun, ne ma tjalajá. 34 Mpes po najas quina lojá. Nusin napnapj tepyala. Mpes tjalajá nun, ne ma ncaꞌliqué. Ma malala nyuca nu mpalas ca nun”, Pablo nin tjevele yupj jilal. 35 Nin tjevele na, ntꞌya pansas. Tjüwüiꞌi Dios lal pansas mpes, pjü neꞌaj tjepjyacan̈. Pan tjelepta, tjelyaja. 36 Pjü yupj ꞌücj jisas tepyala Pablo tjevele mpes. Mpes tjalá wa yupj. 37 Cupj cjay dos cientos setenta y seis jyatjaquectsja barco* moꞌó. 38 Tꞌücꞌ tjalá na, barco más ꞌin jampjapj la tjajay niswá. Trigo* barco moꞌo tjajam la tocoy ꞌüsǘ moꞌó, mpes más jampjapj tepyala.

Barco yümücj tsjyaca sus, la tjuꞌuꞌna jupj.

39 Tjejyawca

na ꞌamá tjunuc yupj. Ma salejeptsja tsjan momas niná. ꞌÜsǘ la ntꞌa yumal tjunuc, sus pꞌintsja neꞌaj, ma yümücj jámatsja ꞌüsǘ neꞌaj. Mpes tjowelepj: “ꞌÜcj leque neꞌaj ca nacj, ꞌücj barco* ca po ntsjacas sus neꞌaj.” 40 Mpes ꞌüpǘ tꞌü fierro püné poꞌo tsyúꞌpatsja. Fierro püné ma jisastsja quinam. Ma jisastsja wa yo püné barco cjüipꞌaꞌa tón̈catsja. Yo püné nenem tsupapj tón̈catsja, quina soc yupj. Nin la tjajay na, pülül püné tjovalapj barco wolapꞌaꞌá, mpes jas tjelyapjünǘ pülül moꞌó quinam ne barco tjemey. Mpes ꞌücj tjeléquetsja quinam, quelel léquetsja ꞌüsǘ la ntꞌa. 41 Ma neꞌas tjeleque. ꞌÜsǘ campwila tuluctsja sus mpes. Ma tjinyucucj sus niná. Mpes barco wola tsjyaca sus mpes, ne ma polel jámatsja. ꞌÜsǘ la tjepjetpjetsꞌé, newa yümücj tjemey barco casá, mpes barco la tjuꞌúꞌnatsja. 42 Niyom nepénowa cawilta poꞌo tjatja, militarpan tjajamaptsja yupj custjay. Quina militarpan quelel jaꞌünantsja yupj, Pablo quelel jaꞌünantsja ꞌotsꞌipj, yupj ma ca naꞌaj ntolon̈, ma ca mal ꞌamá ntꞌa. Ma jisastsja ntsꞌequenen̈ yupj. 43 Mopꞌin ma jis tjüꞌünan. Militar jepa tjijyüꞌta ma müꞌüꞌnacj yupj. Jostsja Pablo ma peꞌe. Tꞌücꞌ tjijyüꞌta na,

El Nuevo Testamento en Tol de Honduras, 2da ed. ©2010, Wycliffe Bible Translators

439

HECHOS 27, 28

Barco la tjuuna. (Hechos 27.43)

tjevele: “Nepénowa ꞌücj ꞌüsüma la may jil. Mpes ꞌüsǘ ntꞌa ntoloqué nun, lowa ꞌamá ntꞌa. 44 La pꞌa ma polel la may, cjüil ca mal, nepénowa tabla casá ca mal, nepénowa barco* la tjuꞌuꞌna casá ca mal”, nin tjevele jupj. Mpes pjü way cupj ꞌücj neꞌas tjeleque ꞌamá ntꞌa.

28

Pablo jáꞌasatsja Malta poꞌó.

1 Pjü

way cupj ꞌücj neꞌas tjeleque neꞌaj ꞌamá ntꞌa. Qjuisin tjiꞌyüsa Malta lotsja momas. Malta ꞌüsǘ tꞌasiyú püꞌü. 2 Neꞌaj tapatja ꞌüsüs la tjajay cupj mpes. Pajal jívetsja, pajal tsjojósetsja, mpes ꞌawa jus tꞌol qjuis la sis. 3 Pablo yo pjwel tequeꞌe, ꞌowus moꞌo tepyaꞌta. Nin la tjiji na, latsj tjacꞌ ꞌawa mpe ꞌyawa mpes. Tjelyaja Pablo mos, mos poꞌo jálatsja. 4 Neꞌaj tapatja tjunuc latsj jupj mos poꞌo jálatsja, tjowelepj: “Tꞌücꞌ way yom niná tjiꞌyüꞌna la pꞌa, mpes nin tepyala. Ma tepeꞌe ꞌüsǘ

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 28

440

moꞌó. Mpes ꞌücj cupj dios* lal jupj peꞌe quinam, malala la tjiji mpes”, nin tjowelepj. 5 Nin tuluctsja. Pablo latsj la syüpjünǘ, ꞌawa moꞌo la tsꞌiya. Ma malala tepyala Pablo lal, ꞌüctsja jupj. 6 Neꞌaj tapatja yólatsja Pablo ca ntꞌüntꞌünüs ca nacj. Len̈ way mpaꞌis ca nacj, nin topon. ꞌÜctsja jupj. Püs tepyala na, newa ma tꞌyüntꞌünǘ, ꞌücj tjuwine jupj. Mpes pꞌa casá yólatsja quinam. Tjowelepj diospan* popa Latsj tjelyaja Pablo mos. pjaní jupj. (Hechos 28.3) 7 Jepa Malta poꞌó, Publio lotsja. ꞌAmá tyáꞌatsja jupj neꞌaj way pꞌin cupj tepyatjaquecj ntꞌa. Jostsja cupj ca nlaca jupj wo ntꞌa. Mpes tjeleque. Tsꞌacꞌ contꞌe tepyatjaquecj neꞌaj. ꞌÜsüs way la tjiji cupj mpes. 8 Publio popay malala jostsja. Cjonicj casaꞌá pǘꞌütsja. Si ꞌáwatsja jupj, ꞌüsǘ pwéꞌetsja wa. Pablo tjemey jus la nuc. Dios lal tjevele jupj mpes. Jay pjucj po la tjeꞌyotꞌa, tjiꞌyüꞌsa jupj. 9 Tjiꞌyüꞌsa na, malala jisas pjü way Malta poꞌo tapatja tjiquil wa Pablo ntꞌa. Jis tjiꞌyüꞌsa la tjiji wa. 10 Yupj pasal ꞌüsüs way la tjajay cupj mpes. Pꞌa jawasa tjeleque na pꞌa barco* mpes, qjuis tjaꞌayapj pjü way cupj qjuisastsja.

Pablo tjemey Roma ntꞌa.

11 Mes contꞌe mpes tepyatjaquecj Malta poꞌó. Barco* pꞌa wa jáꞌasatsja neꞌaj. Pajal jívetsja mpes ma tjemey. Tjacꞌ Alejandría mpe. Tjeleque barco niná mpes. Barco niná la tjajay na, wola poꞌo tüpüntüpj yo jas tiquilil, sey pjucj matꞌe jin jústatsja. Pjaní Cástor jay pjucj jin jústatsja. Pꞌa wa Pólux jay pjucj jin jústatsja. Gente yólatsja dios witjactsja* yupj. La pjaní tjemyaꞌna mátꞌeya jinwatsja yupj. 12 Mwalá way tjeleque barco* mpes Siracusa ntꞌa, pülücj patja ntꞌa. Tsꞌacꞌ contꞌe tepyatjaquecj neꞌaj. 13 Locopyaya nepé tjeleque Siracusa mpe, ꞌüsǘ la ntꞌa neꞌas way pꞌin tjeleque lovin. Tjeleque Regio ntꞌa, pülücj patja ntꞌa wa. Yaya jas tjelyapjünǘ barco cjüipepé. Mpes tjeleque niswá. Yaya sipé neꞌas tjeleque Puteoli ntꞌa, ꞌotsꞌotsꞌ way pülücj patja ntꞌa. 14 Neꞌaj yus tjinyucucj Dios tsꞌuyupj nepenowá. Jisastsja cupj mpatjaquecj yupj jilal. Mpes tepyatjaquecj yupj jilal semana pjaní mpes, ne tjeleque niswá. Qjuis tsjam mpes tjeleque quinam, ma barco mpes tjeleque.

El Nuevo Testamento en Tol de Honduras, 2da ed. ©2010, Wycliffe Bible Translators

441

HECHOS 28

15 Dios

tsꞌuyupj Roma poꞌo tapatja sin tjiꞌyüsa léquetsja cupj Roma ntꞌa. Mpes tjiquil la nyüjüsün̈ jümücj ntꞌa. Nepénowa la nyüjüsün̈ cupj Foro de Apio ntꞌa, cámpatsja neꞌaj. Nepénowa la nyüjüsün̈ cupj Tres Tabernas ntꞌa, nin pꞌiyá cámpatsja. Pablo yus tjinyuca na, tjüwüiꞌi Dios lal, po ꞌücj jos tepyala. 16 Neꞌas tjeleque quinam Roma ntꞌa. Pablo jusapj tüpǘꞌütsja; ꞌüsüs waytsja niná romanopan* jis jepapan jilal. Militar pjaní pꞌin se cón̈catsja jupj, ma ntsꞌequenem. 17 Tsꞌacꞌ contꞌe tepyala na, Pablo la tjemyona judiopan* jis jepapan ꞌa jis mulus jupj lal. ꞌA jis tjimyula na, Pablo tjevele: —Natjampan, napj quelel velé nun jilal. Ma malala la tjejay judiopan* jilal. Judiopan püna tapatja sin popa pꞌiyá püs naya pyatjaquecj cupj. Ma malala tjevelé yupj la tjajay mpes. Yupj sin nin judiopan Jerusalén poꞌo patja ntjitjililin̈ napj. Ntjaman romanopan* jis jepapan ntꞌa. 18 Yupj tjowelepj napj lal. Yupj jus nlaytsja ma malala la tjejay napj. Mpes ma jis tjüjütütj militarpan jis la ꞌünan napj. ꞌÜctsja yupj jilal soctsja napj. 19 Judiopan ma jisastsja niná. Mpes napj la tjemyon Festo lal jupj ca nin majamas jepa ntꞌa Roma poꞌó, jupj la veles ncu malala la tjejay napj. Mpes yupj ntucuman quiꞌá. Ma ca mvelé judiopan malala nyuca la tjajay. Nin pꞌin najas jepa püné mveles ca ncu malala la tjejay napj. 20 Mpes napj la tjemyon nun ꞌa nusí mulú napj lal, quelel veletsja nun jilal. Quiꞌá tsupapj ꞌos cadena* mpes. Judiopan la nuc Yom pjaní jacꞌ jis capj mpꞌaꞌsas. Napj pyon jupj nasa tjacꞌ. Nin mpes pꞌin tsupapj ꞌos cadena mpes —Pablo nin tjevele. 21 Yupj wola tjowelepj: —Judea poꞌo patja ma papel tapac jipj mpes. Ma jas tjajam papel cupj ntꞌa jipj mpes. Judiopan* nepenowá tjiquil; ma wa malala tjowelepj jipj poꞌó. 22 Newa nin quelel pjyaquecj jipj jele pꞌin. Qjuisin tjiꞌyüsa Jesucristo poꞌo japon nepenowá. Jun taꞌá pülücj javelepj malala lajay yupj. Quelel pjyaquecj jipj jele mpes —nin tjowelepj Pablo lal. 23 Yupj tjowelepj tsjan jawas más ꞌücj Pablo mveles ca yupj jilal. Nin jawas püstapj tjiquil Pablo pǘꞌütsja ntꞌa. Pasal pülücj tjiquil. Mpes Pablo tjevele yupj jilal. Tsꞌacꞌ pjaní tjevele. Sin tjiꞌyüsa la tjiji ꞌonin ne jyüꞌta Dios. Tjevele Moisés* tjijyüꞌta mpes. Tjevele wa profetapan* tapac mpes. Jostsja sin müꞌüsüs tꞌücꞌ way véletsja jupj Jesucristo poꞌó. 24 Nepénowa topon Pablo tjevelá. Nepénowa ma topon. 25 Pülücj ma jisastsja yupj tjepjyacan̈. Sin tjüjünsüpj, quelel jiltsja quinam. Mpes Pablo tjevele yupj jilal: “Isaías tꞌücꞌ tjevele judiopan* püna tapatja jilal. Profétatsja jupj, Isaías. Dios Cjües tjevele jupj lal, Isaías nin pꞌiyá

El Nuevo Testamento en Tol de Honduras, 2da ed. ©2010, Wycliffe Bible Translators

HECHOS 28

442

tjevele yupj jilal. Nun yupj sin popa pꞌiyá quina potjaqué, nin pꞌiyá lojí yupj la tjajay jinwá. 26 Dios Cjües tjevele: ‘Jipj ca mim judiopan ntꞌa, mvelen: “Lovin ca mpjaꞌaqué, newa ma ca nusin müꞌüsüs. Lovin ca nucú, newa ma ca jus nlayé tsjan nucú. 27 Gente niná ma quelel sin ꞌyüsa Dios jos jin, nin jis tepyala yupj. Jis pjat la topj jinwá yupj quinam. Yun jatsicyacj jinwá yupj. Ma quelel salejepj tsjan niná yupj januc. Ma quelel sin ꞌyüsa pjyacan̈. Nin mpes ma sin ꞌyüsa tsjan niná yupj januc. Mpes wa ma jus nlay tsjan niná yupj pjyacan̈. Nin mpes ma tꞌücꞌ way sin ꞌyüsa yupj. Yupj newa ma quelel sa con̈ Dios, mpes napj ma polel lejay yupj ca ꞌüsüs jis mpalas Dios lal.” ’ Dios Cjües nin tjevele Isaías lal. 28 Mpes najas nusin ꞌyüsa Dios jos cupj velecj judiopan tulucj jilal ꞌotsꞌipj Jesucristo poꞌó. Ca sin müꞌüsüs ꞌonin lajay ne ꞌücj mpatjam Dios lal. Po jisas nsem cupj velecj”, Pablo nin tjevele. 29 Pablo tꞌücꞌ tjevele na, judiopan* tjil. Nepénowa pajal la tjowelel yuwá. Nepénowa topon Pablo lal, la pꞌa ma topon. 30 Pablo año matꞌe mpes tüpüꞌü Roma poꞌó. Jupj tüpüꞌü ntꞌa, tꞌemel tjeꞌyaya wo jutsꞌaꞌá lal ne ꞌücj polel pǘꞌütsja neꞌaj. Pülücj tjiquil jus la nuc. ꞌÜcj jos tepyala yupj tjiquil, pjü way. 31 Tjevele yupj jilal ꞌonin ne nin liji, jyüꞌta Dios. Sin tjiꞌyüsa lis tjiji qjuis Jepa Jesucristo poꞌó. Pablo ma lecj jéyatsja nin la veles. Romanopan* jis jepapan ma tsꞌa tjiꞌin jupj lal jupj nin tjevele mpes.

El Nuevo Testamento en Tol de Honduras, 2da ed. ©2010, Wycliffe Bible Translators

Pablo papel tepyaca Roma moꞌo tapatja mpes

1

1 Napj

Pablo. Napj Jesucristo jomozo. Dios la ntjetꞌá napj, apóstol* nsem napj. Nin tjejyama la veles la pꞌa jilal jupj mpes. Nin tjejyama la veles pasal ꞌüsüs way tepyala Jesucristo mpes. 2 Püna Dios tjevele jupj ca jas majamas Jesucristo, tjevele gente lovin ca ꞌücj mpatjam jupj lal Jesucristo mpes. Nin jis wala tjevele profetapan* jilal nin jis la pac yupj. Yupj tapac, Dios Popel jupj. 3 Qjuisin ꞌyüsa Jesucristo poꞌó, Dios tjevelá mpes. Jesucristo Dios Jatjam. Jupj Jatjam yom tepyala jupj. Jupj David* tsꞌuyupj popa pꞌiyá püs naya tüpüꞌü. 4 Gente sin tjiꞌyüsa jupj Dios Jatjam. Jupj tepeꞌe na Dios jas tjijyünsa jupj, tüpüꞌü jupj niswá; nin mpes sin tjiꞌyüsa niná. Dios pajal püné, ne nin la tjiji. Tꞌücꞌ way Jesucristo Dios Jatjam jupj. Jupj pꞌiyá Dios ꞌotsꞌipj, pajal ꞌüsüs way jupj, jupj Popay jinwá. Jesucristo cupj qjuis Jepa Püné. 5 Jesucristo mpes Dios tsjay ꞌüsüs la qjuis tjiji. La qjuis tꞌya, apostolpan* nsem ncupj, ne qjuis tjejyama la veles la pꞌa jilal Jesucristo poꞌó. Dios jos pjü gente Pablo papel tepyaca jun taꞌá patja nin japon Jesucristo poꞌó. Roma moo tapatja Jos yupj lajay jupj tjevele jin. Mpes Dios mpes. (Romanos 1.7) qjuis tjejyama nin la veles gente nenem

443 El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 1

444

jilal. Qjuis tjejyama Jesucristo mpes. 6 Dios la nu tꞌya wa nun. Quina nun Jesucristo jutsꞌaꞌá. 7 Nun Dios tsꞌuyupj Roma poꞌo potjaqué. Dios pasal quelel la nusiji. Nun Dios tsꞌuyupj, jupj la nu tꞌya mpes. Quina napj pyac nun mpes. Dios cupj qjuis Papay. Jesucristo cupj qjuis Jepa Püné. Najas yupj ꞌüsüs way la nusejay. Najas ma nujola nun pjü mpes, yupj nin la nusejay mpes.

Pablo quelel jama Roma ntꞌa.

8 Mwalá

nin pyac wüiꞌis Dios lal nun pjü way mpes. Napj ꞌücj wüiꞌis Dios lal Jesucristo la tjiji mpes. Dios lal wüiꞌis gente jun taꞌá jus nlay nun po poné Jesucristo lal. 9 La pülücj way velé Dios lal nun mpes. Jupj selé nin velé. Tꞌücꞌ way tsjay yümücj tsjiꞌ lejay napj Dios mpes. Ma quelel lejay pꞌa. Pasal ꞌüsüs tepyala Dios Jatjam mpes. Niná velé napj la pꞌa jilal, tꞌücꞌ way. 10 Dios lal velé na, lovin le mon napj ca ꞌücj polel mis nun ntꞌa nujus la nuc. Jupj jos, ꞌücj jum. Ma jos, ma jum. 11 Napj pasal quelel nujus nyuc. Napj quelel nucopj pꞌyacj, más ꞌüsüs nusin müꞌüsüs Jesucristo poꞌó. Najas nun lovin ca jisas nsem Jesucristo, mpes nin quelel lejay napj. 12 Mpes tsjay ꞌücj najas nsem napj, nun Jesucristo lal poné mpes. Nun ꞌücj jisas nsem wa napj Jesucristo lal pyon mpes. Nin mpes pajal ꞌücj qjuisas nsem cupj pjü way Dios mpes. 13 Natjampan, najas jus nlayé la pülücj quelel jumtsja nun ntꞌa. Lovin ma polel tjumtsja custjay. Quelel nucopj pꞌyacj, mpes más ꞌücj nujola nsem Jesucristo jinwá. Napj polel tjumtsja la pꞌa judiopan* tulucj ntꞌa. Jis capj tjepꞌyacj, más ꞌücj yola quinam Jesucristo jinwá. 14 Dios la ntjetꞌá napj la veles jupj tjevelá pjü jilal. Mpes más ꞌücj nin lejay. Nin ca mvelé griego* javelepj jilal. Ca mvelé wa la pꞌa jilal, griego ma javelepj. Ca mvelé pasal pülücj sin tjiꞌyüsa jilal. Ca mvelé wa ma sin tjiꞌyüsa jilal. 15 Mpes po quelel jum nun ntꞌa, nun Roma poꞌó potjaqué. Quelel jum la veles pasal ꞌüsüs tepyala Jesucristo mpes. 16 Ma ne mayca la veles Dios tjevelá. Jupj nin tjevele pasal ꞌüsüs tepyala Jesucristo mpes. Gente japon na jupj tjevelá, Dios liji yupj ꞌücj ca mpatjam jupj lal, ma ca malala jis mpalas malala la tjajay mpes. Niná Dios mwalá way tjevele judiopan* mpes. Locopyaya nin pꞌiyá tjevele wa judiopan tulucj mpes. 17 Dios tjevele mpes qjuisin ꞌyüsa ꞌonin ꞌüsüs nsem gente Dios lal. ꞌÜsüs yupj Dios lal, japon na jupj tjevelá. Japon mpes pꞌin, yupj ꞌüsüs Dios lal, nin se palá. Dios Popel vele: “Gente japon na Dios lal, ꞌüsüs yupj jupj lal. Yupj ca mpatjam jupj lal”, Dios Popel nin vele.

El Nuevo Testamento en Tol de Honduras, 2da ed. ©2010, Wycliffe Bible Translators

445

ROMANOS 1

Pjü gente malala nyuca la tjajay.

18 Pülücj

jisas la pꞌa dios witjacj*; pasal malala nin lajay. Dios pꞌiyá po ma jos yupj malala lajay, nin mpes ca jis capj ntülüs. Yupj lovin nin lajay Dios ma jos. Ma quelel jus nlayecj tꞌücꞌ way Dios poꞌó. 19 Tꞌücꞌ way Dios poꞌo, costa tulucj la ꞌüsüs. Niná Dios sin tjiꞌyüsa lis tjiji. Yupj ma nin jisas la pꞌin. Mpes Dios ca jis capj ntülüs. 20 Püna Dios nosis la tjiji. Gente lovin ꞌücj yus januctsja Dios la tjijá. Januc mpes polel sin ꞌyüsa Dios püné. Januc mpes polel sin ꞌyüsa Dios lovin ca püné nsem. Polel sin ꞌyüsa tꞌücꞌ way Dios jupj. Ma polel sa nuc Dios, nin pꞌin ꞌücj sin ꞌyüsa Dios poꞌó jupj la tjiji januc mpes. Yupj ma polel javelepj ma salejeptsja Dios poꞌó. 21 Tꞌücꞌ way yupj salejeptsja Dios jáꞌasa. Newa ma yólatsja pasal püné way jupj. Ma wiꞌin̈tsja Dios lal jupj ꞌüsüs la siji mpes. Ma yola jinwá lajaytsja yupj. ꞌÜsüs tulucj yólatsja yupj. Püste jatja jinwatsja yupj, yupj ma sin ꞌyǘsatsja mpes. 22 Yupj javeleptsja pülücj salejepj yupj pꞌiyá, newa más ꞌin malala yólatsja yupj lovin. Ma yola jinwá lajay. 23 Ma jisas Dios tꞌücꞌ way. Pajal ꞌüsüs, pajal püné jupj. Gente pꞌin la tjajay, ninana jisas yupj jis dios witjacj mpes. Nenéyawa yo mpes la tjajay dios witjacj, gente jin yustapj, animal jin yustapj ꞌotsꞌipj. Nenéyawa la tjajay wa niná pe mpes. Ninana jisas yupj jis dios mpes. Gente ncaꞌlin̈ ca, nin pꞌiyá ca nsem animalpan jis lal. Dios tꞌücꞌ way lovin ma ca mpaꞌis jupj. 24 Dios selé tsjay malala nyuca la tjajay yupj. Mpes tjemey yupj mpe. Mpes malala polel lajay, yupj jisas jinwá. Tsjay malala lajay yupj pꞌiyá jilal. Yupj lajay mpes la pꞌa se mayca, ne ma polel javelepj yupj lajay mpes. 25 Yupj ma japon tꞌücꞌ way Dios poꞌó. Tꞌücꞌ tulucj mpes japon yupj. Dios tꞌücꞌ way pjü la tjiji jupj, mopꞌin ma jisas Dios. Ma yola jupj püné. Malala lajay yupj. Ma lajay Dios jos jin. Yupj jisas Dios la tjiji witjacj la pꞌin. Más ꞌücj gente lovin ꞌüsüs javelepj Dios poꞌó. Amén. 26 Yupj lajay mpes Dios tjemey yupj mpe. ꞌÜcj polel lajay yupj jisas jin. La pꞌa se mayca la veles yupj lajay mpes. Nequem nenem niyom ma jisas. Pꞌa nequem jisas, ne neꞌaj jamanun yupj. Yupj lajay pasal malala Dios lal. 27 Nin pꞌiyá niyom nenem jilal. Ma jisas nequem. Yupj sin nin jisas pꞌa niyom, ne neꞌaj jamanun yupj. Tsjay malala yupj lajay. Lajay malala, mpes malala se palá jis pꞌüy jilal. Yupj jinwá lajay, nin pꞌiyá jis mpalas lovin. 28 Ma quelel yola mpalas tꞌücꞌ way Dios poꞌo. Mpes Dios tjemey yupj mpe. Polel yola yupj pꞌiyá quelel yola jinwá. ꞌÜsüs mpes ma

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 1, 2

446

polel nin yola. Mpes lovin tsjay malala lajay. Niná malala Dios lal. 29 Pajal malala yupj. Pjü lajay mpes malala. Niyom nenem jamanun yupj sejatsꞌom tulucj. Nequem nenem jil yupj jis vayum tulucj jilal. Pülücj jisas yupj. Yupj lajay mpes malala se palá la pꞌa jilal. Jisas pꞌa yutsꞌaꞌá. Jaꞌünan la pꞌa wa. La pülücj la velel. La tsuwil wa. Yupj lovin malala javelepj tsjan ꞌüsüs poꞌó. Tin javelepj la pꞌa lajay mpes, ne ma salejepj ncu tꞌücꞌ nin lajay. 30 Javelepj la pꞌa lajay poꞌó, javelepj malala nin lajay. Po ma jisas Dios. Malala javelepj la pꞌa jilal, mpes la pꞌa tsꞌa ꞌin se palá yupj javelepj mpes. Noypan jin yola yupj pꞌiyá. Javelepj la pꞌa jilal yupj pꞌiyá noypan. Nin yola ꞌoyn nyuca ca malala la mijicj. Lovin ma lajay jis papay jisas mpes, sejamay jisas mpes. 31 Ma sin tjiꞌyüsa tsjan tꞌücꞌ way. Ma nin jisas yupj. Ma lajay yupj tjowelepj la mijicj mpes. Ma quelel lajay jis tsꞌuyupj. La pꞌa malala la tjajay mpes, lovin ma yoꞌ peꞌe; yupj tsꞌa ꞌin lovin. La pꞌa jilal malala se palá na, ma yola; wiꞌin̈ ca nacj. 32 Salejepj Dios tjevele gente ninana lajay na más ꞌücj ncaꞌlin̈ yupj. Newa niná nin lajay lovin. La pꞌa ninana lajay na, po ꞌüsüs javelepj yupj sin poꞌó.

Dios ca mveles pjü jilal ncu ꞌüsüs la tjajay. Selé jupj.

2

1 Tꞌücꞌ

way gente malala lajay. Ca nacj nun welé yupj malala. Newa nin nun pꞌiyá nin pꞌiyá lojí. Mpes tꞌücꞌ way malala wa nun, nin pꞌiyá malala lojí mpes. Nun ma polel mvelé ca Dios lal ꞌüsüs nun; nun malala lojí yupj lajay jinwá. 2 Selecj Dios ca jis capj ntülüs gente nin lajay na. ꞌÜsüs Dios nin liji. 3 La pꞌa malala lajay, ne nun welé malala yupj. Mopꞌin nin pꞌiyá lojí nun. Mpes tꞌücꞌ way Dios ca nucopj ntülüs ꞌotsꞌipj. 4 Dios pasal ꞌüsüs way liji nun jilal. Niná ꞌüsüs tulucj nun jis lal ca nacj. Dios ma tsꞌi ꞌinyá nun jilal. Niná ꞌüsüs tulucj nun jis lal ca nacj. Dios li nucú, jupj jos nun ca nujisas nsem jupj. ꞌÜsüs tulucj nun jis lal ca nacj jupj li nucú. Najas nun jus nlayé Dios jos nun ꞌaplijila way nsem malala la tjüjí mpes, nin mpes jupj pasal ꞌüsüs liji nun jilal. Jos nun ca nin la müjí jupj jos jin. 5 Tꞌücꞌ way pꞌa jawas Dios ca mveles pjü jilal ncu ꞌüsüs la tjajay yupj. Selé jupj. Tꞌücꞌ ca mveles. Ca jis capj ntülüs malala la jay. Nun solejé tsjan jos Dios nun lojí, nin pꞌin ma quelel nin lojí. Nun ꞌaplijila way tulucj malala la tjüjí. Dios po ca nucopj ntülüs nun lojí mpes. 6 “Gente ꞌüsüs lajay na, tꞌücꞌ way Dios ca ꞌüsüs lis mijis yupj jilal pjü way. Gente malala lajay na, ca jis capj ntülüs yupj pjü way.” 7 Nepénowa quelel ꞌüsüs lajay lovin, ne nin lajay yupj. Yupj jisas Dios ꞌüsüs mveles yupj

El Nuevo Testamento en Tol de Honduras, 2da ed. ©2010, Wycliffe Bible Translators

447

ROMANOS 2

sin poꞌó. Jisas Dios ꞌüsüs liji yupj mpes. Jisas lovin mpatjam Dios lal. Mpes tꞌücꞌ way lovin mpatjam ca Dios lal, Dios ca nin la mijis yupj mpes. 8 La pꞌa quelel lajay yupj pꞌiyá jisas pꞌin. Dios tꞌücꞌ way tjevele, mopꞌin yupj ma lajay jupj tjevelá. Malala pꞌin lajay yupj. Tꞌücꞌ way Dios quelel jis capj tyüla yupj la jay mpes, ne nin ca la mijis. 9 Gente malala lajay na, pasal malala ca jis mpalas. Pasal ca jis mvajas nsem yupj. Pasal yola nsem, ca la mpuyucj. Judiopan* malala lajay, nin ca jis mpalas yupj jilal. Judiopan tulucj malala lajay, nin pꞌiyá ca jis mpalas. 10 Pꞌa casá ca nsem ꞌüsüs lajay jilal; Dios ca ꞌüsüs mveles yupj sin poꞌó. Ca ꞌüsüs la mijis yupj mpes. Yupj ma ca yola nsem pjü mpes, Dios ca la mijis yupj mpes. Tꞌücꞌ way Dios nin ca la mijis judiopan ꞌüsüs lajay jilal. Nin la mijis wa judiopan tulucj ꞌüsüs lajay jilal. 11 Malala lajay, Dios ca jis capj ntülüs. Pjü yupj jilal ca nin la mijis. ꞌÜsüs lajay jilal, Dios ca ꞌüsüs lis mijis. Pjü yupj jilal ca nin la mijis. 12 Dios wola tjevele Moisés* lal tsjan jostsja judiopan* la mijicj. Moisés niná tjevele judiopan jilal. Niná Moisés tepyaca, Dios Popel jupj. Judiopan malala lajay na, Dios ca jis capj ntülüs. Jupj ca mveles ncu yupj la tjajay Moisés tepyaca jinwá. Judiopan tulucj malala lajay na, Dios ca jis capj ntülüs wa. Dios ma ca mveles ncu yupj la tjajay Moisés tepyaca jin; yupj ma salejeptsja Moisés tepyaca judiopan mpes. Mopꞌin malala ca jis mpalas tecyaꞌlin̈ na, malala la tjajay mpes. 13 Gente ꞌüsüs Dios lal nin lajay na pjü Moisés tepyacá. Tꞌücꞌ way gente pülücj tjepjyacan̈, sin tjiꞌyüsa Moisés tepyacá; mopꞌin ma lajay niná. Mpes ꞌüsüs tulucj yupj Dios lal. 14 Dios jos judiopan lajay, ninana judiopan tulucj pülücj way nin pꞌiyá lajay. Ma salejepj Moisés tepyacá. Yupj sin nin lajay Moisés tepyaca jinwá. Tꞌücꞌ way ma salejepj Moisés tepyacá, mopꞌin nin yola Dios jos jinwá. Mpes salejepj ꞌücj jis la jay. 15 Cupj nyucucj yupj lajay, mpes jus nlayecj yupj nin salejepj ꞌücj jis la jay. Nin lajay Moisés tjijyüꞌta jinwá. Yupj yola mpes ꞌotsꞌipj cupj jus nlayecj yupj salejepj ꞌücj jis la jay. Yupj jus nlay malala la tjajay na. Yupj jus nlay wa ꞌüsüs la tjajay na. 16 Tꞌücꞌ way pꞌa jawas Dios ca jas majamas Jesucristo quiꞌá la veles pjü jilal. Ca mveles ncu ꞌüsüs la tjajay. Pjü gente pülücj way la tjajay, la pꞌa ma tjunuc, ma salejepj. Jesucristo ca mveles ncu ꞌüsüs la tjajay. Selé jupj. Niná Dios nin tjevele, niná napj velé la pꞌa jilal.

17 Nun

Judiopan ma la tjajaytsja pjü way Moisés tjevelá.

nepénowa judiopan*. Nun nepénowa welé nun pasal ꞌüsüs way Dios lal. Quina ca mpac nun mpes. Tꞌücꞌ way nun welé nun ꞌüsüs El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 2

448

nsem Dios lal, lojí na Moisés* tepyaca jin. 18 Nun solejé tsjan jos Dios. Nun sin tjiꞌyüsa Moisés tjijyüꞌta mpes. Nun welé ꞌüsüs way jupj tjijyüꞌtá. Mpes solejé ꞌücj jis la jay. 19 Pülücj way ma salejepj Dios poꞌó, mpes nun sin ꞌyüsa lojí. Nujola ꞌüsüs sin ꞌyüsa lojí. Yupj ma januc jinwá ma salejepj mpes. Nun nujola ꞌüsüs monú jinwá lojí yupj jilal. Püste ntꞌa jatja jinwá yupj. Nun nujola nun jaw jinwá yupj mpes. 20 Nepénowa ma ꞌüsüs yola. Nun nujola ꞌüsüs sin ꞌyüsa lojí. Nepénowa ma pülücj sin tjiꞌyüsa custjay. Nujola ꞌüsüs sin ꞌyüsa lojí wa yupj. Nun nujisas Moisés tjijyüꞌtá, mpes nin nujola nun. Nun nujola Moisés tjevele niná Dios jos nun solejé. Tꞌücꞌ way tjevele Moisés. 21 Nun sin ꞌyüsa lojí la pꞌa; mopꞌin ma nusin ꞌyüsa lojí nun pꞌiyá. Nun welé la pꞌa jilal ma mpequen̈; mopꞌin nun pꞌiyá pweꞌqué. Malala nin. 22 Nun jüꞌtǘ la pꞌa jilal ma maꞌnucj sejatsꞌom tulucj; mopꞌin nun pꞌiyá moꞌnú nun sejatsꞌom tulucj. Malala nin. Nun ma jisas la pꞌa jis dios witjacj*. Mpes tꞌücꞌ way niná lojí Moisés* tepyaca jin. Mopꞌin nun pꞌiyá malala lojí; nun pweꞌqué yupj jis dios witjacj jatja ntꞌa. Mpes niná lojí ma lojí Moisés tepyaca jin. 23 Nun ꞌüsüs welé Moisés tjijyüꞌta poꞌó; mopꞌin ma lojí pjü way jupj tjijyüꞌtá. Mpes gente malala javelepj Dios poꞌó nun lojí mpes. 24 Dios Popel vele: “Nun mpes judiopan* tulucj malala javelepj Dios poꞌó”, Dios Popel nin vele. 25 Nun judiopan*, mpes nun jis pjolocꞌ tsjicj way tꞌasiyú tꞌü yupj. Dios jos nin lojí Moisés* tjijyüꞌta mpes. Ma lojí na Moisés pjü way tjijyüꞌta jin, judiopan tulucj jinwá nun. Judiopan tulucj ma tꞌü yupj jis pjolocꞌ tsjicj way tꞌasiyú. Nun yupj jinwá. 26 Tꞌücꞌ way judiopan tulucj nepénowa nin lajay Moisés tjijyüꞌtá. Yupj ma tꞌü yupj jis pjolocꞌ tsjicj way tꞌasiyú, judiopan lajay jinwá; newa judiopan jinwá yupj, Moisés tjijyüꞌta jin lajay mpes. 27 Yupj lajay mpes, nun ca jus nlayé malala la tjüjí nun. Yupj jis pjolocꞌ tsjicj way tꞌasiyú tꞌü tulucj, newa nin lajay Moisés tjijyüꞌta jin. Nun toꞌá Moisés tepyacá. Nun jis pjolocꞌ tsjicj way tꞌasiyú tꞌü tepyala, jupj tepyaca jinwá. Mopꞌin nun ma lojí pjü way Moisés tjijyüꞌta jin. Mpes yupj lajay nucú na, ca jus nlayé malala la tjüjí nun. 28 Nun judiopan tꞌücꞌ way, nun pülücj way nin nujola. Mopꞌin nun nepénowa judiopan tꞌücꞌ way tulucj Dios lal. Nun jis pjolocꞌ tsjicj way tꞌasiyú tꞌü yupj; mopꞌin ma ca judiopan nsem nun, nin lojí mpes pꞌin. 29 Gente nepénowa yola Dios jos jin. Nenem judiopan tꞌücꞌ way yupj. Ma malala yola quinam, Dios Cjües nin lis tjiji. Mpes tꞌücꞌ way yupj Dios gente. Dios ꞌüsüs vele yupj sin poꞌó. Tꞌücꞌ way nun jis pjolocꞌ tsjicj way tꞌasiyú tꞌü tepyala, mopꞌin nun

El Nuevo Testamento en Tol de Honduras, 2da ed. ©2010, Wycliffe Bible Translators

449

ROMANOS 2, 3

nepénowa malala lojí custjay. Nin lajay, Dios gente tulucj. Ca nacj la pꞌa ꞌüsüs javelepj yupj sin poꞌó; Dios ma nin vele. 1 Mpes yom pjaní ca mveles ca nacj: “Gente pülücj judiopan* yupj. ꞌÜsüs tulucj niná. Yupj jis pjolocꞌ tsjicj way tꞌasiyú tꞌü tepyala, newa más ꞌüsüs se palá tulucj yupj la pꞌa jilal.” 2 Napj nun jis wala velé pasal ꞌüsüs way jis tepyala judiopan. Dios jis tjeꞌyaya jupj Popel. Jostsja yupj mvelecj la pꞌa jilal jupj tjevelá. Pasal pülücj ꞌüsüs la tjiji yupj mpes; niná la tjiji más ꞌüsüs pjü la tjiji lal. 3 Mopꞌin judiopan pülücj ma la tjajay Dios tjevele jin. ¿Ncu nin nujola Dios ma ca la mijis jupj tjevele jin yupj malala la tjajay mpes? 4 Nin tulucj. Lovin ca la mijis jupj tjevele jin. Pjü gente la tsuwil; Dios ma nin liji. Dios lovin tꞌücꞌ way vele. Dios Popel vele David* tjevelá Dios lal. Vele: “Jipj velen na, pjü ca jus nlayecj ꞌüsüs velen jipj, tꞌücꞌ velen. Nepénowa ca mvelecj tꞌücꞌ tulucj velen jipj, mopꞌin ca jus nlayecj lovin tꞌücꞌ way velen”, Dios Popel nin vele. 5 Nepénowa javelepj yupj malala lajay na, gente ca jus nlayecj pasal ꞌüsüs Dios. Mpes malala Dios qjuis capj tyüla, nin javelepj gente nepenowá. ¿Ncu nujola ꞌüsüs nin pꞌiyá velecj? 6 ¡Nin tulucj! Ma nin ca mvelecj. ꞌÜsüs jupj jis capj ntülüs. Dios ꞌüsüs nin liji. ꞌÜsüs lovin nin liji, mpes polel jis capj ntülüs malala lajay, pjü way. 7 Ca nacj yom pjaní ca mveles napj lal. Mveles: “Napj li tsuwil na, gente ca jus nlayecj Dios más ꞌüsüs napj lal, ca mvelecj Dios lovin tꞌücꞌ way vele. Mpes gente javelepj Dios pasal püné. Gente ꞌüsüs javelepj Dios poꞌó napj li tsuwil na. Mpes malala Dios ncapj tyüla, napj la tsyawil mpes”, yom pjaní ca mveles niná ca nacj. 8 Pꞌa wa ca mveles wa napj lal ca nacj. Mveles: “Cupj malala lijicj na, gente ca jus nlayecj Dios más ꞌüsüs cupj qjuis lal, ca mvelecj Dios ꞌüsüs way jupj. Mpes más ꞌücj malala lijicj”, pjaní nin ca mveles ca nacj. Nepénowa tjowelepj cupj nin tjevelecj más ꞌücj malala nyuca lijicj. Nin tulucj. Malala tjowelepj cupj poꞌó. ꞌÜsüs Dios jis capj tyüla niná lajay.

3

9 Mpes

Pjü malala la tjajay.

napj quelel nu la ꞌyüy ncu nujola más ꞌüsüs cupj judiopan* tulucj jilal. Nin tulucj. Po quina nusin tjiꞌyüsa la tjejay judiopan malala yupj. Nusin tjiꞌyüsa la tjejay wa judiopan tulucj malala wa yupj. Pjü gente malala quelel lajay yupj. Mpes lovin nin lajay yupj. 10 Dios Popel vele:

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 3

450

“Pjü gente ꞌüsüs tulucj Dios lal, pjü malala pꞌin. 11 Pjü ma sin ꞌyüsa Dios jos jin. Pjü lovin ma quelel so con̈có Dios. 12 Quina pjü ma quelel lajay Dios jos jin. Pjü malala, nin jis tepyala. Pjü ꞌüsüs tulucj lajay, pjü malala lajay. 13 Nin javelepj malala. Yom tepeꞌe, tjamaja, pajal malala cjumsu. Nin pꞌiyá yupj javelepj mpes tsjay malala. Jis pelam pasal la tsuwil. Latsj lyaja mpes, gente cyaꞌlin̈. Nin pꞌiyá, yupj javelepj latsj lyaja jinwá. 14 Yupj malala javelepj la pꞌa jilal. Malala javelepj yupj sin poꞌó. Malala nyuca yola mpes malala javelepj yupj sin poꞌó. 15 Len̈ way tsꞌa ꞌin se palá la pꞌa jilal. Jaꞌünan yupj, tsꞌa ꞌin mpes. 16 Malala se palá la pꞌa jilal, yupj lajay mpes. La pꞌa ꞌaplijila se palá, yupj lajay mpes. 17 La pꞌa wa la velel, la palan, yupj lajay mpes. 18 Malala la tjajay. Ma lacj jeyapj Dios jis capj ntülüs”, Dios Popel nin vele. 19 Selecj Dios tjevele judiopan* jilal, tjevele tsjan jostsja jupj ca nin la mijicj yupj. Moisés* tepyaca niná, Dios Popel jupj. Jostsja yupj la mijicj pjü tjevelá. Salejepj malala la tjajay. Mpes ma polel mvelecj Dios lal ꞌüsüs nin la tjajay. Tꞌücꞌ way Dios ca mveles pjü jilal malala nin la tjajay. Nin mveles ca judiopan jilal, judío tulucj jilal ꞌotsꞌipj. 20 Gente sin ꞌyüsa Dios tjevelá, Moisés tepyaca mpes. Sin ꞌyüsa na jus nlay ma la tjajay pjü way Dios tjevelá. Nepénowa javelepj: “Cupj lijicj Dios tjevelá, mpes cupj ꞌüsüs Dios lal”, nin javelepj. Yupj pjü way ma ꞌüsüs nsem Dios lal; ma la tjajay pjü way Dios tjevelá.

21 Quina

Gente ꞌüsüs nsem Dios lal nin japon na jupj tjevelá Jesucristo poꞌó.

Dios ꞌüsüs qjuisin tjiꞌyüsa la tjiji ꞌonin ne ꞌüsüs nsem gentá jupj lal. Gente ma lajay pjü way jupj tjevelá, mopꞌin jupj qjuisin ꞌyüsa liji ꞌonin ne ꞌüsüs nsem yupj jupj lal. Püna Moisés* nin pꞌiyá tepyaca, profetapan* nin pꞌiyá tapac wa. 22 Gente ꞌüsüs nsem Dios lal Jesucristo

El Nuevo Testamento en Tol de Honduras, 2da ed. ©2010, Wycliffe Bible Translators

451

ROMANOS 3, 4

lal japon na. Jesucristo lal japon na, yupj ꞌüsüs nsem Dios lal, Dios nin liji yupj mpes, pjü way. Nin liji judiopan* jilal, judiopan tulucj wa jilal. Yuwal yupj Dios lal. 23 Pjü malala la tjajay. Yupj la tjajay mpes Dios ma ca mveles ꞌüsüs la tjajay. 24 Mopꞌin nin, Dios ꞌüsüs la siji. Dios la siji yupj ꞌüsüs nsem jupj lal Jesucristo mpes. Perdonar la siji malala la tjajay, ne lovin ca ꞌüsüs nsem yupj jupj lal. Nin liji yupj ꞌüsüs la tjajay mpes tulucj; jupj jostsja mpes nin la tjiji. 25 Dios jas tjejyama Jesucristo nosis ntꞌa. Dios ma quelel jis capj tyüla yupj, mpes jas tjejyama Jesucristo. Cus tyüla jupj gente mpes, ne tepeꞌe jupj yupj mpes. ꞌOs tepyala gente pjü malala la tjajay mpes. Yupj niná japon na, Dios perdonar la siji malala la tjajay yupj. Jesucristo poꞌo japon na, perdonar la siji. Dios jostsja gente ca sin müꞌüsüs jupj ma nyuca pꞌin gente malala lajay na quinam, nin mpes cus tyüla Jesucristo. Yas nam, gente malala la tjajay na, ma jis capj tyüla neneyawá. 26 Napj velé Dios jostsja gente ca sin müꞌüsüs jupj ma nyuca pꞌin gente malala lajay na, nin mpes nin la tjiji. Cus tyüla Jesucristo, pjü malala la tjajay mpes, gentá. Jupj jostsja gente ca sin müꞌüsüs yupj ꞌüsüs nsem jupj lal Jesucristo lal japon na; nin mpes nin la tjiji jupj. 27 Pjü ma polel javelepj yupj pꞌiyá ꞌüsüs, yupj pꞌiyá la tjajay mpes. Gente ma ꞌüsüs nsem Dios lal yupj Moisés* tjevele jin lajay mpes. Yupj ꞌüsüs nsem Dios lal japon na Dios tjevelá Jesucristo poꞌó. 28 Mpes qjuisin ꞌyüsa gente ꞌüsüs nsem Dios lal, yupj japon na Dios tjevelá Jesucristo poꞌó. Moisés tjevele jin la tjajay tulucj ca nacj; mopꞌin nin, ꞌüsüs nsem yupj Dios lal. 29 Tꞌücꞌ way Dios jupj judiopan* mpes, judiopan tulucj mpes ꞌotsꞌipj. Manas mpes Dios jupj, 30 pjaní jupj, ne nin; len̈ pꞌa. Jupj la siji judiopan ꞌüsüs nsem jupj lal, jupj lal japon na. Nin pꞌiyá la siji judiopan tulucj jilal. 31 Yom pjaní mveles ca nacj: “Cupj pyonecj Dios tjevelá Jesucristo poꞌó. Mpes Moisés tepyaca ꞌüsüs tulucj cupj mpes”, nin vele jupj ca nacj. Nin tulucj jupj tjevelá. Cupj velecj Moisés tepyaca pasal ꞌüsüs way.

4

Abraham ꞌüsüstsja Dios lal jupj tepyona mpes.

1 Quina

napj quelel pyac Abraham* poꞌó. Jupj pasal püna tüpüꞌü, cupj jupj popa pꞌiyá püs naya pyatjaquecj. Napj ca mpac ꞌonin tepyala ne ꞌüsüstsja jupj Dios lal. 2 Tꞌücꞌ way Abraham pasal ꞌüsüs la tjiji. ꞌÜsüstsja jupj Dios lal. Nintsja jupj, jupj la tjiji mpes tulucj. Jupj ma tjevele ꞌüsüstsja jupj pꞌiyá, jupj Dios mpes tsjiꞌ la tjiji mpes. Jupj ma nin tjevele Dios lal. 3 Dios Popel vele: “Abraham tepyona Dios tjevelá. Mpes Dios tjevele jupj ꞌüsüstsja.”

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 4

452

4 Yom

pjaní tsjiꞌ liji na, pꞌa wa jaylacj liji jupj tsjiꞌ la tjiji mpes. Tꞌemel ꞌyaya jupj sin jos mpes tulucj. ꞌYaya jupj tsjiꞌ la tjiji mpes. 5 Tꞌücꞌ way gente nepénowa tsjiꞌ lajay Dios mpes. Mopꞌin nin, Dios liji yupj ꞌüsüs nsem jupj lal, yupj pꞌiyá ꞌüsüs lajay mpes tulucj. ꞌÜsüs nsem yupj Dios lal yupj japon na jupj tjevele jin. Mpes gente malala ꞌüsüs polel nsem wa Dios lal, Dios nin liji. 6 Nin pꞌiyá tjevele David*. Tjevele gente ꞌüsüs Dios lal, yupj jupj tjevele jin topon mpes. Nin liji Dios. Tsjay ꞌücj jisas yupj. Salejepj ꞌüsüs yupj Dios lal, yupj lajay mpes tulucj. 7 David tjevele: “Pjü malala la tjajay. Dios perdonar lis tjiji nepenowá, yupj la tjajay mpes. Lovin ma jola yupj la tjajay mpes. Tsjay ꞌücj jisas yupj. 8 Ma ca mveles malala la tjajay. Mpes tsjay ꞌücj jisas”, David nin tjevele. 9 Tꞌücꞌ way judiopan* nin jinwá jatja, ꞌücj jisas. Yupj jis pjolocꞌ tsjicj way tꞌasiyú tꞌü tepyala. Judiopan tulucj nin jinwá jatja wa, ꞌücj jisas wa. Yupj jis pjolocꞌ tsjicj way tꞌasiyú tꞌü tulucj. Selecj Dios Popel vele Abraham* ꞌüsüstsja Dios lal jupj sin nin tepyona mpes. 10 ¿Ncu solejé ꞌona ꞌüsüs tepyala Abraham Dios lal? Jupj pjolocꞌ tsjicj way tꞌasiyú tꞌyüjü secj custjay, ꞌüsüstsja jupj Dios lal. 11 Pꞌa jawas jupj pjolocꞌ tsjicj way tꞌasiyú tꞌyüjü. Dios jostsja la pꞌa ca jus nlayecj Abraham ꞌüsüstsja, tepyona mpes la pꞌin, nin mpes jostsja jupj ca nin la mijis. Dios jostsja la pꞌa ca jus nlayecj Abraham ꞌüsüstsja jupj pjolocꞌ tꞌasiyú tꞌyüjü secj pꞌin. Quina pülücj topon Dios tjevele jin. Yupj pülücj jis pjolocꞌ tsjicj way tꞌasiyú tꞌü tulucj. Mopꞌin ꞌüsüs yupj Dios lal; Dios vele yupj ꞌüsüs yupj topon mpes. Abraham lal tepyala jin pꞌiyá jis tepyala yupj. Mpes Abraham yupj jis papay jinwá. 12 Tꞌücꞌ way judiopan pülücj topon wa Dios lal. Yupj jis pjolocꞌ tsjicj way tꞌasiyú tꞌü wa. Abraham jinwá la tjajay wa, mpes jupj yupj jis papay jinwá ꞌotsꞌipj. Abraham yupj jis papay jinwá, yupj Dios lal topon mpes, Abraham jinwá. Jupj tepyona Dios lal, jupj pjolocꞌ tsjicj way tꞌasiyú tꞌyüjü secj pꞌin.

13 Dios

Dios tjevele Abraham lal jupj ꞌüsüs la mijis.

tjevele Abraham* lal. Abraham tsꞌuyupj popa pꞌiyá püs naya tapatja sin poꞌo tjevele wa, Abraham poꞌo tjevele wa. Tjevele nosis ca jis maꞌayas. Niná mwalá nin tjevele, Moisés* lal tjevele secj pꞌin. Mpes Abraham ma pjü la tjiji Moisés tjijyüꞌtá. Abraham tepyona Dios El Nuevo Testamento en Tol de Honduras, 2da ed. ©2010, Wycliffe Bible Translators

453

ROMANOS 4

tjevele jin, mpes Dios tjevele niná jupj lal, tjevele ca maꞌayas nosis. Abraham ꞌüsüstsja Dios lal jupj tepyona mpes. 14 Nepénowa nin lajay Moisés tjijyüꞌta jin. Yupj japon Dios ca jis maꞌayas nosis yupj jilal. Japon ca nin nsem yupj Moisés tjevele jin la tjajay mpes. Nin tulucj. Dios ma nin ca jis maꞌayas. Tꞌücꞌ way Dios ca jis maꞌayas gente japon na jupj tjevele jin. Dios tjevele jin ca mpalas. 15 Pjü gente lovin ma pjü la tjajay Moisés tjijyüꞌta jinwá. Mpes yupj ma polel ꞌüsüs nsem Dios lal Moisés jyüꞌta jin lajay mpes. Dios quelel jis capj tyüla yupj malala lajay mpes, yupj ma tꞌücꞌ lajay jupj tjijyüꞌta jinwá. Nin tulucj jupj ma jis tjijyüꞌta jis lal. Ma tjijyüꞌta, mpes malala tulucj ma nin la tjajay. 16 Mpes Dios ca la mijis jupj tjevele jin, gente japon mpes pꞌin. Nin ca la mijis, jupj jos mpes pꞌin. Nin ca la mijis jupj pjü way Abraham* tsꞌuyupj popa pꞌiyá püs naya patja jilal. Tꞌücꞌ way judiopan* Abraham tsꞌuyupj popa pꞌiyá püs naya patja yupj. Nin lajay Moisés* tepyaca jin. Dios ca la mijis jupj tjevele jin yupj mpes. Mopꞌin ca nin la mijis niná yupj mpes pꞌin tulucj. Nin ca la mijis wa Abraham jinwá japon jilal. Cupj pülücj way pyonecj wa Dios lal Abraham jinwá, mpes Abraham tsꞌuyupj popa pꞌiyá püs naya pyatjaquecj jinwá cupj. 17 Dios Popel vele jin tjevele Dios Abraham lal. Vele: “Püs ntꞌaya gente pülücj ca mpatjam. ꞌA mulú, ꞌa mulú mpatjam pꞌa ntꞌa. Pülücj yupj jipj tsꞌuyupj popa pꞌiyá püs naya mpatjam jinwá nsem yupj, nin la tjejay napj jipj mpes”, Dios Popel nin vele. Dios tjevele gente pülücj Abraham tsꞌuyupj popa pꞌiyá püs naya mpatjam jinwá nsem yupj. Mpes tꞌücꞌ way tepyala niná. Abraham tepyona Dios lal. Dios ꞌücj liji ne tecyaꞌlin̈ patja niswá. Dios jos jin mpalas, tꞌücꞌ way nin ca mpalas, pjü way, jupj nin vele mpes pꞌin. Pjü way nin polel liji. 18 Abraham* seletsja costa way niná mpalas ca Dios tjevele jin. Newa tepyona Dios lal, seletsja tꞌücꞌ way mpalas ca Dios tjevele jin. Mpes gente pülücj Abraham tsꞌuyupj popa pꞌiyá püs naya patja jinwá jis tepyala yupj, pülücj yupj nin tepyala pꞌa ntꞌa ꞌa mulú patja moꞌó. Tꞌücꞌ way Dios tjevele: “Jipj tsꞌuyupj popa pꞌiyá püs naya mpatjam, tsjay pülücj nsem yupj”. 19 Tꞌücꞌ way Abraham coꞌmüytsja. Nasa way año cien tyáꞌatsja jupj. Seletsja pajal coꞌmüytsja jupj. Seletsja jupj jüpꞌüy quelel péꞌetsja quinam. Seletsja Sara ma polel myáꞌnatsja tsjiquis quinam. (Sara jupj jatsꞌom waytsja.) Newa tepyona Dios ca la mijis jupj tjevele jin. 20 Abraham lovin ma tjevele Dios ma ca nin la mijis jupj tjevele jin. Lovin más ꞌüsüs tepyona Dios lal. Lovin jostsja Dios. Lovin ꞌüsüs tjevele Dios poꞌó. 21 Jupj seletsja Dios polel liji jupj tjevele jin. 22 Mpes Abraham ꞌüsüstsja Dios lal, Dios la tjiji.

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 4, 5

454

23 Dios

Popel vele: “Abraham* tepyona Dios lal, mpes ꞌüsüstsja jupj Dios lal, Dios la tjiji”. Dios Popel nin vele Abraham mpes pꞌin tulucj. 24 Cupj mpes wa vele jupj Popel. Cupj pyonecj Dios tjevelá, mpes ꞌüsüs nsem wa cupj jupj lal, nin ca la mijis jupj. Jesucristo tepeꞌe na, Dios pꞌiyá jas tjijyünsa, tüpüꞌü jupj niswá. Jesucristo cupj qjuis Jepa Püné. 25 Dios jis tjeꞌyaya tjüꞌünan Jesucristo cupj malala la tjijicj mpes. Jupj jostsja cupj ꞌüsüs nsem jupj lal, mpes jas tjijyünsa Jesucristo, tüpüꞌü jupj niswá.

5

Dios pꞌiyá nin liji cupj ꞌüsüs Dios lal.

1 Tꞌücꞌ

way cupj ꞌüsüs Dios lal; nin qjuis tepyala Dios la tjiji mpes. Cupj tepyonecj jupj tjevele jin, mpes nin qjuis tepyala. Nin mpes Dios wüiꞌi cupj qjuilal. Cupj wiꞌiquecj wa jupj lal. Nin tepyala Jesucristo la tjiji mpes. Jupj cupj qjuis Jepa Püné. 2 Jesucristo la tjiji mpes, Dios tsjay ꞌüsüs la tjiji cupj mpes. Lovin nin liji cupj mpes. Cupj tepyonecj, mpes Dios nin liji cupj mpes. Tsjay püné way Dios. Tsjay ꞌücj qjuisas cupj; selecj pꞌa jawas püné wa nsem cupj, Dios ca nin la mijis cupj mpes. 3 ꞌÜcj qjuisas wa gente malala lajay na cupj qjuilal. Cupj qjuisas Jesucristo, nin mpes nin lajay yupj. Nin tepyala na, qjuisin ꞌyüsa ꞌonin ca ꞌüsüs la mijicj malala pyala na. 4 Cupj newa ꞌüsüs lijicj malala tepyala na, Dios vele cupj ꞌüsüs. Dios vele cupj ꞌüsüs, mpes selecj ꞌüsüs ca qjuis mpalas pꞌa jawas, Dios tjevele jinwá. 5 Selecj ꞌüsüs ca qjuis mpalas. Mpes tꞌücꞌ way nin ca qjuis mpalas. ꞌAplijila tulucj ca nsem cupj. Mwiꞌiquecj ca. Nin ca nsem, Dios pajal quelel la qjuisiji mpes. Jupj qjuis tjeꞌyaya jupj Cjües la pütꞌüs qjuisas moꞌó. Dios pajal quelel la qjuisiji, jupj Cjües nin qjuisin ꞌyüsa liji. 6 Püna malálatsja cupj. Ma polel lijictsja cupj pꞌiyá ca ꞌüsüs nsem Dios lal. Dios pꞌin nin la tjiji cupj mpes. Nin jawas jupj jostsja na pꞌin, jupj jas tjejyama Jesucristo, mpaꞌis gente malala la tjajay mpes. Nin mpes tepeꞌe jupj cupj mpes. 7 Jesucristo pajal ꞌüsüs way la tjiji, cupj mpes tepeꞌe na. ¿Tsjan ca mpalas pꞌa wa quelel jaꞌünan na yom ꞌüsüs? Pjü ma javelepj: “Tjüꞌüꞌná napj, po ma tjüꞌüꞌná jupj”. Ca nacj niná yupj quelel jaꞌünan, pajal ꞌüsüs way jupj. Jupj mpes yom pjaní ꞌücj mveles ca: “Tjüꞌüꞌná napj, po ma tjüꞌüꞌná jupj.” Mopꞌin costa jupj nin mveles; ma quelel peꞌe. Ma la pülücj ca nin mpalas. 8 Nin mpes Jesucristo la tjiji, ꞌüsüstsja pajal. Jupj tepeꞌe cupj mpes. Malala la tjijictsja; mopꞌin Dios jas tjejyama jupj la mas cupj mpes. Nin mpes qjuisin ꞌyüsa Dios pasal quelel la qjuisiji. 9 Mpes tꞌücꞌ way cupj ꞌüsüs Dios lal quinam, nin

El Nuevo Testamento en Tol de Honduras, 2da ed. ©2010, Wycliffe Bible Translators

455

ROMANOS 5

qjuis tepyala Jesucristo tepeꞌe mpes. Mpes tꞌücꞌ way Dios ma tsꞌi ꞌinyá cupj qjuis lal, cupj malala la tjijicj mpes. Ma ca qjuis capj ntülüs. ꞌÜcj quinam Jesucristo mpes. 10 Cupj Dios enemigopan waytsja yas nam; nin tulucj quinam. Quina cupj jupj jomicapan qjuis tepyala cupj, jupj Jatjam tepeꞌe mpes. Tꞌücꞌ way ca mpatjaquecj Dios lal, jupj Jatjam püꞌü mpes. 11 Quina tsjay ꞌücj qjuisas Dios lal Jesucristo mpes. Jesucristo cupj qjuis Jepa Püné. Jesucristo mpes, quina cupj Dios jomicapan.

12 Yom

Malala qjuis tepyala Adán mpes; ꞌüsüs qjuis tepyala Jesucristo mpes.

pjaní la tjiji mpes pjü malala nyuca la tjajay. Adán lotsja jupj. Malala la tjiji, mpes pjü malala lajay. Malala la tjiji, mpes tepeꞌe. Mpes pjü cyaꞌlin̈, pjü malala la tjajay mpes. 13 Moisés* jis wala tjevele gente jis lal tsjan jostsja Dios yupj ca nin la mijicj. Moisés vele secj pꞌin, gente malala la tjajaytsja wa. Mopꞌin Dios ma jólatsja yupj ma lajaytsja Moisés tjijyüꞌtá; jupj ma tjevele custjay Moisés lal, mpes Moisés ma tjevele custjay Dios jostsja gente ca nin la mijicj. 14 Newa nintsja; pjü tecyaꞌlin̈. Adán popa pꞌiyá püs naya tapatja pjü tecyaꞌlin̈. Moisés tjemyaꞌna nas, nin pꞌiyatsja. Adán ma la tjiji Dios tjijyüꞌta jin. Nepénowa ma la tjajay Adán la tjiji jinwá, mopꞌin malala la tjajay wa yupj. Mpes niná pjü tecyaꞌlin̈. Adán mwalá tüpüꞌü. Püs tepyala na nosis ntꞌa tjacꞌ Jesucristo. Adán Jesucristo jinwatsja ꞌotsꞌotsꞌ way. 15 Tsjay malala tepyala pjü gente jis lal, Adán malala la tjiji mpes. Yom pjaní waytsja pꞌin. Locopyaya pajal ꞌüsüs tepyala wa Jesucristo ꞌüsüs la tjiji mpes. Yom pjaní waytsja jupj, jupj ne Dios jas tjejyamá. Adán malala la tjiji, mpes pjü cyaꞌlin̈. Mopꞌin pajal ꞌüsüs tepyala quinam. Jesucristo mpes Dios perdonar la siji gente pülücj, yupj malala la tjajay mpes. Dios pajal ꞌüsüs la tjiji cupj mpes. Nin la tjiji jupj nin jostsja mpes pꞌin. Ma jaylacj lijicj niná. 16 Malala tepyala Adán malala la tjiji mpes. Pꞌa casá tepyala Dios jas tjejyama na Jesucristo. Adán malala la tjiji, mpes Dios cus tyüla jupj. Mopꞌin Dios pajal ꞌüsüs la tjiji. Gente pülücj malala nyuca la tjajay na, Dios jas tjejyama Jesucristo. Mpes quina pülücj ꞌüsüs se palá Dios lal, Dios nin la siji Jesucristo mpes. 17 Pjü cyaꞌlin̈, yom pjaní malala la tjiji mpes. Mopꞌin pajal ꞌüsüs se palá gente jilal pꞌa yom mpes. Pjaní jupj, Jesucristo ni. Jisas na Jesucristo pajal ꞌüsüs la tjiji yupj mpes, Dios pajal ꞌüsüs liji yupj mpes. Jupj nin liji yupj ꞌüsüs se palá jupj lal. Nin liji jupj, jaylacj tulucj. Lovin ca mpatjam Dios lal. Nin pyala Jesucristo mpes.

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 5, 6

456

18 Yom

pjaní malala la tjiji, mpes pjü gente malálatsja Dios lal, nin jis tepyala. Yom pꞌa wa pajal ꞌüsüs la tjiji. Jupj la tjiji mpes, Dios vele pülücj jilal malala tulucj yupj. Jupj la siji yupj mpatjam. 19 Yom pjaní ma la tjiji Dios tjevele jin. Jupj la tjiji mpes, pjü malala la tjajay wa. Mopꞌin yom pꞌa wa la tjiji Dios jostsja jin; Jesucristo poꞌo velé. Jupj la tjiji mpes pülücj ꞌüsüs nsem Dios lal; Dios ca nin lis mijis mpes ca nin jis mpalas. 20 Moisés* tepyaca tsjan niná Dios jostsja gente ca nin la mijicj. Dios jostsja Moisés niná nin pyaca, mpes gente ca sin müꞌüsüs tsjay malala nyuca la tjajay yupj. Tꞌücꞌ way qjuisin tjiꞌyüsa tsjay malala nyuca la tjijicj cupj. Qjuisin tjiꞌyüsa na, qjuisin tjiꞌyüsa wa Dios más ꞌüsüs quelel la tjiji cupj mpes. 21 Gente malala nyuca lajay, ne cyaꞌlin̈. Mopꞌin ꞌüsüs qjuis tepyala wa. Quina Dios ꞌüsüs liji cupj mpes. Nin mpes jupj nin liji cupj ꞌüsüs qjuesé palá jupj lal. Nin mpes lovin ca mpatjaquecj Dios lal. Nin qjuesé palá Jesucristo mpes, jupj ne cupj qjuis Jepa Püné.

6

1 Ca

Jesucristo mpes quina ma malala quelel lijicj.

nacj nepénowa ca mvelecj: “Más ꞌücj malala lijicj, mpes Dios más ꞌüsüs ca la mijis cupj mpes”. 2 Malala nin javelepj. ¡Ma nin la mijicj ca cupj! Cupj tecyaꞌlequecj jinwá Jesucristo lal. Mpes quina ma malala quelel lijicj. Más ꞌücj lovin ma malala lijicj cupj. 3 Nun solejé bautizar* la qjuis tjajay. Mpes cupj Jesucristo jutsꞌaꞌá qjuis tepyala. Bautizar la qjuis tjajay na, tecyaꞌlequecj jinwá Jesucristo lal. 4 Bautizar la qjuis tjajay na, tecyaꞌlequecj jinwá Jesucristo lal, cupj mpes toc jinwatsja Jesucristo mpes toc jinwá. Cupj qjuis Papay Dios jas tjijyünsa Jesucristo, tüpüꞌü niswá. Tsjay ꞌüsüs la tjiji Dios. Bautizar la qjuis tepyala na, nin la tjiji wa cupj qjuilal. Qjuisin tjijyünsa jinwá cupj. Mpes quina ca la mijicj Dios jos jin. 5 Tꞌücꞌ way cupj Jesucristo jutsꞌaꞌá; tecyaꞌlequecj jinwá qjuis tepyala Jesucristo lal, mpes nin qjuis tepyala cupj. Dios jas tjijyünsa Jesucristo, tüpüꞌü jupj niswá. Mpes tꞌücꞌ wa ca qjuisin müjünsüs wa. 6 Selecj cupj tecyaꞌlequecj jinwá Jesucristo lal. Mpes quina ma lijicj püna la tjijicj jin. Dios la qjuisiji ma quelel lijicj püna la tjijicj jin. Mpes ma nin lijicj. Püna malala quelel lijictsja la pꞌin. Nin tulucj quinam. 7 Nun popa pjaní tepeꞌe na, ma malala quelel liji jupj quinam. 8 Tꞌücꞌ way tecyaꞌlequecj jinwá Jesucristo lal. Mpes pyonecj ca mpatjaquecj jupj lal. 9 Pyonecj Dios jas tjijyünsa Jesucristo, tüpüꞌü niswá. Lovin ma mpaꞌis

El Nuevo Testamento en Tol de Honduras, 2da ed. ©2010, Wycliffe Bible Translators

457

ROMANOS 6

ca niswá. Ma polel peꞌe quinam. 10 La pjaní tepeꞌe Jesucristo. Tepeꞌe cupj malala la tjijicj mpes. Ma mpaꞌis ca niswá. Quina nyucunú jupj. Dios jos pꞌin jin liji. 11 Nin pꞌiyá, najas nujola nsem nun nasa tacaꞌliqué jinwá quinam, mpes ma malala la müjí niswá. Niswá nyucunucj jinwá qjuis tepyala, Dios jos jin qjuis la jay. Nin qjuis tepyala quinam Jesucristo la tjiji mpes. 12 Tꞌücꞌ way ma tacaꞌliqué custjay. Newa nin, ma ca malala nyuca la müjí quinam. Nun quelel malala lojí na, Dios jos ma nin lojí. Mpes ma nin la müjí quinam. 13 Po ma malala la müjí. Po ma malala la müjí nun jis mas mpes, ma wa malala la müjí nun jis tsjam mpes, ma wa malala la müjí nun jis pꞌüy mpes. Dios jos jin la müjí la pꞌin. Nun tacaꞌliqué jinwá. Quina Dios la nutjiji nun niswa potjaqué jinwá. Mpes ꞌüsüs la müjí nun jis mas mpes. Nun jis tsjam mpes wa ꞌüsüs la müjí. Nun jis pꞌüy mpes wa ꞌüsüs la müjí. Nin jos Dios. 14 Quina ma lovin malala nyuca la müjí. Yas nam nun quelel la tjüjí Moisés* tjijyüꞌtá Dios mpes. Mopꞌin nusapj quelel lojitsja niná. Nusapj ma polel lojitsja. Mpes lovin malala nyuca la tjüjitsja. Quina Dios nucopj pꞌyaꞌsa, mpes nin polel lojí jupj jos jin.

Quina ꞌüsüs pꞌin quelel lijicj.

15 Ca

nacj pꞌa mvelecj ca: “Dios pajal ꞌüsüs la qjuis tjiji. Quina ꞌücj ma lijicj Moisés* tepyaca jin. Mpes ꞌücj malala nyuca lijicj.” Malala nin javelepj. 16 Nun solejé gente quelel lajay, lovin nin lajay. Ma polel lajay pꞌa casá. Nepénowa malala quelel lajay, mpes lovin nin lajay. Yupj ca ncaꞌlin̈, ca mal ꞌawa püné ntꞌa. Nepénowa quelel lajay Dios jos jin, lovin nin lajay. Yupj ca ꞌüsüs nsem Dios lal. 17 Püna malala la tjüjí nun. Lovin nin quelel malala lojitsja. Nin tulucj quinam. Napj wüiꞌis Dios lal, tꞌücꞌ way nusin tjiꞌyüsa quinam. Quina lovin po quelel lojí nusin tjiꞌyüsa jin. 18 Ma quelel malala nyuca lojí quinam. Quelel lojí quinam ꞌüsüs pꞌin Dios jos jin. 19 Napj ne nin velé, ꞌücj nusin lo ꞌüsüs nun. Püna pꞌin nun jis mas mpes lovin malala la tjüjí. Püna pꞌin nun jis tsjam mpes lovin malala la tjüjí. Püna pꞌin nun jis pꞌüy mpes lovin malala la tjüjí. Nun quelel lojitsja malala la pꞌin. Quina nun jis mas mpes lovin ꞌüsüs la müjí Dios jos jin. Quina nun jis tsjam mpes lovin ꞌüsüs la müjí Dios jos jin. Quina nin jis pꞌüy mpes lovin ꞌüsüs la müjí Dios jos jin. Nin lojí na, nun Dios jutsꞌaꞌá nu pyala. 20 Lovin malala la tjüjitsja na, ma ꞌüsüs lojitsja Dios jos jin. 21 Tꞌücꞌ way ꞌüsüs tulucj nu tepyala nin la tjüjí mpes. Quina nu myayca malala

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 6, 7

458

la tjüjí mpes. Gente nin pꞌiyá lajay na, ncaꞌlin̈ ca, ca mal ꞌawa püné ntꞌa. 22 Quina ma quelel malala lojí niswá. Quina lovin quelel lojí Dios jos jin. Mpes ꞌüsüs nu pyala quinam. Nin lojí Dios jos jin. Mpes lovin ca mpatjaqué jupj lal. 23 Gente malala lajay na, malala se palá. Ca ncaꞌlin̈, ma ca mpatjam Dios lal. Gente lovin polel mpatjam Dios lal, jupj liji mpes. Ma jaylacj lajay niná. Jupj nin liji yupj mpes, yupj jisas na Jesucristo. Jupj cupj qjuis Jepa Püné.

Cupj tecyaꞌlequecj jinwá quinam, ma ca malala la mijicj.

7

1 Jepapan jajütütj na, gente nin lajay yupj jajütütj. Ma nin lajay, ꞌücj jis capj jatül jepapan. Natjampan, nun solejé tsjan tjüjütütj jepapan. Nun solejé yom püꞌü na pꞌin, más ꞌücj nin liji jepapan tjüjütütj jin. Tepeꞌe na pꞌin, ꞌücj ma nin liji yupj tjüjütütj jinwá. 2 Nin mpes quepj ma polel jama pꞌa yom lal, jupj voyum püꞌü na pꞌin. Jepapan tjüjütütj ma ca nin la mijis. Voyum tepeꞌe na pꞌin, ꞌücj quepj ma liji yupj tjüjütütj jinwá. ꞌÜcj jama. 3 Ca nacj quepj niná quelel jama pꞌa yom ntꞌa. Ma tepeꞌe custjay voyum. Jupj jama jupj voyum newa püꞌü na pꞌin, malala nin. La pꞌa ca mvelecj voyum tulucj lal wine jupj. Pꞌa casá ca nsem jupj voyum tepeꞌe na. Jupj tepeꞌe na, ꞌücj jama pꞌa yom ntꞌa. Jepapan ma tjüjütütj ma polel jama quinam. Jupj pꞌa yom ntꞌa jama na, ma malala liji jama mpes. 4 Natjampan, nin pꞌiyá nun jilal. Nun Jesucristo mpes toponé na, tacaꞌliqué jinwá nu tepyala Jesucristo lal. Püna Moisés* tjijyüꞌtá, nun jis vayum jinwatsja. Nin tulucj quinam. Nun tacaꞌliqué jinwá quinam, mpes ꞌücj wa la pꞌa jutsꞌaꞌá nsem nun. Tꞌücꞌ way quina nun Jesucristo jutsꞌaꞌá. Dios jas tjijyünsa Jesucristo, tüpüꞌü niswá. Quina ꞌücj polel ꞌüsüs lijicj Dios mpes. 5 Yas nam ma qjuisastsja Jesucristo. Cupj qjuisastsja pꞌin nin la tjijicj. Pajal malala la tjijicj. Moisés tepyaca mpes, qjuisin tjiꞌyüsa Dios jostsja ma nin lijicj. Nina qjuisin tjiꞌyüsa mpes, cupj sin nin quelel la tjijictsja Dios ma jostsja jin. Cupj sin nin quelel la tjijictsja. Nin mpes léquetsja ꞌawa püné ntꞌa. 6 Quina tecyaꞌlequecj jinwá qjuis tepyala, mpes ꞌücj ma lijicj pjü way Moisés tepyaca jin. Dios nin la tjiji cupj mpes. Yas nam quelel lijictsja Moisés tjevele jin. Quina nin lijicj Dios jos jin cupj nin qjuisas mpes; Dios Cjües nin la qjuisiji.

Moisés tjijyüꞌta mpes, qjuisin ꞌyüsa malala lijicj.

7 Nepénowa

javelepj ca nacj: “Moisés* tepyaca mpes malala”. Nin tulucj. Moisés tepyaca mpes napj nin tjiꞌyüsa malala lejay napj. Moisés El Nuevo Testamento en Tol de Honduras, 2da ed. ©2010, Wycliffe Bible Translators

459

ROMANOS 7

tepyaca: “Ma jyas nsem la pꞌa jatatj”. Mpes napj nin tjiꞌyüsa malala nin, najas na la pꞌa jatatj. 8 Niná nin tjiꞌyüsa na, po najastsja la pꞌa jatatj. Malala napj, mpes nin tepyala. Moisés tepyaca ma qjuisin tjiꞌyüsa na, ma selectsja malala la tjijictsja. 9 Napj tsjictsja na ma seletsja pjü way Moisés tepyaca mpes. Mpes ma seletsja malala la tjejaytsja. Pꞌa jawas nin tjiꞌyüsa Moisés tepyaca Dios mpes. Napj jus nleytsja malala pꞌin quelel lejaytsja napj. Jus nleytsja lovin más malala quelel lejaytsja napj. Napj ntipüꞌí jinwatsja. 10 Tꞌücꞌ way Moisés tepyaca tsjan niná Dios jostsja cupj ca nin la mijicj. Gente nin lajay na pjü way jupj tepyaca jin, lovin ca mpatjam yupj. Mopꞌin napj ma polel la tjejay niná. Mpes ntipüꞌí jinwá. 11 Napj nólatsja ꞌüsüs nin la tjejaytsja Moisés tepyacá. Mopꞌin ma nin la tjejaytsja. Napj la tsyawil jinwá la tjejay napj pꞌiyá lal. Tꞌücꞌ way ma nin la tjejaytsja Moisés tepyacá. Niná jus nleytsja na, ntipüꞌí jinwá ntepalá napj malala la tjejay mpes. 12 Nin mpes nin velé Moisés tepyaca Dios jostsja jin. Dios tjijyüꞌta tsjan niná jupj jostsja gente la mijicj, nin tepyaca Moisés. Niná tepyaca po tꞌücꞌ way. Nin tepyaca ꞌüsüs. 13 Pasal ꞌüsüs way Moisés* tepyacá. Ntipüꞌí jinwá ntepalá ma nin la tjejay mpes; Moisés tepyaca mpes nin tepyala tulucj. Malala napj, mpes ntipüꞌí jinwá ntepalá. Nin tjiꞌyüsa Moisés tepyaca mpes. Nin tjiꞌyüsa mpes, lovin más malala quelel la tjejaytsja napj. Mpes ntipüꞌí jinwá ntepalá. Napj pꞌiyá malala mpes nin. Nin tjiꞌyüsa pajal malala napj, Moisés tepyaca mpes. Nin tjiꞌyüsa pajal malala la tjejay napj, Moisés tepyaca mpes. 14 Selecj Moisés* tepyaca Dios tjevele jin. Jupj tepyaca ꞌüsüs; napj ne malala. Yom pꞌin napj. Malala lejay. Napj lejay napj najas pꞌin. Malala lejay pꞌin. 15 Napj ma selé ꞌonin ne nin lejay napj lejay jin. ꞌÜsüs quelel lejay mopꞌin ma nin lejay. Ma malala quelel lejay, mopꞌin nin lejay. 16 Tꞌücꞌ way napj nin lejay napj pꞌiyá ma najas napj nin lejay. Mpes napj velé wa ꞌüsüs way Moisés tepyacá. Moisés tepyaca tsjan niná Dios jos cupj lijicj. Napj quelel lejay Dios jyüꞌta jin. 17 Newa malala lejay. Nin lejay napj najas mpes tulucj. Malala napj, mpes nin lejay. 18 Napj lejay na napj najas jinwá, selé ꞌüsüs way tulucj napj. Nin selé ꞌüsüs tulucj nin lejay, mpes selé ꞌüsüs tulucj napj. ꞌÜsüs quelel lejay; mopꞌin ma polel ꞌüsüs lejay napj. 19 ꞌÜsüs quelel lejay mopꞌin ma lejay niná. Ma malala quelel lejay; newa nin lejay. 20 Tꞌücꞌ way napj lejay ma quelel lejay jin. Jupj sin nin lejay niná; ma najas. Malala napj, mpes nin lejay niná.

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 7, 8

460

21 ꞌÜsüs

quelel lejay na, malala lejay; malala napj, ne nin. Nin tjiꞌyüsa lovin nin pyala. 22 Tꞌücꞌ way po ꞌücj najas Moisés* tepyaca mpes. Tepyaca Dios tjevelá. 23 Mopꞌin ma lejay jupj jos jin. Nin tjiꞌyüsa pꞌa casá ne palá lovin. Po ma najas niná ne palá. Malala napj, mpes lovin malala lejay; nin ne palá. Pꞌa casá ma polel lejay. 24 Mpes pasal ꞌaplijila napj. Malala napj, mpes tꞌücꞌ way ni püꞌí. Newa pajal ꞌüsüs ne palá; napj selé la pꞌa polel ncapj pꞌyaꞌsa. 25 Napj wüiꞌis Dios lal Jesucristo ꞌücj ncapj pꞌyaꞌsa. Jupj cupj qjuis Jepa Püné. Niswa quelel velé napj lovin quelel lejay Dios tjevele jin; mopꞌin nenéyawa lejay napj najas pꞌin. Napj nin lejay na, malala nyuca lejay.

8

Dios Cjües qjuis capj pꞌyaꞌsa ꞌücj la mijicj Dios jos jin.

1 Quina

se con̈cocj Jesucristo. Mpes Dios ma qjuis capj ntülüs. Tꞌücꞌ way malala cupj. Püna la tjijicj cupj qjuisastsja jin. Nin tulucj quinam. Dios Cjües qjuis capj pꞌyaꞌsa Dios jos jin la mijicj. 2 Tꞌücꞌ way malala napj. Yas nam lovin malala la tjejaytsja napj. Jumtsja ꞌawa püné ntꞌa. Quina napj se con̈ Jesucristo, mpes quina ma neꞌaj jum ꞌawa püné ntꞌa. Lovin mpüꞌüs ca Dios lal. Jupj Cjües nin pꞌiyá liji pjü way Jesucristo sa con̈ jilal. 3 Pjü gente ma polel lajaytsja pjü Moisés* tepyacá. Mpes pjü gente ma ꞌüsüs jis tepyala, nin la tjajay na Moisés tepyaca jin; yupj ma la tjajay pjü way jupj tepyacá. Dios la tjiji mpes cupj ꞌüsüs qjuis tepyala Dios lal. Jas tjejyama Jatjam nosis ntꞌa, ne yom tepyala jupj. Jupj Jatjam jas tjiꞌyǘsatsja tsjan yólatsja gentá. Jas tjiꞌyǘsatsja ꞌonin ne nin malala lajay. Dios jas tjejyama Jatjam la mas malala la tjijicj mpes. Jupj la tjiji mpes, quina polel lijicj jupj jos jin. Malala cupj, mopꞌin ma lijicj cupj qjuisas jin quinam. Cupj polel lijicj Dios jos jin. 4 Dios jostsja tꞌücꞌ way nin lijicj Moisés lal tjevele jin, mpes nin la tjiji jupj. Jupj tjevele pajal ꞌüsüs. Jupj Cjües qjuis capj pꞌyaꞌsa ne nin lijicj jupj tjevele jin. Quina ma lijicj cupj pꞌiyá qjuisas jin. 5 Pülücj nin lajay yupj jisas jin. Yupj sin nin quelel lajay niná yupj jisas mpes. Mopꞌin nepénowa Dios Cjües jos jin lajay. Jupj jis capj pꞌyaꞌsa. Yupj quelel lajay Dios Cjües jos jin la pꞌin. 6 Pajal pülücj nin quelel lajay yupj jisas pꞌin. Nin lajay ca mal ꞌawa püné ntꞌa. La pꞌa wa quelel lajay Dios Cjües jos jin. Yupj ca mpatjam Dios lal. Ma ca yola nsem pjü mpes. 7 Tꞌücꞌ way nepénowa quelel lajay yupj jisas pꞌin. Po ma quelel lajay Dios tjevele jin. Ma lajay Dios tjevele jin. Ma polel nin lajay. 8 Yupj nin lajay yupj jisas pꞌin, mpes Dios ma wüiꞌi yupj lajay mpes.

El Nuevo Testamento en Tol de Honduras, 2da ed. ©2010, Wycliffe Bible Translators

461

ROMANOS 8

9 Nun

ma lojí nujisas jin; tꞌücꞌ way Dios Cjües püꞌü nujisas moꞌó, mpes nun ma lojí nun jisas jin. Dios Cjües jos jin quelel lojí. Dios Cjües ma jisas moꞌo jáꞌasa, yupj Jesucristo jutsꞌaꞌá tulucj. 10 Nun ne jupj jutsꞌaꞌá. Jesucristo püꞌü nujisas moꞌó. Nun ꞌüsüs Dios lal, Dios la nutjiji, mpes ꞌücj jatja nun jis qjues. Nupꞌüy ncaꞌlin̈ pꞌin, malala la tjüjí mpes. 11 Tacaꞌliqué na, nusin müjünsǘ, niswa mpatjaqué Dios Cjües mpes. Dios Cjües püꞌü nujisas moꞌó. Jesucristo tepeꞌe na, Dios jas tjijyünsa, tüpüꞌü niswá. Nin pꞌiyá ca nsem nun jis lal, Dios Cjües nujisas moꞌo püꞌü mpes. 12 Mpes más ꞌücj nin lijicj Dios Cjües jos jin. ꞌÜcj ma lijicj cupj qjuisas jin. 13 Ca nacj nun lovin quelel lojí nun nujisas jin la pꞌin. Mpes ncaꞌliqué ca, nlawú ca ꞌawa püné ntꞌa. Nun ma nin lojí ca nacj. Nun ma quelel malala lojí niswá nujisas jin. Dios Cjües nucopj pꞌyaꞌsa, ma quelel malala lojí. Mpes ca mpatjaqué Dios lal. 14 Gente lajay na Dios Cjües jos jin, tꞌücꞌ way Dios tsꞌuyupj yupj. 15 Yas nam locj jeyatsja nun. Lovin locj jeyatsja nun. Nin tulucj quinam. Quina ma locj jeyá. Dios Cjües la nutjiji nun Dios tsꞌuyupj nu tepyala. Mpes ꞌücj velecj Dios lal: “Jipj cupj qjuis Papay”; nin polel velecj Dios Cjües nin liji mpes cupj qjuilal. 16 Dios Cjües lovin qjuis wala vele tꞌücꞌ way Dios tsꞌuyupj cupj. 17 Tꞌücꞌ way Dios tsꞌuyupj cupj. Dios ꞌüsüs liji jupj tsꞌuyupj pjü way mpes. Nin pꞌiyá ꞌüsüs la mijis wa cupj mpes, cupj jupj tsꞌuyupj mpes. Nin pꞌiyá ca ꞌüsüs la qjuis mijis, Jesucristo lal ꞌüsüs la tjiji jinwá. Quina gente malala lajay cupj qjuilal, Jesucristo lal la tjajay jinwá. Dios la tjiji Jesucristo pajal püné tepyala; nin pꞌiyá más püné nsem cupj jupj mpes.

18 Tꞌücꞌ

Dios ca ꞌüsüs la mijis cupj mpes.

way pꞌa jawas Dios ca ꞌüsüs la mijis cupj mpes, jupj püné mpes. Po ma nola malala qjuesé palá quinam. Ma nola gente malala nyuca lajay quinam cupj qjuilal. Qjuisas Jesucristo, mpes ma nola. 19 Dios pjü la tjiji. Pjü animal la tjiji. Yo pjü la tjiji. ꞌAmá pjü la tjiji wa. Pjü po jisas len̈ way ca ꞌüsüs la mijis Dios jupj tsꞌuyupj mpes. Ca pjü jus nlayecj yupj ne Dios tsꞌuyupj. 20 Pjü la tjiji Dios. Malala jis tepyala pjü jilal. Nin tepyala yupj jisastsja mpes tulucj. Dios tjevele ca nin mpalas, mpes nin tepyala quinam. Pꞌa jawas ꞌüsüs ca jis mpalas niswá. 21 Dios la tjiji pjü cyaꞌlin̈, pjü mojo. Malala se palá pjü jilal. Pꞌa jawas ma nin mpalas ca. Dios ca ꞌüsüs la mijis pjü way jupj tsꞌuyupj jilal. Nin jawas pꞌiyá, ꞌüsüs ca jis mpalas Dios la tjiji jilal. Ma ca ncaꞌlin̈ niswá, ma ca majam quinam. Ma malala jis mpalas niswá.

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 8

462

22 Dios

la tjiji pjü; selecj pjü jisas ma malala jis mpalas niswá. Pjü pajal vyaja javelepj jinwá quinam, way tsjicj quelel myaꞌna jinwá. Püna mpes nintsja; newa nin. 23 Nin wa cupj qjuilal. Dios qjuis tjeꞌyaya jupj Cjües. Püꞌü qjuisas moꞌó. Ninana mwalá way Dios qjuesé ꞌaya. Vyaja velecj wa cupj; po qjuisas len̈ way Dios mveles cupj jupj tsꞌuyupj. Qjuisas len̈ way qjuisin müjünsüs, qjuisí manú qjuis la pütꞌüs jupj lal. 24 Tꞌücꞌ way pꞌa jawas ca mpatjaquecj Dios lal. Ma nin tepyala custjay, nin pꞌin selecj ca nin mpalas. Ma nin tepyala custjay, mpes li nucucj. Nin tepyala na, ma ca la nucucj. 25 Ma nin tepyala custjay, mpes li nucucj. Po qjuisas ca nin mpalas. Newa li nucucj; newa ꞌüsüs lijicj Dios jos jin. 26 Nenéyawa ma polel ꞌüsüs lijicj Dios jos jin. Mpes Dios Cjües qjuis capj pꞌyaꞌsa. Dios lal velecj na, ma selecj tsjan cüvelem cupj. Mpes Dios Cjües vele Dios lal cupj mpes. Pajal ꞌüsüs vele Dios lal. Cupj ma polel velecj jupj vele jin. 27 Dios selé cupj qjuiyola jin. Jupj selé niná jupj Cjües nin jos mpes. Jupj Cjües nin vele jupj lal jupj tsꞌuyupj mpes. Jupj vele Dios jos jin jupj gente mpes. 28 Pülücj quelel lajay Dios. Dios lis tꞌya yupj. Jis capj tjepꞌyaꞌsa jis la pon jupj lal. Jupj jostsja ca nin nsem. Mopꞌin malala se palá yupj nenéyawa. Nin se palá na, selecj Dios pajal jis capj pꞌyaꞌsa; nin mpes ꞌüsüs se palá yupj, niná malala jis tepyala mpes. 29 Dios lovin seletsja pjacj ca jisas nsem Jesucristo. Nosis cjuwatsja na, jupj nin tjevele yupj jupj Jatjam jinwá nsem. Mpes Jesucristo jüpülücpan jis tepyala yupj. Jesucristo Dios Jatjam mwalá way jupj, más püné way jupj, mopꞌin gente pülücj Dios tsꞌuyupj jis tepyala wa yupj. Nin jostsja Dios. 30 Dios tjevele jupj Jatjam jinwá nsem yupj. Mpes Dios lis tꞌya. Mpes yupj ꞌüsüs quinam jupj lal, nin la tjiji. Noypan yupj quinam, nin lis tjiji.

31 Niná

Jesucristo mpes selecj Dios pajal quelel la qjuisiji.

mpes pꞌa wa polel velé napj. Dios qjuis capj pꞌyaꞌsa, mpes pjü ma malala polel lajay cupj qjuilal. 32 Dios jas tjejyama jupj Jatjam nosis ntꞌa la mas cupj mpes. Ma tjevele po ma jutja. Tꞌücꞌ way jas tjejyama. Nin la tjiji mpes tꞌücꞌ way pjü way ca qjuis maꞌayas. 33 Dios la qjuis tꞌya. Dios pꞌiyá tjevele cupj ꞌüsüs quinam; nin mpes pjü ma polel jatꞌ javelepj Dios lal cupj poꞌó. 34 Pjü ma polel javelepj Dios lal malala cupj. Jesucristo ma nin vele jupj. Jesucristo tepeꞌe malala nyuca la tjijicj mpes. Jupj jas tjijyünsa la pütꞌüs niswá. Jupj pajal püné, mpes jupj Popay Dios liꞌinyampe jáꞌasa. Jupj vele Dios lal cupj

El Nuevo Testamento en Tol de Honduras, 2da ed. ©2010, Wycliffe Bible Translators

463

ROMANOS 8, 9

mpes. 35 Jesucristo quelel la qjuisiji. Pjü ma polel lajay ne Jesucristo ma quelel la qjuisiji. Lovin ca quelel la qjuis mijis. Ca nacj malala ca qjuis mpalas. Ca nacj pasal ca mvajas cupj qjuilal, ca pasal qjuiyola nsem. Ca nacj gente ca malala la qjuis mijicj, Jesucristo qjuisas mpes. Ca nacj pasal vecj ncaꞌlequecj. Ca nacj pülül pjaní pꞌin nsem, pülücj cjuwá. Ca nacj pꞌa ca quelel qjuis müꞌüꞌnas cupj. Ca nacj yupj ca nin la mijicj, ncaꞌlequecj. Mopꞌin Jesucristo ca quelel la qjuis mijis lovin. 36 Dios Popel vele: “Jipj mpes, pjü jyawca la pꞌa wa quelel qjuesé jaꞌünan cupj. Malala la qjuesejay. Gente oveja* sa ꞌünan jinwá quelel lajay cupj qjuilal. Jisas ncaꞌlequecj”, Dios Popel nin vele. 37 Tꞌücꞌ way pasal malala qjuesé palá; mopꞌin pajal ꞌüsüs qjuesé palá Jesucristo mpes. Más ꞌüsüs se con̈cocj jupj quinam, malala tepyala mpes. Po qjuisas Jesucristo, jupj qjuis capj pꞌyaꞌsa mpes. Pasal quelel la qjuisiji. 38-39 Jesucristo cupj qjuis Jepa Püné. Jupj mpes selecj Dios quelel la qjuisiji. Cyaꞌlequecj na nin pꞌiyá. Pyatjaquecj na nin pꞌiyá. Malala qjuis tepyala na nin pꞌiyá. Pꞌa jawas ca nin pꞌiyá nsem. Newa Dios ca quelel la qjuis mijis. Angelpan* ma polel lajay ne Dios ma quelel la qjuisiji. La pꞌa wa jay la pꞌaꞌá ntꞌa, nin pꞌiyá. Jepapan yupj, ꞌücj jis la jütütj la pꞌa; newa nin. Jepa malalapan ma polel lajay ne Dios ma quelel la qjuisiji. Jay la pꞌaꞌá poꞌo patja nin pꞌiyá, ꞌamá ꞌalá patja nin pꞌiyá; ma polel lajay ne Dios ma quelel la qjuisiji. Pjü way Dios la tjiji popé, cjuwá tsjan ca nin la cüjay ne Dios ma quelel la qjuisiji. Dios lovin ca quelel la qjuis mijis.

9

1 Napj

Dios jostsja judiopan mponecj jupj lal.

se con̈ Jesucristo, mpes ca nun jis wala mvelé tsjan tꞌücꞌ way. Ma ca la ntsawil napj. Napj selé tꞌücꞌ way ca nun jis wala mvelé. Dios Cjües najas moꞌo püꞌü, jupj nawala vele tꞌücꞌ way velé napj. 2 Nun jis wala velé napj pajal ꞌaplijila. Napj pasal nola lovin la pꞌa wa judiopan* mpes. Napj yupj sin popa. 3 Napj ꞌüsüs Dios lal; Jesucristo jutsꞌaꞌá napj. Mopꞌin la pꞌa wa judiopan malala Dios lal; Jesucristo jutsꞌaꞌá tulucj yupj. Napj quelel jis capj pꞌyacj. Más ꞌücj napj lal Dios ncapj ntülüs, Dios ma jis capj ntülüs yupj. Más ꞌücj napj lal napj Jesucristo jutsꞌaꞌá tulucj, yupj Jesucristo jutsꞌaꞌá nsem. Ma polel nin lejay napj yupj mpes. 4 Judiopan yupj. Püna yupj Dios tsꞌuyuptsja,

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 9

464

Dios lis tjiji. Yupj ntꞌa tjacꞌ na, pasal tjejyawca jupj mpes, tjunuc yupj. Jis wala tjevele tsjan la mijis gente jis lal. Wola tjevele Moisés* lal tsjan jostsja gente la mijicj. Jas tjejyama Moisés nin la veles yupj jis lal. Jis wala tjevele tsjan la mijicj Dios wo* ntꞌa. Jis wala tjevele pꞌa jawas Yom pjaní ncuwim jis capj la pꞌacj. 5 Püna judío noypan tapatja. Judiopan quina patja yupj sin popa pꞌiyá püs naya patja. Cristo yupj sin pópatsja wa püs naya tüpüꞌü. Yom tepyala jupj. Más ꞌücj pjü gente lovin ꞌüsüs javelepj Dios poꞌó. Jupj jyüꞌta jun taꞌá. Amén. 6 Tꞌücꞌ way Dios tjevele tsjan la mijis judiopan* mpes. Dios ma la tsyawilí. La tjiji jupj tjevele jin. Judiopan pülücj Dios jutsꞌaꞌá tulucj la pꞌin. 7 Abraham* tsꞌuyupj popa pꞌiyá püs naya tapatja pülücj waytsja yupj. Mopꞌin yupj nepenowá Abraham jinwá tulucj. Dios sa con̈ tulucj yupj. Nin mpes Dios tjevele Abraham lal: “Napj le tꞌa jetjam Isaac tsꞌuyupj sin popa pꞌin; yupj jipj tsꞌuyupj sin popa nsem napj lal”. 8 Mpes qjuisin ꞌyüsa Abraham tsꞌuyupj sin popa pülücj Dios tsꞌuyupj tulucj. Abraham popa pjaní tepyala Dios tjevele mpes pꞌin. Niná Abraham popa Dios lal. Jupj tsꞌuyupj sin popa Abraham sin popa Dios lal, mpes ꞌüsüs se palá yupj. 9 Niná Dios tjevele Abraham lal. Tjevele: “Año pjaní tepyala na, ca ncuwis. Jipj jetsꞌom, Sara, maꞌnus ca yom tsjicj”, Dios nin tjevele Abraham lal. 10 Abraham* jatjam Isaac lotsja. Jupj püna tüpüꞌü, cupj jupj popa pꞌiyá püs naya pyatjaquecj. Abraham jatjam pjaní la tꞌya Dios. Jupj ne Isaac. Isaac jatsꞌom Rebeca lotsja. Tsjictjacj matꞌe tjemyaꞌna. 11-12 Dios pjaní pꞌin la tꞌya. Jupj jostsja jin, nin la tꞌya. Tjevele Rebeca lal: “Jetjam mwalá tsjiꞌ la mijis jetjam pjyapja mpes”. Dios jostsja ca nin mpalas jupj jostsja jin, mpes nin tjevele jupj lal. Dios nin tjevele sejamay way tsjictjacj jáꞌasatsja na pꞌin. Tsjictjacj malala la tjajay tulucj, ꞌüsüs la tjajay tulucj custjay. Dios pjaní la tꞌya, tsjicj niná la tjiji mpes tulucj. Pjaní la tꞌya jupj jostsja mpes pꞌin. 13 Dios Popel vele: “Napj quelel la tjajay Jacob. Esaú po ma najastsja.” 14 Nepénowa ca mvelecj ca nacj: “Dios pjaní la tꞌya jupj jostsja mpes pꞌin; la pꞌa ma la tꞌya. Malala la tjiji Dios.” Nin javelepj malala. 15 Dios tjevele Moisés* lal: “Nepénowa napj ca quelel jis capj mpꞌacj. Mpes napj ca jis capj mpꞌacj yupj. Nepénowa jilal napj ꞌüsüs quelel lejay. Mpes ca ꞌüsüs la mejay yupj jilal”, Dios nin tjevele Moisés lal. 16 Mpes qjuisin ꞌyüsa Dios lis tꞌya gente yupj jisas mpes tulucj. Lis tꞌya yupj lajay mpes tulucj. Lis tꞌya jupj pꞌiyá quelel jis capj mpꞌaꞌsas mpes. 17 Dios Popel vele Dios tjevelá egiptopan* jis jepa lal. Tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

465

ROMANOS 9

“Gente ca jus nlayecj pajal püné way napj. Niná jus nlayecj ca, napj ca la mya jay mpes. Jun taꞌá gente ca sin müꞌüsüs napj nin poꞌó. Nin ca sin müꞌüsüs napj ca la mya jay mpes. Nin mpes nin la tjejay jipj jepa tepyala”, Dios nin tjevele jupj lal. 18 Mpes qjuisin ꞌyüsa Dios quelel jis capj pꞌyaꞌsa nepenowá. Yupj jis capj pꞌyaꞌsa. La pꞌa gente nin quelel lajay yupj jisas jin la pꞌin, egiptopan jis jepa jinwá. Mpes Dios ma quelel jis capj pꞌyaꞌsa. Lovin nin lajay yupj jisas jin. Ma lajay Dios jos jin. 19 Ca nacj nun popa pjaní napj lal mveles: “Dios ma jis capj pꞌyaꞌsa nepenowá. Mpes malala Dios nin vele malala la tjajay yupj. Yupj nin lajay jupj jostsja mpes pꞌin. Pꞌa casá ma polel lajay.” 20 Pꞌa casá nola napj. Napj ca mvelé jupj lal tsjicj way jupj, malala Dios lal tjevele niná. Dios la tjiji jupj, mpes malala jupj vele Dios lal niná. Yom tsjoꞌoy liji na, ꞌamá ma jyüꞌta yom lal. Ma vele ꞌonin ne nin la ntjejay. 21 Tsjoꞌoy tsꞌyawa jupj jos jin liji ꞌamá lal. ꞌAmá pjaní way popa tsjoꞌoy nepénowa tsꞌyawa. Nepénowa cꞌa tulucj liji. ꞌÜcj ꞌotsꞌotsꞌ way la jon. Malala jupj, pjaní pꞌin jaylacj. Nepénowa cꞌa way liji, ꞌüsüs yustapj, pülücj jaylacj. 22 Nin pꞌiyá Dios lal. Jupj pjü gente la tjiji. ꞌÜcj liji jupj jos jin yupj jis lal. Yupj nepenowá malala lajay lovin. Püna Dios tjevele ca pjü malala jis mpalas yupj. Dios quelel jis capj tyüla malala lajay, ne nin ca la mijis. Nin mpes ca gente nucucj jupj po ma jos yupj malala lajay, ca nucucj wa pajal püné way jupj. Mopꞌin nin, ma nin liji custjay. Jupj li nucú, jupj quelel ꞌüsüs liji mpes. 23 Gente pꞌa wa quelel lajay Dios jos jin. Dios jis capj pꞌyaꞌsa. Jos jus nlay pajal ꞌüsüs way jupj, püné way wa. Püna nosis cjuwatsja na, jupj tjevele ꞌüsüs ca la mijis yupj mpes. 24 Nin mpes Dios qjuis capj pꞌyaꞌsa. La qjuis tꞌya. Cupj nepénowa judiopan*. Nepénowa judiopan tulucj. 25 Oseas tepyaca Dios tjevele jin. Niná Dios Popel. Tepyaca: “ ‘Nepénowa játjatsja, yupj napj natsꞌaꞌá tuluctsja. Quina napj ca mvelé yupj napj natsꞌaꞌá. Nepénowa játjatsja, ma quelel lis tjejay napj. Quina napj ca mvelé napj quelel la sejay.’ 26 Yupj tjatja ntꞌa, jupj jis wala tjevele: ‘Nun napj negente tulucj’. Neꞌaj pꞌiyá, ca mveles nun Dios jatjampan. Jupj ne püꞌü lovin.”

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 9

466

Oseas nin tepyaca. 27 Isaías tepyaca judiopan* sin poꞌó. Tepyaca: “Israel püna tüpüꞌü. Judiopan jupj tsꞌuyupj popa pꞌiyá püs naya tapatja. Pasal pülücj yupj. Sus pe tsjictjacj pasal pülücj ꞌüsǘ la ntꞌa. Nin pꞌiyá judiopan pasal pülücj lyawun̈. Mopꞌin nepénowa pꞌin Dios ca jis capj mpꞌaꞌsas. 28 Qjuis Jepa Dios tjevele jupj ca jis capj ntülüs nosis casá patjá. Mpes tꞌücꞌ way ca nin la mijis jupj tjevele jinwá. Pasal len̈ way ca nin la mijis.” Isaías nin tepyaca. 29 Isaías pꞌa wa tepyaca wa. Nin ca mpalas jupj tepyacá. Tepyaca: “Pjü tecyaꞌlin̈ Sodoma poꞌó, Gomorra poꞌó ꞌotsꞌipj. Mpes yupj sin popa pꞌiyá len̈ quinam. Newa pasal ꞌüsüs Dios. Mpes ma ca nin mpalas judiopan* jilal. Yupj jis tsꞌuyupj popa pꞌiyá püs naya mpatjam wa, Dios nin la mijis ca nin mpalas. Dios más püné pjü jilal. Jupj angelpan* si jütüta.” Isaías nin tepyaca.

Tꞌücꞌ way judiopan ma topon Jesucristo mpes pyatjaquecj.

30 Napj

ca mpac tsjan najas nun nusin ꞌyüsa mpes. Judiopan* tulucj ma yólatsja ncu ꞌüsüstsja yupj Dios lal. Quina yupj ꞌüsüs Dios lal, nin jis tepyala Dios lis tjiji. Yupj topon jupj tjevele jin, mpes nin la tjiji jupj. 31 Judiopan la tjajay Moisés* tjevele pꞌin. Yólatsja ꞌüsüs nsem yupj Dios lal nin la tjajaytsja mpes. Newa ma polel lajaytsja pjü way Moisés tjevelá. 32 Napj ca nun jis wala mvelé ꞌonin ne nin tepyala, yupj ma ꞌüsüs jis tepyala Dios lal. Yupj ma topon yupj ꞌüsüs nsem Dios lal, Dios lal japon na. Yupj topon yupj ꞌüsüs nsem Dios lal nin la tjajay na Moisés tjevele jin. Mopꞌin ma nin jis tepyala yupj. Pe mpes tepejon̈ jinwá jis tepyala. Ma neꞌas tjil Dios ntꞌa. Jesucristo niná pwen jinwá. 33 Dios Popel vele: “Tjapjaꞌaqué nun. Napj la tꞌya yom pjaní pajal ꞌüsüs. Pe ꞌüsüs jinwá jupj, ꞌücj jas la jünsüs wosis. Sión* ntꞌa jas müjünsüs nawá, napj ntsꞌuyupj patja ntꞌa. Nepénowa pejon̈ niná pe poꞌó,

El Nuevo Testamento en Tol de Honduras, 2da ed. ©2010, Wycliffe Bible Translators

467

ROMANOS 10

yupj ma japon mpes. Pe niná si tülüna liji. Nin tulucj jupj lal japon jis lal. Dios lovin ma ca mveles yupj malala.” 1 Natjampan, po najas judiopan* ꞌücj ca mpatjam Dios lal. Po le mon Dios lal ca nin nsem. 2 Napj selé yupj po quelel lajay Dios jos jin. Mopꞌin nin ma ꞌüsüs sin tjiꞌyüsa tsjan jos Dios. 3 Ma sin ꞌyüsa gente ꞌüsüs Dios lal se palá, Dios liji mpes pꞌin. Yupj yola ꞌüsüs nsem yupj Dios lal yupj pꞌiyá lajay mpes. Ma lajay Dios jos jin, mpes newa malala yupj Dios lal. 4 Yupj jisas yupj ꞌüsüs nsem Dios lal. Nin jisas yupj lajay na Moisés* tepyacá. Mopꞌin ma nin se palá Moisés tepyaca jin lajay mpes; ma polel lajay pjü way jupj tepyaca jin. Quina yupj ꞌüsüs polel nsem Dios lal nin japon na Dios tjevelá Jesucristo poꞌó. 5 Moisés* tepyaca tsjan niná Dios jostsja gente la mijicj. Tepyaca gente ꞌüsüs se palá Dios lal nin lajay na jupj tjijyüꞌtá. Tepyaca: “Niná lajay na, ꞌücj ca mpatjam Dios lal”. 6 Dios vele pꞌa mpes ca gente ꞌüsüs se palá jupj lal; yupj japon mpes ca nin nsem. Jupj vele: “Ma tjowelé nunwá Dios püꞌü ntꞌa nlawú Cristo ncunú nosis ntꞌa. Ma polel la müjí ne nin. 7 Ma tjowelé nunwá nun nlawú tecyaꞌlin̈ ntꞌa la mpalá Cristo.” 8 Jupj vele: “Nun nasa nusin tjiꞌyüsa napj tjevelé. Nun welé napj tjevelé. Nun nujola niná.” La pꞌa jilal nin velecj Dios tjevele jin. Jupj tjevele gente japon na Cristo lal, ꞌüsüs nsem yupj jupj lal. 9 Dios jos nun welé Jesucristo Jepa Püné. Jupj jos nun poné jupj jas tjijyünsa Jesucristo, nyucunú tepyala jupj niswá. Nin lojí na, ca mpatjaqué Dios lal. 10 Nun poné na, Dios la nusiji ꞌüsüs nsem nun jupj lal. La pꞌa jilal welé na nin poné, ca mpatjaqué nun Dios lal. Nin mpes ca nin nsem. 11 Dios Popel nin vele: “Nepénowa jupj lal japon. Dios lovin ma ca mveles yupj malala”. 12 Yupj nepénowa ca judiopan* nsem. Nepénowa ca judiopan tulucj nsem. Qjuis Jepa Jesucristo Jepa jupj pjü way yupj mpes. Nin pꞌiyá yupj jupj lal. Judiopan jilal pasal ꞌüsüs la siji, nin la mon na. Nin pꞌiyá liji judiopan tulucj jilal. 13 Dios Popel vele: “Yupj la mon Dios lal jupj ca perdonar lis mijis qjuis Jepa Püné ꞌüsüs la tjiji mpes, tꞌücꞌ way Dios ca perdonar lis mijis. Lovin ca mpatjam jupj lal. Pjü nin lajay, pjü ca mpatjam jupj lal”, Dios Popel nin vele. Nin liji judiopan jilal, judiopan tulucj jilal ꞌotsꞌipj. 14 ꞌÜcj polel la mon, nin topon na Dios tjevele qjuis Jepa Jesucristo poꞌó. ꞌÜcj polel japon, sin tjiꞌyüsa na jupj tjevele mpes. ꞌÜcj polel sin ꞌyüsa, la pꞌa niná jis walapꞌaꞌa javelepj na. 15 ꞌÜcj yupj jis walapꞌaꞌa javelepj, la pꞌa sin

10

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 10, 11

468

tjajam na. Dios Popel vele: “Gente javelepj tsjan niná Dios pajal ꞌüsüs la tjiji gente mpes. Yupj jiquil na nin la veles, jis tsjam ꞌüsüs yustapj jinwá cupj qjuis lal yupj tjiquil mpes.” Dios Popel nin vele. 16 Pasal pülücj ma jisastsja yupj tjowelepj. Isaías nin tepyaca. Isaías profétatsja* jupj. Ninana jupj tjevele Dios lal: “Yupj ma topon cupj tjevelecj jipj mpes”, nin tepyaca. 17 Mpes qjuisin ꞌyüsa, mwalá way gente sin ꞌyüsa Dios tjevelá qjuis Jepa Jesucristo poꞌó. Sin tjiꞌyüsa na nin japon. Sin ꞌyüsa Dios tjevelá, pꞌa jis wala javelepj na Jesucristo poꞌó. 18 Ca nacj nepénowa javelepj judiopan* ma tjepjyacan̈ Dios tjevelá qjuis Jepa Jesucristo poꞌó. Tꞌücꞌ tjepjyacan̈ yupj. Dios Popel vele: “Gente jun taꞌá patja, nin tjepjyacan̈ yupj tjowelepj. Niná tjowelepj jun taꞌá.” Dios Popel nin vele. 19 Ca nacj nepénowa javelepj judiopan* ma sin tjiꞌyüsa yupj tjepjyacan̈ mpes. Sin tjiꞌyüsa yupj. Moisés* tjevele Dios tjevele jin. Dios tjevele: “Nun ca majamaqué judiopan tulucj jilal, napj ca la numejay. Nun ca tsꞌi miꞌiná yupj jilal, napj ca la numejay. Yupj ma ca jus nlayecj napj nin poꞌó, mopꞌin napj ca ꞌüsüs lis mejay, ne tsꞌi miꞌiná nun.” Dios nin tjevele. 20 Isaías tjevele wa Dios tjevele jin. Ma lecj tjeyá tjevele niná Dios mpes. Dios tjevele: “Gente nepénowa ma la na paltsja; mopꞌin la nyüjüsün̈ napj lal. Ma la tjomon napj ncuwis yupj ntꞌa; mopꞌin napj lay ntepalá yupj jilal.” Dios nin tjevele. 21 Dios tjevele wa judiopan sin poꞌó. Tjevele: “Lovin jis walapꞌaꞌa la tjemyay napj, jis la cuwis yupj. Yupj ꞌüsüs nsem napj lal nin quelel la sejaytsja napj. Newa yupj ma quelel lajay napj najas jin. Lovin ma pjyacan̈ napj velé.” Dios nin tjevele judiopan sin poꞌó.

11

1 Mpes

Dios ꞌüsüs liji wa judiopan mpes.

nepénowa javelepj ca nacj Dios ma jos jupj gente. (Jupj gente judiopan* yupj.) Yupj javelepj tꞌücꞌ tulucj. Napj selé jupj El Nuevo Testamento en Tol de Honduras, 2da ed. ©2010, Wycliffe Bible Translators

469

ROMANOS 11

jos napj. Judío napj. Abraham* tsꞌuyupj popa pꞌiyá püs naya püꞌüs wa napj. Benjamín tsꞌuyupj popa pꞌiyá püs naya püꞌüs napj. 2 Dios jos jupj gente custjay. Püna lis tꞌya nosis cjuwatsja na. Newa nin jos yupj custjay. Nun solejé Dios Popel vele Elías* poꞌó. Elías tjevele Dios lal judiopan sin poꞌó. Tjevele yupj lajaytsja ꞌüsüs tulucj. 3 Tjevele: “Judiopan tjüꞌünan jipj profetapan*. Jipj lal tjaꞌayapj ntꞌa, pe palá tsꞌi, jis tecyawaja la tjajay. Quina napj pꞌin najas jipj. Quelel na ꞌünan wa napj quinam”, Elías nin tjevele Dios lal. 4 Nun nujola pyala Dios wola tjevele Elías lal. Tjevele: “Siete mil po jisas napj custjay. Jis tjejyamá napj ne yupj jisas napj custjay. Lovin ma jis ticꞌ jin tjijyünsünün̈ yupj Baal ntꞌa, Baal Dios tulucj jupj”, Dios nin tjevele Elías lal. 5 Newa nin quinam. Dios lis tꞌya wa judiopan* nepénowa. Lis tꞌya jupj nin jostsja mpes. 6 Tꞌücꞌ way Dios lis tꞌya jupj nin jos mpes pꞌin. Lis tꞌya yupj ꞌüsüs lajay mpes tulucj. Nepénowa javelepj jupj lis tꞌya yupj la tjajay mpes. Nin tulucj. Nin javelepj na, javelepj Dios jupj sin jos mpes tulucj lis tꞌya yupj. 7 Mpes qjuisin ꞌyüsa judiopan* po jisastsja yupj ꞌüsüs nsem Dios lal, pajal yólatsja yupj niná jisastsja mpes. Mopꞌin ma nin jis tepyala. Yupj sin popa nepénowa pꞌin Dios lis tꞌya, ne ꞌüsüs jis tepyala yupj Dios lal. Jupj la tjiji la pꞌa witjacj ma polel sin tjiꞌyüsa tꞌücꞌ way. 8 Dios Popel vele: “Dios la tjiji yupj lovin jinan̈ jinwá. Mpes ma sin ꞌyüsa tsjan niná yupj januc, ma polel sin ꞌyüsa yupj pjyacan̈. Newa nin custjay.” Dios Popel nin vele. 9 David* tjevele wa yupj sin poꞌó. Tjevele: “Yupj la pülücj fiesta lajay Dios mpes. Yola Dios ꞌücj jos yupj mpes. Yola mpes ca ma sin müꞌüsüs tꞌücꞌ way. Najas yupj jis fiesta walan ꞌalama jinwá nsem yupj jis lal. Najas ca malala jis mpalas yupj, yupj lajay mpes. Nin ca jis mpalas yupj malala la tjajay mpes. 10 Najas yupj ma ca polel sin müꞌüsüs tꞌücꞌ way. Lovin ca la mijicj Moisés* tjijyüꞌtá la pꞌin. Costa way niná. Mpes lovin pasal tꞌü ntjamacj jinwá ca nsem.” Dios nin tjevele.

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 11

470

Dios la siji judío tulucj ꞌüsüs se palá wa jupj lal.

11 Nepénowa

nin javelepj ca nacj, judiopan* ma jisastsja Jesucristo, mpes Dios lovin ma ca jos nsem judiopan pjü. Niná tꞌücꞌ tulucj. Judiopan ma jisastsja Jesucristo, mpes Dios la tjiji judiopan tulucj ꞌücj mpatjam jupj lal. Jupj jostsja judiopan jyamanan̈, mpes nin la tjiji jupj. 12 Judiopan ma la tjajaytsja Dios jostsja jin. Mpes Dios pasal ꞌüsüs lis tjiji judiopan tulucj jilal. Judiopan ma ꞌüsüs jis tepyala Dios lal. Mpes wa Dios pasal ꞌüsüs lis tjiji judiopan tulucj jilal. Pꞌa jawas Dios ca la mijis más ꞌüsüs mpalas judiopan tulucj jilal. Nin ca la mijis judiopan pjü way ꞌüsüs se palá na Dios lal. 13 Quina quelel pyac judiopan* tulucj mpes la pꞌin. Apóstol* napj nun mpes. Dios nin tjejyama la veles nun jilal jupj mpes. Niná Dios jos napj lejay, po ꞌüsüs niná. Nin velé judiopan jilal. 14 Judío napj. Najas judiopan jyamanan̈ nin januc na Dios ꞌüsüs la nusiji. Mpes ca jisas nsem wa Jesucristo ca nacj, ne yupj ꞌücj ca mpatjam wa Dios lal, Dios ca nin lis mijis. 15 Tꞌücꞌ way judiopan ma topon Dios jostsja jin. Mpes Dios ma jostsja yupj. Jupj jostsja judiopan tulucj. Yupj jupj jomicapan jis tepyala. Pꞌa jawas ca jos nsem judiopan niswá. Yupj tecyaꞌlin̈ jinwá quinam. Pꞌa jawas janucun jinwá ca nsem, Dios ca lis mijis. 16 Judiopan* pan püm jinwá yupj. Pan püm popé tsjicj way jaꞌayapj Dios mpes, mpes pan püm jas tüpwes Dios jutsꞌaꞌá. Nin pꞌiyá yo lal. Tsꞌüil Dios jutsꞌaꞌá, mpes pjwel jas tüpwes Dios jutsꞌaꞌá. 17 Yo olivo* mpes ca mvelé. Judiopan jupj pjwel witjacj jinwá. Jupj pjwel witjacj pülücj nasa tꞌyüjü. Dios ma ꞌüsüs liji judiopan nenem jilal quinam. Yo olivo qjuisiyas moꞌo ton̈ca, jupj pjwel witjacj tꞌyüjü, tequeꞌe, sey tyoꞌna olivo ꞌüsüs ntꞌa, tjiꞌyüꞌsa. Mpes ꞌüsüs se palá niná pjwel witjacj, yupj olivo ꞌüsüs popa jis tepyala mpes quinam. Nun judío tulucj. Nun qjui pjwel jinwá. ꞌÜsüs nu pyala quinam. Dios tjevele jupj ca ꞌüsüs la mijis judiopan jilal, nin pꞌiyá ca la mijis nun jilal. 18 Nin mpes najas ma nujola nsem nun más ꞌüsüs judiopan jilal. Nun nin welé nun más ꞌüsüs yupj jilal ca nacj. Malala nin. Nujola tapalas, pjwel witjacj pꞌin jinwá nun. Judiopan tsꞌüil jinwá yupj. Pjwel witjacj si tꞌünǘ tsꞌüil mpes. Tsꞌüil pjwel witjacj mpes tꞌyüna tulucj. 19 Ca nacj nun mvelé ca: “Yo ꞌüsüs jupj pjwel witjacj Dios tjiꞌyula. Judiopan* pülücj niní pjwel witjacj jinwá. Malálatsja yupj. Pꞌa pjwel witjacj Dios tequeꞌe, sey tyoꞌna la tjiji. Ni pjwel witjacj jinwá cupj. Cupj más ꞌüsüs yupj jilal”, ca nacj nin mvelé ca nun. Malala nin welé.

El Nuevo Testamento en Tol de Honduras, 2da ed. ©2010, Wycliffe Bible Translators

471

ROMANOS 11

20 Tꞌücꞌ

way Dios yo ꞌüsüs jupj pjwel witjacj tjiꞌyula. Judiopan pülücj niní pjwel witjacj jinwá. Yupj ma topon jupj tjevele jin, mpes Dios ma ꞌüsüs la siji quinam. Pjwel witjacj la pꞌa sey tyoꞌna la tjiji. Ni pjwel witjacj jinwá nun. Dios ꞌüsüs la nusiji nun poné mpes la pꞌin, jupj tjevele poꞌó poné. Mopꞌin ma nujola nsem nun pꞌiyá noypan. ¡ꞌIn tjajama nun! 21 Tꞌücꞌ way yo ꞌüsüs pjwel witjacj tꞌyüjü Dios. Judiopan niní pjwel witjacj jinwá. Dios ma ꞌüsüs la siji quinam. Pjwel witjacj la pꞌa sey tyoꞌna la tjiji Dios. Ni pjwel witjacj ꞌücj polel tꞌyüjü wa nin jos na. Ni pjwel witjacj jinwá nun. Dios lal ma poné na, ma ca ꞌüsüs la numijis. 22 Najas nusin ꞌyüsa Dios ꞌüsüs liji gente mpes. Mopꞌin nin, po jis capj tyüla nepenowá. Nepénowa ma quelel japon quinam Dios lal. Dios jis capj tyüla yupj. Ma nin liji nun jilal; ꞌüsüs la nusiji, jupj tjevele jin poné mpes. Ca nacj pꞌa jawas ma ca mponé nsem Dios lal. Mpes ma ꞌüsüs la numijis niswá. Nun yo pjwel tꞌyüjü witjacj jinwá nsem. 23 Judiopan* pjwel witjacj tꞌyüjü jinwá. Dios polel sey tyoꞌna la siji, mpes ꞌüsüs jis mpalas niswá. Judiopan niswa japon na, Dios ꞌüsüs lis mijis niswá. 24 Yo olivo* qjuisiyas ton̈ca, jupj pjwel witjacj Dios tꞌyüjü. Sey tyoꞌna la tjiji olivo ꞌüsüs lal. Costa way ni pjwel witjacj ꞌüsüs nsem; mopꞌin Dios polel liji ca nin nsem. Nun ni pjwel witjacj jinwá. Olivo ꞌüsüs jupj pjwel witjacj Dios tꞌyüjü. Dios polel sey tyoꞌna liji niswá, ne ꞌüsüs nsem yupj niswá. Ni pjwel witjacj olivo ꞌüsüs jutsꞌaꞌá pꞌiyá, mpes costa tulucj. Judiopan* ni pjwel witjacj jinwá.

Tꞌücꞌ way pꞌa jawas judiopan ꞌüsüs nsem Dios lal, nin la mijis jupj.

25 Natjampan,

Dios la tjiji judiopan* tꞌücꞌ way ma polel sin ꞌyǘsatsja. Pꞌa jawas tꞌücꞌ ca sin müꞌüsüs. Quina judiopan tulucj pülücj ca jisas nsem Dios. Yupj pjü topon na Dios lal, judiopan tꞌücꞌ way ca polel sin müꞌüsüs niswá; Dios ca la mijis ca nin nsem. Yas nam pjü ma salejeptsja tsjan la mijis Dios judiopan jilal, judiopan tulucj jilal ꞌotsꞌipj. Najas nun jus nlayé jupj nin la siji yupj jilal. Najas jus nlayé, mpes ma mvelé ca nun más ꞌüsüs judiopan jilal. 26 Judiopan ca mpatjam Dios lal, jupj ca lis mijis ca nin nsem. Dios Popel vele: “Yom pjaní ncuwim jocꞌ mpe, jocꞌ Sión* ló. Judiopan ꞌüsüs nsem Dios lal, nin lis mijis. Ma ca quelel malala la mijicj niswá,

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 11, 12

472

nin la mijis jupj. mpes, ma ca nola nsem malala nyuca la tjajay. Püna napj tjevelé nin ca la mejay.” Dios Popel nin tjevele. 28 Judiopan* ma topon Dios tjevele jin Jesucristo poꞌó. Mpes yupj ma ꞌüsüs Dios lal. Nin mpes ꞌüsüs nu tepyala. Newa nin, Dios quelel la siji judiopan; püna lis tꞌya yupj. Püna tjevele judiopan mwalá jilal nin la mijis judiopan mpes. 29 Dios lis tꞌya judiopan, jis tjeꞌyaya wa yupj jilal. Lovin ma ca mveles malala nin lis tꞌya. 30 Yas nam nun ma la tjüjí Dios jostsja jin. Mopꞌin nin, Dios nucopj tjepꞌyaꞌsa; jupj la nutjiji nun ꞌüsüs quinam jupj lal. Judiopan ma la tjajay jupj jostsja jin, mpes Dios ꞌüsüs la nutjiji. 31 Quina judiopan ma lajay Dios jos jin. Mopꞌin Dios ca jis capj mpꞌaꞌsas wa yupj, jupj nucopj tjepꞌyaꞌsa mpes. 32 Tꞌücꞌ way pjü judiopan, pjü judiopan tulucj ꞌotsꞌipj, ma la tjajay Dios jos jin. Pjü way ꞌüsüs tulucj Dios lal. Dios sin ꞌyüsa liji pjü way yupj ma lajay jupj jos jin. Jupj quelel jis capj pꞌyaꞌsa pjü way, mpes nin liji jupj. Nin jisas na nin liji. Dios la siji yupj ꞌüsüs se palá jupj lal.

27 Jupj

Más ꞌücj ꞌüsüs velecj Dios poꞌó.

33 Dios

pajal ꞌüsüs way liji gente jis lal. Jupj lovin selé ꞌonin ꞌüsüs way liji yupj jis lal. Pjü selé jupj. La pꞌa ma sin ꞌyüsa tsjan mpes nin liji lijá. Dios vele nin la mijis, pjü ma sin ꞌyüsa tsjan mpes nin la mijis. 34 Dios Popel vele: “Pjü way ma sin ꞌyüsa tsjan jola qjuis Jepa Dios. Pjü ma salejepj Dios selé jin. Ma polel javelepj tsjan más ꞌücj la mijis jupj. 35 Pjü gente ma polel jaꞌayapj Dios lal. Pjü jupj jutsꞌaꞌá. Dios ma level liji pjü jilal.” Dios Popel nin vele. 36 Dios pjü la tjiji. Jupj liji wa pjü ꞌücj patja. Pjü way jupj mpes la tjiji. Pjü ca jus nlayecj püné way jupj. Najas pjü way ꞌüsüs javelepj Dios poꞌó lovin. Najas ca nin nsem.

12

Pablo pyaca tsjan jos Dios ca cupj la mijicj.

1 Qjuisin

ꞌyüsa Dios ꞌüsüs la tjiji cupj mpes. Dios nucopj tjepꞌyaꞌsa; nun ꞌüsüs jupj lal quinam la nutjiji jupj. Mpes po El Nuevo Testamento en Tol de Honduras, 2da ed. ©2010, Wycliffe Bible Translators

473

ROMANOS 12

najas nun ꞌoyá nun pꞌiyá Dios lal. Yom animal ꞌyaya na Dios lal, pjü ꞌyaya, Dios jutsꞌaꞌá nsem. Nin pꞌiyá, najas nun ꞌoyá nun pꞌiyá Dios lal. Pjü lojí, Dios mpes la müjí. Jupj jos jin la müjí pꞌin. Nin lojí na, tꞌücꞌ way nujola püné way jupj. Tꞌücꞌ way quelel lojí jupj. 2 Ma la müjí Dios ma jisas lajay jinwá. Lovin nujola tꞌas Dios jos jin, mpes ma ca quelel la müjí yupj jisas jinwá. Mpes ca polel sin müꞌüsüs Dios jos jin. Jupj jos pasal ꞌüsüs way. Lojí na jupj jos jin, ꞌücj jos jupj. Más ꞌücj lojí jupj jos jin. 3 Dios pasal ꞌüsüs way la tjiji napj mpes. Nin tjejyama la veles nun jilal. Mpes nun jilal velé jupj jos ma nujola nsem nun pꞌiyá noypan. Dios qjuis tjeꞌyaya cupj qjuilal ne ꞌücj polel lijicj jupj jos jin. Niná mpes pꞌin po nujola tꞌas. Dios jos nin nujola. 4 Pjü way cupj jüpꞌüy pjaní jinwá. Mopꞌin mos jana, tsjom jana wa, pülücj jana jüpꞌüy poꞌó. Mos ma liji tsjom jinwá. Tsjom ma liji mos jinwá. Jun ma liji pjotsꞌ jinwá. Ma nin pꞌiyá lajay yupj. 5 Nin pꞌiyá, cupj pülücj. Mopꞌin ꞌa mulú tsjiꞌ lijicj Jesucristo mpes. Cupj pjü way Jesucristo jutsꞌaꞌá, mpes cjay pjaní jinwá cupj. Mopꞌin pꞌa casá lijicj. 6 Cupj polel tsjiꞌ lijicj Dios mpes, jupj Cjües qjuis tjeꞌyaya mpes. Ma nin pꞌiyá polel lijicj pjü; Dios qjuis tjeꞌyaya pjü pꞌa casá ꞌücj lajay, jupj quelel la qjuisiji mpes. Jupj qjuis tjeꞌyaya ꞌücj lijicj, más ꞌücj nin lijicj. Nepénowa ꞌücj polel javelepj Dios mpes, jupj jis tjeꞌyaya mpes. Más ꞌücj yupj niná javelepj. Nepénowa japon Dios jos pülücj javelepj. La pꞌa japon Dios jos tsjicj way pꞌin javelepj. Más ꞌücj yupj javelepj yupj yola jin. 7 Dios jis tjeꞌyaya nepénowa ꞌücj polel jis capj japꞌacj la pꞌa. Mpes más ꞌücj jis capj japꞌacj la pꞌa. Dios jis tjeꞌyaya nepénowa ꞌücj polel sin ꞌyüsa lajay. Mpes más ꞌücj sin ꞌyüsa lajay. 8 Dios jis tjeꞌyaya nepénowa ꞌücj javelepj la pꞌa jilal más ꞌücj ca yupj la mijicj Dios jos jin. Mpes más ꞌücj lovin nin javelepj. Dios jis tjeꞌyaya nepénowa ꞌücj polel jaꞌayapj la pꞌa jilal nin jisas na. Mpes ꞌüsüs way pülücj jaꞌayapj. Dios jis tjeꞌyaya nepénowa ꞌücj jajütütj Dios tsꞌuyupj. Mpes más ꞌücj ꞌüsüs jajamapj Dios tsꞌuyupj. Nepénowa ꞌaplijila se palá, malala se palá na la pꞌa. Dios jis tjeꞌyaya mpes, yupj ꞌüsüs polel jis capj japꞌacj. Más ꞌücj wiꞌin̈ jis capj japꞌacj na. 9 Más ꞌücj nun pjü quelel la sojí la pꞌa. Mpes ca ꞌüsüs la müjí la pꞌa jilal. Po ma ca nujola nsem malala mpes. Lovin ca nujisas nsem tsjan ꞌüsüs way. 10 Dios tsꞌuyupj nun jis pülücpan jinwá, mpes lovin pajal quelel lis müjí yupj. Pasal ꞌüsüs way mvelé la pꞌa poꞌó. Ma ꞌüsüs mvelé nun pꞌiyá poꞌó. 11 Ma nu mpjasas nun. Yümücj tsjiꞌ la tjüjí qjuis Jepa

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 12, 13

474

Jesucristo mpes. Lovin nin la müjí jupj jos jin. 12 Solejé ꞌüsüs ca nu mpalas, Dios ca nin la mijis nun mpes. Mpes lovin ꞌücj nujisas tꞌas mpatjaqué nun. Pajal malala nu pyala na, newa ꞌüsüs la müjí Dios jos jin. Lovin tjowelé Dios lal. 13 Dios tsꞌuyupj jisas na, jis maꞌayá. Dios tsꞌuyupj campa jiquil na, jis maꞌayá jis la las yupj, jis maꞌayá wa jinan̈ nun jis wa ntꞌa. 14 Gente malala nyuca la nusejay na, la tjomoná Dios lal jupj ca ꞌüsüs la mijis yupj jilal. Ma tjowelé malala la mijis yupj jilal. 15 La pꞌa ꞌücj jisas na, ꞌücj nujisas wa tꞌas nun yupj ꞌücj jisas mpes. La pꞌa ꞌaplijila na, ꞌaplijila wa tꞌas nun yupj ꞌaplijila mpes. 16 Najas nun pjü way nin pꞌiyá nujola nsem. Po ma la mveꞌlé nunwá. Ma nujola nsem nun más ꞌüsüs la pꞌa jilal. Tjowelé nun cjuwá jilal, jis capj tocon̈ca nun. Ma nujola nsem pasal solejé nun. 17 Gente malala la nusejay na, ma malala la müjí yupj jilal. Gente januc nun lojí. Mpes ꞌin tjajama ꞌüsüs la müjí lovin. 18 Ma la mveꞌlé nun la pꞌa jilal. Ma la mpaꞌná pjü jilal. Tꞌücꞌ way la pꞌa ca quelel la velel nun jilal. Ca quelel la palan wa nun jilal. Po ma mwalá way la tjoweꞌlé nun. Ma ca quelel la mpaꞌná nun. 19 Natjampan, gente ca malala nyuca la numijis. Dios ca jis capj ntülüs malala lajay mpes. Dios jos nun ma malala lojí yupj jilal. Dios Popel vele: “Malala la tjajay, mpes malala ca jis mpalas; nin ca la mejay napj. Napj pꞌiyá ca nin la mejay, qjuis Jepa Dios nin vele.” 20 Dios Popel vele tsjan jos jupj ca cupj la mijicj yupj mpes. Vele: “Nepénowa ma jisas jipj. Newa ꞌüsüs la mijin. Vecj cyaꞌlin̈ na, jis tjeꞌyaya jis la las. ꞌÜsǘ sive na, jis tjeꞌyaya myüꞌün̈ yupj. Nin lejay na, ca jis maycas yupj malala la tjajay mpes.” Dios Popel nin vele. 21 Gente malala lajay nun jilal. Ca nacj nun malala quelel lojí yupj jilal. ¡Po ma la tjüjí nun! Gente malala lajay na nun jilal, lovin ꞌüsüs la müjí yupj mpes.

13

1 Más

La tjüjí jepapan jajütütj mpes.

ꞌücj pjü nin lajay jepapan jajütütj jin. ꞌÜcj jis la jütütj Dios se ꞌaya jajütütj mpes. Nin pꞌiyá pjü jepapan jis lal. Quina jepa pülücj jajütütj. Dios la tjiji mpes pꞌin ꞌücj nin lajay yupj. 2 Nepénowa ma lajay yupj jis jepapan tjüjütütj. Mpes yupj ma wa jisas Dios la tjijá. Tꞌücꞌ way niná; pjü jepapan ꞌücj jajütütj Dios se ꞌaya jajütütj mpes la pꞌin. Yupj se jütütj ma lajay yupj jajütütj jinwá, jepapan ca jis capj ntülücj.

El Nuevo Testamento en Tol de Honduras, 2da ed. ©2010, Wycliffe Bible Translators

475

ROMANOS 13

3 Gente

ꞌüsüs lajay na, ma lacj jeyapj jepapan jilal. Gente ma lajay na jepapan tjüjütütj jin, ꞌücj lacj jeyapj jepapan jilal; jepa ꞌücj jis capj ntülüs. Nun ma quelel locj jeyá jepapan jilal, mpes ꞌüsüs la müjí. ꞌÜsüs lojí na, yupj ca mvelecj ꞌüsüs nun. 4 Niná jepapan Dios jomozopan. ꞌÜsüs nu pyala yupj lajay mpes. Malala lojí na, más ꞌücj locj jeyá nun yupj jilal. Noypan yupj, ꞌücj ca nucopj ntülücj. Yupj Dios jomozopan. Dios jos yupj jis capj jatül malala lajay. Mpes gente malala lajay na, jepapan ca jis capj ntülücj. Dios pꞌiyá la tjiji yupj ꞌücj jis capj la tül malala lajay. 5 Mpes más ꞌücj nin lojí yupj tjüjütütj jinwá. Nun ma jisas yupj ca nucopj ntülücj. Nun solejé wa niná más ꞌücj nin lojí. 6 Tꞌücꞌ way yupj jepapan, Dios la tjiji mpes. ꞌÜsüs lajay ꞌüsüs lajay jilal. Jis capj jatül malala lajay jilal. Mpes impuesto la mon na, más ꞌücj jaylacj lojí. 7 Yupj la mon la müjí. Impuesto pjü jaylacj la tjüjí yupj javelepj na. Yupj noypan jin nujola tꞌas; ꞌüsüs tjowelé yupj sin poꞌó.

8 Level

Quelel lis müjí la pꞌa wa.

lojí na, lovin jaylacj la müjí. Nepénowa javelepj ꞌona ca jaylacj la mijicj; newa ma nin lajay, lovin level lajay. Malala nin. Nun ma ca nin la müjí. Lovin quelel lis müjí neꞌaj patjá. Nun pꞌiyá quelel lojí jinwá, ca quelel lis müjí yupj. Quelel la sojí na, tꞌücꞌ lojí pjü way Moisés* tjijyüꞌtá. ꞌÜcj nin. 9 Dios Popel vele: “Najas niyom ma jamanun sejatsꞌom tulucj. Najas nequem ma jil jis vayum tulucj jilal. Ma müꞌüꞌná la pꞌa. Ma ca mpequem. Ma jyas nsem la pꞌa jatatj”, Dios Popel nin vele. Vele wa: “Quelel lis mijin neꞌaj patjá. Jipj pꞌiyá quelel la ꞌejay jinwá, ca quelel lis mijin yupj.” La pꞌa quelel lojí na, pjü way lojí Moisés tjijyüꞌtá. 10 La pꞌa quelel la sojí na, lovin ma malala lojí yupj jilal. Mpes ca jus nlayé la pꞌa quelel la sojí na, ꞌüsüs lojí pjü way Moisés tjevelá. 11 Nun solejé len̈ way nosis ncawajas ca. Mpes más ꞌücj nun lojí quinam pjü way napj tepyac jin. Ma la müjí Dios ma jisas lajay jinwá. Nun tapatjaqué, tjijinaquetsja jinwá. Nujola tapalas ca nin la müjí napj tepyac jin. Tꞌücꞌ way tepyonecj Jesucristo poꞌó. Mpes ca nlaca qjuis la pütꞌüs Dios lal. Tsꞌacꞌ pülücj tepyala quinam, mpes más len̈ way ca nlaca Dios ntꞌa quinam. 12 Gente pasal malala lajay. Püste ntꞌa patja jinwá yupj. Más ꞌüsüs ca mpalas pꞌa jawas. Len̈ way ca majawaques, Jesucristo jacꞌ mpes. Mpes más ꞌücj ma newa malala lijicj, püste ntꞌa patja lajay jinwá. Dios tsꞌuyupj jaw ntꞌa patja jinwá; yupj lajay Dios jos jin. Cupj Dios tsꞌuyupj, mpes más ꞌücj jupj jos jin lijicj cupj. 13 Cupj

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 13, 14

476

jaw ntꞌa pyatjaquecj jinwá, mpes más ꞌücj pjü lijicj Dios jos jin. Po ma fiesta ꞌataꞌa nun, nu lo müs mpes. Po ma fiesta ꞌataꞌa, nun se maná mpes. Dios ma jisas jamanun sejatsꞌom tulucj. Nequem nenem jil jis voyum tulucj jilal. Nin pꞌin quelel lajay. Ma la müjí yupj jinwá. Ma la tjoweꞌlé la pꞌa jilal. Po ma la tjajamanaqué nun. 14 Quina nun Jesucristo jutsꞌaꞌá, jupj ne cupj qjuis Jepa Püné. Mpes nun polel lojí Dios jos jin. Yas nam nun ma jisastsja Jesucristo. Nun pꞌiyá jisastsja jin, nin pꞌin la tjüjí. Pasal malala la tjüjí. Ma la müjí niná quinam.

14

Ma tjowelé malala lajay nun sejatjampan Jesucristo mpes. 1 Dios

tsꞌuyupj nepénowa ma ꞌüsüs sin tjiꞌyüsa custjay Jesucristo poꞌó. Yupj quelel jil nun ꞌa nusí mulú ntꞌa. Mvelé ꞌücj jiquil. Ma ꞌüsüs sin tjiꞌyüsa custjay Jesucristo poꞌó, mopꞌin ma la mveꞌlé yupj jilal nin japon mpes. 2 Japon pis ma polel jalá. Nun lojá pjü, nun poné pjü ꞌücj la las. 3 Pis ma jalá yupj. Mopꞌin ma mvelé yupj malala, pis ma jalá mpes. Nin pꞌiyá, najas yupj ma mvelecj nun malala, nun pjü lojá mpes. Nun ꞌüsüs Dios lal, jupj nin la nutjiji. 4 Dios jomozopan yupj. Dios yupj jis Jepa. Nun yupj jis jepapan tulucj. Más ꞌücj nun ma welé ncu malala yupj. Dios ca mveles ncu malala yupj. Tꞌücꞌ way ca Dios jos jin la mijicj yupj; qjuis Jepa Dios ꞌücj polel jis capj pꞌyaꞌsa, ne nin. 5 Judiopan* fiesta pülücj jatatj, ꞌa si mulú Dios mpes. Nun nepénowa judiopan; nin nujola ꞌücj wa ꞌa nusí mulú Dios mpes, nin jawas witjacj pꞌiyá. Nepénowa nun popa nujola ꞌücj tsꞌacꞌ la talata ꞌa nu mulus Dios mpes. Manas ꞌücj. Najas mponé tsjan mpes nujola niná. Nepénowa ma yola nun nujola jinwá. Ma tjowelé yupj malala. 6 Nepénowa javelepj más ꞌücj ꞌa si mulú nin jawas judiopan ꞌa si mulú na. Yupj yola qjuis Jepa Jesucristo jos yupj ca nin la mijicj. Mpes nin jawas ꞌa si mulú jupj mpes. ꞌÜsüs nin. La pꞌa wa javelepj tsꞌacꞌ la talata na ꞌücj ꞌa si mulú. Yupj yola ꞌüsüs niná qjuis Jepa Jesucristo lal. Mpes yupj ꞌa si mulú na, nin lajay wa qjuis Jepa Jesucristo mpes. ꞌÜsüs wa niná. Nepénowa javelepj pjü ꞌücj la las. Wiꞌin̈ Dios lal jalá mpes. Yupj yola yupj jalá qjuis Jepa Jesucristo jos jin. ꞌÜsüs nin. La pꞌa wa javelepj ma polel jis la las pjü. Wiꞌin̈ wa Dios lal yupj jalá mpes. Yupj yola yupj jalá qjuis Jepa Jesucristo jos jin. ꞌÜsüs wa niná. 7 Pjü way cupj lijicj, cupj mpes pꞌin nin lijicj tulucj. Ncaꞌlequecj ca cupj Dios tjevele nam. 8 Cupj nyucunucj na, cupj qjuis Jepa Jesucristo jutsꞌaꞌá cupj. Tecyaꞌlequecj na, newa jupj jutsꞌaꞌá nsem cupj. Nyucunucj, nin pꞌiyá, tecyaꞌlequecj na,

El Nuevo Testamento en Tol de Honduras, 2da ed. ©2010, Wycliffe Bible Translators

477

ROMANOS 14

nin pꞌiyá; mopꞌin jupj jutsꞌaꞌá nsem cupj. 9 Cupj pjü Jesucristo jutsꞌaꞌá. Nin mpes jupj tepeꞌe, nin mpes jas tjijyünsa, tüpüꞌü niswá. Nin mpes Jepa Püné jupj tecyaꞌlin̈ jilal, patja jilal ꞌotsꞌipj. 10 Mpes malala nin nun malala welé Dios tsꞌuyupj poꞌó yupj lajay mpes. Malala nun ma nujisas Dios tsꞌuyupj yupj pꞌa casá lajay mpes. Ma tjowelé ncu malala la tjajay la pꞌa. Dios nin mveles ca. Pꞌa jawas pjü Dios wolapꞌaꞌa nlüjün̈ ca. Jupj ca mveles ncu malala la tjajay. Nun ca wolapꞌaꞌa nlüjüqué wa. Nin ca mveles wa nun jilal. 11 Dios Popel vele: “Tꞌücꞌ way napj püꞌüs, nin vele qjuis Jepa Dios. Nin mpes pjü jis ticꞌ ca jin müjünsünün̈, ca palá mpiꞌtjin̈ yupj napj nawalapꞌaꞌá, nin vele Dios. Pjü way ca mvelecj Dios püné”, Dios Popel nin vele. 12 Mpes cupj pjü ca nlüjüquecj Dios wolapꞌaꞌá, wola la veles cupj la tjijicj mpes.

13 Mpes

Más ꞌücj la pꞌa ma malala liji nun lojí mpes.

ma malala tjowelé niswá la pꞌa mpes. Ma nin tjowelé yupj la tjajay mpes. Nujola tꞌas nun pꞌiyá ca ꞌüsüs la müjí. Nepénowa malala lajay, la pꞌa nin lajay mpes. ꞌIn tjajama nun lojí mpes. Najas gente ma malala lajay, nun lojí mpes. 14 Jesús cupj qjuis Jepa Püné, jupj mpes pülücj nin tjiꞌyüsa. Mpes napj selé pjü ꞌücj la las. Ve pꞌin jupj, pis pꞌin jupj; malala tulucj jupj. Mopꞌin nepénowa nin yola malala Dios lal pis jalá yupj. Mpes pis jalá na, malala lajay; yupj yola yupj malala lajaytsja, newa nin la tjajay. 15 Pis lojá nun ca nacj. Dios popa pꞌa wa nujus nyuca ca nacj. Jola Dios ma jos pis lojá. Mopꞌin lyaja wa jupj nun lojá mpes. Tjelyaja na pasal jola jupj. Pasal jola jupj malala la tjiji, nun la tjüjí jinwá la tjiji mpes. Mpes nun ma ꞌüsüs lojí jupj lal, pis lojá na; ma quelel lojí jupj. Dios popa niná ma ca jos nsem Jesucristo ca nacj, nun tjalajá mpes. Mpes más ꞌücj lovin ma nlajá pisis jupj nujus nyuca na. Nujola tꞌas Jesucristo tepeꞌe jupj mpes ꞌotsꞌipj. 16 Ca nacj la pꞌa javelepj nun lojí malala. Nun nujola ꞌüsüs nin lojí. Mopꞌin ma nin la müjí niswá. Mpes yupj ma ca mvelecj malala lojí. 17 Ma nujola tꞌas pwisis ma polel lojá mpes. Ma nujola tꞌas nun ma polel müsiqué mpes. Dios más ꞌüsüs liji nun mpes. Dios nu jyüꞌta mpes ꞌüsüs lojí jupj jos jin. Jupj nu jyüꞌta mpes nin pꞌiyá nujola, ne ma lo velelé nunwá. Mpes wa ꞌücj nujisas. Niná pjü way lojí Dios Cjües nucopj pꞌyaꞌsa mpes. 18 Dios tsꞌuyupj niná lajay na, tꞌücꞌ way tsjiꞌ lajay Jesucristo mpes. Dios pasal ꞌücj jos yupj jilal. Gente la pꞌa ꞌüsüs ca mvelecj yupj poꞌó.

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 14, 15

478

19 Mpes

gente javelepj na cupj malala lijicj, más ꞌücj niná lovin ma lijicj niswá. Mpes ma ca la mveꞌlecj yupj. Nin pꞌiyá ca yola nsem. Yupj ca más ꞌüsüs cus ncon̈cocj Jesucristo. 20 Dios popa nujus nyuca lojá ca nacj, mpes nin pꞌiyá lyaja jupj. Jupj jola Dios ma jos niná lyaja, mpes tꞌücꞌ way malala la tjiji niná tjelyaja na. Malala pajal nin tepyala nun tjalajá mpes. Dios liji jupj popa ꞌüsüs nsem; nun la tjüjí mpes malala la tjiji jupj. Tꞌücꞌ way pjü ꞌücj la las. Nin pꞌin la pꞌa malala nyuca jola na nun lojá mpes, malala niná lojá. 21 Ca nacj pis lojá, vino müsiqué. Dios popa pjaní ca nlajas wa ca nacj, nun tjalajá mpes. Vino ca müꞌüm ca nacj, nun tjümüsiqué mpes. Mopꞌin jupj ca jola nsem malala la tjiji ca nacj. Mpes más ꞌücj pis ma lojá, vino ma müsiqué. Ca nacj Dios popa pjaní ca nin la mijis, nun la tjüjí jin pꞌiyá. Jupj ca malala nyuca jola nsem nin la tjiji mpes. Mpes más ꞌücj ma lojí niná. 22 Nun welé nu lo las mpes, niná mvelé Dios lal la pꞌin. Ma ca mvelé niná pꞌa jilal. Ca nacj pjaní jola ꞌücj pjü la las. Mpes nin lyaja. Ma jola malala la tjiji. ꞌÜcj jos jupj. 23 Pꞌa jola pis malala la las. Mpes pis tjelyaja na, malala la tjiji. Jupj pyona malala Dios lal pis lyaja jupj, mpes malala la tjiji tjelyaja na. Nun nujola Dios jos ma nin lojí, ma nin la müjí quinam. Nun poné Dios jos ma nin lojí, mpes nin lojí na, malala lojí.

15

Nin la müjí la pꞌa jisas jin. Ma la tjüjí nujisas la pꞌin.

1 Pülücj

cupj nin pyonecj ꞌüsüs way pajal pülücj lijicj. Ma qjuiyola cupj lyajacj mpes. Ma qjuiyola wa la pꞌa casá. Dios tsꞌuyupj nepénowa ma yola cupj jinwá. Yupj ma lajay niná, más ꞌücj cupj ma wa ca nin la mijicj qjuiyus januc na. Cupj quelel lijicj, más ꞌücj ma nin lijicj. 2 Más ꞌücj la pꞌa ca ꞌücj jisas nsem cupj qjuilal. Mpes yupj pjü más ca jisas nsem Jesucristo. Mpes ꞌüsüs ca jis mpalas. 3 Tꞌücꞌ way Jesucristo ma la tjiji jupj pꞌiyá jostsja jin. Dios Popel vele jupj tjevelá. Vele: “Gente malala tjowelepj jipj lal. Mpes malala wa tjowelepj napj lal”, Dios Popel nin vele. Mpes qjuisin ꞌyüsa gente malala tjowelepj Jesucristo lal, jupj Dios jos jin la tjiji mpes. 4 Püna profetapan* tapac Dios mpes, cupj qjuisin ꞌyüsa la qjuis tjajay mpes tapac yupj. Yupj tapac, Dios Popel jupj. Niná tapac mpes jus nlayecj Dios pajal ꞌüsüs liji cupj mpes. Nin mpes ma pajal lecj jeyacj. Malala pyala na, newa lijicj Dios jos jin. Dios mpes tapac mpes, cupj selecj ꞌüsüs ca qjuis mpalas.

El Nuevo Testamento en Tol de Honduras, 2da ed. ©2010, Wycliffe Bible Translators

479

ROMANOS 15

5 Dios

qjuis capj pꞌyaꞌsa newa ꞌüsüs lijicj malala qjuesé palá na. Dios qjuis capj pꞌyaꞌsa mpes jus nlayecj jupj ꞌüsüs liji cupj mpes. Ma pajal lecj jeyacj. Najas jupj ca nucopj mpꞌaꞌsas nun pjü way lovin nin pꞌiyá ca nujola nsem nunwá. Niná Jesucristo qjuisin tjiꞌyüsa la tjiji jupj jos nin lijicj. 6 Nin pꞌiyá nujola na, nun pjü ꞌa mulú ꞌüsüs ca mvelé Dios poꞌó. Jupj Jesucristo Popay. Jesucristo cupj qjuis Jepa Püné.

7 Jesucristo

Judiopan tulucj sin ꞌyüsa wa Dios tjevelá.

tjüwüiꞌi cupj qjuilal. Nin pꞌiyá, najas nun mwiꞌiqué ca Dios tsꞌuyupj pjü way jilal, jiquil na nun ꞌa nusí mulú ntꞌa. Mpes gente ca ꞌüsüs mvelecj Dios poꞌó. 8 Cristo tjacꞌ nosis ntꞌa, judiopan* jis capj lo pꞌacj. Dios jostsja yupj ca jus nlayecj jupj nin liji jupj tjevele jin. Püna jupj tjevele judiopan mwalá jilal nin la mijis ca. 9 Cristo tjacꞌ ꞌüsüs la mijis wa judiopan tulucj jilal. Dios jostsja yupj ꞌüsüs mvelecj jupj poꞌó. Dios Popel vele: “Napj ca mvelé judiopan tulucj jilal pasal püné way jipj. Nejetsꞌes ca jipj mpes.” Dios Popel nin vele. 10 Vele wa: “Judiopan tulucj, lowa nun Dios gente ꞌa si mulú ntꞌa, judiopan yupj. ꞌÜcj nujisas tꞌas pjü way nun yupj jis lal.” 11 Dios Popel vele wa: “Najas judiopan tulucj pjü way ꞌüsüs mvelecj qjuis Jepa Dios poꞌó. Najas yupj pjü nejetsꞌen̈ jupj ꞌüsüs.” 12 Isaías tepyaca: “Isaí tsꞌuyupj popa pꞌiyá püs naya tapatja, pülücj tepyala. Yupj tsꞌuyupj popa pꞌiyá püs naya mpatjam, pülücj nsem yupj. Yupj sin popa pjaní ca müjüꞌtüs judiopan tulucj, nin ca mpalas Dios ca la mijis. Jupj mpes yupj ca jus nlayecj pajal ꞌüsüs ca jis mpalas”, Isaías nin tepyaca. 13 Tꞌücꞌ way ꞌüsüs ca jis mpalas Dios tsꞌuyupj. Dios jis capj pꞌyaꞌsa ca jus nlayecj niná. Najas Dios ca nucopj mpꞌaꞌsas ne nun pasal ꞌücj nujisas nsem. Najas jupj ca nucopj mpꞌaꞌsas, mpes nin pꞌiyá nujola

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 15

480

nsem. Najas ma la mveꞌlé ca nunwá. Najas ca nin nsem nun jilal jupj tjevele toponé mpes. Nun pasal ca jus nlayé ꞌüsüs nu mpalas. ꞌÜcj ca jus nlayé niná, Dios Cjües püné mpes. 14 Natjampan, napj selé nun pasal ꞌüsüs way lojí. Napj selé pasal ꞌüsüs nusin tjiꞌyüsa Dios poꞌó, Jesucristo poꞌó ꞌotsꞌipj. Napj selé ꞌücj sin ꞌyüsa lojí nunwá. 15 Najas nujola mpalas napj tepyac mpes, nin mpes pyac quinam nun mpes. Más ꞌücj niná nujola nsem niswá, mpes ma lecj tjeyá tepyac niná nun mpes. Dios jos napj nin velé la pꞌa jilal jupj mpes. Pasal ꞌüsüs way la tjiji jupj napj lal. 16 Jupj nin tjejyama tsjiꞌ lejay Jesucristo mpes judiopan* tulucj ntꞌa. Jupj jos ꞌüsüs se palá wa judiopan tulucj jilal. Napj jis wala velé pasal ꞌüsüs nin tepyala Dios mpes. Napj sacerdote* jinwá lejay yupj mpes. Napj lejay mpes, Dios ꞌücj jos pyala judiopan tulucj jilal. Yupj Dios jutsꞌaꞌá se palá, jupj Cjües nin liji. 17 Napj se con̈ Jesucristo, mpes pasal ꞌücj najas lejay niná Dios mpes. 18 Jesucristo ncapj tjepꞌyaꞌsa ꞌücj lejay Dios jos jin judiopan* tulucj ntꞌa. Mpes judiopan tulucj po jisas quinam Dios tjevelá. Napj niná ca mvelé pꞌin, la pꞌa casá ma ca mvelé. Judiopan tulucj jisas Dios tjevelá napj tjevelé mpes, napj la tjejay mpes ꞌotsꞌipj. 19 Napj pajal ꞌüsüs la tjejay yupj ntꞌa, yom pꞌin ma polel liji jinwá. ꞌÜsüs polel lejaytsja Dios Cjües la tjiji; pasal püné way jupj. Yupj pasal yólatsja tjunuc mpes. Mpes quina po jisas Dios tjevelá. Napj tjum Jerusalén mpe Ilírico ntꞌa, neꞌaj jun taꞌá judiopan tulucj jis walapꞌaꞌa tjevelé pasal ꞌüsüs tepyala Cristo mpes. 20 Yupj jis walapꞌaꞌa lovin quelel veletsja pasal ꞌüsüs tepyala Cristo mpes. La pꞌa wa tjowelepj wa Jesucristo poꞌó. Ma quelel jum yupj tjowelepj ntꞌa. Pꞌa ntꞌa quelel jum. Jesucristo poꞌo ma sin tjiꞌyüsa ntꞌa, yupj jilal quelel velé napj. 21 Dios Popel vele: “Gente pülücj lovin ma tjepjyacan̈ jupj poꞌó. Yupj ca mpjacan̈. Lovin ma tjepjyacan̈ ca sin müꞌüsüs jupj poꞌó.” Dios Popel nin vele.

22 Napj

Pablo quelel jámatsja Roma ntꞌa, pülücj patja ntꞌa.

pasal la pülücj tjeveletsja pülücj jilal Dios tjevelá Jesucristo poꞌó. Mpes ma polel tjum nun ntꞌa. 23 Quina tecyawaja la veles quiꞌá. Año pülücj mpes po quelel nujus nyuctsja napj. 24 Mpes España ntꞌa jum na, nun ntꞌa quelel jum nujus la nuc. Mpüꞌüs ca nun jilal mes nepénowa. Locopyaya ca mis España ntꞌa. Napj najas no ꞌoyá, mpes ꞌücj polel mis España ntꞌa.

El Nuevo Testamento en Tol de Honduras, 2da ed. ©2010, Wycliffe Bible Translators

481

ROMANOS 15, 16

25 Mopꞌin

ma polel jum nun ntꞌa custjay. Quina napj ca mis Jerusalén ntꞌa, Dios tsꞌuyupj jilal la ꞌayas neꞌaj. 26 Jerusalén poꞌó Dios tsꞌuyupj nepénowa jis tꞌemel cjuwá yupj. Dios tsꞌuyupj Macedonia poꞌó tꞌemel tjaꞌayapj yupj mpes. Acaya poꞌo patja nin pꞌiyá la tjajay. Po quelel jaꞌayaptsja. Mpes yupj tjaꞌayapj, napj jetꞌ Jerusalén poꞌó la ꞌayas. 27 Tꞌücꞌ way po quelel jaꞌayaptsja yupj mpes. Dios mwalá way tjevele judiopan* jilal Jerusalén poꞌó. Pꞌa jawas judiopan tulucj sin tjiꞌyüsa wa Dios tjevelá, mpes ꞌüsüs jis tepyala wa. Mpes ꞌücj judiopan tulucj ꞌüsüs lajay judiopan jilal. Mpes yupj quelel se ꞌayaptsja judiopan mpes Jerusalén poꞌó. 28 Quina jum Jerusalén ntꞌa, niná jis maꞌayá. Niná tjeꞌyá na, mis España ntꞌa. Mis wa ca nun ntꞌa. 29 ꞌA mulú jyatjaquecj na, napj selé Jesucristo ca pajal ꞌüsüs la mijis cupj mpes. 30 Natjampan, nun pjü witjacj po jisas wa qjuis Jepa Jesucristo, napj jinwá. Nun quelel lojí nunwá, Dios Cjües nin liji. Mpes po najas la pülücj welé Dios lal napj mpes. Nin lojí na, pajal ncapj pꞌoꞌsá. 31 Judiopan* pülücj neꞌaj patja Judea poꞌó, ma japon Dios tjevelá. Najas yupj ma malala la najay. Mpes najas nun nin welé Dios lal napj mpes. Najas Dios tsꞌuyupj Jerusalén poꞌo patja ntꞌanquecj napj jis maꞌayá. 32 Mpes nun ntꞌa tjum na, ca ꞌücj najas nsem. ꞌA mulú pajal ꞌücj qjuisas mpalas Dios mpes. Tsjay ꞌücj najas nsem. Dios jos, tꞌücꞌ way ꞌücj mis nun ntꞌa. Ma jos, ma jum. Pasal quelel jum. 33 Ma nujola nsem pjü mpes, Dios nin liji. Najas Dios lovin nu jyama nun. Amén.

16

Pablo süs wa liji pülücj jilal Roma poꞌó.

1 Febe Dios popa wa jupj. Jupj pasal jis capj pꞌyaꞌsa Dios tsꞌuyupj Cencrea poꞌó. Pasal tsjiꞌ liji Dios mpes neꞌaj. Pasal ꞌüsüs way jupj. 2 Mpes nun ntꞌa jama na, najas mvelé ꞌücj püꞌü neꞌaj. Jupj se con̈ca wa qjuis Jepa Jesucristo. Dios popa campa jacꞌ na, más ꞌücj Dios tsꞌuyupj wiꞌin̈ jupj jacꞌ na. Mpes po tjüwüiꞌiqué Febe jama na nun ntꞌa. Tjaꞌayá jupj jos; jupj pasal jis capj tjepꞌyaꞌsa la pꞌa pülücj. Ncapj tjepꞌyaꞌsa wa jupj. 3 Süs wa la müjí Priscila lal, Aquila lal nin wa. Pasal tsjiꞌ la tjajay napj lal Jesucristo mpes. Newa tsjiꞌ lajay Jesucristo mpes. 4 La pꞌa quelel na ꞌünantsja na, ncapj tjapꞌacj yupj. Ma yólatsja malala jis mpalas ca nacj. Napj wüiꞌis yupj mpes. Jun taꞌá judiopan* tulucj pülücj Dios tsꞌuyupj wa yupj quinam. ꞌA si mulú yupj. Yupj wiꞌin̈ wa Priscila lal, Aquila lal wa, yupj la tjajay mpes.

El Nuevo Testamento en Tol de Honduras, 2da ed. ©2010, Wycliffe Bible Translators

ROMANOS 16

482

5 Süs

wa la müjí Dios tsꞌuyupj yupj jis wa ntꞌa ꞌa si mulú witjacj. Süs wa la müjí Epeneto lal. Napj pasal quelel lejay jupj. Quina pülücj jisas Cristo Asia poꞌó. Neꞌaj Epeneto mwalá way jostsja jupj. 6 Süs wa la müjí María lal. Pasal yümücj tsjiꞌ la tjíjitsja Dios mpes nun ntꞌa. 7 Süs wa la müjí Andrónico lal, Junías lal wa. Yupj judiopan napj jinwá. Cawilta moꞌo tjatja napj lal. Apostolpan* salejepj yupj pasal ꞌüsüs way. Napj se con̈ Cristo, mopꞌin yupj mwalá way sa con̈tsja jupj napj lal. 8 Süs wa la müjí Amplias lal. Quelel lejay jupj. Jupj se con̈ca wa qjuis Jepa Jesucristo. 9 Süs wa la müjí Urbano lal. Tsjiꞌ liji wa Cristo mpes. Süs wa la müjí Estaquis lal. Quelel lejay jupj. 10 Süs wa la müjí Apeles lal. Jupj la tjiji mpes, selecj tꞌücꞌ way jupj se con̈ca Cristo. Süs wa la müjí Aristóbulo tsꞌuyupj jis lal. 11 Süs wa la müjí wa Herodión lal. Judío jupj napj jinwá. Dios tsꞌuyupj nepénowa patja wa Narciso wo ntꞌa. Süs wa la müjí yupj jilal. 12 Süs wa la müjí Trifena lal, Trifosa lal ꞌotsꞌipj. Lovin tsjiꞌ lajay qjuis Jepa Jesucristo mpes. Süs wa la müjí wa Pérsida lal. Dios tsꞌuyupj pasal quelel lajay jupj. Pasal yümücj tsjiꞌ la tjiji qjuis Jepa Jesucristo mpes. 13 Süs wa la müjí Rufo lal. Jupj pasal ꞌüsüs liji qjuis Jepa Jesucristo jos jin. Süs wa la müjí jupj jamay. Jupj tsꞌuyupj quelel liji jinwá, nin pꞌiyá la tjiji jupj napj mpes. 14 Süs wa la müjí Asíncrito lal, Flegonte lal wa. Süs wa la müjí Hermes lal, Patrobos lal wa, Hermas lal wa. Dios tsꞌuyupj ꞌa si mulú yupj ntꞌa. Süs wa la müjí yupj jilal. 15 Süs wa la müjí wa Filólogo lal, Julia lal wa. Süs wa la müjí Nereo lal, jupj toꞌo lal wa. Süs wa la müjí Olimpas lal. Dios tsꞌuyupj ꞌa si mulú yupj ntꞌa. Süs wa la müjí yupj jilal. 16 La nüjüsüqué na nun popé, la tjalapaná nunwá. ꞌÜcj nujisas tꞌas nujus tjunucú nusin popé. Dios tsꞌuyupj pjü way quiꞌá süs wa la tjajay. 17 Nun tꞌücꞌ way nusin tjiꞌyüsa. Quina nepénowa neꞌaj pꞌa casá sin ꞌyüsa lajay. Gente la velel yupj javelepj mpes. Dios tsꞌuyupj nepénowa ma jisas Jesucristo quinam, yupj sin ꞌyüsa lajay mpes. Natjampan, najas nun jus nlayé pjacj sin ꞌyüsa lajay niná. Ma jis capj ncon̈có. 18 Yupj ma tsjiꞌ lajay Cristo mpes, jupj cupj qjuis Jepa Püné. Yupj lajay yupj pꞌiyá jisas jin pꞌin. Jisas la pꞌa yola yupj tꞌücꞌ way javelepj. Mpes yupj lovin

El Nuevo Testamento en Tol de Honduras, 2da ed. ©2010, Wycliffe Bible Translators

483

ROMANOS 16

ꞌüsüs javelepj pülücj jilal. Mpes niná po japon yupj javelepj. Niná len̈ way japon la pꞌa javelepj jin. Ma jus nlay la tsuwil yupj. 19 Pjü sin tjiꞌyüsa nun pasal ꞌüsüs lojí Jesucristo jos jin. Mpes tsjay ꞌücj najas nun mpes. Najas nun jus nlayé más ꞌücj ꞌüsüs lojí lovin. Najas lovin ma lojí malala. 20 Satanás* malala quelel liji nun jilal. Mopꞌin len̈ way ma ca polel la mijis niná. Dios ca la mijis ca malala mpalas Satanás. Nun más püné nsem jupj lal. Dios la qjuis mijis ne ma ca qjuiyola nsem pjü mpes. Najas Jesucristo lovin ꞌüsüs la numijis. Jupj cupj qjuis Jepa Püné. 21 Timoteo süs wa la tjiji. Pasal tsjiꞌ la tjiji napj lal Jesucristo mpes. Lucio süs wa la tjiji, Jasón ꞌotsꞌipj, Sosípater ꞌotsꞌipj. Judiopan* yupj napj jinwá. 22 Tercio pyaca papel niná napj velé mpes. Süs wa la tjiji jupj. Dios popa wa jupj. 23 Gayo süs wa la tjiji. Jupj lal püꞌüs quinam. Dios tsꞌuyupj quiꞌá ꞌa si mulú jupj wo ntꞌa. Erasto süs wa la tjiji. Jupj tꞌemel jyama quiꞌá pülücj patja ntꞌa. Cuarto süs wa la tjiji. Jupj cupj qjuis catjam wa Jesucristo mpes. 24 Najas Jesucristo ꞌüsüs la mijis nun pjü jilal. Jupj cupj qjuis Jepa Püné. Amén.

25 Dios

Pablo tecyawaja tepyaca.

ꞌücj liji nun lovin ca nin la müjí jupj jos jin. Nun jis walapꞌaꞌa tjevelé tsjan niná pajal ꞌüsüs jis tepyala gente jis lal Jesucristo la tjiji mpes. Nin mpes solejé ꞌonin ne ca nin la müjí Dios jos jin. Quina Dios qjuisin tjiꞌyüsa la qjuis tjiji tsjan niná jupj lijá. Niná ma sin tjiꞌyüsa lis tjiji püna tapatjá. 26 Quina Dios sin tjiꞌyüsa lis tjiji gente jis lal nin liji jupj Jesucristo mpes. Niná profetapan* nin tapac wa. Yupj tapac, Dios Popel jupj. Nin tapac gente jun taꞌá patja ꞌücj jis la pon Jesucristo lal. ꞌÜcj wa nin lajay jupj jos jin. Tꞌücꞌ way Dios lovin ma mpaꞌis ca. 27 Najas cupj lovin pasal ꞌüsüs mvelecj Dios poꞌó. Nin najas Jesucristo la qjuis tjiji mpes. Dios pꞌin selé pjü way. Amén.

El Nuevo Testamento en Tol de Honduras, 2da ed. ©2010, Wycliffe Bible Translators

Papel mwalá Pablo tepyaca Corinto moꞌo tapatja mpes

1

1 Napj

Pablo. Dios la ntjetꞌá ca apóstol* nsem napj. Nin tjejyama la veles la pꞌa jilal jupj mpes. Jupj jos napj velé Jesucristo poꞌó. Sóstenes jáꞌasa napj lal. Jupj qjuis catjam Jesucristo mpes. 2 Nun Dios tsꞌuyupj Corinto poꞌo potjaqué. Nun Dios jutsꞌaꞌá nu tepyala, Jesucristo la tjiji mpes. Nun Dios tsꞌuyupj, Dios la nu tꞌya mpes. Quina papel ca mpaquecj nun mpes. Jun taꞌá gente Jesucristo lal japon wa, nun jinwá. Javelepj wa jupj lal, nun jinwá. Jupj yupj jis Jepa Püné. Jupj Jepa Püné wa cupj mpes. Pyaquecj wa yupj pjü way mpes. 3 Dios cupj qjuis Papay. Jesucristo cupj qjuis Jepa Püné. Najas yupj ꞌüsüs la mijicj nun mpes. Najas ma nujola nsem pjü mpes, yupj nin la nusejay.

4 Dios

Dios ꞌüsüs la tjiji Corinto moꞌó tapatja mpes.

pasal ꞌüsüs la tjiji nun mpes; nin mpes lovin wüiꞌis Dios lal nun mpes. Nin la nutjiji Jesucristo la tjiji mpes. 5 Dios pasal ꞌüsüs la nutjiji, Jesucristo la tjiji mpes. Quina polel welé la pꞌa jilal Dios nin jos mpes. Quina polel sin ꞌyüsa wa jupj nin jos mpes. 6 Nun jis wala tjevelecj na Jesucristo poꞌó, pasal ꞌüsüs nusin tjiꞌyüsa. Pasal nujisas cupj tjevelecj. 7 Mpes Dios nu tjeꞌyaya nin polel lojí jupj jos jin. Tꞌücꞌ way Dios se ꞌaya jupj tsꞌuyupj nin polel lajay jupj jos jin. Dios se ꞌaya gente ꞌücj lajay, niná pjü way nu tjeꞌyaya ꞌücj lojí. Nun pjü way pꞌa casá ꞌücj lojí, mpes ꞌa mulú jotjaqué na, pjü way ꞌücj lojí. Nun pasal lu nucú ne ca ncuwim niswá Jesucristo. Jupj cupj qjuis Jepa Püné. 8 Ma selecj tsjan jawas ncuwim jupj. Ninana selecj: Dios ca nucopj mpꞌaꞌsas, mpes nun lovin ca cus ncon̈có. Nin jawas jyawca na, Dios

484 El Nuevo Testamento en Tol de Honduras, 2da ed. ©2010, Wycliffe Bible Translators

485

1 CORINTIOS 1

ca mveles pjü jilal ncu ꞌüsüs way yupj jupj lal. Nin jawas jyawca na, jupj ca mveles nun ꞌüsüs way jupj lal. 9 Dios ca la mijis jupj tjevele jin. Jupj nucopj tjepꞌyaꞌsa toponé Jatjam lal, mpes quina nun nin pꞌin nujola jupj Jatjam jinwá. Jupj Jatjam Jesucristo cupj qjuis Jepa Püné.

Dios jos jupj tsꞌuyupj yuwal yola yuwá.

10 Natjampan,

po najas nin pꞌiyá nujola nun. Najas ma lo velelé nunwá. Jesucristo jos napj nun jilal velé niná, jupj cupj qjuis Jepa Püné. Najas pjü way nun tꞌücꞌ way poné lovin. Najas nin pꞌiyá nujola nun. 11 Natjampan, Cloé wo ntꞌa patja tjowelepj napj lal nun poꞌó. Nawala tjowelepj nun lo velelé nunwá. 12 Nun popa nepénowa javelepj: “Más ꞌücj cupj qjuisin ꞌyüsa Pablo velá”. La pꞌa wa javelepj: “Cupj po qjuisas Apolos velá”. La pꞌa javelepj: “Más ꞌücj cupj qjuisin ꞌyüsa Pedro velá”. La pꞌa javelepj: “Cupj po qjuisas Cristo velá”. 13 Cristo pjaní jupj. Mopꞌin nun ma nin pꞌiyá nujola. Malala nin. Napj ma ntipüꞌí cruz* poꞌó nun mpes. Nun bautizar* nu tepyala na, nun napj natsꞌaꞌá tulucj nu tepyala nun. Nun Jesucristo jutsꞌaꞌá nu tepyala. 14 Napj Crispo bautizar la tjejay la pꞌin; Gayo bautizar la tjejay wa. Ma bautizar la tjejay pꞌa. Mpes wüiꞌis Dios lal. 15 Pjü ma polel javelepj napj bautizar la nutjejay. Ma polel javelepj nun napj natsꞌaꞌá. 16 Estéfanas wo ntꞌa patja bautizar la tjejay wa; quina nola tepyala. Ma selé ncu bautizar la tjejay la pꞌa wa. 17 Jesucristo nin tjejyama bautizar lejay mpes tulucj. Nin tjejyama la veles gente jis lal tsjan ꞌüsüs la tjiji gente mpes. Ma nin velé napj pülücj selé. Najas yupj ca jus nlayecj Jesucristo tepeꞌe yupj mpes cruz poꞌó, mpes ꞌüsüs wa ca jis mpalas yupj.

Dios ꞌüsüs liji gente jis lal, Jesucristo cruz poꞌo tepeꞌe mpes.

18 Cupj

velecj gente jis walapꞌaꞌá Jesucristo cruz* poꞌo tepeꞌe, jas tjijyünsa niswá. Nepénowa ma jisas Jesucristo, mpes pajal malala se palá yupj, ma japon mpes. Yupj ma jisas cupj niná velecj. Ma qjuiyola jin velecj jin yola yupj. Cupj nin pyonecj Jesucristo tepeꞌe cruz poꞌó, jas tjijyünsa niswá. Mpes Dios qjuis capj tjepꞌyaꞌsa, nin mpes ca mpatjaquecj jupj lal. 19 Dios Popel vele: “Nepénowa yola pasal salejepj yupj. Yupj javelepj yupj ca la mijicj mpes; yola ꞌüsüs ca nin la mijicj. Ma ca mpalas yupj javelepj jin, napj ca la mejay ma ca nin mpalas.”

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 1

486

Dios Popel nin vele. 20 Gente nepénowa yola yupj pꞌiyá pülücj salejepj yupj. Nin tulucj. Niyom Moisés* popel sin ꞌyüsa lajay yola pülücj salejepj yupj Moisés tjevele mpes. Nin tulucj. Gente nepénowa pajal ꞌüsüs javelepj nosis casá pyala poꞌó. Pajal ꞌüsüs yola jinwá javelepj, mpes la pꞌa wa len̈ way japon yupj tjowelepj. Newa ma pülücj salejepj yupj. Yupj yola yupj pꞌiyá salejepj tsjan ꞌüsüs way lajay. Nin tulucj. Dios qjuisin tjiꞌyüsa la tjiji yupj ma yola jinwá javelepj jupj lal. 21 Gente javelepj yupj ca nin la mijicj ne Dios ca jis capj ncon̈cos. Dios ma jis capj ncon̈cos yupj lajay mpes. Ma ca nin mpalas. Dios lovin selé tsjan más ꞌüsüs la mijis. Jupj ꞌücj jostsja gente ꞌücj ca mpatjam jupj lal yupj japon mpes pꞌin. Jupj jis capj pꞌyaꞌsa ne ꞌücj patja yupj. Nin mpes cupj velecj la pꞌa jis walapꞌaꞌá Jesucristo poꞌó. Nepénowa yola cupj ma qjuiyola jin velecj. 22 Yom sin ꞌyüsa liji na judiopan* jilal, yupj jisas jupj pajal ꞌüsüs liji, yom pꞌin ma polel liji jinwá. Mpes yupj ca mponecj yom niná tjevelá. Judiopan tulucj po quelel pjyacan̈ pülücj jas tjiꞌyüsa velá. Yola jupj pasal selé, mpes yupj japon jupj lal. 23 Cupj velecj Jesucristo poꞌó. Velecj jupj tepeꞌe cruz* poꞌó gente mpes. Judiopan ma japon Jesucristo judiopan jis jepa jupj. Ma japon yupj jis jepa ca cüpaꞌis cruz poꞌó. Judiopan tulucj ma wa jisas Jesucristo. Cruz poꞌo tepeꞌe mpes wa ma jisas jupj. Ma qjuiyola jin velecj jin yola yupj. 24 Mopꞌin nin, Dios lis tꞌya judiopan* nepenowá, lis tꞌya wa judío tulucj nepenowá. Dios jis capj tjepꞌyaꞌsa ꞌücj jis la pon Jesucristo lal. Cristo mpes Dios ꞌücj liji niná jupj ꞌüsüs liji yupj mpes. Dios seletsja ꞌonin ca ꞌüsüs lis mijis Cristo mpes. 25 Gente malala nyuca yola Dios nin liji mpes. Yupj yola jupj ma jola jin liji. Mopꞌin jupj selé ꞌüsüs way liji. Más pülücj way selé jupj pjü jilal. Jesucristo tepeꞌe cruz* poꞌó. Mpes gente yola Dios püné jin tulucj la tjiji Jesucristo lal. Newa nin, Dios más püné pjü jilal. 26 Natjampan, nujola tꞌas ꞌoyn nyuca lojitsja Dios la nu tꞌya na. Nun pülücj jus nlaytsja tulucj. Nun popa pjaní way pꞌin pülücj salejeptsja. Nun noypan tuluctsja. Nun popa pjaní way pꞌin noypan waytsja, la pꞌa nin tulucj. Nun jis papay noypan tuluctsja. Nun popa pjaní way pꞌin jis papay noypan waytsja, la pꞌa nin tulucj. 27 Tꞌücꞌ way nepénowa pülücj salejepj tulucj. Mopꞌin nin, Dios lis tꞌya yupj. La pꞌa wa nin yola gente niná ma yola jinwá javelepj. Yola yupj pꞌiyá pülücj salejepj. Pꞌa jawasa yupj ca jis maycas; ca jus nlayecj Dios lis tꞌya gente niná, yupj ne pülücj salejepj tulucj. Ca jus nlayecj yupj pꞌiyá ꞌotsꞌotsꞌ way pꞌin salejepj. Dios tsꞌuyupj nepénowa noypan tulucj. Mopꞌin nin, Dios lis

El Nuevo Testamento en Tol de Honduras, 2da ed. ©2010, Wycliffe Bible Translators

487

1 CORINTIOS 1, 2

tꞌya yupj. La pꞌa wa nin yola gente niná noypan tulucj yupj. Yola yupj pꞌiyá noypan. Pꞌa jawas yupj ca jus nlayecj Dios lis tꞌya gente niná, yupj ne noypan tulucj. Ca jis maycas yupj; ca jus nlayecj yupj pꞌiyá ma tꞌücꞌ way noypan. 28 Dios tsꞌuyupj nepénowa noypan tulucj. La pꞌa ma quelel la sajay yupj. Yupj javelepj noypan tulucj malala. Dios ma nin vele. Dios lis tꞌya noypan tulucj. Noypan ca nucucj Dios lis tꞌya noypan tulucj. Ca jus nlayecj yupj pꞌiyá tsjicj way. Dios jostsja noypan ca jus nlayecj yupj pꞌiyá tsjicj way, mpes jupj lis tꞌya noypan tulucj. 29 Mpes pjü ma polel javelepj Dios lal yupj más noypan la pꞌa jilal. 30 Dios la tjiji mpes, nun Jesucristo so con̈có. Dios seletsja tsjan ꞌüsüs la mijis lovin. Nin la tjiji Jesucristo mpes. Dios la tjiji cupj qjuisin ꞌyüsa wa niná. Dios la qjuis tjiji cupj ꞌüsüs jupj lal quinam Jesucristo mpes. Quina cupj Dios jutsꞌaꞌá Jesucristo mpes. Jupj mpes Dios perdonar la qjuis tjiji malala nyuca la tjijicj, ne ca ꞌüsüs nsem cupj lovin jupj lal. 31 Nin mpes nin ca nsem Dios Popel vele jinwá. Nin vele: “Ma ca mvelé nun pꞌiyá ꞌüsüs; ca mvelé nun jis Jepa Dios ꞌüsüs la tjiji nun mpes”.

2

Pablo tjevele yupj jilal Jesucristo mpes la pꞌin.

1 Natjampan,

nun ntꞌa tjum na, nun jis walapꞌaꞌa tjevelé Dios tjevele mpes. Yom püné jinwá tjevelé tulucj. Ma pajal ꞌüsüs tjevelé. Pülücj nin tjiꞌyüsa jinwá tjevelé tulucj. 2 Nun jilal tjevelé Jesucristo mpes la pꞌin, tjevelé jupj tepeꞌe cruz* poꞌó. Niná quelel veletsja la pꞌin. 3 Nun ntꞌa tjum na, napj nólatsja ma polel ꞌüsüs veletsja nun jilal. Pajal lecj jeyatsja napj. 4 Nun jis walapꞌaꞌa tjevelé Dios mpes. Nusin tjiꞌyüsa la tjejay tsjan jos jupj. Nepénowa pasal salejepj yupj, ꞌüsüs polel javelepj yupj. La pꞌa len̈ way japon yupj javelepj. Yupj jinwá tjevelé tulucj. Nun jilal tjevelé Dios jostsja jin la pꞌin. Jus nlayetsja napj tjevelé jupj jostsja jin. Jus nlayetsja, Dios Cjües la tjiji mpes; püné jupj. 5 Nin mpes toponé napj tjevelé, nin mpes nujisastsja Jesucristo, Dios pjü ꞌücj liji mpes. Nin mpes nujisas Jesucristo, ꞌüsüs tjevelé mpes tulucj.

Qjuisin ꞌyüsa Dios jos jin, jupj Cjües qjuisin ꞌyüsa liji mpes.

6 Dios

tsꞌuyupj nepenowá pasal jisas Jesucristá, pülücj sin tjiꞌyüsa Dios poꞌó. Mpes más pülücj sin ꞌyüsa lijicj yupj jilal Dios poꞌó. Cupj velecj tsjan niná Dios jos yupj ca sin müꞌüsüs. Cupj sin ꞌyüsa lijicj gente pꞌin sin ꞌyüsa lajay jinwá tulucj. Cupj sin ꞌyüsa lijicj noypan sin ꞌyüsa lajay jinwá tulucj. Yupj jajütütj nosis casá quinam. Más tsjicj way nsem yupj pꞌa jawas. 7 Cupj velecj niná Dios jos yupj ca jus nlayecj. Püna gente

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 2, 3

488

ma sin tjiꞌyüsa niná. Quina patja ma sin ꞌyüsa wa. Nosis cjuwatsja na, Dios niná tjevele. Tjevele nin la mijis pajal ꞌüsüs ca qjuis mpalas. Dios tsjay ꞌüsüs ca la mijis cupj qjuilal. 8 Noypan nosis casá patja ma sin tjiꞌyüsa niná. Qjuis Jepa Jesucristo pasal ꞌüsüs, pasal püné, jupj Dios Jatjam mpes. Ma sin tjiꞌyüsa niná, mpes tjüꞌünan jupj, tepeꞌe cruz* poꞌó. 9 Newa nin, Dios la tjiji jupj tjevele jin. Dios Popel vele: “Nepénowa quelel lajay Dios. Dios tjevele tsjan la mijis yupj mpes. Gente lovin ma tjunuc jin ca la mijis jupj. Lovin ma tjepjyacan̈ jin la mijis jupj. Lovin ma yólatsja jupj ca nin la mijis jupj”, Dios Popel nin vele. 10 Dios tjevele jupj ca la mijis, niná qjuisin tjiꞌyüsa cupj. Dios jas tjejyama jupj Cjües qjuisin müꞌüsüs la mijis niná. Dios Cjües pjü selé. Pjü selé jupj Dios poꞌó. 11 Gente pjü ma salejepj ꞌoyn nyuca jola la pꞌa. Jupj cjües pꞌin selé ꞌoyn nyuca jola jupj. Jupj cjües jos moꞌo jáꞌasa. Nin pꞌiyá Dios lal. Dios Cjües pꞌin selé ꞌoyn nyuca jola jupj. 12 Dios jas tjejyama jupj Cjües cupj ntꞌa, qjuisin ꞌyüsa la mijis jupj; nin mpes qjuisin ꞌyüsa tsjan niná Dios la tjiji cupj mpes. Dios ma qjuis tjeꞌyaya cjües pꞌa wa, nosis mpe pꞌin; jupj Cjües qjuis tjeꞌyaya. 13 Dios ꞌüsüs la tjiji cupj mpes, niná pꞌiyá velecj la pꞌa jilal. Dios Cjües qjuisin tjiꞌyüsa la tjiji, niná velecj la pꞌa jilal. Niná gente pꞌin qjuisin tjiꞌyüsa la tjajay tulucj. Sin ꞌyüsa lijicj Dios Cjües jatatj jilal. Dios Cjües qjuisin tjiꞌyüsa la tjiji, ne nin pꞌiyá sin ꞌyüsa lijicj yupj jilal. 14 Gente pülücj yusapj pꞌin; Dios Cjües ma püꞌü yupj jisas moꞌó. Mpes yupj ma japon Dios ꞌüsüs la tjiji cupj mpes. Yupj yola cupj ma qjuiyola jin velecj, Jesucristo poꞌo velecj na. Ma polel sin ꞌyüsa cupj velecj na; Dios Cjües len̈ yupj jisas moꞌó. Dios Cjües qjuisin ꞌyüsa liji Dios mpes. 15 Nepénowa jatatj Dios Cjües. Yupj salejepj pjü mpes ncu ꞌüsüs way, ncu malala niná. Nepénowa ma jatatj Dios Cjües; yupj januc Dios Cjües jatatj, januc yupj lajay. Newa ma sin ꞌyüsa ncu ꞌüsüs lajay; ma jatatj Dios Cjües, mpes ma sin ꞌyüsa yupj. 16 Dios Popel vele: “Pjü way ma sin ꞌyüsa tsjan jola qjuis Jepa Dios. Pjü ma salejepj jupj selé jin. Ma polel javelepj tsjan más ꞌücj la mijis Dios”, Dios Popel nin vele. Mopꞌin tyaꞌacj cupj Dios Cjües. Mpes cupj polel qjuiyola Jesucristo jola jinwá.

3

Corinto moꞌo patja nin lajaytsja Dios Cjües ma jatatj jinwá.

1 Natjampan,

pülücj quelel veletsja napj Dios poꞌó. Newa ma polel nusin ꞌyǘsatsja pjü; nun nosis casá patja jinwá nujólatsja, Dios El Nuevo Testamento en Tol de Honduras, 2da ed. ©2010, Wycliffe Bible Translators

489

1 CORINTIOS 3

Cjües ma jatatj jinwá, ne nin. Napj velé Dios Cjües ma jatatj jilal, nin pꞌiyá tjevelé nun jilal. Nepénowa ꞌin lacasana way jisastsja Jesucristo. Ma pülücj sin tjiꞌyüsa custjay Dios poꞌó. Nun yupj jin pꞌiyá. 2 Nasa ca mvelé tsjan mpes ca jus nlayé niná. Tsjicj tsotsꞌ tsyoꞌo pꞌin. Ma polel lyaja jupj. Nepénowa ꞌin lacasana jisastsja Jesucristo; tsjictjacj jinwá yupj. Yupj jis lal velé tsotsꞌ jinwá; costa tulucj. Niná sin ꞌyüsa la pꞌin. Ma polel sin ꞌyüsa pꞌam. Nin pꞌiyá tjevelé nun jilal. Pꞌa ma polel nusin ꞌyǘsatsja. Newa ma polel pꞌa nusin ꞌyüsa; 3 nun newa lojí Dios Cjües ma jatatj jinwá, ne nin. Nun jomaqué. Nun lo velelé. Mpes tꞌücꞌ way nin lojí Dios Cjües ma jatatj lajay jinwá. Gente pꞌin jinwá lojí nun. 4 Nun nepénowa welé: “Más ꞌücj qjuisin ꞌyüsa Pablo velá.” La pꞌa javelepj: “Cupj po qjuisas Apolos velá”. Mpes nun lo velelé, Jesucristo ma jisas lajay jinwá. 5 Apolos püné tulucj. Napj püné tulucj wa. Cupj tsjiꞌ lijicj la pꞌin Dios mpes. Nun toponé Jesucristo poꞌó, nun jis lal tjevelecj mpes. Cupj lijicj Dios jos jin la pꞌin. 6 Cupj Dios mozopan pꞌin. Dios jos gente mponecj Jesucristo poꞌó. Jupj lal japon jupj sine moꞌó tjevyala jinwá Dios lal. Napj yom setel sine jinwá; napj tjum nun ntꞌa mwalá way pꞌin. Napj mwalá way tjevelé nun jis lal Jesucristo poꞌó. Apolos yom ꞌüsǘ la tꞌyu jinwá; jupj locopyaya tjemey nun ntꞌa. Newa nun jis lal tjevele Jesucristo poꞌó. Mopꞌin Dios la tjiji mpes pꞌin nujisastsja Jesucristo; cupj mpestsja tulucj. Tjevyala jinwá tepyala la tjiji jupj. 7 Mpes jupj ꞌa sine, tsjicj jupj. ꞌÜsǘ la tꞌyu, tsjicj jupj. Dios mpes tꞌyüna, mpes jupj pꞌin püné. 8 Qjuis catjampan nepénowa mwalá way jil la veles la pꞌa jilal Jesucristo poꞌó. La pꞌa locopyaya jil la veles wa jupj poꞌó. Yupj pjü nin pꞌiyá tsjiꞌ lajay Dios mpes. Nepénowa tsjicj way pꞌin javelepj Jesucristo poꞌó. Dios ca ꞌüsüs lis mijis nin la tjajay mpes. La pꞌa pülücj way javelepj Jesucristo poꞌó. Dios ca más ꞌüsüs lis mijis yupj jilal. 9 Pjü way cupj tsjiꞌ lijicj Dios mpes, nun ntꞌa tsjiꞌ lijicj na. Dios yom ꞌamá tyaꞌa jinwá liji. Yom tyaꞌa momas lo sin. Jupj tsjiꞌ liji neꞌaj, mpes ꞌüsüs ca mpalas. Nun Dios ꞌamá jinwá. Dios ꞌüsüs la nusiji mpes, ꞌüsüs ca nu mpalas. Yom wo si jünsa jinwá liji wa Dios nun jis lal. Yom tsjiꞌ liji wo mpes, ne ꞌüsüs ca mpalas wosis. Nun Dios wo jinwá. Dios ꞌüsüs la nusiji mpes, ꞌüsüs ca nu mpalas. 10 Yom wo quelel si jünsa na, mwalá way ꞌamá ꞌücj liji. Locopyaya wo si jünsa. Napj yom ꞌamá ꞌücj la tjiji jinwá; mwalá way tjum napj nun ntꞌa nun jis lal la veles Jesucristo poꞌó. ꞌÜsüs la tjejay nun jilal,

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 3

490

Dios ncapj tjepꞌyaꞌsa mpes. Locopyaya yom pꞌa wa tjacꞌ nun ntꞌa, newa vele nun jis lal Jesucristo poꞌó. Yom wa si jünsa jinwá jupj; jupj locopyaya tjemey nun ntꞌa Jesucristo mpes la veles. ꞌÜcj nin. Mopꞌin nin velé: Dios mozopan locopyaya jil na la pꞌa wa tsjiꞌ la tjajay ntꞌa, más ꞌücj yupj ꞌin jajamapj yupj javelepj mpes. 11 Napj mwalá way nun jis lal tjevelé Jesucristo poꞌó. Yom ꞌamá ꞌücj la tjiji jinwá la tjejay. Jesucristo ꞌamá ꞌüsüs jinwá wosis la jünsüs mpes; nun nasa toponé napj tjevelé Jesucristo poꞌó. Ca nacj gente pꞌa wa quelel nusin ꞌyüsa lajay la pꞌa poꞌó. Ca nacj yupj ca mvelecj napj ma tjevelé tꞌücꞌ way. Niná mvelecj tꞌücꞌ way tulucj. 12 Napj ꞌamá ꞌücj la tjejay jinwá la tjejay Dios wo si jünsa mpes; nun ne Dios wo. La pꞌa wa nun ntꞌa tsjiꞌ lajay quinam. Nepénowa pajal ꞌüsüs javelepj, nepénowa ꞌüsüs javelepj tulucj. Wosis jajünsüpj jinwá lajay yupj quinam. Nepénowa oro* mpes jajünsüpj jinwá; ꞌüsüs lajay. La pꞌa plata* mpes jajünsüpj jinwá; ꞌüsüs wa lajay yupj. La pꞌa pe pülücj jaylacj mpes jajünsüpj jinwá; ꞌüsüs wa lajay yupj. La pꞌa ꞌiyó mpes jajünsüpj jinwá; ꞌüsüs lajay tulucj. La pꞌa tsjutsj mpes jajünsüpj jinwá; pajal malala lajay yupj. 13 ꞌAwa jama na, ꞌiyó len̈ way pwe, nin pꞌiyá tsjutsjum. Pjü ca nucucj wa nenem malala, len̈ way pwe. Mopꞌin oro ma quelel pwe, plata ma quelel pwe, pe pülücj jaylacj ma quelel pwe wa. Pjü ca nucucj wa nenem ꞌüsüs way. Nin pꞌiyá, ꞌin tjajama nun welé na Jesucristo mpes. Jupj jacꞌ niswá, ca mveles ncu ꞌüsüs tjowelepj gentas. ꞌAwa lal ca ncuwim; nin vele na ꞌawa jinwá nsem. Gente ꞌüsüs tjowelepj Jesucristo mpes, Jesucristo ca la mijis ne pjü ca jus nlayecj ꞌüsüs tjowelepj. Gente malala tjowelepj Jesucristo mpes, Jesucristo ca la mijis ne pjü ca jus nlayecj malala tjowelepj. 14 Oro ma quelel pwe, plata ma quelel pwe wa, pe pülücj jaylacj ma quelel pwe wa. ꞌAwa tjemey na, yupj ꞌüsüs jatja custjay. Nin pꞌiyá, Cristo vele na gente ꞌüsüs tjowelepj, po ꞌüsüs way niná. ꞌÜsüs ca lis mijis ꞌüsüs tjowelepj mpes. 15 ꞌIyó pwe, tsjutsj pwe wa. Niná malala, mpes ca ncawajas. Nin pꞌiyá, Cristo vele na gente malala tjowelepj, malala niná yupj mpes. Ma ca ꞌüsüs lis mijis yupj tjowelepj mpes. Newa nin, ca mpatjam Dios lal. ꞌAwa mpe jupj pjeꞌá ca la nloꞌcjos yupj, mpes ca mpatjam. 16 ¿Ncu nujoꞌ tepeꞌe nun Dios wo jinwá? Dios Cjües püꞌü nujisas moꞌó. 17 Yom pjaní malala liji Dios wo lal, Dios ca malala la mijis jupj lal. Ca pjü malala mpalas jupj. Dios wo Dios jutsꞌaꞌá. Nun Dios wo jinwá. 18 Ma nujola nsem nun pülücj solejé. Gente pasal sin tjiꞌyüsa na, la pꞌa javelepj pülücj salejepj yupj. Nun popa pjaní jas tjiꞌyüsa yupj

El Nuevo Testamento en Tol de Honduras, 2da ed. ©2010, Wycliffe Bible Translators

491

1 CORINTIOS 3, 4

jinwá ca nacj. Quina vele pülücj selé jupj. Najas jupj ca jus nlayes jupj ma jola jinwá custjay. Najas jupj ca jas müꞌüsüs tsjan la tjiji Dios jupj mpes. Gente ca malala mvelecj jupj poꞌó, niná jas tjiꞌyüsa na; ca mvelecj jupj ma jola jinwá. Dios ma ca nin mveles; Dios ca mveles jupj pülücj selé quinam Dios jos jin. 19 Niswa velé, gente pülücj sin tjiꞌyüsa na, la pꞌa javelepj pülücj salejepj yupj. Dios ma nin vele; Dios vele tsjicj way pꞌin salejepj yupj. Ma yola jinwá yupj Dios lal. Dios Popel vele: “Yupj yola pasal salejepj ꞌüsüs jis la jay, ꞌüsüs jis la pal. Dios ma ca jis maꞌayas ca nin mpalas yupj jisas jin”, Dios Popel nin vele. 20 Dios Popel vele wa: “Qjuis Jepa Dios selé tsjan yola yupj. Jupj selé ma ca nin mpalas yupj yola jinwá.” 21 Más ꞌücj ma nusin müꞌüsüs yom pjaní vele pꞌin. Ma mvelé más ꞌücj pjü sin ꞌyüsa jupj vele pꞌin. Pjü way nun nutsꞌaꞌá, mpes ma ca nin mvelé nun. 22 Cupj pjü way nun nutsꞌaꞌá, nucopj pꞌyaꞌsacj mpes. Napj nun nutsꞌaꞌá. Apolos nun nutsꞌaꞌá wa, Pedro ꞌotsꞌipj. Cupj nucopj pꞌyaꞌsacj, mpes ꞌüsüs nu pyala. Nun nucunú, ꞌüsüs nu pyala. Tacaꞌliqué na, ꞌüsüs ca nu mpalas. Pjü way Dios la tjiji, nun nutsꞌaꞌá. Quina patja, pjü nun nutsꞌaꞌá. Pꞌa jawas mpatjam, pjü way nun nutsꞌaꞌá nsem wa. Pjü way nun nutsꞌaꞌá. 23 Nun pꞌiyá Jesucristo jutsꞌaꞌá. Jesucristo Dios jutsꞌaꞌá jupj.

4

Jesucristo qjuisin tjejyama la veles pꞌa jilal jupj poꞌó.

1 Nin

mpes najas gente ca jus nlayecj napj tsjiꞌ lejay Jesucristo mpes. Apolos jupj mpes tsjiꞌ liji wa. La pꞌa nin pꞌiyá lajay wa. Jesucristo qjuisin tjejyama la veles gente jilal Dios jos jin. Ninana cupj velecj, püna gente ma salejeptsja niná. 2 Napj tsjiꞌ lejay Nejepa Jesucristo mpes. Pjaní tsjiꞌ liji na jepa mpes, más ꞌücj jupj lovin nin liji jupj jepa jos jin. 3 Ca nacj nun welé ma ꞌüsüs tsjiꞌ la tjejay napj Jesucristo mpes. Ma nola nun welé mpes. Ma nola wa la pꞌa javelepj mpes. Napj pꞌiyá ma selé ncu ꞌüsüs la tjejay jupj jos jin. 4 Napj nola napj ꞌüsüs la tjejay jupj jos jin. Mopꞌin napj nola mpes tulucj ca Dios mveles napj ꞌüsüs. Qjuis Jepa Jesucristo pꞌin selé ncu ꞌüsüs la tjejay jupj jos jin. Nin ca mveles jupj. 5 Pꞌa jawas qjuis Jepa Jesucristo ca mveles pjü jilal ncu ꞌüsüs la tjajay. Mpes najas nun ma welé quinam pjacj cuscú ꞌüsüs la tjajay. Ma mvelé nun pjacj cuscú malala la tjajay. Tꞌücꞌ way ma nin solejé nun. Jesucristo nin ca mveles jupj tjacꞌ na. Jupj pꞌin selé tsjan yola gentas. Jupj ca mveles yupj yólatsja mpes. Jupj pꞌin selé tsjan mpes lajay niná yupj lajay jin. Jupj nin ca mveles

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 4

492

jupj tjacꞌ na. Pülücj ꞌüsüs la tjajay jupj jos jin. Nin jawas jupj tjacꞌ na, Dios ꞌüsüs ca mveles yupj sin poꞌó. 6 Natjampan, nin tjeveletsja napj pꞌiyá poꞌó, Apolos poꞌó wa. Napj tjevelé ꞌoyn nyuca lijicj cupj. Mopꞌin tꞌücꞌ way najas nusin ꞌyüsa napj tjevelé. Najas nusin ꞌyüsa Dios Popel vele jin; nin la müjí pꞌin Dios Popel vele jin, nin najas. Mpes ma ca mvelé nepénowa más ꞌüsüs sin ꞌyüsa lajay. Ma ca mvelé más ꞌücj qjuisin ꞌyüsa yupj javelepj jin. Ma ca mvelé yupj más ꞌüsüs la pꞌa jilal. 7 Tꞌücꞌ way nun más ꞌüsüs tulucj la pꞌa jilal. Nun toꞌá, Dios nu tjeꞌyaya, pjü way. Nun welé ꞌüsüs way nun, niná toꞌá mpes. Nin tulucj. Niná toꞌá, nun la tjüjí mpes tulucj. Toꞌá Dios nu tjeꞌyaya mpes. Mpes malala nun welé ꞌüsüs way nun, niná toꞌá mpes. 8 Nujola nun toꞌá quinam pjü nujisas. Nujola Dios pjü la tjiji nun mpes, nujola más pülücj ma nujisas quinam. Nun jepa noypan jinwá nu tepyala jin nujola. Ma nin qjuis tepyala cupj qjuilal. Napj selé jepapan tulucj nun custjay. Tꞌücꞌ way najas nun jepa noypan ca nu cüpalas. Najas cupj jepa noypan ca qjuis cüpalas wa. 9 Ma nin qjuis tepyala cupj qjuilal. Tꞌücꞌ way apostolpan* way cupj; mopꞌin gente yola cupj más tsjictjacj pjü jilal. Napj nola Dios la tjiji mpes nin yola yupj. Nasa ca mvelé ꞌoyn nyuca yola yupj cupj poꞌó. Nenéyawa jepapan sa jam malala lajay jis la palan animal tsꞌa ꞌin jilal. Animal witjacj lovin jaꞌünan gente niná. Gente pülücj yus januc la palan na. Malala yola malala lajay sin poꞌó; malala la tjajay mpes nin jis tepyala jin yola yupj. Nin wa yola gentá cupj poꞌó, malala qjuesé palá mpes. Angelpan* pjü way januc wa nin qjuesé palá. Gente pjü way januc wa nin qjuesé palá. 10 Gente yola cupj ma qjuiyola jin velecj. Nin yola cupj Jesucristo poꞌo velecj mpes. Nun nujola nun pꞌiyá pülücj solejé, nun Jesucristo so con̈có mpes. Gente yola pülücj way ma polel lijicj cupj. Nun nujola pülücj way polel lojí nun. Gente ꞌüsüs yola nun mpes; ma ꞌüsüs yola cupj mpes. 11 Pasal la pülücj vecj cyaꞌlequecj custjay. Pasal la pülücj ꞌüsǘ qjuisive custjay. Cupj qjuis pülül malala. Gente qjuesé jatül cupj. Cupj cjuwá caꞌaj qjuis la pütꞌüs. 12 Pasal yümücj tsjiꞌ lijicj, tꞌemel ca ntꞌanquecj. Tsjiꞌ lijicj mpes ꞌücj jaylacj lijicj qjuis la las. Gente malala javelepj na cupj qjuilal, ꞌüsüs velecj yupj jilal. Gente malala lajay na cupj qjuilal, ma tsꞌi ꞌinyacj cupj. 13 Gente malala javelepj na cupj poꞌó, cupj ꞌüsüs velecj yupj sin poꞌó. Gente javelepj cupj basura jinwá. Nin javelepj custjay. Yupj yola cupj más malala pjü jilal, mpes nin javelepj yupj.

El Nuevo Testamento en Tol de Honduras, 2da ed. ©2010, Wycliffe Bible Translators

493

1 CORINTIOS 4, 5

14 Ca

nacj nun nujola napj najas nun ca nu maycas nun la tjüjí mpes, ne nin mpes tepyac niná. Nin tulucj. Napj tepyac nun nusin müꞌüsüs la mejay. Yom jupj tsꞌuyupj sin ꞌyüsa liji jin pꞌiyá, napj nusin ꞌyüsa la sejay nun. Pajal quelel la nusejay. 15 Tsjicj si ꞌüsǘ popay lal. Jupj popay mwalá way si ꞌüsǘ liji. Nin pꞌiyá nusin tjiꞌyüsa la tjejay napj. Napj mwalá way nun jilal tjevelé tsjan niná Jesucristo ꞌüsüs la tjiji gente mpes. Nun Dios tsꞌuyupj nu tepyala napj nun jilal tjevelé mpes. La pꞌa wa pülücj nusin ꞌyüsa lajay ca nacj Jesucristo poꞌó, newa napj jinwá lajay tulucj. Napj quelel la nusejay. 16 Po najas nun la müjí napj la tjejay jin. 17 Mpes napj se jam Timoteo nun ntꞌa. Napj pasal quelel lejay jupj. Jupj pasal ꞌüsüs jas tjiꞌyüsa napj lal, tsjicj si ꞌüsǘ jinwá popay lal. Jas tjiꞌyüsa napj tjevelé qjuis Jepa Jesucristo poꞌó, ne jupj nin liji napj tjevelé jin. Tꞌücꞌ way napj nusin tjiꞌyüsa la tjejay Jesucristo poꞌó. Niná napj tjevelé, Timoteo nun jilal mveles ca niswá. Niná napj sin ꞌyüsa lejay Dios tsꞌuyupj ꞌa si mulú ntꞌa jun taꞌá. 18 Nun popa nepénowa yola lecj jeyá napj la winin la veles nun jilal. Niná malala javeleptsja napj nin poꞌó. Yola pasal salejepj yupj. 19 Mopꞌin ma ca nin nsem yupj yola jinwá. Len̈ way quelel jum nun ntꞌa. Qjuis Jepa Jesucristo jos napj jum, napj ca mis. Ca nin müꞌüsüs ncu yupj tꞌücꞌ way lajay Dios jos jin. Ma ca nin nola nsem tsjan javelepj yupj. Yupj ꞌüsüs jin yola yupj pꞌiyá. 20 Dios jyüꞌta pjü. Gente lajay na Dios jos jin, selecj tꞌücꞌ way yupj Dios jutsꞌaꞌá. Javelepj mpes pꞌin, ma selecj ncu Dios jutsꞌaꞌá yupj. 21 Nun ntꞌa tjum na, napj selé nun nujisas napj ma nucopj mvelel. Nujisas napj velé ꞌüsüs nun. Nujisas ꞌüsüs ca mvelé nun jilal. Mpes ꞌüsüs la müjí Dios jos jin.

5

1 Gente

Pasal malala lajaytsja Corinto poꞌó.

javelepj nun pasal malala lojí neꞌaj. Dios tsꞌuyupj tulucj nin pꞌiyá javelepj wa pasal malala lojí nun. Javelepj yom pjaní jupj popay niswa tjowaya. Yom niná, neꞌaj myaꞌna popay jatsꞌom. Pasal malala niná. 2 Newa nin, nun nujola pasal ꞌüsüs way nun. Más ꞌücj ꞌaplijila nu tapalas, yom niná la tjiji mpes. Más ꞌücj wola welé jupj ma polel jama nun ꞌa nusí mulú ntꞌa. 3 Napj ma ꞌos nun jilal quinam; napj nola nun mpes la pꞌin, mpes napj neꞌaj ꞌos jinwá nun jilal. Napj pasal nólatsja nun mpes. Pasal nólatsja niná yomen malala la tjiji. Mpes napj nun jis lal mvelé tsjan najas ca la müjí nun jupj lal. 4 Napj velé Jesucristo mpes, jupj cupj qjuis Jepa Püné. Najas ꞌa nusí mulú nun. Napj ca nola nsem nun mpes ꞌa nusí mulú na. Jesucristo nucopj

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 5

494

mpꞌaꞌsas la müjí napj velé jin, jupj cupj qjuis Jepa Püné. 5 Najas nun welé niná yomen lal jupj ma polel jama nun ꞌa nusí mulú ntꞌa. Ma la tjomoná Dios lal jupj mpes, Dios ma ca majamas jupj. Mpes malala ca mpalas jupj ca nacj, Satanás* ca nin la mijis. Nin pyala na, niná yomen ca jas müꞌüsüs malala la tjíjitsja jupj. Mpes jupj cjües ca ꞌücj mpüꞌüm Dios lal, qjuis Jepa Jesús tjacꞌ na. 6 Nun nujola pasal ꞌüsüs way nun. Nun ma nujola malala la tjiji niná yomen. Malala nin. Levadura tsjicj way pꞌin, pan püm tꞌyüna liji pjü way. Nin pꞌiyá nun jilal. Yom pjaní pꞌin malala liji mpes, malala nu pyala nun pjü way jilal jupj mpes. Nun solejé niná. 7 Malala lojí levadura jinwá. Po ma nin la müjí quinam. Mpes nun ꞌüsüs nsem niswá. Dios vele ꞌüsüs way nun. Pan püm levadura cjuwá jinwá nun. Jesucristo tepeꞌe cruz* poꞌó cupj mpes; nin mpes Dios vele ꞌüsüs way cupj quinam. Jesucristo oveja* tsjicj jinwá, tepeꞌe cupj ca ꞌücj mpatjaquecj. Püna judiopan* oveja tsjictjacj jis tjüꞌünan Egipto poꞌó. (Oveja tjüꞌünan mpes, Dios ángel* yupj jis capa nipj tjemey, ma malala lis tjiji.) 8 Tsꞌacꞌ pjaní pjü año judiopan nin yola pyala Dios ángel casaꞌa tjemey Egipto poꞌó. Yupj jalá pan levadura cjuwá. Nin pꞌiyá más ꞌücj cupj ca qjuiyola mpalas Cristo tepeꞌe cupj mpes. Más ꞌücj ma malala lijicj. Malala lojí pan püm levadura moꞌo püꞌü jinwá. Ma malala la müjí quinam. Más ꞌücj ꞌüsüs quelel lijicj. Más ꞌücj tꞌücꞌ way velecj. ꞌÜsüs lojí pan püm levadura cjuwá jinwá. Mpes po nin la tjüjí ꞌüsüs. 9 Niná yomen neꞌaj tjemyaꞌna popay jatsꞌom, niswa pyac jupj mpes. Pülücj malala lajay jupj jinwá. Ma lowa yupj ꞌa si mulú ntꞌa. Ma jis capj ncon̈có yupj. Yas nam nin pꞌiyá tepyac nun mpes. 10 Napj tepyac qjuis catjampan nepénowa mpes. Yupj popa pülücj pasal malala lajay yupj. Ma tepyac Dios tsꞌuyupj tulucj mpes. Tꞌücꞌ way pasal malala lajay yupj, niná yomen popay jatsꞌom tjemyaꞌna jinwá. Tꞌücꞌ way yupj jisas la pꞌa jatatj. Yupj pequen̈. Jisas pꞌa wa dios witjacj*. Ma tepyac yupj mpes. Yupj jun taꞌá patja. Mpes napj selé nenéyawa jis capj con̈có, jun taꞌá patja mpes. 11 Tepyac la pꞌa mpes. Yupj javelepj yupj Dios tsꞌuyupj cupj jinwá. Newa malala lajay, niná yomen popay jatsꞌom tjemyaꞌna jinwá. Yupj jisas la pꞌa jatatj. Jisas pꞌa wa dios witjacj. Malala javelepj la pꞌa lajay mpes. ꞌÜsǘ se maná yupj. Pequen̈ yupj. Yupj mpes tepyac. Ma jis capj ncon̈có yupj. Ma jis lal welé nculá qjuis wa ntꞌa nu lo las. Ma wa nlawú yupj jis wa ntꞌa nu lo las. 12-13 Dios tsꞌuyupj tulucj mpes, napj ma velé pjacj cuscú malala lajay. Dios nin ca mveles. Dios tsꞌuyupj mpes velé pꞌin, más ꞌücj nusin ꞌyüsa pjacj malala jin lajay.

El Nuevo Testamento en Tol de Honduras, 2da ed. ©2010, Wycliffe Bible Translators

495

1 CORINTIOS 5, 6

Yom pjaní neꞌaj myaꞌna popay jatsꞌom. Tjowelé jupj lal ma ncuwim niswá ꞌa nusí mulú ntꞌa.

6

Dios tsꞌuyupj matꞌe ma yuwal yola na, ma ca mal juez ntꞌa. 1 Ca

nacj Dios popa pjaní neꞌaj püꞌü ma jos Dios popa la pꞌa la tjijá. Malala jupj jama la veles juez lal. Más ꞌücj vele Dios tsꞌuyupj jilal. Más ꞌücj yupj javelepj ncu malala la tjiji Dios popa niná la pꞌa. 2 ¿Ncu nujoꞌ tepeꞌe pꞌa jawas Dios tsꞌuyupj noypan nsem yupj, Dios ca lis mijis ca nin nsem? Yupj ca mvelecj pjacj malala nyuca la tjajay. Nin ca mvelecj Dios tsꞌuyupj tulucj jilal. Mpes costa tulucj nun welé quinam ncu malala la tjiji Dios popa pjaní. 3 ¿Ncu nujoꞌ tepeꞌe cupj ca mvelecj wa ncu malala la tjajay angelpan*? Mpes tꞌücꞌ way nin polel velecj quinam gente jilal quiꞌá nosis ntꞌa. Costa tulucj. 4 Mpes Dios tsꞌuyupj matꞌe ma yuwal yola na, malala lowú Dios tsꞌuyupj tulucj ntꞌa. Malala nin nun nujisas yupj mvelecj pjacj malala la tjiji. 5 Najas ꞌaplijila nsem nun nin la tjüjí mpes, ne nin velé napj. Dios tsꞌuyupj mátꞌeya ma yuwal yola na, napj selé nun popa nepénowa ꞌücj polel javelepj pjacj malala la tjiji. Napj selé nun popa nepénowa ꞌüsüs sin tjiꞌyüsa Dios mpes quinam, ne yupj ꞌücj polel lajay niná. 6 Mopꞌin ma lojí niná. Dios popa pjaní vele Dios popa pꞌa wa malala la tjiji jupj lal. Jama, vele niná juez lal. Nin la tjiji na, jupj tjemey Dios popa tulucj ntꞌa. 7 Quelel velé la pꞌa casá wa. Tꞌücꞌ way malala nun lowú la pꞌa ntꞌa, yupj mvelecj pjacj malala la tjiji. Más ꞌücj ma welé niná la pꞌa jilal. Nun ma nin lojí Dios jos jin. La pꞌa malala la nusiji na, más ꞌücj ma nujola nsem. La pꞌa pweca na nun nutsꞌaꞌá, más ꞌücj ma nujola nsem. 8 Nun lojí ꞌüsüs tulucj. Nun pꞌiyá malala lojí wa la pꞌa jilal. Nun pweꞌqué wa la pꞌa jutsꞌaꞌá. Nin lojí nunwá, malala lojí nun Dios tsꞌuyupj jis lal. 9 Nun solejé malala lajay ma polel jil Dios jyüꞌta ntꞌa. Niná Dios ma la mijis yupj mpes. Najas nun jus nlayé tꞌücꞌ way yupj ma polel jil Dios jyüꞌta ntꞌa. Nenem neꞌaj jamanun sejatsꞌom tulucj. Nenem jis vayum tulucj jilal jil. Ma tjewyayin̈ neꞌaj jamanun wa. Pꞌa wa dios witjacj* jisas. Niyom neꞌaj jamanun pꞌa niyom jilal, yupj sejatsꞌom jinwá nsem. 10 Yupj pequen̈. Yupj jisas la pꞌa jatatj. Se maná yupj. Malala javelepj la pꞌa lajay mpes. Malala lajay la pꞌa jilal, ꞌücj jis la pecj. Pjü way niná lajay ma polel jil Dios jyüꞌta ntꞌa. Dios ma nin la mijis yupj mpes. 11 Nun popa nepénowa nin pꞌiyá la tjüjí yas nam. Quina Dios perdonar la nutjiji malala la tjüjí mpes. Perdonar la nutjiji jupj Cjües mpes, qjuis Jepa Jesucristo mpes wa. Nun Dios jutsꞌaꞌá, nin nu tepyala. Nun ꞌüsüs Dios lal quinam, Dios la nutjiji mpes.

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 6, 7

496

Dios la tjiji qjuis pꞌüy. Jupj jos ꞌüsüs la mijicj jupj jos jin.

12 Napj

ꞌücj nin lejay napj quelel lejay jin. Nin pꞌin, nenéyawa ma ꞌüsüs ne palá nin lejay na napj quelel lejay jin. Napj ꞌücj lejay napj quelel lejay jin. Nin pꞌin ma najas napj po nola nsem napj nin quelel lejay mpes. Nin ne palá na, ma ca nin la mejay. 13 Tꞌücꞌ way Dios ve la tjiji qjuis col mpes. Dios la tjiji wa cupj qjuis col ve mpes. Ve ncawajas ca, qjuis col ncawajas wa ca, Dios ca nin la mijis. Dios la tjiji wa cupj qjuis pꞌüy, cupj ca nin la mijicj qjuis Jepa Jesucristo jos jin. Jupj ma jos niyom neꞌaj jamanun sejatsꞌom tulucj. Ma wa jos nequem jil jis vayum tulucj jis lal. Ma nin mpes la tjiji cupj qjuis pꞌüy. Qjuis Jepa Jesucristo qjuis capj pꞌyaꞌsa ꞌücj lijicj jupj jos jin. 14 Dios jas tjijyünsa qjuis Jepa Jesucristo, mpes püꞌü niswá. Jupj qjuisin müjünsüs wa ca, mpatjaquecj niswá. Püné jupj, mpes ꞌücj nin liji. 15 Tꞌücꞌ way nequem nepénowa pajal malala lajay. Yupj quelel jil niyom pülücj jilal. Noyomes jaylacj lajay yupj jilal jil na. Malala nin, nequem nenem su manú. Yom neꞌaj myaꞌna na yupj popa pjaní, malala. Yupj jis pꞌüy pjaní jinwá se palá. Nun solejé nun Cristo jutsꞌaꞌá, mpes nun jupj jüpꞌüy jinwá. Cristo jutsꞌaꞌá ma ca jis manucj nequem malala witjacj. 16 Nun solejé yom myaꞌna na quepj malala lijá, yupj jis pꞌüy pjaní jinwá se palá. Dios Popel vele: “Manas ca jüpꞌüy pjaní jinwá nsem yupj”. 17 Nin mpes ma polel nin lojí. Yom se con̈ca na qjuis Jepa Jesucristo, yupj manas cjües pjaní jinwá se palá. 18 Mpes najas ma su manú nequem nenem. Najas ma su manú nun sejatsꞌom tulucj. Najas nequem ma jil yupj jis vayum tulucj jilal. Nin quelel lojí niná ca nacj. Nin lojí na, malala lojí nun jis pꞌüy pꞌiyá jilal. Pꞌa casá malala lojí na, ma malala se palá nun jis pꞌüy jilal. Nin tulucj niná lojí na. Malala lojí na nun jis pꞌüy pꞌiyá jilal, pasal malala. 19 Nujola tapalas Dios Cjües püꞌü nujisas moꞌó. Nun jis pꞌüy jupj wo jinwá jupj lal. Dios jupj Cjües nu tjeꞌyaya. Mpes nun jis pꞌüy nun nutsꞌaꞌá tulucj. Nun Dios jutsꞌaꞌá. 20 Dios jaylacj la tjiji jinwá la tjiji nun jis lal. Mpes nun Dios jutsꞌaꞌá. Najas gente ꞌüsüs ca mvelecj Dios poꞌó, nun lojí mpes. Mpes lovin la müjí Dios jos jin.

7

1 Nun

Pablo pyaca niyom mpes, sejatsꞌom mpes wa.

papel tapaqué napj mpes. Nujisastsja napj mpac niyom mpes, sejatsꞌom mpes wa. ꞌÜcj niyom lovin ma jamanun nequem. 2 Mopꞌin ma ca nin nsem. Napj selé niyom jamanun nequem. Napj

El Nuevo Testamento en Tol de Honduras, 2da ed. ©2010, Wycliffe Bible Translators

497

1 CORINTIOS 7

selé wa nequem jil niyom jilal. Mpes más ꞌücj niyom mwayin̈ nequem jilal. Más ꞌücj niyom niná lovin ma jamanun sejatsꞌom tulucj jilal. Más ꞌücj nequem niná lovin ma jil jis vayum tulucj jilal. 3 ꞌÜcj yupj jamanun yupj sejatsꞌom. ꞌÜcj wa nequem niná jil yupj jis vayum jilal. 4 Quepj tjowaya na, jupj jüpꞌüy ma jupj jutsꞌaꞌá quinam. Jupj jüpꞌüy jupj voyum jutsꞌaꞌá. Nin pꞌiyá, yom tjowaya na, jupj jüpꞌüy ma jupj jutsꞌaꞌá quinam. Jupj jüpꞌüy jupj jatsꞌom jutsꞌaꞌá quinam. 5 Mpes ꞌücj yom myaꞌna jupj jatsꞌom. Pjaní ma quelel myaꞌna maꞌajapj, malala. Nenéyawa nin pꞌiyá yola, quelel javelepj Dios lal pꞌin quinam, mpes ma quelel nin lajay quinam. ꞌÜsüs nin. Mopꞌin ma ca tsꞌacꞌ pülücj nsem. Pꞌa jawas ca quelel mal niswá. Mpes más ꞌücj nin lajay. Yom ma myaꞌna jatsꞌom, malala. Satanás* ncuwim ca nacj yom niná ntꞌa, mveles ca más ꞌücj jupj neꞌaj myaꞌna pꞌa quepan. Satanás ncuwim wa ca nacj jupj jatsꞌom ntꞌa, mveles ca más ꞌücj jama pꞌa yomen lal. Satanás jos malala lojí. 6 Tꞌücꞌ way nenéyawa quelel welé pꞌin Dios lal; ma quelel lowú ca nacj nun sejatsꞌom lal, nuvoyum lal. Niná ma nu jyütütj; nujisas na pꞌin, ꞌüsüs. 7 Napj nola más ꞌücj pjü sejatsꞌom tulucj, napj jinwá. Nin tulucj la pꞌa. Dios nin liji cupj polel lijicj jupj jos jin. Ma polel lijicj nin pꞌiyá. Dios ma qjuesé ꞌaya nin pꞌiyá lijicj. 8 Nepénowa lovin ma tjewyayin̈ yupj. Nequem nepénowa, yupj jis vayum tecyaꞌlin̈. Quina napj quelel pyac yupj mpes. ꞌÜsüs yupj ma mwayin̈ ca, napj jinwá. 9 Mopꞌin ma jisas yusapj mpatjam ca nacj. Po quelel jil pꞌa lal. Pasal yola niná. Mpes más ꞌücj mwayin̈ ca yupj. ꞌÜsüs mwayin̈ ca. Malala ma mwayin̈; malala lovin yola niyom mpes. 10 Quina napj quelel sin ꞌyüsa lejay tjewyayin̈ jilal. Napj pyac qjuis Jepa Jesucristo tjevelá. Más ꞌücj nequem ma jis vayum patja jil la pꞌa ntꞌa. Malala ma jisas yupj jis vayum quinam. 11 Mopꞌin nin pyala neneyawá. Ca nacj quepj pjaní voyum püꞌü jama, ma jos jupj voyum quinam. Mpes más ꞌücj jupj lovin ma ca mwayim niswá. Jupj ma quelel püꞌü voyum tulucj, más ꞌücj jupj jacꞌ niswá voyum ntꞌa. Qjuis Jepa Jesucristo jos wa yom ma se jamá jupj jatsꞌom. 12 La pꞌa mpes qjuis Jepa Jesucristo ma nin tjevele. Napj pꞌiyá ca mpac yupj mpes. Yom pjaní jáꞌasa neꞌaj ca nacj, jupj jatsꞌom Dios popa tulucj. Quepj niná ꞌücj jos püꞌü jupj lal. Mpes más ꞌücj yom niná ma se jamá jupj jatsꞌom. 13 Ca nacj quepj jáꞌasa neꞌaj, jupj voyum Dios popa tulucj. Mopꞌin nin, yom niná ꞌücj jos püꞌü jupj lal. Mpes más ꞌücj quepj niná ma voyum püꞌü jama la pꞌa ntꞌa.

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 7

498

14 Tꞌücꞌ

way jupj voyum ma pyona Jesucristo poꞌó. Newa nin, Dios liji quepj voyum ꞌüsüs pyala Dios lal jupj jatsꞌom pyona mpes. Mpes más ꞌücj quepj niná ma voyum püꞌü jama la pꞌa ntꞌa. Yupj jis tsꞌuyupj Dios jutsꞌaꞌá se palá wa. Yupj malala tulucj Dios lal. Yom pꞌa wa jáꞌasa neꞌaj ca nacj, jupj jatsꞌom ma pyona Jesucristo poꞌó. Nin pꞌiyá, Dios liji jupj jatsꞌom ꞌüsüs pyala Dios lal jupj voyum pyona mpes. Mpes más ꞌücj yom niná ma se jamá jupj jatsꞌom. Yupj jis tsꞌuyupj Dios jutsꞌaꞌá se palá wa. Yupj malala tulucj Dios lal. 15-16 Nenéyawa ma pyona quelel jama la pꞌa ntꞌa. Yom ma pyona Jesucristo poꞌó, jupj jatsꞌom pyona pꞌin. Mpes ꞌücj yom niná jama. Dios jos jupj lal japon ꞌücj jisas jatja, mpes ꞌücj quepj ma püꞌü jupj lal quinam. Dios jos ma la velel yupj. Quepj niná ma selé ncu jupj voyum ca jos nsem Jesucristo. Mpes ꞌücj jupj voyum jama la pꞌa ntꞌa. Ca nacj quepj ma pyona quelel jama la pꞌa ntꞌa. Quepj niná ma pyona Jesucristo poꞌó, jupj voyum pyona pꞌin. ꞌÜcj quepj niná jama. Dios jos jupj lal japon ꞌücj jisas jatja, mpes ꞌücj yom niná ma püꞌü jupj lal quinam. Dios jos ma la velel yupj. Yom niná ma selé ncu jupj jatsꞌom ca jos nsem Jesucristo. Mpes ꞌücj jupj jatsꞌom jama la pꞌa ntꞌa.

17 Dios

Ma nujisas tꞌas nin pꞌiyá majatjaqué la pꞌa jinwá.

la nu tꞌya nu la pon jupj lal, mpes jupj jos jin la müjí lovin. Nin pꞌiyá niná tjewyayin̈ mpes, tjewyayin̈ tulucj mpes wa. Qjuis Jepa Jesucristo nasa tjevele pjacj mwayis, pjacj ma ca mwayis. Nin pꞌiyá liji pjü jis lal. Mpes jupj pꞌiyá tjevele ꞌonin ca nsem nun jis lal. Nun sejatsꞌom toꞌá, Dios jos ꞌüsüs la müjí. Nun sejatsꞌom cjuwá, Dios jos ꞌüsüs la müjí wa nun. Niná sin ꞌyüsa lejay napj jun taꞌá, Dios tsꞌuyupj ꞌa si mulú ntꞌa. 18 ꞌÜcj nusin la ꞌüsüs niná. Dios la nu tꞌya na, ca nacj nasa tꞌücꞌ nun jis pjolocꞌ tsjicj way tꞌasiyú tꞌü tepyala. La pꞌa yupj jis pjolocꞌ tꞌü tepyala tulucj. Ma nujisas tꞌas nin pꞌiyá majatjaqué yupj jinwá. Pꞌa casá waytsja ca nacj. Dios la nu tꞌya na, ca nacj nun jis pjolocꞌ lovin ma tꞌü tepyala. La pꞌa yupj jis pjolocꞌ nasa tꞌü tepyala. Ma nujisas tꞌas nin pꞌiyá majatjaqué yupj jinwá. 19 Nepénowa javelepj ꞌüsüs nu pyala nun jis pjolocꞌ tsjicj way tꞌasiyú jatꞌǘ na. Nin tulucj. La pꞌa javelepj más ꞌüsüs nu pyala nun jis pjolocꞌ tsjicj way tꞌasiyú ma jatꞌǘ na. Nin tulucj. ꞌÜsüs nu pyala nin lojí na Dios tjevelá. Tꞌücꞌ way niná. 20 Dios la nu tꞌya na, ca nacj nasa tꞌücꞌ nun jis pjolocꞌ tsjicj way tꞌasiyú tꞌü tepyala. ꞌÜcj nin. Ma nujola tꞌas. Dios la nu tꞌya na, ca nacj nun jis pjolocꞌ lovin ma tꞌü tepyala. ꞌÜcj wa nin. Ma nujola tꞌas. Ma nujisas tꞌas nun jis pjolocꞌ jatꞌǘ.

El Nuevo Testamento en Tol de Honduras, 2da ed. ©2010, Wycliffe Bible Translators

499

1 CORINTIOS 7

21 Dios

la nu tꞌya na, ca nacj esclavopan* waytsja nun. Ma nujola tꞌas. Ma nin velé ma nlawú jupj jutsꞌaꞌá nusin jyama na. Jupj vele ꞌücj jis la winin, ꞌücj ma tsjiꞌ lojí jupj mpes quinam. Jupj nin liji na, ꞌücj lowú nun. 22 Nepénowa esclavopan waytsja yupj, Dios lis tꞌya na. Quina yupj cupj qjuis Jepa Jesucristo jutsꞌaꞌá. Mpes quina ma lajay diablo* jos jin. Nin mpes esclavopan jin tulucj diablo lal. Nepénowa esclavopan tuluctsja Dios lis tꞌya na. Quina Jesucristo yupj jis Jepa; yupj lajay jupj jos jin, esclavopan jinwá. Mpes pjü way nun yuwal. 23 Jesucristo jaylacj la tjiji jinwá la tjiji nun jilal. Mpes nun jupj jutsꞌaꞌá. Mpes lovin la müjí jupj jos jin. Gente ca jisas nsem nun ma nin lojí jupj jos jin. Mopꞌin ma mpjaꞌaqué yupj javelepj. 24 Natjampan, Dios la nu tꞌya na, ca nacj esclavo* waytsja nun. ꞌÜcj, ma nujola tꞌas. Dios la nu tꞌya na, ca nacj esclavo waytsja tulucj nun. ꞌÜcj wa. Ma nujisas tꞌas nin pꞌiyá majatjaqué la pꞌa jinwá. Dios jáꞌasa nun jilal.

25 Napj

Pablo tepyaca ma tjewyayin̈ mpes.

quina quelel pyac lovin ma tjewyayin̈ mpes. Qjuis Jepa Jesucristo ma tjevele napj lal yupj sin poꞌó. Napj ca mpac napj nola jin yupj mpes. Qjuis Jepa Jesucristo la ntjetꞌá napj la veles la pꞌa jilal jupj mpes, ne ꞌücj nun mponé napj velé. 26 Quina malala se palá Dios tsꞌuyupj jilal. Mpes napj nola más ꞌücj Dios tsꞌuyupj ma mwayin̈ ca. 27 Ca nacj nun toꞌá nun sejatsꞌom nasa. ꞌÜcj. Ma tjowelé lowa nun sejatsꞌom jilal ne mal. Ca nacj lovin sejatsꞌom cjuwatsja. Ma nujisas tꞌas woyaqué. 28 Ma nin velé ma polel woyaqué. Woyaqué na, ma malala lojí. Nequem nepénowa lovin ma tjewyayin̈ custjay. Ca nacj quelel wyayin̈ yupj. Ma malala nin lajay yupj. Nun mpes nola la pꞌin. Tꞌücꞌ way malala ca jis mpalas Dios tsꞌuyupj jilal quiꞌá nosis casá. Tjewyayin̈ jilal más malala ca jis mpalas. Mpes nun jilal napj velé más ꞌücj ma woyaqué nun. 29 Natjampan, napj nin velé pasal len̈ way malala ca jis mpalas Dios tsꞌuyupj jilal quiꞌá nosis casá. Mpes nun sejatsꞌom jatatj, quina najas nun nujola ma tjewyayin̈ yola jinwá. Ma tjewyayin̈ ꞌücj nin yola Dios poꞌó. Más ꞌüsüs tsjiꞌ lajay Dios mpes. Najas tjewyayin̈ nin lajay yupj jinwá. 30 Ca nacj nun ꞌaplijila quinam. Ma nujola tꞌas nun ꞌaplijila mpes. Lowa, tsjiꞌ la müjí Dios mpes. Ca nacj nun ꞌücj jisas. Ma nujola tꞌas nun ꞌücj nujisas mpes. Lowa, tsjiꞌ la müjí Dios mpes. Ca nacj quelel lowú, jaylacj la müjí nun nujisas. Ma nujola tꞌas niná nun

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 7, 8

500

nutsꞌaꞌá lovin. Lowa, tsjiꞌ la müjí Dios mpes. 31 Ca nacj pülücj toꞌá nun. Ma nujola tꞌas nun toꞌá mpes. Lowa, tsjiꞌ la müjí Dios mpes. Pjü nosis casá jatja ncawajas ca. Pꞌa casá ca nsem pꞌa jawas. 32 Najas ma nujola nsem. Yom jatsꞌom tulucj, ꞌücj jola qjuis Jepa Jesucristo poꞌó. Pasal quelel tsjiꞌ liji jupj mpes. Jupj jos qjuis Jepa Jesucristo ꞌücj jos nsem jupj liji mpes. 33 Yom jatsꞌom tyaꞌa, pasal jola jupj jatsꞌom poꞌó. ꞌÜsüs quelel liji jupj mpes. Jos jupj ꞌücj ca nsem jatsꞌom lal, jupj liji mpes. 34 Mpes matꞌe mpes jola jupj. Jola qjuis Jepa Jesucristo poꞌó, jola wa jatsꞌom poꞌó. Nenéyawa jola Jesucristo poꞌó, nenéyawa jola jatsꞌom poꞌó. Nin pꞌiyá nequem jilal, tsjücjüim jilal ꞌotsꞌipj. Quepj voyum tulucj ꞌücj jola Jesucristo poꞌó. Lovin quelel liji Dios jos jin pꞌin. Jos jupj pꞌiyá ꞌüsüs nsem Dios lal, jos wa jupj cjües ꞌüsüs nsem Dios lal. Quepj voyum tyaꞌa, pasal jola jupj voyum poꞌó. ꞌÜsüs quelel liji jupj mpes. Jos jupj voyum ꞌücj jos nsem jupj liji mpes. 35 Niná velé nun jilal nucopj la pꞌacj. Ca nacj nun nujola napj najas ma woyaqué nun. Nin tulucj. Najas nun lovin nin la müjí qjuis Jepa Jesucristo jos jin pꞌin. Niná más ꞌücj. Nin mpes nin velé nun jis lal. 36 Ca nacj yom jáꞌasa neꞌaj, vele jucucus lal jupj jos ma woya jupj. Jola la pꞌin malala niná vele jucucus lal ca nacj. Jupj jucucus tsjücjüim quinam, po quelel woya jupj. Mpes ca jupj jola más ꞌücj jupj jucucus mwayim quinam. ꞌÜcj mveles ꞌücj mwayim quinam. Ma malala vele. 37 Pꞌa yom vele jupj jucucus lal ma mwayis jupj. Jupj jola pasal ꞌüsüs way nin vele, jola ma malala vele. ꞌÜcj nin vele jupj nin jos mpes. Po jola más ꞌücj jupj jucucus ma woya. ꞌÜsüs way niná. 38 Mpes ca nacj yom ca mveles ꞌücj woya jupj jucucus. Jupj vele ꞌüsüs way. Ma nin vele ca nacj. Ca nacj jupj ca mveles más ꞌücj ma woya jupj. Más ꞌüsüs way niná. 39 Nequem tjewyayin̈, malala jis vayum patja jil la pꞌa ntꞌa. Jupj voyum tepeꞌe na pꞌin, ꞌücj jama. ꞌÜcj ca mwayim niswá. Jupj jos lal ꞌücj ca mwayim. Mopꞌin Jesucristo lal pyona lal ca mwayim la pꞌin. 40 Jupj ma quelel woya, ꞌücj wa. Más ꞌücj jos nsem jupj, nin nola. Más ꞌücj polel tsjiꞌ la mijis Dios mpes. Napj nola napj nin velé Dios Cjües jos jin.

Gente pis jaꞌayapj pꞌa dios witjacj jilal. Yupj mpes pyaca Pablo.

8

1 Gente

nepénowa pis jaꞌayapj pꞌa dios witjacj* mpes. Quina ninana mpes quelel pyac. Yupj jis dios Dios tꞌücꞌ way tulucj. Pjü El Nuevo Testamento en Tol de Honduras, 2da ed. ©2010, Wycliffe Bible Translators

501

1 CORINTIOS 8

cupj niná selecj. Gente nepénowa yola yupj pꞌiyá ꞌüsüs, pülücj sin tjiꞌyüsa mpes. Malala nin. Más ꞌücj quelel la sojí la pꞌa. Mpes ca sin müꞌüsüs la müjí Dios poꞌó. 2 Nepénowa yola yupj pꞌiyá pasal salejepj. Tꞌücꞌ way pasal salejepj. Newa ma salejepj Dios jos jin. 3 La pꞌa wa nepenowá quelel lajay Dios. Yupj Dios jutsꞌaꞌá. 4 Gente pis jaꞌayapj dios witjacj* jilal. Niná mpes ca mpac quinam. Nun quelel solejetsja ncu ꞌücj niná pwisis lojá. Cupj selecj yupj jis dios witjacj Dios tꞌücꞌ way tulucj. Janucun tulucj yupj. Dios tꞌücꞌ way jusapj. Len̈ la pꞌa. 5 Gente javelepj dios pülücj patja tsjun poꞌó. Javelepj pülücj patja wa nosis casá. Yupj japon dios pasal pülücj yupj. Japon dios pülücj jajütütj. 6 Pꞌa casá pyonecj cupj. Cupj pyonecj Dios pjaní pꞌin. Jupj cupj qjuis Papay. Pjü patja jupj la tjiji mpes. Jupj la qjuis tjiji, cupj tsjiꞌ la mijim jupj mpes. Cupj qjuis Jepa Püné pjaní wa pꞌin jupj, Jesucristo jupj. Dios pjü la tjiji Jesucristo mpes. Jesucristo mpes cupj pyatjaquecj. 7 Mopꞌin pülücj ma sin tjiꞌyüsa niná. Lovin yólatsja niná dios witjacj* janucun yupj. Yupj jalá pwisis, pis niná gente tjaꞌayapj dios witjacj mpes. Yupj yola pis niná dios witjacj jutsꞌaꞌá custjay. Yupj yola Dios ma jos jalá yupj niná, mpes tjalá na, ꞌaplijila se palá. Ma ꞌüsüs sin tjiꞌyüsa custjay Dios jos jin, mpes nin se palá yupj. 8 Cupj ꞌüsüs Dios lal, nin qjuesé palá tjelyajacj mpes tulucj. Lyajacj, cupj ma más ꞌüsüs Dios lal. Ma lyajacj, cupj ma más malala Dios lal. Lyajacj, ꞌücj. Ma lyajacj, ꞌücj wa. 9 Nun nin lojá pwisis, la pꞌa tjaꞌayapj dios witjacj* mpes. Ma nujola nun. Newa nin, la pꞌa tꞌücꞌ way ma sin tjiꞌyüsa custjay dios witjacj nenem mpes. Yupj nujus januc lojá niná pwisis. Jalá wa yupj. Ma sin ꞌyüsa, mpes ꞌaplijila se palá tjalá mpes. Mpes ma nlajá niná pwisis nun. 10 Ca nacj nun ca nlawú yupj jis dios jáꞌasa ntꞌa. Nun ca nlajá pwisis, yupj tjaꞌayapj jis dios niná mpes ca nacj. Nun tꞌücꞌ way nusin tjiꞌyüsa dios witjacj sin poꞌó. La pꞌa ma sin ꞌyüsa ca nacj. Yupj ca nujus nucucj ca nacj nin lojá. Yola nsem ꞌücj ca nlajacj wa. Mpes nlajacj wa yupj ca nacj. Yacjaya ca yola nsem yupj pꞌiyá malala la tjajay, tjalá mpes. 11 Nun tꞌücꞌ way nusin tjiꞌyüsa dios witjacj sin poꞌó. La pꞌa ma sin tjiꞌyüsa. Malala se palá ca nacj nun nusin tjiꞌyüsa mpes. Nujola tꞌas, yupj nun sejatjampan, Jesucristo tepeꞌe wa yupj mpes. 12 Ca nacj yupj ca nlajacj pwisis niná, nun tjalajá mpes. ꞌAplijila ca nsem yupj ca nacj. Mpes nun malala la tjüjí yupj jilal, yupj ne nun sejatjampan. Mpes nun malala la tjüjí wa Jesucristo lal. 13 La pꞌa ca

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 8, 9

502

nlajas pwisis napj tjelyá mpes ca nacj. Jupj jola malala pis lyaja, mpes lyaja na, malala liji jupj Dios lal. Jupj napj natjam. Ma najas jupj ca malala la mijis, mpes napj ma ca nla pwisis niswá. ꞌÜsüs way gente ꞌüsüs lajay apostolpan mpes.

9

1 Apóstol* napj. Dios nin tjejyama la veles jupj mpes. Jupj jos napj velé Jesucristo poꞌó. Dios ni jütüta. Gente pꞌin ma na jütütj. Napj jus tjinyuc qjuis Jepa Jesús. Napj nin lejay jupj jos jin. Mpes quina nun Dios tsꞌuyupj nu tepyala. 2 Ca nacj gente la pꞌa ma japon apóstol way napj, ma japon Dios nin tjejyama la veles jupj mpes. Nun pꞌin poné. Napj selé nun poné jupj nin tjejyama. Nun Dios tsꞌuyupj nu tepyala. Nin mpes Dios nin tjejyama nun ntꞌa la veles jupj mpes Jesucristo poꞌó. 3 Nepénowa malala javelepj napj nin poꞌó. Nin javelepj napj lejay mpes. Niná yupj jis lal velé. 4 Tꞌücꞌ way pülücj jilal velecj Jesucristo poꞌó. Mpes cupj ꞌücj tꞌeꞌenquecj Dios tsꞌuyupj qjuesé ꞌayapj qjuis la las, qjuis la müs wa. 5 Apostolpan* la pꞌa jil wa, javelepj Dios mpes. Yupj sejatsꞌom jis capj jacon̈. Yupj sejatsꞌom Dios tsꞌuyupj wa. Qjuis Jepa Jesús jüpülücpan, yupj sejatsꞌom jis capj jacon̈ wa. Pedro jatsꞌom se con̈ca wa. Mpes ꞌücj cupj wyayaquecj wa Dios tsꞌuyupj jilal, ꞌücj qjuis capj la con̈. Newa woya secj cupj. 6 Bernabé tsjiꞌ liji, napj tsjiꞌ lejay wa, mpes ꞌücj jaylacj lijicj qjuis la las, caꞌaj qjuis la jas jaylacj lijicj wa. Apostolpan la pꞌa ma tsjiꞌ lajay. Dios tsꞌuyupj se ꞌayapj jis la las, caꞌaj jis la jas se ꞌayapj wa. Apostolpan tsjiꞌ lajay Dios mpes; nin mpes se ꞌayapj yupj niná. ꞌÜsüs nin. ꞌÜcj wa cupj ma tsjiꞌ lijicj; cupj pꞌiyá quelel tsjiꞌ lijicj, mpes nin lijicj. 7 Quina ca mpac tsjan mpes ca jus nlayé napj velé tꞌücꞌ way. Cupj militarpan jinwá, Dios mpes tsjiꞌ lijicj mpes. Militar tsjiꞌ liji jepapan mpes. Militar ma jaylacj liji jupj lo las. Jepa ꞌyaya jupj lo las. Cupj militarpan jinwá, mpes ꞌücj la pꞌa ca qjuis maꞌayacj cupj qjuisas. Uva sinacj jinwá lijicj wa. Yom sine na, pülücj vyala jupj jutsꞌaꞌá nsem. Nin pꞌiyá cupj qjuis lal; ꞌücj tꞌeꞌenquecj wa cupj. Vaca si manuna jinwá lijicj wa. Yom vaca si manuna, ꞌücj jupj pjyüjü. Nin pꞌiyá cupj qjuis lal; ꞌücj tꞌeꞌenquecj cupj lijicj mpes. Po ꞌüsüs Dios tsꞌuyupj jaꞌayapj apostolpan jisas yupj Dios mpes tsjiꞌ lajay mpes. 8 Napj nin pyac gente nin lajay mpes. Qjuisin ꞌyüsa ꞌüsüs way gente tꞌemel jatꞌanquepj tsjiꞌ la tjajay mpes. Nin pꞌiyá qjuisin ꞌyüsa Moisés* tepyaca mpes. 9 Tepyaca: “Buey tsjiꞌ liji na, malala mwicj tsyuꞌpa. ꞌÜcj

El Nuevo Testamento en Tol de Honduras, 2da ed. ©2010, Wycliffe Bible Translators

503

1 CORINTIOS 9

lyaja.” Nin tepyaca Dios tjevele jin. Niná Dios tjevele na, buey mpes tulucj jólatsja jupj. 10 Jólatsja cupj mpes. Nin tjevele cupj mpes. Yom ꞌamá le tsjequé na, jola pꞌa jawas jupj ca ntꞌanques tjevyala popé. Yom trigo* jay syüpa na, jupj jola jupj ca ntꞌanques. 11 Nin pꞌiyá cupj qjuilal. Nun jilal tjevelecj Dios tjevelá mpes. Dios tjevele, setel jinwá. Niná sinactsja jinwá nun poꞌó. Mpes ꞌüsüs way nun ꞌoyá cupj qjuilal qjuis la las. 12 Tꞌücꞌ way la pꞌa so ꞌoyá nun. Mpes ꞌücj wa qjuis maꞌayá. Cupj más ꞌüsüs la tjijicj yupj jis lal. Newa cupj ma la tjemyonacj nun jilal. Nenéyawa cjuwá cupj qjuisas. Newa ma le monacj nun jilal; qjuisastsja gente ma malala javelepj cupj poꞌó. Gente malala javelepj na cupj poꞌó, ca nacj la pꞌa ma ca mponecj cupj velecj Jesucristo poꞌó. Cupj velecj tsjan niná jupj ꞌüsüs la tjiji gente mpes. Mpes ma la tjemyonacj nun jilal. 13 Gente ve jacutj Dios wo* ntꞌa, Dios mpes la ꞌayas. Dios mozopan neꞌaj jatja, tsjiꞌ lajay neꞌaj. Nun solejé yupj ve niná popé jatꞌanquepj, jalá lovin. ꞌÜcj nin. Gente jacuman animal witjacj Dios wo ntꞌa, Dios mpes la ꞌayas. Dios mpes tsjiꞌ lajay jaꞌüm animal witjacj. Pis niná tjaꞌayapj Dios mpes. Nun solejé neꞌaj tsjiꞌ lajay pis niná popé jatꞌanquepj, jalá wa lovin. ꞌÜcj nin. 14 Nin pꞌiyá quinam. Dios tsꞌuyupj jil, javelepj la pꞌa jis walapꞌaꞌá tsjan niná Jesucristo ꞌüsüs la tjiji gente mpes. Nin lajay na, tsjiꞌ lajay Dios mpes. Qjuis Jepa Jesucristo tjevele más ꞌücj Dios tsꞌuyupj lovin se ꞌayapj jis la las, caꞌaj jis la jas ꞌotsꞌipj, niná lajay mpes. 15 Newa napj ma la tjemyon gente jilal. Tꞌücꞌ way Dios popa pjaní jama na, vele na Dios tjevelá, ꞌücj Dios tsꞌuyupj jaꞌayapj jupj la las, caꞌaj ꞌücj la jas wa. Newa nin, najas napj mpes ma nin lojí. Po ꞌücj najas nun jilal velé Dios tjevelá. Najas ma no ꞌoyá nin lejay mpes. Gente na ꞌayapj, ꞌaplijila ca nsem napj. ꞌÜcj napj lal cjuwá, ne ni püꞌí. Más malala ma nin lejay, ne ma ni püꞌí. 16 Tꞌücꞌ way napj velé la pꞌa jis walapꞌaꞌá tsjan niná Jesucristo ꞌüsüs la tjiji gente mpes. Ma velé ꞌüsüs napj, nin la tjejay mpes. Napj velé Dios ntjijütüta mpes. Ma velé, malala ca ma palas. 17 Napj ꞌücj najas nin velé, mpes Dios ne ꞌaya napj velé mpes. Mpes napj ma le mon nun no ꞌoyá. Napj ma quelel nin cüvelé Dios mpes, newa nin ni jütüta jupj. 18 Tꞌücꞌ way ꞌüsüs way ne palá jupj mpes velé mpes. ꞌÜcj najas ma tꞌeꞌé napj nin lejay mpes. Napj ꞌücj le mon no ꞌoyá Dios mpes velé mpes. Napj nin velé tsjan niná Jesucristo ꞌüsüs la tjiji gente mpes. Ma nin le mon napj. Así nin velé, jaylacj tulucj. 19 Tꞌücꞌ way gente ma na jütütj. Pjü ma na ꞌayapj lejay mpes. Mopꞌin nin, napj mozo jinwá pjü mpes. Nin lejay se pꞌacj mpes. Mpes polel

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 9

504

velé yupj jilal Dios tjevelá. Quina yupj nepénowa jisas Jesucristá. 20 Judiopan* jilal püꞌüs na, yupj jin pꞌiyá lejay napj. Mpes polel velé yupj jilal Dios tjevelá. Yupj nepénowa jisas Jesucristá. Gente niná nin lajay Moisés* tjijyüꞌtá. Napj selé ꞌücj ma lejay pjü Moisés tjijyüꞌtá. Mopꞌin yupj jilal püꞌüs na, yupj jin pꞌiyá lejay napj. Mpes nin polel velé wa yupj jilal Dios tjevelá. Mpes yupj nepénowa jisas wa Jesucristá napj velé mpes. 21 Gente la pꞌa ma salejepj Moisés tjijyüꞌtá, ma lajay jupj tjijyüꞌtá. Yupj jilal püꞌüs na, yupj jin pꞌiyá lejay napj. Mpes polel velé wa yupj jilal Dios tjevelá. Yupj nepénowa jisas wa Jesucristá napj velé mpes. Newa nin napj nin lejay Dios tjijyüꞌtá, Jesucristo tjijyüꞌta wa. 22 Gente la pꞌa nepénowa ma ꞌüsüs sin tjiꞌyüsa custjay Jesucristo poꞌó. Yupj jilal püꞌüs na, yupj jin pꞌiyá lejay napj. Mpes ꞌücj polel velé napj yupj jilal Dios tjevelá. Yupj nepénowa jisas Jesucristo quinam. Mpes pjü gente lajay jinwá, nin pꞌiyá lejay napj. Nin lejay na, ꞌücj jilal velé Dios tjevelá, ne yupj nepénowa jisas Jesucristá. Mpes yupj ca mpatjam Dios lal. 23 Napj najas pꞌa witjacj sin ꞌyüsa wa Jesucristo poꞌó. Napj nin velé Dios ꞌüsüs liji gente jis lal Jesucristo mpes. Pjü lejay, nin mpes nin lejay. Najas ꞌüsüs se palá, najas ꞌüsüs ne palá wa Jesucristo mpes, napj velé jinwá. 24 Quina ca mpac ꞌoyn nyuca la müjí nun. Nenéyawa gente ꞌa si mulú, ꞌa mulú tsꞌequenen̈. Yupj quelel salejepj pjacj más ꞌin wü jama. Nun solejé ꞌüsüs pyala más wü tjemey lal. Yupj jaꞌayapj jupj lal. Jupj jinwá la müjí nun. Po ꞌüsüs la müjí Dios mpes, ne ca ꞌüsüs nu mpalas, la mijis Dios. 25 Tsꞌequenen̈ witjacj ꞌüsüs jajamapj yupj jis pꞌüy. Nin lajay mpes ꞌüsüs polel tsꞌequenen̈. Más wü quelel jil yupj, mpes nin lajay yupj. Jepapan ca maꞌayacj más wü tjemey mpes, jay maꞌajam maꞌayacj ca. Mopꞌin jepapan jaꞌayapj ncawajas ca, cjuwá nsem pꞌa jawas. Cupj tsꞌequenen̈ witjacj jinwá. Nin pꞌiyá más ꞌücj jyamacj cupj qjuis pꞌüy. Mpes más ꞌüsüs ca polel tsjiꞌ la mijicj Dios mpes. Jupj qjuis maꞌayas más ꞌüsüs jepapan jaꞌayapj lal; ma ca ncawajas jupj. 26 Napj najas Dios ca ꞌüsüs la ma jis napj mpes; nin mpes pasal yümücj tsjiꞌ lejay jupj mpes. Napj selé ꞌoyn nyuca quelel lejay Dios mpes. Ma nin lejay, ma ꞌüsüs ne palá. Mpes pasal yümücj tsjiꞌ lejay Dios mpes. 27 Tꞌücꞌ way la pꞌa jis walapꞌaꞌa tjevelé más ꞌücj ꞌüsüs la mijicj Dios mpes. Mpes ꞌüsüs ca jis mpalas, la mijis Dios. Najas ꞌüsüs ne palá la mijis wa jupj. Mpes ꞌüsüs jyamá napj pꞌiyá. Napj lejay Dios jos jin, nin way pꞌin. Napj najas jin ma lejay napj.

El Nuevo Testamento en Tol de Honduras, 2da ed. ©2010, Wycliffe Bible Translators

505

10

1 CORINTIOS 10

Pablo sin ꞌyüsa la tjiji dios witjacj sin poꞌó.

1 Judiopan*

püna tapatja, cupj yupj sin popa pꞌiyá. Nujola tapalas yupj cus tocon̈ Moisés*. Najas nun nujola pyala niná tepyalá. Yupj pátjatsja casaꞌa mol tjacꞌ, tüpüꞌü, Dios nin la tjiji mpes. Mol jámatsja yupj jis walapꞌaꞌá. Mol tjemey na, tjil wa yupj. ꞌÜsǘ püné ntꞌa, ꞌüsǘ jun tjecjyoltse jinwá tepyala, la tjiji Dios. Tjapjaja, ꞌücj naꞌaj poꞌo tjil yupj, ne pjü tjil. 2 Nun solejé gente bautizar* se palá na, la pꞌa jus nlay yupj jisas qjuis Jepa Jesucristo quinam. Nin pꞌiyá, qjuisin ꞌyüsa püna tapatja jisastsja yupj jis jepa Moisés, pjü yupj jisastsja jupj. Yupj cus tocon̈ Moisés mol ꞌalá, cus tocon̈ ꞌüsǘ jun tjecjyoltse na; nin mpes cupj jus nlayecj yupj jisastsja jupj. 3 Nujola tapalas wa Dios jis tjeꞌyaya jis la las neꞌaj, pjü jilal jis tjeꞌyaya. Pasal püné jupj, ne nin la tjiji. 4 Dios ꞌüsǘ jis tjeꞌyaya wa jis la müs. Pjü jilal jis tjeꞌyaya. Pe mpe tjacꞌ ꞌüsüs. Pasal ꞌüsüs la tjiji Dios. Pe niná Cristo jinwatsja. Cristo lovin wínetsja yupj jilal, lovin jis capj tjepꞌyaꞌsa yupj. 5 Qjuisin ꞌyüsa pasal ꞌüsüs way jis tepyala. Newa nin, Dios ma jostsja yupj pülücj way malala la tjajay. ꞌÜcj jostsja nepénowa jilal la pꞌin. Pasal pülücj malala la tjajay yupj. Mpes neꞌaj pꞌin tecyaꞌlin̈, pjü jis wa cjuwá ntꞌa. 6 Dios jos qjuisin ꞌyüsa niná jis tepyala. Malala quelel lajaytsja, mpes malala jis tepyala. Más ꞌücj ma quelel malala lijicj, yupj la tjajay jin. Niná Dios jos qjuisin ꞌyüsa. 7 Pülücj jisastsja pꞌa wa dios witjacj*. ¡Ma nujisas tꞌas dios pꞌa wa! Dios Popel vele: “ꞌAtjalapj yupj jis dios wolapꞌaꞌá, tjalá, tjimyüꞌün̈. Nin la tjajay yupj jis dios mpes. Sin tjüjünsüpj, fiesta la tjajay, yupj jis dios wolapꞌaꞌá”, Dios Popel nin vele. 8 Niyom pülücj jis tjamanun sejatsꞌom tulucj. Nequem pülücj neꞌaj tjil jis vayum tulucj jilal. ¡Yupj jinwá ma la müjí nun! Tsꞌacꞌ pjaní veintitrés mil tecyaꞌlin̈ yupj, malala la tjajay mpes. 9 Pülücj ma topon qjuis Jepa Dios ca jis capj ntülüs yupj. Mpes pasal malala la tjajay yupj. Ma la müjí yupj jinwá. Latsj tjalá yupj, tecyaꞌlin̈. 10 Pülücj ma jisastsja Dios la tjiji jin. Tsꞌa ꞌin jinwá tjowelepj. Ma mvelé nun yupj jinwá. Dios jupj ángel* jas tjejyama la ꞌünan, ne jis tjiꞌyüꞌna jupj. 11 Dios jos qjuisin ꞌyüsa niná jis tepyala. Dios Popel vele jin tepyala. Dios jos qjuisin ꞌyüsa más ꞌücj ma lijicj yupj la tjajay jinwá, nin mpes nin vele jupj Popel. Tꞌücꞌ way nyucunucj cupj quinam; selecj wa len̈ way ncawajas ca nosis. 12 Ca nacj nepénowa yola yupj nin lajay Dios jos jin. Yola lovin ma la mijicj judiopan* la tjajay jinwá. Najas ꞌin jajamapj yupj. Ca nacj quina

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 10

506

yupj ma la mon Dios lal. Ma la mon Dios jis capj pꞌyaꞌsa. Mpes yupj len̈ way ca malala la mijicj ca nacj. 13 Nenéyawa nun malala quelel lojí ca nacj. Ninana nun quelel lojí, la pꞌa nin pꞌiyá quelel la tjajaytsja wa. Dios ca nucopj mpꞌaꞌsas nun, ne ma la müjí niná. Tjevele nin la mijis. Malala quelel lojí na, Dios lovin nucopj mpꞌaꞌsas, ma malala ca la müjí. Mpes malala quelel lojí na, ma nin ca la müjí; nun ma la müjí nun jisastsja jin. 14 Mpes najas ca ma nujisas nsem dios witjacj* pꞌa wa. Dios ꞌücj nucopj pꞌyaꞌsa. Napj po quelel la nusejay. Najas nun lovin ma nujisas nsem la pꞌa dios witjacj. 15 Napj selé nun ꞌüsüs nujola. Mpes najas nusin müꞌüsüs ncu ꞌüsüs napj velé. Napj nola nun ca mvelé ꞌüsüs way napj velé. Mpes ca mponé napj velé. 16 Nenéyawa ꞌa qjuisí mulú, qjuiyola pyala Jesucristo tepeꞌe cupj mpes. Wiꞌiquecj Dios lal myüsiquecj mpes neꞌaj. Niná myüsiquecj na, ꞌa mulú qjuiyola Jesucristo ꞌos tepyala cupj mpes, ꞌos tepyala ꞌüsüs qjuesé palá mpes. Pan le leptacj neꞌaj. Nin lijicj na, ꞌa mulú qjuiyola Jesucristo jüpꞌüy mpes. Jupj tepeꞌe cupj mpes, ꞌüsüs qjuesé palá mpes. 17 Pan pjaní lyajacj. Pasal pülücj cupj, mopꞌin pan pjaní pꞌin ꞌa mulú lyajacj. ꞌA mulú nin lijicj. Mpes cupj pjü way yuwal nin qjuiyola. Cupj pjü way Jesucristo jutsꞌaꞌá. 18 Nun solejé judiopan* lajay jin. Animal jaꞌayapj na Dios lal, la mitad jaꞌayapj Dios lal, la mitad ꞌa mulú jalá. ꞌA mulú nin lajay. Nin lajay Dios cus la con̈. 19 Ca mpac najas nusin ꞌyüsa mpes. Nun solejé gente la pꞌa pis jaꞌayapj la pꞌa dios witjacj* mpes. Yupj la tjajay niná dios witjacj. Janucun tulucj yupj. Ma ꞌüsüs se palá pwisis niná dios pꞌa witjacj mpes jaꞌayapj na. 20 Judiopan tulucj niná jaꞌayapj na yupj jis dios witjacj mpes, nin jaꞌayapj lapanenpan mpes. Ma Dios mpes jaꞌayapj. Mpes yupj jis capj jacon̈ lapanenpan. Napj najas nun ma jis capj con̈có lapanenpan, nin mpes najas ma ꞌoyá dios witjacj mpes. 21 Ca nacj nun quelel müsiqué Dios tsꞌuyupj jilal, nin yola pyala na qjuis Jepa Jesucristo tepeꞌe cupj mpes. Ca nacj quelel müsiqué wa la pꞌa jilal, jaꞌayapj ntꞌa pꞌa wa dios witjacj jilal. Malala nin. Ca nacj quelel lojá Dios tsꞌuyupj jilal, nin yola pyala na qjuis Jepa Jesucristo tepeꞌe cupj mpes. Ca nacj quelel lojá wa la pꞌa jilal, jaꞌayapj ntꞌa yupj jis dios witjacj mpes. Malala nin. 22 Nin lojí na, qjuis Jepa Jesucristo po ma jos nsem jis capj con̈có lapanenpan. Cupj más püné tulucj qjuis Jepa Jesucristo lal. Lapanenpan jis capj cyon̈cocj na, tꞌücꞌ way jupj ca qjuis capj ntülüs. 23 Nepénowa javelepj ꞌücj nin lijicj cupj qjuisas jin. Napj nin velé ma ꞌüsüs qjuesé palá nin lijicj na cupj qjuisas jin. ꞌÜcj nin lijicj cupj

El Nuevo Testamento en Tol de Honduras, 2da ed. ©2010, Wycliffe Bible Translators

507

1 CORINTIOS 10, 11

qjuisas jin. Malala pyala la pꞌin. Nepénowa ma ca jisas nsem Dios, nin lijicj na cupj qjuisas jin. Malala nin. 24 Tꞌücꞌ way nujisas ꞌüsüs way nu pyala nun pꞌiyá jilal. Nujisas tꞌas más ꞌüsüs way se palá la pꞌa jilal. 25 Gente pis jaylacj lajay na, nepénowa la ꞌüy ncu pꞌa wa dios witjacj* mpes tjaꞌayapj niná pwisis. Nenéyawa jus nlay nin tjaꞌayapj pꞌa wa dios witjacj mpes. Newa nin, jalá. Tjalá na, pasal yola tjalá mpes. Pis jaylacj lojí na, más ꞌücj ma la müꞌüyá ncu dios witjacj mpes tjaꞌayapj niná pwisis. 26 Ma la müꞌüyá nun yupj jis lal; nosis qjuis Jepa Dios jutsꞌaꞌá. Pjü way nosis casá patja jupj jutsꞌaꞌá. Mpes ꞌüsüs way nin lojá niná pwisis. 27 Ca nacj Dios tsꞌuyupj tulucj ca mvelecj nculá yupj jis wa ntꞌa nu lo las. Ca nacj quelel lowú. ꞌÜcj. ꞌAlaja nu ꞌayapj. Ma la müꞌüyá ncu niná tjaꞌayapj yupj jis dios witjacj* mpes. Mpes ma ca jus nlayé ncu tjaꞌayapj niná, ne ma ca nujola nsem tjalajá na. 28 Nin tulucj ca nacj. Ca nacj pjaní nun jis lal mveles: “Niná tjaꞌayapj dios witjacj jilal”. Mpes ma nlajá nun. Najas ma lojá jupj niná tjevele mpes. Nun lojá, ca jupj quelel nlajas wa ca nacj. Mpes jupj ca jola nsem tjelyaja na. Mpes ma nlajá nun. 29 Napj selé nun ma nujola nsem. Najas jupj ma jola nsem wa. Mpes ma nlajá niná pwisis. Más ꞌücj jupj ma nin nlajas ca, ma jola nsem. Tꞌücꞌ way nepénowa yola malala lyajacj pwisis. Mopꞌin nin, malala tulucj napj lya pwisis. 30 Napj wüiꞌis Dios lal lya mpes. Mpes más ꞌücj la pꞌa ma malala javelepj napj nin poꞌó nin lya na. 31 Mopꞌin nin, najas la pꞌa ꞌüsüs javelepj Dios poꞌó napj lejay mpes. Ca nacj la pꞌa ꞌüsüs ca mveles Dios poꞌó pis lya na. Mpes pis ca nla napj. Ca nacj la pꞌa ꞌüsüs ca mveles Dios poꞌó pis ma lya na. Mpes pis ma ca nla napj. Ca nacj la pꞌa ꞌüsüs ca mveles Dios poꞌó müꞌüs na. Mpes ca müꞌüs napj. Ca nacj la pꞌa ꞌüsüs ca mveles Dios poꞌó ma müꞌüs na. Mpes ma ca müꞌüs napj. 32 Nenéyawa gente ma jisas Jesucristo, Dios tsꞌuyupj lajay mpes. Ca nacj judiopan* ma jisas Jesucristo, Dios tsꞌuyupj lajay mpes. Ca nacj judiopan tulucj ma jisas Jesucristo, Dios tsꞌuyupj lajay mpes. Ca nacj Dios tsꞌuyupj nepénowa ma jisas Jesucristo quinam, Dios tsꞌuyupj lajay mpes. ¡Ma la müjí yupj jinwá! 33 La müjí napj lejay jinwá. Lovin najas pjü ꞌücj jisas nsem napj lejay mpes. Napj ma lejay napj najas jin. Napj ma najas ꞌüsüs ne palá. Napj najas yupj ca jisas nsem Jesucristo, mpes ꞌücj ca mpatjam Dios lal; nin mpes napj lejay yupj jisas jin. 1 La müjí napj lejay jinwá. Napj lejay Jesucristo la tjiji jinwá.

11

2 Nun

Pablo tepyaca tsjan más ꞌücj nequem lajay Dios tsꞌuyupj ꞌa si mulú na.

lovin nujola pyala napj tjevelé. Ninana Dios tsꞌuyupj lovin sin ꞌyüsa lajay, nin pꞌiyá nusin tjiꞌyüsa la tjejay napj. Nun tꞌücꞌ lojí napj tjevelé El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 11

508

jin. Napj velé nun ꞌüsüs. 3 La pꞌa wa najas nun ca jus nlayé. Najas nun ca jus nlayé Jesucristo jyüꞌta niyom pjü way jilal. Niyom jajütütj yupj sejatsꞌom jilal. Dios jyüꞌta Jesucristo lal. Niná najas jus nlayé nun. 4 Dios tsꞌuyupj ꞌa si mulú ntꞌa, niyom javelepj Dios mpes. Yom nin liji na, más ꞌücj ma pülül jay vyala. Nin pꞌiyá Dios lal vele na. Más ꞌücj ma pülül jay vyala. Pülül jay vyala, jupj jola la pꞌa neꞌaj jyüꞌta jupj. Nin mpes nin la qjuijis. Jupj ma jola Jesucristo jyüꞌta jupj. Malala nin. 5 Nenéyawa nequem javelepj Dios mpes. Quepj nin vele na, más ꞌücj pülül jay lo valas jupj. Nin pꞌiyá Dios lal vele na. Jupj ma pülül jay vyala, jupj jola jupj voyum ma jyüꞌta jupj. Jupj ma pülül jay vyala, nin pꞌiyá niná quepj tsꞌüil tulucj jinwá. Quepj malala jinwá liji jupj. 6 Quepj ma jos pülül jay vyala, más ꞌücj jupj tsꞌüil jasev. Tꞌücꞌ way maycas ca tsꞌüil pajal ꞌumul, maycas ca tsꞌüil tulucj na, mpes más ꞌücj pülül jay vyala wa jupj. 7 Más ꞌücj yom ma pülül jay vyala; Dios la tjiji jupj, ne jupj Dios jinwá ꞌin. Yom mpes ꞌücj jas la ꞌüsüs Dios ꞌüsüs way. Dios la tjiji quepan yom popé. Quepj mpes ꞌücj jas la ꞌüsüs yom ꞌüsüs. 8 Dios yom la tjiji mwalá. Locopyaya quepj la tjiji. Yom mwalá quepj popa tuluctsja; quepj yom pópatsja pꞌin. 9 Tꞌücꞌ way Dios quepj la tjiji yom mpes. Ma nin mpes la tjiji yomen; quepj mpes la tjiji tulucj. 10 Mpes más ꞌücj nequem pülül sey javalapj. Mpes la pꞌa ca sin müꞌüsüs nequem nenem jisas yupj jis vayum jajütütj yupj. Angelpan* yus januc, mpes más ꞌücj pülül sey javalapj. 11 Mopꞌin nin, yom quepj jos, quepj yom jos wa. Nin pꞌiyá yupj manas qjuis Jepa Jesucristo lal. Yom más ꞌüsüs tulucj. 12 Tꞌücꞌ way Dios quepj la tjiji yom wüintsil popa mpes. Mwalá waytsja yomen. Mopꞌin nequem niyom se jamanun quinam. Dios la tjiji manas. Pjü la tjiji jupj. 13 Nun ꞌa nu myula na, quepj pjaní Dios lal vele ca nacj, ne ma pülül jay vyala. Malala niná. Nusin tjüꞌüsüs ncu tꞌücꞌ way napj velé jin. Napj nola nun ca mvelé tꞌücꞌ way velé napj. 14 Nun solejé niyom jis tsꞌil campa na, se mayca. 15 Nin tulucj nequem jis lal. Yupj jis tsꞌil campa na, yola pasal ꞌüsüs yustapj. Jis tsꞌil campa po jisas. Dios jis tjeꞌyaya yupj jis tsꞌil, sey pjucj jis capj tipiꞌtje mpes. 16 Ca nacj nun popa pjaní neꞌaj quelel le velele napj pyac mpes. Jupj lal velé cupj lovin sin ꞌyüsa lijicj niná. Dios tsꞌuyupj la pꞌa nin lajay napj tepyac jin.

17 Quina

ꞌA si mulú, yola pyala qjuis Jepa Jesucristo tepeꞌe yupj mpes. Newa malala lajay neꞌaj.

pꞌa casá wa ca mvelé. Malala jin lojitsja mpes ma ca mvelé nun ꞌüsüs. ꞌA nu myula na, ma ꞌüsüs nu pyala. Malala pyala. 18 La pꞌa

El Nuevo Testamento en Tol de Honduras, 2da ed. ©2010, Wycliffe Bible Translators

509

1 CORINTIOS 11

nawala tjowelepj nun lojí mpes. Niná mpes, mwalá way ca mvelé. ꞌA nu myula na Dios mpes, pjaní pjaní ꞌa nu myula, lo velelé la pꞌa jilal. Niná tjowelepj nun poꞌó, napj pyon ꞌin. 19 Niná tꞌücꞌ way ca nacj. Nin pyala, mpes pjü sin ꞌyüsa pjacj tꞌücꞌ way nin lajay Dios jos jin. 20 Nun ꞌa nu myula nu lo las, nujola nu lo pal qjuis Jepa Jesucristo tepeꞌe nun mpes. “Jesucristo Mpes Lyajacj” ló niná. Mopꞌin ma nujola nun Jesucristo mpes; malala nin. 21 Nepénowa ma la nuc pjü jis la cuwis. Ma pjü tjiquil, jalá yupj. Mpes locopyaya tjiquil ma jis col pitꞌa. La pꞌa nepenowá pasal myüꞌün̈, se maná. 22 Nin lojí malala. Tꞌücꞌ way nun jis wa toꞌá nun, ꞌücj la las mpes neꞌaj, ꞌücj la müs mpes neꞌaj. Nun ma ꞌüsüs nujola Dios tsꞌuyupj sin poꞌó, nin lojí mpes. Cjuwá witjacj yola nun ma nujisas yupj, nin lojí mpes. ¿Tsjan nujisas napj velé nun poꞌó? ¿Ncu nujisas ꞌüsüs velé nun poꞌó? Ma nin ca mvelé. 23 Qjuis Jepa Jesucristo nawala tjevele, nin pꞌiyá tjevelé napj nun jis lal. Solejé jupj discípulo* pjaní jepapan jis lal tjacꞌ la tjilil qjuis Jepa Jesús. Nin jawas pꞌiyá, qjuisin tjiꞌyüsa la tjiji cupj ca qjuiyola mpalas jupj tepeꞌe cupj mpes. Püste na tjelyajacj na, jupj ntꞌya pansas. 24 Tjevele Dios lal tjüwüiꞌi pan tjeꞌyaya mpes. Nin la tjiji na, vitvitj la tücüeme, jis tjeꞌyaya pjü. Tjevele: “Pan niná napj mpꞌüy jinwá. Ma patsꞌ ca napj, mpes Dios ma ca nin jola nsem nun malala la tjüjí. ꞌÜcj ca mpatjaqué nun Dios lal. Nenéyawa nin pꞌiyá pan ꞌalajá nun, nujola tapalas nin la tjejay napj nun mpes.” 25 Nin pꞌiyá la tjiji pocillo lal. Pocillo ntꞌya tꞌücꞌ tjalá na. Tjevele: “Uva ꞌüsǘ niná naꞌas jinwá. Ma patsꞌ ca, naꞌas ca mpalas. Mpes Dios ꞌücj ca perdonar la numijis. Jupj tjevele tꞌücꞌ way niná ca la mijis nun mpes ntipüꞌí na. Pꞌa casá ca la mijis quinam püna la tjiji lal. Nenéyawa nin pꞌiyá uva ꞌüsǘ tjümüsiqué nun. Müsiqué na najas nujola mpalas napj nin la tjejay nun mpes”, nin tjevele jupj. 26 Qjuis Jepa Jesucristo ncuwim niswá. Ma tjacꞌ custjay, mpes najas nenéyawa ꞌa nu myula, pan nlajá ca, uva ꞌüsǘ müsiqué ca, Jesús tjijyüꞌta jinwá. Ca nujola mpalas jupj ꞌüsüs la tjiji nun mpes. Nin lojí na, la pꞌa ca jus nlayecj nun poné qjuis Jepa Jesucristo tepeꞌe nun mpes. 27 Tꞌücꞌ way cupj lyajacj pansas, myüsiquecj uva ꞌüsǘ jupj mpes. Qjuis Jepa Jesucristo jos cupj quiyola pyala jupj ꞌüsüs la tjiji cupj mpes. Ca nacj nepénowa ma ꞌüsüs yola pyala jupj la tjiji yupj mpes, pan jalá na, uva ꞌüsǘ myüꞌün̈ na. Yola jupj ma ꞌüsüs la tjiji yupj mpes. Ma ꞌüsüs yola jupj jüpꞌüy mpes, ma ꞌüsüs yola jupj ꞌos mpes; mpes tsjay malala lajay yupj jupj lal. 28 Najas pjü nusin müꞌüsüs ncu ꞌüsüs

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 11, 12

510

nujola qjuis Jepa Jesucristo jüpꞌüy mpes, jupj ꞌos mpes ꞌotsꞌipj. ꞌÜsüs nujola, ꞌücj nin lojá pansas, ꞌücj nin müsiqué uva ꞌüsǘ. 29 Ca nacj nepénowa ma ꞌüsüs yola Jesucristo jüpꞌüy mpes. Nin jalá pꞌin, nin myüꞌün̈ pꞌin. Dios ca jis capj ntülüs nin lajay mpes. 30 Tꞌücꞌ way pülücj nun sin popé sin napnapj way yupj. Pülücj malala jisas. Nepénowa tecyaꞌlin̈. Ma ꞌüsüs yólatsja qjuis Jepa Jesucristo jüpꞌüy mpes, pan tjalá na, uva ꞌüsǘ tjimyüꞌün̈ na; nin mpes nin tepyala yupj jis lal. 31 Más ꞌücj qjuisin ꞌyüsa ncu ꞌüsüs qjuiyola Jesucristo jüpꞌüy mpes, jupj ne cupj qjuis Jepa Püné. ꞌÜsüs qjuiyola, ꞌücj nin lyajacj pansas, ꞌücj nin myüsiquecj uva ꞌüsǘ. Ma ꞌüsüs qjuiyola, más ꞌücj ma nin lyajacj, ma nin myüsiquecj. Mpes qjuis Jepa Jesucristo ma ca qjuis capj ntülüs. 32 Nenéyawa qjuis Jepa Jesucristo qjuis capj tyüla. Mpes qjuisin ꞌyüsa malala nin la tjijicj. Nin la qjuisiji mpes Dios ma ca qjuis capj ntülüs, Dios ma jisas jis capj tyüla na. 33 Napj nin tepyac napj najas nun ca jus nlayé niná. Mpes ꞌa nu mulus na, la ꞌunuca nun pjü way jiquil. Pjü tjiquil, ꞌücj lojá. 34 Ca nacj nepénowa pasal vecj cyaꞌlin̈. Malala jiquil jis la las mpes pꞌin. Más ꞌücj mwalá way jalá jis wa ntꞌa. Mpes ꞌa jis tjimyula na, ꞌücj ca polel yola mpalas qjuis Jepa Jesucristo la tjijá yupj mpes. Nin lajay na, jupj ma ca jis capj ntülüs. Más quelel nusin ꞌyǘsatsja. Niná nusin müꞌüsüs la mejay, nun ntꞌa tjum na.

12

Polel lijicj Dios jos jin Dios Cjües qjuis tjeꞌyaya mpes.

1 Natjampan,

nun solejé Dios Cjües qjuis tjeꞌyaya mpes polel lijicj Dios jos jin. Ma nin pꞌiyá lijicj jupj qjuis tjeꞌyaya mpes. Quina quelel nusin ꞌyüsa lejay napj niná mpes. 2 Dios tꞌücꞌ way ma nujisastsja na, solejé lovin nujisastsja pꞌa dios witjacj*. Nin nujisastsja gente la pꞌa nun jis wala tjowelepj mpes. Dios witjacj nenem janucun tuluctsja. 3 Mpes najas nusin müꞌüsüs napj ca mvelé. Dios Cjües gente jisas moꞌo jáꞌasa na, gente niná ma polel malala javelepj Jesús poꞌó. Yupj javelepj na “Jesús Jepa Püné jupj”, Dios Cjües jis capj pꞌyaꞌsa mpes pꞌin ca nin mvelecj. 4 Dios tsꞌuyupj pülücj way polel lajay Dios jos jin; jupj Cjües nin se ꞌaya. Ma nin pꞌiyá lajay se ꞌaya. Mopꞌin nin, yupj polel lajay, pjü way niná Dios Cjües nin se ꞌaya. Pjaní jupj. 5 Dios Cjües mpes, yupj pasal pülücj way ꞌücj lajay la pꞌa mpes. Nin pꞌiyá lajay tulucj. Pjaní way nin pꞌiyá. Yupj pjü way tsjiꞌ lajay qjuis Jepa Jesucristo mpes; pjaní way

El Nuevo Testamento en Tol de Honduras, 2da ed. ©2010, Wycliffe Bible Translators

511

1 CORINTIOS 12

jupj. 6 Pülücj pꞌa casá lajay. Nin pꞌiyá tulucj polel lajay. Niná pjü way nin polel lajay, Dios nin la siji. Dios pjaní jupj. 7 Polel lijicj Dios jos jin, jupj Cjües nin qjuis tjeꞌyaya. Mpes ꞌücj ca jus nlayecj tꞌücꞌ way cupj qjuisas moꞌo püꞌü jupj Cjües. Nin qjuesé ꞌaya, jos cupj Dios tsꞌuyupj jis capj mpꞌaꞌsacj. 8 Nepénowa ꞌücj polel la veles la pꞌa jilal ꞌoyn nyuca Dios jos jin la mijicj. Nin polel javelepj Dios Cjües se ꞌaya mpes. Nepénowa ꞌücj polel la veles la pꞌa jilal, Dios jos jin salejepj. Nin polel javelepj Dios Cjües se ꞌaya mpes. 9 Nepénowa len̈ way japon Dios ca la mijis yupj la tjomon mpes. Nin polel japon, Dios Cjües nin pꞌiyá se ꞌaya. Malala jisas jilal, nepénowa polel jis müꞌüꞌsüs la sajay; Dios Cjües nin pꞌiyá nin se ꞌaya. 10 Nepénowa pasal ꞌüsüs polel lajay, niyom pꞌin ma polel lajay jinwá, mpes la pꞌa pasal yola Dios püné. Nepénowa ꞌüsüs polel javelepj Dios mpes. Dios tsꞌuyupj nepénowa salejepj ncu tꞌücꞌ way Dios mpes javelepj la pꞌa. Dios tsꞌuyupj nepénowa la pꞌa jis tin polel javelepj, yupj pꞌiyá ma salejepj. Dios Cjües mpes pꞌin nin lajay. Nepénowa sin ꞌyüsa niná, pꞌa jis tin javelepj na, mpes ꞌücj javelepj tsjan niná yupj tjowelepj. Niná pjü way ꞌücj lajay Dios Cjües se ꞌaya mpes. 11 Yupj lajay pjü way niná, Dios Cjües ninana pꞌiyá ꞌyaya mpes. Pjü jilal se ꞌaya, jupj jos jin. Nin pꞌiyá tulucj nin se ꞌaya yupj jilal.

12 Nun

Pjü Dios tsꞌuyupj jisas yupj jis pülücpan.

solejé yom pjaní jüpꞌüy pjaní, mopꞌin mos jana, tsjom jana, pülücj jana jüpꞌüy poꞌó. Pülücj jana, mopꞌin jüpꞌüy pjaní pꞌin lovin. Nin pꞌiyá Dios tsꞌuyupj jis lal. Cupj pjü way Cristo jutsꞌaꞌá, mpes jüpꞌüy pjaní way jinwá cupj. Cupj pülücj way, mopꞌin nin, ꞌa mulú jupj jüpꞌüy pjaní jinwá cupj. 13 Nepénowa cupj judiopan*, nepénowa cupj judiopan tulucj. Nepénowa cupj esclavopan*, nepénowa cupj esclavopan tulucj. Newa jüpꞌüy pjaní ꞌa mulú jinwá cupj; Dios Cjües pjaní jupj, ne nin la tjiji. Bautizar* qjuis tepyala, Dios Cjües nin la tjiji mpes. Dios Cjües pꞌiyá jáꞌasa qjuisas moꞌó, pjü way qjuisas moꞌó. 14 Jüpꞌüy mos pꞌin tulucj. Tsjom pꞌin tulucj. Jüpꞌüy jana pjü ꞌücj la qjuijis. Cupj pjü way Cristo jüpꞌüy pjaní jinwá, mopꞌin pülücj way cupj. Pülücj pꞌa casá lijicj cupj. 15 Ca nacj nun popa pjaní ca mveles: “Tsjom mos jin tulucj, mpes tsjom jüpꞌüy popa tulucj jinwá”. Newa nin, jupj tsjom jüpꞌüy popé. 16 Ca nacj ca mveles wa: “Pjotsꞌ jun jin tulucj, mpes pjotsꞌ jüpꞌüy popa jinwá tulucj”. Newa nin, jupj pjotsꞌ jüpꞌüy popé. 17 Jüpꞌüy jas tüpwes jun pjaní, ma polel pjoca. Jüpꞌüy

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 12

512

nin tulucj. Jüpꞌüy jas tüpwes pjotsꞌ pjaní, ma polel cjumsu. Jüpꞌüy nin tulucj. 18 Jüpꞌüy poꞌo pülücj jana tjeꞌyaya Dios. Pjü nin lajay jupj jos jin. Pjotsꞌ pjoca, jun nyuca. Ma lajay nin pꞌiyá. 19 Jüpꞌüy jas tüpwes pjaní pꞌin, jüpꞌüy tulucj jupj. Nin tulucj. 20 Pasal pülücj pꞌa casá ꞌücj liji, jupj jüpꞌüy jana mpes. Mopꞌin jüpꞌüy pjaní jupj. Nin pꞌiyá cupj qjuilal. Cupj pjü way Cristo jutsꞌaꞌá, mpes jupj jüpꞌüy pjaní jinwá ncupj. Newa pülücj way cupj; pülücj pꞌa casá ꞌücj lijicj Dios mpes. 21 Napj ca mpac tsjan mpes ca jus nlayé niná tꞌücꞌ way. Ca nacj pjaní ca mveles: “Jun ma jos mos”. Ca nacj mveles wa: “Jay pjucj ma jos tsjom”. 22 Nin vele ma tꞌücꞌ way. Jüpꞌüy pülücj jana. Nepénowa yupj tsjicj way tsjiꞌ lajay pꞌin, nin qjuiyola ca nacj. Newa nin, jüpꞌüy po jos pjü witjacj. 23 Cupj qjuiyola nepénowa ma ꞌüsüs jin yustapj. Niná más ꞌüsüs jyamacj. Cupj qjuis pꞌüy jana nepénowa ma qjuisas la pꞌa sa nuc. Mpes qjuisin quiꞌpacj niná. 24 Qjuis pꞌüy jana nepenowá ꞌücj gente sa nuc. Mpes ma qjuisin quiꞌpacj niná. Dios jostsja ca nin nsem; qjuis pꞌüy la tjiji Dios. Cupj qjuiyola qjuis pꞌüy jana nepenowá ꞌüsüs ꞌin tulucj. Mpes más ꞌin jyamacj niná. Nin jostsja Dios. 25 Mpes jüpꞌüy poꞌo jana, pjü way ꞌücj jisas. Pjü way jajamapj la pꞌa jilal. Nin pꞌiyá cupj qjuilal. Pasal pülücj ncupj, mopꞌin cupj Cristo jutsꞌaꞌá, pjü way ncupj. Dios jos pjü witjacj jyamacj cupj. 26 Jüpꞌüy jana popa pjaní vyaja na, pjü witjacj se vajana. Pjaní lal ꞌüsüs lijicj na, pjü way ꞌücj jisas se palá. 27 Nun Cristo jutsꞌaꞌá, mpes jupj jüpꞌüy jinwá nun. Nun pülücj; mopꞌin nin, nun pjü way jupj jüpꞌüy pjaní popem. 28 Dios jos jupj tsꞌuyupj pjü way ca la mijicj jupj jos jin. Nin polel lijicj, jupj qjuis tjeꞌyaya mpes. Ma nin pꞌiyá lijicj. Nepénowa apostolpan* yupj. Dios sin jyama la veles la pꞌa jilal Jesucristo poꞌó. Yupj lajay tsjay ꞌüsüs way. Nepénowa profetapan* yupj. Polel javelepj Dios tjevelá mpes. Yupj lajay po ꞌüsüs way. Nepénowa ꞌücj la pꞌa wa sin la ꞌüsüs jis la jay. Yupj lajay ꞌüsüs way. Nepénowa pajal ꞌüsüs polel lajay, niyom pꞌin ma polel lajay jinwá. Nepénowa ꞌücj jis la tsꞌuc malala jisas. Nepénowa ꞌücj jis capj japꞌacj la pꞌa. Nepénowa nin polel lajay ne la pꞌa ꞌa mulú quelel tsjiꞌ lajay Dios mpes. Nepénowa la pꞌa jis tin polel javelepj, pjü ma tjepjyacan̈ niná. Niná Dios tsꞌuyupj nin polel lajay, Dios jis tjeꞌyaya mpes. 29 ¿Ncu nujola pjü way apostolpan? Nin tulucj. ¿Ncu nujola pjü way profetapan? Nin tulucj. ¿Ncu nujola pjü way sin ꞌyüsa lajay? Nin tulucj. ¿Ncu nujola pjü way pajal ꞌüsüs polel lajay, niyom pꞌin ma polel lajay jinwá? Nin tulucj. 30 ¿Ncu nujola pjü way ꞌücj jis

El Nuevo Testamento en Tol de Honduras, 2da ed. ©2010, Wycliffe Bible Translators

513

1 CORINTIOS 12, 13

la tsꞌuc malala jisas? Nin tulucj. ¿Ncu nujola pjü way la pꞌa jis tin polel javelepj? Nin tulucj. ¿Ncu nujola pjü way polel sin ꞌyüsa yupj javelepj, ca yupj sin ꞌyüsa la mijicj tsjan tjowelepj yupj? Nin tulucj. 31 Dios se ꞌaya pjü jilal, ꞌücj la mijicj jupj jos jin. Nepénowa más ꞌüsüs polel lajay, Dios nin jis tjeꞌyaya. Nujisas tꞌas Dios nin pꞌiyá nu ꞌyaya, mpes ca polel la müjí yupj jinwá.

Más ꞌücj quelel la sijicj la pꞌa.

Quina ca sin müꞌüsüs la mejay, más ꞌüsüs way nin lojí. 1 Más ꞌücj quelel la sijicj la pꞌa. La pꞌa jis tin ꞌücj velecj ca nacj Dios Cjües mpes. Angelpan* jis tin ꞌücj wa velecj ca nacj Dios Cjües mpes. Newa ma quelel la sijicj la pꞌa, yupj ca ma jisas nsem cupj velecj. Campana pasal yümücj pjac jinwá nsem yupj jis lal, cupj velecj na yupj jis lal. Vyaja jis la pjac jinwá nsem yupj jis lal. 2 ꞌÜcj polel velecj Dios mpes ca nacj. Qjuisin tjiꞌyüsa Dios poꞌó, la pꞌa ma sin tjiꞌyüsa ca nacj. Pjü way selecj Dios poꞌó, la pꞌa ma sin ꞌyüsá. Pyonecj wa Dios ca la mijis pjü way cupj le monacj. Mpes ꞌücj velecj jocꞌ lal jutja, ne jupj ca mim, cupj tjevelecj mpes. Pjü niná ꞌüsüs; newa ꞌüsüs tulucj cupj, cupj ma quelel la sijicj la pꞌa. 3 Pjü way tyaꞌacj se ꞌayacj jis tꞌemel cjuwá ca nacj. La pꞌa qjuis pꞌüy jaꞌüm Jesucristo qjuisas mpes, ncaꞌlequecj ca nacj. Newa ma quelel la sijicj la pꞌa, ꞌüsüs tulucj qjuis mpalas nin la tjijicj mpes. 4 Quelel la sojí na la pꞌa, ma tsꞌu ꞌinyá jupj lal. ꞌÜsüs lojí jupj mpes. Nun ma jomaqué jupj lal. Nun ma welé más ꞌüsüs way nun jupj lal. Nun ma welé más püné nun jupj lal. 5 Quelel lojí na la pꞌa, ma malala welé jupj lal, ma malala lojí jupj lal. Quelel lojí na la pꞌa, ma lojí nujisas jin. Lojí jupj jos mpes. Quelel lojí na la pꞌa, ma len̈ way tsꞌu ꞌinyá jupj lal. Quelel lojí na la pꞌa, ma nujola nsem jupj malala la nusiji na. 6 Quelel lojí na la pꞌa, ma ꞌücj nujisas nsem jupj malala liji na. ꞌÜcj nujisas nsem jupj liji na Dios vele jin. Jupj vele tꞌücꞌ way. 7 Quelel lojí na la pꞌa, lovin ca quelel la müjí jupj. Ca nacj la pülücj la numijis ca, ma nujisas jin. Newa ca quelel la müjí jupj. Quelel lojí na la pꞌa, lovin ca quelel mponé jupj vele mpes. Quelel lojí na la pꞌa, lovin ca quelel mponé jupj nin liji más ꞌüsüs way mpes. Ca nacj jupj ma quelel liji custjay Dios jos jin; newa ca quelel la müjí jupj, lovin ca cus mpꞌaꞌsá. 8 Dios lovin ca quelel lis mijis, cupj lovin ca quelel lis mijicj wa. Quina nepénowa ꞌücj javelepj Dios mpes. Pꞌa jawas ma ca nin la mijicj.

13

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 13, 14

514

Quina nepénowa ꞌücj javelepj la pꞌa jis tin yupj pꞌiyá ma salejepj. Pꞌa jawas ma ca nin la mijicj. Quina nepénowa ꞌücj javelepj la pꞌa jilal tsjan niná Dios jos yupj ca jus nlayecj. Pꞌa jawas ma ca nin la mijicj. Pjaní pꞌin lovin lijicj: lovin ca quelel lis mijicj la pꞌa. 9 Quina ma pjü way selecj. Velecj la pꞌa jilal Dios mpes. Newa ma pjü way qjuisin ꞌyüsa Dios poꞌó. 10 Pꞌa jawas Jesucristo ca ncuwim niswá nosis casá. Nin jawas la pꞌa casá qjuiyola nsem, la pꞌa casá ca la mijicj. Quina lijicj, ma ca la mijicj niswá, Dios la mijis mpes. 11 Nin pꞌiyá tsjictjacj si tꞌünǘ na. Napj tsjicj waytsja na, tsjicj way jinwá tjeveletsja napj. Tsjicj way jinwá nólatsja napj. Ntjitꞌünǘ na, ma la tjejay tsjicj jinwá. La tjejay püné jinwá. 12 Nin pꞌiyá, pꞌa casá ca nsem cupj qjuis lal pꞌa jawas; más ꞌüsüs ca nsem. Quina ca mvelé tsjan mpes ca jus nlayé niná. ꞌÜsǘ moꞌo nyucucj na, qjuis wala ꞌotsꞌotsꞌ way neꞌas nyucucj pꞌin. Nin pꞌiyá quina ma polel nyucucj Dios. Pꞌa jawas ca jus nucucj. Jesucristo niswa tjacꞌ na, Dios wolapꞌaꞌa ca nlüjüquecj cupj. Tsjay ꞌüsüs ca jus nucucj. Quina tsjicj way selecj pꞌin Dios poꞌó. Jesucristo tjacꞌ na, pjü ca qjuisin müꞌüsüs Dios poꞌó. Dios pjü selé cupj qjuisin poꞌó. Nin pꞌiyá pjü ca jus nlayecj jupj mpes. 13 Napj ca mpac tsjan niná cupj lovin la mijicj. Lovin ca mponecj cupj Dios vele jin. Lovin jus nlayecj Dios ꞌüsüs la qjuis mijis. Lovin ca quelel lis mijicj la pꞌa. Conas lijicj ꞌüsüs way. Mopꞌin más ꞌücj lovin quelel la sijicj la pꞌa.

Nepénowa javelepj la pꞌa jis tin, yupj pꞌiyá lovin ma sin tjiꞌyüsa niná.

14

1 Más ꞌücj nun quelel la sojí la pꞌa. Nujisas tꞌas ca nin la müjí. ꞌÜcj wa po nujisas nsem Dios Cjües nu ꞌyaya tsjan mpes ꞌücj tsjiꞌ lojí Dios mpes. Pülücj pꞌa casá ꞌücj lajay se ꞌaya jupj. Po nujisas tꞌas Dios nu ꞌyaya ne nun ca polel mvelé jupj mpes. ꞌÜcj niná nujisas niná. 2 Nepénowa polel javelepj la pꞌa jis tin, yupj pꞌiyá ma salejepj. Dios Cjües se ꞌaya ne ꞌücj nin lajay. Niná javelepj na, gente jis lal javelepj tulucj; Dios lal javelepj pꞌin. La pꞌa ma sin ꞌyüsa yupj javelepj. La pꞌa ma salejepj tsjan javelepj yupj; Dios Cjües selé pꞌin. 3 Gente la pꞌa polel javelepj Dios mpes. Nin javelepj na, javelepj la pꞌa jilal. Yupj javelepj mpes, la pꞌa más ꞌücj ca cus ncon̈cocj Dios, ca quelel la mijicj wa Dios jos jin, yupj más ꞌücj jisas ca nsem ꞌotsꞌipj. 4 Nun popa pjaní pꞌa jis tin vele na Dios Cjües nin liji mpes, se pꞌaꞌsa jupj pꞌiyá. Jupj pꞌiyá más ꞌin ꞌücj se con̈ca Dios, nin liji mpes. Nun popa pjaní

El Nuevo Testamento en Tol de Honduras, 2da ed. ©2010, Wycliffe Bible Translators

515

1 CORINTIOS 14

vele na Dios mpes, jupj pꞌiyá mpes nin liji tulucj. Jis capj pꞌyaꞌsa Dios tsꞌuyupj pjü way. Yupj sin ꞌyüsa jupj velá. Yupj pjü way más ꞌin ꞌücj se con̈cocj Dios, jupj vele mpes. 5 ꞌÜcj napj lal nun pjü way ꞌücj cüwelé pꞌa jis tin, Dios Cjües nu ꞌyaya nin la müjí. ꞌÜsüs niná. Newa pꞌa wa más ꞌüsüs. Najas nun pjü way ꞌücj cüwelé Dios mpes. Dios mpes vele más ꞌüsüs liji pꞌa jis tin vele lal. Pꞌa jis tin vele ma si ꞌüsǘ jupj velá, ne nin. Jupj si ꞌüsǘ, ne nin vele la pꞌa jis lal, ꞌüsüs nin. Mpes jupj jis capj pꞌyaꞌsa wa Dios tsꞌuyupj, yupj más ꞌücj se con̈cocj Dios. 6 Natjampan, nun ntꞌa neꞌas tjum na, ma ca pꞌa jis tin mvelé. Dios Cjües ne ꞌaya ꞌücj nin la cüjay ca nacj. Nin la cüjay, nun ma ca nusin müꞌüsüs napj velé. Mpes ma ca nin la mejay. Nun jilal ca mvelé Dios nawala tjevele jin. Nun jilal ca mvelé Dios jos nun jus nlayé. Nun jilal ca mvelé Dios velá. Napj ca nusin müꞌüsüs le mejay. 7 Nin pꞌiyá flauta* lal, arpa* lal wa. Nun popa pjaní flauta li pjusá ca nacj, pꞌa wa arpa ꞌin tyüla ca nacj. Ma neꞌas pjac ca nacj. Mpes pjü ma sin ꞌyüsa tsjan corito jupj. 8 Nin pꞌiyá trompeta lal. Militarpan pjyacan̈ na trompeta li pjusá, salejepj jepa militar jos yupj ca mal jis la palan enemigopan jilal. Ma neꞌas pjac na, pjü militarpan ma ca sin müꞌüsüs jepa jos jil la palan. 9 Nin pꞌiyá nun jilal, la pꞌa jis tin welé na, pjü ma ca sin müꞌüsüs nun welé. Nin welé pꞌin, ma jis capj pꞌoꞌsá la pꞌa wa. 10 Tꞌücꞌ way yupj jis tin pülücj javelepj nosis casá. Tꞌücꞌ way pasal pülücj way sin ꞌyüsa yupj jis tin. 11 Yom pjaní napj lal vele ca nacj, mopꞌin lovin ma tjapjacas jupj tüin. Jupj jus nlayes napj ma nin ꞌyüsa jupj tüin. Napj jus nley jupj ma si ꞌüsǘ napj ntin. 12 Tꞌücꞌ way nun pjü way nin jisas Dios Cjües nu maꞌayas, ne ꞌücj polel la müjí Dios jos jin. Mpes po nujisas tꞌas jupj nu maꞌayas ne ca polel jis capj mpꞌaꞌsá Dios tsꞌuyupj. Más ꞌücj niná. Nin polel lojí na, yupj más ca jisas nsem Dios. 13 Nepénowa ca la pꞌa jis tin welé ca nacj. Nun pꞌiyá ma nusin ꞌyüsa nun welé. Mpes Dios lal la tjomoná ca polel nusin müꞌüsüs nun tjowelé. 14 Nenéyawa Dios lal velé na, la pꞌa jis tin velé, ma nin ꞌyüsa napj velé. Nin velé na, napj neqjues pꞌin nin vele. Napj ma nin ꞌyüsa napj velé. 15 Mpes nun jilal ca mvelé napj ca la mejay mpes. Dios lal ca mvelé la pꞌa jis tin mpes, ma nin ꞌyüsa napj velé. Napj neqjues pꞌin ca mveles. Mopꞌin jis tin la pꞌa selé napj. Niná mpes ca mvelé wa Dios lal. Mpes la pꞌa ca sin müꞌüsüs napj velé. Napj ca nejetsꞌes la pꞌa jis tin, ma nin ꞌyüsa nejetsꞌes mpes. Napj neqjues nejetsꞌem pꞌin. Mopꞌin jis tin la pꞌa selé napj. Niná mpes ca nejetsꞌes wa. Mpes la pꞌa ca sin müꞌüsüs.

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 14

516

16 Ca

nacj nun popa pjaní quelel wüiꞌi Dios lal la pꞌa jis tin mpes la pꞌin. Ma si ꞌüsǘ jupj velá. Jupj cjües pꞌin vele. Tꞌücꞌ way gente neꞌaj jatja ma sin ꞌyüsa jupj polel nin vele Dios Cjües nin liji mpes. Mpes yupj ma polel javelepj ncu ꞌüsüs niná velá. 17 Tꞌücꞌ way ꞌüsüs wüiꞌi Dios lal. Newa ma jis capj pꞌyaꞌsa la pꞌa. Yupj más ꞌücj japon tulucj, jupj nin liji mpes. 18 Tꞌücꞌ way la pꞌa jis tin velé napj, ma nin ꞌyüsa napj velé. Más nin velé napj pjü jilal. Nin mpes wüiꞌis Dios lal. 19 Dios tsꞌuyupj ꞌa si mulú ntꞌa, la pꞌa jis tin polel velé, ma nin ꞌyüsa napj velé. Jis tin la pꞌa polel velé wa, niná nin ꞌyüsa napj velé. Niná velé na, yupj sin ꞌyüsa napj velé. Po quelel velé jis tin nenem, nin ꞌyüsa napj velé. Niná velé na, polel sin ꞌyüsa lejay napj. Palabra cinco sin ꞌyüsa más ꞌücj palabra diez mil lal, ma sin ꞌyüsa witjacj. 20 Natjampan, ma nujola tꞌas tsjictjacj jinwá, napj tjevelé mpes. Mopꞌin nin, ꞌüsüs la müjí tsjictjacj seyasa witjacj jinwá. Yupj ma sin tjiꞌyüsa, ma malala lajay custjay. Newa najas nujola püné witjacj jinwá napj tjevelé mpes. ꞌÜsüs nusin tjüꞌüsüs niná. 21 Dios Popel vele: “Napj niyom ca sin majam gente niná ntꞌa, yupj ne pꞌa jis tin javelepj. Pasal campa mpe ca ncul jis la veles yupj jis lal. Yupj ca mvelecj, napj najas jin ca mvelecj. Newa nin, gente niná ma ca jisas nsem napj velé”, qjuis Jepa Dios nin vele. 22 Qjuisin ꞌyüsa tsjan mpes nin tjevele. Tꞌücꞌ way Dios se ꞌaya jupj tsꞌuyupj nepénowa ꞌücj javelepj la pꞌa jis tin yupj pꞌiyá ma salejepj. Dios jos yupj nin lajay ma japon witjacj jis la nuc. Yupj ca nucucj Dios ꞌüsüs liji, yom pꞌin ma polel liji jinwá. Pꞌa casá lajay, Dios tsꞌuyupj jis lal ꞌa si mulú na. Dios tsꞌuyupj japon nas yupj. Ma la pꞌa jis tin javelepj Dios tsꞌuyupj januc mpes. Dios mpes javelepj yupj jis tin pꞌin, yupj jis la pjac. Nin mpes wa yupj januc wa Dios pajal ꞌüsüs. Ma japon ma sin ꞌyüsa yupj javelepj Dios mpes. 23 ꞌA nu myula na, nun pjü cüwelé la pꞌa jis tin nun pꞌiyá ma solejé, la pꞌa ma ca sin müꞌüsüs nun welé. Nepénowa ꞌa nu myula ntꞌa jiquil na, ma ca sin müꞌüsüs tsjan lojí ca nacj. Dios tsꞌuyupj tulucj jiquil wa ca nacj. Yupj ca mvelecj malala nujola jin welé. 24 Más ꞌücj nsem nun pjü way welé Dios mpes, nun jis tin mpes. Mpes la pꞌa wa jiquil na, ca sin müꞌüsüs nun welé. Yupj ma sin ꞌyüsa tsjan lojí ꞌa nu myula na ca nacj. Dios tsꞌuyupj tulucj yupj ca nacj. Newa ca sin müꞌüsüs nun welé, mpes ꞌaplijila ca nsem malala la tjajay mpes. Nun pjü way ca ꞌücj mvelé yupj jis lal más ꞌücj Dios jos jin lajay. 25 Mpes yupj ca mvelecj nun tꞌücꞌ way tjowelé. Ca mvelecj yupj nin yólatsja nun tjowelé jinwá.

El Nuevo Testamento en Tol de Honduras, 2da ed. ©2010, Wycliffe Bible Translators

517

1 CORINTIOS 14

Gente pꞌin ma salejepj tsjan yola la pꞌa. Dios pꞌin selé niná. Mpes yupj jis ticꞌ jin müjünsünün̈, palá mpiꞌtjin̈, ca mvelecj Dios pajal püné. Ca mvelecj Dios jáꞌasa nun jilal. Pablo tepyaca ꞌoyn nyuca la mijicj Dios tsꞌuyupj, yupj ꞌa si mulú ntꞌa.

26 Natjampan,

napj ca mvelé tsjan ꞌüsüs way la müjí. Tꞌücꞌ way Dios Cjües nu tjeꞌyaya pjü way, nin polel lojí Dios jos jin. ꞌA nu myula na, nepénowa ca quelel nejetsꞌen̈ ca nacj Dios mpes. Nepénowa ca quelel sin müꞌüsüs lis mijicj ca nacj. Nepénowa ca quelel mvelecj ca nacj Dios sin tjiꞌyüsa la tjiji mpes. Nepénowa ca quelel mvelecj ca nacj la pꞌa jis tin, ma sin ꞌyüsa javelepj mpes. La pꞌa ca quelel nusin müꞌüsüs la numijicj ca nacj, tsjan tjowelepj yupj. Najas niná lajay, Dios tsꞌuyupj jis capj la pꞌacj. Mpes Dios tsꞌuyupj más ca jisas nsem Dios. 27 Ca nacj nepénowa quelel javelepj la pꞌa jis tin, ma sin ꞌyüsa javelepj mpes. Najas matꞌe javelepj ne nin, contꞌe ca nacj ꞌücj. Ma najas pülücj nin javelepj. Najas ma javelepj ꞌa mulú. Pjaní tꞌücꞌ tjevele na, ꞌücj la pꞌa vele. Najas la pꞌa sin ꞌyüsa lajay tsjan tjowelepj yupj. 28 Ca nacj pjü ma polel sin ꞌyüsa lajay tsjan tjowelepj. Mpes más ꞌücj ma nin javelepj la pꞌa jis tin Dios tsꞌuyupj ꞌa si mulú ntꞌa. Mopꞌin ꞌücj pjaní nin vele Dios lal la pꞌa jis tin mpes, jusapj jáꞌasa na. 29 Tꞌücꞌ way Dios pjaní pjaní jilal vele jupj jos mvelecj, Dios tsꞌuyupj ꞌa si mulú ntꞌa. Najas matꞌe javelepj pꞌin, contꞌe ca nacj. Najas la pꞌa sin müꞌüsüs ncu tꞌücꞌ way javelepj Dios tjevelá. 30 Ca nacj len̈ way Dios ca mveles jáꞌasa lal. Jos la pꞌa jilal vele tjevelá. Pꞌa newa vele ca nacj. Más ꞌücj jupj lyájasa nsem quinam, mpjacam. 31 Najas pjaní pjaní welé Dios mpes; ma ca mvelé la pꞌa vele na. Mpes pjü way ca ꞌücj sin müꞌüsüs, ne pjü más ꞌin ꞌüsüs ca quelel la mijicj Dios jos jin. 32 Profetapan* pꞌiyá ca yola mpalas ꞌücj lyájasa jatja, la pꞌa quelel javelepj na. 33 Dios ma jos yümücj pjac, ꞌa mulú javelepj ma jos. Jos pjaní tjevele na, la pꞌa mveles. Pjü yupj ꞌa mulú javelepj, ma jos. Najas nin lojí Dios tsꞌuyupj la pꞌa ntꞌa ꞌa si mulú jinwá. 34 Najas nequem lyájasa jatja Dios tsꞌuyupj ꞌa si mulú ntꞌa. Más ꞌücj ma javelepj neꞌaj. Más ꞌücj yupj ma jajütütj neꞌaj. Dios Popel nin vele. 35 Ca nacj nequem ma sin ꞌyüsa la pꞌa vele na. Niná quelel sin ꞌyüsa. Más ꞌücj yupj jis la müꞌüyacj jis vayum jilal, yupj ca sin müꞌüsüs lis mijicj jis wa ntꞌa. Malala nequem javelepj Dios tsꞌuyupj ꞌa si mulú ntꞌa. 36 Pülücj nin tjowelepj Dios tjevelá. Nun mwalá way tjowelepj tulucj. La pꞌa nun jis wala tjowelepj Dios tjevelá. Mopꞌin nun jilal pꞌin

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 14, 15

518

tjowelepj tulucj. Mpes po ma nujola tꞌas ꞌüsüs lojí; ꞌüsüs lojí tulucj. 37 Nepénowa neꞌaj yola Dios vele yupj jilal, yola Dios jos niná javelepj Dios tsꞌuyupj jilal. Yola Dios Cjües jis tjeꞌyaya ne ꞌücj lajay Dios jos jin. Najas yupj ca jus nlayecj napj nin pyac nun mpes qjuis Jepa Dios qjuisí jütüta pꞌin. 38 Nun popa pjaní ma quelel jus nlayes niná ca nacj. Mpes más ꞌücj nun ma pjoꞌoqué jupj lal. 39 Natjampan, niswa velé po nujisas tꞌas nun ca ꞌücj mvelé Dios mpes, jupj Cjües nu ꞌyaya nin lojí mpes. Nun jis lal velé wa ma mvelé nun popa pjaní ma polel vele la pꞌa jis tin jupj pꞌiyá ma selé. 40 Mopꞌin nin, najas nun lojí pjü way napj tepyac jin. Nin jos Dios. Ma tjowelé ꞌa mulú. Pjaní tꞌücꞌ tjevele na, ꞌücj la pꞌa ca mveles.

Jesucristo jas tjijyünsa, tüpüꞌü niswá.

15

1 Natjampan, nun jis walapꞌaꞌa tjevelé Jesucristo ꞌüsüs la tjiji gente mpes. Napj tjevelé niná nun jis lal. Najas niná nujola nsem niswá quinam. Nun nujisastsja napj tjevelé. Niná newa poné nun. 2 Niná poné, mpes ca mpatjaqué Dios lal. Najas po ca mponé lovin napj tjevelé nun jilal. ꞌOtsꞌotsꞌ way pꞌin toponé, ma ca mpatjaqué Dios lal. 3 Tꞌücꞌ way nun jilal tjevelé napj nin tjiꞌyüsa mpes. Niná más ꞌüsüs way pjü nusin tjiꞌyüsa lal. Nun jilal tjevelé Cristo tepeꞌe malala nyuca la tjijicj mpes. Dios Popel tjevele nin ca la mijis. 4 Yupj toc Jesucristo. Tsꞌacꞌ contꞌe na, Dios jas tjijyünsa, ne nyucunú tepyala niswá. Dios Popel tjevele nin ca mpalas. 5 Jas tjijyünsa na, lay tepyala Pedro lal. Niyom Jesús cus tocon̈tsja, doce waytsja yupj; yupj tjatja ntꞌa, nepé lay tepyala wa. 6 Locopyaya Dios tsꞌuyupj quinientos ꞌa jis tjimyula. Más pülüctsja yupj quinientos lal. Cristo lay tepyala wa neꞌaj. Yupj pülücj janucun patja custjay. Nepénowa pꞌin tecyaꞌlin̈. 7 Locopyaya lay tepyala Jacobo lal. Locopyaya lay tepyala apostolpan* pjü way jilal. 8 Pjü way yupj jus tjunuc na, lay tepyala wa napj lal. Tsjicj costa way tjemyaꞌna na, malala nin. Niná tsjicj way jinwatsja napj. Malálatsja napj. 9 Napj nola la pꞌa apostolpan más ꞌüsüs napj lal. Napj apóstol wa, yupj jinwá; mopꞌin tsjay malala la tjejay napj Dios tsꞌuyupj jilal püna pꞌin, mpes tsjicj jin nola napj pꞌiyá. 10 Newa nin, Dios pasal ꞌüsüs way la tjiji napj lal. Apóstol* la ntjiji napj. Pasal ꞌüsüs way polel la tjejaytsja jupj mpes, jupj ꞌüsüs la ntjiji mpes. Napj más yümücj tsjiꞌ la tjejay pjü apostolpan la pꞌa wa jilal. Mopꞌin napj pꞌiyá ma nin la tjejay. Dios nin tjeꞌyaya ne ꞌücj nin polel lejay. Mpes jupj nin la tjiji. 11 Tꞌücꞌ way apostolpan la pꞌa nun jis

El Nuevo Testamento en Tol de Honduras, 2da ed. ©2010, Wycliffe Bible Translators

519

1 CORINTIOS 15

walapꞌaꞌa tjowelepj Dios tjevelá. Napj nun jis walapꞌaꞌa tjevelé wa Dios tjevelá. Ma selé ncu mwalá way toponé yupj jilal. Ma selé ncu mwalá way toponé napj lal. Ma nola. ꞌÜcj najas pꞌin toponé nun. Dios tsꞌuyupj ca sin müjünsücj, mpatjam niswá.

12 Tꞌücꞌ

way nun jis walapꞌaꞌa tjevelecj Cristo poꞌó. Nun jilal tjevelecj jupj jas tjijyünsa, tüpüꞌü niswá tepeꞌe na. ¿Tsjan mpes nun nepénowa welé gente ma sin müjünsücj, ma mpatjam niswá? 13 Welé gente ma sin müjünsücj tecyaꞌlin̈ na, ma mpatjam niswá. Mpes welé wa ca nacj Cristo ma jas tjijyünsa niswá, ma tüpüꞌü niswá. 14 Nin welé ca nacj. Mpes nujola ma tꞌücꞌ way tjevelecj ca nacj. Ma poné Cristo püꞌü, mpes malala nin toponé jupj mpes. Nin tulucj. Tꞌücꞌ way tecyaꞌlin̈ ca sin müjünsücj, mpatjam niswá. 15 Nun welé tecyaꞌlin̈ ma ca sin müjünsücj, ma mpatjam niswá. Mpes nujola ca nacj cupj la tsyawilicj nun jilal Dios poꞌó; cupj tjevelecj Dios jas tjijyünsa Cristá, tüpüꞌü niswá. Nun welé tecyaꞌlin̈ ma ca sin müjünsücj la pütꞌüs niswá, mpes welé wa ca nacj Dios ma wa jas tjijyünsa Cristá. 16 Niswa velé napj, nun welé tecyaꞌlin̈ ma ca sin müjünsücj, ma mpatjam niswá, mpes welé wa Cristo ma jas tjijyünsa, ma tüpüꞌü niswá. 17 Nun welé Cristo ma jas tjijyünsa niswá, mpes nun toponé mpes ꞌüsüs nu tepyala tulucj. Mpes Dios jola custjay malala nyuca la tjüjí. Ma nin liji jupj. Tꞌücꞌ way Cristo jas tjijyünsa, tüpüꞌü niswá. 18 Pülücj nasa sa con̈tsja jupj. Pülücj tecyaꞌlin̈ yupj sin popé. Nun welé Cristo ma jas tjijyünsa, ma tüpüꞌü niswá, mpes nin welé yupj ma Dios lal patja quinam. Tꞌücꞌ way patja. Tꞌücꞌ way Cristo jas tjijyünsa, tüpüꞌü niswá. 19 Cupj Jesucristo se con̈cocj quinam, mpes pyonecj ꞌüsüs qjuis mpalas tecyaꞌlequecj na. Nun welé Cristo ma jas tjijyünsa, ma tüpüꞌü niswá. Cristo ma cüpütꞌ, ma ꞌüsüs qjuis cüpalas tecyaꞌlequecj na. Mpes más ꞌücj gente pasal yola cupj mpes. Más malala qjuis tepyala pjü jis lal. 20 Malala qjuis tepyala tulucj. Tꞌücꞌ way Dios jas tjijyünsa Cristá, tüpüꞌü niswá. Dios mwalá way jas tjijyünsa jupj pjü way jis lal. Mpes tꞌücꞌ way tecyaꞌlin̈ ca sin müjünsücj wa, mpatjam niswá. 21 Pjü gente cyaꞌlin̈ yom pjaní la tjiji mpes. Nin pꞌiyá, gente ca sin müjünsücj, mpatjam niswá, yom pꞌa mpes, pjaní jupj. 22 Adán mwalá way tüpüꞌü pjü jilal. Pjü ncaꞌlin̈ ca jupj mpes. Nin pꞌiyá, Cristo sa con̈ pjü way ca sin müjünsücj jupj mpes, mpatjam niswá. 23 Dios sin jyünsa pjü way. Sin müjünsüs jupj tjevele na. Mwalá way jupj Cristo jas tjijyünsa. Pꞌa

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 15

520

jawas Cristo ncuwim niswá nosis ntꞌa. Nin jawas Cristo jutsꞌaꞌá ca sin müjünsüs, mpatjam niswá. 24 Nin tepyala na nosis ncawajas ca. Nin jawas, Cristo ca Dios pjü maꞌayas, Dios jupj Popay. Pjü way jupj jyüꞌta, jupj ca jupj Popay maꞌayas, mpes Dios ca pjü jis müjüꞌtüs nsem. Püna tjüjütütj, yupj ma müjüꞌtücj nsem, Cristo la mijis mpes. Jepapan, ma jepapan nsem quinam, Cristo la mijis mpes. Noypan ma ca ꞌücj la mijicj yupj jisas jinwá. 25 Quina Cristo newa jyüꞌta pjü way; nin jos Dios. Jupj ca la mpaꞌnas jupj enemigopan jis lal. Jupj ca la mijis jupj enemigopan pjü way jupj tsjom ꞌalá jatja jinwá. Nin la tjiji na, jupj Popay Dios ca müjüꞌtüs niswá. 26 Nin tepyala na, pꞌa casá mpalas Cristo mpes. Gente ma ncaꞌlin̈ ca niswá jupj mpes. Gente cyaꞌlin̈ pasal malala Cristo lal, ne ma nin mpalas quinam. 27 Dios Popel vele: “Dios pjü tsjom ꞌalá tepyaꞌta. Cristo jyüꞌta pjü jilal.” Popel vele pjü way tsjom ꞌalá tepyaꞌta. Selecj Dios ma tepyaꞌta jupj pꞌiyá Cristo tsjom ꞌalá. Jupj tepyaꞌta la pꞌa pjü way Cristo tsjom ꞌalá. 28 Dios tecyawaja tepyaꞌta na, jupj Jatjam ca mveles jupj lal, ca mveles jupj jos jupj Popay müjüꞌtüs jupj lal. Dios nin liji pjü way jupj Jatjam tsjom ꞌalá majatjum. Tꞌücꞌ way Dios jusapj ca müjüꞌtüs pjü jilal. 29 Napj selé nepénowa japon tecyaꞌlin̈ ma sin müjünsücj jis la pütꞌüs niswá. ¿Ncu solejé tsjan mpes nepénowa bautizar* se palá tecyaꞌlin̈ mpes? Tꞌücꞌ way tecyaꞌlin̈ ca sin müjünsücj niswá, mpatjam niswá; nin mpes nin lajay yupj mpes. 30 Gente nepénowa lovin ma jisas ncupj, quelel qjuesé ꞌünan. Newa nin, lovin velecj Dios tjevelá. Tꞌücꞌ way tecyaꞌlin̈ ca sin müjünsücj, mpatjam niswá; mpes nin lijicj. 31 Natjampan, napj pasal ꞌücj najas nun Jesucristo so con̈có mpes. Jupj cupj qjuis Jepa Püné. Newa nin, pjü tsꞌacꞌ jawas nepénowa quelel na ꞌünan. 32 Napj tjevelé Efeso poꞌó Dios tjevelá. Gente pasal pülücj tsꞌa ꞌintsja neꞌaj, malala quelel la najaytsja. Yupj püꞌá tsꞌi ꞌinyá jinwatsja. Newa nin, napj lovin tjevelé Dios tjevelá. Tꞌemel ma quelel tꞌeꞌetsja tjevelé na. Tꞌücꞌ way tecyaꞌlin̈ ca sin müjünsücj, mpatjam niswá; nin mpes tjevelé napj. Nepénowa javelepj ma ca nin mpalas. Ma nin mpalas, “más ꞌücj lyajacj, myüsiquecj pꞌin. Yaya ncaꞌlequecj, ncawajas ca cupj la pꞌin, mpes más ꞌücj ꞌücj qjuisas quinam.” 33 Nenéyawa gente javelepj tecyaꞌlin̈ ma sin müjünsücj. Ma mponé nun yupj jilal. Ma jis capj ncon̈có yupj. Yom ꞌüsüs se con̈ca na yom malala, pꞌa jawas malala nsem wa jupj. 34 Nujola tꞌas Dios jos jinwá. Malala la tjüjí. Ma nin la müjí niswá. Tꞌücꞌ way nepénowa neꞌaj ma sin tjiꞌyüsa Dios poꞌó custjay. Mpes najas ca nu maycas nun.

El Nuevo Testamento en Tol de Honduras, 2da ed. ©2010, Wycliffe Bible Translators

521

1 CORINTIOS 15

Pablo tepyaca ꞌonin ne nin sin müjünsücj tecyaꞌlin̈.

35 Ca

nacj nepénowa ca la müꞌüyacj: “¿ꞌOnin ne nin sin müjünsücj tecyaꞌlin̈ na la pütꞌüs mpes niswá? Yupj jis pꞌüy, ¿tsjan jin yustapj?” ca la müꞌüyacj ca nacj. 36 Ma yola jinwá yupj, ne la ꞌüy yupj. Napj ca mvelé tsjan mpes ca jus nlayé tecyaꞌlin̈ ca sin müjünsücj jis la pütꞌüs. Gente jis pꞌüy setel jinwá. Setel toꞌá, mwalá way siná niná. Setel tepeꞌe jinwá, ꞌamá toqué nun. Nin la tjüjí na, ntꞌünüs ca, jun ꞌyüna jupj. 37 Setel siná setel pꞌin jupj, trigo* ca nacj, pꞌa ca nacj. Tꞌyüna na, pꞌa wa jupj. Setel tulucj, pꞌa casá justa jupj. ꞌÜsüs justa quinam. Nin pꞌiyá yom jüpꞌüy lal. Mwalá way peꞌe jupj. Tepeꞌe na, jas müjünsüs, mpüꞌüm niswá. Ninana pꞌiyá tulucj, pꞌa wa jüpꞌüy jinwá justa nsem jupj. 38 Setel pꞌa casá justa nsem, Dios nin liji. Jupj jos jin ca nsem. Pülücj jay setel. Pjü pꞌa casá yustapj nsem yupj, Dios liji. Pjü nin yustapj Dios jos jin. 39 Nin pꞌiyá, pülücj jis pꞌüy. Nin pꞌiyá tulucj yupj. Gente jis pꞌüy animal jis pꞌüy jin tulucj. Animal jis pꞌüy tsipyaya jis pꞌüy jin tulucj. Tsipyaya jis pꞌüy cjul jis pꞌüy jin tulucj. 40 Pülücj jis pꞌüy qui casá. Pasal pülücj pꞌa casá jatja tsjun poꞌó. Neꞌaj jatja pasal ꞌüsüs way jin yustapj. Qui casá nin pꞌiyá ꞌüsüs jin yustapj. Qui casá jatja, tsjun poꞌo jatja jin tulucj. 41 Lotsꞌacꞌ ꞌüsüs jin justa, mümüy ꞌotsꞌipj, pjulacj ꞌotsꞌipj. Nin pꞌiyá tulucj yupj. Pasal pülücj jatja pjulacj. ꞌÜsüs jin yustapj, pjü way. Mopꞌin nin pꞌiyá tulucj yupj. 42 Nin pꞌiyá nsem Dios tecyaꞌlin̈ sin müjünsüs na. Yom jüpꞌüy ꞌamá toc na, jupj jüpꞌüy cyawaja. Dios si jünsa na, pꞌa wa nsem jupj. Niná ma ncawajas ca, lovin mpüꞌüm ca jupj. 43 Yom jüpꞌüy toc na, malala justa. Jas tjijyünsa na, ꞌüsüs justa nsem. Yom jüpꞌüy toc na, liji secj. Jas tjijyünsa na, ca püné ꞌücj la mijis. 44 Yom jüpꞌüy ꞌamá toc na, ꞌamá popa jupj. Jas tjijyünsa na, jupj tsjun popa nsem. Tꞌücꞌ way jüpꞌüy ꞌamá popa nin püꞌü. Mpes tꞌücꞌ way jüpꞌüy pꞌa wa tsjun popa nsem jupj. 45 Dios Popel niná vele wa. Vele: “Yom mwalá waytsja Adán, Dios la tjiji jupj. Jupj jüpꞌüy ꞌamá pópatsja, nyucunutsja jupj.” Püs naya pꞌa wa yom pǘꞌütsja jupj. Cristo jupj. Cjües jupj. Adán mpes, pjü malala nyuca lajay, pjü cyaꞌlin̈. Cristo mpes, gente ꞌücj mpatjam lovin. 46 Cupj ca mpatjaquecj lovin. Qjuis pꞌüy lovin ca mpatjaquecj mpes, cjuwá quinam. Mwalá way cupj qjuis pꞌüy ꞌamá popa mpes pyatjaquecj. Pꞌa jawas qjuis pꞌüy la pꞌa ca ntaꞌacj, ne yupj mpes ca lovin mpatjaquecj cupj. 47 Yom mwalá way ꞌamá pópatsja. Dios la tjiji jupj ꞌüpjǘ mpes. Yom pꞌa tsjun popa, Cristo jupj. 48 Yom mwalá way jinwá ncupj, Dios la tjiji

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 15, 16

522

jupj ꞌüpjǘ mpes. Cupj ꞌüpjǘ popa ꞌotsꞌipj. Cupj popa pülücj ca nlaca Dios püꞌü ntꞌa. Cristo jüpꞌüy jinwá nsem cupj qjuis pꞌüy, jupj tsjun popé. 49 Quina yom mwalá way jinwá ncupj quiꞌá, jupj ꞌüpjǘ pópatsja. Pꞌa jawas tsjun poꞌo popa jinwá custapj nsem cupj. 50 Natjampan, nun jilal velé ꞌamá popa ncupj. Pis pꞌin cupj, ꞌas pꞌin. Pis niná, ꞌas niná, ma polel patja Dios jyüꞌta ntꞌa. Dios ma la mijis mpatjam neꞌaj. Qjuis pꞌüy ꞌamá popa, mpes ncawajas ca. Ma lovin polel patja. 51 ꞌÜsüs nusin tjüꞌüsüs napj ca mpac mpes. Ca mpac, gente lovin ma salejeptsja yupj. Pülücj ncaꞌlin̈ ca quiꞌá mopꞌin ma ca pjü ncaꞌlin̈ yupj. Dios la pꞌa jis pꞌüy jis maꞌayas ca pjü jilal. 52 Nasa trompeta la pjaní la tjipjyusa pjac na, nin ca mpalas. La pjaní jun si tsicyaca na, len̈ way nin pyala. Nin pꞌiyá, pasal len̈ way Dios ca la pꞌa jis pꞌüy jis maꞌayas pjü jilal. Trompeta la tjipjyusa pjac na, Dios ca sin müjünsüs tecyaꞌlin̈, ca mpatjam niswá. Jis pꞌüy ca ntaꞌacj, lovin ma jis ncawajas ca. Cupj ma tecyaꞌlequecj, nin pꞌiyá, qjuis pꞌüy pꞌa casá mpalas. 53 Qjuis pꞌüy quina pyatjaquecj mpes, jis ncawajas ca. Ncaꞌlin̈ ca. Mpes Dios ca qjuis maꞌayas la pꞌa qjuis pꞌüy. Ma jis ncawajas ca yupj. Lovin mpatjam ca yupj. 54 Nin tepyala na, cupj ca nucucj nin tepyala Dios Popel vele jin. Vele: “Cupj ma tecyaꞌlequecj jin nsem. Lovin ca mpatjaquecj ncupj Dios la tjiji mpes. 55 Qjuis pꞌüy ma tecyaꞌlin̈ jin ca nsem. Ca sin müjünsüs, mpatjam niswá. Pajal vyájatsja tecyaꞌlin̈ mpes. Mopꞌin ma nin ca mpalas quinam”, Dios Popel nin vele. 56 Malala jis tepyala tecyaꞌlin̈ na, malala la tjajay mpes. Nun jilal velé ꞌonin ne malala la tjajay yupj. Sin tjiꞌyüsa Moisés* tepyacá, newa ma polel lajaytsja pjü tepyacá. 57 Quina wiꞌiquecj Dios lal cupj lovin ca mpatjaquecj jupj lal. Nin ca nsem Jesucristo la tjiji mpes, jupj ne cupj qjuis Jepa Püné. 58 Mpes lovin nujisas tꞌas qjuis Jepa Jesucristo. Nun napj mpülücpan, napj quelel la nusejay. Lovin toponé Dios tjevelá. Lovin pajal tsjiꞌ la müjí qjuis Jepa Jesucristo mpes. Najas nun ca jus nlayé pasal ꞌüsüs ca mpalas, nun tsjiꞌ lojí na jupj mpes.

16

Dios tsꞌuyupj Corinto poꞌo patja tꞌemel tjaꞌayapj Dios tsꞌuyupj Jerusalén poꞌo patja mpes.

1 Nun

solejé napj la tjemyon Dios tsꞌuyupj tꞌemel maꞌayacj Dios tsꞌuyupj mpes Jerusalén poꞌó. Jilal tjevelé ꞌonin la cüjay ne la El Nuevo Testamento en Tol de Honduras, 2da ed. ©2010, Wycliffe Bible Translators

523

1 CORINTIOS 16

ꞌayas niná. Nin tjevelé Dios tsꞌuyupj pjü way jilal Galacia poꞌó. Najas nin pꞌiyá lojí nun. 2 Domingo pjü way najas pjü way witjacj nun naꞌaj ꞌonsó tꞌemel so ꞌoyá mpes. Nun sin popa tꞌemel pülücj jatꞌanquepj, ꞌin püné jaꞌonsopj najas. Tsjicj way jatꞌanquepj, más tsjicj way jaꞌonsopj ꞌücj. Mpes nun ntꞌa tjum na, nun ca ntaꞌá tꞌemel jis la ꞌayas. Nun ntꞌa tjum na, ma najas niswa tꞌemel lo moná nun ꞌa nu myula na. 3 Najas nun ca la ntꞌa nepenowá, yupj ca ntꞌacj tꞌemel niná Jerusalén ntꞌa Dios tsꞌuyupj mpes. Nun ntꞌa tjum na, napj ca sin majam niná tꞌemel lal. Napj ca jis papel maꞌayá, mpes Dios tsꞌuyupj Jerusalén poꞌo ca jus nlayecj pjacj niná. 4 Más ꞌücj napj jum wa ca nacj. Jum, ꞌücj ncapj jacon̈.

Pablo tepyaca nin la mijis mpes.

5 Mwalá

way napj ca mis Macedonia ntꞌa. Neꞌaj tjum na, neꞌas ca mis nun ntꞌa. 6 Tsꞌacꞌ pülücj ca mpüꞌüs ca nacj nun jis lal. Jive na ca mpüꞌüs ca nacj nun jilal. Mpes ꞌücj ca polel no ꞌoyá, ne ca ꞌücj polel mis pꞌa gente ntꞌa. Ma selé custjay caꞌaj mis. 7 Ma quelel jum quinam nun ntꞌa; püs way ma polel püꞌüs neꞌaj quinam. Püs way quelel püꞌüs nun ntꞌa. Qjuis Jepa Dios jos jin ca nsem. 8 Quiꞌá ca mpüꞌüs quinam Efeso poꞌó. Judiopan* len̈ way ca ꞌa jis mulus fiesta mpes, fiesta niná Pentecostés* ló. Tꞌücꞌ tepyala na, mis ca napj. 9 Pülücj jilal polel velé quinam Dios tjevele jin, mpes quiꞌá ca mpüꞌüs quinam. Po quelel pjyacan̈ yupj. Mopꞌin la pꞌa pülücj pꞌa casá yola. Tsꞌa ꞌin yupj napj lal. Yupj jisas la pꞌa ma sin ꞌyüsa Dios tjevele jin, nin mpes wa quelel püꞌüs quiꞌá. 10 Timoteo ca mim nun ntꞌa ca nacj. Jama na, najas jupj ma lecj meyas nun jilal. Mpes najas pasal wüiꞌiqué nun jupj neꞌas jama na. Jupj tsjiꞌ liji wa qjuis Jepa Dios mpes, napj jinwá. 11 Jupj tjamacjas custjay, mopꞌin ꞌüsüs jupj; najas ma malala nujola jupj mpes. Tjaꞌayá jupj jos, ne ꞌücj polel ncuwim napj ntꞌa. Tjowelé ꞌüsüs mim. Napj li nuc lo cuwis jupj napj ntꞌa pꞌa wa Dios tsꞌuyupj jilal. 12 Quina ca mpac Apolos poꞌó, jupj cupj qjuis catjam. Po tjevelé jupj lal más ꞌücj jama quinam Dios tsꞌuyupj nepénowa jilal nujus la nuc. Newa ma quelel jámatsja quinam. Polel jama na, mim ca.

13 ꞌIn

Pablo tecyawaja tepyaca.

tjajama ma poné nun la tsuwilpan jilal. Tꞌücꞌ way lovin mponé qjuis Papay Dios poꞌó, Cristo poꞌó ꞌotsꞌipj. Gente ca mvelecj más ꞌücj ma pjoꞌoqué niná. Ma mpjaꞌaqué yupj jilal. Lovin la müjí Dios jos jin. 14 Nun pjü way pasal pülücj lojí. Nin lojí na, lovin quelel lis tjüjí la pꞌa.

El Nuevo Testamento en Tol de Honduras, 2da ed. ©2010, Wycliffe Bible Translators

1 CORINTIOS 16

524

15 Natjampan,

neꞌaj Acaya poꞌó pülücj way jisas Jesucristo quinam. Nun solejé Estéfanas, jupj wo ntꞌa patja ꞌotsꞌipj, mwalá way jisastsja Jesucristo neꞌaj. Yupj lovin quelel jis capj japꞌactsja Dios tsꞌuyupj. Nin la tjajay. 16 Napj najas nun lojí yupj jisas jin. La pꞌa wa yupj jin pꞌiyá lajay, la müjí wa yupj jisas jin. La pꞌa wa nepénowa tsjiꞌ lajay yupj jilal Dios mpes. La müjí wa yupj jisas jin. 17 Tsjay ꞌücj najas Estéfanas tjacꞌ napj ntꞌa. ꞌÜcj najas wa Fortunato tjacꞌ, Acaico tjacꞌ wa, napj ntꞌa. Najas nun napj lal jotjaqué mopꞌin ma polel jotjaqué quiꞌá. Quina yupj tjiquil nun mpe, mpes tsjay ꞌücj najas. 18 Napj lal tjowelepj nun poꞌó, mpes ꞌücj najas la tjajay yupj. Napj selé nun pasal ꞌücj jisas wa yupj javelepj mpes. Napj lal javelepj nun mpes. Najas ꞌüsüs way welé nun yupj sin poꞌó. La pꞌa lajay yupj jinwá. Najas ꞌüsüs welé wa yupj sin poꞌó. 19 Dios tsꞌuyupj Asia poꞌo patja pjü witjacj süs wa la tjajay nun jilal. Aquila süs wa la tjiji, Priscila ꞌotsꞌipj; yupj qjuis Jepa Jesucristo jutsꞌaꞌá wa, nun jinwá. Dios tsꞌuyupj yupj jis wa ntꞌa ꞌa si mulú, süs wa la tjajay yupj. 20 Dios tsꞌuyupj quiꞌá jatja, pjü way süs wa la tjajay yupj. La nüjüsüqué na nun popé, la tjalapaná nunwá. ꞌÜcj nujisas tꞌas nujus tjunucú nusin popé. 21 Napj Pablo. Niná napj pꞌin pyac nun mpes. 22 Nepénowa jatja neꞌaj ma quelel lajay qjuis Jepa Jesucristo ca nacj. Más ꞌücj Dios ca mveles ca malala jis mpalas yupj. ¡Qjuis Jepa Jesús, was jipj! 23 Najas Jesucristo ꞌüsüs la nusiji nun pjü jilal, jupj Jepa Püné. 24 Napj quelel la nusejay nun pjü way. Cupj pjü witjacj se con̈cocj Jesucristá. Amén.

El Nuevo Testamento en Tol de Honduras, 2da ed. ©2010, Wycliffe Bible Translators

Papel locopyaya Pablo tepyaca Corinto moꞌo tapatja mpes

1

1 Napj Pablo. Apóstol* way napj, Dios nin tjejyama la veles la pꞌa jilal jupj mpes. Jos napj velé Jesucristo poꞌó. Timoteo jáꞌasa napj lal, jupj cupj qjuis catjam. Nun Dios tsꞌuyupj Corinto poꞌó. Quina pyaquecj nun mpes. Niná papel Dios tsꞌuyupj pjü way mpes Acaya poꞌó. Yupj Dios jutsꞌaꞌá ꞌotsꞌipj. 2 Dios cupj qjuis Papay. Jesucristo cupj qjuis Jepa Püné. Najas yupj ꞌüsüs way lajay nun mpes. Najas nun ma nujola nsem pjü mpes, yupj ca nin la nusejay.

3 Najas

Pablo tjüwüiꞌi Dios lal.

ꞌüsüs way mvelecj Dios poꞌó. Jupj Jesucristo Dios. Jupj Jesucristo Popay. Jesucristo cupj qjuis Jepa Püné. Dios nin pꞌiyá cupj qjuis Papay wa. Malala qjuesé palá na, jupj qjuis capj pꞌyaꞌsa. Malala qjuesé palá na, cupj ma qjuiyola jupj ꞌüsüs la qjuisiji mpes. 4 Malala qjuesé palá na, jupj lovin nin liji ma qjuiyola. Jupj jos nin pꞌiyá la mijicj la pꞌa jilal, malala se palá na, mpes nin liji jupj cupj qjuis lal. Nin pꞌiyá polel lijicj yupj mpes, Dios la qjuis tjiji jinwá. 5 Gente pasal malala la tjajay Cristo lal. Mpes nin pꞌiyá gente pasal malala lajay wa cupj qjuilal, cupj Cristo jutsꞌaꞌá mpes. Newa nin, Dios ꞌüsüs la qjuisiji ne ma qjuiyola cupj, cupj Cristo jutsꞌaꞌá mpes. Nin mpes pajal ꞌüsüs pyatjaquecj cupj. 6 Tꞌücꞌ way malala qjuesé palá. Dios jos cupj ꞌücj polel la nusijicj ne nun ma nujola nsem malala nu pyala na; nin mpes nin qjuesé palá. Nun jilal tjevelecj na Jesucristo poꞌó, malala qjuis tepyala. Mopꞌin ꞌüsüs nu tepyala nun; Dios la tjiji nun ꞌücj ca

525 El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 1

526

mpatjaqué jupj lal, nin nu tepyala. Tꞌücꞌ way Dios nin liji ma qjuiyola. Dios jos nin pꞌiyá la mijicj nun mpes; nin mpes nin qjuesé palá. Mpes malala nu pyala na, malala qjuis tepyala jinwá, nun ma nujola nsem. 7 Tꞌücꞌ way gente malala lajay cupj qjuilal. Selecj nin pꞌiyá lajay nun jilal. Newa ma qjuiyola Dios ꞌüsüs la qjuisiji mpes. Selecj nin pꞌiyá liji nun jilal, ne ma nujola nun. 8 Natjampan, qjuisas nun jus nlayé gente malala la tjajay cupj qjuilal Asia poꞌó. Pasal malala la tjajay cupj qjuilal, ne lovin pasal qjuiyólatsja ncupj. Qjuiyólatsja ncaꞌlequecj ca. 9 Qjuiyólatsja ca qjuis müꞌüꞌnacj. Dios jostsja cupj ca la monacj jupj qjuis capj mpꞌaꞌsas, mpes jupj jostsja nin qjuiyólatsja cupj. Dios jostsja cupj jus nlayecj cupj ma polel qjuis capj pꞌyaꞌsacj cupj pꞌiyá. Tꞌücꞌ way Dios ꞌücj polel sin müjünsüs tecyaꞌlin̈, jis la pütꞌüs niswá. Jupj ꞌücj qjuis capj pꞌyaꞌsa. 10 La pꞌa wa pasal malala quelel la qjuis tjajay. Quelel jaꞌünantsja cupj. Mopꞌin Dios ꞌüsüs la tjiji, mpes ma polel qjuis tjüꞌünan. Dios newa ꞌüsüs la mijis wa, mpes ca ma polel qjuis müꞌüꞌnacj yupj. Selecj Dios lovin ca qjuis capj mpꞌaꞌsas ne yupj lovin ma polel qjuis müꞌüꞌnacj. 11 Qjuisas nun qjuis capj pꞌoꞌsá wa. La tjomoná Dios lal cupj mpes. Pülücj la tjomon na, pülücj ca mwiꞌin̈ Dios lal, ꞌüsüs la qjuis tjiji mpes.

12 ꞌÜsüs

La miyá Pablo ma polel jámatsja Corinto ntꞌa.

way la tjijicj nosis casá. ꞌÜsüs la tjijicj Dios jostsja jin. Ninana Dios jos, ninana pꞌin quelel la tjijictsja. Nin la tjijicj nun jilal. Pyonecj tꞌücꞌ way nin la tjijicj. Mpes pasal ꞌücj qjuisas. Ma la tjijicj cupj pꞌiyá qjuiyólatsja jin. Dios qjuis capj tjepꞌyaꞌsa. Pasal ꞌüsüs la tjiji cupj mpes. 13 Cupj papel tepyaquecj, ꞌücj polel moꞌo welé nun. ꞌÜcj polel nusin ꞌyüsa. Tsjan pajal costa way ma tepyaquecj nun mpes. Nun jus nlayetsja tsjicj way pꞌin cupj qjuisin poꞌó. Najas nun jus nlayé pjü way cupj qjuisin poꞌó. 14 Mpes ꞌücj nujisas nsem cupj mpes Jesucristo niswa tjacꞌ na, jupj cupj qjuis Jepa Püné. Tꞌücꞌ way cupj ꞌücj qjuisas nsem nun mpes. 15-16 Napj nólatsja nun ꞌücj nujisas nsem cupj mpes. Mpes Macedonia ntꞌa tjacuwis na, quelel jumtsja nun ntꞌa. Macedonia mpe jum na, quelel jumtsja nun ntꞌa. Ma ca nin nsem. Po quina más ꞌücj ma jum nun ntꞌa niswá. Najastsja wa nun ca ma ꞌayá napj lal, mpes ꞌücj polel jumtsja Judea ntꞌa. Mpes tꞌücꞌ way la miyá quelel jumtsja nun ntꞌa la veles Dios tjevele jin. 17 Newa nin, la miyá ma polel jum nun ntꞌa. ¿Ncu toponé napj ma nólatsja neꞌaj la winin? ¿Ncu nujola napj najas pꞌin nin lejay? ¿Ncu

El Nuevo Testamento en Tol de Honduras, 2da ed. ©2010, Wycliffe Bible Translators

527

2 CORINTIOS 1, 2

nujola napj ma quelel tꞌücꞌ lejay napj velé jin? 18 Dios lovin nin liji jupj tjevele jin. Nin pꞌiyá, po quelel lijicj cupj tjevelecj jin. 19 Nun jis walapꞌaꞌa tjevelecj Dios Jatjam poꞌó, Jesucristo jupj. Napj nin tjevelé nun jilal. Silvano nin tjevele wa. Timoteo ꞌotsꞌipj. Jesucristo tjevele na nin la mijis, la pꞌa mpes tulucj quelel líjitsja jupj. Lovin po la tjiji jupj tjevele jin. 20 Dios pülücj way tjevele tsjan la mijis. Pjü nin liji jin tjevelá, Jesucristo mpes. Jesucristo mpes velecj niná po tꞌücꞌ way. Niná velecj na, ꞌüsüs nin velecj Dios poꞌó. 21 Tꞌücꞌ way cupj ca lovin Cristo cus ncon̈cocj, nun so con̈có wa. Dios nin liji. Dios qjuis tjeꞌyaya jupj Cjües, nin polel lijicj Dios jos jin, jupj Cjües mpes. 22 Cupj lovin Dios jutsꞌaꞌá nsem, jupj la tjiji. Qjuis tjeꞌyaya jupj Cjües, jupj püꞌü quinam qjuisas moꞌó. Mpes selecj nin la mijis cupj mpes jin tjevelá. 23 Nun ma la tjüjitsja Dios jostsja jin. Mopꞌin ma quelel nucopj tyültsja. Mpes ma tjum niswá nun ntꞌa. Dios selé tꞌücꞌ way velé, najas jupj nun jis wala vele tꞌücꞌ way nin velé. 24 Najas ma nujola nsem cupj nin qjuisas nun jis jepapan nsem cupj. Nin tulucj. Ma nu jyüꞌtücj nun mponé ca Dios tjevele jin. Cupj selecj nun po poné nasa Dios tjevelá. Nin quelel la nusijicj nun ꞌücj nujisas nsem la pꞌin. 1 Napj po quelel veletsja nun jilal. Newa najastsja ma ꞌaplijila nu mpalas napj velé mpes. Mpes nólatsja más ꞌücj ma jum nun ntꞌa niswá. 2 Nun ꞌaplijila na, ¿pjacj lal ꞌücj najas ca mpalas? Nun ꞌaplijila na, ma polel lojí napj ꞌücj najas nsem. 3 Mpes quina nun solejé tsjan mpes napj tepyac nun mpes. Najastsja lovin ma la müjí quinam lojitsjé. Mpes neꞌaj jum na, ma ca ꞌaplijila nsem napj nun mpes. ꞌÜcj najas nsem nin lojí, más ꞌücj. Napj selé nun ꞌücj jisas wa ca nsem napj ꞌücj najas na. 4 Nun mpes tepyac na, pasal nólatsja nun la tjüjitsja mpes. Pasal ꞌaplijílatsja napj. La tipiyú napj. Ma najastsja ꞌaplijila nsem nun napj tepyac mpes. Napj najastsja nun jus nlayé napj po quelel la nusejay.

2

5 Tꞌücꞌ

Yom malala la tjiji popay jatsꞌom lal, ma nujola tꞌas quinam la tjijá.

way nun ꞌaplijila nu tepyala, yom malala la tjiji mpes neꞌaj. Napj ꞌaplijila ntepalá wa jupj mpes, mopꞌin nun pjü way más ꞌaplijila nu tepyala napj lal. Nepénowa pasal ꞌaplijila jis tepyala, nepénowa ꞌotsꞌotsꞌ way. Ma quelel pülücj velé quinam jupj la tjiji mpes. 6 Nun ꞌa mulú nasa tꞌücꞌ cus tülǘ. Tꞌücꞌ quinam. Ma cus ntülǘ quinam. 7 Quina najas nun ca perdonar la müjí jupj. Najas jupj ꞌücj jos nsem la müjí nun. Ma nin lojí, jupj más ꞌaplijila nsem ca nacj, lovin ma polel tsjiꞌ

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 2

528

la mijis niswá ca nacj Dios mpes. 8 Mpes po najas nun wola welé nun quelel lojí jupj custjay. 9 Napj quelel jus nleytsja ncu la müjí napj tepyac jin; nin mpes wa tepyac nun mpes. Napj quelel jus nleytsja ncu la müjí pjü way napj tepyac jin. 10 Nun perdonar lojí na nun popa pjaní, malala la tjiji mpes, napj perdonar lejay wa jupj la tjijá. Jupj malala la tjiji neꞌaj, napj lal la tjiji tulucj. Mopꞌin nin, napj perdonar la tjejay quinam jupj la tjiji mpes. Najas ꞌüsüs nu pyala, mpes perdonar la tjejay jupj. Cristo selé napj perdonar la tjejay jupj la tjijá. 11 Ma qjuiyola na, ꞌüsüs, ne ma nin lijicj Satanás* jos jin. Satanás jos nun newa su tülǘ jupj. Satanás jos jupj ma tsjiꞌ liji niswá Dios mpes. Cupj selecj Satanás quelel lijá; malala quelel liji.

Pablo Troas moꞌo tüpüꞌü na, pasal jólatsja yupj mpes Corinto poꞌó.

12 Napj

tjum Troas ntꞌa la veles yupj jis walapꞌaꞌá; tjevelé tsjan niná Jesucristo ꞌüsüs la tjiji gente mpes. Yupj po quelel pjyacan̈tsja niná; qjuis Jepa Jesucristo nin la tjiji ꞌüsüs tjepjyacan̈ yupj. 13 Mopꞌin napj ma jus tjinyuc Tito neꞌaj, jupj ne napj natjam Cristo mpes; nin mpes pasal nólatsja. Po najastsja jupj nawala mveles ncu ꞌücj potjaquetsja nun. Mpes napj tjevelé nasa jum; Macedonia poꞌo tjacuwis.

14 Lovin

Lovin nin pyala Dios jos jin, Cristo mpes.

pasal wüiꞌis Dios lal. Jupj qjuisin jyama tsjiꞌ lijicj jupj mpes. Pjü nin pyala jupj jos jin, Cristo mpes. Jun taꞌá gente sin ꞌyüsa jupj poꞌó cupj velecj mpes; Dios mpes nin pyala. Niná yupj sin ꞌyüsa Cristo poꞌó, perfume jinwá, pajal ꞌüsüs cjumsu jinwá; pajal ꞌüsüs niná. 15 Cupj nin velecj la pꞌa jilal Cristo poꞌó. Japon nepenowá, mpes ca mpatjam Dios lal. Nepénowa ma japon, ne pajal malala jis mpalas tecyaꞌlin̈ na. Cupj velecj perfume jinwá Dios lal. Perfume ꞌüsüs cjumsu, cupj velecj ꞌüsüs way wa. 16 Nepénowa neꞌaj jil ꞌawa püné ntꞌa. Cupj velecj malala cjumsu jinwá yupj jilal. Ma jisas cupj velecj. Ncaꞌlin̈ ca yupj. Mopꞌin la pꞌa neꞌaj jil Dios ntꞌa. Cupj velecj ꞌüsüs cjumsu jinwá yupj jilal. Po jisas cupj velecj. Ca mpatjam yupj. Nun jilal velé pjacj niná Dios jos ꞌücj tsjiꞌ lajay jupj mpes. 17 Tꞌücꞌ way pülücj nin javelepj Dios vele poꞌó. Nepénowa tꞌemel jisas pꞌin, ne nin lajay. Cupj yupj jinwá tulucj nin sin ꞌyüsa lijicj. Cupj Cristo se con̈cocj. Qjuisas gente sin ꞌyüsa tꞌücꞌ way pꞌin. Dios qjuisin tjejyama ne nin lijicj. Dios pjoca cupj velecj.

El Nuevo Testamento en Tol de Honduras, 2da ed. ©2010, Wycliffe Bible Translators

529

3

1 Ca

2 CORINTIOS 3

Dios seyasa tjevele, niná Pablo tjevele la pꞌa jilal.

nacj nun popa nepénowa yola cupj qjuisas nun ꞌüsüs welé cupj poꞌó, ne nin mpes nin velé napj. Nin tulucj. Tꞌücꞌ way la pꞌa nun ntꞌa jil nusin ꞌyüsa lajay mpes. Jil na papel jatꞌ la pꞌa tapac. Papel niná nin vele ꞌüsüs way yupj. Cupj ma qjuisas papel tꞌyacj nun ntꞌa. Nun mpe leque na, ma qjuisas wa nun papel poqué cupj mpes. 2 Nun papel jinwá, cupj tꞌyacj jinwá. Cupj selecj tꞌücꞌ way niná. Pjü way nujus januc. Yupj salejepj nusin tjiꞌyüsa la tjijicj cupj. Januc nin lojí wa quinam, nin lojí nusin tjiꞌyüsa la tjijicj mpes. Mpes yupj jus nlay ꞌüsüs la tjijicj nun jilal. 3 Gente nujus januc nin lojí, mpes jus nlay nin la tjijicj nun jilal. Mpes nun papel jinwá, nun papel Cristo tepyaca jinwá. Tinta mpes tulucj tepyaca. Pe tꞌem casá tulucj tepyaca. Pꞌa casá la tjiji. Dios Cjües tjemey nujisas moꞌó. Jun ꞌyüna jupj. Nin mpes ꞌüsüs quelel lojí quinam, jupj la tjiji mpes. Gente ma moꞌo javelepj nun lojí mpes; yupj januc nun lojí. 4 Cupj selecj Dios la tjiji niná, mpes niná velecj. Cristo qjuis capj tjepꞌyaꞌsa. 5 Noypan tulucj cupj. Niná la tjijicj, selecj ma cusapj nin la tjijicj. Nin polel la tjijictsja Dios mpes. 6 Dios seyasa tjevele. Tjevele gente ꞌüsüs Dios lal jis mpalas Cristo ꞌos mpes. Niná polel velecj la pꞌa jilal, Dios la tjiji. Ma velecj más ꞌücj nin lajay pjü way Moisés* tjijyüꞌtá. Velecj yupj ꞌüsüs Dios lal jis mpalas, Dios Cjües liji mpes. Gente yola ꞌüsüs nsem yupj Dios lal, nin lajay na Moisés tjijyüꞌtá. Mopꞌin ma polel lajay pjü tjijyüꞌtá. Quina gente polel mpatjam Dios lal, Dios Cjües nin liji mpes. 7 Püna Dios tepyaca pe tꞌem casá tsjan niná jupj jostsja israelpan* lajay. Niná Moisés* jis tjeꞌyaya israelpan mpes. Yupj yólatsja ꞌüsüs nsem yupj Dios lal nin la tjajay na jupj tjijyüꞌtá. Mopꞌin ma polel la tjajay pjü way jupj tjijyüꞌtá. Ma polel pátjatsja Dios lal, niná la tjajay mpes. Moisés niná jis tjeꞌyaya na israelpan mpes, jupj wola poꞌó pasal jas jawtsja. Jaw cyawájatsja, newa la pꞌa wa ma polel sa nuctsja custjay jupj wola poꞌó. Dios lal tjáꞌasatsja, Dios pasal jas jaw jupj, mpes wa Moisés wola jas jaw tepyala. Nin mpes pasal ꞌüsüs waytsja Moisés tjeꞌyayá yupj mpes. 8 Quina velecj más ꞌüsüs; velecj Dios Cjües nin liji quinam gente jilal. Niná más ꞌüsüs way Moisés tjeꞌyaya lal. 9 Pasal ꞌüsüs waytsja Moisés tjevelá. Gente yólatsja ꞌüsüs nsem yupj Dios lal nin la tjajaytsja na Moisés tjevelá. Newa ma polel la tjajay pjü tjevelá. Quina gente ꞌüsüs Dios lal se palá, Dios Cjües nin liji. Niná nin velecj

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 3, 4

530

gente jis lal, niná más ꞌüsüs way Moisés tjevele lal. 10 Tꞌücꞌ way pasal ꞌüsüs waytsja Moisés tjevelá. Pero velecj jupj tjevelá ꞌotsꞌotsꞌ way ꞌüsüs; quina velecj más ꞌüsüs way. Pasal ꞌüsüs way Dios Cjües nin liji mpes. 11 ꞌÜsüs waytsja Moisés tjevelá, mopꞌin ꞌücj gente ma lajay quinam pjü tjevelá. ꞌÜcj ma nin lajay quinam, Dios Cjües liji mpes. Po quina gente ꞌüsüs se palá Dios lal, jupj Cjües nin liji. Lovin ca nin la mijis. Mpes niná pasal ꞌüsüs way. 12 Selecj Dios Cjües nin liji ꞌüsüs way, selecj lovin ca la mijis niná. Mpes niná po nin velecj la pꞌa jilal. Ma lecj jeyacj velecj ne nin. 13 Ma lijicj Moisés* jin. Moisés pülül lal wola tipiꞌtje, mpes israelpan* ma polel wola jus tjunuc. Jostsja yupj ma januctsja wola jas jaw cyawájatsja. Nin tulucj cupj qjuis lal. Ninana velecj, ꞌüsüs ca nsem lovin. Qjuis wala poꞌo polel yus januc lovin; newa velecj yupj jilal. 14 Israelpan ma quelel sin ꞌyǘsatsja Moisés tjevelá. Mpes ma polel sin ꞌyǘsatsja, la tjiji Dios. Israelpan moꞌo javelepj custjay Dios Popel, Moisés tepyaca pꞌiyá, mopꞌin ma sin ꞌyüsa custjay Dios jos jinwá. Pülül jis wala poꞌo japwijitj jinwá. Mpes ma polel januc jinwá, ma polel sin ꞌyüsa Dios Popel. Cristo la tjiji japon na, Cristo tꞌeꞌenca pülül niná, ne ꞌücj sin ꞌyüsa quinam Dios jos jin. 15 Newa pülücj ma japon Cristo la tjijá. Mpes ma sin ꞌyüsa custjay moꞌo javelepj na Moisés* tepyacá. Pülül jis wala poꞌo japwijitj jinwá custjay. 16 Yupj sin popa pjaní jos na qjuis Jepa Dios, Dios pülül niná tꞌeꞌenca jinwá liji. 17 Qjuis Jepa Püné, Dios Cjües jupj. Dios Cjües mpes, ꞌücj gente ma lajay quinam pjü Moisés tjevelá. Quina yupj ꞌüsüs se palá Dios lal, jupj Cjües nin liji. 18 Gente espejo januc na, ꞌüsüs yus januc. Nin pꞌiyá, gente yus januc na Dios tsꞌuyupj jilal, ꞌüsüs januc qjuis Jepa Jesucristo püné way jupj. Dios tsꞌuyupj jis wala poꞌó pülül cjuwá jinwá yupj. Jepa Püné tsjay ꞌüsüs way la qjuisiji, mpes lovin más ꞌüsüs qjuiyola jupj jinwá, tsjay püné way jupj. Qjuis Jepa Püné Dios Cjües jupj.

4

1 Cupj

ꞌÜsüs polel lajay, Dios liji mpes la pꞌin.

tsjay malálatsja, mopꞌin Dios tsjay ꞌüsüs way la tjiji cupj mpes. Qjuisin tjejyama la veles la pꞌa jilal, velecj yupj ꞌüsüs polel nsem Dios lal, jupj Cjües liji mpes. Mpes ma ꞌaplijila qjuesé palá gente ma jisas na cupj velecj. Lovin nin velecj Dios jos jin. 2 Gente la pꞌa wa jil wa nun ntꞌa, jisas nun poné yupj javelepj jin. Yupj nepénowa ma tꞌücꞌ way javelepj. Javelepj nin javelepj Dios tjevele poꞌó, newa ma

El Nuevo Testamento en Tol de Honduras, 2da ed. ©2010, Wycliffe Bible Translators

531

2 CORINTIOS 4

tꞌücꞌ way javelepj Dios tjevele poꞌó. Gente ma salejepj la tsuwil yupj. Mopꞌin ma la mijicj ca cupj yupj jinwá. Cupj tꞌücꞌ way pꞌin velecj. Cupj qjuiyola nun pjü witjacj jus nlayé tꞌücꞌ way velecj. Dios pjoca cupj velecj jin. 3 Nepénowa ma sin ꞌyüsa cupj velecj jin. Cupj velecj tsjan niná Jesucristo ꞌüsüs la tjiji gente mpes. Pülül jis wala poꞌo japwijitj jinwá, ne ma polel januc, ma polel sin ꞌyüsa. Pülücj ncaꞌlin̈ ca; yupj ma sin ꞌyüsa cupj velecj jin, ne nin. 4 Ma japon, ma polel sin ꞌyüsa niná cupj velecj Cristo poꞌó. Cupj velecj tsjan niná Cristo pajal ꞌüsüs la tjiji yupj mpes. Cristo mpes qjuisin ꞌyüsa Dios poꞌó. Yuwal yupj. Diablo* la tjiji Jesucristo lal ma japon ma polel sin ꞌyüsa. Diablo nosis casá patja jis dios, yupj lajay jupj jos jin. 5 Ma nin velecj cupj pꞌiyá poꞌó. Cupj velecj Jesucristo Jepa Püné. Velecj cupj jupj jomozopan, ca nun ꞌüsüs cüpalas. Jesús jos nin lijicj. 6 Dios nosis la tjiji na, tjevele: “Püste ntꞌa majawaques ca”. Cristo ma qjuisastsja na, pǘstetsja jinwá qjuisas moꞌó. Dios jaw jinwá, ne tjejyawca jinwá quinam qjuisas moꞌó. Mpes qjuisin tjiꞌyüsa la tjiji tsjay püné way jupj. Cristo poꞌo qjuisin tjiꞌyüsa mpes selecj niná. 7 Tsjay ꞌüsüs way niná cupj qjuisin tjiꞌyüsa Dios poꞌó. Tsjoꞌoy ꞌamá pꞌin jinwá cupj, malala ꞌin. Cupj qjuisin ꞌyüsa pꞌin pajal ꞌüsüs. Mpes pajal ꞌüsüs lijicj na Dios mpes, gente sin ꞌyüsa cupj pꞌiyá ma nin lijicj. Yupj jus nlay Dios nin liji, jupj tsjay püné way mpes. 8 La pülücj tsjay malala qjuesé palá. Newa ma qjuiyola cupj. Nenéyawa ma selecj tsjan más ꞌüsüs way la mijicj. Mopꞌin nin, selecj Dios ca qjuisin müꞌüsüs la mijicj. 9 Gente tsjay malala lajay cupj qjuilal. Newa nin, Dios lovin qjuis capj cyon̈ca, qjuis capj lo pꞌacj. Yupj qjuisin tjojotj. Mopꞌin ma polel qjuis tjüꞌünantsja. 10 Gente lovin po quelel jaꞌünantsja Jesús. Nin pꞌiyá quelel lajay cupj qjuilal. Mopꞌin gente jus nlay ma polel qjuesé jaꞌünan Jesús liji mpes, Jesús jun ꞌyüna mpes. 11 Tꞌücꞌ way nyucunucj, mopꞌin la pꞌa wa lovin quelel qjuesé jaꞌünan, cupj Jesús jutsꞌaꞌá mpes. Qjuis pꞌüy ncaꞌlin̈, newa Jesús qjuis capj pꞌyaꞌsa; nin mpes gente qjuiyus januc na, yupj sin ꞌyüsa jun ꞌyüna jupj. 12 Cupj Jesús mpes tsjiꞌ lijictsja, nin mpes gente quelel qjuesé jaꞌünantsja cupj. Nin tulucj nun lal; nun lovin ca mpatjaqué Dios lal cupj Jesús mpes tsjiꞌ la tjijicj mpes. Nun toponé Jesús poꞌó. 13 Dios Popel vele: “Napj tepyon, mpes napj tjevelé”. Nin pꞌiyá cupj qjuis lal. Cupj pyonecj Dios lal, mpes velecj jupj poꞌó. 14 Dios Jesús jas tjijyünsa niswá, tüpüꞌü niswá; Jesús Jepa Püné jupj. Selecj Dios

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 4, 5

532

ca qjuisin müjünsüs wa ncupj, cupj Jesús jutsꞌaꞌá mpes. Jupj ca qjuis ncunus, nu ncunus wa, jupj ntꞌa. 15 Tꞌücꞌ way gente malala la tjajay cupj qjuilal, Jesús mpes tsjiꞌ la tjijicj mpes. ꞌÜcj; ma nin qjuiyola. Nun nin toponé cupj tjevelecj jin. Mpes ma qjuiyola yupj malala la tjajay cupj qjuilal. Dios pasal ꞌüsüs way la tjiji gente mpes. La pꞌa lovin japon niná cupj nin velecj mpes. Mpes más pülücj ca mwiꞌin̈ Dios lal, jupj ꞌüsüs la tjiji mpes. Más pülücj ca sin müꞌüsüs pajal püné Dios.

Pyonecj Dios tjevele jin. Mpes lovin tsjiꞌ lijicj jupj mpes.

16 Mpes

ma qjuiyola malala qjuesé palá na. Cupj qjuis pꞌüy nasa cyawaja. Newa nin, cupj qjuis qjues lovin jisas Dios. Yupj lovin más ꞌüsüs polel tsjiꞌ lajay Dios mpes. Qjuis qjues lovin ma ncawajas ca. 17 Tꞌücꞌ way malala qjuesé palá. Mopꞌin tsjicj way pꞌin nin qjuesé palá; pꞌa jyawca na pꞌa casá ca nsem. Tsjiꞌ lijicj na Dios mpes, gente malala lajay cupj qjuilal. Mpes Dios lovin pasal ca ꞌüsüs la mijis cupj qjuilal. Cupj selecj Dios ca pasal ꞌüsüs la qjuis mijis, mpes ma qjuiyola gente malala lajay na cupj qjuilal. 18 Ma qjuiyola malala qjuesé palá quinam. Qjuiyola pasal ꞌüsüs qjuis mpalas Dios püꞌü ntꞌa. Malala qjuesé palá quinam, ncawajas ca. ꞌÜsüs qjuis mpalas Dios püꞌü ntꞌa, lovin ma ncawajas ca niná. 1 Cupj qjuis pꞌüy wosis jinwá wama pyatjaquecj. Ncawajas ca, tsꞌepjel jinwá. Selecj qjuis pꞌüy seyasa ca ntaꞌacj Dios püꞌü ntꞌa, jupj qjuis maꞌayas ca. Niná ma ncawajas ca. Dios ca la mijis niná, gente tulucj la mijicj. 2 Tꞌücꞌ way costa way la pütꞌüs quinam qjuis pꞌüy poꞌó. Pasal malala se palá. Po qjuisas len̈ way mpatjaquecj Dios ntꞌa, qjuisas pasal len̈ way qjuis pꞌüy seyasa ca ntaꞌacj. Qjuisin nquiꞌpacj jinwá qjuis pꞌüy seyasa jilal. 3 Mpes cupj qjuis qjues qjuisin pjütpjütꞌ tulucj ca nsem neꞌaj. Qjuisin nquiꞌpacj jinwá nsem qjuis pꞌüy seyasa mpes. 4 Tꞌücꞌ way costa way la pütꞌüs quinam qjuis pꞌüy poꞌó. Tsjay malala se palá yupj jilal. ꞌAplijila cupj. Qjuis pꞌüy quina tyaꞌacj ꞌüsüs. Mopꞌin qjuisas qjuis pꞌüy seyasa, quelel qjuisin nquiꞌpacj qjuis pꞌüy seyasa jilal. Qjuis pꞌüy quina tyaꞌacj ncaꞌlin̈ ca. Qjuis pꞌüy seyasa qjuisas, lovin ma ncaꞌlin̈ yupj. Qjuis pꞌüy quina tyaꞌacj ncawajas ca; qjuis pꞌüy seyasa qjuis la tꞌas. 5 Dios la tjiji cupj, qjuis pꞌüy seyasa ntaꞌacj mpes. Mpes selecj jupj ca qjuis maꞌayas cupj qjuis pꞌüy seyasá. Nasa qjuis tjeꞌyaya jupj Cjües, mpes selecj niná. 6 Lovin selecj nin ca mpalas. Tꞌücꞌ way qjuis pꞌüy pül mpes lyawiquecj quinam. Mpes selecj ma polel si nucucj quinam qjuis Jepa Jesucristo.

5

El Nuevo Testamento en Tol de Honduras, 2da ed. ©2010, Wycliffe Bible Translators

533

2 CORINTIOS 5

7 Ma

polel nyucucj qjuis Jepa Püné jáꞌasa ntꞌa. Newa pyonecj ca nin qjuis mpalas Dios tjevelá. Mpes lovin tsjiꞌ lijicj Dios mpes quinam. 8 Lovin selecj ca nin mpalas. Mpes más ꞌüsüs napj lal ni püꞌí, mpꞌüy mpe jum. Mpes ꞌücj la pütꞌüs qjuis Jepa Jesucristo lal. 9 Mpes lovin qjuisas qjuis Jepa Jesucristo ꞌücj jos püꞌü cupj lijicj mpes. Qjuis pꞌüy pül tyaꞌacj na pꞌin, qjuisas jupj ꞌücj jos mpüꞌüm cupj lijicj mpes. Dios ntꞌa pyatjaquecj na, qjuisas wa jupj ꞌücj jos nsem cupj qjuilal. 10 Tꞌücꞌ way Cristo wolapꞌaꞌa nlüjüquecj cupj pjü witjacj. Jupj ca mveles cupj la tjijicj mpes. Nepénowa ꞌüsüs la tjajay jis pꞌüy pül poꞌo játjatsja na. Mpes Cristo ꞌüsüs ca jis maꞌayas. Nepénowa malala la tjajay jis pꞌüy poꞌo játjatsja na. Mpes jupj ꞌüsüs tulucj ca jis maꞌayas.

11 Pasal

Cupj Dios jomicapan qjuesé palá Cristo mpes.

lecj jeyacj qjuis Jepa Dios polel liji mpes. Mpes po velecj la pꞌa jilal Dios tjevele jin; qjuisas nin japon yupj. Dios selé nin velecj yupj jilal; qjuisas nin japon yupj, mpes velecj cupj. Najas nun jus nlayé wa niná pꞌin po quelel lijicj. 12 Nepénowa yola ca nacj cupj qjuisas nun welé niswá ꞌüsüs cupj, ne nin mpes nin velecj niná. Tꞌücꞌ tulucj. Qjuisas nun jus nlayé cupj ꞌüsüs la tjijicj, nin mpes nin velecj niná. Nepénowa neꞌaj patja, jisas yus nucú. Jisas nujola ꞌüsüs yupj ꞌüsüs yustapj mpes. Jisas nujola ꞌüsüs yupj, ꞌüsüs javelepj mpes. Tꞌücꞌ way yupj ma jisas ꞌüsüs nu pyala. Más ꞌücj yupj lajay Dios jos jin; ma nin lajay. Nun ca polel mvelé yupj jilal yupj lajay ꞌüsüs tulucj. Ca polel mvelé yupj jilal ꞌüsüs lijicj cupj. 13 Nepénowa tjowelepj cjay pjucj tsꞌa ꞌin jinwá, ma ꞌüsüs qjuiyola, javelepj. Nin javelepj cupj tjevelecj mpes. Newa pjü way nin velecj Dios mpes. La pꞌa tjowelepj cjay pjucj tsꞌa ꞌin jinwá tulucj, ꞌüsüs qjuiyola, javelepj. Javelepj ꞌüsüs velecj, ꞌüsüs sin ꞌyüsa lijicj. Ninana velecj, nun mpes velecj. Ninana nusin ꞌyüsa lijicj, nin lijicj nun mpes. 14 Cristo pasal quelel la siji gentá. Cristo quelel la siji, mpes niná pꞌin quelel velecj yupj jilal lovin. Mpes niná ca sin müꞌüsüs wa. Cupj selecj Cristo tepeꞌe gente pjü way mpes; nin mpes niná quelel velecj yupj jilal. Pjü ma polel pátjatsja Dios lal püna pꞌin. Quina polel patja jupj lal, Cristo yupj mpes tepeꞌe mpes. 15 Jupj jostsja janucun witjacj ma la mijicj yupj jisas jin; nin mpes tepeꞌe jupj pjü mpes. Jupj jos yupj lajay jupj jos jin; jupj pꞌiyá tepeꞌe yupj mpes, jas tjijyünsa, tüpüꞌü niswá yupj mpes. 16 Yom malala jin justa wine ca nacj; cjuwá jas tüpwes jupj, püné tulucj jupj. Dios tsꞌuyupj tulucj malala nyuca yola jupj poꞌó. Cupj

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 5, 6

534

ma qjuiyola nin quinampa, Dios tsꞌuyupj tulucj jinwá. Yas nam nin qjuiyólatsja Cristo poꞌó. Mopꞌin ma qjuiyola nin quinampa. 17 Gente Cristo sa con̈ na, la pꞌa casá jola quinam. Yupj ma quelel lajay quinam nawajaꞌa la tjajay jin. Ma quelel yola quinam nawajaꞌa yólatsja jin. La pꞌa casá quelel lajay quinam, Dios jos jin. 18 Cupj niná lijicj Dios liji mpes. Cupj jupj jomicapan qjuis tepyala, nin la tjiji jupj Cristo mpes. Dios qjuisin tjejyama la veles la pꞌa jilal, velecj ꞌonin lajay ne yupj Dios jomicapan se palá. 19 Nin jis wala velecj Dios Cristo jas tjejyama lo mas pjü gente mpes. Nin la tjiji mpes yupj ꞌücj ca Dios jomicapan nsem. Dios ma jola nsem malala la tjajay mpes. Qjuisin tjejyama la veles niná gente jis lal. 20 Mpes nin velecj Cristo mpes. Dios qjuisin tjejyama la veles nun jilal. Mpes Dios pꞌiyá vele nun jilal. Po nujisas tꞌas Dios jomicapan ca nsem nun. Cristo nin jos. 21 Cristo lovin ma malala la tjiji. Cupj pꞌin malala; cupj pjü witjacj la pülücj malala nyuca la tjijicj. Dios cus tyüla Cristá, cupj malala nyuca la tjijicj mpes. Dios ꞌüsüs, ne cupj ꞌüsüs jupj lal qjuesé palá, cupj Cristo se con̈cocj na. 1 Cupj ꞌa mulú tsjiꞌ lijicj Dios mpes. Dios pasal ꞌüsüs way la tjiji nun mpes. Mpes nun jis wala velecj ma la müjí quinam püna la tjüjí jinwá. 2 Dios Popel vele jupj tjevelá. Tjevele: “ꞌÜsüs quelel la tjejaytsja na gente mpes, tjapjacas jipj lal. Najas gente jus nlayecj ꞌücj mpatjam napj lal. Nin najastsja na, cyapj tjepꞌyacj.” Dios nin tjevele. Po nusin tjüꞌüsüs napj pyac. Quina Dios ꞌüsüs way liji gente mpes. Gente ꞌücj jis la patj jupj lal, jupj nin liji quinam. 3 Qjuisas gente lovin javelepj ma malala nyuca lijicj. Mpes ꞌüsüs way lovin lijicj. Mpes pjü ma polel javelepj malala way nin lijicj Dios mpes. 4 Gente sin ꞌyüsa tꞌücꞌ way tsjiꞌ lijicj Dios mpes, nin lijicj mpes. Tsjay malala qjuesé palá. Pjü qjuisas cjuwá. Tsjay malala qjuesé palá, len̈ pjacj qjuis capj pꞌyaꞌsá. Newa lijicj Dios jos jin. 5 Gente qjuis süp. Cawilta moꞌo qjuis tjoꞌonsopj. Nenéyawa gente pülücj ꞌa jis tjimyula, tsꞌa tjiꞌin cupj qjuilal, yümücj tjowelepj cupj qjuilal. Lovin ma tsꞌi ꞌinyacj. Pasal yümücj tsjiꞌ la tjijicj, ne qjuisin napnapj qjuis tepyala. Pülücj way quelel lijictsja Dios mpes, mpes la pülücj ma tjijinaquecj. Nenéyawa cjuwatsja qjuis la las. 6 Mopꞌin ma malala nyuca qjuiyólatsja. Selectsja Dios qjuisin tjiꞌyüsa la tjiji. Ma tsꞌi tjiꞌinyacj la pꞌa jilal. ꞌÜsüs la tjijicj la pꞌa jilal. Dios Cjües jos jin la tjijictsja. Po quelel lis tjijictsja la pꞌa. 7 Tꞌücꞌ way tjevelectsja. Pajal ꞌüsüs polel la tjijictsja, Dios püné mpes, jupj

6

El Nuevo Testamento en Tol de Honduras, 2da ed. ©2010, Wycliffe Bible Translators

535

2 CORINTIOS 6

qjuis capj tjepꞌyaꞌsa mpes. Newa ꞌüsüstsja cupj Dios lal, jupj nin la qjuis tjiji mpes. Nin mpes ꞌücj le palanacj diablo* lal. ꞌÜcj lijicj jupj malala la tjijá. Diablo ma polel liji cupj malala la mijicj. 8 Nenéyawa gente ꞌüsüs yola cupj poꞌó. Nenéyawa gente malala yola cupj poꞌó. Nenéyawa gente malala javelepj cupj poꞌó. Nenéyawa gente ꞌüsüs javelepj cupj poꞌó. Nepénowa javelepj ma tꞌücꞌ way velecj cupj Dios mpes. Mopꞌin tꞌücꞌ way velecj. 9 Pülücj ma pjyacan̈ cupj qjuilal, yola noypan tulucj cupj. Newa nin, pjü way salejepj pjacj cupj. Nepénowa javelepj len̈ way ncaꞌlequecj ca. Newa nin, pasal nyucunucj cupj. La pꞌa qjuis capj tül. Newa ma polel qjuis tjüꞌünan. 10 Tꞌücꞌ way nenéyawa cupj ꞌaplijila qjuesé palá. Newa pasal ꞌücj qjuisas Cristo mpes. Cupj cjuwá tꞌemel. Mopꞌin pülücj ꞌüsüs Dios lal jis tepyala quinam, cupj la tjijicj mpes. Mpes yupj pasal ca pülücj ntaꞌacj Dios ntꞌa. Niná más ꞌüsüs tꞌemel lal. Cupj jas tüpwes cjuwá. Mopꞌin nin, pjü Dios jutsꞌaꞌá, jupj qjuesé ꞌaya pjü qjuisas. 11 Qjuis catjampan, nasa pülücj tjevelecj nun jilal cupj poꞌó. Más pülücj tjevelecj nun jilal la pꞌa jilal tjevelecj lal. Cupj pasal quelel la nusijicj, mpes nin tjevelecj nun jilal. 12 Cupj ma malala qjuiyola nun poꞌó. Newa nin, nun malala nujola ꞌin cupj poꞌó, mpes nun ma quelel la qjuesejay ꞌin. 13 Quina napj velé nun jilal, yom vele jinwá jupj tsꞌuyupj jilal. Pasal quelel la nusijicj. Mpes najas nin pꞌiyá nun pasal quelel la qjuesejay cupj. Más ꞌücj nin lojí.

14 La

Cupj Dios wo jinwá, jupj püꞌü cupj poꞌó.

pꞌa ma japon Jesucristo lal, po ma newa jis capj ncon̈có. Po ma tjowayaqué yupj jis lal. Nun ꞌüsüs quelel lojí Dios jos jin. Yupj ma lajay Dios jos jin, nun ma polel nujola nin pꞌiyá. Nun jaw ntꞌa jotjaqué jinwá; yupj püste ntꞌa jatja jinwá. Jaw ntꞌa, püste tulucj. 15 Cristo ma nin pꞌiyá jola diablo* lal. Nun Jesucristo lal poné; yupj ma japon. Mpes ma nin pꞌiyá nujola nun yupj yola jin. 16 Dios wo* ntꞌa, cjuwá pꞌa dios witjacj*. Nin pꞌiyá, najas nun ma jis capj con̈có Dios tsꞌuyupj tulucj jilal. Cupj Dios wo jinwá. Jupj nyucunú, püꞌü cupj poꞌó. Dios tjevele: “Napj ca mpüꞌüs negente poꞌó. Napj ca moꞌos yupj jatja ntꞌa. Napj yupj jis Dios nsem. Yupj napj negente nsem.” 17 “Yupj mpe culá nun, ma mpatjaqué yupj jilal”, qjuis Jepa Dios nin vele. “Yupj jis dios witjacj, yupj jatatj wa, tsjay malala yupj; po ma po la tjoꞌotꞌé niná.

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 6, 7

536

Nun nin jinwá lojí, napj velé jinwá, napj ca mwiꞌis nun napj ntꞌa culá na. 18 Napj nun jis Papay nsem. Nun napj natjampan, ncucuspan nsem, qjuis Jepa Dios nin vele, jupj ne más püné pjü jilal.” 1 Qjuis catjampan, pajal quelel la nusijicj. Tꞌücꞌ way ca Dios la mijis niná cupj mpes. Mpes más ꞌücj ma malala la mijicj quinam. Malala lijicj na, qjuis pꞌüy malala, qjuis qjues malala wa. Ma malala lijicj na, cupj ꞌüsüs Dios lal nin qjuesé palá. Jupj püné polel qjuis capj tyüla malala lijicj mpes; nin mpes más ꞌücj locj jeyá ne ma malala lojí.

7

2 Qjuisas

Pablo ꞌücj jostsja.

nun quelel la qjuesejay nun. Pjü nun jilal ma malala la tjijicj. Neꞌaj nepénowa ma japon tꞌücꞌ way. Mopꞌin cupj ma la tjijicj ne niná ma japon. Tꞌücꞌ way nepénowa la tsuwil nun jilal, nun jis tꞌemel quelel jatꞌanquepj mpes. Cupj ma la tjijicj yupj jinwá. 3 Nun witjacj nepénowa nujólatsja malala la tjijicj nun ntꞌa. Newa nin, napj ma nucopj velel. Napj tepyac nasa cupj pasal quelel la nusijicj. Dios jos, napj lovin quelel mpüꞌüs ca nun jilal, quelel ma patsꞌ ca nun ntꞌa. Ma jos ca nacj; ma selé. 4 Napj tepyac Dios jos nun jus nlayé mpes. Nun ꞌüsüs lojí quinam, mpes napj ꞌüsüs velé la pꞌa jilal nun poꞌó. Quina ma nola nun mpes. Tꞌücꞌ way malala qjuesé palá; newa pasal ꞌücj najas nun mpes. 5 Macedonia ntꞌa tjiquilaca na, pasal qjuiyólatsja cupj. Pasal malala lovin qjuis tepyálatsja. Gente ma jisastsja cupj tjevelecj, ne malala quelel la tjajaytsja cupj qjuilal. Mpes pasal qjuiyólatsja cupj. Pasal qjuiyólatsja wa nun poꞌó. 6 Gente ꞌaplijila jatja na, ꞌücj jisas se palá Dios liji. Nin la tjiji cupj qjuilal. Tito jas tjejyama cupj ntꞌa, ne Tito qjuilal tjevele nun poꞌó, mpes ꞌücj qjuisas tepyala jupj tjevele mpes. 7 Pasal ꞌücj qjuisas tepyala Tito tjacꞌ mpes. Jupj ꞌücj jos tepyala la tjüjí nun, jupj nun ntꞌa tüpüꞌü na; nin mpes wa ꞌücj qjuisas tepyala cupj. Qjuilal tjevele nun pasal quelel nus nucú. Tjevele nun ꞌaplijila nu tepyala malala la tjüjí mpes. Tjevele nun quelel lojí pjü way napj tjevelé jin. Mpes pajal ꞌücj najas ntepalá nun mpes. 8 Tꞌücꞌ way nun ꞌaplijila nu tepyala, papel jas tjejyam na nun ntꞌa. Mopꞌin ꞌücj najas niná tepyac. Napj selé ꞌaplijila nu tepyala moꞌo tjowelé na, mpes ꞌaplijílatsja napj niná tepyac mpes. Locopyaya len̈ way jis tjiꞌyüꞌsa. 9 Quina ꞌücj najas niná tepyac. ꞌÜcj najas, nun ꞌaplijílatsja

El Nuevo Testamento en Tol de Honduras, 2da ed. ©2010, Wycliffe Bible Translators

537

2 CORINTIOS 7, 8

mpes tulucj. ꞌAplijila nu tepyala, ne ꞌüsüs la tjüjí. Moꞌo tjowelé na ma malala quelel la tjüjí quinam. Mpes ꞌücj najas. ꞌAplijila nu tepyala jostsja Dios. Mpes ma malala la tjijicj nun jilal. 10 Tꞌücꞌ way gente nepénowa ꞌaplijila se palá malala la tjajay mpes. Quelel lajay quinam Dios jos jinwá. Nin jos Dios. Mpes la mon Dios lal jupj ca perdonar lis mijis malala la tjajay mpes. Ca mpatjam Dios lal. Pasal ꞌücj jisas se palá ca mpatjam Dios lal. Gente la pꞌa ꞌaplijila se palá malala se palá mpes; ma ꞌaplijila se palá malala lajay na. Ma yola Dios poꞌó. Yupj ca mal ꞌawa püné ntꞌa. 11 Nin tulucj nun jis lal. Nun ꞌaplijila nu tepyala malala la tjüjí mpes. Nin jostsja Dios. Mpes najas nusin ꞌyüsa nu tepyalá. Po nujólatsja nun malala la tjüjitsja mpes. Niná ma quelel la tjüjitsja quinam. Yom popay jatsꞌom tjemyaꞌna na, niná malálatsja nun jilal. Nun locj tjeyatsja napj jumtsja neꞌaj nucopj velel mpes. Nun pasal quelel nus nucutsja. Po quelel la tjüjí pjü napj tjevelé mpes. Malala la tjiji lal tjowelé, jupj ma polel jama nun ꞌa nusí mulú ntꞌa. Po ꞌüctsja nun jilal nin tjowelé. Nun la tjüjí pjü way napj tepyac jin; yas nam malala lojitsja ma lojí quinam. 12 Tꞌücꞌ way napj tepyac nun mpes. Niná tepyac, yom malala la tjíjitsja mpes tulucj. La pꞌa malala tepyala mpes tepyac tulucj. Najastsja nun jus nlayé nun nujisas cupj, nin quelel lojí wa cupj qjuisas jin; nin mpes nin tepyac. Dios selé pasal nujisas cupj. 13 Mpes ꞌücj qjuisas qjuis tepyala. Mopꞌin más ꞌücj qjuisas qjuis tepyala Tito tsjay ꞌücj jos mpes. Nun ntꞌa tjemey na, jupj tjinyuca nun nin lojitsja cupj qjuisastsja jin, mpes tsjay ꞌücj jos tepyala jupj. 14 ꞌÜsüs way tjevelé nun poꞌó Tito lal. Jupj jas tjiꞌyüsa tꞌücꞌ way tjevelé. Mpes ma ne mayca tjevelé mpes. Pjü way tjevelecj nun jilal tꞌücꞌ waytsja. Pjü way tjevelecj Tito lal nun poꞌó tꞌücꞌ waytsja wa. 15 Jupj jola pyala nun nin la tjüjí jupj tjevele jin, mpes jupj más quelel la nusiji. Nun pasal quelel lojitsja jupj jostsja jinwá. Locj tjeyatsja ma la müjí ca nacj pjü way jupj jostsja jin. 16 Quina selé nun lovin ca la müjí cupj tepyaquecj jin, mpes tsjay ꞌücj najas napj.

8

Más ꞌücj Dios tsꞌuyupj jaꞌayapj la pꞌa jilal.

1 Natjampan, Dios pasal ꞌüsüs la tjiji jupj tsꞌuyupj pjü jilal Macedonia poꞌó. Napj quelel pyac niná quinam. 2 Pasal malala jis tepyálatsja Jesucristo sa con̈ mpes, newa ꞌücj jisas tjátjatsja yupj. Mpes po quelel jaꞌayaptsja jis tꞌemel cjuwá mpes Judea poꞌó. Yupj pꞌiyá pülücj cjuwatsja, newa po quelel jaꞌayaptsja. 3 Tꞌücꞌ way velé. Yupj ꞌücj

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 8

538

jaꞌayaptsja, niná tjaꞌayapj yupj. Ma polel jaꞌayaptsja, niná tjaꞌayapj wa. Yupj quelel nin lajaytsja, mpes nin la tjajay. 4 Yupj salejepj pasal ꞌüsüs ninana lajay. Quelel jaꞌayaptsja Dios tsꞌuyupj mpes Judea poꞌó. Mpes la tjomon cupj mvelecj ꞌücj se ꞌayapj. Po quelel jis capj japꞌactsja yupj. 5 Cupj ma selectsja yupj ca pülücj jis maꞌayacj. Mwalá way qjuis Jepa Dios lal tjowelepj, tjowelepj nin quelel lajaytsja jupj jostsja jin. Tjowelepj po quelel jaꞌayaptsja cupj qjuilal, niná ca ntꞌacj yupj mpes Judea poꞌó. Nin jostsja Dios. 6 Mpes cupj la tjemyonacj Tito ca mim nun ntꞌa. Jupj nucopj mpꞌaꞌsas, nun ncawajas ca jis maꞌayá nun yupj mpes. Nun ntꞌa tjáꞌasa na, nun jilal tjevele ꞌüsüs nin maꞌayá yupj mpes. ꞌÜsüs way nin quelel lojí nun. 7 Pjü ꞌüsüs way lojí nun. Nun poné pjü Dios tjevelá. Nun tꞌücꞌ way polel welé la pꞌa jilal. Tꞌücꞌ way ꞌüsüs nusin tjiꞌyüsa. Po quelel lojí Dios jos jin. Nun po quelel la qjuesejay. Nin pꞌiyá, najas nun pasal ꞌüsüs maꞌayá wa yupj mpes Judea poꞌó. Nin lojí na, pasal ꞌüsüs. 8 Napj ma nu jyütütj ꞌoyá mpes. La pꞌa nin tjaꞌayapj yupj mpes, quelel la sajay mpes. Sin nin najas nusin müꞌüsüs niná. Nun ꞌoyá na, napj ca jus nlayé nun quelel la sojí wa. 9 Nun solejé Jesucristo pasal ꞌüsüs la tjiji nun mpes, jupj cupj qjuis Jepa Püné. Pjü way jupj jutsꞌaꞌá, mopꞌin yom tepyala jupj. Cjuwá tepyala jupj, tepeꞌe cruz* poꞌó nun mpes. Nin la tjiji mpes nun Dios tsꞌuyupj nu tepyala, Dios pülücj nu ꞌyaya nun. 10 Napj ca mvelé napj nola jin. ꞌÜsüs way nin la müjí niná. Año pjaní nasa, nun mwalá way quelel ꞌoyatsja yupj mpes. Nun mwalá way jis tjaꞌayá, newa ma pjü jis tjaꞌayá, nun quelel ꞌoyatsja jin. 11 Najas cyawaja quinam, so ꞌoyá nun. Po quelel lojitsja. Mpes ncawajas jis maꞌayá quinam. Jis tjaꞌayá toꞌá popé. 12 Quelel ꞌoyá na, ꞌüsüs way Dios lal. Quelel ꞌoyá toꞌá popé, ꞌüsüs way Dios lal. Ma jos la pꞌa ꞌoyá. 13 Tꞌücꞌ way ꞌüsüs way nin, jis capj pꞌoꞌsá la pꞌa jilal. Newa ma najas so ꞌoyá pjü toꞌá. So ꞌoyá pjü toꞌá popé, cjuwá ca nu mpalas nun jilal. 14 Najas nun toꞌá nujisas, nin najas wa yupj jatatj yupj jisas jin. Quina pülücj toꞌá, mpes ꞌücj polel ꞌoyá yupj mpes. Pꞌa jawas yupj ca pülücj ntaꞌacj ca nacj, nun ca cjuwá nsem ca nacj. Mpes yupj ca ꞌücj polel maꞌayacj nun mpes ca nacj pꞌa jawasá. Nin pꞌiyá ca la mijicj nun jilal. ꞌÜcj. 15 Dios Popel vele: “Pülücj natj, ma pülücj jatatsja yupj. Tsjicj way natj, pjü jisastsja jatatsja”, Dios Popel nin vele.

16 Tito

Pablo sin tjejyama Tito, niyom la pꞌa ꞌotsꞌipj.

pasal quelel la nusiji wa, jupj jos wa nun lojí Dios jos jin. Jupj nin jos Dios la tjiji. Mpes wüiꞌis Dios lal. 17 Mpes la tjemyonacj

El Nuevo Testamento en Tol de Honduras, 2da ed. ©2010, Wycliffe Bible Translators

539

2 CORINTIOS 8, 9

Tito ca mim nun ntꞌa. Jupj ca la monas ncawajas ca jis maꞌayá yupj mpes Judea poꞌó. Jupj tjevele jama. Po quelel jama. La tjemyonacj jupj ca mim; mopꞌin mwalá way pꞌin jupj pꞌiyá quelel jámatsja jupj. 18 Qjuis catjam pꞌa wa püꞌü quiꞌá po vele wa la pꞌa jilal pajal ꞌüsüs tepyala Jesucristo mpes. Dios tsꞌuyupj jun taꞌá ꞌüsüs javelepj jupj poꞌó. Se jamacj wa jupj nun ntꞌa Tito lal. 19 Pjü witjacj Dios tsꞌuyupj Macedonia mpe neꞌespan la tꞌapj jupj qjuis capj la con̈ cupj leque na Judea poꞌó. Nun tjaꞌayá, ntꞌacj ca cupj. La pꞌa tjaꞌayapj, ntꞌacj wa ca. Ninana ca maꞌayacj Dios tsꞌuyupj mpes Judea poꞌó. Qjuisas gente po ꞌüsüs mvelecj ca qjuis Jepa Jesucristo poꞌó, nin mpes nin lijicj. Ca polel sin müꞌüsüs tꞌücꞌ way cupj quelel jis capj mpꞌaꞌsacj yupj. 20 Cupj ca nlaca ꞌa mulú, mpes pjü ca jus nlayecj tꞌücꞌ way ninana ma peꞌquecj ncupj. Pülücj tjaꞌayapj, niná pjü ca maꞌayacj cjuwá jilal Judea poꞌó. 21 Tꞌücꞌ way cupj ꞌin jyamacj ꞌüsüs lijicj lovin. Qjuisas qjuis Jepa Jesucristo ca nucus cupj ꞌüsüs lijicj; qjuisas wa gente ca nucucj cupj ꞌüsüs lijicj. 22 La tjemyonacj wa qjuis catjam pꞌa lal, jupj ca mim wa yupj jilal nun ntꞌa. La pülücj la tjemyonacj jupj la mijis cupj qjuisas jin. Jupj lovin la tjiji la tjemyonacj jin. Quina po quelel jama nun ntꞌa. Jupj po pyona ꞌücj ncawajas ca maꞌayá yupj mpes Judea poꞌó. 23 Nepénowa mvelecj ca nacj, pjacj niná Titá. Jilal tjowelé ꞌa mulú tsjiꞌ lijicj Dios mpes. Jilal tjowelé jupj tsjiꞌ liji napj lal Dios mpes nun ntꞌa. Ca nacj nepénowa ca mvelecj wa qjuis catjampan sin poꞌó, mvelecj pjacj niná. Tjowelé yupj tjiquil Dios tsꞌuyupj mpe Macedonia mpe; Dios tsꞌuyupj quiꞌá jatja jisas yupj nucopj japꞌacj neꞌaj. Gente ꞌüsüs javelepj Cristo poꞌó yupj lajay mpes. 24 Mpes niyom nenem nun ntꞌa tjil na, po tjüwüiꞌiqué yupj jilal, ꞌüsüs la tjüjí yupj jilal. Mpes yupj ca jus nlayecj nun pasal quelel la sojí. Mpes Dios tsꞌuyupj quiꞌá jatja ca jus nlayecj po tꞌücꞌ way tjevelecj yupj jilal nun poꞌó. Pasal ꞌüsüs way jis lal tjevelecj nun poꞌó. 1 Nin la tjemyonacj Dios tsꞌuyupj jilal ca yupj maꞌayacj Dios tsꞌuyupj mpes Judea poꞌó. Napj tepyac niná nun mpes. ꞌÜcj wa ma nin cüpactsja; 2 napj selé nun nasa quelel ꞌoyá yupj mpes, ne nin. Pasal ꞌüsüs tjevelé nun poꞌó Macedonia poꞌo patja jilal. Tjevelé nun Acaya poꞌo potjaqué quelel ꞌoyatsja año pjaní nasa. Nun po quelel ꞌoyatsja, mpes pülücj witjacj quelel jaꞌayaptsja wa quiꞌá. 3 Nin mpes najas nun nin la müjí cupj tjevelecj jin, mpes sin jyam qjuis catjampan nun ntꞌa. Najas nin ca mpalas cupj tjevelecj jin nun poꞌó. Tjevelecj nun

9

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 9

540

po quelel ꞌoyatsja. Mpes ncawajas jis maꞌayá ca, yupj nun ntꞌa tjil na. poꞌo püꞌüs custjay. Ca nacj yupj sin popa nepénowa ca mal napj lal, nun ntꞌa jum na. Yupj jilal tjevelecj nun po quelel ꞌoyá, mpes nun ma tjaꞌayá, qjuis maycas ca yupj jis lal. Nun nu maycas wa. Mpes ncawajas so ꞌoyá, qjuis catjampan jil na nun ntꞌa. 5 Napj nólatsja más ꞌücj qjuis catjampan sin jyam quinam nun ntꞌa, mvelecj len̈ way ncawajas ca, maꞌayá nun. Nun tjowelé ca pülücj jis maꞌayá. Mpes nun ntꞌa tjeleque na, nasa tꞌücꞌ tjaꞌayá nun, ꞌücj ntꞌacj ca niná yupj mpes Judea poꞌó. Mpes la pꞌa ca jus nlayecj nun nin tjaꞌayá sin nin jisastsja mpes; ma tjijyüꞌtücj nin ꞌoyá. 6 Nun siná jinwá ca nsem. Yom tsjicj way sine na, tsjicj way ntaꞌas ca. Yom pülücj sine na, pülücj way ntaꞌas ca. Nin pꞌiyá, yom pülücj se ꞌaya na la pꞌa jilal, Dios ca pülücj maꞌayas jupj, pülücj ntaꞌas ca. 7 Najas ꞌoyá nun quelel ꞌoyá. Tjaꞌayá na, ma nujola tꞌas tjaꞌayá mpes. Ma nujola nsem cupj nu jyüꞌtücj so ꞌoyá. Ma nin nu jyüꞌtücj. Tjaꞌayá quelel ꞌoyá pꞌin. ꞌÜcj nujisas tjaꞌayá na, Dios quelel la nusiji. 8 Dios ca pasal ꞌüsüs polel la mijis nun mpes. Nun nujisas, jupj lovin ca polel nu maꞌayas. Más pülücj polel maꞌayas jupj. Mpes nun ca polel ꞌüsüs la müjí la pꞌa mpes. Ca polel jis maꞌayá. 9 Dios Popel vele: “Jupj pasal pülücj nin jis tjeꞌyaya cjuwá jis lal. Dios ca lovin jola mpalas jupj ꞌüsüs la tjiji”, Dios Popel nin vele. 10 Yom sine na, Dios ꞌyaya setel. Niná setel gente jis la las la mijis, Dios liji mpes. Nun ꞌoyá la pꞌa jilal, setel jinwá. Nun quelel ꞌoyá na, Dios ca nu maꞌayas la ꞌayas mpes. Más pülücj ca ntaꞌá nun so ꞌoyá mpes, Dios la mijis. Mpes más ꞌüsüs ca polel la müjí la pꞌa mpes, Dios jos jinwá. 11 Dios pülücj way ca nu maꞌayas, mpes lovin ca polel jis maꞌayá la pꞌa jilal. Nun ꞌoyá, cupj ca ntꞌacj cjuwá ntꞌa. Pülücj ca mwiꞌin̈ Dios lal nun tjaꞌayá mpes. 12 Dios tsꞌuyupj ca ntaꞌacj yupj jisas, nun ꞌoyá mpes. Pꞌa casá ꞌüsüs pyala wa. Yupj pasal ca mwiꞌin̈ Dios lal; po ꞌüsüs way. 13 Tꞌücꞌ way nun toponé niná cupj velecj Jesucristo poꞌó. Nun toponé Cristo ꞌüsüs la tjiji nun mpes. Tjaꞌayá na Dios gente mpes Judea poꞌó, yupj ca jus nlayecj tꞌücꞌ way nin lojí Cristo tjevele jin. Mpes yupj ca ꞌüsüs mvelecj Dios poꞌó. ꞌÜsüs mvelecj Dios poꞌó nun pülücj way jis tjaꞌayá mpes, la pꞌa pülücj jis tjaꞌayá mpes ꞌotsꞌipj. 14 Yupj ca mvelecj Dios lal nun mpes, ca quelel la numijicj. Dios tsjay ꞌüsüs la tjiji nun mpes, nucopj tjepꞌyaꞌsa mpes ꞌücj tjaꞌayá yupj mpes; nin mpes ca mvelecj Dios lal nun mpes. 15 Más ꞌücj cupj pajal wiꞌiquecj Dios lal, jupj ꞌüsüs la nutjiji

4 Macedonia

El Nuevo Testamento en Tol de Honduras, 2da ed. ©2010, Wycliffe Bible Translators

541

2 CORINTIOS 9, 10

mpes. Jupj la nutjiji pasal ꞌüsüs way, costa way pjü la veles ꞌoyn nyuca la tjijá, jupj pasal pülücj way nin la nutjiji mpes.

10

Dios jas tjejyama Pablo la veles la pꞌa jilal jupj mpes.

1 Nepénowa

javelepj napj lecj jeyá, ne ma polel velé nun jilal, nun jilal ꞌos na. Javelepj napj nola nun ca la mveꞌlé napj lal, mpes lecj jeyá napj, nin javelepj. Javelepj wa napj len̈ na nun jilal, napj po nu jyütütj papel mpes. Javelepj napj selé nun ma polel lo velelé napj lal papel se jam na, mpes nin lejay. Mpes quina pyac nun mpes, Cristo nun jilal mveles ca jinwá nsem. Cristo ma jis capj tjeveꞌle. ꞌÜsüs tjevele la pꞌa jilal. Nin pꞌiyá napj nin pyac quinam nun jilal. 2 Napj ꞌücj polel le velel nun jilal, nun ntꞌa jum na. Mopꞌin ma quelel nin lejay napj. Mpes napj le mon nun ma welé la pꞌa tjowelepj jin. Nepénowa neꞌaj javelepj cupj lijicj cupj qjuisas pꞌin. Javelepj lijicj Dios jos jinwá tulucj. Napj ca polel jis capj mvelel, nin ca jis capj mvelel. 3 Tꞌücꞌ way gente pꞌin cupj. Gente nepénowa ma jisas cupj lijicj jin. Lovin ma ca la mpaꞌnacj yupj jilal, gente la palan jinwá. 4 Cupj ma le palanacj militar jatatj mpes jinwá. Pꞌa casá lijicj. Dios qjuesé ꞌaya mpes, cupj polel lijicj ne nun ma ca mponé yupj javelepj cupj poꞌó. Yupj japon po tꞌücꞌ way nun jilal javelepj. 5 ꞌÜsüs jinwá javelepj, mpes la pꞌa yola ꞌüsüs way nin javelepj. Yupj yola niná topon mpes pasal ꞌüsüs way. Javelepj Dios poꞌó, mopꞌin pjü javelepj ma tꞌücꞌ way. Yola tꞌücꞌ way topon Dios poꞌó, mopꞌin ma tꞌücꞌ way topon. Cupj lijicj mpes gente jus nlay ma tꞌücꞌ way yupj javelepj jin. Mpes gente niná ma japon quinam yupj javelepj mpes, nin lijicj cupj. Gente niná nin lajay quinam Cristo jos jin, cupj lijicj mpes. 6 Cupj qjuiyola nun nin la müjí Cristo jos jin. Nepénowa ma la mijicj custjay ca nacj, mpes ca jis capj ntülücj cupj. 7 Nun gente yus nucú, nenéyawa welé yupj ꞌüsüs, tjunucú mpes. Mopꞌin ma polel jus nlayé ncu Dios tsꞌuyupj yupj, nucú pꞌin mpes. Napj selé nun poné nun Cristo jutsꞌaꞌá. Najas pasal nujola nsem niná, najas nun jus nlayé cupj Cristo jutsꞌaꞌá ꞌotsꞌipj. 8 Qjuis Jepa Jesucristo qjuisin tjejyama nucopj la pꞌacj, nun pajal ca jisas nsem Dios. Qjuisin tjejyama malala nyuca la nusijicj tulucj. ꞌÜsüs tjevelé ca nacj cupj poꞌó, qjuis Jepa Jesucristo qjuisin tjejyama mpes. Newa ma ne mayca nin tjevelé mpes; cupj ca tꞌücꞌ la mijicj pjü way qjuis Jepa Jesucristo jos jin. 9 Ca nacj nun nujola najas nun locj jeyá, mpes nin tepyac nun mpes, nin nujola ca nacj. Nin tulucj. 10 Nepénowa javelepj neꞌaj: “Pablo püné qjuisí jütüta pyaca na. Jepa jinwá pyaca jupj. Nin tulucj cupj

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 10, 11

542

qjuilal jáꞌasa na; ma nin vele jupj. Ma ꞌüsüs vele gente ꞌa si mulú ntꞌa, mpes ma pjyacan̈ jupj velá”, nin javelepj napj nin poꞌó. 11 Yupj salejepj tsjan niná tepyaquecj nun mpes, ꞌosos secj pꞌin nun jilal. Najas yupj jus nlayecj nin pꞌiyá ca mvelecj nun jilal jyatjaquecj na. Cupj ca la mijicj cupj tepyaquecj jin, nun jilal jyatjaquecj na. 12 Gente nepénowa javelepj yupj pꞌiyá pasal ꞌüsüs. Cupj velecj cupj yupj jinwá tulucj. Yupj yola yupj más ꞌüsüs lajay pjü jilal. Nin lajay na, javelepj yupj pꞌiyá pasal ꞌüsüs. Newa ma sin ꞌyüsa ꞌüsüs jis la jay. 13 Dios jos jin lijicj, nin ca la mijicj la pꞌin. Dios jos nucopj pꞌyaꞌsacj nun. La tjijicj na Dios jos jin, ca mvelecj ꞌüsüs la tjijicj. La pꞌa la tjijicj na, ma ca mvelecj ꞌüsüs la tjijicj. 14 Tꞌücꞌ way Dios jos cupj nucopj pꞌyaꞌsacj. Nun ntꞌa tjeleque na, nin la tjijictsja Dios jostsja jin. Cupj mwalá way tjeleque nun ntꞌa. Mwalá way nun jilal tjevelecj pajal ꞌüsüs tepyala Jesucristo mpes. 15 Tꞌücꞌ way Dios la pꞌa wa sin jyama la pꞌa ntꞌa, tsjiꞌ lajay jupj mpes neꞌaj. Dios ma qjuisin tjejyama neꞌaj. Mpes cupj ma leque neꞌaj, ma velecj yupj Dios tsꞌuyupj jis tepyala cupj la tjijicj mpes. Quelel ꞌüsüs lijicj nun jilal, más ꞌüsüs ca mponé lovin Dios lal; nin qjuisas. 16 Nin tepyala na, pꞌa jawas ca polel nlaca ca nacj la pꞌa ntꞌa, más campa nun potjaqué mpe. Jis walapꞌaꞌa ca mvelecj pajal ꞌüsüs tepyala Jesucristo mpes. Pꞌa witjacj Dios mpes tsjiꞌ lajay ntꞌa, ma neꞌas ca nlaca cupj. Ma ca mvelecj gente neꞌaj Dios tsꞌuyupj jis tepyala la tjijicj cupj. 17 Dios Popel nin vele: “Ma ca mvelé nun pꞌiyá ꞌüsüs; ca mvelé nun jis Jepa Dios ꞌüsüs la tjiji nun mpes”. 18 Cupj pꞌiyá velecj cupj ꞌüsüs, ma ca jus nlayecj ncu tꞌücꞌ way ꞌüsüs cupj. Nin tulucj qjuis Jepa Dios vele na. Jupj vele na cupj ꞌüsüs, tꞌücꞌ way ꞌücj jos jupj cupj qjuis lal.

11

Niyom nepénowa sin ꞌyüsa lajaytsja Corinto poꞌó; Dios ma sin tjejyama la veles jupj mpes.

1 Yom jupj pꞌiyá poꞌo vele, gente pꞌa wa yola jupj ma jola jin vele jupj. Newa najas nun ca jus nlayé Dios tꞌücꞌ way nin tjejyama la veles jupj poꞌó; nin mpes napj nin poꞌo ca mvelé. Nusin tjüꞌüsüs napj pyac. Napj selé nun nasa nusin ꞌyüsa pjü napj pyac. 2 Najas nun nin lojí Dios jos jin, mpes pasal nola nun mpes. Dios jos napj nin nola nun mpes. Quina ca mpac ꞌoyn nyuca lejay napj. Yom ꞌyaya jupj jucucus lo wayis jinwá napj. Yom ꞌyaya jupj jucucus tjamacjas lal lo wayis. Jucucus lovin ma lal tjemey yom lal; ꞌüsüs way jupj. Napj tsjücjüim popay jin pꞌiyá; nun tsjücjüim niná jin pꞌiyá; Cristo tjamacjas niná

El Nuevo Testamento en Tol de Honduras, 2da ed. ©2010, Wycliffe Bible Translators

543

2 CORINTIOS 11

jin pꞌiyá. Napj nun maꞌayá, nun ca cus ncon̈có Cristo; pjaní way pꞌin ca cus ncon̈có. Mpes najas nin la müjí lovin Dios jos jin. Mpes nun ꞌüsüs nsem, napj nun maꞌayá na Cristo lal. 3 Tꞌücꞌ way nun po quelel lojí Cristo jos jin. Ma quelel lojí pꞌa casá. Newa nin, napj lecj jeyá ꞌin. Nun solejé Eva lal latsj lay tepyala. Latsj niná la tsyawilí jupj lal. Latsj seletsja jupj lal ca mveles, ne mpones ca jupj. Najas nin pꞌiyá tulucj nu pyala. Tꞌücꞌ way gente la tsuwil nun jilal, jisas nun la pꞌa poné. 4 Tꞌücꞌ way Jesús poꞌo tjevelecj nun jis walapꞌaꞌá. Tjevelecj tsjan niná Jesucristo ꞌüsüs la tjiji gente mpes. La pꞌa wa tjil nun ntꞌa, pꞌa casá tjowelepj Jesús poꞌó. Nun nin jisas yupj javelepj. Tꞌücꞌ way Dios Cjües poꞌo tjevelecj nun jis walapꞌaꞌá, ne nun jisastsja jupj. La pꞌa wa javelepj la pꞌa cjües mpes, ne nun nin jisas niná. Nun jis walapꞌaꞌa tjevelecj pajal ꞌüsüs tepyala Jesucristo mpes. Yupj ma nin pꞌiyá javelepj. Pꞌa casá javelepj, ne nujisas yupj javelepj. 5 Nun jilal javelepj, yupj nin javelepj Dios sin tjejyama yupj pꞌiyá nun ntꞌa la veles jupj mpes. Napj nun jilal velé más tsjicj way tulucj napj yupj jilal. 6 Napj ma polel velé ꞌin ca nacj, gente ꞌa si mulú ntꞌa. Mopꞌin pülücj selé napj. Dios pasal pülücj nin tjiꞌyüsa la tjiji. Cupj lovin nusin tjiꞌyüsa la tjijictsja, mpes nun solejé niná tꞌücꞌ way. Dios qjuisin tjiꞌyüsa la tjiji, niná pjü way nusin tjiꞌyüsa la tjijicj cupj. 7 Napj tjevelé nun jis walapꞌaꞌá tsjan niná Dios pajal ꞌüsüs la tjiji nun mpes. ꞌÜsüs nun jis wala tjevelé, newa ma najastsja nun no ꞌoyatsja la las, ma najastsja no ꞌoyatsja caꞌaj ꞌücj la jas. Gente la pꞌa nusin ꞌyüsa lajay, javelepj Dios ma nin tjejyama napj. Napj ma tꞌemel la tjemyon napj la tjejay mpes, mpes nin javelepj yupj. Ma püné jin la tjejay napj. Napj pꞌiyá tsjiꞌ la tjejay nun jilal tüpüꞌüs na, mpes ꞌücj jaylacj la tjejaytsja la las. Nun Dios tsꞌuyupj nu tepyala, nun jilal tjevelé mpes. Mopꞌin ma la tjemyon nun jis tꞌemel. ¿Ncu nujola malálatsja ma la tjemyon napj? 8 Tꞌücꞌ way Dios tsꞌuyupj la pꞌa pjaní ntjaꞌayapj tꞌemel, mpes ꞌücj jaylacj la tjejaytsja la las, nun jilal tüpüꞌüs na. Tꞌemel niná netj, mpes ꞌücj polel tjumtsja nun ntꞌa, nucopj lo pꞌacj. 9 Nun jilal tüpüꞌüs na, nenéyawa cjuwatsja napj, newa ma la tjemyon nun jilal la ꞌayas napj mpes. Najastsja ma no ꞌoyá nun nujisastsja pꞌiyá. Qjuis catjampan tjiquil na Macedonia mpe, yupj ntjaꞌayapj pjü najastsja. Mpes napj lovin ma la tjemyon nun jilal. Lovin ma ca la mon nun jilal. 10 Cristo tꞌücꞌ way tjevele, napj nin pꞌiyá tꞌücꞌ way velé. Tꞌücꞌ way najastsja ma no ꞌoyá, nun jis lal tjevelé na Dios poꞌó. Nun jilal nusin ꞌyüsa lajay, yupj jisas gente ma jus nlay niná napj nin poꞌó. Mopꞌin ca

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 11

544

sin müꞌüsüs niná Acaya poꞌó jun taꞌá. 11 Napj mvelé ca ꞌonin ne nin velé napj. Najas nun jus nlayé ca napj quelel la nusejay, mpes nin velé. Dios selé tꞌücꞌ way napj quelel la nusejay. 12 Lovin ca nin la mejay la pꞌa ntꞌa, nun jilal la tjejay jinwá. Nun jilal nusin ꞌyüsa lajay, yupj ca ma polel mvelecj nin lajay cupj lijicj jin. Tꞌücꞌ way yupj javelepj Dios sin tjejyama yupj, qjuisin tjejyama jinwá. Javelepj nin lajay cupj jinwá. Quina ma ca polel mvelecj niná. 13 Niná noyomes jisas la pꞌa ca yola nsem apostolpan* yupj, jisas yupj yola Cristo sin tjejyama yupj, la veles jupj mpes. Nin tulucj. Cristo ma sin tjejyama. Yupj la tsuwil nun jilal. Jisas nun nujola Cristo sin tjejyama yupj, mpes cupj jinwá lajay yupj, javelepj wa cupj jinwá. Pꞌa pꞌin yupj. 14 Cupj jus nlayecj yupj nin ca la mijicj lovin. Satanás* nin pꞌiyá liji. Jupj jos gente yola jupj ꞌüsüs, Dios angelpan* ꞌüsüs witjacj jinwá. 15 Nun jilal nusin ꞌyüsa lajay, jisas nun nujola yupj tsjiꞌ lajay Dios mpes; nin mpes ꞌüsüs lajay nenéyawa Dios jos jin. Selecj ꞌonin ne nin lajay. Satanás jomozopan yupj, ne nin lajay. Mvelé ca tsjan ca jis mpalas. Dios ca jis capj ntülüs nin la tjajay mpes. Pꞌa jawas ca nin nsem, pjü malala lajay jis capj tyüla na.

Pablo tjevele Dios mpes, mpes pasal malala tepyala jupj lal.

16 Yom

jupj pꞌiyá mpes vele, la pꞌa ca yola nsem jupj ma jola jin vele jupj. Nun jilal tjevelé quinam ꞌonin ne nin tjevelé napj. Mpes niswa velé, najas ma nujola malala velé napj. Nin nujola nun ca nacj. ꞌÜcj nin; mopꞌin najas nun pjoꞌoqué napj velé. Mpes napj ca ꞌücj mvelé napj nin poꞌó, ne ca nusin müꞌüsüs tꞌücꞌ way Dios nin tjejyama la veles jupj mpes. 17 Nun jilal velé napj nin poꞌó. Quina velé, napj ma velé qjuis Jepa Jesucristo vele jinwá. Yom ma jola jinwá velé, napj nin poꞌo velé na. Yom jupj pꞌiyá ꞌüsüs jin jola jinwá velé napj. 18 Gente pülücj jatja, ꞌüsüs javelepj yupj pꞌiyá poꞌó, jisas la pꞌa ꞌüsüs yola nsem yupj mpes. Napj ca mvelé wa napj nin poꞌó. 19 Nun nujola Dios nasa nusin tjiꞌyüsa la tjiji; pülücj solejé jin nujola. Nin mpes ꞌücj nun jis lal nun pjoꞌoqué gente ma yola jinwá javelepj. 20 Nenem jil nun ntꞌa, nu jajütütj. Nun nin lojí yupj javelepj mpes. Yupj jisas nun so ꞌoyá jis la las, so ꞌoyá patja, jinan̈. Nin lojí nun. Yupj la mon nun jilal, ne nun so ꞌoyá pjü jisas. Jisas nun nujola püné way yupj, ne nin nujola nun. Nun jis wala poꞌo jatül na, ma nujola. 21 Cupj ma la tjijicj ne nin. Lecj tjeyactsja cupj ne nin la cüjay. ¿Ncu nujola más ꞌücj ne mayca ma nin la tjijicj? Nun jilal velé najas ma la tjijicj yupj jinwá.

El Nuevo Testamento en Tol de Honduras, 2da ed. ©2010, Wycliffe Bible Translators

545

2 CORINTIOS 11

Yupj ꞌüsüs javelepj yupj pꞌiyá poꞌó; nin pꞌiyá polel velé napj. Ma nola jinwá velé. 22 Yupj javelepj hebreopan* yupj. Nin wa napj. Javelepj israelpan* yupj. Nin wa napj. Abraham* pajal püna tüpüꞌü, yupj javelepj yupj jupj popa pꞌiyá. Nin wa napj. 23 Javelepj tsjiꞌ lajay Cristo mpes. Napj más ꞌüsüs tsjiꞌ lejay jupj mpes. Ma nola jinwá velé napj quinam. Napj más ꞌüsüs tsjiꞌ la tjejay Cristo mpes yupj jilal. Tsꞌacꞌ más pülücj tjoꞌos napj cawilta moꞌó, Cristo mpes tsjiꞌ lejay mpes. Pajal la pülücj na süptsja yupj napj lal, Cristo mpes tsjiꞌ lejay mpes. Pasal la pülücj quelel ni püꞌitsja napj, Cristo mpes tsjiꞌ lejay mpes. 24 Judiopan* la cínquiya napj mpꞌüy poꞌo süptsja. Nin la tjajay na, la treinta y nueve na süptsja yupj pjolocꞌ mpes. 25 La con la pꞌa ntjasüp barra mpes. La pjaní la pꞌa pe nay pjucj poꞌó la tsꞌi, na ꞌünan mpes. La pülücj napj tjum barco* moꞌó. Barco contꞌe malala jis tepyala. Tjelepta ne campwila moꞌo tjil. Püste pjaní, tsꞌacꞌ pjaní, ꞌüsüma tjüjüs, ꞌüsǘ ntjutjilila. ꞌÜsǘ pajal yümücj jámatsja, mpes quelel ni püꞌitsja napj. 26 La pülücj tjum campayá. ꞌÜsǘ pasal tꞌyǘnatsja, malala ca ma palas nin nólatsja. Pequepan lyawun̈tsja, malala ca ma mpalas nin nólatsja. Judiopan* malala quelel la tjajaytsja napj lal. Judiopan tulucj malala quelel la tjajaytsja wa napj lal. Gente pülücj patja ntꞌa witjacj malala quelel la tjajaytsja wa napj lal. Gente cjuwá ntꞌa, malala ca ma palas nin nólatsja. Barco* moꞌo tjum na, malala ca ma palas nin nólatsja. Gente nepénowa javelepj Dios tsꞌuyupj yupj, yupj Dios Palá tüpüntüpj Pablo üpü tsꞌuyupj tulucj. Malala quelel la jaytsja wa yupj napj lal. 27 Napj mpes. (2 Corintios 11.26)

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 11, 12

546

pasal yümücj tsjiꞌ la tjejay. Püste pülücj tsjiꞌ la tjejay wa, mpes ma polel tjejyá. Pasal niꞌ ntúlatsja ntepalá. Pasal vecj ni püꞌitsja. Pasal ꞌüsǘ nívetsja. La pülücj cjuwatsja la las. Nenéyawa cjuwatsja ꞌin nin quip, mpes tsjojose ntepalá. 28 Tꞌücꞌ way pjü niná nin ntepalá napj. La pꞌa casá nola wa napj. Lovin napj nola Dios tsꞌuyupj pjü way mpes. Nin quelel selé ncu nin lajay Dios jos. 29 Nepénowa ma sin ꞌyüsa Dios jos jin. Yupj ma lajay na Dios jos jin, napj ꞌaplijila ne palá. Nepénowa sin napnapj jinwá; januc na la pꞌa malala lajay, yupj malala quelel lajay wa. Pasal nola yupj mpes. Napj po quelel jis capj pꞌyacj, ma malala la mijicj niswá. 30 Napj nin tjeveletsja napj nin poꞌó; nun jilal tjevelé ꞌonin ne nin tjevelé. Más ꞌücj nin velé ca nacj. Mpes más ꞌücj nun jilal velé malala ntepalá. Malala ntepalá Cristo najas mpes, ꞌücj najas nin. 31 Dios selé napj ma li tsuwil nun jilal. Jupj Jesucristo Dios. Jupj Jesucristo Popay. Jesucristo cupj qjuis Jepa Püné. Más ꞌücj gente lovin ꞌüsüs ca mvelecj Dios poꞌó. 32 Damasco poꞌo tüpüꞌüs na, pülücj patja ntꞌa, jepa püné auxiliar pajal tsꞌi ꞌinyatsja napj lal. Jupj auxiliar waytsja Aretas tjevele mpes, Aretas jepa pünetsja neꞌaj. Sin tjejyama militarpan tjüwücj jun vilicj ntꞌa. Tjüwücj campányatsja pülücj patja ntꞌa tꞌasiyú. Militar la nuctsja neꞌaj napj la tjilil. 33 Tsꞌüequenes pꞌin. Tjüwücj poꞌo jun tsjicj waytsja campanya. Neꞌaj Dios tsꞌuyupj palá tüpüntüpj napj ꞌüpǘ mpes, quiliyú püné moꞌo tjoꞌos. Mpes ꞌücj polel tjumtsja Damasco mpe, ne militarpan ma polel ntjitjililin̈.

12

1 Ca

Pablo tepyaca tjinyuca mpes, Jesucristo jas tjiꞌyüsa la tjiji gente pꞌin ma polel januc.

nacj nepénowa ca malala yola nsem napj nin poꞌó, napj pꞌiyá mpes velé mpes. Newa nola más ꞌücj nin velé. Napj quelel velé napj tjinyuc mpes, niná polel tjinyuc Dios la tjiji mpes pꞌin. Quelel velé tsjan niná qjuis Jepa Jesucristo nin tjiꞌyüsa la tjiji. 2 Año catorce nasa Dios ntjemanú jupj püꞌü ntꞌa. Tꞌücꞌ way napj se con̈ Cristo. Ma selé ncu napj mpꞌüy tjemyana. Ma selé ncu neqjues pꞌin tjemyana. Jupj selé. 3 Napj selé ntjemanú Dios püꞌü ntꞌa, pasal ꞌüsüs way neꞌaj. Ma selé ncu napj mpꞌüy tjemyana. Ma selé ncu neqjues pꞌin tjemyana. Jupj selé. 4 Dios napj lal tjevele neꞌaj mopꞌin jos la pꞌa ma jus nlayecj tsjan tjevelá. Jos la pꞌa ma javelepj jupj tjevelá. 5 Niná ma tepyala pꞌa lal. Nin cüpalas pꞌa lal, ca ꞌüsüs nin polel mvelé jupj poꞌó; napj pꞌin poꞌo nin mvelé tulucj. Mopꞌin napj ca nin mvelé malala ntepalá

El Nuevo Testamento en Tol de Honduras, 2da ed. ©2010, Wycliffe Bible Translators

547

2 CORINTIOS 12

mpes. 6 Napj ꞌüsüs way polel velé napj nin poꞌó, niná ntepalá mpes. Nin velé na, tꞌücꞌ way velé, mpes ꞌüsüs nola jinwá velé. Mopꞌin ma ca mvelé napj ꞌüsüs way. Napj nin velé napj ꞌüsüs, la pꞌa wa nin pꞌiyá ca mvelecj napj nin poꞌó. Ma najas nin javelepj. Gente tjunuc napj la tjejay, tjepjyacan̈ napj tjevelé. Nin mpes ca jus nlayecj ncu ꞌüsüs napj. 7 Dios pasal ꞌüsüs way tjevele napj lal. Newa nin, jupj jos ma nola püné way napj, napj lal tjevele mpes. Mpes napj mpꞌüy poꞌo pajal vyaja tepyala, jam püné mpꞌüy poꞌo ton̈ca jinwá. Satanás* nin liji. Lovin vyaja. Mpes napj nola püné way tulucj napj, Dios jos nin nola. 8 La con la tjemyon qjuis Jepa Jesucristo lal, ca müꞌüꞌsüs niná. 9 Jupj tjevele: “Ma ca la mejay niná jipj la tjemyon, mopꞌin ca cyapj mpꞌacj lovin. Jipj ma ca jyas nsem la pꞌa. Napj pasal jis capj pꞌyacj sin napnapj witjacj. Napj polel nin lejay yupj mpes, ne yupj ca jus nlayecj napj püné”, jupj nin tjevele napj lal. Cristo lovin ncapj ncon̈cos, lovin ncapj mpꞌaꞌsas, mpes napj velé ꞌüsüs way vyaja napj. Pasal püné way jupj. 10 Mpes ma nola malala ne palá na. Napj tsjiꞌ lejay Cristo mpes, ne nin ne palá. Nin mpes nepénowa la pjütsꞌün napj lal. Nin mpes cjuwá wa napj najas nenéyawa. Nin mpes nepénowa malala lajay napj lal. Nin mpes wa pasal malala ne palá, ne pjü ma polel ncapj japꞌacj. Mopꞌin ma nola nin ne palá mpes. Nin ne palá na, Cristo pajal ncapj pꞌyaꞌsa, mpes napj ꞌüsüs polel lejay jupj mpes.

11 Napj

Pablo jólatsja Dios tsꞌuyupj mpes Corinto poꞌó.

poꞌó nin tjevelé. Yom ma jola jinwá tjevelé napj. Nun mpes nin tjevelé. Nun ma toponé apóstol* way napj, ma toponé Dios nin tjejyama la veles jupj mpes. Más ꞌücj ꞌüsüs welé nun napj nin poꞌó, mopꞌin ma nin tjoweletsja. Nusin ꞌyüsa lajay javelepj Dios sin tjejyama la veles nun jilal jupj mpes. Tꞌücꞌ way napj tsjicj way; newa nin, napj más tsjicj way tulucj yupj jilal. 12 Dios yom se jamá na, Dios se pꞌaꞌsa jupj ꞌüsüs la mijis. Jupj nin liji mpes, gente jus nlayecj Dios jas tjejyama jupj. Niná apóstol tꞌücꞌ way. Gente pasal yola jupj liji mpes. Yom niná pajal ꞌüsüs way liji, yom pꞌin ma polel liji jinwá. Nun ntꞌa tüpüꞌüs na, niná la tjejay napj. Malala ntepalá na, newa nin la tjejay napj nun ntꞌa. 13 Nin la tjejay la pꞌa Dios tsꞌuyupj jilal, nin pꞌiyá la tjejay nun mpes. Pjaní pꞌin ma la tjejay. Ma la tjemyon no ꞌoyá. Najastsja ma no ꞌoyá nun pꞌin nujisastsja. ¿Ncu nujola más ꞌüctsja la cümon napj? Najas nun perdonar la nojí ma la tjemyon napj.

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 12, 13

548

14 La

con quelel jumtsja nun ntꞌa quinam. Newa ma ca la mon no ꞌoyá. Ma ca la mon no ꞌoyá nun pꞌin nujisas. Nun nutsꞌaꞌá ma najas. Nujisas Cristo; nin najas pꞌin. Napj nun jis papay jinwá. Tsjictjacj ma jaꞌayapj jis papay jos. Jis papay nin se ꞌaya tsjictjacj jisas mpes. 15 Nujisas Cristo; nin najas pꞌin. Mpes ꞌücj napj lal napj jaylacj lejay lya, jaylacj lejay wa jya, nun ntꞌa püꞌüs na. Pasal ca yümücj tsjiꞌ la mejay ca nacj. Nin napnapj nsem napj ca nacj. ꞌÜcj, ma nola. Napj pasal quelel la nusejay. ¿Ncu más tsjicj way lovin ca quelel la nojí napj? 16 Napj ma la tjemyon nun pꞌin nujisastsja. Nola nun pjü way witjacj nin solejé. Newa nin, nepénowa javelepj napj la tsyawil nun jilal. Javelepj la pꞌa sin tjejyam napj nun ntꞌa, la tjomon cjuwatsja mpes Judea poꞌó. Javelepj napj ca ntsꞌisis tꞌemel, napj mpes ca nsem. 17 Tꞌücꞌ way qjuis catjampan la pꞌa sin tjejyam napj nun ntꞌa. ¿Ncu nujola napj jis tjijyütütj la tsuwil nun jilal? Nin tulucj. ¿Ncu nujola tꞌemel niná napj najas ca nsem? Nin tulucj. 18 Napj po la tjemyon Tito lal, jupj ca mim nun ntꞌa. Qjuis catjam jas tjejyam wa jupj lal. ¿Ncu solejé Tito ma la tjemyona nun nutsꞌaꞌá? ¿Ncu solejé napj la tjejay jinwá, Tito nin pꞌiyá la tjiji nun jilal? ¿Ncu solejé napj nólatsja jinwá, Tito nin pꞌiyá jólatsja, nun jilal tepyatjaquecj na? Ma qjuisastsja nun nutsꞌaꞌá. 19 Niná nun moꞌo welé na, ca nacj nujola nsem qjuisas nun mvelé ca ꞌüsüs cupj. Nin tulucj. Ma qjuisas. Nin pyaquecj Cristo jos jin, Dios selé pyaquecj jin. Nin pyaquecj mpes nun más ꞌüsüs ca jus nlayecj Dios jos jin, más ꞌüsüs ca la müjí Dios jos jin. Pasal quelel la nusijicj. 20 Napj nola nun ntꞌa tjum na, ca nacj ma nin la müjí napj najas jin. Mpes nun ma ca jisas nsem napj ca mvelé mpes nun jilal. Nun lo velelé ca nacj. Nun jomaqué ca nacj. Nepénowa len̈ way tsꞌa ꞌin ca nacj, yümücj javelepj. Nepénowa lajay ne ꞌüsüs se palá yupj pꞌiyá jilal la pꞌin ca nacj. Nepénowa tin javelepj ca nacj la pꞌa lajay mpes. Javelepj malala nin lajay. Nepénowa tin javelepj ca nacj la pꞌa lajay mpes, mopꞌin ma sin tjiꞌyüsa ncu tꞌücꞌ nin la tjajay. Javelepj pꞌin, la tsuwil. Nepénowa yola ca nacj yupj pꞌiyá püné. Nin tulucj. Ma yuwal nujola ca nacj, mpes pasal lo velelé. 21 Napj nola nun ntꞌa jum na, ca ma maycas nun lojí mpes. Dios ca nin la ma mijis ca ma maycas. Nepénowa malala nyuca la tjajay, newa ma ꞌaplijila jis tepyala malala la tjajay mpes; nin mpes pasal ꞌaplijila nsem napj. Ma quelel lajay Dios jos jinwá. Niyom nenem jis tjamanun sejatsꞌom tulucj. Nequem nenem tjil jis vayum tulucj jilal. Más malala la tjajay wa yupj. La pülücj nin quelel lajay, ne nin lajay.

El Nuevo Testamento en Tol de Honduras, 2da ed. ©2010, Wycliffe Bible Translators

549

13

1 Niswa

2 CORINTIOS 13

Pablo tecyawaja tepyaca.

jum nun ntꞌa; la con nsem nun ntꞌa tjum quinam. Nun ntꞌa tjum na, napj ca la müꞌüy ncu nepénowa newa malala nyuca lajay. Yupj malala lajay, napj ca müjütütj tsjan ca jis mpalas yupj. Pjaní pꞌin vele jupj selé nun popa malala liji, ma ca nin nola. “Mátꞌeya javelepj yupj salejepj jupj malala nyuca liji, ꞌücj jis la pon. Cóntꞌeya ꞌücj jis la pon wa.” 2 La matꞌe nun ntꞌa tjum na, malala lajay jilal tjevelé. Tjevelé ca jis capj ntül niswa tjacuwis na. Nenem pjü jilal nin ca la mejay. Napj niná tjevelé pjü jilal. Nun jilal ꞌos tulucj quinam mopꞌin velé niná niswá. 3 Nin lejay na, nun ca jus nlayé tꞌücꞌ way napj velé Cristo jos jin. Nun nin jisastsja püné way nin lejay napj, mpes ca mponé napj velé Cristo jos jin. Cristo ma la tjiji yom ma polel jyüꞌta jinwá. Jupj pasal püné jin jyüꞌta nun jilal. 4 Tꞌücꞌ way Cristo yom tepyala jupj. Yupj tjüꞌünan jupj, tjovalapj jupj cruz* poꞌó. Jupj jüpꞌüy jas napnaptsja, pjü jis pꞌüy jinwá. Malala tepyala jupj lal. Nin tulucj quinam. Cristo nyucunú, Dios nin la tjiji jupj pjü ꞌücj liji mpes. Cupj Cristo jutsꞌaꞌá. Nin pꞌiyá cupj qjuis pꞌüy sin napnapj way, malala qjuesé palá. Ma ca nin nsem lovin. Cupj ca mpatjaquecj Cristo lal, Dios pajal püné mpes. ꞌÜcj liji niná nun mpes. 5 Nusin tjüꞌüsüs ncu poné nun Dios tjevelá. Po nujola tꞌas lojí mpes. ¿Ncu solejé Jesucristo nun poꞌo püꞌü? Ma poné ca nacj Dios tjevelá, mpes Jesucristo nun poꞌo ma püꞌü. 6 Cupj pasal qjuiyólatsja pyonecj mpes. Selecj nin pyonecj Dios tjevelá. Napj nola nun pjü witjacj ca jus nlayé nin pyonecj Dios tjevelá. 7 Quina le monacj Dios lal nun ma malala nyuca la müjí ca. Cupj velecj Cristo jos jin, ma qjuiyola niná ma jus nlayé ca nacj. Sin nin qjuisas ꞌüsüs la müjí la pꞌin. Velecj Cristo jos jin, mopꞌin ma qjuiyola niná ma jus nlayé nun ca nacj. 8 Sin nin qjuisas gente nin lajay Dios tjevele jin la pꞌin. Jupj tjevele tꞌücꞌ way. Ninana pꞌin velecj gente jis lal. Ma polel velecj la pꞌa casá. 9 Po najas nin lojí Dios tjevele jin. Mpes cupj ma nucopj ntülücj, tsjay ꞌücj qjuisas nsem. Dios lal le monacj ca nusin müꞌüsüs pjü way Dios jos jin. Qjuisas nin la müjí pjü way jupj jos jin. 10 Mpes quina napj nin pyac niná nun mpes. Najas nin ca la müjí quinam napj tjevelé jin. Mpes nun jilal püꞌüs na, ma nucopj ntül ca. Qjuis Jepa Jesucristo nin tjejyama nucopj lo pꞌacj, jupj jos más ꞌüsüs lojí jupj jos jin. Nin tjejyama ma malala nyuca lejay nun jilal. Napj ma ca quelel nucopj ntül. Nucopj tyül, ca nujola nsem malala nyuca lejay napj nun jilal.

El Nuevo Testamento en Tol de Honduras, 2da ed. ©2010, Wycliffe Bible Translators

2 CORINTIOS 13

550

11 Natjampan,

quina ca ncawajas mpac. Najas ꞌücj nujisas nsem. Nujisas tꞌas ca pjü la müjí Dios jos jin. La tjüjí napj tjevelé jin, ne ma nujola nsem pjü mpes. Ma la tjoweꞌlé nunwá. Nin pꞌiyá nujola tꞌas. Nin lojí na, Dios ca nucopj ncon̈cos. ꞌÜcj quelel la sijicj la pꞌa, jupj nin liji. Ma le velelecj, ma le palanacj, jupj nin liji. 12 La nüjüsüqué na nun popé, la tjalapaná nunwá. ꞌÜcj nujisas tꞌas nujus tjunucú nusin popé. 13 Dios tsꞌuyupj quepé süs wa la nutjajay. 14 Najas Jesucristo ꞌüsüs way la numijis nun pjü witjacj jilal, cupj qjuis Jepa Püné jupj. Najas nun lovin quelel la sojí la pꞌa wa, Dios jinwá. Najas Dios Cjües lovin ca nucopj ncon̈cos.

El Nuevo Testamento en Tol de Honduras, 2da ed. ©2010, Wycliffe Bible Translators

Pablo papel tepyaca Galacia moꞌo tapatja mpes

1

1 Napj

Pablo. Apóstol* napj. Jesucristo nin tjejyama la veles pꞌa jilal jupj mpes. Dios qjuis Papay nin tjejyama wa. Jesucristo tepeꞌe na, Dios jas tjijyünsa jupj, tüpüꞌü niswá. Gente tulucj nin tjajam napj. Len̈ pjacj tjiquil nin la jam. Dios pꞌin, Jesucristo pꞌin, nin tjajam. 2 Dios tsꞌuyupj nepénowa jatja napj lal quinam. Nin pyaquecj nun mpes. Nun Dios tsꞌuyupj Galacia poꞌó. 3 Dios cupj qjuis Papay. Jesucristo cupj qjuis Jepa Püné. Qjuisas yupj pajal ꞌüsüs lajay nun mpes. Qjuisas ma nujola nun pjü mpes, nin la nusejay. 4 Cupj malala nyuca la tjijicj. Jesucristo ma jostsja malala qjuesé palá nin la tjijicj mpes; nin mpes ꞌüctsja jupj lal la pꞌa tjüꞌünan jupj. Jupj jostsja Dios si jütüta popé nsem cupj, ne nin tepyala quinam. Diablo* si jütüta popa tulucj cupj; diablo jyüꞌta nosis poꞌó quinam. Dios jostsja Jesucristo nin la tjiji cupj mpes, Dios ne cupj qjuis Papay. 5 Napj najas lovin ꞌüsüs velecj Dios poꞌó. Najas ca nin mpalas.

6 Napj

Toponé Dios tjevele mpes la pꞌin.

pasal nola nun la tjüjí mpes. ꞌIn lacasana nun jisastsja Dios. Quina nun ma jisas jupj. Dios nucopj tjepꞌyaꞌsa nu la pon Jesucristo lal. Jesucristo pasal ꞌüsüs la tjiji nun mpes, jupj quelel la nutjiji mpes. Mopꞌin malala nujola quinam. Quina nun poné la pꞌa javelepj. Yupj pꞌa casá javelepj, ma nin pꞌiyá javelepj Jesucristo ꞌüsüs la tjiji poꞌó. 7 ꞌÜsüs tulucj, malala, nin javelepj. Napj selé pasal nujola yupj javelepj mpes. Nin mpes napj velé nun jis lal. Dios tjevele ꞌüsüs qjuis tepyala Jesucristo mpes. Yupj pꞌa casá javelepj. 8 Cupj nun jis walapꞌaꞌa tjevelecj ꞌüsüs qjuis tepyala Jesucristo mpes. Nepénowa ma nin pꞌiyá javelepj

551 El Nuevo Testamento en Tol de Honduras, 2da ed. ©2010, Wycliffe Bible Translators

GÁLATAS 1

552

Jesucristo poꞌó, nun jis walapꞌaꞌa javelepj na. Najas Dios jis capj ntülüs. Cupj pꞌiyá pꞌa casá nun jis walapꞌaꞌa cüvelecj Jesucristo poꞌó, najas wa ca Dios qjuis capj ntülüs. Angelpan* pꞌa casá nun jis walapꞌaꞌa cüvelecj Jesucristo poꞌó, najas wa ca Dios jis capj ntülüs. 9 Püna tjevelecj jin pꞌiyá velé niswá. Nun toponé Dios tjevelá. Jupj tjevele ꞌüsüs qjuis tepyala Jesucristo mpes. Nepénowa pꞌa casá javelepj nun jis walapꞌaꞌá Jesucristo poꞌó, najas Dios jis capj tyüla nin lajay mpes. 10 Napj ma nola ncu ꞌücj jisas gentá napj velé mpes. Najas Dios ꞌücj jos nsem napj velé mpes. Ma nola ncu ꞌüsüs yola gentá napj nin poꞌó. Najas ꞌüsüs nsem napj Dios lal. Nin mpes tsjiꞌ lejay napj Jesucristo mpes; napj jupj jomozo.

11 Nun

Dios la tꞌya Pablo tsjiꞌ la mijis jupj mpes.

napj natjampan. Nun jis walapꞌaꞌa tjevelé Dios tjevele mpes. Jupj tjevele tsjan niná Jesucristo ꞌüsüs la tjiji nun mpes. Gente pꞌin tjowelepj jin tjevelé tulucj. Najas nun ca jus nlayé niná. 12 Ninana la pꞌa jilal jis wala velé, gente pꞌin ma nin nawala tjowelepj. Gente tulucj nin tjiꞌyüsa la tjajay niná, napj velé mpes. Jesucristo nin tjiꞌyüsa la tjiji niná. 13 La pꞌa nun jis wala tjowelepj tsjan niná napj la tjejay yas nam. Napj lovin nin la tjejay judiopan* lajay jinwá. Nusin tjiꞌyüsa tsjay malala la tjejay Dios tsꞌuyupan jilal. Napj lovin ma ꞌüsüs la tjejay yupj jilal. Najastsja len̈ nsem pjü. 14 Judiopan püna tapatja jin pꞌiyá la tjejay napj lovin. Napj tjamacjastsja na, niná más ꞌüsüs la tjejaytsja napj, la pꞌa judío tjamacjaspan jilal. Lovin nin quelel la tjejaytsja napj, judiopan püna tapatja la tjajay jinwá. Mpes nin la tjejay napj. Cupj yupj popa pꞌiyá püs naya pyatjaquecj. 15 Mopꞌin Dios la ntjetꞌá, napj pꞌa casá la mejay. Napj custjay monuna secj pꞌin, la ntjetꞌá. Jupj jostsja napj tsjiꞌ lejay jupj mpes. Mpes pasal ꞌüsüs la tjiji napj mpes. 16 Dios la tjiji ne napj jus tjinyuc jupj Jatjam. Dios jostsja napj velé Jesucristo poꞌó judiopan* tulucj jis walapꞌaꞌá, mpes nin la tjiji jupj napj lal. Nin ntepalá na, ma len̈ way tjum gente pꞌa wa ntꞌa. Napj ma tjevelé pjü jilal nin ntepalá mpes. 17 Ma tjum Jerusalén ntꞌa la veles apostolpan* jilal neꞌaj. Apostolpan mwalá waytsja yupj. Quina apóstol way napj ꞌotsꞌipj. Len̈ way tjum Arabia poꞌó. Locopyaya Damasco ntꞌa tjacuwis niswá. 18 Año cóntꞌeya tepyala na, tjum Jerusalén ntꞌa. Tjumtsja Pedro jus la nuc. Tsꞌacꞌ quince mpes la pꞌin tüpüꞌüs jupj lal. 19 Apostolpan pꞌa wa ma yus tjinyuc. Jacobo pꞌin jus tjinyuc, qjuis Jepa Jesucristo jüpülücj jupj.

El Nuevo Testamento en Tol de Honduras, 2da ed. ©2010, Wycliffe Bible Translators

553

GÁLATAS 1, 2

20 Napj

pyac, tꞌücꞌ way. Dios selé napj pyac mpes. Ma li tsuwil. mpe tjum na, Siria poꞌo tjum, Cilicia poꞌo tjum wa. 22 Tjum na, Dios tsꞌuyupj Judea poꞌo patja ma nus tjunuc custjay, yupj ne sa con̈ Jesucristo. 23 Mopꞌin nin, la pꞌa lovin jis wala tjoweleptsja napj nin poꞌó. Tjowelepj: “Malala la tjiji cupj qjuilal yas nam. Quina tꞌücꞌ way vele pꞌa jis walapꞌaꞌá Jesucristo poꞌó. Yas nam jupj jostsja len̈ nsem Jesucristo lal japon. Quina ma nin jos”, nin tjoweleptsja. 24 Mpes tsjay ꞌüsüs tjoweleptsja Dios poꞌó, Dios la ntjiji mpes. 21 Jerusalén

Pablo ꞌüsüs waytsja la pꞌa apostolpan jilal, nin tepyala.

2

1 Año

catorce tepyala na, niswa tjum Jerusalén ntꞌa. Bernabé tjemey napj lal. Tito lal tjevelé, ne tjemey wa jupj napj lal. 2 Napj tjum Dios nin tjejyama mpes. Tjum la veles Dios tsꞌuyupj jilal; nepénowa más ꞌin ꞌüsüs sin ꞌyüsa jis lal quelel veletsja. Jis wala tjevelé tsjan niná napj velé judiopan* tulucj jilal, niná napj jis walapꞌaꞌa velé Jesucristo ꞌüsüs la tjiji gente mpes. Niná jis wala tjevelé; najastsja yupj mvelecj ncu ꞌüsüs way napj velé judiopan tulucj jilal. Ma quelel malala velé, ne napj quelel seletsja ncu napj tjevelé tꞌücꞌ. Nin mpes nasapj tjevelé yupj jis lal. 3 Tito ncapj tecyon̈ca, tjacꞌ wa. Judío tulucj jupj. Tꞌücꞌ way jepapan Dios tsꞌuyupj jilal ma tjüjütütj tꞌyüjü jupj pjolocꞌ tsjicj way tꞌasiyú, judiopan lajay jinwá. 4 Nepénowa quelel jajütütsja nin la mijis jupj. Yupj tjowelepj yupj Dios tsꞌuyupj, cupj jinwá. Nin tuluctsja yupj. Yupj tjiquil ꞌa qjuis tjimyula na jis la nuc. Jesucristo lal japon tulucj. Ma nin selectsja cupj. Cupj Jesucristo se con̈cocj, mpes ꞌücj ma pjü way lijicj judiopan tjüjütütj mpes. Yupj quelel sin ꞌyǘsatsja tsjan ma lijicj ncupj. Jisastsja pjü way lijicj judiopan tjüjütütj jin pꞌiyá. 5 Lovin ma la tjijicj yupj jisastsja jinwá; qjuisas nun lovin solejé tꞌücꞌ way niná nun jis wala tjevelecj Jesucristo poꞌó. Cupj tjevelecj jupj ꞌüsüs la tjiji nun mpes. 6 Dios tsꞌuyupj pülücj sin ꞌyüsa witjacj ma pꞌa wa ntjijütütj la veles judiopan* tulucj jilal. Püna veletsja ꞌüsüstsja yupj jilal. Niyom pülücj sin ꞌyüsa witjacj, yupj pasal noypantsja, nin tjowelepj la pꞌa yupj sin poꞌó. Napj ma nola yupj tjowelepj niyom nenem mpes. Pjü gente nin pꞌiyá Dios lal. 7 Niyom nenem jus nlaytsja Dios nin tjejyama la veles judiopan tulucj jilal Jesucristo poꞌó. Nin velé yupj jis lal Jesucristo ꞌüsüs la tjiji gente mpes. Jus nlaytsja Dios jas tjejyama Pedro la veles niná judiopan jilal. 8 Tsjay ꞌüsüs liji Dios judiopan jilal, Pedro jis wala vele na Jesucristo poꞌó. Pedro apóstol* jupj. Tsjay ꞌüsüs way

El Nuevo Testamento en Tol de Honduras, 2da ed. ©2010, Wycliffe Bible Translators

GÁLATAS 2

554

nin liji wa Dios judiopan tulucj jilal, napj jis wala velé na Jesucristo poꞌó. 9 Jacobo, Pedro ꞌotsꞌipj, Juan ꞌotsꞌipj, conas jepa noypan yupj neꞌaj Dios tsꞌuyupj jilal. Sin tjiꞌyüsa Dios jostsja napj velé Jesucristo mpes judiopan tulucj jilal. Mpes yupj qjuis mas quelel tjiꞌlin̈tsja napj lal, Bernabé lal ꞌotsꞌipj. Yupj yuwal yólatsja cupj qjuilal, mpes nin. ꞌÜctsja yupj jilal napj jum judiopan tulucj ntꞌa. ꞌÜctsja yupj jilal yupj jil judiopan ntꞌa. 10 Pjaní pꞌin la tjomon cupj qjuilal. Jisastsja lovin jis capj pꞌyaꞌsacj jis tꞌemel cjuwá. Lovin nin quelel lejaytsja napj.

Pablo tepyaca tsjan tjevele jupj Pedro lal Antioquía poꞌó.

11 Locopyaya

Pedro Antioquía ntꞌa tjacꞌ na, wola tjevelé napj. Wola tjevelé jupj la tjiji malálatsja. 12 Püna jupj tjelyájatsja judiopan* tulucj jilal. ꞌÜctsja nin. Locopyaya, pꞌa jyawca na, Jacobo sin tjejyama niyom nepenowá Antioquía ntꞌa Jerusalén mpe. Tjiquil na, Pedro lecj tjeyatsja. Jólatsja yupj mvelecj malala nin líjitsja, mpes ma tjelyaja niswá judiopan tulucj jilal. Malala nin. Jacobo mpe tjiquil lovin javeleptsja más ꞌücj judiopan tulucj jatꞌǘ jis pjolocꞌ tsjicj way tꞌasiyú, judiopan lajay jinwá, mpes nin jólatsja Pedrú. Judiopan tulucj ma nin la tjajay. 13 Judiopan pꞌa wa Antioquía ntꞌa, nin la tjajay Pedro jinwá. Salejeptsja ꞌücj jalá judiopan tulucj jilal, newa ma nin la tjajay la pꞌa judiopan neꞌaj játjatsja na. Malala nin. Yupj mpes Bernabé ma wa quelel lyájatsja judiopan tulucj jilal. 14 Yupj tꞌücꞌ way sin tjiꞌyüsa Jesucristo poꞌó. Yupj salejepj niná Dios tjevele Jesucristo ꞌüsüs la tjiji mpes. Yupj salejepj tsjan más ꞌücj lajay. Newa nin, napj tjinyuc pꞌa casá lajaytsja. Mpes ꞌa jis tjimyula na, napj tjevelé Pedro lal. Pjü tjepjyacan̈. Tjevelé: “Judío jipj, mopꞌin nin la tjejaytsja judiopan tulucj lajay jinwá. Ma nin la tjejaytsja judiopan lajay jinwá. ¿Tsjan mpes jis wala velen judiopan tulucj jilal más ꞌücj nin lajay judiopan jinwá? Malala nin velen”, nin tjevelé napj jupj lal.

15 Cupj

Judiopan, judiopan tulucj wa, ꞌüsüs Dios lal se palá, Jesucristo jisas na.

qjuis papay, qjuis camay wa, judiopan* waytsja yupj. Mpes judiopan cupj. Judiopan tulucj jin tulucj cupj. Judiopan tulucj ma lajay Moisés* tjijyüꞌta jin. 16 Mopꞌin nin, cupj selecj gente ma ꞌüsüs se palá Dios lal Moisés tjijyüꞌta jin lajay mpes. Gente ꞌüsüs se palá Dios lal Jesucristo poꞌo japon na. ꞌÜsüs se palá Dios lal Jesucristo jisas na. Tꞌücꞌ way cupj Jesucristo poꞌo tepyonecj wa. Mpes Dios la qjuis

El Nuevo Testamento en Tol de Honduras, 2da ed. ©2010, Wycliffe Bible Translators

555

GÁLATAS 2, 3

tjiji cupj ꞌüsüs quinam jupj lal, Jesucristo qjuisas mpes. Tꞌücꞌ way la tjijicj Moisés tjijyüꞌta jin. Nin mpes tulucj, ꞌüsüs cupj Dios lal. Gente ma ꞌüsüs se palá Dios lal, Moisés tjijyüꞌta jin lajay mpes. 17 Po qjuisas ꞌüsüs nsem cupj Dios lal, Jesucristo lal qjuisas mpes la pꞌin. Mopꞌin nin, malala la mijicj pꞌa jawas ca nacj. ¿Ncu nujola Jesucristo vele ꞌücj niná nin lijicj? ¡Nin tulucj! 18 Napj tjevelé Jesucristo mpes ꞌücj ma lijicj pjü way Moisés* tjijyüꞌtá. Ma ca mvelé más ꞌücj nin lijicj pjü way Moisés tjijyüꞌtá. Nin cüvelé, tsjay malala nsem niná. Ma nin ca mvelé. 19 ꞌÜsüs nin tjiꞌyüsa Moisés tjijyüꞌtá. Moisés tjijyüꞌta mpes, nin tjiꞌyüsa cupj ꞌüsüs tulucj Dios lal, niná nin lijicj na. Mpes ma nola pjü way Moisés tjijyüꞌta mpes. Dios jostsja pjü lejay quinam nin lejay jupj mpes, nin mpes nin ntepalá. 20 Napj ntipüꞌí jinwá Jesucristo lal, jupj tepeꞌe na cruz* poꞌó. Mpes ma najas napj la tjejay yas nam. Tꞌücꞌ way napj püꞌüs, mopꞌin Jesucristo quina püꞌü najas moꞌó. Po pyon Dios Jatjam lal. Quina nin ꞌyüsa liji tsjan más ꞌücj lejay, ne nin lejay. Jupj quelel la niji. Jupj jostsja ꞌüsüs ne palá, mpes ꞌüctsja jupj lal la pꞌa tjüꞌünan jupj. 21 Pülücj javelepj custjay gente ꞌüsüs se palá Dios lal nin lajay na Moisés tjijyüꞌta jin. Nin javelepj na, javelepj Dios ma ꞌüsüs liji cupj qjuilal Jesucristo mpes. Tꞌücꞌ way Jesucristo tepeꞌe cupj mpes, mpes ma ca nin mvelé napj yupj javelepj jinwá. Cupj ꞌüsüs Dios lal Jesucristo mpes. Gente ma ꞌüsüs nsem Dios lal Moisés tjijyüꞌta jin lajay na.

3

Nepénowa lajay Moisés tjevele jin. Pꞌa wa jisas Jesucristo.

1 Ma

yola jinwá nun. La pꞌa wa nujus tsawil, mpes ma ꞌüsüs nujola quinam. Ma poné tsjan tꞌücꞌ way. Yas nam ꞌüsüs nusin tjiꞌyüsa tsjan mpes Jesucristo tepeꞌe cruz* poꞌó. 2 Napj selé nun solejé tsjan mpes Dios Cjües nujisas moꞌo tjemey. Solejé Dios Cjües nujisas moꞌo tjemey, tꞌücꞌ way Jesucristo poꞌo tjapjaꞌaqué na. Tjapjaꞌaqué toponé na nin tepyala. Solejé Dios Cjües ma moꞌo jama gente jisas moꞌó yupj lajay na Moisés* tjijyüꞌtá. 3 Ma yola jinwá nun. Jesucristo nujisastsja na, nun ꞌüsüs Dios lal nu tepyala, jupj Cjües la nutjiji. ¿Tsjan mpes quina lojí Moisés tjijyüꞌta jin? ¿Ncu quina poné ꞌüsüs nun Dios la nusiji, lojí na Moisés tjijyüꞌta jin? 4 Tꞌücꞌ way Dios Cjües ꞌüsüs la tjiji nun mpes. Quina ¿ncu ma nujisas jupj la tjijá? Nun mpes nin la tjiji na, napj selé nun solejetsja tsjay ꞌüsüs nin la tjiji nun mpes. 5 Dios nu tjeꞌyaya jupj Cjües. Nun ntꞌa pajal ꞌüsüs liji. Nin liji, jupj pꞌin polel liji. ¿Ncu nujola Dios nin liji, Moisés tjijyüꞌta jin lojí mpes? Nin tulucj. Tꞌücꞌ way Jesucristo poꞌo tjapjaꞌaqué, toponé, mpes nin liji jupj.

El Nuevo Testamento en Tol de Honduras, 2da ed. ©2010, Wycliffe Bible Translators

GÁLATAS 3

556

6 Nujola

tapalas Abraham* poꞌó. Dios Popel vele: “Jupj tepyona Dios lal. Mpes Dios tjevele jupj ꞌüsüstsja.” 7 Abraham püna tüpüꞌü. Gente quina patja, Abraham popa pꞌiyá yupj. Nepénowa Abraham jinwá tulucj yupj; ma japon Abraham jinwá. Japon Dios lal, tꞌücꞌ way Abraham jinwá yupj. Najas nun ca jus nlayé niná. 8 Püna Dios Popel tjevele judiopan* tulucj ꞌüsüs nsem Dios lal, tjevele Dios ca nin la mijis yupj topon na. Dios nin tjevele Abraham lal nin la mijis jupj. Dios Popel vele jupj tjevelá. Tjevele: “ꞌÜsüs ca la mejay pjü gente jis lal jipj mpes”. 9 Abraham tepyona Dios lal. Mpes Dios ꞌüsüs la tjiji Abraham mpes. Nin pꞌiyá pjü jis lal. Japon Dios lal, nin pꞌiyá liji Dios yupj mpes. ꞌÜsüs liji yupj mpes, Abraham lal la tjiji jinwá. 10 Tꞌücꞌ way gente nepénowa lajay Moisés* tjijyüꞌta jin pꞌin. Yola nin mpes ꞌüsüs nsem yupj Dios lal. Nin tulucj. Dios ca jis capj ntülüs. Pjü Moisés tjijyüꞌta mpes, pjü ma polel nin lajay. Mpes ca Dios jis capj ntülüs. Dios Popel vele: “Ma lajay pjü Moisés tjijyüꞌta mpes, Dios ca jis capj ntülüs”. 11 Gente lajay na Moisés tjijyüꞌta pꞌin, selecj yupj ma ꞌüsüs Dios lal nin lajay mpes. Dios Popel nin vele: “Gente japon na Dios lal, ꞌüsüs yupj jupj lal. Yupj ca mpatjam Dios lal.” 12 Moisés popel ma nin vele ꞌoyn nyuca ꞌücj la pütꞌüs Dios lal, jupj lal poné mpes. Nin vele: “Niná lajay na pjü way Moisés tjijyüꞌtá, ꞌücj ca mpatjam Dios lal”. 13 Ma polel lijicj pjü way Moisés* tjijyüꞌta jin. Mopꞌin Jesucristo ꞌüsüs la tjiji mpes, Dios perdonar la qjuisiji, ne ca ꞌüsüs nsem cupj jupj lal lovin. Nin mpes Dios ma ca qjuis capj ntülüs. Jesucristo jostsja Dios ca cus ntülüs jupj cupj malala la tjijicj mpes. Mpes Dios nin la tjiji. Dios Popel vele: “Nepénowa cyaꞌlin̈ yo poꞌo javalapj mpes. Dios jis capj tyüla, ne nin lajay yupj jis lal.” 14 Jesucristo la tjiji mpes, quina Dios ꞌüsüs liji judiopan* tulucj jilal. Dios nin wola tjevele Abraham* lal ꞌüsüs la mijis pjü gente jis lal. Mpes Dios qjuis tjeꞌyaya jupj Cjües, jupj lal tepyonecj mpes. Tjevele nin ca qjuis maꞌayas.

Dios newa liji jupj tjevelá Abraham lal.

15 Natjampan,

napj quelel velé nun jilal tsjan mpes ca jus nlayé niná tꞌücꞌ way. Mwalá way, gente lajay mpes ca mvelé. Niyom matꞌe yuwal yola na yupj lajay mpes, papel japac. Papel vele ꞌoyn nyuca la mijicj yupj. Locopyaya pꞌa ma polel vele papel nenem malala. Locopyaya pjü ma polel pꞌa casá japac papel nenem poꞌó. 16 Najas nusin ꞌyüsa Dios tjevele Abraham* lal nin la mijis mpes. Abraham tsꞌuyupj popa pꞌiyá püs naya tüpüꞌü, pjaní lal tjevele wa Dios. Ma “nepénowa jilal”,

El Nuevo Testamento en Tol de Honduras, 2da ed. ©2010, Wycliffe Bible Translators

557

GÁLATAS 3

Dios Popel vele. “Pjaní lal”, vele. Pjaní lal pꞌin Dios tjevele. Lal tjevelá Jesucristo waytsja jupj. 17 Najas nusin ꞌyüsa Dios tjevele Abraham lal jupj ca la mijis mpes. Tjevele nin la mijis tjevele mpes. Locopyaya, año cuatrocientos treinta tepyala na, Dios tjevele Moisés* lal. Tjevele tsjan niná jupj jostsja ca gente la mijicj. Newa nin, Dios ca la mijis custjay jupj tjevele jin Abraham lal. 18 Gente ma ꞌüsüs nsem Dios lal, sin nin lajay na Moisés tjijyüꞌta jin. Gente ꞌüsüs nsem Dios lal, jupj lal japon na, Dios nin tjevele. Abraham lal Dios tjevele gente ꞌüsüs nsem jupj lal jupj lal japon na. Tjevele ca nin la mijis. Jupj ꞌüsüs, ne nin. Mpes tꞌücꞌ way Dios ca nin la mijis, jupj tjevele mpes pꞌin. 19 Püs tepyala na Dios tjevele Moisés* lal tsjan jostsja judiopan* la mijicj. Jupj jostsja judiopan ca jus nlayecj yupj lajaytsja malala, mpes nin tjevele jupj. Dios tjevele Moisés lal nin jostsja judiopan lajay, ne ca perdonar lis mijis malala la tjajay mpes. Jesucristo tjacꞌ na, ꞌücj judiopan ma nin la tjajaytsja quinam pjü way Dios tjevele Moisés lal. Jesucristo ne Abraham* tsꞌuyupj popa pꞌiyá püs naya tüpüꞌü. Dios tjevele ꞌücj lis mijis pjü gente jis lal Jesucristo mpes. Dios sin tjejyama angelpan* jis la veles Moisés lal. Tjowelepj tsjan jostsja Dios judiopan ca la mijicj. Mpes Moisés tjevele judiopan jilal niná Dios jostsja ca yupj la mijicj. Dios tjevele, judiopan mpestsja, pülüctsja yupj. Jas tjejyama Moisés la veles yupj jilal. 20 Dios Abraham lal tjevele na, nin tjevele jupj mpes, pjanitsja jupj. Mpes Dios pꞌiyá tjevele Abraham lal. La pꞌa ma jas tjejyama la veles jupj lal. Dios tjevele Abraham lal nin la mijis, tjevele jupj pꞌin ca nin la mijis.

21 Tꞌücꞌ

Pablo tepyaca tsjan mpes Dios jas tjejyama Moisés la veles judiopan jilal.

way Dios tjevele Moisés* lal. Tjevele tsjan niná jupj jostsja gente ca nin la mijicj. Newa nin, Dios ca la mijis custjay Abraham* lal tjevele jin. Gente ma polel mpatjam Dios lal Moisés tjijyüꞌta jin lajay na. Mpes tꞌücꞌ way gente ma ꞌüsüs nsem Dios lal Moisés tjijyüꞌta jin lajay mpes. Ma polel lajay pjü way jupj tjijyüꞌtá. 22 Dios Popel vele pjü malala quelel lajay. Mpes nin lajay. ꞌÜsüs se palá Jesucristo mpes. Gente japon na, Dios tjevele mpes Jesucristo poꞌó, ꞌüsüs yupj Dios lal nin se palá, Dios nin liji. Dios nin tjevele Abraham lal, gente ꞌüsüs nsem jupj lal, jupj lal japon na. 23 Püna Jesucristo ma tjacꞌ custjay. Mpes gente ma polel japontsja Dios lal custjay Jesucristo poꞌó. Salejeptsja Moisés* tjijyüꞌta mpes.

El Nuevo Testamento en Tol de Honduras, 2da ed. ©2010, Wycliffe Bible Translators

GÁLATAS 3, 4

558

Mopꞌin nin, yupj ma ꞌüsüstsja Dios lal, la tjajay na Moisés tjevele jin. Cawilta moꞌo jatja jinwá pátjatsja yupj. ꞌÜsüs tulucj se palatsja. Locopyaya Jesucristo tjacꞌ. Dios qjuisin tjiꞌyüsa la tjiji cupj ꞌüsüs polel nsem jupj lal, pyonecj na jupj tjevelá Jesucristo poꞌó. 24 Moisés tjevele mpes, qjuisin tjiꞌyüsa tsjan más ꞌücj lijicj. Jupj tjevele mpes, lovin qjuiyólatsja Dios mpes. Más ꞌüsüs tepyala Jesucristo mpes. Jesucristo tjacꞌ na, ꞌüsüs cupj Dios lal qjuis tepyala, Jesucristo poꞌo tepyonecj mpes. 25 ꞌÜcj polel pyonecj quinam Dios tjevelá Jesucristo poꞌó. Moisés tjevele ꞌüsüs. Mopꞌin más ꞌüsüs tyaꞌacj quinam. Quina Jesucristo qjuisin ꞌyüsa liji. Más ꞌücj nin. 26 Nun pjü way Dios tsꞌuyupj quinam Dios lal toponé mpes. Nin nu tepyala Jesucristo mpes. 27 Bautizar* nu tepyala. Quina nun Jesucristo jutsꞌaꞌá. Nun Jesucristo jinwá nu tepyala. 28 Quina pjü way Jesucristo jutsꞌaꞌá nun, mpes pjü nin pꞌiyá. Nun nepénowa judiopan*. Nun nepénowa judiopan tulucj. Nun nepénowa esclavopan*. Nun nepénowa esclavopan tulucj. Nun nepénowa niyom. Nun nepénowa nequem. Quina nun pjü way nin pꞌiyá, nin nu tepyala Jesucristo mpes. 29 Tꞌücꞌ way Abraham* tsꞌuyupj popa pꞌiyá püs naya tapatja newa patja. Yupj sin popa pülücj Abraham jin tulucj yupj. Nun pꞌin Abraham jinwá, nun Jesucristo jutsꞌaꞌá mpes. Mpes Dios nin la nusiji Abraham lal tjevele ca nin la mijis. 1 Newa quelel pyac napj. Quelel nusin ꞌyüsa lejay, niná pyac mpes. Pꞌa jawas tsjicj ca ntꞌanques popay jutsꞌaꞌá. Tsjicj na pꞌin, ma tꞌeꞌenca. Tꞌücꞌ way pꞌa jawas popay jutsꞌaꞌá ca ntꞌanques jupj. Tsjicj na, esclavo* jinwá jupj. Ma polel liji jupj pꞌiyá jos jin. 2 Tsjicj na, la pꞌa jajamapj jupj. Jupj ca ntꞌanques pꞌa jawas, niná jajamapj wa. Popay vele tsjan jawas ꞌücj ntꞌanques ca niná, ne jupj jutsꞌaꞌá nsem. Nin jawas ꞌücj tꞌeꞌenca popay jutsꞌaꞌá. 3 Nin pꞌiyá cupj qjuilal. Yas nam tsjictjacj jinwatsja cupj. Mpes esclavopan* jinwatsja cupj. Mwalá way qjuisin tjiꞌyüsa Dios poꞌó, ni way ni pꞌin qjuisastsja. Mwalá way qjuis tjüjütütj, ni way ni pꞌin la tjijicj. La pꞌa wa Dios poꞌo ma qjuisin tjiꞌyüsa. 4 Locopyaya, nin jawas Dios jostsja na pꞌin, Jatjam jas tjejyama nosis ntꞌa. Tjemyaꞌna, yom tepyala jupj. Judío* waytsja jupj. Mpes jupj la tjiji Moisés* tjijyüꞌtá. 5 Jupj la tjiji mpes, Dios ꞌücj perdonar la siji gente malala nyuca la tjajay, ne ꞌüsüs nsem yupj Dios lal quinam. Nin mpes ꞌücj yupj ma pjü way lajay quinam Moisés tjijyüꞌta jin. ꞌÜcj ma lajay wa judiopan tjüjütütj jin. Jesucristo la tjiji mpes, Dios tsꞌuyupj qjuis tepyala. Dios

4

El Nuevo Testamento en Tol de Honduras, 2da ed. ©2010, Wycliffe Bible Translators

559

GÁLATAS 4

jostsja cupj jupj tsꞌuyupj ca qjuis mpalas; nin mpes jupj Jesucristo jas tjejyama nosis ntꞌa. 6 Dios jos tꞌücꞌ way solejé nun jupj tsꞌuyupj, nin nu tepyala. Mpes jupj jas tjejyama jupj Cjües cupj qjuisas moꞌó. Jupj Cjües cupj ntꞌa jacꞌ jupj Jatjam mpe. Cupj nin velecj Dios “qjuis Papay”, Dios Cjües nin liji mpes. 7 Mpes nun esclavopan* tulucj jinwá quinam. Nun Dios tsꞌuyupj. Dios la tjiji nun jupj tsꞌuyupj nu tepyala, mpes jupj ca nin nu maꞌayas niná jupj se ꞌaya jupj tsꞌuyupj pjü way mpes.

Pablo jólatsja yupj mpes.

8 Tꞌücꞌ

way yas nam nun ma cus tocon̈có Dios. Nun jisastsja pꞌa witjacj, Dios tulucj yupj. Nun nin la tjüjitsja yupj jisastsja jin. Nun yupj jis esclavopan* waytsja. 9 Nin tulucj quinam. Quina Dios so con̈có nun. Más ꞌücj velé, Dios nucopj cyon̈ca. Mopꞌin malala nujola quinam. Quina nun esclavopan jinwá, nin nu pyala niswá. Gente pülücj ma jatatj Dios Cjües. Nun nin lojí yupj lajay jinwá. Yupj japon yupj ꞌüsüs Dios lal yupj nin lajay mpes. Nin tulucj. ¿ꞌOnin ne nina way quelel lojí niswá? Nun ma ꞌüsüs nsem Dios lal, nin lojí na. 10 Nun lowú judiopan* ꞌa si mulú ntꞌa sábado* na. Neꞌaj lowú wa ꞌa nusí mulú fiesta mpes. Fiesta lajay mes pjü way mpes. Fiesta lajay wa pjü año mpes. Pꞌa fiesta lajay wa yupj. Nun lovin lowú yupj ntꞌa ꞌa si mulú na. Nujola fiesta niná ꞌüsüs yupj. Nujola Dios ca mveles nun ꞌüsüs, neꞌaj lowú na yupj jis fiesta ntꞌa. Nin tulucj. 11 Napj pasal nin nola nun mpes. Nusin tjiꞌyüsa la tjejay tꞌücꞌ way. Ca nacj quina nun ma jisas niná nusin tjiꞌyüsa la tjejay. 12 Po le mon nun jilal nun la müjí napj lejay jinwá. Ma la müjí judiopan* lajay jinwá. Nujola tapalas judío napj. Mopꞌin nun jinwá la tjejay napj, nun ne judiopan tulucj. Nun jilal tüpüꞌüs na, nun ma malala la ntjüjí. 13 Nujola pyala mwalá way pꞌin nun jis walapꞌaꞌa tjevelé na Jesucristo poꞌó. Nun jis lal tjevelé tsjan niná Jesucristo ꞌüsüs liji gente mpes. Malala najastsja mpes napj tüpüꞌüs nun jilal. 14 Costa waytsja nun ntjajamá napj, malala najastsja na. Newa nun ma tsꞌu tjiꞌinyá, napj nun jilal tüpüꞌüs mpes. Nun ma nin tjajamá pꞌa ntꞌa. ꞌÜcj nujisastsja tjacuwis na nun ntꞌa. Ángel* lal wüiꞌiqué jinwá tjüwüiꞌiqué napj lal, napj tjacuwis na. Jesucristo lal wüiꞌiqué jinwá tjüwüiꞌiqué napj lal, napj tjacuwis na. 15 Tüpüꞌüs na nun jilal, tsjay ꞌücj nujisastsja nun. ¿ꞌOnin ne ma nujisas napj quinam? Nun jilal tüpüꞌüs na, nun ꞌücj maꞌayatsja pjü najastsja. ꞌÜctsja nun jilal cüꞌayá nun jis

El Nuevo Testamento en Tol de Honduras, 2da ed. ©2010, Wycliffe Bible Translators

GÁLATAS 4

560

jun napj mpes. Ma polel nin lojitsja la pꞌin. Napj selé niná tꞌücꞌ way. quina welé napj nun jis enemigo? ¿Ncu nun nin welé tꞌücꞌ way velé mpes nun jilal? 17 Nepénowa neꞌaj po jisas nun poné pꞌin yupj javelepj mpes. Tꞌücꞌ way ma quelel nucopj japꞌacj. Yupj jisas nun ma poné napj nun jis wala tjevelé. Jisas nun lowú yupj ꞌa si mulú ntꞌa la pꞌin. Yupj jilal pꞌin poné jisas yupj. 18 Gente quelel nucopj japꞌacj na, ꞌücj jil nun ntꞌa. ꞌÜcj nusin ꞌyüsa lajay. ꞌÜcj jil wa nun ntꞌa napj püꞌüs na nun ntꞌa. ꞌÜcj wa jil nun ntꞌa napj len̈ na. Mopꞌin ma najas malala javelepj. Nun jis lal tjowelepj, ma quelel nucopj japꞌactsja yupj. 19 Nun napj tsꞌuyupj jinwá. Pajal nola napj nun mpes; nun ma nujola Jesucristo jinwá, ne nin. Jesucristo jinwá nujola na, ma ca nola nsem nun mpes. 20 Po quelel ꞌos quinam nun jilal. Nola más ꞌücj polel velé neꞌaj nun jilal. Quina ma selé tsjan más ꞌücj pyac nun mpes. 16 ¿Ncu

21 Nun

Pablo tepyaca Agar poꞌó, Sara poꞌó ꞌotsꞌipj.

sin popa pülücj nin nujola más ꞌücj nin lojí Moisés* tepyaca jin. Nun jis wala quelel velé napj, ma ꞌüsüs nusin tjiꞌyüsa jupj tepyacá. 22 Napj ca mvelé tsjan mpes ca jus nlayé napj velé tꞌücꞌ way. Moisés tepyaca Abraham* matꞌe tsꞌuyuptsja jupj. Jatjam pjaní jupj esclavo* tjemyaꞌna. Jatjam maꞌajapj jupj jatsꞌom tjemyaꞌna. 23 Yuwal tulucj yupj. Jatjam pjaní tjacꞌ esclavo mpes. Jupj tjacꞌ pjü tsjictjacj jiquil jinwá. Jupj jamay tsjücjüim waytsja, tsjictjacj polel myáꞌnatsja custjay. Jatjam maꞌajapj tjacꞌ Abraham jatsꞌom mpes. Abraham, jatsꞌom ꞌotsꞌipj, tsjyóncatsja yupj. Jatsꞌom tsjicj ma polel myáꞌnatsja quinam. Dios tjevele mpes tepyala pꞌin. Dios tjevele tsjicj ntaꞌacj ca yupj, cocoy nsem jupj. Mpes Abraham jatsꞌom tjemyaꞌna tsjiquis, cocoy waytsja jupj. 24 Cupj polel qjuisin ꞌyüsa nin tepyala mpes. Lama Dios tjevele tsjan la mijis gente jis lal. Nequem nenem, yupj Dios tjevele jinwá. La pjaní Dios tjevele jocꞌ püné ntꞌa, jocꞌ niná Sinaí lotsja. Abraham* esclavo*, jupj Dios tjevele jinwá neꞌaj. Agar lotsja Abraham esclavo. Agar tsꞌuyupj esclavopan waytsja ꞌotsꞌipj. Gente lajay na Dios Sinaí ntꞌa tjevele, esclavopan jinwá yupj. 25 Agar esclavo waytsja jupj, mpes Sinaí jinwá jupj. Sinaí jocꞌ jupj Arabia moꞌó. Agar Jerusalén jinwá ꞌotsꞌipj. Judiopan* Jerusalén moꞌo patja esclavopan jinwá yupj. Newa lajay Dios tjevelá Sinaí poꞌó. Yupj yola yupj ma ꞌüsüs nsem Dios lal ma nin lajay. Mpes lajay jupj tjevelá. 26 Pꞌa casá ca nsem Jerusalén seyasa. Cupj nepé pꞌiyá. Cupj esclavopan tulucj. Jerusalén niná qjuis camay jinwá. 27 Dios Popel vele:

El Nuevo Testamento en Tol de Honduras, 2da ed. ©2010, Wycliffe Bible Translators

561

GÁLATAS 4, 5

“Lovin tsꞌuyupj tuluctsja jipj. Lovin vyaja tuluctsja jipj, tsjicj lovin ma tjemyanun mpes. ¡ꞌÜcj jyas tꞌas quinam! ¡Yümücj tjevele ꞌücj jyas mpes! Pülücj ca tsꞌuyupj nsem. Quepj pꞌa wa, voyum jana jupj. Jipj más ca pülücj popa nsem jupj lal.” Dios Popel nin vele. 28 Natjampan, Dios tjevele Abraham* lal jupj jatsꞌom ca maꞌnus tsjicj way; cocoy nsem jupj. Isaac lotsja. Nun Isaac jinwá. Dios tjevele nun Dios tsꞌuyupj nsem, jupj lal poné na. Dios tjevele mpes, Abraham jatsꞌom tjemyaꞌna Isaac. Nin pꞌiyá nu tepyala. Dios tjevele mpes, nun Dios tsꞌuyupj nu tepyala. 29 Ismael Abraham jatjam pꞌa waytsja. Dios ma nin tjevele jamay ca maꞌnus jupj. Jupj sin nin tjemyaꞌna jupj, pjü tsjictjacj se jamanun jinwá. Isaac Abraham jatjam maꞌajapj. Dios Cjües tjevele jamay ca maꞌnus jupj. Ismael po ma jostsja Isaac, quelel malala líjitsja jupj lal. Nin pꞌiyá nin pyala quinam cupj qjuis lal. Dios Cjües mpes pyatjaquecj cupj; nin mpes nepénowa ma jisas cupj. 30 ¿Ncu solejé Dios Popel nin vele? Vele: “Jas majaman mim jipj esclavo*, jupj jatjam jas majaman wa. Malala esclavo jatjam ntꞌanques popay jutsꞌaꞌá. ꞌÜcj jupj jatsꞌom jatjam ntꞌanques jupj jutsꞌaꞌá”, Dios Popel nin vele. 31 Natjampan, quina solejé cupj jupj jatsꞌom jatjam jinwá. Cupj jupj esclavo jatjam jinwá tulucj.

5

Quina cupj esclavopan tulucj jinwá, Jesucristo la tjiji mpes. 1 Jesucristo

mpes ꞌücj ma lijicj pjü way Moisés* tepyaca jin. Mpes ma nin nujola tꞌas quinam pjü way Moisés tepyaca mpes. Ma la müjí niswá esclavopan* lajay jinwá. Nun quelel lojí pjü way Moisés tepyaca jin, esclavopan jinwá nun. 2 Napj pꞌiyá nin velé. Nusin tjüꞌüsüs napj pyac. Nujisas ca nacj nun jis pjolocꞌ tsjicj way tꞌasiyú jatꞌǘ, Moisés* tjevele jin. Mpes ma nin poné ꞌüsüs polel nsem nun Dios lal Jesucristo la tjiji mpes pꞌin. Niná nin nujola, tꞌücꞌ way ma ꞌüsüs nsem nun Dios lal. 3 Niná napj pyac nun mpes, tꞌücꞌ way niná. Nun sin popé nepénowa jisas nun jis pjolocꞌ tsjicj way tꞌasiyú jatꞌǘ. Mpes más ꞌücj nin lajay pjü way Moisés tjevelá; Dios Popel vele ma pjü way lajay Moisés tjevele jin, ca Dios jis capj ntülüs. 4 Nun ma jisas quinam Jesucristo. Quelel lojí Moisés tjijyüꞌta jin. Nujisas ꞌüsüs nsem nun Dios lal nin lojí mpes. Quina ma poné Dios ꞌüsüs la siji gente jis lal Jesucristo la tjiji mpes la pꞌin.

El Nuevo Testamento en Tol de Honduras, 2da ed. ©2010, Wycliffe Bible Translators

GÁLATAS 5

562

5 Nin

tulucj cupj qjuis lal. Cupj popa pülücj pyonecj Dios lal. Dios Cjües mpes selecj ꞌüsüs nsem cupj Dios lal. Po li nucucj ca nin nsem. 6 Jesucristo sa con̈ ca ꞌüsüs nsem Dios lal, Dios lal japon mpes. Yupj quelel la sajay la pꞌa. Tꞌücꞌ way niyom nepenowá yupj jis pjolocꞌ tsjicj way tꞌasiyú tꞌü jis tepyala. Mopꞌin yupj ma ꞌüsüs nsem Dios lal nin tꞌü mpes. Niyom pꞌa wa yupj jis pjolocꞌ tsjicj way tꞌasiyú tꞌü tulucj. Yupj ma wa ꞌüsüs nsem Dios lal jis pjolocꞌ ma tꞌü mpes. Dios lal japon pꞌin ca ꞌüsüs nsem yupj jupj lal. 7 ꞌÜsüs way nusin ꞌyǘsatsja Jesucristo poꞌó. Nusin tjiꞌyüsa tꞌücꞌ way. Po quina malala nujola la pꞌin. Quina ma quelel lojí nusin tjiꞌyüsa mpes. ¿Pjacj la nutjiji ne ma quelel nin lojí? 8 Dios ma nin la nutjiji. Dios la nu tꞌya la pütꞌüs jupj lal. 9 La pꞌa malala javelepj, ne levadura liji jinwá pyala nun ntꞌa. Levadura tsjicj way mpes, pan püm pjü way tꞌyüna. Nin pꞌiyá pyala yom pjaní pꞌin malala vele mpes. Jupj nun pjü way jilal ca polel nujus ntsawilis. 10 Newa nin, napj selé nun ma ca mponé li tsuwile na. Napj selé nun ca mponé napj pyon jinwá. Qjuis Jepa Jesucristo mpes nin selé. Ma selé pjacj li tsuwile cuscú. Mopꞌin nin, Dios selé; Dios ca cus ntülüs jupj. 11 Natjampan, nun solejé napj ma velé gente ꞌüsüs nsem Dios lal yupj jis pjolocꞌ tsjicj way tꞌasiyú jatꞌǘ na. Nin cüvelé, judiopan* ma malala la qjuijicj napj lal. Tꞌücꞌ way malala la najay. Mpes jus nlayé niná ma velé napj. Napj velé gente ꞌüsüs nsem Dios lal Jesucristo tepeꞌe mpes cruz* poꞌó. Yupj ma japon ca nin cüpalas, ma japon jepa cüpaꞌis cruz poꞌó. 12 La tsuwil nun jilal, ne po najas yupj jil; yupj pꞌiyá jatꞌǘ más ꞌücj. 13 Natjampan, Dios la nu tꞌya, mpes ꞌücj ma lojí pjü way Moisés* tjevele jin. Tꞌücꞌ way ꞌücj ma lojí pjü way Moisés tjevele jin. Mopꞌin ma nujola nsem ꞌücj polel lojí nun pꞌiyá nujisas jinwá. Más ꞌücj nun quelel lojí nunwá. Más ꞌücj nucopj pꞌoꞌsá nunwá. 14 Dios Popel vele: “Quelel lis mijin neꞌaj patja popa pꞌiyá. Jipj pꞌiyá quelel la ꞌejay jinwá, ca quelel lis mijin yupj”, nin tjevele Moisés. Nin lojí na, lojí pjü way Moisés tjijyüꞌtá. 15 Ma malala la müjí nunwá. Ma malala tjowelé la pꞌa wa poꞌó. Po ma tsꞌi miꞌiná nunwá. Nin lojí na, nun tsjiyó la lajan jinwá.

16 Nusin

Pablo tepyaca Dios Cjües jos ꞌüsüs lijicj.

tjüꞌüsüs napj pyac. Lovin la müjí Dios Cjües jos jinwá. Mpes ma ca la müjí Dios ma jisas lajay jinwá. 17 Ma jisas Dios, ne yupj malala lajay. Niná Dios Cjües po ma jos, tꞌücꞌ way. Ma jisas Dios, ne yupj ma jisas Dios Cjües jos jin. Ma jisas Dios, ne yupj jisas malala. Dios Cjües

El Nuevo Testamento en Tol de Honduras, 2da ed. ©2010, Wycliffe Bible Translators

563

GÁLATAS 5

jos ꞌüsüs way pꞌin. Mpes lojí na Dios Cjües jos jin, ma polel lojí Dios ma jisas lajay jinwá. 18 Lojí na Dios Cjües jos jin, ma nujola pjü way Moisés* tepyaca mpes. 19 Pjü salejepj ꞌoyn nyuca lajay Dios ma jisas. Niyom nenem jamanun sejatsꞌom tulucj. Nequem nenem jil jis vayum tulucj jilal. Más malala quelel lajay wa nequem jilal. Más malala quelel lajay wa niyom jilal. La pülücj nin quelel lajay, ne nin lajay. 20 Ma quelel lajay Dios. Quelel lajay pꞌa dios witjacj*. Yupj Dios tꞌücꞌ way tulucj. Yupj lajay mpes lapanenpan jis capj japꞌacj. Po ma jisas gente la pꞌa. La velel yupj. Jyamanan̈ yupj. Len̈ way tsꞌa ꞌin, ne yümücj javelepj yupj. Tsꞌisin̈ yupj. Gente ma yuwal yola yupj lajay mpes. Yupj japon yupj pꞌin tꞌücꞌ way salejepj. 21 Yupj jisas la pꞌa jutsꞌaꞌá. ꞌÜsǘ myüꞌün̈, se maná yupj. Fiesta lajay yupj, se maná, ne yümücj pjac lajay yupj. La pꞌa wa malala lajay yupj. Gente lajay na yupj jinwá, ma ca mal Dios jyüꞌta ntꞌa. Ma ca mal, Dios la mijis. Yas nam niná nun jis wala tjevelé. Quina nin pꞌiyá pyac nun mpes. 22 Gente lajay na Dios Cjües jos jinwá, pꞌa casá lajay. Quelel la sajay la pꞌa. ꞌÜcj jisas yupj. Ma yola pjü mpes. Ma tsꞌa ꞌin la pꞌa jilal. Malala se palá na la pꞌa jis lal, jis capj japꞌacj. ꞌÜsüs lajay la pꞌa mpes. Tjowelepj jinwá, nin lajay yupj. 23 Ma sa velel yupj pꞌa. Ma lajay yupj

Más ücj üsüs lijicj la pa jilal. (Gálatas 5.23) El Nuevo Testamento en Tol de Honduras, 2da ed. ©2010, Wycliffe Bible Translators

GÁLATAS 5, 6

564

pꞌiyá jisas jinwá; lajay Dios jos jinwá. Ninana Dios Cjües jos nin lajay yupj. Jepapan pjü way lovin ma tjowelepj ninana malala. 24 Jesucristo jutsꞌaꞌá ncupj. Tecyaꞌlequecj jinwá qjuis tepyala Jesucristo lal, jupj cruz* poꞌo tepeꞌe na. Mpes quina ma quelel lijicj püna la tjijicj jin pꞌiyá. Püna pꞌin quelel la tjijicj, malálatsja. 25 Dios Cjües mpes quina ma quelel lijicj püna la tjijicj jinwá. La pꞌa pꞌin quelel lijicj quinam. Mpes más ꞌücj lovin la müjí Dios Cjües jos jin. 26 Ma tjowelé nun ꞌüsüs. Gente ma ca jisas nsem nun, nin welé na. Ca la mveꞌlecj nun jilal. Po ma la tjajamanaqué la pꞌa jilal.

6

ꞌÜcj cupj jis capj pꞌyaꞌsacj la pꞌa wa.

1 Natjampan,

nenéyawa nun popa pjaní ca malala la mijis ca nacj. Nun sin popa pülücj nin lajay Dios Cjües jos jin. Dios jos nenem cus mpꞌaꞌsacj ne ma malala la mijis malala lijá. ꞌÜsüs way tjowelé, ma cus tjoweꞌlé nun. Mopꞌin ꞌin tjajama nun. Ma jomá, ca nacj nun ca malala quelel la müjí ꞌotsꞌipj. 2 Nun popa lal malala pyala na, cus mpꞌaꞌsá nun. Nin lojí na, nin lojí Jesucristo tjijyüꞌta jin. 3 Nepénowa noypan jin yola yupj pꞌiyá ca nacj, mopꞌin noypan tulucj yupj. Malala nin. Tꞌücꞌ way noypan tulucj yupj. Yus tsuwil yupj pꞌiyá. 4 Pjü way neꞌaj, po nujola tꞌas nun lojí mpes. Nin nujola tꞌas ncu ꞌücj lojí. ꞌÜcj lojí, ꞌücj jisas tꞌas lojí mpes. Ma mvelé pꞌin nun más ꞌüsüs malala lajay jilal. Más ꞌücj nujola tꞌas ncu tꞌücꞌ way nun pꞌiyá ꞌücj lojí. 5 Dios jos cupj pjü way nin lijicj jupj jos jin. Nin polel lijicj jupj jos jin, jupj nin qjuis tjeꞌyaya mpes. Yuwal tulucj nin lijicj. Newa nin, jupj jos cupj pjü way nin lijicj jupj jos jin. 6 La pꞌa wa nusin ꞌyüsa liji na Dios Popel mpes, más ꞌücj nun ꞌoyá jupj lal. Mpes jupj ca ntaꞌas lo las ꞌotsꞌipj. 7 Najas nun ca jus nlayé pjü ma polel la tsuwil Dios lal. Dios selé pjü lojí mpes. Malala lajay, Dios ca jis capj ntülüs. ꞌÜsüs lajay, Dios ca ꞌüsüs lis mijis. 8 Gente yupj jisas pꞌin lajay na, tꞌücꞌ way ncaꞌlin̈ ca, ma Dios ntꞌa mpatjam yupj. Gente pꞌin quelel lajay, pasal malala niná. Gente lajay na Dios Cjües jos jin, lovin mpatjam ca Dios lal, jupj Cjües ca nin lis mijis. 9 Mpes más ꞌücj lovin ꞌüsüs quelel lijicj cupj. Más ꞌücj lovin nin lijicj. Mpes pꞌa jawas Dios tsjay ꞌüsüs ca la mijis cupj mpes, nin ca mpalas. 10 Mpes ꞌüsüs polel lijicj na la pꞌa jilal, más ꞌücj nin lijicj. ꞌÜsüs polel lijicj na Dios tsꞌuyupj jilal, más ꞌücj nin lijicj yupj jilal.

11 Quina

mpes.

Pablo tecyawaja tepyaca.

napj namas mpes pyac. Letra noypan tjunucú napj nin pyac neꞌaj nu jajütütj niyom jatꞌǘ mpes, jisas niyom

12 Nepénowa

El Nuevo Testamento en Tol de Honduras, 2da ed. ©2010, Wycliffe Bible Translators

565

GÁLATAS 6

jatꞌǘ jis pjolocꞌ tsjicj way tꞌasiyú. Yupj jisas judiopan* ꞌücj jisas nsem yupj jilal. Nin mpes nin nu jajütütj. Ma javelepj gente ꞌüsüs se palá Dios lal Jesucristo tepeꞌe mpes cruz* poꞌó. Jisas judiopan ma malala lis mijicj yupj jilal, mpes ma nin javelepj yupj. 13 Tꞌücꞌ way nepénowa nun sin popé yupj jis pjolocꞌ tsjicj way tꞌasiyú tꞌü jis tepyala quinam. Yupj pꞌiyá ma wa lajay pjü way Moisés* tjijyüꞌta jin. Newa nin, jisas nun jis pjolocꞌ tsjicj way jatꞌǘ wa. Nin tepyala na, ca mvelecj yupj pꞌiyá ꞌüsüs. Nun la tjüjí na yupj tjowelepj jin, ca nin mvelecj. Mpes po ma la tjüjí yupj javelepj jin. 14 Napj lovin ma mvelé ca napj ꞌüsüs way. Mopꞌin ca mvelé po ꞌüsüs way Jesucristo tepeꞌe cruz* poꞌó, jupj cupj qjuis Jepa Püné. Jesucristo tepeꞌe cruz poꞌó, mpes napj ntipüꞌí jinwá nosis ntꞌa. Nepénowa ma jisas Dios; yupj jisas jin pꞌiyá po ma najas napj. Napj najas jin pꞌiyá ma wa jisas yupj. 15 Niyom pülücj yupj jis pjolocꞌ tsjicj way tꞌasiyú tꞌü jis tepyala. Ma ꞌüsüs yupj Dios lal nin tꞌü mpes. Niyom pꞌa wa pülücj yupj jis pjolocꞌ tsjicj way tꞌasiyú tꞌü tulucj, ma nin jis tepyala. Ma wa ꞌüsüs yupj Dios lal ma tꞌü mpes. Mopꞌin gente pꞌa wa nasa topon Dios lal. Gente pꞌa jinwá yupj quinam, pꞌa casá quelel lajay quinam, Dios la tjiji mpes. 16 Najas nijina lajay ma nin yola pjü mpes; Dios mpes ca nin nsem. Najas Dios lovin jis capj pꞌyaꞌsa yupj, malala se palá na. Tꞌücꞌ way nenem israelpan* Dios lal. Dios lis tꞌya yupj. 17 Ma quelel nola niswá nun lojí mpes. Mpes najas nun lovin ca la müjí Dios jos jin. Tꞌücꞌ way napj tsjiꞌ lejay Jesucristo mpes. Tꞌücꞌ way tꞌyancanan̈ la tjajay napj mpꞌüy poꞌó, mpes solejé napj tsjiꞌ lejay Jesucristo mpes. 18 Natjampan, najas Jesucristo lovin ꞌüsüs way liji nun mpes. Jupj cupj qjuis Jepa Püné. Najas nin ca mpalas. Amén.

El Nuevo Testamento en Tol de Honduras, 2da ed. ©2010, Wycliffe Bible Translators

Pablo papel tepyaca Efeso moꞌo tapatja mpes

1

1 Napj

Pablo. Apóstol* napj. Dios nin tjejyama la veles jupj mpes. Jos Jesucristo poꞌo velé. Nun Dios tsꞌuyupj, neꞌaj potjaqué Efeso poꞌó. Nun so con̈có Jesucristo, ne nin lojí jupj jos jin. Quina ca mpac nun mpes. 2 Dios cupj qjuis Papay. Jesucristo cupj qjuis Jepa Püné. Najas yupj pajal ꞌüsüs lajay nun mpes. Najas ma nujola nun pjü mpes, nin la nusejay.

Dios ꞌüsüs la qjuisiji mpes, lovin más ꞌüsüs qjuiyola Dios jos jinwá. 3 Najas

ꞌüsüs velecj Dios poꞌó. Jupj Jesucristo Dios. Jupj Jesucristo Popay. Jesucristo cupj qjuis Jepa Püné. Cupj se con̈cocj Jesucristo, mpes Dios ꞌüsüs la tjiji cupj mpes. Mpes ca ꞌücj polel qjuiyola nsem Dios jos jinwá. Ca ꞌücj nlaca Dios püꞌü ntꞌa. 4 Nosis cjuwatsja na, Dios la qjuis tꞌya. La qjuis tꞌya Jesucristo mpes. Mpes cupj Dios jutsꞌaꞌá. Jupj vele ma malala ncupj. Dios quelel la qjuis tjiji, 5 mpes cupj Dios tsꞌuyupj qjuis tepyala, jupj la tjiji. Nin la tjiji nosis cjuwatsja na. Nin la tjiji Jesucristo mpes. Nin quelel la tjíjitsja, ne nin. 6 Dios pajal ꞌüsüs la qjuis tjiji, mpes más ꞌücj ꞌüsüs velecj jupj poꞌó. Jupj la tjiji po ꞌüsüs. Pajal quelel líjitsja niná cupj mpes, ne nin la tjiji. Nin la tjiji Jesucristo la tjiji mpes. Dios pasal quelel liji jupj. 7 Jesucristo ꞌos mpes, lovin ca ꞌüsüs nsem cupj Dios lal. Jesucristo ꞌos mpes, Dios perdonar la qjuisiji malala la tjijicj. Dios pasal ꞌüsüs la tjiji cupj mpes jupj quelel la qjuisiji mpes. 8 Pꞌa casá ꞌüsüs la tjiji wa. Pülücj qjuisin tjiꞌyüsa, Dios la qjuis tjiji. Mpes lovin selecj tsjan más ꞌüsüs way la mijicj. 9 Qjuisin tjiꞌyüsa la qjuis

566 El Nuevo Testamento en Tol de Honduras, 2da ed. ©2010, Wycliffe Bible Translators

567

EFESIOS 1

tjiji wa tsjan ca la mijis jupj pꞌa jawasa. Yas nam pjü ma salejeptsja niná. Mopꞌin jupj jostsja cupj nin selecj. Ninana Dios quelel liji, nin la mijis ca Jesucristo mpes. 10 Dios ca ncawajas la mijis jupj jos jin, pjü nin tepyala na jupj jos jin. Dios ca la mijis Jesucristo ca pjü müjüꞌtüs. Jesucristo ca Jepa nsem pjü jilal nosis ntꞌa, Jepa nsem wa pjü jilal tsjun poꞌó, jay la pꞌaꞌá ntꞌa ꞌotsꞌipj. 11 Dios la tjiji cupj jupj gente quinam Jesucristo mpes. Nin la tjiji nosis cjuwatsja na, nin quelel líjitsja mpes. Dios tjevele jupj jos ca nin mpalas. Pjü nin tjevele, nin liji ca nin mpalas. 12 Dios jostsja ca cupj mvelecj püné way jupj, mpes nin la qjuis tjiji. Cupj mwalá way tepyonecj ca ꞌüsüs qjuis mpalas Jesucristo mpes. 13 Nin wa nun jilal. Toponé wa. La pꞌa tꞌücꞌ way nun jis wala tjowelepj. Tjowelepj pasal ꞌüsüs. Tjowelepj mpes, nusin tjiꞌyüsa ꞌonin ne ꞌücj mpatjaqué Dios lal. Tꞌücꞌ way Jesucristo poꞌo toponé. Mpes nun Dios jutsꞌaꞌá nu tepyala, nin la tjiji jupj. Jupj tjevele ca jis maꞌayas jupj Cjües Jesucristo lal japon jis lal. Jupj nin la tjiji nun mpes, mpes solejé tꞌücꞌ way nun Dios jutsꞌaꞌá. 14 Dios tjevele nin ca la mijis jupj gente mpes. Selecj tꞌücꞌ way Dios ca nin la mijis, jupj Cjües tyaꞌacj mpes. Nin mpes selecj jupj ca perdonar la qjuis mijis, ne ca lovin ꞌüsüs nsem cupj jupj lal. Cupj jupj jutsꞌaꞌá. Mpes más ꞌücj velecj pasal püné way Dios.

15-16 Dios

Pablo tjevele Dios lal Efeso moꞌo patja mpes.

ꞌüsüs la nutjiji mpes, lovin wüiꞌis Dios lal nun mpes. Napj nin tjiꞌyüsa nun po poné Jesucristo lal. Nin tjiꞌyüsa pasal quelel la sojí Dios tsꞌuyupj pjü way. Napj velé Dios lal nun mpes. 17 Napj le mon Dios lal jupj ca nusin müꞌüsüs la mijis. Mpes lovin ca jus nlayé tsjan jos jupj ca nun la müjí. Le mon Dios lal, más pülücj nusin ꞌyüsa liji. Mpes más pülücj ca nusin müꞌüsüs Dios poꞌó. Dios cupj qjuis Papay, pasal ꞌüsüs way, pasal püné way jupj. Jupj Jesucristo Dios. Jesucristo cupj qjuis Jepa Püné. 18 Napj le mon Dios lal nun ca ꞌüsüs nusin müꞌüsüs jupj jos jinwá. Jupj la nu tꞌya, nucopj tjepꞌyaꞌsa toponé, mpes nun jupj tsꞌuyupj quinam. Nin mpes pasal ꞌüsüs ca nu mpalas. Najas nun ca jus nlayé tsjan niná jupj ca la mijis nun mpes. Ca jus nlayé pasal ꞌüsüs ca la mijis nun mpes. Jupj tjevele nin ca la mijis jupj tsꞌuyupj mpes. Jupj pajal pülücj se ꞌaya, pajal ꞌüsüs se ꞌaya jupj. 19 Ca jus nlayé Dios pjü ꞌücj liji cupj mpes, pajal ꞌüsüs liji jupj. Pasal püné jupj pjü jis lal. Nin liji pjü way cupj mpes, Jesucristo lal pyonecj mpes. Pajal qjuis capj pꞌyaꞌsa jupj. Tꞌücꞌ way Dios pasal püné way

El Nuevo Testamento en Tol de Honduras, 2da ed. ©2010, Wycliffe Bible Translators

EFESIOS 1, 2

568

jupj, ꞌücj pjü lo jütütj. 20 Solejé pasal ꞌüsüs way la tjiji Dios Jesucristo mpes. Jesucristo tepeꞌe na, Dios jas tjijyünsa jupj, tüpüꞌü niswá. Dios tjevele ꞌücj Jesucristo maꞌajam jupj pjwel liꞌinyampe tsjun poꞌó, mpes selecj Jesucristo pajal püné way. 21 Nin mpes pajal püné Jesucristo pjü jis lal. Más püné jupj pjü jepapan jis lal tsjun poꞌó, más püné jupj jay la pꞌaꞌa ntꞌa jajütütj jis lal ꞌotsꞌipj, nosis ntꞌa jajütütj jis lal ꞌotsꞌipj. Más püné jupj pjü noypan jis lal, pjü jepapan jis lal wa. Len̈ pꞌa más püné. Nin quinam. Lovin ca nin nsem. 22 Jesucristo jyüꞌta pjü jilal. Nin polel liji, Dios la tjiji. Jesucristo Jepa Dios tsꞌuyupj jilal; nin tepyala, Dios la tjiji mpes. 23 Jesucristo püꞌü Dios tsꞌuyupj jisas moꞌó, si jütüta yupj; mpes Jesucristo jüpꞌüy jinwá yupj. Jesucristo jun taꞌá püꞌü lovin. Jyüꞌta pjü jilal.

2

1 Dios

Tecyaꞌlin̈ jinwatsja cupj yas nam. Nin tulucj quinam Jesucristo mpes.

la tjiji nun ca mpatjaqué jupj lal. Püna nin tuluctsja nun. Yas nam nun ma la tjüjí Dios jostsja jin. Pasal malala la tjüjí. Nun ma nujisastsja Dios, mpes tacaꞌliqué jinwatsja nun jupj lal. 2 Pasal malala la tjüjí püna pꞌin, nosis casá patja lajay jinwá. Nin la tjüjí diablo* tjijyüꞌta jin. Diablo jyüꞌta malalapan jay la pꞌaꞌá. Jyüꞌta wa gentas, yupj ne ma quelel lajay Dios vele jin. 3 Tꞌücꞌ way yupj jin pꞌiyá la tjijicj pjü way cupj. Cupj qjuisastsja, nin la tjijicj. Ma la tjijicj Dios jostsja jin. Gente quelel lajay, pasal malala. Lovin nin la tjijicj wa cupj. Dios ca jis capj ntülüs ninana lajay. Yupj jin pꞌiyatsja cupj; gente wa cupj, ma qjuisastsja Dios custjay. Mpes malala watsja ncupj Dios lal. 4 Dios pasal quelel la qjuisiji, mpes po quelel qjuis capj pꞌyáꞌsatsja. 5 Dios vele tecyaꞌlequecj jinwatsja cupj; ma qjuisastsja Dios, ne nin. Ma la tjijicj Dios jostsja jin. Nin tulucj quinam. Quina qjuisas Dios. Qjuisas pjü way jupj velá. Dios la tjiji cupj lovin ca mpatjaquecj. Jesucristo jas tjijyünsa, tüpüꞌü niswá, mpes nin la qjuis tjiji Dios. Dios quelel la nutjiji, mpes ca mpatjaqué jupj lal. 6 Tecyaꞌlequecj na, ca qjuisin müjünsücj la pütꞌüs niswá, Dios nin la tjiji. Jesucristo jas tjijyünsa, tüpüꞌü niswá, mpes nin la tjiji Dios cupj mpes. Dios nin la tjiji cupj ca mpatjaquecj Jesucristo lal tsjun poꞌó. Nin la tjiji Jesucristo se con̈cocj mpes. 7 Dios pasal ꞌüsüs la qjuis tjiji Jesucristo mpes. Dios pjü seyasa liji na, jupj jos pjü ca jus nlayecj jupj pajal quelel la qjuis tjiji; nin mpes nin la tjiji jupj. 8 Dios ꞌüsüs liji nun mpes, jupj quelel la nusiji mpes; nin mpes ca mpatjaqué Dios lal. Jesucristo poꞌo toponé, mpes nin la nusiji jupj.

El Nuevo Testamento en Tol de Honduras, 2da ed. ©2010, Wycliffe Bible Translators

569

EFESIOS 2

Nun pꞌiyá la tjüjí mpes nin liji tulucj. Nin la nusiji, jupj jos mpes pꞌin. nun pꞌiyá la tjüjí mpes ca mpatjaqué lovin Dios lal. Mpes ma polel welé nun pꞌiyá la tjüjí mpes ca nin nsem. 10 Dios la tjiji mpes nin qjuis tepyala. Jupj la qjuis tjiji pꞌa casá lijicj quinam. Cupj se con̈cocj Jesucristo, mpes nin lijicj quinam. Dios jostsja cupj ꞌüsüs la mijicj la pꞌa mpes, ne nin la qjuis tjiji jupj. Püna Dios tjevele nin jostsja ca cupj la mijicj. 9 Ma

Judiopan nin pꞌiyá quinam judiopan tulucj jilal.

11 Nujola

tꞌas nun judiopan* tulucj. Nun popay, nun sejamay wa, judiopan tulucj yupj, mpes nin. Judiopan javelepj na nun poꞌó, javelepj nun Dios gente tulucj. Javelepj na yupj pꞌiyá poꞌó, javelepj yupj Dios gente. Yupj jatꞌǘ niyom jis pjolocꞌ tsjicj way tꞌasiyú, judiopan püna la tjajay jinwá, mpes javelepj yupj ne Dios gente. Nin la tjajay Dios tjevele mpes. Mopꞌin nin, yupj ma Dios gente se palá, jis pjolocꞌ jatꞌǘ mpes la pꞌin. 12 Nun judiopan tulucj, mpes yas nam ma lu nucutsja Yom pjaní ncuwim nucopj lo pꞌacj. Najas nin nujola pyala nun. Dios lis tꞌya judiopan. Jupj tjevele nin la mijis yupj mpes. Niná ma nun jilal tjevele Dios. Nosis ntꞌa potjaqué, newa ma solejetsja tsjan ca nu mpalas, tacaꞌliqué na. Dios ma nucopj cyón̈catsja. 13 Nun campa way tapatjaqué Dios püꞌü mpe. Quina nun so con̈có Jesucristo. Mpes neꞌaj way pꞌin Dios püꞌü mpe potjaqué quinam. Jesucristo ꞌos mpes, nun potjaqué quinam neꞌaj way pꞌin Dios püꞌü mpe. 14 Judiopan* tulucj pülücj jisas Jesucristo quinam. Yupj jilal judiopan ꞌüsüs quinam. Judiopan pülücj jisas wa Jesucristo quinam. Yupj jilal judiopan tulucj ꞌüsüs quinam. Judiopan nin pꞌiyá quinam judiopan tulucj jilal Jesucristo mpes. Jesucristo mpes, yuwal yola quinam. 15 Quina ꞌücj judiopan ma lajay pjü way Moisés* tjijyüꞌta jin püná, mpes nin tepyala. ꞌÜcj ma nin lajay, Jesucristo cruz* poꞌo tepeꞌe mpes. Mpes pjü way Jesucristo jisas, pjü nenem nin pꞌiyá se palá. Nepénowa judiopan waytsja yupj. Nepénowa judiopan tuluctsja yupj. Nin tulucj quinam. Pjü nenem Dios gente quinam. Pjü yuwal nin yola quinam, nin pyala. 16 Jesucristo tepeꞌe cruz poꞌó, mpes quina judiopan tulucj nenem ma tsꞌa ꞌin judiopan jilal. Judiopan nenem ma wa tsꞌa ꞌin yupj judiopan tulucj jilal. Nin pꞌiyá yupj, Dios lis tjiji. Jesucristo tepeꞌe cruz poꞌó, mpes pjü nenem Dios jomicapan quinam, Dios la tjiji. 17 Jesucristo jos pjü ma tsꞌa ꞌin pꞌa jilal. Jupj tjacꞌ, tjevele tsjan más ꞌücj la mijicj cupj, ne ma tsꞌi miꞌinacj mpalas. Jis walapꞌaꞌa tjevele

El Nuevo Testamento en Tol de Honduras, 2da ed. ©2010, Wycliffe Bible Translators

EFESIOS 2, 3

570

judiopan* tulucj jilal, yupj ne campa tapátjatsja Dios püꞌü mpe. Jis walapꞌaꞌa tjevele wa judiopan jilal, yupj ne Dios püꞌü mpe neꞌaj pꞌin tapátjatsja. 18 Jesucristo la tjiji mpes, judiopan pjü, judiopan tulucj wa pjü, ꞌücj polel javelepj qjuis Papay lal, ne pjoca jupj. Dios Cjües jáꞌasa judiopan jisas moꞌó, jáꞌasa wa judiopan tulucj jisas moꞌó, mpes nin polel lajay yupj pjü. 19 Nun judiopan* tulucj. Nun Dios jutsꞌaꞌá tuluctsja yas nam. Quina nun Dios jutsꞌaꞌá, Dios tsꞌuyupj way nun, la pꞌa jinwá. Ca mpatjaqué jupj lal. 20 Judiopan* Dios tsꞌuyupj yupj, mwalá way nin jis tepyala. Yupj Dios wo jinwá Dios lal. Apostolpan* tjowelepj, profetapan* tjowelepj wa, ꞌamá yumal jinwá niná, wosis la jünsüs. Wo ton̈ca ꞌamá yumal moꞌó. Judiopan Dios tsꞌuyupj jis tepyala, topon mpes. Topon apostolpan tjowelepj, topon profetapan tjowelepj wa. Yupj ne nin tjowelepj Dios tjevelá. Jesucristo pe tsjomis jinwá. Pe wosis pe tsjomis casá ton̈ca. 21 Jupj wo ꞌücj ton̈ca tsjomis mpes. Dios tsꞌuyupj patja Jesucristo mpes. Dios tsꞌuyupj Dios wo yupj, yupj qjuis Jepa Jesucristo jutsꞌaꞌá mpes. Lovin más pülücj Dios tsꞌuyupj se palá yupj, Jesucristo nin liji. 22 Nun Dios tsꞌuyupj nu tepyala wa, Jesucristo la tjiji mpes. Mpes nun, pjü Dios tsꞌuyupj jilal, Dios wo nun. Neꞌaj püꞌü Dios Cjües.

3

Pablo Dios mpes tjevele judiopan tulucj jilal.

1 Nin

mpes napj Dios lal velé nun mpes. Napj cawilta moꞌo ꞌos, Jesucristo mpes tsjiꞌ lejay ne. Cawilta moꞌo ꞌos, napj tjevelé mpes judiopan* tulucj jilal. Nun pꞌin judiopan tulucj. 2 Napj pyon nun jus nlayé Dios nin tjejyama nin la veles nun jilal. Dios nin tjejyama ꞌüsüs nu lo pal. 3 Dios nin tjiꞌyüsa la tjiji tsjan quelel líjitsja jupj. Yas nam pjü ma salejeptsja niná. Quina tsjicj way tepyac niná poꞌó. 4 Moꞌo welé na napj tepyac, ca nusin müꞌüsüs napj nin tjiꞌyüsa jinwá. Napj nin tjiꞌyüsa tsjan niná Dios gente jis lal la siji. Jesucristo la tjiji mpes, nin liji niná. 5 Püna Dios ma sin tjiꞌyüsa la tjiji pjü jilal tsjan niná jupj quelel líjitsja. Quina Dios Cjües sin tjiꞌyüsa la tjiji jupj apostolpan*, jupj profetapan* ꞌotsꞌipj. Yupj ne jupj jutsꞌaꞌá. 6 Quina ca mpac tsjan niná Dios sin tjiꞌyüsa la tjiji. Judiopan* pülücj topon quinam Jesucristo lal. Judiopan tulucj pülücj topon wa. Dios ꞌüsüs jis maꞌayas ca judiopan jilal yupj topon na. Nin pꞌiyá ca jis maꞌayas wa judiopan tulucj jilal. Judiopan nenem Dios tsꞌuyupj jis tepyala. Judiopan tulucj Dios tsꞌuyupj jis tepyala wa yupj topon na. Yuwal

El Nuevo Testamento en Tol de Honduras, 2da ed. ©2010, Wycliffe Bible Translators

571

EFESIOS 3

yupj. Dios tjevele ca ꞌüsüs la mijis judiopan jilal Jesucristo mpes. Nin pꞌiyá ca la mijis judiopan tulucj jilal. 7 Niná Dios sin tjiꞌyüsa la tjiji apostolpan*, profetapan* ꞌotsꞌipj. Dios nin tjejyama niná la veles pꞌa jilal. ꞌÜsüs la tjiji napj lal. Napj la tjejay mpes tulucj nin tjejyama. Napj nin polel lejay jupj jos jin, jupj nin la niji mpes. Pasal püné way jupj. 8 Napj más tsjicj pjü Dios tsꞌuyupj jilal; mopꞌin nin, Dios nin tjejyama la veles judiopan* tulucj jis walapꞌaꞌá, jupj pꞌiyá jostsja mpes. Nin tjejyama jis lal la veles Jesucristo poꞌó. Pasal ꞌüsüs way liji Jesucristo yupj mpes, jupj jisas na. 9 Dios quina quelel liji, jostsja niná sin ꞌyüsa lejay napj pjü gente jis lal. Dios quina quelel liji, lovin ma sin tjiꞌyüsa la tjiji yas nam. Dios pjü la tjiji, mpes jatja yupj. 10 Dios püꞌü ntꞌa, angelpan* jatja neꞌaj, jajütütj yupj. Angelpan pꞌa wa jatja neꞌaj, noypan yupj. Yupj pjü way tsjiꞌ lajay Dios mpes. Dios jos yupj januc jupj pajal ꞌüsüs liji jupj tsꞌuyupj jilal. Jupj angelpan sin ꞌyüsa liji jupj selé tsjan más ꞌüsüs la mijis. Jupj selé mpes pajal ꞌüsüs liji jupj lovin. 11 Püna, pjü cjuwatsja na, Dios quelel líjitsja niná. Quina nin liji, ne nin pyala jupj jos jin, jupj la tjiji mpes Jesucristo lal. Jesucristo cupj qjuis Jepa Püné. 12 ꞌÜcj velecj Dios lal, Jesucristo lal pyonecj mpes. Ma lecj meyacj nin velecj. Selecj ca mpjacam jupj. 13 Mpes po najas nun ma ꞌaplijila nu pyala, cawilta moꞌo ꞌos mpes. Cawilta moꞌo ꞌos, nun jis wala tjevelé mpes Jesucristo poꞌó. ꞌÜsüs nu pyala, cawilta moꞌo ꞌos mpes.

14 Nticꞌ

Jesucristo pasal quelel la qjuisiji.

jin jünsüs, velé qjuis Papay lal nun mpes. Nticꞌ jin jünsüs, jupj püné mpes. 15 Pjü Dios tsꞌuyupj Dios püꞌü ntꞌa, nosis ntꞌa ꞌotsꞌipj, yupj jis pülücpan pjü. Nin jis tepyala qjuis Papay Dios mpes. 16 Dios tsjay ꞌüsüs polel la qjuisiji. Napj le mon jupj lal, ca jupj poꞌo nujola nsem lovin. Napj le mon jupj Cjües ca nucopj mpꞌaꞌsas, mpes nun ca ꞌücj nusin la ꞌüsüs Dios poꞌó. 17 Le mon Dios lal, Jesucristo lovin ca maꞌajam nujisas moꞌó, jupj lal poné mpes. Mpes nun pajal ꞌüsüs ca quelel lis mijicj la pꞌa lovin. 18 Le mon Dios lal, nun ca polel nusin müꞌüsüs Jesucristo pasal quelel la qjuisiji. Le mon Dios lal jupj tsꞌuyupj pjü way ca ꞌücj sin müꞌüsüs niná. 19 Costa way qjuisin ꞌyüsa Jesucristo pasal quelel la qjuisiji. Ma polel nin qjuisin ꞌyüsa cusapj. Nin mpes le mon Dios lal nun ca jus nlayé Jesucristo pasal quelel la qjuisiji. Niná solejé na, ca nujola nsem Dios jos jinwá, nin ca nu mpalas. 20 Más ꞌücj ꞌüsüs way velecj Dios poꞌó. Le monacj Dios lal; newa nin, jupj más ꞌüsüs polel liji cupj le monacj lal. Más ꞌüsüs polel liji cupj

El Nuevo Testamento en Tol de Honduras, 2da ed. ©2010, Wycliffe Bible Translators

EFESIOS 3, 4

572

qjuiyola lal. Nin polel liji, jupj tsjay püné mpes. Tsjay pülücj way liji cupj mpes. Nin liji, jupj püné mpes. 21 Dios tsꞌuyupj sa con̈ Jesucristo; más ꞌücj pjü way nenem lovin tsjay ꞌüsüs javelepj Dios poꞌó. Más ꞌücj nin javelepj lovin. Najas nin pyala.

4

1 Qjuis

Dios tsꞌuyupj pjü way jis pülücpan yupj.

Jepa Jesucristo mpes tsjiꞌ lejay mpes quiꞌá ꞌos cawilta moꞌó. Nun Dios jutsꞌaꞌá, nin nu tepyala. Mpes najas nin la müjí jupj jos jin. Dios jostsja nin lojí, la nu tꞌya na. Jos nin lojí custjay. 2 Ma noypan jin nujola tꞌas nun pꞌiyá. Ma lo velelé pꞌa jilal. Ma tsꞌu tjiꞌinyá yupj jilal. Nenéyawa ma nujisas nsem la pꞌa lajay. Po ma nujola tꞌas. Lovin nin quelel lis müjí yupj. 3 Yuwal nujola tꞌas lovin, pjü way nun. Nin mpalas ca, nin lojí na Dios Cjües jos jin. Nin lojí na, ma la mveꞌlé ca nunwá. 4 Cupj Dios tsꞌuyupj. Cupj pjü way qjuis pülücpan. Dios Cjües pjaní pꞌin, pjü qjuisas moꞌo püꞌü jupj. Nun Dios tsꞌuyupj nu tepyala pjü way, Dios la nu tꞌya mpes. Jupj nin tjevele pjü way cupj ca nlaca jupj püꞌü ntꞌa. 5 Cupj qjuis Jepa Püné pjaní pꞌin. Pjaní mpes pꞌin gente ꞌüsüs se palá yupj Dios lal. Jesucristo lal japon na, ꞌüsüs nsem yupj Dios lal. Dios tsꞌuyupj pjü way bautizar* se palá Jesucristo lal japon na. Jisas nin se palá, jisas pjü way sin ꞌyüsa quinam yupj sa con̈ Dios. 6 Dios pjaní pꞌin. Jupj cupj qjuis Papay. Pjü cupj jupj tsꞌuyupj. Jupj si jütüta pjü way. Jun taꞌá wine. Wama jama pjü way moꞌó. 7 Jesucristo pasal ꞌüsüs la qjuis tjiji pjü way cupj mpes. Mpes pjü cupj nin polel lijicj jupj jos jin. Niná polel lijicj, niná qjuesé ꞌaya mpes. Ma yuwal lijicj; jupj jos jin lijicj pꞌin. 8 Dios Popel vele: “Tsjun casapa tjemey na, ntjüiꞌle jilal tjemyana jupj. Jis tjeꞌyaya gente polel tsjiꞌ lajay Dios mpes. Niná polel lajay, nin jis tjeꞌyaya.” Dios Popel nin vele. 9 Dios tjevele Jesucristo viyá tjemey. Mpes selecj mwalá way la palá tjacꞌ. Selecj tjuwine nosis ntꞌa. Dios tjevele viyá tjemey, mpes selecj nosis mpe tjemey. 10 Palá tjacꞌ nosis ntꞌa. Jupj pꞌiyá viyá tjemey tsjun casapa ntꞌa. Tjemey Jepa Püné la ꞌosos, pjü si jütüta mpes. 11 Ninana cupj polel lijicj, jupj qjuis tjeꞌyaya niná. Nepénowa ꞌücj polel jil Dios mpes, la veles Jesucristo poꞌó. Nin polel lajay, Dios jis tjeꞌyaya mpes. Apostolpan* yupj. Pꞌa wa ꞌücj polel javelepj pꞌa jilal Dios tjevelá mpes. Nin polel lajay, Dios jis tjeꞌyaya mpes. Profetapan*

El Nuevo Testamento en Tol de Honduras, 2da ed. ©2010, Wycliffe Bible Translators

573

EFESIOS 4

yupj. Pꞌa wa ꞌücj polel jil pꞌa ntꞌa, sin ꞌyüsa lajay Jesucristo poꞌó. Nin polel lajay wa, Dios jis tjeꞌyaya mpes. Pꞌa wa lajay mpes, Dios tsꞌuyupj más ꞌüsüs sa con̈ Dios. Nin polel lajay, Dios jis tjeꞌyaya mpes. Dios tsꞌuyupj sin ꞌyüsa lajay. 12 Dios jostsja jupj tsꞌuyupj más ꞌüsüs polel tsjiꞌ lajay jupj mpes, ne nin jis tjeꞌyaya yupj ꞌücj nin lajay. Nin lajay mpes Dios tsꞌuyupj pjü way más ꞌüsüs ca cus ncon̈cocj Dios. 13 Pjü cupj nin pꞌiyá ca mponecj Dios Jatjam poꞌó, nin ca mpalas. Pjü cupj nin pꞌiyá ca jus nlayecj Dios Jatjam mpes. Ca qjuiyola nsem Dios jos jinwá. Ca qjuisas nsem Dios, Jesucristo jostsja jinwá jupj Popay Dios. 14 Mpes ma ca mponecj la tsuwilpan javelepj. Pülücj lyawun̈ la tsuwil. Pülücj mpes sin ꞌyüsa la sajay. Nepénowa tꞌücꞌ way tulucj yola yupj quinam, la tsuwilpan javelepj topon mpes. La tsuwilpan nenem pasal yola tsjan más ꞌücj javelepj; po jisas gente mponecj ca yupj javelepj mpes. Tsjictjacj len̈ way japon yupj javelepj. Mopꞌin cupj ma ca tsjictjacj jinwá nsem. Ma ca mponecj cupj la tsuwilpan jilal. 15 Dios jos tꞌücꞌ way velecj. Nin velecj na pꞌa jilal, Dios jos quelel la sijicj yupj. Dios jos cupj ca nin pꞌiyá qjuiyola Jesucristo jola jinwá. Jupj jos ca nin qjuis mpalas cupj. Jesucristo jyüꞌta, mpes jüpꞌüy jay pjucj jinwá. 16 Cupj Jesucristo jüpꞌüy jinwá, jupj qjuisí jütüta mpes. Jüpꞌüy jas tüpwes ꞌa mulú; pjü way cupj jupj jüpꞌüy pjaní jinwá. Newa nin, Dios tsꞌuyupj jüpꞌüy pjaní yupj. Jüpꞌüy jas tüpwes ꞌüsüs na, yupj nin lajay jay pjucj jyüꞌta jin. Mpes jüpꞌüy ꞌücj tꞌyüna. Jüpꞌüy jas tüpwes nin liji jay pjucj jos jin. Nin pꞌiyá, Dios tsꞌuyupj lajay na Jesucristo jyüꞌta jin, ca yola nsem Jesucristo jos jinwá. Pajal ca quelel lis mijicj Dios tsꞌuyupj pjü way.

17 Mpes

Dios jos jupj tsꞌuyupj nin lajay, nin pꞌiyá la müjí.

nun jis wala velé, po ma malala la müjí niswá, Dios ma jisas jinwá. Malala yola yupj. Ma ꞌüsüs se palá, malala yola mpes. Qjuis Jepa Jesucristo jos napj nun jis wala velé niná. 18 Yupj ma sin ꞌyüsa Dios poꞌó. Dios lal ca mpatjam tulucj. Tꞌücꞌ way ma sin tjiꞌyüsa, mpes nin. Yupj pꞌiyá ma quelel sin ꞌyüsa. 19 Ma se mayca yupj lajay mpes. Yupj sin nin lajay yupj jisas jin. Pjü malala, pjü quelel lajay. Lovin quelel malala nyuca lajay yupj. 20 Jesucristo poꞌo nusin tjiꞌyüsa na, nusin tjiꞌyüsa jupj jos ma lojí yupj lajay jinwá. 21 Nun tjapjaꞌaqué Jesucristo poꞌó. Nun jisastsja Jesucristo. Tꞌücꞌ way nusin tjiꞌyǘsatsja Jesucristo poꞌó. Jesucristo tꞌücꞌ way tjevele. 22 Nun Jesucristo ma nujisastsja na pꞌin, lovin malala quelel

El Nuevo Testamento en Tol de Honduras, 2da ed. ©2010, Wycliffe Bible Translators

EFESIOS 4

574

la tjüjitsja. Nin la tjüjí nun jisastsja mpes. Nujólatsja ꞌücj nujisas nsem nin la tjüjí mpes. Nin tulucj. Malala nu pyálatsja nin la tjüjitsja mpes. Ninana ma la müjí niswá. 23 La pꞌa mpes nin nujola tꞌas quinam. Dios jos pꞌin, nin pꞌiyá nujola tꞌas nun. 24 Quina nujisas Jesucristo. Mpes Dios tsꞌuyupj quelel lajay, nin pꞌiyá la müjí. Yupj quelel ꞌüsüs lajay, Dios sin tjiꞌyüsa lis tjiji mpes. Mpes ꞌüsüs ca la mijicj, Dios jinwá. Ma malala quelel la mijicj. 25 Lovin ma la ntsawilí niswá. Nun sejatjampan pjü way Jesucristo jutsꞌaꞌá, mpes lovin tꞌücꞌ way tjowelé yupj jilal. Cupj ꞌa mulú, jüpꞌüy pjaní jinwá ncupj. 26 “Nenéyawa ca tsꞌi miꞌiná nun. Nin tepyala na, ma malala la tjüjí.” Len̈ way nu tjüꞌüꞌsüs la müjí, tsꞌu ꞌinyá mpes. Malala way tsꞌu ꞌinyá custjay quelel tꞌyaja na. 27 Tsꞌu ꞌinyá na, nun ca malala la müjí ca nacj diablo* jos jin. Mpes len̈ way nu tjüꞌüꞌsüs la müjí, tsꞌu ꞌinyá na. 28 Nepénowa tepequen̈tsja. Po ma mpeꞌqué quinampa. Más ꞌücj tsjiꞌ lojí. Mpes ca ntaꞌá nujisas mpes. Ca ꞌücj polel maꞌayá wa cjuwá jilal. 29 Po ma malala tjowelé pꞌa jilal. Pꞌa jilal welé na, ꞌüsüs tjowelé yupj jilal. Mpes ꞌücj jisas ca jis mpalas. Nenéyawa gente ꞌaplijila jatja, jisas ꞌüsüs mvelecj yupj jilal. Nin lijicj na, ꞌüsüs se palá, velecj mpes. 30 Ma la müjí ne Dios Cjües ꞌaplijila mpalas. Dios nu tjeꞌyaya jupj Cjües. Jupj Cjües nujos moꞌo püꞌü mpes, nun solejé nun Dios jutsꞌaꞌá.

Más ücj tsji lojí. Mpes ca ntaá nujisas. (Efesios 4.28) El Nuevo Testamento en Tol de Honduras, 2da ed. ©2010, Wycliffe Bible Translators

575

EFESIOS 4, 5

Solejé nun ꞌüsüs quinam Dios lal, jupj perdonar la nutjiji mpes. Nin mpes pꞌa jyawca na ca mpatjaqué jupj lal. 31 Ma malala nujola tꞌas nun sejatjampan sin poꞌó, yupj la tjajay mpes nun jilal. Po ma tsꞌu tjiꞌinyá yupj jilal. Ma jilal la tjoweꞌlé nun. Ma la ntsawilí la pꞌa la tjajay mpes. Ma nujisas tꞌas malala se palá yupj. 32 ꞌÜsüs la tjüjí nun sejatjampan mpes. Malala se palá na, nujola tꞌas yupj mpes. Jesucristo mpes, Dios perdonar la nutjiji malala nyuca la tjüjí. Nin pꞌiyá perdonar lis müjí nun sejatjampan malala nyuca la nutjajay mpes.

5

Jesucristo tjevelá jaw jinwá, jupj tꞌücꞌ way tjevele mpes.

1 Dios

quelel la nusiji. Nun jupj tsꞌuyupj. Mpes más ꞌücj Dios jinwá la müjí nun. 2 Más ꞌücj lovin quelel lis müjí la pꞌa, Jesucristo quelel la qjuisiji jinwá. Jupj tjeꞌyaya jupj pꞌiyá Dios lal. Jupj jostsja cupj ꞌüsüs nsem Dios lal, mpes ꞌüctsja jupj lal la pꞌa tjüꞌünan jupj. Tsjay ꞌücj jos Dios Jesucristo la tjiji mpes. 3 Cupj Dios tsꞌuyupj. Dios jos yom ma myaꞌna jatsꞌom tulucj. Dios jos quepj ma jama voyum tulucj lal. Dios jos ma lojí niná, mpes ma ca nin la müjí. Ma nujisas tꞌas la pꞌa jatatj. Ma nin mvelé ninana mpes. Nin welé, nin pꞌiyá ca quelel la müjí ca nacj. Pjü way nun lovin la müjí Dios tjevelá. 4 Ma lapj way mvelé yom neꞌaj myaꞌna jupj jatsꞌom. Ma mvelé nun ma yola jinwá. Ma lapj way mvelé, la pꞌa jus lo wicꞌ. Dios tsꞌuyupj nin javelepj na, pasal malala Dios lal. Más ꞌücj cupj wiꞌiquecj Dios lal, jupj la tjiji mpes cupj qjuilal. 5 Tꞌücꞌ way niyom nepenowá jamanun sejatsꞌom tulucj. Tꞌücꞌ way nequem pjeꞌá lyawun̈ jis vayum tulucj jilal. Tꞌücꞌ way gente lyawun̈ ma lajay Dios jos jinwá. Tꞌücꞌ way gente lyawun̈, jisas pꞌa gente jatatj. Po jisas pꞌa yutsꞌaꞌá; yola niná más ꞌüsüs Dios lal. Pjü nenem ma ca mpatjam Jesucristo jyüꞌta ntꞌa, jupj Popay Dios jyüꞌta ntꞌa wa. Yupj ma la mijicj malala lajay mpatjam neꞌaj. Niná po najas nun jus nlayé ca. 6 Napj nun jis wala tjevelé Dios jos ma lijicj mpes. Nepénowa ca mvelecj ꞌücj nin lojí. La tsuwil yupj. Jisas nun ca mponé yupj jis lal. Tꞌücꞌ tulucj javelepj. Ma mponé nun. Yupj lajay mpes, pꞌa jawas Dios ca jis capj ntülüs. Ma lajay Dios tjevelá. 7 Po ma jis capj ncon̈có nun la tsuwilpan nenem. 8 Yas nam nun ma la tjüjí Dios jostsja jin. Nun püste ntꞌa tapatjaquetsja jinwá. Nin tulucj quinam. Qjuis Jepa Jesucristo mpes, quina nin lojí Dios jos jinwá. Jaw ntꞌa potjaqué jinwá nun quinam. Nin mpes ꞌüsüs la müjí lovin. 9 Jaw ntꞌa patja jinwá lojí, ꞌüsüs lojí la pꞌa jis lal, ꞌüsüs

El Nuevo Testamento en Tol de Honduras, 2da ed. ©2010, Wycliffe Bible Translators

EFESIOS 5

576

nyuca lojí lovin Dios jos jin, nin welé wa tꞌücꞌ way. 10 Mpes nusin tjüꞌüsüs tsjan niná Nujepa Jesucristo jos nun lojí. 11 Malala lajay, püste ntꞌa patja jinwá yupj. Ma ꞌüsüs se palá yupj lajay mpes. Lovin ma la müjí yupj lajay jinwá. Más ꞌücj sin ꞌyüsa lojí tsjay malala niná yupj lajay. 12 Yupj jisas pjü ma januc yupj lajay. La pꞌa se mayca la veles tsjan niná yupj lajay. 13 Tꞌücꞌ way jaw jinwá. Tꞌücꞌ mpes, yupj ca nucucj yupj lajay malala. Tꞌücꞌ mpes, yupj ca sin müꞌüsüs yupj lajay malala. Mpes ca nacj ca jisas nsem Jesucristo tjevelá. Jupj tjevele tꞌücꞌ way. 14 Yom pjaní nin tjevele püste ntꞌa lyawun̈ sin poꞌó. Tjevele: “ꞌI tipüꞌí jinwá jipj. Tsyülümǘ jipj. Was jipj tecyaꞌlin̈ patja jinwá mpe. Ca majawaques jipj ntꞌa, Jesucristo jin ꞌyüsa la mijis mpes.” Nin tjevele jupj. 15 Mpes lovin ꞌin tjajama nun lojí mpes. Ma la müjí ma yola lajay jinwá. Más ꞌücj lojí ꞌüsüs yola lajay jinwá. 16 Quina tsjay pülücj lyawun̈, malala lajay. Mpes más ꞌücj nun lovin ꞌüsüs lojí. 17 Ma la müjí ma yola lajay jinwá. Nusin tjüꞌüsüs tsjan jos qjuis Jepa Jesucristo nun ca nin la müjí. 18 Po ma nu tjomonas nun. Se maná pasal malala lajay, malala se palá yupj. Más ꞌücj nun jisas Dios Cjües lovin jáꞌasa nujos moꞌó. Más ꞌücj lovin quelel lojí Dios Cjües nu jyüꞌta jin. 19 Püna Dios mpes tjenejetsꞌen̈ tapac, niná mpes tjowelé nun pꞌiyá jilal. Najas nüejetsꞌequé Dios poꞌó. Nin pꞌiyá tjowelé nun pꞌiyá jilal. Po tjünüejetsꞌequé qjuis Jepa Jesucristo mpes, pjoca jupj. Pasal nujisas tꞌas ne nin la müjí. 20 Lovin tjüwüiꞌiqué Dios lal pjü mpes. Dios cupj qjuis Papay. Solejé Dios pjoca nun welé. Pjoca Jesucristo mpes. Jesucristo cupj qjuis Jepa Püné.

21 Tsjay

Nequem ca nin la mijicj jis vayum javelepj jin.

ꞌüsüs nujola nun Jesucristo poꞌó. Mpes jupj jos nucopj pꞌoꞌsá nunwá. Jos nun poné nun más ꞌüsüs tulucj la pꞌa jilal. 22 Nequem, nin la müjí nuvoyum javelepj jin. Tꞌücꞌ way nin lojí Nujepa Jesucristo vele jin. Nin pꞌiyá la müjí wa nuvoyum javelepj jin. 23 Jesucristo Jepa Dios tsꞌuyupj mpes. Jesucristo la tjiji yupj ꞌücj ca mpatjam Dios lal. Nenem Jesucristo jüpꞌüy jinwá. Nin pꞌiyá niná, nun nuvoyum nun jis jepapan. 24 Dios tsꞌuyupj lajay Jesucristo vele jin. Nin pꞌiyá, más ꞌücj nin lojí pjü way, nuvoyum javelepj jin.

25 Niyom,

Niyom ca quelel la mijicj yupj sejatsꞌom.

quelel lis müjí nun sejatsꞌom, Jesucristo Dios tsꞌuyupj quelel lis tjiji jinwá. ꞌÜctsja jupj lal la pꞌa tjüꞌünan jupj, ca gente Dios El Nuevo Testamento en Tol de Honduras, 2da ed. ©2010, Wycliffe Bible Translators

577

EFESIOS 5, 6

tsꞌuyupj jis mpalas yupj. 26 Jupj jostsja Dios tsꞌuyupj Dios jutsꞌaꞌá ca jis mpalas, mpes ꞌüctsja jupj lal nin tepyala jupj lal. Dios ma jola jupj tsꞌuyupj malala nyuca la tjajay mpes. Jesucristo tjevelá topon, mpes nin. Yupj ꞌüsǘ mpes tjeꞌyasꞌün̈ jinwá yupj. Salá jinwá jis tepyala quinam. 27 Jesucristo jostsja Dios tsꞌuyupj tsjay ꞌüsüs nsem yupj, mpes niná nin la tjiji cupj mpes. Yupj pülül ꞌüsüs jinwá nsem. Pülül ꞌüsüs te tulucj. Ma jus mulumulú tepyala. Pülül ꞌüsüs ma la tücüeme custjay. Nin pꞌiyá ꞌüsüs nsem Dios tsꞌuyupj. Yupj ca nlüjün̈ Jesucristo lal, jupj pꞌiyá ca nin la mijis. Dios jutsꞌaꞌá nsem yupj. Dios ma mveles ca malala yupj. 28 Nin pꞌiyá más ꞌücj nun quelel la sojí nun sejatsꞌom. Nun pꞌiyá quelel lojí jinwá ca quelel lis müjí yupj. Yom jupj jatsꞌom lal jüpꞌüy pjaní jinwá yupj, mpes ca quelel lis müjí. Yom quelel liji na jatsꞌom, jupj quelel liji wa jupj pꞌiyá. Jupj, jupj jatsꞌom lal, jüpꞌüy pjaní jinwá yupj, ne nin. 29 Tꞌücꞌ way pjü gente quelel la sajay yupj pꞌiyá. Jaꞌayapj yupj pꞌiyá la las. Jajamapj yupj pꞌiyá. Yupj lajay jin pꞌiyá liji wa Jesucristo Dios tsꞌuyupj mpes. 30 Cupj Dios tsꞌuyupj. Cupj pjü way Jesucristo jüpꞌüy jinwá, mpes jupj jyama cupj. 31 Dios Popel vele: “Yom ca mim popay mpe, jamay mpe, jatsꞌom lal lo pütꞌüs. Ca quelel la mijis jupj. Manas ca jüpꞌüy pjaní jinwá nsem yupj.” Nin vele Dios Popel. 32 Niná costa way ꞌin qjuisin ꞌyüsa. Mopꞌin najas nusin ꞌyüsa niná. Napj nin pyac Jesucristo poꞌó, Dios tsꞌuyupj poꞌó ꞌotsꞌipj. Dios tsꞌuyupj Jesucristo jüpꞌüy jinwá. 33 Nin mpes Dios jos nun pjü way quelel la sojí nun sejatsꞌom. Quelel lis müjí nun quelel lojí nun pꞌiyá jinwá. Dios jos nequem lovin yola jis vayum ꞌüsüs yupj. Jos yupj lovin lajay jis vayum javelepj jin.

6

1 Tsjictjacj,

Tsjictjacj ca ꞌüsüs la mijicj ꞌotsꞌipj.

nin la müjí nun jis papay javelepj jin. La müjí nun sejamay javelepj jin. Nujepa Jesucristo so con̈có, mpes nin la müjí. Dios jos nin la müjí. 2 Dios Popel vele: “ꞌÜsüs la müjí nun jis papay lal, nun sejamay lal wa. Nujola nsem noypan yupj nun jis lal.” Niná lojí na, ꞌüsüs ca nu mpalas, Dios nin tjevele. 3 Tjevele: “ꞌÜsüs nujola na nun jis papay mpes, nun sejamay mpes ꞌotsꞌipj, ꞌüsüs mpatjaqué ca. Püs way mpatjaqué nosis casá.” Yas nam ma nin tjevele ꞌüsüs ca jis mpalas lajay na jupj tjevele jin. 4 Pülücj way nun, nutsꞌuyupj tjanapj. Ma lovin jis capj tjoweꞌlé nun. Lovin jis capj velelé, malala. Tsjictjacj tsꞌi miꞌinacj nin lojí mpes. Más ꞌücj sin tjüꞌüsüs la müjí, ne lovin ca jus nlayecj tsjan ꞌüsüs lajay. Sin tjüꞌüsüs la müjí qjuis Jepa Jesucristo jos mpes.

El Nuevo Testamento en Tol de Honduras, 2da ed. ©2010, Wycliffe Bible Translators

EFESIOS 6

578

5 Esclavopan*,

Esclavopan ca ꞌüsüs la mijicj wa.

nun tsjiꞌ lojí nun jis patrón mpes nosis casá. Nin la müjí yupj jajütütj jin. Nujola tꞌas noypan yupj. Ma lojí na yupj jajütütj, locj tjeyá nun. Más ꞌücj nun quelel tꞌücꞌ la müjí yupj jajütütj jin. Nun lojí Jesucristo vele jin. Nin pꞌiyá, la müjí wa nun jis patrón javelepj jin. 6 Esclavopan nepénowa yümücj tsjiꞌ lajay yupj jis jepapan januc na. Ma yümücj tsjiꞌ lajay ma januc na. Ma la müjí yupj jinwá. Dios jos nun lovin quelel lojí nun jis patrón witjacj javelepj jin. Nun tsjiꞌ lojí Jesucristo mpes, ne ca nin la müjí. 7 Nun jis patrón mpes tsjiꞌ lojí na, nujola tꞌas Jesucristo mpes tsjiꞌ lojí. Mpes ꞌücj nujisas tꞌas tsjiꞌ lojí yupj mpes. 8 Nun solejé gente ꞌüsüs lajay na, qjuis Jepa Jesucristo ꞌüsüs ca la mijis yupj mpes. Nin la mijis esclavopan jilal, esclavopan tulucj jilal ꞌotsꞌipj.

Yupj esclavopan jamanun ca ꞌüsüs la mijicj yupj jis lal.

9 Yupj

esclavopan* jamanun mpes ca mpac quinam. Nin pꞌiyá, más ꞌücj ꞌüsüs lojí nun jis esclavopan mpes. Ma tjowelé malala ca lis müjí malala lajay na. Nujola tꞌas, nun jis Jepa tsjun poꞌo püꞌü, yupj jis Jepa pꞌiyá. Jupj vele nun más ꞌüsüs tulucj yupj jilal. Jupj vele nun, nun jis esclavopan jilal, yuwal pꞌin.

10 Quina

Dios quelel nu ꞌyaya, pjü way ntꞌa. Mpes diablo ma ca polel malala la nu mijis.

ca pꞌa wa mpac, ne ncawajas ca. Lovin la müjí qjuis Jepa Jesucristo jos jinwá. Lovin ma locj tjeyá nun. Nin polel lojí qjuis Jepa Jesucristo nu ꞌyaya mpes. 11 Diablo* li tsuwile nun jilal. Jupj jos nin lojí jupj jos mpes. Dios nu ꞌyaya, pjü way ntꞌa nun, mpes diablo ma ca malala polel la nu mijis. Mpes ca ꞌüsüs way polel la müjí Dios jos jin. Ma ca la müjí diablo jos jin. 12 Tꞌücꞌ way la pꞌa la palan cupj qjuilal. Gente tulucj niná. Malalapan la palan cupj qjuilal. Tsjay malala yupj. Lyawun̈ jay la pꞌaꞌá. Jepapan yupj nepenowá, ꞌücj jis la jütütj. Noypan nepenowá, sin tjiyocj yupj. Nepénowa jajütütj nosis casá. Püste jinwá nosis casá quinam yupj pajal malala lajay mpes. Malalapan nenem jajütütj quiꞌá. Yupj la palan cupj qjuilal; ma jisas ꞌüsüs quelel lijicj cupj. 13 Niyom militar la palan na, yupj pꞌa casá sin jacüipap. Niná sin jacüipap mpes, ma malala se palá. Nin pꞌiyá niná Dios nu ꞌyaya lal. Nun Dios militarpan jinwá, mpes pjü way ntꞌa nun jupj nu ꞌyaya. Niná

El Nuevo Testamento en Tol de Honduras, 2da ed. ©2010, Wycliffe Bible Translators

579

EFESIOS 6

mpes, ma ca mponé diablo* velá. Tꞌücꞌ way pꞌa jawas diablo ncuwim ca la ntsawilis nun jilal. Mpes pjü way ntꞌa nun, Dios nu ꞌyayá. Niná mpes la pꞌin, ma ca mponé jupj li tsuwile na. Niná mpes la pꞌin, ꞌücj ca polel la müjí Dios jos jin. 14 Militarpan la palan na, jis col tantan jatsupapj; pülül tsjocꞌ malala. Nin lajay mpes más ꞌin ꞌücj la palan. Nin pꞌiyá niná, tꞌücꞌ way welé na, nun jis col tantan tsuꞌpá jinwá. Mpes ma ca la müjí diablo* jos jinwá. Militarpan la palan na, yupj jisas suna cꞌa mpes japwijitj, mpes la pꞌa ma polel jatsjac yupj. Nin pꞌiyá niná, ꞌüsüs lojí na Dios jos jin, nujisas suna cꞌa mpes pwiꞌtjí jinwá. Mpes ma ca la müjí diablo Niyom militar la palan na, yupj jos jinwá. 15 Militarpan la palan na, jis pa casá jacüipap, ma malala tsjam japwijitj, mpes ma malala jis mpalas. (Efesios 6.11-17) pyala jis tsjam. Nin pꞌiyá niná, más ꞌücj nun welé pꞌa jilal tsjan niná Jesucristo ꞌüsüs liji gente mpes. Niná japon, ꞌüsüs nsem yupj Dios lal. Nin welé na, nun jis tsjam pwiꞌtjí jinwá. Mpes ma ca la müjí diablo* jos jinwá. 16 Militarpan la palan na, pꞌa wa jatatj yupj. Yupj jatꞌ mpes, yupj jis enemigo yo jay tsꞌülül palá tinca. Yupj jatꞌ jas tꞌüntꞌün, la pjocotj wa, püné wa. Nin mpes yupj jis enemigo yo jay tsꞌülül ma jatsjac yupj jis pꞌüy. Nin pꞌiyá niná, nun poné na pjü way Dios tjevelá, nun ca ntꞌa wa yupj jatꞌ jinwá. Diablo* po quelel malala liji nun jis lal. Yo jay tsꞌülül wolaqué jinwá tyaꞌa jupj, malala la mijis mpes. Newa ma ca malala la mijis nun jis lal nun Dios lal poné na. 17 Militarpan la palan na, sombrero cꞌa sey jatja. Mpes pꞌa jasüp na yupj sey pjucj, ma cyaꞌlin̈. Nin pꞌiyá niná, nun nujisas na ca Dios lal mpatjaqué, sombrero cꞌa nun sey jatja jinwá niná. Mpes ma ca la müjí diablo* jos jinwá. Militarpan la palan na, polomay campa jatatj wa, sey jam yupj, ꞌücj la tsjac. Nin pꞌiyá niná, nun solejé na Dios tjevelá,

El Nuevo Testamento en Tol de Honduras, 2da ed. ©2010, Wycliffe Bible Translators

EFESIOS 6

580

polomay toꞌá jinwá niná. Mpes ꞌüsüs ca polel la müjí Dios mpes, jupj Cjües nin ca la mijis. 18 Lovin tjowelé Dios lal. La tjomoná pjü nujisas. Dios Cjües jos jin tjowelé. Nin lojí na, ꞌin tjajama. Diablo* jos ma welé Dios lal. Lovin tjowelé Dios lal jupj tsꞌuyupj mpes, pjü way yupj mpes tjowelé. 19 Tjowelé Dios lal napj mpes ꞌotsꞌipj. Dios ꞌüsüs way liji pjü gente mpes Jesucristo la tjiji mpes. Niná napj ca mvelé custjay la pꞌa jilal. Yas nam pjü ma salejeptsja niná. Najas Dios lovin nawala mveles tsjan niná jupj jos napj velé. Ma quelel lecj meyá napj nin la veles. 20 Dios nin tjejyama la pꞌa jilal la veles Jesucristo poꞌó. Cawilta moꞌo ꞌos nin tjevelé mpes. La tjomoná Dios lal lovin ma lecj meyá, ꞌücj mvelé ca. Dios jos lovin ma lecj jeyá napj.

21 Najas

Pablo tecyawaja tepyaca.

jus nlayé tsjan ne palá quinam. Najas jus nlayé ncu ꞌücj püꞌüs. Mpes napj ca jas majam Tíquico nun ntꞌa. Jupj cupj qjuis catjam. Po quelel lijicj jupj. Jupj lovin pasal tsjiꞌ liji qjuis Jepa Jesucristo mpes. Pjü way ca nun jis wala mveles. 22 Mpes napj se jam nun ntꞌa. Najas jus nlayé ncu ꞌüsüs pyatjaquecj ncupj. Nun ca ꞌücj jisas nsem jupj mveles mpes. 23 Dios cupj qjuis Papay. Jesucristo cupj qjuis Jepa Püné. Le mon yupj jilal, ma nujola nsem pjü mpes. Le mon wa yupj jilal nun lovin ca quelel la müjí nunwá. Le mon wa nun lovin ca mponé Dios lal. 24 Pülücj pasal quelel lajay Jesucristo. Jupj cupj qjuis Jepa Püné. Lovin ca quelel la mijicj jupj. Le mon Dios lal jupj ꞌüsüs la mijis nenem jilal, pjü way.

El Nuevo Testamento en Tol de Honduras, 2da ed. ©2010, Wycliffe Bible Translators

Pablo papel tepyaca Filipos moꞌo tapatja mpes

1

1 Napj

Pablo. Timoteo napj lal püꞌü. Cupj Jesucristo jomozopan. Nun Dios tsꞌuyupj, neꞌaj potjaqué Filipos poꞌó. Quina pyaquecj nun mpes. Nun nepénowa pastorpan*. Nun mpes wa pyaquecj. Nun nepénowa jis capj pꞌoꞌsá pastorpan. Nun mpes wa nin pyaquecj. Nun pjü way so con̈có Jesucristo. 2 Dios cupj qjuis Papay. Jesucristo cupj qjuis Jepa Püné. Qjuisas yupj pajal ꞌüsüs way lajay nun mpes. Qjuisas ma nujola nun pjü mpes, nin la nusejay.

Dios tsꞌuyupj Filipos ntꞌa tapatja, yupj mpes Pablo nin tjevele Dios lal.

3 Nun

mpes nola na, lovin wüiꞌis Dios lal nun mpes. 4 Lovin pasal ꞌücj najas ne palá, Dios lal velé na nun mpes, 5 nun ncapj tjapꞌaꞌsá mpes. Nun tjowelé wa pꞌa jilal Jesucristo poꞌó napj jinwá. Nin jis wala tjowelé tsjan niná Jesucristo ꞌüsüs la tjiji gente mpes. Toponé na nin la tjüjí nun. Newa nin lojí. 6 Nun quelel lojí Dios jos jinwá. Dios pꞌiyá nucopj pꞌyaꞌsa ꞌüsüs lojí. Napj selé jupj lovin ca nin la mijis. Pjü way Dios jos ca nu mpalas nun, nin ca la numijis jupj. Jesucristo tjacꞌ nas ca nin la mijis. 7 ꞌÜcj nin napj wüiꞌis Dios lal nun mpes; napj lovin nola nun mpes, ne nin. Dios ꞌüsüs, mpes jostsja napj tsjiꞌ lejay jupj mpes. Nun tsjiꞌ la tjüjí napj lal lovin. Quina, cawilta moꞌo püꞌüs na, newa tsjiꞌ lojí nun napj lal. Pjeꞌá winistsja na, tsjiꞌ la tjüjí wa napj lal. La pꞌa sin tjiꞌyüsa la tjejay napj Jesucristo poꞌó. Tjevelé tsjan niná Jesucristo ꞌüsüs la tjiji gente mpes. Nin pꞌiyá lojí wa nun. Pülücj topon Jesucristo lal quinam. 8 Napj po quelel nujus nyuc. Po quelel la nusejay, Jesucristo quelel la nusiji jinwá. Dios selé tꞌücꞌ way velé.

581 El Nuevo Testamento en Tol de Honduras, 2da ed. ©2010, Wycliffe Bible Translators

FILIPENSES 1

582

9 Najas

nun lovin más ca quelel lis müjí la pꞌa. Najas lovin nusin müꞌüsüs ca Dios jos jinwá. Najas lovin ca jus nlayé tsjan niná Dios jos ca nun la müjí. Nin le mon napj Dios lal nun mpes. 10 Mpes ca jus nlayé tsjan más ꞌücj la müjí. Mpes Jesucristo niswa tjacꞌ na, tꞌücꞌ way ꞌüsüs way nsem nun Dios lal. Jesucristo niswa tjacꞌ na, ma ca mveles pꞌa witjacj ma jisastsja jupj, nun la tjüjí mpes. Najas pꞌa wa ca jisas nsem Jesucristo nun lojí mpes. 11 Pasal ꞌüsüs ca la müjí nun, Dios jos jin. Nin polel la müjí, Jesucristo la numijis ca. Gente ca ꞌüsüs mvelecj Dios poꞌó, nun la müjí mpes. Ca mvelecj pasal püné way jupj.

12 Nun

Cupj pyatjaquecj na pꞌin, más ꞌücj lovin tsjiꞌ lijicj Jesucristo mpes.

solejé malala ntepalá. Najas nun ca jus nlayé gente más pülücj sin tjiꞌyüsa Jesucristo poꞌó, niná ntepalá mpes. Nin mpes ꞌücj velé yupj jis lal tsjan niná jupj ꞌüsüs la tjiji gente mpes. 13 Jepa más püné püꞌü ntꞌa, niyom nepénowa jajamapj neꞌaj. Yupj pjü way sin tjiꞌyüsa cawilta moꞌo püꞌüs Jesucristo mpes tsjiꞌ lejay mpes. Pjü quiꞌá patja jus nlay niná. 14 Cawilta moꞌo püꞌüs, mpes qjuis catjampan pülücj po quelel javelepj quinam pꞌa jilal Dios tjevelá. Mpes nin javelepj. Yas nam lacj jeyaptsja, quina ma lacj jeyapj. Qjuis Jepa Jesucristo mpes ma lacj jeyapj. 15 Pasal ꞌüsüs la tjejay napj Jesucristo mpes, ne tꞌücꞌ way nepénowa jyaman̈. Yupj más ꞌüsüs quelel lajay napj lal. Nin mpes yupj nepénowa nin javelepj la pꞌa jis walapꞌaꞌá Jesucristo poꞌó. Nepénowa nin tulucj. Yupj tꞌücꞌ way jisas la Cadena mpes tsupapj yupj pꞌa sin ꞌyüsa Jesucristo poꞌó, mpes cawilta moó. (Filipenses 1.14) javelepj yupj. 16 Nenem quelel la najay yupj, mpes nin javelepj yupj. Yupj salejepj Dios nin tjejyama la veles tsjan mpes ꞌücj jis la pon niná Dios ꞌüsüs la tjiji gente mpes Jesucristo la tjiji mpes. 17 La pꞌa jis walapꞌaꞌa javelepj Cristo poꞌó malala yola mpes pꞌin. Jisas ca püné nsem yupj pꞌiyá, mpes nin lajay. Ma tꞌücꞌ way quelel ꞌüsüs lajay. Yupj jisas napj ca ꞌaplijila nsem quiꞌá cawilta moꞌó. ꞌAplijila tulucj

El Nuevo Testamento en Tol de Honduras, 2da ed. ©2010, Wycliffe Bible Translators

583

FILIPENSES 1

napj. 18 Ma nola yupj malala yola mpes. ꞌÜcj najas pꞌin nin javelepj pꞌa jis walapꞌaꞌá Jesucristo poꞌó. Tꞌücꞌ way nepénowa javelepj pꞌa jis walapꞌaꞌá Jesucristo poꞌó, ne Jesucristo mpes nin javelepj. Pꞌa wa nin javelepj pꞌa jis walapꞌaꞌá Jesucristo poꞌó, mopꞌin ma Jesucristo mpes pꞌin javelepj yupj. Newa ꞌücj najas pjü way yupj nin javelepj pꞌa jis walapꞌaꞌá Jesucristo poꞌó. ꞌÜcj najas wa pꞌa jawasa ca mpalas mpes. 19 Napj selé yupj ca nin majamas cawilta mpe. Nun lo moná Dios lal napj mpes; nin mpes ca nin mpalas. Jesucristo Cjües ca ncapj mpꞌaꞌsas, mpes ca ꞌüsüs ma palas. 20 Po najas lovin ca la mejay Jesucristo jos jin. Najas lovin ma ca lecj meyá la veles Jesucristo poꞌó. Najas gente lovin ꞌüsüs javelepj Jesucristo poꞌó, napj lejay mpes. Mpüꞌüs ca, ꞌücj. Ma patsꞌ ca, ꞌücj wa. Pjaní pꞌin najas: najas gente lovin ꞌüsüs mvelecj Jesucristo poꞌó napj lejay mpes, niná ne palá mpes wa. 21 Napj püꞌüs tsjiꞌ lejay Jesucristo mpes. Ni püꞌí na, más ꞌücj ca nsem, Jesucristo ntꞌa jum mpes. 22 Newa mpüꞌüs ca custjay, Dios jos ca nacj. Mpes más pülücj ca polel la mejay jupj mpes, jupj jos jinwá. Ma selé ncu más ꞌücj püꞌüs custjay. Ma selé ncu más ꞌücj ni püꞌí quinam. 23 Manas nin najas. Po quelel ni püꞌí, ne mis ca, mpüꞌüs Jesucristo lal. Más ꞌücj niná napj lal. 24 Mopꞌin nin, más ꞌücj nun mpes quiꞌá püꞌüs custjay. 25 Niná napj selé. Mpes napj selé napj ca mpüꞌüs quiꞌá custjay, nucopj lo pꞌacj; Dios jos nun lovin más ꞌüsüs lojí jupj jos jinwá. Jos wa nun más ꞌücj jisas nsem, nun jupj lal poné mpes. Nin mpes ma ca mis custjay. 26 Mpes niswa tjum na nun ntꞌa, pasal ꞌüsüs ca mvelé nun Jesucristo poꞌó. Niná ntepalá mpes, nun ca ꞌüsüs mvelé jupj poꞌó. 27 Nusin tjiꞌyüsa Jesucristo tjevelá. Jupj tjevele ꞌüsüs tepyala gente jis lal Dios mpes. Lovin ꞌüsüs la müjí nun, niná toponé mpes. Napj polel jum ca nacj nujus nyuc. Ma selé ncu polel jum. Newa najas la pꞌa nawala mvelecj yuwal nujola nunwá, nun newa poné mpes. Najas nawala mvelecj nun pjü way nin pꞌiyá nujisas. Najas mvelecj nun lovin ꞌa mulú tsjiꞌ lojí Jesucristo mpes, nun toponé mpes, niná toponé Jesucristo ꞌüsüs la tjiji gente mpes. 28 Tꞌücꞌ way nepénowa ma jisas nun tsjiꞌ lojí Jesucristo mpes. Ma locj tjeyá yupj jilal. Ma locj jeyá nujus januc na, yupj ca sin müꞌüsüs tꞌücꞌ way malala ca jis mpalas. Ca sin müꞌüsüs nun ca mpatjaqué Dios lal, Dios ca la numijis. 29 Tꞌücꞌ way Dios nu tjeꞌyaya ne ꞌücj polel poné Jesucristo lal. Po ꞌüsüs way niná. Tꞌücꞌ way ca malala qjuis mpalas ꞌotsꞌipj, Dios tsꞌuyupj tulucj ca nin la qjuis mijicj. ꞌÜcj nin. Cupj Jesucristo mpes tsjiꞌ lijicj, mpes

El Nuevo Testamento en Tol de Honduras, 2da ed. ©2010, Wycliffe Bible Translators

FILIPENSES 1, 2

584

nin lajay yupj. Mpes po ꞌüsüs. Dios tjeꞌyaya ninana qjuis mpalas ca. Po ꞌüsüs way. 30 Tjunucú malala ntepalá. Quina jus nlayé malala ne palá custjay. Nin pꞌiyá nu pyala. Jesucristo mpes tsjiꞌ lijicj mpes nin qjuesé palá.

Jesucristo jinwá la müjí. Ma nujola tꞌas noypan nun.

2

1 Nun

so con̈có Jesucristo, mpes nucopj pꞌyaꞌsa. Jesucristo quelel la nusiji, mpes ꞌücj nujisas, ma nujola nun. Dios Cjües nucopj cyon̈ca. ꞌÜsüs lojí pꞌa mpes. Malala se palá na pꞌa jilal, jis capj pꞌoꞌsá. 2 Mpes po najas nun pjü way nin pꞌiyá nujola tꞌas, nun sey pjucj pjaní jinwá. Najas nun quelel la lojí nunwá neꞌaj, pjü way. Najas nun pjü way nin pꞌiyá nujisas nun. Najas nun pjü way nin pꞌiyá nujola. Nin lojí na, más ꞌücj najas nsem ca la ma müjí nun. 3 Ma nutsꞌisipan tꞌas nun. Tsꞌisipan lajay ꞌüsüs se palá yupj pꞌiyá pꞌin. Ma nin yola ncu ꞌüsüs se palá pꞌa jilal. Malala nin. Dios jos ma nujola noypan nun. Lovin nujola tꞌas la pꞌa más ꞌüsüs nun jilal. 4 Nun nujisas ꞌüsüs nu pyala nun pꞌiyá. Nujisas tꞌas ꞌüsüs se palá la pꞌa jilal ꞌotsꞌipj. 5 Nujola tꞌas Jesucristo jólatsja jinwá. Nin la müjí jupj la tjiji jinwá. 6 Tꞌücꞌ way Jesucristo lovin Dios waytsja jupj ꞌotsꞌipj, Dios qjuis Papay jinwá. Tꞌücꞌ way püné jupj, Popay Dios jinwá, mopꞌin ꞌüctsja jupj lal ma lovin ꞌüsüs tepyala jupj pꞌiyá, jupj pajal püné mpes. 7 Mpes jupj tjacꞌ nosis ntꞌa. Jupj tjacꞌ mozo jinwá. Nin jostsja, mpes tjacꞌ. Tjacꞌ na, yom pꞌin jinwá tepyala jupj. Gente jus tjunuc yom jinwá jústatsja jupj. 8 Tꞌücꞌ way pünetsja jupj, mopꞌin ma noypan jinwá la tjiji. Lyájasa tjuwine. Jupj la tjiji Dios jostsja jin. Nin mpes wa tepeꞌe. Cruz* poꞌo tjüꞌünan jupj, malala lajay jaꞌünan jinwá. 9 Mpes Jesucristo más püné tepyala pjü jilal tsjun poꞌó, Dios la tjiji. Len̈ la pꞌa más püné. 10 Jesucristo más püné pjü jilal, mpes pjü Dios ntꞌa patja ca mvelecj pasal püné way jupj. Pjü nosis ntꞌa patja ca mvelecj wa

El Nuevo Testamento en Tol de Honduras, 2da ed. ©2010, Wycliffe Bible Translators

585

FILIPENSES 2

pasal püné way jupj. Tecyaꞌlin̈ ꞌamá ꞌalá patja ca mvelecj wa pasal püné jupj. 11 Pjü ca mvelecj Jesucristo Jepa más püné pjü jilal. Nin javelepj na, tꞌücꞌ way ꞌüsüs javelepj wa Dios poꞌó, qjuis Papay jupj. 12 Mpes

Nun jaw jinwá nsem, pꞌa ca nujus nucucj.

najas nin lojí custjay, napj velé jin. Napj po quelel la nusejay. Nun jilal tüpüꞌüs na, lovin nin jin la tjüjí napj tjevelé jin. Quina ma püꞌüs nun ntꞌa; newa nin, más ꞌücj lovin nin lojí custjay napj velé jin. Najas pjü nun po ꞌüsüs nusin ꞌyüsa Dios jos jin. Najas nin lojí jupj jos jin. Nin la tjüjí na, tꞌücꞌ way nin lojí Dios jos jinwá. Po ꞌüsüs niná. Ma lojí na Dios vele jin, más ꞌücj tsjay locj jeyá nun. 13 Tꞌücꞌ way Dios pꞌiyá la nusiji nin la müjí jupj jos jin. Mpes nucopj pꞌyaꞌsa, ne nin quelel lojí jupj jos jin. Nucopj pꞌyaꞌsa, ne nin lojí. 14 Nin lojí na, ma tsꞌi miꞌiná, ma wa la ntsawilí. Ma ca la mveꞌlé nun. 15 Mpes la pꞌa ca sin müꞌüsüs tꞌücꞌ way ma malala lojí nun. Ma polel jis la veles nun malala. Gente la pꞌa pasal malala yola. Pasal malala lajay yupj. Nin tulucj nun. Nun Dios tsꞌuyupj. Yupj ca sin müꞌüsüs tꞌücꞌ way ꞌüsüs nun. Nun jaw jinwá yupj jis lal, nun Dios poꞌo nusin ꞌyüsa mpes. 16 Nun ca jis wala mvelé ꞌonin ne nin polel mpatjam lovin Dios lal. Mpes po ꞌücj najas nsem nun mpes Jesucristo niswa jacꞌ na. Po ꞌücj najas nsem pajal ꞌüsüs way la tjüjí, napj nusin tjiꞌyüsa la tjejay mpes. Costa waytsja napj nusin ꞌyüsa la tjejay. Mpes pajal ꞌücj najas nsem nun Dios jos jin lojí na. 17 Ca nacj la pꞌa ca ma ꞌüꞌnacj, nucopj tjepꞌyacj mpes; nucopj tjepꞌyacj toponé Dios lal. Ca ma ꞌüꞌnacj, animal jaꞌünan jinwá. Animal jaꞌünan na, jaꞌayapj jupj ꞌos yupj jis dios witjacj* mpes. Nin ca ma palas ca nacj, newa po ꞌücj najas. Nin ca la mijicj nucopj tjepꞌyacj mpes, nucopj tjepꞌyacj toponé Dios poꞌó. Mpes más ꞌücj nun ꞌücj jisas nsem ꞌotsꞌipj Dios poꞌo poné mpes quinam. 18 Ca ma ꞌüꞌnacj, nin mpalas; newa najas lovin ꞌücj nujisas nsem. Ca ꞌücj najas nsem, nun ꞌücj nujisas mpes.

19 Napj

Pablo tepyaca Timoteo poꞌó, Epafrodito poꞌó ꞌotsꞌipj. Pajal ꞌüsüs waytsja yupj.

nola len̈ way ca jas majam Timoteo nun ntꞌa. ꞌÜcj niná qjuis Jepa Jesucristo lal, nin ca la mejay. ꞌÜcj najas ca ma palas, jupj niswa jacꞌ na, nawala mveles nun poꞌó; nin mpes quelel se jam jupj nun ntꞌa. 20 Timoteo jola napj jinwá nun poꞌó. Pꞌa len̈. Nin jola ncu ꞌüsüs

El Nuevo Testamento en Tol de Honduras, 2da ed. ©2010, Wycliffe Bible Translators

FILIPENSES 2, 3

586

potjaqué, napj jinwá. 21 La pꞌa pjü way nin lajay yupj pꞌiyá jisas jin. Ma lajay Jesucristo jos. 22 Solejé Timoteo ꞌüsüs la tjiji püna pꞌin. Ncapj tjepꞌyaꞌsa, ne cupj ꞌa mulú jis wala tjevelecj la pꞌa jis lal Jesucristo poꞌó. Tjevelecj tsjan niná Jesucristo ꞌüsüs la tjiji gente mpes. Tsjicj jupj popay se pꞌaꞌsa jinwá ncapj tjepꞌyaꞌsa jupj. 23 Mpes len̈ way quelel se jam jupj nun ntꞌa. Mwalá way pꞌin quelel selé ncu ca nin majamacj cawilta mpe. 24 Napj nola ꞌüsüs qjuis Jepa Jesucristo lal len̈ way napj ca mis wa nun ntꞌa. 25 Napj nola más ꞌücj napj se jam Epafrodito nun ntꞌa quinam. Tꞌücꞌ way jupj cupj qjuis catjam. Tꞌücꞌ way tsjiꞌ la tjiji quiꞌá napj lal Jesucristo mpes. Pꞌa malala nyuca tjowelepj na Jesucristo poꞌó, Epafrodito jis wala tjevele malala tjowelepj. Lovin tꞌücꞌ way jis wala tjevele. Nun Epafrodito jas tjajamá napj ntꞌa, ncapj lo pꞌacj. ꞌÜsüs nin. 26 Mopꞌin jupj po quelel nujus nyuca niswá, mpes napj quelel jas majam nun ntꞌa. Jupj wola tjowelepj nun jus nlayé jupj malala jostsja, mpes po jólatsja jupj. Jupj ma jos nujola jupj mpes. 27 Tꞌücꞌ way malala jostsja, quelel péꞌetsja. Mopꞌin Dios cus tjepꞌyaꞌsa, ne ma tepeꞌe. Tjiꞌyüꞌsa. Pasal ꞌaplijila ntepalá, malala jostsja na. Najastsja Epafrodito ma peꞌe, ne tꞌücꞌ way ma tepeꞌe. Mpes Dios ꞌüsüs la tjiji napj mpes ꞌotsꞌipj, ma ca ꞌaplijila ma palas niswá. 28 Najas nun su nucú niswá, mpes po quelel se jam nun ntꞌa. Jus tjunucú na, ꞌücj nujisas nsem nun. Napj ma pajal nola nsem nun poꞌó, nun jus tjunucú na. 29 Mpes po tjüwüiꞌiqué neꞌaj tjemey na; jupj nun sejatjam, qjuis Jepa Jesucristo mpes. Po ꞌüsüs nujola tꞌas jupj poꞌó. Niyom pꞌa witjacj ꞌüsüs la tjajay wa jupj jinwá, nin pꞌiyá ꞌüsüs nujola tꞌas yupj sin poꞌó. 30 Nin nujola tꞌas jupj mpes; Epafrodito quelel péꞌetsja tsjiꞌ líjitsja na Jesucristo mpes. Nun ma polel culatsja ncapj lo pꞌacj; Epafrodito pꞌin jas tjajamá napj ntꞌa ncapj lo pꞌacj. Ncapj tjepꞌyaꞌsa na, ma nin jólatsja ncu ca mpaꞌis ca nacj. Mpes po ꞌüsüs nujola tꞌas jupj poꞌó.

3

1 Quina

Jisas Jesucristo, ꞌüsüs way yupj Dios lal.

ca pꞌa wa mpac. ꞌÜcj jisas tꞌas, qjuis Jepa Jesucristo nucopj cyon̈ca mpes. Yas nam napj tepyac nun mpes. Nin pꞌiyá ca mpac quinam. ꞌÜsüs way napj lal ne nin la pac; ꞌüsüs way niná moꞌo welé nun niswá. 2 ꞌIn tjajamá malala nyuca lajay jilal. Nujola tapalas ꞌüsüs tulucj yupj. Yupj tsjiyó malala jinwá. Jatꞌǘ jis pꞌüy. Tꞌü na, yola Dios jutsꞌaꞌá nsem yupj. 3 Tꞌücꞌ way ma Dios jutsꞌaꞌá yupj. Cupj ne tꞌücꞌ way Dios jutsꞌaꞌá; jupj Cjües qjuis capj pꞌyaꞌsa qjuis la

El Nuevo Testamento en Tol de Honduras, 2da ed. ©2010, Wycliffe Bible Translators

587

FILIPENSES 3

veles jupj lal, qjuiyola jupj püné jupj Cjües qjuis capj pꞌyaꞌsa mpes. Pasal ꞌücj qjuisas Jesucristo mpes. Cupj selecj Jesucristo qjuis capj tjepꞌyaꞌsa mpes Dios jutsꞌaꞌá cupj; selecj cupj ꞌüsüs la tjijicj mpes nin tepyala tulucj. 4 Napj polel nola napj Dios jutsꞌaꞌá napj la tjejay mpes. Polel nin nola ꞌüsüs ntepalá mpes. Niyom pꞌa wa nin pꞌiyá polel yola. Mopꞌin napj más ꞌüsüs la tjejay yupj jilal. 5 Semana pjaní tyatsja na, yupj napj mpjolocꞌ tsjicj way tꞌasiyú tꞌü, Moisés* popel vele jinwá. Mpapay, namay, israelpan* waytsja yupj. Mpes nin pꞌiyá napj. Benjamín pajal püna tüpüꞌü, jupj popa pꞌiyá püs naya püꞌüs napj. Hebreo* napj. Fariseo* napj; napj pjü la tjejay Moisés tjijyüꞌtá. 6 Po quelel lejaytsja Dios jostsja jin. Mpes pasal malala la tjejay Jesucristo jisas jilal. Nólatsja niná la tjejay ꞌüsüstsja Dios lal. Pjü way Moisés tjijyüꞌta ca nin la mijicj, pjü nin la tjejay napj. 7 Nin mpes nólatsja ꞌüsüs nsem napj Dios lal. Quina selé ꞌüsüs napj Dios lal Jesucristo mpes. 8 Más ꞌüsüs napj lal Jesucristo najas, ncapj cyon̈ca jupj. Jupj napj Nejepa Püné. Napj ꞌüsüs Dios lal jupj mpes. Nólatsja pasal pülücj la tjejay Dios mpes, mopꞌin napj la tjejay mpes tulucj ꞌüsüs ntepalá napj Dios lal. Tꞌücꞌ way pasal pülücj la tjejay, mopꞌin napj la tjejay mpes tulucj ꞌüsüs ntepalá napj jupj lal. Ma quelel nola quinam püna la tjejay mpes. Quina najas Jesucristo, mpes ma quelel nin nola quinam. 9 Napj quelel se con̈ Jesucristo, mpes ma quelel nin nola. Napj selé ꞌüsüs way napj Dios lal napj Jesucristo lal pyon mpes. La tjejay mpes tulucj ꞌüsüs way napj Dios lal. Moisés* tjijyüꞌta jin la tjejay mpes tulucj ꞌüsüs way napj Dios lal. Pyonecj na Jesucristo ꞌüsüs la tjiji cupj mpes, ꞌüsüs way cupj Dios lal, nin la qjuisiji jupj. 10 Nin pꞌin najas Jesucristo; najas jupj ncapj cyon̈ca la pꞌin. Jesucristo tepeꞌe, jas tjijyünsa, tüpüꞌü niswá, Dios pjü ꞌücj liji mpes. Najas jupj ꞌüsüs way liji wa napj mpes, jupj pꞌin ꞌücj liji jinwá. Jesucristo ncapj cyon̈ca mpes wa, malala ne palá jupj malala tepyala jinwá. ꞌÜcj nin. Napj quelel nola jupj jinwá. Jupj tepeꞌe napj malala la tjejay mpes, ne ma quelel malala lejay quinam. 11 Niná nin najas; najas Dios nin müjünsüs ca, mpüꞌüs niswá, ntipüꞌí na, mpes nin najas napj.

12 Ma

Pablo quelel líjitsja pjü way Dios jos jin.

pjü way la tjejay Dios jos jin, nin selé napj. Dios quelel liji napj lal, pjü way ma la tjiji custjay. Mpes lovin tsjiꞌ lejay Dios mpes; najas napj ca ꞌücj nola nsem Dios jos jinwá. Najas jupj ca nin la mijis napj lal. Jesucristo pꞌiyá la ntjiji napj jupj jutsꞌaꞌá ntepalá, mpes ca nin la El Nuevo Testamento en Tol de Honduras, 2da ed. ©2010, Wycliffe Bible Translators

FILIPENSES 3, 4

588

mijis Dios napj mpes. 13 Tꞌücꞌ way ma ꞌücj nola custjay Dios jos jinwá. Pꞌa jawas ca nin ma palas. Mpes lovin tsjiꞌ lejay Dios mpes. Jupj ꞌüsüs la mijis napj lal pꞌa jawasa, po ꞌin len̈ way nin liji, nin najas. Ma nola napj nasa ꞌüsüs la tjejay jupj mpes. 14 Najas napj ca ꞌücj nola nsem Dios jos jinwá; najas jupj ca nin la mijis napj lal. Nin mpes lovin tsjiꞌ lejay jupj mpes. Jupj nin liji najas napj. Tꞌücꞌ way Dios tjevele ꞌüsüs way pyatjaquecj jupj püꞌü ntꞌa. Jupj nin vele Jesucristo lal pyonecj mpes. 15 Dios tsꞌuyupj nepenowá nin lajay Dios jos jinwá; najas nin pꞌiyá nin yola yupj. Ca nacj nun nepénowa ma nin nujola. Mpes Dios ca nusin müꞌüsüs la mijis ma nin nujola jupj jos jinwá. 16 Nasa qjuisin tjiꞌyüsa Dios jos nin lijicj. Nin la tjijicj cupj quinam. Lovin nin lijicj más ꞌücj. 17 Natjampan, najas lovin lojí napj la tjejay jinwá. Tꞌücꞌ way nepénowa nin lajay, nusin tjiꞌyüsa la tjijicj jinwá. Nusin tjiꞌyüsa pjacj cuscú yupj, ne nin la müjí yupj jinwá. 18 Selecj tsjan mpes Jesucristo tepeꞌe cruz* poꞌó. Mopꞌin gente pasal pülücj nin pꞌiyá japon tulucj. La pꞌa casá javelepj. Mpes gente pꞌa wa ma tꞌücꞌ sin ꞌyüsa, yupj javelepj mpes. Malala nin. Niná la pülücj nun jis wala tjevelé. Niswa nun jis wala velé niná. Pasal ꞌaplijila napj yupj lajay mpes. 19 ꞌAwa püné ntꞌa ca mal yupj. Yupj sin nin yola yupj jisas mpes; ma Dios poꞌo yola. Pasal malala nyuca lajay. Newa yola ninana lajay ꞌüsüs. Más ꞌücj se mayca lajay mpes, newa ma se mayca ninana lajay mpes. Dios ma jisas jinwá quelel lajay pꞌin. 20 Nin tulucj cupj qjuis lal. Cupj qjuisas Dios, ca nlaca Dios ntꞌa. Po qjuisas Jesucristo len̈ way jacꞌ Dios püꞌü mpe. Jupj la tjiji cupj ꞌücj ca mpatjaquecj Dios lal. Jesucristo cupj qjuis Jepa Püné jupj. 21 Qjuis pꞌüy ncaꞌlin̈ ca. Mopꞌin qjuis pꞌüy seyasa ca qjuis maꞌayas, jupj jüpꞌüy jinwá. Pasal ꞌüsüs way niná, lovin ma ca mpaꞌis. Pasal püné Jesucristo, ne ꞌüsüs way liji jupj. Pjü vele nin pyala. Mpes jupj ca polel qjuis maꞌayas qjuis pꞌüy seyasa.

4

1 Nasa

ꞌÜsüs la müjí nusin tjiꞌyüsa mpes.

tjevelé ꞌoyn nyuca la müjí, mpes lovin la müjí qjuis Jepa Jesucristo jos jin. Po quelel la nusejay. Pasal quelel nujus nyuc. Nun mpes po ꞌücj najas. Lovin pꞌa jilal velé nun poꞌó. 2 Quelel velé Evodia, Síntique, la pꞌa pꞌin nujola nun, ne lo velelé. Yuwal nujola tꞌas nun. Ma la tjoweꞌlé. Qjuis Jepa Jesucristo jos yuwal nujola, ne ma lo velelé. 3 Yom pjaní jáꞌasa neꞌaj, pasal ꞌüsüs way ncapj tjepꞌyaꞌsa. Najas jupj mveles ca ma nin pꞌiyá yola jilal. Mpes ma ca la mveꞌlecj quinam ca nacj. Tꞌücꞌ way nequem nenem pasal ꞌüsüs way

El Nuevo Testamento en Tol de Honduras, 2da ed. ©2010, Wycliffe Bible Translators

589

FILIPENSES 4

ncapj tjapꞌacj ꞌücj la pꞌa jilal la veles Jesucristo poꞌó. Nin velé tsjan niná jupj ꞌüsüs la tjiji gente mpes. Clemente ncapj tjepꞌyaꞌsa wa. Pꞌa witjacj tsjiꞌ la tjajay wa napj lal, ncapj tjapꞌacj wa. Dios tepyaca yupj jis lá papel moꞌó, papel niná nin vele pjac mpatjam ca Dios lal. 4 Najas lovin ꞌücj jisas jotjaqué nun Nujepa Jesucristo so con̈có mpes. Niswa velé, ꞌüsüs nujisas tꞌas nun. 5 Pꞌa nun jis wala javelepj na, ꞌüsüs tjapjaꞌaqué. Ma lovin tjowelé tꞌücꞌ tulucj tjowelepj yupj. Qjuis Jepa Jesucristo len̈ way jacꞌ. 6 Ma nin nujola tꞌas pjü mpes. Más ꞌücj lo moná Dios lal nujisas mpes, Dios lal welé na. Lo moná na, tjüwüiꞌiqué jupj lal. 7 Dios ca la numijis ma ca nujola nsem pjü mpes. ꞌOnin ne nin liji, ma qjuisin ꞌyüsa. Niná selecj pꞌin: jupj nin liji na, tꞌücꞌ way pjü mpes ma nujola nsem nun. Jesucristo so con̈có mpes ca nin nsem. 8 Quina pꞌa wa ca mpac, ne ncawajas ca. Pasal nujola tꞌas tsjan tꞌücꞌ way mpes, ꞌüsüs nin jola mpes ꞌotsꞌipj, ꞌüsüs way liji mpes ꞌotsꞌipj. Tsjan malala tulucj, nin pꞌin pasal nujola tꞌas. Pjü way ꞌücj quelel la sijicj, niná mpes wa nujola tꞌas. Pjü ꞌüsüs way velecj, niná mpes wa nujola tꞌas. Najas nujola nsem ꞌüsüs mpes la pꞌin. ꞌÜcj la veles niná pajal ꞌüsüs, najas nun nin nujola. 9 Tꞌücꞌ way nusin tjiꞌyüsa la tjejay napj. Napj tjevelé, nusin tjiꞌyüsa. Nusin tjiꞌyüsa, najas nin lojí. Napj la tjejay, niná tjunucú nun. Najas nin pꞌiyá nin lojí. Mpes Dios ca nucopj ncon̈cos. Ma qjuiyola nsem pjü mpes, jupj ca nin la qjuis mijis.

10 Po

Pablo tjüwüiꞌi yupj jilal yupj tjaꞌayapj mpes.

ꞌücj najas napj. Wüiꞌis qjuis Jepa Jesucristo lal nun niswa ncapj pꞌoꞌsá quinam. Pajal püs way ma polel ntjaꞌayá. Tꞌücꞌ way lovin quelel no ꞌoyatsja; ma polel nin la tjüjí la pꞌin. 11 Ca nacj nepénowa mvelecj ca napj nin velé pülücj najas mpes. Nin tulucj. Tyatj mpes, lovin ꞌücj najas, nin ntepalá. 12 Tꞌücꞌ way nenéyawa najas napj. Nenéyawa pasal pülücj tyatj, ne pꞌa wa ma najas. Mopꞌin nin tjiꞌyüsa más ꞌücj lovin ꞌücj najas ꞌos. Nin napj lal. Ncol pitꞌa na, ꞌücj najas ꞌos. Vecj ni püꞌí na, ꞌücj najas ꞌos. Pülücj tyatj na, ꞌücj najas ꞌos. Cjuwá na, ꞌücj najas ꞌos. 13 Pjü pꞌa casá pyala na napj lal, polel wüiꞌis Jesucristo lal nin pyala na. Jesucristo ncapj pꞌyaꞌsa mpes, napj polel wüiꞌis lovin. 14 Mopꞌin pasal ꞌüsüs la tjüjí nun, ntjaꞌayá mpes. Malala ntepalá na, ncapj tjapꞌaꞌsá. ꞌÜsüs nin. 15 Nujola pyala napj tjum Macedonia ntꞌa püná. Tjum la veles neꞌaj patja jilal Jesucristo ꞌüsüs la tjiji gente mpes. Tjum na Macedonia mpe, nun ntjaꞌayá napj cjuwatsja mpes.

El Nuevo Testamento en Tol de Honduras, 2da ed. ©2010, Wycliffe Bible Translators

FILIPENSES 4

590

Dios tsꞌuyupj pꞌa ntꞌa ꞌa jis tjimyula ma ntjaꞌayapj. Nun pꞌin ntjaꞌayá. ntꞌa tüpüꞌüs na, tꞌücꞌ way nenéyawa tꞌemel jas tjajamá napj mpes. Nin jas tjajamá napj cjuwatsja na. 17 Ma najastsja ꞌoyá, so jamá napj ntꞌa. Mopꞌin wüiꞌis napj nun jas tjajamá mpes. Wüiꞌis Dios ca ꞌüsüs la mijis nun mpes pꞌa jawas, ntjaꞌayá mpes. Nin mpes ꞌücj najas ntjaꞌayá. 18 Quina pjü najas pjü tyatj. Más pülücj way tyatj, nun jas tjajamá mpes. Epafrodito niná ntjeꞌaya nun jas tjajamá. Nun ntjaꞌayá Dios mpes tjaꞌayá, napj Dios mpes tsjiꞌ lejay mpes. Niná la tjüjí po ꞌüsüs waytsja Dios lal. Wüiꞌi jupj. 19 Dios ca nu maꞌayas pjü nujisas, nun ꞌüsüs la tjüjí mpes napj lal. Pasal pülücj tyaꞌa Dios. Jupj tyaꞌa ꞌüsüs pajal. Nin mpes ꞌücj nu ꞌyaya nujisas. Jupj nin ca la mijis nun Jesucristo so con̈có mpes. 20 Najas lovin ꞌüsüs velecj qjuis Dios poꞌó. Qjuis Papay jupj. Ninana pjü way mpalas ca, nin najas.

16 Tesalónica

21 Süs

Pablo tecyawaja tepyaca.

wa la müjí pjü Dios tsꞌuyupj. Yupj sa con̈ Jesucristo. Dios tsꞌuyupj nepénowa jatja quiꞌá napj lal. Süs wa la tjajay. 22 Dios tsꞌuyupj pjü way süs wa la tjajay. Nepénowa tsjiꞌ lajay romanopan* jis jepa püꞌü ntꞌa, süs wa la tjajay yupj. Quelel la nusejay. 23 Jesucristo cupj qjuis Jepa Püné. Najas jupj lovin po ꞌüsüs way liji nun jilal.

El Nuevo Testamento en Tol de Honduras, 2da ed. ©2010, Wycliffe Bible Translators

Pablo papel tepyaca Colosas moꞌo tapatja mpes

1

1 Napj

Pablo. Apóstol* napj, Dios nin tjejyama la veles jupj mpes. Jos napj velé Jesucristo poꞌó. Timoteo jáꞌasa wa napj lal. Jupj cupj qjuis catjam Jesucristo mpes. 2 Nun Dios tsꞌuyupj, Colosas ntꞌa potjaqué. Nun so con̈có Jesucristo. Nun cupj qjuis catjampan Jesucristo mpes. Nun lojí jupj jos jin. Quina ca mpaquecj nun mpes. Dios cupj qjuis Papay. Qjuisas jupj ꞌüsüs liji nun mpes. Qjuisas ma nin nujola pjü mpes, Dios nin la nusiji.

3 Dios

Dios tsꞌuyupj Colosas ntꞌa tapatja, Pablo tjüwüiꞌi Dios lal yupj mpes.

lal velecj na nun mpes, lovin wiꞌiquecj jupj lal nun mpes. Dios Jesucristo Popay. Jesucristo cupj qjuis Jepa Püné. 4 La pꞌa wa qjuis wala tjowelepj nun po poné Jesucristo lal. Tjowelepj nun quelel la sojí Dios tsꞌuyupj pjü way. Niná tjowelepj mpes, lovin wiꞌiquecj Dios lal. 5 Nun Jesucristo jisas, nun quelel la sojí Dios tsꞌuyupj; solejé pꞌa jawasa Dios ca ꞌüsüs la numijis jupj püꞌü ntꞌa, ne nin. Nusin tjiꞌyüsa niná tjapjaꞌaqué na Dios tjevelá. Dios tjevele, tꞌücꞌ way. Jupj tjevele ꞌüsüs la tjiji gente jis lal Jesucristo mpes. 6 Tꞌücꞌ way nepénowa tjiquil nun ntꞌa, nun jis wala tjowelepj Dios tjevelá. Nin pꞌiyá, nepénowa jun taꞌá nin javelepj pꞌa jilal Dios tjevelá. Mpes más pülücj más ꞌüsüs nin yola Dios jos jinwá, nin se palá. Más pülücj jisas Jesucristo quinam. Tjapjaꞌaqué na Dios tjevelá, toponé wa nun. Mpes nin pꞌiyá nun jilal. Más ꞌüsüs nin nujola Dios jos jinwá. Nusin tjiꞌyüsa Dios ꞌüsüs liji gente mpes. Tꞌücꞌ way nusin tjiꞌyüsa. 7 Epafrodito mwalá way nusin tjiꞌyüsa la nutjiji niná. Pasal quelel lijicj jupj. Jupj tsjiꞌ liji wa Jesucristo mpes. Lovin ꞌüsüs liji Jesucristo

591 El Nuevo Testamento en Tol de Honduras, 2da ed. ©2010, Wycliffe Bible Translators

COLOSENSES 1

592

jos jin. Cupj ma polel léquetsja nun ntꞌa. Mpes ma polel nusin tjiꞌyüsa la nutjijicj. Epafrodito nin la tjiji; tjemey nun ntꞌa. Nusin tjiꞌyüsa la tjiji. ꞌÜsüs nin. 8 Qjuis wala tjevele nun pasal quelel la sojí Dios tsꞌuyupj, Dios Cjües la nutjiji mpes. 9 Mpes niná qjuis wala tjevele na, tjevelecj Dios lal nun mpes. Lovin tjevelectsja Dios lal nun mpes. Newa nin velecj Dios lal custjay. Qjuisas ꞌüsüs nusin ꞌyüsa, Dios Cjües nusin ꞌyüsa liji mpes. Mpes nun ca jus nlayé pjü way niná Dios jos nun la müjí. Nin velecj Dios lal nun mpes. 10 Qjuisas lovin nin ca la müjí qjuis Jepa Jesucristo jos jinwá. Nun jupj jutsꞌaꞌá, mpes ca nin la müjí. Qjuisas jupj lovin ꞌücj jos nsem nun lojí mpes. Qjuisas nun pasal ꞌüsüs lojí la pꞌa mpes. Qjuisas lovin más pülücj nusin ꞌyüsa Dios mpes. Niná nin le monacj Dios lal nun mpes. 11 Qjuisas nun ꞌüsüs polel lojí Dios jos jin. Nin polel la müjí Dios nucopj pꞌyaꞌsa mpes. Jupj pasal püné. Mpes malala nu pyala na, newa ca ꞌüsüs la müjí Dios jos jin. La pꞌa malala lajay na nun jis lal, newa ꞌüsüs la müjí. Nun ꞌücj ca jisas nsem. 12 Ca mwiꞌiqué qjuis Papay lal. Dios pasal ca ꞌüsüs la mijis jupj tsꞌuyupj mpes. Dios tsꞌuyupj jaw ntꞌa patja jinwá yupj. Nun Dios tsꞌuyupj nu tepyala wa, jupj la tjiji. Mpes ꞌüsüs ca la mijis wa nun mpes. 13 Yas nam püste ntꞌa tepyatjaquecj jinwatsja cupj, ma qjuisin tjiꞌyüsa mpes. Diablo* cupj qjuis jépatsja. Dios qjuis capj tjepꞌyaꞌsa mpes nin tulucj quinam. Quina Dios Jatjam cupj qjuis Jepa. Dios pasal quelel liji jupj. 14 Dios Jatjam ꞌos mpes, cupj ca ꞌüsüs nsem lovin Dios lal. Dios Jatjam mpes, Dios perdonar la qjuis tjiji malala nyuca la tjijicj.

15 Pjü

Quina cupj ꞌüsüs Dios lal, Jesucristo nin la qjuis tjiji.

ma jus tjunuc Dios lovin. Mopꞌin ꞌücj tjinyucucj Jesucristo; Jesucristo mpes ꞌücj nyucucj ꞌoyn nyuca liji Dios. Mpes selecj Dios ꞌüsüs. Püna, pjü cjuwatsja na, Jesucristo pǘꞌütsja. Jupj más püné pjü la tjiji jilal. 16 Pjü la tjiji jay la pꞌaꞌá, tsjun poꞌó ꞌotsꞌipj. Pjü la tjiji nosis ntꞌa. Pjü nyucucj, pjü la tjiji. Pjü ma nyucucj, pjü la tjiji wa. Ángel* noypan la tjiji wa. Yupj nepénowa jepapan yupj. Nepénowa ꞌücj jajütütj. Nepénowa auxiliarpan jinwá. Pjü nenem jupj la tjiji wa. Pjü la tjiji la pꞌa ca jus cülayecj jupj pajal püné. 17 Pjü jatja custjay, Jesucristo nin liji. Jesucristo pǘꞌütsja pjü cjuwatsja na. 18 Jesucristo Jepa Dios tsꞌuyupj mpes. Dios tsꞌuyupj Jesucristo jüpꞌüy jinwá, jupj yupj jisas moꞌo jáꞌasa mpes. Si jütüta jupj. Jesucristo la tjiji mpes wa patja yupj. Jesucristo tepeꞌe, jas tjijyünsa niswá. Mwalá way jas tjijyünsa pjü

El Nuevo Testamento en Tol de Honduras, 2da ed. ©2010, Wycliffe Bible Translators

593

COLOSENSES 1

jilal. Dios jostsja Jesucristo más püné nsem pjü jilal; nin mpes nin tepyala. Jesucristo más püné pjü jilal. 19 Jesucristo Dios watsja jupj, jupj Popay jin pꞌiyá; jupj Popay jostsja ca nin nsem. Jesucristo mpes ꞌücj nyucucj ꞌoyn nyuca liji Dios. 20 Dios jostsja pjü way jupj jomicapan nsem Jesucristo mpes. Pjü nosis ntꞌa, pjü jay la pꞌaꞌa ntꞌa ꞌotsꞌipj, jupj jomicapan nsem, jostsja Dios. Jesucristo tepeꞌe cruz* poꞌó, ꞌos tepyala jupj, mpes ꞌücj Dios jomicapan se palá pjü. 21 Yas nam ꞌüsüs tuluctsja nun Dios lal. Malala nyuca nujólatsja Dios poꞌó. Malala la tjüjí. 22 Mopꞌin Dios ꞌüsüs la tjiji nun mpes. Jesucristo tepeꞌe, mpes quina nun Dios jomicapan, nin la nutjiji. Mpes pꞌa jawas ꞌücj ca polel nlawú Dios ntꞌa. Neꞌaj nun Dios jutsꞌaꞌá nsem. Neꞌaj ca ꞌücj majatjaqué. Pjü ma polel mvelecj ca malala nun. 23 Nin ca nsem nun newa poné mpes. Nun ca nin pꞌiyá nujola Jesucristo poꞌó, püna nujólatsja jinwá. Ma ca pꞌa casá nujola quinam. Nun tjapjaꞌaqué Dios pajal ꞌüsüs ca la mijis nun mpes pꞌa jawas. Niná nusin tjiꞌyüsa la pꞌa nun jis walapꞌaꞌa tjowelepj na Jesucristo poꞌó. Tjowelepj tsjan niná jupj ꞌüsüs la tjiji gente mpes. Nin pꞌiyá tjowelepj gente pajal pülücj jis walapꞌaꞌá, pꞌa ntꞌa patja jis walapꞌaꞌá ꞌotsꞌipj. Napj ne pjaní wa nin velé wa gente jis lal. Pablo napj. Püna ma nin lejaytsja; quina nin lejay.

24 Napj

Pablo tepyaca Dios tsꞌuyupj jilal jupj líjitsja mpes.

tjevelé judiopan* tulucj jilal Jesucristo mpes. La pꞌa wa malala la ntjajay tjevelé mpes. Mopꞌin ꞌücj najas nin pyala mpes. Pasal malala tepyala Jesucristo lal. Tꞌücꞌ way malala se palá wa Dios tsꞌuyupj jilal, Jesucristo lal malala tepyala jinwá. Dios tsꞌuyupj Jesucristo jüpꞌüy jinwá yupj. Pꞌa jawas ncawajas ca, ma malala mpalas niswá. Newa ma tecyawaja custjay, malala se palá custjay. Nin jawas más len̈ way mpalas, quina malala pyala mpes. Mpes po ꞌücj najas. 25 Dios nin tjejyama jis capj lo pꞌacj jupj tsꞌuyupj. Nin tjejyama ꞌüsüs nu lo pal. Pjü way Dios tjevelá nun mpes, nin tjejyama la veles niná. 26 Yas nam pjü ma salejeptsja tsjan quelel líjitsja Dios. Quina niná sin tjiꞌyüsa la tjiji jupj tsꞌuyupj. Nun jupj tsꞌuyupj, nin nu tepyala. 27 Gente jisas na Jesucristo, Jesucristo ca mpüꞌüm yupj jisas moꞌó, Dios nin la siji. Pꞌa jawas ca ꞌücj polel mal Dios ntꞌa jis la pütꞌüs. Po ꞌüsüs way. Niná gente ma salejeptsja yas nam. Dios nin quelel sin ꞌyüsa líjitsja judiopan tulucj jilal. Nin la tjiji. Judiopan tulucj nun. Nusin tjiꞌyüsa la tjiji, pasal ꞌüsüs way niná. 28 Nin velecj pjü jis walapꞌaꞌá Jesucristo poꞌó. Yupj sin ꞌyüsa lijicj jupj poꞌó. Jis wala velecj más ꞌücj yupj ca jisas nsem Jesucristo. Cupj

El Nuevo Testamento en Tol de Honduras, 2da ed. ©2010, Wycliffe Bible Translators

COLOSENSES 1, 2

594

selecj tsjan niná Dios jos cupj velecj, ne nin velecj. Qjuisas yupj ca cus ncon̈cocj Jesucristo, mpes nin velecj cupj. Jupj mpes ca ꞌücj mpatjam Dios lal. Ca yola nsem Dios jos jinwá. 29 Najas ca nin jis mpalas yupj, mpes yümücj tsjiꞌ lejay. ꞌÜsüs nin polel lejay Jesucristo mpes. Pasal püné way jupj, pjü way ꞌücj liji. Pajal ꞌüsüs ncapj pꞌyaꞌsa jupj. 1 Najas nun jus nlayé yümücj tsjiꞌ la tjejay nucopj la pꞌacj. Yümücj tsjiꞌ la tjejay jis capj la pꞌacj wa Dios tsꞌuyupj Laodicea moꞌó. Dios tsꞌuyupj pülücj lovin ma nus tjunuc. Yupj mpes ꞌotsꞌipj yümücj tsjiꞌ la tjejay jis capj la pꞌacj. 2 Napj najas yupj más ꞌüsüs mponecj Dios lal, mpes nin lejay. Pasal quelel la sajay na yuwá, ca nin nsem. Najas tꞌücꞌ way ca sin müꞌüsüs Dios sin ꞌyüsa liji. Najas yupj jus nlay wa tꞌücꞌ way sin tjiꞌyüsa quinam. Mpes ca jus nlayecj tsjan niná Dios ꞌüsüs liji gente jis lal Jesucristo mpes. Yas nam Dios ma sin tjiꞌyüsa lis tjiji niná pjü jilal. 3 Dios jos qjuisin ꞌyüsa, niná Jesucristo qjuisin ꞌyüsa liji. Len̈ la pꞌa qjuisin ꞌyüsa la qjuijis. Ninana Dios jos cupj selecj, pajal ꞌüsüs way. 4 Najas ma mponé la tsuwilpan javelepj, mpes nun jis wala velé niná. Yupj ꞌüsüs jin javelepj, mpes pülücj len̈ way japon yupj javelepj. Mopꞌin tꞌücꞌ tulucj javelepj yupj. 5 Len̈ napj nun jotjaqué ntꞌa, mopꞌin nun mpes nola napj lovin, mpes nun jis lal ꞌos jinwá. La pꞌa wa nawala tjowelepj nun pjü way nin pꞌiyá nin nujola, nun poné Jesucristo tjevelá. ꞌÜsüs pyala na, nin pꞌiyá; malala pyala na, nin pꞌiyá. Nin mpes pajal ꞌücj najas.

2

6 Tꞌücꞌ

Pjü way la müjí, Jesucristo tjevele jin.

way nujisastsja Jesucristo. Jupj cupj qjuis Jepa Püné. Lovin nujisas tꞌas jupj. Lovin la müjí jupj jos jin. 7 Nujisas tꞌas Jesucristo lovin nucopj ncon̈cos. Nusin tjüꞌüsüs tsjan jos jupj. Ninana jupj jos, niná pjü la müjí. Po toponé nun, pjü tjevelá. Nusin tjiꞌyüsa, más ꞌücj nin lojí. Po tjüwüiꞌiqué Dios lal. 8 Nepénowa la tsuwil yupj. Yupj javelepj malala, tꞌücꞌ tulucj. Püna tapatja nepenowá sin tjiꞌyüsa la tjajay niná. La tsuwilpan quina patja nin pꞌiyá sin ꞌyüsa la sajay. Sin ꞌyüsa la sajay, gente javelepj la pꞌin nosis mpes. Ma Jesucristo tjevele mpes sin ꞌyüsa la sajay. ꞌIn tjajama nun, ma mponé nun. 9 Tꞌücꞌ way Jesucristo jüpꞌüy jana, mopꞌin jupj tꞌücꞌ way nin pꞌiyá jupj Popay Dios lal. 10 Jesucristo mpes nun ꞌüsüs Dios lal, nin la tjiji Dios nun mpes. Pjü way Dios nin liji jupj tsꞌuyupj mpes, nin pꞌiyá nin liji nun mpes. Jesucristo más püné pjü jajütütj jilal. Jesucristo más püné pjü noypan jilal.

El Nuevo Testamento en Tol de Honduras, 2da ed. ©2010, Wycliffe Bible Translators

595

COLOSENSES 2

11 Judiopan*

niyom jis pjolocꞌ tsjicj way tꞌasiyú jatꞌǘ. Nin lajay cocoy tsjictjacj jilal. Ma nin tꞌü nun jilal. Nun Jesucristo jutsꞌaꞌá, mpes pꞌa casá la tjiji jupj nun mpes. Jupj la tjiji mpes, nun ma malala quelel lojí quinam. 12 Bautizar* nu tepyala na, tacaꞌliqué jinwá nu tepyala Jesucristo lal. Mpes quina ma nin lojí püna la tjüjí jinwá. Tacaꞌliqué jinwá quinam, mopꞌin nusin tjijyünsa jinwá nu tepyala wa, ꞌüsǘ mpe nusin tjijyünsa na. Mpes niswa tapatjaqué jinwá nu tepyala, Jesucristo lal tepyala jinwá. Mpes quina nun lojí Jesucristo jos jin. Nun poné Dios püné, ne pajal ꞌüsüs liji; nin mpes nin tepyala nun jis lal. Dios püné, mpes ꞌücj jas tjijyünsa Jesucristo la pütꞌüs tepeꞌe na. 13 Yas nam nun tacaꞌliqué jinwatsja Dios lal. Lovin ma la tjüjí Dios jostsja jin, mpes nintsja nun. Nun Dios gente popa tuluctsja. Nin tulucj quinam. Quina nujisas Dios. Jisas pjü jupj velá. Lovin ca mpatjaqué, Dios nin la nutjiji. Nin la nutjiji Jesucristo mpes. Jesucristo jas tjijyünsa, tüpüꞌü niswá, ne nin nu tepyala quinam. Dios perdonar la qjuis tjiji cupj malala nyuca la tjijicj. 14 Yas nam ma la tjijicj Moisés* tjijyüꞌtá. Papel jáꞌasatsja, malala la tjijicj véletsja jupj. Tsjay malala nyuca la tjijicj véletsja. Quina Dios la tjiji tecyawaja popelses. Ma vele quinam. Ma si nuc. Nin la tjiji Jesucristo cruz* poꞌo tjovalapj mpes. 15 Dios la tjiji tsjictjacj jis tepyala lapanenpan jis jepapan. Püné tulucj jis tepyala yupj. Dios la tjiji pjü tjunuc niná. Jesucristo cruz poꞌo tepeꞌe mpes, Dios la tjiji yupj pajal tsjictjacj jis tepyala jupj lal.

16 Gente

Nujisas tꞌas Dios ꞌyayá.

ca mvelecj malala lojí. Nin ca mvelecj lojá mpes, müsiqué mpes ꞌotsꞌipj. Yupj ca mvelecj malala nun ma ꞌa nusí mulú pjü way judiopan* jis fiesta mpes. Nun solejé fiesta lajay pjü año. Solejé lovin fiesta lajay mümüy len̈ tepyala na. Tꞌücꞌ way gente ca mvelecj malala lojí wa, nun lojí mpes sábado* jawas. Dios la tjiji püné tulucj tepyala diablú* quinam, mpes ma nin nujola tꞌas yupj javelepj mpes. 17 Selecj nin tepyala Jesucristo tjacꞌ na. Dios jostsja judiopan nin lajaytsja Moisés* tjijyüꞌtá; jostsja ca sin müꞌüsüs ca nin mpalas Jesucristo tjacꞌ na, nin mpes jostsja niná. Jesucristo nasa tjacꞌ. Mpes ꞌücj ma lijicj quinam pjü way Moisés tjijyüꞌtá. 18 Tꞌücꞌ way gente malala javelepj nun poꞌó. Ma nujola tꞌas. Yupj jisas la pꞌa wa mponecj yupj ꞌüsüs yola, tsjicj jin yola yupj pꞌiyá, nin jisas la pꞌa mponecj. Mopꞌin po yola yupj pꞌiyá noypan. Yupj javelepj más ꞌücj nun welé angelpan* jilal, Dios lal welé jinwá. Yupj javelepj tjijinan̈, malala tjunuc. Javelepj ꞌüsüs

El Nuevo Testamento en Tol de Honduras, 2da ed. ©2010, Wycliffe Bible Translators

COLOSENSES 2, 3

596

sin tjiꞌyüsa tjunuc mpes. Yola noypan yupj. Tꞌücꞌ tulucj. Yupj yola gente jinwá. Ma Dios mpes nin yola. 19 Ma jisas Jesucristo quinam. Jesucristo jüpꞌüy jay pjucj jinwá. Cupj jüpꞌüy jinwá. Jüpꞌüy jos, jay pjucj ꞌyaya niná. Jüpꞌüy ꞌa mulú jupj jutꞌum witjacj mpes, tsjüitsjim witjacj mpes ꞌotsꞌipj. Jüpꞌüy ꞌücj tꞌyüna jay pjucj mpes. Mpes ꞌücj pyala jüpꞌüy lal. Nin pꞌiyá, ꞌüsüs qjuesé palá Jesucristo mpes. Dios jos niná qjuesé palá, mpes nin qjuesé palá. 20 Jesucristo qjuisastsja na, tecyaꞌlequecj jinwá Jesucristo lal. Mpes quina ma pyonecj gente javelepj na nosis mpes. ¿Tsjan mpes nin lojí Jesucristo ma jisas jinwá? ¿Tsjan mpes lojí yupj javelepj jin? 21 Nun jis wala javelepj tsjan ma polel la las. Nun jis wala javelepj tsjan ma syaꞌma jis la nuc. Javelepj tsjan ma polel po lo ꞌotꞌé. ¿Tsjan mpes lojí niná yupj javelepj jin? 22 Javelepj la las mpes. Cupj lyajacj ncawajas ca; tjelyajacj na, cyawaja. Dios la tjiji ca nin nsem. Gente nenem sin ꞌyüsa lajay gente pꞌa wa tjowelepj pꞌin; Dios tjevele mpes sin ꞌyüsa lajay tulucj. Jajütütj gente pꞌa wa tjüjütütj mpes; Dios tjijyüꞌta jinwá jajütütj tulucj. 23 Yupj lajay mpes, pülücj japon yupj la pülücj javelepj Dios lal. Pülücj japon yupj yola Dios püné. Yupj lajay mpes, pülücj japon yupj yola yupj pꞌiyá tsjicj way. Nin tulucj. Ma tsjicj jin yola yupj pꞌiyá. Ma ꞌüsüs lajay yupj pꞌiyá jilal. Mpes pülücj japon yupj javelepj pasal ꞌüsüs. Yupj lajay ꞌüsüs tulucj. Mpes lovin yola gente pꞌin yola jinwá. Ma Dios jinwá yola yupj. Newa nin lajay yupj pꞌiyá jisas jin. 1 Nun tacaꞌliqué jinwá nu tepyala, mopꞌin nusin tjijyünsa jinwá, tapatjaqué jinwá, Jesucristo lal tepyala jinwá. Mpes po nujisas tꞌas Dios nu ꞌyayá. Jupj püꞌü tsjun poꞌó. Neꞌaj jáꞌasa Jesucristo, Dios liꞌinyampe. Neꞌaj jáꞌasa, jupj püné way mpes. 2 Lovin nujola tꞌas Dios nu ꞌyaya poꞌó. Ma nujola tꞌas Dios ma jisas yola jinwá. 3 Nun tacaꞌliqué jinwá nu tepyala quinam Jesucristo lal, ne nin. Quina ma nin lojí püna la tjüjí jinwá. Quina ꞌa mulú potjaqué Jesucristo lal, jupj ne Dios lal püꞌü. La pꞌa ma januc niná, ma jus nlay nun Jesucristo lal potjaqué. 4 Jesucristo mpes ca mpatjaqué Dios lal. Jesucristo niswa tjacꞌ na, pjü ca jus nucucj. Nin jawas, pjü ca nucucj wa nun jupj lal potjaqué. Ca nucucj jupj pajal ꞌüsüs, pajal püné; ca nucucj wa pajal ꞌüsüs nu tepyala jupj mpes.

3

5 Mpes

Quina más ꞌücj lojí Dios tsꞌuyupj lajay jinwá.

po ma la tjüjí niswá, Dios ma jisas lajay jinwá. Tecyaꞌlin̈ ma nin lajay. Nun tacaꞌliqué jinwá Jesucristo lal. Mpes ma la müjí Dios El Nuevo Testamento en Tol de Honduras, 2da ed. ©2010, Wycliffe Bible Translators

597

COLOSENSES 3

ma jisas lajay jinwá. Niyom nenem jamanun sejatsꞌom tulucj. Nequem nenem jil jis vayum tulucj jilal. Lovin pasal quelel nin lajay. Ninana lajay Dios jos ma la mijicj niná. Lovin malala quelel lajay yupj. Po jisas la pꞌa jatatj. La pꞌa jatatj po jisas; ma jisas Dios. Mpes po ma quelel la müjí niná niswá, yupj lajay jinwá. 6 Yupj ninana lajay mpes, pꞌa jawas Dios ca jis capj ntülüs. Ma lajay Dios tjevelá. 7 Yas nam nun la tjüjí yupj jinwá. Lovin nin la tjüjí. 8 Pꞌa wa Dios jos ma lojí nun quinam. Ma len̈ way tsꞌu tjiꞌinyá nun la pꞌa jilal. Ma newa tsꞌu tjiꞌinyá mpatjaqué. Ma nujisas tꞌas malala se palá la pꞌa jilal. Ma la ntsawilí nun la pꞌa la tjajay mpes. Ma lapj way tjowelé, la pꞌa jis la wicꞌ. 9 Ma la ntsawilí nunwá. Tacaꞌliqué jinwá nu tepyala Jesucristo lal, mpes ma ca malala la müjí püna la tjüjí jinwá. Ma quelel nin lojí quinam. 10 Quina nujisas Jesucristo. Mpes nun quelel lojí Dios tsꞌuyupj quelel lajay jinwá. Dios nin la tjiji nun mpes. Lovin más ꞌüsüs nujola Dios jinwá, nin pyala, la nusiji jupj. Mpes lovin más ꞌüsüs nusin ꞌyüsa Dios poꞌó. 11 Pjü way Jesucristo jisas, pjü way nin pꞌiyá yupj Dios lal. Judiopan* pülücj jisas Jesucristo. Judiopan tulucj pülücj jisas wa jupj. Gente pꞌa ntꞌa patja, pꞌa jis tin javelepj. Yupj pülücj jisas wa Jesucristo. Gente pülücj campa patja. Yupj pülücj way jisas wa Jesucristo. Esclavopan* pülücj jisas wa jupj. Esclavopan tulucj pülücj wa jisas wa jupj. Pjü nenem nin pꞌiyá yupj Dios lal Jesucristo mpes. Yupj pjü way moꞌó jáꞌasa Jesucristá. 12 Dios la nu tꞌya nun. Nun Dios jutsꞌaꞌá. Jupj quelel la nusiji. Dios niná la nutjiji mpes, po jis capj mpꞌaꞌsá la pꞌa wa, malala se palá na. La pꞌa jilal ꞌüsüs la müjí, jisas na. Ma nin nujola nsem nun püné. Ma la tjoweꞌlé la pꞌa jilal. Ma len̈ way tsꞌu tjiꞌinyá la pꞌa jilal. 13 Nenéyawa ma ca nujisas nsem nun sejatjam lijá. Ma tsꞌu tjiꞌinyá nun. Najas nun perdonar lojí jupj. Qjuis Jepa Jesucristo perdonar la nutjiji malala nyuca la tjüjí. Mpes perdonar lis müjí la pꞌa, malala lajay mpes. 14 Dios jos wa pꞌa wa lojí nun. Jos quelel lojí nunwá. Nin lojí na, pasal yuwal ca nujola nsem, nin mpalas. Nin jos Dios. 15 Ma nujola tꞌas pjü mpes. Jesucristo nin polel la nusiji, ne ma nujola nsem pjü mpes. Lovin nujisas tꞌas Jesucristo nin la nusiji. Nun pjü way jüpꞌüy pjaní jinwá. Dios jos pjü nun ma nin nujola nsem pjü mpes. Lovin tjüwüiꞌiqué Dios lal. 16 Más ꞌücj nun lovin po nujisas nsem Jesucristo tjevelá. Sin tjüꞌüsüs lis müjí la pꞌa wa. Ma nin lajay na Dios jos jin, jis wala tjowelé. Nusin tjüꞌüsüs tsjan niná Dios jos nun welé, ne

El Nuevo Testamento en Tol de Honduras, 2da ed. ©2010, Wycliffe Bible Translators

COLOSENSES 3, 4

598

nin tjowelé yupj jilal. Püna Dios mpes tjenejetsꞌen̈ moꞌo tapac, niná tjünüejetsꞌequé nun. Tjünüejetsꞌequé Dios poꞌó. Nüejetsꞌequé na, po wüiꞌiqué Dios lal. 17 Nun welé na, Jesucristo mpes tjowelé. Mpes la pꞌa ca sin müꞌüsüs jupj mpes. Pjü nin lojí, la müjí niná Jesucristo mpes. Mpes la pꞌa ca sin müꞌüsüs jupj mpes. Jesucristo cupj qjuis Jepa Püné. Tjüwüiꞌiqué Dios lal, jupj cupj qjuis Papay. Nujola tꞌas, Jesucristo mpes Dios pjoca, jupj lal welé na.

Pablo tepyaca tsjan jos Dios cupj ca la mijicj la pꞌa jilal.

18 Nequem,

najas nun ca nin la müjí nuvoyum javelepj jin. Nin jos qjuis Jepa Jesucristo. 19 Niyom, quelel lis müjí nun sejatsꞌom. Ma tsꞌi miꞌiná yupj jilal. 20 Tsjictjacj, lovin la müjí nun jis papay javelepj jin. Lovin la müjí wa nun sejamay javelepj jin. Nin lojí na, ꞌücj jos pyala qjuis Jepa Jesucristo. 21 Niyom, nequem, ma lovin jis capj tjoweꞌlé nun jis tsꞌuyupj jilal. Lovin jis capj velelé, yupj ca yola nsem yupj pꞌin malala. 22 Esclavopan*, nun jis patrón witjacj nu jajütütj quiꞌá, nosis casá. Nin la müjí pjü way yupj javelepj. Esclavopan nepénowa yümücj tsjiꞌ lajay yupj jis patrón witjacj yus januc na. Ma yümücj tsjiꞌ lajay ma yus januc na. Po ma ca nin la müjí yupj jin pꞌiyá. Po jisas tꞌas nun ca nin la müjí nun jis patrón witjacj jisas jinwá. Nin jos qjuis Jepa Jesucristo. Ma lojí na jupj jos jin, locj tjeyá nun jupj polel nucopj tyüla mpes. 23 Nun jis patrón mpes tsjiꞌ lojí na, lovin ꞌüsüs tsjiꞌ la müjí. Nujola tꞌas nin lojí qjuis Jepa Jesucristo mpes. 24 Nun solejé qjuis Jepa Jesucristo tsjay ꞌüsüs ca la mijis Dios tsꞌuyupj mpes. Nun nin lojí jupj tjevele jin, mpes ca nin la mijis nun mpes. Jesucristo mpes tsjiꞌ lojí. Jupj nun jis Jepa Püné; Dios jas tjejyama jupj, qjuis capj la pꞌacj. 25 Malala lajay, malala ca jis mpalas, malala la tjajay mpes. Dios nin pꞌiyá liji pjü jilal, mpes nin ca nsem pjü malala lajay jilal. 1 Nun nepénowa patrón witjacj. ꞌÜsüs la müjí nun jis esclavopan* mpes. Yupj ꞌüsüs lajay na, ma malala la müjí yupj jilal. Nujola tꞌas, nun jis Jepa nu jyüꞌta wa nun. Tsjun poꞌo jáꞌasa jupj. 2 Más ꞌücj nun pjü way la pülücj welé Dios lal. Jupj lal welé na, jupj poꞌo po nujola tꞌas. Ma nin nujola tꞌas la pꞌa mpes. Dios lal welé na, lovin tjüwüiꞌiqué jupj lal. 3 Tjowelé Dios lal cupj mpes ꞌotsꞌipj. La moná ca jupj ca nin la mijis ne cupj lovin ca polel mvelecj la pꞌa jilal jupj tjevelá. Mpes ca polel mvelecj la pꞌa jilal Dios tjevelá Jesucristo

4

El Nuevo Testamento en Tol de Honduras, 2da ed. ©2010, Wycliffe Bible Translators

599

COLOSENSES 4

poꞌó. Niná pjü ma salejeptsja yas nam. Niná la pꞌa jilal nin jis wala tjevelé, mpes cawilta moꞌo ꞌos quinam. 4 La moná Dios lal ꞌüsüs ca nin mvelé la pꞌa jilal. La moná ca len̈ way sin müꞌüsüs niná. Nin jos Dios. 5 ꞌÜsüs la müjí wa Dios tsꞌuyupj tulucj jilal. Mpes yupj ma malala mvelecj Dios poꞌó nun lojí mpes. Jesucristo poꞌó polel welé na, nin mvelé. 6 Lovin tülü way mvelé yupj jilal. Dios jos jinwá mvelé nun yupj jilal. Mpes yupj quelel sin ꞌyüsa na Dios poꞌó, nun lovin ca jus nlayé tsjan más ꞌücj welé yupj jilal.

Pablo tecyawaja tepyaca.

7 Tíquico

nun jis wala mveles tsjan ne palá quiꞌá. Jupj cupj qjuis catjam Jesucristo mpes. Pasal quelel lijicj jupj. Solejé jupj tsjiꞌ liji wa qjuis Jepa Jesucristo mpes. Lovin tsjay ꞌüsüs tsjiꞌ liji qjuis Jepa jos jin. Pjü nin ne palá, jupj ca nun jis wala mveles. 8 Mpes se jam jupj nun ntꞌa. Najas jus nlayé ncu ꞌüsüs pyatjaquecj ncupj. Najas nun ca ꞌücj jisas nsem jupj vele mpes. 9 Onésimo se jam wa jupj lal. Jupj cupj qjuis catjam ꞌotsꞌipj. Tsjay ꞌüsüs way nin liji wa qjuis Jepa Jesucristo jos jin. Pasal quelel lijicj wa jupj. Jupj nun popa pꞌiyá. Yupj ca nun jis wala mvelecj ꞌoyn nyuca pyala quiꞌá. Pjü way pyalá ca nin mvelecj yupj. 10 Aristarco cawilta moꞌo jáꞌasa wa napj lal. Süs wa la tjiji jupj. Marcos süs wa la tjiji wa. Jupj Bernabé primo hermano. Marcos ca mim nun ntꞌa ca nacj. Nun ntꞌa jama na, tjüwüiꞌiqué. Püna pꞌin nun jis wala tjevelé niná. 11 Jesús süs wa la tjiji wa. Jupj pꞌa ló tyaꞌa wa; Justo ló wa. Jupj cupj qjuis catjam Jesucristo mpes. Aristarco, Marcos, Justo, conas tsjiꞌ lajay wa napj lal Dios mpes. Salejepj wa tsjan niná Dios jyüꞌtá. Judiopan* yupj. Judiopan pꞌa wa ma tsjiꞌ lajay napj lal. Pasal ꞌücj najas ꞌos, yupj ꞌüsüs la ntjajay mpes. 12 Epafras süs wa la tjiji wa. Jupj nun popa pꞌiyá. Jupj lovin Jesucristo mozo. Jupj lovin vele Dios lal nun mpes. Jupj jos nun lovin nujola nsem Dios jos jinwá. Jupj jos lovin ca jus nlayé tsjan jos Dios ca nun la müjí. Pajal jola jupj nun mpes. 13 Napj selé tꞌücꞌ way jupj lovin po vele Dios lal nun mpes, Dios tsꞌuyupj Laodicea ntꞌa patja mpes ꞌotsꞌipj, Dios tsꞌuyupj Hierápolis ntꞌa patja mpes ꞌotsꞌipj. 14 Lucas süs wa la tjiji wa, doctor jupj. Pasal quelel lijicj jupj. Demas süs wa la tjiji wa. 15 Süs wa la müjí Dios tsꞌuyupj Laodicea poꞌó. Süs wa la müjí wa Ninfa lal. Dios tsꞌuyupj neꞌaj ꞌa si mulú jupj wo ntꞌa. Süs wa la müjí wa yupj jilal. 16 Papel niná moꞌo tjowelé na, jas majamá Laodicea

El Nuevo Testamento en Tol de Honduras, 2da ed. ©2010, Wycliffe Bible Translators

COLOSENSES 4

600

ntꞌa, Dios tsꞌuyupj neꞌaj moꞌo jis la veles wa ꞌa si mulú na. Pꞌa papel tepyac wa yupj mpes. Niná yupj ca jas majamacj nun ntꞌa. Najas niná moꞌo ca mvelé nun ꞌa nu tjimyula na. 17 Cupj qjuis Jepa Jesucristo jos Arquipo tsjiꞌ liji jupj mpes. Wola mvelé Arquipo lal, más ꞌücj jupj ca nin la mijis qjuis Jepa Jesucristo jos jinwá, pjü way. 18 Napj Pablo. Niná napj pꞌiyá pyac nun mpes. Najas nujola nsem cawilta moꞌo ꞌos custjay. Najas Dios lovin ꞌüsüs way liji nun mpes.

El Nuevo Testamento en Tol de Honduras, 2da ed. ©2010, Wycliffe Bible Translators

Papel mwalá Pablo tepyaca Tesalónica moꞌo tapatja mpes

1

1 Napj Pablo. Napj lal patja wa Silvano, Timoteo ꞌotsꞌipj. Nun Dios tsꞌuyupj Tesalónica ntꞌa. Nun Dios so con̈có, Jesucristo so con̈có ꞌotsꞌipj. Dios cupj qjuis Papay, Jesucristo cupj qjuis Jepa Püné. Papel niná pyaquecj nun mpes. Najas Dios ꞌüsüs way la mijis nun mpes. Najas wa nun ma nujola nsem pjü mpes, Dios ca nin la numijis.

Tesalónica poꞌo patja pasal ꞌüsüs lajaytsja Dios jos jin.

2 Lovin

wiꞌiquecj Dios lal nun mpes. Lovin nin velecj Dios lal jupj lal velecj na. 3 Lovin ma qjuiyoꞌ peꞌe nun tsjiꞌ lojí Jesucristo mpes, jupj lal poné mpes. Nun quelel lojí jupj, mpes nin lojí. Nun solejé pajal ꞌüsüs ca nu mpalas qjuis Jepa Jesucristo mpes. Malala nu pyala na, newa poné nun. Mpes cupj wiꞌiquecj qjuis Papay Dios lal nun mpes. 4 Dios po quelel la nusiji. Selecj jupj la nu tꞌya nun. 5 Nun jilal nin tjevelecj Dios tjevelá. Jupj tjevele tsjan niná Jesucristo ꞌüsüs la tjiji gente mpes. Cupj tjevelecj pꞌin tulucj. Niná tjevelecj na, Dios pajal ꞌüsüs la tjiji, mpes ꞌüsüs tepyala wa cupj tjevelecj na, Dios pꞌin ꞌücj liji jinwá. Dios Cjües qjuis capj tjepꞌyaꞌsa ꞌücj la veles ꞌotsꞌipj. Cupj selectsja cupj tjevelecj tꞌücꞌ way. Nun pꞌiyá solejé wa cupj ꞌüsüs la tjijicj nun ntꞌa lovin. Qjuisastsja ca ꞌüsüs nu mpalas nun. 6 Nun nin la tjüjí cupj jinwá. Nin la tjüjí qjuis Jepa Jesucristo jinwá ꞌotsꞌipj. Dios tjevele toponé na, la pꞌa wa malala nyuca la nutjajay. Mopꞌin nun ꞌücj nujisastsja, Dios Cjües nin la nutjiji. 7 Dios tsꞌuyupj

601 El Nuevo Testamento en Tol de Honduras, 2da ed. ©2010, Wycliffe Bible Translators

1 TESALONICENSES 1, 2

602

Macedonia ntꞌa nujus tjunuc nun. Dios tsꞌuyupj Acaya ntꞌa nujus tjunuc wa. Tjunuc nun lojí Dios jos jinwá. Mpes yupj ꞌüsüs nin lajay wa quinam Dios jos jinwá. 8 Nun la tjüjí mpes, gente sin tjiꞌyüsa Jesucristo poꞌó. Macedonia ntꞌa pꞌin tulucj, Acaya ntꞌa pꞌin tulucj. Nun la tjüjí mpes, gente jun taꞌá sin tjiꞌyüsa Jesucristo poꞌó. Yupj salejepj nun toponé Dios lal, ne nin lojí jupj tjijyüꞌtá. Mpes ꞌücj ma velecj cupj yupj jilal nun poꞌó. Yupj salejepj nun toponé Dios lal, ne nin lojí jupj tjijyüꞌtá. 9 Yupj pꞌiyá nin javelepj po ꞌücj nujisastsja nun, nun ntꞌa tjeleque na. Yupj pꞌiyá nin javelepj nun quelel lojí Dios tjevelá, nusin tjiꞌyüsa la tjijicj mpes. Yupj javelepj püna pꞌa dios witjacj* nujisastsja nun; quina nin lojí Dios tjevelá, nusin tjiꞌyüsa la tjijicj mpes. Dios ma pꞌa dios witjacj jinwá jupj. Dios tꞌücꞌ way jupj, püꞌü jupj. 10 Yupj lovin javelepj pasal lu nucú Dios Jatjam Jesucristo ncuwim niswá, tsjun nepé ncuwim. Jesucristo tepeꞌe na, Dios jas tjijyünsa jupj, tüpüꞌü niswá. Dios po ma jos gente malala nyuca lajay. Nin mpes ca jis capj ntülüs pꞌa jawas. Jesucristo la tjiji mpes, Dios ma ca qjuis capj ntülüs cupj, yupj jis capj tyüla na.

Pablo tepyaca tsjan la tjiji jupj Tesalónica poꞌó.

2

1 Qjuis

catjampan, nun solejé nun ntꞌa tjeleque na, pasal ꞌüsüs way nu tepyala. 2 Solejé Filipos ntꞌa qjuis süptsja yupj, malala tjowelepj wa cupj qjuilal. Newa nin, cupj tjeleque nun ntꞌa. Pülücj nun ntꞌa patja ma jisastsja cupj tjevelecj Dios tjevelá. Tjevelecj tsjan niná Jesucristo ꞌüsüs la tjiji gente mpes. Dios mpes ma lecj tjeyactsja la veles jupj mpes. 3 Tꞌücꞌ way nin tjevelecj nun jilal Dios jos jin. Cupj selecj tꞌücꞌ way tjevelectsja. Ma la tsyawilicj nun jilal. Cupj sin nin qjuisastsja nun mponé Dios tjevelá. La pꞌa ma qjuisastsja. 4 Dios qjuisin tjejyama la veles jupj tjevelá Jesucristo poꞌó. Nin velecj niná Jesucristo ꞌüsüs la tjiji gente mpes. Dios selé lovin velecj jupj jos jinwá. Nepénowa ma quelel pjyacan̈ cupj velecj, ma nin qjuiyola. Qjuisas Dios ꞌücj jos nsem cupj velecj mpes. Jupj ꞌüsüs nyuca tsjan qjuisas cupj. 5 Nun jilal tjevelecj Dios jostsja pꞌin. Ma tjevelecj nun pajal ꞌüsüs; tjevelecj tsjan tꞌücꞌ way. Dios selé, nun ntꞌa tjeleque na, ma qjuisastsja nun toꞌatsja. 6 Nun solejé apostolpan* cupj; Cristo qjuisin tjejyama nun jilal la veles jupj poꞌó. Cupj pünetsja Dios mpes, mopꞌin ma qjuiyólatsja ncu gente ꞌüsüs tjowelepj cupj poꞌó. Ma qjuiyólatsja ncu nun ꞌüsüs tjowelé cupj poꞌó. 7 Quelel la nusijictsja nun. ꞌÜsüs way la tjijicj nun mpes. Quepj po quelel liji jupj tsjicj. Po ꞌüsüs nyuca liji jupj tsjicj mpes. Nin pꞌiyá

El Nuevo Testamento en Tol de Honduras, 2da ed. ©2010, Wycliffe Bible Translators

603

1 TESALONICENSES 2

la tjijicj cupj. Tsjicj jamay jinwá la tjijicj nun mpes. 8 Po quelel la nusijictsja. Mpes po quelel velectsja nun jis lal Dios tjevelá Jesucristo poꞌó. Nun jis lal tjevelecj tsjan niná Jesucristo ꞌüsüs la tjiji gente mpes. Ma qjuiyólatsja la pꞌa quelel qjuis tjüꞌünantsja ca nacj cupj tjevelecj mpes. Pajal quelel la nusijictsja, mpes nin. 9 Po quelel velectsja nun jilal Dios tjevelá. Nujola pyala ꞌoyn nyuca la tjijicj, nun ntꞌa tepyatjaquecj na. Cupj ma la tjemyonacj nun jis ve. Po tsjiꞌ la tjijicj la pꞌin. Jaw na tsjiꞌ la tjijicj. Püste na tsjiꞌ la tjijicj wa. Nin mpes ꞌücj ve jaylacj la tjijicj. Newa tjevelecj nun jilal Dios tjevelá. Tjevelecj tsjan niná Jesucristo ꞌüsüs la tjiji gente mpes. 10 Nun solejé, Dios selé ꞌotsꞌipj, cupj la tjijicj Dios jostsja jinwá nun jilal. Po ꞌüsüs way la tjijicj nun mpes. Pjü ma polel javelepj malala nyuca la tjijicj nun jilal. Malala tulucj la tjijicj. 11-12 Cupj qjuisas ꞌücj jos nsem Dios nun mpes. Nin mpes po ꞌüsüs nusin tjiꞌyüsa la tjijicj, yom jupj popa si ꞌüsǘ liji jinwá. Nujun ꞌasas tjeleque, tjevelecj niná Dios jos la müjí nun. Dios po ꞌüsüs way jupj. Pajal püné way jupj. La nu tꞌya, mpes jupj nun jis Jepa quinam. 13 Dios tjevelá tjevelecj na, nun toponé cupj tjevelecj. Solejetsja tꞌücꞌ way tjevelecj Dios tjevelá. Solejetsja niná tjevelectsja gente pꞌin tjowelepj tulucj. Mpes lovin tjuwiꞌiquecj Dios lal nun mpes. Dios ꞌüsüs liji jupj tsꞌuyupj jilal, jupj tjevele japon mpes. 14 Neꞌaj patjá malala la tjajay nun jilal, toponé mpes. Nin pꞌiyá judiopan* malala nyuca la tjajay Dios tsꞌuyupj jilal Judea ntꞌa. Dios tsꞌuyupj sa con̈ Jesucristo. Nin pꞌiyá tepyala nun jilal. Yupj nun ntꞌa ꞌa mulú patja moꞌm malala nyuca la nutjajay. 15 Judiopan tjüꞌünan Jesucristá, qjuis Jepa Püné jupj. Tjüꞌünan wa profetapan*. Malala nyuca la tjajay wa cupj qjuilal. Yupj patja mpe qjuisin tjajam; ma jisastsja cupj neꞌaj tepyatjaquecj yupj jis lal. Dios po ma jos yupj lajay. Pjü gente jis enemigopan yupj. 16 Cupj qjuisastsja judiopan tulucj ꞌücj mpatjam Dios lal. Mpes yupj jilal tjevelecj Jesucristo poꞌó. Judiopan ma jisastsja cupj mvelecj judiopan tulucj jilal Jesucristo poꞌó. Mpes malala nyuca la tjajay cupj qjuilal. Tꞌücꞌ way lovin malala nyuca la tjajay. Newa nin lajay yupj. Dios po ma jos yupj nin lajay, ne jupj pajal ca jis capj ntülüs quinam.

Pablo po quelel jámatsja niswá Tesalónica ntꞌa.

17-18 Qjuis

catjampan, nun jilal tepyatjaquecj na, qjuis tjüjütütj nun mpe pjeꞌá qjuis ntüncüs cupj. Malala nyuca la tjajay cupj qjuilal. Mpes tjeleque ncupj. Newa nin, qjuiyola cupj nun mpes. Po quelel léquetsja nun ntꞌa nujus la nuc niswá. Napj la pülücj quelel jumtsja nun ntꞌa. El Nuevo Testamento en Tol de Honduras, 2da ed. ©2010, Wycliffe Bible Translators

1 TESALONICENSES 2, 3

604

Mopꞌin ma polel léquetsja Satanás* la tjiji mpes. Tꞌücꞌ way ca nlaca nun ntꞌa pꞌa jawasiyá. 19-20 ¿Ncu solejé tsjan mpes ꞌücj qjuisas cupj? ¿Ncu solejé tsjan mpes ꞌücj qjuisas nsem pꞌa jawasa? ¿Ncu solejé tsjan mpes velecj la pꞌa jilal ꞌücj qjuisas? Nun mpes tsjay ꞌücj qjuisas. Nun mpes selecj tsjay ꞌücj qjuisas nsem qjuis Jepa Jesús niswa tjacꞌ na. 1 Quelel pyaquecj niswá, po quelel léquetsja nun ntꞌa niswá. Newa ma polel léquetsja. Mpes quina pyatjaquecj Atenas poꞌó. 2 Jas tjejyamacj Timoteo nun ntꞌa. Nun solejé jupj cupj qjuis catjam Jesucristo mpes. Solejé wa jupj tsjiꞌ liji cupj qjuilal. Velecj la pꞌa jilal tsjan niná Jesucristo ꞌüsüs la tjiji gente mpes. Qjuisas nun lovin ca mponé Jesucristo lal. Qjuisas nun lovin ꞌücj jisas nsem Jesucristo lal poné mpes. Mpes cupj Timoteo jas tjejyamacj nun ntꞌa, nujun ꞌasas tjemey. 3 Qjuisas ma nujola nsem gente malala nyuca lajay na nun jilal. Nun Jesucristo jisas. Mpes solejé tꞌücꞌ way gente lovin ca malala nyuca la mijicj nun jilal. Ma nujola tꞌas. 4 Nun ntꞌa tepyatjaquecj na, lovin tjevelecj nun jilal gente ca malala nyuca la mijicj nun jilal, cupj qjuilal ꞌotsꞌipj. Nin tepyala cupj tjevelecj jin; tꞌücꞌ way gente malala nyuca lajay nun jilal, cupj qjuilal ꞌotsꞌipj, Jesucristo se con̈cocj mpes. 5 Mpes napj jas tjejyam Timoteo nun ntꞌa. Napj po quelel seletsja ncu poné Jesucristo lal custjay. Po nólatsja ma poné ca nacj Jesucristo lal quinam. Nólatsja diablo* tjevele toponé ca nacj. Pajal la pülücj nusin ꞌyüsa la tjijicj; newa nólatsja ma nujisastsja Dios quinam ca nacj. Tꞌücꞌ way diablo malala vele gente jis lal, jos malala nyuca lajay. 6 ꞌÜcj najas ma nin tepyala nun jilal. Quina Timoteo tjacꞌ nun mpe. Po ꞌücj qjuisas jupj qjuis wala tjevele mpes. Qjuis wala tjevele nun poné Jesucristo lal custjay. Tjevele nun quelel lojí jupj custjay. Jupj tjevele nun pasal quelel cus nucú, cupj quelel nujus nyucucj jinwá. Tjevele nun lovin nujola cupj poꞌó. 7 Mpes ꞌücj qjuisas nun mpes. Quina pjü qjuisas ma tyaꞌacj ncupj. Gente malala nyuca lajay wa cupj qjuilal. Mopꞌin ꞌücj qjuisas nun mpes. Timoteo qjuis wala tjevele mpes nun poꞌó, po ꞌücj qjuisas tepyala. Nun poné Jesucristo lal custjay, mpes po ꞌücj qjuisas. 8 Po quelel so con̈có Jesucristo. Mpes ma nin qjuiyola quinam. 9 Nin mpes pajal wiꞌiquecj Dios lal nun mpes. Tsjay ꞌücj qjuisas nun poné mpes, ne wiꞌiquecj Dios lal. Dios selé pajal ꞌücj qjuisas nun mpes. 10 Lovin po le monacj Dios lal qjuisin majamas, nlaca nun ntꞌa nujus la nuc. Mopꞌin ma qjuisin tjejyama custjay. Cupj quelel nusin ꞌyüsa lijicj custjay Dios mpes. Ma pjü nusin tjiꞌyüsa custjay. 11 Mpes

3

El Nuevo Testamento en Tol de Honduras, 2da ed. ©2010, Wycliffe Bible Translators

605

1 TESALONICENSES 3, 4

le monacj Dios lal, jupj ne cupj qjuis Papay. Le monacj wa qjuis Jepa Jesús lal ꞌotsꞌipj, yupj ca qjuisin majamacj nun ntꞌa. 12 Cupj qjuisas nun pajal ca quelel la müjí nun sejatjampan, gente la pꞌa wa ꞌotsꞌipj. Mpes le monacj Jesucristo lal jupj ca nucopj mpꞌaꞌsas pajal ca quelel la müjí quinam püna lal. Qjuisas nun ca quelel lis müjí yupj, cupj quelel la nujicj jinwá. 13 Más ꞌüsüs quelel lojí na, po ca ꞌüsüs nsem nun Dios lal. Solejé qjuis Jepa Jesús ncuwim pꞌa jawas, pjü Dios tsꞌuyupj jilal. Ca mveles ncu ꞌüsüs nyuca la tjijicj. Quiꞌá ꞌüsüs lojí na, ma nu maycas Jesucristo lal.

4

Más ꞌüsüs la müjí Dios jos jinwá.

1 -2 Pꞌa

way quelel pyac quinam. Nun solejé tsjan jos Dios ca nun la müjí. Mpes jupj jos jin la müjí. Nusin tjiꞌyüsa la tjijicj tsjan jos jupj. Tꞌücꞌ way ꞌüsüs lojí nun quinam. Newa más ꞌüsüs la müjí qjuisas. ꞌIn tjajama ca ꞌüsüs la müjí Dios jos jin. Qjuis Jepa Jesucristo mpes nin velecj; nin mpes ꞌücj nin velecj nun jilal. 3 Lovin ꞌüsüs la müjí Dios jos jin. Solejé Dios jos lovin nin lojí. Dios jos yom ma myaꞌna jatsꞌom tulucj. Dios jos quepj ma jama voyum tulucj lal. 4-5 Dios ma jisas lovin quelel lajay yupj jisas jin. Po malala niná Dios lal. Dios jos ma lojí yupj jinwá, jos lovin ꞌüsüs lojí jupj jos jin. Jupj jos nun woyaqué, lowiqué nun sejatsꞌom jilal la pꞌin. 6 Mpes ma tjalawiqué la pꞌa jilal. Yom pjaní yom pꞌa wa jatsꞌom neꞌaj myaꞌna, po malala la tjiji wa yom niná lal. Yom pjaní nin liji na la pꞌa jilal, qjuis Jepa Jesucristo ca cus ntülüs jupj. Nun nasa solejé niná. Cupj nasa tjevelecj nun jilal ca nin mpalas malala lajay. 7 Niswa quelel pyaquecj Dios jos yom ma myaꞌna la pꞌa yom jatsꞌom. Dios jos quepj ma jama pꞌa quepj voyum lal. Dios jos wa ma tjewyayin̈ ma jamanun pjü way. Dios jos cupj nin lijicj jupj jos jinwá. 8 Dios jos cupj pajal ꞌüsüs nsem. Mpes jupj qjuis tjeꞌyaya jupj Cjües. Tꞌücꞌ way nepénowa ma lajay jupj jos jinwá. Mpes ma jisas Dios. 9 Quina pꞌa way quelel pyaquecj. Dios jos quelel lojí nunwá. Nin solejetsja. Nusin tjiꞌyüsa la tjiji Dios. Mpes nasa quelel la sojí nun sejatjampan. 10 Tꞌücꞌ way nun quelel lojí nun sejatjampan pjü way Macedonia poꞌó. Newa nin, qjuisas más ꞌüsüs quelel lojí yupj. 11 Nujola tepyala nin nu tjijyüꞌtücj. Nu tjijyüꞌtücj ma lo velelé pjü jilal. Nu tjijyüꞌtücj ma nujola tꞌas la pꞌa lajay mpes. Nu tjijyüꞌtücj pasal tsjiꞌ lojí. 12 Mpes ca ma jisas ves, la pꞌa jutsꞌaꞌá. Mpes wa la pꞌa ca jus nlayecj ꞌüsüs way nun. Yupj ma sa con̈ Jesucristo custjay.

El Nuevo Testamento en Tol de Honduras, 2da ed. ©2010, Wycliffe Bible Translators

1 TESALONICENSES 4, 5

13 Qjuis

606

Jesucristo ncuwim niswá.

catjampan nepénowa tecyaꞌlin̈. Mopꞌin ma ꞌaplijila nu tapalas. ꞌÜsüs ca jis mpalas. Qjuisas ca jus nlayé ꞌüsüs ca jis mpalas. Qjuis catjampan tulucj ꞌaplijila se palá yupj sin popa cyaꞌlin̈ na. Ma salejepj tsjan ca jis mpalas. Tꞌücꞌ way ma ꞌüsüs ca jis mpalas yupj. 14 Cupj pyonecj Jesucristo tepeꞌe. Pyonecj Dios jas tjijyünsa jupj, tüpüꞌü niswá. Pyonecj tjemey Dios ntꞌa, mopꞌin ncuwim jupj niswá. Dios ca jis ncunus qjuis catjampan Jesucristo lal. 15 Nun mpes pyaquecj qjuis Jepa Jesucristo tjevelá. Jupj niswa tjacꞌ na, jupj lal japon nepénowa newa mpatjam nsem custjay. Mwalá way tulucj ca mal yupj Dios ntꞌa qjuis catjampan tecyaꞌlin̈ jilal. 16 Qjuis Jepa Jesucristo Dios püꞌü mpe palá ncuwim nosis ntꞌa. Jupj jacꞌ na, ángel* más püné ca yümücj pjac mveles. Gente ca mpjacan̈ wa Dios trompeta. Dios yümücj ca müjüꞌtüs. Nin tepyala na, qjuis catjampan tecyaꞌlin̈ ca sin müjünsüs, mpatjam ca niswá. 17 Niswa janucun jis tepyala na, Dios ca ꞌa jis mulus patja witjacj yupj jilal mol ntꞌa. Yupj ca la müjüsün̈ qjuis Jepa Jesucristo neꞌaj. Lovin ca mpatjam jupj lal. 18 Nunwá ꞌücj nujisas la müjí, niná tepyaquecj mpes. 1 Qjuis catjampan, ma ca mpac tsjan jawas ncuwim Jesucristá. Ma selecj tsjan jawas ncuwim. 2 Pjü ma salejepj tsjan jawas ca ncul pwecapan. Nin pꞌiyá pjü ma salejepj tsjan jawas ncuwim Jesucristá. 3 Gente ca mvelecj pjü ma la palan, pjü ꞌüsüs patja. Niná tjowelepj na, len̈ way malala ca jis mpalas. Tꞌücꞌ way len̈ way ca malala jis mpalas. Quepj way tsjicj quelel myaꞌna na, len̈ way vyaja pyala. Nin pꞌiyá, len̈ way ca malala jis mpalas gente nenem jilal. 4 Nun yupj jinwá tulucj. Nun napj natjampan Jesucristo mpes. Nusin ꞌyüsa ca nin mpalas. Mpes solejé Jesucristo ncuwim niswá. Nun lu nucú jupj ncuwim. Pecj jacꞌ na jinwá tulucj ca nsem nun jis lal. 5 Nun pjü way, tjejyawca ntꞌa potjaqué jinwá, Dios mpes nusin ꞌyüsa mpes. ꞌÜsüs lojí nun, Dios jos jinwá. Ma püste ntꞌa pyatjaquecj jinwá cupj. Ma lijicj diablo* jos jinwá. 6 Mpes ꞌin tjajamá, más ꞌücj lovin ca la nucucj Jesucristo ncuwim. La pꞌa ma nin la nucucj. Lovin po nujisas tꞌas Jesucristo ncuwim. 7 Nepénowa püste ntꞌa patja jinwá; ma yola Jesucristo ncuwim. Yupj ma lajay Dios jos jinwá. 8 Nin tulucj cupj qjuis lal. Cupj jaw ntꞌa pyatjaquecj jinwá. Mpes más ꞌücj lovin qjuiyola pyala Jesucristo ncuwim. Nasa tepyonecj Dios lal. Nasa quelel lijicj jupj. Pyonecj pajal ꞌüsüs ca qjuis mpalas, ca mpatjaquecj Dios lal. Niná

5

El Nuevo Testamento en Tol de Honduras, 2da ed. ©2010, Wycliffe Bible Translators

607

1 TESALONICENSES 5

selecj, mpes ma lijicj diablo jos jin. 9 Dios po ma jos gente malala lajay, ne jupj ca jis capj ntülüs. Jupj ma jos ca nin nsem cupj qjuis lal. Jupj jos mpatjaquecj jupj lal. Mpes ca qjuis ncunus jupj ntꞌa qjuis Jepa Jesucristo lal tepyonecj mpes. 10 Jesucristo tepeꞌe cupj mpes. Mpes ca mpatjaquecj jupj lal pꞌa jawasiyá. Tecyaꞌlequecj naya ncuwim ca nacj. Newa ca cüpatjaquecj custjay ca nacj, jupj jacꞌ na. Mopꞌin nin, tꞌücꞌ way ca mpatjaquecj jupj lal. 11 Mpes nunwá ꞌücj nujisas la müjí. Nunwá nusin ꞌyüsa la müjí Dios poꞌó. Tꞌücꞌ way niná nusin ꞌyüsa lojí quinam. Najas lovin nusin ꞌyüsa lojí niná.

Pablo jostsja yupj ca nin la mijicj jupj sin tjiꞌyüsa la tjiji jinwá.

12 Qjuis

catjampan, nepénowa ꞌüsüs javelepj tsjan más ꞌücj lojí nun. Yupj nusin ꞌyüsa lajay Dios jos jinwá. Yupj pajal nucopj japꞌacj nun. Mpes najas nun welé yupj jilal po ꞌüsüs way nin lajay. 13 Najas pajal ꞌüsüs way lojí yupj mpes. Najas po quelel la sojí yupj, nin lajay mpes. Po ma la tjoweꞌlé nunwá. 14 Niná najas nin lojí wa: nepénowa neꞌaj se pjasá. Jis tjüjüꞌtǘ tsjiꞌ la mijicj yupj. Nepénowa nun ntꞌa ꞌaplijila jatja. ꞌÜcj jisas nsem la müjí nun. Nepénowa nun ntꞌa pülücj way tulucj sin tjiꞌyüsa Dios poꞌó. Mpes jis capj mpꞌaꞌsá. La pꞌa ma ꞌüsüs lajay na, po ma tsꞌu tjiꞌinyá yupj jis lal. 15 Tꞌücꞌ way gente ca malala la mijis nun jilal. Po ma malala la müjí nun yupj jilal. Pasal ꞌüsüs way la müjí nunwá. ꞌÜsüs way la müjí pjü jilal. 16 Lovin ꞌücj nujisas tꞌas nun. 17 Lovin mvelé nun Dios lal. 18 Nenéyawa malala ca nu mpalas. Newa tjüwüiꞌiqué Dios lal. Jupj jos wüiꞌiqué jupj lal. Dios jos nun nin lojí napj tjevelé jin, Jesucristo so con̈có mpes. 19 Ma tjowelé Dios Cjües lal: “Lyájasa tꞌas”. 20 Nepénowa javelepj Dios velá. Najas mpjaꞌaqué yupj javelepj. 21 Nusin tjüꞌüsüs ncu tꞌücꞌ way javelepj Dios jos jin. Nepénowa tꞌücꞌ way javelepj Dios tjevelá. Nin la müjí yupj jajütütj jin. 22 Nepénowa malala javelepj. Mpes lovin ma la müjí yupj jajütütj jin.

23 Ma

Pablo tecyawaja tepyaca.

qjuiyola pjü mpes, Dios nin liji. Najas nun pasal ꞌüsüs nsem Dios lal, jupj ca nin la numijis. Najas Dios lovin majamas ca nun jis pꞌüy, nun jis qjues ꞌotsꞌipj. Najas ma nu maycas ca Jesucristo niswa tjacꞌ na, jupj ne cupj qjuis Jepa Püné. 24 Tꞌücꞌ way Dios la nu tꞌya. Mpes tꞌücꞌ way nun pasal ꞌüsüs nsem Dios lal, nin la numijis jupj. Jupj ca nu majamas nun. Jupj lovin nin liji jupj tjevele jin.

El Nuevo Testamento en Tol de Honduras, 2da ed. ©2010, Wycliffe Bible Translators

1 TESALONICENSES 5

608

25 Qjuis

catjampan, qjuisas Dios lal mvelé nun cupj mpes. 26 Süs wa la müjí qjuis catjampan pjü way jilal, yus nucú na. ꞌÜcj nujisas tꞌas yus nucú na. 27 Napj nu jyütütj nun moꞌo ca mvelé papel niná pjü qjuis catjampan jis la pjac. Qjuis Jepa Jesucristo jos nun ca nin la müjí, mpes nin velé napj. 28 Najas Jesucristo ꞌüsüs way la numijis nun pjü way jilal, jupj ne cupj qjuis Jepa Püné.

El Nuevo Testamento en Tol de Honduras, 2da ed. ©2010, Wycliffe Bible Translators

Papel locopyaya Pablo tepyaca Tesalónica moꞌo tapatja mpes

1

1 Napj Pablo. Napj lal patja wa Silvano, Timoteo ꞌotsꞌipj. Nun Dios tsꞌuyupj Tesalónica ntꞌa. Papel niná pyaquecj nun mpes. Nun Dios so con̈có, Jesucristo so con̈có ꞌotsꞌipj. Dios cupj qjuis Papay, Jesucristo cupj qjuis Jepa Püné way jupj. 2 Najas yupj ꞌüsüs ca la mijicj nun mpes. Najas wa nun ma nujola nsem pjü mpes, yupj ca nin la numijicj. Dios cupj qjuis Papay. Jesucristo cupj qjuis Jepa Püné.

Jesucristo jacꞌ na, Dios ca jis capj ntülüs malala lajay.

3 Qjuis

catjampan, más ꞌücj lovin wiꞌiquecj Dios lal nun mpes. Nun lovin más ꞌüsüs nusin ꞌyüsa Dios poꞌó, pajal quelel lojí wa nunwá. Püna ꞌotsꞌotsꞌ way quelel la tjüjí nunwá; quina pajal quelel lojí yupj. 4 Mpes lovin ꞌüsüs velecj nun poꞌó Dios tsꞌuyupj ꞌa si mulú ntꞌa. Gente malala lajay nun jilal Jesucristo so con̈có mpes, nun newa lojí Dios jos jin. Tꞌücꞌ way malala nu pyala. Newa ꞌüsüs lojí, newa poné Dios nucopj pꞌyaꞌsa. ꞌÜcj qjuisas nin lojí mpes. 5 Nin mpes ꞌücj jus nlayecj Dios ꞌücj nin mveles nun ꞌüsüs jupj lal. Nin mpes jupj ca mveles nun jupj si jütüta popa wa, ne ca jupj lal mpatjaqué. Tꞌücꞌ way malala nu tepyala quinam Dios jyüꞌta jin lojí mpes. 6 Dios selé pjacj niná malala nyuca la nutjajay. Mpes Dios ca la mijis jupj tjevele jin. Malala ca jis mpalas; Dios nin ca la mijis yupj malala nyuca la nutjajay mpes. 7 ꞌÜsüs ca nsem nun jis lal. Ma malala nu mpalas ca niswá, Dios ca la mijis. Nin pꞌiyá ca la mijis cupj qjuilal. Nin la mijis Jesucristo jacꞌ na tsjun mpe. Ncuwim ꞌawa lal, ꞌawa

609 El Nuevo Testamento en Tol de Honduras, 2da ed. ©2010, Wycliffe Bible Translators

2 TESALONICENSES 1, 2

610

mwalaquem jupj ntꞌa, gente jis capj tyüla mpes. Jesucristo qjuis Jepa Püné way jupj. Pjü ca jus nucucj. Ncuwim jupj angelpan* jilal; noypan yupj pajal. 8 Dios ma jisas ca jis capj ntülüs jupj. Ma jisas Dios tjevelá Jesucristo poꞌó, jis capj tyüla jupj. Jupj tjevele tsjan ꞌüsüs liji jupj gente mpes, qjuis Jepa Jesús la tjiji mpes. 9 Pajal malala ca jis mpalas, yupj malala la tjajay mpes. Lovin ca nin nsem yupj jis lal, lovin ma ꞌyüꞌsa. Ma polel patja cupj qjuis Jepa Jesucristo lal. Yupj lovin ma jus nucucj ca. Ma ca nucucj jupj pajal ꞌüsüs way jyüꞌta; ma ca nucucj jupj tꞌücꞌ way püné pajal. 10 Dios ca la mijis ca nin nsem yupj jis lal, Jesucristo jacꞌ na. Tꞌücꞌ way pꞌa jawasa ncuwim jupj. Nin jawas pajal ꞌüsüs way nsem. Tjacꞌ na, Dios tsꞌuyupj pajal ꞌüsüs mvelecj ca Jesucristo poꞌó. Yupj jisastsja jupj. Pajal ꞌüsüs Jesucristo, nin ca yola nsem yupj jupj poꞌó. Nun toponé cupj tjevelecj Jesucristo poꞌó, mpes ca mpatjaqué wa nun Dios tsꞌuyupj la pꞌa wa jilal. 11 Mpes lovin velecj Dios lal nun mpes. Nun Dios tsꞌuyupj nu tepyala, Dios la nu tꞌya mpes. Le monacj Dios lal ꞌüsüs jos nsem jupj nun lojí mpes. ꞌÜsüs way quelel lojí. Le monacj Dios lal lovin ca ꞌüsüs quelel la müjí, Dios la mijis ca. Pasal püné way jupj. Nun poné Jesucristo lal, mpes quelel lojí jupj jos jin. Le monacj Dios lal lovin ca la müjí jupj jos jin. Le monacj Dios ca nin la mijis nun mpes. Pajal püné jupj. 12 Qjuisas gente ca ꞌüsüs mvelecj Jesucristo poꞌó, nun lojí mpes. Jupj cupj qjuis Jepa Püné. Gente ca ꞌüsüs mvelecj nun poꞌó Jesucristo mpes. Cupj qjuis Dios ꞌüsüs liji nun mpes, qjuis Jepa Jesucristo ꞌüsüs liji wa nun mpes, ne ca nin mpalas.

2

Yom malala ncuwim, ca yus ntsawilis nosis casá patjá.

1 Natjampan,

nun solejé Jesucristo ncuwim niswá. Jupj cupj qjuis Jepa Püné. Solejé jupj ntꞌa ca ꞌa qjuis mulus. 2 Nepénowa tjowelepj Jesucristo nasa tjacꞌ. Nepénowa nin tjowelepj ca nacj Dios tsꞌuyupj ꞌa jis tjimyula ntꞌa. Yupj nepénowa tjowelepj cupj pꞌiyá nin tepyaquecj ca nacj. Yupj tjowelepj nin tjoweleptsja Dios mpes ca nacj. Najas ma mponé ca yupj javelepj. Ma nin nujola tꞌas yupj tjowelepj mpes. Tꞌücꞌ way tulucj javelepj yupj. 3 Nepénowa ca la ntsawilicj nun jilal. Ma mponé yupj jilal. Tꞌücꞌ way Jesucristo ma niswa tjacꞌ custjay. Mwalá way pajal malala ca mpalas quiꞌá, custjay ma tjacꞌ na pꞌin. Pasal pülücj ma ca jisas nsem Dios. Pasal malala ca mvelecj jupj poꞌó. Dios enemigo lay mpalas wa. Jupj ma jos pjü way Dios tjevelá. Dios ca jas majamas jupj ꞌawa püné ntꞌa. 4 Dios enemigo mveles ca jupj más püné

El Nuevo Testamento en Tol de Honduras, 2da ed. ©2010, Wycliffe Bible Translators

611

2 TESALONICENSES 2

pjü dios witjacj* jilal. Tꞌücꞌ way gente jatatj dios pülücj witjacj, yola yupj jis dios witjacj pajal noypan. Mopꞌin Dios enemigo ca mveles jupj más püné yupj jis dios witjacj jilal. Ca mveles yupj jis dios witjacj malala. Dios enemigo maꞌajam ca Dios wo* moꞌó. Mveles ca Dios tꞌücꞌ way jupj. Nin tulucj. 5 Nun ntꞌa tüpüꞌüs na, niná tjeveletsja nun jilal. Napj selé lovin ma nujoꞌ tepeꞌe niná. 6 Nun solejé tsjan mpes Dios enemigo ma polel lay pyala quinam. Dios ca mveles tsjan jawas ꞌücj lay pyala. 7 Tꞌücꞌ way pasal pülücj tsjay malala lajay nasa, ne ma lajay Dios jos jin. Cupj qjuisin tjiꞌyüsa tsjan mpes nin lajay. Dios qjuisin tjiꞌyüsa la tjiji niná; jupj ma se ꞌaya pjü way sin ꞌyüsa niná. Newa Dios enemigo ma lay tepyala custjay. Dios enemigo ma polel lay pyala custjay; pjaní way ma ꞌyaya jupj nin liji quinam. Dios jos na, niná ca mim quepé. Jupj tjemey na, Dios enemigo ꞌücj lay mpalas. 8 Dios nin tjevele na, lay mpalas ca. Locopyaya cupj qjuis Jepa Jesucristo ncuwim. Pajal püné nsem jupj, jacꞌ na. Jupj ca jus mojos Dios enemigo, mpaꞌis ca jupj. Len̈ ca nsem jupj, Jesucristo nin la mijis ca. 9 Dios enemigo jacꞌ na, la pülücj pꞌa casá la mijis ca, yom pꞌin ma polel liji jinwá. Satanás* ca maꞌayas ne püné nsem jupj. Gente pasal yola nsem jupj liji mpes. Jupj ca jos nsem yupj mponecj jupj pꞌiyá más püné pjü jilal. 10 Nin mpes pajal malala ca jis mpalas pülücj jilal tecyaꞌlin̈ na. Dios enemigo ca pasal malala nyuca la mijis, ca yus ntsawilis, mpes ca pülücj mponecj jupj más püné pjü jilal. Yupj ma quelel sin ꞌyǘsatsja tsjan tꞌücꞌ way, mpes ca mal ꞌawa püné moꞌó; Dios lal mpatjam tulucj yupj. 11 Mpes Dios ca la mijis ne tꞌücꞌ way Dios poꞌo ma ca polel sin müꞌüsüs. Yupj ca mponecj la tsuwilpan jilal. 12 Mpes Dios ca mveles yupj pjü way malala nyuca la tjajay, ne ma ca mpatjam jupj lal. Yupj ma topon tsjan tꞌücꞌ way, mpes ca nin nsem. Tjuwiꞌin̈ malala la tjajay na.

13 Nun

Dios la nu tꞌya. Ca mpatjaqué jupj püꞌü ntꞌa.

malala lajay jinwá tulucj. Más ꞌücj lovin wiꞌiquecj Dios lal nun mpes. Nun qjuis catjampan. Qjuis Jepa Jesucristo quelel la nusiji nun. Püna, pjü cjuwatsja na, Dios la nu tꞌya. Jupj jostsja nun mpatjaqué jupj lal, mpes la nu tꞌya. Jupj jostsja ca nin nsem nun toponé mpes. Nun toponé tꞌücꞌ way Dios poꞌó, Jesucristo poꞌó ꞌotsꞌipj. Jupj jostsja ca nin nsem wa jupj Cjües mpes. Nun Dios jutsꞌaꞌá nu tepyala, jupj Cjües la tjiji. 14 Nun toponé nun jis wala tjevelecj na Jesucristo poꞌó.

El Nuevo Testamento en Tol de Honduras, 2da ed. ©2010, Wycliffe Bible Translators

2 TESALONICENSES 2, 3

612

Tjevelecj tsjan niná jupj ꞌüsüs la tjiji gente mpes. Dios nucopj tjepꞌyaꞌsa nu la pon cupj tjevelecj. Jupj jos nun pajal ꞌüsüs nsem, pajal püné nsem wa, qjuis Jepa Jesucristo jinwá. Nin mpes nucopj tjepꞌyaꞌsa jupj. 15 Mpes lovin toponé nusin tjiꞌyüsa la tjijicj mpes. Cupj pꞌiyá qjuisin tjiꞌyüsa, niná pꞌiyá nusin tjiꞌyüsa la tjijicj. Nun ntꞌa tepyatjaquecj na, nusin tjiꞌyüsa la tjijicj. Papel tepyaquecj wa nun mpes, nusin tjiꞌyüsa la tjijicj wa papel nenem mpes. Qjuisas lovin mponé pjü way nusin tjiꞌyüsa la tjijicj. 16 Jesucristo cupj qjuis Jepa Püné. Dios cupj qjuis Papay. Dios pasal ꞌüsüs way la tjiji cupj mpes. Mpes selecj jupj quelel la qjuisiji. Ma lecj jeyacj lovin tsjiꞌ lijicj Dios mpes. Ma lecj jeyacj Dios la tjiji. Dios mpes selecj ca ꞌüsüs qjuis mpalas. Dios pasal ꞌüsüs la tjiji cupj qjuilal. 17 ꞌÜsüs quelel lojí Dios mpes. ꞌÜsüs quelel welé Dios mpes. Le monacj Dios lal, Jesucristo lal wa, ma ca locj meyá tsjiꞌ lojí na Dios mpes. Le monacj wa lovin ca ꞌüsüs polel tsjiꞌ la müjí jupj mpes.

Tjowelé Dios lal cupj mpes.

3

1 Quina pꞌa mpes ca mpac. Cupj ca mvelecj lovin la pꞌa jilal Jesucristo poꞌó. Qjuisas pülücj sin müꞌüsüs ca jupj poꞌó, mpes qjuisas nun mvelé Dios lal cupj mpes. Qjuisas pꞌa ntꞌa patja ca mponecj wa; qjuisas len̈ way ca nin nsem. Qjuisas yupj mwiꞌin̈ Dios lal yupj sin tjiꞌyüsa mpes. Nintsja nun jis lal: nun tjüwüiꞌiqué tjapjaꞌaqué na Jesucristo poꞌó. 2 Tꞌücꞌ way gente pasal malala ca malala quelel la qjuis mijicj. Gente pülücj way ma japon Jesucristo lal. Qjuisas gente malala nenem ma ca polel malala la mijicj cupj qjuilal. Mpes qjuisas mvelé nun Dios lal cupj mpes. 3 Tꞌücꞌ way qjuis Jepa Jesucristo ca nu majamas nun. Lovin nin liji jupj tjevele jinwá. Lovin ca quelel cus con̈có Jesucristo, jupj pꞌiyá ca nin la numijis. Ma malala ca nu mpalas, nin la mijis jupj nun mpes. 4 Qjuis Jepa Jesucristo lal pyonecj, mpes pyonecj nun nin lojí cupj jyüꞌtücj jinwá. Cupj pyonecj nun lovin ca nin la müjí. 5 Velecj Dios lal nun mpes; qjuisas nun quelel la sojí la pꞌa, Dios quelel la siji jinwá. Qjuisas nun newa ca ꞌüsüs la müjí malala tepyala na. Qjuisas lovin ꞌüsüs la müjí Jesucristo la tjiji jinwá. Mpes velecj qjuis Jepa Dios lal nun mpes.

6 Qjuis

Dios jos jupj tsꞌuyupj tsjiꞌ lajay.

catjampan nepénowa ma quelel tsjiꞌ lajay. Nin solejé nun. Yupj ma lajay cupj sin tjiꞌyüsa la tjijicj jinwá. Mpes cupj nu jyüꞌtücj El Nuevo Testamento en Tol de Honduras, 2da ed. ©2010, Wycliffe Bible Translators

613

2 TESALONICENSES 3

ma jis capj ncon̈có. Nin nu jyüꞌtücj Jesucristo mpes, jupj cupj qjuis Jepa Püné. 7 Nun solejé más ꞌücj lojí cupj la tjijicj jinwá. Po tsjiꞌ la tjijicj, nun ntꞌa tepyatjaquecj na. 8 La pꞌa jis ve tjelyajacj na, jaylacj la tjijicj. Pasal yümücj tsjiꞌ la tjijicj. Jaw na, tsjiꞌ la tjijicj. Püste na, tsjiꞌ la tjijicj wa. Mpes tꞌemel tyaꞌactsja tsjiꞌ la tjijicj mpes. ꞌÜcj jaylacj la tjijictsja nun jis ve tjelyajacj na. 9 ꞌÜctsja qjuis la mon nun jis ve, ma jaylacj la qjuijicj. Mopꞌin ma nin la tjijicj. Quelel tsjiꞌ lijictsja, ne jaylacj lijictsja cupj tjelyajacj. Más ꞌücj nin. Qjuisastsja nun nucú cupj nin la tjijicj; qjuisastsja nun nin pꞌiyá la müjí, mpes nin la tjijicj. 10 Nun ntꞌa tepyatjaquecj na, la pülücj nun jis wala tjevelecj ma maꞌayá jis la las ma tsjiꞌ lajay jilal. 11 Cupj nasa jus nlayecj nepénowa neꞌaj ma quelel tsjiꞌ lajay, mpes ninana pyac napj quinam. Yupj sin javelepj la pꞌa lajay mpes. Ma tsjiꞌ lajay. Malala nin. 12 Qjuisas yupj ca tsjiꞌ la mijicj. Si jütütücj tsjiꞌ la mijicj, ne jaylacj la mijicj yupj jis ves. Si jütütücj ma yola la pꞌa lajay mpes. Qjuis Jepa Jesucristo jos nin jyüꞌtücj. 13 Natjampan, qjuisas lovin ꞌüsüs la müjí. 14 Nepénowa ma ca quelel la mijicj ca nacj cupj tepyaquecj jin. Nusin tjüꞌüsüs pjacj niná, ne ma jis capj ncon̈có. Mpes ca jis maycas malala nyuca lajay mpes. 15 Newa nin, yupj nun jis enemigopan tulucj. Tꞌücꞌ way yupj nun sejatjampan. Mpes nun ca mvelé yupj jilal más ꞌücj nin lajay cupj tepyaquecj jin. Quelel la sojí, ne nin ca mvelé nun.

16 Tꞌücꞌ

Pablo tecyawaja tepyaca.

ca mpac quinam. Qjuis Jepa Jesucristo liji ne ma qjuiyola pjü mpes. Qjuisas nun lovin ma nujola nsem pjü mpes, ne nin le monacj jupj lal ca nin nsem, ꞌüsüs pyala na ꞌotsꞌipj, malala pyala na ꞌotsꞌipj. Qjuisas qjuis Jepa Jesucristo lovin ca nucopj ncon̈cos. 17 Niná napj pꞌin pyac nun mpes. Napj nlá nin pyac. Pjü papel pyac na, nin pꞌiyá pyac napj nlá. Mpes jus nlayé ca tꞌücꞌ way napj jas tjejyam niná. 18 Najas Jesucristo ꞌüsüs way la numijis nun pjü way jilal, qjuis Jepa Püné way jupj.

El Nuevo Testamento en Tol de Honduras, 2da ed. ©2010, Wycliffe Bible Translators

Papel mwalá Pablo tepyaca Timoteo mpes

1

1 Napj

Pablo. Dios ntjijütüta napj mvelé gente jilal jupj mpes. Nin tjejyama la veles jupj mpes Jesucristo poꞌó. Apóstol* napj. Dios la tjiji cupj ꞌücj ca mpatjaquecj jupj lal. Jesucristo mpes selecj cupj ca mpatjaquecj jupj lal. 2 Timoteo, pülücj jin tjiꞌyüsa la tjejay napj Jesucristo poꞌó. Nasa tepyon jipj Jesucristo lal. Po ꞌüsüs jin tjiꞌyüsa, tsjicj si ꞌüsǘ jinwá, popay si ꞌüsǘ liji na. Jipj mpes nin pyac quinam. Dios cupj qjuis Papay, Jesucristo cupj qjuis Jepa Püné. Najas ꞌüsüs way lajay yupj jipj mpes. Najas yupj lovin cyapj mpꞌaꞌsacj, malala ꞌe palá na. Najas pjü mpes ma jele nsem, nin la mijicj yupj.

Nepénowa tꞌücꞌ tulucj sin ꞌyüsa lajay. ꞌIn tjejyama yupj mpes.

3-4 Jipj

selen nepénowa neꞌaj Efeso poꞌó sin ꞌyüsa lajay tꞌücꞌ tulucj. Dios vele jin tulucj javelepj yupj. Nin yola püna tapatja tjowelepj mpes pꞌin. Pülücj nin tjowelepj tꞌücꞌ tulucj. Ninana sin ꞌyüsa lajay yupj. Püna tapatja yupj jis lá mpes sin ꞌyüsa lajay wa. Japon Dios qjuisin ꞌyüsa liji yupj jis lá mpes. Nin tulucj. Napj quelel jumtsja na Macedonia ntꞌa, najastsja jipj ca jis müjüꞌtün niyom nenem ma nin la mijicj yupj lajay jin, mpes napj la tjemyon jipj ma mim Efeso mpe. Nin najas custjay, najas ma mim Efeso mpe, ca nin mvelen niyom nenem jilal ma nin la mijicj. Yupj la velel sin ꞌyüsa lajay mpes. Ma lajay Dios jos jin. Dios jos gente ꞌüsüs nsem jupj lal japon na Jesucristo mpes. 5 Najas jipj niná si jütütj mpes pjü ca quelel lis mijicj la pꞌa. Dios jos jupj tsꞌuyupj jupj jos jin quelel lajay la pꞌin. Jos ma yola nsem malala la tjajay mpes. Tꞌücꞌ way Dios perdonar lis tjiji. Jos yupj po japon jupj tjevelá. Jupj jos jin lajay na, ꞌücj quelel la sajay la pꞌa, jupj

614 El Nuevo Testamento en Tol de Honduras, 2da ed. ©2010, Wycliffe Bible Translators

615

1 TIMOTEO 1

jos jinwá. 6 Nepénowa neꞌaj ma lajay Dios jos jinwá quinam. Pülücj javelepj, mopꞌin gente ma sin ꞌyüsa Dios jos jinwá yupj javelepj mpes. 7 Yupj quelel sin ꞌyüsa lajay Moisés* tjijyüꞌta mpes. Nin javelepj Moisés tjijyüꞌtá; newa nin, yupj pꞌiyá ma ꞌüsüs sin tjiꞌyüsa niná. ꞌÜsüs sin tjiꞌyüsa jinwá javelepj, mopꞌin ma ꞌüsüs sin tjiꞌyüsa yupj. 8 Cupj selecj Moisés* tjijyüꞌtá ꞌüsüs way. Dios jos gente ma lajay, niná yupj ꞌücj sin ꞌyüsa Moisés tjijyüꞌta mpes. Po ꞌüsüs way Moisés tjijyüꞌtá. 9 Selecj Moisés tjijyüꞌta gente ꞌüsüs mpes tulucj. Niná tjijyüꞌta gente malala lajay mpes. Nepénowa ma jisas la pꞌa jajütütj. Nepénowa ma lajay jepapan tjüjütütj jin. Nepénowa ma jisas Dios. Nepénowa pülücj malala lajay pꞌin. Nepénowa ma quelel lajay Dios jos jin. Nepénowa malala javelepj Dios poꞌó, la pjütsꞌün pꞌin. Nepénowa jaꞌünan jis papay. Nepénowa jaꞌünan yupj sejamay. Nepénowa jaꞌünan la pꞌa. Pjü nenem malala lajay. Yupj mpes Moisés nin tjijyüꞌta. 10 Niyom nepénowa neꞌaj jamanun la pꞌa sejatsꞌom. Nequem nepénowa neꞌaj jil la pꞌa jis vayum jilal. Ma tjewyayin̈, yupj nepénowa nin pꞌiyá lajay. Niyom nepénowa neꞌaj jamanun pꞌa noyomes, yupj sejatsꞌom jin yola yupj. Gente nepénowa pequen̈ gente la pꞌa. Nepénowa la tsuwil. Nepénowa javelepj tꞌücꞌ way ca mvelecj, mopꞌin la tsuwil pꞌin. Pjü nenem malala lajay. Yupj mpes Moisés tjijyüꞌtá. Tꞌücꞌ way gente pꞌa nepénowa ꞌüsüs sin ꞌyüsa lajay Dios jos jin. Sin ꞌyüsa lajay Dios tjevelá. Jupj tjevele po ꞌüsüs. Gente ma lajay na Dios tjevele jin, malala lajay yupj. Yupj mpes Moisés tjijyüꞌtá. 11 Dios nin tjejyama la veles la pꞌa jilal jupj tjevelá. Nin velé Dios ꞌüsüs liji gente jis lal Jesucristo mpes. Pajal püné way jupj. ꞌÜsüs püꞌü jupj lovin.

Dios ꞌüsüs la tjiji Pablo lal, mpes Pablo tjüwüiꞌi jupj lal.

12 Qjuis

Jepa Jesucristo pajal ncapj tjepꞌyaꞌsa, mpes napj polel lejay jupj jos jin. ꞌÜsüstsja jupj lal napj tsjiꞌ lejay jupj mpes, ne wüiꞌis napj jupj lal. Wüiꞌis jupj lal jupj nin tjejyama tsjiꞌ lejay jupj mpes. 13 Tꞌücꞌ way pasal malala tjevelé napj Jesucristo poꞌó yas nam. Malala lis tjejay Dios tsꞌuyupj jilal. Po malala tjevelé yupj jilal yupj topon mpes Jesucristo poꞌó. Ma tꞌücꞌ way nin tjiꞌyüsa Jesucristo poꞌó, ma seletsja malala la tjejaytsja napj. Mpes Jesucristo ma malala la tjiji napj lal. ꞌÜsüs la ntjiji. 14 Qjuis Jepa Jesucristo pajal quelel la ntjiji. Más ꞌüsüs la tjiji jupj pjü jis lal. Jupj la tjiji mpes, quina tꞌücꞌ way pyon napj jupj poꞌó. Napj ninana pyon jupj jos jinwá. Jupj la tjiji mpes, napj quelel la sejay la pꞌa. Quelel la sejay la pꞌa, jupj jos jinwá.

El Nuevo Testamento en Tol de Honduras, 2da ed. ©2010, Wycliffe Bible Translators

1 TIMOTEO 1, 2

616

15 Jesucristo

tjacꞌ nosis ntꞌa. Jupj la tjiji mpes, malala la tjajay ꞌücj mpatjam Dios lal. Ninana po tꞌücꞌ way. Más ꞌücj pjü japon niná. Tꞌücꞌ way más malala la tjejay napj pjü jilal. 16 Mopꞌin nin, Jesucristo ꞌüsüs la ntjiji, napj malala la tjejay na. Jupj jostsja pjü ca sin müꞌüsüs jupj ma tsꞌi tjiꞌina yom más malala lal, mpes ꞌüsüs la ntjiji jupj. Jupj jostsja la pꞌa ca nucucj, ca mponecj wa jupj lal. Topon na, mpatjam ca lovin Dios lal. 17 Dios más püné pjü jilal. Lovin más püné nsem jupj pjü jilal. Lovin ma mpaꞌis ca jupj. Pjü ma polel sa nuc. Jupj pjaní Dios. Najas pjü lovin yola nsem jupj más püné pjü jilal. Najas pjü lovin ꞌüsüs javelepj jupj poꞌó. Amén. 18 Timoteo, niswa quelel velé ꞌüsüs jin tjiꞌyüsa tjevelé mpes, way tsjicj way si ꞌüsǘ jinwá, popay si ꞌüsǘ liji na. Quina ꞌi jütütj, ninana najas ca nin la mijin. Jele pyala püna pꞌin nepénowa tjowelepj ꞌüsüs ca tsjiꞌ la mijin Jesucristo mpes. Niná tjowelepj Dios mpes. Mpes niná ꞌi jütütj jin lejay na, ꞌüsüs lejay jipj Jesucristo mpes. Jesucristo mpes ꞌüsüs lejay na, militar ꞌüsüs jinwá nsem jipj jupj mpes. 19 Lovin la mijin Jesucristo jos jin. Nin lejay na, najas jipj ca jus nlayen ꞌüsüs way nin lejay. Nepénowa salejeptsja ꞌüsüs la tjajaytsja, mopꞌin pꞌa jawasa malala quelel la jaytsja niswá. Malala nin. Quina ma lajay Jesucristo jos jin. 20 Yupj pjaní Himeneo. Pꞌa wa Alejandro. Napj tjijyütütj yupj ma mal Dios tsꞌuyupj ꞌa si mulú ntꞌa. Tjevelé ꞌücj Satanás* malala la siji. Mpes ca sin müꞌüsüs más ꞌücj ma malala javelepj Dios poꞌó.

2

Más ꞌücj Dios tsꞌuyupj javelepj Dios lal pjü mpes.

1 Tsjan

najas napj ca Dios tsꞌuyupj nin la mijicj, niná ca mpac jipj mpes quinam. Najas yupj javelepj Dios lal pjü mpes. Najas yupj la mon wa la pꞌa jisas mpes. Najas yupj wiꞌin̈ Dios lal jupj liji mpes la pꞌa jilal. 2 Najas javelepj wa Dios lal jepa noypan mpes. Najas javelepj Dios lal pjü jepapan mpes. Ca la monacj ma la mpaꞌnacj la pꞌa ntꞌa patja jilal. Mpes cupj ca polel la mijicj Dios jos jinwá; ma ca nin qjuiyola ncu ca malala mpalas. Cupj ca ꞌüsüs polel la mijicj lovin la pꞌa mpes. 3 Dios lal javelepj na la pꞌa mpes, ꞌücj niná Dios lal. ꞌÜcj jos pyala jupj. Dios la tjiji cupj ꞌücj ca mpatjaquecj jupj lal. 4 Dios jos pjü ca mpatjam jupj lal. Jupj jos pjü sin ꞌyüsa tꞌücꞌ way, ne ꞌücj mpatjam yupj jupj lal. 5 Dios pjaní jupj. Gente ꞌüsüs polel nsem Dios lal Jesucristo mpes la pꞌin. La pꞌa mpes tulucj. Jesucristo gente jupj cupj jinwá. 6 Jupj tepeꞌe pjü mpes, ne pjü ꞌücj polel mpatjam Dios lal. Jupj tepeꞌe Dios jostsja na. Dios jostsja pjü ca sin müꞌüsüs tꞌücꞌ way

El Nuevo Testamento en Tol de Honduras, 2da ed. ©2010, Wycliffe Bible Translators

617

1 TIMOTEO 2, 3

jupj jos pjü mpatjam jupj lal; nin mpes tepeꞌe Jesucristo. 7 Ninana velé napj judiopan* tulucj jilal. Dios nin tjejyama ninana la veles judiopan tulucj jis walapꞌaꞌá. Nin tjejyama ninana sin ꞌyüsa la sejay. Apóstol* way napj. Tꞌücꞌ way velé jipj lal. Li tsuwil tulucj. Napj se con̈ Jesucristo. Nin tjejyama tꞌücꞌ way sin la ꞌüsüs lejay. Nin tjejyama sin la ꞌüsüs lejay ꞌücj polel mpatjam lovin Dios lal, Jesucristo lal japon na. 8 Dios tsꞌuyupj ꞌa si mulú na, najas niyom javelepj Dios lal. Najas ma pjü way noyomes javelepj. Nepénowa lovin lajay Dios jos jin; najas yupj mvelecj Dios lal neꞌaj. Najas yupj jis mas sin jajünsüpj. Najas ma tsꞌa ꞌin nsem yupj la pꞌa jilal, ma la mveꞌlecj la pꞌa jilal. 9 Tꞌücꞌ way nequem nepénowa sin jacüipap pülül pülücj jaylactsja mpes, pülül pasal ꞌüsüs. Jisas la pꞌa januc yupj sin quip. Nequem Dios tsꞌuyupj ꞌa si mulú ntꞌa, pꞌa casá ca la mijicj. Najas sin jacüipap Dios jos jinwá. Najas ma pülücj sey patja. Najas ma pülücj jis men jatsupapj jatjam. Najas pülül ma pülücj jaylacj mpes sin jacüipap. Mpes la pꞌa ca ma yus nucucj yupj jis pülül mpes. 10 Más ꞌücj ꞌüsüs lajay la pꞌa jilal. Yupj quelel lajay Dios, tꞌücꞌ way ꞌüsüs nin lajay la pꞌa jilal. Malala la pülücj yola pülül ꞌüsüs mpes, sey patja mpes wa. 11 Dios tsꞌuyupj ꞌa si mulú ntꞌa, najas nequem lyájasa jatja pjyacan̈ na. Najas ꞌüsüs sin ꞌyüsa niyom javelepj mpes. 12 Napj jyütütj nequem nenem ma sin ꞌyüsa lajay niyom jilal. Napj jyütütj nequem nenem ma jajütütj niyom jilal. Najas lyájasa jatja. 13 ¿Tsjan mpes nin najas? Dios mwalá way la tjiji Adán, Adán yom waytsja jupj. Pꞌa jawasa la tjiji Evá, quepj waytsja jupj. 14 Diablo* ma tjemey Adán ntꞌa, ma la tsyawilí jupj lal. Tjemey Eva ntꞌa, quepj waytsja jupj. Diablo la tsyawilí jupj lal. Quepj tepyona jupj lal. La tjiji jupj jostsja jin. Malala nin. 15 Mopꞌin nin, nequem ꞌücj mpatjam Dios lal, Jesucristo poꞌo lovin japon na. ꞌÜcj mpatjam Dios lal, la pꞌa wa lovin quelel la sajay na. ꞌÜcj mpatjam Dios lal, Dios jos jinwá lovin lajay na. Ninana ꞌücj polel lajay, ꞌücj jisas na nequem way yupj. Ninana ꞌücj polel lajay, jisas na ma niyom jinwá nsem yupj. Ninana lajay na, Dios jos sin jacüipap jupj jos jinwá. Mpes la pꞌa ca ma yus nucucj yupj jis pülül mpes.

3

Pablo sin tjiꞌyüsa la tjiji pastorpan sin poꞌó.

1 Nepénowa

po jisas pastorpan* nsem yupj. Pastorpan ꞌüsüs lajay. Ninana tꞌücꞌ way. 2 Dios jos pastor lovin ꞌüsüs liji. Mpes la pꞌa ma ca polel malala mvelecj jupj poꞌó. Dios jos pastor pjaní jatsꞌom pꞌin. Jupj jos pastor ꞌin jyama, ne ma malala liji. Dios jos pastor nin

El Nuevo Testamento en Tol de Honduras, 2da ed. ©2010, Wycliffe Bible Translators

1 TIMOTEO 3

618

pꞌiyá liji lovin. Dios jos pjü jilal ꞌüsüs la siji, mpes yupj ca yola nsem ꞌüsüs jupj. Gente campa jiquil na, Dios jos jupj se ꞌaya jinan̈ jupj wo ntꞌa, se ꞌaya wa jis la las. Dios jos pastor ꞌücj sin ꞌyüsa la siji la pꞌa wa. 3 Dios jos ma myona jupj. Dios jos jupj lovin ma le palana la pꞌa jilal. Dios jos ꞌüsüs vele la pꞌa jilal. Dios jos lovin ma le velele la pꞌa jilal. Dios jos jupj lovin ma jos tꞌemel pülücj. 4 Dios jos pastor ꞌüsüs jyüꞌta jupj tsꞌuyupj jilal, jatsꞌom lal wa. Dios jos jupj ꞌüsüs se jamá yupj. Dios jos pastor la siji mpes, jupj tsꞌuyupj ꞌüsüs quelel lajay jupj velá. Pastor ꞌüsüs nsem yupj jilal, nin jos Dios. 5 Niyom nepénowa ma ꞌüsüs jajütütj yupj jis tsꞌuyupj jilal, sejatsꞌom jilal wa, ne yupj ꞌücj jisas tulucj niyom nenem jajütütj mpes. Niyom nenem ma ꞌüsüs jajamapj yupj. Mpes yupj pastorpan tulucj nsem, nin jos Dios; tꞌücꞌ way ma wa ca ꞌüsüs majamacj Dios tsꞌuyupj. 6 Nepénowa ꞌin lacasana jisastsja Jesucristo. Yupj pastorpan* tulucj nsem, nin jos Dios. Pastor jis cüpalas, ca yola nsem noypan yupj ca nacj. Mpes Dios ca jis capj ntülüs, jupj diablo* cus tyüla jinwá. Mpes más ꞌücj pastorpan tulucj nsem yupj. 7 Más ꞌücj pastor* ꞌüsüs nsem jupj Dios tsꞌuyupj tulucj jilal, ne ca ꞌüsüs mvelecj yupj jupj poꞌó. Nin jos Dios. Diablo* jos malala javelepj jupj poꞌó; ma nin ca mvelecj pastor ꞌüsüs na yupj jilal.

Pablo sin tjiꞌyüsa la tjiji pastorpan* sa pꞌacj sin poꞌó.

8 Niyom

nepénowa pastor* sa pꞌacj. Dios jos yupj ꞌüsüs nsem pjü jilal. Jos lovin tꞌücꞌ way javelepj. Dios jos ma se maná yupj. Jos ma la tsuwil tꞌemel la tꞌanques mpes. 9 Dios jos yupj tꞌücꞌ way japon lovin. Püna gente ma salejeptsja, niná Dios qjuisin tjiꞌyüsa la tjiji quinam. Más ꞌücj yupj ca jus nlayecj ꞌücj jis la pon niná. 10 Pastor quelel sa pꞌacj, más ꞌücj Dios tsꞌuyupj mwalá way sin ꞌyüsa ncu tꞌücꞌ way lajay Dios jos jinwá. Ninana lajay, ꞌücj sa pꞌacj pastor. 11 Nin pꞌiyá Dios jos yupj sejatsꞌom ꞌüsüs nsem pjü jilal. Jos ma javelepj la pꞌa lajay mpes, ma javelepj malala lajay. Jos ꞌin jajamapj ne ma malala lajay. Jos tꞌücꞌ way javelepj, jos wa yupj lovin lajay yupj tjowelepj jin. 12 Pastor* sa pꞌacj, Dios jos yupj pjaní jatsꞌom pꞌin. Dios jos yupj ꞌüsüs jajütütj yupj jis tsꞌuyupj jilal, jis wa ntꞌa patja jilal ꞌotsꞌipj. Dios jos yupj ꞌüsüs jajamapj yupj pjü way. 13 ꞌÜsüs cus tjapꞌacj na pastor, tꞌücꞌ way más ꞌüsüs nsem yupj pjü jilal. Japon mpes Jesucristo poꞌó, po ma lacj meyacj la veles la pꞌa jilal.

El Nuevo Testamento en Tol de Honduras, 2da ed. ©2010, Wycliffe Bible Translators

619

1 TIMOTEO 3, 4

Pablo tjevele tsjan mpes nin tepyaca.

14 Len̈

way quelel jum jipj ntꞌa la nuc. Quina papel niná pyac jipj mpes la pꞌin; 15 len̈ way ma polel jum ca nacj. Najas jipj ca jus nlayen tsjan más ꞌücj lajay Dios tsꞌuyupj, yupj ꞌa si mulú na; nin mpes pyac niná. Dios mpes ꞌa si mulú, jupj ne püꞌü lovin. Dios tsꞌuyupj lovin tꞌücꞌ way ca sin müꞌüsüs qjuis Papay Dios poꞌó, Jesucristo poꞌó ꞌotsꞌipj. Niná mvelecj wa la pꞌa jis walapꞌaꞌá. 16 Cupj lijicj Dios jos jin. Jesucristo mpes nin lijicj. Tꞌücꞌ way püné jupj. Dios tsꞌuyupj tulucj ma polel sin ꞌyüsa Jesucristo poꞌó. Jupj tüpüꞌü Dios ntꞌa moꞌm tjacꞌ nosis ntꞌa. Tjemyaꞌna, jüpꞌüy jana tepyala. Dios Cjües mpes gente sin tjiꞌyüsa tꞌücꞌ way jupj Dios Jatjam. Angelpan* jus tjunuc. Pꞌa ntꞌa patja ntꞌa Dios tsꞌuyupj jis walapꞌaꞌa tjowelepj jupj poꞌó. Nosis ntꞌa pülücj topon yupj tjowelepj. Dios jupj tjemyana jupj püꞌü ntꞌa.

4

Pꞌa jawasa pülücj ca mvelecj ma quelel pjyacan̈ tꞌücꞌ way Jesucristo poꞌó.

1 Tꞌücꞌ way Dios Cjües vele tsjan ca mvelecj gente pülücj pꞌa jawasa. Ma ca jisas nsem tꞌücꞌ way Jesucristo poꞌó. Ca mponecj lapanenpan sin ꞌyüsa lajay mpes. Tꞌücꞌ way lapanenpan la tsuwil. 2 La pꞌa gente ca sin müꞌüsüs la mijicj yupj. Gente nenem ca sin müꞌüsüs la mijicj lapanenpan jisas jinwá. Gente nenem ma ca yola nsem la tsuwil. Yupj ca mponecj tꞌücꞌ way javelepj. 3 Ca sin müꞌüsüs lis mijicj malala gente wyayin̈. Ca sin müꞌüsüs la mijicj tsjan ꞌücj jalá, tsjan ma polel jalá. Dios pjü niná la tjiji jis la las, mpes pjü way ꞌüsüs. Jupj lal japon mpes nin lis tjiji. Tꞌücꞌ way salejepj yupj. Dios jos yupj wiꞌin̈ pjü jalá mpes, ne nin jalá. 4 Pjü Dios la tjiji pasal ꞌüsüs. Más ꞌücj wiꞌiquecj jupj lal jupj la tjiji mpes, más ꞌücj nin qjuisas jupj la tjijá. 5 Pjü la las ꞌüsüs Dios tjevele mpes. Dios lal wiꞌiquecj na qjuis la las mpes, ꞌücj Dios lal niná lyajacj.

6 Najas

Pablo tepyaca tsjan más ꞌücj Timoteo ca la mijis.

ninana sin ꞌyüsa la sejay Dios tsꞌuyupj jilal. Niná lejay na, tꞌücꞌ way ꞌüsüs tsjiꞌ lejay Jesucristo mpes. Tꞌücꞌ way ꞌüsüs tepyon Dios El Nuevo Testamento en Tol de Honduras, 2da ed. ©2010, Wycliffe Bible Translators

1 TIMOTEO 4, 5

620

tjevelá. Gente ꞌüsüs jin tjiꞌyüsa la tjajay, ne tꞌücꞌ way jipj nin lejay yupj tjowelepj jin. 7 Nepénowa malala sin ꞌyüsa lajay. Yupj javelepj tꞌücꞌ tulucj. Yupj javelepj malala Dios lal. Najas jipj ma pjocꞌ yupj jilal. Más ꞌücj lovin po lejay Dios jos jinwá. 8 Tꞌücꞌ way nepénowa sin tjiyocj se palá jisas. Mpes pasal tsjiꞌ lajay, ne sin tjiyocj se palá. ꞌÜcj nin. Mopꞌin más ꞌücj pasal tsjiꞌ lajay Dios mpes. Mpes yupj pasal ꞌüsüs nsem Dios lal, nin jis mpalas ca. Yupj ꞌüsüs na Dios lal, más ꞌüsüs ca jis mpalas lovin. Más ꞌüsüs ca jis mpalas quinam, más ꞌüsüs ca jis mpalas wa Dios lal jatja na. 9 Tꞌücꞌ way niná. Más ꞌücj pjü japon niná. 10 Cupj selecj tꞌücꞌ way niná. Mpes pajal tsjiꞌ lijicj Dios mpes. Nenéyawa gente ca malala mvelecj cupj poꞌó; newa tsjiꞌ lijicj Dios mpes, jupj tjevele tepyonecj mpes. Lovin nin ca mponecj. Tꞌücꞌ way Dios püꞌü. Jupj jos pjü mpatjam lovin jupj lal. Jupj la tjiji mpes, Jesucristo lal japon ꞌücj ca mpatjam jupj lal. 11 Najas ninana sin ꞌyüsa lejay. Jis tjijyüꞌta yupj la mijicj napj tjevelé jin. 12 Tjamacjas way jipj, mpes nepénowa ma jisas jipj sin ꞌyüsa lejay. Mpes pajal ꞌüsüs la mijin jipj. Lovin ꞌüsüs mvelen Dios jos jinwá. Lovin la mijin Dios jos jinwá. Lovin quelel lis mijin la pꞌa. Lovin tepyona Dios tjevelá. Lovin ma malala nyuca la mijin. Ninana najas nin lejay jipj. Mpes Dios tsꞌuyupj ca jis nucucj, ca sin müꞌüsüs tsjan más ꞌücj la mijicj yupj. 13 Jipj ntꞌa quelel jum pꞌa jawasa, quina ma polel jum. Mpes najas neꞌaj pütꞌ custjay, ma mim. Lovin moꞌo mvelen Dios Popel Dios tsꞌuyupj ꞌa si mulú na. Lovin sin ꞌyüsa lis mijin Dios Popel mpes. Jis wala mvelen Dios jos jin la mijicj. 14 Jipj selen Dios ꞌe tjeꞌaya tsjan mpes ꞌücj tsjiꞌ lejay jupj mpes. Niná ꞌe tjeꞌaya yom pjaní tjevele na jipj poꞌó Dios tjevelá. Jupj tjevele jupj ꞌe ꞌaya ca ꞌücj nin la mijin. Nin tjevele jupj, coꞌmüypan* Dios lal tjowelepj na jipj mpes, jey pjucj po la tjoꞌotj na yupj. Mpes lovin nin la mijin niná Dios ꞌe tjeꞌaya ꞌücj nin lejay. 15 Najas po jele niná mpes. Najas po lejay wyala velé jin. Mpes pjü ca jis nucucj lovin más ꞌücj lejay, Dios jos jinwá. 16 ꞌIn tjejyama lejay mpes. ꞌIn tjejyama sin ꞌyüsa lejay mpes. Nin la mijin wyala velé jin, ne ca mpüꞌüm Dios lal. Nin la mijin wyala velé jin, ne jipj tjevelen tjepjyacan̈ ca mpatjam wa Dios lal. 1 Yom coꞌmüy malala liji na, ma cus tjeveꞌle jipj. Najas mvelen jupj lal, pyapay lal velen jinwá. Tjamacjaspan malala lajay na, najas mvelen yupj jilal jetjam lal velen jinwá. 2 Nequem coꞌmüy malala lajay na, najas mvelen yupj jilal jemay lal velen jinwá. Tsjücjüimpan malala lajay na, najas mvelen yupj jilal teꞌe lal velen jinwá. Po ma malala nyuca jele tꞌas yupj sin poꞌó.

5

El Nuevo Testamento en Tol de Honduras, 2da ed. ©2010, Wycliffe Bible Translators

621

3 Nepénowa

1 TIMOTEO 5

Pablo tepyaca jis vayum tulucj sin poꞌó.

neꞌaj jis vayum jis tecyaꞌlin̈. Len̈ quinam jis vayum. Nepénowa yupj pülücj cjuwá. ꞌÜsüs la mijin yupj mpes. 4 Jis vayum tulucj nepenowá jis tsꞌuyupj patja, jis quicj patja wa ca nacj. Más ꞌücj yupj mwalá way ꞌüsüs lajay sejamay mpes, jis mümüy mpes wa. Más ꞌücj yupj ca sin müꞌüsüs Dios jos yupj nin lajay. Dios jos yupj jaꞌayapj sejamay jos, jis mümüy jos wa. Püna pꞌin yupj sejamay, jis mümüy wa, pajal ꞌüsüs la tjajay yupj mpes. ꞌÜsüs Dios lal yupj jaꞌayapj quinam sejamay mpes, jis mümüy mpes wa. 5 Jis vayum tulucj nepénowa tꞌücꞌ way jis pülücj cjuwá. Yusapj patja. Jis tsꞌuyupj tulucj. Jis quicj tulucj. Yupj salejepj Dios jyama yupj. Lovin javelepj Dios lal, la mon jis capj mpꞌaꞌsas. 6 Mopꞌin yupj nepénowa malala. Nepénowa pajal pülücj jisas. Quelel lajay yupj jisas jin, ma quelel lajay Dios jos jin. Patja na pꞌin tecyaꞌlin̈ jinwá yupj Dios lal. 7 Napj velé jis vayum tulucj mpes, nin pꞌiyá mvelen pjü jilal. Mpes yupj ca jus nlayecj tsjan más ꞌücj la mijicj, ne la pꞌa ma malala polel mvelecj ca yupj sin poꞌó. 8 Nun popa pjaní ma quelel se ꞌaya ca nacj cocjam lal, jomapj lal, primo hermano lal; malala nin. Ma quelel se ꞌaya ca nacj popay lal, jamay lal, cocoy lal, jümümüy lal; más malala niná. Mpes jupj ma liji Dios jos jin. Más malala jupj Dios tsꞌuyupj tulucj jilal. 9 Ma pjü way jis vayum tulucj jis lá mpaqué nun jis papel poꞌó. Jis lá mpaqué, maꞌayá yupj jisas. Quina wyala velé pjacj jis lá ca mpaqué. Jis vayum tulucj nepénowa año sesenta jatatj, año más pülücj jatatj ca nacj. La pjaní tjewyayin̈tsja. 10 Lovin ꞌüsüs lajay la pꞌa mpes. Pjü nin javelepj yupj sin poꞌó. ꞌÜsüs jis tjejyama jis tsꞌuyupj. Gente campa tjiquil na, yupj jis tjaꞌayapj caꞌaj ꞌücj jis la jas, jis tjaꞌayapj wa jis la las. Dios tsꞌuyupj jis tsjam jis tapatsj. Malala jis tepyala na la pꞌa jilal, jis capj tjapꞌacj. Lovin ꞌüsüs quelel lajaytsja la pꞌa mpes. Lovin nin la tjajay. Mpes jis vayum tulucj nenem jis lá ꞌücj ca mpaqué nun jis papel poꞌó. ꞌÜcj jis maꞌayá yupj jisas. 11 La pꞌa jis vayum tulucj año sesenta tulucj custjay. Ca yola nsem niswá niyom mpes ca nacj, ca quelel mwayin̈ niswá. Nin mpes ma ca ꞌüsüs tsjiꞌ la mijicj Dios tsꞌuyupj mpes ca nacj. 12 Mpes ma ca la mijicj yupj tjowelepj jin. La pꞌa ca mvelecj malala lajay yupj. Nin mpes ma ca mpaqué yupj jis lá papel moꞌó. 13 Jis vayum tulucj nenem ma pülücj lajay, nin pyala. Malala nin. Más malala lajay wa. Lovin jil la pꞌa jis

El Nuevo Testamento en Tol de Honduras, 2da ed. ©2010, Wycliffe Bible Translators

1 TIMOTEO 5

622

wa ntꞌa, javelepj la pꞌa lajay mpes. Quelel salejepj pjü lajay mpes. Ninana javelepj más ꞌücj lovin ma javelepj. 14 Mpes jis vayum tulucj año sesenta tulucj custjay, najas ca mwayin̈. Yupj ꞌücj tsjicj jamanun ca nacj. Mpes najas tsjicj ca maꞌnucj yupj. Najas ꞌüsüs lajay jis vayum mpes, jis tsꞌuyupj mpes wa. Nin lajay na, pjü ma polel javelepj malala lajay. 15 Jis vayum tulucj nepénowa ma Jesucristo jos jinwá lajay quinam. Yupj lajay Satanás* jos jinwá. 16 Tꞌücꞌ way nequem nepénowa jatja neꞌaj, Dios tsꞌuyupj yupj. Sejamay nepénowa jis vayum tulucj. Jis mümüy nepénowa jis vayum tulucj. Sejamapj nepénowa jis vayum tulucj. Najas nequem nenem jis capj japꞌacj jis vayum tulucj nenem. Mpes Dios tsꞌuyupj la pꞌa ma ca yola nsem yupj mpes. ꞌÜcj polel jis capj japꞌacj la pꞌa jis vayum tulucj. Jis vayum tulucj nenem yusapj patja, len̈ pjacj jis capj la pꞌacj.

17 Coꞌmüypan*

Pablo tepyaca coꞌmüypan poꞌó.

nepénowa ꞌüsüs jajütütj Dios tsꞌuyupj. Najas Dios tsꞌuyupj ꞌüsüs lajay yupj mpes. Nepénowa yupj la pülücj javelepj Dios tsꞌuyupj jilal Dios tjevele mpes. La pülücj pajal sin ꞌyüsa lajay Dios tjevele mpes. Po najas Dios tsꞌuyupj pajal ꞌüsüs lajay yupj mpes. Ca yola nsem yupj ꞌüsüs. 18 Dios Popel vele: “Buey tsjiꞌ liji na, malala mwicj tsyuꞌpa. ꞌÜcj lyaja.” Selecj wa: “Yom pjaní tsjiꞌ la tjiji na, ꞌücj tꞌeꞌenca tꞌemel tsjiꞌ la tjiji mpes”. 19 Nenéyawa nun popa pjaní tꞌya vele malala la tjiji Dios tsꞌuyupj coꞌmüy*. Pjaní pꞌin nin vele, ma mpjacam jupj velá. Mátꞌeya javelepj yupj salejepj jupj malala la tjiji, ꞌücj jis la pon. Cóntꞌeya ꞌücj jis la pon wa. 20 Ca nacj coꞌmüy niná ca malala quelel la mijis custjay. Mpes Dios tsꞌuyupj ꞌa si mulú na, jipj ca mvelen jupj lal jupj malala la tjiji. Mvelen más ꞌücj ma liji niná niswá. La pꞌa coꞌmüypan ca mpjacan̈ wa, ca lacj meyacj, ne ma ca malala quelel la mijicj, jupj jinwá. 21 La pꞌa javelepj na coꞌmüy* malala la tjiji, jin tjüꞌüsüs ncu tꞌücꞌ way malala la tjiji. Nin pꞌiyá la mijin yupj pjü way mpes. Niswa velé, nin pꞌiyá la mijin yupj pjü way mpes. Dios jos napj nin ꞌi jütütj. Jesucristo nin jos wa. Jupj angelpan* nin jisas wa, lovin ma malala la tjajay yupj. 22 Ma len̈ way la ntꞌan la pꞌa, jupj ca majamas Dios tsꞌuyupj. Ma selen ncu tꞌücꞌ way quelel tsjiꞌ liji Jesucristo mpes. Len̈ way la tꞌyan jupj, jupj malala nyuca la mijis pꞌa jawas ca nacj. Jipj la tjejay mpes ca nin mpalas, len̈ way la tꞌyan mpes. Po ma la mijin niná. Najas lovin ma malala la mijin.

El Nuevo Testamento en Tol de Honduras, 2da ed. ©2010, Wycliffe Bible Translators

623

1 TIMOTEO 5, 6

23 La

pülücj malala jyas jipj. Mpes ma ꞌüsǘ pꞌin müꞌüm jipj. Vino tsjicj way ca müꞌüm. Vino ꞌüsüs cyol tsꞌyuc mpes. ꞌÜsüs lo müs malala jyas na. 24 Nepénowa malala lajay, ne pjü nin salejepj yupj nin lajay. Mpes jipj ca jus nlayen más ꞌücj yupj ma tsjiꞌ lajay Jesucristo mpes. Nepénowa malala lajay, ne pjü ma salejepj yupj malala lajay. Jis wala velen na, jin müꞌüsüs malala lajay yupj. Mpes mvelen wa yupj jilal más ꞌücj ma tsjiꞌ lajay Jesucristo mpes. 25 Nin pꞌiyá, nepénowa ꞌüsüs lajay, ne pjü nin salejepj yupj lajay mpes. La pꞌa wa ꞌüsüs lajay, ne pjü ma salejepj ca nacj ꞌüsüs lajay. Jis wala velen na, jin müꞌüsüs ꞌüsüs lajay.

6

1 Dios

Pablo tepyaca esclavopan poꞌó.

tsꞌuyupj pülücj esclavopan* yupj. Najas lovin yola nsem yupj jis patrón noypan yupj jis lal. Ca yola nsem ꞌücj la veles niná lovin. Najas yupj lajay yupj jis patrón jajütütj jin. Najas lovin ꞌüsüs javelepj yupj sin poꞌó. Yupj ca nin la mijicj, la pꞌa ma malala mvelecj ca Dios poꞌó yupj lajay mpes, ma wa ca malala mvelecj cupj sin ꞌyüsa lijicj poꞌó. 2 Esclavopan nenem nepénowa, yupj jis patrón witjacj Jesucristo lal japon, yupj jinwá. Mpes jis patrón witjacj yupj sejatjampan. Najas ma malala nsem yupj jilal yupj sejatjampan yupj jis patrón witjacj. Najas más ꞌüsüs lajay yupj jilal, Dios tsꞌuyupj mpes tsjiꞌ lajay mpes; najas pasal quelel la sajay Jesucristo lal japon mpes.

Pablo tepyaca malala sin ꞌyüsa lajay poꞌó.

Sin tjüꞌüsüs la mijin napj pyac jin. Jis tjijyüꞌta yupj ca nin la mijicj niná. 3 Nepénowa pꞌa casá sin müꞌüsüs la mijicj. Yupj ma japon Jesucristo tjevelá. Jesucristo cupj qjuis Jepa Püné. Tꞌücꞌ way tjevele jupj. Cupj qjuisin tjiꞌyüsa Dios jos jinwá. Cupj selecj Dios jos jin lijicj. Newa yupj ma jisas cupj qjuisin tjiꞌyüsa jin. 4 Yupj yola pajal noypan yupj. Mopꞌin ma tꞌücꞌ way salejepj. Lovin quelel la velel pülücj mpes la pꞌa jilal. Malala nin, quelel la velel. La velel na, yupj nepénowa jyaman̈ la pꞌa mpes, nin se palá. Mpes pajal la velel yupj jilal. Malala javelepj yupj sin poꞌó. Po ma japon yupj javelepj. 5 Lovin la velel pꞌin. Ma ꞌüsüs yola; nin jis tepyala. Quina tꞌücꞌ way ma salejepj. Japon nin lajay Dios jos jinwá, mpes tꞌemel ca ntꞌanquecj, nin japon yupj. Nin tulucj. 6 Tꞌücꞌ way ꞌüsüs ca jis mpalas gente jis lal, lajay na Dios jos jinwá. ꞌÜsüs ca jis mpalas, ꞌücj jisas na jatatj mpes. 7 Cupj qjuis tjamanun na,

El Nuevo Testamento en Tol de Honduras, 2da ed. ©2010, Wycliffe Bible Translators

1 TIMOTEO 6

624

cjuwatsja cupj. Tecyaꞌlequecj na, ma polel ntꞌacj ca. 8 Mpes más ꞌücj ꞌücj qjuisas nsem qjuis la las mpes la pꞌin, pülül mpes la pꞌin. Más ꞌücj ma qjuisas nsem pꞌa. 9 Nepénowa tꞌemel pülücj jisas. Malala quelel lajay tꞌemel la tꞌanques mpes. Lovin nin quelel lajay, mpes ma polel ꞌüsüs lajay. Niná yupj quelel lajay malala yupj mpes; ma ꞌüsüs se palá yupj nin lajay mpes. Ma yola jinwá lajay. Niná jisas mpes newa malala yupj Dios lal. Tecyaꞌlin̈ na, ca mal ꞌawa püné ntꞌa, ca pjü malala jis mpalas yupj. 10 Gente tꞌemel pülücj po jisas na, pülücj way malala lajay. Tꞌemel po jisas, mpes quina ma jisas Dios, ma wa jisas Jesucristo. Pasal yola jis tepyala, la tjajay mpes.

Pablo tepyaca niswá tsjan más ꞌücj Timoteo la mijis.

11 Najas

ma la mijin yupj jinwá. Jipj Dios jutsꞌaꞌá. Lovin ꞌüsüs la mijin. Lovin la mijin Dios jos jinwá. Lovin mponen Dios tjevelá. Lovin quelel lis mijin la pꞌa. Malala ꞌe palá na, newa ꞌüsüs la mijin Dios jos jinwá. Gente malala la ꞌajay na, ma ca tsꞌi miꞌinan yupj jis lal. 12 Nenéyawa costa way nin lejay ca nacj Dios jos jin; mopꞌin nin la mijin. Más ꞌücj lovin nin lejay. Ca lovin mpüꞌüm jipj Dios lal; jupj ca mya ꞌas ca nin nsem. Dios jostsja lovin mpüꞌüm jupj lal. Tjevelen jyas Jesucristo. Tjevelen jipj pyon jupj tjevelá. Pülücj tjepjyacan̈ ninana tjevelen. 13 Napj quelel ꞌi jütütj jipj ca nin la mijin Dios tjevele jin. Dios jos napj nin ꞌi jütütj, jupj ne pjü way patja liji. Jesucristo jos wa ꞌi jütütj niná, jupj ne tꞌücꞌ way tjevele jupj pꞌiyá poꞌó Poncio Pilato lal. Jupj tjevele ꞌüsüstsja. 14 Pjü Dios tjevelá tꞌücꞌ la mijin. Mpes pjü ma ca polel mvelecj malala lejay jipj. Jipj selen qjuis Jepa Jesucristo ncuwim niswá. Ma tjacꞌ custjay. Mpes lovin la mijin jupj tjevelá jinwá. 15 Dios ca mveles tsjan jawas ꞌücj jacꞌ jupj. Dios po ꞌücj jáꞌasa, ma malala se palá. Dios pjü si jütüta. Len̈ pꞌa. Jupj pjü jepapan jis Jepa. Jupj pajal püné pjü jis lal. 16 Dios pꞌin püꞌü lovin, jupj pꞌin liji la pꞌa mpatjam wa jupj jinwá. Pasal jaw Dios püꞌü ntꞌa. Pjü ma polel januc neꞌaj, pasal jaw mpes. Gente lovin ma jus tjunuc Dios. Yupj ma polel januc jupj. Najas pjü lovin yola nsem jupj más püné pjü jilal. Najas jupj lovin si jütüta pjü. Najas ca nin nsem lovin. 17 Tꞌücꞌ way nepénowa pülücj jatatj quiꞌá, nosis ntꞌa. Jis wala mvelen más ꞌücj ma yola nsem yupj más ꞌüsüs way la pꞌa jilal. Jis wala mvelen más ꞌücj ma japon yupj lovin ꞌüsüs mpatjam yupj pülücj jatatj mpes. Pjü jatatj len̈ way polel ncawajas ca. Jis wala mvelen más ꞌücj lovin japon Dios mpes pꞌin ca ꞌücj mpatjam. Pjü tyaꞌacj, Dios

El Nuevo Testamento en Tol de Honduras, 2da ed. ©2010, Wycliffe Bible Translators

625

1 TIMOTEO 6

qjuis tjeꞌyaya. Pasal pülücj qjuesé ꞌaya. Niná qjuesé ꞌaya, ꞌücj qjuisas qjuis la pütꞌüs. 18 Jis müjüꞌtün ꞌüsüs way la mijicj. Jis müjüꞌtün la pülücj ꞌüsüs la mijicj la pꞌa mpes. Jis müjüꞌtün la pülücj ca maꞌayacj la pꞌa jilal. Ca mvelen ꞌüsüs way nin, yupj quelel maꞌayacj la pꞌa jilal. 19 Nin la tjajay na, tsjan más ꞌüsüs ca jis maꞌayas Dios. Tꞌücꞌ way pꞌa jawasa lovin ꞌüsüs mpatjam ca. Lovin mpatjam ca Dios lal, Dios ca jis maꞌayas. Más ꞌücj neꞌaj.

Pablo tecyawaja tepyaca.

20 Pasal

pülücj jin tjiꞌyüsa Dios poꞌó, Jesucristo poꞌó ꞌotsꞌipj, Dios la tjiji. Jin tjiꞌyüsa mpes, nin pꞌiyá mvelen ca la pꞌa jilal. Nepénowa la pülücj javelepj, mopꞌin yupj javelepj mpes gente ma sin ꞌyüsa Dios jos jinwá. Javelepj Dios tsꞌuyupj japon tꞌücꞌ way tulucj. Ma mpjacan̈ yupj javelepj. Yupj javelepj yupj sin tjiꞌyüsá más ꞌüsüs nun nusin tjiꞌyüsa lal. Nin tulucj. 21 Dios tsꞌuyupj nepénowa japon yupj jilal. Quina ma lajay Dios jos jinwá, nin jis tepyala. Malala nin. Najas Dios ꞌüsüs way la mijis janmacj jipj mpes.

El Nuevo Testamento en Tol de Honduras, 2da ed. ©2010, Wycliffe Bible Translators

Papel locopyaya Pablo tepyaca Timoteo mpes

1

1 Napj

Pablo. Apóstol* way napj, Dios nin tjejyama la veles la pꞌa jilal jupj mpes. Jupj jos napj velé Jesucristo poꞌó. Dios tjevele gente ꞌücj mpatjam jupj lal, Jesucristo sa con̈ na. 2 Timoteo, jipj po ꞌüsüs jin tjiꞌyüsa napj tjevelé, tsjicj si ꞌüsǘ jinwá, popay si ꞌüsǘ liji na. Jipj mpes nin pyac quinam. Dios cupj qjuis Papay. Jesucristo cupj qjuis Jepa Püné. Najas ꞌüsüs way lajay jipj mpes. Najas yupj lovin cyapj japꞌacj, malala ꞌe palá na. Najas ma nin jele nsem pjü way mpes; nin la ꞌajay najas.

3 Napj

Pablo jostsja Timoteo lovin ꞌücj mveles la pꞌa jilal Jesucristo poꞌó.

tsjiꞌ lejay Dios mpes. Judiopan* püna tapatja Dios mpes tsjiꞌ lajaytsja; nin pꞌiyá lejay napj. Napj selé napj nin lejay Dios jos. Dios lal velé na, lovin le mon jipj mpes. Napj wüiꞌis Dios lal jipj mpes. 4 Po quelel jis nyuc. Jis tjinyuc na, ca ꞌücj najas nsem. Napj selé jipj po quelel nus nyuc ꞌotsꞌipj. Napj nola pyala jipj mpe tjum na, po ꞌaplijílatsja jipj. 5 Napj selé jipj tꞌücꞌ way pyon Jesucristo lal. Mwalá way jipj myümüy, Loida, nin pꞌiyá pyónatsja Jesucristo lal. Jipj jemay, Eunice, nin pꞌiyá pyona watsja Jesucristo lal. Napj selé tꞌücꞌ way pyon wa jipj Jesucristo lal, yupj jinwá. 6 Jey pjucj po la tjeꞌyotj na, Dios ꞌe tjeꞌaya ne ꞌüsüs polel jis capj pꞌyacj la pꞌa, Dios jos jinwá. Tꞌücꞌ way jipj nin lejay jupj jos jinwá. Nin mpes napj ꞌi jütütj ca ꞌin majaman, ca nin la mijin Dios jos jinwá. 7 Dios qjuis tjeꞌyaya jupj Cjües. Jupj mpes ma lecj jeyacj la pꞌa jilal. ꞌÜcj pjü lijicj jupj jos jinwá. Jupj mpes wa quelel la sijicj la pꞌa. Jupj

626 El Nuevo Testamento en Tol de Honduras, 2da ed. ©2010, Wycliffe Bible Translators

627

2 TIMOTEO 1

mpes wa lovin selecj tsjan más ꞌücj la mijicj. 8 Mpes po ma ꞌe mayca tꞌas la veles la pꞌa jilal qjuis Jepa Jesucristo poꞌó. Ma wa ꞌe mayca tꞌas nin la veles napj jipj jemica. Cawilta moꞌo püꞌüs Jesucristo mpes, jupj poꞌó tjevelé mpes. Jesucristo poꞌo velen na, nepénowa ca malala nyuca la mijicj wa jipj lal, napj lal la tjajay jinwá. Ma nin jele tꞌas. Dios cyapj cyon̈ca. Dios cyapj pꞌyaꞌsa. 9 Dios ꞌüsüs quelel la tjiji cupj mpes. La qjuis tꞌya püná, nosis cjuwatsja na. La qjuis tꞌya, cupj ca jupj jutsꞌaꞌá nsem. Niná la tjiji cupj la tjijicj mpes tulucj. La qjuis tꞌya Jesucristo la tjiji mpes. Pꞌa jawas ca mpatjaquecj Dios lal Jesucristo la tjiji mpes. Dios jos ꞌüsüs la mijicj jupj jos jinwá. 10 Jesucristo tjacꞌ quinam nosis ntꞌa. Mpes quina qjuisin tjiꞌyüsa Dios pasal ꞌüsüs la tjiji cupj mpes. Jesucristo la tjiji cupj ꞌücj ca mpatjaquecj Dios lal. Jesucristo mpes ma lecj jeyacj la mas. Ca mpatjaquecj janmacj Dios lal Jesucristo poꞌo tepyonecj mpes. Niná qjuisin tjiꞌyüsa Dios tjevele mpes. Tjevele jupj pajal ꞌüsüs la tjiji gente jis lal Jesucristo mpes. 11 Dios la ntjetꞌá napj, apóstol* nsem napj. Nin tjejyama la veles judiopan* tulucj jilal jupj mpes. Nin tjejyama la veles Jesucristo poꞌó yupj jis walapꞌaꞌá. Nin tjejyama sin ꞌyüsa lejay Jesucristo poꞌó. 12 Pülücj ma jisas napj nin velé. Mpes malala nyuca la najay. Newa nin, ma lecj jeyá la veles Jesucristo poꞌó. Tꞌücꞌ way tepyon napj jupj lal. Gente pülücj Dios tsꞌuyupj jis tepyala quinam; napj selé Jesucristo lovin jis capj ncon̈cos, jupj tjacꞌ nas. ꞌÜsüs ca lis mijis, niswa tjacꞌ na. 13 Napj jin tjiꞌyüsa la tjejay. Ninana sin ꞌyüsa lis mijin, napj jinwá. Mpes ca jus nlayen jipj sin ꞌyüsa lejay Dios jos jinwá. Lovin mponen tꞌücꞌ way Jesucristo poꞌó. Jipj Jesucristo se con̈, mpes quelel la mijin Dios janmacj. Quelel lis mijin wa Dios tsꞌuyupj janmacj. 14 Dios jos jipj sin müꞌüsüs la mijin jupj tjevelá. Pasal ꞌüsüs way jupj tjevelá. Mpes ꞌin majaman ꞌüsüs way la mijin jupj jos jin. Dios Cjües ca cyapj mpꞌaꞌsas. Jupj püꞌü cupj qjuisas moꞌó. 15 Jipj selen Figelo tjemey, Hermógenes tjemey wa napj mpe. Pjü way qjuis pülücpan Asia poꞌo patja tjil wa napj mpe. Najastsja ma mal, mopꞌin tjil yupj. 16-17 Onesíforo ma nin la tjiji yupj jinwá. Napj püꞌüs cawilta moꞌó; mopꞌin nin, jupj tjacꞌ quiꞌá, Roma ntꞌa. Po la tepyala napj mpes, quelel nus nyúcatsja jupj. Ma jólatsja yupj ca malala nyuca la mijicj jupj lal ca nacj. La pülücj ꞌücj najastsja la ntjiji jupj. Mpes najas qjuis Jepa Jesucristo ca pajal jis capj mpꞌaꞌsas Onesíforo tsꞌuyupj. 18 Selen la pülücj ncapj tjepꞌyaꞌsa tüpüꞌüs na Efeso moꞌó. Mpes qjuis Jepa Jesucristo niswá tjacꞌ na, najas pasal ꞌüsüs la mijis Onesíforo mpes.

El Nuevo Testamento en Tol de Honduras, 2da ed. ©2010, Wycliffe Bible Translators

2 TIMOTEO 2

628

Militar jinwá la mijin jipj Jesucristo mpes.

2

1 Natjam,

nin la mijin Dios jos jinwá. Jesucristo cyapj pꞌyaꞌsa, mpes nin polel lejay Dios jos jinwá. 2 Jipj tjapjacꞌ napj sin tjiꞌyüsa la tjejay pülücj jis la pjac ntꞌa. Najas nin pꞌiyá sin ꞌyüsa la mijin niyom nepenowá. Niyom nepénowa ꞌüsüs way polel sin ꞌyüsa lajay la pꞌa. Niná ca sin ꞌyüsa la mijin jipj. Yupj ca la mijicj Dios jos jin. Jipj nin lejay mpes, yupj ca ꞌücj sin müꞌüsüs lis mijicj la pꞌa witjacj Dios poꞌó pꞌa jawas. 3 Militar lovin nin liji jupj jepa jos jin. Malala pyala jupj lal ca nacj; newa nin, jupj nin liji jupj jepa jos jin. Najas jipj pꞌiyá militar jinwá nsem Jesucristo mpes. Ca malala mya palas ca nacj; newa nin la mijin jupj jos jin. 4 Militar ma tsjiꞌ liji la pꞌa mpes. Nin liji jepa jos jin la pꞌin. Jupj jos jupj jepa ꞌücj jos nsem jupj la tjiji mpes. Nin pꞌiyá ca la mijin jipj. 5 Nin pꞌiyá pelota jyatsja lal. Jupj ma liji jupj pꞌiyá quelel liji jinwá. Pelota jajatsj jajütütj ꞌoyn nyuca la jatsj. Yom pjaní pelota jyatsja na, ma polel pꞌa casá liji yupj jajütütj lal. Jupj quelel ganar liji, mpes yupj jajütütj jinwá jyatsja pꞌin. Najas jipj la mijin yom pelota jyatsja jinwá. Nin la mijin Jesucristo jyüꞌta jinwá, jupj mpes tsjiꞌ lejay na. Mpes pꞌa jawas jupj po ꞌüsüs la mijis ca jipj mpes. 6 Najas yom pülücj sine jinwá nsem wa jipj. Yom pülücj sine na, pülücj ca mvalas. Mpes pülücj ca ntaꞌas pajal tsjiꞌ la tjiji mpes. Najas jipj la mijin yom niná jinwá. Po tsjiꞌ la mijin Jesucristo mpes. Mpes pꞌa jawas jupj pasal ꞌüsüs la mijis jipj mpes. 7 Pajal jele tꞌas napj tepyac mpes. Qjuis Jepa Jesucristo ca jin müꞌüsüs la mijis, mpes ca jin müꞌüsüs niná. 8 Jele tapalas Jesucristo poꞌó janmacj. Jesucristo tepeꞌe na, jas tjijyünsa, tüpüꞌü niswá. David* pajal püna tüpüꞌü popa pꞌiyá Jesucristá. Nin velé la pꞌa jis lal jupj poꞌó velé na. Napj velé Dios ꞌüsüs la tjiji gente jis lal Jesucristo mpes. 9-10 Nin jis wala tjevelé pülücj jilal Dios poꞌó. Nin mpes nepénowa malala nyuca la tjajay napj lal. Cawilta moꞌo tjoꞌonsopj napj, yom malala jinwá. Ma pajal nin nola nin la tjajay mpes. Yupj ma polel jaꞌonsopj Dios tjevelá cawilta moꞌó. Napj selé pülücj nin javelepj jupj tjevelá, mpes la pꞌa pülücj ca jisas nsem Jesucristo. Dios lis tꞌya yupj. Pꞌa jawasa ca mpatjam Dios lal. Po ꞌüsüs way neꞌaj; lovin mpatjam ca neꞌaj. 11 Ninana tꞌücꞌ way: “Tecyaꞌlequecj jinwá Jesucristo lal, mpes gente malala la qjuis mijicj wa.

El Nuevo Testamento en Tol de Honduras, 2da ed. ©2010, Wycliffe Bible Translators

629

2 TIMOTEO 2

Nin mpes wa mpatjaquecj ca cupj jupj lal pꞌa jawas. 12 Gente malala la qjuesejay na, más ꞌücj ma qjuiyola. Más ꞌücj newa tsjiꞌ lijicj Jesucristo mpes. Mpes pꞌa jawas cupj ꞌa mulú ca jis majamacj la pꞌa wa. Cupj tsyüpünücj cupj jupj gente, nin pꞌiyá ca mveles jupj cupj qjuisin poꞌó. 13 Nenéyawa ma lijicj Jesucristo jos jin, mopꞌin jupj ca nin la mijis jupj tjevele jin. Ma li tsuwile jupj.” ꞌÜsüs tsjiꞌ la mijin Dios mpes, ne ꞌücj ca nsem jipj jupj lal.

14 Pülücj

way tjevelé jipj lal. Najas nin pꞌiyá mvelen ca qjuis catjampan jilal neꞌaj. Jilal mvelen ma la velel ma jisas na la pꞌa tjowelepj. Ma ꞌüsüs pyala la velel na. Ninana pjyacan̈ ma ca jisas nsem Dios. 15 Po ꞌüsüs tsjiꞌ la mijin Dios mpes, ne ca ꞌücj nsem jipj Dios lal. Ma ca mya maycas jupj lal. Pasal ꞌüsüs jin tjüꞌüsüs Dios tjevelá. Jupj tjevelá tꞌücꞌ way. Niná ꞌüsüs sin ꞌyüsa la mijin la pꞌa jilal. 16 Pülücj ma ꞌüsüs sin ꞌyüsa Dios tjevelá. Najas jipj ma nijina sin ꞌyüsa lejay, yupj sin ꞌyüsa lajay jinwá. Najas ma nin pꞌiyá velen, yupj javelepj jinwá. Gente yoꞌ peꞌe Dios yupj javelepj mpes. 17 Gente len̈ way yoꞌ peꞌe Dios yupj javelepj mpes. Yupj javelepj pasal malala, pütsꞌey pjeꞌá tinca jinwá. Yupj popa pjaní Himeneo ló. Fileto ló pꞌa wa. 18 Tꞌücꞌ way salejeptsja yas nam. Mopꞌin malala yola quinam. Yupj javelepj nasa tꞌücꞌ Dios sin tjijyünsa tecyaꞌlin̈, jis la pütꞌüs niswá. Mpes nepénowa tꞌücꞌ way ma japon quinam, yupj javelepj mpes. 19 Newa selecj pasal pülücj tꞌücꞌ way japon custjay. Lovin ca tꞌücꞌ way mponecj. Dios lovin ca Dios tjevelá tüc way. Niná sin jis majamas yupj. Püna yom pjaní yüsa la mijin. (2 Timoteo 2.15) tepyaca Dios mpes: “Dios selé pjacj

El Nuevo Testamento en Tol de Honduras, 2da ed. ©2010, Wycliffe Bible Translators

2 TIMOTEO 2, 3

630

ne jupj jutsꞌaꞌá”. Tepyaca wa: “Pülücj javelepj yupj sa con̈ Dios. Dios jos yupj ma malala nyuca lajay niswá.” 20 Najas pajal ꞌüsüs nsem nun, pocillo ꞌüsüs jinwá. Wa püné ntꞌa, yom pocillo pülücj tyaꞌa. Nepénowa pasal ꞌüsüs way, oro* mpes yupj ca nacj, plata* mpes yupj ca nacj. Pocillo pꞌa witjacj ꞌotsꞌotsꞌ way ꞌüsüs; yo mpes yupj nepenowá, ꞌamá mpes nepenowá. Gente noypan jiquil na, wo mpe ꞌesepj jos jupj pocillo ꞌüsüs witjacj yupj jis la müs mpes. Myayca jupj pocillo malala la ꞌayas jis la müs. 21 Dios jos gente ma malala lajay. ꞌÜsüs lajay na, pocillo ꞌüsüs jinwá nsem yupj, ꞌüsüs ca polel la mijicj Dios mpes. Dios ca jos nsem yupj. Ca jos nsem yupj tsjiꞌ la mijicj jupj mpes. 22 Ma malala la mijin, pꞌa tjamacjaspan lajay jinwá. Lovin ꞌüsüs la mijin Dios jos jin. Lovin mponen Dios tjevelá. Lovin quelel lis mijin pjü. Pjü jilal ma tsꞌi tjiꞌina jipj. Ma wa la tjeveꞌle pꞌa lal. Najas nin la mijin Dios sa con̈ jinwá. Yupj pjaní pꞌin jisas; yupj quelel lajay Dios jos jin. Yupj la mon qjuis Jepa Jesucristo jis capj mpꞌaꞌsas. 23 La pꞌa nepenowá lovin javelepj yupj ma salejepj poꞌó. Dios tjevele mpes tulucj javelepj yupj. Ma yola jinwá yupj, yupj ne nin mpes javelepj. Nepénowa la velel yupj jilal, yupj javelepj mpes. Po ma ninwa la mijin jipj. Po ma mveꞌlé Dios ma tjevele poꞌó. 24 Qjuis Jepa Jesucristo jos jupj jomozopan ma la velel la pꞌa jis lal. Jos jupj jomozopan ꞌüsüs way javelepj pjü jilal. Jupj jos yupj ꞌüsüs sin ꞌyüsa lajay. Jos yupj ma ca tsꞌi miꞌinacj la pꞌa malala lajay na yupj jis lal. 25 Pülücj ma salejepj tꞌücꞌ way. Quelel la velel Jesucristo lal japon jilal ca nacj. Dios jos jupj tsꞌuyupj tꞌücꞌ way jis wala javelepj. Nin javelepj na, jupj jos jupj tsꞌuyupj ma tsꞌi miꞌinacj ca. Quelel lis mijicj la pꞌin, mpes Dios ca jis capj mpꞌaꞌsas mponecj ca nacj. Ca ꞌaplijila nsem malala nyuca la tjajay mpes, ne ꞌüsüs ca quelel la mijicj quinam Dios jos jinwá. Tꞌücꞌ way ca jus nlayecj ca nacj. 26 Diablo* li tsuwile yupj jilal. Nin la tjajaytsja diablo jostsja jin, jupj yus tsyawilí. Yupj yólatsja ꞌüsüs la tjajaytsja. Quina tꞌücꞌ way ca jus nlayecj. Ca ꞌüsüs la mijicj quinam Dios jos jin.

3

Gente tsjay malala nyuca la mijicj, nosis cyawaja na.

1 Jipj selen nosis ncawajas ca. Quelel cyawaja na, costa way nsem cus ncon̈cocj ca Dios. Najas nin jus nlayen niná. 2 Gente ca ntsꞌisin̈. Ca jisas nsem tꞌemel pülücj. ꞌÜsüs ca mvelecj yupj pꞌiyá sin poꞌó. Yupj ca noypan jin yola yupj pꞌiyá. Malala ca mvelecj Dios lal, la pꞌa jilal ꞌotsꞌipj. Ca ma la mijicj yupj jis papay, sejamay javelepj

El Nuevo Testamento en Tol de Honduras, 2da ed. ©2010, Wycliffe Bible Translators

631

2 TIMOTEO 3

jin. La pꞌa ꞌüsüs way lajay na yupj jilal, ma ca mwiꞌin̈ yupj. Lovin ma ca la mijicj Dios jos jinwá. 3 Pjü ma ca quelel la mijicj. Ma ca perdonar la mijicj la pꞌa. Ca quelel tin mvelecj. Yupj jisas jin ca la mijicj la pꞌin. Gente la pꞌa ꞌaplijila ca jis mpalas, yupj la mijicj mpes. Ma ꞌüsüs la mijicj yupj. Ma ca jisas nsem la pꞌa ꞌüsüs lajay. 4 Yupj ca jis capj mpꞌaꞌsacj gente enemigopan malala la mijicj yupj jilal. Yupj lajay, len̈ way nin lajay, ma yola ncu ꞌüsüs lajay. Yupj ca yola nsem pjü salejepj yupj. Ma ca quelel la mijicj Dios. Ca jisas nsem yupj pꞌiyá ꞌücj jisas mpatjam. 5 Yupj ca jisas nsem la pꞌa japon yupj quelel lajay Dios. Mopꞌin jisas Dios ma jis capj cyon̈ca. Ma quelel lajay Dios jos jin. ꞌIn tjejyama. Ma najas yupj jipj jemicapan nsem. 6-7 Yupj nepénowa jil la pꞌa jis wa ntꞌa, javelepj nequem jis lal. Nequem nenem len̈ way japon la pꞌa wa javelepj. Nequem nenem pasal malala nyuca la tjajay. Newa malala quelel lajay, mpes nin lajay. Lovin pülücj sin ꞌyüsa, mopꞌin ma polel sin ꞌyüsa tsjan tꞌücꞌ way. Yupj japon la pꞌa wa javelepj, mpes niyom nenem jil yupj jis wa ntꞌa jis la veles yupj jis lal. 8 Gente nenem ma jisas la pꞌa ca jus nlayecj tsjan tꞌücꞌ way. Yupj pꞌiyá ma salejepj tsjan tꞌücꞌ way. Malala nyuca yola yupj. Ma japon Dios tjevelá. Yupj jisas la pꞌa mponecj yupj Dios tsꞌuyupj; Dios tsꞌuyupj tulucj yupj. Yupj Janes jinwá, Jambres jinwá ꞌotsꞌipj. Janes, Jambres ꞌotsꞌipj, ma jisastsja Moisés* tjevelá. Moisés tjevele Dios tjevelá. 9 La pꞌa wa len̈ way sin tjiꞌyüsa Janes ma jola jinwá tjevele jupj. Nin pꞌiyá sin tjiꞌyüsa Jambres poꞌó. Nin jinwá ca nsem gente nenem jis lal. La pꞌa wa ca len̈ way sin müꞌüsüs wa yupj ma yola jinwá javelepj.

Pablo jostsja Timoteo lovin la mijis jupj jas tjiꞌyüsa la tjiji jinwá.

10 Timoteo,

jipj selen tsjan sin tjiꞌyüsa la tjejay napj. Selen tsjan la tjejay napj. Selen napj quelel lejay Dios jos jin. Selen pajal pyon napj Dios lal. Pülücj ma jisas napj velé, newa napj ma tsꞌi ꞌin yupj jilal. Selen napj quelel la sejay pjü. Nepénowa malala lajay napj lal, newa ꞌüsüs lejay napj Dios jos jin. 11 Jipj selen tꞌücꞌ way gente malala nyuca la tjajay napj lal. Selen pasal malala ntepalá. Selen tsjan ntepalá Antioquía poꞌó, Iconio poꞌó ꞌotsꞌipj, Listra poꞌó ꞌotsꞌipj. Pajal malala la ntjajay. Nin tepyala na, qjuis Jepa Jesucristo lovin ncapj tjepꞌyaꞌsa, ne ꞌücj püꞌüs napj. 12 Nin pꞌiyá pjü jilal. Jesucristo jos jin quelel lajay, la pꞌa wa ca malala nyuca la mijicj yupj jilal. 13 Gente malala pülücj lyawun̈. La pꞌa wa pülücj japon yupj javelepj. Mopꞌin tꞌücꞌ way tulucj

El Nuevo Testamento en Tol de Honduras, 2da ed. ©2010, Wycliffe Bible Translators

2 TIMOTEO 3, 4

632

javelepj. Más malala la mijicj yupj, nin ca mpalas. La pꞌa wa yus ntsawilicj wa yupj. 14 Timoteo, lovin mponen jipj, jin tjiꞌyüsa la tjijicj pꞌin. Selen ninana jin tjiꞌyüsa la tjijicj tꞌücꞌ way. Selen ma la tsyawilicj. 15 Jipj tsjictsja na, nin pꞌiyá jin tjiꞌyüsa la tjajay jipj wya nepé. Jin tjiꞌyüsa Dios Popel, pasal ꞌüsüs way niná. Dios Popel mpes jin tjiꞌyüsa gente japon na Jesucristo lal, ꞌücj ca mpatjam Dios lal. 16 Dios tjijyüꞌta niyom nepenowá jis la pac Dios Popel. Mpes Dios jostsja jinwá tapac yupj. Dios tꞌücꞌ way qjuisin ꞌyüsa liji jupj Popel mpes. Malala nyuca lijicj na, Dios qjuis wala vele niná jupj Popel mpes. Dios jos cupj ma lijicj, jupj qjuis wala vele niná jupj Popel mpes. Jupj jos cupj la mijicj, qjuis wala vele wa niná jupj Popel mpes. 17 Dios Popel mpes, Dios tsꞌuyupj sin ꞌyüsa tsjan más ꞌücj la mijicj. Mpes ꞌücj ca polel la mijicj pjü way Dios jos jin. 1 Pꞌa jawasa Jesucristo ncuwim niswá, müjüꞌtüs ca nosis moꞌó. Pꞌa jawasa jupj ca mveles patja jilal ncu ꞌüsüs nyuca la tjajay. Tecyaꞌlin̈ ca mpatjam wa niswá, Jesucristo nin ca lis mijis. Ca mveles wa yupj jilal ncu ꞌüsüs nyuca la tjajay. Mpes napj ꞌi jütütj mvelen la pꞌa jilal Dios Popel mpes. Dios pjoca napj ꞌi jütütj. Jesucristo pjoca ꞌotsꞌipj. 2 Lovin mvelen la pꞌa jis walapꞌaꞌá Dios Popel mpes. Nenéyawa gente ca ma quelel mpjacan̈ jipj velen. Newa nin mvelen. ꞌÜsüs way sin ꞌyüsa lis mijin. Mpes pülücj ca jisas nsem Jesucristo. La pꞌa malala nyuca lajay na, jis wala mvelen. Yun ꞌasas mim, ne pülücj ca la mijicj Dios jos jin. Pülücj way ma len̈ way sin müꞌüsüs jipj velen mpes. Mopꞌin ma tsꞌi tjiꞌina yupj jilal. Ca la nucun ca sin müꞌüsüs. 3 Pꞌa jawasa Dios tsꞌuyupj tꞌücꞌ way sin ꞌyüsa lajay na, gente pülücj ma ca mpjacan̈ yupj javelepj. La pꞌa pꞌin ca quelel mpjacan̈. Ca la mpalacj la pꞌa wa sin ꞌyüsa la mijicj. 4 Yupj ma ca jisas nsem Dios tjevelá. Jupj tjevelá tꞌücꞌ way. Ca jisas nsem la tsuwilpan tjowelepj. Cuento pꞌin tjowelepj yupj. 5 Timoteo, gente ca malala la mijicj jipj lal. Mopꞌin ma lecj meyá jipj. Lovin mvelen la pꞌa jilal Jesucristo poꞌó. Pasal ꞌüsüs way niná. Najas la mijin pjü way Dios jos jin. ꞌIn tjejyama. Ma la mijin jipj jyas jin. Nin la mijin Dios jos jin. 6 Quina pyac, ꞌe ꞌa, len̈ way yupj ma ꞌüꞌnacj ca napj. Len̈ way mis Dios ntꞌa. 7 Po ꞌüsüs way tsjiꞌ la tjejay napj Dios mpes. Tecyawaja jis wala tjevelé. Lovin tepyon napj Dios tjevelá. 8 Qjuis Jepa Jesucristo niswa tjacꞌ na, ca mveles gente jilal ncu ꞌüsüs nyuca la tjajay Dios jos jin. Qjuis Jepa Jesucristo pasal ꞌüsüs way. Napj selé pasal ꞌüsüs

4

El Nuevo Testamento en Tol de Honduras, 2da ed. ©2010, Wycliffe Bible Translators

633

2 TIMOTEO 4

la mijis napj lal. Pajal pülücj la nuc jupj ncuwim niswá. Po jisas jupj. Pasal ꞌüsüs la mijis wa jupj yupj jilal. 9 Najas

Pablo jostsja Timoteo len̈ way ncuwim jupj ntꞌa.

jipj len̈ way ncuwim napj ntꞌa. 10 Demas tjemey napj mpe. Tjemey Tesalónica ntꞌa. Jupj po quelel pǘꞌütsja nosis ntꞌa. Ma quelel peꞌe napj lal. Len̈ wa Crescente; tjemey jupj quinam Galacia ntꞌa. Tito Dalmacia ntꞌa tjemey jupj. 11-12 Napj jas tjejyam Tíquico Efeso ntꞌa, mpes len̈ wa jupj. Lucas pꞌin püꞌü napj lal quinam. Cuy na, la tepyala Marcos, jupj lal ncuwim. Jupj ꞌücj ncapj mpꞌaꞌsas quiꞌá; cupj cjaya maya tsjiꞌ la mijicj Dios mpes. 13 Cuy na, napj nin quip pjeꞌapa ncaꞌan ma ꞌen. Carpo tyaꞌa niná Troas poꞌó. Napj libro witjacj ncaꞌan ma ꞌen ꞌotsꞌipj. Po najas papel maꞌajapj ꞌotsꞌipj. 14 Alejandro poꞌo jele jipj, jupj ne acero syüpa. Pasal malala la ntjiji. Qjuis Jepa Jesucristo ca cus ntülüs, jupj malala la tjiji mpes. 15 ꞌIn tjejyama jupj lal. Jupj po ma jostsja cupj tjevelecj Dios poꞌó. 16 Yupj jepa ntꞌa nin tjaman na, najamicapan pjü way ma tjil ncapj la pꞌacj. Pjü tjoꞌos tjil napj mpe. Najas Dios ma jola yupj nin la tjajay. 17 Qjuis Jepa Jesucristo ncapj tecyon̈ca, ncapj tjepꞌyaꞌsa. Mpes napj ꞌücj tjevelé pjü way jupj jostsja jin. Judiopan* tulucj pjü way nin tjepjyacan̈. Qjuis Jepa Jesucristo la tjiji mpes, jepapan neꞌaj ma ntjüꞌünan napj. 18 Tꞌücꞌ way nepénowa ca malala quelel la mijicj napj lal. Newa nin, Jesucristo ncapj cyon̈ca lovin. Tꞌücꞌ way jupj ca ma manus Dios püꞌü ntꞌa. Mpes najas gente lovin ꞌüsüs pjac mvelecj Dios poꞌó. Amén.

Pablo tecyawaja tepyaca.

19 Süs

wa la mijin Priscila, Aquila ꞌotsꞌipj. Süs wa la mijin wa pjü jilal Onesíforo wo ntꞌa. 20 Erasto ma tjacꞌ napj lal. Corinto moꞌo püꞌü. Mileto poꞌo tüpüꞌüs na, Trófimo malala jos tepyala. Mpes ma tjacꞌ napj lal. Neꞌaj püꞌü custjay. 21 Len̈ way majawus ca, mpes najas len̈ way ncuwim. Eubulo süs wa la tjiji jipj lal. Pudente süs wa la tjiji wa. Lino, Claudia ꞌotsꞌipj, süs wa la tjajay. Qjuis catjampan pjü way süs wa la tjajay. 22 Najas qjuis Jepa Jesucristo lovin cyapj cyon̈ca jipj. Najas jupj ꞌüsüs way la mijis janmacj nun mpes.

El Nuevo Testamento en Tol de Honduras, 2da ed. ©2010, Wycliffe Bible Translators

Pablo papel tepyaca Tito mpes

1

1 Napj

Pablo. Napj Dios jomozo. Apóstol* way napj; Dios nin tjejyama la veles la pꞌa jilal jupj mpes Jesucristo poꞌó. Dios lis tꞌya ntꞌa nin tjejyama; jupj jos yupj ca mponecj jupj tjevelá. Jupj jos tꞌücꞌ way sin ꞌyüsa. Niná sin ꞌyüsa na, ca ꞌücj la mijicj Dios jos jinwá. 2 Ca jus nlayecj ca mpatjam lovin Dios lal. Püna, nosis cjuwatsja na, Dios tjevele gente ꞌücj polel mpatjam ca lovin jupj lal. Ma li tsuwile jupj. 3 ꞌÜctsja na cupj niná qjuis la pjac, ninana qjuis wala tjevele. Dios jostsja napj jum, ninana la veles la pꞌa jis walapꞌaꞌá. Nin lejay jupj nin tjijyüꞌta mpes. Dios la tjiji cupj ꞌücj ca mpatjaquecj jupj lal. 4 Tito, jipj mpes pyac niná quinam. Pülücj jin tjiꞌyüsa la tjejay napj Jesucristo poꞌó. Po ꞌüsüs jin tjiꞌyüsa, tsjicj si ꞌüsǘ jinwá, jupj popay si ꞌüsǘ liji na. Cupj pyonecj nin pꞌiyá Jesucristo poꞌó. Dios cupj qjuis Papay. Jesucristo la tjiji cupj ꞌücj ca mpatjaquecj Dios lal. Najas yupj ꞌüsüs ca la mijicj jipj mpes. Najas yupj lovin ca cyapj mpꞌaꞌsacj, malala ꞌe palá na. Najas jipj ma jele nsem pjü mpes, yupj ca nin la mijicj jipj mpes.

Pablo tepyaca tsjan niná jupj jostsja Tito ca la mijis Creta poꞌó.

5 Creta

poꞌo tüpüꞌüstsja na, napj lis tꞌyatsja niyom nepenowá, yupj ca jis majamacj Dios tsꞌuyupj. Ma polel tecyawaja la tjejay niná. Mpes najastsja jipj ma ca mim nepé; najastsja jipj ca la ntꞌan niyom nenem, ncawajas ca la mijin napj ma tꞌücꞌ la tjejay. Najastsja jipj la ntꞌan ca coꞌmüypan* Dios tsꞌuyupj jilal, pjü way pülücj patja ntꞌa. Nasa tjevelé jipj lal pjacj cuscú la ntꞌan. 6 Dios jos coꞌmüypan pasal ꞌüsüs nsem yupj, la pꞌa ma malala mvelecj ca yupj sin poꞌó. Dios jos coꞌmüypan pjaní

634 El Nuevo Testamento en Tol de Honduras, 2da ed. ©2010, Wycliffe Bible Translators

635

TITO 1

pjaní la pꞌin sejatsꞌom yupj. Jos yupj jis tsꞌuyupj japon wa Jesucristo poꞌó. Dios jos yupj jis tsꞌuyupj ma lajay pjü way yupj pꞌiyá quelel lajay jinwá. Jos wa yupj jis tsꞌuyupj nin lajay jis papay javelepj jin. 7 Pastor* tsjiꞌ liji Dios mpes. Jepa jupj Dios tsꞌuyupj mpes. Mpes Dios jos pajal ꞌüsüs nsem jupj, la pꞌa ma malala mvelecj ca jupj poꞌó. Dios jos jupj ma jola jupj pꞌiyá más ꞌüsüs la pꞌa jilal. Gente nepénowa len̈ way tsꞌa ꞌin se palá. Dios jos pastor ma yupj jinwá nsem. Dios jos pastor ma myona. Jos jupj lovin ma quelel le palana la pꞌa jilal. Dios jos jupj ma li tsuwile tꞌemel la tꞌanques. 8 La pꞌa wa campa jiquil na, Dios jos pastor se ꞌaya jinan̈ jupj wo ntꞌa, se ꞌaya wa jis la las. Dios jos pastor lovin ꞌüsüs quelel liji la pꞌa mpes. Jos pastor lovin selé tsjan más ꞌücj liji, ne nin la mijis jupj. Jos pastor lovin ꞌüsüs nsem jupj. Dios jos pastor lovin nin liji Dios jos jinwá. Jos pastor ma liji jupj pꞌiyá quelel liji jinwá. Más ꞌücj liji Dios jos jinwá. 9 Dios jos pastor lovin ca mpones tꞌücꞌ way Dios poꞌó, Jesucristo poꞌó ꞌotsꞌipj. Napj nasa sin tjiꞌyüsa la tjejay niná. Dios jos pastor ninana jos lovin. Jupj jos ninana pjü way pyona lovin. Mpes pastor ca jus nlayes tsjan tꞌücꞌ way. Mpes ꞌücj ca polel mveles la pꞌa jilal tsjan más ꞌücj la mijicj yupj. ꞌÜcj ca sin ꞌyüsa la mijis, tꞌücꞌ way ma jisas jilal. Nenem malala javelepj tꞌücꞌ way poꞌó, mopꞌin ca sin müꞌüsüs malala nin javelepj. 10 Niyom nepénowa jajamapj Dios tsꞌuyupj, mopꞌin Dios tsꞌuyupj pülücj ma lajay yupj javelepj jinwá. Ma lajay Dios tjevelá. Ma yola jin javelepj; la pꞌa wa ma ꞌücj sin ꞌyüsa yupj javelepj mpes. La tsuwil yupj. Pülücj way ninana lajay ne judiopan* yupj. 11 Más ꞌücj yupj ma javelepj niswá; más ꞌücj cupj nin lijicj ne ma mvelecj yupj niswá. Sin ꞌyüsa lajay malala. Ma sin ꞌyüsa lajay más ꞌücj. Nepénowa jis wa ntꞌa, pjü way yupj jis wa ntꞌa patja ma jisas quinam tsjan tꞌücꞌ way Dios poꞌó; nin jis tepyala yupj javelepj mpes. Nin javelepj tꞌemel la tꞌanques. Malala nin. 12 Püna yupj popa pjaní tjevele Creta moꞌo patja mpes. Creta moꞌo patja tjowelepj jupj ꞌücj polel véletsja tsjan mpalas ca pꞌa jawasa. Tjevele: “Creta moꞌo patja lovin la tsuwil. Pajal malala nyuca lajay. Ma quelel tsjiꞌ lajay; pülücj jalá la pꞌin”, nin tjevele. 13 Tꞌücꞌ way nin tjevele. Mpes ca mvelen yupj jilal yupj jin lajay pasal malala. Sin müꞌüsüs lis mijin Dios jos jinwá. Mpes tꞌücꞌ way ca mponecj yupj. 14 Ma ca jisas nsem cuento pꞌin judiopan püna tjowelepj. Pülücj way tjowelepj tꞌücꞌ way tulucj. Jipj sin ꞌyüsa lejay na, yupj ma ca quelel la mijicj niyom pꞌin tjüjütütj jin. Niyom nenem ma quelel salejepj tsjan tꞌücꞌ way.

El Nuevo Testamento en Tol de Honduras, 2da ed. ©2010, Wycliffe Bible Translators

TITO 1, 2

636

15 Nepénowa

ma malala nyuca yola. ꞌÜsüs pꞌin yola yupj pjü mpes. Pꞌa witjacj malala nyuca yola. Ma japon Jesucristo lal. Mopꞌin malala yola pjü mpes. Ma salejepj yupj tsjan ꞌüsüs, tsjan malala. Malala lajay na, ma yola. 16 Yupj javelepj yupj sin ꞌyüsa tꞌücꞌ way Dios poꞌó. Nin tulucj. Yupj malala lajay mpes, selecj yupj ma salejepj tꞌücꞌ way Dios poꞌó. Yupj pajal malala Dios lal. Ma lajay Dios tjevelá. Tsjan ꞌüsüs way ma polel lajay yupj.

Pablo jostsja Tito ca sin müꞌüsüs la mijis Dios jos jinwá.

2

1 Tito, najas jipj sin ꞌyüsa lejay tsjan tꞌücꞌ way; Dios jos sin ꞌyüsa lijicj niná. 2 Dios jos niyom tsjyoncapan ma se maná yupj. Jos yupj ꞌüsüs way nsem pjü jilal. Jos wa yupj lovin salejepj tsjan más ꞌücj la mijicj, ne ca nin la mijicj yupj. Dios jos yupj japon tsjan tꞌücꞌ way jupj poꞌó. Jos wa yupj ca quelel lis mijicj la pꞌa. Jupj jos yupj newa ca ꞌüsüs la mijicj, malala pyala na. Niná sin ꞌyüsa la mijin. 3 Nin pꞌiyá, sin ꞌyüsa lis mijin nequem tsjyoncapan. Dios jos yupj ꞌüsüs lajay, mpes la pꞌa ca jus nlayecj yupj po jisas Dios. Dios jos wa yupj ma tin javelepj. Jupj jos ma se maná. Jos wa yupj sin ꞌyüsa lis mijicj la pꞌa wa tsjan ꞌüsüs way. 4 Mpes tsjücjüimpan ca sin müꞌüsüs Dios jos yupj ca quelel lis mijicj jis vayum, jis tsꞌuyupj ꞌotsꞌipj. 5 Ca sin müꞌüsüs tsjan más ꞌücj lajay, ne ca nin la mijicj lovin. Ca sin müꞌüsüs Dios jos yupj ma ca mal la pꞌa niyom jilal. Ca sin müꞌüsüs Dios jos yupj jis wa jajamapj. Ca sin müꞌüsüs Dios jos yupj ꞌüsüs ca la mijicj jis vayum witjacj mpes, jis tsꞌuyupj mpes wa. Ca sin müꞌüsüs Dios jos yupj lajay jis vayum vele jin. Ninana pjü way ca nin la mijicj, la pꞌa wa ma ca malala mvelecj Dios tjevelá poꞌó. 6 Nin pꞌiyá, sin ꞌyüsa lis mijin tjamacjaspan jilal. Yupj jilal mvelen Dios jos yupj lovin ca jus nlayecj tsjan más ꞌücj la mijicj, ne ca nin la mijicj yupj. 7 Najas jipj lovin ꞌüsüs la mijin; la pꞌa ca jis nucucj, ca sin müꞌüsüs más ꞌücj nin pꞌiyá lajay yupj. Sin tjüꞌüsüs lis mijin tsjan tꞌücꞌ way. Ma ca pꞌa casá mvelen; najas yupj jis januc, ca sin müꞌüsüs más ꞌücj nin pꞌiyá mvelecj yupj la pꞌa jilal. 8 Dios jos jinwá mvelen. Mpes la pꞌa ma ca polel la mveꞌlecj jipj lal jipj tjevelen mpes. Ma jisas jipj, jis maycas ca. Ma ca malala polel mvelecj cupj poꞌó; nin ca nsem Dios jos jinwá tjevelen mpes. 9 Ca mvelen esclavopan* jilal Dios jos yupj lovin lajay yupj jis patrón jajütütj jinwá. Dios jos yupj nin yola ꞌoyn nyuca ꞌüsüs la mijicj, mpes yupj jis patrón ꞌücj jisas nsem yupj jis lal. Dios jos yupj ma la velel

El Nuevo Testamento en Tol de Honduras, 2da ed. ©2010, Wycliffe Bible Translators

637

TITO 2, 3

yupj jis patrón jis lal. 10 Dios jos ma pequen̈ jis patrón yutsꞌaꞌá. Jos wa lovin ca ꞌüsüs la mijicj jis patrón mpes, ne jis patrón ca jus nlayecj lovin ꞌüsüs lajay; ma la tsuwil. La pꞌa ca nucucj pjü way niná ꞌüsüs lajay, mpes ca sin müꞌüsüs po ꞌüsüs way sin ꞌyüsa lijicj Dios poꞌó. Dios la tjiji cupj ꞌücj ca mpatjaquecj jupj lal. 11 Dios pajal ꞌüsüs la tjiji gente mpes. Jupj la tjiji mpes, gente ca polel mpatjam jupj lal. Pjü gente mpes nin la tjiji jupj. 12 Dios jos qjuisin ꞌyüsa ꞌoyn nyuca ꞌüsüs la mijicj jupj jos jinwá; nin mpes nin la tjiji. Jupj ma jos tsjan malala, jupj jos cupj ma wa ca qjuisas nsem niná. Pülücj ma quelel ꞌüsüs lajay Dios jos jinwá. Yupj lajay gente pꞌin quelel lajay jinwá pꞌin. Malala lajay. Dios jos cupj ma quelel lijicj yupj lajay jinwá. Jupj jos cupj lovin ca jus nlayecj tsjan más ꞌücj la mijicj, ne ca nin la mijicj. Jos lovin ꞌüsüs lijicj, nosis casá pyatjaquecj na. Jupj jos lovin lijicj jupj jos jinwá. 13 Dios jos cupj po qjuisas Jesucristo len̈ way jacꞌ. Jesucristo cupj qjuis Dios, pasal püné jupj. Jupj la tjiji cupj ꞌücj ca mpatjaquecj jupj lal. Jesucristo mpes selecj cupj ca mpatjaquecj Dios lal. Mpes ꞌücj qjuisas ncupj. Cupj ca nucucj pasal püné Jesucristo; jacꞌ na nin ca nucucj. 14 ꞌÜctsja Jesucristo lal jupj pꞌiyá tepeꞌe cupj mpes. Nin la tjiji ca Dios perdonar la qjuis mijis, ca ꞌüsüs nsem cupj jupj lal. Jupj la tjiji ꞌücj ma ca malala nyuca la mijicj. Jupj la tjiji ca ꞌüsüs nsem cupj, malala tulucj. Jupj jostsja cupj jupj jutsꞌaꞌá nsem. Jostsja cupj ca ꞌüsüs la mijicj, niná po qjuisas mpes. 15 Ninana pjü way sin tjüꞌüsüs lis mijin. Newa jis wala mvelen más ꞌücj ninana nin lajay. Dios jos nin lajay. Mpes jis tjijyüꞌta ninana la mijicj. Ma nin lajay na, jis wala mvelen malala nin lajay. Napj tjevelé jin la mijin jipj. Mpes pjü ma ca mvelecj jipj ꞌüsüs lejay tulucj.

Pablo tepyaca tsjan jos Dios jupj tsꞌuyupj ca nin la mijicj.

3

1 Niswa

mvelen Dios tsꞌuyupj jilal, Dios jos yupj yola yupj jis jepapan noypan, ꞌücj jis la jütütj. Dios jos yupj nin lajay yupj jis jepapan jajütütj jinwá. Dios tsꞌuyupj polel ꞌüsüs lajay na, Dios jos nin lajay yupj. 2 Niswa mvelen Dios tsꞌuyupj jilal, Dios jos ma malala nyuca javelepj la pꞌa wa mpes. Jupj jos lovin ma la velel. Jos lovin ꞌüsüs javelepj la pꞌa jilal, ma ca tsꞌi miꞌinacj. La pꞌa jilal javelepj na, ma wa ca tsꞌi miꞌinacj yupj javelepj mpes. 3 Jele mpalas cupj pꞌiyá ma qjuiyola jin lijictsja yas nam. Ma la tjijicj Dios tjevelá. Tepyonecj la tsuwilpan tjowelepj. Lovin la tjijicj cupj qjuisastsja jin. Ma la tjijicj Dios jostsja jin. Cupj la tjijicj mpes

El Nuevo Testamento en Tol de Honduras, 2da ed. ©2010, Wycliffe Bible Translators

TITO 3

638

ꞌücj qjuisas tepyala; lovin nin la tjijicj. Ninana cupj la tjijicj malálatsja. Lovin malala la tjijicj. Lovin la tjejyamaquecj la pꞌa mpes. Gente la pꞌa wa ma jisastsja ncupj. Cupj ma wa qjuisastsja la pꞌa, tsꞌi ꞌinyactsja yupj jilal. 4 Mopꞌin Dios pasal ꞌüsüs la tjiji gente mpes. Pajal quelel lis tjiji gentá. 5 Mpes jupj la tjiji ꞌücj ca mpatjaquecj jupj lal. Cupj ꞌüsüs la tjijicj mpes tulucj ca nin nsem. Dios pꞌiyá jostsja ꞌüsüs qjuesé palá, nin mpes pꞌin ca mpatjaquecj Dios lal. Ca mpatjaquecj jupj lal bautizar* qjuis tepyala mpes, Dios tsꞌuyupj qjuis tepyala mpes. Niná qjuis tepyala Dios Cjües ꞌüsüs la qjuis tjiji mpes. 6 Dios qjuis tjeꞌyaya jupj Cjües, Jesucristo la tjiji mpes. Tsꞌüise tulucj jupj. Jesucristo la tjiji cupj ꞌücj ca mpatjaquecj Dios lal. 7 Dios pꞌiyá la tjiji mpes, ꞌüsüs cupj quinam Dios lal. ꞌÜsüs quelel líjitsja jupj cupj mpes. Nin mpes nin la tjiji cupj ca mpatjaquecj lovin jupj lal. Selecj ca nin nsem. 8 Ninana po tꞌücꞌ way. Najas la pülücj ninana poꞌo mvelen yupj jilal. Po ma lecj tjeyá nin la veles. Más ꞌücj nin mvelen, mpes Dios lal japon ca ꞌüsüs quelel lajay, Dios jos jin. Ninana po ꞌüsüs way. Nin lajay na, ꞌüsüs se palá gentá. 9 Tꞌücꞌ way nepénowa quelel la velel yupj pꞌa casá yola mpes. Dios ma jos yupj javelepj niná. Nenéyawa javelepj püna tapatja jis lá mpes. Japon Dios qjuisin ꞌyüsa liji jis lá mpes. Nin tulucj. Nenéyawa la velel Moisés* tjevelá mpes. Tsꞌa ꞌin se palá la pꞌa wa pꞌa casá yola mpes. Niyana mpes quelel javelepj na, más ꞌücj ma mvelen yupj jilal. Ma ꞌüsüs se palá niná javelepj na. La pꞌa wa tꞌücꞌ way tulucj sin ꞌyüsa, niná javelepj mpes. 10 Yupj javelepj mpes, Dios tsꞌuyupj nepénowa ma japon tꞌücꞌ way quinam. Nin mpes la pjaní jis wala mvelen, lama ca nacj, ca mvelen malala nin lajay. Newa nin ca malala quelel la mijicj custjay ca nacj; ma ꞌüsüs quelel lajay, jis wala mvelen ma ncul ca niswá Dios tsꞌuyupj ꞌa si mulú na. 11 Najas jipj ca jus nlayen yupj ma lajay Dios jos jinwá. Malala lajay. Yupj pꞌiyá salejepj wa malala nin lajay.

12 Napj

Pablo tecyawaja tepyaca.

ca jas majam Artemas jipj ntꞌa ca nacj. Ma selé. Tíquico jas majam ca nacj. Ma selé custjay cana cuscú. Pjaní ca jas majam. Jipj ntꞌa tjemey na, najas jipj len̈ way ncuwim napj ntꞌa Nicópolis poꞌó. Neꞌaj quelel püꞌüs jive na, yümücj si lapjüna na wa. 13 Cus mpꞌaꞌsan Apolos, Zenas ꞌotsꞌipj. Zenas po selé judiopan* tjüjütütj poꞌó. Jis tjeꞌyaya yupj jisas, ca ꞌücj polel mal niswá. Jipj ꞌücj polel lejay, nin ca la mijin yupj mpes. 14 Dios jos jupj tsꞌuyupj sin ꞌyüsa más ꞌücj lovin ꞌüsüs lajay la pꞌa

El Nuevo Testamento en Tol de Honduras, 2da ed. ©2010, Wycliffe Bible Translators

639

TITO 3

mpes. La pꞌa cjuwá jis tepyala na, más ꞌücj Dios tsꞌuyupj jis capj japꞌacj. ꞌÜsüs se palá la pꞌa witjacj Dios tsꞌuyupj lajay mpes, ꞌüsüs way niná. 15 Pjü way napj lal jatja, pjü way süs wa la tjajay. Jipj ntꞌa patja nepénowa japon wa Jesucristo lal, quelel la qjuesejay yupj. Süs wa lis mijin yupj jilal. Najas Dios ꞌüsüs way ca la mijis janmacj nun mpes.

El Nuevo Testamento en Tol de Honduras, 2da ed. ©2010, Wycliffe Bible Translators

Papel tepyaca Pablo Filemón mpes 1 Napj

Pablo. Timoteo jáꞌasa wa quiꞌá. Jupj cupj qjuis catjam. Napj ꞌos cawilta moꞌó Jesucristo mpes tsjiꞌ lejay ne. Filemón, papel niná pyaquecj jipj mpes. Jipj cupj qjuis catjam. Pasal quelel la ꞌijicj. Jipj tsjiꞌ lejay wa cupj qjuilal Jesucristo mpes. 2 Papel niná pyaquecj wa Apia mpes. Jupj cupj qjuis taꞌa, Jesucristo lal pyona mpes. Pyaquecj wa Arquipo mpes. La pꞌa wa malala javelepj na Jesucristo poꞌó, jupj jis wala vele malala javelepj. Dios tsꞌuyupj ꞌa si mulú wya ntꞌa. Pyaquecj wa yupj mpes. 3 Dios cupj qjuis Papay. Jesucristo cupj qjuis Jepa Püné way jupj. Najas ꞌüsüs way lajay nun mpes. Najas nun ma nujola nsem pjü way mpes; najas yupj ca nin la mijicj nun mpes.

4 Lovin

Pablo tjüwüiꞌi Dios lal Filemón mpes.

wüiꞌis Dios lal jipj mpes. Lovin velé Dios lal jipj mpes. 5 La pꞌa wa nawala tjowelepj jipj pajal quelel lejay Jesucristo. Tjowelepj jipj pyon Jesucristo tjevelá. Tjowelepj wa jipj po quelel la sejay Dios tsꞌuyupj. 6 Napj velé Dios lal jipj mpes. Najas lovin mvelen la pꞌa jilal Jesucristo mpes. Najas ca ꞌüsüs mpalas velen mpes. Nin tepyala na, jipj ca jus nlayen tsjay ꞌüsüs qjuis tepyala Jesucristo mpes. 7 Jipj po quelel lis tjejay Dios tsꞌuyupj. Po ꞌücj najas ntepalá jipj quelel la sejay mpes. Po ꞌüsüs püꞌüs ntepalá. Dios tsꞌuyupj po ꞌücj jisas jis tepyala, jipj la tjejay mpes.

8 Filemón,

Pablo tepyaca Onésimo poꞌó.

Jesucristo mpes napj polel ꞌi jütütj. Nin mpes polel ꞌi jütütj tsjan más ꞌücj la mijin. 9 Mopꞌin napj quelel la ꞌe jay, mpes ma quelel ꞌi

640 El Nuevo Testamento en Tol de Honduras, 2da ed. ©2010, Wycliffe Bible Translators

641

FILEMÓN

jütütj. Nin pꞌin najas jipj ca la mijin napj najas jinwá napj najas mpes pꞌin. Coꞌmüy napj quinam. Cawilta moꞌo püꞌüs Jesucristo mpes tsjiꞌ la tjejay mpes. 10 Najas ꞌüsüs la mijin Onésimo mpes. Quiꞌá napj tjevelé jupj lal Jesucristo poꞌó, ne jupj tepyona napj tjevelé. Pajal ꞌüsüs jas tjiꞌyüsa, tsjicj si ꞌüsǘ jinwá popay si ꞌüsǘ liji na. 11 Püna pꞌin Onésimo ma ꞌüsüs tsjiꞌ la tjiji jipj mpes, nin selé napj. Nin tulucj ca nsem quinam. Quina po ꞌüsüs ca la mijis jipj mpes, napj mpes ꞌotsꞌipj. 12 Napj po quelel lejay Onésimo. Mopꞌin nin, napj se jam jupj jipj ntꞌa. 13 Najastsja jupj newá mpüꞌüm napj lal. Najastsja jupj ca ncapj mpꞌaꞌsas quiꞌá cawilta ntꞌa, jipj len̈ mpes. Quiꞌá ꞌos la pꞌa jis lal tjevelé mpes. Nin tjevelé tsjan niná Jesucristo ꞌüsüs la tjiji gente mpes. 14 Najastsja jupj ca ncapj mpꞌaꞌsas jipj pꞌiyá jyas mpes. Custjay ma tjevelen ncu ꞌücj jupj ca mpüꞌüm napj lal. Ma selen jupj püꞌü quiꞌá. Mpes napj se jam jupj jipj ntꞌa quinam. Jipj ꞌüsüs lejay na, najas jipj pꞌiyá jyas mpes ca nin la mijin. Jipj ma polel lejay jipj jyas jinwá, malala nin. 15 Tꞌücꞌ way Onésimo tjemey jipj mpe. Tsjicj way mpes pꞌin len̈tsja jupj jipj pütꞌ ntꞌa. Mopꞌin pajal ꞌüsüs tepyala jupj lal, tjemey mpes. Quina lovin ca mpüꞌüm jipj lal. 16 Tꞌücꞌ way Onésimo jipj esclavo* custjay. Mopꞌin jupj más ꞌüsüs quinam esclavo lal. Jupj cupj qjuis catjam. Quelel lijicj jupj. Napj quelel lejay jupj; quina más ꞌücj jipj pajal quelel la mijin jupj ꞌotsꞌipj. Jupj jipj esclavo, jupj jipj jetjam ꞌotsꞌipj quinam qjuis Jepa Jesucristo mpes. 17 Filemón, tꞌücꞌ way napj jipj jetjam. Napj cüwinis jipj ntꞌa, tsjay ꞌüsüs jyas nsem. Selé napj niná. Najas tsjay ꞌücj jyas nsem wa Onésimo neꞌaj jama na jipj ntꞌa, napj pꞌiyá neꞌaj tjum jinwá. 18 Onésimo malala nyuca la tjiji ca nacj jipj lal. Level la ꞌiji ca nacj. Mvelen napj lal nol level la ꞌiji, ne napj ca jaylacj la mejay jupj mpes. 19 Napj Pablo. Napj pꞌiyá nin pyac niná. Tꞌücꞌ way ca jaylacj la mejay jupj mpes. Mopꞌin najas jipj jele mpalas jipj Dios popa ꞌe tepalá napj tjevelé mpes jipj lal. Mpes napj nola ma ca jyas nsem napj niná jaylacj la mejay. 20 Natjam, cupj nin pyonecj Jesucristo tjevelá. Jipj se con̈ Jesucristo ꞌotsꞌipj. Mpes po najas jipj ca la mijin napj najas jinwá. Nin lejay na, tsjay ꞌücj najas nsem. 21 Napj selé nin ca la mijin napj najas jinwá. Selé más ꞌin ꞌüsüs ca la mijin wa napj tjevelé lal. Mpes niná nin pyac jipj mpes. 22 Po quelel jum jipj ntꞌa. Mpes Dios lal la monan len̈ way ꞌücj ca mis. ꞌÜcj la mijin la pütꞌüs napj neꞌaj.

23 Epafras

Pablo tecyawaja tepyaca.

süs wa la tjiji jipj mpes. Selen jupj püꞌü napj lal cawilta moꞌó Jesucristo mpes tsjiꞌ la tjiji mpes wa. 24 Marcos ꞌotsꞌipj süs wa

El Nuevo Testamento en Tol de Honduras, 2da ed. ©2010, Wycliffe Bible Translators

FILEMÓN

642

la tjiji, Aristarco ꞌotsꞌipj. Demas süs wa la tjiji wa, Lucas ꞌotsꞌipj. Yupj tsjiꞌ lajay wa napj lal Jesucristo mpes. 25 Najas Jesucristo ꞌüsüs way la numijis nun pjü way jilal, jupj qjuis Jepa Püné way.

El Nuevo Testamento en Tol de Honduras, 2da ed. ©2010, Wycliffe Bible Translators

Papel niná Hebreopan mpes

1

Dios jupj Jatjam jas tjejyama la veles cupj qjuilal.

1 Püna Dios tjevele profetapan* jilal tsjan la veles judiopan* jilal. Tjevele yupj jilal tsjan niná jupj jostsja judiopan ca jus nlayecj. Nin tjevele profetapan pülücj jilal. La pülücj way nin tjevele yupj jilal. 2 Nasa tecyawaja tjevele quinam yupj jilal. Quina pꞌa casá la tjiji. Jupj Jatjam lal tjevele jupj la veles cupj qjuilal. Jupj Jatjam cupj qjuilal tjevele jupj Popay Dios jostsja jin. Jupj Jatjam mpes, pjü way la tjiji nosis casá. Pjü la tjiji wa tsjun poꞌó. Dios la tꞌya Jatjam, ca pjü way jupj jutsꞌaꞌá nsem. 3 Cupj selecj lotsꞌacꞌ pajal jaw; nosis casá jyawca lotsꞌacꞌ mpes. Nin pꞌiyá, cupj selecj Dios pasal püné; jus tjinyucucj jupj Jatjam, püné way jupj. Dios Jatjam, jupj Popay jin pꞌiyá jupj. Pjü way ꞌücj patja nosis casá Dios Jatjam nin liji mpes. Nin pꞌiyá tsjun poꞌó. Püné jyüꞌta ne pjü nin pyala. ꞌÜcj Dios perdonar la qjuisiji cupj malala la tjijicj, jupj Jatjam la tjiji mpes. Nin la tjiji na, ꞌetjele jupj Dios liꞌinyampe tsjun poꞌó. Dios pasal püné; jupj Jatjam neꞌaj jáꞌasa jupj liꞌinyampe, jupj püné wa mpes.

4 Cupj

Dios Jatjam más püné angelpan jilal.

selecj angelpan* pajal noypan yupj. Dios Jatjam más püné angelpan jilal, nin la tjiji Dios. Dios Jatjam way jupj, nin vele Dios. Mpes qjuisin ꞌyüsa jupj más püné way angelpan jilal. 5 Selecj Dios Jatjam más püné angelpan jilal Dios jupj lal tjevele mpes: “Jipj napj Natjam. Yacjaj jipj Pyapay ntepalá napj.”

643 El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 1

644

Nin tjevele Jatjam lal. Niná angelpan jilal tjevele tulucj. Tjevele wa: “Jupj Popay ca nsem napj. Jupj napj Natjam nsem.” Niná angelpan poꞌo tjevele tulucj. 6 Dios jas tjejyama jupj Jatjam mwalá way nosis ntꞌa. Jas tjejyama na, tjevele: “Najas napj angelpan pjü way nin javelepj jupj püné way”, nin tjevele Dios. 7 Dios tjevele wa angelpan* sin poꞌó. Tjevele: “Lüpjǘ way jacꞌ, jama wa. ꞌAwa campanya wolaqué, wotaqué wa. Nin pꞌiyá niná, angelpan jiquil, len̈ way jil, mopꞌin tsjiꞌ lajay napj mpes, nin lajay napj najas jin”, nin tjevele jupj. 8 Pꞌa casá tjevele Jatjam poꞌó. Tjevele: “Jipj ne Dios. Ca müjüꞌtün lovin. Jyütütj ne ꞌüsüs. 9 Jipj jyas ꞌüsüs pꞌin napj najas jin. Jipj lovin ma malala lejay. Mpes napj la ꞌe tjetꞌá la jütütj. Napj ne jipj Dios. Jipj más ꞌücj jyas nsem cyapj jacon̈ jilal.” Dios nin tjevele. 10 Tjevele wa: “Jepa Püné way jipj. Pjü cjuwatsja na, nosis la tjejay jipj. Myas mpes pjü nin la tjejay tsjun poꞌó, jay la pꞌaꞌá ntꞌa ꞌotsꞌipj. 11 Pꞌa wa jyawca na, ncawajas ca nosis. Ncawajas ca wa pjü way tsjun poꞌó. Nin tulucj jipj lal. Jipj lovin ca mpüꞌüm. Pülül pül way pyala. Nin pꞌiyá, nosis pül way nsem. Pjü way tsjun poꞌó pül way nsem wa. 12 Yom jupj pülül pül way pyala na, ma jos niná. Pꞌa pülül mpes ca jas nquiꞌpas. Nin pꞌiyá ca mpalas nosis lal, pjü way jilal wa tsjun poꞌó. Pül way nsem. Mpes nosis seyasa ca la mijin.

El Nuevo Testamento en Tol de Honduras, 2da ed. ©2010, Wycliffe Bible Translators

645

HEBREOS 1, 2

Seyasa way ca la mijin wa tsjun poꞌó. Jipj pꞌiyá pül jinwá tulucj. Jipj lovin nin pꞌiyá. Tsjyonca way ꞌe palá tulucj. Lovin ca mpüꞌüm.” Dios nin tjevele Jatjam lal. 13 Tjevele wa jupj lal: “Ntꞌiꞌisa jipj napj liꞌinyampe. Jipj ca müjüꞌtün napj lal. Napj ca la mpalan jipj enemigopan jis lal. Napj ca la mejay jipj enemigopan tsjyam ꞌalá jatja jinwá. Nin ca la mejay jipj mpes, jipj napj lal jacꞌ na.” Niná angelpan* jilal tjevele tulucj. 14 Angelpan cjües witjacj yupj, tsjiꞌ lajay yupj Dios mpes. Gente nepénowa ca mpatjam Dios lal, Dios nin liji ca nin nsem. Dios jupj angelpan sin jyama yupj ntꞌa jis capj la pꞌacj nosis casá.

2

1 Cupj

Más ꞌücj qjuisin ꞌyüsa Dios Jatjam tjevelá.

nasa tjepjyaꞌaquecj Dios Jatjam tjevelá. Dios Jatjam pajal püné way, mpes ꞌücj más ꞌücj qjuisin ꞌyüsa jupj tjevelá. Ma ꞌüsüs qjuisin ꞌyüsa, pꞌa jawas ca mponecj la pꞌa velá ca nacj, ne ma ca mponecj tꞌücꞌ way Dios Jatjam poꞌó. 2 Püna angelpan* tjowelepj Moisés* lal. Tjowelepj tsjan niná Dios jostsja judiopan* ca nin la mijicj. Mpes Moisés niná tjevele judiopan jilal. Angelpan tjowelepj tsjan ca mpalas pꞌa jawas. Tꞌücꞌ way nin tepyala pꞌa jawasá. Gente ma la tjajay na yupj tjowelepj jinwá, Dios lovin jis capj tyüla. 3 Mpes tꞌücꞌ way nin ca mpalas wa qjuis Jepa Jesucristo tjevele jinwá; jupj más püné angelpan jilal. Jupj tjevele cupj ꞌücj ca mpatjaquecj Dios lal jupj la tjiji mpes la pꞌin. Niná ma qjuiyola na, tꞌücꞌ way Dios ca qjuis capj ntülüs. Qjuis Jepa Jesucristo mwalá way sin tjiꞌyüsa la tjiji ꞌücj mpatjaquecj Dios lal jupj la tjiji mpes la pꞌin. La pꞌa wa nin tjepjyacan̈ jupj tjevelá, pꞌa jawas yupj qjuisin tjiꞌyüsa la tjajay wa tꞌücꞌ way niná jupj tjevelá. 4 Qjuilal tjowelepj na, Dios qjuisin tjiꞌyüsa la tjiji yupj tꞌücꞌ tjowelepj. Jupj jis capj tjepꞌyaꞌsa mpes pajal ꞌüsüs way polel lajaytsja, niyom pꞌin ma polel lajay jinwá. Yupj nin la tjajay qjuisin ꞌyüsa la tjajay tꞌücꞌ way tjowelepj. Pasal qjuiyólatsja yupj la tjajay mpes. Dios jis capj tjepꞌyaꞌsa jupj Cjües la tjiji mpes wa. Jupj Cjües jis capj tjepꞌyaꞌsa ꞌücj tsjiꞌ la tjajay jupj mpes.

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 2

5 Pꞌa

646

Dios Jatjam mpes, cupj ꞌücj mpatjaquecj lovin Dios lal.

jawas pjü way pajal ꞌüsüs way nsem nosis casá. Niná mpes nin pyac. Dios Jatjam ca müjüꞌtüs quiꞌá, nin tjevele Dios. Angelpan* ca nosis müjüꞌtücj tulucj. 6 Dios Popel nin vele yom pjaní tjevelá. Tjevele: “Dios, jipj ne pajal püné. Gente, gente pꞌin yupj. ¿Tsjan mpes jele jipj yupj mpes? ¿Tsjan mpes jipj jyaman yupj? 7 Quina yupj más ꞌin tsjicj way angelpan jilal, nin la tjejay jipj. Newa nin, yupj más ꞌin noypan pjü way jilal nosis casá, nin la tjejay jipj. Jipj pajal ꞌüsüs la tjejay yupj mpes. Pjü way jatja, nin la tjejay jipj. Mopꞌin nin jis tjeꞌyaya ne gente ꞌücj polel jajütütj pjü way niná. 8 Nin jis tjeꞌyaya ne yupj ꞌücj polel jajütütj pjü.” Dios Popel nin vele yom pjaní tjevelá. Dios tjevele gente ꞌücj polel jajütütj pjü. Pjü ꞌücj jajütütj, Dios la tjiji. Newa nyucucj ma pjü way jajütütj custjay. 9 Mopꞌin ma nin qjuiyola. Cupj selecj Jesús mpes tjevele niná. Mpes selecj tꞌücꞌ way niná jupj tepyacá, niná ne Dios Popel. Jesús tjacꞌ na, jupj más tsjicj waytsja angelpan* jilal, Dios la tjiji. Jupj jostsja Jesús mpaꞌis pjü mpes, ne nin la tjiji jupj. Dios quelel la qjuisiji, ne nin. Malala tepyala Jesús lal, tepeꞌe, mpes Dios la tjiji jupj pajal püné tepyala, tjevele wa jupj pajal ꞌüsüs. 10 Nin jostsja Dios. Dios la tjiji pjü; pjü la tjiji jupj pꞌiyá mpes. Dios quelel se manú jupj tsꞌuyupj jupj püꞌü ntꞌa, jupj tsꞌuyupj pülücj way. Mpes ꞌüsüs way malala tepyala Jesús lal. Malala tepyala jupj lal, mpes gente ꞌücj mpatjam ca Dios lal, Dios nin la tjiji. Jesús mpes gente ꞌücj ca mpatjam Dios lal. 11 Yupj Dios jutsꞌaꞌá ca jis mpalas, Jesús nin liji. Dios yupj jis Papay. Dios Jesús Popay ꞌotsꞌipj. Mpes Jesús ma myayca la veles yupj jupj pülücpan. 12 Selecj Dios Popel poꞌó jupj tjevele yupj jupj pülücpan. Tjevele Dios lal: “Napj ca mvelé napj mpülücpan jilal jipj poꞌó. Jipj mpes ꞌa si mulú na, napj ꞌüsüs ca mvelé jipj poꞌó yupj jilal”, jupj nin tjevele Dios lal.

El Nuevo Testamento en Tol de Honduras, 2da ed. ©2010, Wycliffe Bible Translators

647

HEBREOS 2, 3

13 Tjevele

wa: “Napj ca mpon Dios ncapj pꞌyaꞌsa”. Tjevele wa: “Quiꞌá püꞌüs Dios tsꞌuyupj jilal. Dios ntjeꞌaya yupj; jupj jos napj jyamá yupj.” 14 Jesús jüpꞌüy jánatsja wa, gente jinwá. Yom waytsja jupj yupj jinwá. Dios jostsja ca nin nsem; jostsja Jesús tepeꞌe, jostsja Jesús jas tjijyünsa la pütꞌüs niswá. Nin tepyala mpes, diablo* tsjicj way tepyala. Diablo mpes pꞌin gente cyaꞌlin̈. 15 Gente lovin lacj jeyaptsja cyaꞌlin̈ mpes. Nin tulucj quinam. Jesús yom tepyala jupj, tepeꞌe, jas tjijyünsa, tüpüꞌü niswá. Dios tsꞌuyupj ma lacj jeyapj cyaꞌlin̈ quinam, jupj la tjiji mpes. 16 Jesús tjacꞌ gente jis capj la pꞌacj. Jupj tjacꞌ angelpan* jis capj la pꞌacj tulucj. Mpes jupj ángel tepyala tulucj. Cupj ꞌücj jus nlayecj Jesús quelel jis capj pꞌyáꞌsatsja gentá, mpes yom tepyala jupj. Abraham* pajal püna tüpüꞌü, gente pülücj jupj popa pꞌiyá tapatja, püs tepyala na. Jesús más quelel jis capj tjepꞌyáꞌsatsja yupj pjü jilal. 17 Mpes más ꞌüctsja Jesús yom tepyala jupj, cupj jinwá. Cupj jupj pülücpan ne nin. Cupj jinwatsja jupj, mpes ꞌüctsja sacerdote* más püné tepyala jupj cupj mpes; jupj polel vele Dios lal cupj mpes. Nin liji jupj Popay Dios ntꞌa. Newa ca qjuis capj mpꞌaꞌsas lovin. Po jola cupj mpes. Dios perdonar la qjuisiji malala la tjijicj, Jesús la tjiji mpes. 18 Nenéyawa diablo* jacꞌ cupj ntꞌa, malala qjuis lal vele; jupj jos ma lijicj Dios jos jin. Jesús ꞌücj qjuis capj pꞌyaꞌsa, ne ma malala lijicj. Nin pꞌiyá tepyala jupj lal, mpes ꞌücj qjuis capj pꞌyaꞌsa. Diablo malala tjevele wa jupj lal, jostsja jupj ma la mijis Dios jos jin. Pajal malala tepyala Jesús lal. Mopꞌin Jesús ma la tjiji diablo jostsja jin.

3

1 Natjampan,

Jesús más püné Moisés lal.

nun Dios jutsꞌaꞌá. Jupj la nu tꞌya nun. Pjü way napj tjevelé Jesús poꞌó, pjü way nujola tꞌas lovin. Dios jas tjejyama jupj cupj ntꞌa la veles Dios poꞌó. Jesús sacerdote* más püné way jupj; jupj jama Dios ntꞌa la veles cupj mpes. Niná pyonecj jupj poꞌó. 2 Dios la tꞌya Jesús, ne Jesús la tjiji pjü way Dios jostsja jin. Jesús nin pꞌiyá la tjiji Moisés* la tjiji jinwá, Moisés ne tsjay püna tüpüꞌü jupj. Moisés la tjiji wa Dios jostsja jin Dios gente jis lal. 3 Mopꞌin Jesús más ꞌüsüs Moisés lal. Napj ca mpac tsjan mpes ca jus nlayé más ꞌüsüs jupj Moisés lal. Yom wa si jünsa más ꞌüsüs way wosis lal; jupj pꞌiyá la tjiji wosis. Nin pꞌiyá, Jesús más ꞌüsüs Moisés lal. 4 Wosis pꞌiyá jupj sin nin jas

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 3

648

tjijyünsa tulucj. Gente sin jajünsüpj yupj jis wa. Nin pꞌiyá niná, gente yupj sin nin patja tulucj. Dios lis tjiji. Dios lis tjiji pjü way. 5 Moisés* pjü way la tjiji Dios jostsja jin Dios lal japon jis lal. Moisés yupj jilal tjevele tsjan ca sin müꞌüsüs la mijis Dios pꞌa jawas. Moisés ꞌüsüs tsjiꞌ la tjiji Dios mpes; newa mozo way pꞌintsja jupj. 6 Cristo la tjiji wa pjü Dios jostsja jin Dios lal japon jis lal. Nin pꞌin más ꞌüsüs way jupj Moisés lal. Cristo Dios Jatjam jupj, mozo tulucj jupj. Moisés mozo pꞌintsja jupj. Cristo se jamá Dios tsꞌuyupj pjü way. Cupj pyonecj Dios poꞌó, Cristo poꞌó ꞌotsꞌipj; velecj la pꞌa jilal pyonecj mpes. Dios jos lovin nin lijicj. Selecj pꞌa jawas ꞌüsüs ca qjuis mpalas Dios mpes. Dios jos lovin ꞌücj qjuisas nsem niná mpes. Lijicj na jupj jos jinwá, tꞌücꞌ way cupj jupj gentá.

7 Nujola

Dios lal japon ca mpatjam Dios lal.

tapalas Dios Cjües tjevelá Dios Popel poꞌó. Tjevele: “Yacjaj, niná pjoꞌoqué na Dios velá, 8 nusin tjüꞌüsüs niná, la müjí wa jupj vele jin. Judiopan* püna tapatja ma nin la tjajay tjelyawun̈ na wa cjuwá ntꞌa. Yupj ma quelel la tjajaytsja Dios tjevele jinwá. Dios jay pjucj tjevyaja jinwá tepyala la tjajay yupj.” 9 Dios tjevele: “Nun solejé tsjan la tjajay yupj. Nenem püna tapatjá, nun yupj sin popa pꞌiyá püs naya potjaqué. Año cuarenta mpes yupj tjunuc pajal ꞌüsüs la tjejay napj yupj mpes. Newa nin, malala la tjajaytsja, yólatsja napj ma jis capj ntül yupj. Nay pjucj tjevyaja jinwatsja yupj mpes. 10 Po ma najastsja yupj la tjajay. Napj tjevelé: ‘Yupj lovin ma jisas napj najas jinwá. La pꞌa wa quelel lajay pꞌin. Ma quelel sin ꞌyǘsatsja tsjan najastsja napj.’ 11 Po ma najastsja yupj malala la tjajay. Mpes napj nin tjevelé tsjan ca la mejay. Tjevelé:

El Nuevo Testamento en Tol de Honduras, 2da ed. ©2010, Wycliffe Bible Translators

649

HEBREOS 3, 4

‘Püs way mpes pajal malala jis tepyálatsja wosis cjuwá ntꞌa. Napj quelel se ꞌatsja momas, ꞌücj jis la pütꞌüs neꞌaj. Quina yupj ma polel neꞌas jil ꞌamá niná ntꞌa, nin ca la mejay napj.’ ” Dios nin tjevele jupj Popel poꞌó. 12 Natjampan, ꞌin tjajama. Ma la müjí yupj la tjajay jinwá; pajal malala la tjajay yupj. Lovin mponé Dios lal, jupj ne püꞌü lovin. Ma poné Dios lal, ma so con̈có jupj. 13 Lovin nin mvelé niná nunwá. Lovin la müjí Dios jos jinwá. Nin polel lojí custjay, Cristo ma niswa tjacꞌ na pꞌin. Mpes malala lojí na, ca jus nlayé ꞌüsüs tulucj nu mpalas nin la tjüjí mpes, ne ma malala ca quelel la müjí niswá. 14 Püna qjuisastsja na Cristá, tꞌücꞌ way pajal tepyonecj jupj poꞌó. Más ꞌücj lovin nin pyonecj. Mpes nin ca qjuis mpalas pjü way Dios tjevelá. Nin ca qjuis mpalas Cristo se con̈cocj mpes. 15 Dios Popel vele: “Yacjaj, niná pjoꞌoqué na Dios velá, nusin tjüꞌüsüs niná, la müjí wa jupj vele jin. Judiopan* püna tapatja ma nin la tjajay, tjelyawun̈ na wa cjuwá ntꞌa. Dios jay pjucj tjevyaja jinwá tepyala la tjajay yupj.” 16 Nun solejé pjacj ma quelel la tjajaytsja Dios jostsja jin, Dios lal tjepjyacan̈ na. Moisés* jis ticyuna Egipto mpe, yupj pꞌiyá pjü way ma quelel la tjajaytsja Dios jostsja jin. 17 Año cuarenta mpes nin la tjajay Dios ma jostsja jin. Nun solejé pjacj cuscú ninatsja. Yupj ne niná malala la tjajay wosis cjuwá ntꞌa. Yupj tecyaꞌlin̈ neꞌaj. 18 Dios tjevele: “Püs way mpes pajal malala jis tepyálatsja wosis cjuwá ntꞌa. Napj quelel se ꞌatsja momas, ꞌücj jis la pütꞌüs neꞌaj. Mopꞌin yupj ma polel neꞌas jil ꞌamá niná ntꞌa, nin ca la mejay napj.” Nun solejé pjacj jilal Dios nin tjevele niná. Ma la tjajay jupj tjevele jin, yupj jilal nin tjevele. 19 Mpes qjuisin ꞌyüsa nin mpes ma polel tjil ꞌamá niná ntꞌa, Dios lal ma topon mpes. 1 Dios tjevele cupj ꞌücj polel jyatjaquecj wa, la mijis jupj. Nin pꞌiyá custjay, püna tjevele jinwá. Más ꞌücj ꞌin jyamacj cupj, lovin mponecj Dios lal. Mpes tꞌücꞌ way ꞌüsüs majatjaquecj ca cupj, nin ca la qjuis mijis. 2 La pꞌa wa tjowelepj cupj qjuis walapꞌaꞌá Dios tjevelá. Jupj tjevelá pajal ꞌüsüs. Judiopan* püna tjelyawun̈tsja wosis cjuwá

4

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 4

650

ntꞌa, nin pꞌiyá tjepjyacan̈. Tjepjyacan̈, newa ma ꞌüsüs jis tepyala, yupj ma topon mpes. 3 Nin tulucj cupj qjuilal. Cupj tepyonecj, mpes cupj ꞌüsüs ca majatjaquecj, Dios ca la qjuis mijis. Wa cjuwá ntꞌa tjelyawun̈ witjacj, malala jis tepyala. Dios tjevele yupj sin poꞌó. Tjevele: “Po ma najastsja yupj malala lajaytsja. Mpes napj tjevelé tsjan ca la mejaytsja. Tjevelé: ‘Püs way mpes pajal malala jis tepyálatsja wosis cjuwá ntꞌa. Napj quelel se ꞌatsja momas, ꞌücj jis la pütꞌüs neꞌaj. Mopꞌin yupj ma polel neꞌas jil ꞌamá niná ntꞌa, nin ca la mejay napj.’ ” Dios nin tjevele jupj Popel poꞌó. Tsjay püna Dios nosis tꞌücꞌ la tjiji na, jupj seletsja ca nin quelel la mijis yupj mpes. Jostsja yupj ca mal ꞌamá niná ntꞌa. Yupj pꞌiyá ma topon, mpes ma polel tjil ꞌamá niná ntꞌa, nin la tjiji Dios. 4 Dios Popel poꞌó yom pjaní tjevele sábado* mpes, tsꞌacꞌ niná semana pjaní cyawaja na. Tjevele: “Dios pjü la tjiji. Tꞌücꞌ la tjiji na, ꞌetjele jupj. Semana tecyawaja na, ꞌetjele.” 5 Jupj Popel vele wa: “Napj quelel se ꞌatsja momas, ꞌücj jis la pütꞌüs neꞌaj. Mopꞌin yupj ma polel neꞌas jil ꞌamá niná ntꞌa, nin ca la mejay napj.” Wa cjuwá ntꞌa tjelyawün̈ sin poꞌó nin tjevele. 6 Yupj tjepjyacan̈ Dios tjevelá, jupj tjevelá pajal ꞌüsüs, newa ma polel tjil ꞌamá niná ntꞌa; ma la tjajay Dios tjijyüꞌta jinwá. Pꞌa casá ca nsem la pꞌa jilal. Dios ca mveles ca ꞌücj polel mal jupj püꞌü ntꞌa, ꞌücj majatjum neꞌaj. 7 Selecj niná tꞌücꞌ way. Jupj tjevele pꞌa jawasa jyawca mpes. Locopyaya, año pülücj tepyala na, Dios tjevele David* lal jupj jostsja jupj ca mpaques nin jawas poꞌó. Napj nasa tepyac jupj tepyacá. Tepyaca: “Yacjaj, niná pjoꞌoqué na Dios velá, nusin tjüꞌüsüs niná, la müjí wa jupj vele jin”. Nin mpes jus nlayecj jupj tjevele yacjaj polel leque jupj püꞌü ntꞌa, ꞌücj polel majatjaquecj neꞌaj. 8 Josué jis tjemyana israelpan* yupj jis ꞌamá ntꞌa, newa ma ꞌüsüs játjatsja neꞌaj. Mpes locopyaya Dios tjevele pꞌa jawasa jyawca mpes; tjevele gente ca mal jupj ntꞌa, majatjum yupj. 9 Newa nin quinam. Dios gente polel majatjum ca custjay. Majatjum ca Dios ntꞌa, Dios tjáꞌasatsja jinwá pjü way tꞌücꞌ la tjiji na. 10 Gente jil na Dios püꞌü ntꞌa, ca majatjum yupj. Tsjiꞌ la tjajaytsja Dios mpes;

El Nuevo Testamento en Tol de Honduras, 2da ed. ©2010, Wycliffe Bible Translators

651

HEBREOS 4, 5

quina ꞌücj majatjum ca. Majatjum Dios tjáꞌasatsja jinwá, pjü way tꞌücꞌ la tjiji na. 11 Mpes más ꞌücj lovin pyonecj Dios lal; más ꞌücj lovin lijicj jupj jos jin, mpes ꞌücj ca nlaca Dios püꞌü ntꞌa, majatjaquecj. Wa cjuwá ntꞌa tjelyawun̈tsja ma la tjajay Dios jostsja jin. Mpes ma polel tjil yupj jis ꞌamá ntꞌa, ma polel játjatsja neꞌaj. Ma ca nin la müjí nun yupj la tjajay jinwá. 12 Lovin nin pyala Dios vele jinwá. Jupj jos ca nin mpalas, nin pyala jupj nin vele mpes pꞌin. Dios tjevelá polomay pjoye jinwá. Polomay tꞌem manas cjyoꞌla, pajal pjoye jupj, más ꞌin len̈ way moꞌo jama jupj tsjyaca ntꞌa. Dios tjevelá moꞌo jama jinwá liji qjuisas moꞌó. Moꞌo jama jinwá qjuis qjues moꞌó. Nin qjuesé palá Dios velá pjyaꞌaquecj na. Mpes selecj ncu ꞌüsüs qjuiyola, selecj wa ncu malala qjuiyola. Dios tjevele mpes selecj ncu tꞌücꞌ way quelel ꞌüsüs lijicj. 13 Pjü way ma polel mpjaꞌnen̈ Dios lal. Pjü jatja, pjü la tjiji Dios, ne pjü way yus nyuca jupj. Jupj selé pjü way cupj lijicj. Jupj pjü way selé cupj qjuiyola. Pꞌa jawas ca mvelecj Dios lal cupj la tjijicj mpes, ca mvelecj wa cupj qjuiyólatsja mpes ꞌotsꞌipj.

14 Tꞌücꞌ

Jesús sacerdote más püné cupj mpes.

way pjü way niná. Po ꞌüsüs way Jesús. Sacerdote* más püné way jupj cupj mpes. Nasa tjemey Dios püꞌü ntꞌa. Neꞌaj vele Dios lal cupj mpes. Jupj Dios Jatjam. Mpes más ꞌücj lovin qjuisas nsem Jesús. Cupj tꞌücꞌ way pyonecj Jesús poꞌó, niná velecj wa la pꞌa jilal. 15 La pülücj malala nyuca quelel lijicj, ne nin lijicj. Malala quelel lijicj na, Jesús po jola cupj mpes; jupj selé costa way nin lijicj Dios jos jin. Diablo* malala tjevele wa Jesús lal, jostsja malala la mijis. Mopꞌin Jesús ma malala la tjiji. Jesús cupj qjuis sacerdote más püné, vele Dios lal cupj mpes. 16 Más ꞌücj ma lecj jeyacj la veles Dios lal. Jupj ꞌüsüs la mijis cupj qjuilal. Cupj selecj jupj perdonar la qjuis mijis malala nyuca la tjijicj, nin le monacj na jupj lal. Selecj wa jupj ca qjuis capj mpꞌaꞌsas, ma malala la mijicj. Qjuis capj mpꞌaꞌsas nin qjuisas na. 1 Cupj selecj judiopan* jis sacerdote* más püné witjacj gente popa pꞌiyá yupj. Dios jos yupj javelepj jupj lal gente mpes. Gente jaꞌayapj na Dios mpes, niná jaꞌayapj sacerdotepan nenem jilal, yupj ca maꞌayacj niná Dios mpes. Gente animal jacuman na Dios mpes, jaꞌayapj yupj sacerdote nenem jilal. Sacerdote nenem sa ꞌünan, sin jaꞌüm animal witjacj. Nin lajay na, Dios perdonar la siji gente nenem malala nyuca la tjajay yupj. 2 Nenéyawa gente ma salejepj malala

5

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 5

652

nyuca lajay. Sacerdote más püné witjacj ꞌüsüs polel javelepj yupj jilal, ma jis capj javelel; sacerdote más püné witjacj gente pꞌin wa yupj, mpes yupj pꞌiyá malala quelel lajay wa neneyawá. Tꞌücꞌ way malala lajay yupj neneyawá. Mpes yupj salejepj tsjan mpes gente malala lajay. 3 Sacerdote más püné witjacj tꞌücꞌ way malala nyuca la tjajay wa, la pꞌa jinwá. Mpes Dios jos yupj animal jaꞌayapj, jaꞌüm wa. Nin la tjajay na, Dios perdonar ca lis mijis malala nyuca la tjajay. Dios jyüꞌta yupj nin lajay yupj pꞌiyá mpes, gente la pꞌa mpes ꞌotsꞌipj. 4 Sacerdotepan* más püné witjacj ma la tꞌapj yupj pꞌiyá. Dios lis tꞌya yupj, sacerdote más püné witjacj nsem yupj. Aarón la tꞌya jinwá püná, nin pꞌiyá lis tꞌya yupj. 5 Nin tepyala Cristo lal. Jupj ma la tꞌya jupj pꞌiyá. Jupj pꞌiyá ma tjevele jupj sacerdote más püné, ne ca püné nsem jupj. Dios la tꞌya jupj. Dios pꞌin tjevele jupj lal: “Jipj napj Natjam. Yacjaj jipj Pyapay ntepalá napj.” 6 Pꞌa wa tjevele wa Dios jupj lal, nin qjuisin ꞌyüsa wa Dios Popel mpes. Tjevele: “Napj la ꞌe tjetꞌá jipj, sacerdote nsem lovin. Jipj sacerdote Melquisedec jinwá, pajal püné waytsja jupj.” Dios nin tjevele Cristo lal. 7 Jesús yom tepyala jupj, tüpüꞌü nosis casá. Jupj tjevele jupj Popay Dios lal. Pajal jólatsja, la tjemyona jupj lal jupj ca cus mpꞌaꞌsas quelel péꞌetsja na. Yümücj pjac la tjemyona, la tipiya wa. Jesús seletsja jupj Popay Dios püné jupj, mpes ꞌücj polel cus mpꞌaꞌsas, ma mpaꞌis, gente quelel jaꞌünantsja na jupj. Dios ꞌüsüs way tjapjaca jupj. Jesús lovin tꞌücꞌ la tjiji Dios tjevelá, mpes jupj Popay Dios tjapjaca jupj. 8 Tꞌücꞌ way jupj Dios Jatjam. Newa nin, Dios jostsja Jesús ca nin la mijis wa jupj Popay Dios jostsja jin. Malala tepyala na, newa nin la tjiji Jesús. Tsjay ꞌüsüs way la tjiji Dios jostsja jin. 9 Jupj pjü way la tjiji Dios jostsja jinwá. Mpes jupj mpes gente ꞌücj mpatjam lovin Dios lal, nin lajay na jupj jos jin. Gente lajay na Jesús jos jin, yupj pjü way mpatjam ca Dios lal. 10 Dios la tꞌya jupj sacerdote* más püné maꞌajam jupj, ne nin mpes Jesús vele Dios lal cupj mpes quinam. Jupj sacerdote waytsja, Melquisedec sacerdote jinwatsja püná; püné waytsja jupj.

11 Pülücj

ꞌIn tjajama, lovin mponé Dios lal.

quelel velecj nun jilal niná mpes. Mopꞌin pajal costa way nusin ꞌyüsa lijicj; nun ma ꞌüsüs quelel nusin ꞌyüsa, nin nu tepyala. El Nuevo Testamento en Tol de Honduras, 2da ed. ©2010, Wycliffe Bible Translators

653

HEBREOS 5, 6

12 Nun

Dios tsꞌuyupj; püna nin nu tepyala. Más ꞌücj nun nepenowá sin ꞌyüsa lojí quinam la pꞌa wa Dios tjevelá mpes. Newa ma nin tepyala. Nun ma quelel sin ꞌyüsa lojí la pꞌa wa; nun pꞌiyá ma ꞌüsüs nusin tjiꞌyüsa Dios tjevelá. Nusin tjiꞌyüsa Dios poꞌó püná, niná más ꞌücj la pꞌa nusin ꞌyüsa lajay niswá. Nun tsjictjacj jinwá, nun tsoꞌó jinwá custjay. Ma polel lojá jinwá custjay. 13 Nusin tjiꞌyüsa püná, niná tsotsꞌ jinwá, costa tulucj. Ninana nujisas custjay, nun tsjictjacj jinwá custjay. Mpes nun ma polel nusin tjiꞌyǘsatsja la pꞌa wa Dios poꞌó. Nun ma polel nusin tjiꞌyǘsatsja tsjan tꞌücꞌ way ꞌüsüs. 14 Tsjictjacj si tꞌünǘ na, ve jalá. Najas nin jinwá ca nsem nun jilal. Nepénowa pülücj sin tjiꞌyüsa Dios poꞌó. Lovin ꞌücj sin ꞌyüsa Dios tjevelá. Mpes yupj lovin salejepj tsjan niná Dios jos, tsjan niná Dios ma jos ꞌotsꞌipj. Najas nin jinwá nsem nun. 1 Mpes más ꞌücj qjuisin ꞌyüsa la pꞌa wa Dios tjevelá. Mpes ca qjuiyola nsem Dios jos jinwá. Mwalá way qjuisin tjiꞌyüsa Cristo poꞌó püná, ꞌüsüstsja niná. Newa ma pjü qjuisin tjiꞌyüsa. Quina más ꞌücj cupj pꞌa qjuisin ꞌyüsa Cristo poꞌó. Napj ca mpac tsjan niná qjuisin tjiꞌyüsa püná. Qjuisin tjiꞌyüsa tsjan la tjijicj Dios ma jos. Nin lijicj na, cupj ma ꞌüsüs qjuesé palá Dios lal. Más ꞌücj cupj ꞌaplijila nsem, nin la tjijicj mpes; más ꞌücj lijicj quinam Dios jos jinwá. Más ꞌücj pyonecj Dios tjevelá. 2 Qjuisin tjiꞌyüsa ꞌüsüs way bautizar* qjuesé palá. Qjuisin tjiꞌyüsa más ꞌücj la pꞌa wa sey pjucj po le ꞌetꞌecj, velecj Dios lal yupj mpes. Qjuisin tjiꞌyüsa tecyaꞌlin̈ ca sin müjünsücj, mpatjam niswá. Qjuisin tjiꞌyüsa wa Dios ca mveles pjacj ꞌücj ca mal jupj ntꞌa, ca mpatjam neꞌaj lovin. Qjuisin tjiꞌyüsa wa Dios ca mveles pjacj ca mal ꞌawa püné ntꞌa. Yupj neꞌaj ca mpatjam lovin. 3 ꞌÜsüs way niná sin ꞌyüsa lijicj. Mopꞌin ꞌüsüs wa la pꞌa sin ꞌyüsa lijicj ꞌotsꞌipj. Más ꞌücj sin ꞌyüsa lijicj la pꞌa wa Dios tjevelá. Dios qjuis capj pꞌyaꞌsa, nin ca la mijicj. 4 Tꞌücꞌ way gente nepénowa jisastsja Jesús yas nam; quina ma jisas jupj. Len̈ pjacj ca ꞌücj la qjuijis ne yupj niswa ca quelel la mijicj jupj. Tꞌücꞌ way yas nam yupj jus nlaytsja Dios tjevelá tꞌücꞌ way. Dios pajal ꞌüsüs la tjiji yupj mpes. Dios jis tjeꞌyaya jupj Cjües. 5 Yupj jus nlaytsja Dios tjevelá pajal ꞌüsüs. Pꞌa jyawca na Dios Cjües pajal ꞌüsüs la mijis ca, jupj pjü ꞌücj liji mpes. Gente nenem nasa sin tjiꞌyüsa tsjay püné way Dios Cjües. ꞌÜsüs way la tjiji wa yupj mpes. 6 Locopyaya malala yola jis tepyala. Quina ma jisas Dios Jatjam. Len̈ pjacj ca ꞌücj la qjuijis ne yupj niswa ca quelel la mijicj jupj. Yupj ma jisas Dios Jatjam, mpes yupj niswa cruz* poꞌo tjüꞌünan jupj jinwá la tjajay. Yupj lajay mpes gente la pꞌa malala javelepj jupj poꞌó.

6

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 6

654

7 Malala

ca jis mpalas malala lajay. Nasa ca mpac ꞌoyn nyuca pyala gente jis lal. ꞌAmá jinwá yupj. Yom sine ꞌamá ntꞌa. Jive na, ꞌüsǘ moꞌo jama, ꞌitsꞌitsꞌ pyala. Jupj sine si tꞌünǘ. Mpes pꞌa jawas ꞌamá ntꞌa vyala la las. Dios ꞌüsüs la tjiji niná momas mpes. Gente nepénowa niná ꞌamá jinwá. Pjyacan̈ Dios tjevelá. Dios tjevelá yupj jisas moꞌo jama jinwá. Yupj yola Dios jos jinwá. Mpes Dios tsjay ꞌüsüs liji yupj mpes. 8 Pꞌa ꞌamá ntꞌa jül pꞌin lejen̈, malala neꞌaj. Niná ꞌamá malala. Mpes jupj moma jacꞌ, ꞌyüma jülün. Gente nepénowa ꞌamá niná jinwá. Pjyacan̈ Dios tjevelá. Mopꞌin Dios tjevelá yupj jisas moꞌo ma jama jinwá yupj. ꞌAmá jül pꞌin vyala jinwá yupj. Mpes Dios ca jis capj ntülüs. 9 Qjuis catjampan, gente nepénowa ma jisas Dios Jatjam. Nin tepyaquecj tsjan ca jis mpalas. Ma ca nin nsem nun jis lal. Cupj pyonecj nun ma nujola nsem yupj jinwá. Cupj pyonecj nun más ꞌüsüs nujola Dios jos jinwá. ꞌÜsüs way lojí; tꞌücꞌ way nun ca mpatjaqué Dios lal, mpes nin lojí. 10 Nun po tsjiꞌ la tjüjí Dios mpes. Nun quelel la tjüjitsja jupj. Dios ꞌüsüs. Niná la tjüjí lovin ma ca joꞌ mpaꞌis jupj. Nun jis capj tjapꞌaꞌsá la pꞌa wa Dios tsꞌuyupj. Nin lojí custjay; quelel lojí jupj custjay, mpes nin lojí. Niná Dios ma ca joꞌ mpaꞌis. 11 Nun solejé ꞌüsüs ca nu mpalas tacaꞌliqué na, jupj ntꞌa lowú na. Mpes lovin la müjí niná la tjüjitsja jinwá, mpes tꞌücꞌ way niná ca nu mpalas. Nin qjuisas ncupj. 12 Ma nu pjyasa jinwá tꞌas. ꞌÜsüs lajay jinwá tꞌas. Tꞌücꞌ way gente nepénowa japon Dios tjevelá. Malala se palá na, newa ꞌüsüs lajay Dios jos jin. Nin mpes Dios pjü ca la mijis yupj mpes pjü way jupj tjevelá. Lovin nin la müjí nun, yupj lajay jinwá.

Tꞌücꞌ way nin ca mpalas Dios tjevelá.

13 Abraham*

la tjiji jinwá la müjí nun. Jupj lovin seletsja Dios ca nin la mijis jupj tjevelá jinwá. Dios tjevele Abraham lal tsjan ca la mijis jupj. Tjevele tꞌücꞌ way ca la mijis. Gente javelepj na yupj ca tꞌücꞌ la mijicj yupj javelepj, nenéyawa javelepj Dios pjoca. Jisas la pꞌa ca jus nlayecj tꞌücꞌ way ca nin la mijicj. Dios más püné pjü jilal, mpes javelepj jupj ló. Dios pꞌiyá tjevele Abraham* lal jupj ca nin la mijis. Len̈ pjacj püné Dios jinwá. Mpes jupj tjevele jupj pꞌiyá Dios, ne ca nin la mijis jupj tjevelá. Mpes Abraham seletsja tꞌücꞌ way Dios ca la mijis jupj tjevelá. 14 Dios tjevele: “Tꞌücꞌ way pajal ꞌüsüs ca la mejay jipj lal. Jipj tsꞌuyupj popa pꞌiyá püs naya patja, tsjay pülücj nsem, nin ca la mejay jipj mpes.” Dios nin tjevele Abraham lal. 15 Abraham seletsja Dios ca la mijis jupj tjevele jinwá.

El Nuevo Testamento en Tol de Honduras, 2da ed. ©2010, Wycliffe Bible Translators

655

HEBREOS 6, 7

Mpes la tjinyuca Dios ca nin la mijis. Ma jólatsja Dios ma ca nin la mijis. Mpes tꞌücꞌ way nin tepyala jupj lal, Dios tjevele jinwá. 16 Nenéyawa gente mátꞌeya la velel. Pjaní ma quelel le velele quinam ca nacj. Mpes vele: “Tꞌücꞌ way velé, Dios selé”. Dios más püné jupj lal mpes jupj vele Dios ló. Jupj jos la pꞌa mpones jupj lal. Jos la pꞌa ma le velele quinam. 17 Nin pꞌiyá, Dios tjevele ꞌüsüs ca la mijis gente mpes. Jos yupj ca jus nlayecj tꞌücꞌ way tjevéletsja. Mpes tjevele: “Napj ne Dios, len̈ la pꞌa püné. Tꞌücꞌ way velé, tꞌücꞌ way ca la mejay napj tjevelé jinwá.” Jupj jostsja yupj ca mponecj jupj nin ca la mijis jupj tjevelá, mpes nin tjevele jupj. 18 Dios tjevele ꞌüsüs ca la mijis gente mpes. Tjevele wa tꞌücꞌ way tjevéletsja. Jupj jos cupj ꞌücj qjuisas ca qjuis mpalas, mpes nin tjevele manas. Tꞌücꞌ way la mijis jupj tjevele jinwá. Ma polel li tsuwile jupj. Cupj nasa tjevelecj jupj lal qjuisas jupj ca qjuis majamas. Jupj tjevele ca ꞌüsüs la qjuis mijis, mpes selecj nin ca la mijis jupj. 19 Selecj Dios ꞌüsüs ca la mijis cupj mpes, ne ma qjuiyola. Cupj selecj ꞌüsüs ca qjuis mpalas. Nin selecj Jesús mpes. Jesús nin pꞌiyá liji quinam cupj mpes, sacerdote* más püné liji jinwá. Sacerdote más püné jama Dios wo* moꞌó, pülül jala naꞌaj poꞌó, neꞌaj vele Dios lal gente mpes. Jesús nin pꞌiyá liji. Jupj tjemey Dios ntꞌa tsjun poꞌó, neꞌaj vele Dios lal cupj mpes. 20 Nasa tjemey jupj. Mpes pꞌa jyawca na, cupj ꞌücj ca nlaca Dios ntꞌa Jesús mpes. Jesús sacerdote más püné tepyala cupj mpes. Sacerdote más püné nsem janmacj cupj mpes. Vele Dios lal cupj mpes. Jupj sacerdote más püné Melquisedec jinwatsja püná.

7

Melquisedec sacerdote waytsja jupj Dios mpes.

1 Melquisedec püna tüpüꞌü, jepa pünetsja jupj Salem ntꞌa, pülücj pátjatsja ntꞌa. Sacerdote* watsja jupj, tsjiꞌ la tjiji Dios mpes, Dios ne más püné pjü jilal. Melquisedec tjevele Dios lal gente mpes. Nujola tapalas la pꞌa wa jepapan la tapalan Abraham* lal, newa Abraham más ꞌüsüs la tepyaꞌna yupj jilal. Melquisedec tjemey la nüjüsü Abraham, jupj jactsja na la tepyaꞌna mpe. Melquisedec tjevele Dios lal Abraham mpes, la tjemyona Dios ꞌüsüs la mijis Abraham lal. 2 Abraham más ꞌüsüs la tepyaꞌna la pꞌa jepapan jilal, mpes yupj yutsꞌaꞌá ntꞌya tequeꞌe jupj. Lovin nin la tjajaytsja püna tapatjá. Pjü diez popé jupj tequeꞌe popé, pjaní tjeꞌyaya Melquisedec lal Dios mpes. Melquisedec ló “Lovin ꞌüsüs la tjiji”, nin velecj cupj qjuis tin. Jupj jépatsja wa Salem poꞌó. “Salem” tjowelepj yupj jis tin. Cupj velecj: “Pjü ꞌücj patja, ma tsꞌa ꞌin la pꞌa jilal”. Nin velecj “Salem” mpes. Nin mpes selecj jupj pajal ꞌüsüstsja.

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 7

656

3 Cupj

velecj Melquisedec lovin sacerdote* nsem. Pjü ma salejepj pjacj ne jupj popaytsja, pjü ma salejepj wa pjacj ne jupj jamaytsja. Pjü ma salejepj tsjan yupj jis lá püna tapatjá, ne Melquisedec yupj sin pópatsja, püs naya tüpǘꞌütsja. Pjü ma wa salejepj ꞌona tjemyaꞌna, ma wa salejepj ꞌona tepeꞌe. Mpes cupj velecj jupj lovin sacerdote nsem. Jupj Dios Jatjam jinwatsja, sacerdote ca nsem jupj lovin. 4 Najas nun ca jus nlayé pajal püné waytsja Melquisedec. Nun solejé Abraham* püné waytsja. Judío* mwalá waytsja jupj. Mopꞌin Abraham tequéꞌetsja popé tjeꞌyaya jupj. Pjü diez popé, pjaní tjeꞌyaya Melquisedec mpes. Tjeꞌyaya tsjan más ꞌüsüs way. Melquisedec más püné waytsja jupj lal, mpes tjeꞌyaya niná. 5 Abraham popa pꞌiyá püs naya tüpüꞌü waytsja Leví. Leví tsꞌuyupj popa pꞌiyá püs naya tapatja way sacerdotepan*. Yupj judiopan. Sacerdotepan jatꞌanquepj la pꞌa wa judiopan jaꞌayapj. Pjü diez popé judiopan jatatj sin popé, pjaní jatꞌanquepj. Judiopan pjü way Abraham tsꞌuyupj popa pꞌiyá püs naya patja. Sacerdotepan jatꞌanquepj yupj jaꞌayapj Moisés* popel nin tjijyüꞌta mpes. 6 Melquisedec Leví tsꞌuyupj popa pꞌiyá tulucj. Melquisedec mwalá way tüpüꞌü Leví lal. Mopꞌin qjuisin ꞌyüsa pajal püné waytsja jupj; jupj ntꞌya Abraham jutsꞌaꞌá Dios mpes. Pjü diez popé, pjaní ntꞌya jupj. Mpes qjuisin ꞌyüsa pajal püné waytsja Melquisedec. Dios nasa tjevele Abraham* lal jupj ꞌüsüs ca la mijis. Mopꞌin Melquisedec más pünetsja Abraham lal. Jupj tjevele Dios lal Abraham mpes, la tjemyona Dios ꞌüsüs la mijis jupj lal. 7 Gente javelepj na niná la pꞌa mpes, selecj yupj más püné la pꞌa lal. Niná tꞌücꞌ way. Mpes qjuisin ꞌyüsa Melquisedec más püné waytsja Abraham lal, Abraham pꞌiyá ne püné way watsja jupj. 8 Sacerdotepan* jatꞌanquepj gente jaꞌayapj Dios mpes. Pjü diez popé, pjaní jatꞌanquepj. Pjü way sacerdotepan nenem, ncaꞌlin̈ ca. Melquisedec pjü diez popé, pjaní ntꞌya wa jupj Dios mpes. Mopꞌin Dios Popel ma vele tepeꞌe jupj. Mpes ꞌücj la veles newa püꞌü jupj. Mpes wa qjuisin ꞌyüsa Melquisedec más püné waytsja pjü sacerdotepan jilal. 9 Leví ntꞌya gente tjaꞌayapj, sacerdotepan* natsja wa gente tjaꞌayapj Dios mpes; pjü diez popé, pjaní way tjaꞌayapj gentas. Mopꞌin Leví tjeꞌyaya wa, sacerdotepan tjaꞌayapj wa yupj yutsꞌaꞌá Melquisedec lal; pjü diez popé, pjaní way tjaꞌayapj wa jinwá la tjajay yupj. Yupj Abraham* tsꞌuyupj popa pꞌiyá püs naya tapatja yupj, ne nin. Abraham nin la tjiji, mpes yupj nin la tjajay jinwatsja. Abraham pjaní tjeꞌyaya pjü diez popé Melquisedec lal. 10 Melquisedec la nüjüsü na Abraham, tꞌücꞌ way

El Nuevo Testamento en Tol de Honduras, 2da ed. ©2010, Wycliffe Bible Translators

657

HEBREOS 7

Leví len̈tsja custjay, ma tjemyaꞌna custjay. Sacerdotepan len̈ waytsja wa custjay. Po ꞌin püs way tepyala na, jis tjamanun yupj. Abraham popa pꞌiyá püs way tepyala na tapatja yupj. Mpes yupj tjaꞌayapj wa jinwatsja Melquisedec lal. Mpes qjuisin ꞌyüsa Melquisedec más püné Abraham lal, Leví lal ꞌotsꞌipj, sacerdotepan jilal ꞌotsꞌipj. 11 Moisés* tjevele gente jilal tsjan niná Dios jostsja yupj ca nin la mijicj. Ninana Dios tjijyüꞌtá. Yupj jilal tjevele na, pülücj tjevele sacerdotepan* mpes. Dios jostsja sacerdotepan pajal ꞌüsüs la mijicj gente mpes. Yupj Leví popa pꞌiyá püs naya tapatja. ꞌÜsüstsja yupj; newa nin, yupj ma polel la tjajay ne gente ꞌüsüstsja janmacj Dios lal. Nin mpes más ꞌüctsja sacerdote pꞌa wa tjacꞌ; sacerdote seyasa waytsja jupj, jupj sacerdote Melquisedec jinwatsja. Aarón Leví popa pꞌiyatsja püs naya tüpüꞌü, sacerdote pajal püné waytsja jupj. Niná sacerdote seyasa way, Aarón jin tulucj. Más püné way jupj Aarón lal. 12 Sacerdote seyasa tjacꞌ, Melquisedec jinwá jupj, mpes Dios quina jos la pꞌa sacerdotepan ma lajay quinam püna la tjajay jinwá. Yas nam Moisés jis tjijyüꞌta gente nin lajay, ꞌücj Dios lal ma nin lajay quinam. Pꞌa casá tepyala quinam. 13-14 Dios Popel sacerdote* seyasa poꞌó vele. Niná sacerdote seyasa ne cupj qjuis Jepa Jesucristo. Leví tsꞌuyupj popa pꞌiyá tulucj jupj. Judá tsꞌuyupj popa pꞌiyá püs naya tüpüꞌü jupj, niná pjü nin salejepj. Judá tsꞌuyupj sin popa pꞌiyá püs naya tapatja sacerdote tuluctsja yupj lovin. Moisés* lovin ma tjevele sacerdotepan nsem yupj.

Tꞌücꞌ way sacerdote niná jáꞌasa, Melquisedec jinwá jupj.

15 Yas

nam Moisés* jis tjijyüꞌta gente ca nin la mijicj, ꞌücj Dios lal ma nin lajay quinam. Niná más ꞌin ꞌücj qjuisin ꞌyüsa sacerdote* seyasa tjacꞌ mpes. Ninana sacerdote Melquisedec jinwatsja. 16 Sacerdote tepyala jupj, Moisés popel tjevele jinwá tulucj. Jupj popel tjevele locopyaya patja Leví sin popa pꞌiyá sacerdotepan nsem yupj. Nin tuluctsja Jesucristo lal. Jupj sacerdote tepyala jupj lovin ma peꞌe mpes; pjü ꞌücj liji jupj, mpes nin. 17 Dios Popel vele: “Napj la ꞌe tjetꞌá jipj, sacerdote nsem lovin. Jipj sacerdote Melquisedec jinwá, pajal püné waytsja jupj.” 18-19 Moisés* tjijyüꞌta sacerdotepan* mpes. Yas nam Moisés jis tjijyüꞌta tsjan niná gente ca nin la mijicj; ꞌücj Dios lal ma nin lajay quinam. Sacerdotepan ma polel lajay ne gente ꞌüsüs nsem Dios lal.

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 7

658

Püna israelpan tjaayapj Dios mpes wa pülül nta. (Hebreos 7.18-19)

Pꞌa casá tepyala. Más ꞌüsüs way tepyala. Niná sacerdote seyasa mpes, selecj ꞌüsüs ca qjuis mpalas. Jupj mpes cupj ꞌücj polel leque neꞌaj pꞌin Dios ntꞌa. 20 Cupj velecj jupj sacerdote*; Dios pꞌiyá tjevele wa sacerdote nsem jupj. Dios tjevele tꞌücꞌ way nin ca mpalas. Niná ma nin tjevele pꞌa sacerdote poꞌó. 21 La pꞌa sacerdotepan Leví tsꞌuyupj popa pꞌiyá püs naya tapatja yupj, nin mpes sacerdotepan jis tepyala yupj. Jesús sacerdote tepyala Dios tjevele mpes. Dios tjevele sacerdote nsem jupj. Tjevele Jesús lal: “Qjuis Jepa Dios tjevele nin la mijis jupj, tjevele tꞌücꞌ way nin ca la mijis. Ma ca pꞌa casá mveles pꞌa jyawca na. Tjevele: ‘Napj la ꞌe tjetꞌá jipj, sacerdote nsem lovin’.” Dios nin tjevele Jesús lal. 22 Yas nam Dios tjevele judiopan* ꞌüsüs se palá Dios lal, nin la tjajaytsja na Moisés* lal tjevele jinwá. Quina tjevele gente ꞌüsüs se palá jupj lal Jesús mpes. Ninana más ꞌüsüs. Selecj niná tꞌücꞌ way ca nin mpalas Jesús mpes. Dios tjevele Jesús lovin ca sacerdote* nsem. 23 Yas nam sacerdotepan* pülücj way tjelyawun̈tsja. Yupj lovin tecyaꞌlin̈tsja, mpes gente lovin la pꞌa sacerdotepan jisastsja. 24 Nin tulucj

El Nuevo Testamento en Tol de Honduras, 2da ed. ©2010, Wycliffe Bible Translators

659

HEBREOS 7, 8

Jesús lal; jupj püꞌü lovin. Ma peꞌe. Mpes jupj lovin ca sacerdote nsem. 25 Jesús polel jis capj pꞌyaꞌsa gentá, yupj lovin ca ꞌüsüs nsem Dios lal. Yupj quelel jil neꞌaj pꞌin Dios ntꞌa, ꞌücj neꞌaj jil Jesús mpes. Jesús nin polel liji jupj lovin ma peꞌe mpes. Jupj vele Dios lal yupj mpes lovin, ne nin. 26 Cupj qjuisastsja Jesús cupj qjuis sacerdote* más püné nsem jupj. Jupj Dios jutsꞌaꞌá. Cus tüpwes ma la pjaní way malala la tjiji. Lovin ꞌüsüs la tjíjitsja pꞌin. Dios tjemyana jupj malala lajay mpe, tjemyana jupj püꞌü ntꞌa. 27 La pꞌa sacerdote más püné witjacj tjaꞌayapj animal witjacj Dios mpes pjü jyawca na; jis tjüꞌüm yupj. Nin jostsja Dios, mpes perdonar lis tjiji malala nyuca la tjajay. Nin la tjajay yupj pꞌiyá malala la tjajay mpes. Nin la tjajay na, Dios perdonar lis tjiji malala la tjajay. Pjü jyawca na nin pꞌiyá la tjajay wa gente mpes, yupj malala la tjajay mpes wa. Mopꞌin Jesús la tjiji ne sacerdotepan ꞌücj ma jaꞌayapj animal witjacj quinam Dios mpes. ꞌÜcj ma jaꞌayapj quinam Jesús nasa tjeꞌyaya mpes. Jesús jupj pꞌiyá tjeꞌyaya Dios mpes, ma tjeꞌyaya animal witjacj. ꞌÜctsja jupj lal yupj tjüꞌünan jupj; jupj jostsja Dios lovin ca perdonar lis mijis gente malala nyuca la tjajay. 28 Moisés* tjijyüꞌta mpes, niyom nepénowa sacerdote más püné witjacj jis tepyala. Newa nin, pjü way niná malala nyuca la tjajay neneyawá. Pꞌa casá tepyala quinam. Pꞌa jyawca na Dios la tꞌya jupj Jatjam, ca sacerdote nsem jupj. Jupj sacerdote tepyala, Moisés tjevele mpes tulucj. Dios tjevele jupj lovin ca sacerdote nsem. Tjevele tꞌücꞌ ca nin mpalas. Jupj Jatjam lovin ma malala la tjiji. Lovin ca la mijis pjü way Dios jos jinwá.

8

Tꞌücꞌ way Jesús cupj qjuis sacerdote más püné.

1 Napj nin tepyactsja nun mpes. Quina ca mpac tsjan niná napj najas nusin ꞌyüsa. Cupj selecj cupj qjuis sacerdote* más püné püꞌü. Jupj ꞌetjele Dios liꞌinyampe, Dios jáꞌasa ntꞌa tsjun poꞌó. Dios pajal püné. Cupj qjuis sacerdote más püné jáꞌasa Dios liꞌinyampe, jupj pꞌiyá pajal püné wa mpes. 2 Neꞌaj cupj qjuis sacerdote más püné vele Dios lal cupj mpes. Tꞌücꞌ way Dios jáꞌasa neꞌaj. Neꞌaj tꞌücꞌ way ton̈ca Dios wo. Dios la tjiji wosis niná; gente ma nin la tjajay. Cupj qjuis sacerdote más püné nin liji sacerdote más püné witjacj la tjajay jinwá yas nam. 3 Dios jostsja la pꞌa sacerdote* más püné witjacj natj gente tucutj, jostsja niná maꞌayacj jupj mpes. Dios jostsja yupj natj animal witjacj, gente animal witjacj tucuman na. Jostsja jis tjüꞌünan, jis tjüꞌüm. Nin la tjajay na, Dios perdonar lis tjiji yupj malala nyuca la tjajay. Dios jostsja cupj qjuis sacerdote más püné ꞌyaya wa jupj mpes.

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 8

660

4 Sacerdote*

más püné niná tsjun poꞌo jáꞌasa. Ma polel sacerdote jáꞌasa jupj nosis casá; pꞌa wa niyom patja quiꞌá sacerdote way yupj, yupj Dios mpes jaꞌayapj gente jacutj. Nin lajay Moisés* tjijyüꞌta jinwá. 5 Cupj nyucucj sacerdotepan nin lajay quiꞌá, mpes cupj ꞌotsꞌotsꞌ way qjuisin ꞌyüsa tsjan niná Jesús lijá tsjun poꞌó cupj mpes. Püna Dios tjevele Moisés lal wosis la mijicj, neꞌaj sacerdotepan ꞌücj jis la veles Dios lal gente mpes. Wa niná Moisés quelel si jǘnsatsja na, Dios tjevele jupj lal: “ꞌIn tjejyama. Niná tꞌücꞌ way ꞌüsüs la mijin, jipj lal tjevelé jinwá, jipj lal tjevelé na jocꞌ moꞌó.” Dios nin tjevele Moisés lal. Jupj wo niná, wo tsjun poꞌo ton̈ca jinwatsja, qjuisin ꞌyüsa. Nyucucj tsjan niná sacerdotepan lajay neꞌaj, mpes ꞌotsꞌotsꞌ way qjuisin ꞌyüsa tsjan niná Jesús nin liji cupj mpes tsjun poꞌó. 6 Mopꞌin Jesús más ꞌüsüs liji cupj mpes; Dios tjeꞌyaya nin polel liji jupj. Quina Dios tjevele gente ꞌüsüs nsem jupj lal; nin se palá Jesús mpes. Niná más ꞌüsüs way; niná Dios tjevele mpes, más ꞌüsüs qjuesé palá. 7 Tꞌücꞌ way ma ꞌüsüs jis tepyala Dios lal, nin la tjajay na Moisés* tjevelá. Ma polel la tjajay pjü way Moisés tjevelá. Mpes ꞌüctsja Dios pꞌa casá la tjiji; 8 gente malálatsja custjay jupj lal, ne nin. Püna Dios tjevele ca ꞌüsüs la mijis yupj mpes. Tjevele: “Pꞌa jyawca na, pꞌa casá ca la mejay, mpes israelpan*, judiopan* ꞌotsꞌipj, ꞌüsüs nsem yupj napj lal, nin ca jis mpalas. 9 Jipj jele pyala tsjan tjevelé napj negente jilal jis tjemyan na Egipto mpe. Ma ca nin pꞌiyá mvelé napj quinam. Yupj ma la tjajay napj tjevelé jin. Mpes tjum yupj mpe. 10 Mpes pꞌa jyawca na, pꞌa casá ca la mejay israelpan mpes. Quina ca mvelé tsjan quelel lejay. Yupj lovin ca yola nsem napj tjevelé mpes, nin ca la mejay. Yupj ꞌücj jisas nsem napj tjevelé mpes, nin ca la mejay. Ca pajal jisas nsem napj tjevelé, ca la mejay napj. Napj yupj jis Dios nsem. Yupj napj negente nsem.

El Nuevo Testamento en Tol de Honduras, 2da ed. ©2010, Wycliffe Bible Translators

661

HEBREOS 8, 9

11 Mpes

pꞌa jawas yupj pjü way ca mvelecj napj ne yupj jis Dios. Neꞌaj pꞌin patja jilal ma ca mvelecj nusin tjüꞌüsüs jupj ne Dios jupj. Jis pülücpan jilal ma wa ca mvelecj niná. Yupj pjü way nin ca mvelecj napj ne yupj jis Dios, ne nin. Tsjictjacj nin ca mvelecj, noypan nin pꞌiyá ca mvelecj. 12 Napj ma nola nsem malala nyuca la tjajay. Lovin ma ca nola nsem niná mpes.” Dios nin tjevele. 13 Yas nam Dios tjevele gente ꞌüsüs se palá jupj lal, nin lajay na pjü Moisés* tjevelá. Nin tulucj quinam. Quina ꞌücj ma lijicj pjü way Moisés tjevelá. Dios tjevele pꞌa casá ca la mijis. Tjevele gente ꞌüsüs nsem jupj lal Jesús mpes. Mpes quina ꞌücj ma qjuiyola pjü way Moisés tjijyüꞌta mpes.

9

1 Tsjicj

Sacerdotepan tjowelepj Dios lal nosis casá. Cristo vele Dios lal tsjun poꞌó.

way quelel pyac Dios Moisés* lal tjevelá mpes. Lal tjevele tsjan niná jupj jostsja gente la mijicj, ne yupj ca cus ncon̈cocj Dios. Jis tjijyüꞌta yupj wosis müjünsücj pülül pꞌompꞌom mpes, neꞌaj ca mvelecj Dios lal. Niná Dios wo lotsja. 2 Mpes wo pülül niná jas tjüjünsüpj. Cuarto mátꞌeya tyáꞌatsja jupj. Cuarto mwalá way ntꞌa tjaꞌayapj Dios mpes, jupj pajal püné way mpes. Niná cuarto poꞌó, yam casá lejen̈ tón̈catsja, mesa ton̈ca watsja. Sacerdotepan* pansas tjaꞌayapj na Dios mpes, tjoꞌonsopj pansas niná mesa casá. 3 Wa culupwen ntꞌa, pülül pꞌompꞌom jálatsja, mpes cuarto matꞌe tepyala. Cuarto maꞌajapj Dios mpestsja la pꞌin, jupj pajal püné way mpes. 4 Niná cuarto poꞌó, tsjoꞌoy jinwá tón̈catsja, oro* jas tjocjolol waytsja jupj. Tsjoꞌoy moꞌó tsꞌülücꞌ tüpüntüpj ꞌüsüs cjúmsutsja, ꞌyǘmatsja. Pꞌa wa jáꞌasatsja niná cuarto poꞌó. Cajón tabla mpes la tjajay, neꞌaj jáꞌasatsja, oro jas tjocjolol watsja jupj pjeꞌá. Niná cajón mpes, judiopan* yola jis tepyala Dios tjevele jin ca la mijis jupj yupj mpes. Niná cajón moꞌó, maná* tsjicj way jáꞌasatsja jarro moꞌó, jarro niná oro watsja jupj. Aarón tjacjaj cajón wa moꞌó püꞌü watsja. Nujola tapalas tjacjaj niná pjwel popa le cojon̈tsja. Wa moꞌó pe tꞌem patja watsja, casá tepyácatsja Dios tjijyüꞌtá

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 9

662

ca gente la mijicj. 5 Cajón casá ángel* jin yustapj tjelejen̈, mátꞌetsja yupj, neꞌaj tjelejen̈tsja. Oro mpes watsja yupj. Querubines jis latsja yupj. Jis pam jana, la pactsja cajón casá. Querubines mpes, gente salejeptsja Dios jáꞌasatsja yupj jilal. Gente tjowelepj: “Neꞌaj Dios perdonar la siji gente malala nyuca la tjajay”. Nun solejé niná popé. Ma quelel pülücj pyac niná mpes; pꞌa mpes quelel pyac quinam. 6 Pjü way niná tjoꞌonsopj wa pülül moꞌó. Tꞌücꞌ tjoꞌonsopj na, pjü jyawca na sacerdotepan* wama tjil cuarto mwalá way moꞌó. Neꞌaj nin la tjajay Dios tjevele jinwá; yupj pꞌin nin polel la tjajaytsja. 7 Mopꞌin nin, ma wama Cajón neaj jáasatsja, mpes judiopan tjil cuarto maꞌajapj ntꞌa. Pjü año na la yola jis tepyala Dios ca la mijis pjaní pꞌin, sacerdote más püné jusapj jupj tjevele jin. (Hebreos 9.4) wama tjemey cuarto maꞌajapj moꞌó. Jupj tꞌya animal ꞌosis. ꞌOs niná cajón casá la tꞌyu. Solejé tsjan mpes la tjiji. Nenéyawa sacerdote más püné, la pꞌa wa gente ꞌotsꞌipj, ma salejeptsja malala nyuca la tjajay. Dios ma nin jólatsja niná la tjajay, sacerdote más püné la tjiji mpes cuarto maꞌajapj ntꞌa. 8 Dios Cjües qjuisin ꞌyüsa liji yupj ma polel wama jiltsja cuarto maꞌajapj moꞌó, neꞌaj Dios jáꞌasatsja ntꞌa, cuarto mwalá way jatatsja na pꞌin. 9 ꞌÜcj qjuisin la ꞌüsüs niná. Tꞌücꞌ way gente quina patja nin pꞌiyá lajay. Ma neꞌas jil Dios jáꞌasa ntꞌa nin lajay na. Yupj jacutj, jaꞌayapj Dios mpes. Animal witjacj jacuman, ca müꞌümücj sacerdotepan. Newa nin, yupj lovin yola malala nyuca la tjajay mpes. Lovin nintsja gente tjaꞌayapj na Dios lal. 10 Nin lajay, yupj jis pꞌüy mpes pꞌin nin lajay. Nin lajay na, newa ma ꞌüsüs yola yupj Dios jos jinwá. Püna tapatja jis tjüjütütj tsjan ꞌücj jis la las, tsjan ꞌücj jis la müs ꞌotsꞌipj. Jis tjüjütütj ꞌonin ne yupj pꞌiyá jis la patsj. Nin pꞌin. Tꞌücꞌ way yupj nin la tjajay, mopꞌin pꞌa jawas Dios pꞌa casá la tjiji, ne ꞌücj niná ma lajay quinam püna jis tjüjütütj jinwá. 11 Tꞌücꞌ way Cristo tjacꞌ. Sacerdote* más püné jupj. Jupj mpes tsjay ꞌüsüs ca qjuis mpalas pꞌa jyawca na. Dios wo nosis casá ton̈ca pꞌin tulucj,

El Nuevo Testamento en Tol de Honduras, 2da ed. ©2010, Wycliffe Bible Translators

663

HEBREOS 9

neꞌaj wama tjemey. Jupj wama tjemey tsjun poꞌó. Niná tꞌücꞌ way Dios wo. Ninana más ꞌüsüs way, ninana gente ma nin la tjajay, ma ton̈ca nosis casá. 12 Cabro ꞌos mpes tulucj ꞌücj wama tjemey, vaca tsjicj ꞌos mpes tulucj, jupj ꞌücj wama tjemey Dios püꞌü ntꞌa. ꞌÜcj wama tjemey Dios püꞌü ntꞌa jupj pꞌiyá tepeꞌe mpes, jupj pꞌiyá ꞌos tepyala mpes. La pjaní wama tjemey, neꞌaj jáꞌasa custjay. Cristo mpes Dios perdonar la qjuisiji malala nyuca la tjijicj, ne ca ꞌüsüs nsem cupj lovin jupj lal. 13 Nun solejé nenéyawa gente jis pꞌüy te jinwá Dios lal yupj malala la tjajay mpes. Mpes nenéyawa sacerdotepan cabro ꞌos la tꞌupj yupj jis capá ntꞌa. Nenéyawa vaca cocoy ꞌos la tꞌupj wa yupj jis capá ntꞌa. Nenéyawa vaca tsjicj jaꞌüm. ꞌÜpjǘ tepyala na, yupj jis capá ntꞌa la coy ꞌüpjǘ niná. Nin mpes ꞌüsüs se palá yupj Dios lal niswá, yupj jis pꞌüy salá jinwá. 14 Quina más ꞌüsüs pyala Cristo ꞌos mpes. Pajal ꞌüsüs waytsja jupj, lovin ma malala la tjiji. Cristo tjeꞌyaya jupj pꞌiyá Dios lal la mas, jupj ꞌos tepyala cupj mpes. Dios Cjües, lovin püꞌü jupj, cus tjepꞌyaꞌsa, mpes Cristo nin polel la tjíjitsja. Cristo ꞌos mpes selecj Dios perdonar la qjuisiji malala la tjijicj. Mpes cupj lovin ca ma qjuiyola nsem malala la tjijicj, ne cupj ꞌücj polel lijicj quinam Dios jos jin, Dios ne püꞌü lovin. Nin qjuis tepyala animal ꞌos mpes tulucj. 15 Solejé Dios tjevele jupj ca seyasa la mijis, mpes gente ꞌücj ca ꞌüsüs jis mpalas jupj lal. Cristo mpes Dios nin liji jupj tjevele jin. Dios lis tꞌya gente nepénowa, ne jis capj tjepꞌyaꞌsa jis la pon jupj lal. Jupj nin liji yupj lovin ca mpatjam jupj lal. Nin ca mpalas jupj tjevele mpes. Püna pꞌin Dios tjevele gente ꞌüsüs nsem jupj lal nin la tjajay na Moisés* lal tjevelá. Mopꞌin gente ma la tjajay jupj tjijyüꞌta jin. Dios lis tꞌya witjacj, nin pꞌiyá ma nin la tjajay yupj. Locopyaya ꞌüsüs lis tjiji. Cristo tepeꞌe, mpes Dios perdonar la siji malala la tjajay, ne ca ꞌüsüs nsem yupj lovin jupj lal. 16 Quina ca mpac tsjan mpes nin velé. Yom jos jupj jutsꞌaꞌá ntꞌanques jatjam, yom niná tepeꞌe na. Mpes jupj püꞌü na, papel pyaca jupj nin jos mpes. Tepeꞌe na, jupj jutsꞌaꞌatsja jatjam ntꞌanques ca. 17 Yom niná püꞌü na, jupj jatjam ma ca ntꞌanques. Yom tepeꞌe na pꞌin, nin ca mpalas jupj jostsja jin. Mpes qjuisin ꞌyüsa tsjan mpes ꞌüsüs qjuis tepyala Cristo tepeꞌe mpes. 18 Püna, nin pꞌiyá tepyala Dios tjevele na Moisés* lal. Dios tjevele tsjan la mijis ca gente mpes, yupj nin lajay na jupj tjevele jin. Moisés tepyaca na niná, casá la tꞌyu animal ꞌosis. Animal tepeꞌe mpes, Dios tꞌücꞌ la tjiji jupj tjevelá. 19 Nujola pyala Moisés tjevele gente jis lal.

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 9

664

Tjevele pjü way Dios jostsja yupj ca la mijicj. Niná tꞌücꞌ tjevele na, jupj ntꞌya yo pjwel, hisopo* lotsja, oveja* tsꞌüilin je way ꞌotsꞌipj. Vaca tsjicj ꞌos tazón moꞌo tón̈catsja, cabro ꞌos moꞌo ton̈ca watsja, ꞌüsǘ lal la süpjütj. Hisopo moꞌo tsꞌyuca, oveja tsꞌüilin moꞌo tsꞌyuca wa, la tꞌyu tepyacá casá. Gente sey pjucj pjü way moꞌo la tꞌyu wa. 20 Tjevele: “Niná ꞌos mpes, solejé tꞌücꞌ way Dios ca la mijis jupj tjevelá, nin lojí na jupj tjijyüꞌta jinwá”. Moisés nin tjevele gente jis lal. 21 Nin pꞌiyá, Moisés ꞌos la tꞌyu wo pülül casá, niná Dios wotsja jupj. Moꞌo játjatsja sacerdotepan* jisastsja Dios mpes tsjiꞌ la tjajay mpes; niná la tꞌyu wa. Ninana jisastsja tjowelepj na Dios lal gente mpes. 22 Dios tjevele Moisés lal tsjan tjijyüꞌta jupj. Jupj tjevele mpes, cupj polel velecj nasa way pjü way salá jinwá jis tepyala ꞌos mpes. ꞌÜsüs jis tepyala Dos lal ꞌos mpes. Mpes sacerdotepan ꞌücj tjoweleptsja neꞌaj Dios lal gente mpes. ꞌOs cjuwá, ꞌüsüs tulucj jis tepyala Dios lal. ꞌOs cjuwá, Dios ca jola nsem custjay gente malala la tjajay. Yupj malala nsem custjay.

Cristo tepeꞌe, mpes ꞌücj mpatjaquecj Dios ntꞌa.

23 Qjuisin

ꞌyüsa Dios jostsja nin lajaytsja jupj wo lal, jupj wo moꞌo jáꞌasa lal ꞌotsꞌipj, ca salá jinwá jis cüpalas Dios lal. Jupj wo nosis ntꞌa ton̈ca jupj wo tsjun poꞌo ton̈ca jinwá ꞌin. Nin mpes nin lajaytsja. Tsjun poꞌo jatja salá jinwá jis tepyala Dios lal Jesucristo más ꞌüsüs way tjeꞌyaya mpes. Jupj tjeꞌyaya jupj ꞌosis. 24 Wa pülül nosis casá, niyom pꞌin la tjajay; Cristo ma wama tjemey neꞌaj. Wo niná Dios püꞌü ntꞌa ton̈ca jinwatsja jupj, nin pꞌin Dios wo lata tsjun poꞌo ton̈ca pꞌin. Neꞌaj wama tjemey Cristo. Neꞌaj ton̈ca Dios wolapꞌaꞌá, vele jupj lal cupj mpes. 25 Sacerdote* más püné pjü año na la pjaní wama tjemey cuarto pjyapja moꞌó wo pülül moꞌó. Cuarto niná Dios mpestsja la pꞌin, jupj pajal püné way mpes. Sacerdote tꞌya animal ꞌosis neꞌaj tjemey na. Cristo ma liji niná. La pjaní wama tjemey Dios jáꞌasa ntꞌa. La pjaní jupj pꞌiyá tjeꞌyaya Dios lal la mas; jupj ꞌos pꞌiyá tepyala. Nin tepyala na jupj ꞌücj wama tjemeytsja Dios jáꞌasa ntꞌa. 26 Mpes ꞌücj ma mpaꞌis niswá, ꞌücj jupj ꞌos ma pyala niswá. Püna Dios nosis la tjiji. Püna pajal. Mopꞌin nin, ꞌücj Cristo ma la pülücj tepeꞌe. Cristo nasa tjacꞌ la pjaní ꞌücj lo mas, jupj ꞌos tepyala. Nin la tjiji quinam, nosis quelel cyawaja na. Wama tjemey Dios jáꞌasa ntꞌa. Jupj ꞌos mpes, Dios perdonar la qjuisiji malala la tjijicj. 27 Tꞌücꞌ way wa gente pjü way la pjaní ncaꞌlin̈. Nin tepyala na, tꞌücꞌ way wa Dios ca mveles yupj jilal ncu ꞌüsüs yupj jupj lal. 28 Nin pꞌiyá,

El Nuevo Testamento en Tol de Honduras, 2da ed. ©2010, Wycliffe Bible Translators

665

HEBREOS 9, 10

Cristo la pjaní tepeꞌe wa. Jupj tjeꞌyaya jupj pꞌiyá Dios lal la mas, mpes Dios ca perdonar lis mijis malala la tjajay pajal pülücj. Cristo ca ncuwim niswá. Ncuwim, niswa mpaꞌis mpes tulucj. Ncuwim pülücj jis manus, yupj ca mpatjam jupj lal. Tꞌücꞌ way nepénowa la nuc jupj ncuwim. Yupj ca jis manus jupj. 1 ꞌÜsüs way gente nin la tjajay Moisés* tjijyüꞌta jinwá. Mopꞌin nin, gente ma polel ꞌüsüs nsem Dios lal nin lajay mpes. Pjü año gente jiquil Dios wo* ntꞌa. Sacerdote* más püné ꞌyüꞌna animal witjacj, li tꞌe ꞌosis. Newa nin, gente ma lovin ꞌüsüstsja Dios lal; yupj lovin malala nyuca la tjajay, ne nin. Sacerdotepan ꞌotsꞌotsꞌ way la tjajay Cristo la mijis jinwá. Nin la tjajay ꞌüsüs waytsja; mopꞌin nin, Cristo la tjiji pajal ꞌüsüs way yupj la tjajay lal. Gente lovin ꞌüsüs Dios lal se palá Cristo la tjiji mpes. 2 Nin tulucj sacerdotepan la jay mpes. Sacerdotepan pjü año nin la tjajay. Gente ma ꞌüsüs jis tepyala Dios lal sacerdotepan la tjajay mpes, ne lovin nin la tjajay yupj. Lovin pajal yólatsja custjay malala nyuca la tjajay mpes. 3 Nasa sacerdotepan nin la tjajay na, gente yola tepyala malala nyuca la tjajay. Jus nlaytsja yupj ꞌüsüs tuluctsja Dios lal. 4 Gente ma ꞌüsüs Dios lal se palá, vaca cocoy ꞌos mpes, cabro ꞌos mpes wa. 5 Mpes Cristo tjacꞌ na nosis ntꞌa, tjevele Dios lal: “Gente jacuman animal witjacj jipj mpes, yupj jis ꞌas se palá. Ma jyas jipj niná. La pꞌa way jacutj wa jipj mpes. Ma wa jyas jipj. Mpes jipj napj mpꞌüy la tjejay. Mpꞌüy mpaꞌis, naꞌas mpalas. Naꞌas mpes ma jele nsem pjü way malala nyuca la tjajay gentá. 6 Quina gente se jacuman animal witjacj jipj mpes, yupj jis ꞌas pyala, yupj jas tüpwes sa ꞌüm animal witjacj. Jisas jipj ma jele nsem malala nyuca la tjajay. Mopꞌin jipj ma ꞌücj jyas ꞌe tepalá yupj lajay mpes. 7 Mpes napj tjevelé: ‘Dios, quiꞌá ꞌos. Jipj jyas jinwá ca la mejay napj. Jipj Pyapel vele jin ca la mejay napj.

10

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 10

666

Tꞌücꞌ way ca la mejay napj.’ ” tjevele Cristá. Tjevele: “Gente jacuman animal witjacj jipj mpes, animal jis ꞌas se palá. La pꞌa way jacutj wa jipj mpes. Animal jas tüpwes sa ꞌüm, jisas jipj ma jele nsem malala nyuca la tjajay. Niná ma jyas jipj. Jipj ma ꞌücj jyas tepyala yupj lajay mpes.” Nin tjevele Cristá. Tꞌücꞌ way nin lajay Moisés* tjijyüꞌta jin lajay, mopꞌin Dios ma ꞌücj jos tepyala nin la tjajay na. 9 Niná Cristo tꞌücꞌ tjevele na, tjevele: “Quiꞌá ꞌos. Jipj jyas jinwá ca la mejay napj”, nin tjevele Popay Dios lal. Cristo mpes, ꞌücj ma jaꞌünan quinam animal witjacj. Dios quina perdonar la siji gente malala nyuca la tjajay, Cristo tjüꞌünan mpes. 10 Jesucristo tjeꞌyaya jupj jüpꞌüy pꞌiyá la mas, jupj ꞌos tepyala, mpes cupj lovin Dios jutsꞌaꞌá nsem. Ninana Cristo la pjaní la tjiji, cupj lovin ca ꞌüsüs nsem Dios lal. Nin jos Dios. 11 Pjü jyawca sacerdotepan* pjü way lejen̈ yupj animal jaꞌayapj ntꞌa Dios mpes. Pjü jyawca gente animal witjacj se jacuman sacerdotepan ntꞌa, jaꞌayapj Dios mpes. Nin pꞌiyá lajay pjü jyawca. Newa nin, gente ma ꞌüsüs se palá Dios lal nin lajay mpes. 12 Cristo mpes pꞌin ꞌüsüs se palá. Cristo tjeꞌyaya jupj pꞌiyá Dios lal la mas, jupj ꞌos tepyala. La pjaní pꞌin nin la tjiji. Jupj la tjiji mpes Dios lovin ma nin jola mpalas gente malala nyuca la tjajay. Cristo nin la tjiji na, ꞌetjele Dios liꞌinyampe. 13 Neꞌaj Cristo jáꞌasa. Pülücj po ma jisas jupj. Jupj li nucú jupj Popay Dios ca la mpaꞌnas jupj enemigopan jis lal. Jupj ca la mijis Sacerdotepan jaünan, jaüm animal Jesús enemigopan jupj tsjom ꞌalá witjacj Dios mpes. (Hebreos 10.11) jatja jinwá. 14 Qjuisin ꞌyüsa Cristo la pjaní tjeꞌyaya jupj pꞌiyá Dios lal la mas, ꞌos tepyala. Qjuisin ꞌyüsa cupj lovin ꞌüsüs Dios lal, jupj la tjiji mpes. Nin pꞌiyá Dios jutsꞌaꞌá sin popé pjü way. 15 Ninana tꞌücꞌ way nin selecj, Dios Cjües ninana qjuisin ꞌyüsa liji mpes. Jupj mwalá way tjevele: 16 “Jipj lal nin ca mvelé 8 Nin

El Nuevo Testamento en Tol de Honduras, 2da ed. ©2010, Wycliffe Bible Translators

667

HEBREOS 10

tsjan niná napj ca la mejay yupj mpes. Tꞌücꞌ way, pꞌa jyawca na ca nin la mejay. Yupj ca jisas nsem napj tjevelé mpes, nin ca la mejay. Ca ꞌücj jisas nsem napj tjevelé mpes, nin ca la mejay. Lovin ca yola nsem napj tjevelé mpes, nin ca la mejay.” Dios Cjües nin tjevele. Niná tjevele na, tjevele: 17 “Lovin ma ca nola nsem yupj la tjajay mpes. Pajal malala nyuca la tjajay, ma la tjajay napj tjijyütütj jin.” Dios Cjües nin tjevele. 18 Mpes qjuisin ꞌyüsa ꞌücj sacerdotepan* animal ma jaꞌayapj niswá. ꞌÜcj yupj jis ꞌas ma se palá niswá; Dios nasa perdonar la qjuis tjiji, ma jola lovin, malala nyuca la tjijicj mpes.

19 Natjampan,

ꞌÜcj se con̈cocj Dios quinam.

Jesús tepeꞌe, jupj ꞌos tepyala. Nin mpes ma lecj jeyacj la veles Dios lal. Niná lijicj, jupj wo moꞌó leque jinwá Dios püꞌü ntꞌa. 20 Yas nam, Dios wo pülül ntꞌa, pülül pꞌompꞌom jálatsja, mpes cuarto matꞌe tepyala. Gente ma polel tjiltsja pülül naꞌaj poꞌó Dios jáꞌasatsja ntꞌa. Sacerdote* más püné pꞌin ꞌücj polel jámatsja neꞌaj pjü way año na la pjaní. La pꞌa casá tepyala quinam. Cupj pjü way Dios püꞌü ntꞌa wama polel leque jinwá, Jesús tepeꞌe mpes. Quina jupj püꞌü niswá. 21 Jupj sacerdote más püné Dios tsꞌuyupj pjü way mpes. 22 Mpes más ꞌücj se con̈cocj Dios. Nin lijicj na, más ꞌücj Dios qjuisas la pꞌin. Más ꞌücj pyonecj Dios ca pjü la mijis jupj tjevelá. Cupj ꞌüsüs Dios lal quinam, salá jinwá, Cristo la tjiji mpes. Püna selectsja cupj malala nyuca la tjijicj; quina selecj cupj ꞌüsüs Dios lal. Bautizar* qjuis tepyala na, la pꞌa sin tjiꞌyüsa lis tjijicj cupj salá jinwá quinam Dios lal. 23 Selecj ca ꞌüsüs qjuis mpalas, Dios ca nin la mijis, jupj tjevele jinwá. Nin pyonecj, nin velecj niná pꞌa jilal. Más ꞌücj niná lovin nin pyonecj. Dios lovin nin liji jupj vele jinwá. 24 Más ꞌücj lovin quelel lijicj cupj qjuisin popa, cupj ne Jesucristo lal pyonecj. Más ꞌücj lovin ꞌüsüs lijicj yupj jilal. Mpes nusin tjüꞌüsüs ꞌoyn nyuca ꞌüsüs way welé cupj qjuisin popa Jesucristo lal japon witjacj jis lal, ne niná la müjí. 25 Lovin ꞌa nu tjumulus nun. Malala ma ꞌa nusí mulú. Nun popa nepénowa ma

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 10

668

quelel ꞌa si mulú. Nun ꞌa nusí mulú na, nun pꞌiyá pajal ca jisas nsem Dios, ca jisas nsem Jesús; nin nu pyala ꞌa nusí mulú mpes. Más ꞌücj lovin nin lijicj quinam, Jesús len̈ way ncuwim mpes. 26 Nusin tjiꞌyüsa tꞌücꞌ way Jesús poꞌó; nasa nujisas Jesús. Mopꞌin nin, ca nacj nun nepénowa malala quelel lojí niswá. Solejé malala niná nin lojí, newa nin lojí. Ma pꞌa wa mpaꞌis nun mpes. Dios ca jola nsem malala nyuca la tjüjí. 27 Más ꞌücj nun ca jus nlayé pꞌa jawas malala ca nu mpalas. Más ꞌücj ca locj meyá Dios ca mveles gente jis lal ncu ꞌüsüs way yupj jupj lal. Ma jisas Dios, ca mal ꞌawa püné ntꞌa. 28 Nun solejé pülücj way ma la tjajay Moisés* tjevelá. Nun solejé tsjan tepyala yupj jilal. Jepapan jis tjüꞌünan yupj. Niyom matꞌe, contꞌe ca nacj, tjowelepj na la pꞌa ma la tjiji Moisés tjevelá, jepapan tjüꞌünan jupj. Lovin ma tjowelepj ma nujola tꞌas malala la tjüjí, lowa. 29 Selecj malala jis tepyala ma la tjajay na Moisés tjevelá. Mopꞌin más malala ca mpalas la pꞌa jilal. Tꞌücꞌ way pülücj jisastsja Dios Jatjam, quina ma jisas jupj. Mpes más malala ca jis mpalas. Lovin po ma jisas quinam Dios Jatjam. Tꞌücꞌ way yupj Dios jutsꞌaꞌá jis tepyala, Jesús tepeꞌe mpes, jupj ꞌos tepyala mpes. Dios tjevele gente ꞌüsüs jupj lal se palá Jesús ꞌos mpes. Mopꞌin nenem quina ma japon, quina ma jisas Jesús ꞌos tepyala yupj mpes. Dios Cjües tsjay ꞌüsüs la tjiji yupj mpes. Yupj sin nin po ma jisas jupj quinam. Mpes Dios pajal yümücj ca jis capj ntülüs. 30 Selecj Dios tjevelá. Tjevele: “Malala la tjajay, mpes malala ca jis mpalas; nin ca la mejay napj. Napj pꞌiyá ca nin la mejay.” Dios nin tjevele. Selecj pꞌa wa tjevele wa jupj. Tjevele: “Nun jis Jepa Dios ca mveles jupj gente jis lal. Ca mveles cana ꞌüsüs witjacj, cana malala witjacj”, nin tjevele jupj. 31 Más ꞌücj niná ca jus nlayecj. Más ꞌücj ca lacj meyacj Dios polel nin la mijis mpes yupj jilal. Dios püꞌü, pajal püné way jupj. 32 Nujola pyala tꞌücꞌ way nusin tjiꞌyüsa na Jesús poꞌó. Nujola pyala tsjan nu tepyala. Nenéyawa costa waytsja cus tocon̈cotsja Jesús, malala nu tepyálatsja mpes, nun Dios tsꞌuyupj mpes. Newa nin, lovin cus tocon̈có Jesús, lovin nujisastsja jupj. 33 Nenéyawa gente la tjüpjütsꞌün nun jilal, nun Jesús jisastsja mpes. Pülücj nin tjepjyacan̈ yupj la tjüpjütsꞌün nun jilal. Yupj malala la tjajay wa nun jilal. Nenéyawa nin pꞌiyá tepyala wa la pꞌa wa Dios tsꞌuyupj jilal. Nin jis tepyálatsja na, po nujólatsja nun. 34 Dios tsꞌuyupj nepenowá cawilta poꞌo tjátjatsja, Jesús jisas mpes. Nin pꞌiyá, nun pajal nujólatsja yupj mpes, jis capj tjapꞌaꞌsá. Nujisas Jesús, mpes nenéyawa gente la pꞌa natj nun nutsꞌaꞌá.

El Nuevo Testamento en Tol de Honduras, 2da ed. ©2010, Wycliffe Bible Translators

669

HEBREOS 10, 11

Nin la tjajay na, nun ꞌücj jisas tapatjaquetsja lovin; nun solejé más ꞌüsüs way ca ntaꞌá neꞌaj Dios püꞌü ntꞌa. Neꞌaj ntaꞌá ma ca ncawajas. 35 Tꞌücꞌ way Dios nin tjevele ca nu maꞌayas niná. Najas lovin mponé niná ca maꞌayas. Nin poné, Dios ca nu maꞌayas tsjan pasal ꞌüsüs way. 36 Más ꞌücj newa ꞌüsüs lojí malala pyala na. Nin jos Dios. Mpes Dios jos jin la tjüjí na, jupj ca nin la mijis nun mpes jupj tjevele jin. 37 Más ꞌücj lovin nin la müjí. Dios Popel vele: “Yom pjaní se jam napj, pajal len̈ way ncuwim. Tꞌücꞌ way len̈ way ncuwim jupj. 38 Gente japon na napj tjevelé, yupj ꞌüsüs napj lal nin se palá. Ca mpatjam napj lal japon mpes. Gente la pꞌa quina ma quelel japon napj lal. Yas nam nin topon. Pajal malala way napj lal ma nin japon quinam.” Dios nin tjevele. 39 Tꞌücꞌ way nepénowa ma quelel japon quinam Dios lal. Yas nam topon jupj lal. Cupj yupj sin popa tulucj. Yupj len̈ ca nsem, Dios ca la mijis. ꞌAwa püné ntꞌa ca mal. La pꞌa japon Dios tjevelá. Cupj yupj sin popa, mpes ca mpatjaquecj Dios lal.

11

Püna pülüctsja topon Dios lal.

1 Dios tjevele tsjan ca la mijis cupj mpes. Dios lal pyonecj na, selecj nin ca mpalas jupj tjevelá. Ma tjinyucucj nin ca mpalas; nin pꞌin selecj nin ca mpalas cupj pyonecj mpes. 2 Cupj selecj püna way gente pülücj ꞌüsüstsja Dios lal, Dios lal topon mpes. Napj quelel pyac yupj nepénowa sin poꞌó. 3 Cupj pyonecj Dios lal. Dios tjevele jupj la tjiji nosis. Tjevele pjü la tjiji tsjun poꞌó. Jupj sin nin tjevele na, nin tepyala. Selecj nin tepyala jupj tjevele jin, mpes qjuisin ꞌyüsa tsjan tepyala nosis casá. Ma nyucucj niná tsjan mpes Dios la tjiji nosis, tsjan mpes pjü way la tjiji wa tsjun poꞌó. 4 Pajal püna Abel tepyona Dios lal. Abel ticyuna tsjan la ꞌayas Dios. Caín tequeꞌe wa tsjan la ꞌayas Dios. Abel tjeꞌyaya más ꞌüsüstsja; jupj tepyona Dios tjevelá, ne nin. Caín ma la tjiji jupj jinwá. Abel tepyona Dios lal, ne Dios ꞌücj jos tepyala tjeꞌyaya mpes. Mpes Dios tjevele Abel ꞌüsüstsja jupj lal. Abel püna tepeꞌe; newa qjuisin ꞌyüsa Dios poꞌó jupj la tjiji mpes. 5 Locopyaya Enoc po tepyona Dios lal, mpes jupj ma tepeꞌe. Dios tjemyana jupj tsjun poꞌó, nyucunú tjemey jupj. Len̈tsja jupj nosis casá

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 11

670

Dios tjemyana mpes. Dios Popel vele jupj tüpüꞌü na nosis casá, Dios ꞌücj jostsja jupj lal. 6 Gente ma japon na Dios lal, Dios ꞌücj jos tulucj yupj jilal. Napj ca mpac pjacj ne ꞌücj sa con̈ Dios. Japon Dios püꞌü, ꞌücj sa con̈ Dios. Japon Dios ꞌüsüs liji gente mpes, yupj po quelel sa con̈ na jupj, ꞌücj yupj sa con̈ Dios. 7 Locopyaya Noé tepyona wa Dios lal. Dios tjevele jupj lal tsjan ca mpalas pꞌa jawas. (Tjevele ꞌüsǘ lal mpitꞌas nosis jas tüpwes, ca la mijis jupj, pjü ncaꞌlin̈ ca.) Noé ma polel tjinyúcatsja nin ca mpalas. Nin pꞌin tepyona Dios lal, po ꞌüsüs way jólatsja jupj poꞌó. Mpes jupj la tjiji Dios tjevelá. Barco* püné la tjiji, ꞌüsǘ casapa la winin. Mpes jupj ma tepeꞌe; jupj jatsꞌom ꞌotsꞌipj, jupj jatjampan ꞌotsꞌipj, jupj nuerapan ꞌotsꞌipj, ma wa tecyaꞌlin̈ yupj. Jupj la tjiji mpes, qjuisin ꞌyüsa tꞌücꞌ way gente la pꞌa ꞌüsüs tuluctsja Dios lal. Noé pꞌin ꞌüsüs Dios lal tepyala; Dios nin la tjiji jupj mpes, jupj Dios lal tepyona mpes. 8 Locopyaya Abraham* tepyona wa Dios lal. Dios tjevele jupj lal jupj ca mim la pꞌa ꞌamá ntꞌa. Dios tjevele niná ꞌamá pꞌa jawas ca maꞌayas jupj. Abraham la tjiji Dios tjevelá. Pjeꞌá tjemey tüpüꞌü mpe; newa ma seletsja caꞌaj jámatsja. 9 Abraham neꞌaj tjemey Dios jostsja ntꞌa. Neꞌaj tüpǘꞌütsja Dios lal tepyona mpes. Yas nam Dios tjevele tꞌücꞌ way niná ꞌamá ca maꞌayas jupj. Niná tjevele na, pꞌa wa gente pátjatsja neꞌaj. Niná ꞌamá yupj yutsꞌaꞌatsja custjay, Abraham jutsꞌaꞌatsja tulucj. Abraham wo pülül moꞌo tüpüꞌü, nin pꞌiyá tapatja jupj sa con̈tsja witjacj, jis wa pülül pꞌin tapátjatsja yupj. ꞌÜctsja jupj lal Dios lal tepyona mpes. Locopyaya Isaac tüpüꞌü custjay wo pülül moꞌó. Isaac Abraham jatjam waytsja jupj. Locopyaya Jacob tüpüꞌü wa custjay wa pülül moꞌó. Jacob Abraham cüicj waytsja jupj. Dios tjevele Abraham lal tsjan ca la mijis jupj mpes. Tjevele nin pꞌiyá la mijis wa Isaac mpes, Jacob mpes ꞌotsꞌipj. Abraham ma jólatsja wa pülül moꞌo tüpüꞌü la pꞌin; 10 seletsja pꞌa jawas neꞌaj ca mim, mpüꞌüm Dios lal, neꞌaj wa pülücj lejen̈ ntꞌa. Jis wa neꞌaj Dios pꞌin sin tjijyünsa. Neꞌaj Dios la tjiji. Neꞌaj ma ca ncawajas. 11 Sara tepyona Dios lal, mpes ꞌücj way tsjicj tecyálatsja. Pajal coꞌmüytsja jupj. Jupj voyum, Abraham*, coꞌmüytsja ꞌotsꞌipj. Newa nin, Sara seletsja Dios ca la mijis jupj tjevelá. Nin mpes jupj jatjam pjaní tjemyaꞌna. 12 Abraham pajal coꞌmüytsja, mopꞌin ma jutsꞌuyupj cyálatsja. Tepyona mpes pꞌin, pꞌa jawas jupj popa pjaní tepyala. Mpes quina gente pülücj patja, yupj ne Abraham popa pꞌiyá, püs naya patja. Pajal pülücj way yupj, pjulacj pülücj tsjun poꞌo jatja jinwá. Pajal pülücj way yupj, sus pe tsjicj way pajal pülücj way jatja jinwá. Pajal pülücj way yupj, ma polel sin la pac.

El Nuevo Testamento en Tol de Honduras, 2da ed. ©2010, Wycliffe Bible Translators

671

HEBREOS 11

13 Abraham*

tüpüꞌü na, Isaac, Jacob, tapatja watsja na, lovin topontsja yupj Dios lal. Yupj pꞌiyá tapatja na, pjü way ma nin tepyala Dios tjevelá. Nin pꞌin, janmacj salejeptsja pꞌa jawas Dios la mijis ca pjü way jupj tjevelá; ꞌücj jisastsja Dios ca nin la mijis mpes. Nin tjowelepj la pꞌa jilal ꞌamá cjuwatsja yupj, jis wa cjuwatsja nosis casá. Tjowelepj nosis ntꞌa patja sin popa pꞌin tuluctsja yupj. Ma yólatsja niná mpes. 14 Gente newa nin javelepj na, tꞌücꞌ way yupj salejepj pꞌa jawas ca mpatjam la pꞌa ntꞌa. Yupj salejepj pꞌa ntꞌa yupj yutsꞌaꞌá nsem. 15 Abraham seletsja jupj ma jámatsja la pütꞌüs püna tüpüꞌü ntꞌa. Isaac, Jacob, salejeptsja wa, neꞌaj ma mpatjam ca. ꞌÜctsja jis la winin jis la patj neꞌaj, mopꞌin ma tjil. Salejeptsja la pꞌa ntꞌa mpatjam ca yupj. 16 Yupj po quelel pátjatsja más ꞌüsüs ntꞌa. Salejeptsja mpatjam ca tsjun poꞌó. Mpes Dios ma myayca yupj jilal. ꞌÜcj Dios lal jupj yupj jis Dios. Dios ꞌücj la tjiji tsjun poꞌó yupj ꞌücj jis la patj neꞌaj. Wa pülücj la tjiji neꞌaj. 17 Abraham* pꞌa casá la tjiji wa Dios lal tepyona mpes. Tepyona Dios ca la mijis püna tjevele jinwá. Dios nasa tjevele jupj lal Abraham popa pꞌiyá püs naya patja pülücj way nsem yupj. Locopyaya Dios tjevele Abraham lal jupj jostsja Abraham maꞌayas ca jupj jatjam Isaac jupj lal, sacerdote* animal ꞌyaya jinwá. Dios quelel seletsja ncu tꞌücꞌ way Abraham ca la mijis jupj tjevelá. Abraham tepyona Dios lal, mpes ꞌüsüs waytsja jupj lal jupj jatjam maꞌayas Dios mpes, jupj jatjam pjaní waytsja pꞌin. Nujola pyala Dios tjevele Abraham lal tsjan ca la mijis. 18 Püna nasa tjevele: “Gente jipj popa pꞌiyá püs naya mpatjam Isaac mpes. Yupj la pꞌin jipj popa pꞌiyá nsem.” 19 Abraham seletsja Dios ꞌücj polel si jünsa tepeꞌá, mpüꞌüm niswá. Jupj jólatsja Isaac mpaꞌis ca. Mopꞌin ma tepeꞌe. Isaac jas tjijyünsa jinwá, niswa tüpüꞌü jinwá jin jólatsja Abraham. 20 Locopyaya Isaac tepyona wa Dios lal. Mpes tjevele jupj jatjam Jacob lal, jupj jatjam Esaú lal wa, Dios ꞌüsüs la mijis ca yupj mpes pꞌa jyawca na. 21 Locopyaya Jacob tepyona wa Dios lal. Mpes nasa quelel péꞌetsja na, tjevele cüicpan jilal; José jatjampan waytsja yupj. Manas jilal tjevele ca ꞌüsüs la mijis Dios yupj mpes. Tón̈catsja tjacjaj lal, jupj coꞌmüytsja mpes, ne palá nipíꞌtjetsja Dios wolapꞌaꞌá, tjevele Dios pajal püné. Seletsja Dios ca la mijis jupj tjevelá. 22 Locopyaya José tepyona wa Dios lal. Nasa quelel péꞌetsja na, tjevele tꞌücꞌ way Dios ꞌüsüs la mijis ca jupj gente mpes, ca jis manus Egipto mpe. Tjevele tsjan niná jupj jostsja yupj ca la mijicj jupj cjüele jilal nepé tjil na.

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 11

672

23 Locopyaya

Moisés* jamay, popay wa, topon wa Dios lal. Jepa püné Egipto poꞌó tjijyüꞌta jis la ꞌünan pjü way israelpan* niyom tsjictjacj, nasa jis tjamanun na. Moisés jamay, popay wa, ma nin la tjajay. Salejeptsja Dios ca jis capj mpꞌaꞌsas. Mpes ma lacj tjeyapj jepa püné tjijyüꞌta mpes. Moisés tjemyaꞌna na, yupj jus nlaytsja ꞌüsüs way jústatsja jupj. Mpes yupj tjapjalen Moisés mes contꞌe mpes Dios lal topon mpes. 24 Locopyaya Moisés* tepyona wa Dios lal. Mpes jupj tꞌyüna na, jupj ma jostsja gente mvelecj jupj ne jepa püné jucucus jatjam. ꞌÜsüs tepyálatsja jupj lal, jupj jepa püné jucucus jatjam waytsja mpes. Newa ma jostsja jupj niná. Jupj seletsja israelpan* pópatsja jupj, jostsja yupj sin popa pjaní nsem jupj. 25 Pajal malala jis tepyálatsja yupj jis lal, yupj ne Dios gente. Mopꞌin nin, Moisés quelel jis capj tecyón̈catsja. Ma jólatsja malala tepyala wa jupj lal. Ma quelel tüpǘꞌütsja quinam Dios gente tulucj tapatja ntꞌa. Dios gente tulucj ꞌücj jisas tapatja malala la tjajay mpes. Moisés ma jostsja niná. Tsjicj way mpes wa ma quelel pǘꞌütsja neꞌaj. Más ꞌüctsja jupj lal lovin malala pyálatsja jupj lal, Dios gente se cón̈catsja mpes. Seletsja malálatsja Dios lal jis capj cyon̈ca Dios gente tulucj, mpes tjemey. 26 Malala tepyala Cristo lal Dios jostsja jinwá la tjiji mpes. Nin pꞌiyá tepyala Moisés lal. Malala tepyala Dios jostsja jinwá la tjiji mpes, mopꞌin ꞌüsüs waytsja niná jupj lal. Egipto poꞌo patja pasal pülücj way tatsja; Moisés ma jólatsja niná. Jupj seletsja Dios tsjan ꞌüsüs way maꞌayas ca jupj pꞌa jyawca na. Moisés nin jostsja jupj. 27 Moisés* tepyona Dios lal. Mpes tjemey Egipto mpe. Jepa püné tsꞌi tjiꞌínatsja Moisés lal; newa nin, Moisés ma lecj tjeyatsja. Pjü ma polel januc Dios, mopꞌin Moisés seletsja Dios cus tecyón̈catsja. Mpes lovin la tjíjitsja Dios jostsja jinwá. 28 Moisés pꞌa casá la tjiji wa Dios lal tepyona mpes. Dios tjevele jupj lal jupj ca jas majamas ángel* pjaní la ꞌünan egiptopan* sejatjampan mwalá way witjacj. Dios tjevele jupj jostsja israelpan* oveja* ꞌos ca la ntꞌucj yupj jis wa jun vilicj tꞌasiyú. Tjevele yupj nin la tjajay na, ángel niná yupj jis capa nipj ca mim, ma ca jis müꞌüꞌnas israelpan sejatjampan mwalá way. Moisés tepyona Dios lal, mpes ninana tjevele israelpan jis lal. Mpes yupj la tjajay Dios jostsja jinwá. Ma tecyaꞌlin̈. 29 Selecj israelpan* topon wa Dios lal yupj la tjajay mpes pꞌa jawasa. Egipto mpe tjil na, neꞌas tjil Mar Rojo ntꞌa. ꞌÜsǘ moꞌó jümücj tjapjaja tepyala la tjiji Dios, yupj ꞌücj jis la winin. Nin mpes yupj polel ꞌüsǘ

El Nuevo Testamento en Tol de Honduras, 2da ed. ©2010, Wycliffe Bible Translators

673

HEBREOS 11

naꞌaj poꞌó tjil topon mpes. Egiptopan* quelel la nyüjüsün̈tsja yupj, jis la tjilil yupj. ꞌÜsǘ niswa jun tꞌyoꞌna, ne yupj pjü way jis qjues tꞌanca, tecyaꞌlin̈. 30 Pꞌa jawas israelpan* pꞌa casá la tjajay wa, mpes selecj topon Dios lal, tjelejen̈tsja na Jericó poꞌó, pülücj pátjatsja ntꞌa. Pjü jyawca na Jericó poꞌo tapatja tꞌasiyú tjil Dios jis tjijyüꞌta jinwá. Tsꞌacꞌ siéteya tepyala na, yupj tapatja ntꞌa tꞌasiyú tjüwücj tyüla jupj, ne israelpan wama polel jiltsja. Yupj nin la tjajay Dios tjevelá topon mpes. 31 Rahab tüpǘꞌütsja Jericó poꞌó, tepyona wa Dios lal. Nujola pyala Rahab tjuwine niyom pülücj jilal yas nam, yupj jaylacj la tjajay jupj nin la tjiji mpes. Nujola pyala wa Oveja os la tupj yupj jis wa jun israelpan* mátꞌeya tjil Jericó ntꞌa sin la ꞌüsüs ꞌonin ne israelpan vilicj tasiyú. (Hebreos 11.28) ꞌücj ca la mpaꞌnacj neꞌaj pátjatsja jilal. Rahab ꞌüsüs la tjiji israelpan jis lal, tjevele wama culá. Jis capj tjepꞌyaꞌsa, jis tjepjyaꞌna, mpes Jericó poꞌo pátjatsja ma polel jis tjüꞌünan. Jericó poꞌo pátjatsja lovin ma la tjajaytsja Dios jostsja jin. Yupj tapatja ntꞌa tꞌasiyú tjüwücj tyüla na, israelpan tjüꞌünan pjü way Jericó poꞌo pátjatsja. Mopꞌin ma tjüꞌünan Rahab, jupj Dios lal tepyona mpes. 32 Napj ca ꞌücj mpac gente pülücj sin poꞌó, yupj topon wa Dios lal. Nin la cüjay, püs way naya ca cüpac. Mpes ma nin ca mpac tsjan la tjajay yupj pjü way. Gedeón tepyona wa Dios lal, Barac ꞌotsꞌipj, Sansón ꞌotsꞌipj, Jefté ꞌotsꞌipj. David* tepyona wa Dios lal, Samuel ꞌotsꞌipj. Profetapan* topon wa Dios lal. 33 Nenem pjü way topon Dios lal, mpes polel la tjajaytsja Dios tjevele jinwá. Nepénowa la tapalan la pꞌa ntꞌa tapatja jilal. Más ꞌücj la tapalantsja, mpes jis tjüjütütj tepyala. Nepénowa pajal ꞌüsüs way jis tjüjütütj la pꞌa jilal. Dios tjevele nepénowa jilal tsjan ca la mijis yupj mpes, ne nin la tjiji yupj topon mpes. Jepapan la tsꞌi yupj nepenowá león tjelyawun̈ ntꞌa, león jis la las. León ma polel

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 11, 12

674

tjalá yupj, Dios lal topon mpes. 34 Jepapan ꞌawa moꞌo la tsꞌi nepenowá jis la ꞌünan. Ma tecyaꞌlin̈ yupj; ꞌücj pjeꞌá tjil, ma tepen̈ yupj. Yupj jis enemigopan quelel jis tjüꞌünan nepenowá polomay mpes. Dios lal topon ꞌücj polel tjil. Nepénowa pajal ꞌüsüs polel la tjajay, yupj yusapj ma polel lajaytsja jinwá. Nepénowa ꞌüsüs way polel la tapalan yupj jis enemigo militarpan jilal. Yupj jis enemigopan tsꞌequenen̈ yupj mpe. Pjü way niná nin tepyala Dios lal topon mpes. 35 Pꞌa wa tepyala wa yupj topon mpes. Pajal ꞌüsüs way jis tepyala nequem nepenowá jis lal. Yupj sejatjam tecyaꞌlin̈ na, sin tjüjünsüpj, tapatja niswá; nequem nenem nin tjunuc. Malala jis tepyala nepenowá jilal, Dios lal topon mpes. Gente yümücj moꞌo süptsja yupj. Tjowelepj: “Nun poné malala. Ma mponé niná, ne ꞌücj nlawú.” Newa ma la tjajay yupj tjowelepj. Mpes yümücj moꞌo süptsja, tecyaꞌlin̈. Ma nin yólatsja cyaꞌlin̈ ca nacj; salejeptsja sin müjünsücj jis la pütꞌüs niswá, ca mal Dios ntꞌa. Más ꞌüsüs neꞌaj. 36 Malala jis tepyala wa la pꞌa jilal, Dios lal topon mpes. Gente la tjüpjütsꞌün nepenowá jilal, moꞌo süptsja yupj. Tsupaptsja yupj cadena* mpes, tjoꞌonsopj yupj cawilta moꞌó. 37 Gente pe püné la tsꞌi nepenowá jis capá ntꞌa, tecyaꞌlin̈ yupj. Jis tiquilil nepenowá, tecyaꞌlin̈. Pajal malala la tjajay nepénowa jilal, jisastsja yupj mvelecj ma jisas Dios quinam. Polomay mpes jis tjüꞌünan nepenowá. Nepénowa tsꞌequenen̈ la pꞌa pajal malala lis tjajay mpes. Yupj tꞌemel cjuwatsja. Oveja* pjolocꞌ mpes pꞌin sin tücüipap, cabro* pjolocꞌ mpes ꞌotsꞌipj. Gente pajal malala la tjajay yupj jilal, yupj Dios lal topon mpes pꞌin. 38 Yupj cjuwatsja caꞌaj ꞌücj jis la pütꞌüs. Yupj sin nin tjelyawun̈tsja jis wa cjuwá ntꞌa, jocꞌ moꞌó ꞌotsꞌipj. Tjijinan̈ jomwen jul moꞌó, ꞌamá jul moꞌó ꞌotsꞌipj. Yupj más ꞌüsüs waytsja gente la pꞌa wa jilal nosis casá. 39 Pajal ꞌüsüs waytsja Dios lal yupj topon jupj lal. Newa nin, yupj tapatja na nosis casá, Dios ma pjü way la tjiji custjay yupj jilal, jupj tjevele jinwá. 40 Locopyaya quelel líjitsja, locopyaya más ꞌüsüs la mijis. Yupj lovin ꞌüsüs nsem Dios lal, nin ca la mijis jupj, nin pꞌiyá la qjuis mijis na. Nin jostsja Dios. Dios ma jostsja yupj yusapj ꞌüsüs nsem jupj lal. Cupj ꞌa mulú pjü way lovin ꞌüsüs nsem Dios lal, jupj nin la qjuis mijis.

12

1 Qjuisin

Más ꞌücj lovin qjuiyola Jesús poꞌó.

ꞌyüsa pülücj topon Dios lal püná. Qjuisin ꞌyüsa yupj pajal ꞌüsüs topon jupj lal. Mpes más ꞌücj cupj lovin nin lijicj El Nuevo Testamento en Tol de Honduras, 2da ed. ©2010, Wycliffe Bible Translators

675

HEBREOS 12

pjü way Dios jos jinwá, yupj la tjajay jinwá. Nenéyawa pꞌa casá lijicj ca nacj, ma nin lijicj Dios jos jinwá. Ma nin la müjí nun. Nenéyawa malala lijicj ca nacj, lovin nin quelel lijicj ca nacj. Ma nin lijicj Dios jos jinwá. Ma nin la müjí nun. Lovin ꞌüsüs la müjí Dios jos jin. Lovin ꞌüsüs la mijicj cupj pjü way Dios jos jin. Malala pyala na, newa ca ꞌüsüs la müjí. 2 Más ꞌücj lovin qjuiyola Jesús poꞌó. Jupj la tjiji tepyonecj Dios poꞌó. Jupj la mijis wa lovin ca mponecj Dios lal, jupj jos jinwá. Yupj jupj cruz* poꞌo tjovalapj na la mas, ꞌüctsja jupj lal yupj nin la tjajay, jupj Popay Dios nin jostsja mpes. Yom javalapj na cruz poꞌó, malala javelepj jupj poꞌó. Jesús ma nin jólatsja nin tjowelepj mpes jupj poꞌó. Seletsja tꞌücꞌ tepyala na ꞌücj jos nsem jupj, pajal ꞌüsüs way ca mpalas mpes. Tꞌücꞌ tepyala na, neꞌas tjemey jupj Popay Dios ntꞌa. ꞌEtjele Dios jyüꞌta ntꞌa, Dios liꞌinyampe. Tꞌücꞌ way Dios la tjiji pajal püné way tepyala jupj, mpes ꞌetjele jupj neꞌaj. 3 Nujola tapalas tsjan la tjiji Jesús, malala tepyala na jupj lal. Tꞌücꞌ way pülücj ma jisastsja jupj. Pajal malala la tjajay jupj lal, newa ma jólatsja. Mpes malala nu pyala na, ma ꞌaplijila tꞌas nun. Mopꞌin mponé Dios ꞌüsüs. 4 Jesús lal tepyala jinwá ma nu tepyala custjay. Yupj tjüꞌünan jupj. Yupj ma tjüꞌünan nun custjay. Nun ma malala quelel lojí. Po quelel lojí Dios jos jinwá. Mopꞌin nin la müjí. 5 Nun Dios tsꞌuyupj. ¿Ncu nujoꞌ tepeꞌe Dios Popel velá? Dios Popel nun mpes nin vele. Vele mpes ma nujola nsem malala nu pyala na. Vele: “Natjam, nenéyawa ma lejay qjuis Jepa Dios jos jinwá. Mpes jupj cyapj tyüla, jupj ca jin müꞌüsüs la mijis jupj jos jinwá. ꞌÜcj jyas tꞌas jupj nin liji. Ma ꞌaplijila tꞌas jipj, jupj jin ꞌyüsa liji jipj malala la tjejay. 6 Jupj quelel la ꞌiji, mpes jin ꞌyüsa liji malala la tjejay. Tꞌücꞌ way jipj jupj popa pꞌiyá mpes cyapj tyüla jupj.” Dios Popel nin vele. 7 Mpes malala nu pyala na, ca nacj Dios Nupopay nucopj tyüla. Nin liji nusin lo ꞌüsüs, jupj jos ꞌüsüs la müjí nun. Mpes ma nujola tꞌas. Dios nin liji nun jupj tsꞌuyupj mpes pꞌin. Nun solejé tꞌücꞌ way niyom pjü way nenéyawa nin lajay yupj jis tsꞌuyupj jilal. 8 Tꞌücꞌ way Dios

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 12

676

jis capj tyüla wa jupj tsꞌuyupj pjü way neneyawá. Ca nacj nepénowa jatja neꞌaj Dios ma jis capj tyüla lovin. Ma jis capj tyüla mpes selecj tꞌücꞌ way yupj Dios tsꞌuyupj tulucj. Pꞌa pꞌin yupj. 9 Nujola tapalas cupj tsjictsja na, qjuis papay qjuis capj tül. Selectsja más ꞌüctsja niná la tjajay cupj qjuilal. Más ꞌücj cupj jus nlayecj wa ꞌüsüs way Dios nin liji cupj qjuilal, qjuis capj tyüla na. Jupj cupj qjuis Papay tsjun poꞌó, mpes más ꞌücj niná ca jus nlayecj cupj. Más ꞌücj velecj Dios lal qjuisas nin liji cupj qjuilal. Mpes cupj lovin ca mpatjaquecj jupj lal, la mijis jupj. 10 Qjuis papay nosis casá patja qjuis capj tül neneyawá. Ma año pülücj mpes qjuis capj tül; cupj tsjictsja na ma año pülücj mpes qjuis tꞌyüna. Qjuis papay jisastsja qjuisin ꞌyüsa tsjan ꞌüsüs way la mijicj. La tjajay yupj jisastsja jin, lovin yólatsja ꞌüsüs la tjajay. Mopꞌin Dios más ꞌüsüs liji yupj jis lal. Dios qjuis capj tyüla, más ꞌüsüs qjuis mpalas. Nin liji mpes cupj ꞌüsüs nsem jupj jinwá. 11 Tꞌücꞌ way nenéyawa Dios qjuis capj tyüla. Qjuis capj tyüla na, mwalá way pꞌin ma qjuisas niná, ꞌaplijila qjuesé palá. Locopyaya jus nlayecj ꞌüsüs qjuesé palá jupj la tjiji mpes. Nin quelel lijicj Dios jos jinwá; ꞌüsüs way niná. Mpes ma nin qjuiyola cupj.

12 Quina

Ma mvelé nun ma nujisas Dios velá.

ca mpac ꞌoyn nyuca lojí nun. Yom mos sin tula, tüecj sin napnapj, jupj ma polel tsjiꞌ liji. Nin pꞌiyá nun jilal. Nun ma quelel tsjiꞌ lojí quinam Dios mpes, ne nun yom niná jinwá. ꞌAplijila nun quinam, malala nu tepyala mpes. Más ꞌücj nucopj mpꞌaꞌsá nunwá, ꞌücj ca mponé Dios lal niswá. 13 Niswa ca mpac ꞌoyn nyuca lojí nun. Yom tüecj cꞌa, jupj jos la pꞌa ca cus mpꞌaꞌsas mwinim jümücj ꞌüsüs ntꞌa. Jupj jos jupj ma ntülüs ca, jupj tüecj cjüele ma cus ntsꞌoptes pꞌa wa cjüele lal. Tüecj ꞌücj locopyaya way müꞌüꞌsüs. Nun popa nepenowá yom niná jinwá. Jisas la pꞌa jis capj japꞌacj, ꞌücj ca mponecj niswá Dios lal. Jis capj mpꞌaꞌsá, ne locopyaya tꞌücꞌ way ꞌücj ca mponecj niswá Dios lal. 14 Lovin mwiꞌiqué la pꞌa jis lal, ma la mveꞌlé yupj jilal. Ma malala la müjí. Lovin ꞌüsüs la müjí Dios jos jin. Ma ꞌüsüs lajay jupj jos jin, ma ca jus nucucj qjuis Jepa Dios. 15 Ca nacj nepénowa ma ꞌüsüs japon Dios lal. Jis capj mpꞌaꞌsá, ca mponecj niswá Dios lal, ca ꞌüsüs la mijicj niswá jupj jos jinwá. Mpes tꞌücꞌ way Dios ꞌüsüs la mijis yupj mpes. Ca nacj nepénowa tꞌücꞌ way tulucj sin ꞌyüsa lajay neꞌaj. Jis capj mpꞌaꞌsá tꞌücꞌ way ca mponecj niswá. Tꞌücꞌ way tulucj sin ꞌyüsa lajay na, yupj lajay la pꞌa ma japon Dios

El Nuevo Testamento en Tol de Honduras, 2da ed. ©2010, Wycliffe Bible Translators

677

HEBREOS 12

lal quinam. Yupj tuncuy jinwá. Malala se palá gente jis lal tuncuy jalá na. Nin pꞌiyá niná, malala se palá wa gente jis lal, yupj sin ꞌyüsa lajay mpes. 16 Ca nacj nun popa nepénowa quelel neꞌaj jamanun sejatsꞌom tulucj. Ca nacj nequem nepénowa quelel lyawun̈ jis vayum tulucj jilal. ¡Ma la müjí niná, nun pjü way! Ca nacj nepénowa yupj sin nin ma jisas Dios jos jinwá. ¡Nujos tꞌas Dios jos jinwá! Ma la müjí Esaú la tjiji jinwá. Jupj ma jostsja Dios tjeꞌyaya jupj lal. Dios tjeꞌyaya jupj lal, Esaú vender la tjiji ꞌücj lo las, la pjaní vecj péꞌetsja na. 17 Nun solejé Esaú popay quelel péꞌetsja na, Esaú jostsja jupj popay maꞌayas jupj lal niná jupj jutsꞌaꞌatsja Dios tjeꞌyaya mpes. Popay ma tjeꞌyaya niná lovin. Po la tjemyona popay lal, la tipiya; newa nin, popay ma polel tjeꞌyaya niná. Nasa tjevele niná ca la mijis jupj tsüipe mpes. 18 Lovin nujisas tꞌas Dios nu tjeꞌyayá. Nu tjeꞌyaya ꞌücj ca neꞌaj nlawú Dios ntꞌa. Niná más ꞌüsüs way israelpan* tjil ntꞌa lal. Püna israelpan neꞌas tjil jocꞌ ntꞌa, jocꞌ niná Sinaí lotsja jupj. Nun ma tjalawiqué yupj jilal. Püna nin tepyala niná. Nun nujola pyala tsjan tepyalá neꞌaj. Nasa neꞌas tjelyawun̈ na, ꞌawa püné pwetsja. Pajal püste waytsja neꞌaj. Yümücj jas tjelyapjünütsja neꞌaj. 19 Yupj tjepjyacan̈ trompeta la tjipjyusa, yümücj pjactsja. Vele pjac tjepjyacan̈ wa. Vele pjac tjepjyacan̈ na, pajal la tjomon ma niswa mveles; 20 pajal lacj tjeyaptsja, pajal yólatsja yupj. Dios nasa tjijyüꞌta: “Po ma po la tjoꞌotꞌé jocꞌ niná. Pjaní po le ꞌetꞌé na, najas pe la ntsꞌiyá jupj poꞌó, la ꞌünan. Animal po le ꞌetꞌé na, najas pe la ntsꞌiyá wa la ꞌünan jupj”, nin tjevele. 21 Gente pajal lacj tjeyaptsja nin tepyala mpes neꞌaj. Moisés* pꞌiyá tjevele: “Nin cyücüyǘ lecj jeyá mpes”. 22 Más ꞌüsüs nu tepyala. Dios Jatjam ꞌüsüs la tjiji nun mpes, ne nun ꞌücj neꞌas nlawú Dios ntꞌa tsjun poꞌó. Neꞌaj Sión* ló. Sión niná Jerusalén jin pꞌiyá tsjun poꞌó. Wa pülücj lejen̈ neꞌaj. Neꞌaj püꞌü Dios, jupj ne püꞌü lovin. Neꞌaj angelpan* pajal pülücj ca nlüjün̈, yupj pjü way ꞌa mulú pajal ꞌüsüs ca mvelecj Dios poꞌó. 23 Neꞌaj Dios tsꞌuyupj pjü way ꞌa jis mulus ca. Pajal ꞌüsüs way ca la mijis Dios yupj pjü way mpes, yom liji jinwá jatjam mwalá way mpes. Dios jis lá tepyaca neꞌaj, mpes yupj ꞌücj mpatjam neꞌaj. Dios püꞌü neꞌaj. Neꞌaj ca mveles pjü gente jis lal ncu ꞌüsüs way yupj, ncu malala way yupj. Dios la tjiji gente pülücj ꞌüsüs jupj lal, yupj pülücj way nasa tecyaꞌlin̈ yupj. Yupj neꞌaj patja quinam Dios lal. 24 Jesús maꞌajam wa neꞌaj. Yas nam Dios tjevele gente ꞌüsüs jupj lal se palá, nin lajay na pjü Moisés* tjevelá.

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 12, 13

678

Locopyaya más ꞌüsüs la tjiji Dios. Tjevele gente ꞌüsüs nsem jupj lal Jesús mpes. Abel ꞌos tepyala, tepeꞌe, jupj tsüipe malala la tjiji mpes. Solejé Abel pajal ꞌüsüs waytsja. Jupj ꞌos tepyala mpes, Dios cus tyüla jupj tsüipe. Pꞌa casá tepyala Jesús ꞌos tepyala mpes. Dios ꞌüsüs la tjiji cupj mpes Jesús tepeꞌe mpes. Jupj ꞌos mpes, Dios perdonar la qjuis tjiji malala la tjijicj. Jupj ꞌos mpes, cupj ꞌüsüs Dios lal, nin qjuis tepyala. 25 Mpes po nujos tꞌas nun Dios tjevelá. Ma nujos Dios tjevelá, tꞌücꞌ way Dios ca nucopj ntülüs. Püna Dios jis capj tyüla ma quelel pjyacan̈tsja mpes; ma jisastsja na Dios tjevelá. Yom pꞌin tjevele niná yupj jilal. Mpes tꞌücꞌ way pajal ca nucopj ntülüs wa, nun ma nujisas na jupj tjevelá. Jupj nasa tjevele nun jilal, tsjun poꞌo jáꞌasa jupj. 26 Israelpan* tjelyawun̈ na Sinaí ntꞌa, ꞌamá jus tiquitsꞌe Dios tjevele na. ꞌAmá ca jus nquitsꞌis niswá, nin ca la mijis Dios. Jupj Popel qjuisin ꞌyüsa liji jupj tjevelá. Tjevele: “La pjaní wa ꞌamá ca jus nquitsꞌis niswá la mejay napj. Nin tepyala na, ꞌamá pꞌin tulucj ca jus nquitsꞌis. Pjü way tsjun poꞌo ca jus nquitsꞌis wa, nin ca la mejay napj.” 27 Tjevele la pjaní wa jupj ca nin la mijis niswá. Mpes qjuisin ꞌyüsa pjü way ca jus nquitsꞌis, niná pjü way ncawajas ca. Pjü la tjiji Dios, niná pjü way ncawajas ca. Pjaní way jáꞌasa ma ca jus nquitsꞌis. Jos niná pꞌin ma ncawajas ca, mpes ca nin la mijis jupj. 28 Dios jyüꞌtá ma ca jus nquitsꞌis. Niná ma ncawajas ca. Cupj Dios jutsꞌaꞌá, lovin ca mpatjaquecj jupj ntꞌa. Mpes más ꞌücj wiꞌiquecj Dios lal. Más ꞌücj ꞌüsüs tsjiꞌ lijicj jupj mpes. Tsjiꞌ lojí na jupj mpes, nujola tꞌas pajal ꞌüsüs way jupj. Lovin nujola tapalas jupj más püné pjü way jilal. Ninana ꞌüsüs way. 29 Más ꞌücj lovin lijicj Dios jos jinwá. Nujola tapalas, ꞌawa pwe na pjü cyawaja pwe ntꞌa. Dios nin polel liji wa cupj ncawajas, cupj malala lijicj.

13

Ninana ꞌücj la mijicj ne Dios ꞌücj jos mpalas.

1 Nujola tapalas, nun Dios tsꞌuyupj, nun jis pülücpan nun pjü way. Nun quelel la tjüjitsja nunwá. Lovin nin la müjí. 2 Nenéyawa gente campa mpe jiquil, nun ma yus nucú. Jis tjaꞌayá jis la las, jis tjaꞌayá wa jis la pütꞌüs, jis la jas nun potjaqué ntꞌa. Nun solejé nepénowa nin la tjajay. Locopyaya jus nlaytsja ninana yupj ntꞌa tjiquil angelpan* waytsja yupj, gente waytsja tulucj yupj. Mpes campa mpe jiquil na, ꞌüsüs la müjí yupj mpes. 3 Dios tsꞌuyupj nepenowá cawilta moꞌo jatja. Nujola tꞌas yupj mpes, jis maꞌayá yupj jisas. Najas jus nlayé malala way neꞌaj. Mpes ꞌaplijila

El Nuevo Testamento en Tol de Honduras, 2da ed. ©2010, Wycliffe Bible Translators

679

HEBREOS 13

way tꞌas neꞌaj way jatja yupj. Tꞌücꞌ way gente malala lajay Dios tsꞌuyupj nepenowá jilal. Nujola tꞌas yupj mpes ꞌotsꞌipj, jis capj mpꞌaꞌsá. Ca nacj pꞌa jyawca na nin pꞌiyá ca nu mpalas. Ca jisas nsem la pꞌa ca nucopj mpꞌaꞌsacj. Mpes jis capj mpꞌaꞌsá yupj quinam. 4 ꞌÜsüs way gente tjewyayin̈. Más ꞌücj lovin ma lyawun̈ la pꞌa jilal. Dios jos niyom tjewyayin̈ lovin ma neꞌaj jamanun la pꞌa nequem. Dios jos nequem tjewyayin̈ lovin ma lyawun̈ la pꞌa niyom jilal. Tꞌücꞌ way nepénowa nin lajay, neꞌaj jamanun la pꞌa nequem. Nequem nepénowa lyawun̈ la pꞌa niyom jilal. Ma tjewyayin̈ nepénowa nin pꞌiyá lajay. Ninana pajal malala way, Dios ca jis capj ntülüs nin lajay mpes. 5 Nepénowa lovin yola tꞌemel mpes; tꞌemel pülücj jisas. Ma yupj jinwá nujola tꞌas. Más ꞌücj ꞌüsüs way nujola nsem quina toꞌá mpes pꞌin. Dios tjevele: “Lovin ma ca mis nun mpe. Nun ma ca nusapj nsem”, nin tjevele Dios. 6 Mpes cupj polel velecj: “Nejepa Dios ncapj pꞌyaꞌsa. Ma lecj jeyá napj. Ca nacj la pꞌa malala quelel la niji; newa nin, ma lecj jeyá, Nejepa Dios ncapj cyon̈ca, ne nin.” Selecj Dios tꞌücꞌ way qjuis capj cyon̈ca, mpes ꞌücj nin velecj. 7 Nujola pyala niyom tjiquil, nun jilal tjowelepj Dios Popel mpes. Pülücj way nusin tjiꞌyüsa la tjajay. Yupj lovin ꞌüsüs topontsja Dios lal. Yupj newa japontsja Dios lal, nasa tecyaꞌlin̈ na. Nujola tꞌas niná. Nin pꞌiyá la müjí yupj la tjajay jinwá. 8 Nun jilal tjowelepj Jesucristo poꞌó. Tjowelepj tꞌücꞌ waytsja. Niná tꞌücꞌ way custjay. Lovin tꞌücꞌ way ca nsem. 9 Nepénowa neꞌas jil nun ntꞌa, pꞌa casá pꞌin javelepj yupj. Ma mponé nun. Ma la müjí yupj javelepj. Cupj polel lijicj Dios jos jinwá, Dios la tjiji mpes. Jupj qjuis capj tjepꞌyaꞌsa jupj sin nin jostsja mpes. Nepénowa javelepj más ꞌücj nin lojí judiopan* la tjajay jinwá püná. Javelepj pis jaꞌayapj Dios lal; niná lojá na, ꞌüsüs nu mpalas, javelepj. Tꞌücꞌ tulucj. 10 Sacerdotepan* jaꞌayapj Dios mpes, ꞌüsüs jis la pal gentá. Nin lajay Dios wo ntꞌa, quiꞌá nosis casá. Nin pꞌiyá qjuis tepyala Cristo tepeꞌe na cruz* poꞌó. Más ꞌüsüs way qjuis tepyala Cristo tepeꞌe mpes. Ninana ma se palá sacerdotepan jilal, yupj ninana ma japon mpes. 11 Nujola pyala sacerdote* más püné pjü año na la pjaní ꞌyüꞌna animal witjacj, animal jis ꞌas tꞌya Dios wo moꞌó, cuarto pjyapja ntꞌa.

El Nuevo Testamento en Tol de Honduras, 2da ed. ©2010, Wycliffe Bible Translators

HEBREOS 13

680

Jis ꞌas li tꞌe neꞌaj. Nin liji Dios ma ca jola nsem malala nyuca la tjajay israelpan*. Nujola pyala niná animal tecyaꞌlin̈ la locjocj gente patja mpe, jaꞌüm neꞌaj. 12 Mpes nin pꞌiyá tepyala Jesús lal. Pjeꞌá tjüꞌünan wa Jesús gente tapatja mpe. Nin mpes, Dios quina perdonar la siji gente malala la tjajay, Jesús ꞌos mpes. Yupj lovin ꞌüsüs Dios lal, nin se palá. 13 Mpes más ꞌücj quina ma qjuisas sacerdotepan* lajay. Pꞌa casá tepyala, más ꞌüsüs tepyala. Más ꞌücj se con̈cocj Jesús quinam. Nepénowa ma jisastsja Jesús. Ca nacj ma ca jisas nsem wa cupj, cupj Jesús se con̈cocj mpes. Ma nin nujola tꞌas. 14 Ma nin qjuiyola cupj; selecj pꞌa jawas ca mpatjaquecj pülücj patja ntꞌa tsjun poꞌó. Pjü pülücj patja ntꞌa nosis casá ncawajas ca. Más ꞌüsüs tsjun poꞌó. 15 Cupj polel velecj Dios lal Jesús mpes. Mpes más ꞌücj lovin ꞌüsüs velecj Dios poꞌó. Nin velecj na, ꞌyayacj jinwá lijicj jupj lal. Tꞌücꞌ way nin velecj jupj ne Dios. ꞌÜsüs velecj na jupj poꞌó, ꞌyayacj jinwá lijicj jupj lal. 16 Lovin ꞌüsüs la müjí la pꞌa mpes. La pꞌa wa jisas, ꞌücj so ꞌoyá wa yupj. Nin lojí na, Dios lal ꞌoyá jinwá niná. ꞌÜcj jos pyala jupj. 17 Nepénowa nusin ꞌyüsa lajay Dios Popel mpes; la müjí yupj javelepj jinwá. Yupj pajal yola nun mpes, lovin nusin ꞌyüsa lajay ꞌüsüs way lojí. Pꞌa jawas Dios ca mveles yupj jilal ncu ꞌüsüs la tjajay. La müjí yupj javelepj, mpes ꞌücj jisas nsem nusin ꞌyüsa lajay na. Ma lojí na yupj javelepj jinwá, tsjay ꞌaplijila way nsem yupj. ꞌÜsüs tulucj ca nu mpalas. 18 Qjuisas mvelé nun Dios lal cupj mpes. Selecj nin la tjijicj Dios jostsja jinwá. Qjuisas lovin ꞌüsüs la mijicj cupj. 19 Po najas nun welé Dios lal cupj mpes. Najas lo moná jupj len̈ way ca nin majamas, ca mis niswá nun ntꞌa. 20 Cupj ma qjuiyola pjü mpes, Dios nin liji. Jupj Jesús jas tjijyünsa tecyaꞌlin̈ mpe, tüpüꞌü niswá. Dios tjevele jin ca la mijis cupj mpes. Nin la tjiji Jesús ꞌos mpes, cupj lovin ꞌüsüs nsem Dios lal. Tꞌücꞌ way Jesús qjuis jyama cupj, yom jupj oveja* jyama jinwá. Jesús pajal ꞌüsüs way, jupj cupj qjuis Jepa Püné. 21 Najas nun pjü way lojí Dios jos jinwá. Jupj ꞌüsüs way selé tsjan la mijis nun mpes, ne nun ꞌüsüs ca la müjí jupj jos jinwá. Najas jupj nin liji nun mpes. Najas jupj nin la qjuisiji jupj jos jinwá. Jupj nin liji cupj mpes, Jesucristo la tjiji mpes. Janmacj ꞌüsüs ca mvelecj Jesucristo poꞌó. Amén.

22 Natjampan,

Tecyawaja tepyaca.

po najas nun ꞌüsüs nusin ꞌyüsa napj tepyac mpes. Ma pülücj way tepyac. Najas ꞌücj nujisas nsem, mpes tepyac. El Nuevo Testamento en Tol de Honduras, 2da ed. ©2010, Wycliffe Bible Translators

681

HEBREOS 13

23 Najas

nun ca jus nlayé yupj jas tjajam quinam Timoteo cawilta mpe, jupj ne cupj qjuis catjam. Ca nacj len̈ way ncuwim napj ntꞌa, mpes jupj ncapj ncon̈cos jum na nun ntꞌa. 24 Süs wa la müjí pjü way nusin ꞌyüsa lajay jilal. Dios tsꞌuyupj pjü way neꞌaj süs wa la müjí wa. Dios tsꞌuyupj nepénowa Italia mpe neꞌespan quiꞌá jatja. Yupj pjü way süs wa la tjajay yupj. 25 Najas Dios lovin ꞌüsüs la mijis nun pjü way mpes.

El Nuevo Testamento en Tol de Honduras, 2da ed. ©2010, Wycliffe Bible Translators

Papel niná Santiago tepyaca Süs wa la tjiji.

1

1 Santiago* napj. Napj Dios jomozo, Nejepa Jesucristo jomozo wa napj. Niná papel pyac napj nun mpes, nun judiopan*, napj mpülücpan nun. Papel niná nun pjü way mpes, nun pjü jun taꞌá tjalawú, pꞌa ntꞌa la pütꞌüs. Najas ꞌüsüs potjaqué nun.

Malala pyala na, Dios ca nucopj mpꞌaꞌsas.

2 Natjampan,

nenéyawa malala nu pyala. Pꞌa casá malala nu pyala lovin. Nin pyala na, pajal ꞌücj nujos tꞌas. Nujola tapalas ninana ꞌüsüs ca nsem nun mpes. 3 Malala nu pyala na, nun ca nucú ncu tꞌücꞌ way poné nun Dios lal. Más ꞌin costa way poné Dios lal, malala pyala na. Niná nu pyala na, nusin ꞌyüsa ꞌonin ca ꞌüsüs la müjí lovin. Nun solejé niná 4 mpes newa ꞌüsüs la müjí malala pyala na. Nin lojí mpes nun ca nusin müꞌüsüs pjü way niná Dios jos nusin ꞌyüsa. ꞌÜcj ca pjü la müjí Dios jos jinwá. Pjü ntaꞌá ca pjü ꞌücj la müjí nun. 5 Ca nacj nun ma solejé tsjan más ꞌücj la cüjí, malala pyala na. La müꞌüyá nun Dios lal. Jupj ca nusin müꞌüsüs la mijis. Pülücj way se ꞌaya pjü way jis lal, yupj la mon na. Tsꞌüise tulucj jupj. Ma jis capj velele la mon mpes. 6 Nun lo moná na Dios lal, mponé Dios ca nu maꞌayas nun la tjomoná. Malala ꞌotsꞌotsꞌ way pꞌin poné. ꞌOtsꞌotsꞌ way pꞌin japon, nenéyawa japon, nenéyawa ma japon. Mar lo pjetsꞌepjetsꞌe jinwá yupj, lüpjǘ mpes pajal lo pjetsꞌepjetsꞌe jinwá. 7 Nun popa pjaní ꞌotsꞌotsꞌ way pyona, ma polel la taꞌes qjuis Jepa Dios ꞌyayá. Más ꞌücj ma jola Dios ca maꞌayas jupj ma pyona na. Dios ma ca maꞌayas jupj

682 El Nuevo Testamento en Tol de Honduras, 2da ed. ©2010, Wycliffe Bible Translators

683

SANTIAGO 1

la tjemyona. 8 Nenéyawa pyona, nenéyawa ma pyona. Mopꞌin pꞌa casá jola jupj. Nin mpes ma polel ꞌüsüs liji Dios jos jinwá. Nenéyawa ꞌüsüs liji, nenéyawa malala liji jupj.

9 Nenéyawa

Más ꞌücj ma nin nujola tꞌemel mpes.

Dios tsꞌuyupan tꞌemel cjuwá yupj. ꞌÜcj jisas mpatjam wa yupj. Ca yola mpalas Dios lis tjiji yupj ꞌüsüs quinam, yupj noypan quinam la tjiji jupj. 10 Nenéyawa Dios tsꞌuyupan tꞌemel pülücj jatatj. Yupj ma noypan jin yola nsem yupj pꞌiyá tꞌemel pülücj jatatj mpes. Ca yola mpalas yupj tsjictjacj Dios lal, nin mpes ca ꞌücj jisas nsem wa yupj. Pꞌa jawasa ncaꞌlin̈ wa yupj, tsjutsj tsꞌutus jinwá. 11 Pajal vyaja pwe mpes tsꞌüique tsjutsjum. Tsꞌutus palá yaca. ꞌÜsüs way jústatsja ꞌin lacasana way; locopyaya ꞌüsüs justa tulucj. Nin pꞌiyá gente pülücj jatatj ncaꞌlin̈ wa ca. Custjay tsjiꞌ lajay na tꞌemel mpes, ncaꞌlin̈ yupj.

12 Nenéyawa

ꞌÜsüs la müjí malala pyala na.

malala nu pyala. Más ꞌücj ꞌüsüs so con̈có Dios, malala nu pyala na. Nun popa pjaní nin liji, ꞌüsüs jos nsem jupj. Tecyawaja na malala tepyalá, Dios ca mveles jupj ꞌüsüs. Dios ca la mijis jupj lovin mpüꞌüm jupj lal. Pjü way Dios quelel lajay ca mpatjam Dios lal lovin. Dios tjevele ca nin la mijis yupj mpes. 13 Nenéyawa gente quelel malala lajay. Yupj quelel malala lajay na, más ꞌücj ma javelepj Dios la tjiji yupj quelel malala lajay. Dios lovin ma quelel malala liji; lovin ma nin liji jupj. Ma wa liji la pꞌa wa quelel malala lajay. 14 Malala lajay, yupj sin nin quelel malala lajay. Yupj pꞌiyá po jisas mpes nin yola ca malala la mijicj. Yupj pꞌiyá yola pajal ꞌüsüs ca nsem malala lajay na. 15 Po jisas mpes, tꞌücꞌ way malala nyuca lajay locopyaya. Tꞌücꞌ malala la tjajay na, Dios sa con̈ tulucj. Cyaꞌlin̈ pꞌin malala la tjajay mpes. 16 Natjampan, napj pajal quelel la nusejay nun. Nin mpes nin velé. Po ma nujus ntsawilí nun pꞌiyá. 17 Dios pꞌin ꞌyaya tsjan ꞌüsüs cupj mpes. Jupj ꞌyayá, mopꞌin ꞌüsüs, malala tulucj. Jaw la tjiji jupj. Pjü pjulacj la tjiji. Mümüy wa, lotsꞌacꞌ wa la tjiji. Jupj más ꞌüsüs yupj jis lal. Yupj pjü way sa juyuy. Nenéyawa jyawca, nenéyawa püste, sa juyuy mpes. Dios nin tulucj. Mopꞌin ꞌüsüs way jupj. Jupj ma pꞌa casá pyala. 18 Jupj jostsja mpes cupj jupj tsꞌuyupan qjuis tepyala. Tꞌücꞌ way tjevele cupj qjuis lal, mpes nin qjuis tepyala. Jupj jostsja ca nin nsem, jupj tjevele mpes pꞌin. Nin mpes pjü gente sin popé, cupj mwalá way se con̈cocj Dios. Cupj Dios jutsꞌaꞌá, yom Dios lal ꞌyayá jinwá.

El Nuevo Testamento en Tol de Honduras, 2da ed. ©2010, Wycliffe Bible Translators

SANTIAGO 1, 2

19 Natjampan,

684 Nin la müjí Dios Popel vele jinwá.

napj quelel la nusejay nun. Nin mpes nin velé. Nusin tjüꞌüsüs niná. Tjapjaꞌaqué nun pꞌa witjacj javelepj na. Nun quelel welé na, ꞌüsüs nujola tꞌas tsjan ꞌücj la veles. Ma ca tsꞌi miꞌiná len̈ way. 20 Gente tsꞌa ꞌin na, ma Dios jos jin lajay. Dios jos ꞌüsüs lajay jupj jos jin. 21 Mpes po ma malala nyuca la müjí quinam, püna la tjüjí jinwá. Püna nun po malala nyuca quelel la tjüjí. Pjü way niná, pjü ma ca la müjí quinam. Nasa solejé nun Dios tjevelá. Nujisas tꞌas niná jupj tjevelá, ne nin nujola tꞌas nun ca nin la müjí jupj tjevele jinwá, tsjictjacj jinwá. Dios tjevelá mpes ca jus nlayé ꞌonin ne ꞌücj la pütꞌüs Dios lal. 22 Lovin la müjí Dios Popel vele jinwá. Pjoꞌoqué pꞌin malala. Malala ma lojí jupj jyüꞌtá. Nun nujola pjoꞌoqué pꞌin ꞌüsüs ca nacj. Niná nujola na, nujus tsuwilí nun pꞌiyá. 23 Ca nacj yom pjaní Dios Popel pjoca la pꞌin, ne ma liji Dios jyüꞌta jin. Jupj nin pꞌiyá liji yom wola te wine jinwá. Wola jus tjinyuca ca nacj espejo moꞌó. 24 Jupj tjinyuca wola te, mopꞌin ma wola la tepeꞌe. Tjemey la pꞌin. Len̈ way joꞌ tepeꞌe ꞌoyn nyuca jupj wola tjinyuca. 25 Nin tulucj yom pꞌa wa, jupj po ꞌüsüs way pjoca Dios tjijyüꞌtá. Jupj jola Dios tjijyüꞌta mpes, ne nin liji Dios vele jin. Ma joꞌ peꞌe jupj tjapjacá. Nin liji pꞌin, mpes ꞌüsüs ca mpalas jupj. Cusapj cupj malala lijicj newa. Dios Popel jyüꞌta jin lijicj na, ꞌücj ma malala lijicj. Dios Popel ꞌüsüs qjuisí jütüta, malala tulucj.

26 Nepénowa

Dios so con̈có na, ꞌüsüs lojí nun.

yola yupj ꞌüsüs tsjiꞌ lajay quinam Dios mpes, malala yupj newá. Ma ꞌin jajamapj yupj javelepj, mpes malala javelepj. Nin mpes ma tꞌücꞌ way tsjiꞌ lajay Dios mpes. Yupj sin yus tsuwil yupj pꞌiyá. 27 Napj ca mvelé tsjan más ꞌücj la mijicj cupj. Ninana ꞌüsüs Dios lal, malala tulucj. Ninana lijicj na, ꞌüsüs tsjiꞌ lijicj qjuis Papay Dios mpes. Dios jos cupj quelel la sijicj jis papay tulucj, malala jis tepyala mpes. Jupj jos quelel la sijicj wa jis vayum tecyaꞌlin̈, malala jis tepyala na. Jis capj mpꞌaꞌsacj jos jupj. Dios jos cupj ma malala nyuca lijicj. Gente ma jisas Dios, malala nyuca lajay yupj; cupj ma ca nin la mijicj.

2

1 Natjampan,

Quelel la müjí pjü way.

qjuis Jepa Jesucristo pajal ꞌüsüs way jupj, pajal püné way jupj. Dios jupj, ne nin. Nun nasa toponé jupj lal, mpes quelel lis müjí pjü way, pülücj jatatj ꞌotsꞌipj, cjuwá ꞌotsꞌipj, quelel lis müjí. El Nuevo Testamento en Tol de Honduras, 2da ed. ©2010, Wycliffe Bible Translators

685

SANTIAGO 2

Nin pꞌiyá la müjí pjü way mpes. 2 Nun ꞌa nu tjimyula ntꞌa, yom pjaní jacꞌ ca nacj, pülücj tyaꞌa jupj. ꞌÜsüs way justa jupj jas quip. Anillo jas jaw way mos poꞌo jáꞌasa jupj. Yom pꞌa wa jacꞌ ca nacj, tꞌemel cjuwá jupj. La tsꞌücj jas quip. 3 Nun pajal quelel lojí yom jas quip ꞌüsüs way justa ca nacj. Nun welé jupj lal: “Ntꞌiꞌisa quiꞌá jipj, silla ꞌüsüs casaꞌá”. Nin welé tulucj yom maꞌajapj lal ca nacj, jupj ne jas quip la tsꞌücj. Nun welé jupj lal: “Jutja, ntjojom jipj neꞌaj”. Ca nacj nun welé: “Ntꞌiꞌisa jipj ꞌamá ꞌalá ntsjam ntꞌa”. 4 Malala nin. Nin lojí na, nun nujola nun pꞌiyá solejé cana nun popa más ꞌüsüs. Jepa malala nyuca jola jinwá lojí nun. 5 Natjampan, napj quelel la nusejay. Nusin tjüꞌüsüs napj velé. Dios lis tꞌya gente jis tꞌemel cjuwá witjacj. Nosis ntꞌa patja nin yola yupj cjuwá. Cjuwá tulucj yupj. Dios ꞌüsüs la tjiji yupj mpes. Jupj jostsja yupj pajal ꞌüsüs way mponecj jupj lal. Jupj jostsja yupj jupj jatjampan nsem, ne ca müjüꞌtücj wa yupj, jupj jyüꞌta ntꞌa. Dios nasa tjevele ca nin nsem yupj jis lal. Tjevele pjü way quelel lajay jupj, pjü way yupj ca müjüꞌtücj wa jupj jyüꞌta ntꞌa. 6 Nun ma nujola Dios jola jinwá. Nun malala tjowelé cjuwá jis lal. ¿Tsjan mpes quelel lojí pülücj jatatj? Pülücj jatatj malala lajay nun jis lal. Tꞌemel pülücj se palá yupj, nun pajal tsjiꞌ lojí mpes. Yupj jil wa jepapan ntꞌa, jatꞌ javelepj nun mpes. 7 Yupj malala javelepj wa Jesucristo poꞌó, jupj ne pajal ꞌüsüs way. Jupj la nu tꞌya. Nin mpes malala nin nun nujola yupj pajal ꞌüsüs la pꞌa jis lal. 8 Dios Popel vele: “Quelel lis mijin neꞌaj patja popa pꞌiyá. Jipj pꞌiyá quelel la ꞌejay jinwá, ca quelel lis mijin yupj.” Ninana qjuis Jepa Püné qjuis tjijyüꞌta. Ninana lojí más ꞌüsüs pjü lojí lal. Ninana ꞌüsüs lojí na, ꞌücj lojí. 9 Nun ma quelel lojí pjü way, tꞌemel cjuwá ꞌotsꞌipj, pülücj jatatj ꞌotsꞌipj, nun malala lojí. Ca nacj ꞌüsüs lojí pülücj jatatj mpes pꞌin. Nin lojí na, ma lojí Dios tjijyüꞌta jinwá. Jupj Popel vele nun ma la tjüjí jupj tjijyüꞌtá. 10 Ca nacj nun ꞌüsüs lojí pjü way Dios Popel tjijyüꞌta jinwá. Pjaní way pꞌin ma lojí. Pjaní ma lojí, pjü way ma lojí jinwá. Jas tüpwes ma lojí niná jupj tjijyüꞌtá. 11 Napj ca mvelé tsjan mpes nin velé. Dios tjijyüꞌta yom ma neꞌaj myaꞌna jatsꞌom tulucj. Tjijyüꞌta wa ma jis la ꞌünan gentas. Ca nacj nun ma neꞌaj moꞌnú nun sejatsꞌom tulucj; nun ꞌüꞌná pꞌa wa la pꞌin. Nun jupj tjüꞌüꞌná mpes, nun ma lojí Dios tjijyüꞌta jinwá. 12 Pꞌa jawasa Dios ca mveles ncu ꞌüsüs la tjüjí jupj Popel jyüꞌta jinwá. Najas ꞌüsüs la müjí nun. Najas ꞌüsüs ca mvelé wa. Püna ma polel ꞌüsüs lijictsja. Más ꞌüsüs qjuis tepyala quinam. Dios Popel jyüꞌta jin lijicj na, ma malala la qjuijicj. 13 Mpes nun popa pjaní

El Nuevo Testamento en Tol de Honduras, 2da ed. ©2010, Wycliffe Bible Translators

SANTIAGO 2

686

ma cus tjepꞌyaꞌsa la pꞌa wa, jupj malala tepyala na, Dios ma wa ca cus mpꞌaꞌsas niná, nun popa pjaní. Dios ca mveles jupj malala. Más ꞌücj jis capj pꞌoꞌsá la pꞌa. Nin lojí, Dios ma ca mveles nun malala. 14 Nepénowa

Dios tsꞌuyupan ꞌüsüs lajay yupj.

javelepj yupj japon Dios lal, mopꞌin ma ꞌüsüs lajay yupj. Ma ꞌüsüs lajay, ma tꞌücꞌ way japon Dios lal. Nin mpes yupj ma polel mpatjam Dios lal. Dios ma perdonar lis tjiji yupj custjay. 15 Dios jos ꞌüsüs lajay wa yupj. Ma jos javelepj pꞌin. Ca nacj Dios lal japon popa pjaní pülül cjuwá. Yom jupj ca nacj, quepj jupj ca nacj. Ve cjuwá wa jupj ca nacj, nin jawas lo las. 16 Nin mpes nun popa pjaní nin vele jupj lal: “ꞌÜsüs mim. ꞌÜsüs jin nquiꞌpan. ꞌÜsüs nlajan.” Nin vele jupj ca nacj, mopꞌin ma ꞌyaya jupj jos la pütꞌüs. Ma tjeꞌyaya mpes ma tꞌücꞌ way cus tjepꞌyaꞌsa jupj. 17 Nin pꞌiyá nun poné na Dios lal. Poné pꞌin malala. Nun ma ꞌüsüs lojí wa, nun ma ꞌüsüs poné Dios lal. Ma tsjiꞌ lojí Dios mpes. 18 La pꞌa wa pꞌa casá jola napj lal ca nacj. Jupj ca mveles: “Yom pjaní pyona pꞌin Dios lal, ꞌücj nin. Yom pꞌa wa ꞌüsüs liji Dios jos jin, ꞌücj wa niná. Manas ꞌücj.” Nin tulucj. Nun ma ꞌüsüs lojí, napj ma selé ncu tꞌücꞌ way poné Dios lal. Nun ꞌücj ca jus nlayé ncu napj tꞌücꞌ way pyon Dios lal. Napj ꞌüsüs lejay mpes ca jus nlayé. 19 Nun poné Dios pjaní way pꞌin jupj. ꞌÜsüs nin. Nin wa japon lapanenpan. Pajal lacj jeyapj Dios lal. Cyücüyün̈ lacj jeyapj mpes. Newa ma ꞌüsüs lajay yupj. 20 Nin pꞌiyá gente jis lal. Ma ꞌüsüs lajay, ma wa ꞌüsüs topon. ¿Ncu jyas napj jin ꞌyüsa lejay tsjan mpes ꞌücj la pon napj velé? Jipj ma jele jinwá, ne ma jin ꞌyüsa niná. 21 Abraham* pajal püna tüpüꞌü, cupj ne jupj popa pꞌiyá püs naya pyatjaquecj. Pajal ꞌüsüs waytsja Abraham. Jupj tipyünta jupj jatjam Isaac pe casá, la ꞌayas jupj Dios mpes. Nin la tjiji mpes, Dios tjevele ꞌüsüs way jupj. 22 Jupj la tjiji mpes, jipj ca jele mpalas jupj tꞌücꞌ way tepyona Dios lal. Ca jele mpalas wa jupj ꞌüsüs la tjiji. Manas mpes ꞌüsüs tepyala. Jupj ꞌüsüs la tjiji mpes, más ꞌin ꞌüsüs way tepyona tepyala jupj. 23 Nin mpes tꞌücꞌ tepyala Dios Popel tjevelá püná. Tjevele: “Abraham tepyona Dios tjevelá. Mpes ꞌüsüstsja jupj Dios lal; nin tepyala, Dios la tjiji.” Dios tjevele wa Abraham jupj jomica. 24 Nin mpes jipj ca jus nlayen más ꞌücj gente ꞌüsüs lajay. ꞌÜsüs lajay mpes Dios vele yupj ꞌüsüs way. Japon mpes pꞌin, nin vele tulucj. 25 Nin mpes wa Dios tjevele Rahab ꞌüsüs waytsja. Rahab niyom pülücj jis lal tjuwine. Ma ꞌüsüs waytsja jupj. Locopyaya Rahab ꞌüsüs

El Nuevo Testamento en Tol de Honduras, 2da ed. ©2010, Wycliffe Bible Translators

687

SANTIAGO 2, 3

way la tjiji. Jis capj tjepꞌyaꞌsa judiopan* jis auxiliarpan nepenowá. Yupj tjiquil jis la nuc ncu judiopan ꞌücj jis la palan yupj jis lal, pülücj patja ntꞌa. Rahab jis tjeꞌyaya caꞌaj jis la jas. Neꞌaj sin tjejyama wa, yupj jis enemigopan ma jis la tjilil ntꞌa. Nin la tjiji mpes, Dios tjevele jupj ꞌüsüs. 26 Nin mpes nin velé. Ma ꞌüsüs lajay, ma ꞌüsüs way japon. Japon pꞌin ma tsjiꞌ lajay Dios mpes. Nin pꞌiyá jüpꞌüy cjües tulucj. Jüpꞌüy cjües tulucj, tepeꞌe. Ma tsjiꞌ liji.

Nun welé na, ꞌüsüs mvelé nun, Dios jos jinwá.

3

1 Natjampan, ma najas pülücj way nun popa ca sin ꞌyüsa la mijicj pꞌa wa. Más ꞌücj yupj ma ca yola nsem la mijicj niná. Nun solejé Dios ca mveles pjü way jis lal ncu ꞌüsüs la tjajay. Cupj sin ꞌyüsa lijicj la pꞌa wa, Dios jos más ꞌüsüs lijicj la pꞌa jis lal. Malala lijicj, Dios pajal ca nin jola nsem. 2 Pjü way ncupj malala lijicj neneyawá ma selecj mpes. Pülücj way cupj lijicj malala lijicj. Nun popa ꞌüsüs cüweles lovin, tꞌücꞌ way ꞌüsüs way catsja jupj pjü way liji mpes. Lovin ꞌüsüs cüweles, jupj ꞌücj wa ma malala la qjuijis jas tüpwes. 3 Nin pꞌiyá pyala cabayú lal. Cupj freno lama pyüntücj cabayú, jupj ca nin la mijis cupj qjuisas jinwá. Freno lama püꞌü mpes ꞌücj li jyuꞌyucj cabayú. 4 Nin pꞌiyá pyala wa barco* witjacj jis lal. Noypan yupj pajal. Lüpjǘ yümücj si lapjüna mpes len̈ way jil barco witjacj ꞌüsǘ casá. Yo tꞌem barco ꞌalá ton̈ca, mpes ꞌücj la man barcas. Yo niná tsjicj way jupj; mopꞌin yom ꞌücj jay juyuya barcas yo tsjicj way mpes. 5 Nin pꞌiyá pyala qjuis pelam lal. Cupj freno lama pyüntücj Pwelam tsjicj way jüpꞌüy lal. Mopꞌin püné cabayú, jupj ca nin la jinwá vele. ꞌAwa jinwá qjuis pwelam. ꞌAwa mijis cupj qjuisas jinwá. tsjicj, tsjicj way jupj; newa nin, malala liji. (Santiago 3.3) ꞌAwa tsjicj way ꞌiyó pülücj pwe jupj. 6 Cupj qjuis pelam ꞌawa jinwá, ꞌawa püné si müjü. Pjü way malala ꞌücj polel lajay yupj. Cupj qjuis pelam cupj qjuis pꞌüy poꞌo patja, ꞌücj malala la veles. Malala velecj na, malala lijicj wa. Nin mpes pajal malala qjuesé palá cupj pyatjaquecj na pꞌin. Cupj velecj diablo* jos jinwá. 7 ꞌÜcj jis la tjilil, jis la manun animalpan, yupj ca nin la mijicj cupj qjuisas jinwá. Nasa way nin la tjajay nepenowá. Nosis casá lyawun̈ sa

El Nuevo Testamento en Tol de Honduras, 2da ed. ©2010, Wycliffe Bible Translators

SANTIAGO 3

688

manun ꞌotsꞌipj, jis pam mpes lyawun̈ ꞌotsꞌipj, lotsjim ꞌotsꞌipj, ꞌüsǘ moꞌo lyawun̈ ꞌotsꞌipj. Nin tulucj qjuis pelam lal. Yupj ma lajay cupj qjuisas jinwá. 8 Gente pꞌin ma polel ꞌüsüs way javelepj lovin, yupj jisas jinwá. Jis pelam quelel malala nyuca javelepj. Gente quelel ꞌüsüs javelepj na, ma polel nin lajay yupj. Ninana yupj javelepj veneno jinwá gente pꞌa wa jis lal. 9 Qjuis pelam mpes ꞌüsüs velecj nenéyawa, malala velecj nenéyawa. ꞌÜsüs velecj Dios poꞌó. Cupj qjuis Jepa jupj, cupj qjuis Papay wa jupj. Malala nyuca velecj gente sin poꞌó, nenem ꞌa Dios lis tjiji ne yupj jupj pꞌiyá jinwá nsem. 10 Mpes ꞌüsüs velecj pjaní poꞌó, malala nyuca velecj pꞌa poꞌó. Natjampan, ꞌüsüs tulucj nin lijicj. 11 Nin pꞌiyá, ꞌüsǘ ꞌamá popa pyacj na, ma nenéyawa ꞌüsüs, ma nenéyawa vyaja. Nin pꞌiyá lovin. 12 Natjampan, tsꞌoway ma olivo* vyala jupj, tsꞌoway vyala pꞌin. Nin pꞌiyá ꞌanpüpj ma tsꞌoway vyala jupj; ꞌanpüpj vyala jupj. Nin pꞌiyá ꞌüsǘ vyaja lovin vyaja jupj, ma nenéyawa ꞌüsüs. Mpes ca jus nlayé gente malala javelepj pꞌa gente sin poꞌó, ma polel ꞌüsüs mvelecj Dios poꞌó.

13 Nun

Dios tsꞌuyupan ca jus nlayecj tsjan ꞌüsüs la qjuijicj.

popa pjaní selé ꞌonin ne ꞌüsüs la qjuijis ca nacj. Jupj ꞌücj sin ꞌyüsa liji ca nacj. Más ꞌücj jupj pꞌiyá ca ꞌüsüs la mijis. Más ꞌücj lyájasa jupj, nin liji na, tsjicj jinwá. Jupj tꞌücꞌ way si ꞌüsǘ ꞌonin ne ꞌüsüs la qjuijis, ma ca jola jupj pꞌiyá püné. 14 Jipj pajal tsꞌi ꞌin, jomam mpes, jipj ma polel velen jipj jin ꞌyüsa tꞌücꞌ way. Jipj jyas jipj pꞌiyá más püné way nsem la pꞌa wa jis lal, jipj ma polel velen jipj jin ꞌyüsa. Nin jinwá jele na, po ma tsyüpünǘ niná: 15 ma selen tsjan más ꞌücj la cüjay. Dios ma jin tjiꞌyüsa la tjiji jipj ca nin la cüjay. Nosis casá patja jinwá jele jipj, nin lejay na. Nosis casá patja yola yupj jisas mpes pꞌin, ma Dios poꞌo yola, mpes nin lajay yupj pꞌiyá yola jinwá. Diablo* jin ꞌyüsa liji ca nin la mijin jipj. 16 Jipj jomam na, malala ca la mijin wa jipj. Jipj jyas más püné ca nsem jipj la pꞌa jis lal, malala ca la mijin jipj. Pajal ca la mveꞌlen jipj. Pjü malala, pjü ca la mijin wa jipj. 17 Pꞌa casá si ꞌüsǘ liji Dios. Jipj jin tjiꞌyüsa na Dios mpes, jas tüpwes malala jele tulucj. Ma ca quelel la mpaꞌnan jipj, lovin ca jele nsem pꞌa wa mpes. Ma ca la mveꞌlen pꞌa casá jele na. Jipj ca quelel jis capj mpꞌaꞌsan pꞌa wa, malala se palá na, ne tꞌücꞌ way ca jis capj mpꞌaꞌsan. ꞌÜsüs ca la mijin pjü way mpes, ne ca nin la mijin, jipj velen jin pꞌiyá. Nin ca la mijin jin tjiꞌyüsa na Dios mpes. 18 Nin lovin. Gente quelel ꞌüsüs patja pꞌa wa jis lal, ma la velel yupj. Ma wa la palan. Nin lajay mpes, la pꞌa wa yupj ntꞌa ca quelel ꞌüsüs la mijicj ꞌotsꞌipj Dios jos jin.

El Nuevo Testamento en Tol de Honduras, 2da ed. ©2010, Wycliffe Bible Translators

689

SANTIAGO 4

Pülücj patja nta jil vender jis la jay. (Santiago 3.13)

4

Dios tsꞌuyupan quelel lajay Dios jos, Dios jis capj pꞌyaꞌsa.

1 Napj ca mvelé tsjan mpes pajal püs way tsꞌu ꞌinyá nun pꞌa jilal. Ca mvelé tsjan mpes lo velelé pꞌa jilal. Nun po quelel toꞌá nujisas, nin mpes nin lojí. Ma polel toꞌá niná, pajal tsꞌu ꞌinyá nu pyala nun. 2 Nun quelel toꞌá, cjuwá nun newá. Mpes ꞌüꞌná nun, nun quelel toꞌá mpes. Pꞌa jutsꞌaꞌá nujisas nun, mopꞌin ma polel toꞌá jupj jutsꞌaꞌá. Nun lo velelé pꞌa jilal, lo palaná wa yupj jis lal. Nujisas ꞌa cjuwá. Ma la tjomoná Dios lal, ne nin. 3 Nenéyawa nun lo moná Dios lal; newa nin, Dios ma nu ꞌyaya nun lo moná. Malala nujola nun lo moná na, mpes ma nu ꞌyaya jupj. Nun lo moná lo taꞌes nun nujisas la pꞌin. 4 Nun ma tꞌücꞌ way quelel lojí Dios. Nun quelel lojí Dios ma jisas lajay jinwá. Nin lojí na, nun Dios enemigopan. ¿Ncu ma solejé niná? Nin lovin. Gente quelel lajay Dios ma jisas lajay jinwá, yupj Dios enemigopan. 5 Ca nacj nun nujola Dios Popel ma tꞌücꞌ way vele. Vele: “Dios la tjiji

El Nuevo Testamento en Tol de Honduras, 2da ed. ©2010, Wycliffe Bible Translators

SANTIAGO 4

690

cupj. Jupj pꞌiyá qjuis tjeꞌyaya qjuis qjues. Jupj jos cupj ca quelel la mijicj jupj. Tsꞌüise jupj cupj qjuis qjues mpes.” 6 Nin mpes jupj pajal ꞌüsüs quelel liji cupj mpes. Nin mpes jupj Popel vele: “Nepénowa noypan jin yola yupj pꞌiyá. Dios ma se ꞌaya yupj ca nin la qjuijicj yupj jisas jinwá. Nepénowa tsjictjacj jin yola yupj pꞌiyá. Dios jis capj pꞌyaꞌsa yupj, ne ꞌücj ca la mijicj jupj jos jin.” 7 Mpes Dios jyüꞌta jin ca la müjí, jupj pajal püné mpes. Po ma la müjí diablo* jos jin. Nun ma lojí jupj jos jin, jupj ca ntsꞌequenem nun mpe. 8 Cus ncon̈có Dios. Nun so con̈có Dios, jupj ca nucopj ncon̈cos wa nun. Nun malala nyuca lojí. Po ma nin la müjí quinam. Malala nujola. Nujisas Dios; nun quelel lojí wa Dios ma jisas lajay jinwá. ꞌÜsüs nujola tꞌas quinam. Nujola tꞌas nun Dios jutsꞌaꞌá. 9 ꞌAplijila tꞌas nun quinam. Nujola tꞌas nun malala la tjüjí mpes. La tupuyú nun püna la tjüjí mpes. Ma ca mwiꞌiqué quinam; ca la mpuyú la pꞌin. Ma ca ꞌücj jisas nsem quinam; ꞌaplijila nsem la pꞌin. 10 Nujola tꞌas pajal tsjicj way nun Dios lal, jupj ne cupj qjuis Jepa Püné. Nin nujola na, nun más püné nsem ca la mijis jupj.

Más ꞌücj Dios tsꞌuyupan ma malala javelepj pꞌa poꞌó.

11 Mpülücpan,

po ma malala tjowelé nun jis pülücpan sin poꞌó. Nun malala welé nun jis pülücj mpes, nun ma lojí Dios jyüꞌta jin. Nun nujola pꞌin nun jis pülücj malala, nun ma wa lojí Dios jyüꞌta jin. Nin pꞌiyá nin welé malala Dios tjijyüꞌtá. Nun nujola Dios tjijyüꞌtá ꞌüsüs tulucj, nun ma nin lojí Dios jyüꞌta jinwá. Nun nujola nun ꞌücj welé ncu ꞌüsüs Dios tjijyüꞌtá. 12 Tꞌücꞌ way pjaní way pꞌin jyüꞌta. Pjaní way pꞌin polel vele ncu gente ꞌüsüs. Jupj pꞌin ꞌücj jis capj pꞌyaꞌsa, mpes nepénowa ca mpatjam jupj lal. Jupj pꞌin polel liji pajal malala se palá nepenowá. Nin tulucj nun. Nun ma polel lojí niná. ꞌÜcj tulucj nun nujola pꞌa wa malala.

13 Nun

Nun pꞌin ma solejé tsjan ca mpalas.

nepénowa welé: “Pülücj patja ntꞌa ca nlaca yacjaj ca nacj. Neꞌaj año pjaní mpatjaquecj, qjuis tꞌemel ca mpülücüs.” Malala nin welé nun. Nusin tjüꞌüsüs niná: 14 nun ma solejé tsjan ca mpalas yayá. Tsjicj way pꞌin potjaqué nun. Myusca jinwá nun. Myusca tsjicj way

El Nuevo Testamento en Tol de Honduras, 2da ed. ©2010, Wycliffe Bible Translators

691

SANTIAGO 4, 5

lay pyala, locopyaya cyawaja jupj. 15 Más ꞌücj nun welé: “Dios jos cupj ca mpatjaquecj, tꞌücꞌ way cupj ca mpatjaquecj”. ꞌÜcj wa nun welé: “Dios jos nin lijicj, nin ca la mijicj cupj”. 16 Quina noypan jin nujola nun pꞌiyá, mpes noypan jin welé. Ninana nun welé, malala. 17 Solejé quinam Dios ma jos nin welé. Solejé na tsjan ꞌücj la cüjí, más ꞌücj ca nin la müjí. Lovin nin. Ma nin lojí, malala lojí Dios lal.

5

Nepénowa pülücj jatatj tsꞌisin̈ yupj. Dios ca jis capj ntülüs.

1 Nun

pülücj toꞌá jilal velé quinam. Nun nepénowa pajal malala lojí. Nusin tjüꞌüsüs niná. Pajal malala ca nu mpalas malala la tjüjí mpes. ¡Yümücj la tupuyú! 2 Pülücj toꞌá nun. Nusin quip ꞌüsüs way yustapj wa, mopꞌin ꞌüsüs tulucj yupj. Nun toꞌá tjamaja jinwá. Nusin quip la jul jinwá, qjuelejoy moꞌo tjalá jinwá. 3 Nun jis oro* ꞌüsüs tulucj; nun jis plata* ꞌüsüs tulucj wa. Jacalá tepyala jinwá ꞌüsüs tulucj yupj. Nun tsꞌüisiqué pajal. Nun toꞌá, nun mpes pꞌin tjoꞌonsó. Ma nujola la pꞌa mpes. Nosis quelel cyawaja quinam, mpes más ꞌücj ꞌüsüs la müjí ca quinam. Nun ma ꞌüsüs la tjüjí la pꞌa mpes nun toꞌá lal. Nun toꞌá jáꞌasa pꞌin, mojo pꞌin. Nin mpes ca jus nlayé malala la tjüjí. Nin mpes malala ca mpalas wa nun jis pꞌüy, nun toꞌá malala tepyala jinwá. Nun jis pꞌüy müꞌümücj jinwá ca mpalas. 4 Nusin tjüꞌüsüs niná. Dios selé nun ma jis tjaꞌayá yupj jis tꞌemel nun jis mozopan tsjiꞌ la tjajay mpes. Yupj ꞌamá la tjeꞌel nun mpes. La tupuyupj yupj nun malala la tjüjí mpes. La tupuyupj na, Dios tjapjaca. Qjuis Jepa Dios pajal püné jupj. Pülücj way si jütüta jupj angelpan*. 5 Nun pajal ꞌücj nujisas tapatjaqué nosis ntꞌa. Nun toꞌá pajal ꞌüsüs yustapj yupj. Nun nujisas jinwá la tjüjí lovin. Ma ca nin nsem quinam. Malala ca nu mpalas quinam. Nun nu tꞌyüntꞌünǘ, vaca tꞌyüntꞌünǘ lajay jinwá. Quelel jaꞌünan vacasas, nin mpes nin lajay. Nin pꞌiyá ca nsem nun jis lal. (Dios ca nucopj ntülüs.) 6 Niyom nepénowa ꞌüsüs la tjajay Dios jos jin, mopꞌin nun malala tjowelé yupj sin poꞌó. Nun la tjüjí mpes tecyaꞌlin̈ yupj. Nin la tjüjí na, yupj ma la tapalan nun jis lal. Malala la tjüjí nun pajal.

7 Natjampan,

Dios tsꞌuyupan la nuc Jesucristo jacꞌ.

nun solejé nin ca mpalas, mpes newa ꞌüsüs la müjí nun, yupj malala lajay na. La ntjunucú qjuis Jepa Jesucristo jacꞌ. Nin pꞌiyá niná yom sine li nucú jinwá. Yom sine na, vyala li nucú jupj. Vyala po jos jupj. Nin mpes li nucú jupj mwalá way jive mpes. Niswa li nucú locopyaya jive mpes. Li nucú jupj sine ca ntꞌünüs. 8 Nin

El Nuevo Testamento en Tol de Honduras, 2da ed. ©2010, Wycliffe Bible Translators

SANTIAGO 5

692

pꞌiyá la ntjunucú nun. La pꞌa malala lajay na nun jis lal, newa ꞌüsüs la müjí Dios jos jin. Newa jus nlayé Dios ca ꞌüsüs la mijis nun mpes. Len̈ way jacꞌ qjuis Jepa Jesucristo. 9 Nun sejatjampan ma ꞌüsüs lajay nujisas jinwá ca nacj. Po ma tsꞌu tjiꞌinyá nujisas moꞌó yupj lajay mpes. Nun tsꞌu ꞌinyá nujisas moꞌó, malala nin Dios lal. Len̈ way ca ncuwim Jesucristo. Jupj pꞌiyá ca mveles gente sin poꞌó ncu ꞌüsüs la tjajay, jupj jos jinwá. 10 Natjampan, ꞌüsüs la müjí nun, profetapan* ꞌüsüs la tjajay jinwá. Qjuis Jepa Dios sin tjejyama yupj la veles jupj mpes. Malala jis tepyala wa yupj, malala nu tepyala jinwá. Newa ma tsꞌa tjiꞌin yupj, malala tepyala na. Newa ꞌüsüs la tjajay Dios jos jin. 11 Yupj ꞌüsüs la tjajay malala tepyala na. Nin mpes cupj ꞌüsüs velecj yupj sin poꞌó. Nun solejé niná. Nun solejé Job poꞌó. Pajal malala tepyala jupj, newa ꞌüsüs la tjiji jupj. Solejé wa tꞌücꞌ malala tepyala na, Dios ꞌüsüs la tjiji jupj mpes. Nin mpes nun ca jus nlayé nin quelel líjitsja Dios janmacj. Nin jupj lovin. Qjuis Jepa Dios jola cupj mpes. Qjuis capj pꞌyaꞌsa jupj, malala qjuesé palá na. 12 Pꞌa wa quelel nu jyütütj napj. Po najas nin lojí napj jyütütj jinwá. Po ma jurar* la müjí, malala pyala na, ꞌücj jis la pon nun welé. Ma wa jurar la müjí tsjun poꞌó mpes. ꞌÜcj tulucj lu tsuwilí niná welé mpes. Ma wa jurar la müjí nosis mpes. ꞌÜcj tulucj lu tsuwilí niná welé mpes. Jas tüpwes ma ca jurar la müjí. Más ꞌücj nun tꞌücꞌ welé la pꞌin. Tꞌücꞌ la müjí nun tjowelé. Nin lojí, Dios ma ca mveles nun malala nyuca la tjüjí.

Más ꞌücj Dios tsꞌuyupan Dios lal javelepj malala pyala na.

13 Nun

popa malala pyala na, más ꞌücj Dios lal ca mveles jupj. Nun popa ꞌücj jos na, más ꞌücj ca nejetsꞌem Dios ꞌüsüs. 14 Nun popa malala jos na, más ꞌücj ca jis la monas jis la cuwis coꞌmüypan* Dios tsꞌuyupj sin popé. Qjuis Jepa Dios auxiliarpan yupj, mpes aceite* ca jas ncjoꞌlocj malala jos, qjuis Jepa Dios mpes. Nin la tjajay na ca mvelecj Dios lal malala jos mpes. 15 Yupj ca la monacj jupj ca müꞌüꞌsüs. Yupj japon Dios ca müꞌüꞌsüs la mijis jupj, mpes malala jos ca müꞌüꞌsüs. Qjuis Jepa Dios ca jas müjünsüs jupj, tüpüꞌü mpe. Ca nacj malala jos malala nyuca la tjiji püna pꞌin, ne nin mpes malala jos tepyala jupj ca nacj. Dios ca perdonar la mijis jupj. 16 Mpes lovin jis tjowelé nunwá tsjan malala nyuca la tjüjí. Lovin Dios lal mvelé nun pꞌa mpes nun popé. La moná Dios lal jupj ca jis müꞌüꞌsüs la mijis malala jisas. Yom pjaní way pꞌin, ꞌüsüs jupj Dios lal ca nacj. Jusapj le moná Dios lal ca nacj. Jusapj pꞌin jupj polel ꞌüsüs liji pajal, jupj Dios lal vele mpes. Dios ca maꞌayas jupj

El Nuevo Testamento en Tol de Honduras, 2da ed. ©2010, Wycliffe Bible Translators

693

SANTIAGO 5

le moná. 17 Nin tepyala Elías* lal. Elías profeta* waytsja jupj pajal püna. Yom pꞌintsja jupj, cupj jinwá, mopꞌin pajal ꞌüsüs tepyala jupj Dios lal la tjemyona mpes. Jupj po la tjemyona ma ca majawus. Nin mpes año contꞌe, mes séisiya ma tjive nosis casá. 18 Locopyaya jupj la tjemyona Dios lal ca majawus niswá. Nin mpes tjive niswá, nin la tjiji Dios. Niswa tjevelan̈ nosis casá. Nin tepyala yom pjaní Dios lal tjevele mpes. 19 Natjampan, nenéyawa nun popa pjaní ma ca quelel la mijis Dios Popel vele jin. Dios Popel vele tꞌücꞌ way. Más ꞌücj pꞌa wa jupj lal ca mveles, mpes jupj ca ꞌüsüs la mijis niswá. 20 Pꞌa wa jupj lal tjevele mpes, ma ca newa malala la mijis. Pꞌa wa jupj lal tjevele na, cus tjepꞌyaꞌsa wa ma mpaꞌis malala la tjiji mpes. Dios ma ca jola quinam la pülücj malala la tjiji. Nujola tapalas niná.

El Nuevo Testamento en Tol de Honduras, 2da ed. ©2010, Wycliffe Bible Translators

Papel mwalá Pedro tepyaca

1

1 Pedro

napj. Napj ne Jesucristo apostolpan* popa pjaní. Nin tjejyama la veles jupj mpes. Nun mpes pyac niná popelses, nun ꞌa Dios tsꞌuyupj. Dios la nu tꞌya. Quina ma polel nu lo patj püna tapatjaqué ntꞌa. Nun pjü jun taꞌá tjalawú quinam pꞌa ntꞌa la pütꞌüs Dios ma jisas jis lal. Nun nepénowa Ponto popa se jütütj ntꞌa potjaqué, Galacia popa se jütütj ntꞌa potjaqué wa nepenowá, Capadocia popa se jütütj ntꞌa potjaqué nepenowá, Asia popa se jütütj ntꞌa ꞌotsꞌipj, Bitinia popa se jütütj ntꞌa potjaqué wa nun nepenowá. Nun pjü mpes pyac napj. 2 Dios qjuis Papay la nu tꞌya nun. Jupj seletsja nun ca cus ncon̈có, mpes nin nu tepyala nun. Nun Dios jutsꞌaꞌá nu tepyala, Dios Cjües la tjiji mpes. Jupj la tjiji nun ꞌücj la cüjí Jesucristo jos jin. Jupj la tjiji wa Dios ꞌücj perdonar la nutjiji, Jesucristo nun mpes tepeꞌe mpes. Najas Dios ca pajal ꞌüsüs la mijis nun mpes lovin. Najas nun ma nujola nsem pjü mpes, jupj la nusiji.

Dios ca pajal ꞌüsüs la mijis jupj tsꞌuyupj mpes lovin.

3 Najas

ꞌüsüs velecj Dios poꞌó. Jupj pꞌiyá Dios qjuis Jepa Jesucristo lal. Jupj Jesucristo Popay. Dios pajal quelel qjuis capj pꞌyáꞌsatsja. Nin mpes cupj jupj tsꞌuyupan qjuis tepyala la tjiji jupj, ncupj niswa qjuis tjamanun jinwá. Jesucristo tepeꞌe na, Dios jas tjijyünsa jupj la pütꞌüs niswá. Nin mpes cupj selecj lovin ca mpatjaquecj wa cupj Dios lal. 4 Nun jupj tsꞌuyupan, mpes solejé Dios pasal ꞌüsüs ca la mijis nun mpes. Jupj la mijis, niná lovin ma ca cümajam, ma wa ca malala cüpalas, ma wa ca ꞌacawajas. Dios la mijis, niná jupj jyama nun mpes jupj püꞌü ntꞌa. 5 Nun nutsꞌaꞌá ca nsem. Dios nu jyama nun. ꞌÜcj nin liji nun mpes jupj pjü

694 El Nuevo Testamento en Tol de Honduras, 2da ed. ©2010, Wycliffe Bible Translators

695

1 PEDRO 1

way ꞌücj liji mpes. Nun jupj lal poné mpes nin liji jupj. Jupj nu jyama lovin, pjü ꞌücj la qjuijis nun mpes pꞌa jyawca na, ca jupj lal mpatjaqué. Nasa pjü ꞌücj la tjiji jupj ca la mijis. Jesucristo tjacꞌ na, pjü ca la mijis jupj quelel lijá, mpes pjü ca nucucj jupj pajal nucopj tjepꞌyaꞌsa. 6 Nin mpes nun pajal ꞌücj nujisas. Po quina way pꞌin ꞌaplijila nu pyala ca nacj malala nu pyala mpes. La pülücj way malala pyala, ne nin. 7 Newa nin, Dios ꞌüsüs liji nun mpes. Malala nu pyala neneyawá, mpes pꞌa wa ca jus cülayecj tꞌücꞌ way poné nun Jesucristo lal. Nin pꞌiyá niyom oro* jatatj na, quelel salejepj ncu tꞌücꞌ way oro jupj, mpes ꞌawa moꞌo jaꞌonsopj. Nun poné Jesucristo lal; ninana más ꞌüsüs oro lal. Oro pajal pülücj jaylacj, mopꞌin ca ncawajas pꞌa jawas. Nun tꞌücꞌ way poné Jesucristo lal, Dios ca mveles nun ꞌüsüs, ca mveles nun noypan. Ca mveles jupj ꞌüsüs jola nun mpes. Nin ca mveles Jesucristo lay tepyala na nosis casaꞌá. 8 Nun ma jus tjunucú; así nucú secj nun quelel lojí jupj. Ma su nucú jupj quinam; mopꞌin nin, nun poné jupj lal. Nin mpes pajal ꞌücj nujisas nun. Ma polel ꞌüsüs la veles pꞌa lal ꞌonin ne pajal ꞌücj nujisas. Nun pajal ꞌücj nujisas Dios ntꞌa patja jinwá. 9 Nun pꞌiyá ca Dios lal mpatjaqué lovin, Jesucristo lal poné mpes. 10 Profetapan* püna tapatjá, yupj tjowelepj Dios mpes. Tjowelepj jupj pajal ꞌüsüs ca la mijis nun mpes. Yupj tapatja na pꞌin, newa ma sin tjiꞌyüsa ꞌoyn nyuca ca nin la qjuijis Dios, ca nun ꞌücj mpatjaqué jupj lal. Yupj pajal quelel salejeptsja niná, pajal jis la tjüꞌüy yupj. 11 Cristo Cjües yupj jisas moꞌo tüpüꞌü. Jis capj tjepꞌyaꞌsa yupj ꞌücj jis la veles tsjan ca mpalas. Jupj sin ꞌyüsa lis tjiji Dios ca jas majamas Yom pjaní gente jis capj la pꞌacj. Jupj sin ꞌyüsa lis tjiji wa pajal malala ca mpalas ninana Yomen nosis casá; sin ꞌyüsa lis tjiji pajal püné ca mpalas jupj locopyayam. Profetapan quelel salejeptsja pjacj Yomen niná. Quelel salejeptsja wa ꞌona ncuwim jupj. 12 Dios sin tjiꞌyüsa lis tjiji ma ca nin mpalas yupj patja na pꞌin. Yupj tjowelepj cupj qjuisin la ꞌüsüs mpes; yupj pꞌiyá sin la ꞌüsüs mpes tjowelepj tulucj. Ninana yupj tjowelepj Dios mpes, nin pꞌiyá nuwolapꞌaꞌá tjowelepj niyom pꞌa wa quinam. Niyom nenem tjowelepj tsjan ꞌüsüs tepyala quinam Dios la tjiji mpes. Dios jas tjejyama jupj Cjües, tsjun poꞌo nepé tjacꞌ. Mpes ꞌücj tjowelepj niná, Dios Cjües jis capj tjepꞌyaꞌsa mpes. Angelpan* pꞌiyá pajal quelel sin ꞌyüsa niná yupj javelepj. Ma sin ꞌyüsa yupj.

Más ꞌücj Dios sa con̈ ca ꞌüsüs la mijicj, Dios jos jinwá.

13 Dios

nin la tjiji nun mpes. Mpes nujola tꞌas nun ca ꞌüsüs la müjí, jupj jos jin. ꞌÜsüs nujola nsem lovin. Lovin nujola tapalas Dios ca pajal El Nuevo Testamento en Tol de Honduras, 2da ed. ©2010, Wycliffe Bible Translators

1 PEDRO 1

696

ꞌüsüs la mijis nun mpes Jesucristo jacꞌ na. 14 Nun Dios tsꞌuyupan. Jupj jos jin la müjí. Po ma malala la müjí nun, püna la tjüjí jinwá. Püna ma solejetsja Jesucristo ꞌücj la tjiji nun mpes. Nun la tjüjí nun pꞌiyá quelel lojitsja jinwá. 15 Po ma nin la müjí quinam. Nun Dios jutsꞌaꞌá, mpes lovin ꞌüsüs la müjí quinam. Dios la nu tꞌya, nun jupj tsꞌuyupj nu tepyala. Jupj Nupopay quinam. Jupj pajal ꞌüsüs liji lovin, mpes ꞌüsüs la müjí wa nun, jupj jin pꞌiyá. 16 Dios tjevele jupj Popel moꞌó: “Napj ꞌüsüs lejay lovin. Nin mpes ca ꞌüsüs la müjí wa nun, napj jinwá”, nin tjevele Dios. 17 Nun Dios lal welé na, nun welé jupj Nupopay. Jupj pjü gente mpes vele ncu ꞌüsüs la tjajay, vele wa ncu malala la tjajay. Nin pꞌiyá liji pjü jis lal, nun jis lal wa. Jupj vele ncu nin jin la tjajay jupj tjijyüꞌta jin. Mpes nun nosis ntꞌa potjaqué na pꞌin, locj meyá nun malala lojí na. 18 Püna tapatja nun sin popé ma la tjajay Dios jos jin. Yupj sin popa jinwá la tjajay. Nun ꞌa nin pꞌiyá la tjüjí. Ma wa la tjüjí Dios jos jin. Nun ma polel lojitsja ꞌüsüs. Quina Dios la tjiji nun ca ꞌücj la cüjí jupj jos jin. Perdonar la nu tjiji nun malala la tjüjí, ne ca ꞌüsüs nsem nun jupj lal lovin. Nun solejé ꞌonin la tjiji niná nun mpes. Tsjan cyawaja lal nin la tjiji tulucj. Tꞌemel lal la tjiji tulucj. 19 Jesucristo ꞌos mpes nin la tjiji. Jupj nun mpes tepeꞌe. Püna judiopan* tjüꞌünan oveja* tsjicj, tjaꞌayapj Dios mpes. Yupj jisastsja jupj ma ca nin jola nsem yupj malala nyuca la tjajay, mpes nin la tjajay. Dios jostsja oveja tsjicj malala tuluctsja. Nin pꞌiyatsja Jesucristo lal. Malala tulucj jupj. Pajal ꞌüsüs jupj la pꞌin. Dios jas tjejyama jupj nosis casaꞌá jupj ca mpaꞌis nun mpes. 20 Nosis cjuwatsja na pꞌin, Dios Jesucristo la tꞌya nin la jay niná. Quina tjacꞌ, nucopj tjepꞌyaꞌsa, nosis quelel cyawaja na. 21 Jesucristo la tjiji mpes, nun ꞌücj poné Dios lal. Jesucristo tepeꞌe na, Dios jas tjijyünsa jupj, la pütꞌüs niswá. Dios la tjiji Jesucristo pajal püné. Nin mpes nun poné Dios lal quinam. Nun solejé Dios ca nucopj mpꞌaꞌsas, jupj tjevele jin. 22 Dios velá tꞌücꞌ way. Jupj tjevelá nasa toponé nun. Nasa la tjüjí jupj tjijyüꞌta jinwá. Malala tulucj nun quinam. Nin mpes nun tꞌücꞌ way quelel la sojí nun jis pülücpan Jesucristo lal japon. Nun ꞌücj la cüjí niná quinam. Mpes más ꞌücj pajal quelel lis müjí nunwá, nun tꞌücꞌ way quelel nin lojí mpes. 23 Dios tjevelá nyucunú jinwá. Lovin tꞌücꞌ way. Nun toponé na Dios tjevelá, nun jupj tsꞌuyupan nu tepyala, niswa nu tjamanun jinwá. Nupopay Dios lovin püꞌü, ma peꞌe gente jinwá. 24 Dios Popel vele: “Pjü gente tsjutsj jinwá, pjü cyaꞌlin̈.

El Nuevo Testamento en Tol de Honduras, 2da ed. ©2010, Wycliffe Bible Translators

697

1 PEDRO 1, 2

Pajal ꞌüsüs jatatj tsjutsj tsꞌituju jinwá la pꞌin. Polol tsꞌüique, palá tinca. 25 Qjuis Jepa Dios tjevelá ma cyawaja gente jinwá. Dios tjevelá lovin tꞌücꞌ.” Niyom nepenowá nasa pajal ꞌüsüs tjowelepj nun jis walapꞌaꞌá Jesucristo poꞌó. Yupj tjowelepj nin pꞌiyá Dios tjevele jin. 1 Nin mpes po ma malala nyuca la müjí püna la tjüjí jinwá. Po ma la ntsawilí quinam. Po ma ꞌüsüs la müjí, la pꞌa jis la nuc mpes pꞌin. Po ma tjajamanaqué. Po ma malala mvelé nun la pꞌa lal. 2 Nun tsjictjacj; po quina nu tjamanun jinwá nun Dios lal. Dios Popel tsotsꞌ jinwá nun mpes. Pajal nujisas tꞌas Dios Popel. Jupj Popel ma li tsuwile. Jupj Popel nusin ꞌyüsa liji tsjan jos Dios. Nun lojí na jupj Popel vele jin, más ꞌüsüs ca la müjí, tsjictjacj jis tꞌyüna jinwá. Nin la müjí niná, nun Dios tsꞌuyupan mpes. 3 Nun quelel lojitsja qjuis Jepa Dios; quina nun solejé wa jupj ꞌüsüs. 4 Nun toponé quinam qjuis Jepa Jesucristo poꞌó. Pe nyucunú jinwá jupj, Dios wo lajay mpes. Gente ma jisastsja jupj. Yupj ma ꞌüsüs jin yólatsja jupj. Dios pꞌin la tꞌya jupj. Dios jólatsja jupj pajal ꞌüsüs. 5 Nun pꞌiyá pe janucun jinwá, Dios wo lajay mpes. Dios ꞌa nu myula nun, jupj liji jupj wo nun mpes, nun adobes jinwá nacj. Dios nujos moꞌo püꞌü. Nun jupj wo, mpes nun pjü way jupj sacerdotepan*. Jupj jutsꞌaꞌá way nun. Nin mpes nun ꞌoyá Dios lal, jupj Cjües nusin ꞌyüsa liji jinwá. Jesucristo ꞌücj la tjiji nun ca cus ncon̈có Dios. Nin mpes Dios ꞌücj jos nun ꞌoyá jupj lal. 6 Dios Popel vele Dios tjevelá püná. Vele: “Tjapjaꞌaqué nun. Napj la tꞌya yom pjaní pajal ꞌüsüs. Pe ꞌüsüs jinwá jupj ꞌücj jas la jünsüs nawá. Napj la tjejay jupj nawá tsjomis jinwá Sión* ntꞌa, napj ntsꞌuyupj patja ntꞌa. Nepénowa jupj lal japon. Dios lovin ma ca mveles yupj malala.” 7 Jupj pajal ꞌüsüs liji nun mpes, nun jupj lal poné mpes. Nepénowa ma quelel japon jupj lal, mpes malala se palá yupj. Dios Popel vele: “Niyom nepénowa quelel jajünsüptsja wosis pe mpes. Pe pjaní ma jisastsja wosis la jünsüs.

2

El Nuevo Testamento en Tol de Honduras, 2da ed. ©2010, Wycliffe Bible Translators

1 PEDRO 2

698

Pe niná tꞌücꞌ way ꞌüsüstsja. Mpes qjuis Jepa Püné jas tjijyünsa wosis. Jupj mwalá way tjeꞌyonsa pe niná wosis si jünsa mpes. Pe niná más ꞌüsüs waytsja pjü pe witjacj jilal. Tsjomis pe niná casá tón̈catsja.” 8 Dios Popel vele wa: “Nepénowa pejon̈ niná pe poꞌó, yupj ma japon mpes. Pe niná si tülüna liji.” Tꞌücꞌ way yupj ma quelel japon Dios tjevelá Jesucristo poꞌó. Nin mpes ma lajay Dios jos jin. Nin mpes nin tjevele Dios Popel. Dios tjijyüꞌta ca malala jis mpalas, ma quelel japon mpes. 9 Nin tulucj nun jis lal. Dios la nu tꞌya nun, nun Jesucristo lal poné mpes. Nun pjü way sacerdotepan* nu tepyala quinam. Nun tsjiꞌ lojí qjuis Jepa Dios mpes. Nun Dios si jütüta sin popé. Nun pjü way Dios jutsꞌaꞌá. Jupj la nu tꞌya nu la veles jupj pajal ꞌüsüs liji. Püna nun ma nusin tjiꞌyüsa Dios poꞌó, mpes püste ntꞌa tjalawiqué jinwá tapatjaqué. Nin tulucj quinam. Dios nusin tjiꞌyüsa la tjiji quinam, mpes jupj jaw ꞌüsüs ntꞌa lowiqué. 10 Püna Dios tsꞌuyupan tuluctsja nun. ꞌA mulú patja jinwá tuluctsja. Quina jupj tsꞌuyupan nu tepyala. Püna Dios ma jólatsja nun mpes, ne ma nucopj tjepꞌyaꞌsa jupj. Quina pajal jola nun mpes; nasa nucopj tjepꞌyaꞌsa jupj.

Más ꞌücj Dios tsꞌuyupan ma malala nyuca lajay, la pꞌa lajay jin.

11 Mpülücpan,

nun nosis casá patja sin popa tulucj. Nun nosis casá potjaqué po quina way pꞌin. Mpes, napj nun jis lal le mon po ma malala nyuca la müjí, malala lajay nin lajay jinwá. Nun quelel malala nyuca lojí, po ꞌin malala niná nun lal. Malala lojí na, malala nu pyala nujisas moꞌó. 12 Lovin ꞌüsüs la müjí nun. Dios ma jisas jis lal potjaqué nun. Yupj malala ca mvelecj nun poꞌó, mopꞌin yupj ca nucucj nun tꞌücꞌ way pajal ꞌüsüs lojí. Nin mpes Jesucristo tjacꞌ na, yupj ca mvelecj tꞌücꞌ way nun la tjüjí Dios jos jin.

13 Nin

Más ꞌücj Dios tsꞌuyupan lajay jepapan jajütütj jin.

la müjí pjü jepapan jajütütj jinwá. Nun lojí niná, gente ca sin müꞌüsüs qjuis Jepa Dios pajal ꞌüsüs jupj. Mpes nin la müjí jepa püné vele jin. 14 Nin la müjí wa jepa auxiliarpan jajütütj jin. Jepa püné sin

El Nuevo Testamento en Tol de Honduras, 2da ed. ©2010, Wycliffe Bible Translators

699

1 PEDRO 2

tjejyama yupj jis capj la tül malala lajay. Sin tjejyama wa ꞌüsüs jis la veles ꞌüsüs lajay sin poꞌó. 15 Dios jos ꞌüsüs lojí lovin. Nun ꞌüsüs lojí, malala yola witjacj ma ca polel malala mvelecj nun sin poꞌó. Yupj ma yola jinwá javelepj. Mpes ꞌüsüs la müjí nun lovin. 16 Pꞌa witjacj nun jis patrón witjacj tulucj quinam. ꞌÜcj nujisas tꞌas nin mpes. Mopꞌin ma ca malala la müjí. Dios jomozopan nun. Jupj jyüꞌta jin la müjí. 17 Nujola tꞌas pjü gente noypan ꞌin, mpes más ꞌücj ꞌüsüs la müjí yupj jis lal. Lovin quelel lis müjí pjü nun jis pülücpan Jesucristo mpes. Jus nlayé Dios ca jis capj ntülüs malala lajay. Lovin nujola tꞌas püné way jepa püné nosis casá jyüꞌtá, jupj jepa ne nin.

Más ꞌücj esclavopan ꞌüsüs lajay lovin, Jesucristo la tjiji jinwá.

18 Nepénowa

nun popa esclavopan*. Nin la müjí nun jis patrón witjacj jajütütj jinwá. Nepénowa nun jis patrón witjacj ꞌüsüs nun jis lal; yupj yola nun mpes. Nepénowa nucopj javelel pajal. Newa nin, nujola tꞌas yupj noypan, yupj nun jis patrón mpes. Nin mpes ca ꞌüsüs la müjí yupj mpes. 19 Nenéyawa yupj sin nin malala lajay nun jis lal, nun malala lojí mpes tulucj. Nin nu pyala na, más ꞌücj newa ca ꞌüsüs la müjí, nun Dios poꞌo nujola mpes. ꞌÜsüs way niná Dios lal. 20 Nun malala nyuca lojí, nun jis patrón ꞌücj moꞌo jasüp nun. Más ꞌücj ma ca tsꞌi miꞌiná nin lajay na. Dios ma ca mveles nun pajal ꞌüsüs, nun ma tsꞌu tjiꞌinyá mpes. Nun malala la tjüjí mpes nin tepyala. Pꞌa casá ca nsem yupj malala la nusejay, nun ꞌüsüs lojí na. Nun newa ꞌüsüs lojí yupj malala la nusejay na, ꞌüsüs nin. Dios ca ꞌücj jos nsem nin lojí mpes. 21 Dios jos pjü jupj tsꞌuyupan nin wa lajay. Nin mpes so con̈có jupj. Jesucristo la tjiji jin pꞌiyá ca la müjí. Dios jas tjejyama Jesucristo nosis ntꞌa, gente jis capj la pꞌacj. Malala tepyala jupj, nucopj la pꞌacj nun. Nin mpes nun solejé tsjan más ꞌücj la müjí. 22 Dios Popel nin vele: “Jupj lovin ma malala nyuca la tjiji. Lovin ma la tsyawilí jupj.” 23 La pꞌa wa malala tjowelepj na jupj poꞌó, Jesucristo ma malala tjevele yupj jis lal. Nepénowa malala la tjajay jupj, mopꞌin jupj ma tjevele ca malala jis mpalas nin la tjajay mpes. ꞌÜsüs la tjiji lovin. Jupj tepyona Dios ca pjü ꞌücj la mijis jupj mpes. Dios selé pjacj ꞌüsüs lajay, selé wa pjacj malala lajay. 24 Jesucristo pꞌiyá cruz* poꞌo jálatsja, tepeꞌe, cupj pꞌiyá malala la tjijicj mpes. Dios cus tyüla jupj, cupj malala la tjijicj mpes. Nin la tjiji mpes, Dios ma ca qjuis capj ntülüs ncupj. ꞌÜcj la tjiji wa cupj ma ca malala nyuca la mijicj quinam. Cupj pꞌiyá tecyaꞌlequecj jinwá, ꞌücj ma malala lijicj quinam. ꞌÜcj ca ꞌüsüs la mijicj, Dios jos

El Nuevo Testamento en Tol de Honduras, 2da ed. ©2010, Wycliffe Bible Translators

1 PEDRO 2, 3

700

jin. Jesucristo jüpꞌüy ꞌos tepyala mpes, nun nu tjiꞌyüꞌsa. 25 Püna pꞌin ma cus tocon̈có Dios. Oveja* campa tjil witjacj jinwatsja nun. Nin tulucj quinam. Nun nasa toponé Jesucristo poꞌó, mpes nun so con̈có jupj quinam. Jesucristo nu jyama yom oveja jyama jinwá. Nu jyama ma ca malala mpalas nun jis qjues.

3

1 Dios

Más ꞌücj nequem ꞌüsüs patja jis vayum jis lal.

jos esclavopan* nin lajay yupj jis patrón witjacj jajütütj jin. Nin pꞌiyá, jupj jos wa nun nequem ca la müjí wa nuvoyum nu jajütütj jinwá. Nuvoyum nepenowá ma lajay Dios vele jin. Mopꞌin ca nucucj yupj nun ꞌüsüs lojí. Nun pajal ꞌüsüs lojí mpes, yupj ca quelel mponecj Jesucristo poꞌó. Nin ca nsem, nun welé mpes tulucj. 2 Yupj ca nucucj nun quelel lojí Dios jos jin, mpes nun pajal ꞌüsüs lojí lovin. Nin mpes yupj ca quelel mponecj ꞌotsꞌipj. 3 Ma nin nujola tꞌas ncu nun ꞌüsüs yustapj la pꞌin, nutsꞌüil poꞌo tyoꞌna mpes, soquiya pülücj ꞌatjama mpes wa, pülül pülücj jaylacj mpes wa. Nujola tꞌas nun ca ꞌüsüs la müjí; ꞌüsüs lojí mpes pajal ꞌüsüs yustapj jinwá nsem nun. 4 Nun ꞌüsüs nujola na, pꞌa wa ꞌücj jisas nsem nun jis lal. ꞌÜsüs yustapj jinwá nsem nun yupj jis lal. Lovin ꞌüsüs yustapj jinwá ca nsem nun, tsjücjüim na ꞌotsꞌipj, coꞌmüy na ꞌotsꞌipj. Nin mpes tsjictjacj jin nujola tꞌas nun pꞌiyá. Lovin ma nin nujola tꞌas la pꞌa malala lajay mpes. Pajal ꞌüsüs Dios lal nin lojí. 5 Nin pꞌiyá lajaytsja wa nequem nepenowá pajal püna tapatjá. Yupj cus tocon̈ Dios. Yupj topon Dios ca jis capj mpꞌaꞌsas jupj tjevele jin. Yupj pajal ꞌüsüs quelel lajaytsja, mpes nin la tjajay yupj jis vayum tjowelepj jinwá. Nin mpes ꞌüsüs yustapj jinwatsja yupj; pꞌa wa nin yólatsja yupj ꞌüsüs. 6 Nin la tjiji Sara. Jupj la tjiji jupj voyum Abraham* tjevele jin. Sara tjevele jupj voyum jupj jepa. Más ꞌücj ꞌüsüs lojí, Sara la tjiji jinwá. Po ma locj tjeyá ca malala nu mpalas nun ꞌüsüs lojí na. Nin lojí, Sara jucucuspan jinwá ca nsem nun.

7 Nin

Más ꞌücj niyom ꞌüsüs patja sejatsꞌom jis lal.

pꞌiyá nun niyom ca ꞌüsüs la müjí nun sejatsꞌom jis lal. Nun solejé Dios tjevelá, mpes jupj tjevele jin la müjí nun sejatsꞌom jis lal, yupj jis lal potjaqué na. Nujola tapalas yupj más sin napnapj nun jis lal. Nin mpes lovin pajal ꞌüsüs la müjí nun sejatsꞌom jis lal. Dios jis capj pꞌyaꞌsa wa yupj, mpes ca yupj mpatjam wa Dios lal lovin, nun jinwá. Nin mpes wa ca ꞌüsüs la müjí yupj jis lal. Nun ma ꞌüsüs lojí nun sejatsꞌom jis lal, Dios vele jin, Dios ma ca maꞌayas nun lo moná jupj lal. El Nuevo Testamento en Tol de Honduras, 2da ed. ©2010, Wycliffe Bible Translators

701

8 Pꞌa

1 PEDRO 3

Más ꞌücj pjü ꞌüsüs lajay lovin.

wa quelel velé wa. Nasa ca mvelé pjü way nun jis lal. Nin pꞌiyá nujola tꞌas nun. Pꞌa wa nun popé ꞌücj jisas na, nun ꞌücj nujisas wa tꞌas. Pꞌa wa nun popé ꞌaplijila na, nun ꞌaplijila wa tꞌas. Quelel lis müjí pjü way Dios tsꞌuyupan, yupj ne nun jis pülücpan. Pajal nujola tꞌas la pꞌa malala tepyala na. Tsjicj way jin nujola tꞌas nun pꞌiyá. 9 Pꞌa wa malala liji na nun jis lal, po ma malala la müjí jupj lal. Jupj vele nun malala, po ma ca mvelé jupj malala wa. Jupj malala liji na nun jis lal, más ꞌücj nun lo moná Dios lal jupj ca cus mpꞌaꞌsas jupj. Dios la nu tꞌya. Dios quelel ꞌüsüs liji nun jis lal lovin, nin mpes la nu tꞌya. Mpes más ꞌücj nun ꞌüsüs lojí wa pjü jis lal. 10 Nin vele Dios Popel: “Nun pajal quelel ꞌüsüs potjaqué, más ꞌücj ma malala welé la pꞌa sin poꞌó. Nujisas nun ca ꞌüsüs nujisas mpatjaqué nosis casaꞌá, más ꞌücj lovin ma la ntsawilí. 11 Más ꞌücj ma malala nyuca lojí quinam. Más ꞌücj pajal ꞌüsüs lojí. Más ꞌücj nun lovin ma lo velelé, ma lo palaná pjü jis lal. Po nujisas tꞌas niná. 12 Qjuis Jepa Dios jyama ꞌüsüs nyuca lajay. Jupj se ꞌaya yupj la mon jupj lal. Jis capj pꞌyaꞌsa jupj. Nin tulucj malala lajay jis lal. Dios ma jis capj pꞌyaꞌsa.” 13 Nun ꞌin jomá nun ca ꞌüsüs la müjí Dios jos jin, ¿ncu pꞌa wa ca malala la nu qjuijis, niná lojí mpes? 14 Ca nacj nenéyawa ca malala nu mpalas, nun ꞌüsüs la tjüjí mpes. Nin tepyala na, Dios newa ꞌüsüs liji nun mpes. Po ma locj tjeyá nun yupj jis lal. Ma nin nujola tꞌas. 15 Nujola tapalas Jesucristo nun jis Jepa, mpes ca nin la müjí jupj jos jin. Dios jas tjejyama jupj nosis ntꞌa gente jis capj la pꞌacj. Lovin nujola tꞌas ꞌonin pjac mvelé nun tsjan mpes poné nun Jesucristo poꞌó. Mpes la pꞌa nu la ꞌüy na tsjan mpes poné nun, nun ꞌücj ca mvelé. Nun nin welé na, po ma noypan jin nujola tꞌas nun pꞌiyá. ꞌÜsüs way nujola tꞌas jupj mpes, jupj lal welé na. 16 Pajal ꞌüsüs la müjí lovin. Más ꞌücj nun solejé nun ma malala nyuca la tjüjí. Jesucristo so con̈có, mpes

El Nuevo Testamento en Tol de Honduras, 2da ed. ©2010, Wycliffe Bible Translators

1 PEDRO 3, 4

702

ꞌüsüs lojí. Nepénowa javelepj nun malala lojí. Jatꞌ javelepj malala lojí. Newa ꞌüsüs la müjí nun, mpes yupj ca jis maycas malala tjowelepj mpes. 17 Nenéyawa Dios nu ꞌyaya malala nu pyala. Malala nu pyala na, más ꞌücj ꞌüsüs la tjüjí mpes ca nin nu cüpalas. Malala la tjüjí mpes ca nin cüpalas, malala nin. 18 Malala tepyala wa Jesucristá. Dios jas tjejyama jupj, jis capj la pꞌacj nosis casá patjá. Jupj pꞌiyá ꞌüsüs la tjiji lovin. Mopꞌin malala tepyala jupj; jupj tepeꞌe nun malala la tjüjí mpes. Jupj la pjaní tepeꞌe, mpes Dios ꞌücj perdonar la siji pjü. Tepeꞌe ca ꞌüsüs nsem nun Dios lal. Gente tjüꞌünan jupj; locopyaya jupj niswa tüpüꞌü la tjiji Dios Cjües. 19 Nin tepyala na, Jesucristo tjemey, tecyaꞌlin̈ jis qjues jis walapꞌaꞌa tjevele, cawilta moꞌo tjatja jis lal. 20 Pajal püna ma quelel japontsja Dios lal yupj. Pajal püna, Noé tüpüꞌü na, Dios pajal püs way la tjinyuca Noé barco* la tjiji na. Dios la tjinyúcatsja yupj jis la pon jupj lal. Newa ma quelel topon. Mpes ꞌüsǘ pajal püné tꞌyüna na nosis casaꞌá, yupj tecyaꞌlin̈. Pjaní way pꞌin ma tecyaꞌlin̈ ꞌüsǘ moꞌó, ocho way pꞌin; Dios jis capj tjepꞌyaꞌsa yupj. 21 Jis capj tjepꞌyaꞌsa ꞌüsǘ mpes. Nin pꞌiyá nu pyala quinam bautizar* la nusejay mpes. Dios liji ꞌücj nun ca mpatjaqué jupj lal, nun nin la tjüjí na. Bautizar la nusejay na, ma nusin paꞌí nusin ten. Nin la nusejay na, nun welé Dios lal nun ca ꞌüsüs la müjí quinam jupj jos jin. Tsjan mpes ꞌücj nu la pütꞌüs Dios lal, bautizar la nutjajay na: Jesucristo tepeꞌe, jas tjijyünsa la pütꞌüs niswá. Mpes Dios ꞌücj perdonar la nusiji nun. 22 Jesucristo Dios püꞌü ntꞌa tjemey niswá. Dios liꞌinyampe ntꞌa ꞌetjele quinam, jupj pajal püné mpes. Jupj si jütüta pjü angelpan*, pjü jepapan ꞌotsꞌipj tsjun poꞌo patjá, pjü noypan ꞌotsꞌipj tsjun poꞌo patjá. Pjü si jütüta. 1 Malala tepyala Jesucristo jüpꞌüy, nosis casá tüpüꞌü na. Mpes nin pꞌiyá nujola tꞌas Jesucristo jola jinwá. Jis pꞌüy malala tepyala witjacj ma malala lajay quinam. 2 Nin mpes yupj nosis casá patja na, ma newa malala quelel lajay, gente pꞌa wa lajay jinwá. Yupj quelel lajay Dios jos jin. Najas ca nin nsem nun jis lal. 3 Püna malala la tjüjí wa nun, Dios ma jisas lajay jinwá. Nasa tꞌücꞌ la tjüjí niná; ma ca nin la müjí custjay. Dios ma jisas pajal malala lajay. Ninana po quelel lajay, yupj jisas jinwá. Pajal myüꞌün̈ yupj. Fiesta lajay wa, püné jis la las, pajal jis la müs wa. Yupj quelel lajay dios* pꞌa wa, niná ne Dios tulucj. Nin mpes wa pajal malala lajay. Ninana quelel lajay yupj. 4 Yupj ma sin ꞌyüsa tsjan mpes nun ma jis capj con̈có malala nyuca jis la jay mpes. Pjü yupj quelel lajay, pjü nin lajay, mpes pajal malala lajay.

4

El Nuevo Testamento en Tol de Honduras, 2da ed. ©2010, Wycliffe Bible Translators

703

1 PEDRO 4

Nun ma lojí niná, mpes javelepj nun malala. 5 Po ma nin nujola tꞌas. Jesucristo ca jis la müꞌüyas tsjan pjucj la tjajay niná. Pꞌa jawas ca jis capj ntülüs pjü malala lajay. Nin ca la mijis patja jis lal. Tecyaꞌlin̈ jis lal ca nin la mijis wa. Jupj jos na ca nin nsem. 6 Nepénowa tecyaꞌlin̈ nasa tjepjyacan̈ Jesucristo pajal ꞌüsüs la tjiji yupj mpes. Yupj tecyaꞌlin̈ pjü way cyaꞌlin̈ jin pꞌiyá, püna malala la tjajay mpes. Newa patja yupj jis qjues, Dios püꞌü jinwá. Yupj Jesucristo lal topon, mpes nin. Nin mpes nepénowa tjowelepj yupj jis walapꞌaꞌá Jesucristo poꞌó püna pꞌin.

7 Po

Más ꞌücj Dios tsꞌuyupan ꞌüsüs lajay jupj jos jin.

ꞌin len̈ way ca ncawajas pjü. Mpes ꞌin tjajamá, nujola tꞌas tsjan más ꞌücj lojí, ne nin la müjí niná. Mpes nun ca ꞌücj mvelé Dios lal. 8 Pajal quelel la müjí nunwá. Niná lojí más ꞌüsüs pꞌa wa lojí lal. Nun quelel la sojí pꞌa wa, nun ca perdonar lis müjí yupj pajal la pülücj malala la tjajay mpes. 9 Jis maꞌayá Dios tsꞌuyupan müjünan̈ nun jis wa ntꞌa, jis maꞌayá nlajacj wa nun jis lal. ꞌÜcj nujisas tꞌas nin lojí na. Po ma malala tjowelé nun tjaꞌayá mpes. 10 Dios nu tjeꞌyaya nun pjü way ꞌücj la cüjí jupj jos jin, jis capj mpꞌaꞌsá la pꞌa wa. Mpes niná la müjí nun, jis capj la pꞌacj pꞌa wa. ꞌÜsüs la müjí Dios nu tjeꞌyaya lal. Jupj ꞌüsüs quelel líjitsja cupj qjuilal, mpes qjuis tjeꞌyaya cupj ꞌücj nin lijicj. Jupj la tjiji jupj tsꞌuyupan pülücj way ꞌücj la cüjay. 11 Ca nepénowa cüwelecj Dios mpes. Javelepj na, más ꞌücj nin pꞌiyá javelepj Dios vele jinwá. Ca nepénowa jis capj cüpꞌaꞌsacj pꞌa witjacj. Jis capj japꞌacj na, más ꞌücj yupj yola mpalas Dios jis tjeꞌyaya yupj ꞌücj la qjuijicj niná. Nin la müjí mpes pꞌa witjacj ca sin müꞌüsüs Dios pajal ꞌüsüs, pajal püné. Yupj ca sin müꞌüsüs Jesucristo pajal nucopj tjepꞌyaꞌsa, mpes nun ꞌüsüs lojí. Najas pjü mvelecj Dios pajal ꞌüsüs. Najas pjü lajay jupj jyüꞌtá. Najas nin la mijicj lovin. Nin ca nsem.

Malala se palá Dios tsꞌuyupan yupj ꞌüsüs lajay mpes. Dios jos ꞌücj jisas nsem yupj.

12 Mpülücpan,

len̈ way ca pajal malala jis mpalas nun nepénowa jis lal. Niná nu pyala mpes, la pꞌa ca nucucj nun newa poné Dios poꞌó. Niná nu tepyala na, po ma nujola tꞌas ma malala nu cüpalas, nun Dios jatjampan mpes. Nin se palá Dios tsꞌuyupan. 13 Dios jas tjejyama Jesucristo qjuis capj la pꞌacj. Malala tepyala jupj lal, nin la tjiji mpes. Malala nu pyala wa nun, Jesucristo lal poné mpes. Nin nu pyala na, Jesucristo so con̈có. Mpes ꞌücj nujisas tꞌas nin nu tepyala na. Pꞌa

El Nuevo Testamento en Tol de Honduras, 2da ed. ©2010, Wycliffe Bible Translators

1 PEDRO 4, 5

704

jawas Dios ca pjü sin müꞌüsüs lis mijis Jesucristo pajal ꞌüsüs, ca sin müꞌüsüs lis mijis jupj pajal püné wa. Niná tepyala na, pajal ꞌücj nujisas ca nsem. 14 La pꞌa wa javelepj nun malala, Jesucristo so con̈có mpes. ꞌÜcj nujisas ca nsem. Dios Cjües nun jis lal püꞌü. Jupj pajal ꞌüsüs, pajal püné way jupj. Dios jupj. Tꞌücꞌ way la pꞌa wa malala javelepj jupj poꞌó; mopꞌin pajal ꞌüsüs welé nun jupj poꞌó. 15 ꞌÜcj nin, malala nu pyala nun. Mopꞌin najas ma malala la müjí. Nepénowa malala se palá gente jaꞌünan mpes. Nepénowa malala se palá pequen̈ mpes. Nepénowa ma tꞌücꞌ lajay jepa jyüꞌtá, mpes malala se palá yupj. Nepénowa quelel jajütütj yupj ma polel jajütütj ntꞌa, mpes wa malala se palá. Po ma la tjüjí yupj jinwá. 16 Malala nu pyala Jesucristo lal poné mpes, ꞌücj nin. Po ma nujola tꞌas. Niná nu pyala na, ma nu tjamaycas nun. ꞌÜsüs pjac mvelé nun Dios poꞌó, Jesucristo so con̈có mpes. 17 Quina Dios ca mveles gente sin poꞌó, ncu ꞌüsüs la tjajay, ncu malala la tjajay. Nin ca mveles jupj tsꞌuyupan sin poꞌó mwalá way pꞌin. Malala qjuesé palá wa ncupj, cupj malala la tjijicj mpes. Nin mpes cupj selecj jupj ca pajal jis capj ntülüs pꞌa witjacj. Yupj ma quelel japon Dios tjevelá Jesucristo poꞌó. Dios tjevele jupj ꞌüsüs liji gente jis lal Jesucristo mpes. 18 Dios Popel vele: “Dios la tjiji ꞌüsüs witjacj ꞌücj ca mpatjam jupj lal. Mopꞌin pajal malala se palá wa yupj quinam. Nin mpes selecj más malala ca jis mpalas Dios ma jisas jis lal, nin pꞌiyá ca nsem malala nyuca lajay jis lal. Pajal malala ca jis mpalas yupj.” 19 Mpes nin velé niná. Ca nacj Dios jos malala nu pyala nun quinam. Mpes nin nu pyala na, más ꞌücj nun lo moná Dios lal jupj ca nu majamas nun. Jupj lovin nin liji jupj tjevele jin. Jupj pꞌiyá la tjiji nun. Mpes malala pyala na, newa ꞌüsüs la müjí nun.

5

Dios jos coꞌmüypan jajamapj Dios tsꞌuyupan.

1 Nepénowa

nun sin popé coꞌmüypan* Dios tsꞌuyupan jis lal. Nasa ca mvelé nun jis lal. Napj ꞌa coꞌmüy wa Dios tsꞌuyupan jis lal, nun jinwá. Napj tjinyuc pajal malala tepyala Jesucristo lal, tepeꞌe cruz* poꞌó. Pajal ꞌüsüs ne palá quinam Jesucristo se con̈ mpes. Jupj pajal ꞌüsüs, pajal püné wa. Pꞌa jawas gente ca jus nlayecj niná, jupj lay pyala na nosis casaꞌá. Nin mpes le mon nun jis lal 2 nun majamá Dios

El Nuevo Testamento en Tol de Honduras, 2da ed. ©2010, Wycliffe Bible Translators

705

1 PEDRO 5

tsꞌuyupan nun ntꞌa, yom oveja* jyama jinwá. Nujola tꞌas costa tulucj nin lojí. ꞌÜsüs nujisas tꞌas nun jomá yupj. Po ma ca nujos nsem yupj ca nu maꞌayacj tꞌemel nun pülücj lojí mpes. Más ꞌücj nun ca la müjí niná nujisas mpes pꞌin. 3 Po ma jepa püné jinwá müjüꞌtǘ nun. Dios nu tjeꞌyaya nun jomá yupj. ꞌÜsüs la müjí nun, yupj ca sin müꞌüsüs wa tsjan ꞌüsüs la mijicj wa ca. 4 Jesucristo Jepa Püné nun jis lal, nun ne jomá Dios tsꞌuyupan. Jupj lay pyala na, ca mveles nun pajal ꞌüsüs la tjüjí. Lovin ꞌüsüs ca nu mpalas, jupj nin vele mpes.

Dios jos pjü way yola yupj pꞌiyá tsjictjacj.

5 Napj

velé wa tjamacjaspan jis lal, tsjücjüimpan jis lal ꞌotsꞌipj. Dios jos nun la müjí Dios tsꞌuyupj coꞌmüypan* javelepj jin. Nin pꞌiyá velé wa pjü way Dios tsꞌuyupan jis lal. Tsjictjacj jin nujola tꞌas nun pꞌiyá, ꞌücj nucopj la pꞌacj nunwa pjü. Dios Popel vele: “Nepénowa noypan jin yola yupj pꞌiyá. Dios ma se ꞌaya yupj ca nin la qjuijicj yupj jisas jinwá. Nepénowa tsjictjacj jin yola yupj pꞌiyá. Dios jis capj pꞌyaꞌsa yupj, ne ꞌücj ca la mijicj jupj jos jin.” 6 Mpes tsjictjacj jin nujola tꞌas nun pꞌiyá. Nujola tapalas ꞌücj jupj nin liji nun jis lal jupj jos jinwá. Jupj jyüꞌta. Jupj pajal püné. Nin lojí, jupj ca püné la numijis pꞌa jawas, jupj jos na. 7 Pajal nin nujola ca nacj, malala pyala na. Po ma nin nujola tꞌas. Toponé Dios ca ꞌücj la mijis pjü. Jupj lovin jola nun mpes.

Dios jos jupj tsꞌuyupan ma lajay diablo jos jin, malala pyala na.

8 Nujola

tꞌas tsjan más ꞌücj la müjí quinam. Nin la müjí niná. ꞌIn tjajama diablo* mpes. Jun taꞌá wine jupj. Jupj le palá pjacj ca pjü malala la qjuijis. Püꞌá pjyusa jinwá jupj. Nun jis enemigo niná. 9 Po ma la müjí jupj jos jin. Nujola tꞌas Dios ꞌüsüs. Mponé jupj ca la mijis jupj tjevelá. Nun solejé malala se palá wa Dios tsꞌuyupan pꞌa ntꞌa patja nosis casá. Niná nun nu tepyala, nin pꞌiyá se palá yupj. 10 Tsjicj way pꞌin malala nu tepyala. Ninana tꞌücꞌ tepyala na, Dios pꞌiyá pjü ca ꞌüsüs la mijis nun mpes niswá. Jupj ca nucopj mpꞌaꞌsas ꞌüsüs so con̈có jupj lovin. Jupj ca nucopj mpꞌaꞌsas nun ꞌüsüs la müjí wa jupj jos jin. Jupj ca nucopj mpꞌaꞌsas wa nu la pon jupj lal. Dios nucopj pꞌyaꞌsa lovin. Nucopj tjepꞌyaꞌsa nu la pon jupj mpes. La nu tꞌya ꞌücj nu la pütꞌüs jupj

El Nuevo Testamento en Tol de Honduras, 2da ed. ©2010, Wycliffe Bible Translators

1 PEDRO 5

706

lal Jesucristo mpes. Dios pajal ꞌüsüs; pajal püné wa jupj. Lovin nin jupj. 11 Najas lovin ꞌüsüs velecj Dios poꞌó. Najas jupj pjü ca müjüꞌtüs lovin. Najas ca nin nsem. Amén.

12 Silvano

Pedro tecyawaja tepyacá.

tepyaca ninana popelses. Napj tjevelé tepyaca jupj. Jupj napj mpülücj Jesucristo mpes. Selé wa jupj liji jupj velá. Najas lovin ꞌücj nujisas nsem Jesucristo mpes, nin mpes napj tepyac tsjicj way nun mpes. Napj tepyac Dios tꞌücꞌ way quelel la nusiji nun, nin mpes ꞌüsüs la tjiji nun jilal. Najas lovin mponé niná. 13 Babilonia ntꞌa ꞌa si mulú witjacj süs wa la tjajay nun jis lal. Dios yupj lis tꞌya, nun la nu tꞌya jinwá. Marcos süs wa la tjiji wa. Napj natjam jinwá jupj; quelel lejay jupj. 14 Quelel la müjí nunwá. La nüjüsüqué na nun popé, jis lal la tjalapaná. ꞌÜcj nujisas tꞌas nujus tjunucú nusin popé. Nun popé so con̈có Jesucristá, najas ma nujola nsem pjü mpes.

El Nuevo Testamento en Tol de Honduras, 2da ed. ©2010, Wycliffe Bible Translators

Papel locopyaya Pedro tepyaca

1

1 Napj

pꞌiyá Simón Pedro, Jesucristo jomozo napj. Napj ne pꞌiyá apóstol* jupj mpes. Dios jas tjejyama Jesucristo, gente jis capj la pꞌacj, ca Dios lal mpatjam lovin. Papel niná pyac napj nun mpes. Nun nasa toponé Jesucristo poꞌó, ncupj jinwá. Dios nu tjeꞌyaya toponé. Nin mpes jupj nucopj pꞌyaꞌsa wa nun, jupj qjuis capj pꞌyaꞌsa jin pꞌiyá. Jesucristo lovin ꞌüsüs liji, nin mpes ninana la tjiji nun mpes. Jupj qjuis Dios. Jupj liji cupj ꞌücj ca mpatjaquecj jupj lal. 2 Najas Dios pajal ꞌüsüs ca la mijis nun mpes. Najas nun ma nujola nsem pjü mpes, ca la mijis jupj. Najas nusin ꞌyüsa Dios mpes, qjuis Jepa Jesús mpes wa, mpes ca nin la mijis jupj nun jis lal.

Dios pajal ꞌüsüs la tjiji cupj mpes; nin mpes cupj ca pajal ꞌüsüs la qjuijicj.

3 Jesucristam

ꞌa Dios jupj, pajal püné jupj. Pues pjü qjuis tjeꞌyaya ne ca ꞌücj mpatjaquem Dios lal. Pjü qjuis tjeꞌyaya wa ca ꞌücj la mijim Dios jos jin. Pjü niná qjuis tjeꞌyaya, Dios mpes qjuisin ꞌyüsa mpes. Dios la qjuis tꞌya. Qjuisin tjiꞌyüsa la tjiji jupj pajal ꞌüsüs liji, jupj pajal püné. 4 Nin mpes jupj pajal ꞌüsüs liji cupj mpes, jupj tjevele jin pꞌiyá. Jupj tjevelá pajal ꞌüsüs cupj qjuis lal. Dios ma jisas, pajal malala se palá, yupj malala quelel lajay mpes. Nin tulucj cupj qjuis lal. Dios pajal ꞌüsüs liji cupj mpes. Jupj tjevele tepyonecj, mpes ma pajal malala qjuesé palá, yupj jinwá. Mpes wa ncupj jupj jin pꞌiyá qjuiyola. 5 Nin mpes nun ꞌücj polel lojí Dios jos jinwá. Niná ca quelel la müjí, ne ca tꞌücꞌ la müjí Dios jos jinwá. Dios lal poné nun quinam, mpes ꞌüsüs la

707 El Nuevo Testamento en Tol de Honduras, 2da ed. ©2010, Wycliffe Bible Translators

2 PEDRO 1

708

müjí wa. Nun ꞌüsüs lojí na, nusin tjüꞌüsüs wa Dios mpes. 6 Nun nusin ꞌyüsa na Dios mpes, po ma malala la müjí nun, nujos jinwá. Nun ma malala lojí na, najas newa ꞌüsüs la müjí wa malala pyala na. Ninana lojí na, pajal quelel la müjí wa Dios. 7 Quelel lojí na Dios, quelel lis müjí wa nun jis pülücpan Jesucristo mpes. Nun jis pülücpan quelel la sojí na, pues quelel lis müjí wa pjü way. 8 Nin la müjí niná pjü way. Más ꞌin ꞌüsüs la müjí niná püna la tjüjí lal. Nin lojí na, nun ꞌücj ca tsjiꞌ la müjí Dios mpes. Dios jos jin ca la müjí. Nin mpes wa más ꞌüsüs ca cus ncon̈có qjuis Jepa Jesucristo. 9 Nepénowa ma lajay niná. Nosis casá pyala mpes yola la pꞌin. Yun tulucj jinwá yupj. Campa ma januc jinwá yupj. Yoꞌ tepeꞌe quinam Dios perdonar lis tjiji malala la tjajay. 10 Mpes más ꞌücj nun nujola ca nin la müjí Dios jos jin. Dios jos jin lojí, nun ca jus nlayé Dios tꞌücꞌ way nucopj tjepꞌyaꞌsa toponé Jesucristo poꞌó. Ca jus nlayé wa jupj tꞌücꞌ way la nu tꞌya nun. Nun pjü way lojí niná, nun ma ca malala nyuca la müjí. 11 Nin mpes wa Dios pajal ꞌücj jos nsem nun nlawú, mpatjaqué Jesucristo jyüꞌta ntꞌa. Neꞌaj jupj müjüꞌtüs lovin. Jupj qjuis Jepa Püné. Jupj pꞌiyá la tjiji cupj ꞌücj ca mpatjaquecj jupj lal.

12 Nin

Jesucristo Dios Jatjam.

mpes lovin ca nin mvelé nun jis lal, ca nujola mpalas niná. Nun nasa solejé niná napj tjevelé. Nun solejé tsjan tꞌücꞌ way quinam, Jesucristo ꞌüsüs la tjiji mpes. Niná toponé wa. 13 Napj nola más ꞌücj velé niná nun jis lal, nosis casá püꞌüs na pꞌin. Nin mpes ca nujola mpalas niná. 14 Napj selé len̈ way napj mpꞌüy ncawajas ca. Mis ca Dios ntꞌa. Nin ca nsem; qjuis Jepa Jesucristo nin tjiꞌyüsa la tjiji niná. 15 Mpes po najas wa nun lovin ca ꞌücj nujola mpalas napj tjevelé, napj Dios ntꞌa tjum na. 16 Nepénowa cuento sin ꞌyüsa lajay pꞌin, tꞌücꞌ way tulucj. Yupj pꞌiyá yola jin javelepj. Ncupj ma lijicj niná. Cupj pꞌiyá tjinyucucj Jesucristo Jepa Püné tepyala. Mpes cupj nusin ꞌyüsa la tjijicj tꞌücꞌ way. Nusin ꞌyüsa la tjijicj qjuis Jepa Jesucristo pjü ꞌücj liji, jupj pajal püné mpes. Nusin ꞌyüsa la tjijicj jupj niswa jacꞌ. 17 Jupj Popay Dios tjevele jupj pajal ꞌüsüs. Jupj Popay la tjiji pajal püné tepyala. Tjepjyaꞌaquecj vele pjac Dios püꞌü mpe. Dios pꞌiyá nin tjevele. Jepa pajal püné jupj. Pajal ꞌüsüs way liji. Ninana jupj tjevelá: “Ninana napj Natjam. Pajal quelel lejay jupj. Pajal ꞌücj najas jupj lal.” 18 Jupj tjevele na niná, cupj pꞌiyá tjepjyaꞌaquecj niná nepé tjevele tsjun mpe. Tjejyatjaquecj Jesucristo lal jocꞌ moꞌó nin tepyala na. Neꞌaj jocꞌ moꞌó Dios pajal ꞌüsüs la tjiji.

El Nuevo Testamento en Tol de Honduras, 2da ed. ©2010, Wycliffe Bible Translators

709

2 PEDRO 1, 2

19 Cupj

tjinyucucj niná tepyalá, mpes selecj tꞌücꞌ way profetapan* tjowelepj jinwá ca mpalas pjü. Más ꞌücj nun nusin ꞌyüsa yupj tapac. Püste jinwá nosis ntꞌa quinam, pülücj ma sin ꞌyüsa mpes. Profetapan tjowelepj jyawca jinwá püste ntꞌa. Po quina yupj qjuisin ꞌyüsa lajay. Pꞌa jawasa Jesucristo ca ncuwim, ca pjü way nusin ꞌyüsa la mijis. Jupj pjulacj más püné se jawca jinwá. Más ꞌüsüs way jupj pjü jis lal. Jupj mpes ca pajal ꞌücj nujisas nsem. Jupj len̈ na pꞌin, profetapan nusin ꞌyüsa lajay. 20 Mpes más ꞌücj nujola tapalas profetapan tapac Dios mpes; yupj pꞌiyá yólatsja jinwá tapac tulucj. Dios jola jin tapac. Nintsja lovin Dios Popel tapac na. 21 Profetapan tjowelepj Dios mpes; ma tjowelepj yupj jisastsja jinwá. Dios Cjües sin ꞌyüsa lis tjiji tsjan jis la veles. Jupj la tjiji yupj quelel javeleptsja niná Dios mpes. Mpes yupj tjowelepj Dios tjevele pꞌiyá.

2

Nepénowa javelepj yupj pꞌiyá profetapan; mopꞌin profetapan tulucj yupj. (Judas 4-13)

1 Püna niyom malala witjacj tapatja judiopan* jis lal. Yupj tjoweleptsja yupj pꞌiyá profetapan* ꞌotsꞌipj, mopꞌin profetapan tuluctsja yupj. Nin pꞌiyá ca nsem nun potjaqué ntꞌa. Nepénowa ca mvelecj yupj pꞌiyá sin ꞌyüsa lajay Dios mpes, mopꞌin la tsuwil yupj. Lyájasa jin ca malala la mijicj. Malala pyala yupj javelepj mpes. Niná yupj sin ꞌyüsa lajay, Dios vele jin tulucj. Jesucristo tepeꞌe yupj mpes. Jaylacj la tjiji yupj, jupj ꞌos mpes. Ma nin yola yupj. Yupj ca mvelecj Jesucristo yupj jis Jepa tulucj. Nin mpes len̈ way ca pjü malala jis mpalas yupj. 2 La pꞌa wa pülücj ca malala la mijicj yupj lajay jinwá. Pjü jisas, pjü ca la mijicj. Yupj malala lajay mpes, Dios lal ma japon ca mvelecj malala niná Jesucristo sin ꞌyüsa la siji. Jupj sin ꞌyüsa la siji tꞌücꞌ way. 3 Niyom nenem tꞌemel pülücj jisas, mpes yupj ca la ntsawilicj nun jis lal, yupj nun toꞌá jisas mpes. Pajal püna Dios tjevele jupj ca jis capj ntülüs yupj, malala la tjajay mpes. Tꞌücꞌ way ca pjü malala jis mpalas yupj. 4 Tsjan mpes ca jus nlayé nun niná: nujola tapalas angelpan* nepenowá malala la tjajay na, Dios ma perdonar lis tjiji yupj. Jupj naꞌaj lis tecyoye ꞌawa püné moꞌó. Neꞌaj püste ntꞌa tsyuꞌpa patja quinam. Jupj neꞌaj si manuna, tsꞌacꞌ pꞌa wa ca jis capj ntülüs mpes. 5 Dios ma wa perdonar lis tjiji pajal püna tapatjá. Lovin ma jisastsja Dios, ne Dios jis capj tyüla yupj. ꞌÜsǘ pajal tꞌyüna la tjiji Dios, mpes tecyaꞌlin̈. Yom pjaní pjü

El Nuevo Testamento en Tol de Honduras, 2da ed. ©2010, Wycliffe Bible Translators

2 PEDRO 2

710

jis walapꞌaꞌa véletsja Dios mpes. Noé lotsja niná yomen. Jupj tjevele Dios jos gente ꞌüsüs lajay Dios jos jin. Dios cus tjepꞌyaꞌsa tüpüꞌü jupj pꞌin. Pꞌa wa sietepan Noé cus tocon̈, mpes jis capj tjepꞌyaꞌsa wa. Ma tecyaꞌlin̈ la pꞌa wa jis lal. 6 Nujola tapalas wa Dios jis capj tyüla wa Sodoma ntꞌa tapatjá. Gomorra poꞌo tapatjá jis capj tyüla wa. Mpes pjü malala jis tepyala yupj. Pues pjü tüpwé, ꞌüpjǘ pꞌin tepyala yupj tapatja ntꞌa. Dios niná la tjiji mpes, pjü sin ꞌyüsa la tjiji nin ca jis mpalas Dios ma jisas jis lal. 7 Lot Sodoma poꞌo tüpüꞌü watsja. Dios cus tjepꞌyaꞌsa jupj la pꞌin, mpes ma malala tepyala jupj. Lot yom ꞌüsüstsja Dios lal. Jupj pajal ꞌaplijílatsja neꞌaj tapatja pajal malala la tjajaytsja. Yupj ma jisastsja Dios si jütüta. 8 Lot yupj lal pǘꞌütsja na, nyúcatsja, pjoca watsja malala la tjajay. Jupj yom pajal ꞌüsüstsja Dios lal. Pjü jawas, jupj ma jostsja yupj la tjajay. Pajal malálatsja niná jupj lal. 9 Mpes selecj qjuis Jepa Dios ꞌücj jis capj pꞌyaꞌsa Dios jisas, la pꞌa malala lis mijicj na. Dios ꞌücj wa si manuna malala lajay, jis capj la tül pꞌa jawas. Quina wa pꞌin newa jis capj tyüla yupj. 10 Nepénowa pajal malala quelel lajay. Yupj lajay yupj jisas jin, gente pꞌin lovin malala lajay jinwá. Yupj yola pꞌa wa ma polel jajütütj yupj. Dios pajal ca jis capj ntülüs yupj la pꞌa jis lal. Pajal jis la tꞌas yupj. Yupj jisas jin pꞌiyá lajay. Ma lacj jeyapj malala jis la veles noypan poꞌó, tsjun poꞌó patjá. 11 Nin lajay ninana noyomes. Angelpan* pꞌiyá ma nin lajay. Angelpan más sin tjiyocj ninana noyomes jis lal. Noypan sin popa yupj; ꞌücj wa pajal ꞌüsüs lajay. Newa nin, yupj ma jatꞌ javelepj la pꞌa wa noypan sin poꞌó qjuis Jepa Dios ntꞌa. Ma javelepj yupj pajal malala. 12 Pꞌa casá lajay ninana noyomes. Malala javelepj ma sin ꞌyüsa sin poꞌó. Animalpan jinwá yupj. Ma yola yupj. Yupj jisas jin lajay pꞌin. Mpes ninana noyomes pjü ca malala jis mpalas animalpan jinwá. ꞌÜcj jis la tjilil, jis la ꞌünan animalpan. Nin mpes lyawun̈ yupj. 13 Nin pꞌiyá ca jis mpalas ninana noyomes. Yupj malala la tjajay pꞌa wa jis lal, mpes ca malala wa jis mpalas yupj. Pajal ꞌüsǘ se maná sejamicapan jis lal. Jaw na ꞌotsꞌipj nin lajay yupj. Po ꞌücj jisas ninana lajay. Yupj malala lajay mpes, nepénowa javelepj Dios tsꞌuyupan malala. Yupj nun jis lal jatja, ꞌa si mulú wa nun jis lal. Yupj yus tsuwil Dios jutsꞌuyupan. Malala nyuca lajay yupj jisas jin; newa nin, nun lal jalá, nun ꞌa nu myula na Dios mpes. 14 Yupj quepj sa nuc na, yupj quelel neꞌaj jamanun wa jupj. Mopꞌin quelel malala nyuca lajay. Pꞌa witjacj ꞌotsꞌotsꞌ way japon Jesucristo

El Nuevo Testamento en Tol de Honduras, 2da ed. ©2010, Wycliffe Bible Translators

711

2 PEDRO 2

lal ca nacj. Yupj januc niyom nenem nin lajay. Nin mpes yupj malala quelel lajay wa, yupj jinwá. Pꞌa casá malala lajay wa yupj. Pꞌa jutsꞌaꞌá po jisas yupj, nasa sin tjiꞌyüsa jis la taꞌes. Dios tjevele ca jis capj ntülüs, niná lajay. 15 Yupj salejepj cana ꞌüsüs la qjuijicj, mopꞌin ma quelel nin lajay quinam. Nin mpes ma lajay Dios jos jin. Balaam la tjiji jinwá lajay yupj. Balaam yomen pajal püna tüpüꞌü. Beor jatjam waytsja jupj. ꞌÜctsja jupj lal yom pꞌa way jaylacj la tjiji jupj ca malala la mijis mpes. 16 Nin mpes Dios la tjiji jupj soysoy cus tjeveꞌle jupj, malala la tjiji mpes. Soysoy witjacj ma polel javelepj, nin pꞌin jupj soysoy yom jinwá tjevele nin tepyala na. Balaam profétatsja*, newa malala nyuca jólatsja. Soysoy tjevele mpes, Balaam ma malala la tjiji jupj quelel líjitsja jin. 17 Nin pꞌiyá ca nsem; ninana noyomes nun ntꞌa ca ncul. Yupj sin ꞌyüsa lajay, malala. Ma tꞌücꞌ way sin ꞌyüsa lajay. ꞌÜsǘ japul ntꞌa tjapjaja quinam jinwá yupj. Mol ma jive jinwá yupj ꞌotsꞌipj. Dios nasa ꞌücj la tjiji quinam caꞌaj jis capj la tül. Pajal püste neꞌaj lovin. 18 Yupj sin ꞌyüsa lajay tꞌücꞌ way tulucj. Pajal ꞌüsüs jin yola javelepj, mopꞌin yupj javelepj malala. Yupj javelepj ꞌücj malala lajay Dios tsꞌuyupan. Yupj nin javelepj mpes, Dios tsꞌuyupan nepenowá malala nyuca quelel lajay niswá, gente pꞌin lovin malala lajay jinwá. ꞌIn lacasana ma malala nyuca quelel lajaytsja, püna la tjajay jinwá. Ma quelel lajaytsja ma japon lajay jinwá. 19 Niyom malala sin ꞌyüsa lajay, malala javelepj yupj jis lal. Yupj javelepj Dios tsꞌuyupan ꞌücj lajay yupj jisas jin. ꞌÜcj ma nin yola Dios jyüꞌtá, javelepj. Mopꞌin yupj pꞌiyá ma polel pjü jis la jay yupj jisas jinwá. Malala nyuca lajay la pꞌin. Ma polel jis la jay pꞌam. Mopꞌin nin. Gente lovin malala quelel lajay, ninana yupj quelel lajay yupj jis jepa jinwá. 20 Malala pajal, Dios tsꞌuyupan malala quelel lajay niswá. Nepénowa ma malala lajaytsja quinam. Ma lajaytsja Dios ma jisas jinwá. ꞌÜsüs lajaytsja quinam, qjuis Jepa Jesucristo poꞌo topon mpes. Jupj la tjiji cupj ꞌücj ca mpatjaquecj Dios lal. Quina yupj malala quelel lajay niswá, püna la tjajay jinwá. Lovin nin lajay yupj malala quelel lajay pꞌin. Niná jis tepyala na, más malala pǘnatsja lal, newa ma sin tjiꞌyüsa na Jesucristo poꞌó. 21 Niná jis tepyala na, malala pajal niná yupj mpes. Más ca ꞌücj nactsja lovin ma sin tjiꞌyüsa ꞌonin ne ꞌüsüs nyuca la qjuijicj Dios jos jin. La pꞌa sin tjiꞌyüsa la tjajay Dios tjijyüꞌtá. Topon wa yupj tjowelepj. Locopyaya yupj ma quelel nin lajaytsja Dios tjijyüꞌta jin. Malala nin. 22 Nin mpes nepénowa javelepj: “Tsjiyó tjevyojo na, tipisa

El Nuevo Testamento en Tol de Honduras, 2da ed. ©2010, Wycliffe Bible Translators

2 PEDRO 2, 3

712

tjevyojo”. Tꞌücꞌ way niná. Javelepj wa: “Malana tjaꞌasꞌü na, niswa pililicj ntꞌa jama. So tsꞌepta na, püꞌü, ꞌosꞌü pililicj moꞌó.” Nin pꞌiyá gente nenem jis lal. Sin tjiꞌyüsa ꞌonin ne ꞌücj lajay; mopꞌin ma quelel lajay niná. Newa malala nyuca quelel lajay. Jesucristo pajal quelel jis capj pꞌyaꞌsa nosis casá patjá, mpes newa ma tjacꞌ jis capj la tül.

3

1 Najamicapan,

napj la miyá tepyac quinam nun mpes. Papel manas mpes tjevelé nun jis lal nun solejé poꞌó. Najastsja nun ca nujola nsem tsjan tꞌücꞌ way ꞌüsüs. 2 Najas ca nun nujola mpalas profetapan* tjowelepj püná, yupj Dios jutsꞌaꞌatsja. Najas nun nujola mpalas wa qjuis Jepa Jesucristo tjijyüꞌtá. Jupj la tjiji cupj ꞌücj ca mpatjaquecj Dios lal. Apostolpan* nasa tjowelepj nun jis lal jupj tjijyüꞌtá. 3 Nin mpes velé niná. Po najas nusin tjüꞌüsüs niná: nepénowa la pjütsꞌünpan ca ncul, ca la mpjütsꞌünücj nosis quelel cyawaja na. Yupj pajal malala la mijicj yupj pꞌiyá quelel lajay jinwá. 4 Yupj ca la mpjütsꞌünücj, ca mvelecj: “Jesucristo tjevele ca ncuwim. Len̈ jupj custjay. Jesucristo poꞌo topon püna tapatjá tecyaꞌlin̈ quinam, newa len̈ jupj. Dios nosis la tjiji nepé, newa nin pꞌin pjü.” 5 Yupj javelepj tꞌücꞌ tulucj. Yupj ma quelel yola mpalas pajal püna tsjun poꞌo jálatsja Dios tjevele mpes pꞌin, nin mpes jala watsja jay la pꞌaꞌá, nosis ꞌotsꞌipj. Nosis la tjiji jupj ꞌüsǘ mpes. ꞌÜsǘ mpes tsꞌyawa jupj. 6 Locopyaya ꞌüsǘ pajal tꞌyüna nosis casá, mpes tecyaꞌlin̈ püna tapatjá. (Tꞌücꞌ tulucj newa nin pꞌin pjü.) 7 Quina Dios vele mpes wa jupj liji ma malala pyala tsjun poꞌó, liji wa ma malala pyala jay la pꞌaꞌá, liji wa ma malala pyala nosis custjay. Ca jis müꞌümüs pꞌa jawasa, jis capj tyüla na Dios ma jisas. Dios jis capj tyüla na, ca pjü malala jis mpalas yupj. 8 Pajal püs way li nucú Dios. Po ma nuyoꞌ tapaꞌis tsꞌacꞌ pjaní año mil jinwá qjuis Jepa Dios lal. Año mil tsꞌacꞌ pjaní jinwá jupj lal. Jus nlayé nun niná. 9 Nepénowa yola Dios ma quelel liji jupj tjevelá, custjay ma la tjiji mpes. Nin tulucj. Li nucú la pꞌin, jupj gente quelel la siji mpes. Jupj jos pjü ma malala jis mpalas tecyaꞌlin̈ na. Jupj jos pjü ca ꞌaplijila jis mpalas malala nyuca la tjajay, jos yupj ꞌüsüs la mijicj quinam jupj jos jinwá. 10 Tꞌücꞌ way ncuwim qjuis Jepa Jesucristo. Ma la nuc na ncuwim. Pecj jacꞌ jinwá nsem. Ma jus nlay pecj ncuwim. Nin pꞌiyá ca nsem. Len̈ way yümücj nepé pjac mpalas, ne ca ncawajas tsjun poꞌó, jay la pꞌaꞌá ꞌotsꞌipj. Pjü pjulacj pajal ꞌyawa ca jis mpalas, jis ncawajas ca

El Nuevo Testamento en Tol de Honduras, 2da ed. ©2010, Wycliffe Bible Translators

713

2 PEDRO 3

pjü. Nosis jas tüpwes, pjü nosis ntꞌa jáꞌasa wa, pjü ca mpem, malala ca mpalas pjü. 11 Nun solejé pjü niná ca malala mpalas napj tjevelé jinwá, mpes más ꞌücj nun pajal ꞌüsüs lojí, Dios jos jin. Pajal quelel la müjí Dios nun. Nin pꞌin potjaqué ꞌüsüs. 12 La tjunuca tsꞌacꞌ pjaní Dios nepé ca lay mpalas. Dios jos jin la müjí, más ꞌin len̈ way ncuwim jupj. Nin jawas tjejyawca na, tsjun ca mwalaquem ꞌawa mpes, jay la pꞌaꞌá ꞌotsꞌipj, ne ca pjü ncawajas. Pjulacj si ꞌawa ca jis mpalas, jis nsüjüs ca pjü. 13 Malala ca mpalas; locopyaya pajal ꞌüsüs ca la mijis Dios. Cupj selecj Dios ca tsjun seyasa la mijis, nosis seyasa la mijis wa, jupj tjevele jinwá. Li nucucj cupj niná. Neꞌaj pjü ca ꞌüsüs la mijicj lovin, Dios jos jinwá. 14 Najamicapan, nun solejé ninana ca mpalas, mpes ꞌin tjajama pajal ꞌüsüs la müjí lovin. Ma malala nyuca la müjí. Mpes jupj tjacꞌ na, jupj ꞌücj jos nsem nun jis lal. 15 Nujola tapalas Dios jos pajal pülücj ca mponecj Jesucristo poꞌó. Jupj jos ca pajal pülücj mpatjam jupj lal. Nin mpes ma tjacꞌ custjay. Ma napj pꞌin nin velé niná. Pablo nun mpes tepyaca nin pꞌiyá. Pablo cupj qjuis pülücj wa Jesucristo mpes. Quelel lijicj jupj. Dios jas tjiꞌyüsa la tjiji mpes ꞌüsüs si ꞌüsǘ jupj. Nin mpes ꞌüsüs tepyaca niná Dios mpes. 16 Napj quiꞌá tepyac nin pꞌiyá Pablo tepyaca jin pꞌiyá. Lovin nin pꞌiyá pyaca jupj, papel pyaca na. Napj tepyac poꞌó pyaca wa jupj lovin. Nepénowa jupj tepyaca costa way la ꞌüsüs. Nepénowa javelepj Pablo ma quelel nin veletsja niná jupj tepyacá. Jupj quelel veletsja pꞌa casá pꞌin, nin javelepj. Nin pꞌiyá javelepj wa Dios Popel pꞌa ntꞌa poꞌó. Nin mpes ca pjü malala jis mpalas yupj. Gente niná ma salejepj Dios poꞌó. ꞌOtsꞌotsꞌ way pꞌin japon Jesucristo lal. 17 Najamicapan, nun solejé niná quinam. Mpes ꞌin tjajama nun. Nepénowa ma quelel lajay Dios vele jin. Yupj javelepj tꞌücꞌ tulucj. Po ma toponé yupj javelepj. Nasa solejé quinam tꞌücꞌ way Dios mpes. Nun ca cüponetsja yupj javelepj, ma ca cüponetsja tꞌücꞌ way. 18 Jesucristo pajal quelel la nusiji nun. Pülücj quelel nu ꞌyaya jupj. Toponé jupj ca nin la mijis nun mpes. Lovin más ꞌüsüs nusin tjüꞌüsüs Jesucristo poꞌó, jupj ne cupj qjuis Jepa Püné. Jupj la tjiji cupj ꞌücj ca mpatjaquecj Dios lal. Najas pjü ca mvelecj jupj más ꞌüsüs pjü jis lal, jupj más püné pjü jis lal. Quina ca nin nsem. Lovin ca nin nsem, najas. Amén.

El Nuevo Testamento en Tol de Honduras, 2da ed. ©2010, Wycliffe Bible Translators

Papel mwalá Juan tepyaca

1

Gente patja liji Jesucristo.

1 Papel

pyaquecj cupj nun mpes yom pjaní mpes. Jupj tjevele Dios tjevelá. Gente patja liji jupj. Pajal püna nosis cjuwatsja na, jupj newa pǘꞌütsja. Lovin pǘꞌütsja jupj. Cupj tjepjyaꞌaquecj jupj tjevelá. Jus tjinyucucj. Po la tjeꞌyotꞌecj jupj. 2 Jupj tjacꞌ nosis ntꞌa, ne cupj jus tjinyucucj. Cupj velecj tjinyucucj mpes, tjepjyaꞌaquecj mpes wa. Jupj lovin tüpüꞌü Dios lal, Dios jupj Popay. Dios jas tjejyama nosis ntꞌa. Jupj tjacꞌ, ne cupj jus tjinyucucj. 3 Cupj jus tjinyucucj. Cupj tjepjyaꞌaquecj jupj tjevelá. Niná velecj nun jilal ꞌotsꞌipj. Cupj se con̈cocj Dios, jupj Jatjam Jesucristo ꞌotsꞌipj, mpes qjuisas nun ca jis capj ncon̈có wa cupj jinwá. Nin mpes nin velecj nun jilal. 4 Cupj qjuisas nun Dios jomicapan nsem. Qjuisas nun Jesucristo jomicapan nsem. Nin tepyala na, tsjay ꞌücj qjuisas ca nsem ncupj. Nin mpes wa papel pyaquecj nun mpes.

5 Cupj

Dios jos cupj velecj jupj lal cupj malala la tjijicj.

tjepjyaꞌaquecj Jesucristo tjevelá. Jupj tjevele, niná pyaquecj cupj nun mpes. Tjevele Dios jaw jinwá. Lovin ma malala liji. Dios püste jinwá tulucj. 6 Cupj velecj cupj se con̈cocj Dios ca nacj. Newa püste ntꞌa pyatjaquecj jinwá lijicj ca nacj, malala nyuca lijicj mpes. Mpes li tsuwilicj. Cupj ma lijicj Dios velá. Jupj velá tꞌücꞌ way. 7 Dios jaw ntꞌa püꞌü. ꞌÜsüs liji lovin. Cupj jaw ntꞌa pyatjaquecj jin wa lijicj Dios jinwá, ma ca malala la mijicj. Tꞌücꞌ way se con̈cocj jupj, nin lijicj na. Dios Jatjam Jesús tepeꞌe cupj mpes. Jupj ꞌos mpes Dios perdonar liji pjü way malala nyuca la tjijicj. 8 Ca nacj cupj velecj cupj ma malala nyuca lijicj. Nin tjevelecj na, qjuiyus tsyawilicj ncupj pꞌiyá. Po pyonecj

714 El Nuevo Testamento en Tol de Honduras, 2da ed. ©2010, Wycliffe Bible Translators

715

1 JUAN 1, 2

nin tjevelecj; ma pyonecj Dios velá. Dios velá tꞌücꞌ way. Ma lijicj Dios jinwá. 9 Nenéyawa malala nyuca lijicj. Dios jos cupj velecj jupj lal tsjan niná cupj malala la tjijicj. Niná tjevelecj na, jupj ca perdonar la qjuis mijis. Jupj tjevele jupj ca perdonar la qjuis mijis, mpes tꞌücꞌ way ca nin la mijis. ꞌÜsüs ca nsem cupj jupj lal. 10 Dios tjevele gente pjü way malala nyuca la tjajay. Ca nacj cupj velecj ma malala nyuca la tjijicj. Mpes qjuiyola Dios li tsuwile. Jupj tjevele pjü way malala nyuca la tjajay. Ma nin lijicj jupj tjevelá.

2

Jesucristo qjuis capj pꞌyaꞌsa.

1 Nun

poné Dios poꞌó napj jinwá, mpes napj tsꞌuyupj jinwá nun. Najas ma malala nyuca lojí. Nin mpes papel niná pyac nun mpes. Newa nenéyawa malala nyuca ca la müjí nun ca nacj. Nin tepyala na, Jesucristo ca mveles jupj Popay lal nun mpes. Mpes nun ꞌüsüs way nsem ca Dios lal. Jesucristo lovin ꞌüsüs nyuca liji Dios jos jin. Mpes jupj polel vele jupj Popay lal nun mpes. 2 Tꞌücꞌ way malala nyuca lijicj. Dios cus tyüla Jesucristo gente pjü malala la tjajay mpes. Niná pyonecj na, Dios perdonar la qjuisiji malala la tjijicj. Nin pꞌiyá pjü jis lal. Pjü way jun taꞌá niná japon na, Dios perdonar la siji malala nyuca la tjajay. 3 Cupj lijicj na Dios tjijyüꞌtá, tꞌücꞌ way selecj cupj Dios jomicapan. 4 Ca nacj nun popa pjaní nin vele jupj se con̈ca Dios. Mopꞌin jupj ma liji Dios tjijyüꞌtá. Mpes jupj li tsuwíletsja. Jupj Dios se con̈ca tulucj. Jupj ma pyona Dios tjevelá. Dios tjevelá tꞌücꞌ way. Jupj ma liji Dios jos jinwá. 5 Nun popa pjaní liji na pjü way Dios tjijyüꞌtá, tꞌücꞌ way quelel liji Dios. Mpes jupj selé jupj se con̈ca Dios. 6 Ca nacj nun welé nun so con̈có Dios. Mpes Jesucristo jinwá la müjí.

Seyasa jinwá Dios tjijyüꞌtá.

7 Natjampan,

papel pyac napj nun mpes. Napj ninana pyac Dios tjijyüꞌtá. Niná po quina tjijyüꞌta tulucj. Tsjay püna tjijyüꞌta niná. Nasa toponé na Dios lal, solejetsja jupj tjijyüꞌtá. Cupj tjevelecj nun jilal jupj tjijyüꞌtá. 8 Mopꞌin Dios tjijyüꞌta seyasa jinwá nun jilal. Niná Jesucristo liji lovin. Nun lojí wa niná. Püna ma nusin tjiꞌyüsa niná; püste ntꞌa tapatjaqué jinwatsja. Tjejyawca quinam Jesucristo qjuisin tjiꞌyüsa la tjiji mpes. 9 Nun popa pjaní vele jupj jaw ntꞌa püꞌü ca nacj, newa ma jos jupj jatjampan. Newa püste ntꞌa püꞌü jinwá jupj. 10 Nun popa pjaní quelel

El Nuevo Testamento en Tol de Honduras, 2da ed. ©2010, Wycliffe Bible Translators

1 JUAN 2

716

la siji jupj jatjampan, jupj jaw ntꞌa püꞌü jinwá. Jupj ma liji la pꞌa ca quelel malala nyuca la mijicj. 11 Nun popa pjaní ma jos jupj jatjampan, jupj püste ntꞌa püꞌü jinwá. Püste ntꞌa wine jinwá liji jupj. Jupj ma selé tsjan liji püste mpes. Mpes ma polel nyuca jinwá jupj. 12 Tsjictjacj, Dios perdonar la nutjiji malala nyuca la tjüjí; nin mpes papel pyac napj nun mpes. Dios perdonar la nutjiji Jesucristo la tjiji mpes. 13 Tsjyonca, nun Jesucristo jomicapan; nin mpes papel pyac nun mpes. Jesucristo lovin tüpǘꞌütsja. Tjamacjaspan, tsjücjüimpan, nun más püné tepyala diablo* lal; nin mpes papel pyac nun mpes. Tsjictjacj, nun Dios jomicapan; nin mpes papel pyac nun mpes. 14 Tsjyonca, nun Jesucristo jomicapan; nin mpes papel tepyac napj nun mpes. Jesucristo lovin tüpǘꞌütsja. Tjamacjaspan, tsjücjüimpan, nun ma lojí pꞌa jisas jinwá. Nun solejé Dios tjijyüꞌtá, ne nin lojí niná; nin mpes papel tepyac napj nun mpes. Nun más püné tepyala diablo lal, mpes wa nun mpes tepyac. 15 Pajal pülücj ma jisas Dios. Yupj ma jisas Dios jos jinwá. Po ma la müjí yupj lajay jinwá. Po ma nujola tꞌas nun yupj yola jinwá. Yupj jinwá lajay ma quelel lajay qjuis Papay Dios. 16 Gente pülücj malala nyuca lajay yupj. Yupj jisas jin quelel lajay yupj, ma quelel lajay qjuis Papay Dios jinwá. Yupj sa nuc mpes wa, mopꞌin malala nyuca lajay. Püné jin yola yupj pꞌiyá yupj jatatj mpes. Gente malala nyuca lajay na, ma Dios jinwá lajay yupj. Gente pꞌin lovin malala nyuca la tjajaytsja, mpes malala nyuca lajay yupj. Yupj ma jisas qjuis Papay Dios jos jinwá. 17 Malala nyuca lajay ncaꞌlin̈ ca yupj, nin ca mpalas. Pjü januc ncawajas ca yupj. Pjü jisas ncawajas ca yupj. Pjü quelel lajay, ncawajas ca yupj. Pjü cjuwá nsem. Mopꞌin nepénowa quelel lajay Dios tjijyüꞌtá; lovin ca mpatjam yupj.

El Nuevo Testamento en Tol de Honduras, 2da ed. ©2010, Wycliffe Bible Translators

717

1 JUAN 2

Jesucristo enemigopan quina lyawun̈.

18 Natjampan,

len̈ way nosis ncawajas ca jupj. Cjuwá ca nsem. Mpes solejé nun len̈ way jacꞌ yom pjaní, Jesucristo enemigo jupj. Quina pasal pülücj lyawun̈ Jesucristo enemigopan. Nin mpes selecj len̈ way nosis ncawajas ca jupj. 19 Püna pꞌin cupj qjuis lal ꞌa jis tjimyula Jesucristo enemigopan nenem. Mopꞌin tꞌücꞌ way ma cupj jinwatsja yupj. Tapatja cupj qjuilal, mopꞌin tjil yupj. Tjil, mpes pjü ca jus nlayecj yupj cupj sin popa tuluctsja. Cupj sin popa ca lovin cüpatjam cupj qjuis lal. Ma nin la tjajay yupj. 20 Jesucristo, Dios jutsꞌaꞌá jupj; jupj Dios Cjües nu tjeꞌyaya. Mpes nun solejé Dios tjevelá. 21 Nun solejé Dios tjevelá Jesucristo mpes. Jupj tjevelá tꞌücꞌ way. Mpes papel pyac nun mpes. Jesucristo enemigopan la tsuwil. Yupj jisas jin javelepj. Ma javelepj Dios tjevelá. Nun solejé niná. 22 Dios jas tjejyama Jesucristá, jupj ca jis capj mpꞌaꞌsas gentas. Gente tjowelepj na ma nin liji jupj, mopꞌin la tsuwil yupj. Yupj Jesucristo enemigopan. Ma jisas Dios. Ma jisas yupj Dios Jatjam. 23 Dios tjevele Jesucristo jupj Jatjam. Pülücj ma japon Dios velá. Mpes Jesucristo ma sa con̈ yupj, ma wa sa con̈ jupj Popay Dios. Mopꞌin pülücj japon Dios velá. La pꞌa lal nin javelepj yupj. Mpes Jesucristo sa con̈ yupj, jupj Popay Dios sa con̈ wa yupj. 24 Nujisas Jesucristo. Jupj poꞌó toponé na pꞌin, solejetsja Jesucristo Dios Jatjam jupj. ¡Lovin mponé nun Jesucristo Dios Jatjam jupj! Lovin poné Jesucristo Dios Jatjam, Dios Jatjam lovin nucopj cyon̈ca. Jupj Popay ꞌotsꞌipj lovin nucopj cyon̈ca. 25 Cupj lovin ca mpatjaquecj Dios lal, nin tjevele Dios Jatjam. Mpes nin ca nsem. Lovin ca mpatjaquecj Dios lal. 26 Nepénowa la tsuwil nun jilal Jesucristo poꞌó. Yupj jisas nun poné yupj javelepj. La tsuwil Jesucristo poꞌó, mpes nin tepyac napj nun mpes. 27 Jesucristo Dios Cjües nu tjeꞌyaya. Newa nucopj cyon̈ca jupj Cjües, mpes nusin ꞌyüsa la nusiji. Pꞌa nusin ꞌyüsa la nusiji ma nujisas. Dios Cjües pjü nusin ꞌyüsa la nusiji. Tꞌücꞌ nusin ꞌyüsa la nusiji. Ma li tsuwile jupj. Mpes po la müjí Dios Cjües tjevelá. Lovin quelel la müjí Jesucristá. Lovin cus ncon̈có. 28 Natjampan, najas nun lovin cus ncon̈có Jesucristá. Mpes niswa tjacꞌ na, pasal quelel ca jus nucú. Nun ma locj meyá ca jupj lal. Quelel la müjí jupj. Mpes niswa tjacꞌ na, ma ca qjuis maycas cupj. 29 Nun solejé Jesucristo lovin liji Dios jos jin. Nin pꞌiyá, gente la tjajay na Dios jos jin, solejé Dios tsꞌuyupj way yupj.

El Nuevo Testamento en Tol de Honduras, 2da ed. ©2010, Wycliffe Bible Translators

1 JUAN 3

3

718 Cupj Dios tsꞌuyupj.

1 Dios

pajal quelel la qjuisiji. Nin nujola tꞌas nun. Jupj vele cupj jupj tsꞌuyupj. Tꞌücꞌ way cupj jupj tsꞌuyupj. Mopꞌin gente pülücj ma sin tjiꞌyǘsatsja Dios poꞌó. Mpes ma sin ꞌyüsa cupj Dios tsꞌuyupj. 2 Natjampan, cupj Dios tsꞌuyupj qjuis tepyala. Custjay ma selecj tsjan ca nsem cupj. Mopꞌin selecj ꞌüsüs ca qjuis mpalas. Jesucristo niswa tjacꞌ na, jupj jinwá ca nsem cupj. Cupj ca jus nucucj, ne nin. Tꞌücꞌ way Jesucristo Dios jupj. 3 Nin pꞌiyá ca nsem pjü way jupj lal japon jis lal. Yupj salejepj nin ca mpalas. Nin mpes yupj ꞌin jajamapj ma ca malala la mijicj, Jesucristo lovin ma malala liji jinwá. 4 Pjaní malala nyuca liji na, ma quelel liji Dios tjijyüꞌtá. Diablo* vele jin quelel liji jupj. Niná nin liji na, malala nyuca liji. Po ma jos Dios. Malala nin Dios lal. 5 Solejé nun Jesucristo tjacꞌ nosis ntꞌa. Jupj la tjiji mpes Dios perdonar la qjuisiji malala nyuca la tjijicj. Jesucristo lovin ma malala liji. 6 Mpes nun so con̈có na, ma malala lojí nun. Nun malala nyuca lojí na, nun lovin ma nusin tjiꞌyüsa pjacj Jesucristo cuscú. Nun jupj jomicapan tulucj. 7 Natjampan, nepénowa ca la ntsawilicj nun jilal. Ma mponé yupj javelepj. Nun ꞌüsüs lojí na Dios jos jin, ꞌüsüs way nun Dios lal Jesucristo jinwá. Jesucristo lovin ꞌüsüs liji Dios jos jin. Po ꞌüsüs way jupj Dios lal. 8 Lovin malala lojí na, diablo* tsꞌuyupj nun. Diablo mopꞌiyá malala nyuca la tjiji jupj. Mopꞌin Dios Jatjam tjacꞌ nosis ntꞌa. Jupj la tjiji diablo ma polel liji jupj jos jin. 9 Dios tsꞌuyupj Dios jinwá, yupj jupj tsꞌuyupj mpes; nin mpes ma newa malala lajay. Dios yupj jis Papay, mpes yupj ma polel malala lajay. 10 Mpes selecj cupj pjacj ne Dios tsꞌuyupj. Selecj pjacj ne diablo tsꞌuyupj. Pülücj ma ꞌüsüs quelel lajay Dios tjevelá. Pülücj ma quelel la sajay yupj sejatjampan. Mpes selecj Dios tsꞌuyupj tulucj yupj.

11 Dios

Dios jos cupj quelel la sijicj cupj qjuis catjampan.

jos cupj quelel la sijicj cupj qjuis catjampan. Nasa toponé Jesucristo poꞌó. Nin tepyala na, niná solejetsja nun. Janmacj solejetsja. 12 Dios ma jos Caín jinwá lijicj cupj. Caín lovin la tjiji diablo* jostsja jin. Jupj tjiꞌyüꞌna jupj tsüipe. ¿ꞌOnintsja ne tjiꞌyüꞌna? Jupj tsüipe janmacj la tjiji Dios jostsja jin. Caín janmacj la tjiji diablo jostsja. Nin mpes Caín po ma jostsja jupj tsüipe la tjijá. 13 Mpes ma nujola tꞌas. Gente ma wa ca jisas nsem nun lojí. 14 Cupj selecj cupj ca mpatjaquecj Dios lal lovin. Yas nam tecyaꞌlequecj

El Nuevo Testamento en Tol de Honduras, 2da ed. ©2010, Wycliffe Bible Translators

719

1 JUAN 3, 4

jinwatsja cupj Dios lal. Quina quelel la sijicj cupj qjuis catjampan, mpes selecj cupj ca mpatjaquecj Dios lal. Nepénowa ma quelel la sajay yupj sejatjampan, mpes yupj tecyaꞌlin̈ jinwá Dios lal custjay. 15 Nepénowa po yola yupj sejatjampan malala yupj. Yupj po ma jisas yupj. Gente jaꞌünan jinwá yupj. Nun solejé gente jaꞌünan ma lajay Dios jos jinwá. Moꞌm ca ma mpatjam yupj Dios lal. 16 Gente quelel la sajay na la pꞌa wa, nin lajay Jesucristo la tjiji jinwá. Jesucristo po quelel la qjuis tjiji. Jupj tepeꞌe cupj mpes. Jupj jos nin pꞌiyá quelel la sijicj qjuis catjampan. 17 Ca nacj pjü toꞌá pjü nujisas. Ca nacj nun sejatjam ma tyaꞌa pjü jos. Nun ma quelel so pꞌoꞌsá, tꞌücꞌ way ma quelel lojí Dios. 18 Mopꞌin ma nin la müjí nun. Ca nacj nun welé nun quelel la sojí nun sejatjampan. Mopꞌin ma jis capj pꞌoꞌsá. Mpes yupj ma salejepj ncu tꞌücꞌ way quelel la sojí. ¡Jis capj mpꞌaꞌsá! Mpes ca jus nlayecj tꞌücꞌ way quelel la sojí. 19 Nin la tjijicj na, tꞌücꞌ way ca jus nlayecj cupj lijicj Dios tjevelá. Jupj tjevelá tꞌücꞌ way. Nin la tjijicj na, ma ca qjuis maycas Dios lal. 20 Nenéyawa cupj qjuiyola malala cupj. Pꞌa gente quelel lijicj mpes, ma ca nin qjuiyola ncupj. Dios po selé cupj qjuisin poꞌó; pjü selé jupj, mpes po ma nin nujola tꞌas nun malala. Jupj selé cupj jupj tsꞌuyupj. 21 Cupj ma nin qjuiyola cupj malala, ma lecj meyacj ncupj Dios lal. 22 Nin mpes, Dios lal le monacj na, jupj qjuesé ꞌaya pjü qjuisas. Cupj lijicj pjü jupj tjijyüꞌtá, ne nin. Cupj lijicj mpes ꞌücj jos jupj. 23 Ca mpac tsjan tjijyüꞌta jupj. Jupj tjijyüꞌta cupj mponecj jupj Jatjam poꞌó. Jupj tjijyüꞌta wa cupj ca quelel lis mijicj cupj qjuis catjampan. Jesucristo nin pꞌiyá qjuis tjijyüꞌta. 24 Dios tjijyüꞌta la tjüjí na, solejé nun so con̈có Dios, solejé Dios nucopj cyon̈ca wa nun. Dios jupj Cjües qjuis tjeꞌyaya. Jupj Cjües mpes wa selecj Dios qjuis capj cyon̈ca.

4

Nusin tjüꞌüsüs pjacj vele Dios Cjües jos jin.

1 Natjampan,

gente pülücj javelepj yupj jatatj Dios Cjües. Ma ca mponé pjü way javelepj. Nepénowa la tsuwil. Mpes nusin tjüꞌüsüs ncu tꞌücꞌ way Dios mpes javelepj yupj. Pülücj nosis casá lyawun̈, javelepj yupj pꞌiyá profetapan*. Yupj sin popa nepenowá profetapan tulucj, Dios mpes javelepj tulucj. 2 Nun ca jus nlayé pjacj Dios Cjües jatatj. Yupj javelepj Jesucristo tjacꞌ nosis ntꞌa, yom tepyala jupj. Yupj nin javelepj na, Dios Cjües jatatj yupj. 3 Dios Cjües ma jatatj ca jus nlayé wa nun. Yupj javelepj Jesucristo ma tjacꞌ nosis ntꞌa, javelepj yom tepyala tulucj. Yupj jin javelepj na, ma jatatj Dios Cjües. Yupj jatatj Jesucristo enemigo cjües. Nun solejetsja Jesucristo enemigo cjües ncuwim. Nasa nin tepyala niná. Nosis ntꞌa wine quinam.

El Nuevo Testamento en Tol de Honduras, 2da ed. ©2010, Wycliffe Bible Translators

1 JUAN 4

720

4 Nun

Dios gente. Nun más püné Jesucristo enemigo cjües jatatj jilal. Dios wine nun jilal. Diablo* wine yupj jilal. Mopꞌin Dios más püné diablo lal. Mpes más püné nun yupj jilal. 5 Jesucristo enemigo cjües jatatj ma lajay Dios tjijyüꞌtá. Mpes ma javelepj Dios jos jin. Yupj pꞌiyá yola jin javelepj. Dios ma jisas ma wa lajay Dios tjijyüꞌtá. Yupj nin lajay Jesucristo enemigo cjües jatatj jin javelepj. 6 Mopꞌin cupj Dios jutsꞌaꞌá. Cupj lijicj Dios tjijyüꞌtá. Dios jomicapan nin lajay cupj jyüꞌtücj. Mpes cupj selecj Dios Cjües jatatj yupj. Dios ma jisas ma lajay cupj jyüꞌtücj. Mpes cupj selecj Jesucristo enemigo cjües jatatj yupj.

7 Natjampan,

Dios pjü way quelel la siji lovin.

quelel lis müjí pjü way nun sejatjampan. Dios mpes quelel la sijicj. Quelel la sijicj na, cupj Dios jomicapan, cupj Dios tsꞌuyupan ꞌotsꞌipj. 8 Nepénowa ma quelel la sajay la pꞌa wa. Mpes yupj ma sa con̈ Dios. Dios pjü way quelel la siji lovin. Nin tulucj yupj. Yupj ma quelel la sajay la pꞌa. Mpes ma sa con̈ Dios. 9 Cupj selecj Dios quelel la qjuisiji cupj. Jupj pjaní way popa pꞌin. Jas tjejyama jupj Jatjam pjaní nosis ntꞌa la mas, ca cupj mpatjaquecj jupj la tjiji mpes. 10 Mpes qjuisin ꞌyüsa Dios pasal quelel la qjuis tjiji. Tꞌücꞌ way cupj ma quelel lijictsja Dios. Jupj pasal quelel la qjuis tjiji cupj. ¿ꞌOyn la tjiji jupj quelel la qjuis tjiji mpes? Jupj Jatjam jas tjejyama nosis ntꞌa. Cus tyüla jupj, gente pjü malala la tjajay mpes. Niná pyonecj na, Dios perdonar la qjuisiji malala nyuca la tjijicj. 11 Natjampan, tꞌücꞌ way Dios quelel la qjuisiji. Mpes más ꞌücj nun quelel lis müjí nun sejatjampan. 12 Gente lovin ma jus tjunuc Dios. Nin pꞌin cupj selecj Dios qjuis capj cyon̈ca qjuis catjampan quelel la sijicj na. Qjuis catjampan quelel la sijicj na, tꞌücꞌ way cupj lijicj Dios jos jinwá. 13 Dios jupj Cjües qjuis tjeꞌyaya. Jupj Cjües mpes cupj selecj Dios qjuis capj cyon̈ca, selecj cupj se con̈cocj jupj. 14 Cupj selecj qjuis Papay jas tjejyama jupj Jatjam nosis ntꞌa. Cupj jus tjinyucucj. Jupj Jatjam la tjiji gente ꞌücj ca mpatjaquecj Dios lal. Cupj nin velecj gente jilal nin tepyalá. 15 Jesucristo Dios Jatjam jupj. Gente niná javelepj na la pꞌa jilal, Dios jis capj cyon̈ca; yupj sa con̈ wa jupj. 16 Tꞌücꞌ way cupj selecj Dios quelel la qjuisiji. Niná pyonecj. Dios pjü way quelel la siji lovin. Gente quelel lajay na Dios, quelel la sajay na yupj sejatjampan ꞌotsꞌipj, yupj sa con̈ Dios; Dios jis capj cyon̈ca wa yupj. 17 Cupj quelel lijicj na Dios, quelel lijicj na qjuis catjampan ꞌotsꞌipj,

El Nuevo Testamento en Tol de Honduras, 2da ed. ©2010, Wycliffe Bible Translators

721

1 JUAN 4, 5

tꞌücꞌ way nin lijicj Dios jos jin. Jesucristo jinwá lijicj cupj nosis ntꞌa, mpes ma ca lecj meyacj jupj lal jupj tjacꞌ na. Nin jawas jupj tjacꞌ na, jupj ca mveles ncu ꞌüsüs la tjajay pjü. 18 Quelel lijicj na Dios, quelel la sijicj na qjuis catjampan ꞌotsꞌipj, ma lecj meyacj Dios lal. Cupj selecj Dios ma ca qjuis capj ntülüs, ne ma lecj jeyacj. Ma quelel lijicj Dios, ma wa quelel la sijicj qjuis catjampan, cupj lecj meyacj ca Dios lal. 19 Dios mwalá way quelel la qjuis tjíjitsja cupj. Mpes quina cupj quelel lijicj jupj, quelel la sijicj wa qjuis catjampan. 20 Nun popa pjaní vele jupj quelel liji Dios ca nacj. Newa ma jos jupj jatjam; jola jupj jatjam malala. Ma jos jupj jatjam, mpes cupj selecj li tsuwíletsja jupj. Jupj ma quelel liji Dios. Jupj si nucú jatjam, mopꞌin ma quelel liji jupj. Nin mpes cupj selecj jupj ma wa quelel liji Dios; jupj lovin ma jus tjinyuca jupj. 21 Mpes Dios qjuis wala tjevele: “Nun quelel la nojí. Mpes quelel lis müjí wa nun sejatjampan.”

5

Cupj más noypan qjuis tepyala Dios ma jisas jilal.

1 Dios

jas tjejyama Jesucristá, jis capj la pꞌacj gentas. Nun popa pjaní niná tepyona na, jupj Dios popa. Nun popa pjaní quelel liji na qjuis Papay, quelel la siji wa Dios popa. 2 Mpes cupj Dios quelel la tjijicj na, cupj selecj wa quelel la sijicj Dios tsꞌuyupan. Dios tjijyüꞌta jin la tjijicj na, selecj wa niná. 3 Nin lijicj na Dios tjijyüꞌtá, cupj selecj quelel lijicj jupj. Costa way tulucj nin lijicj Dios tjijyüꞌtá; 4 cupj Dios tsꞌuyupan, ne nin. Mpes cupj más noypan qjuis tepyala Dios ma jisas jilal. Cupj tepyonecj Jesucristo Dios Jatjam. Mpes más noypan cupj Dios ma jisas jilal. 5 Tꞌücꞌ way Jesucristo Dios Jatjam. Gente niná japon más noypan se palá Dios ma jisas jilal.

6 Dios

Jesucristo tjacꞌ, gente ca mpatjam la tjiji.

jas tjejyama Jesucristo, gente jis capj la pꞌacj. Selecj jupj niná, püna tepyalá mpes, jupj bautizar* tepyala na. Selecj wa jupj niná, püna tepyalá mpes, jupj cruz* poꞌó tjovalapj na. Dios Cjües nin vele jupj niná Dios jas tjejyamá. Dios Cjües vele tꞌücꞌ way. 7 Contꞌe tsjun poꞌo nin javelepj Jesucristo mpes. Contꞌe sin popé Dios pjaní, Jesucristo pjaní, Dios Cjües pjaní. Yuwal nin javelepj. 8 Contꞌe mpes wa nosis ntꞌa selecj wa niná Jesucristo poꞌó. Selecj Dios Cjües mpes. Selecj püna tepyalá mpes jupj bautizar tepyala na. Selecj püna tepyalá mpes jupj cruz poꞌó tjovalapj na. Yupj cóntꞌeya mpes selecj Jesucristo tjacꞌ gente ca mpatjam la tjiji. 9 Selecj Dios jas tjejyama Jesucristo, gente

El Nuevo Testamento en Tol de Honduras, 2da ed. ©2010, Wycliffe Bible Translators

1 JUAN 5

722

jis capj la pꞌacj. Dios nin tjevele. Niyom nin tjowelepj yupj tjunuc mpes, tjepjyacan̈ mpes wa; pyonecj yupj tjowelepj. Mopꞌin Dios velá más ꞌüsüs. Lovin tꞌücꞌ vele. Mpes selecj Jesucristo tjacꞌ gente jis capj la pꞌacj. 10 Nepénowa japon Dios Jatjam poꞌó. Mpes yupj jisas Dios tjevelá. Mopꞌin la pꞌa ma japon Dios tjevelá jupj Jatjam poꞌó. Yupj yola Dios li tsuwíletsja. 11 Napj pyac Dios tjevelá. Jupj tjevele cupj lovin ca mpatjaquecj jupj lal, nin la tjiji jupj. Lovin ca mpatjaquecj jupj lal jupj Jatjam la tjiji mpes. 12 Pülücj po jisas Dios Jatjam. Mpes lovin ca mpatjam yupj. Pülücj ma jisas Dios Jatjam. Mpes yupj lovin ma ca mpatjam.

13 Nun

Juan tecyawaja tepyaca.

poné Dios Jatjam poꞌó. Napj najas nun jus nlayé lovin ca mpatjaqué Dios lal toponé mpes. Mpes pjü way niná tepyac nun mpes. 14 Cupj le monacj Dios lal. Ma lecj meyacj le monacj jupj lal. Dios jinwá qjuiyola na, selecj jupj ca mpjacam pjü way cupj le monacj. 15 Niswa velé, cupj selecj Dios ca mpjacam pjü way cupj le monacj jupj lal. Mpes selecj wa Dios ca la mijis pjü way cupj le monacj. 16 Nenéyawa nun sejatjampan malala nyuca lajay, mopꞌin ninana lajay mpes ma ncaꞌlin̈ ca yupj. Malala nyuca la tjajay tjunucú na, tjowelé Dios lal yupj mpes. Mpes ca mpatjam yupj, Dios ca la mijis. Pjaní way lajay mpes Dios lovin ca jola nsem. Nenéyawa ca nucú nepénowa nin lajay. Ma tjowelé Dios lal yupj mpes. 17 Gente malala nyuca lajay na, tꞌücꞌ way ninana lajay malala Dios lal. Mopꞌin pjaní way lajay mpes Dios lovin ca jola nsem. Nin lajay na, ma ca mpatjam lovin Dios lal. 18 Cupj selecj Dios tsꞌuyupj lovin ma quelel malala nyuca lajay. Dios Jatjam wine yupj jilal. Diablo* ma polel malala nyuca liji yupj jilal. Mpes Dios tsꞌuyupj lovin ma quelel malala nyuca lajay. 19 Cupj selecj Dios tsꞌuyupan ncupj. Dios ma jisas, diablo* mozopan yupj. Nin pꞌiyá yupj pjü. 20 Cupj selecj Dios Jatjam tjacꞌ. Qjuisin tjiꞌyüsa la tjiji Dios poꞌó. Mpes Dios tꞌücꞌ way poꞌo qjuisin tjiꞌyüsa quinam. Cupj se con̈cocj Dios, se con̈cocj wa jupj Jatjam. Jupj Jatjam Jesucristá. Jesucristo Dios tꞌücꞌ way jupj, ꞌüsüs way jupj. Lovin ca mpatjaquecj Dios lal jupj liji mpes. 21 Natjampan, quelel la müjí Dios tꞌücꞌ way. Pꞌa dios witjacj* ma quelel lis müjí.

El Nuevo Testamento en Tol de Honduras, 2da ed. ©2010, Wycliffe Bible Translators

Papel locopyaya Juan tepyaca

1 Napj

Dios qjuis tjijyüꞌta quelel lis mijicj qjuis catjampan.

coꞌmüy* Dios tsꞌuyupj jilal Jesucristo mpes. Jipj quepj po ꞌüsüs way Dios lal. Papel niná pyac jipj mpes, jipj tsꞌuyupj mpes ꞌotsꞌipj. Tꞌücꞌ way napj po quelel la nusejay. Dios tsꞌuyupj salejepj tsjan tꞌücꞌ way. Yupj pjü way quelel la nusejay wa. 2 Cupj lijicj Jesucristo tjevelá. Jupj tjevelá tꞌücꞌ way. Lovin ca nin la mijicj Jesucristo tjevelá. 3 Dios cupj qjuis Papay. Jesucristo Dios Jatjam. Yupj ꞌüsüs ca la mijicj cupj mpes. Yupj ca qjuis capj mpꞌaꞌsacj, malala qjuesé palá na. Pjü mpes ma ca qjuiyola nsem, yupj nin ca la mijicj cupj mpes. Cupj lijicj Jesucristo tjevele jin, mpes ca nin la mijicj yupj cupj mpes. Jupj tjevelá tꞌücꞌ way. Cupj quelel la sijicj qjuis catjampan, mpes wa ca nin la mijicj cupj mpes. 4 Dios qjuis tjijyüꞌta cupj ca la mijicj jupj tjevelá. Napj jus nleytsja jipj tsꞌuyupj nepenowá nin lajay jupj tjevelá. Mpes po ꞌücj najastsja. Jupj tjevelá tꞌücꞌ way. 5 Quina ca mpac tsjan najas ca nin la mijin jipj. Dios qjuis tjijyüꞌta cupj ca quelel lis mijicj qjuis catjampan. Po quina way pꞌin qjuis tjijyüꞌta tulucj. Tsjay püna tjijyüꞌta. Nas tepyon na Dios lal, selentsja niná Dios tjijyüꞌtá. 6 Dios tjijyüꞌta jin lijicj na, quelel lijicj Dios. Jupj tjijyüꞌta cupj ca quelel lis mijicj qjuis catjampan. Püna, nas tepyon na pꞌin, jin tjiꞌyüsa jupj tjijyüꞌtá.

7 La

La tsuwilpan lyawun̈ nosis ntꞌa.

tsuwilpan pülücj lyawun̈ nosis ntꞌa. Yupj javelepj Jesucristo ma tjacꞌ nosis ntꞌa, yom tepyala tulucj, nin javelepj. Yupj la tsuwil. Yupj 723 El Nuevo Testamento en Tol de Honduras, 2da ed. ©2010, Wycliffe Bible Translators

2 JUAN

724

Jesucristo enemigopan. 8 Pasal tjajama nun. Ma la müjí yupj jinwá. Nun po ꞌüsüs way la müjí Dios mpes. Dios ꞌüsüs ca la mijis nun mpes pꞌa jawasa. Mopꞌin ma ꞌüsüs ca la mijis la tsuwilpan mpes. Niswa velé, ma la müjí yupj jinwá. Mpes tꞌücꞌ way Dios po ꞌüsüs ca la mijis nun mpes pꞌa jawasa. 9 Nepénowa lovin lajay Jesucristo tjevelá. Mpes cupj qjuis Papay jis capj cyon̈ca. Jupj Jatjam jis capj cyon̈ca wa yupj. Gente la pꞌa way nin la jaytsja wa Jesucristo tjevelá. Mopꞌin nin lajay wa la pꞌa wa javelepj. Mpes Dios ma jis capj cyon̈ca yupj quinam. 10 Yupj ca ncul nun jis wa ntꞌa, nusin müꞌüsüs quelel la mijicj yupj. Mopꞌin ma tjowelé ꞌücj ca mpatjam nun jis wa ntꞌa. Jis lal tjowelé más ꞌücj len̈ way jil. Ma mvelé: “ꞌÜsüs lowa”. 11 “ꞌÜsüs lowa” welé na, jis capj pꞌoꞌsá malala nyuca lajay. Mpes ma nin mvelé, ne ma yupj jinwá nsem nun.

12 Pülücj

Juan tecyawaja tepyaca.

quelel velé. Ma pjü quelel pyac la pꞌin. Po quelel jum jipj ntꞌa la veles. Po ꞌücj qjuisas ca mpalas neꞌaj jum na. 13 Jipj nyütsj po ꞌüsüs ꞌotsꞌipj Dios lal. Jupj tsꞌuyupj süs wa la tjajay.

El Nuevo Testamento en Tol de Honduras, 2da ed. ©2010, Wycliffe Bible Translators

Papel pꞌa wa Juan tepyaca, papel contꞌe tepyala nasa Gayo po ꞌüsüs nyuca liji.

1 Napj

coꞌmüy* Dios tsꞌuyupj jilal Jesucristo mpes. Gayo, napj najamica jipj. Tꞌücꞌ way po quelel la ꞌejay napj. Quina papel ca mpac jipj mpes. 2 Natjam, napj selé ꞌüsüs way jipj Dios lal. Najas lovin ma malala jyas nsem jipj. Najas wa lovin ꞌüsüs way pütꞌ jipj. 3 Qjuis catjampan nepénowa tjiquil, nawala tjowelepj jipj po ꞌüsüs lejay Dios vele jin. Niná tjowelepj na, po ꞌücj najas ntepalá. Jipj lovin lejay Dios vele jin. Jupj vele tꞌücꞌ way. 4 Natjampan nin lajay na, Dios vele jin, tꞌücꞌ way lovin tsjay ꞌücj najas ne palá. Jupj vele tꞌücꞌ way. 5 Jipj qjuis catjampan jis capj pꞌyacj na, po ꞌüsüs nyuca lejay Dios jos jinwá. Nepénowa lovin ma yus tjinyuc. Mopꞌin ꞌüsüs lejay yupj mpes. Tjiquil na, jis capj pꞌyacj. Po ꞌüsüs nyuca lejay. 6 Quiꞌá yupj tjowelepj qjuis catjampan jilal jipj po quelel la sajay. Lovin najas yupj jisas se ꞌan. Mpes ꞌücj ca mal pꞌa ntꞌa, ca tsjiꞌ la mijicj Dios mpes. Dios ꞌücj jos ca nsem jipj la tjejay mpes. 7 Yupj jil la veles la pꞌa jilal Jesucristo poꞌó. Yupj ma jisas Dios tsꞌuyupj tulucj jis capj japꞌacj yupj. 8 Mopꞌin cupj Dios tsꞌuyupj. Mpes Dios jos jis capj pꞌyaꞌsacj. Jis capj tjepꞌyaꞌsacj na, cupj tsjiꞌ lijicj yupj jilal Jesucristo mpes. Nin javelepj tꞌücꞌ way.

Diótrefes tsjay malala nyuca liji.

9 Nawajaꞌa

papel tepyac napj, Dios tsꞌuyupj mpes neꞌaj. Newa Diótrefes ma liji napj velé jin. Jupj jos nun ma wa lojí napj velé jin. Jos nun lojí jupj vele pꞌin. 10 Nun ntꞌa tjum na, ca mvelé pjü jilal Diótrefes nin liji. La tsyawilí napj nin poꞌó. Pꞌa wa malala liji wa. Qjuis catjampan neꞌaj

725 El Nuevo Testamento en Tol de Honduras, 2da ed. ©2010, Wycliffe Bible Translators

3 JUAN

726

jil na, jupj ma jis capj pꞌyaꞌsa yupj. Mopꞌin nin, nepénowa neꞌaj quelel jis capj japꞌacj yupj. Mpes Diótrefes si jütüta yupj ma jis capj mpꞌaꞌsacj neꞌaj jiquil. Dios tsꞌuyupj ꞌa si mulú ntꞌa, jupj si jütüta jis capj japꞌacj lovin ma ncul niswá. Mpes nun ntꞌa tjum na, napj ca mvelé pjü jilal Diótrefes nin liji. Tsjay malala liji jupj. 11 Ma la mijin jipj Diótrefes jinwá. Napj najas jipj lovin ꞌüsüs nyuca lejay, gente ꞌüsüs nyuca lajay jinwá. Jipj selen ꞌüsüs nyuca lajay, yupj Dios jutsꞌaꞌá. Nin tulucj malala nyuca lajay. Yupj po ma sin tjiꞌyüsa pjacj ne Dios.

12 Jipj

Demetrio po ꞌüsüs liji.

selen Demetrio po ꞌüsüs way jupj. Pjü javelepj po ꞌüsüs way jupj. Jupj nin liji Dios tjevelá, mpes jipj selen ꞌüsüs way jupj. Dios tjevelá tꞌücꞌ way. Napj wyala velé po ꞌüsüs way Demetrio. Jipj selen tꞌücꞌ way velé napj. 13 Pülücj

Juan tecyawaja tepyaca.

quelel veletsja napj jipj lal. Pjü way ma quelel pyac la pꞌin. ꞌin len̈ way quelel jum jipj ntꞌa la veles. Mpes ma pjü way pyac quinam. 15 Po najas ma jele nsem pjü mpes. Qjuis cajamicapan süs wa la tjajay jipj lal. Süs wa la mijin pjü qjuis cajamicapan neꞌaj. 14 Po

El Nuevo Testamento en Tol de Honduras, 2da ed. ©2010, Wycliffe Bible Translators

Papel niná Judas tepyaca 1 Napj

ne Judas, Jacobo jatjam napj. Jesucristo jomozo napj. Ninana napj pyac nun pjü way mpes, nun Dios tsꞌuyupan mpes. Dios la nu tꞌya. Jupj pajal quelel la nusiji nun. Jupj nu jyama nun, ca Jesucristo cus ncon̈có lovin. 2 Najas Dios ca pajal nucopj mpꞌaꞌsas, malala nu pyala na. Najas nun ma nujola nsem pjü mpes, jupj la numijis. Najas Dios pajal ca quelel la numijis lovin. 3 Mpülücpan, napj po quelel pyactsja popelses nun mpes. Dios la tjiji pjü way cupj ca ꞌücj mpatjaquecj jupj lal. Po quelel pyactsja napj niná poꞌó. Newa nin, ma ca mpac niná quinam. Napj nola Dios jos pꞌa poꞌo pyac quinam. Ninana ca mpac: po najas nun pajal tsjiꞌ lojí Jesucristo mpes. Mponé nun püna tepyonecj jupj poꞌó. Mvelé wa nun pꞌa jis lal nun poné niná. Ninana tepyonecj Dios sin tjiꞌyüsa lis tjiji jupj tsꞌuyupan. Tꞌücꞌ waytsja niná. Newa tꞌücꞌ niná. 4 Niyom nepénowa nun popé ma nin javelepj. Lyájasa pꞌin tjiquil yupj nun ntꞌa, ꞌa jis mulus neꞌaj nun jis lal. Mopꞌin malala yupj. Pajal püna profetapan* tapac yupj sin poꞌó. Yupj tapac Dios ca jis capj ntülüs malala lajay mpes. Ninana noyomes ma jisas Dios. Yupj javelepj Dios ꞌücj perdonar la siji, mpes ꞌücj pajal malala nyuca lajay. Yupj javelepj tꞌücꞌ tulucj. Yupj jatsüpün Jesucristo pꞌin ꞌücj qjuisí jütüta. Yupj jatsüpün jupj cupj qjuis Jepa.

5 Nun

Dios ca jis capj ntülüs yupj, pꞌa jis capj tyüla jinwá.

solejé qjuis Jepa Dios jis capj tjepꞌyaꞌsa pjü israelpan* püná. Jis capj tjepꞌyaꞌsa ꞌücj jis la winin Egipto mpe, neꞌaj malala tepyala mpes. Locopyaya nepénowa yupj sin popé ma topon Dios tjevelá. Ma topon, pjü way jis tjiꞌyüꞌna Dios. Pjü niná nun solejé. Napj najas niná nujola mpalas. 6 Nujola tapalas wa angelpan* jis tepyala. Pajal püna angelpan nepénowa

727 El Nuevo Testamento en Tol de Honduras, 2da ed. ©2010, Wycliffe Bible Translators

JUDAS

728

ma quelel jajütütsja Dios sin tjejyama ntꞌa. Yupj tjil Dios tjeꞌyaya tapatja mpe. Mpes Dios tsyuꞌpa si manuna yupj quinam, pajal püste ntꞌa. Neꞌaj tsyuꞌpa jatja lovin, jis capj tyüla nas. Tsꞌacꞌ pꞌa wa jis capj ntülüs yupj. 7 Nujola tapalas wa nun, Dios jis capj tyüla wa Sodoma poꞌo tapatja, Gomorra moꞌo tapatja nin pꞌiyá, neꞌaj pꞌin tapatja nin pꞌiyá. Yupj malala la tjajay ángel* malalapan jinwá. Niyom neꞌaj tjamanun niyom pꞌa wa. Ma jisastsja nequem. Nequem pꞌa nequem jis lal tjelyawun̈. Ma jisastsja niyom. Pajal malala quelel lajaytsja. Yupj lajaytsja pjü gente lajay jin tulucj. Dios jis capj tyüla. Nin jis tepyala yupj, mpes cupj jus nlayecj jupj jis capj tyüla malala nyuca lajay. Jis müꞌümüs ca lovin. 8 Ninana noyomes nun mpe, nin pꞌiyá lajay, Sodoma poꞌo tapatja la tjajay jinwá. Yupj javelepj Dios la tjiji yupj malala tjunuc püste na. Javelepj Dios sin tjiꞌyüsa la tjiji ꞌücj malala lajay. Tꞌücꞌ way pajal malala nyuca lajay jis pꞌüy lal. Ma jisas pꞌa wa se jütütj yupj. Malala javelepj wa tsjun poꞌo patja mpes. 9 Yupj noypan tulucj, mopꞌin nin javelepj. Ángel* más püné ma malala vele yupj jinwá. Ángel más püné Miguel ló. Tꞌücꞌ way jupj püné, newa ma malala vele pꞌa poꞌó. Moisés* tepeꞌe na, diablo* jostsja Moisés jüpꞌüy. “Ma polel lo tꞌas”, tjevele Miguel. Miguel ma jas tjevele diablo poꞌó. Ma malala tjevele diablo poꞌó. Niná tjevele pꞌin: “Najas qjuis Jepa Dios cyapj velele”, nin tjevele jupj. 10 Niyom nepénowa nun ntꞌa patja, pajal malala javelepj ma sin ꞌyüsa poꞌó. Animalpan sin ꞌyüsa, ninana sin ꞌyüsa niná. Animalpan jinwá yupj, ma yola yupj. Yupj sin ꞌyüsa yupj quelel malala nyuca lajay mpes. Ninana quelel lajay mpes ca Dios jis capj ntülüs. 11 Malala ca jis mpalas yupj. Caín püna la tjiji jinwá lajay yupj. Yupj pülücj jisas tꞌemel. Nin mpes yupj quelel lajay Balaam la tjiji jinwá püná. Ma quelel lajay Dios jyüꞌta jinwá. Coré la tjiji jinwá lajay yupj. Pajal püna Coré ma quelel líjitsja Dios tjijyüꞌtá; yupj nin wa. Mpes pjü malala ca jis mpalas wa yupj, Coré pjü malala tepyala jinwá.

12 Niná

Niná noyomes pajal yola yupj pꞌiyá mpes.

noyomes jalá wa nun jis lal, ꞌa nu myula na Dios mpes. Yupj malala lajay mpes, la pꞌa wa yola nun malala wa. Nun quelel ꞌüsüs lojí; mopꞌin yupj pajal malala. Yupj ma se mayca malala lajay mpes. Pajal yola yupj pꞌiyá mpes. Ma yola la pꞌa mpes. Niná noyomes mol ma jive jinwá yupj. Mol niná lüpjǘ lal jama, nin pꞌin. Niná noyomes sine lejen̈ El Nuevo Testamento en Tol de Honduras, 2da ed. ©2010, Wycliffe Bible Translators

729

JUDAS

Balaam soysoy ángel tjinyuca, ne ma quelel jámatsja. (Judas 1.11)

ma vyala jinwá yupj ꞌotsꞌipj. Sine lejen̈ tecyaꞌlin̈ jinwá yupj, jis tsꞌil topocj jinwá. Yupj ma polel lajay ꞌüsüs. 13 Niná noyomes po quelel malala lajay. Mar pajal lo pjetsꞌepjetsꞌe jinwá yupj. Mar pajal lo pjetsꞌepjetsꞌe na, te way pꞌyoya jupj ꞌüsǘ la ntꞌa. Nin pꞌiyá niná noyomes. La pꞌa ꞌücj januc yupj malala lajay. Ma quelel ꞌüsüs lajay Dios jos jin, mpes ma polel sin ꞌyüsa lajay la pꞌa wa Dios mpes. Yupj pjulacj palá tinca jinwá. Dios nasa ꞌücj la tjiji caꞌaj jis capj la tül. Neꞌaj pajal püste lovin. 14 Pajal püna Enoc tjevele Dios mpes. Tjevele ca nin jis mpalas niná noyomes. Enoc pajal püna tüpüꞌü. Adán yom mwalá waytsja. Adán tsꞌuyupj jis tsꞌuyupj jis tjamanun watsja. Yupj jis tsꞌuyupj noypan jis tepyala na, yupj pꞌiyá jis tsꞌuyupj tjamanun. La siete nin tepyala na Adán mpe, tjemyaꞌna wa Enoc. Enoc tjevele: “Tꞌücꞌ way qjuis Jepa

El Nuevo Testamento en Tol de Honduras, 2da ed. ©2010, Wycliffe Bible Translators

JUDAS

730

Dios ncuwim jupj angelpan* pajal pülücj jis lal, yupj ne jupj jutsꞌaꞌá. pꞌiyá ca mveles ncu gente ꞌüsüs la tjajay. Ca mveles wa ncu malala la tjajay. Jupj ca mveles Dios ma jisas tꞌücꞌ way malala la tjajay, mpes jupj ca jis capj ntülüs yupj. Yupj lajaytsja malálatsja pajal jupj lal. Jupj ca mveles niná noyomes malala tjowelepj jupj poꞌó, yupj jupj ma jisas mpes”, nin tjevele Enoc. 16 Niná noyomes jatꞌ javelepj lovin. Mopꞌin javelepj pꞌa poꞌó. Yupj quelel malala lajay, ne nin lajay. Yupj jisas mpes pꞌin nin lajay. Yupj javelepj la pꞌa jis lal yupj pꞌiyá pajal ꞌüsüs. Yupj javelepj la pꞌa wa ꞌüsüs ꞌotsꞌipj; ma tꞌücꞌ way yola la pꞌa ꞌüsüs, jisas yupj ca jis capj mpꞌaꞌsacj la pꞌin, mpes nin javelepj yupj. 15 Dios

Yupj pajal malala. Nun ca la müjí Dios jos jinwá.

17 Natjampan,

po ma malala la müjí yupj lajay jinwá. Nujola tapalas apostolpan* tjowelepj nun jis lal. Yupj sa con̈tsja qjuis Jepa Jesucristo. 18 Apostolpan tjowelepj nun jis lal: “Pꞌa jawas nepénowa ca la mpjütsꞌünücj nun poné poꞌó. Yupj ma ca quelel la mijicj Dios jos jinwá. Yupj ca la mijicj yupj pꞌin jisas jin. Nin ca la mijicj Jesucristo jacꞌ na”, nin tjowelepj apostolpan. 19 Niná noyomes malala javelepj, mpes Dios tsꞌuyupan ma pjü nin pꞌiyá yola quinam. Niná noyomes gente jinwá lajay la pꞌin. Dios Cjües len̈ yupj jisas moꞌó. 20 Natjampan, po ma yupj jinwá la müjí. Lovin jis capj mpꞌaꞌsá nun popé, yupj ca ꞌücj la mijicj Dios jos jinwá. Nun nasa nusin tjiꞌyüsa Jesucristo mpes, mponé niná lovin. Pajal ꞌüsüs way niná. Nun ca mvelé Dios lal lovin. Nun welé na Dios lal, nin ca mvelé jupj Cjües jos jin. 21 Nun solejé Jesucristo nucopj pꞌyaꞌsa, jupj ne cupj qjuis Jepa Püné. Jupj jola nun mpes. Jupj ca la mijis nun ca mpatjaqué lovin Dios lal. Quina newa potjaqué quiꞌá. Quina lu nucú jupj ca nin la mijis nun mpes. Lu nucú na, ca nin la müjí Dios jos jinwá. Mpes Dios ca ꞌüsüs la mijis nun mpes, jupj quelel la nusiji mpes. 22 Nepénowa sey cꞌa; jis capj mpꞌaꞌsá mponecj yupj. 23 Nepénowa malala quelel lajay wa yupj. Pajal tsjiꞌ la müjí nun, ca len̈ way jis müꞌüꞌsüs yupj. Ma ꞌüsüs lajay, ca mpen̈ yupj. Pꞌa witjacj nasa pajal malala nyuca lajay yupj. Jis capj mpꞌaꞌsá ma ca malala la mijicj quinam. Pajal ꞌin tjajama nun, ma ca quelel malala la müjí yupj jinwá. Locj meyá nsem malala lajay mpes. Ma ca nujos nsem yupj nin lajay. 24-25 Dios ꞌücj nucopj pꞌyaꞌsa nun ma malala lojí. Mpes jupj ca ꞌücj mveles nun ma malala. Nin ca mveles, jupj wolapꞌaꞌa lüjüqué na. Nin

El Nuevo Testamento en Tol de Honduras, 2da ed. ©2010, Wycliffe Bible Translators

731

JUDAS

mpes nun ca pajal ꞌücj nujisas nsem. Jupj pajal ꞌüsüs. Jupj pjaní pꞌin Dios. Jupj la tjiji cupj ꞌücj ca mpatjaquecj jupj lal, qjuis Jepa Jesucristo mpes. Najas ca pjü mvelecj Dios pajal ꞌüsüs. Najas jupj Jepa nsem pjü way mpes. Najas jupj ca pajal püné nsem, ca jupj pjü müjüꞌtüs. Jupj nin pꞌiyatsja lovin. Najas ca nin nsem quinam. Najas wa ca nin nsem lovin. Amén.

El Nuevo Testamento en Tol de Honduras, 2da ed. ©2010, Wycliffe Bible Translators

Ninana Jesucristo jas tjiꞌyüsa la tjiji Juan lal

1

1 Ninana

tepyac nin pꞌiyá Jesucristo nin tjiꞌyüsa la tjiji. Niná Dios jas tjiꞌyüsa la tjiji Jesucristo lal mwalá way pꞌin. Jupj jostsja Jesucristo sin müꞌüꞌsüs la mijis jomozopan tsjan niná ca len̈ way mpalas. Tꞌücꞌ way ca nin mpalas jupj tjevele jin. Nin mpes Jesucristo jas tjejyama jupj ángel* napj ntꞌa, nin ꞌyüsa la mijis niná. Napj ne Jesucristo jomozo. Juan nlá napj. Dios Jesucristo jas tjejyama nosis ntꞌa qjuis capj la pꞌacj. 2 Napj tjapjacas Dios tjevelá. Napj tjinyuc Jesucristo tꞌücꞌ way tjevele Dios poꞌó. Pues pjü tjapjacas, pjü way tjinyuc, niná tepyac napj papel casaꞌá. 3 Ninana papel vele pꞌa jawasa pyalá. Dios nin tjiꞌyüsa la tjiji ca nin mpalas. Pjaní nun popé moꞌo vele niná popelses la pꞌa jis la pjac, pajal ca ꞌüsüs nsem niná jupj mpes. Nin pꞌiyá ca nsem papel niná moꞌo vele pjyacan̈ jis lal. Yupj lajay wa ninana velá, pajal ꞌüsüs ca nsem yupj mpes catsj wa. Len̈ way ca mpalas papel niná vele jin, mpes nin.

4 Napj

Juan süs wa lis tjiji Dios tsꞌuyupj Asia moꞌo tapatjá.

ne Juan. Nun Dios tsꞌuyupj Asia moꞌo potjaqué, nun mpes papel pyac. Nun ꞌa nusí mulú ntꞌa siéteya sin popé nun. Najas Dios ca pajal ꞌüsüs la mijis nun mpes. Najas nun ꞌüsüs potjaqué ca la mijis jupj. Dios püꞌü lovin. Quina püꞌü, püna pꞌin pǘꞌütsja, lovin ca mpüꞌüm jupj. Dios Cjües lovin jupj wolapꞌaꞌa jáꞌasa jupj jyüꞌta ntꞌa. Jis qjues siéteya jinwá jupj, pajal ꞌüsüs liji mpes. Najas jupj ca ꞌüsüs la mijis wa nun mpes. Najas wa jupj ca la mijis nun ma nujola nsem pjü mpes. 5 Najas Jesucristo ca la mijis wa niná nun mpes. Jesucristo lovin tꞌücꞌ way vele Dios mpes. Jupj vele jupj selé. Jupj mwalá way jas tjijyünsá

732 El Nuevo Testamento en Tol de Honduras, 2da ed. ©2010, Wycliffe Bible Translators

733

APOCALIPSIS 1

tecyaꞌlin̈ sin popé. Jupj ne Jepa pjü jepapan jis lal nosis casá. Jupj quelel la qjuisíjitsja ncupj. Jupj ꞌos mpes ꞌüsüs qjuis tepyala Dios lal. Jupj mpes Dios perdonar la qjuis tjiji malala la tjijicj. 6 Jupj la qjuis tjiji jepapan wa ncupj. Cupj sacerdotepan* la qjuis tjiji wa, ca ꞌücj tsjiꞌ la mijicj jupj Popay Dios mpes. Najas nun pjü solejé jupj pajal ꞌüsüs, pajal püné wa. Najas wa jupj pjü si jütüta lovin. Najas ca nin nsem. 7 Jus tjalayé molon lal jacꞌ jupj. Pjü ca nucucj jupj. Jesucristo ꞌatsjac, tjüꞌünan, jus nucucj wa ca yupj. Pjü gente nosis casaꞌá pajal ca la mpuyucj jus tjunuc na. Nin ca nsem tꞌücꞌ way. 8 Qjuis Jepa Dios vele: “Napj lovin püꞌüs, pjü way ꞌücj lejay”. Nin vele jupj. Qjuis Jepa Dios püꞌü newa. Püꞌü jupj quinam. Tüpüꞌü püná. Lovin ca mpüꞌüm. Pjü ꞌücj liji jupj.

Juan jus tjinyuca Jesucristo, nin la tjiji Dios Cjües.

9 Napj

ne Juan, nun jis pülücj napj Jesucristo mpes. Malala nyuca ntepalá wa napj, Jesucristo se con̈ mpes, nun jinwá. Jesucristo ni jütüta napj, nun nu jyüꞌta jinwá. Malala ntepalá na, newa ꞌüsüs la tjejay Dios jos jin. Nin pꞌiyá nun jis lal. Jepapan ncapj tül Dios mpes tjevelé mpes. Napj tjevelé Dios tjevelá. Napj tjevelé wa Jesucristo qjuisin ꞌyüsa la tjijá. Jepapan ma jisastsja tjevelé, mpes nin tjajam Patmos ntꞌa la pütꞌüs. Ma polel jum quinam. Patmos ꞌamá ntꞌa ꞌüsǘ tꞌasiyú püꞌü. 10 Domingo jyawca na qjuis Jepa Jesucristo mpes ꞌa qjuisí mulú. Domingo pjaní tjejyawca na, pajal ꞌücj najastsja Dios mpes. Dios Cjües ꞌücj véletsja napj lal, ne napj nepé tjapjacas la cjüipepé vele jin tjapjacastsja. Pajal yümücj tjevele trompeta la tjipjyusa jinwá. 11 Tjevele: “Pjü jipj nyuc tepyaca jipj. Tepyac na, jas majaman popelses Dios tsꞌuyupj ntꞌa Asia moꞌó. Yupj ꞌa si mulú ntꞌa siéteya sin popé yupj. Yupj ꞌa si mulú ntꞌa Efeso poꞌó, Esmirna poꞌó ꞌotsꞌipj, Pérgamo poꞌó ꞌotsꞌipj, Tiatira poꞌó ꞌotsꞌipj, Sardis poꞌó ꞌotsꞌipj, Filadelfia poꞌó ꞌotsꞌipj, Laodicea poꞌó ꞌotsꞌipj.” Nin tjevele tjapjacas. 12 Napj la nujuyus, tjinyuc pjacj véletsja napj lal. Yam casá lejen̈ tjinyuc napj, yam mpes tjejyawca. Siéteya lejen̈tsja neꞌaj yam casá lejen̈. 13 Neꞌaj ton̈ca watsja yom pjaní, más ꞌüsüstsja jupj yom lal.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 1, 2

734

Yam casaꞌá lejen̈ culupwen ntꞌa tón̈catsja yomen. Jupj pülül ꞌüsüs sa capyatsja, yom püné jinwá. Jas quip pajal cámpatsja. Faja jos suna tsúꞌpatsja, jupj faja órotsja*. 14 Jupj tsꞌüil pje waytsja pajal, oveja* tsꞌüil pje way jinwatsja. Lüpj tjive jinwá pje waytsja. Jupj jun ꞌawa wolaqué jinwatsja. 15 Jupj tsjom se jáwcatsja, bronce* jinwá, bronce ꞌyawa tepyala na ꞌawa moꞌó. Jupj nepé tjevele na, ꞌüsǘ püné jama jinwá pjactsja, yümücj pjactsja. 16 Siéteya pjul witjacj mos ntꞌa tjatja, liꞌinyampe mos. Jupj tjevele na, polomay pjoye pjeꞌá tjacꞌ tjinyuc la mpe. Wala manas pjoye jupj polomay. Ninana yomen wola tjejyawca lotsꞌacꞌ way jyawca jinwá, culupwen ntꞌa jáꞌasa na. 17 Napj jus tjinyuc na, ncapj tꞌyaja, ntitülǘ jupj tsjom ntꞌa, ntipüꞌí jinwá. Mpes jupj mos liꞌinyampe napj capá ntꞌa la tjeꞌyotꞌa jupj, tjevele napj lal: “Po ma lecj tjeyá. Napj ne mwalatsja pjü jis lal. Napj locopyaya wa pjü jis lal. 18 Napj püꞌüs newá. Ntipüꞌí, newa püꞌüs. Napj ꞌücj lejay gente ma cyaꞌlin̈. ꞌÜcj wa lejay ma neꞌaj patja, tecyaꞌlin̈ patja ntꞌa. 19 Pjü nucun mpaquen. Mpaquen quina pyalá. Mpaquen wa locopyaya pyalá. 20 Pjul siéteya tjinyuc jipj namas liꞌinyampé. Tjinyuc wa yam casá lejen̈, siéteya waytsja tjinyuc. Oro* waytsja yupj. Pjul tulucj niná tꞌücꞌ way, ma tꞌücꞌ way yomicj casá lejen̈ wa. Quina ca jin müꞌüsüs la mejay tsjan niná tꞌücꞌ way. Pjul siéteya pastorpan* yupj. Tsjiꞌ lajay yupj Dios mpes Dios tsꞌuyupj ꞌa si mulú ntꞌa, Dios tsꞌuyupj ꞌa si mulú ntꞌa siéteya way yupj. Yam casá lejen̈ siéteya yupj, yupj Dios tsꞌuyupj Asia moꞌó. Dios tsꞌuyupj ꞌa si mulú ntꞌa siéteya sin popé yupj”, nin tjevele jupj napj lal.

2

Ninana Jesucristo tjevelá Efeso ntꞌa ꞌa jis tjimyula jis lal.

1 Ninana

jupj tjevelá: “Jipj ca papel mpaquen, jas majaman pastor* ntꞌa, Efeso ntꞌa tsjiꞌ liji lal. Tepyaca jipj napj mpes: Napj pjü Dios tsꞌuyupj ntꞌa winis, nucopj cyon̈. Yupj ꞌa si mulú ntꞌa siéteya sin popé yupj. Napj tyatj pastorpan* namas liꞌinyampé. Nin quelel velé jipj lal: 2 Napj selé jipj ꞌüsüs lejay. Yümücj tsjiꞌ la tjejay jipj. Napj selé jipj newa ꞌüsüs la tjejay malala ꞌe tepalá na. Ma jyas malala nyuca lajay ꞌa si mulú nun lal. Nepénowa la tsawil jipj ntꞌa, tjowelepj apostolpan* yupj. Jipj la tepyal, tjinyuc ncu tꞌücꞌ way apostolpan yupj. Mpes jus nley apostolpan tulucj yupj. 3 Malala ꞌe tepalá jipj napj nin poꞌo pyon mpes. Newa ꞌüsüs la tjejay napj najas jinwá. Newa quelel nin lejay jipj; lovin ma jéletsja ma quelel nin lejay quinam.

El Nuevo Testamento en Tol de Honduras, 2da ed. ©2010, Wycliffe Bible Translators

735

APOCALIPSIS 2

4 ꞌÜsüs niná, mopꞌin nin, ma pjü way ꞌüsüs lejay napj lal. Jipj ma pajal

quelel la nejay quinam, püna quelel la ntjejay jinwá. Malala napj lal niná. 5 Jele tapalas püna pajal quelel la nejaytsja. Jele tapalas ma nin lejay quinam. Jele pjucj tapalas ca nin la mijin napj najas jinwá quinam. ꞌÜsüs la mijin niswá, püna la tjejay jinwá. Ma lejay niná, napj ca cyapj ntül. Napj ca la mejay Dios tsꞌuyupj ma ca ꞌa jis mulus jipj pütꞌ ntꞌa. 6 Pjaní lejay ꞌüsüs napj lal. Jipj ma jyas nicolaitapan* lajay. Napj nin pꞌiyá, po ma najas yupj lajay. 7 Najas pjü tjapjaꞌaqué, pjü nusin tjüꞌüsüs napj tjevelé. Ninana vele Dios Cjües Dios tsꞌuyupj pjü way jis lal. Nin la tjajay na napj tjevelé jin, napj ca jis maꞌayá nlajacj wolas yo popé, jupj wolas ꞌücj la pütꞌüs liji. Yo niná Dios sine ntꞌa ton̈ca. Pajal ꞌüsüs neꞌaj”, nin tjevele Jesucristo Efeso ntꞌa ꞌa jis tjimyula jis lal.

Ninana Jesucristo tjevelá Esmirna ntꞌa ꞌa jis tjimyula jis lal.

8 Ninana

jupj tjevelá: “Jipj ca papel mpaquen, jas majaman pastor* ntꞌa Esmirna ntꞌa tsjiꞌ liji lal. Tepyaca niná napj mpes: Napj mwalá way pjü jis lal. Napj locopyaya wa pjü jis lal. Napj ntipüꞌí, quina püꞌüs niswá. 9 Napj selé pajal malala nu tepyala nun, napj nin poꞌó poné mpes. Napj selé nun tꞌemel cjuwá; newa nin, tꞌücꞌ way Dios pajal ꞌüsüs liji nun mpes. Napj selé nepénowa pajal malala javelepj nun sin poꞌó. Yupj javelepj judiopan* yupj; Dios jutsꞌuyupj yupj, javelepj. Tꞌücꞌ way judiopan yupj, nin pꞌin; Dios jutsꞌuyupj tulucj yupj. Yupj Satanás* mpes ꞌa si mulú, jupj ne lapanenpan jis jepa. 10 Malala nu mpalas quinam nun; po ma locj tjeyá nin mpes. Nun popé nepénowa cawilta moꞌo ca moꞌonsocj. Yupj ca nin la mijicj diablo* mpes. Nin nu pyala mpes, pjü ca nucucj ncu tꞌücꞌ way quelel ncapj con̈có. Tsꞌacꞌ diéziya ca malala la mijicj nun lal napj mpes poné mpes. Newa ncapj ncon̈có. Yupj quelel nu jaꞌünan napj mpes, newa ncapj ncon̈có. Nin lojí, napj ca la mejay lovin mpatjaqué napj lal. 11 Najas pjü tjapjaꞌaqué, pjü nusin tjüꞌüsüs napj tjevelé. Ninana vele Dios Cjües Dios tsꞌuyupj pjü way jis lal. Nin la tjajay na napj tjevelé jin, tꞌücꞌ way ma ca malala jis mpalas tecyaꞌlin̈ na, la pꞌa wa malala se palá jinwá. Malala se palá yupj, la miyá cyaꞌlin̈ jinwá”, nin tjevele Jesucristo Esmirna ntꞌa ꞌa jis tjimyula jis lal.

Ninana Jesucristo tjevelá Pérgamo ntꞌa ꞌa jis tjimyula jis lal.

12 Ninana

jupj tjevelá: “Jipj ca papel mpaquen, jas majaman pastor* ntꞌa Pérgamo ntꞌa tsjiꞌ liji lal. Tepyaca niná napj mpes: El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 2

736

Napj velé polomay wala manas pjoye jinwá. Ninana velé jipj lal. selé malala pajal jipj pütꞌ ntꞌa. Jipj pütꞌ Satanás* pꞌiyá püꞌü ntꞌa, jupj ne lapanenpan jis jepa. Pajal costa ncapj cyon̈, newa pyon jipj napj nin poꞌó. Antipas yom pjaní nun popé watsja. Mopꞌin tjevele napj mpes, jupj seletsja mpes. Neꞌaj pátjatsja tjüꞌünan jupj, jupj ncapj cyón̈catsja mpes. Nun potjaqué ntꞌa tjüꞌünan jupj, neꞌaj Satanás püꞌü ntꞌa. Nin la tjajay na, newa nun ma tsüpünütsja nun napj nin poꞌó poné. ꞌÜsüs nin. 14 Nin pꞌin pjaní way nun lojí ma najas. Nepénowa nun ntꞌa sin ꞌyüsa lajay malala. Sin ꞌyüsa lajay ꞌücj malala nyuca lojí. Balaam püna tüpüꞌü jin pꞌiyá lajay. Jupj la tjiji israelpan* pajal malala nyuca la tjajay püná. Israelpan jis enemigo pjaní Balac lotsja. Israelpan malala se palá jostsja Balac. Mpes Balaam tjevele jupj lal más ꞌücj la mijis ne israelpan ca malala nyuca la mijicj. Balaam tjevele Dios ma jostsja israelpan ꞌa si mulú dios* pꞌa wa lal. Pisis pꞌa dios mpes tjaꞌayapj ma polel jalá, tjevele jupj. Ma wa polel la manun sejatsꞌom tulucj, ma wa polel lyawun̈ jis vayum tulucj jis lal. Gente dios pꞌa wa quelel lajay, niná nin lajay yupj, nin tjevele Balaam. Mpes Balac israelpan jis lal tjevele ncul; jostsja ca malala la mijicj yupj. 15 Nun popé nepenowá nin pꞌiyá lajay. Nicolaitapan* sin ꞌyüsa lajay jin lajay. Napj ma najas yupj sin ꞌyüsa lajay. 16 Mpes jele tapalas ma ca malala la mijin quinam. Sin majaman mal quinam malala witjacj. Jipj ma nin lejay napj velé jin, len̈ way cyapj ntül ca. Napj la mpalan ca yupj jis lal, nicolaitapan sin ꞌyüsa lajay jin lajay jis lal. Napj velé mpes pꞌin ca malala jis mpalas. Napj velé polomay jinwá. 17 Najas pjü tjapjaꞌaqué, pjü nusin tjüꞌüsüs napj tjevelé. Ninana vele Dios Cjües Dios tsꞌuyupj pjü way jis lal. Nin la tjajay na napj tjevelé jin, napj ca jis maꞌayá lovin ca ꞌücj mpatjam. Napj ca jis maꞌayá maná* püna tjapjalen jinwá, pajal ꞌüsüs niná. Napj ca pe pje jis maꞌayá wa yupj pjü. Yupj jis pe tsjicj poꞌo ca mveles yupj jis lá seyasa. Yupj pꞌin ca jus nlayecj tsjan yupj jis lá seyasa pwen poꞌo tepyac”, nin tjevele Jesucristo Pérgamo ntꞌa ꞌa jis tjimyula jis lal. 13 Napj

Ninana Jesucristo tjevelá Tiatira ntꞌa ꞌa jis tjimyula jis lal.

18 Ninana

jupj tjevelá: “Jipj ca papel mpaquen, jas majaman pastor* ntꞌa Tiatira ntꞌa tsjiꞌ liji lal. Tepyaca jipj napj mpes: El Nuevo Testamento en Tol de Honduras, 2da ed. ©2010, Wycliffe Bible Translators

737

APOCALIPSIS 2

Napj Dios Jatjam. Napj nan ꞌawa wolaqué jinwá. Ntsjam ne jawca bronce* ꞌüsüs jinwá. Ninana napj velé jipj lal: 19 Napj selé jipj ꞌüsüs lejay. Napj selé jipj pajal quelel la sejay la pꞌa witjacj, Dios quelel la siji jinwá. Napj selé wa jipj napj nin poꞌó pyon. Selé wa ꞌüsüs lejay la pꞌa mpes. Selé jipj newa ꞌüsüs la tjejay, malala ꞌe tepalá na. Selé wa jipj más ꞌüsüs lejay quinam püna la tjejay lal. 20 Nin pꞌin pjaní way jipj lejay ma najas. Ma naꞌaj la tsꞌin quepj malala, nun ꞌa nu myula popé. Ninana quepan nin pꞌiyá liji Jezebel* la tjiji jinwá, Jezebel pajal püna tüpǘꞌütsja. Ninana quepan vele Dios mpes ꞌa vele wa jupj. Li tsuwile jupj. Jupj sin ꞌyüsa la siji napj namozopan ꞌücj jis la manun sejatsꞌom tulucj; sin ꞌyüsa la siji ꞌücj lyawun̈ jis vayum tulucj jis lal. Sin ꞌyüsa liji ꞌücj jis la las pisis gente tjaꞌayapj dios* pꞌa wa mpes. Niná quepan vele mpes, pajal malala nyuca lajay napj namozopan. 21 Napj ma cus tyül niná quepan custjay. Napj pajal püs la tjinyuctsja jupj ca cüꞌüꞌsüs, ne ma ca mwinim niyom pülücj jis lal. Napj la tjinyuctsja ca ꞌüsüs la mijis quinam. Ma jostsja jupj. 22 Mpes quina napj ca la mejay pajal malala jos mpalas jupj. Niyom tjil quepj niná lal, malala nyuca lajay watsja yupj. Yupj ma yola se palá yupj malala la tjajay, ninana quepan la tjiji jinwá, napj ca jis capj ntül wa yupj. Yupj ma ꞌüsüs nyuca lajay quinam, napj ca la mejay pajal malala nyuca jis mpalas ca yupj. 23 Napj la mejay ca ncaꞌlin̈ quepan sin popa. Mpes Dios tsꞌuyupj pjü way ca jus nlayecj wa napj selé pjü yola mpes, selé wa pjü yupj jisas. Napj selé pjacj nun popé malala nyuca lajay. Malala lojí, napj ca nucopj ntül. Napj selé wa nun popé cana ꞌüsüs lajay. ꞌÜsüs lojí, ca ꞌüsüs la mejay napj nun mpes. 24 Nun nepénowa Tiatira ntꞌa potjaqué, ma nujisas niná sin ꞌyüsa liji quepan. Pꞌa casá velé nun jis lal. Nun ma quelel nusin ꞌyǘsatsja Satanás* poꞌó, la pꞌa jinwá. Yupj javelepj pülücj sin ꞌyüsa nas Satanás mpes. Nun ma nujisastsja niná, ma nu jyütütj quinam pꞌam nam. 25 Nasa way ꞌüsüs lojí quinam. Napj tjacuwis nas, newa la müjí quina lojí jin pꞌiyá. 26 Napj ꞌüsüs lejay ꞌüsüs lajay jis lal. Napj tjevelé jin la jay yupj patja na pꞌin, napj ca jis maꞌayá ꞌücj müjüꞌtücj nosis casá patjá. 27 Mpapay ntjeꞌaya ne ꞌücj la jütütj. Nin pꞌiyá ca jis maꞌayá ꞌücj müjüꞌtücj yupj. Nin vele Dios Popel: ‘Jupj ca majamas nosis casá patjá. Püné ca nsem pajal,

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 2, 3

738

ꞌücj jis capj la tül malala lajay. Ma lajay jupj jyüꞌta jinwá, ca pjü malala jis mpalas yupj, tsjoꞌoy tjeꞌyapta jinwá.’ 28 Nin lajay napj tjevelé jinwá, napj ca mvelé wa yupj ꞌüsüs pajal, pjulacj püstapj casá cyala jinwá. 29 Najas pjü tjapjaꞌaqué, pjü nusin tjüꞌüsüs napj tjevelé. Ninana vele Dios Cjües Dios tsꞌuyupj pjü way jis lal”, nin tjevele Jesucristo Tiatira ntꞌa ꞌa jis tjimyula jis lal.

3

Ninana Jesucristo tjevelá Sardis ntꞌa ꞌa jis tjimyula jis lal.

1 Ninana

jupj tjevelá: “Jipj ca papel mpaquen, jas majaman pastor* ntꞌa Sardis ntꞌa tsjiꞌ liji lal. Tepyaca jipj napj mpes: Napj Dios Cjües se jam, napj najas ntꞌa. Jupj Cjües jis qjues siéteya jinwá; pajal ꞌüsüs liji. Napj si jütütj wa Dios tsꞌuyupj jis pastorpan*. Nun pastorpan siéteya, ꞌa pjulacj siéteya jinwá nyuc. Napj selé jipj la tjejay. La pꞌa javelepj jipj ꞌüsüs lejay napj najas jinwá. Nin tulucj. Jipj ꞌi tipüꞌí jinwá napj lal. Ninana quelel veletsja jipj lal. 2 ꞌIn tjejyama jipj ca ꞌüsüs la mijin quinam. Neꞌaj Dios tsꞌuyupj ꞌa si mulú na, ma lajay napj tjevelé jinwá quinam. Pjü way quelel yoꞌ mpaꞌis quinam. Pjaní way pꞌin ꞌüsüs way lajay custjay. Jis capj mpꞌaꞌsan más ꞌücj la mijicj niná. Napj tjinyuc ncu ꞌüsüs lojí nun. Tjinyuc nun ma lojí pjü way napj Ndios jos jin. 3 Mpes jele tapalas tsjan ꞌe tjeꞌaya jupj. Jele tapalas tsjan tjapjacꞌ Dios poꞌó. Nin la mijin jipj, Dios vele jin. ꞌÜsüs la mijin quinam. Jipj ma nin lejay napj velé, napj ca cyapj ntül. Jipj ma selen naya ca nsem, pecj tjacꞌ na jinwá. Ma ca jus nlayen ꞌona ca nin la mejay. 4 Newa nin, ma pjü mpes nin velé. Nun Sardis ntꞌa ꞌa nu myula, nepénowa ma malala la tjüjí, la pꞌa jinwá. ꞌÜsüs lojí nun nepenowá. ꞌÜsüs lojí, Dios püꞌü ntꞌa ca ncapj ncon̈có lovin. Neꞌaj nun ca ntaꞌé nun pülül pje way, ca nusin nquiꞌpá pülül niná mpes. 5 Napj tjevelé jin lajay, yupj ca sin nquiꞌpacj yupj sin quip pje. Napj lovin ma ca ꞌücjücj yupj jis lá papel mpe, papel niná nin vele pjacj mpatjam Dios lal. Napj ca mvelé yupj ncapj jacon̈. Nin ca mvelé Mpapay lal, jupj angelpan* jis lal ca nin mvelé wa ca. 6 Najas pjü tjapjaꞌaqué, pjü nusin tjüꞌüsüs napj tjevelé. Ninana vele Dios Cjües Dios tsꞌuyupj pjü way jis lal”, nin tjevele Jesucristo Sardis ntꞌa ꞌa jis tjimyula jis lal.

Ninana Jesucristo tjevelá Filadelfia ntꞌa ꞌa jis tjimyula jis lal.

7 Ninana

jupj tjevelá: “Jipj ca papel mpaquen, jas majaman pastor* ntꞌa Filadelfia ntꞌa tsjiꞌ liji lal. Tepyaca jipj napj mpes: El Nuevo Testamento en Tol de Honduras, 2da ed. ©2010, Wycliffe Bible Translators

739

APOCALIPSIS 3

Napj lovin ma malala lejay. Tꞌücꞌ way Dios nin tjejyama nosis casaꞌá jis capj la pꞌacj gentá. Napj ꞌücj velé pjacj wama cuy Dios jyüꞌta ntꞌa. Napj lejay David* líjitsja jinwá püna pꞌin. David ne jépatsja püná Israel ntꞌa. Jupj ꞌücj véletsja pjacj wama cuy jupj tjijyüꞌta ntꞌa. Ninana lejay wa napj. Napj jun cjyol na, ma polel jun la tꞌolon pꞌa wa. Napj jun tꞌyolon na, ma polel jun la cjol pꞌa wa. 8 Napj selé tsjan la tjejay jipj. Napj la tjejay jipj ca ꞌücj tsjiꞌ la mijin napj mpes. Pꞌa ma ca polel la qjuijis ne jipj ma polel tsjiꞌ lejay napj mpes. Napj selé tsjicj way pꞌin ca ꞌücj la cüjay jipj; mopꞌin nin, jipj la tjejay napj tjevelé jinwá. Jipj ma tsyüpüntsja jipj napj nin poꞌó pyon. Nin mpes nin la tjejay niná jipj mpes. 9 Nepénowa jipj ntꞌa patja, Satanás* mpes ꞌa si mulú yupj, jupj ne lapanenpan jis jepa. Yupj javelepj judiopan* yupj. Dios tsꞌuyupj yupj, javelepj. La tsuwil yupj. Dios jutsꞌuyupj tulucj yupj, mpes yupj judiopan tulucj napj lal. Napj ca la mejay yupj ca jus nlayecj jipj tꞌücꞌ way Dios popa. Mpes wyalapꞌaꞌa ca palá mpiꞌtjin̈. Yupj ca jus nlayecj napj quelel la ꞌejay. 10 Malala ꞌe tepalá na, newa ꞌüsüs la tjejay napj najas jinwá. Napj tjevelé jin la tjejay. Mpes ca napj cyapj mpꞌacj, ne jipj ma ca malala la cüjay pajal malala pyala na nosis ntꞌa. Pꞌa jawas pajal malala ca mpalas pjü nosis ntꞌa. Niná tepyala na, pjü ca jus nlayecj ncu malala la tjajay nosis casá patjá, ncu ꞌüsüs la tjajay yupj. 11 Len̈ way ca ncuwis. Quina jipj ꞌüsüs lejay napj najas jin. Mopꞌin nin la mijin. Nin lejay na, pꞌam ma polel la cüjay ne jipj ma ntaꞌen Dios quelel ꞌe ꞌayá, jipj ꞌüsüs la tjejay mpes. 12 Nin tjevelé jin lajay, napj ca lis mejay mpatjam ca Dios wo ntꞌa. Dios wo tsjomis jinwá ca nsem yupj. Ma ca mal yupj jupj wo mpe. Yupj sin poꞌó ca mpac Dios ló, yupj ꞌa Dios jutsꞌaꞌá mpes. Dios si jütüta ntꞌa patja ló mpac wa ca, yupj sin poꞌó. Nin ca la mejay, neꞌaj mpatjam mpes. Neꞌaj patja ntꞌa Jerusalén Seyasa ló. Jerusalén Seyasa la palá ca ncuwim nosis casaꞌá tsjun mpe. Dios mpe ca ncuwim. Napj mpac wa ca napj nlá seyasa yupj sin poꞌó, yupj ncapj jacon̈ mpes. 13 Najas pjü tjapjaꞌaqué, pjü nusin tjüꞌüsüs napj tjevelé. Ninana vele Dios Cjües Dios tsꞌuyupj pjü way jis lal”, nin tjevele Jesucristo Filadelfia ntꞌa ꞌa jis tjimyula jis lal.

Ninana Jesucristo tjevelá Laodicea ntꞌa ꞌa jis tjimyula jis lal.

14 Ninana

jupj tjevelá: “Jipj ca papel mpaquen, jas majaman pastor* ntꞌa Laodicea ntꞌa tsjiꞌ liji lal. Tepyaca jipj napj mpes: El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 3, 4

740

Pjü velé, pjü ca nin nsem. Lovin tꞌücꞌ way velé. Napj velé napj selé. Pjü way nosis ntꞌa patja, pjü way tsjun poꞌo patja, pues pjü way jun taꞌá, napj pꞌiyá la tjejay pjü. 15 Napj selé tsjan la tjejay jipj. Napj selé jipj ma tsꞌi ꞌin napj lal. Selé wa jipj ma wa quelel la nejay. Malala nin, ꞌotsꞌotsꞌ way pꞌin quelel la nejay. Más ꞌücj napj lal jipj pajal tsꞌi quiꞌin. Más ꞌücj wa napj lal pajal quelel la nejay. 16 Jipj ꞌotsꞌotsꞌ way pꞌin quelel la nejay. Mpes napj quelel naꞌaj la ꞌi tsꞌi napj mpe. 17 Jipj tjevelen pajal pülücj tyatj jipj. Jipj velen pajal pülücj tyatj quinam püna tyatsja lal. Pjü jyas, pjü tyatj quinam, tjevelen jipj. Tꞌücꞌ tulucj. Jipj ma selen malala ꞌe tepalá jipj pajal. Pajal nola napj jipj mpes. Napj nola jas tüpwes cjuwá jipj. Jin tulucj jinwá jipj, ma jin ꞌyüsa Dios mpes. Jipj ꞌa jin pjütpjütꞌ jinwá. Malala jipj Dios lal. Nin mpes 18 nin velé jipj lal, najas pꞌa casá la mijin quinam. La monan napj lal napj ca mya ꞌa tsjan ꞌüsüs tꞌücꞌ way. Napj nin lejay, jipj ntꞌanquen jipj jyas. La monan napj lal napj ca cyapj mpꞌacj Dios ma ca nin jola jipj malala nyuca la tjejay mpes. Napj nin lejay na, jipj ma ca mya maycas Dios lal. La monan napj lal napj ca jin müꞌüsüs la mejay Dios mpes. Napj nin lejay, ca tꞌücꞌ way jin müꞌüsüs. 19 Napj gente quelel la sejay na, napj jis capj velel malala nyuca lajay na. Sin ꞌyüsa lejay ꞌücj ca la cüjay. Mpes nin tjevelé napj jipj lal. Mpes pajal jele tꞌas ca nin la mijin napj tjevelé jinwá. ꞌÜsüs la mijin quinam. 20 Jin tjüꞌüsüs napj velé. Napj neꞌaj pꞌin, napj neꞌaj cüjüs wya jun vilicj ntꞌa jinwá. Najas jipj jemica ca nsem napj. Latalata nun popé ꞌücj lo pjac napj velé, ꞌücj ca mveles wa napj lal jupj jos wa napj jupj jomica ca nsem. Nin la tjiji na, napj jupj jomica ca nsem tꞌücꞌ way. Lovin ca cus ncon̈ napj. 21 Nin lajay napj tjevelé jin, napj ca jis maꞌayá majatjum napj lal, yupj ca müjüꞌtücj napj lal. Diablo* jostsja wa napj ꞌa malala nyuca la cüjay, mopꞌin ma nin la tjejay. Napj la tjejay Mpapay jos jin. Mpes püꞌüs napj jupj lal, ꞌa mulú jyüꞌtücj. 22 Najas pjü tjapjaꞌaqué, pjü nusin tjüꞌüsüs napj tjevelé. Ninana vele Dios Cjües Dios tsꞌuyupj pjü way jis lal”, nin tjevele Jesucristo Laodicea ntꞌa ꞌa jis tjimyula jis lal.

4

Juan jus tjinyuca Dios, jupj püꞌü ntꞌa.

1 Locopyaya

napj tjinyuc Jesucristo nin tjiꞌyüsa la tjiji. Napj tjinyuc jun vilicj jun cjol Dios püꞌü ntꞌa. Napj tjapjacas pjaní El Nuevo Testamento en Tol de Honduras, 2da ed. ©2010, Wycliffe Bible Translators

741

APOCALIPSIS 4

nepé tjevele napj lal. “Was quiꞌá —tjevele—. Napj jin müꞌüsüs ca la mejay tsjan ca mpalas pꞌa jawas”, nin tjevele napj lal. Nin pꞌiyá pjac tjevéletsja mwalá way tjapjacas jinwá. Pajal yümücj tjevele, trompeta la tjipjyusa jinwá. 2 Len̈ way Dios Cjües napj lal tjemey Dios püꞌü ntꞌa. Silla pajal ꞌüsüs justa tjinyuc neꞌaj, Jepa Püné mpes. Dios jáꞌasatsja neꞌaj. 3 Se jáwcatsja jupj, pe ꞌüsüs yustapj se jawca jinwá, pe tsju way se jawca jinwá, pe je way se jawca jinwá. Silla tꞌasiyú tsetsꞌ pjojocj tón̈catsja. Tsju waytsja tsetsꞌ pjojocj, pe tsju way se jawca jinwá. 4 Silla veinticuatro tꞌasiyú játjatsja Dios tjáꞌasa ntꞌa. Silla veinticuatro más ꞌin tsjictjacj waytsja silla ꞌüsüs justa lal, mopꞌin jepapan mpes watsja yupj. Coꞌmüypan* veinticuatro silla casá játjatsja. Coꞌmüypan sin quip pjetsja. Pjü corona* ꞌüsüs yustapj sey játjatsja, jepa noypan sey jatja jinwá. Oro* waytsja sey tjatjá. 5 Dios tjáꞌasa ntꞌa pajal tjejyawca menmené, pajal ca mpjac pjactsja nepé, tꞌiꞌila wa pjactsja neꞌaj. Napj tjinyuc wa Dios wolapꞌaꞌá siéteya ꞌiyó je wolaquetsja tjelejen̈, nin yustaptsja yupj. ꞌIyó je tuluctsja yupj. Tꞌücꞌ way Dios Cjües niná jupj wolapꞌaꞌa ton̈ca, mpes napj tjinyuc niná. Dios Cjües jis qjues siéteya jinwá jupj, jupj pajal ꞌüsüs liji mpes. 6 Dios tjáꞌasa wolapꞌaꞌá vidrio pajal püné neꞌaj tüpüꞌü jin jústatsja. Vidrio niná ꞌüsǘ muju ton̈ca jinwá jústatsja. Pajal salá waytsja, ꞌüsǘ salá jinwá. Neꞌaj tjelejen̈ wa janucunpan yulupjana. Animalpan jin yustaptsja, mopꞌin angelpan* jinwatsja yupj. Tꞌasiyú tüwütüwǘ tjelejen̈tsja Dios tjáꞌasa ntꞌa. Pjaní jupj wolapꞌaꞌá, pjaní wa lo cjüipe mpe, pjaní wa liꞌinyampé, pjaní wa nancupwepé. Janucunpan pajal yun pülüctsja yupj, yupj jis walapé, lo cjüipepé wa. 7 Yupj popa pjaní león jinwá jústatsja. Pꞌa wa buey jinwá jústatsja. Pjaní wa, yom jin jústatsja wola poꞌó. Pꞌa wa tsꞌi pom mpes wine jin jústatsja. 8 Pjü janucunpan séisiya jis pamtsja yupj. Jis pꞌüy popa yun pülücj jánatsja yupj, jis pam ꞌalapa jis yun jana watsja. Jaw na, püste na, yupj lovin javelepj Dios pajal ꞌüsüs. Pues ma quelel lyájasa jin jatja yupj. Ninana javelepj: “Dios pajal ꞌüsüs. Más ꞌüsüs jupj pjü jis lal. Pues ma malala liji. Jupj qjuis Jepa más püné. Jupj pjü ꞌücj ca la qjuijis. Jupj püꞌü quinam. Jupj pǘꞌütsja püna mpe.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 4, 5

742

Mpüꞌüm ca newa”, nin javelepj yupj. 9 Dios Jepa Püné jupj pjü jis lal. Püꞌü jupj. Janucunpan yulupjana javelepj jupj pajal püné. Javelepj jupj pajal ꞌüsüs. Wiꞌin̈ jupj lal jupj la tjiji mpes. Nin javelepj na, 10 coꞌmüypan* veinticuatro palá nipiꞌtjin̈ Dios wolapꞌaꞌá. Yupj ne nin pꞌiyá napj tjevelé jinwá. Yupj javelepj Dios pajal püné. Dios püꞌü newa. Jis corona* jaꞌonsopj Dios wolapꞌaꞌá, jis la ꞌayas jupj mpes. Javelepj: 11 “Jipj qjuis Jepa. Jipj qjuis Dios. Jipj pajal ꞌüsüs, mpes qjuisas pjü javelepj jipj pajal püné. Qjuisas javelepj jipj pajal ꞌüsüs. Qjuisas javelepj jipj pjü ꞌücj la cüjay. Tꞌücꞌ way jipj la tjejay pjü. Jipj jyastsja mpes nin la tjejay. Nin mpes patja quinam”, nin javelepj coꞌmüypan Dios lal.

5

Popel pjaní Jesucristo pꞌin ꞌücj lo tüpüpj la nuc.

1 Napj

tjinyuc Dios, jupj silla pajal ꞌüsüs justa casá tjáꞌasa. Popel tyáꞌatsja jupj mos liꞌinyampé. Popel niná tapactsja jupj wampé, pjeꞌapé. Jus tjulujuptsja jupj. Siete tsjan po pitjinin̈tsja jupj. 2 Tjinyuc ángel* pjaní, pajal jas tjiyocj wa. Jupj pajal yümücj pjac tjevele pjü jis la pjac. Tjevele: “¿Pjacj pajal püné, ꞌücj lo taꞌes tsjan tsꞌülücꞌ po pijiꞌtja? ¿Pjacj ꞌücj la tüpüpj popelses?” 3 Pues ma jus tjinyuc pjacj ꞌücj lo tüpüpj la nuc popelses. Len̈ pjacj ca nin la qjuijis tsjun poꞌo patja sin popé. Jis len̈ watsja nosis casá patja sin popé. Nin pꞌiyá jis len̈ watsja tecyaꞌlin̈ sin popé. 4 Pjü len̈ pjacj ꞌücj lo tüpüpj la nuc popelses. Mpes napj pajal la tipiyú. Pajal ꞌaplijílatsja napj. 5 Nin tepyala na, coꞌmüy* pjaní napj nlal tjevele: “Po ma la tipiya. Cupj selecj pjacj ꞌücj lo tüpüpj popelses. Jupj ꞌücj tꞌeꞌenca tsjan tsꞌülücꞌ po pijiꞌtjá. Pajal püné tepyala jupj enemigopan jis lal, mpes león jinwá jupj, velecj cupj. Jupj israelpan* popa. Judá pajal püna tüpüꞌü popa pꞌiyá jupj. Israelpan jis jepa David* popa pꞌiyá wa jupj.” Nin tjevele coꞌmüy pjaní napj lal. 6 Locopyaya napj tjinyuc ninana jupj tjevele mpes. Oveja* Tsjicj tjinyuc napj. Napj tjinyuc tjüꞌünan jin jústatsja, mopꞌin jun ꞌyǘꞌnatsja quinam. Jupj siéteya tsjüeme. Jupj siete wa juntsja. Napj tjinyuc siéteya

El Nuevo Testamento en Tol de Honduras, 2da ed. ©2010, Wycliffe Bible Translators

743

APOCALIPSIS 5

jun Dios Cjües cus tecyon̈ca mpes. Dios Cjües jusapj jis qjues siéteya jinwá jupj, pajal ꞌüsüs liji mpes. Oveja Tsjicj jas tjejyama Dios Cjües pjü nosis ntꞌa. Ninana Oveja Tsjicj, oveja tulucj niná. Niná Jesucristo pꞌiyá. Jupj tón̈catsja coꞌmüypan* veinticuatro culupwen ntꞌa, neꞌaj silla pajal ꞌüsüs justa wolapꞌaꞌá, janucunpan yulupjana jis walapꞌaꞌá ꞌotsꞌipj. 7 Oveja Tsjicj tjacꞌ Dios tjáꞌasa ntꞌa. Papel ntꞌya jupj Dios mos liꞌinyampé. 8 Jupj ntꞌya na papel, janucunpan yulupjana palá nipiꞌtjin̈ jupj wolapꞌaꞌá. Nin pꞌiyá la tjajay wa coꞌmüypan veinticuatro. Oveja Tsjicj pajal pünetsja yupj jis lal, mpes nin la tjajay yupj. Coꞌmüypan pjü way arpa* jatjatsja jis la tül. Trasto pajal ꞌüsüs yustapj jatatsja wa yupj. Jis trasto oro* waytsja yupj. Trasto moꞌo pítꞌatsja tsꞌülücꞌ ꞌüsüs way la ꞌüm, ca ꞌüsüs way cjumsu. Tsꞌülücꞌ niná napj tjinyuc tsꞌülücꞌ tulucj waytsja jupj. Tsꞌülücꞌ niná Dios tsꞌuyupj Dios lal tjowelepj pꞌin. Yupj jupj lal javelepj ꞌüsüs pajal Dios lal, tsꞌülücꞌ pajal ꞌüsüs cjumsu jinwá. 9 Coꞌmüypan tsjan seyasa tjenejetsꞌen̈ wa Oveja Tsjicj mpes. Ninana tjenejetsꞌen̈: “Yupj ꞌe tjyaꞌünan, ne jipj ꞌyas mpes Dios perdonar lis tjiji pajal pülücj yupj malala la tjajay, mpes lovin ca ꞌüsüs nsem yupj jupj lal. Nin mpes ꞌücj la taꞌes popelses jipj. ꞌÜcj la taꞌes tsjan tsꞌülücꞌ po pijiꞌtja. Jipj la tjejay mpes pülücj lovin ca mpatjam Dios lal. Pjü tribu sin popa, nepénowa yupj sin popa lovin ca mpatjam Dios lal. Nin pꞌiyá, pjü yupj jis tin popa, nepénowa nin javelepj sin popa lovin ca mpatjam Dios lal. Pülücj ꞌa mulú patja sin popa, pjü jun taꞌá mpe, nepénowa yupj sin popa lovin ca mpatjam Dios lal. Pjü way pülücj se jütütj mpe, nepénowa yupj sin popa lovin ca mpatjam Dios lal. 10 Jipj la tjejay jepapan jis tepyala yupj. Jipj la tjejay sacerdotepan* jis tepyala wa, ꞌücj ca tsjiꞌ la mijicj Dios mpes.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 5, 6

744

Yupj ca jis müjüꞌtücj nosis casaꞌá.” Nin tjenejetsꞌen̈ coꞌmüypan. 11 Locopyaya angelpan* pajal pülücj yus tjinyuc napj. Dios tjáꞌasa ntꞌa tꞌasiyú tjelejen̈. Milpan pülüctsja angelpan. Ma polel sin la pactsja pajal pülüctsja mpes. Dios tjáꞌasa culupwen ntꞌa yupj jis lal, janucunpan yulupjana jis lal wa, coꞌmüypan* jis lal wa. Angelpan tjowelepj tjapjacas. 12 Niná pajal yümücj tjenejetsꞌen̈: “Oveja* Tsjicj pajal ꞌüsüs. Tjüꞌünan mpes tepeꞌe jupj. ꞌÜcj la veles tꞌücꞌ way jupj ꞌücj jyüꞌta. ꞌÜcj wa la veles jupj pajal pülücj tyaꞌa, pajal selé wa jupj, jas tjiyocj wa jupj. ꞌÜcj la veles jupj pajal püné, más ꞌüsüs jupj pjü jis lal. ꞌÜcj pjü jis la veles pajal quelel lajay jupj, jupj pajal ꞌüsüs mpes.” Nin tjenejetsꞌen̈ angelpan. 13 Napj tjapjacas wa pjü way Dios la tjijá tjenejetsꞌen̈ wa, pjü tsjun poꞌo patja, pjü nosis casá patja ꞌotsꞌipj, pjü tecyaꞌlin̈ ꞌotsꞌipj, pjü ꞌüsǘ püné moꞌo patjá ꞌotsꞌipj. Ninana pjü tjenejetsꞌen̈: “Po qjuisas pjü ꞌüsüs pjac javelepj Dios poꞌó. Jupj jyüꞌta. Po qjuisas ꞌüsüs pjac javelepj Oveja* Tsjicj poꞌó. Po qjuisas ca mvelecj yupj pajal noypan. Qjuisas pjü ca mvelecj yupj pajal sin tjiyocj. Po qjuisas ninana javelepj lovin.” 14 Tjenejetsꞌen̈ na niná, janucunpan yulupjana javeleptsja: “Nin qjuisas ca nin nsem”. Coꞌmüypan* palá nipiꞌtjin̈ Dios wolapꞌaꞌá, Oveja* Tsjicj wolapꞌaꞌá wa palá nipiꞌtjin̈ yupj. Yupj tjowelepj pajal noypan yupj.

6

Jesucristo ntꞌya tsjan tsꞌülücꞌ po pijiꞌtja popelses.

1 Locopyaya

tjinyuc Oveja* Tsjicj (jupj ne Jesucristo). Jupj tsjan tsꞌülücꞌ pjaní ntꞌya popel mpes. Mwalá waytsja niná, siete tsjan tsꞌülücꞌ sin popé. Nin la tjiji na, tjapjacas janucunpan popa pjaní tjevele: “Was”. Pajal yümücj tjevele jupj, tꞌiꞌila pjac jinwá ca mpjac tjevele. 2 Niná tjevele na, napj tjinyuc cavayú pje. Jupj casá jáꞌasatsja jalecj tyáꞌatsja la palan. Ntꞌya watsja corona*, jupj püné tepyala mpes. Jupj

El Nuevo Testamento en Tol de Honduras, 2da ed. ©2010, Wycliffe Bible Translators

745

APOCALIPSIS 6

la tepyaꞌna tjemey, más pülücj jostsja más pülücj si jütüta mpes. Jupj más ꞌüsüs la tepyaꞌna na, ca yupj jis jepa cüpalas jupj. 3 Locopyaya niswa tjinyuc Oveja* Tsjicj. Pꞌa wa tsjan tsꞌülücꞌ ntꞌya jupj popel mpe. (Mátꞌeya ntꞌya quinam.) Nin la tjiji na, napj tjapjacas pꞌa wa nepé tjevele. “Was”, tjevele jupj. Jupj pꞌa wa janucunpan yulupjana sin popé. 4 Jupj tjevele na, napj tjinyuc cavayú pꞌa wa tjacꞌ. Cavayú niná jetsja jupj. Jupj casá jáꞌasatsja permiso tyáꞌatsja pjü nosis casá patja jis la palan jis la jay, jis la ꞌünan. Polomay püné ntꞌya wa jupj, pülücj jis la ꞌünan. 5 Locopyaya tjinyuc Oveja* Tsjicj tsjan tsꞌülücꞌ pꞌa wa ntꞌya jupj popel mpe. (Cóntꞌeya quinam ntꞌya jupj.) Nin la tjiji na, tjapjacas pꞌa wa nin tjevele: “Was”. Ninana nin tjevelá pꞌa wa janucunpan yulupjana sin popé waytsja. Nin tjevele na, napj tjinyuc cavayú te. Jupj casá jáꞌasatsja, balanza tyáꞌatsja mos ntꞌa, ve la vujus. 6 Neꞌaj tjelejen̈ janucunpan yulupjana. Yupj culupwen nepé tjevele jin tjapjacas. Tjapjacas tjevele ve pajal ca pülücj jaylacj nsem. Ninana tjevelá: “Trigo* yom pjaní tsꞌacꞌ pjaní tꞌücꞌ lo las, tsꞌacꞌ pjaní tsjiꞌ liji jaylacj. Cebada* lal nin pꞌiyá ca nsem. Cebada yom pjaní tsꞌacꞌ pjaní tꞌücꞌ lo las, tsꞌacꞌ pjaní tsjiꞌ liji jaylacj. Mopꞌin ca ntaꞌacj aceite* olivo*. Uva ꞌüsǘ ntaꞌacj wa ca. Po ma malala lis mijin aceite olivo lal, uva ꞌüsǘ lal wa”, nin tjevele tjapjacas napj. 7 Locopyaya Oveja* Tsjicj tsjan tsꞌülücꞌ pꞌa wa ntꞌya popel mpe. (Yulupjana quinam.) Nin la tjiji na, tjapjacas pꞌa wa was tjevele. Ninana tjevelá pꞌa wa nenem janucunpan yulupjana sin popé. Pjü yulupjana nasa tjowelepj yupj. 8 Jupj tjevele na, napj tjinyuc cavayú pꞌa wa tjacꞌ. Pje waytsja ꞌin jupj. Jupj casá jáꞌasatsja “Tepeꞌe” ló jupj. Pꞌa wa jupj cjüil tjacꞌ. “Tecyaꞌlin̈ Patja Ntꞌa” ló jupj. Dios yupj jis tjeꞌyaya ꞌücj jis la ꞌünan nosis casá patja pülücj. Pjü yulupjana sin popé nosis casá patja sin popé, pjaní way ꞌücj jis la ꞌünan. Nepénowa jis tjüꞌünan yuwá la tapalan na. Yupj la tjajay mpes, nepénowa cjuwatsja jis la las, mpes tecyaꞌlin̈ yupj. Yupj la tjajay mpes, nepénowa malala jisas tepyala, mpes tecyaꞌlin̈ yupj. Yupj la tjajay mpes, nepénowa animal tsꞌa ꞌin jis tjüꞌünan. 9 Locopyaya Oveja* Tsjicj tsjan tsꞌülücꞌ pꞌa wa ntꞌya popel mpe. (Cínquiya quinam.) Nin la tjiji na niná, jis qjues nepénowa tjinyuc. Mesa ꞌalaꞌá tjatja yupj, mesa niná Dios jaꞌayapj ntꞌa. La pꞌa jis tjüꞌünan yupj, nosis casá tapatja na. Jis tjüꞌünan yupj Dios tjevelá tjowelepj

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 6, 7

746

mpes. Lovin tjowelepj Jesucristo poꞌo topon, mpes wa jis tjüꞌünan yupj. nepé tjowelepj. Ninana tjowelepj Dios lal: “Jipj cupj qjuis Jepa. Pjü jyütütj. Jipj pajal ꞌüsüs lejay lovin. Mopꞌin lejay jipj velen jin. ¿ꞌOna ca jis capj ntülün nosis casá patjá yupj qjuis tjüꞌünan mpes? Qjuisas yupj ca jus nlayecj tꞌücꞌ way tjevelecj”, nin tjowelepj yupj. 11 Ninana tjowelepj na, pjü yupj pjaní pjaní natj yupj jis pülül pje. ꞌÜsüstsja yupj Dios lal, mpes jis tjeꞌyaya yupj niná. Tjevele wa yupj jis lal más ꞌin püs way ca la nucus. Tjevele gente ca más pülücj jis müꞌüꞌnacj jis pülücpan, Jesucristo mpes tsjiꞌ lajay sin popé. Yupj jis tjüꞌünan jin pꞌiyá ca jis müꞌüꞌnacj wa jis pülücpan. Dios selé nol ca jis müꞌüꞌnacj. Ninana jis tjüꞌünan na, ca jis capj ntülüs, tjevele. 12 Locopyaya napj tjinyuc Oveja* Tsjicj tsjan tsꞌülücꞌ pꞌa wa ntꞌya popel mpe. (Séisiya ntꞌya quinam jupj.) Nin la tjiji na niná, nosis pajal yümücj jus tiquitsꞌe. Lotsꞌacꞌ way te tepyala wa pülül te jinwá. Mümüy jas tüpwes je tepyala, ꞌas jin pꞌiyá justa tepyala. 13 Pjulacj witjacj palá tinca tsjun popé. Yo wolas ꞌuꞌu way palá tinca, yümücj si lapjüna na, nin pꞌiyá palá tinca pjulacj witjacj. 14 Tsjun poꞌó tecyawaja, papel jus tjilyuju jin pꞌiyá. Pues nosis ntꞌa, jocꞌ pjü tanajǘ tjil. Nin pꞌiyá jis tepyala wa pjü momas tsjictjacj ꞌüsǘ culupwen ntꞌa tjatjá. 15 Mpes jepapan nosis casá tapatjá, tjepjyaꞌnen̈ pe jul moꞌó, neven ntꞌa. Pe noypan ntꞌa tjepjyaꞌnen̈ wa jocꞌ moꞌó. Nin pꞌiyá la tjajay wa niyom noypan, niyom tꞌemel pülücj jatatj ꞌotsꞌipj. Militarpan jis jepapan nin wa la tjajay, niyom sin tjiyocj ꞌotsꞌipj. Nin pꞌiyá la tjajay wa esclavopan*, esclavo tulucj ꞌotsꞌipj. Pjü way nin la tjajay. 16 Jocꞌ moꞌó lal lis tjomon, pwen lal lis tjomon wa: “Jipj ꞌamá jus ntsꞌeptam cupj capá ntꞌa. Qjuis tjepjyaꞌna Dios ma qjuiyus nucus. Jupj jyüꞌta neꞌaj tsjun poꞌó. Qjuis tjepjyaꞌna Oveja* Tsjicj ma qjuiyus nucus. Jupj po ma jos cupj la tjijicj. Pajal yümücj qjuis capj ntülüs ca. 17 Quina ca qjuis capj ntülücj. Po ma jisas cupj malala la tjijicj. Len̈ pjacj la cüpaꞌnas ne ma ca cus cütülücj”, nin tjowelepj nosis yümücj jus tiquitsꞌe na. 10 Yümücj

7

Dios la tjiji ꞌüsüs jis tepyala jupj jomozopan nosis ntꞌa patja sin popé.

1 Locopyaya Jesucristo nin ꞌyüsa la tjiji wa niná. Angelpan* yulupjana tüwütüwǘ tjelejen̈ nosis casaꞌá, niná tjinyuc napj. Pjaní way ton̈ca norte ntꞌa, pjaní way sur ntꞌa ton̈ca, pjaní wa tsiquin moꞌo ton̈ca, pjaní wa tꞌyaja moꞌo ton̈ca. Lüpjǘ tyantaná la tjajay, lüpjǘ ma jas nlapjünüs nosis casaꞌá, ma wa ca jas nlapjünüs ꞌüsǘ püné casaꞌá,

El Nuevo Testamento en Tol de Honduras, 2da ed. ©2010, Wycliffe Bible Translators

747

APOCALIPSIS 7

ma wa ca mojos yon jis lal. 2 Ninana tjinyuc na, ángel pꞌa wa tjinyuc. Jupj tjacꞌ neꞌaj tsiquin mpe. Jupj tyáꞌatsja fierro jinwá, poꞌo la ꞌonsos gentá Dios jutsꞌaꞌá, Dios ne püꞌü lovin. Ángel fierro tyáꞌatsja pꞌiyá, angelpan yulupjana jis lal tjevele jupj. Dios jis tjeꞌyaya niná angelpan ꞌücj malala jis la jay nosis, malala wa la mijicj ꞌüsǘ püné. Mpes ángel locopyaya tjacꞌ yümücj tjevele yupj ꞌücj jis la pjac: 3 “Po ma malala la müjí nosis quinam. Po ma malala la müjí ꞌüsǘ püné, ma wa malala la müjí yo poꞌó quinam. Cupj tꞌücꞌ jis wala poꞌo tjeꞌyonsocj nasa Dios jomozopan, ꞌücj nin lojí nun”, tjevele jupj. 4 Napj tjapjacas nol Dios jomozopan yupj jis wala poꞌo tjeꞌyonsocj yupj. Pajal pülüctsja, ciento cuarenta y cuatro mil. Pjü yupj Israel pajal püna tüpüꞌü popa pꞌiyatsja. Israel jatjampan dóceya püna tapatja sin popé waytsja yupj, locopyaya tapatja sin popé. Pjü jatjampan dóceya sin popé waytsja yupj. 5 Judá püna tüpüꞌü popé, 12,000 sin tapac yupj. Rubén püna tüpüꞌü popé, 12,000 sin tapac wa. Gad püna tüpüꞌü popé, 12,000 watsja yupj. 6 Aser püna tüpüꞌü popé, 12,000 sin tapac wa. Neftalí püna tüpüꞌü popé, 12,000 sin tapac wa. Manasés püna tüpüꞌü popé, 12,000 watsja yupj. 7 Simeón püna tüpüꞌü popé, 12,000 sin tapac wa. Leví püna tüpüꞌü popé, 12,000 sin tapac wa. Isacar püna tüpüꞌü popé, 12,000 watsja. 8 Zabulón püna tüpüꞌü popé, 12,000 sin tapac wa. José püna tüpüꞌü popé, 12,000 sin tapac wa. Benjamín püna tüpüꞌü popé, 12,000 watsja yupj. Angelpan* pjü yupj sin poꞌo sin tapac Dios mpes.

9 Niswa

Pajal malala ca mpalas nosis ntꞌa, ne ca pülücj mponecj Jesucristo poꞌó.

tjinyuc na, napj tjinyuc gente pajal pülücj ꞌa jis tjimyula. Ma polel sin la pactsja pülücj mpes. Yupj pjü gente sin popetsja, pjü ꞌa mulú patja sin popé, pjü se jütütj mpe sin popetsja wa, pjü jis tin javelepj sin popetsja wa. Yupj Dios wolapꞌaꞌa lejen̈tsja. Oveja* Tsjicj wolapꞌaꞌa lejen̈ watsja. Oveja Tsjicj Jesucristo nitsja jupj. Gente neꞌaj pjü sin quip pjetsja. Manaca pjwel jatatsja jis mas ntꞌa. 10 Yupj pajal yümücj tjowelepj: “Dios jyüꞌta.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 7

748

Jupj mpes, Oveja Tsjicj mpes wa, ca ꞌüsüs mpatjaquecj lovin.” Nin tjowelepj yupj. 11 Pjü angelpan* tꞌasiyú tjelejen̈ Dios tjáꞌasa ntꞌa. Dios culupwen ntꞌa tjáꞌasa coꞌmüypan* jis lal, janucunpan yulupjana jis lal wa. Angelpan Dios wolapꞌaꞌa palá nipiꞌtjin̈ yupj. Yupj yólatsja pajal püné Dios. 12 Niná tjowelepj: “Gente ninana tjowelepj, tꞌücꞌ. ꞌÜcj la veles Dios ꞌüsüs. Jupj más ꞌüsüs liji pjü jis lal. Pjü si ꞌüsǘ wa jupj. ꞌÜcj la veles wiꞌin̈ jupj la tjiji mpes. ꞌÜcj la veles jupj püné, ꞌücj jyüꞌta jupj, jas tjiyocj jupj pajal. ꞌÜcj nin la veles lovin. Pjü niná, tꞌücꞌ”, nin tjowelepj angelpan. 13 Coꞌmüy* pjaní la tjiꞌyüya napj lal: —¿Ncu selen niná pjacj niná sin quip pje? ¿Ncu selen caꞌaj mpe tjiquil niná? 14 Napj tjevelé jupj lal: —Ma selé napj. Jipj selen. Mpes jupj tjevele: —Yupj nosis casá tapatjá, nosis casaꞌá pajal malala tepyala na. ꞌÜcj jis tepyala quinam. Jesucristo tepeꞌe yupj mpes, oveja* tsjicj jinwá. Jupj ꞌas tepyala mpes, ꞌüsüs jis tepyala Dios lal. Yupj Jesucristo lal topon na, sin quip tapatsj jinwá jis tepyala Dios lal. 15 Nin mpes ‘Dios wolapꞌaꞌa lejen̈ quinam lovin, jupj jyüꞌta ntꞌa. Jaw na, püste na, tsjiꞌ lajay Dios mpes, jupj wo ntꞌa. Dios ca mpüꞌüm yupj jis lal, ma malala jis mpalas. 16 Jupj liji ma ca vecj jis ncaꞌlin̈ niswá, ma ꞌüsǘ sive wa mpalas. Lotsꞌacꞌ mpes ma ca mpen̈ yupj. Ma ca malala jis mpalas pajal vyaja pwe mpes.

El Nuevo Testamento en Tol de Honduras, 2da ed. ©2010, Wycliffe Bible Translators

749

APOCALIPSIS 7, 8

17 Oveja

Tsjicj ꞌüsüs la siji mpes ca nin nsem. Oveja Tsjicj Jesucristo ni jupj. Dios jáꞌasa ntꞌa la jütütj, neꞌaj jáꞌasa wa jupj. Jupj ca jis majamas yupj, yom oveja jyama jinwá. ꞌÜsǘ ꞌamá popa pyaca ntꞌa ca jis ncacanas yupj, ne ꞌüsǘ niná myüꞌün̈ mpes, mpatjam ca lovin. Yun ꞌüsǘ ca ncjücjüs Dios.’ —Nin tjevele coꞌmüy* pjaní, gente niná sin poꞌó. Jupj tjevele pajal ꞌücj jisas mpatjam lovin.

8

Juan tjinyuca Jesucristo tsjan tsꞌülücꞌ pꞌa wa ntꞌya popel mpe. 1 Oveja*

Tsjicj tsjan tsꞌülücꞌ pꞌa wa ntꞌya jupj popel mpe. Siéteya ntꞌya quinam jupj. Nin la tjiji na, püs way lyájasa jin tjatja Dios püꞌü ntꞌa, media hora mpes ca nacj. 2 Locopyaya napj tjinyuc angelpan* siéteya. Yupj ne Dios wolapꞌaꞌa lejen̈tsja lovin. Trompeta siéteya natj, pjaní pjaní siéteya popé. 3 Ángel pꞌa wa tjacꞌ wa. Plato tyáꞌatsja jupj, tsꞌülücꞌ ꞌüsüs cjumsu moꞌo la ꞌüm. Plato oro* waytsja jupj. Ángel niná neꞌaj tjacꞌ, mesa Dios jaꞌayapj ntꞌa ton̈ca jupj. Oro watsja jupj, mesa niná. Ángel tjacꞌ Trompeta witjacj la tjupjus. na, tjaꞌayapj jupj tsꞌülücꞌ püné, ꞌüsüs (Apocalipsis 8.2) cjumsu la ꞌüm. Jupj tsꞌülücꞌ niná quelel ꞌyǘmatsja mesa casaꞌá Dios wolapꞌaꞌá, jupj myusca ca jay la pꞌaꞌa mim Dios wolapꞌaꞌá. Pjü way Dios tsꞌuyupj la tjomon Dios lal, niná ca jay la pꞌaꞌa mal wa myusca lal, ꞌücj lo pjac. 4 Ángel niná nin la tjiji. Tsꞌülücꞌ tjiꞌyüma na, myusca tepyala. Myusca pajal ꞌüsüs cjumsu jay la pꞌaꞌa tjemey Dios wolapꞌaꞌá, ángel mos ntꞌa tyáꞌatsja mpe. Jay la pꞌaꞌa tjil wa Dios tsꞌuyupj Dios lal tjowelepj. ꞌA mulú jay la pꞌaꞌa tjil. 5 Locopyaya ángel ꞌetsjecj ꞌyawa tꞌeꞌenca, ꞌawa mesa casá tjáꞌasa mpe, mesa niná Dios jaꞌayapj ntꞌa. Jupj plato ꞌetsjecj mpes tipitꞌa. ꞌEtsjecj niná nosis casá la tecyoye. ꞌEtsjecj naꞌaj la tecyoye na, tꞌiꞌila pjactsja, pajal ca mpjac pjactsja nepé ꞌotsꞌipj, tjejyawca menmené ꞌotsꞌipj, jus tiquitsꞌe nosis ꞌotsꞌipj.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 8, 9

750

Ninana Juan tjinyucá, angelpan la tjupjus pjactsja na.

6 Angelpan*

siéteya natj quinam yupj jis trompeta. ꞌÜcj la tjajay jis la pjus. 7 Ángel* mwalá la tjipjyusa jupj trompeta. La tjipjyusa na, lüpjücj tincünǘ. ꞌAwa ꞌas lal tjive wa nosis casaꞌá. Nin tepyala na, pajal püné tüpwé nosis, nasa way la mitad pwetsja. Pjü yo contꞌe sin popé, pjaní tüpwé wa yon. Tsjutsj lo tsju pjü tüpwé wa. 8 Locopyaya ángel* pꞌa wa la tjipjyusa pꞌa wa trompeta. La tjipjyusa na, napj tjinyuc jocꞌ püné jinwá. Pwe tjinyuc. Jocꞌ niná nosis casaꞌá palá tsꞌiya, ꞌüsǘ püné casaꞌá tjeyaca. Nin tepyala mpes, nasa way la mitad ꞌas tepyala jupj, ꞌüsüs. 9 Mpes wa animalpan ꞌüsǘ moꞌo lyawun̈ pajal pülücj tecyaꞌlin̈. Pjü cóntꞌeya sin popé, pjaní tepeꞌe. Barco* ꞌüsǘ casá jil, pajal pülücj pajal malala jis tepyala yupj. Pjü cóntꞌeya sin popé, pjaní malala tepyala. 10 Locopyaya ángel* pꞌa wa la tjipjyusa jupj trompeta. Jupj la tjipjyusa na, pjulacj püné palá tjeyaca nosis casaꞌá tsjun mpe. Tüpwé jupj, ꞌiyó je püné jinwá. ꞌÜsǘ pülücj casá tjeyaca, ꞌüsǘ ꞌamá popa pyaca casaꞌá wa. Pjü contꞌe sin popé, ꞌüsǘ püné pjaní casaꞌá tjeyaca jupj. 11 Pjulacj niná palá tjeyaca pꞌiyá, “ꞌOna” lotsja jupj. Jupj mpes ꞌona tepyala wa ꞌüsüs. Nasa way la mitad ma polel la müs tepyala. Gente pülücj tecyaꞌlin̈ ꞌüsǘ ꞌona tjimyüꞌün̈ mpes. 12 Locopyaya ángel* pꞌa wa la tjipjyusa jupj trompeta. La tjipjyusa na, malala tepyala lotsꞌacꞌ way. Nasa way la mitad püste tepyala jupj. Mümüy ꞌa nin pꞌiyá tepyala, pjulacj witjacj ꞌa nin pꞌiyá jis tepyala. Mpes nasa way la mitad ma sin tjejyawca yupj. Mpes jaw na, nasa way la mitad ma tjejyawca nosis ntꞌa. Nin pꞌiyatsja püste na. Ma ꞌüsüs tjejyawca mümüy way. 13 Locopyaya tjinyuc na, tsꞌi tjinyuc. La mena ntꞌa wínetsja. Tjapjacas wa yümücj pjac la tipiya. Ninana tjevele: “Pajal malala ca mpalas nosis casá patjá, angelpan* pꞌa witjacj jis trompeta la tjupjus na. Trompeta contꞌe ma la tjupjus custjay. Len̈ way la mpjusacj ca yupj”, nin tjevele tsꞌi. 1 Ángel* pꞌa wa jupj trompeta la tjipjyusa. Jupj la tjipjyusa na, napj tjinyuc pjacj palá tjeyaca nosis ntꞌa tsjun mpe. Pjulacj jinwá jústatsja jupj. Llave tjaꞌayapj jupj, jul campwila jun la cjol. Lapanenpan pülücj jun tꞌolon pátjatsja neꞌaj, jul moꞌó. 2 Jun tjecjyoltse na niná jul, myusca pajal püné pjeꞌá tjemey jupj, jul mpe, ꞌawa püné myusca jinwá.

9

El Nuevo Testamento en Tol de Honduras, 2da ed. ©2010, Wycliffe Bible Translators

751

APOCALIPSIS 9

Myusca püné jul mpe tjemey mpes, pajal te ton̈ca tepyala, lotsꞌacꞌ ma si nuc tepyala. 3 Myusca mpe tsꞌelel pülücj palá tjiquil nosis casaꞌá. Jul mpe ꞌa tjiquil wa yupj. Tsꞌelel niná ꞌücj jis janütsja tsjev jinwá. 4 Yupj jis jepa jis tjijyüꞌta ma malala la mijicj tsjutsjum. Tjijyüꞌta ma ca malala la mijicj pjü tsjutsjum. Pjü yo ma ca malala la mijicj wa. Gente jis lal pꞌin ꞌücj malala lajaytsja. Gente niná jis wala sin tapac tulucj Dios mpes, niná ꞌücj malala lis tjajay yupj. 5 Ma permiso tjaꞌayapj tsꞌelel niná jis la ꞌünan gentas. ꞌÜcj nepé vyaja lajaytsja la pꞌin. Mes cinco mpes ca la qjuijictsja niná. Yupj tjünǘ na, tsjev tjinyüjü jinwá tjevyaja. 6 Tsꞌelel nin lajay poꞌó, gente ca quelel jis müꞌüꞌnacj yupj pꞌiyá, pajal vyaja mpes, newa ma ca polel ncaꞌlin̈ yupj. Pajal ca quelel ncaꞌlin̈ ca nsem yupj, mopꞌin ma ca ncaꞌlin̈. 7 Tsꞌelel niná cavayú tsjictjacj jas tjüwüꞌün jin yustaptsja. Corona* sey játjatsja jin yustaptsja sey pjucj poꞌó. Jis corona oro* jinwá yustaptsja. Gente jin yustaptsja jis wala poꞌó. 8 Jis tsꞌil campa waytsja, nequem jis tsꞌil jinwá. Jis wis pjoye watsja, püꞌá jis wis jinwá. 9 Jisas suna ntꞌa pjolocꞌ cꞌa waytsja yupj. Cꞌa waytsja pajal, acero jinwá. Jis pam mpes tjil na, yümücj pjactsja, cavayú pülücj carreta jatꞌ jinwá pjactsja, la palan ntꞌa tsꞌequenen̈ jinwá pjactsja. 10 Tsꞌelel niná jis socꞌ, tsjev socꞌ jinwatsja. Jis socꞌ jay tsꞌülül tsjev jinwá. Yupj tjünǘ mpes ꞌücj malala lajaytsja gentas. Mes cinco ꞌücj nin la tjajay yupj. 11 Tsꞌelel jis jepa ángel* pjaní waytsja, jul campwila moꞌo jyüꞌta jupj. Hebreopan* jis tin Abadón ló jupj, ángel niná. Griegopan* jis tin Apolión ló jupj. (“Malala La Siji” ló jupj cupj qjuis lal.) 12 Pjaní malala tepyala nasa tecyawaja quinam. Pjaní tepyala nas, tsꞌi tjevele jin. Mátꞌeya ma tꞌücꞌ tepyala custjay, malala jis la pal. 13 Locopyaya ángel* pꞌa wa jupj trompeta la tjipjyusa. Jupj la tjipjyusa na, mesa mpe pjac jin tjapjacas, mesa niná Dios jaꞌayapj ntꞌa. (Órotsja* jupj mesá, Dios wolapꞌaꞌa ton̈ca.) Mesa tsjülǘ yulupjana nepé vele pjactsja. 14 Ángel lal tjevele jupj, po quina tꞌücꞌ la tjipjyusa lal. Ninana tjevele jupj lal: “ꞌEsocte ma ꞌen angelpan yulupjaná, ꞌüsǘ püné ntꞌa tsyuꞌpa jatja. Eufrates ló jupj, ꞌüsǘ püné neꞌaj”, nin tjevele nepé pjactsja. 15 Mpes nin la tjiji ángel*. Jupj syocte niná angelpan yulupjaná. Neꞌaj tsyuꞌpa tjatja, la tjunuctsja año niná mpes, mes niná pꞌiyá, tsꞌacꞌ niná pꞌiyá, hora niná pꞌiyá. La tjunuc ca mal, müꞌüꞌnacj gentá. Pajal pülücj ca müꞌüꞌnacj. Pjü contꞌe sin popé, pjaní ca müꞌüꞌnacj. Tjiquil yupj quinam. 16 Ninana angelpan, jepapan yupj militarpan pülücj

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 9, 10

752

jis lal. Jis militarpan pülücj cavayú casá tjil yupj. Tjapjacas nol tjil militarpan. Dos cientos millón waytsja yupj. 17 Dios la tjiji napj yus tjinyuc, mpes tjinyuc ꞌonin nyuca yustaptsja yupj. Militarpan cavayú casá tjatjá, acero lal sin tjüwüꞌün jisas suna moꞌó. Jisas suna sin tjüwüꞌün, sin je jin jústatsja, ꞌawa jinwá, tsju jas püste jin justa watsja, lu watsja. Jis cavayú sey pjucj püꞌá sey pjucj jin yustaptsja. Cavayú jis lala mpe ꞌawa pjeꞌá tjacꞌ, myusca pjeꞌá tjacꞌ wa, azufre* ꞌotsꞌipj. 18 Conas cavayú jis lala mpe tjiquil mpes, gente pajal pülücj jis tjüꞌünan. ꞌAwa mpes jis tjüꞌünan, myusca mpes wa, azufre mpes wa. Pjü contꞌe popé, pjaní way tjüꞌünan yupj. 19 Cavayú ꞌücj malala lajaytsja jis lala mpes, jis socꞌ mpes wa. Jis socꞌ latsj jinwá yustaptsja. Jis socꞌ sey pjucj jánatsja, latsj sey pjucj jinwá. Nin mpes jis socꞌ mpes malala lajay watsja. 20 Gente pülücj jis tjüꞌünan. Newa nin, gente la pꞌa wa newa malala la tjajay. Newa nin, yupj ma quelel ꞌüsüs lajaytsja. Newa po jisastsja lapanenpan, tjowelepj yupj pajal noypan. Newa jisastsja dios* pꞌa wa, yupj pꞌiyá lis tjajay la pꞌin. Jis dios pꞌa, oro* waytsja yupj nepenowá, nepénowa plata*, nepénowa bronce*, nepénowa pe, nepénowa yotsja. Yupj jis dios ma polel januc, nin pꞌiyá ma wa polel pjyacan̈, ma wa polel lyawun̈. 21 Gente nosis casá patja newa jis tjüꞌünan la pꞌa wa, newa diablo* la tapal, jupj ca jis capj mpꞌaꞌsas malala la mijicj. Newa sejatsꞌom tulucj neꞌaj tjamanun, newa jis vayum tulucj jis lal tjelyawun̈. Newa tepequen̈ yupj. Ma quelel ꞌüsüs lajaytsja yupj.

10

Juan ángel pꞌa wa tjinyuc. Niná papel tsjicj tyáꞌatsja.

1 Locopyaya pꞌa wa ángel* tjinyuc. Jupj pajal jas tjiyoctsja. Tjacꞌ tsjun mpe. Mol jas tjüwüꞌüntsja jupj. Tsetsꞌ pjojocj jay pjucj tꞌasiyutsja jupj. Wola se jáwcatsja jupj, lotsꞌacꞌ jinwá. Jupj tüecj ꞌawa wolaqué jinwá jústatsja. 2 Jupj tyáꞌatsja papel tsjicj. Nasa la tüpüpj pǘꞌütsja mos ntꞌa. Nosis casá tjacꞌ na, tsjom liꞌinyampe ꞌüsǘ püné casá tjejyatsja, tsjom nancupwepe ꞌamá casá tjejyatsja. 3 Yümücj tjevele püꞌá pjyusa jinwá. Niná tjevele na, siéteya tꞌiꞌila pjactsja, nepé javelepj jin pjactsja. 4 Tꞌiꞌila na, napj quelel pyactsja tꞌiꞌila pjac tjowelepj. Napj quelel pyactsja na, pꞌa wa tjapjacas tsjun poꞌó nepé tjevele pjac. Niná tjevele: “Siéteya tꞌiꞌila tjowelepj po ma mvelen. Po ma mpaquen”, nin tjevele napj lal. 5 Niná tjevele na, ángel* mos jas tjijyünsa la tjiji la mena ntꞌa. Jupj ninana pꞌiyá ꞌüsǘ püné casaꞌá ton̈ca, nosis casá ton̈ca wa. 6 Jupj tjevele:

El Nuevo Testamento en Tol de Honduras, 2da ed. ©2010, Wycliffe Bible Translators

753

APOCALIPSIS 10, 11

“Dios selé tꞌücꞌ way velé. Dios püꞌü lovin. Jupj la tjiji tsjun poꞌó, la tjiji wa pjü tsjun poꞌo patjá. Jupj la tjiji nosis, la tjiji wa pjü way nosis casaꞌá. Jupj la tjiji wa ꞌüsǘ püné, la tjiji wa pjü way ꞌüsǘ moꞌó lyawun̈, pjü way ꞌüsǘ moꞌó lejen̈ ꞌotsꞌipj”, nin tjevele jupj Dios poꞌó. Tjevele wa: “Nin ca mpalas quinam Dios tjevelá. Ma ca la nucus. 7 Ángel pꞌa wa ca la mpjusas jupj trompeta. La tjipjyusa na, Dios tꞌücꞌ way ca la mijis jupj tjevelá. Püna gente ma sin ꞌyǘsatsja tsjan ca la mijis Dios. Locopyaya Dios tjevele jupj profetapan* jis lal tsjan la mijis jupj. Yupj tjowelepj Dios mpes. Jupj jomozopan waytsja yupj”, nin tjevele ángel. 8 Tsjun poꞌo nepé vele jin tjapjacas, niswa tjevele napj lal. Jupj tjevele: “Jutja jipj ángel* ntꞌa, jupj ꞌüsǘ püné casá ton̈ca, ꞌamá casá ton̈ca wa. Ntꞌya papel tsjicj, la tüpüpj püꞌü jupj mos ntꞌa”, nin tjevele jupj napj lal. 9 Mpes napj ángel* ntꞌa tjum, la tjemyon napj nla ꞌayas papel tsjicj. Jupj tjevele napj lal: “Ntꞌya papel, nlajan. Wüjü ca nsem jipj lyala moꞌó, tsꞌas jinwá; locopyaya, tꞌücꞌ tjelyan na, ꞌona ca nsem cyol moꞌó.” Nin tjevele ángel. 10 Napj netj papel tsjicj jupj mos mpe, tjelyá wa popelses. Wüjü waytsja nlala moꞌó tsꞌas jinwá. Locopyaya, napj tꞌücꞌ tjelyá na, ncol moꞌó ꞌónatsja. 11 Papel tjelyá na, pjaní way tjevele napj lal: “Niswa ca mvelen Dios mpes. Dios jos mvelen ca tsjan ca jis mpalas gente pülücj jis lal. Ca mvelen tsjan ca jis mpalas pꞌa ntꞌa ꞌa mulú patja jis lal. Ca mvelen tsjan ca jis mpalas pülücj se jütütj mpe. Ca mvelen tsjan ca jis mpalas pꞌa wa jis tin javelepj. Ca mvelen wa tsjan ca jis mpalas jis jepapan”, nin tjevele napj lal.

Niyom matꞌe Dios mpes ca mvelecj gente pülücj jis walapꞌaꞌá.

11

1 Locopyaya

jupj ntjeꞌaya visyú campa, la vujus. Pꞌa wa tjevele napj lal Dios mpes: “Jutja, mvujun ca Dios wo* nosis ntꞌa, mesa Dios jaꞌayapj ntꞌa mvujun wa. Sin tepyaca nucun nol jatja gentas neꞌaj Dios jisas, nol javelepj Dios pajal püné. 2 Ma mvujun tjüwücj ntꞌa, Dios wo tꞌasiyú. Tjüwücj ntꞌa lyawun̈, ma japon yupj Dios poꞌó. Dios jis tjeꞌyaya neꞌaj malala la mijicj mes cuarenta y dos mpes. Nin ca la mijicj pülücj patja ntꞌa neꞌaj, Dios jutsꞌaꞌá ntꞌa. 3 ”Napj niyom matꞌe ca sin majam, ca mvelecj yupj nosis casá patja jis lal. Napj mpes ca mvelecj, pülücj jyawca mpes; tsꞌacꞌ mil, dos cientos sesenta jyawca mpes ca mvelecj. Niná niyom matꞌe ꞌaplijila ca nsem nosis casá patja malala nyuca lajay mpes. Pülül si tsutsca

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 11

754

ca sin nquiꞌpacj, ꞌaplijila mpes. 4 Niyom ninana yo olivo* jinwá yupj napj lal. Yupj ninana noyomes püna tjevelé jiquil nosis ntꞌa. Pajal ꞌüsüs yupj. Yupj quelel lajay Dios jyüꞌta jinwá. Dios Jepa jupj pjü nosis casá patja mpes. Ninana niyom matꞌe, se jawca jinwá yupj, yam casá lejen̈ jinwá yupj, Dios mpes javelepj mpes. 5 La pꞌa wa quelel malala lajay yupj jis lal, ma polel nin lajay. Yom pjaní quelel malala la siji na, noyomes matꞌe jajütütj müꞌümüs jupj. Javelepj mpes pꞌin peꞌe jupj, Dios nin liji mpes. Nin mpes cyaꞌlin̈ jis enemigopan. Lovin nin pyala la pꞌa wa quelel malala la sajay na. 6 Ninana noyomes ꞌücj lajay ma majawus Dios mpes javelepj na. Nin pꞌiyá ꞌücj la mijicj wa, ꞌüsǘ ꞌas ca mpalas. Nin wa yupj ꞌücj wa la mijicj pꞌa casá pyalá, malala jis la pal nosis casá patjá. Jisas na, ꞌücj wa la mijicj niná. 7 ”Pꞌa jawas tꞌücꞌ tjowelepj na Dios poꞌó, yom malala ca ncuwim, jis müꞌüꞌnas ca niná niyom mátꞌeya. Jupj animal tsꞌi ꞌinyá jinwá. Jul campwila mpe pjeꞌá ncuwim ca, ne pajal la mpaꞌnas ca yupj jis lal. Jupj más jas tjiyocj nsem yupj jis lal; jis müꞌüꞌnas ca. 8 Tecyaꞌlin̈ na, jis pꞌüy mpatjam ca jümücj ntꞌa, pajal pülücj patja ntꞌa. Ma ca ntoquecj yupj. Neꞌaj, niyom matꞌe cyaꞌlin̈ ntꞌa, neꞌaj pꞌiyá jis Jepa cruz* poꞌo tjovalapj ntꞌa. Neꞌaj patja malala lajay; Sodoma poꞌo tapatja jin pꞌiyá lajay, Egipto ntꞌa tapatja jin pꞌiyá lajay wa. 9 ”Tsꞌacꞌ contꞌe y medio niyom pülücj ca nucucj jis pꞌüy. Pꞌa ntꞌa ꞌa mulú patja ca yus nucucj wa yupj jis pꞌüy. Pjü tribu sin popa yus nucucj wa ca. Pꞌa wa jis tin javelepj ca yus nucucj wa. Pꞌa wa se jütütj mpe wa ca nucucj yupj jis pꞌüy. Müjüꞌtücj ca ma ntoquecj. 10 Yupj ꞌücj jisas nsem tecyaꞌlin̈ niyom matꞌeyá. Fiesta ca la mijicj tecyaꞌlin̈ mpes, ca así jis maꞌayacj yuwá. Malala jis tepyala nosis casá patjá niná profetapan* mátꞌeya Dios mpes tjowelepj mpes. Nin mpes yupj ꞌücj jisas nsem len̈ yupj”, nin tjevele jupj napj lal. 11 Tsꞌacꞌ contꞌe y medio niyom matꞌe jis pꞌüy jümücj ntꞌa tapatja na, Dios ca la mijis mpatjam niswá, ne yupj ca nlüjün̈. Nepénowa ca nucucj yupj niswa patja se palá, mpes pajal ca lecj meyacj yupj. 12 Niyom matꞌe naꞌin jis tepyala na, yümücj nepé vele ca mpjacam tsjun mpe. “Nculá quiꞌá”, ca mveles. Mpes yupj ca mal tsjun poꞌó, molon moꞌó ca mal. Jis enemigopan ca nucucj ne yupj jil. 13 Nin tepyala na, len̈ way ca jus nquitsꞌis neꞌaj, mpes neꞌaj, pülücj patja ntꞌa, malala ca jis mpalas jis wa pülücj. Pjaní ca malala mpalas pjü diez sin popé. Pülücj ca ncaꞌlin̈ gentas, jus tiquitsꞌe mpes. Siete mil ca ncaꞌlin̈. Janucun witjacj pajal ca lecj meyacj, ca mvelecj Dios pajal püné, jupj ne tsjun poꞌo püꞌü.

El Nuevo Testamento en Tol de Honduras, 2da ed. ©2010, Wycliffe Bible Translators

755 14 Nasa

mpalas.

APOCALIPSIS 11

tꞌücꞌ pꞌa wa malala tepyalá, tsꞌi tjevele jin. Len̈ way ca pꞌa

Ángel pꞌa wa trompeta la tjipjyusa. Siéteya tepyala quinam.

15 Locopyaya

pꞌa wa ángel* tjinyuc. Jupj trompeta* la tjipjyusa wa. Siéteya la tjupjus quinam. Niná la tjipjyusa na, Dios püꞌü mpe yümücj tjowelepj jin tjapjacas. Nin tjowelepj: “Qjuis Jepa Dios quina ca müjüꞌtüs nosis ntꞌa. Lovin ca müjüꞌtüs jupj. Jesucristo lal ca ꞌa mulú müjüꞌtücj. Jesucristo ne Yom niná Dios jas tjejyama nosis ntꞌa”, nin tjowelepj. 16 Coꞌmüypan* veinticuatro, yupj jis silla casá játjatsja Dios wolapꞌaꞌá. Jepapan wa yupj. Nin tjowelepj tjepjyacan̈ na, Dios wolapꞌaꞌa palá nipiꞌtjin̈ yupj. Yupj tjowelepj Dios pajal püné. 17 Tjowelepj Dios lal: “Jipj Dios. Qjuis Jepa jipj. Pjü ꞌücj wa lejay jipj. Jipj pütꞌ quinam. Tüpütꞌ watsja jipj püná. Wiꞌiquecj jipj lal, jipj pajal püné pjü jis lal, ne jipj nasa jyütütj quinam. 18 Nosis casá patja pajal tsꞌa ꞌintsja jipj lal. Jipj po ma jyas yupj pajal malala la tjajay, ne ca jis capj ntülün quinam. Jipj ca mvelen quinam tecyaꞌlin̈ jis lal, ncu tꞌücꞌ malala la tjajay. Quina ca ꞌüsüs jis maꞌayan wa jipj myozopan, yupj ne jipj mpes tjowelepj. Ca ꞌüsüs jis maꞌayan pjü jipj tsꞌuyupj. Yupj salejepj jipj jis capj ntülün malala lajay. Jipj ca ꞌüsüs jis maꞌayan cyapj jacon̈. Nin pꞌiyá ca la mijin noypan jis lal, tsjictjacj jis lal wa. Nosis malala jis la jay ca jis capj ntülün jipj, ne ca malala jis mpalas yupj.”

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 11, 12

756

Nin tjowelepj coꞌmüypan Dios wolapꞌaꞌá. 19 Nin tepyala na, napj tjinyuctsja Dios wo jun cjol tsjun poꞌó. Si nuctsja cajón tabla mpes, niná cajón mpes, israelpan* yola jis tepyala Dios tjevelá. Püna tjevele tsjan ca la mijis jupj yupj mpes. Niná tjinyuc na, pajal tjejyawca menmené, pajal tꞌiꞌila pjactsja. Jus tiquitsꞌe wa, lüpjücj tjive wa.

Juan quepj tjinyuca tsjun poꞌó. Tjinyuca wa latsj pajal püné.

12

1 Quepj

lay tepyala tsjun poꞌó. Dios ꞌücj la tjiji napj tjinyuc jupj, ca gente jus nlayecj nosis ntꞌa pyalá, ca jus nlayecj wa tsjun poꞌo pyalá. Quepj niná tsjun poꞌó, lotsꞌacꞌ lal sa capyatsja. Jupj ton̈ca mümüy casaꞌá. Pjulacj dóceya jay pjucj poꞌo játjatsja, corona* jinwá. (Püné waytsja jupj, mpes corona jáꞌasatsja jay pjucj poꞌó.) 2 Quepj way tsjicj tjáꞌasa, nasa quelel myáꞌnatsja. Jupj la tipiya vyájatsja mpes. 3 Len̈ way Latsj Püné lay tepyala wa tsjun poꞌó. Dios ꞌücj la tjiji napj tjinyuc wa jupj, ca gente jus nlayecj nosis ntꞌa pyalá, ca jus nlayecj wa tsjun poꞌo pyalá. Niná Lotsjim tsjun poꞌó, ꞌa jetsja. Siéteya jay pjuctsja niná Lotsjim. Diez tsjüémetsja jupj. Jupj jay pjaní pjaní corona* pjaní pjaní jay játjatsja, jupj püné mpes. 4 Latsj socꞌ mpes pjulacj pülücj witjacj palá la tecyoye nosis casaꞌá, palá tinca jay la pꞌaꞌapé. Pjü contꞌe sin popé, pjaní way palá tjeyaca. Latsj Püné Quepj wolapꞌaꞌa tyantaná, Quepj way tsjicj quelel myáꞌnatsja na. Latsj quelel lyájatsja Tsjiquis, tjemyaꞌna na. 5 Lovin ma polel tjelyaja jupj. Quepan tjemyaꞌna yom tsjicj way. Jatjam tsjicj Jepa ca nsem, pjü müjüꞌtüs nosis casaꞌá, ca jis majamas nosis casá patjá. Jupj ca len̈ way jis capj ntülüs malala lajay. Tsjicj niná tjemyaꞌna na, len̈ way Dios tjemyana Tsjiquis jupj püꞌü ntꞌa, jupj jyüꞌta ntꞌa. 6 Quepan tsꞌüequené pjü jis wa cjuwá ntꞌa. Dios ꞌücj la tjiji neꞌaj lo pütꞌüs jupj. Neꞌaj maꞌayacj ca nlajas pülücj jyawca mpes. Jyawca mil, dos cientos sesenta ca neꞌaj mpüꞌüm jupj. 7 Locopyaya tjinyuc pülücj la tapalan tsjun poꞌó. Ángel* püné, Miguel ló, jépatsja jupj Dios angelpan ꞌüsüs witjacj jis lal. La tapalan yupj Latsj Püné lal. Latsj Püné jepa watsja jupj angelpan malala witjacj jis lal. Yupj la tapalan ꞌüsüs witjacj jis lal. 8 Newa nin, ꞌüsüs witjacj más sin tjiyoctsja Latsj Püné lal. Ma tjaꞌayapj malalapan tapátjatsja neꞌaj, tsjun poꞌó. 9 Palá la tsꞌi Latsj Püné nosis casaꞌá. Ángel malalapan palá la tsꞌi wa Latsj Püné lal. Jupj pꞌiyá lotsjim pajal püna tüpüꞌá. Diablo* ló jupj, Satanás* ló wa jupj. Jupj pꞌiyá pjü nosis casá patja yus tsyawilitsja.

El Nuevo Testamento en Tol de Honduras, 2da ed. ©2010, Wycliffe Bible Translators

757

APOCALIPSIS 12

10 Diablo*

palá la tsꞌi na, nepé vele jin tjapjacas Dios püꞌü mpe. Yümücj tjevele: “Nasa tꞌücꞌ quinam. Dios qjuis capj tjepꞌyaꞌsa ne diablo ma polel malala la qjuijis quinam. Dios pjü sin ꞌyüsa lis tjiji jupj pajal püné. Sin ꞌyüsa lis tjiji jupj jyüꞌta. Sin ꞌyüsa lis tjiji Jesucristo ꞌücj jyüꞌta quinam. Jupj ne Yom niná Dios jas tjejyamá nosis ntꞌa. Nasa palá la tsꞌi quinam Latsj Püné nosis ntꞌa, jupj ne lovin tꞌya vele qjuis pülücpan sin poꞌó. Püste ꞌotsꞌipj, jaw ꞌotsꞌipj tꞌya vele niná Dios wolapꞌaꞌá yupj sin poꞌó. 11 Newa nin, Dios tsꞌuyupj más sin tjiyoctsja jupj lal, Oveja* Tsjicj yupj mpes tepeꞌe mpes, jupj ꞌos tepyala mpes. Yupj jupj poꞌo japon tjowelepj, mpes wa más sin tjiyoctsja yupj diablo lal. Ma pajal yólatsja ncu ca ncaꞌlin̈; ꞌüctsja yupj jis lal la mas Jesucristo mpes. 12 ꞌÜsüs nujisas tꞌas tsjun poꞌo potjaqué. ꞌÜsüs tepyala jay la pꞌaꞌá. Len̈ quinam diablú. Mopꞌin malala ca nu mpalas nosis casá potjaqué, ꞌüsǘ püné casá potjaqué ꞌotsꞌipj. Diablo palá tjemey nun ntꞌa. Jupj pajal tsꞌi ꞌinyá. Jupj selé pajal tsjicj way pꞌin ca mpüꞌüm nosis casá quinam”, nin tjevele tsjun poꞌó nepé. 13 Latsj Püné jus nleya yupj palá la tsꞌi jupj nosis casaꞌá. Jus nleya na, len̈ way tsjiquis jamay cjüil tjemey jupj. Latsj Püné quelel malala líjitsja jupj. 14 Ma polel nin la tjiji jupj; pom matꞌe tjaꞌayapj jupj, Quepan. Jupj pom püné tjaꞌayapj jupj, pom más ꞌin püné, tsꞌi pom lal. Tjaꞌayapj ꞌücj lo tsꞌequen Latsj Püné mpe, jis wa cjuwá ntꞌa ca mim. Neꞌaj ca maꞌayacj nlajas año contꞌe y medio. 15 Quepj tsꞌüequené na, Latsj ꞌüsǘ jas tjejyama lala mpe, ꞌüsǘ püné jinwá; ꞌüsǘ niná quepj

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 12, 13

758

cjüil jas tjejyama jus lo pijitj, lo ꞌünan. 16 Mopꞌin ma tjiꞌyüꞌna; nosis cus tjepꞌyaꞌsa quepan. Jun tjecjyoltse nosis, mpes ꞌüsǘ Lotsjim lala popa tjacꞌ tjemey nosis ꞌalá. 17 Nin mpes Latsj Püné pajal tsꞌi tjiꞌina Quepan lal. Tjemey la palan jupj jutsꞌuyupj pꞌa wa jis lal. Yupj ne lajay wa Dios si jütüta jinwá, topon wa Jesucristo tjevelá, mpes yupj jupj jutsꞌuyupj ꞌotsꞌipj.

Juan tjinyuca Animal Tsꞌi ꞌInyá ꞌüsǘ püné pjeꞌá tjeyacá.

13

1 Napj

tjinyuctsja Latsj Püné ꞌüsǘ püné la ntꞌa tón̈catsja. Locopyaya napj tjinyuc wa Animal Tsꞌi ꞌInyá jas nisa ꞌüsǘ mpe. Diéziya tsjüémetsja jupj, siéteya jay pjuctsja. Diéziya corona* tsjüeme poꞌo tjatja wa. Corona pjaní pjaní tsjüeme poꞌo játjatsja. Pjü jay pjucj wola poꞌó jupj ló tapactsja. Pjü jupj ló jupj ne pꞌiyá Dios. Malala nin; jupj ne Dios tulucj. 2 Animal napj tjinyuc, püꞌá jinwá tjinyuctsja. Tsjom noypan waytsja, oso* tsjom jinwá yustaptsja. La moꞌó pünetsja, león lala jinwá. Latsj Püné la tjiji Animal niná ꞌücj la tjiji Latsj Püné jos jinwá. La tjiji ꞌücj lo jütütj jupj, Latsj Püné jinwá. La tjiji ca la pꞌa müjüꞌtücj jupj mpes. 3 Tjinyuc Animal jay pjucj pjaní jay tjojocj jinwá, nasa tepeꞌe jinwá. Nasa tjiꞌyüꞌsa quinam jay tjojocj, mpes niswa püꞌü tepyala jupj. Jupj tjiꞌyüꞌsa mpes, nosis casá patjá yólatsja Animal niná pajal püné. Yupj japontsja jupj tjevelá. 4 Latsj Püné la tjiji ca Animal müjüꞌtüs, mpes gente yólatsja Latsj Püné pajal püné. Yólatsja wa niná Animal Tsꞌi ꞌInyá pajal püné wa jupj. Tjowelepj: “Animal más püné pjü jis lal. Pꞌa wa ma polel jis la palan jupj lal.” 5 Mes cuarenta y dos mpes Dios tjeꞌyaya Animal niná tjevele jupj pꞌiyá pajal püné; jupj ne pꞌiyá Dios, tjevele. Mes cuarenta y dos mpes Animal polel malala líjitsja, jupj jostsja jinwá. 6 Jupj vele watsja Dios malala. Malala Dios lijá, tjevele jupj. Malala tjevele wa Dios lal patja sin poꞌó. 7 Diablo* la tjiji Animal niná ꞌücj lo palan Dios tsꞌuyupj jis lal. La tjiji jupj ca malala la qjuijis yupj jis lal. Diablo la tjiji Animal ca pjü jis cüjüꞌtüs. Pjü tribu ꞌotsꞌipj, pjü ꞌa mulú patja ꞌotsꞌipj, pjü jis tin javelepj ꞌotsꞌipj, pjü pꞌa wa se jütütj mpe ꞌotsꞌipj; pjü yupj jis tjijyüꞌta jupj. 8 Pjü nosis casá patja ca yola nsem niná Animal püné. Jis lá ma tapac Oveja* Tsjicj popel moꞌó, yupj pjü way ca jisas nsem Animal niná, yola nsem jupj püné. Oveja Tsjicj popel tyaꞌa, popel niná nin vele pjac ca mpatjam Dios lal. Püna, Dios nosis liji secj na pꞌin, nin tapactsja jupj popel moꞌó. Oveja Tsjicj tjüꞌünan, ne ꞌücj jis la patj gentá.

El Nuevo Testamento en Tol de Honduras, 2da ed. ©2010, Wycliffe Bible Translators

759

APOCALIPSIS 13

nun tjapjaꞌaqué, nusin tjüꞌüsüs niná. selé gente ca jis ntjiꞌlin̈ jupj tsꞌuyupj nepenowá, cawilta moꞌo moꞌonsocj, jis capj ntülücj. Dios se ꞌaya nin lajay, mpes jupj tsꞌuyupj nepenowá ca majatjum cawilta moꞌó. Dios selé wa gente ca müꞌüꞌnacj jupj tsꞌuyupj nepenowá polomay mpes. Dios se ꞌaya nin lajay, mpes jupj tsꞌuyupj nepenowá ca ncaꞌlin̈, polomay mpes sey jajocj mpes. Nin tepyala na, más ꞌücj Dios tsꞌuyupj newa ꞌüsüs lajay Dios jos jin. Newa ca mponecj Dios ꞌüsüs. Ma ca tsꞌi miꞌinacj.

9 Pjü

10 Dios

Juan tjinyuca pꞌa wa animal. Nosis mpe tjacꞌ jupj.

11 Locopyaya

animal pꞌa wa tjinyuc. Jupj pjeꞌá yácatsja nosis mpe. Mátꞌeya tsjüeme jupj. Oveja* tsjicj jin jústatsja; pꞌa pꞌin jupj. Pajal malala tjevele jupj, latsj püné jinwá. 12 Jupj auxiliartsja animal mwalá way lal, ꞌücj lo jütütj jupj mpes. Jupj la tjiji pjü nosis casá patja ꞌüsüs way yólatsja animal mwalá way poꞌó. Yólatsja pajal püné animal mwalá. Animal mwalá tepeꞌe jay tjojocj mpes; mopꞌin nin, tjiꞌyüꞌsa jupj, niswa püꞌü tepyala. 13 Animal maꞌajapj la tjiji ne ca pꞌa mponecj jupj ca ꞌüsüs la qjuijis Dios jinwá. Jupj la tjiji wa ꞌawa palá tjeyaca jay la pꞌaꞌá mpe, nosis casaꞌá. Niná la tjiji gente jis walapꞌaꞌá, yupj jis la nuc. 14 Diablo* la tjiji ꞌücj nin la qjuijis jupj. Animal niná ꞌücj pꞌa casá la tjiji, yom pꞌin ma polel liji jinwá; jupj auxiliar waytsja animal mwalá way mpes, ne nin. Jupj la tjiji mpes, nosis casá patja topon animal mwalá way tꞌücꞌ way pajal pünetsja. Jupj pajal yus tsyawilí yupj. Jupj jis tjijyüꞌta jis la tꞌüs pwen, animal mwalá way jin justa jas la jünsüs, ne nin la tjajay. Jupj tjevele animal mwalá way pajal pünetsja, mpes más ꞌücj ca nin la mijicj. Animal mwalá tepeꞌe polomay mpes jay tjojocj mpes; locopyaya tjiꞌyüꞌsa jupj, niswa püꞌü tepyala. 15 Animal maꞌajapj tjeqjuesca la tjiji pwen, niná pwen animal mwalá way jin justa. Diablo* la tjiji ꞌücj nin la qjuijis jupj. Nin mpes wa pe niná ꞌücj véletsja. Jupj tjevele pjü ca mvelecj ne jupj ca püné nsem. Tjevele ca yupj jis dios nsem jupj. Gente ma quelel javeleptsja jupj püné, pe niná tjijyüꞌta jis la ꞌünan yupj.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 13, 14

760

16 Animal

maꞌajapj tjijyüꞌta wa pjü sin poꞌo tapac. Tsjictjacj ꞌotsꞌipj, noypan ꞌotsꞌipj, pülücj jatatj ꞌotsꞌipj, pülücj cjuwá ꞌotsꞌipj, esclavopan* ꞌotsꞌipj, esclavopan tulucj ꞌotsꞌipj, pjü jis tjijyüꞌta sin poꞌo tapac. ꞌÜcj mos liꞌinyampe poꞌo tapac, ꞌücj wa wola poꞌo tapac. 17 Jupj tjevele sin poꞌo tapac tulucj ma polel jaylacj lajay, ma wa polel vender lajay. Niná sin poꞌo tapac Animal ló, animal mwalá way pꞌiyá. ꞌÜcj wa número sin poꞌo tapac, número niná jupj ló jin pꞌiyatsja. 18 Nenem ꞌa costa way sin la ꞌüsüs. Nun nusin tjüꞌüsüs, nujola tapalas tsjan mpes número niná jupj ló jin pꞌiyá ca nsem. Jupj número mpes ca jus cülayecj jupj yom pꞌin. Jupj número seis cientos sesenta y seis.

14

Juan tjinyuca ciento cuarenta y cuatro mil, Jesucristo jos jin lajaytsja yupj.

1 Jesucristo nin tjiꞌyüsa la tjiji wa niná. Napj tjinyuc Oveja* Tsjicj jocꞌ casaꞌá ton̈ca Jerusalén moꞌó. Jocꞌ niná Sión* ló. Gente pülücj lyawun̈tsja neꞌaj jupj lal. Ciento cuarenta y cuatro mil játjatsja jupj lal. Yupj jis wala poꞌo tapactsja Oveja Tsjicj ló, jupj Popay ló wa, yupj Dios si jütüta sin pópatsja mpes. 2 Napj ꞌa nepé tjapjacas tsjun poꞌó nepé. Pajal yümücj pjactsja, ꞌüsǘ püné yümücj jama jinwá, tꞌiꞌila jinwá pjactsja wa. Nepé tjapjacas arpa* jatül jinwá pjactsja jupj. 3 Jatül na, nejetsꞌen̈ tjapjacas. Tsjan seyasa way nejetsꞌen̈tsja Dios wolapꞌaꞌá, janucunpan yulupjana jis walapꞌaꞌá wa, coꞌmüypan* jis walapꞌaꞌá wa. Yupj nejetsꞌen̈ pꞌa wa ma polel si ꞌüsǘ nejetsꞌe. Yupj ninana nosis casá patja sin popé, yupj ne lovin ca mpatjam Dios lal. Jesucristo yupj mpes tepeꞌe, mpes Dios perdonar lis tjiji yupj malala la tjajay, ne ca ꞌüsüs nsem yupj lovin Dios lal. Yupj ne niná ciento cuarenta y cuatro mil pꞌiyá. 4 Yupj ma malala nyuca la tjajay locopyas jis lal. Lovin ma tjewyayin̈ yupj. Newa jil Oveja Tsjicj jama ntꞌa. Yupj gente sin popa wa, mopꞌin Dios jutsꞌaꞌá yupj. Oveja Tsjicj tepeꞌe yupj mpes, ca Dios perdonar la siji, ne ca ꞌüsüs nsem yupj lovin Dios lal. Yupj mwalá way pꞌin Oveja Tsjicj jis lal tjacꞌ sin popé, pꞌa jawasa ca pꞌa wa ncul. 5 Niná gentá ma la tsuwil, ma malala yupj; pajal ꞌüsüs pꞌin. Napj tjinyuc niná. Tjinyuc ca nin mpalas.

6 Locopyaya

Juan tjinyuca angelpan cóntꞌeya ca mvelecj nosis casá patja jis lal.

napj tjinyuc pꞌa wa ángel*, Jesucristo la tjiji tjinyuc jupj. Ángel niná la mena ntꞌa wínetsja. Dios jas tjejyama jupj la veles pjü El Nuevo Testamento en Tol de Honduras, 2da ed. ©2010, Wycliffe Bible Translators

761

APOCALIPSIS 14

nosis casá patja jis walapꞌaꞌá. Pjü way pꞌa wa se jütütj mpe jis walapꞌaꞌa tjevele ꞌotsꞌipj, pjü tribu jis walapꞌaꞌa tjevele ꞌotsꞌipj, pjü jis tin javelepj jis walapꞌaꞌa tjevele ꞌotsꞌipj, pjü ꞌa mulú patja jis walapꞌaꞌa tjevele ꞌotsꞌipj. Jupj tjevele Dios ꞌüsüs la siji gente jis lal Jesucristo mpes. Ángel tjevelá ne Dios nin pꞌiyá véletsja lovin. 7 Ángel pajal yümücj tjevele: “Jus nlayé nun Dios ca jis capj ntülüs malala lajay. ꞌÜsüs pjac mvelé nun jupj poꞌó. Quina ca Dios mveles pjacj malala. Mvelé nun Dios pajal püné. Jupj pꞌiyá la tjiji tsjun poꞌó, nosis nin pꞌiyá la tjiji wa, ꞌüsǘ püné nin pꞌiyá, ꞌüsǘ ꞌamá popa pyacj nin pꞌiyá”, nin tjevele niná ángel. 8 Jupj tecyawaja tjevele na, pꞌa wa ángel* tjacꞌ, tjevele: “Pajal malala tepyala Babilonia moꞌó, pülücj pátjatsja ntꞌa. Jupj pünetsja pajal; malala tepyala quinam. Neꞌaj tapatja la tjajay mpes, pjü gente pajal malala la tjajay wa yupj jin pꞌiyá. Pajal ꞌücj jisastsja malala lajaytsja, quepj malala jinwá. Niyom pülücj lal wine jinwá lajaytsja. Ma jisastsja Dios”, nin tjevele ángel niná. 9 Jupj tꞌücꞌ tjevele na, pꞌa wa ángel* tjacꞌ, nasa angelpan cóntꞌeya tjiquil quinam. Niná pajal yümücj tjevele: “Pülücj tjowelepj Animal püné. Dios ca jis capj ntülüs nin tjowelepj mpes. Pe Animal jin justa püné jin tjowelepj, Dios ca jis capj ntülüs wa yupj. ꞌÜcj yupj jis lal yupj sin poꞌo tapac Animal ló, nin pꞌiyá ca nsem yupj jis lal. Jis wala poꞌo tapac, jis mas poꞌo tapac, 10 nin pꞌiyá ca nsem yupj jis lal. Dios pajal jis capj ntülüs nin lajay. Tꞌücꞌ way ma ca perdonar lis mijis jis capj tyüla nas. Ca mpen̈ azufre* mpes. Ca pajal jis mvajas ca yupj. Dios angelpan jis walapꞌaꞌá ca nsem, Oveja* Tsjicj wolapꞌaꞌa ca nsem wa. 11 Myusca yupj pen̈ mpes viyá jama lovin. Ma ꞌyüꞌsa vyaja mpes; jaw na, püste na ma ꞌyüꞌsa. Nin ca nsem yupj jis lal, palá nipiꞌtjin̈ Animal wolapꞌaꞌá, yola jupj pajal püné. Nin ca nsem wa yupj jis lal, palá nipiꞌtjin̈ pwen wolapꞌaꞌá, Animal jin justa. Sin poꞌo tapac Animal mpes, nin pꞌiyá ca nsem yupj jis lal”, nin tjevele ángel nosis casá patja jis lal. Niná napj tjinyuc ca nin mpalas. 12 Nin ca mpalas mpes, más ꞌücj Dios tsꞌuyupj lovin ꞌüsüs lajay Dios jos jin. Dios tsꞌuyupj Dios jyüꞌta jin lajay. Yupj lovin japon Jesucristo lal. 13 Angelpan* tecyawaja tjowelepj na, nepé vele jin tjapjacas Dios püꞌü mpe. Tjevele: “Tepyaca jipj niná: ‘Qjuis Jepa Jesucristo lal japon, pajal ꞌüsüs jisas nsem cyaꞌlin̈ na quinam’ ”. Dios Cjües tjevele wa: “Nin. Pajal yümücj tsjiꞌ la tjajay Dios mpes, ne quina ca majatjum. Dios pajal ꞌüsüs ca jis maꞌayas yupj, ꞌüsüs la tjajay mpes.”

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 14, 15

762

Jesucristo ca jis manus jupj lal japon jis la pütꞌüs jupj lal. Dios ca jis capj ntülüs malala lajay.

14 Locopyaya

pꞌa wa tjinyuc, niná ca nin mpalas. Napj mol pje tjinyuc. Pjaní wa jáꞌasatsja mol casaꞌá. Yom jin jústatsja jupj. Corona* jay jáꞌasatsja jupj, jepa püné jay jáꞌasa jinwá. Oro* waytsja coroná. Polomay tyáꞌatsja wa mos ntꞌa, pajal pjóyetsja, jupj wolas mpe la tꞌüs. 15 Locopyaya pꞌa ángel* tjacꞌ Dios wo nepé. Yümücj tjevele, molon casá jáꞌasa ca mpjacam jupj tjevelá. Jupj tjevele: “Tjevyala tjejyoꞌo jipj quinam. Nasa tꞌücꞌ quinam. Tjevyala tjiꞌyǘ quinam.” 16 Mpes mol casá tjaꞌasá, tjejyoꞌo nosis casaꞌá. Nosis casá pülücj tjevyala jinwá pjü ntꞌya jupj. 17 Nin la tjiji na, pꞌa ángel* tjacꞌ Dios wo mpe. Jupj tyáꞌatsja wa polomay pajal pjoye. 18 Pꞌa wa ángel tjacꞌ mesa mpe, mesa niná ntꞌa Dios mpes jaꞌayapj neꞌaj. Ángel niná, jupj ꞌawa tjejyámatsja neꞌaj. Jupj yümücj tjevele, maꞌajapj ca ꞌücj mpjacam jupj tjevelá, maꞌajapj ne polomay pjoye tyáꞌatsja pꞌiyá. Tjevele: “Tjevyala tjejyoꞌo jipj. Ntꞌya wa ꞌa mulú, ꞌa mulú velan̈ uva jinwá. Pjü niná tjiꞌyǘ quinam”, nin tjevele polomay pjoye tyaꞌa lal. 19 Mpes jupj tjejyoꞌo wa nosis casaꞌá, ntꞌya jupj ꞌa mulú tjevelan̈ uva jinwá. Ntꞌya na, tjevyala naꞌaj la tsꞌiya sey jajatsj ntꞌa. La pünetsja neꞌaj. Ninana napj tjinyuc ninana ca mpalas gente jis lal. Dios po ma jos yupj malala lajay, ne ca jis capj ntülüs; nin mpes niná tjinyuc napj. 20 Yupj uva sey jajatsj jinwá la tjajay, campa way ꞌin, pülücj patja mpe. Neꞌaj sey tjajatsj, mpes ꞌas pjeꞌá tjacꞌ jupj. ꞌOsis ꞌüsǘ jinwá jámatsja. ꞌOsis campwílatsja. Cavayú lala moꞌó pꞌiyá tón̈catsja ꞌosis. Legua setenta y cinco ꞌüsǘ jinwá jámatsja jupj, ꞌosis. Tjinyuc ca nin mpalas Dios jis capj tyüla na.

15

Dios tsꞌuyupj ca nejetsꞌen̈ Dios ntꞌa.

1 Locopyaya pꞌa wa tjinyuc Dios püꞌü ntꞌa. Niná napj tjinyuc, Dios ca nin la mijis, jupj pajal püné mpes. Jupj ꞌücj la tjiji tjinyuc niná, ca gente jus nlayecj nosis ntꞌa pyalá, ca jus nlayecj wa tsjun poꞌo pyalá. Niná la tjiji na, ca gente yola nsem jupj pajal püné. Ninana napj tjinyuc: tjinyuc angelpan* siéteya. Yupj jatatsja tsjan mpes ca Dios jis capj ntülüs malala lajay. Siéteya jatatsja yupj, tsjan mpes lo cawajas jis capj la tül. Nin mpes ca malala jis mpalas malala lajay. 2 Napj tjinyuc wa vidrio tüpüꞌü, ꞌüsǘ püné muju ton̈ca jinwá jústatsja. ꞌAwa wolaqué watsja vidrio moꞌó. Gente lejen̈tsja vidrio la ntꞌa. Yupj ma

El Nuevo Testamento en Tol de Honduras, 2da ed. ©2010, Wycliffe Bible Translators

763

APOCALIPSIS 15

lajaytsja Animal jostsja jinwá, ma javeleptsja pe pajal ꞌüsüs, pwen niná Animal jin justá. Número Animal ló jinwá, ma wa jisastsja. Gente niná más sin tjiyoctsja yupj jis lal. Niná gentas arpa* jatatsja, Dios pꞌiyá jis tjeꞌyayá. 3 Yupj tjenejetsꞌen̈, Moisés* tjünüejetsꞌe jinwatsja. (Moisés Dios jomozo waytsja püná.) Yupj tjenejetsꞌen̈, Oveja* Tsjicj mpestsja. Ninana tjenejetsꞌen̈: “Jipj pajal ꞌüsüs lejay, jipj pajal püné mpes. Jipj Dios, jipj Jepa. Pjü ꞌücj jis la jay jipj. Jipj ꞌüsüs lejay. Nin pꞌiyá lejay jipj, jipj tjevelen jinwá. Jipj Jepa pjü gente jis lal. 4 Pjü ca jus nlayecj jipj ca jis capj ntülün malala la tjajay. Pjü ꞌüsüs ca mvelecj jipj poꞌó. Jipj pꞌin Dios. Pjü gente ca ncul, jis ticꞌ ca jin müjünsünün̈, palá mpiꞌtjin̈ jipj wyalapꞌaꞌá, mvelecj ca jipj pajal püné. Yupj jus nlay quinam jipj la tjejay pajal ꞌüsüs.” Nin tjenejetsꞌen̈ yupj. Tjinyuc ca nin mpalas.

Angelpan ꞌücj ca la mijicj ca nosis casaꞌá malala mpalas.

5 Locopyaya

napj tjinyuc Dios wo tsjun poꞌó; jun tjecjyoltse jupj, Dios jáꞌasa ntꞌa. Püna israelpan* Dios wo pülül jas tjüjünsüpj nosis ntꞌa. Niná wo pülül mpes, israelpan salejeptsja Dios jis capj tecyón̈catsja neꞌaj. Quina napj tjinyuc Dios wo tsjun poꞌó, Dios jáꞌasa ntꞌa. 6 Dios wo nepé angelpan* siéteya tjiquil. Yupj ne nin pꞌiyá napj tjevelé jin. Siéteya jatatsja yupj tsjan mpes ca malala jis mpalas malala lajay. Ninana angelpan sin quip sin salatsja pajal. Se jáwcatsja sin quip. Jisas suna tsupaptsja faja lal, jis faja órotsja* yupj. 7 Tjinyuc janucunpan yulupjana sin popa pjaní, plato jis tjeꞌyaya ángel sietepan. Plato pjaní pjaní jis tjeꞌyaya. Plato witjacj oro watsja yupj. Jis plato moꞌo tón̈catsja niná pꞌiyá Dios jas tjejyama, jis capj la tül malala lajay. Dios püꞌü lovin.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 15, 16

764

8 Nin

tepyala na, Dios wo ntꞌa tipitꞌa musus, Dios neꞌaj tjáꞌasa mpes. Dios pajal ꞌüsüs, pajal püné, nin mpes nin tepyala. Pꞌa wa ma polel wama jámatsja, tecyawaja la tjajay nas, angelpan* siéteya la tjajay. Yupj la tjajay la siete malala tepyala nosis casaꞌá, jis capj la tül malala nyuca lajay. Nin ca mpalas pꞌa jawasa. Po ꞌin malala ca mpalas nosis casá, gente malala la tjajay mpes.

16

1 Locopyaya

yümücj tjevele jin tjapjacastsja. Dios wo mpe tjevele angelpan* siéteya jis lal: “Lowa, nun jis plato pjü yus tococa nosis casaꞌá; nun jis plato moꞌo ton̈ca niná pꞌiyá Dios se jamá jis capj la tül”. Nin tjevele jin tjapjacastsja. Nin ca mpalas mpes tjapjacas. 2 Pjaní pjaní tjil. Ángel* mwalá way tjemey, jupj plato jus tecyoca nosis casaꞌá. Nin la tjiji na, nawan jis pꞌüy poꞌo tepyala nosis casá patjá. Jis wala poꞌo tapac Animal mpes, nawan jis pꞌüy poꞌo tepyala yupj. Pe wolapꞌaꞌa palá nipiꞌtjin̈, pe niná ne Animal jin justa, yólatsja jupj püné, nin pꞌin jis tepyala yupj. Jis nawan pajal pünetsja, vyájatsja pajal. 3 Locopyaya pꞌa wa ángel* jupj plato jus tecyoca ꞌüsǘ püné casaꞌá, ꞌüsǘ niná mar poꞌó. Jupj nin la tjiji na, ꞌüsǘ püné mar poꞌó ꞌas tepyala, tepeꞌe ꞌos jinwá. Nin tepyala mpes, pjü mar moꞌo patja, pjü tecyaꞌlin̈. 4 Locopyaya pꞌa wa ángel* jupj plato jus tecyoca. Contꞌe quinam jupj lal. Jupj plato jus tecyoca pjü ꞌüsǘ casaꞌá, ꞌüsǘ ꞌamá popa cyala mpe wa. Nin la tjiji na, ꞌosis jis tepyala wa yupj. 5 Ángel pjaní ꞌüsǘ jyama Dios mpes. Napj tjapjacas jupj tjevele nin tepyala na. Ninana jupj tjevelá: “ꞌÜcj niná la tjejay jis capj la tül. Jipj nínawa pütsja püná, newa pütꞌ lovin. Jipj Dios jutsꞌaꞌá, pajal ꞌüsüs jipj Dios lal. 6 Yupj jipj tsꞌuyupj jis tjüꞌünan, jipj profetapan* ꞌotsꞌipj. ꞌOsis jis tepyala la tjajay. Mpes jipj la tjejay jis süsü ꞌas tepyala. ꞌAs myüꞌün̈ yupj quinam, malala la tjajay mpes”, nin tjevele ángel ꞌüsǘ tjejyamá. 7 Niná nin tjevele na, pꞌa wa tjevele tjapjacas mesa mpe, mesa niná Dios mpes jaꞌayapj ntꞌa. Ninana tjevele jupj Dios lal: “Tꞌücꞌ way tjevele jupj. Jipj ne Jepa.

El Nuevo Testamento en Tol de Honduras, 2da ed. ©2010, Wycliffe Bible Translators

765

APOCALIPSIS 16

Jipj ne Dios. Jipj ne más püné pjü jis lal. ꞌÜcj la tjejay niná, jis capj la tül. Jipj tjevelen jin la tjejay”, nin tjevele jupj mesa mpe. 8 Locopyaya pꞌa wa ángel* jupj plato jus tecyoca. Yulupjana quinam jupj lal. Jupj plato jus tecyoca lotsꞌacꞌ casaꞌá. Nin la tjiji na, lotsꞌacꞌ pajal ꞌyawa tepyala nosis casaꞌá, lotsꞌacꞌ ꞌücj lo pes gentá, jupj pajal ꞌyawa tepyala mpes. 9 Mpes pjü gente pjü jis tepen̈. Nasa tepen̈ na, yupj malala tjowelepj Dios poꞌó, jupj ne ꞌücj tjijyüꞌta niná nin tepyala jis capj la tül. Yupj newa ꞌaplijila tuluctsja malala la tjajay mpes. Newa ma quelel lajaytsja Dios jos jinwá. Newa ma quelel javeleptsja Dios ꞌüsüs. 10 Locopyaya pꞌa wa ángel* jupj plato jus tecyoca. Cinco quinam jupj lal. Jupj plato jus tecyoca Animal jyüꞌta ntꞌa casaꞌá. Nin la tjiji na, pajal püste tepyala pjü jun taꞌá jupj tjijyüꞌta ntꞌa. Neꞌaj tapatjá jis pelam jay jalatsja pajal nepé vyájatsja mpes. 11 Pajal nepé vyájatsja mpes, jis nawan mpes wa, malala tjowelepj Dios poꞌó, jupj ne tsjun poꞌo püꞌü. Newa ꞌaplijila tuluctsja malala la tjajay mpes. Newa ma quelel ꞌüsüs lajaytsja. 12 Pꞌa ángel* jupj plato jus tecyoca. Seis quinam jupj lal. Jupj plato jus tecyoca ꞌüsǘ casaꞌá, ꞌüsǘ niná Eufrates ló. Nin la tjiji na, ꞌüsǘ tjapjaja. Nin la tjiji ꞌücj jis la cuwis jepapan tsiquin mpe neꞌespan, ꞌüsǘ naꞌaj poꞌo jis la winin jis la palan. 13 Nin tepyala na, napj tjinyuc wa lapanenpan contꞌeyá. Vin̈ jin yustaptsja yupj. Pjaní wa Latsj Püné la mpe pjeꞌá tjeyaca. Pꞌa wa pjeꞌá tjeyaca Animal la mpe. Pꞌa wa pjeꞌá tjeyaca Profeta* Malala la mpe. Profeta niná Dios mpes véletsja tulucj. 14 Lapanenpan vin̈ jin yustaptsja, yupj lapanenpan jis qjues witjactsja. Yupj ꞌücj jis la jay gente ma polel lajay jinwá, ne gente mponecj ca yupj javelepj. Lapanenpan nenem tjil pjü nosis casaꞌá, pjü jis jepapan ntꞌa, neꞌaj ca ꞌa jis mulus jis la palan. Nin la tjajay na, ca Dios jos jin mpalas. Dios más jas tjiyocj pjü jis lal. Napj tjinyuc ca nin mpalas. 15-16 Lapanenpan ꞌa jis tjimyula jepapan. ꞌA jis tjimyula ntꞌa, Armagedón ló israelpan* jis tin. Ncupj qjuis Jepa Jesucristo nin vele: “Nusin tjüꞌüsüs nun niná. Gente ma la ni nuc na ca ncuwis, pecj jacꞌ na jinwá. Nun newa nujola napj ncuwis, nun ca ꞌücj nujisas nsem. Nun newa lojí napj najas jinwá, nun ca ꞌücj nujisas nsem. Nin lojí, ma ca nu maycas gente jis walapꞌaꞌá napj tjacuwis na.” Nin tjevele jupj.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 16, 17

766

17 Ángel*

pꞌa wa jupj plato jus tecyoca. Siete quinam jupj lal. Jupj plato jus tecyoca la mena ntꞌa. Ninana jus tecyoca na pꞌin, Dios wo nepé yümücj tjevele tjapjacas. Jupj tjevele: “Nasa tꞌücꞌ quinam”. 18 Niná tjevele na, tjejyawca menmené, pajal yümücj pjactsja, tꞌiꞌila watsja neꞌaj. Pajal yümücj si quitsꞌí watsja nosis. Pajal yümücj jus tiquitsꞌe püná lal, gente nosis casá patja na mpe. 19 Nin tepyala na, malala tepyala Babilonia ntꞌa, pajal pülücj patja ntꞌa. Tjacjaꞌla momas neꞌaj neneyawá, mpes contꞌe sin popa tepyala Babilonia moꞌó. Jis wa jis tyüꞌna wa, pjü pülücj patja ntꞌa, nosis casaꞌá. Dios newa jólatsja “Babilonia Püné” moꞌo patja pajal malala la tjajay. Dios po ma jostsja yupj malala la tjajay, ne pajal jis capj tyüla jupj. 20 Pajal jus tiquitsꞌe na, pjü ꞌamá ꞌüsǘ tꞌasiyú püꞌü, pjü jis tecyawaja. Pjü jocꞌ moꞌó, pjü yumal tepyala. 21 Tjive wa lüpjücj yupj jis capá ntꞌa. Lüpjücj pjaní pjaní quintal pjaní jinwá tütsja. Ninana jis tepyala na, niswa malala tjowelepj Dios poꞌó, lüpjücj püné tjive mpes. Pajal malala jis tepyala lüpjücj mpes. Niná napj tjinyuc ca nin mpalas pꞌa jawas.

17

1 Ángel*

“Babilonia Püné” malala pajal.

pjaní tjacꞌ, napj nlal la veles. Angelpan siéteya jis plato jatatsja popa pjanitsja jupj. Napj nlal tjevele “Babilonia Püné” poꞌó. “Was napj lal —tjevele—. Napj ca jin müꞌüsüs la mejay malala ca mpalas neꞌaj. Dios ca jis capj ntülüs neꞌaj, ꞌüsǘ pülücj jil ntꞌa. Babilonia Püné, quepj niyom pülücj jis lal wine jinwá jupj. Malala lajay neꞌaj. 2 Neꞌaj patja ma jisastsja Dios; la pꞌa wa pꞌin jisastsja. Nin pꞌiyá la tjajay wa jepapan nosis casaꞌá. Jisastsja wa Babilonia moꞌo patja jisastsja jin pꞌiyá. La pꞌa gente nosis casaꞌá, jis tjemyona jinwá jis tepyala, pajal malala quelel lajaytsja mpes. Babilonia ntꞌa la tjajay, quelel wa lajaytsja yupj. Ma jisastsja Dios. Pꞌa wa pꞌin quelel lajaytsja lovin.” Nin tjevele ángel niná napj lal. 3 Ángel* tjevele na niná, jupj ntjemanú pjü jis wa cjuwá ntꞌa. Dios Cjües newa nin tjiꞌyüsa la tjiji niná, mpes nin. Napj tjinyuc quepj pjaní neꞌaj. Animal tsꞌi ꞌinyá casá jáꞌasatsja jupj. Animal niná je waytsja, pajal pülücj lotsja jupj. Jupj ló witjacj jüpꞌüy poꞌo tepyaca ꞌotsꞌipj. Jupj ló jupj pꞌiyá Dios; malálatsja jupj poꞌo tepyacá, pues la tsuwil waytsja. Niná animal siéteya jay pjuctsja, diéziya tsjüémetsja. 4 Quepan animal casá tjaꞌasá, jupj jas quip pajal ꞌüsüs jústatsja. Jas quip mátꞌeya jin yustaptsja, tsju way, je way. Pajal pülücj jaylactsja jas quip. Soquiya

El Nuevo Testamento en Tol de Honduras, 2da ed. ©2010, Wycliffe Bible Translators

767

APOCALIPSIS 17

pülücj tjyámatsja, arete pjotsꞌ jala watsja, anillo mos jáꞌasatsja wa jupj. Nepénowa oro* witjactsja, jupj tyáꞌatsja popé, nepénowa pe pülücj jaylacj witjacj, nepénowa pe niná perla* ló. Pocillo tyáꞌatsja jupj mos ntꞌa, pajal ꞌüsüs way jústatsja. Pocillo, jupj oro watsja. Mopꞌin malálatsja pocillo moꞌó. Pocillo moꞌo ton̈ca tsjan te jin jústatsja, malálatsja jupj. Ninana napj tjinyuc, quepj malala líjitsja jin pꞌiyá. Quepj niná niyom pülücj lal wine jinwá la tjiji jupj. 5 Quepj niná jupj ló jupj wola poꞌo tapactsja. Ninana jupj lotsja: GENTE MA SIN ꞌYÜSA PJACJ NE NAPJ. NAPJ NE BABILONIA PÜNÉ. PJÜ QUEPJ MALALAPAN SEJAMAY NAPJ. PUES PJÜ NOSIS NTꞌA MALALA LAJAY, NAPJ YUPJ SEJAMAY. Nin lotsja jupj. 6 Niná quepan, Dios tsꞌuyupj pajal pülücj tecyaꞌlin̈ la tjiji jupj. Jis tjüꞌünan Jesucristo mpes tjowelepj mpes. Quepj niná ꞌüsǘ tjemyona jinwatsja, yupj jis ꞌas lal. Napj jus tjinyuc na, pajal nólatsja napj, pues ma nin tjiꞌyüsa tjinyuc. 7 Mpes ángel* tjevele napj lal: “¿Tsjan mpes pajal jele, jipj tjinyuc mpes? Jipj ma jin tjiꞌyüsá, napj ca jin müꞌüsüs la mejay. Napj ca mvelé tsjan pjucj tjinyuc jipj niná quepan. Ca mvelé tsjan pjucj tjinyuc niná animal jay pjucj sieteyá, tsjüeme dieziyá jupj. 8 Animal niná pajal püna tüpǘꞌütsja jupj, len̈ quinam. Niswa ca ncuwim jul campwila mpe. Tjacꞌ na, jas tüpwes ca malala mpalas jupj. Ma malala tepyala na pꞌin, nosis casá patja ca yola nsem animal niná pajal püné, yupj sa nuc na. Jupj püna tüpüꞌü. Len̈ quinam; pꞌa jawásiya niswa ncuwim jupj, mpes gente ca yola nsem jupj püné. Dios custjay nosis la tjiji secj pꞌin, papel moꞌo tapactsja gente jis lá, Dios lal ca mpatjam witjacj. Pꞌa witjacj jis lá tapac tulucj; yupj pjü way ca yola nsem animal niná pajal püné. 9 ”Jipj pajal jin ꞌyüsa, jele tꞌas napj ca mvelé. Animal jay pjucj sieteyá, siéteya jocꞌ witjacj, pülücj patja ntꞌa. Animal jay pjucj sieteyá, jepapan siéteya witjacj wa. 10 Jepapan siete sin popé, cínquiya malala jis tepyala quinam, ma jajütütj quinam yupj. Pjaní way jyüꞌta quinam siete sin popé. Jepa tulucj pjaní wa custjay. Pꞌa jawas, jupj jepa tepyala na, tsjicj way pꞌin ca müjüꞌtüs jupj. 11 Animal püna tüpüꞌü, jupj ne pꞌa wa jepa nsem. Jupj jyüꞌta na, óchoya tjátjatsja quinam jepapan. Len̈ quinam jepa niná. Jupj jepapan siéteya sin popé wa; jepa watsja jupj püná. Jupj tjacꞌ na, malala mpalas wa jupj. 12 ”Animal tsjüeme diez witjacj, pꞌa wa jepapan diez yupj. Ma jajütütj custjay yupj; diablo* ca jis maꞌayas ꞌücj müjüꞌtücj tsjicj way

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 17, 18

768

pꞌin. Animal lal ꞌa mulú ca müjüꞌtücj yupj. 13 Jepapan diéziya niná, nin pꞌiyá ca yola nsem yupj. Yupj ca pajal cus mpꞌaꞌsacj animal je. Animal jos jin ca müjüꞌtücj yupj pjü. 14 Pjü way yupj Oveja* Tsjicj lal ca la mpaꞌnacj. Mopꞌin Oveja Tsjicj más jas tjiyocj nsem yupj jis lal. Jupj pjü jepapan jis Jepa, más püné jupj pjü jis lal. Jupj le palana na yupj jis lal, jupj lal japon ca cus ncon̈cocj wa. Dios pꞌiyá jis capj tjepꞌyaꞌsa jis la pon. Jupj lis tꞌya yupj. Yupj, pues, newa sa con̈ Oveja Tsjicj”, nin tjevele ángel* napj lal. 15 Locopyaya jupj tjevele wa napj lal: “ꞌÜsǘ püné pülücj tjinyuc jipj, tjinyuc wa quepj malala ꞌüsǘ casá jáꞌasatsja. ꞌÜsǘ niná ꞌüsǘ tulucj. ꞌÜsǘ niná gente pajal pülücj quepj si jütüta. Pꞌa ntꞌa ꞌa mulú patja sin popetsja yupj. Pues pajal pülücj ꞌa jis tjimyula tjinyuc. Pülücj se jütütj mpe sin popetsja yupj ꞌotsꞌipj. Pꞌa jis tin javelepj sin popetsja ꞌotsꞌipj. 16 Jepapan diéziya ma ca jisas nsem niná quepan. Nin pꞌiyá, niná animal tsꞌi ꞌinyá ma wa ca jos nsem jupj. Mpes pjü tyaꞌa ca ntꞌanquecj, ne jas pjütpjütꞌ jinwá ca nsem quepan. Nlajacj ca jüpꞌüy. Yupj ma pjü tjalá, müꞌümücj ca yupj. 17 Dios pꞌiyá nin la tjiji jepapan diéziya quelel jis la jay niná. Mpes ca nin mpalas Dios jos jin. Jupj ca la mijis yupj nin pꞌiyá ca yola nsem, ne yupj ca müjüꞌtücj animal jos jin. Mpes nin ca la mijicj. Pjü ca mpalas niná, Dios tjevele jin. 18 Quepan jipj jus tjinyuc, jupj pꞌiyá niná pülücj patja, nasa tjevelé jupj poꞌó. Jupj pjü si jütüta jepapan nosis casaꞌá”, nin tjevele ángel* napj lal.

18

Dios pajal ca cus ntülüs jupj, Babiloniá.

1 Locopyaya

pꞌa wa tjinyuc, pꞌa jawasa ca mpalas. Napj tjinyuc ángel* pꞌa wa tjacꞌ tsjun mpe. ꞌÜcj jyǘꞌtatsja jupj Dios jostsja jin. Tjejyawca la tjiji nosis casaꞌá, jupj jas tjejyawca mpes. 2 Jupj yümücj tjevele, pjü jis la pac. Tjevele: “Babilonia Püné tyüla, malala tepyala. Lapanenpan pꞌin neꞌaj patja quinam. Neꞌaj pjü lapanenpan tsyuꞌpa jatja. Neꞌaj tsyuꞌpa jatja wa jis pam jana malala witjacj, sin te witjacj wa. 3 Babilonia moꞌó tapatjá pajal malala quelel lajaytsja, quepj niyom pülücj jis lal wine jinwá. Ma jisastsja Dios neꞌaj. Pꞌa pꞌiyá jisastsja yupj lovin.

El Nuevo Testamento en Tol de Honduras, 2da ed. ©2010, Wycliffe Bible Translators

769

APOCALIPSIS 18

Babilonia moꞌó la tjajay mpes wa, nin pꞌiyá quelel lajaytsja gentá, pjü nosis casá patja sin popé. ꞌÜsǘ jis tjemyona jinwá jis tepyala pajal malala nyuca la tjajay mpes. Babilonia moꞌo patja la tjajay quelel lajaytsja wa yupj. Jepapan nosis casaꞌá, jisas watsja Babilonia moꞌo patja jisastsja jin pꞌiyá. Vender lajay witjacj nosis casaꞌá, yupj pajal pülücj jatatj jis tepyala, pülücj vender la tjajay mpes. Babilonia moꞌó tapatjá pajal pülücj jaylacj la tjajay tsjan pülücj jaylacj”, ángel püné nin véletsja Babilonia poꞌó. 4 Locopyaya pꞌa wa nepé vele jin tjapjacas tsjun popé. Tjevele: “Pjeꞌá nu tacalas napj negente, ma malala la müjí jupj jinwá, ne ma ca malala nu mpalas jupj lal, napj cus tyül na. 5 La pülücj pajal malala la tjiji jupj, newa nin. Dios pjü selé jupj malala la tjijá, ne nasa ca cus ntülüs jupj, nin la tjiji mpes”, niná tjapjacas napj. 6 Tjevele wa Babilonia cus tül jis lal: “Jupj la tjiji jinwá la müjí nun jupj lal. Pajal malala la tjiji jupj la pꞌa jis lal, mpes pajal ca cus ntülǘ jupj. La pꞌa wa pajal malala jis tepyala jupj la tjiji mpes. Nin la müjí nun, nin pꞌiyá ca pajal malala mpalas jupj quinam. Más malala ca mpalas jupj yupj jis lal. Pues pjü malala la tjiji mpes, nun ca cus ntülǘ jupj quinam. 7 Pjü jupj jostsja, pjü way tꞌeꞌéncatsja.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 18

770

Pajal püné jin jólatsja jupj pꞌiyá lovin. Mpes nin la müjí nun, nin pꞌiyá ca pajal mvajas, ꞌaplijila mpalas wa jupj, cus ntülǘ na. Jupj lovin jola jupj pꞌiyá jepa, jyüꞌta jin jola jupj. Jusapj tulucj jola jupj; lovin ma ca la mpuyus, jola. 8 Jupj nin jola mpes, po ꞌin len̈ way ca malala mpalas jupj. Pajal ca len̈ way ca pülücj ncaꞌlin̈. Len̈ way ca pülücj la mpuyucj, len̈ way ca ve cjuwá nsem neꞌaj ꞌotsꞌipj. Ca pjü mpem neꞌaj. Qjuis Jepa Dios jas tjiyocj jupj, ne ca cus ntülüs jupj”, nin tjevele tsjun popé. 9 Jepapan nosis ntꞌa, myusca ca nucucj Babilonia tüpwé mpes. ꞌAplijila way ca nsem yupj, Babilonia malala tepyala mpes. La mpuyucj ca, jupj mpes. Yupj pꞌiyá malala la tjajay wa jupj lal. Nin pꞌiyá ma wa jisastsja Dios. Pꞌa wa pꞌin jisastsja, Babilonia moꞌo patja jisastsja jinwá. Pjü jisas, pjü natsja yupj, Babilonia jinwá. 10 Jepapan pajal ca lecj meyacj Babilonia pajal malala tepyala mpes. Campa mpe ca nucucj, ca mvelecj Babilonia lal: “Pajal malala ꞌe tepalá jipj. Pülücj tapátjatsja jipj ntꞌa yas nam. Jipj pajal pünetsja. Babilonia lyatsja jipj. Jipj pajal jin tjiyoctsja. Pajal len̈ way pjü malala ꞌe tepalá, cyapj tyüla na”, nin ca mvelecj jepapan. 11 Vender lajay witjacj nosis ntꞌa, pajal ca yümücj la mpuyucj wa jupj mpes. Pajal ꞌaplijila ca jis mpalas yupj jupj mpes. Pues len̈ nsem pjacj ꞌucul, jaylacj la qjuijicj yupj tucutj vender lajay. 12 Pajal pülücj tucutsja yupj vender lajay mpes. Oro* vender lajay watsja. Plata* tucutj watsja. Pe pülücj jaylacj tucutj watsja, pe perla* ló ꞌotsꞌipj.

El Nuevo Testamento en Tol de Honduras, 2da ed. ©2010, Wycliffe Bible Translators

771

APOCALIPSIS 18

Pülül tucutj wa. Jis pülül pajal ꞌüsüstsja, nepénowa pje way ꞌüsüs yustaptsja, nepénowa tsju jas püste jin yustaptsja, nepénowa pajal tsjatsj waytsja, ꞌümꞌüm waytsja, nepénowa pajal jetsja. Yupj vender lajay watsja pjü wütꞌ ꞌüsüs cjumsu. Tsjan ꞌüsüs yustapj, pülücj vender lajay watsja yupj, nepénowa elefante* wis, nepénowa wütꞌ pülücj jaylacj, nepénowa bróncetsja*, nepénowa acérotsja, nepénowa pe mármol lotsja. 13 Yupj canela vender lajay watsja. Pomada vender lajay watsja, tsꞌülücꞌ ꞌüsüs cjumsu la ꞌüm ꞌotsꞌipj, lemeliyú ꞌotsꞌipj, perfume ꞌotsꞌipj, vino ꞌotsꞌipj, aceite* vender lajay watsja, harina ꞌüsüs ꞌotsꞌipj, trigo* ꞌotsꞌipj. Vaca ꞌotsꞌipj vender lajaytsja, oveja* ꞌotsꞌipj, cavayú ꞌotsꞌipj. Carreta ꞌotsꞌipj vender lajaytsja, esclavopan* ꞌotsꞌipj. ꞌÜcj vender lajaytsja gentas. 14 Niná vender lajay, Babilonia lal ca mvelecj wa: “Pjü niná jipj tyatsja, jipj jyastsja wa, pjü tecyawaja quiyam. Pues cjuwá quinam wolas püna jyastsja, pajal ꞌücj syáꞌmatsja. Pjü ꞌüsüs yustaptsja jipj ntꞌa, pues cjuwá quinam pjü. Lovin ma ca ntaꞌan niná lovin”, nin ca mvelecj yupj. 15 Vender lajay pajal pülücj jatatj jis tepyala, neꞌaj vender la tjajay mpes. Yupj ca pajal lecj meyacj Babilonia malala tepyala mpes, ne campa mpe ca nucucj yupj. La mpuyucj ca; ꞌaplijila ca jis mpalas yupj. 16 Babilonia lal ca mvelecj: “Pajal malala ꞌe tepalá. Pülücj pátjatsja jipj ntꞌa yas nam. Jipj pajal pünetsja. Jim ꞌa quepan pajal ꞌüsüs justa jinwatsja. Quepj jas quip pajal ꞌüsüs justa jinwatsja jipj. Jin quip nepénowa pülül pje ꞌüsüs yustaptsja, nepénowa tsju jas püste jin yustaptsja, nepénowa pajal sin jetsja. Soquiya tjyama jinwatsja jipj, arete pjotsꞌ jala jinwá ꞌotsꞌiptsja, arete nepénowa órotsja*, nepénowa pe pülücj jaylacj,

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 18

772

pe perla* ló watsja nepenowá. ꞌin pülücj tyatsja, po ꞌin len̈ way tecyawaja”, nin ca mvelecj vender lajay. Barco* jatatj, nucucj wa ca yupj pjü way, campa mpe. Ca nucucj Babilonia pwe. Barco moꞌo jil, pjü yupj nucucj wa ca, barco moꞌo tsjiꞌ lajay, nucucj wa ca. Pjü way ꞌüsǘ moꞌó tsjiꞌ lajay, nucucj wa ca yupj. 18 Nepé myusca ca nucucj, jupj tüpwé mpes, ne nin ca mvelecj: “Pues cjuwá pꞌa pülücj patja nin jiná. Pünetsja pajal.” 19 ꞌAmá sey pjucj casá mpaꞌtacj ꞌaplijila mpes. La mpuyucj ca, mvelecj wa Babilonia mpes: “Pajal malala tepyala jupj. Pajal pünetsja jupj yas nam. Jupj jaylacj la tjiji tsjan pajal pülücj jaylacj. Mpes pülücj tyaꞌacj qjuis tepyala cupj, cupj ne barco* tyaꞌacj. Nin tulucj quinam. Po ꞌin len̈ way pjü malala tepyala jupj”, nin ca mvelecj yupj, barco moꞌo jil. 20 Pꞌa casá nujola nsem nun, tsjun poꞌo potjaqué. Nun tsjun poꞌo potjaqué, ꞌüsüs nujisas tꞌas malala tepyala jupj. ꞌÜsüs nujisas tꞌas nun Dios tsꞌuyupj, nun apostolpan* nepenowá, nepénowa profetapan* nun. Dios cus tyüla jupj, jupj pajal malala la nutjiji mpes. 21 Niná tjapjacas na, ángel* pajal jas tjiyocj tjinyuc napj. Pe püné ntꞌya jupj, trapiche jinwá jústatsja. ꞌÜsǘ püné moꞌo la tsꞌiya pwen, tjevele: “Nin pꞌiyá ca mpalas Babilonia, pülücj patja ntꞌa. Pajal pünetsja, mopꞌin Dios ca ꞌamá ntꞌa palá la ntsꞌiyas jupj, ne pjü ma ca jus nucucj quinam.” 22 Ángel* tjevele wa Babilonia lal: “Ma cüpjacas quinam jipj ntꞌa jatül. Ma cüpjacas quinam arpa*. Ma wa cüpjacas quinam gente nejetsꞌen̈. Ma wa cüpjacas quinam yupj la pjus. Ma ca cüpjacas quinam trompeta jipj ntꞌa. Len̈ ca nsem tsjiꞌ lajay pjü. Ma cüpjacas quinam trigo* jacjol jipj ntꞌa.

17 Po

El Nuevo Testamento en Tol de Honduras, 2da ed. ©2010, Wycliffe Bible Translators

773

APOCALIPSIS 18, 19

23 Ma

yam jus cümüjǘ jipj ntꞌa quinam. Niyom, locopyas, ma ca mwayim jipj ntꞌa quinam. Vender lajay jipj ntꞌa tapatjá, pajal noypan waytsja nosis ntꞌa ꞌin lacasana way, tꞌemel pülücj jatatsja mpes; nin tulucj ca nsem quinam. Püna diablo* cyapj tjepꞌyaꞌsa malala la tjejay, ne jipj yus tsyawiltsja gentas nosis ntꞌa. Nin tulucj ca nsem quinam”, nin tjevele ángel jas tjiyocj Babilonia lal. 24 Dios ca cus ntülüs Babilonia, pülücj patja ntꞌa. Babilonia ntꞌa jis tjüꞌünan profetapan*, jis tjüꞌünan wa la pꞌa wa Dios jutsꞌuyupj. Pꞌa ntꞌa nosis ntꞌa jis tjüꞌünan wa Dios tsꞌuyupj. Babilonia la tjiji mpes, nin la tjajay wa neꞌaj. Pjü way jis tjüꞌünan, Babilonia mpes jis tjüꞌünan yupj.

19

Pajal ꞌücj jisas nsem Dios püꞌü ntꞌa.

1 Locopyaya

yümücj nepé tjowelepj jin tjapjacas Dios püꞌü mpe. Gente pajal pülücj nepé la tupuyupj jin pjactsja. ꞌÜcj jisastsja pajal. Nin tjowelepj yupj: “Nun ca mvelé Dios ꞌüsüs way. Dios mpes ca ꞌüsüs mpatjaqué lovin. Más ꞌüsüs liji jupj pjü jis lal. Püné jupj; pjü way ꞌücj liji jupj. 2 ꞌÜsüs nin, Dios nin liji cus la tül Babilonia, pülücj patja ntꞌa. Jupj nin la tjiji jupj tjevelá. Jupj tjevele tꞌücꞌ way pajal malala nyuca la tjajay Babilonia moꞌo patjá. Quepj niyom pülücj lal wine jinwá la tjajay yupj. Yupj ma jisastsja Dios. Pꞌa pꞌin jisastsja lovin. Nosis casá tapatjá, Babilonia ntꞌa lajaytsja jinwá El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 19

774

quelel lajaytsja yupj, mpes yupj malala wa lajaytsja pajal. Dios jis capj tyüla Babilonia moꞌo patja quinam, yupj pꞌiyá jis tjüꞌünan Dios jomozopan.” 3 Dios püꞌü ntꞌa niswa pajal yümücj tjowelepj: “Nun ca mvelé Dios ꞌüsüs way. Pülücj patja ntꞌa pwe, nepé ca viyá mim musus lovin.” 4 Nin tjowelepj na niná, coꞌmüypan* veinticuatro palá nipiꞌtjin̈ Dios wolapꞌaꞌá, jupj tjijyüꞌta mpe tjáꞌasa ntꞌa. Püné jupj, tjowelepj yupj. Nin pꞌiyá la tjajay wa yulupjanas janucunpan. Pjü yupj tjowelepj: “Nin qjuisas tꞌas. ꞌÜsüs Dios, tjowelé nun.” 5 Locopyaya Dios tjáꞌasa nepé vele jin tjapjacas. Tjevele: “Nun Dios jomozopan, mvelé nun Dios ꞌüsüs. Nun solejé jupj ca jis capj ntülüs malala la tjajay. ꞌÜsüs pjac tjowelé nun pjü, Dios poꞌó; nun noypan, tsjictjacj wa, ca nin mvelé nun”, nin tjapjacas, Dios tjáꞌasa mpe. 6 Locopyaya pajal pülücj nepé javelepj jin tjapjacas wa. ꞌÜsǘ püné tꞌyüna na jinwá pjactsja. Pajal yümücj tꞌiꞌila jin pjactsja wa. Yupj tjowelepj: “Nun ca mvelé Dios ꞌüsüs way. Qjuis Dios jyüꞌta. Qjuis Jepa jupj. Jupj pajal püné pjü jis lal. 7 ꞌÜcj qjuisas tꞌas cupj. Pajal ꞌücj qjuisas ca nsem. Ca mvelecj Dios pajal püné. Oveja* Tsjicj ca mwayim quinam. Jupj lal ca mwayim jas tücüiꞌpe quinam lo wayis. 8 Oveja Tsjicj pꞌiyá tjeꞌyaya jupj jas quip. Jupj jas quip pje way, pajal ꞌüsüs justa, pajal salá way. Se jawca ꞌotsꞌipj”,

El Nuevo Testamento en Tol de Honduras, 2da ed. ©2010, Wycliffe Bible Translators

775

APOCALIPSIS 19

nin tjowelepj yupj. (Dios tsꞌuyupj pülül pje sin jacüipap, mpes ca qjuiyola mpalas yupj ꞌüsüs quinam Dios lal.) 9 Locopyaya ángel* tjevele napj lal: “Tepyaca jipj niná: ‘Dios nepénowa jis lal tjevele ncul pülücj jis la las la tjiji ntꞌa, neꞌaj nlajacj ca Oveja* Tsjicj ca mwayim mpes. Pajal ꞌüsüs ca jis mpalas, neꞌaj jil mpes.’ ” Jupj tjevele wa: “Dios pꞌiyá tjevele niná”. 10 Ángel* nin tjevele na niná, jupj wolapꞌaꞌa palá nipiꞌtjis napj. Quelel veletsja jupj pajal püné. Jupj ma jostsja niná. Napj lal tjevele: “Ma nin la mijin niná. Napj ne Dios jomozo wa, jipj jinwá, jipj pyülücpan jinwá. Pjü nun poné Jesucristo nusin tjiꞌyüsa la tjijá. Nin mpes Dios jomozopan nun. Dios wolapꞌaꞌa palá nipiꞌtjiqué la pꞌin. Ca mvelen jupj pajal püné. Pjü way cupj velecj Jesucristo velá. Nin pꞌiyá javelepj pjü way Dios mpes javelepj”, nin tjevele ángel napj lal.

11 Locopyaya

Jesucristo jacꞌ niswá nosis casaꞌá.

pꞌa wa tjinyuc, pꞌa jawas ca mpalas. Tjinyuc jun cjoltsja Dios püꞌü ntꞌa. Tjinyuc wa cavayú pje. Jupj, cavayú casá tjaꞌasá, “Tꞌücꞌ Way Vele” ló jupj. “Ma Li Tsuwile” ló wa jupj. Jupj ꞌüsüs Dios lal, mpes jis capj tyüla malala nyuca lajay. Nin mpes jupj le palana malala nyuca lajay jis lal. 12 Jupj jun, ꞌawa wolaqué jinwá. Jupj jay pjucj poꞌó corona* pülücj jay jatja, jupj pülücj jis Jepa mpes. Jupj ló pjaní jupj poꞌo tapac, jupj pꞌin selé tsjan mpes nin ló jupj. 13 ꞌAs moꞌo tepyaꞌta jin justa jupj jas quip. “Dios Tjevelá” ló wa jupj pjü jis lal. 14 Pjü Dios militarpan cus tocon̈ jupj. Jupj cjüil tjil. Pjü yupj cavayú pje casá tjatja tjil wa. Pjü sin quip pje pajal ꞌüsüs yustapj sin quípetsja yupj. Pajal salá waytsja sin quip. 15 Cavayú casá tjáꞌasa, jupj la mpe pjeꞌá tjeyaca polomay pjoye. Polomay ninana lal ca jis mojoꞌos Dios ma jisas. Ma lajay jupj jyüꞌtá, yümücj ca jis capj ntülüs, acero mpes syüpa jinwá. Dios nin ca la mijis gente pajal malala nyuca la tjajay mpes, ne ninana pꞌiyá ca jis capj ntülüs. Uva sey jajatsj ꞌüsǘ ca mpalas, nin jinwá ca la mijis jupj, Dios ma jisas jis lal. Dios pajal püné pjü jis lal. 16 Cavayú casá tjaꞌasá, jas quip poꞌo tapac jupj ló pꞌa wa. Ninana nin tapactsja: PJÜ JEPAPAN JIS JEPA. PAJAL PÜNÉ PJÜ JIS LAL. Nin pꞌiyá tapac watsja tüecj poꞌó. 17 Pꞌa wa ángel* tjinyuc. Lotsꞌacꞌ moꞌo tón̈catsja jupj. Yümücj tjevele manta witjacj jis lal: “Nculá nun. Dios pülücj liji nun nu lo las. ꞌA nu

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 19, 20

776

tjumulus quinam nin ntꞌa. 18 Neꞌaj ca nlajá jepapan jis pꞌüy. Jepapan militar jis pꞌüy ca nlajá wa, niyom sin tjiyocpan ꞌa nin pꞌiyá. Neꞌaj cavayú jis pꞌüy nlajá wa ca, casá tjatja nlajá wa ca nun. Pjü Dios ma quelel lajaytsjé, jis pꞌüy nlajá wa ca. Nepénowa esclavopan*, nepénowa esclavopan tulucj. Yupj nepénowa tsjictjacj, nepénowa noypan”, nin tjevele ángel manta witjacj jis lal. 19 Locopyaya wa napj tjinyuc Animal Tsꞌi ꞌInyá, jupj ne ꞌüsǘ mpe pjeꞌá tjeyaca pꞌiyá. Jepapan nosis casá patja cus tocon̈ wa. Jis militarpan jis lal tjiquil jepapan. Neꞌaj ꞌa jis tjimyula jis la palan cavayú pje casá tjáꞌasa lal, jupj militarpan jis lal ꞌotsꞌipj. 20 Malala jis tepyala la pꞌin. Yupj sin tjiyocj tuluctsja cavayú pje casá tjáꞌasa lal. Ntjiꞌlin̈ Animal Tsꞌi ꞌInyá. Profeta* li tsuwiletsjé, ꞌa ntjiꞌlin̈ wa. Profeta niná líjitsja, gente ma polel lajay jinwá. Nin la tjiji yus tsyawilí gentas, yupj ne Animal mpes sin poꞌo tapac. Püné jin yólatsja pwen, Animal jin justa. Mopꞌin malala tepyala jupj, Profeta Malala. ꞌAwa püné moꞌo la tsꞌi jupj Animal Tsꞌi ꞌInyá lal. Así janucun neꞌaj la tsꞌi yupj. Azufre*, ꞌyüma neꞌaj. 21 Cavayú casá tjáꞌasa jis tjiꞌyüꞌna wa pjü la pꞌa wa, yupj ne neꞌaj tjiquil jis la palan jupj lal. Jupj polomay la mpe pjeꞌá tjeyaca mpes jis tjiꞌyüꞌna yupj. Nin la tjiji na, manta witjacj pjü tjiquil, tjalá. Pajal jis col pitꞌa tepyala, jis pꞌüy tjalá mpes. Niná napj tjinyuc, pꞌa jawasa ca nin mpalas.

20

1 Napj

Diablo ntsuꞌpam ca maꞌajam.

tjinyuc wa ángel* pjaní tsjun popé. Llave tyaꞌa watsja jun la tꞌolon jul pajal campwila. Neꞌaj ca moꞌonsos diablú*. Jupj cadena* püné mos ntꞌa tyáꞌatsja diablo la tsupapj. 2 Niná ángel ntjüiꞌle Latsj Püné. Latsj Püné nin pꞌiyatsja lotsjim püna tüpüꞌá. Jupj ne diablú. Satanás* ló wa niná. Ángel tsyuꞌpa jupj, jupj año mil ca ntsuꞌpam maꞌajam. 3 Tsyuꞌpa na, ángel diablo jul pajal campwila moꞌó la tsꞌiya jupj. Naꞌaj la tsꞌiya na, jul jun tꞌyoꞌna. Pajal ꞌüsüs jun tꞌyoꞌna, pꞌa ma polel jun la cjol lyájasa jin. Nin la tjiji diablo ma pjeꞌá lo winin año mil, ma yus tsyawilí niswá nosis casá patjá. Tecyawaja na año mil, Dios tjevele nsoctes ca jupj. Tsjicj way pꞌin ca socotj nsem diablú. Napj tjinyuc ca nin mpalas pꞌa jawasa. 4 Napj tjinyuc wa jepapan jis silla nepenowá. Silla casá jatjatsjé ꞌücj jis la veles pꞌa poꞌó ncu malala yupj. Dios jis tjeꞌyaya ꞌücj jis la veles niná jupj mpes. Napj tjinyuc wa gente jis qjues nepenowá. Yupj nasa tecyaꞌlin̈. Noypan nosis casá patjá jis men taná tjojocj yupj, Jesucristo

El Nuevo Testamento en Tol de Honduras, 2da ed. ©2010, Wycliffe Bible Translators

777

APOCALIPSIS 20

mpes javeleptsja mpes. Dios Popel mpes tjowelepj watsja, mpes wa tjüꞌünan yupj. Yupj lovin yólatsja Animal Tsꞌi ꞌInyá püné tulucj. Yólatsja wa püné tulucj pe niná Animal jin justa. Yupj ma quelel sin poꞌo tapac Animal Tsꞌi ꞌInyá mpes. Tapac tuluctsja wola poꞌó, jis mas poꞌó tapac tuluctsja wa yupj. Yupj niswa patja tepyala. Jesucristo sa con̈tsja quinam. ꞌA mulú tjüjütütj año mil mpes, Jesucristo lal. 5 Yupj mwalá way sin jajünsüpj tecyaꞌlin̈ popé, jis la pütꞌüs niswá. Pꞌa wa tecyaꞌlin̈ ma sin tjüjünsüpj po quinam. Año mil tecyawaja na, ca sin müjünsücj yupj. 6 Mwalá way sin tjüjünsüpj witjacj, Dios pajal ꞌücj jisas lis tjiji yupj. Yum ꞌa Dios jutsꞌaꞌá. Yupj ma ca ncaꞌlin̈ niswá, la pꞌa jinwá. Sacerdotepan* ca nsem yupj Dios mpes, Jesucristo mpes wa. ꞌA mulú ca müjüꞌtücj año mil mpes Jesucristo lal, jupj ne nosis ntꞌa tjemey jis capj la pꞌacj püna pꞌin. 7 Tecyawaja na año mil, Satanás* socotj ca nsem, lo winin tsyuꞌpa tjáꞌasa mpe. 8 Ca pjeꞌá nyacas, ca mim, jis la tsuwil gentá, pjü jun taꞌá nosis ntꞌa. Ca yus ntsawilis Dios ma jisas. Nin pꞌiyá ca nsem yupj jis jepa lal. (Dios ma jisas Magogpan jis lá yupj. Yupj jis jepa, Gog ló jupj.) Diablo* yupj jis militarpan ca ꞌa jis mulus jis la palan. Pajal pülücj nsem yupj. Sus ꞌüsǘ püné la ntꞌa jinwá ca pülücj nsem pajal. 9 Yumal casá ca ncul. Tꞌasiyú ca müjünsünün̈ Dios tsꞌuyupj patja ntꞌa. Niná pülücj patja ntꞌa Dios pajal quelel la siji. Mpes ꞌawa ca palá nyacas tꞌasiyú jyünsünün̈ jis capá ntꞌa, ne ca pjü jis mpen̈ yupj. ꞌAwa ca palá nyacas Dios püꞌü mpe. 10 Nin tepyala na niná, Dios ca la ntsꞌiyas diablú* ꞌawa püné moꞌó, jupj ne gente yus tsyawilitsja. Azufre* ꞌyüma neꞌaj. Ca püna neꞌaj la tsꞌiya watsja Animal Tsꞌi ꞌInyá. Profeta* li tsuwile ca neꞌaj la tsꞌiya watsja. Jis mvajas ca nsem yupj neꞌaj. Püste na, jaw na, jis mvajas ca nsem lovin. 11 Locopyaya silla püné tjinyuc, Jepa Püné mpes. Pjetsja niná sillas. Napj tjinyuc wa silla casá jaꞌasatsjé. Nosis tecyawaja jupj wolapꞌaꞌá, tsjun poꞌó tecyawaja wa jupj wolapꞌaꞌá. Len̈ jis tepyala yupj. 12 Tjinyuc wa püna tecyaꞌlin̈ qjuis Jepa Jesucristo wolapꞌaꞌa tjelejen̈. Pjü neꞌaj tjelejen̈, noypan, tsjictjacj, pjü. Papel neꞌaj pǘꞌütsja tjevele tsjan la tjajay yupj, nosis casá tapatja na. La tüpüptsja quinam niná papel. La tüpüpj watsja papel pꞌa wa. Papel niná nin tjevele pjacj ca mpatjam Dios lal. Locopyaya qjuis Jepa Jesucristo tjevele pjacj mpüꞌüm, tjevele wa pjacj malala nyuca la tjiji, papel tjevele jin. 13 Tecyaꞌlin̈ nepenowá jis pꞌüy ꞌüsǘ püné moꞌo patja; yupj ꞌa sin tjüjünsüpj wa, Jepa wolapꞌaꞌa

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 20, 21

778

nyüjünsünün̈ wa. Pjü tecyaꞌlin̈, pjü sin tjüjünsüpj. Tecyaꞌlin̈ patja nepé tjiquil yupj. Pjü yupj mpes tjevele ncu ꞌüsüs la tjajay. 14 Nin tepyala na niná, Dios la tjiji pjü ma ca ncaꞌlin̈ quinam. Nin la tjiji ꞌawa püné moꞌo jatja cyaꞌlin̈ la pꞌin. Dios naꞌaj la tecyoye tecyaꞌlin̈ tjatja ntꞌa, ꞌawa püné moꞌó. ꞌAwa püné moꞌo jil, niswa cyaꞌlin̈ jinwá se palá yupj. Lama tecyaꞌlin̈ jinwá yupj quinam. 15 Papel pjaní tjevele pjacj ca mpatjam Dios lal. Jis lá cjuwá papel moꞌó, ꞌawa püné moꞌo lis tecyoye. Niná napj tjinyuc ca nin mpalas pꞌa jawasa.

Dios nosis seyasa ca la mijis. Tsjun seyasa ca la mijis wa.

21

1 Locopyaya

tjinyuc napj tsjun seyasa, nosis seyasa tjinyuc wa. Tsjun mwalá tecyawaja, nosis mwalá tecyawaja wa. Nosis seyasa casá, mar cjuwatsja. 2 Tjinyuc wa seyasa Jerusalén, pülücj patja ntꞌa. Dios püꞌü mpe tjacꞌ nosis casaꞌá. Jerusalén Seyasa Dios jutsꞌaꞌá pꞌiyá. Pajal pülücj patja neꞌaj. Dios pajal ꞌüsüs la tjiji jupj. Quepj jinwá ꞌüsüs jústatsja, quepj ꞌüsüs justa sa capyá woya na, nin pꞌiyá ꞌüsüs jústatsja Jerusalén Seyasa. 3 Yümücj nepé vele jin tjapjacas Dios püꞌü mpe. Ninana tjevelá: “Dios püꞌü gente jis lal quinam. Yupj jis lal ca mpüꞌüm jupj. Niná gentá, jupj jutsꞌaꞌá ca nsem. Dios pꞌiyá ca jis capj ncon̈cos. Jupj ca yupj jis Dios nsem jupj. 4 ꞌAplijílatsja yupj püna pꞌin; quina jupj yupj yun ꞌüsǘ ncjücjüs ca, mpjajam la mijis, ne ca pajal ꞌücj jisas nsem. Ma ca ncaꞌlin̈ quinam. Ma ꞌaplijila nsem quinam, ne ma ca la mpuyucj. Ma ca nepé vyaja nsem quinam. Püna tepyala ma ca mpalas quinam”, nin tjevele tjapjacas. 5 Locopyaya Dios tjevele jupj jyüꞌta mpe: “Napj pjü lejay seyasa”. Tjevele wa napj lal: “Mpaquen niná papel moꞌó: ‘Ninana velé, tꞌücꞌ way velé. ꞌÜcj la pon napj velé.’ ” 6 Locopyaya tjevele wa: “Tecyawaja la tjejay quinam. Lovin püꞌüs, pjü way ꞌücj lejay. Napj nlal pjü nin tepyala, napj mpes wa ca pjü ncawajas. Gente pajal quelel ncapj jacon̈, napj ca jis maꞌayá ꞌücj mpatjam napj lal. Así ca jis maꞌayá, jaylacj tulucj. 7 Nin la tjajay, napj tjijyütütj jin, nin ca nsem yupj jis lal; nin ca la mejay napj yupj mpes. Napj ca yupj jis Dios nsem. Yupj napj ntsꞌuyupj ca nsem. 8 Nin tulucj malala lajay jis lal. Nepénowa lacj jeyapj mpes ma quelel ncapj tocon̈. Yupj ca mal ꞌawa püné moꞌó. Neꞌaj wa ca mal ma japon napj velé. Malala lajay neꞌaj wa ca mal. Gente sa ꞌünan neꞌaj wa ca mal. Sejatsꞌom tulucj jamanun neꞌaj wa ca mal. Jis vayum tulucj lal lyawun̈ neꞌaj wa ca mal. Nin wa ca jis mpalas lapanenpan jis lal javelepj. Nin pꞌiyá ca nsem dios* pꞌa

El Nuevo Testamento en Tol de Honduras, 2da ed. ©2010, Wycliffe Bible Translators

779

APOCALIPSIS 21

wa jisas jis lal. (Nosis ntꞌa pꞌin jis dios yupj.) Pjü la tsuwilpan neꞌaj wa ca mal. Pjü yupj ꞌawa püné moꞌo ca mal. Neꞌaj azufre* ꞌyüma. Neꞌaj mal, niswa cyaꞌlin̈ cuscú. Lama cyaꞌlin̈ yupj.” Nin tjevele Dios. Jerusalén Seyasa pajal ꞌüsüs.

9 Locopyaya

ángel* pjaní tjacꞌ, tjevele napj lal. Jupj ne angelpan siéteya sin popé, jis plato jatatsja popé. Jis plato moꞌó jatatsja Dios jas tjejyama jis capj la tül nosis casá patjá. Siéteya jatatsja yupj, lo cawajas jis capj la tül mpes. Ángel niná tjevele napj lal: “Was. Napj ca jin müꞌüsüs la mejay pjacj lal ca mwayim Oveja* Tsjicj.” 10 Jupj nin tjevele na, ángel* ntjemanú jocꞌ moꞌó, campanya ntꞌa. Dios Cjües newa nin tjiꞌyüsa la tjiji niná, mpes nin. Neꞌaj ntjeꞌaya tjinyuc Jerusalén ntꞌa. Tsjun popa nosis ntꞌa tjacꞌ Dios mpe. Jerusalén Dios jutsꞌaꞌá. Neꞌaj pülücj patja. 11 Neꞌaj pajal jas tjejyawca Dios jyawca mpes. Jyáwcatsja pe ꞌüsüs justa jinwá, pe jaspe ló jinwá. Salá waytsja pajal, vidrio jinwá. 12 Jerusalén tꞌasiyú campanya tjüwüctsja, la püné watsja jupj. Doce jun vilictsja, tjüwücj ntꞌa. Angelpan pjaní pjaní jajamaptsja jun vilicj. Jun vilicj poꞌo tapac Israel jatjampan dóceya jis lá. Pajal püna tapatja yupj. Pjü israelpan* yupj sin popa. 13 Tjüwücj ntꞌa jun vilicj cóntꞌetsja tsiquin mpe, contꞌe watsja norte mpe, contꞌe watsja sur mpe, contꞌe watsja tꞌyaja mpe. 14 Pe dóceya casá tjüwücj. Pe pajal noypan waytsja. Pe pjaní pjaní poꞌo tapac apostolpan* jis lá. Dóceya apostolpan sa con̈tsja Oveja* Tsjicj, jupj tjuwine na nosis casá. 15 Ángel* napj lal véletsja, visyú tyáꞌatsja jupj, pülücj patja la vujus. Jupj ꞌa quelel wa vyújutsja jun vilicj witjacj, jupj tjüwücj quelel vyuju watsja. Jupj visyú oro* watsja jupj. 16 Tꞌempe pülücj patja yulupjánatsja. Pjü tꞌempe nin pꞌiyá cámpatsja jupj. Pülücj patja tjivyuju jupj, ángel, visyú mpes. Pajal pünetsja. Kilómetro dos mil, dos cientos cámpatsja. Nin pꞌiyatsja campanya ntꞌa. Nin pꞌiyá la pünetsja. 17 Ángel tjivyuju wa tjüwücj ntꞌa. Sesenta y cuatro varas la pünetsja jupj. Cupj vyujucj jin pꞌiyá tjivyuju jupj. 18 Tjüwücj pe ꞌüsüs way justa pópatsja niná. Jaspe ló ninana pe. Pjü wosis neꞌaj oro* lata witjactsja, vidrio salá jin yustaptsja. Tꞌücꞌ way oro waytsja pjü. 19 Tjüwücj pe witjacj casá tjáꞌasa. Pe niná ꞌüsüs way yustaptsja. Pe pꞌa wa pe poꞌo játjatsja, se jáwcatsja. Pe poꞌo játjatsja, pajal pülücj jaylacj pjütsja niná. Pꞌa casá yustaptsja yupj pjü. Pe noypan casá tjáꞌasa tjüwücj, pe jaspe ló pjaní way.

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 21, 22

780

Pe pjaní wa zafiro ló. Pe pꞌa wa ágata ló. Pe pꞌa wa esmeralda ló. 20 Pe pꞌa wa ónice ló. Pe pꞌa wa cornalina ló. Pe pꞌa wa crisólito ló. Pe pꞌa wa berilo ló. Pe pꞌa wa topacio ló. Pe pꞌa wa crisoprasa ló. Pe pꞌa wa jacinto ló. Pe pꞌa wa amatista ló. Niná pe witjacj, tjüwücj casá tjáꞌasatsja. 21 Jupj jun vilicj dóceya, pues pjü perla* waytsja, niná pe waytsja yupj. Pajal ꞌüsüs yustaptsja. Jun vilicj pjaní perla pjanitsja. Neꞌaj jümücj la püné oro látatsja jupj. Jümücj salá waytsja pajal, vidrio jinwá. Tꞌücꞌ way oro waytsja pjü. 22 Dios cupj qjuis Jepa, jun taꞌá wine neꞌaj. Jupj más püné pjü jis lal. Oveja* Tsjicj jun taꞌá wine wa neꞌaj. Cjuwatsja neꞌaj Dios wosis*. Neꞌaj pjü jun taꞌá quelel lajay Dios, Oveja Tsjicj quelel lajay wa, mpes nin. 23 Neꞌaj ma jisas lotsꞌacꞌ. Neꞌaj ma jisas mümüy. Dios jyawca neꞌaj. Mpes jyawca neꞌaj lovin. Oveja Tsjicj jyawca wa neꞌaj, mpes ma jisas yam. 24 Niná pülücj patja pjü ca jas majawaques nosis ntꞌa. Jepapan nosis casá patjá, neꞌaj ca ncaꞌacj tsjan ꞌüsüs way yustapj yupj la tjajay sin popé. Neꞌaj ca jis maꞌayacj. 25 Ma tꞌyaja neꞌaj lovin. Mpes lovin ma jun tꞌolon tjüwücj jun vilicj. 26 Nosis mpe, pjü pꞌa se jütütj mpe ca neꞌaj ncaꞌacj yupj jatatj ꞌüsüs yustapj, ca jis maꞌayacj. Pjü ꞌüsüs la tjajay, pjü ca ncaꞌacj neꞌaj yupj. 27 Malala ma polel la cuwis neꞌaj. Malala nyuca liji ma polel la winin neꞌaj. Li tsuwile ꞌa nin pꞌiyá. Pꞌa pꞌin ꞌücj jis la winin neꞌaj. Jis lá papel poꞌo tapac, Oveja* Tsjicj popel poꞌó, ꞌücj jis la winin neꞌaj nempe. Jupj popel vele pjac ca mpatjam Dios lal. Niná napj tjinyuc ca nin mpalas pꞌa jawasa.

Jerusalén Seyasa moꞌo patjá, ꞌüsüs jisas patja.

22

1 Locopyaya ángel* niná ntjeꞌaya tjinyuc ꞌüsǘ neꞌaj, pülücj patja ntꞌa. Dios Oveja* Tsjicj lal jáꞌasa mpe pyacj ꞌüsǘ cjües. Pjü salá way niná ꞌüsüs, vidrio jinwá. Gente ꞌücj patja niná ꞌüsǘ myüꞌün̈ mpes. 2 Jümücj la püné culupwen ntꞌa jama niná ꞌüsüs, pülücj patja ntꞌa. ꞌÜsǘ la ntꞌa, yo lejen̈, naꞌaj poꞌó, quiꞌá poꞌó. Yo wolas japis, patja

El Nuevo Testamento en Tol de Honduras, 2da ed. ©2010, Wycliffe Bible Translators

781

APOCALIPSIS 22

yupj. La dóceya vyala jupj año pjaní. Pjü mes wolas vyala niswá. Yo lo lemeliyú jupj, nosis casá patja si tsꞌucú jupj. 3 Neꞌaj Dios lovin ma jis capj ntülüs gentá, malala la tjajay mpes. Ma pjaní ꞌoꞌsa ca malala la mijis neꞌaj. Neꞌaj ꞌa mulú ca müjüꞌtücj Dios, Oveja Tsjicj lal. Jupj jomozopan ꞌücj jisas tsjiꞌ la mijicj jupj mpes. 4 Ca nucucj jupj wola. Jupj ló jis wala poꞌo tapac ca nsem. 5 Ma ca püste nsem neꞌaj. Neꞌaj patjá ma yam jisas nacj, ma jisas lotsꞌacꞌ. Jis Jepa Dios jyawca yupj mpes. Yupj neꞌaj patjá, jepapan ca nsem wa lovin.

6 Ángel*

Jesucristo jacꞌ jupj.

tjevele napj lal: “Napj tjevelé tꞌücꞌ way. ꞌÜcj la pon napj tjevelé. Cupj qjuis Jepa Dios nin tjejyama sin la ꞌüsüs jis la jay jupj jomozopan, ne ca sin müꞌüsüs tsjan ca mpalas len̈ way. Dios pꞌiyá sin ꞌyüsa la siji jupj profetapan*, mpes ca ꞌücj mvelecj jupj mpes.” 7 Jesucristo tjevele: “Nusin tjüꞌüsüs niná. Len̈ way ca ncuwis nun ntꞌa. Papel niná vele tsjan ca la mijis Dios. Jupj mpes tepyaca niná. Popel niná jyüꞌta jin lajay, Dios ca ꞌücj jisas lis mijis”, nin tjevele Jesucristá. 8 Napj ne Juan. Napj tjapjacas niná, tjinyuc niná, tepyac jinwá. Tjapjacas na niná, palá nipiꞌtjis napj ángel* wolapꞌaꞌá. Napj nólatsja ángel pünetsja. Jupj niná pjü nin ꞌyüsa la níjitsja. 9 Napj la tjejay na niná, jupj tjevele napj lal: “Po ma nin la mijin niná. Nam ꞌa Dios jomozo, jipj jinwá, jipj pyülücpan profetapan* jinwá. Lajay na papel niná vele jin, yupj ne Dios jomozopan, napj jinwá. Dios wolapꞌaꞌa palá nipiꞌtjim jipj la pꞌin. Jele tꞌas jupj püné.” 10 Jupj tjevele wa napj lal: “Po ma tjepjyaꞌna papel niná, ninana moꞌó tepyac Dios mpes. Len̈ way ca nin mpalas papel niná vele jin. 11 Ma nin tepyala na pꞌin, malala nyuca lajay newa ca malala nyuca la mijicj. Malala nyuca yola, newa ca malala nyuca yola nsem. ꞌÜsüs lajay, ꞌüsüs ca la mijicj newá. ꞌÜsüs yolá, ꞌüsüs yola nsem newá”, ángel* nin tjevele napj lal. 12 Jesús tjevele: “Nusin tjüꞌüsüs niná. Len̈ way ca ncuwis nun ntꞌa. Napj tjacuwis na, nu maꞌayá ca, nun la tjüjí mpes. 13 Napj lovin püꞌüs, pjü way ꞌücj lejay. Napj ne mwalá waytsja pjü jis lal. Napj ne locopyaya wa pjü jis lal. Napj nlal pjü nin tepyala. Napj mpes wa ca pjü ncawajas. 14 Gente nepénowa nasa ꞌüsüs jis tepyala Dios lal, napj la tjejay mpes. Te jinwatsja yupj Dios lal püna pꞌin; salá jinwá quinam yupj. Yupj jisas Dios perdonar la siji, ne nin la mon wa yupj. Dios ca ꞌücj jisas lis mijis. ꞌÜcj jis la pis ca nsem yo wolas, niná yo wolas ꞌücj jis la patj

El Nuevo Testamento en Tol de Honduras, 2da ed. ©2010, Wycliffe Bible Translators

APOCALIPSIS 22

782

liji. Yupj ꞌücj jis la winin neꞌaj, Dios tsꞌuyupj pülücj patja ntꞌa. 15 Ma polel jis la winin neꞌaj Dios ma quelel lajay. Lapanen lal javelepj, ma wa polel jis la winin neꞌaj. Sejatsꞌom tulucj jamanun ma ncul neꞌaj. Nin pꞌiyá voyum tulucj lal lyawun̈ jis lal. Nin pꞌiyá gente sa ꞌünan jis lal. Nin pꞌiyá pꞌa dios witjacj* jisas jis lal. Nin pꞌiyá quelel la tsuwil jis lal. La tsuwilpan ma ca mal neꞌaj. 16 ”Napj ne Jesús. Napj ángel* jas tjejyam, nun lal la veles. Pjü Dios tsꞌuyupj pjü jun taꞌá ꞌa si mulú mpes nin tjevelé. Tꞌücꞌ way David* püna tüpüꞌü popa pꞌiyá napj. Napj pjulacj püné jinwá, püstapj casá cyala. Napj mpes ca majawaques, ne ca ꞌüsüs mpalas Dios jos jin”, nin tjevele Jesucristo. 17 Dios Cjües vele: “Nculá nun. Jesucristo poꞌo mponé.” Qjuis Jepa lal mwayim nin vele wa: “Nculá nun”. Pülücj way tjepjyacan̈ nin tjevelé; mvelecj wa ca yupj: “Nculá nun”. Pajal quelel so con̈có Dios, qjuisas mponé nun Jesucristo lal. Nun quelel potjaqué Dios lal, ꞌücj potjaqué jupj lal. ꞌÜsǘ sive, ꞌüsǘ myüꞌün̈, mpes patja yupj. Nin pꞌiyá ca nsem nun lal. Nin pꞌiyá ca nu maꞌayas ꞌücj mpatjaqué jupj lal. Jaylacj tulucj ca nsem. 18 Jesucristo tjevele wa: “Papel niná nin vele tsjan ca la mijis Dios. Jupj mpes tepyaca niná. Mpes nin velé niná papel pjyacan̈ jis lal: po ma la ntsawilí nun, popel niná vele mpes. Po ma mvelé pꞌa tjevelam, jupj tjevele tulucj. Jupj nin liji niná, Dios ca cus ntülüs papel niná vele jinwá. 19 Po ma ntsüpünǘ nun niná papel niná vele Dios mpes. Nun popa pjaní nin liji niná, ma ca polel mpüꞌüm Dios lal. Ma ca polel mpisis yo wolas, yo wolas ꞌücj la pütꞌüs liji. Ma ca polel la pütꞌüs ca nsem Dios tsꞌuyupj pülücj patja ntꞌa, neꞌaj Dios jutsꞌaꞌá. Papel niná vele Dios tsꞌuyupj pülücj patja poꞌó. 20 Tꞌücꞌ way napj velé jin ca mpalas. Tꞌücꞌ way ca len̈ way ncuwis nun ntꞌa”, nin tjevele Jesucristo. Nin qjuisas ca nin mpalas. Was, qjuis Jepa Jesús. 21 Najas ca pajal ꞌüsüs la mijis qjuis Jepa Jesús nun mpes. Nun Dios jutsꞌuyupj. Najas ca nin mpalas.

El Nuevo Testamento en Tol de Honduras, 2da ed. ©2010, Wycliffe Bible Translators

Glosario Abraham Yom pajal püna tüpüü jupj. Ur mpe eseptsja jupj. Dios lal tepyona, mpes Dios pajal üsüs la tjiji jupj mpes. Pa nta jas tjejyama jupj, neaj la pütüs. Mpes Abraham pajal campa tjemey, Canaán nta. Dios tjevele ca maayas momas neaj. Abraham jutsaá nsem, Abraham tsuyupj nsem wa, tjevele. Mopin ma tjeyaya custjay, Abraham tüpüü na pin. Jupj tsuyupj sin popa locopyaya tapatja yutsaá jis tepyala niná momas. Yupj ne israelpan. Abraham pajal üsüs tepyona Dios lal, mpes Dios tjevele pjü Dios lal japon jis papay jupj, Abraham. Dios tjevele wa Abraham jupj jomica.

Aceite Pjan üs'ü jinwá jupj. Üsüs la tsjyal aceitas. Üsüs wa jüpüy atanca moo la cjolol. Jesucristo lal japon aceite sey jatupj wa malala jisas; Dios lal la mon ca jis müüsüs la mijis.

Angelpan Dios la tjiji angelpan pülücj. Tsji lajay yupj jupj mpes. Jis püy cjuwá yupj; jis qjues pin. Mopin janucunpan yupj. Nenéyawa lay se palá gente jis la nuc. Nin lajay na, niyom jin yustapj. Dios mpes tsji lajay tsjun poó, ücj wa jiquil nosis nta. Angelpan quelel lajay Dios, jis capj japacj wa Jesucristo lal japon, la palan wa diablo lal. Diablo ángel waytsja pajal püna. Pajal püné jin jólatsja jupj piyá, mpes malala la tjiji jupj. Ma jos Dios quinam. Malala la tjiji, ne ma polel püü Dios lal quinam. Tsjicj way jupj Dios lal, mopin quelel malala liji gente jis lal. Angelpan pülücj diablo lal topon. Yupj sa con̈ jupj. Malala lajay wa yupj quinam.

Apostolpan Niyom dóceya waytsja yupj. Jesucristo lis ntya cus la con̈. Yupj tjunuc jupj la tjijá nosis nta. Locopyaya jupj sin tjejyama pa nta jis la veles jupj mpes. Yupj tjowelepj Jesucristo pajal üsüs la tjiji pjü gente mpes. Jupj jis tjeyaya wa ücj pajal üsüs la tjajay yupj, gente pin ma polel lajay jinwá. Üsüs la tjajay mpes la pa jus nlaytsja yupj tüc tjowelepj Dios mpes. 783 El Nuevo Testamento en Tol de Honduras, 2da ed. ©2010, Wycliffe Bible Translators

GLOSARIO

784

Arpa Niná cuerdo pülücj poo pjyacan̈ jatül. Quinca jinwá in. Jay pjucj cjuwá. Cuerdo pjaní way pa casá jas pjac jupj lovin. Azufre Üpj'ü lu way jupj. Pajal yawa pwe na, pajal malala cjumsu, pejey tjamaja jinwá. Awa püné azufre mpes pwe jupj. Neaj pajal yawa jupj.

Banco Neaj ücj mpatá nun jis temel, neaj jajamapj. Tsjicj way jaylacj lajay wa temel mpes, lalá nun jis temel jatatj.

Barco Niná mpes üs'ü casá la winin. Pajal üsüs jas topj barcas, püné otsipj, mpes gente ücj wama mal üs'ü naaj poó jis la winin. Ücj wa barco mpe cjul jis la tsicjucj.

Bautizar Gente sey jatupj Jesucristo lal japon mpes. Jesucristo tepee, jas tjijyünsa, niswá la pütüs. Jupj lal japon bautizar se palá na, yupj yola se palá yupj piyá tecyalin̈ jinwá jis tepyala quinam. Ma ca malala la mijicj quinam. Yola se palá yupj sin tjüjünsüpj jinwá jis tepyala quinam, mpes ca mpatjam Dios mpes. Ca üsüs la mijicj, Dios jos jin quinam. Yupj bautizar jis tepyala na, la pa wa ca jus nlayecj wa yupj Jesucristo lal topon quinam. Pajal püna Juan el Bautista bautizar la tjiji wa. Jupj tjevele gente jis lal más ücj yupj yola mpalas malala la tjajay yas nam, ca Dios jos jin la mijicj quinam. Nin la tjajay na, bautizar lis tjiji jupj. Bronce Acero lu way salá way jinwá niná. Otsots way jyawca jupj. Ca way jupj, tü way otsipj.

Cadena Alambre üp'ü jinwá niná. Pajal ca way, pajal tjiyocj cadenas. Üsüs jupj tsjan tü way la tsupapj. Camello Animal pajal campanya ton̈ca jupj. Más in campanya ton̈ca cavayú lal. Ücj wa casá la osos la winin niná. Ücj wa tsjan tü way tjyama jupj. Len̈ quiá camellas. Pajal campa lyawun̈ way yupj; vyaja pwe nta patja yupj.

Candil Püste na si müjü, jyawca jupj. Aceite tsjicj way moo ton̈ca jupj, mpes püs way pwe.

Cebada Niná tsjutsj poo velan̈, arroz jinwá in. Nopj tsjictjacj jinwá, pje way jupj. Ücj wa la jon, ücj wa la cjol pan mpes. El Nuevo Testamento en Tol de Honduras, 2da ed. ©2010, Wycliffe Bible Translators

785

GLOSARIO

Comino Niná tsjutsj poo velan̈ pis moo la tsuc. Setel tsjicj way jupj; üsüs way cjumsu, ücj syama wa jupj. Corona Tsjutsj jus tjulujupj jay la osos. Oro mpes lajay wa coronas, jepapan sey la osos. Nenéyawa corona jaayapj wa yom pjaní, jupj más wü tsüequené pjü jis lal.

Comüypan Yupj ne judiopan sin popa waytsja. Pülücj salejeptsja Dios Popel püna tapac poó. Salejepj watsja judiopan püna la tjajay poó. Nin mpes yupj noypantsja la pa judiopan jis lal. Jepapan waytsja yupj judiopan a jis tjimyula nta. Jesucristo lal japon comüypan lis tapj wa yupj sin popem. Comüypan tsji lajay Dios mpes, jis capj japacj wa Jesucristo lal japon, sin yüsa lajay wa yupj, javelepj wa tsjan más ücj lajay a si mulú na. Comüypan veinticuatro patja wa Dios püü nta. Dios lal jatja, jajütütj wa; yupj Dios auxiliarpan, ne nin.

Cruz Romanopan yo campanya sin tjüjünsüpj jis la valas malala lajay. Clavo mpes tjovalapj yupj neneyawá, nenéyawa üp'ü mpes la tjajay. Cruz poo tjevelan̈ tülü way tecyalin̈ yupj.

Daniel Profeta waytsja jupj, pajal püna tüpüá. Israelpan jis enemigopan jis tjüjütütj na tüpüü jupj. Jis enemigopan ma topon Dios lal. Newa ma lecj tjeyá Daniel, newa cus tecyon̈ca Dios. La pjaní way jul campwila moó la tocoy jupj, león tsa in lyawun̈tsja nta. Nin la tjajay la ünan jupj. Mopin ma tepee. Dios cus tjepyasa ne león witjacj ma malala la tjajay jupj. Daniel tepyaca wa papel pjaní Dios Popel popem. Daniel ló papel niná. David Israelpan jis jepa püné waytsja jupj pajal püna. Dios piyá la tya jupj, jepa la osos; üsüstsja jupj lovin Dios lal. Pajal quelel la tjiji Dios, tjünüejetse wa Dios mpes. Nepénowa tjünüejetse, tepyaca wa Dios Popel moó. Niná “Dios Mpes Tjenejetsen̈” ló quinam. Dios tjevele Yomen jupj ca jas majamas nosis nta, David popa piyá nsem. Ninana jupj popa tulucj; jupj popa piyá a~no pülücj tepyala na tüpüü jupj la pin. Nin mpes nin tepyala. Jesucristo David popa piyá a~no pülücj tepyala naya tüpüü. Dios Popel nin tjevele ca nin nsem, mpes israelpan la nuctsja niná. El Nuevo Testamento en Tol de Honduras, 2da ed. ©2010, Wycliffe Bible Translators

GLOSARIO

786

Diablo Cjües pin jupj; jüpüy cjuwá. Jepa jupj lapanenpan jis lal, pjü way malalapan jis lal wa. Nosis nta wine, tsjun poó wine wa. Newa malala liji jupj. Püné way jupj gente jis lal. Lovin li tsuwile yupj jis lal. Malala la siji wa. Tsjicj way pin diablú Dios lal. Jesucristo pajal püné diablo lal. Jesucristo lal japon ücj tsupapj jinwá lajay diablo lal, Jesucristo ló javelepj mpes. (Tjunuca wa “ángel”.)

Dios Qjuis Capa Nipj Tjemey Nin lotsja fiesta pjaní israelpan la tjajay püná; newa nin lajay fiesta niná. Dios jis tjijyüta nin la mijicj, yola jis la pal jupj pajal üsüs la tjiji yupj mpes Egipto moó. Israelpan quelel jiltsja na Egipto mpe, Egiptopan jis jepa ma quelel sin jyámatsja yupj. Nin mpes ángel tjac Dios mpe, jis la ünan niyom pülücj Egipto moó. Yupj sejamay sin popa mwalá way witjacj pin, pjü tecyalin̈ yupj. Nin mpes egiptopan pülücj tecyalin̈. Israelpan ma tecyalin̈. Dios tjevele ca yupj oveja tsjicj müünacj pjü jis wa nta, jupj os ca moo ncjolocj jun vilicj tasiyú. Tjevele jis wa moó majatjum, müümücj, nlajacj oveja pisis. Nin mpes ángel ma ca jis müünas, tjevele. Nin tepyala, jupj tjevele jinwá. Jesucristo tjac na, jupj oveja tsjicj jinwatsja. Jupj tepee wa oveja tepee jinwá. Nin mpes jupj lal japon ma malala se palá; Dios lal patja jupj mpes. Dios witjacj, diospan Dios pjaní way jupj; pa len̈. Nepénowa japon pin pa dios witjacj patja wa; Dios tulucj yupj. Gente jatsaw dios witjacj nepenowá, nepénowa si quilil. Gente jin yustapj lajay nepenowá, nepénowa animalpan jin yustapj. Yupj lal japon japon wa janucun yupj. Janucun tulucj; mopin nin, gente javelepj yupj jis dios witjacj jis lal. Yola yupj ne noypan. Nenéyawa japon wa pa wa gente dios witjacj yupj; nin tulucj. Dios wo Niná wosis pajal üsüs Jerusalén moo tón̈catsja püná. Dios tjevele israelpan jis lal jas la jünsüs wosis niná, ca jupj lal mvelecj neaj. Neaj tjil wa jis la ayas Dios mpes, jupj tjevele jinwá. Sacerdotepan tsji la tjajay Dios

El Nuevo Testamento en Tol de Honduras, 2da ed. ©2010, Wycliffe Bible Translators

787

GLOSARIO

mpes Dios wo nta. Pjü israelpan quelel jiltsja wa neaj neneyawá jis la ayas Dios mpes.

Discipulopan Niyom, nequem sin yüsa la pa sin yüsa liji mpes. Discípulo se con̈ca jupj si üs'ü lijá, mpes si üs'ü oyn nyuca nin la mijis jupj si üs'ü liji jin piyá. Jupj jos ca nin piyá jola mpalas jupj si üs'ü liji lal. Quina Jesucristo lal japon jupj discipulopan otsipj, yupj sa con̈ na jupj. Egiptopan Yupj neaj patja Egipto moó, pajal campa quepé. Püna pajal malala la tjajay israelpan jis lal.

Elefante Animal püné jupj. Más püné jupj nosis casá lyawun̈ sin popé. Üsüs jupj, pajal tsi inyá tulucj. Ücj wa si manuna. Tsjutsj lyaja la pin. Elefante üsüs way le locjocja; jas tjiyocj jupj pajal. Elías Profeta waytsja jupj, pajal püna tüpüá. Jupj pajal üsüs way cus tecyon̈ca Dios; üsüs way la tjiji pajal. La pa jis wala tjevele Dios mpes. Malala tepyala jupj, jupj tepyona mpes; newa tepyona jupj. Comüy tepyala na, ma tepee. Dios tsjun poó tjemyana jupj la pin. Nyucunú tjemey. Dios Popel “Dios püna la tjiji” popem nin vele jupj poó. Jupj mpes vele Dios Popel 1 Reyes ló. Jupj mpes vele wa jupj Popel 2 Reyes ló.

Epicureopan Gente niná sin tjiyüsa Epicuro tepyacá. Yupj topon niná, mpes ma topon Dios lal. Yupj topon gente nosis nta patja pin; ma ca mal pa nta tecyalin̈ na, topon yupj. Nin mpes quelel ücj jisas pátjatsja nosis nta. Ma nin yólatsja ncu üsüs lajaytsja yupj. Esclavo Mozo way jupj; mopin ma polel jama. Jupj patrón jutsaá way jupj, vaca jinwá, castlyaj jinwá. Nin mpes jupj ma polel liji jupj piyá jos jin. Lovin tsji liji niná mpes, jupj jutsaá esepj mpes.

Esponja Animal jupj, üs'ü püné moó wine. Jupj cjüele luluy pajal, ma yula. Tepee na, tünim jinwá in esponjas, mpes üsüma tsyuca, pita jupj. Ücj moo la patsj esponja mpes, ücj wa üs'ü tsyuca la müs. Estoicopan Gente niná ma topon Dios lal; pa pin mpes topon. Awa pin yupj jis dios püné jin yólatsja yupj. Yupj topon más ücj ma nin yólatsja malala pyálatsja mpes. Ma wa yólatsja gente pa wa malala jis tepyala na. Yupj jisastsja ca ücj jisas mpatjam pin. Ma pajal nin yólatsja ncu malala nyuca la tjajay. El Nuevo Testamento en Tol de Honduras, 2da ed. ©2010, Wycliffe Bible Translators

GLOSARIO

788

Fariseopan Judiopan nenem topon Dios lal. Topon wa jupj Popel tjevelá. Quelel pjü way tüc lajaytsja Dios tjijyüta jin. Newa ma üsüs la tjajay yupj. Jesucristo tjevele yupj ma tüc way quelel la tjajay Dios; jisastsja la pa ca yola nsem yupj üsüs. Fariseopan japontsja yupj piyá más üsüs waytsja la pa jis lal. Yólatsja üsüstsja yupj Dios lal yupj piyá la tjajay mpes. Ma jisastsja Jesucristo, mpes lovin nin yólatsja tsjan la qjuijicj la ünan jupj.

Flauta Visyú umul way in niná. Tempe witjacj la jul witjacj jupj, mpes ücj la pjus. Li pjusá, ücj pjac mpes.

Griegopan Gente niná pa mpe neespan yupj; pajal campa patja yupj quepé. Judiopan tulucj, mpes püna ma topon Dios lal. Pa mpes pin topon yupj. Hebreopan Püna tapatja yupj; israelpan yupj sin pópatsja locopyaya tapatjá. Nin mpes israelpan hebreo witjactsja yupj, hebreo jis tin tjowelepj wa yupj. Hebreopan tsiquin mpe tjiquil, Canaán nta tjil jis la pütüs. Higo Niná ücj la sin lo valas. Jupj wolas ücj syama, guayaba jinwá in. Hisopo Tsjutsj niná pjwel pülücj. Ücj wa tsyuca üs'ü, le paltsaná.

Israelpan Pjü Israel tsuyupj sin popa yupj, Israel püna tüpüá. Israel niná, Jacob ló watsja. Abraham cüicj waytsja jupj. Pajal püna Dios tjevele jupj ca pajal üsüs la mijis pjü gente jis lal israelpan mpes. Jesucristo israelpan popa waytsja, ne nin.

Jeremías Profeta waytsja jupj, pajal püna tüpüá. Tüc tjevele jupj Dios mpes. Judiopan jis wala tjevele ca malala jis mpalas malala la tjajay mpes. Niná tepyaca wa Dios Popel mpes. Jupj tepyaca papel niná “Jeremías” ló Dios Popel moó. Tepyaca wa “Lamentaciones”. Profeta niná pajal la tipiya Jerusalén malala tepyala mpes. Jezabel Israelpan jis jepa jatsom waytsja jupj pajal püna. Pajal malala la tjiji quepj niná. Jupj ma jostsja Dios. Pa pin jostsja; gente la tjajay pin, jostsja jupj. Jupj sin tjiyüsa lis tjiji la pa wa israelpan ca yupj nin piyá la mijicj jupj jinwá, mpes yupj pülücj pajal malala la tjajay, Jezabel jinwá. Jupj tjijyüta jis la ünan profetapan Dios mpes tjowelepj witjacj. El Nuevo Testamento en Tol de Honduras, 2da ed. ©2010, Wycliffe Bible Translators

789

GLOSARIO

Judiopan Israelpan jis tribu dóceya sin popé yupj. Tribu pjaní Judá ló; pjü Judá sin popé, judiopan sin tjowelepj yupj. Locopyaya judiopan sin tjowelepj wa pjü israelpan. Pjü judiopan hebreopan yupj otsipj.

Jurar Nin liji nin la veles tüc way vele. Nin vele Dios pjoca, mpes ücj wa Dios si tül'ü li tsuwilá. Israelpan nin la tjajay, jisastsja la pa mponecj yupj tjowelepj. Nenéyawa malala la tjajay wa nin tjowelepj na. Newa la tsuwiltsja.

Lámpara Jaw jupj wosis wama jyawca mpes. Nenéyawa tsjooy tsjicj jinwá jupj, aceite moo ton̈ca mpes. Aceite yüma, jyawca jupj.

Levita Levitapan sin popa pjaní jupj. Levitapan israelpan watsja yupj. Yupj jis tribu Leví lotsja. Pjü way ninana noyomes, tribu niná popem, tsji lajaytsja Dios wo nta. Dios lis tya yupj ca nin la mijicj. Po üsüstsja yupj jis lal nin la tjajay; más in noypantsja yupj, Dios mpes tsji la tjajay mpes. Yupj tjajamapj Dios wo Jerusalén nta. Yupj nepenowá sacerdotepan tjatja yupj otsipj. Magopan Niyom nenem pajal campa pátjatsja Israel mpe. Dios lal topon wa yupj, topon wa Dios ca jas majamas Yom pjaní jis capj la pacj nosis nta patjá. Yupj pjulacj tjunuctsja; japontsja ca pülücj sin müüsüs pjulacj mpes, ca sin müüsüs wa tsjan ca mpalas pa jawasiyá. Dios pjulacj püné jas tjejyama, tjejyawca Jesucristo tjemyana na, mpes magopan tjunuc, tjiquil jis la pal jupj Judea nta.

Maná Niná Dios jis tjeyaya israelpan jis la las pajal püna, jis wa cjuwá nta lyawun̈tsja na. Pjü jyawca, pjü jyawca amá casá palá tíncatsja. Maná tsjicj waytsja pajal, más in tsjicj way arroz lal. Pajal pülücj palá tinca, mpes pülücj jatatsja jis la las. Ücj syámatsja, pan dulce jinwá in. Mirra Niná yo tsjicj way Israel moó lejen̈. Jupj pjwel tsülüc üsüs pajal. Üsüs jupj malala jisas jis la tsuc. Üsüs wa cjúmsutsja.

Moisés Yom niná pajal püna tüpüü jupj. Israelpan popa watsja. Pajal püna israelpan Egipto nta tapatja, malala jis tepyala neaj. Egiptopan jis mozopan jis tepyala yupj, ma polel jis la winintsja yupj mpe. Mpes Dios jas tjejyama Moisés, yupj jis lal la winin Egipto mpe. Moisés pajal üsüs way tepyona Dios lal, üsüs wa cus tecyon̈ca Dios, El Nuevo Testamento en Tol de Honduras, 2da ed. ©2010, Wycliffe Bible Translators

GLOSARIO

790

mpes üsüs la tjiji jupj pajal. Dios üsüs wola tjevele jupj tjijyütá. Niná Moisés sin tjiyüsa lis tjiji la pa wa israelpan. Tepyaca wa niná. Ninana jupj tepyacá cínquiya papel witjacj Dios Popel moó: Génesis pjaní wa, Éxodo pa wa, Levítico pa wa, Números pa wa, Deuteronimo pa wa. Niná pjü way cínquiya Moisés popel cuscú.

Mostaza Niná sin lejen̈ Israel moó, pa nta otsipj. Tyüna na, más in campanya ton̈ca yom lal. Tsipyaya ücj wa jiquil, tsintsil lajay mostaza pjwel moó. Mostaza lo ücj la las, jupj setel ücj wa syama.

Nardo Niná jis püy moo la tjocjolol püná, pajal üsüs cjumsu mpes. Pajal pülücj jaylactsja, campa mpe tucutj mpes.

Nicolaitapan Gente nenem a jis tjimyula Dios tsuyupj jis lal Efeso moó, pa nta otsipj. Malala yólatsja yupj. Malala tjowelepj, mpes Dios tsuyupj nepénowa malala la tjajay yupj jinwá. Ma nin yólatsja pajal malala nyuca la tjajay Dios lal.

Olivo Yo niná ücj la sin lo valas. Pülücj lejen̈ Israel moó. Jupj wolas jay jajatsj na, aceite pyala wa jupj. Jupj aceite pajal üsüs.

Oro Acero lu way salá way jinwá jupj. Acero más in ca way oro lal. Oro üsüs way jyawca jin justa jas tjocjolol na, mpes soquiya ücj wa lajay oro mpes; arete otsipj, anillo otsipj ücj wa lajay. Oro pülücj jaylacj.

Oso Animal püné way jupj. Nepénowa vaca tsjicj jinwá noypan yupj. Nepénowa más in noypan vaca püné lal. Pajal tsi inyá jupj. Len̈ quiá; pa nta patja, más in tsjojose nta patja pin. Pis lyaja, cjul lyaja wa. Tsüil pülücj way jupj, tsüil ne campaná. Wis campa, pwepj campa wa jupj. Oveja Animal jupj, cabro jinwá in. Püné way in, malana jinwá. Jupj pis ücj la las, ücj wa pülül lajay jupj tsüilin mpes. Oveja üsüs jupj, ma jola la pin. Tsi inyá tulucj. Tsjutsj lejen̈ jalá la pin. Jupj jutsaá esepj jyama ovejas, ma malala mpalas. Dios tjevele jupj lal japon jupj oveja witjacj jinwá; jupj jyama yupj, yom oveja jyama jinwá. Jesucristo Oveja Tsjicj ló wa jupj; nin ló jupj cupj mpes tepee mpes. Oveja jaünan jinwá tjüünan jupj.

Parábola Ninana ücj la veles sin yüsa jis la jay. Nin se velé nosis nta pyalá, la pa wa ca yola mpalas oyn nyuca liji Dios gente jis lal. Jesucristo parábola pülücj tjevele gente sin yüsa lis tjiji na. El Nuevo Testamento en Tol de Honduras, 2da ed. ©2010, Wycliffe Bible Translators

791

GLOSARIO

Pastor Yom niná jyama Dios tsuyupj. Jupj ca sin yüsa lis mijis Dios mpes. Jupj sin yüsa liji oyn nyuca la mijicj Dios jyüta jinwá. Dios Popel qjuisin yüsa liji tsjan más ücj la mijis pastor. Más ücj pastor pyona Jesucristo lal, se con̈ca wa jupj. Más ücj pajal üsüs liji jupj lovin, Dios jos jinwá. Pastor si üs'ü Dios Popel velá, mpes ücj sin yüsa liji jupj. Más ücj jatsom pjaní way jupj, mate tulucj. Lovin Dios lal vele jupj Dios tsuyupj mpes. Ma japon jis lal vele jupj Dios poó, ca yupj mponecj wa Jesucristo lal. Dios tsuyupj malala lajay na, pastor jama, vele yupj jis lal. Jis capj pyasa ücj la mijicj, mpes Dios perdonar la siji. Honduras moó nenéyawa yupj jis pastor pjaní yupj, Jesucristo lal japon a si mulú nta; nenéyawa mate, nenéyawa más in pülücj way jatja pastorpan. Pastorpan pülücj jatja na, pastor pjaní más in püné la pa jis lal. Dios jos a mulú tsji lajay yupj jupj mpes. Jupj jos yupj quelel la sajay yuwá, jos wa yupj quelel la sajay wa yupj jis pülücpan Jesucristo mpes. Pentecostés Fiesta niná israelpan lajaytsja pajal püna. Mwalá way pin pa fiesta lajaytsja; “Dios Qjuis Capa Nipj Tjemey” lotsja fiesta mwalá. Locopyaya, tsac cincuenta tepyala na, fiesta “Pentecostés” la tjajay. Fiesta niná nta tjowelepj tjuwiin̈ Dios lal tjevyala tjeyaya mpes. Tjaayapj wa Dios mpes, tjevyala popé. Jesucristo jas tjijyünsa na la pütüs niswá, üsüs tepyala wa fiesta Pentecostés la tjajay na. Jesucristo jas tjejyama Dios Cjües jupj lal japon nta tsac niná Pentecostés tjejyawca na.

Perla Pe tsjicj way jupj, üs'ü püné mpe jacutj. Perla pje way, otsots way jyawca. Üsüs way justa pajal, mpes jisas soquiya mpes, arete mpes wa, anillo mpes wa. Pülücj jaylacj jupj.

Plata Acero pje way salá way jinwá jupj. Acero más in ca way plata lal. Plata üsüs way jyawca jin justa jas tjocjolol na. Pülücj jaylacj in. Profetapan Gente niná Dios mpes javelepj yupj. Dios Cjües jis capj pyasa, mpes pjü way javelepj Dios mpes, pjü way tüc. Dios se aya januc wa pa jawasa ca mpalas. Yupj januc jinwá pyala lovin. La pa wa nepénowa javelepj yupj piyá profetapan, mopin profetapan tulucj yupj. La tsuwil pin yupj. Profetapan javelepj jin pyala lovin; nin mpes ca jus cülayecj yupj profetapan tüc way.

Rabbí Ninana yomen israelpan popa; jupj sin yüsa liji Dios mpes. Rabbí selé Dios Popel popé, pülücj selé wa püna tapatja tjowelepj Dios mpes. Rabbí yom pajal üsüs lovin israelpan jis lal. El Nuevo Testamento en Tol de Honduras, 2da ed. ©2010, Wycliffe Bible Translators

GLOSARIO

792

Romanopan Gente niná campa pátjatsja Israel mpe. Roma mpe neespan waytsja yupj, pülücj patja mpe. Jis militarpan pülücj tjelyawun̈, la palantsja pa nta patja jis lal. Más üsüs la palantsja, mpes romanopan jis jepa pa nta patja jis jepa tepyala wa. Nintsja Israel moó pajal püna. Romanopan jis tjüjütütj.

Sábado Nin jawas tjejyawca na, judiopan ma tsji lajaytsja. Tjatja pin, Dios mpes a jis tjimyula wa. Dios piyá jis tjijyüta gente ca nin la mijicj sábado na. Dios nosis la tjiji tsac séisiya. Pjü tüc la tjiji jupj. Tsac siete tepyala na, ma tsji la tjiji nin jawas. Sábado waytsja nin jawas. Dios jos gente ma wa tsji lajay tsac pjaní pjü semana na. Jesucristo tjevele Dios jostsja üsüs ca jis mpalas, nin mpes nin tjevele jupj. Sacerdotepan Niyom nenem tsji lajaytsja Dios mpes jupj wo moó Jerusalén nta. Animal tjüünan, tjüüm, tjaayapj Dios mpes Dios wo nta. Nin la tjajay yupj piyá mpes, la pa wa mpes wa. Dios lal tjowelepj wa la pa wa mpes. Nin mpes Dios perdonar lis tjiji gentas, yupj malala la tjajay mpes. Sacerdotepan nepenowá más in noypantsja la pa sacerdotepan jis lal. Jepapan waytsja yupj la pa sacerdotepan jis lal. Yom pjaní way más püné waytsja pjü jis lal.

Saduceopan Niyom nenem sacerdotepan sin popa nepenowá. Temel pülücj jatatsja yupj. Noypantsja yupj Israel nta. Yupj otsots way topon Dios Popel; ma topon gente ca mpatjam Dios lal tecyalin̈ na. Ma topon Dios sin jyünsa jis la pütüs niswá. Ma wa topon angelpan lyawun̈. Salomón Yom niná jepa pünetsja Israel moó pajal püna. David jatjam waytsja jupj. Pünetsja jupj momas, pülücj way jis tjijyüta. Pajal üsüs way pátjatsja yupj, jupj yupj jis jepa jáasatsja na. Ma la palantsja la pa jis lal. Dios üsüs la tjiji wa jupj mpes, ne más üsüs way jas tjiyüsa jupj pjü way nosis casá patja jis lal. Temel pülücj tyáatsja jupj otsipj. Jupj jas tjijyünsa wa Dios wo Jerusalén nta jupj tüpüü na. Üsüs waytsja pajal Dios wo niná. El Nuevo Testamento en Tol de Honduras, 2da ed. ©2010, Wycliffe Bible Translators

793

GLOSARIO

Samaria Pa wa gente neaj pin pátjatsja Judea nta. Israelpan püna tapatja nepenowá tjewyayin̈ israelpan tulucj jis lal. Yupj tsuyupj sin popa Samaria poó tapatja yupj. Israelpan lata witjacj ma jisastsja yupj. Ma quelel jiltsja Samaria nta, ma quelel javelepj watsja yupj jis lal. Pajal malala jin yólatsja yupj sin poó. Santiago Jupj ló mpes ücj wa la veles “Jacobo”.

Satanás Niná diablo ló pa wa. Nin ló “Enemigo” velecj, cupj qjuis tin. Diablo gente jis enemigo püné.

Sión Niná tucuc pjaní Jerusalén moó. Nin mpes Sión javelepj na, nin piyá niná Jerusalén lal. Sión javelepj wa Dios tsuyupj mpes, Dios püü nta mpes wa.

Trigo Calacal jinwá jupj. Trigo setel ücj la sin. Tjevyala na, ücj la las. Jacjol wa jupj, harina jis la jay.

El Nuevo Testamento en Tol de Honduras, 2da ed. ©2010, Wycliffe Bible Translators

794

Antioquía

Iconio

PISIDIA Listra

Atalia

Derbe

Perge

Tarso

PAMPHYLIA

LICIA

CIL

ICIA

Seleucia Antioquía

SIRIA CHIPRE

Mar Mediterráneo

Salamina Pafos

PRIMER VIAJE MISIONERO DE PABLO

Filipos Neápolis Tesalónica Apolonia Berea

MACEDONIA

ASIA Corinto Cencrea

GALACIA

MISIA

Troas

Atenas

Efeso

Antioquía

PISIDIA

Iconio Listra Derbe

ACAYA

Tarso

A

CI CILI

SIRIA

CHIPRE

CRETA

Antioquía

Mar Mediterráneo

Cesarea

SEGUNDO VIAJE MISIONERO DE PABLO

El Nuevo Testamento en Tol de Honduras, 2da ed. ©2010, Wycliffe Bible Translators

JUDEA Jerusalem

795

Filipos Neápolis Tesalónica Apolonia Berea

MACEDONIA

GALACIA Asón

Troas Mitilene

FRIGIA

ASIA Corinto

Atenas Efeso Mileto

ACAYA

Tarso

IA

C CILI

Antioquía

CHIPRE

SIRIA

Pátara COS RODAS

CRETA

Mar Mediterráneo

Tiro Tolemaida

JUDEA

Cesarea

Jerusalem

TERCER VIAJE MISIONERO DE PABLO

Roma Puteoli

MACEDONIA

ITALIA

ASIA Regio

ACAYA Siracusa

Gnido Mira

CIL

ICI

A SIRIA

MALTA Fenice

CRETA Lasea

RODAS Salmón

CLAUDA

CHIPRE Sidón

Mar Mediterráneo Cesarea

Jerusalem

JUDEA VIAJE DE PABLO A ROMA

El Nuevo Testamento en Tol de Honduras, 2da ed. ©2010, Wycliffe Bible Translators

796

Jerusalem

Camino a Cesarea

en tiempos del Nuevo Testamento Murallas en tiempos de Jesús Murallas construidas por Agripa I Muralla actual

n co s las rta ral incie u M as h fec

Camino a Jericó

Cedrón

Estanque de Betesda Fortaleza Antonia

Camino a Jope

Puerta de

las ovejas

Getsemaní

Gólgota

Teatro

Estanque

V

Estanque de Siloé

al

Tumbas

Manantial de Gihón Camino a Betania

Canal subterráneo de Ezequías

a l

l

e

d Camino a Belén

e

H i n o m

Monte de los Olivos

Pórtico re

Calle de H erode s

Escaleras

Arroyo

o

los Corte de s gentile

lomón

Pórtico de Sa

Pórtic

Palacio de Herodes Antipas Palacio de Herodes

Puente

de

Templo

Estanque de la torre

Manantial de En-roguel Camino al Mar Muerto

El Nuevo Testamento en Tol de Honduras, 2da ed. ©2010, Wycliffe Bible Translators

797

El Templo en el tiempo de Jesucristo

Plano del Interior del Templo 4 5

1

El Lugar

El Lugar Santo

6

Santísimo

3 1. 2. 3. 4. 5. 6.

La Entrada

2

La Mesa y los Panes de la Proposición El Candelabro El Altar del Incienso El Velo El Arca del Pacto Los Querubines El Nuevo Testamento en Tol de Honduras, 2da ed. ©2010, Wycliffe Bible Translators

798

Tierra de Sidón

PALESTINA

Damasco

en el tiempo de NUESTRO SEÑOR

SIRIA

JESUCRISTO Tiro

O)

FE

NIC

IA

Cesarea de Filipo

NE

GALILEA

RÁ

Corazín Capernaum Caná

IT

ER

Magdala Tiberias

Betsaida Mar de Galilea

Gadara

(M

ED

Nazaret Naín

DECAPOLIS

R

GR

AN

SAMARIA

Siquem

MA

Sicar Pozo de Jacob

Río Jordán

DE

Cesarea

Jope Arimatea

JUDEA Jericó

Emaús Jerusalem

Betfagé Betania

Belén

Gaza

Mar Muerto

El Nuevo Testamento en Tol de Honduras, 2da ed. ©2010, Wycliffe Bible Translators

MALTA

El Nuevo Testamento en Tol de Honduras, 2da ed. ©2010, Wycliffe Bible Translators

Mapa para el estudio de LOS HECHOS Y LAS EPISTOLAS

4. El viaje de Pablo a Roma.

3. El tercer viaje misionero de Pablo.

2. El segundo viaje misionero de Pablo.

1. El primer viaje misionero de Pablo.

Siracusa

Regio

ITALIA

Puteoli

SICILIA

Roma

Fenice

Buenos Puertos

Lasea

CRETA

COS

Efeso

Esmirna

Asón

PATMOS

CHIO

Mitilene

Troas

Rodas

Gnido

Atalia

PISIDIA

Colosas

EGIPTO

Derbe

CHIPRE

Salamina

CILICIA

Pafos

Perge

Listra

Iconio

ARMENIA

SIRIA

Jerusalem

Cesarea

ARABIA

Jope

Antioquía Seleucia

Damasco Sidón Tiro Tolemaida

Tarso

CAPADOCIA

Gaza

GALACIA

PONTO

Antioquía

Alejandría

Pátara Mira

Laodicea Mileto

Sardis

Filadelfia

ASIA Pérgamo Tiatira

BITINIA

MAR NEGRO

LA MAR GRANDE (MEDITERRÁNEO)

ACAYA

Filipos

TRACIA

Neápolis Anfípolis Apolonia

Atenas Corinto

Nicópolis

MACEDONIA

Berea

Tesalónica

ILIRICO

DALMACIA

799