UKWISHIBA UBUSHIKU BOBE NE MBILA YA BUKO

1

Ukwishiba Ubushiku Bobe Ne Mbila Ya Buko ` Mwashibukeni, mwe fibusa. Twiminine ifi fine pa kashita fye. Lesa wa kutemwa, ilyo ifwe, mu bumi ubu ubwa lubilo no kwangu fyanya, ukukutumana pali ishi nshita ishinono atemwa insa, conse fintu cili, ico Imwe mutupele ifwe, ukupela amalumbo no bukata kuli Imwe, ku kushimikila Icebo Cenu, ku ku Mwishiba bwino, emulandu wine twalonganina muno lucelo. Twa Mutotela, mwe Lesa, pa mulandu wakutila pali abantu abali abaiteyanya kabili nabaiteyanya abene ku kwisa mukumfwa. Te mulandu ifintu efyo fili kabili nefyo inshita ili, kabili iyo tuleikalamo, bacili balicetekela. Kabili twa Mutotela pali bena. „ Mwe Lesa, tuletasha kuli Imwe pa maka Yenu ayakalamba aya kuposha, ama bulayo aya Cebo Cenu. Ifyo imitima yesu ikaba nga twaumfwa aya ama bunte! Ukucushiwa ukwa misango yonse iyaletwa pa bana baume ba muntu! Imwe, kabili inkumbu Shenu na maka, kabili no bulayo Bwenu, fya baposha. Kabili bali muno, ukupelo bunte, ukupela amalumbo kuli Lesa. Twa Mutotela pali ici. Kabili nomba lekeni ifwe, ilelo, tumfwe Imbila iyo Imwe mutupekanishishe iya ino nshita. Ilyo tulebelenga mu Cebo Cenu, shi Mwinga tupela ubulondoloshi bwa ico twalabelenga. Lekeni ubufwayo Bwenu bucitwe mu fintu fyonse, pantu twalombela ici mwi Shina lyakwa Yesu. Ameni. Kuti Mwaikala. … Lishuko ukuba muno luno lucelo. Ndi uwansansa sana pa mulandu wa imwe bonse. Kabili Munyina Woods, Munyina Roy Roberson, na bambi ba munyina abengi, naba bomba mu cishinka inshiku shibili ishafumako, ku kubika ifya mwela mu cikulwa cino pa mulandu wa ici, pantu pa Mulungu wa fumineko bali mwene ifyo mwaculile. Kabili balikwete ndalama ishinono mu cipao ca lukuta, kabili batendeke ukubomba no kucilenga ukubomba ku kulenga imwe mumfwe bwino, ne ndalama isho mwabikile mu musangulo, pakutila ilyo mwaikala, muleumfwa ku Mbila. Umwatalala sana lelo ukucila filya mwali lilya. Eico twatasha kuli Lesa, na kuli imwe mwe bantu, pali ili ishuko. † Ukutemwa^Munyina Roy Borders, acilafwaya kwati ekale kunuma kulya kunuma muno lucelo. Kabili nacimweba

2

ICEBO ICALANDWA

ukusenda icipuna cakwe no kwikala kuno lubali naba bakashimikila, lelo tacicitile. Nge fyo imwe bonse mwaishiba, Munyina Borders alatwimininako mwibala. Nintemwa sana ukukwata Munyina Borders muno, kabili naba kashimikila na bambi abengi ne fibusa. ‡ Mu mulungu onse ine-ine natendeke ukutontonkanya, no kutila, “Ilyo nkesaya kulya, pa Mulungu, ndi no kuya ishiba kashimikila onse, umuntu onse.” Lelo ilyo wafika kuno, wasendwa sana mu Mbila mpaka fye walabako na fyonse, mupepi, ifyo caciba no kuba. ˆ Nomba ningile na bwelelamo ku Arizona. Ningile ukubwelelamo pali Cimo iileisa, umulungu, ukubwelelamo ku Tucson, ukutwala abana kulya ku sukulu. Kabili ndi no kubwela panuma ya ico. Kabili no mukashi alingile ukuba kulya bwangu, ukutendeka uku^ ukulembesha abana, imilungu ibili ilyo isukulu talilatendeka. Kabili ine, elyo, ndi no kubwelela kuno pa kashita. ‰ Kabili nomba iyi ninshita yandi ya cuti. Nge fyo mwaishiba, ninshimikila ukufuma mu December; January, February, March, April, May, June, na July. Nomba, nga Lesa afwaya, kabili tebwite ubwaibela ubuli bonse, iyi e nshita iyo ine-ine-ine nkwata ukutusha kwandi, icuti candi. Ndaya mukulunga. Kabili ine^ Š Nomba nga cakutila Shikulu anjita ku cintu cimbi, ifyo fintu tafilipo pa cikope. Lesa lyonse alaba uwantanshi. Kabili ndefwaya Ena ukuba uwantanshi, kabili naimwe mulemufwaya Ena ukuba uwantanshi. Lelo nomba nga takuli ukwitwa ukuli konse, kabili neco caba ubufwayo Bwakwe, ico eco ndi no kucita nomba pa myeshi imo ilekonkapo, kuya mukulunga nomba, ukuyatusha ne mwine. Ine^ ‹ Tamwaishiba, icalo tacakatale ukwishiba, ifyo ine mpitamo. Mwamona? Kabili caba fye ukutitikishiwa. Te cakusunguka efyo Shikulu aebele abasambi Bakwe, ilyo Aleenda nabo, “Iseni kumbali mu matololo, tutushe pa kashita.” Mwamona? Ndeshiba ifingi, cila bushiku, kabili maka maka ilyo inshiku shandi shilefulilako pano pe sonde, mwamona. Ilyo ndekulilako, muleshiba ici. Muleumfwa kacema wesu alanda “ameni” kuli cilya, nao. Ena, ifwe, kuti twaishiba ukuti tatuli balumendo panuma ilyo twacila pa myaka yakufyalwa amakumi yasano. Nomba tulingile ukukwata inshita inono. ƒ‚ Tuletasha sana pa mabunte ayo twacumfwa fye. Umukashi wandi ali kulya kuli ba Muka Woods, mailo, ilyo abantu bamo baishile ukufuma kulya mu Alabama, ku ncende imo mukati mulya, kabili alelanda pa mulandu wa fintu ifikalamba Shikulu acitile muli kulya ukulongana, kwa bana banono

UKWISHIBA UBUSHIKU BOBE NE MBILA YA BUKO

3

abaundepwe, ne fintu ifyapusana pusana. Kabili eico ifintu ifingi sana, iyee, kuti casenda fye inshita iitali uku-ukuti cena cilandwe. ƒƒ Elyo naine ningile ukwibukisha ico^Ndecetekela bamo muli bena banjebele ukutila Nkashi Larson aba kuno pa nshiku shapa Mulungu shibili na kanya akanono. Teti njishibe, lelo ndecetekela batile cali mwi shikulu wakwe, nalimo, ku kupalwa, akafumishe ukufuma kulya ku Chicago. Namayo aliba uwa luse sana kuli ifwe, kabili tulemutasha. Kabili naleta umwana umunono ukufuma ku Chicago, ku kupalwa. Eico, nakwata inshita inono sana ku kukaleta, ndetontonkanya, ku kupalwa, lelo ali uwatemwa pali uyu mwana ku kupalwa kuli Shikulu. Eico nga cakuti Nkashi Larson enga, lintu ndelanda, nga kuti aleta fye ulya mwana kuli uyu mulimo wa kupalwa. ƒ„ Kabili elyo, nalimo, ilyo aleiteyanya, ine-ine ndefwaya ukusosa ukuti iyi e Mbila iyakosesha sana iyo natala ukwesha ukupekanya, mpaka mu nshita ya bushiku bwafumineko. Umulungu onse, kuti naingila mu mucipinda, ukwesha ukuba neka panuma yakulanda pa lamya ne fintu, ukwe-ukwesha ukusenda icintu cimo mu mano yandi ifya ino nshita. Kabili nga kuti naya, lne-ine tekuti ncite na^Amano yandi tamwali kantu. Kabili, mailo, naile mu muputule wa panshi. Natontonkenye ukuti nakukaba sana, eico naile pamuputule wa panshi, nalikele mulya. Kabili kuti naesha ukusenda Baibele yandi no kubelenga, kabili kuti naponena mutulo. Elyo naima no kusenda amenshi yakunwa, kabili no kwesha ukuipukunya ne mwine, no kuya panse no kwenda endako, no kwikala pa step. ƒ… Umuntu umo alepita kabili ansangile ukwabula ilaya, ninjikala pa step; kwali kaba sana. Bali nsokoneshe. Nshishibe nga bali sokoneshe^Umuntu umo, alingile ukuba umuntu umo muno mwine mu musumba, atemwa umuntu umo uwa mu lukuta, alinsokoneshe. Kabili ine-ine naletontonkanya, ine-ine cacitike fye nalolesha kuli motoka, yalipitile. Nalisokoneshe. ƒ† Munshita ya bushiku bwafumako naingile muli motoka kabili naile ndeshinguluka ukulungama ku Charlestown, ukwesha ukupoka icintu cimo. Shikulu, amoneke kwati, alefwaya ukunjeba icintu cimo, lelo ine^Satana aleesha ukwiminina mu nshila yandi, ukulenga ine ukukana cicita. Eico natontonkenye, “Cisuma, nga lecite co, nalatwalilila fye ukulalolela, ukulalolela fye, ukulauma pa cibi mpaka Esule.” Eico kanshi panshita fye inono yapitapo, atemwa fye nalimo panono panuma ya seveni koloko muno lucelo, nacibuka ulucelo sana. ƒ‡ Mailo, ukulwala panono, ukwesha^ Nalile amataba yamo aya shasuminishenye naine bwino bwino fye, pakuba

4

ICEBO ICALANDWA

ukwakaba sana, kabili ine-ine naleesha ukufuma kuli cilya. Kabili-kabili elyo muno lucelo, nalimo eiti koloko, nacesha ukubule Lembo ilya cimpapusha. Kabili nacilolekesha pali lilye Lembo na kabili, nakabili Lya cimpapusha kabili. Kabili naciya, uku ikonka ukupitila mu Malembo, kabili nacipwisha fye ama mineti ayanono ayapitapo. Eico limbi kuti Shikulu natukwatila Imbila, muno lucelo, iyo Satana aleesha ukukanya ku kupelwa kuli ifwe. Bushe kuti waleta umwaice kuno, Nkashi Larson? [Munyina Branham apala akanya. Tapali kantu pa tepu-Ka.] Lesa abe nabo no kubafwa. ƒˆ Nomba nali ndemusunga pa Mulungu uwafumako, inshiku shibili, kabili ndetontonkanya^atemwa, ukulongana kubili, ulucelo ne cungulo bushiku, kabili ici cilaba icakosa kuli imwe. Naumfwile ukuti cena^Imwe bambi mulingile mufuma ukutali sana, no kupuswako ku ncito mu kasuba kamo, kabili na fimbipo. Eico nga cakuti tukema pa Mulungu, pali Cimo, umulungu, ndi no kubilisha fye ukulongana kwa pa bushiku bwapa Mulungu uuleisa, Shikulu nga asumininsha, mwamona, kano ulukuta nga lulefwaya ukuti kutwalilile mpaka ubushiku. Mwamona, ico, cili ku^Muli abengi sana imwe! Nibanga abenga fwaya ukuti cibe munshita ya bushiku, katumone, tukwate ukulongana mu nshita ya bushiku? Nomba, abenga fwaya tukakwate pa Mulungu uuleisa, imyeni ukuboko kwenu naimwe? Iyee, ici capalamana sana. Oh! [Umo atila, “Fyakakana, munyina!”_Ka.] Watila shani? [“Uku kukwata imiku ibili.”] Uh! [Munyina Ben Bryant atila, “Kabili, lelo ubushiku, tukwate imiku ibili.”] Nomba, nomba, Ben! [Munyina Branham aseka.] ƒ‰ Ninkwata iyi Mbila, iitali, muno lucelo, lelo ine-nshishibe musango nshi^Kabili naliishiba ndafwilisha ukupanga amafunde ya lukuta, lelo mukati mulya, nga mwamona, natile, “Kano fye nga nde yambula.” Mwamona? Eico, uku kwambula. Uh-huh. Eico limbi tuli no kwesha ukusenda inshita shonse shibili, inshita ya bushiku ilelo kabili na pa bushiku bwa pa Mulungu uuleisa, elyo, tukacita nga Shikulu asuminisha, mwamona. Nomba, nga tamwapokelele imbila uno mulungu, ninshi mukese pa bushiku bwapa Mulungu uuleisa. ƒŠ Nalipata ukulenga imwe ukwisa imiku ibili nga filya, lelo ndeumfwa tatukwete lelo akashita akanono. Kabili mwi bukishe fye, nga inshita yakulaya fye, tatwa ka kwate ili shuko inshita iitali. Mwamona? Ibukisheni, icintu cimo cili no kucitika. Limbi ifunde lili no kutukanya, nangu Satana ali no kwisa pakati kenu no ku musalanganya. Lyonse cilaba muli iyi nshila. Mwamona? Icintu cimo cili no kucitika, eico katutotele pali mineti onse elyo tuli pamo.

UKWISHIBA UBUSHIKU BOBE NE MBILA YA BUKO

5

ƒ‹ Eico nomba kuli imwe mwebala bwelelamo ku mayanda yenu, lelo ubushiku, calaba kwati ni pa Mulungu wafumako mu bushiku, nakwete fye Imbila i-inono iipi. Kabili eico, imwe, nga muleifwaya pa tepu, cinshi, cine tuli no kumutumina tepu nga mwala bwelelamo ku ng’anda. Atemwa, iyoo, nalashimikila lelo ubushiku, nga Shikulu asuminisha. „‚ Nalikwata aka kalata mailo, atemwa_atemwa bulya bushiku bwafumineko, Imbila inono iyo nalembele ukufuma mukwibukisha icintu cimo, kabili cafuma ku kale. Pali Imbila shibili, nangu cibe. Cili umusango uwa pakati, imo pali ico ni, “Icishima icilesumya,” atemwa nangu “Ukubyala ku cipupu no kusombola kankungwe,” Imbila fye ya Mbila nsuma. Muno lucelo kusambilisha. Kabili eico, lelo mu bushiku, limbi nalalanda pali, “Ukubyala ku cipupu no kusombola kankungwe,” atemwa limbi, “Icishima icilesumya.” „ƒ Kabili, muno lucelo, ndefwaya ukubelenga ukufuma mu Malembo ya Mushilo nomba. Bushe muli bwino? Soseni, “Ameni” [Ulukuta lwatila “Ameni.”-Ka.] Cawama. Nomba ndefwaya imwe, mu ma Baibele yenu, mupilibule pamo na ine mwi Buku lyakwa Hosea, imwe mwe balekabila ukubelenga. Kabili natubelenge ama vesi ayanono ukufuma mu cipandwa ca 6 ce Buku lyakwa Hosea, kasesema. Kabili natwiminine. „„ Lesa wa kutemwa, tatwalinga ukusenda ili Buku mu maboko yesu, pantu tulabelenga mu Malembo ukuti tapali umuntu mu Mulu atemwa mwi sonde, atemwa pe samba lye sonde, uwali uwalinga atemwa unga enekela ukusende Buku, atemwa fye ukulolesha pali Lyena. Owe, kabili kulya kwaishile Umo uyo uwali ngo Mwana wa mpanga uwaipaiwe; Ali bulile Ibuku, pantu Ali uwalinga, kabili Akakatwile Ifikakatiko fyaiko. Kabili tulelolesha kuli Wene muno lucelo ukusokolola ubulondoloshi ubu ubwalembwamo mwi Buku, pantu li Buku lya kulubulwa. Bonse abo abalubulwa balilembwamo mulya. Lekeni tusange icifulo cesu, muno lucelo, mu nshita iyo tuleikalamo. Pantu twalombela ici mwi Shina Lyakwa Yesu. Ameni. Iseni nomba, kabili natubwelele kuli Shikulu: Pantu Wene nalepula, kabili akatuposha; nauma, kabili akatukaka. Panuma ya nshiku shibili akatupokelela: mu bushiku bwa citatu akatwimya, no kutuleka tube aba mweo ku cinso cakwe. Elyo tukeshiba, nga twa twalilila ukwishiba Shikulu: ukufuma kwakwe kwapekanishiwa ngo lucelo; kabili akesa kuli ifwe nge mfula, nge mfula ya ntanshi ne mfula yanuma iiloka pa calo.

6

ICEBO ICALANDWA

We Ephraim, ndecita nshi kuli iwe? We Yuda, ndecita nshi kuli iwe? Pantu uluse lwenu luli nge kumbi lya lucelo, kabili ngo mume wa lucelo uulukuta. Ni pali ici na bakomawila kuli ba kasesema; nabepayawila ku fyebo fya ku kanwa kandi: kabili ubupingushi bwenu bwaba ngo lubuuto lulebalika. Uluse ulo mbekelwamo, te lambo iyoo; na mano yakwa Lesa ukucila ifyakuninika. Lelo bena ngo muntu bapula mu cipingo: naba-naba cito bufi kuli ine. Gilead musumba wa ncita tubi, kabili wali kantaika no mulopa. Nge mpuka sha ba kabwalala ishilelolela umuntu, eico ibumba lya ba shimapepo lipaya mu nshila mu kusuminishanya: kabili^ bacita bucisenene. Namone cintu icabipisha mu ng’anda yakwa Israele: mulya mwacita bucilende kuli Ephraim, Israele na koweshiwa. Nobe, we Yuda, natuma ukusombola kuli iwe, ilyo nabweseshe bu nkole bwa bantu bandi. „… Shikulu Yesu, fumyeni muli Ici, ukupitila mu Mupashi Wenu uwa Mushilo, ubulondoloshi ubulefwaikwa, ilyo tucili tulelolela pali Imwe. Mwi Shina lyakwa Yesu. Ameni. „† Nomba, isambilisho lyandi muno lucelo ni: Ukwishiba Ubushiku Bobe Ne Mbila Ya Buko. Tulemona ukufuma mwi sambililo lya pa Mulungu wafumineko, nge fyo twasambilishe, Amalila Ya Mapenga. Kabili ndefwaya muposeko amano, nomba, inshita-inshita yakwa Israele mu ciputulwa ca nshita yakwa Lesa. „‡ Tulebombela ilelo pe sambilisho lye sukulu lya pa Mulungu, ilyo ndefwaya imwe ukwiluka no kwishiba inshita iyo tuleikalamo. Tuli mupepi fye no kufumamo, nge fyo tulemona. Elyo kabili, muli ici, mulingile ukwishiba insa ine kabili ne nshita, ne cishibilo ne Mbila iyo muli no kupokelela. „ˆ Nomba, nge fyo twatendeke pa Mulungu wa fumako^ Twalelanda pa kuya mu kushimikila pa Mapenga, Amapenga Cinelubali aya kulekelesha aya Baibele. Kabili ine, pa lwandi, natontonkenye yali no kwisuka fye nge Fikakatiko. Lelo nimona pali fyonse ifi ifyaiswike paba icintu ica kutinya icacitike. Kabili nge fyo twashimikile Inshita Sha Nkuta Cine lubali, kabili shali ishapwililika mpaka Umupashi wa Mushilo Umwine Aliishile pakati kesu no kucishininkisha, kabili ali cibikile pa mapepala ye lyashi, noku citwala ku nko shonse, kabili acilangile mu mweshi mu myulu, kabili alicishininkishe

UKWISHIBA UBUSHIKU BOBE NE MBILA YA BUKO

7

kuli ifwe, imilungu kabili ne myeshi ilyo tacilacitika, iyo e nshila fye cinga belamo, ukupwililika. Muno mu Tabernacle Ali cilengele ukwishibikwa. Pano pa^mu nshita, Ali cilengele ukwishibikwa. Pa mweshi kabili napa kasuba, Ali cilengele ukwishibikwa. Kabili mu fifulo fya nko pali ino nshita, Acilengele ukwishibikwa; ilyo cilolo wa ku Rome afumine kabili no kubwelelamo ku Palestine, cilemoneka ali ni papa uwa kubalilapo ukufuma akale (basoso kuti) Petro ali ni papa. Nomba, cali ica kutinya sana! „‰ Elyo, tulemona, ilyo Ifikakatiko Cinelubali ifya fishile inkama shonse. Ine ukwabula ukwishiba ico nalelenga pa cipampa, pa Nshita Sha Nkuta. Nshatala. Lesa alishiba. Ukupitila fye mu cimonwa, nali cilengele. Ukwabula ukwishiba ukuti Lesa, umwaka umo kabili ne myeshi mutanda iikakonkapo, ali no kucishininkisha mu lwelele, ukupitila mu mweshi, kabili no kucipela konse mu mapepala ye lyashi lya calo. Nshaishibe ico. Nshaishibe ukuti kwali no kuba ukufita fititi ukwa kupapusha mu mweshi, ku kwimininako ino Nshita ya Laodikia. „Š Nomba, pa mapepala ye lyashi, mulesanga fye inshita mutanda. Nipa mulandu ulukuta lwa Laodikia lwali ulwafita fititi. Kabili nga kuti mwamona ukupalanya kufya kumupashi, nge fyo Lesa acibikile mu mulu. Ilyo nacibikile pano pe sonde, nashilepo incende iinono, nge fyo mulemona, aka lubuuto fye akanono sana. Ico cali fye ilyo Abasalwa bene bali no kwitwa ukufuma pe sonde, umulandu na lulengele palya pa mulandu wa nshita yalenga cinelubali. Lelo ilyo Lesa acibikile mu myulu, cali fye icafita fititi, cilepilibula limbi ukuti uwa kulekelesha naitwa ukufuma muli ilya Nshita ya Laodikia. Tatwishibe. Kuti paba ukushimikila limbi palici. „‹ Nomba moneni na kabili, ilyo ifi-Ifikakatiko Cinelubali, ifyo nshakwetepo amano ukutila fyali muli ulya musango. Kuno ku Tabernacle Ali cilandilepo, kabili antumine ku Tucson, Arizona, ukumweba imwe bonse icali no kucitika. Kabili pali abaume abekele muno, ilelo, abaliko kulya ukucimona cacitwa, filya fine fye caebelwe kuno ukuti cali noku citika “Ba Malaika Cinelubali bali no kwisa.” Elyo amapepala ye lyashi yali lembele cilya, kabili na mabuku ye lyashi, mu nko yonse, “Ulubuuto ulwashinguluka Ulwakupapusha mu musango wa pyramid,” nga filya fine na cilengele muno no kumulangisha. Caliimine ukufuma apo balya ba Malaika baiminine, no kuya ama mailoshi amakumi yatatu pa mulu, kabili bali ba mailoshi amakumi yabili na cinelubali ukucilinganya; atemwa limbi ama mailoshi amakumi yabili na cine lubali pa mulu, kabili ama mailoshi amakumi yatatu mukucilinganya, nalaba ifyo cali. Kabili camoneke mu misumba yonse, pa mulu fye wa Tucson, Arizona, palya pene fye cacitikile, inshita imo ine.

8

ICEBO ICALANDWA

…‚ Mwamona, ba-Baibele, Lesa taba fye^Ici tacili fye umo muntu ukwesha uku-uku patikisha icintu cimo kuli imwe, lelo ukusokolola kuli imwe uku kumako kwine ukwa ku mupashi kwa ino nshita. …ƒ Elyo kabili, Imbila yakonkapo, iyo iyaiswile Ifikakatiko Cinelubali, ifyo ifyasokolwele shonse inkama ishafiswa muli Baibele, ama Sambilisho, kabili nafimbipo. Ayo, icalo cisansa ububi muli shino inshiku, Ukuisansa no kusosa ukutila Cilubo, ici, cilya. …„ Kuno ubushiku bumbi mu Arizona, ukuputaula ama tepu, ukwesha ukulenga ine ukulanda ifintu ifyo nshalandile. Mwibukishe fye icimonwa cape lyashi lya Arizona! Baibele yatila, “Nga caliweme sana kuli iwe nga walikwete icilibwe mu mukoshi obe.” Kabili icintu na cimbi, cakuti, “Uyo onse,” nangu abe kashimikila atemwa efyo engacita, “ali no kufumya Icebo cimo ukufuma kuli Cena, atemwa ukulunda icebo cimo kuli Cena!” Abantu ukubikako ubwilulo bwabo pa Cebo nge fyo Capelwa, ukwesha uku Cilenga ukusosa icintu cimo ico nshalandile, kabili, te Cebo candi; Cena Cebo Cakwe. “Nani uuli no kulundako, atemwa ukufumyako!” …… Kabili elyo, mu cimonwa, twalimona aba bakasesema ukuponena panshi, ngefyo nalondolwele kuli imwe, ndecetekela, pa nshiku sha pa Mulungu ishingi ishafumako. Conse efyo cili no kuba. Natile, “Talukeni ko fye kuli cena.’’ Ilyo lyonse ine ndecilwisha, ninshi Lesa tekuti acilwishe. Lelo tiyeni tuleke Ena acikwate. Ena Eka e Ucisunga. Mwamona? …† Nomba twalimona, pa Mulungu wafumako, kwaliko^ ukushimikila kwa inshiku sha malila. Kabili kwali amalila ya pentecost. Kabili pakati ka malila ya pentecost na malila ya mapenga, ilya yali ni nshita iyalepa itali; ukulingana pa nshiku amakumi yasano pakati ka pentecost kabili na malila ya mapenga. Kabili inshiku amakumi yasano, ninshi, pentecost cipilibula “amakumi yasano.” Cali umweshi wa ca kushinshika, atemwa ukuso-^ Ifisabo ifyantanshi ifya mukusombola fyaleletwa. Kabili tulecimona cali mu cipasho kunuma kulya, ne fisabo ifyantanshi ifyacifyalilwa, ukuiminina ifisabo ifyantanshi ifya Mupashi wa Mushilo uwali no kupongolwelwa pa bantu. Kabili tulesanga ukutila, kanshi, ukutila shilye nshiku amakumi yasano yapokelelwe na Bena fyalo, -ico, “Lesa aitile abantu ukufuma ku Bena fyalo abantu aba kwi Shina Lyakwe,” amalila ya pentecost. Kabili tucili tuleya ukupita muli ilye nshite iitali iya amalila ya pentecost. …‡ Nomba, ifyo cili, ukufuma pa nshiku amakumi yasano, kuti caba fye ukulingana amasabata cinelubali. Kabili ama sabata cine lubali yaimininako Inshita Shankuta Cinelubali,

UKWISHIBA UBUSHIKU BOBE NE MBILA YA BUKO

9

ishili no kwitwa mu nshita ya malila ya pentecost, ya Pentecost, ku kwita abantu ukufuma ku Bena fyalo ba kwi Shina Lyakwe. Nomba, pa mpela ya ama sabata cinelubali, ayo ayali, kwali no kuba Ubushiku ubwa Cakukonsolwela, ayo yali Mapenga Cinelubali. Kabili na Mapenga Cinelubali yali no kwita ubushiku ubwa kulosha, ukubwekela kwi Lambo, atemwa, ku Cakukonsolwela. Kabili tulesanga ukutila nomba, ukuti, Israel, Amapenga Cinelubali yakumine fye kuli Israel. …ˆ Kabili, nomba, cinshi Tandekele ine ukushimikila yalya Mapenga Cinelubali. Nali no waiteyanya ukucibilisha, kabili ne fikulwa fyali pekanishiwe kabili na conse icakwingilamo, ku kushimikila Amapenga Cinelubali. Kabili natile, “Kuli cimo icintu icilenshupa sana,” efyo nalandile. Twalitwalilile ukubomba, kabili Billy naifwe bonse, ukwesha ukupekanya fyonse pa cikulwa ica bamo ne fipupa umwela uwatalala, pali uyu mulungu uleeisa, palwa Mapenga Cinelubali; ukukwata inshiku ikumi limo, nangu inshiku cine konsekonse, twakwete icikulwa icikalamba ca pe sukulu. Lelo Mupashi wa Mushilo tandekele ine ukucicita, pa mulandu umo, kabili nalisungwike cinshi. Kabili ilyo naile mukupepa. Naebele umukashi wandi, “Ndeya mukwingila.” Kabili no bufuma cumi nalifukeme panshi ku cinso cakwa Lesa, mukupepa. Kabili Alinsokolwele ukuti yalya Mapenga Cinelubali yalilile mu Cikakatiko calenga Mutanda, kabili nali cishimikila, munshila ya kupapusha. Mwamona, kuboko kwakwa Lesa, icintu conse. Cakuma kuli Israel, kabili twalicisendele mu Cikakatiko calenga Mutanda; imwe bonse mwe bakwata cilya, ifyo ukucushiwa kwa ba Yuda. …‰ Inshita ya Bena fyalo yaba umu mu malila ya pentecost. Amapenga, mu^yonse yalilile mu Cikakatiko calenga Mutanda. Kabili twalicisendele pa bushiku bwa Mulungu wa fumineko, mu malila ya mapenga, nga cakutila imwe bonse mulefwaya ukucisenda. Cali no kucita shani? Ku kubutusha aba Yuda, ukufuma mu ncende shonse sha calo, ukubwelela mu mpanga ya mushi wabo. Cilingile caba mulya. Kabili ukwisula kwa Fikakatiko, mu Cikakatiko calenga Mutanda, kabili mu^ Amapenga Cinelubali yalilile muli- mu Cikakatiko calenga Mutanda. …Š Nomba, Imbila yakwa malaika uwalenga cinelubali ya kwisula inkama sha Fikakatiko, ukwita aba bomfi ba Mwina fyalo uwansa yalenga ikumi limo na imo ukupokelela amalipilo yamo yene ayo ababomfi ba nsa yantanshi bapokele. Mwamona? Nomba, Yesu alicisambilishe. Atile pali abantu abaile mukusombola. Bali bengishe ncito. Kabili ilyo babombele, ulucelo sana, bapokelele i-i-inshita, ikobili pa kasuba konse.

10

ICEBO ICALANDWA

Kabili elyo munshita yakasuba pakati, umuntu naumbi aliishile kabili aile mukubomba. Elyo kabili pa nsa yalenga ikumi limo na imo, e nsa yakulekelesha ya kasuba, ukutila umo alishilemo kabili apokelele amalipilo yamo yene ayo bapokele pa nsa ya ntanshi iya kasuba; nsa iyakulekelesha. …‹ Cili icapwililika sana, ifyo inkombe sha nsa-iyantanshi ne Cebo, ne Mbila nsuma, ne Cine, ba ishilemo pa Bushiku bwa Pentecost. Elyo kwaishileba inshita ya mfimfi iya bacilikishe bena. Elyo pakati ka kasuba, Luther, kabili na Wesley, kabili nabena, baishilemo. Kabili elyo kuli no kuba Imbila iya nshita ya cungulo bushiku, kabili no kupokelela icintu cimo cine ico bapokelele pakutendeka. Imbila ya nshita ya cungulo-bushiku ili no kubwekesha na kabili, ukuleta na kabili cilya cintu cimo cine na kabili. †‚ Kabili mwibukishe icimonwa ica mu mulungu uwafumineko, cilya lintu Nabwinga aishile mu kuba^ ukulangisha kwa cena. Kulya kwaishile Nabwinga umunono, umusuma, mu cimonwa. Kabili ine, ukwabula ukutontonkanyapo pali cena; naikele fye palya ukulalolekesha panse. Kabili kulya kwaishile Nabwinga. Naumfwile Ishiwi ku mbali yandi, lyatile, “Uku kumoneka kwakwa Nabwinga.” Kabili Aliishilepo. Nali Mumwene, umusango Abelelemo, umusuma nganshi, uwayemba, umwaice. Aleenda fye ulutampulo ngefyo Engacita, tekutampwisha; mulutampulo fye lwa u-umwanakashi, ifyo beenda bwino bwino, mu musango wakwa namayo. Uyo e musango Aleendelamo, ukulaisa ukwa kuso kwandi uku lubali, kabili Alifumine mu cinso candi. †ƒ Elyo Alimpilibwile ku lubali lwa ku kulyo, kabili Ali nangishe inkuta shonse ngefyo shaisa ukufuma mu nshita. Kabili, owe, yangu imisango bubi! Kabili no lwakulekelesha lwali ni ulu ulukuta lwanshita ya bushiku bwa kulekelesha, ulwatungulwilwe ne ndoshi. Kabili bafwele mu musango wabucilende nganshi, balemoneka abakowela sana! Kabili baletampula ku musango wa kuisunsha kabili na sinjonjo. Kabili balya banakashi baleiposa abena beka mu musango wa kuisunsha, no kwikatilila fye icipepala ceka, icafitulikila, muli bubumbi munda, ukup-^Ukufitulukila kwaba pakati ka ca buuta ne cafita, ico icaba umutundu uwakubeepa. icafitulukila tacaba icabuuta nangu icafita. Mutundu uwakubeepa. Kabili necipepala icalemoneka ica fitulukila, nabekatilila pa ntanshi yabo, ne fifunga ifyamalesi ifyapa ifyakushaninamo nabekatilila, pantanshi yabo, kabili balifye ubwamba ukufuma mumisana yabo ukuya pamulu. Kabili baletampula kuli^ atemwa ukukonka, atemwa ukuisunsha, kabili ukukonkanyapo fye na shilye nyimbo, ukulaenda fye^kabili atile, “lulya e lukuta.” †„ Kabili ilyo lwapitile pali ine, umutima wandi wale- fwaya ukutembauka. Natontonkenye, “Nga cakuti cilya ecileesha

UKWISHIBA UBUSHIKU BOBE NE MBILA YA BUKO

11

ukupelwa kuli Kristu, nga na Bwinga? Ukwesha konse na maka kabili ne fintu ifyo umuntu abikapo, ukwesha ukuleta na Bwinga wakwa Kristu; kabili uwa misango iibi, uwafiko, cileende umoneka uwakowela nga filya ukuba na Bwinga wakwa Kristu?” Cali ndwalike ku mutima wandi. †… Kabili ilyo alepita, panuma ena^ukwisa pantanshi apo twaiminine, alikatilile ipepala pantanshi yakwe, ukuisunsha, kabili no kushana, kabili ukulaenda umwine ulu lubali kabili elyo no ku lubali, ilyo aleya, nga masha yapya eyo bakwata aya shino nshiku, ukulaibomfya umwine mu micitile ya bulalelale ilyo aletampula ukulaya. †† Nshili no mulandu kuli ifi fintu. Kuti nalanda fye ifyo namwene. Kabili Lesa nga Kapingula wandi, lelo ulo lwali ulukuta ukufuma mu U.S.A. †‡ Nomba, ilya alepita mupepi, inuma yonse tayakwete icakufimbako nakalya. Kabili ilyo alepita mupepi, naumfwile ngo kutembauka kabili no kulwala. †ˆ Elyo Atile, “Na Bwinga alaisa amonekela nakabili.” Kabili kuno Na Bwinga alishile ku numa yakwe, na Bwinga umo wine uwapitile pa kutendeka. Elyo umutima wandi walitolweke ku nsansa, ukwishiba ukutila kukaba na Bwinga. Kabili Akapangwa ku cintu cimo cine, kabili nokufwikwa mu cintu cimo cine, nga filya uwali pa kutendeka. Alingile ukwitwa. Kabili ninjishiba ukuti cilya ca Cine. Nga ico tacili icishinka, ninshi icimonwa icili conse ico nakwetepo kunuma cali icalubana. Kabili uuli onse alishiba, ukuti, tapaba nangu cimo ico Atweba lelo ico icali Icine. Caishile fikilishiwa, fye^ †‰ Kabili kuti mwamona, nomba, ukukowela ukwa lukuta lwa shino nshiku, ukuiita umwine “ulukuta”? †Š Nge fyo umo alandile ubushiku bumbi; Munyina Ruddell, munyina wandi umusuma, uwiminine ku cibumba kulya lubali nomba. Ukuti, alicimwene nga akasumi pa mwangashi. Kabili twale cilandapo mu muputule ubushiku bumbi. Kabili Munyina Ruddell alicushiwe pa mibele ya nshita kabili na-na kabili no kumfwa ukwa mupashi ku nkuta ilelo, ifyo watendeka ukuwa panshi. Bakashimikila ukwisa ukufuma mu ncende shonse, kabili ukulanshanya ku ncende kuno, ukulaipusha, “Cinshi cacitika, Munyina Branham? Cinshi cacitika?” Owe, iyee! †‹ Munyina Ruddell alinjipwishe ilipusho, “Bushe bekala ukufuma ku mupashi wakwa Satana, atemwa cinshi?” ‡‚ Natile, “Awe, akasumi kekala ukufuma mu maka ya mwangashi.” Kalaba no mweo pantu, icisabo ca citalashi i-indimu lili no kumena mu cimuti ca mucungwa; lelo talyakatwale ama cungwa, nangu likalila ukupitila mu bumi bwa ciko.

12

ICEBO ICALANDWA

Kabili ulukuta, ulwitwa fye, lwaba fye kasumi akaku fyantikamo fye, ukwikalila pe shina lya bukapepa, pe shina lya lukuta. Katolika kabili na Protestant, utusumi fye, ukutinta kwi^ukufuma ku maka ya Mwangashi; kabili nelyo line ukutwala icisabo ico bena baba, pantu bena tabapilibwilwe. Tabalimo mu ntendekelo, amapange yakwa Lesa ayalingilwe kabela, e mulandu wine balingile ukukana Icebo no kutwala ifisabo ifya musango umbi. Icimuti ica cine cine, mu mushila wa ciko, calilingilwe kabela ku kuleta amacungwa ku cimuti ca macungwa. Yesu atile, “Nine Mwangashi; imwe muli misambo.” ‡ƒ Lelo nga cilya icimuti cikamensha na umbi umusambo, cikatwala icisabo cakwe ica ntendekelo. Kabili kulingile kwaba ukubwekeshapo ukwa ifi fintu fyonse, mpaka fye ku mpela ya Mwangashi. Kulingile kwaba, ukwisako, ukubwekeshapo, Ulubuuto lwa nshita ya cungulo bushiku kuku Lwasha kabili no Kwilungamika. Lelo cikafumina mu Mwangashi, te mu cilonganino ica fyantikwa muli Cena; lelo ukuletwa ukwa ntendekelo ukwa Cebo. Cili no kwisa pa nshita ya cungulo bushiku. “Kabili kukaba Ulubuuto mu nshita ya cungulo bushiku.” Cisenda Ulubuuto uku Cilenga ukupya. ‡„ Moneni ifyo Amalembo yaba ayapwililika! “Ubushiku ubushaketwe akasuba nangu inshita ya bushiku.” Icisabo teti cipye kano akasuba kacipisha. Te mulandu umusango wingashimikila, icili conse wingesha ukucita, tekuti cipye, teti cilangishiwe, teti cishininkishiwe; kano fye ukupitila muli Wene Uwatile, “Nine Lubuuto lwa calo,” Icebo. Eico kulingile kwaisako a-a-a Amaka, Umupashi wa Mushilo Umwine, ukupisha, atemwa ukusuminisha, atemwa ukushininkisha, atemwa ukucilenga cilangishiwe cilya ico Alandile kabela icali no kucitika muli buno bushiku. Ulubuuto lwa cungulo bushiku luleta cilya. Kwena ni nshita! ‡… Nabwinga apitile mu cifulo cimo cine muntu Ali ifyo Ali pa kutendeka. Lelo nalemumona ena ukufuma mu lutampulo, kabili ukwesha ukumutintilamo. Nomba, ifingi kuti fyalandwa pali ifi fintu, pa fya bushiku tuleikalamo. ‡† Nomba, Hosea atile, mu 6:1, “Bwekeleni kuli Shikulu.” Ibukisheni, atile ukuti bali no kusalanganishiwa, kabili efyo bali. Atile, “Bali no kubwelela kuli Shikulu, panuma ilyo basalanganishiwa, kabili Ena ali noku, ali no kubakaka.” Moneni, “Bwekeleni^No kusalanganishiwa; ica cibili^ Balilepwilwe, kabili bali pofushiwe.” Ifyo fine fye efyo cacitike. “Ali no kutuposha, kabili no kutukaka.” Nga filya Esekiele 37, “Amafupa ayauma, umupokapoka umwaisula amafupa ayauma.” Esekiele alimwene, ukubwekela kwabo na kabili.

UKWISHIBA UBUSHIKU BOBE NE MBILA YA BUKO

13

Elyo moneni, Hosea atile, “Panuma ya nshiku shibili! Panuma ya nshiku shibili Ali no kubwekela kuli bena. Ali no kutupokelela no kutupela, no kutupuputula.” Nomba, ukupuputula tacilepilibula “ukubuka ku bafwa.” Ukupuputula, palya, lishiwi limo line ilibomfiwa ukuli konse, nacilifwaya fye, lipilibula, “ukupuputulwa.” “Aka tupuputula panuma ya nshiku shibili.” Ico kuti caba, “Mu bushiku bwa citatu Akatupuputula na kabili, panuma Atusalanganye, no kutupofwisha, kabili no kutulepula.” ‡‡ Namwishiba, aba Yuda bali pofushiwe pa mualndu wine uwa kutila tulemona. Balilepwilwe, kabili no kusalanganishiwa, nge nko, kabili balikene Messiah wabo; pakuti tupokelele Messiah, pa kutila kwingaba abantu abaitwa ukufuma ku Benafyalo pa mulandu wakwi Shina Lyakwe. ‡ˆ Nomba, umwaume aisa moneka, kabili no mwanakashi alasenda ishina lyakwe. Aba Benafyalo abapofushiwa abashingamona lilye Shina, “Shikulu Yesu Kristu,” mu lubatisho! Cintu fye icabipa sana, lelo cilingile ukuba muli ulya wine musango. Aba Yuda, bali no ku-tabali no kumona cilya. Kwaba fye umo uwinga cimona; uyo ni ulya uwa lingilwa libela ukucimona. Nga teifyo, tawakatale ukucimona. Aba Yuda balifililwe ukumona ulya Messiah wabo. Kabili, nelyo line, bali ba kasambilila na basoma pa fya bu Lesa, abaume aba masambililo ya pa mulu, balebelenga Baibele imo ine iyo mubelenga. Nomba, panuma caishibikwa kuli ifwe, kuti twacimona palwalala, ulya ali ni Messiah. Lelo, bena balifililwe ukucimona, nangu ilelo tekuti bacimone. Bali sesemenwe ukuba abapofushiwa, nabo. ‡‰ Ulukuta, ilelo, lwalisesemwa ukuba ulwapofula, ukukana Imbila ya nshita ya cungulo bushiku. Ukusokolola 3 efyo yalanda, “Uli inkumba bulili, umulanda,” moneni imibele yakwa nabwinga ilye nshita ya bushiku, atemwa ulukuta, “ubwamba, impofu, kabili tacishiba.” Shikulu Yesu, tubeleleni uluse! Baibele itila ali “ubwamba.” Nshatala ncimona mpaka fye nomba. Ulukuta lwa Laodikia lwali ubwamba. Kabili ilyo amonekele ilye nshita ya bushiku, ali “ubwamba”, nshatalile ncimona, “kabili tacishibe.” ‡Š Owe, ifyo ndetasha! Musango nshi, e mulandu wine tuli aba kutasha nganshi! Ndeumfwa ukuti tatutasha nganshi pa fintu ifyo Lesa alelenga ifwe twishibe. ‡‹ “Ubwamba.” Kabili ne fimonwa fyatile, ali nangishe ine ukuti ali ubwamba kabili tacishibe, kabili “alipofushiwe.” Nge fyo Israel ali uwapofushiwa pa kutila Abenafyalo bengesamo, nomba Abenafyalo naba poshiwa pa kutila Nabwinga enga fumishiwamo kabili Israel kuti apokelela amalila ya Mapenga. Icapwililika fye!

14

ICEBO ICALANDWA

ˆ‚ “Panuma ya nshiku shibili Ali no kutupuputula, atemwa ukutupela ukupuputulwa, ukutuleta capamo, aba Yuda,” ukulanda pali aya Mapenga nomba. Kabili Ena aka^”Kabili tukekala mu cinso Cakwe, atemwa ukukwata Umweo wa Muyayaya. Mwamona, tuli no kuba mu cinso Cakwe.” Baibele yatile muno muli Hosea, yatile, “Kabili tukekala mu cinso Cakwe; Umweo, ukukwata Umweo mu cinso Cakwe.” Uyu e Mweo Wakwe, Umweo wa Muyayaya, “ukukwata Umweo mu cinso Cakwe.” “Umwanakashi uwikala mu mangalo alifwa ilyo acili no mweo.” Eico ifwe^ukulaiwa ukuti Israel na kabili ali no kuba no Mweo mu cinso Cakwe. Aliba uwafwa, ku fishinka, kabili na ku malila ya pentecoct. ˆƒ Nomba moneni, bwino bwino. “Elyo panuma ya nshiku shibili.” Nomba, ico tacipilibula inshiku shibili isha nsa amakumi yabili na yane, pantu paliba^Cilya cacitike kulya kunuma akale, imyaka imyanda iingi yapitapo. Mwamona? Capilibwile, “inshiku shibili kuli Shikulu,” panuma ya myaka amakana yabili. Nomba, namwishiba ifyo palepa ukufuma ilya nshita? Paba imyaka amakana yabili ne myanda cine lubali ukufuma ilya nshita, pantu muli Hosea muno nimu B.C. 780. 1964, mwamona, caba icintu cimo ukucila imyaka amakana yabili ne myanda cine lubali iyapitapo. Atile, “Panuma ya nshiku shibili, mu bushiku bwa citatu, Akatupuputula na kabili, no kutupela Umweo mu cinso Cakwe.” Ayo Amapenga yenu yaleisamo. Iyi enshita tuleikalamo, ubushiku ubo tuleikalamo. ˆ„ Nomba, bali salanganishiwa, ukupofushiwa, ukukolonganikwa, kabili baba muli bulya bwine ubushiku bwa citatu. Mulecimona? Bali salanganishiwe, ukufuma ku Palestine, mu calo conse. Balipofushiwe, ku kukana Messiah. Kabili nomba bali bakolonganya mu mpanga yabo, abaiteyanya ku Mapenga, ku kwishiba Icakukonsolwela. Ngefyo Baibele yatila, “Ilyo baka Cipokelela, kabili noku Musanga ne fibala fya misomali,” panuma Ulukuta nga lwasendwa, “kabili batile, ‘Nikwisa uko Wafumishe ifi fibala fyobe?’ Atile, ‘Mung’anda ya fibusa Fyandi.’” Kabili Atile, “Bakapatukana, ulupwa no lupwa, kabili bakalila imisowa no kulila, pa nshiku, ngo lupwa ulwalufishe umwana wabo umwaume eka.” Ibukisheni, yalya malila ya Mapenga yali no kucita filya. “Ukulila, ukulosha pe Lambo lyaipaiwe,” kabili bali Likene. ˆ… Bali mu mpanga yabo. Bali basalangenye, ukupofushiwa, kabili nomba nabakolonganikwa. Kabili ici conse cali mulya mu Cikakatiko calenga Mutanda, Amapenga yabo Cinelubali^ yalilile ukubakolonganya capamo, Ipenga lyalenga Mutanda. Ilyalenga Cinelubali ni “Lilya Ipenga

UKWISHIBA UBUSHIKU BOBE NE MBILA YA BUKO

15

Likalamba,” ngefyo twakwete pa Mulungu uwafumineko. Ipenga lyalenga Mutanda lyalilile mukati ka Cikakatiko calenga Mutanda. Kwati fye Cikakatiko cesu icalenga Mutanda caiswilwe, fyonse fye panshita imo ine; epela, ifyabo fyalilile pa muku umo; kwisa, twaba imyaka amakana yabili mu malila ya Pentecost. ˆ† Nomba, imyaka amakanayabili ne myanda cine lubali ukufuma ilya nshita. Atile, “Mu bushiku bwa citatu, tukakolonganikwa na kabili. Panuma ya nshiku shibili, na mu bushiku bwa citatu, bakakolonganikwa na kabili, kabili nokupokelela Umweo mu cinso cakwe.” Bushe mulemona ubulayo? Inshita ukulembwa mukupwililika bwino bwino pa cibumba. Natumona apo tuleikala. ˆ‡ Nomba mu mpanga yabo, ukulolela pa malila ya Mapenga, atemwa ukwishiba ukwa Cakukonsolwela, kabili no kulolela Ukwisa, ukulosha amalilo pa kukana kwabo pa nshita yantanshi ilyo bena ba Cikene. Bali mu mpanga yabo pa mulandu wa cilya, ukulolela. Finshi ifyo bonse bale^Fyonse fye fili ifyabikwa pa fifulo fyafiko. ˆˆ Nga kashimikila wa Mbila nsuma, nshilemonapo nangu cimo icileshala lelo ukuya kwakwa Nabwinga. Kabili Nabwinga alingile ukusendwa ilyo tabalati bamone icacitike. Balikakilwe, ukubasalanganya^ Ndepilibula, balisalanganishiwe, ukupofushiwa, kabili nomba nabakolonganikwa. Cinshi icishele? Nabwinga ukufumishiwa mu nshila. Ukulolela ukuya kwakwa Nabwinga, pakutila bakasesema wabo bamu Kusokolola 11 benga beta ku malila yafya Mapenga, ukubalenga ukwishiba ico bacita. ˆ‰ Ibukisheni, palya pene pakati ka Fikakatiko filya, paliishile Icikakatiko icalenga Mutanda. Kabili palya pali aba makana umwanda umo na amakana amakumi yane na makana yane, abasalwa kabili no kwitwa. Kabili pakati ke Penga lyalenga Mutanda na Cinelubali, Ukusokolola 11 kulemonekela palya pene ukuli-ngana fye ne Cikakatiko icalenga Mutanda. ˆŠ Ukucitenshi? Cali no kucitanshi? Kabili ici cali no kuleta shilye nte shibili, Mose elyo na Eliya, bakasesema. Icaba, aba Yuda batetekela fye bakasesema wabo. Kabili bali no kwisa monekela ne cishibilo caba kasesema, kabili ne milimo yabo ikesaba ilya iya kwa kasesema, pantu bacitile filya fine fye. Ukulangisha icintu cimo, ukuti, umuntu, ilyo wafwa nangu icili conse, ilyo wafuma muno mu calo, icifyalilwa cobe tacipilibuka. Nga uli wabufi nomba, ukaba uwabufi kulya. Ngoli wa cipyu icabipa pano, ukaba ne cipyu icabipa kulya. Nga waba katwishika pano, kuti waba katwishika kulya. Abaume na banakashi, ninshita yakuipukunya kabili ukuicencenta mwebene, no kumona apo twaiminina, pantu imfwa taicipilibula.

16

ICEBO ICALANDWA

ˆ‹ Bena baliile pa myaka amakana yabili. Mose nalimo pa myaka amakana yabili ne myanda isano, kabili Eliya ukufuma lilya ne^ Mupepi ne myaka amakana yabili ne; myanda isano apo Eliya aila, Mose ninshi aliya, kabili pano balebwelela ne cifyalilwa cimo cine kabili balecita ifintu fimo fine. Imfwa taicita nangu kamo ku muntu lelo ipilibula fye ubwikashi bwakwe. Taipilibula icifyalilwa cobe. Taipilibula icitetekelo cobe. Taipilibula nangu cimo muli iwe kano fye incende yobe yakwikalamo. ‰‚ Eico, icifyalilwa cenu camusango shani muno lucelo! Nga uuli katwishika wa Cebo Cakwa Lesa, ukaba uwa kutwishika ulubali lwakulya. Nshilesakamana ifyo waba uwa mushilo, ifyo wikala, kabili ifyo wikala bwino, tekuti cikupilibule nangu panono kukufwa, kano fye incende yobe iyakwikalako. Kabili nga tekuti upokelele Icebo conse icakwa Lesa umusango Calembelwamo, teti uci cite Kulya; eico, wisakamana, tawakabeko kulya. Ulingile uku Cipokelela mu buntuntulu bwa Ciko, mu maka aya kushininkisha kwa Ciko kabili no kusokolola ifyo Caba, elyo ulaba iciputulwa Caciko. Cebo fye Cakwe Ceka ico Akabusha, nge fyo Acitile Icebo Cakwe pa bushiku ubwakutendeke Ubwa ntanshi ubwa kubuka. Icebo fye Cakwe Ceka ecafumine, kabili aba abafwile mu Cebo Cakwe, ukucetekela Icebo Cakwe kabili no kushininkishe Icebo Cakwe. ‰ƒ Moneni, nomba, ico cali imyaka amakana yabili ne myanda cinelubali yafumako. Moneni, bali salanganishiwe, bali pofushiwe, kabili nomba naba kolonganikwa. Nomba, icintu icilekonkapo cakutila bali no kupokelela Umweo. [Munyina Branham akonkosha pali pulpit-Ka.] ‰„ Kabili Abena fyalo na betwa. Nabwinga naiteyanya. Ukwilulwa nakupalama. Bushe kuti twailuka ico? Bushe kuti mucine twacetekela ico? Bushe lyashi lyo balanda? Bushe kashimi, kuli ifwe? Bushe cintu cimo icumfwika ukuba icintuntulu? Bushe cintu cimo ico ifwe, kunse, kuti twacetekela? Atemwa, bushe cintu cimo icaba muli ifwe, icaba iciputulwa caifwe, ukuti cacila ubumi kuli ifwe? Bushe mibelenshi tubelelemo, muno lucelo, muno mu Tabernacle? Ibukisheni, cikaba umukuni unono uka Cipokelela. ‰… Nomba mu mpanga yabo, ukulolela Amapenga. Nomba ukulolela ukuya kwakwa Nabwinga umunono, pakutila Ukusokolola 11 kwinga fikilishiwa. Inkulo ya lukuta naipwa; Ifikakatiko nafiisulwa, filya fyalishininkishe ifyo bashiile mulya munshita ya lukuta, kabili ne Mbila naipelwa. Israel namonekela, hallelujah, ukuiteyanya ku malila ya Mapenga. ‰† Owe, imwe mwe bantu mu mpanga shimbi uko muli no kumfwa uyu tepu, teti ubuke, munyinane? Atemwa, bushe Cilemupofwisha? Bushe kuti wa ciposa no kuciita ubusesemo

UKWISHIBA UBUSHIKU BOBE NE MBILA YA BUKO

17

bwa bufi? Lintu, Cashininkishiwa pa cinso cenu fye, ne calo, ne nshita, na bantu, kabili na Mupashi wa Mushilo Uwa Cilembele. Calishininkishiwa, konse mucifyalilwa, mu mupashi, mufyakupanga. Fyonse fye ifyo Alandile na fifikilishiwa kabili ukushininkishiwa. ‰‡ Israel mu mpanga yakwe; bali batwele mulya, bali bacemene mulya, nge mpaanga. Imimbulu yali mukonkele kabili no kubabutusha nakabili mu kucingililwa, ku mpanga yabo abene. Ibukisheni, Israel balimulaya fye ukupalwa ilyo lyonse ali mu mpanga yakwe. Lesa tatalile ukupala Israel kunse yailye mpanga. Abraham afumine kunse ya mpanga, ali ebawilwe. Onse ufuma mu mpanga alebaulwa. Lesa kuti apala fye Israel lintu ali mu mpanga yakwe, kabili ali mulya nomba nge nko. Kabili Ulukuta nalwitwa; alelolela fye Ukwilulwa, kwakwa Nabwinga uwa fumishiwa. ‰ˆ Ifikakatiko nafisulwa. Nafisokololwa kuli ifwe. Natumona ifyo bashilemo. Imwe mwe balefwaya ukulanshanya kabili no kutalikishanya palwa ulubuto lwa cisoka, kabili no lubatisho lwa mu menshi, kabili nafimbipo, mwalipofushiwa kabili tamwa cishiba. Umulungu wa cino calo na umupofwisha, kuli Cena, kabili tamwa cishiba. Emulandu nacikwatila inshita ya musango ulya muno lucelo, ukulwisha muli filya ifya kutitikisha! ‰‰ Eico bakasesema babo kuti basokololwa muli buno bushiku bwa kulekelesha; teti cicitwe, ku Mapenga, ku malila ya Mapenga. ‰Š Atile, ukupitila muli Hosea, “Nakomaula”, Nomba moneni, Israel Alelandako. “Nakomaula”, atemwa mu mashiwi yambi, “Nabakomaula, ukubakomawila kunse, ukupitila muli bakasesema.” Ifi efyo Lesa acita abantu Bakwe. Ali bakomawile kunse ukufuma mu nko shonse. Nenshi? Nolupanga Lwakwe ulwatwa-kubili, Icebo Cakwe. Ali bakomawile, inko Yakwe, ukufuma mu nko. Akomawile inko Yakwe ukufuma mu nko, ukupitila muli bakasesema, Icebo Cakwe icashininkishiwa. Eico Nalepula Nabwinga wakwe ukufuma mu filonganino, ne Cebo Cakwe; icalaiwe na Malakai 4, mu bushiku bwakulekelesha. Alikomawileko Nabwinga Wakwe, uku Mukomaula ukufuma ku nkuta shonse! Ukukomaula Nabwinga Wakwe! ‰‹ Alikomawile, bakasesema Bakwe; ukupitila, naba kasesema Bakwe, ne Cebo ukukomaula Israel. “Uipatule weka ukufuma kuli bonse abashala.” Moneni ilyo balefwaya ukucita nga bonse abashala. Baishile kuli kasesema, Samuel. Atile, “Bushe nalitala ukubula indalama shenu? Bushe nalitala ukulanda kuli imwe mucili conse, mwi Shina lyakwa Shikulu, lelo cinshi icacitike?”

18

ICEBO ICALANDWA

Batile, “Awe, ico, ico cishinka, lelo tucili tulefwaya imfumu.” Š‚ Iyi enshila inkuta shacita. “Owe, twalicetekela Icebo. Cilifye bwino, lelo, namwishiba, basosa ukutila tulingile ukucita ici.” Nshilesakamana ifyo balesosa. Icebo calilungama! Ukulolela. Ali bakomaula, ukupitila muli bakasesema. Šƒ Ninshita nshi, munyina? Ninshita nshi, kashimikila? Bushe ulemona inshita ya bushiku, kabili ne cishibilo uleikalilapo? Bushe kuti wacumfwa? Bushe ulecimona? Š„ Ukuli konse nomba, takuli ukupuputulwa. Uuli onse aleilishanya, bakashimikila balelila. Nalebelenga imo iya-amapepala ye lyashi aya lumbukwa ayo ayesa kuno ku lukuta, ipepala ye lyashi ilisuma nganshi. Kabili nalimwishiba kalemba, kabili nalibeshiba aba bantu. Kabili bantu aba bulesa, abasuma nganshi, Munyina kabili na Nkashi Moore, aba Ukubilisha Kwa Kwisa Kwakwe. Ipepala imo ilyawamisha mwibala, Ukubilisha Kwa Kwisa Kwakwe. Lelo bena tekuti balembe cimo kano fye palwa, “Ukuleka ukulya, ukupepa! Ukuleka ukulya, ukupepa! Lisheni penga! Sendeni^” Nibanga abalibelenga? Namwishiba. Mulaimona inshita yonse, “Ukuleka ukulya, ukupepa! Ukuleka ukulya, ukupepa!” Efyo mumfwa fye. “Ukuleka ukulya, ukupepa! Tuli no kukwata ukubalika uku kalamba ukwa bushiku! Kuli icintu icikalamba icili no kucitika! Imwe bonse, pepeni, pepeni, pepeni! Tatucelelwe sana nakalya!” Š… Cinshi bacitila ico? Cinshi bacitila ico? Balefwaya ukushibuka ukukalamba. Balelila, ukucetekela ukuti kuli no kubako ukushibuka ukukalamba. Bena bantu abasuma. Cinshi cabela ifi? Cinshi ico bacita? Tabeshibe ukushibuka kwakwa Nabwinga. Mwamona? Pakuba umwina Kristu, balomfwa ukutintwa kwa inshita lelo tabeshibe ico icacitwa. Cilya ecilebalenga ukumfwa muli ulya musango. Nabeshiba icintu cimo cilingile ukucitika, lelo, mwamona, balecifwaya muli ilya nshila kuntanshi, ukuleisa, lintu cacitika kale pantanshi yenu pene. Š† E cintu cimo cine bacitile mu nshiku shakale. Balecetekela muli Messiah uwaleisa. Balicetekele ukuti kwali no kwisa uwa kutangilila. Lelo cali fye pali bene, kabili tabacilwike. Tabacishibe. Balicetekele ukutila kwali no kwisa katangilila uwali no kutangilila Messiah, kabili bali muputwileko umutwe wakwe. Kabili bali peye Messiah wabo, pantu cali sesemwe ukuti bali no kupofushiwa. Hosea efyo alandile. Š‡ Kabili no Mupashi umo wine, uwalandile ukupitila muli Hosea, walandile ukupitila muli Yohane kabili watile ulukuta muli shino inshiku shakulekelesha lwali no kuba “ubwamba no kupofula, kabili bali noku Mubika kunse ya lukuta.” Balifililwe ukumona yalya ama busesemo ukufikilishiwa. Lelo,

UKWISHIBA UBUSHIKU BOBE NE MBILA YA BUKO

19

pakuba mulya, baleiluka ukuti icintu cimo cilingile ukucitika. Tabacumfwa fye. Teti baciluke. Cimo cine nga aba Yuda munshita ishakale; Laodikia uwapofushiwa; ifyuma, amasambililo ya bu kapepa, ubulwani no lukuta, ubulwani ku Mbila. Moneni ifyo balya aba Yuda bali ubulwani na Yohane. Moneni ifyo bali ubulwani na Yesu, ilyo Ali ulya Wine uo basosele ukuti balefwaya. [Icibombelo cakulandilamo cilepela iciunda icatikama-Ka.] Ndecetekela natoca ka fuse. Ndemona cilya ca shimya ne filimba fya kwambwilako, nafyo. Tacicitile. Cilifye bwino. Šˆ

Bali abalwani ku Mbila.

Icicitika, kwenda ukukalamba; umo umo muli imwe bonse mwaba icilundwa cakukafya. Tapali inshila iyakusungilapo ulukuta mu musango uwapwililika muli isho, muli isho nshita. Pantu, mwamona, umo umo muli imwe mwaba 98 BTU’s, efyo caba. Kabili imwe tamwikala fye apo ifyo fine; lyonse mulafumya icikabilila. Muli umwela uwalinga muno nomba ukutalalisha sana ino ncende. Lelo, ne cilundwa cakuleta ukukaba ukubapo, imwe-imwe teti mucicite. Š‰ Moneni, ubulwani! Lelo, nomba, kwati aba Yuda abakale, abapofushiwa! Baba mu Laodikia. Bali “ubwamba, abalanda, abankumbabulili, kabili tabacishiba.” Ubushiku bwa fyuma, amasambilisho ayakalamba ayafya bulesa, amasambililo ayakalamba, kabili nomba basanguka abalwani ku Mbila. Tabafwaya ukucitapo nangu cimo kuli Yene, ngefyo cali ku numa mu nshiku ilyo Yesu waku Nazareti ali pe sonde. ŠŠ Umulandu abantu, mu bushiku bwakwa Noah, tabaingile mu cibwato, pantu tabatalile ukwishiba imbila nangu inkombe. Uyo e mulandu wine baonaikile, ni pa mulandu tabaishibe inshita iyo baleikalamo. Tabaishibe ukuti Lesa ali no kubomba pa lubembu nge fyo Alaile Ukucita. “Ali nokonaula umuntu, ukufuma pa cinso ce sonde.” Aliciseseme. Aloseshe filya fine. Kabili Alecicita nelelo nga filya fine acitile nalilya. Š‹ Lelo abantu, mucifulo cakuti babe aba lubali lumo na Noah, ba mumwene ukuba uwafulungana. Tabamucetekele ukuba kasesema. Namwishiba, Yesu, Ena Umwine Eka, alitwebele ifyo basekele mu nshiku shakwa Noah, ukumusenteka, ukumwita iciwelele na fimbipo. Lelo tabaishibe inshita yabo. Tabaishibe ubushiku. Tabaishibe icishibilo. Tabaishibe imbila. Tabaishibe inkombe, lelo balimutamfishe pakati kabo no ku museka. Yesu atile, “Nge fyo cali mu nshiku shakwa Noah!” ‹‚ Na Israel mu mpanga yakwe, kabili na fyonse nafiteyanishiwa nomba, kabili ne Mbila ileeisamo fye iya pwililika, bushiku nshi tuleikalamo, munyina? Tuli pesa?

20

ICEBO ICALANDWA

‹ƒ Tabaishibe ubushiku. Tabaishibe. E mulandu wine bacipanishe, nipa mulandu wakuti tabacishibe. Bali kwati mu bushiku, ukupalana sana kwati abantu ilelo, ukupofushiwa ne fishininkisho ifya science, ne micitile ya masambililo, na ma seminario ya masambililo ya fya bulesa. Kabili ne fintu ifyaba pofwishe muli bulya bushiku, fyacita cimo cine ilelo. Nafibapofwisha, nakabili. ‹„ Kabili, nacimbi, ukuicefya, ukuicefya kwa mbila kabili ne nkombe! Noah tali mu fya science. Tali umuntu uwasambilila. Ali umulimi umupina, uwaicefya, ne mbila iyayanguka. Yali iyayanguka sana pa masambililo yabo aya pa mulu. Eico efyo cili ne lelo! Lesa lyonse alacilenga icayanguka, ukusenda abantu abali no kucetekela kabili no kusubila Ena. Ciba icapusana, ibafye Imbila iyapusana, lelo Lesa umo wine. Nomba Ndefwaya imwe uku Cicetekela kabili no kwiluka ukuti Lesa Nacilanda. ‹… Yesu atile bali musekele kasesema Wakwe, Noah. Kabili nge fyo basekele muli bulya bushiku, efyo bali no kucita na kabili pa Kwisa Kwakwe. Bali no kucita icintu cimo cine. Uyu e mulandu wine Pharao aibile muli bemba. Tatalile eshiba ubushiku bwakwe. Tatalile eshiba ifyo ifyalecitika. Ali uwasendwa sana mu mulimo wa bushiku bwakwe ubwa fya science, ukukula imisumba na maka ya basha. Ali sana uwa-ali uwapamfiwa sana, ukwishiba ishuko ilyo akwete, kabili ali tamfishe inkombe kasesema wakwa Lesa mulya mu matololo. Tacishibe. E mulandu wine filya fintu fyaendele mu nshila fyaendelemo. Tatalile eshiba. Nga cakuti fye alishibe Icebo cakwa Lesa icalaiwe, kuli balya bantu! ‹† Kabili nga cakuti inkuta ilelo kuti fye shaishiba, nga ca kuti inkuta kuti fye shaishiba Icebo cakwa Lesa icapanga ubu bulayo ubwa ino inshita, ku bantu, tekuti bonaike. Nga America kuti yaishiba fye amafunde ayo yapanga, tekuti afwaye ukusenda ama Baibele ukufumya mu ma sukulu, ukufumya Ishina lyakwa Lesa ukufuma pa ndalama sha museke, kabili no kulapo mulapo kuli Lesa. Lelo tacishiba. Cinshi? Alipofula, ubwamba. Teti eshibe umulopa wa balya balumendo abasuma abafwile mu mabala pa mulandu wa ili shuko. Bali balabako; baba ulukungu. ‹‡ Lelo kwaba Umo Uwibukisha ukusuma kwa mulopa kwa ba kasesema, umutengo uwalipilwe ku kuleta iyi Mbila nsuma kuli ifwe ilelo. Ifyo amakana baliwa ku nkalamo, no kuposwa mu ninga, balebaputaula pakati, ukocewa, ukutanikwa! Lesa alicishiba. Ulukuta lwalilabako ba kasesema babo. Bena “tababafwaya na kabili,” efyo basosa. Lelo Lesa alishiba Alingile ukubakwata; alakomaula abantu Bakwe ne Cebo Cakwe. Lelo caba ica mibele ya Kale kuli bena muli buno

UKWISHIBA UBUSHIKU BOBE NE MBILA YA BUKO

21

bushiku. Tabacishiba. E mulandu wine babela mu musango babelamo. E mulandu wine babela “ubwamba, abalanda, impofu, abankumba bulili, kabili tabacishiba,” pantu tabaishiba inshita iyo tuleikalamo. Tabacimona. ‹ˆ Mose, alishibe ubushiku bwakwe kabili no bwite bwakwe, ilyo amwene ubulayo ubwa Cebo cakwa Lesa ubwa bulya bushiku ukushininkishiwa. Alishibe nomba, kabili no kwiluka fintu ali kabili ne fintu ali no kucita, ukupitila mu Cebo calaiwe. Eico tatinine ifyo umuntu onse engasosa. Takwete insoni pa mbila yakwe, nangu shimapepo uuli onse na Pharao uuli onse, icintu icili conse, ubuteko ubuli bonse, tabasuminishenye nankwe. Lelo alishibe ilyo amwene lulya Lubuuto, ilya Ntumba ya Mulilo ukupelela mulya mu cimpusa, no kulanda kuli wene Icebo ico icalaiwe bulya bushiku, kabili atile, “Ninjita iwe ukuya cicita.” Takwete umwenso ku-tatinine ukutinya ku kalamba ukwa mfumu. Aliile kulya ku kuleta balya bantu ku kufuma, nge fyo Icebo cakwa Lesa calaile. ‹‰ Ukumona ubulayo ukushininkishiwa, alengele abantu ukuiteyanya palwa kufuma kwabo. Ni lilali? Lilya amwene ubulayo bwakwa Lesa ukushininkishiwa. Ibukisheni, alibutwike na masambililo yakwe ya fya bulesa; alibutwike no kusambilila kwakwe. Lelo ilyo amwene Icebo cakwa Lesa ukulangishiwa, alicimwene ca shininkishiwa, “INE NABA NINE,” eico tasakamene ifyo uuli onse alandile. Tatinine ifyo Pharao ali no kucita kuli wene. Tatinine ifyo bonse abashala bali no kucita. Atinine fye Lesa, pakuti omfwikishe Lesa, atemwa mu nshila iyo teti omfwikishe Lesa. Tatinine abantu kabili ne fyo bali no kusosa atemwa ifyo bali no kucita. Atinine fye Lesa, panuma ilyo aishibe ukuti cali Cebo cakwa Lesa. ‹Š Alifililwe ukwiluka ifyo umuntu nga ena engatumwa kulya. Lelo ilyo aishibe, ukupitila mu Cebo ica shininkishiwa, ifyo cali, lyena tatinine amafunde ya mfumu. Nga cakuti fye waishiba, nga cakuti ifwe ilelo kuti twaishiba! Mose alicishibe ilyo amwene Icebo ukushininkishiwa, amwene icishininkisho ukulengwa mu butuntulu, Ali uwaiteyanya palwa kufuma kwa bantu. Yobo taishibe ukuti ali ni Lesa. Ilyo lyonse ciwa enga mulenga imwe ukucetekela inshita imo ukuti amesho ayanono ayo mulepitamo ni-ni Lesa limbi^ukumupanika imwe! Ali ni Lesa ukwesha ukumulanga icintu cimo. Yobo tatalile ukucishiba mpaka ilyo amwene icimonwa. Kwati ni Mose; ilyo Mose amwene icimonwa, Intumba ya Mulilo mu cimpusa, calishininkishiwe. Kabili ilyo^ Yobo, mulipusho lyakwe, “Ngo muntu afwa, bushe kuti aba no mweo nakabili? Ndamona icimuti cafwa, kabili cilaba no bumi na kabili. Ndamona iluba lyafwa, kabili lilaba no bumi na kabili.” Ilyo elyali ilipusho lyakwe. “Lelo umuntu

22

ICEBO ICALANDWA

alalala mu mushili, alaleka umweo, alonaika. Abana besa mukulosha, elyo nao tacishiba. Owe, ukuti Imwe mwingamfisa mu nshishi mpaka icipyu Cenu cikapite!” Alifililwe ukwiluka cinshi iluba kuti lyafwa no kuba no mweo na kabili, ifyo ibula lingapona ukufuma ku cimuti, ukupona, kabili no kulala panshi, kabili no kwisa isa nakabili mu nshita ya lusuba. Atile, “Umuntu alasendama panshi, kabili ni kwisa uko aya? Nalicetekela Lesa; lelo cinshi icicitika ku muntu?” ‹‹ Lelo nomba ubushiku bumo akalumba katendeke ukubyasha, ifi bulukuto fyatendeke ukubulukuta, Umupashi waishile pali kasesema. Kabili alimwene ukwisa kwa Muntu Uwinga bika ukuboko Kwakwe pa muntu umubembu, kabili na Lesa uwa mushilo, no kupanga inshila. Elyo alipundile, “Nalishiba Kalubula wandi wa mweo! Nangu imyambo ya mu mubili ikaonaule uyu mubili, nalyo line mu mubili wandi nkamumona Lesa!” Aliishibe ifyo ukubuka kubafwa kwali. ƒ‚‚ Balaam tatalile ukwishiba Malaika mpaka kafwalo alandile mu ndimi. Balaam alifililwe ukwishiba ukuti Malaika aliiminine munshila yakwe. Kashimikila uwapofushiwa alifililwe ukwishiba ukuti ali ni Lesa ukwiminina mu nshila, ukwesha ukumucingilila ukukana shitisha icabupe cakwe ne ndalama. Kabili ilyo kafwalo alandile mwi shiwi lya muntu, elyo Balaam aishibe ukuti ali ni Malaika ukwiminina munshila yakwe, ukwesha ukumucingilila ukufuma mukucita ifyo alecita. ƒ‚ƒ Owe, mwe filonganino ifyapofushiwa! Nga kuti Lesa abomfya kafwalo, ushilanda, ukulanda mu citundu ico taishiba, ukusokolola kuli kashimikila ukuti ali kunse ya nshila, teti abomfye umuntu ukucita icintu cimo cine? Abantu abapofushiwa! ƒ‚„ Nga Ahab alishibe fye ubushiku bwakwe, nga tatalile ukwebaula kasesema, Micaiah, ne Cebo cakwa Lesa icabulayo kuli wene. ƒ‚… Ilyo Ahab aiminine palya bulya bushiku, ena kabili-kabili Jehoshaphat. Kabili ilyo bakwete bakasesema imyanda iine ulubali kulya balesesema, batile, “Kabiye kulya! Fyonse fili fye bwino. Ahab, uleikala mulu bembu. Walitupanga icilonganino icikalamba! Tuli abantu abakalamba. Tuli bukapyunga ubukulu. Ifwe pano, tuli bashimapepo abasambilila imyanda iine, atemwa bakasesema. Tuli imyanda iine, abasambilila mu Cebo kabili nefya bulesa.Twalishiba conse pali Cena.” ƒ‚† Eico, nomba, calishininkishiwe tabaishibe fyonse pali Cena. Umuntu uo baleita ukuba umuntu uwafulungana, mu nkulo iyo bena tabalabako, Eliya, kasesema uwacine uwakwa Lesa, aliseseme, “EFYO ASOSA SHIKULU, ‘Imbwa shikamyanga umulopa obe, Ahab!’” Mwamona?

UKWISHIBA UBUSHIKU BOBE NE MBILA YA BUKO

23

ƒ‚‡ Lelo balya bashimapepo, bakasesema abapangwa no muntu, batontonkenye ukutila bali Cibikile conse bwino fye. Batile, “Tata Abraham^atemwa, Tata Ahab, kabiyeniko! Shikulu alinaimwe. Namukwata Amalembo, pantu Lesa apele iyi mpanga kuli Israel. Yakuli Israel. Kabiyeniko! Shikulu ali naimwe.” Yangu, yee! ƒ‚ˆ Lelo, namwishiba, Jehoshaphat, umo ushaisankenye mulubembu nga filya acitile Ahab, amwene ifintu ukupusanako panono. Atile, “Bushe tapali naumbi?” ƒ‚‰ Atile, “Natukwata umo kuno, lelo nalimupata.” Mwamona? Cinshi ico Lesa alecita? Ukuputawila abantu bakwe kunse, na kasesema, nakabili. “Nalimupata. Tacita icintu icili conse kamo ukunjebaulafye inshita yonse. Kabili mwalishiba ndi muntu umukalamba. Nga shakwete ili sukulu lya bushimapepo ulubali kuno nga nshali uwacetekela umukalamba. Ninkwata abaume abasambilila bwino bwino. Ndabekalika mukati mulya na mabuku kabili na Baibele, Kabili ne fili fyonse fye, ku kusambilisha ici. Kabili nalishiba baume abakalamba.” Lelo nga Ahab alishibe ifyo ulya muntu ali, uyu muntu umunono umubusu ushalemoneka bwino, umwana mwaume wakwa Imlah, naiminina palya, ukumweba, “EFYO ASOSA SHIKULU,” nga tatalile ukupanga cilye cilubo ico apangile. Lelo aliebawile Micaiah. Tatalile uku. Yangu, mwe bantu, ishibeni inshita iyo muleikalamo! Moneni ifyo ifyacitika. Moneni ifyo ifyalaiwa. Ishibeni ubushiku muleikalamo. ƒ‚Š Nga ulukuta lwa cilonganino ilelo kuti lwaishiba fye cinshi bale ebawilwa, kabili na bantu babo balebutuka ukufuma muli bena, kwati ni Israel ukufuma mu Egypt! Nga ifilonganino kuti fyaleka fye ukwebaula yalya ama tepu, kabili no kukutika kuli yena! Kabili iwe, kashimikila, we ulekutika kuli iyi tepu, kutika! Nga kuti waisbiba fye inshita iyo uleikalamo, nga kuti waishiba fye icishibilo ca nshita, kuti wamona umulandu abantu balebutukila ukufuma muli ifi filonganino. Umupashi wakwa Shikulu, ukwita! “Takuli umuntu uwingesa kuli Ine,” Yesu, atile, “kanofye Tata amuleta. Kabili na bonse abo Tata akwata, mu nshita shapita, Ampela, bali no kwisa.” ƒ‚‹ Kwati umwanakashi umunono pa cishima, kabili na shimapepo, ifyo bali abapusana! Ifishilwa fili pa cibumba ilelo, nakabili. Balacimona, lelo tabacishiba. ƒƒ‚ Nga aba Yuda balishibe fye icishibilo ca bulayo icakwa Messiah wabo, ukulingana na kasesema wabo uwakulekelesha! Malaki 3 atile, “Moneni, ndetuma inkombe Yandi ku ntanshi ya cinso Candi, kabili akateyanya inshila.” Kabili balandile ukuti balelolela Wene.

24

ICEBO ICALANDWA

ƒƒƒ Ifyo ca -ifyo capalana filya fine mpaka i-ilelo! Balanda ukuti balelolela icintu cimo ukucitika. Inkuta shonse shilapepa kabili no kuleka ukulya, no kutila, “Nomba katupepe. Natwise capamo. Tulingile ukukwata icintu cimo icikalamba ukucitika. Natwishiba kuli icintu cimo icikalamba icili no kucitika. Ulukuta lulingile ukuiteyanya.” Ico eco balepepelapo. ƒƒ„ Ico eco balepepelapo kulya. Kabili kulya alishile Yoane Kabatisha. Pantu, alikene ama seminario yabo, pantu acitile icapusana kufyo bashibo basambilishe. Afumine mu ciswebebe ukwabula amasambililo. Afuminemo mulya ukwabula inteneshi yakwe ukupilibulwa, nge fyo cingalandwa ilelo. Afuminemo ukwabula iciputulwa icikulu ica masambililo ya bushimapepo. Lelo aishile, ukwishiba ukupitila mu bulayo bwakwa Lesa ukuti ali no kubilisha Messiah. Atile, “Naiminina pakati kenu nomba.” Kabili batontonkenye ukutila alifulungana, pantu tafumine mu ma sukulu yabo. Ifishilwa fyali pa cibumba, kabili tabacishibe. Balelanda ukutila balelolela Umuntu wa musango uyu ukwisa; kabili Ali pakati kabo pene. Kabili Tabamwishibe, nangu basosele ukuti balelolela Ena. ƒƒ… Cimo cine fye, nga aba Yuda, babelamo, nga Abena fyalo ne fyabo, pantu calisesemwa icintu cimo cine, icintu cimo cine. Balilandile ukuti balelolela Wene. Lelo ifilonganino nomba mu Bena fyalo, inshita ya Laodikia ili fye iyapofula nge fyo bali, pantu (cinshi?) calisesemwa ukuti bakaba. Cilingile ukwisa citika. ƒƒ† Nga cakuti Israel alishibe fye icishibilo cakwe, nga balishibe nshita yakumoneka kwakwa Messiah na kupalama. Nga cakutila balishibe! Namwishiba, aba-abasambi balandile cilya kuli Yesu. “Cinshi bakalemba batila, ukuti, ‘Eliya alingile ukwisa intanshi’?” ƒƒ‡ Kabili na Yesu atile, “Elias alisa kale, kabili tabamwishibe. Ali pano kale, kabili balimwipaya kale. Bacitile filya fine fye ifyo Amalembo yasosele ukuti bali no kucita.” ƒƒˆ Nga balishibe fye ulya, ulya “uwafulungana” ulya uwaebawile ifintu fyonse bacitile imiku ibili, ulya aebawile fyonse fye ifyo balecita! Atile, “Imwe babumbi munda! iMwitendeka uku^ Insoka mu cani, mwe nkulo ya mafwafwa, ni bani abamusokele uku fulumuka ku cipyu ico cileisa? Mwitendeka ukutontonkanya muli mwe bene, ‘Natukwata Abraham nga Shifwe. Natukwata ifi, filya, nangu fimbi.’ Pantu ndemweba, Lesa kuti abula aya mabwe ku kupangilako abana kuli Abraham.” ƒƒ‰ Mwitendeka ukutontonkanya ukuti namukwata Akabungwe Kesonde mupepi na imwe, kabili na mukwata abantu benu abafwala bwino muli cilya. Lesa kuti apilibula

UKWISHIBA UBUSHIKU BOBE NE MBILA YA BUKO

25

bakoswe ba mu mutenge umu ukupanga abana ku kufikilisha Icebo Cakwe; bacilende, bacendeende ba mu musebo, bacakolwa, abateya injuka. Ali uwalinga ukucicita. Acili ni Lesa. ƒƒŠ Ifilonganino ifya pofushiwa, nga Israel uwapofushiwa, bonse basesemwe ukuba filya fine. Nde mulangisha ukupalana, mpaka mfike apa pa kansonshi epo ndefwaya nomba. Abapofushiwa, nge i-ifilonganino ifya Bena fyalo ifya nshita ya Laodikia, bali pofushiwa ilelo nge fyo bali lilya. ƒƒ‹ Nshita ya Laodikia iilingile ukupokelela Imbila! Malakai 4 yatile bali no kupokelela. Lelo ico balelolela ni cinshi? “Icilonganino cesu cika Ileta. Nga taileshila ukupitila muli ifwe, ba Baptist, ba Presbyterian, ba-ba Assemblies, ba Oneness, atemwa icintu cimo, yeah, nga tatu Iletele, Taili.” Icintu cimo cine bacitile muli bulya bushiku! Kabili calishile no kuya, kabili tabacishibe. Tabaishibe, nangu yalifikilishe icebo conse. Yesu atile, “Nabacita nge fyo calembelwe ukuti bali no kucita. Efyo bakacita no Mwana wa muntu; bali no kumukana.” ƒ„‚ Nomba moneni, cimo cine nomba mu nshiku sha Bena fyalo, ukulingana na Malembo ayalaiwa ayakwa Malakai 4. Ayo, Yesu atile, “Amalembo yonse yaliputwamo, kabili tapali nangu limo pali Yena ayashinga fikilishiwa.” Takwaba inshila iya kukanya Amalembo ukukana fikilishiwa. Yonse yalingile ukufikilishiwa. Kabili Yesu atile calino kucitika. Kabili pano natucimona nacicitika. Tulecimona. ƒ„ƒ “Ukubwekesha” cinshi, muli shino nshiku shakulekelesha? Imwe mwe ba bwananyina aba filonganino, kutikeni! Bwekesheni pentecost, amalila ya ntendekelo. Nge fyo Cali pa kutendeka Efyo cikabwekeshiwa ilyo amalila ya Mapenga yakwa Israel nga yalila. Cilingile ukubwekeshiwapo! Kufwile kwaba icintu cimo ukucitika. Malaki 4 yatila ili no kubwakeshapo na kabili Icicetekelo ca ba shifwe, ku bana, icali no kucitika. ƒ„„ Nga Israel aliishibe Messiah wabo, icishibilo icalaiwe, nga tababa kuntu baba ilelo. Nga kuti bali^Lelo cinshi tabacicitile? Ca bulanda. Cinshi ico tabacicitile? Pantu Lesa atile teti bacicite. Ni banga aba cetekela ico, landeni, “Ameni,” [Ulukuta nomba lwatila, “Ameni!”-Ka.] Lesa atile tabali no kucicita. Kabili ni Lesa umo wine aletila, mu Nshita ya Lukuta lwa Laodikia, ici cali no kucitika, kabili ici cili pano pali bene. Kuti bacita shani icili conse lelo ukucicita? ƒ„… Bena nga baishibe fye icishibilo icalaiwa icakwa Messiah, icishibilo ca Mwana wa muntu! Aishile mwi Shina lya Mwana

26

ICEBO ICALANDWA

wa muntu. Nomba, Ali mwi shina, monse mu Nshita ya Pentecost, mu Mupashi wa Mushilo, Umwana wakwa Lesa. Nomba, icintu cilekonkapo ni Millenium, Umwana wakwa Dabidi. Batatu, “Abana” Lesa umo wine. Umo wine, “Tata, Mwana, Mupashi wa Mushilo,” Lesa umo wine. Umwana wakwa Dabidi, Umwana wakwa Lesa^ Umwana wakwa Dabidi, Umwana wa muntu, Umwana wakwa Lesa, ni Lesa umo wine inshita fye yonse, lelo fye mu maofeshi aya kubombelamo yatatu. ƒ„† Efyo na “Tata, Mwana, na Mupashi wa Mushilo” teba Lesa batatu, lelo Lesa umo wine umwine mu mitantikile, itatu imilimo itatu iya mu ofeshi, nga Tata, Mwana, na Mupashi wa Mushilo. Lelo, nge lelo, ukupofushiwa ne ntambi nge fyo bali lilya, aba pofushiwa ne ntambi, tabacimona. Cinshi ico teti bacimwene? Tabakatale abacimona. Ibukisheni, ico ni EFYO ASOSA SHIKULU. Uletila, “Cinshi ulecilandila nomba?” Umusango fye umo wine nge fyo Yohane acitile, umusango umo wine nge fyo abashala bacitile. Kuli umo uwikele apa na palya, abali no kufumishiwa. Yangu, impaanga yakwa Lesa, yumfwa Ishiwi lyakwa Lesa! “Impaanga shandi shilomfwa Ishiwi Lyandi.” ƒ„‡ Umwanakashi pa cishima alishibe ubushiku bwakwe, ukupitila mu cishibilo cakwa Messiah. Ali mu musango uwabipa. Talefwaya ukutumpikwa na shilya nkuta sha kale, inshila balecitilamo. Baleikala inshila iili yonse, kabili, ifintu lfyo balecita, tacetekele muli filya fintu. Lelo alishibe kwali no kwisa Umo ubushiku bumo. Umuntu umunono umupina kuli ilya ncende, mu nshila ukuya ku cishima; asangile cilya Cintu ico alelolela, ilyo Atendeke ukusokolola kuli ena inkama ya mu mutima wakwe, Alimwebele ulubembu ulo aleikalamo. Atile, “Mukwai, namona ukuti Muli Kasesema.” Nomba, tabatalile abakwatapo umo pa myaka imyanda ine. Atile, “Namona ukutila Muli Kasesema. Kabili ninjishiba ukutila ilyo Messiah akesa Akacita ifi fintu. Atile, “Nine Wine.” ƒ„ˆ Alishibe. Tapali na kabili ilipusho, “Kuti wacishininkisha shani?”Calishininkishiwe kale. “Ilyo Messiah akesa, ifi efyo Akacita.” [Munyina Branham akonkosha pa pulpit imiku isano-Ka.] Cisuma, nga kuti acishiba ukupitila mu Malembo, bushe teti twishibe ifyo Amalubuuto ya cungulo kabili ne cishibilo ce lelo? “Natwishiba ilyo Messiah akesa Akatulangisha ifi fyonse ifintu. Akesa tweba ifi.”

UKWISHIBA UBUSHIKU BOBE NE MBILA YA BUKO

27

Atile, “Nine Wine neulelanda kuli iwe.” ƒ„‰ Tapali na kabili ilipusho. Alile kulya, kabili aebele abantu, “Iseni, mumone! Uyu Ali pano.” Takwali ilipusho kuli ena na kabili. Calipwile, pantu alishibe ubushiku ubo aleikalamo. Alibwishibe. ƒ„Š Efyo nao Nathaniele, umu Hebere umukalamba, lintu amwene cilye cishibilo cakwa Messiah ico icalailwe kulya; te mulandu ubwingi bwa ba shimapepo, nga ni finga ifyashala ifili fyonse. Ni cinshi ico bacitile? Calisunkenye ba shimapepo, ukumona balya bantu balefuma mu nkuta no kulaya. Atile, “Nga onse muli imwe akabako mu kulongana Kwakwe, mukatamfiwa. Tukamufumyamo ilyo line mu cilonganino.” ƒ„‹ Ne lelo efyo caba. “Tuli no kumufumya mu kabungwe kesu nga mwayasangwa mu kulongana kwakwe.” ƒ…‚ Ibukisheni umuntu uwali impofu? Bawishi na banyina balifililwe no kwasuka; bali no mwenso. Pantu, batile, “Onse uyo uwaile mu kumona Yesu, atemwa-atemwa ukubako ku kulongana Kwakwe, bali no kutamfiwa.” Lelo, ulya muntu impofu aliilandile umwine, ena uwali akale impofu nomba kuti amona. ƒ…ƒ Ine, ne wali akale impofu, nomba kuti namona. Ine, ne ushaishibe ifi fintu, Nafilengwa ukwishibikwa kuli ine ukupitila mu Mupashi wa Mushilo. Lekeleniko, mwe filonganino, pantu baleisa, nelyo line! “Nga Natumpulwa ukufuma pe sonde, Nkaleta abantu bonse kuli Ine.” ƒ…„ Nathaniele alicishibe. Alicishibe. ƒ…… Kwati fye ukushininkisha kwakwa Mose kwa Malembo, Icebo ica shininkishiwe. Mose aliishibe ukuti bulya bwali ubulayo bwa bulya bushiku, pantu cali ukulingana na Malembo, te mulandu ifyo cali icaibela. Atile, “Ni nani uyo ningeba^Ndi no kubeba nalimona Ulubuuto kunuma kuno mu ciswebebe. Kuti nayabeba shani nomba ukutila kwali Ulubuuto kunuma kuno, kabili nolu Lubuuto lwalinjebele kabiye mukati mulya?” Atile, “Mu cine, Mose, Ndi no kuba nobe.” Kabiliteifyo fye^ ƒ…† Tailangishe umwine mulya mu Egypt; kano fye ukupitila mu fisungusho kabili ne fishibilo. Lelo ilyo Abasendele bonse ukubalonganya pamo, Ali monekele kuli bena na kabili, no kushininkisha bukapyunga bwakwa Mose pa menso ya Basalwa kabili abaitwa. Ilyo ulya kasesema abaputawile ukubakakulula ukufuma kuli cilya icalo no kubaleta mu ncende, elyo Intumba ya Mulilo yamoneke na kabili, kabili pa mulu wa Lupili lwa Sinai.

28

ICEBO ICALANDWA

ƒ…‡ Cipalanyeni no bushiku bwe lelo. Ameni! Lesa Alumbanishiwe! Capula ubumi kuli ine. Kabili icimo candi catendeka ukupwa, kabili ndemona inshita yabubi kabili no bulalelale ukupyanga impanga ne fintu, elyo ndalolekesha kunuma no kumona ifyacitike. Umutima wandi uleyanga ku nsansa, pa kwishiba ukutila panuma ya kashita ili hema lya pe sonde ilya kwikalamo likasungululwa, lelo ninkwata limo ilelolela kulya. Ndeesha ukutinta abantu, ukubaputaula ukufuma kuli ifi fintu kabili ne fintu, ukubatintila kunse; ukubalanga, ukupitila mu Malembo, ukuti Lesa naiminina palya; ne cishininkisho ca Ntumba ya Mulilo, ico imyanda kabili na makana balimona, kabili bali Cikopelepo, pakubala, na camera, inshita ne nshita, ukucishininkisha. ƒ…ˆ Bakapashanya ukwima. Cine, cilingile cacitwa. Bakapashanya baliimine mu bushiku bwakwa Mose no kucita icintu cimo cine. Lesa atile, “Ipatule we mwine, Mose. Wiikala pamo nabo. Ndi no kubamina.” Kabili ne calo calibasendele. Kabili efyo caba ne lelo; ukubwekela na kabili mu calo, imilimo ya ndalama kabili ne fili fyonse. Mwamona? ƒ…‰ Icishibilo cakwa Mose ica Malembo! Ali-ali ulya kasesema umukalamba uwakwa Lesa uyo uwalaile kulya ku kubapokolola, kabili balicishibe. Balishibe icishibilo. Ali fye ubulayo ubwalingana na Malembo, uwashininkishiwa. ƒ…Š Yesu ali bulya bulayo ubwa Malembo, ubwashininkishiwa ku mwanakashi. Atemwa, Ali Ubwilulo. Yesu ali Ubwilulo bwa Malembo. Ubumi bwakwe Umwine bwaliilwile Amalembo. ƒ…‹ Bushe tamulemona Imbila ya inonshita? Bushe kuti mwaishiba pantu tuli? Imbila iine, ukufuma mu Malembo, ileilula kuli imwe inshita iyo tuleikalamo. Yena ebwilulo. ƒ†‚ Yesu atile kuli Israel, “Nga mwalikwete ukwishiba fye ubushiku bwenu.” Inshita imo, ilyo Aikele pa Lupili lwa Muyolife, Alilolekesheko, atile, “Yerusalem, We Yerusalem!” Alililile. Alolekeshe panshi. Alimwene. Tekupalanya ukuli konse, limbi, inshila. Inshita ya bushiku bumbi, ulucelo lumbi, nalimo cali 10 koloko, ilyo namwene lulya lukuta lwa bucilende. Mukati ka mutima obe, uleumfwa Umupashi wa Mushilo ule ponye filamba. “Yerusalem, We Yerusalem, miku inga iyo na kufukatila. Lelo cinshi ico wacitile? Walipeye ba kasesema abo Natumine kuli iwe. Walibepeye.” Kabili ne Mbila shalitumwa ku lukuta, ilelo, na bepaya ukupitila mu fishilano fyabo ifya filonganino. Amalembo baliyepaya ukupitila mu fishilano fyabo. Yesu atile, “Nga walishibe fye ubushiku bobe! Lelo, cili ukutali sana nomba, naipita nomba.” Eico efyo cili na ku nkuta!

UKWISHIBA UBUSHIKU BOBE NE MBILA YA BUKO

29

ƒ†ƒ Ndecetekela, no mutima wandi onse, baliciluka mu kulubulwa. Te mulandu ifyo mulefwaya ukutontonkanya pali cena, mano yenu mwe bene. Aya yandi. Mwamona? Tamulingile ukukwata amano yandi. Lelo ndecetekela baliciluka mu kulubulwa, kabili efyo caba, pa myaka isano atemwa mutanda iyapita. Ndeibukisha. Muleibukisha Chicago. Moneni ico icacitike ukufuma lilya, kabili moneni ciletwalilila ukulacitika. Mwamona? Ibukisheni, ishina lyandi lili pa ntanshi ya ciko. Calikambatikwa palya. Ni EFYO ASOSA SHIKULU. Moneni nga tawa, ukutwalilila. ƒ†„ Lolesheni mu 1933, ifyo calandile abanakashi bali no kucita muli shino nshiku shakulekelesha. Efyo calandile abantu^ Ifyo Mussolin, ifyo ali no kwisa ku mpela yakwe. Ifyo Hitler akesa ku mpela yabula ukwishibikwa. Ifyo yalya mafunde yatatu yali no kwingila muli communism. Ifyo filye fyela fyali no kwisa, ukumoneka nge lini. Kabili ifyo abanakashi bali no kufwala ifyakufwala no kumoneka kwati baume, nangu kwati ifyakufwala fyabo ifya mukati; kabili pa kulekelesha bali no kufwala amabula ya mukunyu, kwati, pali bena. Ifyo imicitile ya bulalelale, ifyo bali no kulacita muli buno bushiku. Moneni ifyo bacita. Kabili cili fye pa menso yenu, nomba. ƒ†… Nga abena Kristu abanakashi kuti bacita fye^abo abetwa fye abena Kristu abanakashi kuti baishiba fye, kuti baishiba ukuti umupashi wa bulalelale uli pali bena wakwa ciwa, ukubalenga ukubeya imishishi yabo. Ciwa e cintu fye icingacita filya. Ico calipusana ne Cebo cakwa Lesa kuli imwe, kwati fye ifyo cali mwi bala lya Eden. Cinshi bena bacitile? Nga kuti bena baishiba fye! Baleesha ukusosa, “Owe, ulya kashimikila umunono umukote kakunkuluka wa mushilo, alesosa!” Teine. Nshilemweba ifyo mulingile ukucita. Ndefumya fye mu Cebo. Nga kuti baishiba fye ukuti ni ciwa. ƒ†† Balaiita abene bena Kristu. Yesu atile, “Kuti Mwanjita shani ‘Shikulu’, kabili tamucita ifintu ifyo Mweba ukucita?” Tekuti babe abena Kristu. Nshili kapingula wabo, lelo ndelanda fye ifyo Icebo calandile. “Kuti Mwanjita shani, ‘Shikulu’, kabili no kukanacita ifintu Natile ukulacita?” Kabili ne Cebo conse pano busokololo bwakwa Yesu Kristu. “Cinshi Munjitila, ‘Shikulu’?” ƒ†‡ Nga kuti baishiba fye ukuti ni ciwa, umupashi wabulalelale. Abanakashi abanono abasuma kunse kulya^ ƒ†ˆ Ndetontonkanya iyi encende imo iyakowela sana nshatala monapo mu bumi bwandi, Jeffersonville, Indiana, kubanakashi ababa ubwamba. Naliyako ku Hollywood. Naliya ukuli konse. Naliyenda icalo conse, kabili nalimona nokukowela ukwa misango misango. Nali kumona mu Paris. Nali kumona mu England, uyo uwaba umukalamba pali bonse.

30

ICEBO ICALANDWA

ƒ†‰ Ndetontonkanya ukuti England akebishiwa ubushiku bumo pe samba lya bemba. Nalingwa ici; ukukowela, ifiko, ukucepesha! Mulya ecishiba icakowela ica bulalelale ica calo, abacila ukuba kunse ya malembo, abantu abakana abo nshatala monapo mu bumi bwandi. Aba filya pantu alikana Icine. ƒ†Š Billy Graham atile alifumishemo umukashi wakwe ukufuma mulya mu ncende yakutushishamo; [Parks-Kelula.] ifintu ifyabulalelale ukulacitika pakati ka baume na banakashi, abalumendo na bakashana, mulya mwine mukati ka ncende yakutushishamo, pa mbilibili. Nasanguka icishiba icakowela; efyo ali na France, efyo ne calo conse cili. Kabili efyo na United States ali, nasanguka intungulushi sha fyonse ifyashala! ƒ†‹ Moneni ilelo. Ukubalenga ukubeya imishishi shabo, ukufwala utuputula, amatoloshi, ukupeepa, kabili ukulaiita abene abacetekela. Bushe tawaishiba, nkashi, atemwa we mwanakashi^ndeeba, ukwelela, tekuli nkashi yandi; ukucite cintu camusango nga ulya. Bushe tawaishiba ukutila ni Ciwa? Lelo cinshi^ Kwati ba Yuda abakale, teti mucetekele Icebo icashininkishiwa ilyo cashininkishiwa kuli imwe. Muleikatilila ku ntambi sha filonganino fyenu ifyo ifilanda cilifye bwino. Mulalandila mu ndimi, mulatoloka pa mulu-na-panshi, mulembila mu mupashi, kabili nokubeya imishishi yenu. Bushe kuti mwaelenganya umwina Kristu ukucite co? Nalimona ifiwa, nalimona ing’anga, nalibamona ukulandila mu ndimi kabili no kwilula, kabili ukutoloka pa mulu-na-panshi no kushana mu mupashi; ukunwa umulopa ukufuma mu kapanga ka muntu, no kutipa Ishina lyakwa Yesu Kristu. ƒ‡‚ Mwatila, “Naba mu lukuta. Hallelujah! Ubukata kuli Lesa! Ine^” Mwaba muli cinshi? Ulukuta e Cebo! Kabili Icebo catile, “Ca nsoni kuli imwe ukucicita.” Mwe bumba lya ma Phariseo ilya pofula, ukutungulula abo abana abapina ku gehena filya fine; pantu muletina itiketi lya cakulya, kabili kuti bamutamfya mu cilonganino cenu nga mwatendeka icintu cimo pali Cena. Ca nsoni kuli imwe, imwe ba bumbi munda! Umfweni nsoni pali cena. Pa kumona insa ilepalama ifi fine, kabili mulefutatuka pa mulandu wa ntambi shenu ukutaluka ukufuma ku Cebo cakwa Lesa. Mwe babula umwenso imwe, mwe bapofushiwa! ƒ‡ƒ Bushe Baibele talanda ukuti mwalipofushiwa? Teti mwiluke ukuti muli abapofula? Baibele yatila efyo mwaba. “Kabili muli ubwamba, abalanda, abankumba bulili, impofu,

UKWISHIBA UBUSHIKU BOBE NE MBILA YA BUKO

31

kabili tamwacishiba”. Ilyo muletontonkanya ukuti mwalikwata ulukuta ulukalamba sana mu musumba, kabili mwacite ci, cilya, atemwa icibiye; kabili na Baibele yatile uli mupina ngefyo wingaba, kabili uli mpofu. Kabili Acili naiminina pa mwinshi, ukwesha ukumushitisha imwe umuti wa mu menso; te kushitisha kuli imwe, lelo ukumupela imwe, kabili tekuti mubupokelele. Ukufikilisha Amalembo. ƒ‡„ Bushiku nshi muleikalamo, mwe bantu? Bushe namwishiba inshita, ukwishiba icishibilo? ƒ‡… Bali fye no kwishiba, balya banakashi, ukuti ulya ali ni ciwa. Ni ciwa uwakowela, mwi shina lya bukapepa. Lyonse aba muli ilya ine nshila. Alesa kuli kasesema uuli onse, alesa ku wa mano onse, aishile na kuli Yesu Kristu, nga umuntu wa bukapepa. Kabili na Baibele yatila akaba “akapalama sana mu nshiku shakulekelesha,” nangu ni ba Pentecost, “kabili bali no kubepa abasalwa bene,” ukufuma mulya mu lukuta lwa Pentecost, “nga cingacitwa.” [Tapali kantu pali tepu-Ka.] ƒ‡† “Banono,” Atile, “pantu impongolo yalitambalala kabili inshila ya kafyefye, kabili lelo banono abo abakaisanga. Pantu nge fyo cali mu nshiku shakwa Noah, umo imyeo cine konse konse yapusushiwe, efyo cikaba na mu kwisa kwa Mwana wa muntu.” Tontonkanyeni pali ci! Bushiku nshi tuleikalamo? Bushe namwishiba ishita, ukwishiba ubushiku? Ndesenda inshita yenu iingi, lelo ncili ninkwata ama mineti na yambi ayanono. Mwamona? ƒ‡‡ Ukubalenga ukubeya imishishi yabo. Cisuma, batila, “Ulukuta lwesu taluposako amano kuli co.” Namwishiba cinshi? Balipofula. “Te cibi ukubeya imishishi yobe.” Baibele itila cibi! Kabili cintu icakowela kuli iwe ku kubeya imishishi yobe no kutendeka ukupepa. Mutila, “Cisuma, umwanakshi alingile ukufimbwa.” Kabili na baibele yatila ukuti “Imishishi” yakwe e ca kufimbana cakwe. Tecisote cakwe; imishishi yakwe! ƒ‡ˆ Nga cakutila Mose atile, “Nalafumyako icisote candi mu cifulo ca nsapato shandi”? Nga tacabombele. Lesa Atile “insapato,” kabili Lesa apilibwile insapato. Atile “imishishi,” te cisote! Ubukata kuli Lesa! Alitemenwe ico, ndesubila. Lesa Alumbanishiwe! Apilibula fye ifyo Alanda. Amalembo te yakwilwila ku mbali. Ico tacilepilibula fye palwa icilonganino cenu; Cilepilibula fye ifyo Cilelanda, kabili Ena ekelula. ƒ‡‰ Mwatila, “Nalishiba umwanakashi ucita cilya.” Nshilesakamana ifyo mwaishiba. Ninjishiba ifyo Lesa alandapo pali cena. Muilinge mwe bene.

32

ICEBO ICALANDWA

ƒ‡Š Nga balishibe fye fintu caba, umukashana, uh! Nga kuti waishiba fye! Atemwa, “umwanakashi,” te mukashana. ƒ‡‹ Nalimona icishibilo, ukufuma kulya ku Blue Boar, kwisamba kulya, ndecetekela ni ku Musebo wa lenga Fisano kulya, cimo icikulwa ca bwalwa, catile, “Ama tebulo ya bakashana.” Naimininefye palya; natile, “Tamwatala ukukwatapo umo.” Umukashana teti aye mu ncende ya musango ulya. Umwanakashi kuti aya, lelo te mukashana. ƒˆ‚ Bushe mwalimona, ukuwa kwa calo kwatendeke no bulalelale bwa mwanakashi? Bushe mwalishibo kuti cili nokupwa munshila imo ine, ubulalelale bwa mwanakashi? Kabili no lukuta, lwimininwa, no mwanakashi? Ulukuta mwanakashi, ukulanda mufya bumupashi. Eico na Nabwinga mwanakashi, ukulanda mufya bumupashi. ƒˆƒ Ubulalelale bwa lukuta, ifyo cacitwa! Lolekesheni ku fimonwa, lolekesheni ku fintu, moneni ifimonwa nangu nifyo efyo Lesa apela, kabili cilye cimonwa cacine. Ninkwata Baibele yandi pa mutima wandi, kuli imwe mwe bantu mwe bali pa tepu, kabili ne bumba kuti lya cimona. Nalimwene cilya! Lesa Impalume naishiba ico cacine. Nshatala ukucishiba mpaka fye nomba line. Uyo ali palya, “ubwamba, kabili tacishiba.” Akwete fye inshita yakwe ikalamba. Ico mwacimona. Lelo lintu ulya Nabwinga umunono aishile monekela, ali uwapusana. “Ni Alifa na Omega!” Uh-huh. ƒˆ„ Ciwa alacicita. Lelo kwati ba Yuda abakale, ilyo bamwene Icebo^ Kabili Yesu atile ku Bakwe, Asosele fi ku basambi Bakwe, “Fwayeni mu malembo. Mwali-mwalipapa pali Ine na bukapyunga Bwandi. Fwayeni mu Malembo. Muli Yena mutontonkanya namukwata Umweo uwa Muyayaya, kabili Yena yapelo bunte pali Ine, yalamweba ifyo Imbila Yandi ili. Nga teti mucetekele Ine, cetekeleni Ifyebo fine ifyo Lesa aleilula kuli imwe.” ƒˆ… “Teti tukwate uyu Umuntu ukuteka pali ifwe. Twalikwata bashimapepo besu, kabili nafimbipo.” Twalilineni kanshi, efingalandwa fye epela. Kuli ukucelwa, nalyo line. Intambi sha filonganino isho ishitila cilifye bwino, balomfwa kuli cilya. Bena kuti batemwa ukumfwa^ Mwalicetekela i-icebo ca-ca muntu ukucila ifyo mucetekela Icebo cakwa Lesa. Tabeshiba. Inkuta ilelo tabaishiba Timoti wa Cibili 3. Nga mwa^ ƒˆ† Ndemona imwe bamo mulelemba Amalembo. Nomba, aya Malembo ayo ndebula ukufuma kuno kwine. Kwisa, nga uuli onse aliyeseshe ukunjipusha pali cena, atemwa ukuboko kwandi pali cena, kuti nabalangisha llembo pali cena. Mwamona?

UKWISHIBA UBUSHIKU BOBE NE MBILA YA BUKO

33

ƒˆ‡ Tabaishiba Timoti wa Cibili 3, apo Yalandile, “Mu nshiku sha kulekelesha, abantu bakaba bacintalika, aba tumikwa, abatemwa ukwangala ukucila ukutamwa Lesa, abatalama, abalwambo, abashakwata ukuiteka, kabili bakaba abakususha basuma (Nabwinga), mwamona; abakwete mimonekele ya bulesa, lelo abakana Amaka yabuko; ku babe fi talukako. Pantu aba eba musango abaya ukufuma ing’anda ne ng’anda, no kutungulula abanakashi abawelewele, abanakashi abawelewele abasendwa kufya lunkumbwa ifingi, ukukanasambilila atemwa no kukana ukwisa kumano ya kwishiba Icine.” Tabakatale! Teti bacicite, kabili tabakacicite. Lesa efyo asosa. Kabili, aba Fariseo impofu, bushe teti mucimone? Nshifulilwe; Ndepopela fye umusomali mukati kabili no kulenga ukwikata. Kabili nangu inkuta tashacishiba Ici. Abanakashi teti baciluke. Balingile^ “Abanakashi abawelewele, abasendwa no lunkumbwa ulwingi,” Hollywood, fyonse ifintu ifya musango uyu, ukubeya imishishi, ukufwala utuputula, ukupenta kalaso, fyonse ifintu ifya musango uyu, ifyo ifishifwaikwa. Bushe mwalishiba umwanakashi aleimininako iciputulwa icikalamba mu nshiku shakulekelesha? ƒˆˆ Bushe mwalishiba Baibele yatila, ukuti, “Abo abakabutuka ukufuma kuli uku ukusekwa ukukalamba bakaba umusambo uusuma ku ntanshi yakwa Shikulu”? Ubushiku bumo nkesa fika pali yena, Shikulu nga afwaya, pali yena, kuli imwe mwe banakashi. Ukumuleka imwe ukumona ifyo Lesa atontonkanya pa mwanakashi uyo ukabutuka ukusekwa kwa buno bushiku. Atile, “Akaba umusuma.” ƒˆ‰ Naumfwile umwanakashi, ubushiku bumbi, aleseka pa^ Umukashana, ibumba lya banakashi abali ubwamba ulubali lumo, ne mibele iya panshi ukucila i- ukucila imbwa yatwana, ukuseka umwanakashi umukote uwafwele indeleshi iitali. Umfwa kuno, we mwanakashi umunono uwafulunganishiwa alikwata icintu cimo ico tawaishibapo nangu cimo. Alikwata imibele. Tawaishiba nakwishiba ifyo ishina lyaba. Wali lilufya muka mukondo, mupepi. Tawaishiba nakwishiba icalungama ne cishalungama; aliishiba. Alikwata icintu cimo icafiswa mu mutima wakwe ico tawaishibapo nangu cimo. Walicilufya; tekuti ucisange. Wilamwita ukuba uwamimonekele ya kale, kabili nafimbipo, ngefyo. Aliishiba icintu cimo ico tawaishibapo nangu cimo. Ali cifisa mu mutima wakwe, icuma ca kwikala umulungami. Tawaishibapo ne cebo nangu cimo pali cena. Banoko balikukushishe ifyo fine. Kacema obe alicisumininshe; ukulangisha apo aiminina. Ndeshimikila pali ena kuno kwine ino ine nshita. Mwamona? Mwamona pantu mwaba, inkuta?

34

ICEBO ICALANDWA

ƒˆŠ Yesu atile, “Yonse aya Amalembo yalingile ukufikilishiwa.” Kabili Naya fikilishiwa. ƒˆ‹ Moneni, “Filya Yane na Yambre nabo basushishe Mose,” akesa fye ngefi fine, bamo muli bene. Te, nomba, talelanda pali ba Methodist, Baptist, pano; bali kunse ka cikope. Mwamona? “Lelo filya Yane na Yambre basushishe Mose na Aaron, efyo nabo bakacita; bantu abalubana amano ku Cine,” yalipibulwa mu fishilano na masambilisho ya mulukuta, mu cifulo ca Baibele. Kabili nomba Yane na Yambre kuti bacita icili conse ico Mose engacita. Mwamona, “filya Yambre,” moneni ukupalana palya? “Filya Yane na Yambre basushishe Mose, efyo na aba bantu abalubana mano abakanya Icine, uku Cikana,” teti Bacikwate mu bena mupalamano, teti beshe nangu ukwampana Naco, teti bakwatepo nangu cimo icakucita pali Cena. Lelo atile, “Ukutumpa kwabo kukaba pa mbilibili.” Ilyo ulya Nabwinga asenda icifulo cakwe no kuya mulwelele, cikeshibikwa, mwisakamana; filya Mose, ilyo asendele abana ba Israel, kabili no kufuma mulya mu Egypt, kabili Egypt aliibile. Cisuma. ƒ‰‚ Yesu atile, “Amalembo yonse yapelwe no kuputwamo, eico Amalembo yonse yalingile ukufikilishiwa.” Ilyo Ena^ Bali mwipwishe Ena, batile, “Uilenga we mwine ukuba Lesa.” ƒ‰ƒ Atile, “Imwe, mu mafunde yenu mwe bene, mwita balya bakasesema uko Icebo cakwa Shikulu caishile, mwabetile, ‘imilungu’, kabili efyo baba.” Atile, “Nomba kuti mwanjebaula shani Ine ilyo Nasosa Nine Umwana wakwa Lesa?” Yonse aya Malembo yapelwa no kuputwamo; yonse fye yalingile ukulangishiwa, yonse yalingile ukufikilishiwa. Mwamona palya, bali fye abapofula sana, bali abasendwa ne cebo ca muntu mu cifulo cakusendwa ne Cebo cakwa Lesa. Ico ecilenga abanakashi ukucita cilya. Ico ecilenga bakashimikila ukucita cilya. Balisendwa kuli bishop mu cifulo cakwa Yesu. Balisendwa muli cena, ne shabo-ne tumba lya ndalama shabo, ulukuta ulukalamba. ƒ‰„ Moneni fye nga cakutila nali lumbukwa. Sendeni abantu, ukufuma mu Jeffersonville, ne bumba ilinono ukufuma kuno ku Jeffersonville; sendeni aba kunse, aba mu Jeffersonville, ukufuma muno mu Tabernacle muno lucelo, teti nkwate atemwa ukukwata mutanda abakushimikilako. Ni cinshi? Alipangwa ukufuma mu calo conse; ukufuma ku New York, ukufuma ku Massachussetts, ukufika ku Boston, Maine, mpaka kuli bemba, Georgia, Alabama, kabili no kushinguluke calo. Balelongana capamo. Ameni! Ifi efyo Alandile. “Kukaba Ulubuuto pa kufika pa nshita ya cungulo bushiku.”

UKWISHIBA UBUSHIKU BOBE NE MBILA YA BUKO

35

ƒ‰… Teti beshibe Ulubuuto lwa cungulo bushiku. Uyo ewaba umulandu. Ena teti fye Acishibe. Ali pofula sana. Baibele yatila efyo ali. ƒ‰† Russia apokelele fye icifulo cakwe mu calo, muli science, tacicilile ukufika na pa myaka amakumi yane yapitapo. Namwishiba, lintu Inkondo ya Calo ya Ntanshi yaishile, tabatalile^ Bali musulile Russia. Munyina Roy^Cali fye libumba lya bashasambilila, abakulu abakote ama Siberians, imyefu ponse fye pa finso fyabo, kabili tabaishibe ukuboko kwa kuso no kwa kulyo. Cishinka ico, Russia, lelo alishibe icifulo cakwe. Ali cicitile ukufikilisha Amalembo. Namwishiba amabusesemo yandi ayo nalandile ukuti yakacitika, ifyo bonse fye bali nokuba muli communism. Nomba aletungulula icalo muli science. Twaba ukutali kunuma yakwe. Bonse abashala mu calo baba kunuma yakwe. Alatungulula icifulo cakwe. Elyo eshibe fye ukuti ena kwata amano, nao. ƒ‰‡ Moneni, umuntu akwata amano yamo yene mutanda ayo akwete imyaka amakana mutanda kunuma. Imyaka amakana mutanda kunuma, na mano akwete, aishibe umushi wakwe uwe sonde no kubombela Lesa. Kabili nomba, mu myaka yapitapo amakumi cine lubali na isano, ukuti umuntu afuma pali kabalwe ne celeta, ukufika kuli astronault. Cinshi? Alipilibwile icicetekelo cakwe ukufuma kuli Lesa, now cipilibwila mu mano yakwe kabili na mu maka yakwe aya buntunse. Bushe na mucimona? Alileka ukucetekela Lesa. Alaicetekela umwine eka. ƒ‰ˆ Kwati ni uyu mwanakashi umusenshi. Ni nani ishina lyakwe, Washington palya, uwapilibwile ifi fyonse? [Umuntu umo atila, “Murray.”-Ka.] Ni nani ishina lyakwe? [“Murray.”] Murray, atile, “Apo fye natukwata ifita ne mpuka sha pali bemba, tatukabila Yehoba uwakale.” Uh-huh. Nshilesakamana ifyo twakwata. Ni Yehoba atemwa te cintu, kuli ine. Lekeni ifita kabili ne mpuka sha pali bemba bebile, kabili cikacitika, lelo Yehoba ali no kwikalilila umuyayaya. Kabili apo fye naba icilundwa Cakwe kabili Umwana wakwe, nkekala Nankwe umuyayaya; te pa mulandu wa bwite bwandi atemwa ukusala kwandi, lelo ukupitila mu kusala Kwakwe. Ameni, ameni! Nshakwetepo nangu cimo ica kucitapo pali cena. Niwo Wine! Mumpele Wene atemwa mumpele mfwa. Lekeni inko shiime no kuwa; Yehoba ali no kushala. Alicicita, ukupita mu nshita shonse; ilyo Rome awile, ilyo Egypt awile, kabili na bonse abashala baliwile. Kabili Ena acili aba ni Yehoba. Owe, hallelujah! Ndeumfwa bukapepa. ƒ‰‰ Umulandu Russia aishile iluka umwine, alingile ukucita. Kwati fye ifyo Israel alingile ukuya mu mpanga yabo. Lesa Abweseshe Israel na kabili mu mpanga yabo, pa mulandu wa

36

ICEBO ICALANDWA

Mapenga. Kabili eico Lesa Alyenseshe Russia kuli ilya ncende, muli communism, ku kucita filya fine fye ifya sesemwe ukuti akacita. ƒ‰Š Umuntu na mano yakwe mutanda aishile fye ukulaisa, kabalwe ne celeta, ukucetekela Lesa. Mu myaka yapita amakumi cinelubali na isano, alilekele ukucetekela Lesa. Ilyo balembele ifipope fya uyu United States, balibikile Lesa muli fyonse ifyo bacitile. Nomba tabakwata nangu ukulongana, kabili tabatala nangu kulumbula Ishina Lyakwe. Ico cishinka. Bashintilila pa mano yabo aya science wabo, bena, ubucenjeshi bwabo ubwa science wabo, atemwa ibumba lya lunkumbwa. Ico cishinka sana. Icalo conse caliminwa mu kukana ishiba pali Baibele- Baibele. Icalo conse nacipilibuka ukufuma kuli Lesa. Lelo, tontonkanyeni fye, ukufuma fye pakati ka ifyo fyonse, kabili no lukuta lwa filonganino kabili na ma seminario yabo yonse ulunkumbwa kabili ne fintu fyonse, Lesa alisenda Icebo ca bakasesema Bakwe no kuputaula Nabwinga uyo uuli no kucetekela. Atile Ali no kucicita. Aliputaula ukufuma kuli cilya cintu ico Alaile ukuti Ali no kucita. ƒ‰‹ Bashintilila pa mano ayabo aya buntunse, science yabo ya buntunse, kabili nafimbipo; basha Lesa, Uo inshita imo acetekele. United States alisha Lesa. Bali Muntamfisha kunse ukufuma mu sukulu, pantu na bana besu abanono teti bomfwe pali Ena. Bali Mutamfishe ukufuma mu sukulu. Nomba baleesha uku Mufumya pama dollars, “Muli Lesa emo twacetekele.” Bali no kucifumya ukufuma mu mulapo balapile ku ndembela, “Inko imo ukutekwa na Lesa.” Bali nokufumyapo cilya. ƒŠ‚ Mwamona, bena nabaya ku fyakumfwa fyabo kabili na mano yabo. Pantu, mu myaka yapita amakumi cinelubali na isano, tapilibuka nangu panono mu mano yakwe, acili umuntu umo wine uyo Lesa alengele mukutendeka. Lelo, muli shino nshiku shakulekelesha, bushe teti mwishibe pantu tuli? Kabili no lukuta nalupilibuka, ukufuma kuli Lesa, kuli cilya, ku masambililo ya seminario, na fimbipo, mu cifulo ca Cebo. Teti ba Mwishibe nangu mukulongana kwabo, mu masukulu yabo, nangu muli cimo, na kabili. ƒŠƒ Israel, mu myaka yapitapo amakumi yabili na isano, naishiba icintu cimo nacibaleta mu mpanga yabo, ngefyo calaiwe. Tabaishiba umusango uyo cacitilwemo. Baliculile nge fili fyonse, ukwipaiwa, munshita ilya iya Mapenga, lelo bali mu mpanga yabo. Tabaishiba mulandunshi. ƒŠ„ Cinshi Russia abukile? Cinshi inko shabukile? Cinshi umuntu abela uwakusanga fi? Ilyo aba science, imyaka yapita imyanda itatu, uwa science umu French akunkulwishe umupila pa kubutuka kumo kucilinganya isonde, kabili ali

UKWISHIBA UBUSHIKU BOBE NE MBILA YA BUKO

37

shininkishe, ukupita mu kufwayafwaya kwa science, “Ngo muntu akesa panga ulubilo ulwacilisha ulwa ba mailoshi amakumi yatatu pa nsa, ukutintwa kuti kwa mufumya ukufuma pe sonde; ukulingana no kufina kwakwe, ukulingana no kufina kwa mupila.” Nomba aleya ama mailoshi amakana ikumi limo na cine lubali pa nsa, mwamona, ukwesha nelyo line ukulanina. Elyo eshibe fye cilya, nomba line. Cinshi? Cilingile caba filya fine. ƒŠ… Cinshi, ulukuta lwaleiminina pa cilibwe cakwa Yesu Kristu. Te mulandu ifyo uuli onse alandile, baikalile fye filya fine na cilya Cebo, imbila ya ino nshita; Luther, Wesley, kabili kunuma ukupita mulya. Kabili nomba naba bwekela na kabili ku ntambi. Cinshi calenga ukuti cicitwe? ƒŠ† Pa myaka yapita amakumi yabili na isano, Israel elyo eshibe fye ukuti bali mu mpanga yabo pa cintu cimo. Calisesemwe bali no kukolonganikwa na kabili; Hosea efyo alandile. Twacibelenga pa kashita akapitapo. Lesa twafwe ukucumfwikisha! Cisuma. ƒŠ‡ Panshita imo ine, Nabwinga naishiba Ulubuuto lwa nshita ya cungulo bushiku, elyo atendeka fye ukwishiba. Ba pentecost abansala na batendeka ukwishiba ukuti twena utubungwe tatukwete ifintu nangu fimo ifyo balefwaya, bali pilibulwa nganshi kabili no kulepulwa. Mwamona, ni nshita iya kwishiba, ukwishiba. Mulingile ukwishiba. Icalo na cishiba. Inko na shishiba. Science naishiba. Ciwa naishiba enshita iyo engonaula abanakashi, ukonaula ulukuta, ukonaula abantu. Nacishiba. Kabili Lesa naishiba ukuti pali abantu pe sonde abo Alingile libela ku Mweo. Alishibe iyi e nshita iyakutuma Imbila Yakwe. Nacicita. Abantu naba Cishiba, inshita yakwa nabwinga nailuka Ulubuuto lwa cungulo bushiku. ƒŠˆ Nga Sodoma ali uwa kwishiba inshiku shakwe, ilyo amwene shilye nkombe ukwisa mukati mulya, kwati ni Billy Graham na Oral Roberts! ƒŠ‰ Nomba, umo umuntu wa lunkumbwa mu Phoenix aiminine fye nokutila^alishishe cilya ciputulwa pali-pa tepu, kabili atile natile kuno, ine “ningile ukubatishiwa mwi Shina lyakwa Yesu,” ukulanda ifyo. Kabili elyo natile, “Nomba mwamona pano, kuntanshi kuno atile^” Ilyo nalelanda pali Africa, ifyo babatishe imiku itatu icinso kuntanshi, kabili na kunuma. Atile natile, “Tacilepanga ubupusano ubuli bonse.” Mwamona, talishishe -yonse tepu; cilya fye iciputulwa, kabili no kuiputula. Ico, kuti caba umulandu wakukakwa ku kucicita. Aya amatepu yaba mu cine ayasumininshiwa ku buteko. Tapali nangu umo uwinga angala nayo. Taulingile ukucita.

38

ICEBO ICALANDWA

Iwe-iwe-iwe ukwete ifunde pali iwe. Lelo bushe kuti wacicita? Awe. Atile, “Balekeni beka.” Lesa alinjebele ifyali no kwisa citika. Mumone fye, mubike fye ilinso lyenu pali ulya muntu. Mwamona? ƒŠŠ Inshita imo iine, Nabwinga nailuka Ulubuuto lwa cungulo bushiku. Nga Sodoma aishibe fye inshita yakwe! ƒŠ‹ Nomba, uyu muntu umo wine alibikilepo tepu, atile, “Moneni kuno, kuli imwe mwe bantu ba Pentecost,” atile, “kabili imwe ba Baptist.Uyu muntu, kasesema wa bufi, William Branham,” mwamona, “asosa ukuti Oral Roberts na Billy Graham bali mu Sodoma.” Mwamona, elyo aisa putulako tepu; epela fye, mwamona. Tekuti atwalilile pantanshi ukusosa, ukuti, “Bali ni nkombe ku Sodoma.” Te mu Sodoma, “Bali kulya nge nkombe ku Sodoma.” Uuli onse alishiba filya. Lisheni tepu yenu. “Uuli onse ukafumyamo nangu ukulundako, cimo cine cikafumishiwa kuli ena.” Cena Cebo cakwa Shikulu. Caiminina filya fine. ƒ‹‚ “Nga Sodoma ali uwa kwishiba inkombe yakwe, nga baba uwai - minina ilelo,” Yesu atile, nga ali uwa kwishiba umusango umo wine Abraham aishibe. Abraham alishibe kwali ko umwana wa bulayo uwaleisa. Lelo alishibe kwali ko nokuba ukupilibulwa mu nshila imo, pantu ali umukote sana, na Sarah nao efyo ali. Lelo lintu amwene ulya Umo Uungalingulula amatontonkanyo yakwa Sarah, kunuma Yakwe, alishibe inshita aleikalamo. Atile, “Mwe Shikulu, lekeni mfwaye utu menshi utunono kuno kabili nsambe inkasa Shenu.’’ Balilile umukate umo. “Lekeni ndelomba kuli Imwe, muloleleko fye pa nshita iitaliko panono,” mwamona, pano, “mwe S-h-i-k-u-l-u,” amalembo ayakulu S-h-i-k-u-l-u, “Elohim.” Alishibe ukuti Lesa alelanda kuli wene ukufuma mu mubili wa buntunse. Alishibe icishibilo cakwe, kabili alipalilwe na Shikulu. Sodoma tabaishibe ubushiku bwabo, kabili alipile onse. Yesu atile, “Ngefyo cali muli bulya bushiku, efyo cikaba ilyo Umwana wakwa Lesa ali^ atemwa Umwana wa muntu alelengwa ukumonekela.” ƒ‹ƒ Nomba, ulukuta talulati lwishibe ubushiku bwakwe. Kwati ni Israel, bali bapatikishe ukubwekela ku Palestine, ali nokupatikishiwa mu Kabungwe ka Nkuta sha Calo conse. Cinshi? Taishibe inshita yakwe. “Mwe bantu, fumenimo muli wene, mwikumako ku membu shakwe!” Fulumukeni, ubumi bwenu, atemwa mukekatwa no - lulembo lwa ciswango kabili tamwakacitepo icili conse pali cena.

UKWISHIBA UBUSHIKU BOBE NE MBILA YA BUKO

39

“Lekeni uyo uuli uwakowela atwalilile ukuba uwakowela. Lekeni uyo uuli uwamushilo,” tekwisaba uwa mushilo, “uwamushilo nomba. Lekeni uyo uuli uwa mushilo,” tewabeya, abanakashi aba beya-imishishi; teti abe. Nomba, ici cileumfwika ica yanguka sana, lelo aya Malembo. Baibele iitila, “Tacindika umutwe wakwe,” kabili no mutwe wakwe mulume wakwe. Umutwe wakwe ni Kristu, eico tacindika Kristu. Kuti abashani “uwabulo mucinshi” no kukana ba “uwakowela”? “Lekeni uyo uwakwata imishishi iyabeyewa aisunge. Lekeni ena, umwanakashi uyo ufwala bakaputula atwalilile ukula bafwala. Lekeni uyo ukana Icebo atwalilile ukula Cikana.” “Lelo lekeni uyo uli uwa mushilo atwalilile ukuba uwa mushilo. Lekeni uyo uuli umulungami atwalilile ukuba umulungami; Icebo cakwa Lesa icalungama, Umwana wakwa Lesa ukulangishiwa. Twalilileni ukuba abamushilo, ukutwalilila ukuba mubulungami!” Ukwishiba! Eeh, mukwai! Tashili inshiku^ Ulukuta talwishibe ubushiku bwakwe. ƒ‹„ Kwati ni Israel, ukubwela mu mpanga yakwe ya bulayo, taishiba ifyo afikile ukubwalela kulya. Aliisangile fye mulya ifi fine fye. Cinshi? Ukutitikisha kwa nko kwa mubikile mu ncende yakwe. Nomba nalalanda icintu cimo. Ukutitikisha kwa nko kwa bikile Israel mu mpanga yakwe; ukutitikisha kwa nko kukabika ulukuta mu Kabungwe ka Nkuta sha Calo; lelo amaka yakwa Lesa ya kabika abantu muli Nabwinga. Icalo cilepatikisha muli iyi nshila, kabili icalo cilepatikisha ilya inshila, lelo Lesa apatikisha ukuya pa mulu. Umupashi wakwa Lesa, ico icaba Icebo cakwa Lesa, “Icebo Candi Mupashi no Mweo,” cili no kubika Nabwinga mu ncende yakwe. Pantu, ali no kwishiba icifulo cakwe mu Cebo, ninshi ali muli Kristu, cikamubika mu ncende yakwe. Tapali ukupatikisha kwa nko uku kacicita. Lelo ukupatikisha kwa nko kwaenseshe Israel ku mpanga yakwe; ukupatikisha kwa nko ukwa Kabungwe ka Nkuta kukensha akabungwe akali konse muli cena; lelo Amaka yakwa Lesa yakemya Nabwinga mu Bukata, ukufuma muli kena. ƒ‹… Yangu, mwe bantu, ishibeni ubushiku bwenu, nge fyo Yesu amusokele; icishibilo ca Sodoma, kabili ne mibele ya nkuta ya buno bushiku. ƒ‹† Lolekesheni ifyo Asosele muli buno bushiku ifyali nokucitika. Kutikeni kuli cena mupepi sana. Icishibilo ca Sodoma cili no kucitika muli buno bushiku; icishibilo kwati ni Abraham, bulya bushiku ilyo Sodoma, abo abaitilwe kunse. Fyonse ifi fintu ifyasesemwe, fyala tendeka ukulacitika nomba. Moneni ubushiku ubo muleikalamo. Natupitulukamo imiku ne miku.

40

ICEBO ICALANDWA

ƒ‹‡ Nomba Alilaya ukumutumina Ulubuuto lwa ku Mulu, ukupisha Imbuto ya Cebo iyo iili no kubyalwa muli buno bushiku. Imbuto ili Muno. Imbuto ni Baibele. Cinshi? Efyo Yesu alandile. “Icebo ni Mbuto iyo katanda atandile.” Kabili, nomba, lintu tamulati mukwate ifilimwa ifili fyonse, te mulandu nga mwalibyele imbuto, ilingile yakwata ulubuuto lwa kupisha ilye mbuto, atemwa ikabola kabili tayakacite cisuma nangu cimo; ili no konaika. Lelo nga naikwata imbuto mu mushili, no mushili uwalinga, no musango wa lubuuto lwa kasuba ulwalinga pali lwena, ilingile ukupya. Kabili Ali laile ukuti mu nshiku shakulekelesha, mu nshita ya cungulo bushiku, Umwana ali no kwisa ku kupisha ilye Mbuto. Imbuto ileshimikilwa. Umwana wakwa Lesa alepisha ilye Mbuto, paku Ishininkisha, uku Ilenga ukuletwa kuli imwe kabili no kushininkisha ukuti Intu yalungama. Bushe muleumfwa? [Ulukuta lwatila, “Ameni.”-Ka.] Ishibeni ubushiku bwenu. Ndeisala nomba. Ninshita nomba iya kwisala. ƒ‹ˆ Kabili abakankala, abapofula, Laodikia uwasambilila kuti babika Icebo ukufuma pakati kabo. Bushe naba cicita? [Ulukuta lwatila, “Ameni”-Ka.] Atile bali no kucita. Nge fyo bakasesema abakale batuminwe ku kushininkisha Icebo icalaiwe ica bushiku bwabo, pakutila abantu abali abalingilwe libela, ubushiku bwabo, bali Bumwene. Kwati umwanakashi pa cishima, kwati ni Nathan, kwati ni Bartimeyo impofu, kwati ni Petro, kabili na bonse abashala aba Cishibe. Ali cilye Cebo. Kabili ifyalefumamo, “Nga nshilecita imilimo iyo Tata alaile nali no kucita, lyena Mwicetekela nakalaya. Lelo nga Ndecita imilimo, nangu tamule Ncetekela, cetekeleni iyi milimo. Ilemweba Ifyo Naba.” Mulecumfwa? Cisuma, mwilufya ubushiku, uwatumwa. Abaume na banakashi aba nshiku shimbi bali Cishibe, kabili baliingile kabili bali cingililwe. ƒ‹‰ Ba Pentecostal, owe, yee, cinshi teti mwishibile ubushiku bwenu? Ishibeni ubushiku bwa nshita ya cungulo bushiku. Buli pano, kabili buli pano, ukuti, ku kushininkisha ukwisa ukwa kwa Kristu, ku ku bushininkisha. Tuli ku mpela. Ishibeni ubushiku bwenu. ƒ‹Š Ninjishiba na musunga inshita itali. Ni twelufu koloko nomba. Lelo, nalitemwa ici Cakulya, Uyu Mweo. Efyo cili. Efyo cili, kuwacetekela. Ishiba ubushiku ubo uleikalamo, kabili ne cishibilo ca nshita. ƒ‹‹ Mwamona apo ifintu fyonse fibelele: Israel; nipi ulukuta; nipi aba bulalelale; nipi Nabwinga eminine. Ni cinshi cashala? Icintu icilekonkapo, ukusendwa kwa kwa Nabwinga. Pantu,

UKWISHIBA UBUSHIKU BOBE NE MBILA YA BUKO

41

ulukuta ululi lonse lulelolekesha pa cintu icikalamba. Ba Pentecost batila, “Ubukata kuli Lesa! Kukesaba ubushiku uko bali no kucita ici kabili bali no kwisa cita cilya.” Mwamona, baba abakulanda cilya. Balacetekela. „‚‚ Kwati, inshita imo, Caiphas atile, “Bushe tacili icalungama ukuti umuntu umo alingile ukufwa, pakuti icalo conse cionaika?” Ali shimapepo umukalamba, Baibele yatile, umulandu alandile filya. Aliseseme, ukwabula ukwishiba ifyo alelanda. Lelo bushe aliilwike icishinka cine ca cena, ukuti aletanika Lesa wine uyo alandile ukuba shimapepo mukalamba wakwe? Efyo cili, ne lelo! Balalolekesha, kulya ku ncende imo, ku nshita i-ikalamba iikesa. „‚ƒ Cinshi, ndaya mu kulongana ukwa Baume ba Shimakwebo pamo nabo. Batila, “Ubukata kuli Lesa!” Bena ba kashimikila baleminina no kutendeka ukusunkanya ibumba, no kutila, “Kuli no kwisa ukupuputulwa uku kalamba. Ukuboko kwakwa Shikulu kuli no kuba pe sonde!” Kabili efyo abantu baleya kulya, ukubutuka kwati^ Kabili tabeluka ukuti cilya cili mu nshita ya Mapenga kuli Israel. Cinshi bacicitila? Ni pa mulandu wa kutila baba abaitunga ukuba abena Kristu, kabili tabeluka. Nangu ni Caiaphas tailwike pa fyo alecita. Kabili tabeluka ukuti balekana Imbila ine iyo yatumwa kuli bena. Ameni! „‚„ Iciputulwa conse ica Malembo, twalipitamo ubushiku no bushiku, kabili umulungu no mulungu, mpaka caba Icine icabula ukutalikisha. “Nge mpofu teti shi Cipokelele,” Yesu atile, “shilekeni sheka. Nge mpofu yatungulula impofu, shonse shiwila mu cilindi.” Nshishibe ni lilali, nshishibe ni kwisa, lelo ninjishiba aleisa. „‚… Namwishiba, namona umulandu Satana tacilafwaya ine ukucicita ici. Mailo, naumfwile ububi sana. Nshapokele Cebo nangu cimo ukufuma kuli Shikulu. Nalicitile icili conse ico naishiba, ifyo ningacita, lelo nalifililwe. Kabili luno lucelo, ilyo nacibuka^ Ine na lilya amataba, mailo, kabili camoneke kwati ukwikala mulya mwine mu lufumo lwandi. Nalilwala sana, nalifilwa-nalifilwa fye ukucisenda. Natontonkenye, “Mulandu wa musango shani mu calo? Ndi nokuya kulya kwine, kabili nshishibe ifyo ndi no kuya landa. Kabili, Shikulu, teti nsange nangu Ilembo mu mano yandi, ukulemba panshi. Teti nsange akantu.” Nshaishibe fye ifyo ningacita. Elyo, panuma Imbila yatendeke ukwisa kuli ine, Satana alitwalilile ukulanda, “Uleumfwa ububi sana. Umutwe obe ulekalipa. Naulwala. Teti uye kulya. Teti wiminine kulya. Cili no kuyaba ifi, cili no kuyaba filya.” „‚† Ndeibukisha, inshita imo, ilyashi lya umuntu umunono mu England. Ali fye muntu untu fye. Kabili batile ukuti

42

ICEBO ICALANDWA

i-i-imfumu, pali imfumu imo mu nshiku shakubalilapo aleya mwi sano lyakwe-lyakwe. Kabili, uyu, takwete nangu umo^ Alikwete imbila iyo alingile ukutwala, imbila iya kwangufyanya, pa mulandu wa balwani. Kabili ico ena-enaena atile kuli uyu muntu umunono uwaiminine palya, atile, “Kuno, bula iyi mbila, bula iyi mbila! Endesha ku ncende iya kuti- ne yakuti, kabili uyelanda ici ukuti cicitwe.” Kabili atile, “Bula inkonto yandi mu kuboko kobe. Ico cili no kushininkisha iwe, ukuti Nine^ nautumwa ukufuma kuli ine.” „‚‡ Kabili alicikambatike ku mwingila wakwe, no kuya aliile. Ba kalinda ukuli konse balemwiminika, uuli onse fye. Ukubilikisha, “Talukeniko! Ninkwata imbila ya mfumu.” Ameni. “Ndi nkombe ya mfumu,” icebo ica shininkishiwa. „‚ˆ Natontonkenye, “Satana, fuma mu nshila yandi! Ninkwata Imbila ya Mfumu. Ningile ukuya.” [Munyina Branham akonkosha pa pulpit imiku iingi-Ka.] „‚‰ Inshita imo ilyo baipeye Cilolo wa Mutende, no ku Mubika mu nshishi, kabili no kukakatika inshishi, kabili ne mfwa yali Mwikatilile pa nshiku shitatu akasuba no bushiku. Lelo ulucelo pa bushiku bwa Kututubuka Alikwete inkoto mu minwe Yakwe, kabili abilikishe, “Talukako, we mfwa! Talukako, we shishi! Isuka! Nine Mbila ya Mfumu. Ningile ukwisa ukushininkisha uku kubuka. Nine kubuka no Mweo.” Hallelujah! Ndeumfwa bwino sana nomba. Ni Mbila ya Mfumu. Tiyeni Tuishibe, mwe fibusa, pantu natwitwa ku kulongana capamo ku kulila kwe Penga. “Pantu Ipenga lyakwa Shikulu likalila, kabili takwakabe inshita na kabili.” „‚Š Nakolonganika Israel. Ishi nshiku shitatu, mu bushiku bwalenga butatu Atile Ali no kucicita. Imyaka amakana yabili ne myanda cine lubali naipita. Muli bulya bushiku bwa citatu Atile Ali no kubakolonganya capamo, kabili Ali cicita. Atile Ali no kwishibisha inshila ya Mweo. Mwamona nomba, ukulolela fye nomba kuli Nabwinga ukufumamo mu nshila pa kutila bengesa, bakasesema babili, abaci Heberi, bakeshiba. „‚‹ Muleibukisha ine ukwiminina mu Cairo, ukuya kulya lubali, ilyo Lewi Pethrus atile, “Munyina Branham, nga kuti bamona cilya^Bacetekela ba kasesema babo.” „ƒ‚ Natile, “Cintu icisuma kuli ine.” Mwamona ifyo umuntu aba? Lelo moneni inkumbu shakwa Lesa? Natile, “Ndi no kubelenga ici Cipangano cipya.” Bala Ibelenga. Lewi alibatumine, ukucila imintapendwa, kulya kwine, Munyina Lewi Pethrus ukufuma ku Sweden. Kuti ba Ibelenga, ukulaisa ukufuma uku-na-kulya, balya aba Yuda; tabali ngeli bumba lya ba Yuda abashino nshiku, lelo mu mpanga yabo. Kabili alishile kuno, atile, “Nga uyu ni Messiah, katumone ukucita icishibilo cakwa kasesema, tuli no kucetekela.”

UKWISHIBA UBUSHIKU BOBE NE MBILA YA BUKO

43

„ƒƒ Lewi Pethrus atile, “Munyina Branham, apo epali ishuko. Apo epali ishuko.” Umuntu umo alinjebele cilya, ukuti likaba lishuko. Naliile,” atile, “ukuya fye kulya kwine.” Umwaume umo alishile no kwikala palya, Munyina Argan Bright, atile, “Munyina Branham, cilya kuti catemuna fye Israel! Ukubaleta kunse pali Cena, no kulangisha icishibilo cakwa kasesema. Bali no kucicetekela.” „ƒ„ Natile, “Shikulu, ndi pano, uwaiteyanya.” Nalingile mu ndeke; nalisendele indalama no kushita itiketi; yaiminine mu Cairo. Natile, “Eeh, ndi uwaiteyanya.” „ƒ… Mupashi wa Mushilo watile, “Ino te ncende yobe. Ino te nshita yobe.” Mwamona, uleitangilila we mwine. Natontonkenye, “Owe, yee! Ninjisa ukufika kuno; ine-ine natendeke ukuya.” „ƒ† Icintu cimo catile, “Iminina pano pene! Wiyesha ukuya kuli ilye nshila. Pilibukila ukuya ku India. Wiesha ukuya ilya nshila. Kabiye kulya ku India, lelo wiesha ukuya kuno.” „ƒ‡ Natontonkenye, “Cinshi?” Ilyo naleenda kunse kunuma ya ciyanda ca ndeke, natile, “Shikulu Yesu, bushe ici cilepilibula nshi?” Elyo Alicilengele ukwishibikwa kuli ine. “Takuli Mwina fyalo. Aba bakasesema ebene.” Cilingile caba ukulingana na Malembo. “Mose na Eliya balingile ukwisa.” Kabili, kunse ya ici, Nabwinga talati afumishiwe mu nshila nakalya.” Kabili balya bakasesema bakabwela no kucita icishibilo cakwa kasesema.” Ayo e Malembo. Ifyo fyonse nafifikilishiwa nomba, ukupwililika, Israel nge nko akafyalwa mu bushiku bumo. Ameni! Ama lubuuto ya cungulo bushiku yalebengeshima! Kukaba Ulubuuto mu nshita ya cungulo bushiku, Inshila ya ku Bukata mukaisanga icine cine; Mu nshila ya menshi, e muli Ulubuuto ilelo, Ukushikwa mwi Shina lyakwa Yesu ilisuma. Abaice na bakalamba, lapileni ku lubembu lwenu lonse, Umupashi wa Mushilo mu cine uli no kwingilamo; Ama Lubuuto ya cungulo bushiku na yesa, Cishinka ukuti Lesa na Yesu baba Umo. „ƒˆ Tuli pa nshita ya mpela, mwe fibusa. Kabili elyo tulatontonkanya pali ulu lwimbo lwakwa kalemba uwaputwa, lintu atile:, Inko shiletobeka, (ici cili nalimo imyaka ikumi limo na isano iyapitapo), Israel aleshibuka, Ifishibilo ifyo bakasesema balandile kabela; Inshiku sha Benafyalo shalipendwa, (moneni pa kukowela kwakwe nomba) ne fyakutinya ukufuma; Bwekeleni, Mwe basalangana, ku mwenu.

44

ICEBO ICALANDWA

Ubushiku bwakulubulwa nabupalama, Imitima ya bantu ilefilwa ku mwenso; Beni abaisushiwa na Mupashi wakwa Lesa, lekeni inyali shenu shibe ishateyanishiwa kabili ishabuta, Lolekesheni ku mulu, ukulubulwa kwenu na kupalama. (Ico cishinka.) Bakasesema ba bufi balebepa, Icine cakwa Lesa balekana, (bushe ico te cine!) Yesu uuli ni Kristu e Lesa wesu. Tabacetekela Cilya. Balikwata imisango iya fishilano ne fintu!^?^nabo. Lelo kasesema atile^Atemwa, kalemba uwa putwamo atile: Tuli no kwenda umo abatumwa baenda. „ƒ‰ Ibukisheni mu cimonwa candi? Natile, “Nga abantu bakwa Paulo bakengila, ninshi na bandi, pantu nalicita filya fine fye acitile.” Ndeikala Nayo ifi fine. Balya imintapendwa baimishe amaboko yabo, no kutila, “Tuletushisha pali ico!” Cinshi? Ishiba ubushiku ubo tuleikalamo, inshita iyo tuleikalamo, icishibilo ca nshita iyo tuleiakalamo. Kuti caba nomba line ukucila ifyo tuletontonkanya. Ubushiku bumo muli ishi nshiku, lekeni uyo uuli kunse ekale kunse ifyo fine. Uyo uuli mukati alingile ukubelelela ukuba mukati. Icibi cikesalwa. „ƒŠ Nga pali bamo muno muno lucelo abo abashilati kwingilamo na nomba, owe, Mwi Shina lyakwa Yesu, mwe bantu abatemwikwa^ Mwilolekesha kuli uyu mubomfi uushaishiba nangu cimo uwiminine pano, umututu, uushasoma, uushasambilila; mwilolekesha kuli cilya. Lelo lolekesheni ku Cebo ico icileshininkishiwa. Lolekesheni ku Mupashi wa Mushilo ukalamba uyo Ucishininkisha ukuba Icine. Tuli pa nshita ya cungulo bushiku. Cili mupepi ukucila ifyo muletontonkanya. Mwiesha^ „ƒ‹ Mwe banakashi, lekeni imishishi yenu ikule. Nkashi, napapata fumyako ifyo ifyakufwala ifyafiko. Poseni iyo fwaka. Pantu inshita ikesa, iyo, “Uyo uuli uwakowela, lekeni atwalilile ukuba uwakowela; kabili noyo uuli umulungami, lekeni atwalilile ukuba umulungami. Uyo uuli mukati ali mukati; uyo uuli kunse ali kunse.” Akanono, akashilwa kamupepi, “Nga umuntu umulungami akapusuka kwempe, ni kwi umubembu no ushashila bakaba,” kakana wa-Cine, namwishiba, “ni kwi bakamonekela?” Katukontamike imitwe yesu.

UKWISHIBA UBUSHIKU BOBE NE MBILA YA BUKO

45

„„‚ Nomba, mu Lubuuto lwa ino nshita intu tuleikalamo nomba, Ulubuuto lwa bushiku ubo nomba tuleikalamo; mwe basuma kabili abatemwikwa besu, imwe mwe bafuma ku misumba iyapusana mu nko yonse, lekeni nomba, kabili ine na imwe, pali ici cipailo, katukwate ukuicencenta. Uli shani Umupashi wakwa Lesa mu mitima yesu ilelo? Ibukisheni, ni ulya Umupashi, ushebaulwa, uushakoweshiwa; isambililo ilili lyonse ilya lukuta, kabili ne fili fyonse, nafiya umupwilapo. „„ƒ Teti muleshe ukwesha ukulundako kuli Cilya nangu ukufumyako kuli Cena. Pantu, nga muleesha ukubikako ubwilulo kuli Cena, mwe bene, iciputulwa cenu cili no kufumishiwa ukufuma mwi Buku lya Mweo. Bushe muleesha ukulanda icintu cimo ico Umupashi taulandile? Bushe muleesha uku Cilenga ukumfwika kwati Cacilanda icintu cimbi? Atemwa, imwe Mucisende fye ifyo fine fye Calandile, kabili noku Cileka filya fine? Bushe mulefuta, ukuputula, ukwambula, ukucita ifintu ifishilungeme? Bushe namucita? „„„ Mwatila, “Cisuma, nshileumfwa fye kwati ningile ukucite ci. Atemwa, limbi, ine-ine-nalishiba ulukuta lwandi talwa Cicetekela. ‘Ico Cebo ca muntu umo pali Cena.’” Ulya Muntu umo ni Lesa. Baibele pano iletila tamulingile ukubeya umushishi wenu. Ifi^Baibele eyalanda ico. “Cikesa fikilishiwa ukuti abanakshi bakafwala ifyakufwala nga baume, kabili ifyo bakaba ica muselu kuli Lesa.” Ifyo Umupashi wa Mushilo walandile ukupita muli cena, uyu uwaicefya, icipe icishalinga ico cacitike fye ukwiminina pali ilya nshita umo Imfumu ikalamba yatile, “Iyi inkoto Yandi^Icebo Candi. Iyi Inkoto Yandi, ntile. Senda Inkoto Yandi, kabili kabiye kulya, kabili ulete Imbila.” „„… Ninjishiba ifilonganino fyali yeseshe Ukuikanya, kabili noku Ifumya kunse, kabili noku Itamfisha kunse, noku Ipantila kunse, kabili ne fili fyonse. Lelo, mu nkumbu shakwa Lesa, ndi pa bulendo bwandi, ukulapunda ukufuma mu nko ne nko, ukufuma ku ncende ne ncende, ukufuma ku lukuta no lukuta, “Fumenimo muli cena!” Tacalumbukwa, lelo Cena Cishinka. „„† Bushe muli noku Cipokelela mu mu-mu-mu mu Mupashi uyo Yalembwamo? Bushe muli noku cipokelela mu Mupashi umo Yapelelwamo? Nga tamulati na nomba^Tatukwete incende ya cipailo; umutima wenu e cipailo. Bushe kuti mwaimya amaboko yenu, landeni, “Lesa, mbeleleni uluse ine. Lekeni Umupashi wakwa Lesa wise muli ine, ukunjebaule nomba pa membu shandi shonse, kabili ifyakunkalifya, imicitile yandi yonse iyabipa, ne cipyu capamulu, no kutalikishanya, na malubuli, no kusakamikwa, kabili ne fili fyonse ifyo nakwatapo. Kabili ninjishiba icintu cimo, ukuti

46

ICEBO ICALANDWA

umupashi wandi tawanashiwa palwa Ku mulu. Nengeni ukuba uwanashiwa, Shikulu, muli ino inshita yakulekelesha. Iyi kuti yabe mbila yakulekelesha iyo ningomfwa. Iyi limbi kuti yaba inshita iyakulekelesha iyo ningomfwapo Imbila. Ndeimya ukuboko kwandi. Lesa, mbeleleni uluse ine.” „„‡ Lesa amupale. Amaboko ukucila ikumi limo na yabili. Nomba, pakashita fye akanono kwi pepo lya mutalalilwa lya pali imwe. Imwe mwebacimya ukuboko kwenu, cilelanga ukuti mucili mulefwaya. Cilemoneka kuli ine ukuti Umupashi ucili uleiita ku muntu umo. „„ˆ Lesa wakutemwa, Imwe Mwebaishiba ifintu fyonse. Kabili Mwapangile ifintu fyonse pa mulandu wa fintu fyonse, pa mulandu, bamo bali nokwebaulwa, bamo bali nokupofushiwa; bamo, “kwati ni kabumba uwapangile icipe,” ngefyo Paulo alandile, “imo ku kucindikwa kabili ibiye ukukana cindikwa.” Imo iyapangilwe kukana cindikwa, yali nokulangisha fye iyo imo iyali no kucindikwa. Lelo bushe tacaba mu kuboko kwakwa Kabumba ukucita ico Alefwaya? Bushe tacaba mu mapange yakwa Lesa aya kulingilwa libela, ku kwita? “Abo ebo Aishibile libela, Alibeta. Abo Ebo Aitile, Alibalungamike. Kabili nabo Abo Ena alungamike, Nabacindamika.” „„‰ Limbi bamo abali muno ilelo bali kwati ni ulya umwanakashi umunono pa cishima, mukati ka kukowela, mukati mu kukana cetekela, mukati ka ntambi sha muntu, amasambilisho ayapangwa no muntu. Limbi ni nshita yakubalilapo batala ukumfwapo ifi fintu, lelo icintu cimo mukupapusha nacisoka imitima yabo. Pali abengi, ama boko yacimishiwa ayengi, Shikulu. Lekeni Kabumba umukalmba asende cilye cipe nomba no kucibumba mucipe ca mu cinshi. Ndecetekela pali umulandu umo, Shikulu, nangu teti balecita filya, teti balelanda filya. Ncili ndecetekela, ndebekatililako. „„Š Lekeni umubomfi Wenu uwaicefya apapate, Shikulu. Lekeni tubapapatileko, nga umo uwiminine pakati ka bamweo na bafwa; kwati ni ulya uwali mu Sodoma alepapatilako abena Sodoma, “Fumenimo muli wene! Fumenimo muli wene, bwangu bwangu!” „„‹ Shilekeni bese, Shikulu, mukuicefya no busuma ku cipuna cakwa Lesa nomba, mu mutima wabo, ukulanda, “Yesu, ukufuma buno bushiku, ukuya pantanshi, Muli nokuba uwandi. Ndepanga uyu mulapo kuli Imwe nomba pano, ilyo njikele pano pali ici cipuna apo Umupashi Wenu naunjikata. Nga Naunjikata pano, nshilingile ukuya pantanshi ukucila pano. Pano pene epo Mwankumanisha; pano pene epo twala bupwilikisha; pano pene pali ici cipuna ca bubili, icipuna ca butatu, icipuna ca cisano, icili conse. Pano pene epo cena calapwila, pantu pano epo Mwanjebawila, kabili pano epo Mwalaile ukucilungamika. Pantu nangu ningaba uwakowela

UKWISHIBA UBUSHIKU BOBE NE MBILA YA BUKO

47

kabili uwafiko, ndi no kulengwa uwabuta nge mfula yabuta. Ndecetekela Icebo Cenu conse. Ndi uwaiteyanya ukwenda muli Cena, uku Cicetekela, uku Cipokelela. “Kabili nomba ndecita ici ku bukata bwakwa Lesa, ukwishiba ukuti ubumi bwandi tabwawama kuli ine, tabwawama kuli Lesa, tabwawama ku bena mupalamano bandi, tabwawama kucili conse; bwawama fye kuli ciwa, ukupanga u-umusha ukufuma muli ine, ukulamposa uku no ku, limbi ukuba akakwangasha ka mwaume aka kulolekeshapo, limbi akalubi ka mwanakashi. Mwe Lesa, nengeni ukuba umubomfi Wenu.” Cipeleni, Shikulu. Ndebapela kuli Imwe nomba, mwi Shina lyakwa Yesu Kristu, Umwana Wenu. Ne mitwe yesu iyakontama, ne mitima yesu. Kuti naumfwa Kapususha Wandi^ Mubufuma cumi, cibusa. Kuti caba enshita yobe iyakulekelesha. Kuti waumfwa lilye Shiwi ilinono? ^ukwita, Kuti na^ Cinshi ico Aleita^ Cinshi icile kwita iwe, nga Kapususha obe eule? Icebo. ^Kapususha aleita, Cinshi ico uli no kucita? Ukukana icalo. Kabili senda ulupanda lwandi no kukonka, ukukonka^ “Nalikana ulubatisho Mwishina lyakwa Yesu, Shikulu.” Ndi nokuya Nankwe mwibala, Ndi nokuya^ Nankwe, kwisa? Ukupita mu menshi, ukupita mwibala, ukuya ukuli konse; ing’anda ya mapepo, mu cishiba, ukuli konse. Ucisale! ^ukuya Nankwe ukupita mwibala, Ndi nokuya Nankwe, pamo Nankwe inshila yonse. Ndi nokuya Nankwe ukupita mu bupingushi, (nga cakuti Icebo cili icalungama nangu ulukuta luli ulwalungama), Ndi no^ “Nga cakuti ndi uwalungama, nangu Ali uwalungama. Bushe kampingu wandi ali uwalungama, atemwa bushe Icebo Cakwe cili icalungama?” Muli muncende ya bupingushi nomba. “Ifyo nacetekela, bushe fyalilungama, atemwa bushe Icebo Cakwe cili icalungama? Bushe ndetontonkanya cili icalungama ukukwata imishishi iipi, ukufwala utuputula? Bushe ndetontonkanya cili icalungama ukuba ku cilonganino?” Cinshi ico Alandile?

48

ICEBO ICALANDWA

Ndi nokuya Nankwe, pamo Nankwe inshila yonse. Nomba uko Ali no kutungulula Ndi no kukonka, Ninjimya amaboko yandi pa mulu, naine, Shikulu. Shikulu, ukuli konse, ni kwisa uko Imbila imbi ikashimikilwa? Bushe ni kuno kwine, ilelo munshita ya bushiku, kulya mu Africa, Germany, Switzerland? Kubelele kwisa, Shikulu? Uko Ali^ (ukuli konse Muletungulula, Shikulu) ^ine Ndi no kukonka, Ndi nokuya Nankwe, pamo Naena inshila yonse. Nomba ne mitwe yenu iyakontamikwa. „…‚ Muli no kuya Nankwe ukuli konse Ali noku mutungulula? Muli nokuya Nankwe ilyo inshita ishabipa, abantu balecusha, baleseka, ukusenteka? “Ndi nokuba Nankwe nalyo line. Nalyo line nkaya. Ndi nokwenda mupepi Naimwe, Shikulu, ukuli konse kuntu Muli. Nalyo line nkeminina uwacumfwila kabili uwa cine. Mukukosa kwa bulwi, nelyo line nkeminina uwacumfwila kabili uwacine. Nga nawa, Mukanjimya na kabili, Shikulu. ‘Uyo ukalufya umweo wakwe pa mulandu wa Ine akausanga.’” Eico ndi nokuya Nankwe, pamo Naena lyonse^ „…ƒ Nomba abo bonse abasumina ico, ukufuma mu mitima yenu, katwimye amaboko yesu nomba, kabili ne mitima yesu, kuli Ena. Konse Aletungulula Nkakonka, Konse Aletungulula Nkakonka, Konse Aletungulula Nkakonka, Nkaya Nankwe, Nankwe konse fye. Akampela inkumbu no bukata, Akampela^ Shikulu Yesu, puteni umupu pali utu tutambala nomba. Undapeni aba balwele na balecushiwa, Shikulu. Cipeleni, Shikulu. Bapeleni ukundapwa, Shikulu, mwi Shina lyakwa Yesu. Kabili ukuya naine, pamo naine inshila yonse. „…„ Muleumfwa bwino nomba? [ulukuta lwatila, “Ameni.”-Ka.] Muleumfwa fyonse nafiteyanishiwa nomba? [“Ameni.”] Nga Ena^ Ilyo Penga lyakwa Lesa likomfwikwa, mu calo, (ilyo nilye Penga, lyakulekelesha, nomba) Ilyo bukaca bwa lubuto tutu. Lekeni tulwimbe, bonse fye nomba. “Ilye Penga lyakwa Lesa likomfwika.” Tutungululeni nomba.

UKWISHIBA UBUSHIKU BOBE NE MBILA YA BUKO

49

Ilyo Penga lyakwa Lesa likomfwikwa mu calo, Ilyo bukaca bwa lubuuto tutu, Ilyo abasalwa bakayalongana pe shilya, Ilye keta na mashina nkabeko. Ilye keta na mashina, Ilye keta na mashina, Ilye keta na mashina Ilye keta na mashina, nkabeko. Ubushiku bwa kutinya ilya bafwa bakema, No kumono bukata bwa kwa Kristu; Ilyo abasalwa bakayalongana, kwa Lesa, Ilye keta amashina, nkabeko. Ilye keta na mashina, Ilye keta na mashina, Ilye keta na mashina, Ilye keta na mashina, nkabeko. „…… Natwimye amaboko yesu, natulande, “Mu nkumbu Shenu, Shikulu.” Mu nkumbu Shenu, Shikulu! [Ulukuta, “Mu nkumbu Shenu, Shikulu.’’_Ka.] Nomba, tuli bamunyina naba nkashi muli Kristu. Natupilibuke fye kabili tuposhanye fye mu minwe na umo uli mupepi naimwe, kabili mutile, “Mu bwafwilisho bwakwa Lesa, ilye keta amashina kulya!” Ilye keta na mashina, Ilye keta na mashina, Ilye keta na mashina, Ilye keta na mashina, nkabeko. Cinshi ico tulelolela? Ilyo ilye Penga (ilya kulekelesha)^ lyakwa Lesa likomfwika, mu calo^ (Yacitwa ukuya mu Muyayaya, “Pakashita kanini, mukukapa kapa kwe linso.”) ^ilyo bukaca; Kabili ilyo abasalwa bakayalongana pe shilya, Ilye keta na mashina, nkabeko. Katulwimbe fye nakabili! Ilye keta na mashina, Ilye keta na mashina, Ilye keta na mashina, Ilye keta na mashina, nkabeko. „…† Owe, bushe iyo tayakabe inshita! Ukulaenda fye, ubushiku bumo, kabili pano paisa monekela umuntu umo. “Ninani? Mayo!” Ameni! “Tacili apatali nomba.” Muli ba mineti fye abanono, namupilibulwa. Kabili tukaba^tukaba kumanya,

50

ICEBO ICALANDWA

elyo tukolwilwa pamo nabo, uku kumanya Shikulu mulwelele. Owe, mu kashita fye, muku kapakapa kwe linso. Mukasosa, “Uyu Munyina Seward, munyina umukote uwaleba kuno ku lukuta! Cinshi, uyu Munyina DeArk. Uyu Munyina kantwa-^ Cinshi, moneni kuno, bonse nabanshinguluka! Cinshi cacitika? Pano mu ma mineti fye ayanono^Ninjishiba nabamonekela kuli ine. Tacili ukutali sana nomba. Ndi nokupilibulwa nomba, pa kashita fye akanono, pa kashita fye akanono.” Owe, eeh! Kabili bukaca ubwa lubuuto lwa Muyayaya, bukaca na tutu. Yonse amakumbi ayaibela^ „…‡ Nge fyo Alandile, “Israel, wali nge kumbi lya lucelo, icushi ca menshi, kabili no bulungami bwenu bulapwa.” Kabili ilyo bonse bawila mukati ka Lubuuto lwa Mwana Ulwikatilila lonse, ameni, elyo, “Ilye aketa amashina, nkabeko.” Cisuma. Mpaka lelo ubushiku: Mpaka tukakumane! Mpaka tuka kumane! Tatwishibe ni nshita nshi ici cili no kucitika, mwe fibusa. Cali lyashi, inshita iya kale, lelo Cishinka, kabili cikacitika. Tuli fye panshita nomba. Mpaka-tukakumane, tukakumane^ (Mu nkumbu sha kwa Lesa, tulesubila, pa seveni-sate lelo mu bushiku.) Lesa abe naimwe mpaka tukakumane na kabili. Natwiminine nomba pa nkasa shesu. „…ˆ Owe, bushe tacawama? “Ishi ni ncende sha Myulu muli Yesu Kristu.” Teti nkabushe ici ne cili conse. Mwalishiba ifyo natemwa ukuloba kabili nefyo natemwa ukulunga, pantu ndamona Lesa mukati mulya mu ciswebebe. Nali kutemwa. Lelo, owe, teti nkabushanye mineti umo neci, palwa fya kwishiba fyonse fya myaka amakana na makana. Mineti umo kuli ici, kulya kwikushiwa! „…‰ Mwe Lesa, lengeni muli ine ukupuputulwa. Lekeni ine mbe ukupuputulwa. Lekeni onse fye muli ifwe tube ukupuputulwa, ukupuputulwa muli ine. Nengeni ine, Shikulu, ukukwata insala, nengeni ine ukukwata icilaka. Lengeni muli ine, Shikulu, ukuti ico icilefwaikwa muli ine. Lekeni ine, ukufuma ino nsa ukutwalilila, mbe Uwenu; umubomfi sana, umubomfi umusuma, uwapalwa sasa kuli Imwe; uwalinga sana, uwaicefya sana, uwa luse sana, uwa kufwaisha sana ukubomba; ukulolekesha sana ku fintu ifyo ifili ifituntulu, kabili no kulabako ifintu ifyo ifya kale, kabili ne fishili fituntulu. Lekeni mbutukile ukuya ku cishilwa cabwite bwapa mulu ubwa kwa Kristu. Ameni. Uko eku “Ameni.”-Ka.]

kabila

kwesu,

teifyo

fine?

[Ulukuta,

UKWISHIBA UBUSHIKU BOBE NE MBILA YA BUKO

51

Cisuma, katu, mpaka tukumane ilelo ubushiku, katubule Ishina lyakwa Yesu pamo na ifwe nomba, onse fye muli imwe nomba. Bule-bule Shina lyakwa Yesu, We mwana wa bulanda; Likakupelo buseko, Konse kuntu ukuya. Ishina lisuma, lisuma! ‘Lya panshi no Mulu; Ishnina lisuma, lisuma! ‘Lya panshi no Mulu. Nomba katukontamike imitwe yesu. Bule Shina lyakwa Yesu, Libe cishangu konse; ‘Lintu waba no kwishiwa^

`

Ukwishiba Ubushiku Bobe Ne Mbila Ya Buko, Vol. 3 No. 5 (Recognizing Your Day And Its Message, Vol. 5 No. 1R) Iyi Mbila ukufuma kuli Munyina William Marrion Branham, yabalilepo ukuletwa mu cingeleshi pali Umulungu mu ulucelo bushiku, Julai 26, 1964, pa Branham Tabernacle mu Jeffersonville, Indiana, U.S.A., yalyambulwa ukufuma pali magnetiki tepu uwakopwa elyo no kupulintwa mu Cingeleshi ukwabula ukushamo nelyo cimo. Uku kupilibulwa kwa mu Cibemba kwalembelwe mu 1995 na ba Voice of God Recordings.

VOICE OF GOD RECORDINGS P.O. Box 950, Jeffersonville, Indiana 47131 U.S.A.

Icishibisho ukufuma ku mwine kalemba Insambu shonse tashisuminishiwe. Ili buku kuti lya lembwa pali pulinta yapa ng’anda ku kubomfya kwa muntu pa lwakwe nangu ukupela, ukwabula amalipilo, nge cipe caku sabankanya Imbila nsuma iya kwa Yesu Kristu. Ili buku tekuti lishitishiwe, ukulembululwamo ayengi, ukubikwa pa mwela, ukusungila muli ba mashini, ukwalula mu ndimi shimbi, nangu ukuli bomfya ku kulomba indalama ukwabula insambu shalembwa na ba Voice Of God Recordings®. Nga mulefwaya ukwishibilapo nafimbi nangu ukufwaya na fimbi ifyabapo, twalomba tumeni kuli ba:

VOICE OF GOD R ECORDI NGS

P.O. BOX 950, JEFFERSONVILLE, I NDIANA 47131 U.S.A. www.branham.org