Israelwã máa wihcapboó jʉmna, ded pah ĩ yapat naáwát Éxodo 13 – 32

Israelwã máa wihcapboó jʉmna, ded pah ĩ yapat naáwát Éxodo 13 – 32

en cacua

edición provisional mayo, 2012

© 2014, Wycliffe Bible Translators, Inc.

Texto por Emilio López López Dibujos por cortesía de David C. Cook Foundación

1

Mah põh panihni iigní ã jígohat Éxodo 13.17-22 Pánihna, hebreowã, Israel jʉimená jʉmnitdih Faraón waícanjeh ã bac bejat tʉ́ʉtʉchah, Diosboó queétdih ãt waóh bejep wʉt jĩ. Mʉj Mac Dʉʉniboó Dios queétdih ãt waóh bejep wʉt jĩ. Páant ã waóh bejechah, “Dios ã ʉb bacani yeó ́ bácahjidihbʉt ninmant ñi ʉb jáapdih bejna, wĩih bejeé”, José ã niijátjidih náhninit, ãí h bácahji jʉmi paihdihbʉt ĩt ʉb bejep wʉt jĩ. Pánihna, ĩ jʉmʉpji Sucotmant israelwã ĩ bac bejechah, Dios queétdih waóhna, mah põh quiít panihnijĩh ãt waáwáp wʉt jĩ.

2

Caán mah põh quiít panihniboó queétdih ã waáwáchah, caán nʉmp israelwã ĩt bejep wʉt jĩ. Yeó jáap yeh iigcán, chei queétdih ãt tʉ́i yeh iiguíp wʉt jĩ. Pánih yeh iigná, yeó jáap pah queétdih ãt baabáp wʉt jĩ. Pánihna, yeó jáap, cheibʉt bejna, dedé choocánjeh ĩt bejep wʉt jĩ.

Dios queétdih bʉ́dí ãt tʉ́i teo wáacap wʉt jĩ. Pánihna, cheiboó Dios ã yeh iigátjĩh waóh bejna, yeó jáapboó mah põh quiít panihnijĩh queétdih ãt waóh bejep wʉt jĩ.

3

Mʉj Mac Dʉʉnidih israelwã ĩ chʉ́ʉhat Éxodo 14-15 Faraón israelwãdih caanjéh bacani yʉhna, ĩ bejat doonádih joinít, waícanjeh ã jenah joyátdih jwʉ́ʉb tʉ́ʉt nʉʉmnít, “Queét weemdíh ĩt jwei béj tagaá. Det jwiítdih teo wʉ̃hnit ĩ wihcan caá”, niíj jenah joinít, queétdih ñʉʉn béjat ãt jenah joyóp wʉt jĩ. Diosboó caandíh páant ã jenah joyát tʉ́ʉtʉchah, ñʉʉn béjat tʉ́ʉt niijná, ãí h soldadowã ãt ámohat tʉ́ʉtʉp wʉt jĩ.

Pánihna, faraón, nihat ãí h soldadowãdih míic wáacnit, israelwãdih ĩt ñʉʉn béjep wʉt jĩ. Queétdih Egiptodih moón ĩ ñʉʉ́n péenachah enna, israelwã bʉ́dí ĩt ʉ́ʉmʉp wʉt jĩ. ‘‘Moisés, Egiptoboó tʉ́inijeh jwĩ teo jʉmʉchah, ma jʉibí ʉb jʉ̃ʉ́wʉ́p be.

4

Pánihna, ninboojéh jwiítdih ĩ mao beedánachah, míih jíib ã jʉmbipna caá. ¡Jwĩ jʉ̃óhcah nihna, chah ãta tʉ́i tagaá!”, ĩt niíj jʉ̃ihñʉp wʉt jĩ. Páant ĩ niijíchah yʉhna, Dios ã wʉtatdih jepahna, Moisés cãá cwãboodíh ãt joyáh bojop wʉt jĩ. Pánihna, Egiptodih moón ĩ péenachah, Diosdih jepahna, ã wʉtat pah, Mʉj Mac Dʉʉnidih Moisés ãí h íoh cajat nahjĩh ãt jʉ́ʉt chʉ́ʉha bojop wʉt jĩ. Páant ã jʉ́ʉt chʉ́ʉha bojochahjeh, Diosboó Mʉj Mac Dʉʉnidih ãt dʉ́ʉc chʉ́ʉh bejat tʉ́ʉtʉp

wʉt jĩ. Páant ã chãjachah, queét israelwã tʉ́i dʉʉjní namádih ĩt chʉ́ʉh bejep wʉt jĩ. Dios ã teo wáacatjĩh caán namádih nihat ĩt tʉ́i chʉ́ʉh beedép wʉt jĩ.

5

Páant ĩ chʉ́ʉh bejechah, Faraóíh soldadowã caán namádihjeh mʉntih queétdih ĩt ñʉʉ́n chʉ́ʉh bejep wʉt yʉh jĩ. Obohjeétih, queét caan mʉ́j tac yoób ĩ bʉʉg lájachah pohba, Dios caan mʉ́jdih ã jwʉ́ʉb dʉʉ́j nooját tʉ́ʉtʉchah, nihat ĩt chĩíc wʉn beedép wʉt jĩ. Páant Dios ã chãjachah ennit, nihat israelwã Diosdih, Moisésdihbʉt wẽi naóhnit, bʉ́dí ĩt wẽi ewep wʉt jĩ. Dios bʉ́dí

6

ã wẽpatdih nihat israelwã ennit, “Caán Dios yoobát tigaá”, ĩt niíj jenah joyóp wʉt jĩ. Páant queétdih ã teo wáacachah, ãí h cãá cwãdih, Egipto baácdih moondíhbʉt ã wẽpatdih ãt jʉ́ʉtʉp wʉt jĩ. Jwiítbʉt ã naáwátdih enna, ded pah ã teo wáacatjidih jéihnit, caandíh jepahat ã náahna caá. ́ cwãdih ã teo wáacna Bʉʉbʉt páantjeh biíc yoobó cãa caá.

Mara wʉ̃t jʉmni íim Éxodo 15.22-27 Egiptomant bacnitji, Mʉj Mac Dʉʉnidih ĩ chʉ́ʉhat tʉ́ttimah, Sur wʉ̃t jʉmni máa wihcapna ĩt jʉibínap wʉt jĩ. Caánboó biíc peihcanni yeó jáap pohba bejna, babhbat pínah mahdih ĩt bid jʉicáp wʉt jĩ. Pánih bid jʉicán, páantjeh bejnit, biíc íimdih ĩt dei jʉibínap wʉt jĩ. Caán íimdih enna, bʉ́dí wẽinit, “Bʉʉ mahdih jwĩ babhbipna caá”, niíj jenah joinít, ĩt babhbap wʉt yʉh jĩ. Obohjeéhtih, caán mah yeejép óoni, manyi mac pah, ãt jʉmʉp

7

wʉt jĩ. Pánih jéih babhcan, caán íimdih “Mara”, ĩt niíj wʉ̃t bʉ́ʉdhdʉp wʉt jĩ. Pánih jéih babhcan, Moisésdih bʉ́dí ĩt jʉ̃ihñʉ́p wʉt jĩ. Páant ĩ jʉ̃ihñʉchah joinít, Moisés Dios ã teo wáacatdih bidna, ãt ʉʉ́bʉ́p wʉt jĩ. Páant ã ʉʉ́bʉ́chah joinít, Dios Moisésdih máa cãć adih ãt jʉ́ʉtʉp wʉt jĩ. Pánih jʉ́ʉtnit, “Caán cãć adih ʉbnit, íimboó ma yoh báahanaá”, Dios caandíh ãt niijíp wʉt jĩ. Páant ã yoh báahanachahjeh, caan máh óocanni, tʉ́ini ã jʉmʉchah, nihat ĩt tʉ́i babhbap wʉt jĩ. Pánihna, Mara íimmant bejnit, Elim wʉ̃t jʉmʉpna ĩt chãó jʉibínap wʉt jĩ. Caánboó doce mah noj bácat íitna, setenta joyop nahna pah jígohnitbʉt ĩt jʉmʉp wʉt jĩ. Pánihna, caánboó tʉ́ini ã jʉmʉchah, maatápdih ĩt jʉmʉp wʉt jĩ.

8

Maná wʉ̃t jʉmni, wʉpwãdihbʉt Dios ã wahat Éxodo 16 Elimboó jʉmnitji, Sinaí jee pébh máa wihcap Sin wʉ̃t jʉmʉpboó ĩt jʉibínap wʉt jĩ. Caánboó jʉmna, cãá cwã nʉgʉ́p wʉn íijna, Moisés, Aaróndihbʉt ĩt jwʉ́ʉb yéej wéhenap wʉt jĩ. “Yeéb jwiítdih nin jeémát wihcapboó nʉgʉ́pjĩhjeh jwĩ wʉn beedát pínah niijná, ñit nʉmah jʉ̃óh tagaá. Egiptoboó nihat jeémátna ã jʉmʉchah, caánboojéh jwĩ chãwáchah, chah ãta tʉ́i tagaá”, ĩt niijíp wʉt jĩ.

9

Queét israelwã Moiséswãdih ĩ yéej wéhena yʉhna, Diosboodíh yéej wéhena ĩt chãjap wʉt jĩ. Páant ĩ yéej wéheatdih Dios ãt joyóp wʉt jĩ. Pánihna, Dios ã jeémát wʉ̃hat pínahdih Moiséswãdih ãt naáwáp wʉt jĩ. Páant Dios ã naáwátdih Moisés ãí h cãá cwãdih nin pah ãt niíj naóh yapanap wʉt jĩ: —Dios nin pah yeebdíh ã niijná caá: “Ñi jeémát pínah niijná, wã wahni mah waaat pah ã yʉ́ʉgbipna caá. Pánihna, cheibitjeh jʉmat pah wã wahnidih wao jáa, caanjĩh́ pan chãjnit, ñi jeémpbipna caá. Cheyeh jʉmat pah wʉpwãdih wã wahachah, caán déepdih ñi jeémp tʉ̃́obipna caá”, Dios ã niijná caá, Moisés ãt niijíp wʉt jĩ. Páant ã niiját pah, caan chéyeh dawá yoobát pohba johlit ã ʉb joh jʉ̃ʉ́wʉ́chah, ã wahnit

10

wʉpwã israelwã ĩ jʉmʉpna ĩt jiíj jéenep wʉt jĩ. Páant ĩ jiíj jéenechah ennit, queét déep bid jʉ̃ihnitboó dawá yoobát wʉpwãdih ĩt mao pʉʉ́b jeémép wʉt jĩ. Pánihna, cheibitjeh jáa, manádih ʉbnit, pan ĩt chãj jeémép wʉt jĩ. Dios biíc yeó jáap ĩ jeémát pínahdihjeh ã wahnidih ãt wawat tʉ́ʉtʉp wʉt yʉh jĩ. Obohjeéhtih, biquína Diosdih yap yohna, bʉ́dí pohba ĩt ʉb yapanap wʉt jĩ. ‘Cheibit biíh ã wihcan niít’ niíj jenah joinít, bʉ́dí ʉb yapanitji, cheibit ĩ en jáanachah, coyíwã dawá yoobát ĩ ʉb yacni wáamdih ĩt jʉmʉp wʉt jĩ. Páant ĩ chãjat pínahdih Dios queétdih ãt wʉtcap wʉt jĩ. Queét israelwã Dios ã wʉ̃hni jeémátdih “maná”, ĩt niíj wʉ̃t jwejep wʉt jĩ. Caán manádih cuarenta jópchi pohba Dios queétdih ãt wahap wʉt jĩ. Pʉ́ʉ́ ĩ jʉmni pínah baácna ĩ jʉibínachahjeh, queétdih ãt wʉ̃h cádahap wʉt jĩ. Ĩ jʉmni pínah baácboó waadná bʉca, caán baácdih bóo jeémátdihjeh ĩt yoób bid jeémép wʉt jĩ, bʉca.

11

Jee dáhmant mah ã bacat Éxodo 17.1-15 Tʉ́ttimah, queét israelwã Sin wʉ̃t jʉmni máa wihcapboó jʉmnitji, Dios queétdih ã wʉtat pah chaíhjeh ĩt bejep wʉt jĩ. Pánih bejnit, Refidim wʉ̃t jʉmʉpboó ĩt jʉibínap wʉt jĩ. Caanjĩh́ mah wihcah, Moiséswãdih nin pah ĩt jwʉ́ʉb niíj jʉ̃ihñʉp wʉt jĩ: “¿Dépanih chãjat tʉ́ʉt tigaá, jwiít Egiptoboó jwĩ tʉ́i jʉmʉchah yʉhna, jwiítdih ma ʉb jʉ̃óh? Ninboó dedé bid jeémát wihcapdih nʉmah jʉ̃óhnit, jwiítdih mao beedáát tʉ́ʉt niijná, ñit nʉmah jʉ̃ʉ́wʉ́p taga.

12

Jwiítdih dedé babhbat pínah mahbʉt ã wihcan caá. ¿Dedé tigaá jwĩ weh ĩ taca jotóchah, mah jwĩ wʉ̃hbi? Egipto baácboó tʉ́ini jʉmnit, caánboó jwĩ chãwáchah, chah ãta tʉ́i taga”, ĩt niíj jʉ̃ihñʉp wʉt jĩ. Páant ĩ niijíchah joinít, nin pah Moisés Diosdih ãt niíj ʉʉ́bʉ́p wʉt jĩ: —¡Maá! ¿Ded pah tigaá nitdih jwĩ chãjbi? Jwiítdih jee dáhnajĩh yohnit, mawat tʉ́ʉt caá ĩ chãjap, ãt niijíp wʉt jĩ. Páant ã niijíchah joinít, nin pah Dios caandíh ãt niíj jepahap wʉt jĩ. —Meém israelwãdih waóhnit poómpdih nʉmah bej, queét nihat ĩ enechah, míih íoh cajat nahjĩh Horebboó jʉmni jee dáhdih ma mao ́ anaá. Páant ma chãjachah, caán jee dáhmant jãh mah bac jʉ̃óhnidih ĩ babhba naáh, ãt niijíp wʉt jĩ.

13

Dios Moisésdih ã niiját pah, caán jee dáhdih ã ́ anachah, ĩ babhbat pínah mah ãt nooj mao jãh bác jʉ̃ʉ́wʉ́p wʉt jĩ.

Pánihna, queét nihat israelwã ĩt tʉ́i babhbap wʉt jĩ. Dios queétdih bʉ́dí ãt teo wáacap wʉt jĩ. Ã́ih cãá cwã caandíh yeejép ĩ wéhenachah yʉhna, queétdih ã oyat jʉ́ʉtna, ãpĩ ́ teo wáacap wʉt jĩ. Páant ã chãjatboó “Masá”, Moisés ãt niíj wʉ̃t jwejep wʉt jĩ. Caánboó ĩ jʉm láa, Amalec jʉimená israelwãdih míic mawadih ĩt jʉyʉ́p wʉt jĩ. Páant queét pebh ĩ jʉyʉ́chah ennit, Moisés Josuédih míic maonit pínahdih ãt ñíwat tʉ́ʉtʉp wʉt jĩ. Páant ã ñíonit biícdih,

14

Amalec jʉimenádih míic mawadih Josué ãt nʉmah waóh bejep wʉt jĩ. Páant ĩ míic mawat pónih Moisésboó jeé poómpna pʉ́ʉh laab béjnit, ã bíbohni íoh cajat nahjĩh chénat pah mʉj nahjĩh ãt jʉ́ʉt ñahanap wʉt jĩ. Páant ã jʉ́ʉt ñahanachah, israelwã ĩt wẽp míic mawap wʉt jĩ. Obohjeéhtih, ãí h mʉj nah wẽejná, chibít ã wái jéenanachah, queétdih

15

eníhcannitboó ĩt wẽp míic mawap wʉt jĩ. Pánihna, Moisés chʉʉnít, jee dáhjih ã jʉibí chʉ́ʉdʉchah, ãí h mʉj nahnadih chénewã ĩt wái ñaha wẽp tewep wʉt jĩ. Ã ʉ́ʉd jeñé Aarón, Hurjĩh biíc wáyámant bóo bʉwámat, biíh jéihyepmant bóo bʉwámant Moiséíh mʉj nahnadih ĩt wái ñaha tewep wʉt jĩ. Páant ĩ chãjachah, queétdih eníhcannitdih israelwãboó ĩt míic mao yap yohop wʉt jĩ. Dawá yoobát queétdih eníhcannitdih Dios ã teo wáacatjĩh ĩt míic mao yap yohop wʉt jĩ. Caán ã teo wáaccah nihna, ĩta bʉʉjájican tagaá. Jwiítdihbʉt dedé yeejép tobohat ã jʉmʉchah, Dios jwiítdih wapnit, ãpĩ ́ teo wáacna caá. Dios israelwãdih ã teo wáacatji pah, jwiítdihbʉt ã teo wáacbipna caá.

Moisés jóon Jetro enedih ã jʉyát Éxodo 18 Israelwãdih Dios ã wẽpatjĩh Egiptoboó maáh Faraón ã bíbohnitdih ã ʉb bacaatji doonádih Moisés jóon Jetro, Madián

16

baácmant jʉmna, ãt joyóp wʉt jĩ. Caán doonádih joinít, ã jíi Moisés pebhna caandíh enedih ãt bejep wʉt jĩ. Moisés áa Séfora, ĩ weh Guersón, Eliezerdihbʉt ĩ nʉo ãt nʉmah bejep wʉt jĩ. Pánihna, Jetro ã nʉʉ́m, ã jʉimená biícdih ĩ jʉibínachah, queétdih Moisés ãt jwãááp wʉt jĩ. Pánih jwãáhnit, queétdih ãt nʉmah jeémép wʉt jĩ. Pánih nʉmah jeémpnit, Dios Egiptodih moondíh ded pah ã chãjatjidih, ded pah Mʉj Mac Dʉʉnidih queét israelwã ĩ chʉ́ʉhatjidih, nihat queétdih ded pah Dios ã teo wáacatjidihbʉt ãt tʉ́i naóh beedánap wʉt jĩ. Páant ã niijíchah joinít, Jetroboó Diosdih bʉ́dí wẽinit, “Ñi Maáh Dios wẽpni yoobát ã jʉmna caá”, ãt niijíp wʉt jĩ. Tʉ́ttimah, Jetro ã jíijeéh ã jʉm láa, israelwã ́ ded pah Moisésdih ĩ chãjachah ennit, ãt jĩgah ́ enep wʉt jĩ. Pánih jĩgah ennit, ã jíidih nin pah ãt niijíp wʉt jĩ: —Meém cheibitjeh chʉ́ʉdni, pʉ́ʉ́ cheyehna, ma chʉ́ʉdat ã tʉ́ican caá. Cãá cwãbʉt nihat yeó jáap, meemdíh ded pah ĩ chãjat pínahdih ʉʉ́bh

17

joí enat tʉ́ʉt niijná, ĩ pãí ñʉh tãá h bejna caá. Pánihna, chah tʉ́ina, meemdíh teo wáacnit pínahdih ma waadánaá. Queét ĩ jéihcan naáhdih ma pebhna jʉinít, ĩ naáwáchah, meémboó ma jéih teo wáacbipna caá. Obohjeéhtih, meém biícjeh maáh jʉmna, queét páant moón dawádih ma teo wáacachah, meemdíh bʉ́dí bʉoni pohba ã jʉmna caá. Meemdíhbʉt chooát ã náahna caá, Jetro Moisésdih ãt niijíp wʉt jĩ. Páant ã niiját Moisésdih bʉ́dí ãt teo wáacap wʉt jĩ. Jetroboó Madián baácdih bóo sacerdote wʉt jĩ. Pánihna, Jetro ã niiját oboh ãt nihcap wʉt jĩ. Dios Jetrodih páant ã niiját pínahdih ãt jenah joyát tʉ́ʉtji tagaá. “Jetro weemdíh ã niiját yoobópdih caá”, niíj jenah joinít, Jetro ã niiját pah, queétdih naóh teo wáacnit pínahdih ñíonit, maáta ãt waadánap wʉt jĩ. Moisés ã waadánit maáta ĩ jéih chãjcah, Moiséíh mʉʉnájeh ʉʉ́bh joyódih ĩpĩ ́ jʉibínap wʉt jĩ. Páant bólihna Moisés ãt yoób choonáp wʉt jĩ, bʉca. Jetro ã niiját pínah jãt́ ih Moisés moh yéejna, dedé ãt noón choocáp wʉt jĩ.

18

Pánihna, Jetro ã jíijeéh maatápbitdih jʉmniji ãí h baácna ãt jwʉ́ʉb bejep wʉt jĩ. Jetro Moisésdih enedih ã bejcah nihna, páantjeh queétdih naóh teo wáacat tʉ́ʉt niijná, caán ãta chʉ́ʉd tãá h bej tagaá. Jwiítdih biíc yoobó caá. Ded naóh teo wáacni ã wihcah, jwĩ jéih bʉʉjácan caá. Biíh ã tʉ́i naóh teo wáacachah joinít, yoobópdih jwĩ jéihna caá.

Dios diez ã wʉtatna Éxodo 20.1-17

Diosjeh Moisésdih naóhna, queét israelwã ded pah ĩ chãjat pínahdih ĩ jéihyat pínah niijná, nin pah ãt niíj wʉtʉp wʉt jĩ:

19

1) “Weém ñi Maáh Dios yoobát wã jʉmna caá. Yeebdíh Egipto baácmant ʉb bacani caá. 2) Pánihna, cãá cwãjeh ĩ pãpninadih ‘Nin jwiítdih teo wáacni caá’, yeébboó ñi niíj wẽica bojoó. Páant ĩ pãpninadih wẽina, weémboodíh ñi joyáh bojbipna caá. 3) Wã wʉ̃tdih ñi tíoh niijcá bojoó. Jenah joicánjeh ñi niiját jíib yeebdíh wã peéh chãjbipna caá. 4) Chooát yeó jáapdih dedé teocanjeh, ñi choo bójoó. Seis yeó jáapna ñi tewat pínah ã jʉmbipna caá. Weémboó seis yeó jáap nin baácdih chãjna, wã tewep jĩ. Pánihna, tʉ́ttimah bóo yeó jáapdih wã teo cádahap jĩ. Pánihna, yeébboó caán choóát yeó jáap wã jwejatjidih tʉ́i náhninit, wã wʉtatdih jepahat caá náahap. 5) Ñi mánadih bʉ́dí oinit, ñi tʉ́i jepahaá. Pánih chãjna, maatápdih nin baácboó ñi jʉmbipna caá. 6) Cãá cdih ma mao yohca bojoó. 7) Ñi áa nihcannitjĩh ñi jʉmca bojoó. 8) Ñi nʉʉmcá bojoó.

20

9) Biíhdih obohjeh ñi yee naóhca bojoó. 10) Biíh dedé ã bíbohatdih ñi en ñinahca bojoó”, Dios ãt niíj wʉtʉp wʉt jĩ. Páant ã niíj wʉtatnadih bʉʉ láa jwiítdihbʉt ã chʉ̃ʉ́hna caá. Pánihna, jon jãt́ ih israelwãdih ã wʉtatjĩh jwiít israelwã nihcannitdihbʉt ã chʉ̃ʉ́hna caá. Dios jwiítdih ã wʉtatjidih jwĩ quíib bʉʉdcá bojat dée caá.

Israelwã Diosdih bʉ́dí ĩ ʉ́ʉm jenah joyát Éxodo 20.18-26; Éxodo 25 — 31 Pánihna, caán wʉtatnadih israelwãdih naáwát tʉ́ʉt niijná, Sinaí jeejíboó Dios ã dei jʉyʉ́chah, bʉ́dí iigát ãt jʉmʉp wʉt jĩ. Páant ã wéhenachah, bʉ́dí énoh ã yáaatdih joinít, bʉ́dí wedoátdihbʉt ĩt enep wʉt jĩ. Pánihna, nihat israelwã bʉ́dí yoobát ĩt ʉ́ʉmʉp wʉt jĩ. Caanjéh ãí h cãá cwãdih ã naáwáchah, ĩ jepahat pínahdih ãt náah yacap wʉt jĩ. Pánihna, Dios caán jeejídih ã dei jʉinít, nihat Israelwãdih jeé pʉ́ʉjdih ãt

21

jʉibíat tʉ́ʉtcap wʉt jĩ. Caán jeé pʉ́ʉj pebh ĩ tóah jʉibícat pínah niijná, Moisésdih ãt bóod wái bojat tʉ́ʉtʉp wʉt jĩ. Queét cãá cwã quei jʉ́mnit pah ĩ jʉmat jíib, Dios quei wíhcanni pah ã jʉmʉchah, ã jʉmni jee pébhna ĩ jʉibína nihna, ĩta wʉnah bej tagaá. Pánihna, Dios ã naáwáchah joinít, bʉ́dí ʉ́ʉmna, nihat cãá cwã Moisésdihjeh ã jwʉ́ʉb naóh yapaatdih ĩt náahap wʉt jĩ. Pánihat tʉ́ttimah, Dios Moisésdih caán jeejína ãt pʉ́ʉh laab béjat tʉ́ʉtʉp wʉt jĩ. Caánboó ã jʉmat pónih, caán diéz ã wʉtatnadih chéne jeé naanádih Diosjeh ãt daacáp wʉt jĩ. Pánih daácnit, ãí h mʉʉ́ pínah ded pah ĩ chãjat pínahdihbʉt Moisésdih ãt naáwáp wʉt jĩ.

22

Momo jiwi wʉ̃ʉ́h panihni orojĩh ĩ pãpat Éxodo 32 Moisés Sinaí jeejíboó cuarenta yeó jáap Dios biícdih ã míic wéheat pónih, israelwã caandíh ĩt bidip wʉt jĩ. Pánihna, Moisésdih pãí chʉʉnít, “¿Ded pah tigaá ãt bej pánih jígohcan? Bʉʉ jwiítdih waóhni ã wihcah, ¿déhe tigaá, jwiítdih ã jwʉ́ʉb waóhbi?” ĩt míic niijíp wʉt jĩ. Páant niijnít, Aaróndih míic wéhenadih ĩt bejep wʉt jĩ. —Moisés jwiítdih Egiptomant ʉb jʉ̃óhniji, ¿ded pah tigaá ãt bej? ¡Aarón, meém jwiítdih waóhni pínahdih ma pãp wʉ̃hʉʉ́! ĩt niijíp wʉt jĩ. ́ moli yaáyát —Caán láa bácah nihat yaádh ĩih oronadih ñi ʉb jʉ̃ʉ́wʉ́. Caán orojĩh yeebdíh wã pãp wʉ̃hbipna caá. Páant wã chãj wʉ̃hniboó wã ʉ́ʉd yeebdíh ã waáwátji pah ã waóhbipna caá, Aarón queétdih ãt niíj jepahap wʉt jĩ.

23

Pánihna, Aarón ã niiját pah, nihat ĩ bíbohni oronadih ʉbnit, caandíh ĩt wʉ̃hʉp wʉt jĩ. Caán orojĩh momo jiwi wʉ̃ʉ́h pah jígohni queétdih ãt pãp wʉ̃hʉp wʉt jĩ.

Páant ĩ chãjat pónih, Dios Moisésdih míic wéhenit, nihat ã wʉtatnadih naóhna, ãt chãjap wʉt jĩ. Pánih naóhnajeh tih, —Míih cãá cwã Egiptomant ma ʉb jʉ̃óhnit, yeejép chãjna caá ĩ chãjap. Páant ĩ chãjat jíib queétdih bʉ́dí íijnit, wã yoh beedábipna caá, Dios Moisésdih ãt niijíp wʉt jĩ. —Meém, Abraham, Isaac, Jacobdihbʉt ‘Dawá ma jʉimená, nin baácdih ĩ jʉmbipna caá’ ¿ma niijátjidih ma náhnican niít? Páant ma naóh

24

jwejatjidih náhninit, queétdih ma mao yohca bojoó, Moisés Diosdih ãt niíj jepahap wʉt jĩ. Dios caandíh ã naóh péanachah, Sinaí jeemánt Moisés ãt jwʉ́ʉb dei bejep wʉt jĩ. Pánih dei bejna, israelwã Aarón ã pãp wʉ̃hnidih wẽina,

bʉ́dí ĩ ñaáp ewechah, ãt enep wʉt jĩ. Páant ĩ chãjatdih bʉ́dí en íijnit, Dios ã daác wʉ̃hni naanádih Moisés ãt bʉ́ʉh yoh bojop wʉt jĩ. Pánih bʉ́ʉh yohnit, ĩ pebhna dei jʉibína, Aaróndih nin pat ãt niíj jʉ̃ihñʉp wʉt jĩ: —¿Dépanih tibeé, queétdih nindih ma pãp wʉ̃h? ãt niijíp wʉt jĩ.

25

—Weém oronadih wã ʉbat tʉ́ʉtnidih wã cáwachah, nin ã bac jʉ̃ʉ́wʉ́p be, Aarón Moisésdih ãt niíj yee naáwáp wʉt jĩ. Dée moón caán pãpnidih jenah joí waóhnitdih Moisés Leví jʉimenádih ãt mao yohat tʉ́ʉtʉp wʉt jĩ. Pánihna, Leví jʉimená caán yeó jáapdih tres mil israelwãdih ĩt mao yohop wʉt jĩ. Moisés ã niiját pah chãjna, Dios ã wʉtatdih jepahna ĩt chãjap wʉt jĩ. Páant ĩ mao yoh péanachah, “Sinaí jeejína jwʉ́ʉb pʉ́ʉh laab béjnit, Diosjeéh wã jwʉ́ʉb wéhebipna caá. Caánboó ñi yéejatdih ã yoh beedá dée caá”, niijnít Moisés ãt jwʉ́ʉb pʉ́ʉh laab béjep wʉt jĩ, páant mʉntih. Caanná jʉibínit, ãí h cãá cwã ĩ yéejat

26

jíib, Dios ã peéh mao beedácat pínah niijná, Moisés caandíh bʉ́dí ãt ʉʉ́bʉ́p wʉt jĩ. Páant míic ã báadhni yeó jáapdih Moisés ãpĩ ́ chãjap wʉt jĩ. Jwiítbʉt ded pah Moisés ã ʉʉ́bátjidih náhninit, ́ biíc yoobó bitadih jĩgah ennit, Dios queétdih ã teo wáacat pínah niijná, caandíh ʉʉ́bát caá náahap. Páant jwĩ ʉʉ́bʉ́chah, Diosboó ã jepahbipna caá.