Ngina kere nejai angobel kon, aswam kon, amina kon, ngina nes njara iriamakinotor ijo ka Kristo kaginiparit. Akidingot naka akiro nuka akwap kana nes ebeitor ooni aitalaunun ejautene wok, aijaanakin Lok’Asuban K’itunga da kere. Odwee ki’ adwee ka, esubitos akuj k’akwap bala iriamas kangina elwana, Konye ne cut obe iriamatar kesi, nes otauon kus toma apak na italaunianata yesi aijar kus nakanginparan. Loka Agaion Josemaría Escrivá, Aiduma: Amina Akwap ketau kere,8 Okitoba 1967. Aurono Loagaion Josemaria Escriva 9 Januari, 1902 o Barbastro, Spain. Adumuni ngesi orodini, araun esaserodoti o Saragossa, 28 Maci, 1925. Kiitacaikinitos aomisio kalok’Asuban, obu ngesi kapwaku Opus Dei, eraas 2 Okitoba, 1928. Atwani ngesi kotwana atwanare naka atipet agola kana eswamanana o Roma 26 Juni, 1975 nape kedau anasukin kamina naepol noi aputo naka Toto Maria. Apakio ngun isiarakina do Opus Dei akwap kere, ido kojaasi da k’imeeban lu adeparate 60,000, lu alomunitos akwapin 80; lu da ejaanakinete Akeresia k’etau adiope kimorikikina nepepe k’Ipaapa, ka Ipisikopin, kwape eswamanana Loagaion Josemaria. Abu Lokalaunan Ipaapa Yowana Paulo II, kikeik apwakunan Opus Dei adoketait naka lukagaiok 6 Okitoba 2002. Iyitununio aparit ke 26 Juni. Eperi ates kaloagaion Josemaría k’Akeresia naka Ajakait Naka Aipuc, Viale Bruno Buozzi 75, Roma. Acie nuikamunitos Loagaion Josemaria Escriva idumakini: www.opusdei.or.ke ka www.josemariaescriva.info Ngul lu edumunete nu ilepete kesi kitoritos nejai Loagaion Josemaría Escrivá kes ilipitai aitijenikin Opus Dei Prelature, Office for Cases of the Saints, P.O.Box 19884 00100 GPO, Nairobi, Kenya. Ecamakinit akelesia.
